رواية تغيرت حياتي يوم زفافي الفصل الثالث عشر والرابع عشر والخامس عشر والسادس عشر للكاتبة فاطمة الالفي
رواية تغيرت حياتي يوم زفافي الفصل الثالث عشر والرابع عشر والخامس عشر والسادس عشر للكاتبة فاطمة الالفي
تغيرت حياتي يوم زفافي
الفصل من ١٣ الي ١٤
للكاتبة فاطمة الالفي
#الفصل_١٣
الفصل الثالث عشر
احست بقلق بعد حديث ملك معها
علا بتوتر: لا مش زى ماانتى فاكرة
ملك: بتكلمى مين يا علا راجل تانى غير جوزك تعرفى حد تانى وازى تسمحى لنفسك بكدة دى اسمها خيانة يابنت عمى
علا بدموع: لا والله مش زى ماانتى فاكرة دة واحد اتعرفت علية على النت ونتكلم ماسنجر بس مش اكتر ولسة متكلمين فون من أسبوعين بس مش اكتر ومافيش حاجة غلط انا بس كنت حاسة بملل وفراع واتعرفت علية حتى ولا شوفتة ولا شافنى بس غصب عنى قربت لية وحتى هو طلب يقابلنى لكن رفضت والله وهو بيقولى بحبك
ملك بصدمة: بس كفايا حرام عليكى انتى متجوزة وعندك ولد وجوزك بيحبك مش يستاهل منك كدة واللى بتعملية غلط فى حقك وحق جوزك وحق ابنك ياهانم انا مش مصدقة انتى تعملى كدة حرام عليكى انتى مجنونة ولا اية ازى تخونى جوزك وثقتة فيكى وتعرفى راجل غيرة دة يبق اية غير خيانة مش بس الخيانة خيانة سرير لا دى نظرة خيانة تفكير فى شخص تانى غير جوزك يبق خيانة لو علاقتك عادية كانت هتبق فى النور قدام الناس غير كدة خيانة كنتى هتعرفى جوزك انك تعرفى راجل تانى انتى كدة بتدمرى بيتك وحياتك يا متخلفة دة واحد وسخ شافك رخيصة عاوز يقضى معاكى وقت وبيرسم عليكى بالحب والكلام التافة عاوز واحدة ساهلة حاسة بفراغ وهو بق ملى الفراغ دة مش كدة فوقى لنفسك وخلى بالك من ابنك وجوزك إللى بيضحى بحياتة عشانك وعشان غيرك دة بيخرج وبيقدم حياتة فدا وطنة حرام عليك إللى بتعملية أكبر غلط وكبيرة من الكبائر فوقى واستغفرى ربك وتوبى عن ذنبك والغى حساب الفيس وارمى شريحة الموبيل وفكرى فى جوزك مش بالخيانة هتملى فراغك يا علا مش جوزك دة إللى من اختيارك وعارفة هو بيشتغل اية تقدر ى تقولى لو حياتك ادمرت الشخص دة هيتجوزك اكيد لا عشان شايفك سايبة بيتك وابنك وجوزك وبتكلمية مش هيتجوزك عشان انتى نزوة ورخيصة بايعة حياتك وبيتك عشان مجرد وقت وتسلية استغفرى وارجعى عن إللى فى دماغك قربى من جوزك وابنك قربى من ربنا بدل ماتبعدى فى حاجات كتير تشغلى وقتك غير أنك تدخلى فى علاقة حرام يا علا
علا بدموع: عندك حق انا غلط إللى بعملة فى نفسى وخالد مش يستاهل منى كدة
ملك: انا معاكى مش هسيبك بس ارمى حمولك على ربنا وتوبى واستغفرى وربنا مش هيسيبك ابدا .
********
بعد انتهاء مكالمة عمها تسحبت على اطراف اصابعها وامسكت الشوز بيدها وخرجت من الغرفة تنسحب خوفا من ان يراها زوجها .
كان يتابع تحركاتها في صمت وعلى ثغره ابتسامة ويسير خلفها بدون ان تعلم .
خرجت من الشالية وتوجهت إلى البحر وارتدت الشوز وظلت تنظر إلى جمال البحر وروعة المياة
والهواء يداعب خصلات شعرها الاشقر وفجأة رن هاتفها:
رانسى بابتسامة: الو
جاءها الرد على الجانب الاخر
يحيى: يا الو يارينسو واحشانى اوى اوى
رانسى بفرحة: وانت واحشنى اوى اوى عامل اية مش ناوى اشوفك بقى
يحيى: اكيد طبعا هتشوفينى قريب بس مش هقولك امتة خليها مفاجأة
رانسى: بجد ياريت عشان بجد محتجالك
يحيى: مبروك على الجواز يارينسو بس عرفت العريس اياد هو مش كان عمرو ههههه اية التطور دة
رانسى: هههههه لم اشوفك بقى هحكيلك كل حاجة جوازى دة موضوع كبير عاوزة قعدة بقى ياحبيبى
يحيى: هههه ماشى اول لم انزل لازم هشوفك خلى بالك من نفسك
رانسى: اوكية منتظراك سلملى على كل إللى عندك
يحيى: يوصل ياحببتى مش عايزة منى حاجة
رانسى: سلامتك ياحبيبى مع السلامة.
اياد بغضب وصوت عالى: بتكلمى مين يا رانسى
رانسى بخضة: اياد
اياد بعصبية: ايوة زفت المغفل إللى بتستغفلية وبتكلمى غيرة مين دى حبيبك يا هانم يعنى مش عمرو وبس واضح ان فى غيرة بقى
رانسى: انت بتقول اية
اياد بانفعال: قومى معايا قومى
امسك يدها بغضب وسحبها خلفة توجه إلى الشالية وصعد إلى غرفتة واغلق الباب ووضعها بالفراش:
رانسى بعصبية: سيب ايدى وجعتنى وساحبنى وراك كدة لية شايفنى بقرة ولا اية
اياد بانفعال شديد تركها على الفراش
انتى اية مش بتحسى بية صابر عليكى وساكت بقالى كتير وقول معلش اصبر عليها شويا لكن انتى ليا انا وبس انتى ملكى فاهمة مش من حقك تكلمى حد ولا تعرفى حد غيرى انا صبرت عليكى عمرى كلة لكن لحد هنا وكفايا اوى انتى بتعتى انا وبس
رانسى بخوف: ابعد عنى
اياد قرب عليها وحاول يقبلها بعنف وغضب
الغيرة عمت قلبة قبل عينة
ورانسى تشعر بالخوف من انقضاضة عليها
اياد بغضب: انا تعبت وجبت اخرى معاكى وانتى مراتى وحقى انا وبس فاهمة وهسبت ملكيتك ليا انا وحاول التقرب وهى تحاول الافلات من قبضتة الضخمة المحكمة عليها
رانسى بدموع: ابعد عنى كفايا ارجوك
اياد: مش هبعد يا رانسى انتى مراتى وملكى الخاص
وبدا فى تقيد حركتها والانقضاض عليها مثل الفهد المتوحش الذى يتعطتش إلى فريستة وهى لا حول بها ولا قوة لم تستطيع الفرار من غضبة اغمضت عينها لتتجرع الألم النفسى والجسدى الذى تمكن منها بعد انتهاك حقوقها ومشاعرها فى أبسط حق لديها.
واليوم فقدت كل شئ لم تعد كما كانت تنعم بالحياة أصبحت حطام أنثى
رات وجة آخر لهذا الكائن الذى يسمى زوجها كان فى يوم من الأيام تعتبرة الاخ والسند وكل شئ لديها الان رأت وجه بذئب بشرى متوحش سلب منها اعز ما تملك انصاع إلى غرائزة الحيوانية رات وجة اخر لم تتعود علية.
يحاول اثبات مليكتة لها بهذة الطريقة البشعة فمهم كان هو زوجها ولكن ليس من حقة سلب روحها وشرفها بهذة الطريقة المتوحشة المغتصبة فالزواج والعلاقة الزوجية تكون بالتراضى وليس الغصب والافتراس فهم بشر وليس حيوانات.
تركها تضرع مرارة الموقف
تنزف على برائتها التى نهكت بلا شفقة أو رحمة على يد من . .
*********
ذهب إلى المرحاض فى حالة من التشتت
ظل يخبط بيدة على الحائط لم يدرك فعلته غير بعد أن تأكد من برائتها وطهارتها فقد تخبطت به الأفكار وهى من عصبتة بعنادها وهى السبب فى فعلتة هذا كان يحاول ان يبرء نفسة من فعلتة المشينة فى حق نفسة وحقها لم يصدق انة فعل هذا فى محبوبتة بل معشوقتة التى يعشقها حتى النخاع وانتظرها من الصغر إلى أن تصبح زوجتة والان يفعل بها هذا فهو لن يسامح نفسة على هذا الفعلة فهى طفلتة وغزالتة الصغيرة البرئية كيف يفعل بها.
سمع صوت صراخها القوى الذى هز أرجاء المكان
خرج بسرعة يتفقد حالتها.
وجدها تصرخ بشدة وتتفوه لكلمات بهسترية وتخبط بايديها على راسها بهسترية
تقرب اليها اياد يحاول تهدئتها ... وهى تبتعد وتصرخ بوجه
رانسى بانهيار: بكرهك بكرهكم كلكم بكرهك ابعد عنى بكرهك
اياد بحزن: اسف انا
رانسى بانهيار: انت حيوان اول مرة اشوفك حيوان حيوان بكرهك بكرة عمرو بكرهك بكره امى بكرة جدى بكرهكم كلكم بكرة بابا إللى سبنى وانتو كلكم بدوسو عليا وامى سابتكم تدوسو اكتر على قلبى وكرامتى وتكسرونى انا بكرهكم بكرهكم ابعد عنى انا عاوزة بابا عاوزة بابا اةةةة
ظلت تصرخ بانهيار إلى أن فقدت وعيها.
#الفصل_١٤
الفصل الرابع عشر
حاول ايفاقتها بشتى الطرق ولكن لا تستجيب.
حاول الاتصال بماجد
رد علية بلهفة
ماجد: ايوة يااياد فى اية
اياد بقلق: مش وقتة قولى مين الدكتور إللى هنا فى المشروع
ماجد بقلق: دكتور لية خير
اياد: يوة اخلص مين هنا
ماجد: دكتور ايمن حصل اية طيب
اياد: طب كلمة يجى على الشالية بتاعنا بسرعة فاهم
ماجد بقلق: حاضر حاضر
اغلق الهاتف وحاول أن يساعدها فى ارتداء ملابسها وبدل لها ملابسها
وانتظر قدوم الطبيب ليتفحصها.
مرة من الوقت نصف ساعة إلى أن دق باب الشالية.
توجة اياد بسرعة وفتح له الباب:
اياد: اتفضل يادكتور
ايمن: فين المريضة الف سلامة
اياد: تعالى بسرعة فوق شوفها بقالها فترة فاقدةالوعى ومافيش استجابة
دلف ايمن إلى غرفة رانسى وبدأ فى فحصها .
ايمن: هى ضغطها واطى جدا محتاجة محلول وهتسترد وعيها ان شاء الله ماتقلقش
اياد: طيب يعنى انقلها مستشفى افضل
ايمن: هو الضغط بس لو مش هتعرف تخلى بالك منها ممكن تنقلها المستشفى افضل هتاخد العناية اللازمة وانا ممكن اكلملك المستشفى تبعت عربية إسعاف
اياد بقلق: ايوة ياريت انا عاوز تكون تحت الملاحظة افضل لانها اعصابها كمان تعبانة
ايمن: تمام هتصل دلوقتى
اتصل ايمن بالمشفى وجاءت عربة الإسعاف وتوجهو إلى المشفى
وتم عمل اللازم حتى تسترد صحتها.
ظل اياد جانبها يتابع تحركاتها فهى الان مغيبة عن الواقع لكنها تصارع وتنتفض وتصارع كوابيس الاعتداء عليها وتتغير ملامح وجهها الى الشحوب ويتسارع تنفسها:
وجاء الطبيب المعالج واعطاها مهدا لكى تهدأ
دكتور احمد: حضرتك تقربلها
اياد: انا جوزها
احمد: واضح انها نفسيتها تعبانة شويا وخدت مهدا عشان تنام بس ممكن اعرف اية سبب تعبها عشان اقدر اساعدها
اياد بتوتر: هى شافت حادثة حصلت قدام عنيها وهى خايفة ومتوترة من وقتها بس
احمد بشك: متاكد هى متغيرة عشان حادثة شافتها بس
اياد: ايوة بس
احمد: تمام هى هتفضل معانا لم حالتها تتحسن عن اذنك. .
تحدث الطبيب مع طبيبة نساء وتوليد تفحص حالة رانسى لانة شك فى الأمر:
*************
فى القاهرة
تحدث خالد مع زوجتة واطمن عليها وعلى ابنة وابلغها بحضوره فقد انهى مهمته ولا يستطيع المكوث اكتر من ذلك واخذ اجازة ليقضيها مع زوجتة وابنة الحبيب .
*********
ملك: خلاص روحى دلوقتى واستنى جوزك واعملى عشا رومانسى وانهى أى صفحة قديمة وخليكى مع جوزك وهخلى ماجد يجى وصلك ونروح بقى ماشى واوعى تسيبى نفسك الشيطان عايز يدمر حياتك ماشى صلى واستغفرى وانتى هتتغلبى علية يا علا اوعى تضعفى
علا: حاضر انا هجهز والبس مراون
ملك: بقولك اية خلى مروان يجى معايا ماتشغليش بالك بية وانتى بقى قضى الليلة مع خالد فى رومانسية بقى ماشى
علا: لا ماجد كدة يدايق
ملك: يابت ملكيش دعوة هو هيلعب مع جنا وينامو وخلاص كبرى انتى مالكيش دعوة .
***********
تحدث ماجد للاطمئنان على اياد.
اياد بتوتر: ايوة ياماجد
ماجد: طمنى فى اية رانسى كويسة ولية نقلتها المستشفى انا كلمت ايمن لم انت ماردتش خير طمنى
اياد: هى تعبانة شويا ايمن مش قالك ضغطها واطى بس دى كل الحكاية وانا عايز اطمن عليها
ماجد: بس كدة ولا مخبى عليا حاجة
اياد بعصبية: وهخبى اية يعنى يا ماجد انا اعصابى تعبانة ماشى سلام .
*******
بعد فحص طبيبة النساء تاكدت من شكوك الدكتور المعالج لحالتها.
توجهت الى غرفة دكتور احمد.
دقت الباب واذن لها بالدخول.
احمد: خير يادكتورة منة فحصتى حالة مدام رانسى
منة: ايوة لسة جايا من عندها حالا
احمد: طمنينى
منة: بصراحة يادكتور شكك فى محلة
احمد بصدمة: محاولة اغتصاب صح
منة: هو اعتداء كامل مش مجرد محاولة وباين الاثر على جسمها كمان ومن وقت بسيط يعنى من حاولى 3 او 4 ساعات
احمد بشك: يعنى جوزها عارف ورفض يقول انا شاكك فية من الاول بس ازى حد يغتصب مراتة
منة: هى اول مرة يادكتور يعنى فى أثر فض غشاء البكارة
احمد: معقول دة اكيد انسان مريض إللى يعامل مراتة بالوحشية دى
منة: مش يمكن يا دكتور تكون فعلا اتعرضت لحادثة وهو رافض يقول عشان الشوشرة مثلا
احمد: ممكن بس انا هعرف رد فعلة دلوقتى تعالى معايا.
********
فى غرفة رانسى بالمشفى
كان يجلس جانبها يمسك يدها وفجاة سمع طرق الباب .
اياد: اتفضل
احمد: ممكن دقايق من فضلك يا بشمهندس
اياد: خير رانسى فيها حاجة
احمد: تعالى نتكلم برة وانت هتعرف فى اية
اياد بقلق خرج معهم.
احمد: بشمهندس حالة المدام دكتورة منة كشفت عليها وتبين معاها اغتصاب انا مطر ابلغ دى حادثة وكمان دكتورة منة هتعملها عملية تنضيف للرحم عشان الاغتصاب إللى تعرضت لية ومحتاجين موافقتك لأنك جوزها
اياد بقلق: مافيش عملية هتتعمل ومش عاوز ابلغ انا حر ودى مراتى وجايبها تتعالج وبس غير كدة ماحدش لية يتصرف
احمد: يبق حضرتك إللى عامل كدة فيها بقى
اياد بعصبية: هى مراتى وانت المطلوب منك تعالجها وبس او اخدها وامشى من هنا
منة: خلاص هى محتاجة عناية هنا وتفضل تحت الملاحظة الكدمات هتحتاج وقت وتخف لكن الألم النفسى لازم نطمن عليها اكيد هتحتاج علاج نفسى ومتابعة مع دكتور متخصص.
احمد: واضح مش هى بس إللى محتاجة تتعالج نفسى حضرتك كمان محتاج دكتور نفسى إللى يعمل فى مراتة كدة يبق اكيد مريض
اياد بعصبية: بقولك اية يا دكتور شوف شغلك احسن فاهم
منة: خلاص يادكتور احمد هى لازم تفضل هنا
احمد: انا فى مكتبى لو محتاجة منى حاجة عن اذنكم
*************
فى القاهرة
حضر ماجد واخذ زوجتة وابنتة وعلا وابنها وتم توصيل علا إلى منزلها وتركت لهم ابنة .
ماجد: ملك هى علا نسيت ابنها ولا اية هههه
ملك: لا ياحبيبى مروان هيبت عندنا
ماجد: نعم لية بقى ان شاء الله بقى انا مش بعرف اتلم عليكى من جنا ناقص مروان كمان يا مفترية
ملك: ههههه معلش يا حبيبى دة يوم واحد وبعدين علا وخالد يعنى كان مسافر وكدة
ماجد: طب وانا وكدة اية هههههه
ملك: يوة بقى ياماجد
ماجد: ياعينى على حظك ياماجد
ملك: مالو حظك بقى
ماجد: ههههه فل ياختى ههههه.
******
فى شقة خالد
دخلت علا بيتها وبدأت فى تحضير سفرة وشموع واغلقت الاضاءة
وبدلت ملابسها بفستان احمر ستان ضيق وعملت شعرها كرلى وانتظرت قدوم زوجها الحبيب .
حضر خالد ولم يتوقع وجودها وجد الاضاءة مغلقة فتوجه إلى مفتاح الانارة واضاءت المكان تفاجأ بالجو الرومانسى ابتسم وتوجة إلى غرفتهم وكانت الصدمة .
تغيرت حياتي يوم زفافي
الفصل من ١٥ الي ١٦
للكاتبة فاطمة الالفي
#الفصل_١٥
الفصل الخامس عشر
كانت الصدمة على وجة خالد من سماع زوجتة تتحدث مع شخص آخر عبر الهاتف .
وجد امام الغرفة يشعر بالصدمة والاشمئزاز من حديث زوجتة.
كانت تتحدث بصوت مرتفع وتنهى العلاقة بينهم
علا: بقولك انا قفلت الاكونت بتاعى ومش عايزة اعرفك تانى وكمان ماتحولش تتصل بية تانى والرقم دة انساة لانى هرمى الخط وابعد عنى بقى انا فوقت لبيتى وجوزى وابنى ومالكش دعوة بية انا غلطت من الاول انى كلمتك كنت بخون جوزى من غير مااحس انا جوزى مايستهلش منى كدة ومن فضلك بقى ابعد عنى عشان انا ندمانة انى عرفتك على جوزى
الشاب: دلوقتى فوقتى مش جوزك دايما سايبك لوحدك وأنتى حاسة بملل وفراع كبير انا مستعد املى فراغك العاطفى كمان بس سيبك من كلام خيانة والحوار دة تعالى نقضى مع بعض وقت لطيف وانا هنسيكى جوزك وابنك والدنيا كلها
علا بعصبية: انت حيوان انت فاكرنى رخيصة يا سافل انا غلطانة انى كلمتك من الاول وأغلقت الخط بعصبية واخرجت الشريحة وقسمتها نصفين
كان ينظر لها بغضب وصدمة:
علا بصدمة: خالد انت جيت يا حبيبى امتة
خالد بصدمة: حبيبك إللى بتخونية وتعرفى حد علية مش كدة
علا بدموع: والله انت فاهم غلط دة كان كلام بس والله ماعملت حاجة تانية دة كان
خالد بعصبية: اخرسى مااسمعش صوتك يا رخيصة يا سافلة انا مصدوم فيكى صدمة عمرى بقى انتى علا إللى حبتها واتجوزها كانت بتتكسف منى لحد دلوقتى ابق مخدوع فيكى بالشكل دة وبتكلمى راجل يامحترمة تعرفى واحد على جوزك المغفل مش كدة انااستاهل منك كدة قصرت معاكى فى اية استفدتى اية بخيانتك ليا
علا: مش خونتك والله انا حتى مااعرفش شكلة انا فعلا غلط ان كلمت حد بس غصب عنى حسيت بملل سامحنى ياخالد ارجوك انا والله بحبك سامحنى عشان خاطرى بلاش انا عشان خاطر مروان ابننا
خالد بعصبية: هى الخيانة اية هانم يامحترمة الخيانة مش علاقة السرير وبس دة كلامك مع حد غيرى خيانة قولتى اية فى الفون فكرتى فى اية قولتى كلام اية فى الفون مع الوسخ إللى زيك استغفلتى جوزك ضحكتى عليا وعلى ربنا مش كدة بتبررى خيانتك ليا بأية يا هانم اسامحك على اية على خداعك ليا وكدبك عليا وانتى بتعرفى راجل تانى فى راجل فى حياتك غير جوزك
علا: اسمعنى بس وحاول تفهمني
خالد بعصبية: اخرسى وبدأ فى صفعها على وجهها وبعد عنها
خالد بحزن: اول مرة امد ايدى عليكى بس انتى كسرتينى ودبحتينى انت طالق يا علا طالق مش عاوز اشوف وشك تانى
علا بدموع: بلاش يا خالد والنبى عشان خاطر مروان سامحنى ياخالد
خالد بحزن: فين مروان
علا بانهيار: عند ملك
خالد: الصبح تسيبى البيت بلاش دلوقتى وابنى هاخدة يا علا مش هامنك علية بعد خيانتك ومش مسامحك يا علا تركها وغادر المنزل باكملة .
قاد سيارتة وهو يشعر بالاختناق
فزوجتة عشقة الاول والأخير تصبح خاينة ويكتشف خيانتها الان فقد خدعتة وتبين لة كل شئ الان .
*********
فى السخنة
فى المستشفى
فاقت عندما وجدت حركة جانبها
فتحت عيونها بخوف وفزع
منة: حمدلله على السلامة
رانسى تنظر حوالها بخوف
منة: اطمنى انتى فى المستشفى عاملة اية دلوقتى حاسة بأية انا اسمى منة وانتى
رانسى بحزن: رانسى
منة بابتسامة: اسمك جميل وانتى اجمل كمان
دخل اياد وجدها استيقظت نظر إليها بندم واسف
وهى بعدت وجها عنة
لحظت الدكتورة النظرات بينهم حاولت تخفف عنها
منة بابتسامة: رانسى اطمنى احنا هنا هنخلى بالنا منك ولم صحتك تتحسن هتخرجى دلوقتى ارتاحى ماشى وانا الصبح هاجى اطمن عليكى ماشى
رانسى بحزن: شكرا
منة: العفو على اية انا هنا شغلى اشوفك على خير الصبح سلام .
تركت الغرفة وذهب خلفها اياد يتحدث معها
اياد: دكتورة من فضلك
منة: افندم
اياد: ممكن تخلى دكتور نفسى يشوفها انا معاكى انها تتعالج نفسى انا عارف انى السبب ممكن تساعدها
منة: اكيد بس هى محتاجة دكتورة ست تقدر تفهمها ومايكنش فى حرج بينهم بس انا ماعرفش دكتورة بس هسال واقولك هى فى دكتورة وصاحبتى بس مسافرة برة مصر وهتكون هنا خلال أيام ممكن اتواصل معاها و اكلم حضرتك
اياد: تمام واحنا أسبوع وننزل مصر ودة الكرت بتاعى ياريت تكلمينى لم الدكتورة تيجى انا هنتظرك
منة: ان شاء الله عن اذنك
*******
ذهبت منة إلى مكتب دكتور احمد:
منة: فاضى يادكتور
احمد: تعالى يامنة اتفضلى
منة: رانسى فاقت وباين عليها الخوف والفزع طبعا
احمد: اكيد طب انتى شايفة اية
منة: بصراحة مستغربة جوزها شكلة بيحبها وخايف عليها وفى نفس الوقت هو السبب انها تكون هنا
احمد: اول ماجى كان باين علية القلق والحب والخوف من فقدانها رغم انا طمنتة مسالة ضغط وهيتظبط بس حسيت بخوفة وحبة وكان صادق فى مشاعرة بس فى ناس كدة ممكن يكون مريض نفسى بيحبها وبيعتدى عليها ممكن مشكلة عندة بجد مش قادر افهم حب بالشكل دة
منة : هو طلب منى تتعالج نفسى وافضل جنبها واساعدها
احمد: يبق دى حصل غصب عنة ممكن يكون ماكنش فى واعية بم ان عايزها تتعالج نفسى يعنى عارف ومتاكد ان موضوع مش سهل عليها صح
منة: انا كمان شايفة الحب فى تصرفاتة وهو عايز يساعدها كمان بس فى حب كدة
احمد: الحب بيبق ساعات جنون وماحدش يقدر يسيطر علية المهم خليكى معاها.
**********
دخل اياد الغرفة وجدها شاردة بحزن
جلس على الكرسى بصمت
وجدها تبكى قرب إليها يمسح دموعها
احست هى به
رانسى بدموع: ابعد عنى عايز اية تانى
اياد بحزن: خلاص اهدى انا هبعد اهو بس اهدى خالص ماتخفيش مش هعملك حاجة
بس حاولى تنامى ماشى
نامت من أسر المهدي:
ظل يمسح على وجهها بحنان وألم داخل قلبة على فعلتة.
وغفى بجانبها على الكرسى.
*********
فى القاهرة
ظل يقود سيارتة بلا هدف وفجاة ذهب إلى بيت ماجد وحاول الاتصال بة
جاء الرد
ماجد: الو خالود حبيبى عامل اية
خالد: ازيك يا ماجد بخير معلش ممكن تجبلى مروان انا تحت البيت
ماجد: اية يابنى اطلع تعالى
خالد: لا معلش الوقت متاخر انا اسف بس نزل مروان
ماجد: بس الود نام مع جنا حرام يصحى خلية ياعم وعيش اللحظة انت
خالد: معلش هو واحشنى اوى ممكن تجيبى انا تحت مستنيك
ماجد: ماشى ياسيدى نازل .
بعد لحظات حضر ماجد ويحمل الصغير وهو يغفى فى نوم عميق
حملة خالد وسلم على ماجد ووضع ابنة بالكرسى بالخلف ووضع حزام الامان علية وودع ماجد وانطلق بسيارتة.
#الفصل_١٦
الفصل السادس عشر
ظلت تبكى طوال الليل ولم يغفل لها جفن تشعر بالندم والخيانة
هدمت حياتها وسعادتها بسبب تفاهتها تشعر بالملل فى بعد زوجها فهو يعمل من أجل راحتها وامانها وهى تخذلة بهذة الطريقة:
جاء الصباح ارتدت ملابسها وحضرت شنطة ملابسها وملابس ابنها وتركت منزلها التى عاشت بة اسعد لحظات حياتها الان تترك بيتها وعشها الصغير من أجل خيانتها: .
اوقفت تاكسى وتوجهت إلى بيت ملك بعد فترة
علا: استنى هنا خمس دقايق ورجعالك
السائق: تحت امرك ياهانم
صعدت إلى شقة ملك ودقت الباب
فتحت لها ملك بصدمة من منظرها المحزن اثر البكاء وعيناها المنتفخة ووجها الشاحب دليل على قلة النوم
ملك بقلق: علا مالك فى اية حصل اية
ارتمت علا باحضان ملك تبكى بندم وحسرة على بيتها الذى هدم
علا بانهيار: خالد طلقنى يا ملك طلقنى
ملك بصدمة: طلقك لية حصل اية
علا بدموع: قصت ما حدث بالأمس
ملك: مش عارفة اقولك اية انتى فعلا غلطتى ودى النتيجة
علا: عارفة انا السبب فين مروان
ملك بصدمة: مروان خالد كلم ماجد بالليل واصر ياخد مروان حتى ماجد قالة نام قال واحشنى واخدة هو مش رجعو البيت
علا بانهيار: ابنى خالد اخدة يبق مش هشوف ابنى تانى يا ملك انا عاوزة ابنى ابنى يا ملك ارجوكى اتصرفى خلى ماجد يتصل بية عاوزة ابنى هاتولى ابنى
ملك: طب هنزل معاكى وابق اكلم ماجد من البيت عند جدو هغير وانزل معاكى ونتصرف .
نزلت ملك وابنتها مع علا واوصلهم التاكسى إلى فيلا العميرى .
************
ذهب إلى مكان بعيد يحاول استرجاع حياتة السابقة وما حدث معة يعيد ترتيبات حساباتة واخذ معة الصغير .
قطعة منة ومنها يحمل ملامحهم الاثنان معا .
اغلق هاتفة وهو الان فى اجازة عمل سوف يقضيها مع ابنة فقط:
سوف يعلم زوجتة درسا لن تنساة فهو يحاول ان يعلمها كيف كانت تشعر بالامان فى حياتها مع زوجها وابنها الصغير هى الان حرة ليس مقيدة بزوج او طفل فلتعيش حياتها كما تشاء .
*************
فى السخنة
فى المشفى
استيقظ اياد على رنة هاتف رانسى فهو معة من الأمس بسبب اتصال عمتة
تفاجأ اياد بأن المتصل جدو.
اياد: ايوة ياجدو
الجد: اياد معلش يابنى تعالو بسرعة
اياد بقلق: خير ياجدى حصل حاجة حد جرالة حاجة
الجد: هات مراتك وتعالى الاول والشغل سيب أى حد يتابعة احنا محتاجينك دلوقتى لم تنزل هتعرف كل حاجة
اياد: حاضر ياجدى .
اياد لنفسة: ياترى فى اية هو انا ناقص ما رانسى حالتة ازى أعمل اية بس يا ربى.
اياد تصفح هاتفها وجاء فى بالة ان يعلم من المتصل الذى أشعل نار الغيرة داخلة وفقد سيطرتة على نفسة وادى به إلى هنا .
فتح المكالمات الوارد والصادر وبحث فى الوارد
وتذكر بعد مكالمة عمها جاءها الاتصال المشئوم
وجد رقم خارج القاهرة رقم دولى مسجل باسم ابية يحيى.
ظل يبحث لم يجد اتصال غير من عمها وابن عمها فقط شعر بالندم والصدمة
اياد بحزن: يعنى كان ابن عمها ياغبى انا إللى انا عملتة دة بس هى الغيرة عمتنى اوى كدة ولا الشيطان الملعون إللى سيطر عليا يارب اعمل اية هى ممكن تسامحنى على إللى انا عملتة فيها طب ازى بس يارب ساعدنى يارب . .
فاق من شرودة على دق الباب
اياد: اتفضل
دكتورة منة: صباح الخير
اياد: صباح النور
منة: هى لسة نايمة
اياد: اة باين كدة هى تقدر تخرج عادى تستحمل سفر القاهرة ولا خطر عشانها
منة: عايز تسافر القاهرة ضرورى يعنى
اياد: واضح فى مشكلة ولازم ننزل ضرورى بس هى تتحمل سفر
منة: هى عادى تتحمل هى صحتها الجسدية كويسة مجرد كدمات وهتتعافة بكريم لكن هى تعبانة نفسينا واحنا قولنا حلها اية وممكن تنزلو القاهرة عادى بس بلاش اى ضغط على أعصابها من أى نوع وان شاء الله أسبوع والدكتورة هتكون فى القاهرة تقدر تتابع معها وانا هتصل بيك
اياد: شكرا يادكتورة ممكن انزل احاسب وحضرتك تتكلمى معاها سيبلك المهمة دى
منة: اة اتفضل
خرج اياد وتوجة إلى الحسابات لدفع حساب المشفى .
********
قربت منة من الفراش وجدتها تفتح عيونها
منة بابتسامة: صباح الخير
رانسى: صباح النور انا سمعت كل حاجة
منة: طب تمام ماتخفيش هو مش هيعملك حاجة وخليكى قوية بلاش ضعف او استسلام
رانسى بحزن: شكرا
منة: لازم تقعدى مع دكتورة عشان اعصابك ونفسيتك كمان لازم تتحسنى وانا معاكى ماتخفيش من أى حاجة
رانسى بحزن : مش عايزة مش محتاجة دكتورة ولا دكتور انا كويسة اوى كمان
منة: طب لية اليأس فى صوتك واوعى تفتكرى ان لو روحتى لدكتور نفسى تبق مجنونة الكل بيفهم كدة غلط كلنا بنبق محتاجين وقت فية اعصابنا تتعب مش بتتحمل أى ضغوط الحياة ومشاكلها فنحتاج نتكلم مع حد متخصص يسمعنا ويفهمنا وكمان يوجهنا للصح يعنى لا عيب ولا غلط ولا جنان ههه
رانسى بحزن: بس انا مش عايزة اتكلم مع حد ولا حد يسمعنى ولا حتى يفهمنى
منة: لية كدة انتى مش عايزة تساعدى نفسك انتى بجد عندك حالة لازم تتغلبى عليها وتكملى حياتك عادى وتعيشى كمان سنك
رانسى: مش فارق معايا حياتى انا عاوزة هدومى ممكن
منة: اتفضلى الهدوم إللى دخلتى بيها تحبى اساعدك
رانسى بخوف: لا شكرا
منة: اوكية عن اذنك
**************
دفع حساب المشفى وتوجه إلى غرفتها:
كانت ترتدى ملابسها دخل دون استئذان وجدها ترتدى ملابسها غادر الغرفة بصمت خوف من ان تصرخ أو تنهار ظل أمام الغرفة فترة بعد ذلك دق الباب ودخل.
اياد: جاهزة يا رانسى عشان نتحرك اصل جدى اتصل وقال لازم ننزل
رانسى تتصنع القوة: جاهزة
سارت بجانبة توجهت الى السيارة
اياد: مش لازم نرجع الشالية بعدين هبق اجيب الشنط بتاعتنا
لم ترد علية
قاد السيارة وتوجة إلى طريق القاهرة .
************
فى فيلا العميرى
الجد: اهدى بقى وبطلى عياط عاوز افهم حصل اية بينك انتى وجوزك يخلية يطلقك وياخد الولد
علا بانهيار: انا السبب انا السبب
ندى: يابنتى فهمينا حصل اية لكل دة
نجاة: حصل اية عاوزة افهم اية يخلى جوزك يطلقك انطقى
ملك: ممكن تسبوها ترتاح شويا وبعدين نعرف حصل اية
علا بانهيار: عاوزة مروان عاوزة ابنى يا جدو ارجوك يا بابا عايزة ابنى عاوزة مروان اةةة ياحبيبى يابنى ... ظلت تبكى بانهيار .
********
طوال الطريق لم تتحدث طوال الطريق وهو يتطلع إليها من حين لآخر بعد مايقارب الساعتان وصل امام فيلا العميرى .
اياد: رانسى
رانسى: اطمن مش هحكى لحد على انت عملتو
اياد بعصبية: مش قصدى كدة بس مش مهم نتكلم بعدين لم نشوف جدو عاوز اية .
دخل الفيلا وتفاجا من انهيار علا
علا بانهيار: انا إللى ضيعت ابنى منى وجوزى بغبائى انا السبب تربيتك ليا السبب ودلعك فى عمرو السبب هو يضحك على بنات الناس اهو إللى بيعملو فى البنات اترد لبنتك داين تدان يا ماما انتى السبب فى كل حاجة وكمان كنتى عايزة تهدمى حياة رانسى واياد بعد ماابنك سابها يوم فرحها انا سمعتك بتتكلمى معاة اهو حياة بنتك هى إللى دمرت ياماما إللى كنتى عايزة تعملية فى رانسى ارتد لبنتك يارب تقتنعى وتهدى بقى شوفتى حصلى اية انتى السبب وابنك السبب عمرك ماقولتى دة صح ودة غلط شوفتى ابنك وصل لفين وانتى هدمرية كمان زى مادمرتينى
اياد بصدمة: فى اية يا علا حصل اية
علا بدموع: اياد حبيبى انت إللى هتجبلى ابنى مش كدة يااياد انت إللى هترجع مروان لحضنى يا اياد صح
اياد: طب اهدى وفهمينى مروان ما لو
علا بانهيار: خالد طلقنى وخد مروان منى ارجوك عشان خاطرى رجعلى ابنى
اياد بصدمة: طلقك وخد ابنك ازى مش فاهم اية السبب
علا بانهيار: انا السبب انا السبب ضيعت ابنى منى وخارت قوها بين أحضان اياد فاقدة الوعى.
اياد بقلق: علا علا فوقى وحملها وصعد إلى غرفتها وضعها بالفراش
اياد: اتصل بدكتور ياعمى بسرعة يجى يشوفها
ظلت رانسى فى حالة صدمة من حديث علا وانهيارها وظلت جانبها هى وملك إلى أن حضر الدكتور وتم الكشف عليها .
خرج الدكتور من الغرفة
الجميع بقلق : خير يادكتور
الدكتور: اطمنو كل خير هى ضعيفة ومحتاجة راحة واضح انها فى بداية الحمل لازم تتابع مع متخصص عشان الانفعال مش كويس عشانها وابعدو عنها أى توتر وراحة تامة وانا اديها حقنة وهتفوق بعد ساعة
نجاة: انت بتقول حامل يعنى متاكد
الدكتور بابتسامة: ايوة ياافندم متاكد سمعت نبض الجنين يعنى ممكن تكون حامل فى شهرين كمان
الجد: شكرا يادكتور وصل الدكتور يا اياد
اياد: اتفضل يادكتور
احمد: طب خالد لازم يعرف
محمود: كدة ممكن يرجعها عشان ولادهم حرام يتربو بتشتت بين الاتنين
ندى: ربنا يقدم إللى فى الخير ونحاول نصلح بينهم ونفهم اية إللى حصل
اياد بعد أن اوصل الدكتور للخارج صعد إلى الأعلى
اياد: اية ياجماعة اطمنو علا بخير وياريت تسبوها براحتها دلوقتى بلاش حد يفتح معاها أى كلام وانا هعرف منها كل حاجة لم تهدى ان شاء الله
محمود: تعالى يااحمد انزل الشركة واياد موجود مش تحمل هم
احمد بحزن: معلش مش هقدر يامحمود اعمل حاجة
الجد: تعالو انتو الاتنين مافيش شركة تعالو نخرج برة البيت نتكلم شويا بقالنا زمن ماخرجناش
محمود: والله فكرة حلوة يا بابا يلا بينا
اياد: ماما خدى طنط وعمتى وانزلو تحت وانا هدخل اطمن على علا
منى: طيب يابنى
*********
دق الباب ودخل وجدها نائمة والدموع تتساقط على وجنتيها وبجانبها رانسى حزينة عليها وبالجانب الاخر ملك.
اياد: لسة مافقتش
ملك: لسة زى ماانت شايف
علا بتعب: مروان
رانسى بحزن: اطمنى مروان بخير هو مع باباها ماتخفيش علية
اياد: علا عاوزة اعرف سبب الطلاق اية ولية خالد خد مروان واوعدك ارجعلك ابنك واقف جنبك بس اعرف حصل اية
ملك: مش وقتة يااياد انت سامع الدكتور قال اية
اياد: اسكتى ياملك انا بتكلم عشان مصلحة علا ومصلحة ولادها انتى عارفة انك حامل
علا بصدمة: حامل
ملك: ايوة الدكتور قال حامل يمكن خالد لم يعرف حاجة زى دى يرجعك تانى
رانسى: طب عن اذنكم
علا : استنى يارانسى انتى اختى ومش غريبة انا هقولك إللى حصل يااياد وبدأت تقصى على اياد تعارفها على الشاب الى ان قررت تركة وعلم زوجها بم حدث وطلقها واخذ ابنها .
اياد بعصبية: بقى بتعرفى راجل تانى على جوزك وعايزة يعمل اية يصقفلك مثلا ولا ياخدك بالحضن دى اقل حاجة يعملها انا لو مكانة كنت قتلتلك
رانسى بدموع: انت قولت هتقف جنبها وتسمعها حاول ترجع ابنها حتى لو غلطت انت اخوها الكبير اتصرف وفهمها الصح من الغلط مش تحكم وتنفذ الحكم وخلاص
تركهم اياد بعصبية واتفعال لم يصدق ماسمعة
من ابنة عمة الذى يعتبرها شقيقتة لن يصدق أن تخون زوجها وهو من مجرد شك فى زوجتة فعل مافعلة وهى بريئة من اى شئ فهو يلتمس العذر لخالد على اخذ ولدة فهو الان فى موقف لا يحسد علية
حاول الاتصال على خالد لكن الهاتف مغلق .
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق