رواية وجع الحب الفصل الثامن عشر 18بقلم شيماء منير
رواية وجع الحب الفصل الثامن عشر 18بقلم شيماء منير
وجع الحب
الحلقه ١٨
فتون وقعدت على السرير بصدمه لما شافت الفيديو
دموعها نزلت بصمت لما شافت نفسها ملفو..فه في ملايه
ونايمه على سرير ودا كانت في اوضه في شقة طارق
خرجت عن صمتها وهي تردد بهستريا ودموع يانهار اسو..د ..يانهار اسو..د
جاتلها رساله
(طبعا عارفه انا مين)
فتون وبعتت انت عايز ايه؟؟
طارق(عايزك)
فتون:يعني ايه عايزني انا جوزي لو عرف انك بتكلمني هيقتلك ويقتلني معاك
طارق:عايز نتكلم صوت هرن عليكي
فتون:مترنش ياطارق واياكي تبعتلي اي رسايل تانيه ابعد عني بقا كفايه اللي دمرته من حياتي
طارق:عادي تمام بس اعملي حسابك الفيديو دا هيتشير على كل السوشيال ميديا وابقي شوفي بقا مازن بقا هيعمل ايه في الفضحيه دي
فتون كانت هترد بس الباب اتفتح ومازن دخل منه
مازن:مساء الخير
فتون و مسحت دموعها بسرعه حاولت تبان عاديه
فتون ودورت وشها وهي بتبتسم بخفه مساء النور
مازن وقرب منها ايه ياروحي عامله ايه دلوقت لسه تعبانه؟؟
فتون:لا احسن الحمدلله
مازن:توقعت انك تعبانه لما مكونتيش تحت
فتون:لا انا نزلت من بدري بس كنت جايه اخد حاجه من الاوضه
مازن:خلاص ننزل سوا
فتون:تمام
مازن:ودخل ياخد شاور
فتون ومسكت الموبيل
كان في ٤ رسايل من طارق
(_ها ردي
_ارن يلا
_روحتي فين؟؟
_ماهو لو متكلمناش صوت انا مش ستنا و٣دقايق الفيديو هينور الدنيا
فتون وكتبت بخوف
جوزي رجع من الشغل مش هعرف اتكلم
طارق
(خلاص لما تكوني لوحدك كلمتي)
فتون بصت للرساله ودموعها نزلت مكنتش عارفه تعمل ايه مجرد مابتتخيل شكل مازن لما يعرف حاسه انها هتموت حاسه انها هتتجنن ..طيب تقول لمازن لا مش هترضى انها تنزل اسم عليتها في الارض لا مازن ولاجدها ولاعمها يستاهلوا دا
فاقت صوت باب الحمام بيتفتح مسحت دموعها بسرعه
وراحت اتجاه الدولاب وبداءت تخرج لمازن لبس بيتي
مازن وقرب منها وحضنها من الخلف
فتون وابتسمت بخفه
مازن ووضع قبله على خدها مالك؟
فتون ودورت وشها وظهرت ابتسامه كبيره عكس النار اللي جواها الظاهر انها اتعملت منه دا
فتون:مالي مفيش كويسه ..انا خرجتلك لبس
مازن واخده منها جهز ونزلوا الاتنين
الكل اتغدا في هدوء
وكل واحد راح على اوضته
بعد ساعتين
مازن نازل اوضة الجيم
فتون مسكت الموبيل
وكان فيه رساله من طارق
(ها هنتكلم امتى)
فتون وكتبت له رن
وبعدها رن
اخدت نفس عميق وردت
فتون:الو
طارق:يااه اخيرا سمعت صوتك
فتون بضيق:ادخل في الموضوع على طول وقول عايز ايه
طارق:ما قولتلك عايزك انتي
فتون:انت اتجننت انا ست متجوزه ومش بس كدا بحب جوزي
طارق بغل هو دا يتحب وبعدين انا مش هرتاح الا لما ادمره
فتون ودموعها نزلت حرام عليك ما تسيبه في حاله
طارق:وهو مسبنيش انا وابويا في حالنا ليه ووقف حال شغلنا ..بس عارفه هقتله بس اصبري
فتون ببكاء اكثر لا ياطارق عشان خاطري بلاش هو
طارق:لازم اشوفك في اقرب وقت
فتون:مستحيل انت ايه يا اخي شيطان وعايز تخرب بيتي
طارق بمكر:خلاص نشير الفيديو بقا وعموما انا بس مجهز على الضغط بس
فتون:انت ازاي اصلا تصورني فيديو زي دا يا وا..طي
طارق:لازوم الشغل ياقطه اومال هستفيد ازاي....
____________________@
تاني يوم كان الجمعه
في بيت عثمان
وخصوصا في المطبخ
رحمه:يعني ايه كلام جده دا يعني جوزك ملوش كلمه في القصر دا
يارا:مش دا المقصود ياماما ماهو اي مكان لازم يكون له كبيره
رحمه:يبقا المفروض في الوضع دا جوزك مش اخوه اللي اصغر منه
يارا:ياماما احنا مش مشكلتنا مع مازن
رحمه:يعني فريده هدخل لسانها جواه بوقها دي تبقا معجزه لو حصلت
يارا:ربنا يهديها.
رحمه:مروان هيجي امتى؟
يارا:شويه كدا وجاي
رحمه:يعني بعد الصلاه
يارا:لا هيجي يصلى الجمعه هنا مع بابا ومحمد في المسجد اللي جمبنا
رحمه:ماشي
_______________________
في القصر
الكل اتجمع على الغداء ماعدا مروان
فتون كانت قاعده بتحاول تاكل بس ملهاش نفس اهي دي الحاجه اللي مش هتعرف تمثلها
مازن ولاحظ دا مازن مش بتأكلي ليه؟؟
فتون:مليش نفسي اووي
مازن:في حاجه بتوجعك؟؟
فتون:لا
مازن وبصلها بشك وحاسس ان في حاجه مخبيها
كمل اكل بهدوء
وبعد كدا
قعد في المكتب هو ومصطفى وكامل
مازن:ان شاء الله مفيش قلق احنا جاهزين من بدري وورقنا جاهز مش اول مناقصه ندخلها
مصفطفى:مش اول مناقصه بس دي اهم واحده وغير اي مناقصه كانت قبل كدا
مازن بثقه:ان شاء الله احنا قدها واكتر
كامل وابتسم بخفه ابوك بس بيحاول يبين ليك قيمتها
مازن:انا عارف دا ياجدي بس انا عارف بشتغل ازاي
كامل وعلى وجه بشاشه وفرحه بحفيده ابنك عنده ثقه بنفسه وعارف هو بيعمل ايه
مصطفى:انا عارف انه شاطر وقدها
مازن وابتسم بخفه
كامل :انا بس عايزك تاخد بالك ومتثقش في اي حد
مازن:وانا من امتى بثق في اي حد
كامل:ماشي بفكرك بس و..
فجاءه وقطع الكلام وتواه ب ااااااه وهو يضع ايده على قلبه
وقتها مازن قام هو ومصطفى بسرعه وراحوا ناحيته
مصطفى وقرب منه بحنو وقلق ايه ياحاج مالك؟؟
مازن وقرب منه وبداء يفتح زراير القميص اللي كان لابسه ويدلك في صدره مالك ياجدي
كامل وعيونه بتغيب وبيحرك ايده بضعف
مازن وخرج الموبيل واتصل على الاسعاف
اللي وصلت في وقت مش كبير
واخدوا كامل ركب معه مصطفى ومازن
وفتون وهنا وفريده وشهيره ركبوا مع السواق
في بيت عثمان
موبيل مروان رن
مروان بص في الموبيل وكان مازن
مروان ورد ايوه يامازن
مازن:جدك تعبان وانا رايحين بيه على المستشفى
مروان: مازن بتقول ايه مش سامعك الصوت بيقطع
مازن بعصبيه وصوت اعلى بقولك جدك تعبان واخدناه على المستشفى
مروان ووقف بخضه مالو جدي
مازن:معرفش فجاءه مكانش قادر ياخد نفسه واتصلت بالاسعاف واحنا في الطريق تعاللنا على المستشفى عايز اوصل تكون موجود
مروان :متقلقش انا نازل اركب العربيه اهوه
مروان وقفل مع مازن بعد اذنكم انا همشي جدي تعبان واخدوه على المستشفى
يارا:انا جايه معاك
عثمان :واحنا يابني هنحصلكم
وصلوا المستشفى
مروان ويارا كمان وصلوا اللي كان سايق باقصى سرعه
كل اللي في المستشفى كان بيعمل على قدم وساق بعد ماعرفوا ماهية المريض
وبعد فحص الاطباء دخل عنايه
مازن:بس هو عمره ما اشتكى من قلبه
مروان:عادي مش لازم يكون اشتكي وبعدين لاحظ السن بردوه ليه عوامل
مازن:مروان لو في مكان احسن من هنا انا اوديه
دكتور اسمه عمرو وهو متخصص في القلب
عمرو متدخل في الكلام على فكره هنا المستشفى كويسه وامكانيتها عاليه ودكتور مروان عارف دا
مروان:ايوه يامازن كل حاجه متوفره هنا
عمرو:وبعدين متقلقش الحمدلله انكم كنتوا جمبه لان لو مكنتوش جمبه كان ممكن لاقدر الله حصل ا جلطه هو بس هياخدوا يومين ثلاثه في العنايه وبعدها يخرج بخير ان شاء الله
بعد شويه
الكل كان موجود في الاستراحه اللي في مكان قريب من العنايه
فتون وبتكلم مازن اللي كان قاعد جمبها
فتون:يعني الدكتور قال ايه؟؟
مازن:ازمة قلب ..بس الحمدلله اننا كنا جمبه
فتون الحمدلله
في الوقت دا كان عثمان ورحمه بيقربوا منهم
فريده بضيق وسخريه نسايب الهنا وصلوا
شهيره هي وفتون بصولها بضيق
مازن بضيق ومن بين سنانه ماما انا مش عايز حورات كفايه جدي اللي جواه دا ولو حصل اي موقف يقلل مننا مش هعمل حساب اي مقامات وايان كان من اللي قدامي والكلام للكل
في الوقت دا
عثمان القى السلام
الجميع رد السلام
في الوقت دا مازن قام وقف وسلم على عثمان اللي كان
مادد ايده للسلام
عثمان وهو بيسلم على مازن الف سلامه على كامل بيه
مازن:الله يسلمك
عثمان وقرب من مصطفى وسلم عليه ايضا
عثمان :الف سلامه على كامل بيه
مصطفى:الله يسلمك ياعثمان كلك واجب تعبين نفسكم ليه
عثمان:عيب عليك احنا اهل من سنينه
مصطفى:طيب تعالى ارتاح
عثمان قعد وكمان رحمه اللي سلمت على كل الستات اللي كانت موجوده
عثمان:طمنوننا هو عامل ايه دلوقت؟؟
مصطفى:هو في العنايه بس الدكتور بيطمنا
عثمان:طيب الحمدلله
بعد كدا انضم ليهم مروان ويارا
بعد ما الكل اطمن على كامل انه فاق
مازن طلب منهم انهم يرجعوا على القصر
وهو اللي هيفضل معه هنا
الكل روح ماعدا مازن ومروان طبعا اللي مابين شغله وجده
مازن ودخل عند جده
شد احد الكراسي وقعد قدامه
بصله شويه وهو تقريبا نايم ومش حاسس بيه
مازن ومسك ايده
مازن:ايه ياجدي عايز تسبني وتمشي
ثم تنهد بوجع ونزلت دمعه من عيونه انا مقدرش اعيش من غيرك
مازن واحتضن ايده بين كفيه
ووضع قبله عليها
_________________
تاني يوم الكل راح على المستشفى يطمنوا على كامل اللي بقا افضل
كانوا منتظرين في الاستراحه حتى يخرج كامل من غرفة الاشعه فقد طلب الدكتور بعمل اشعه على القلب
كان الجميع موجود
حتى زينه بعد خروجها من الشركه
كانت فتون وهنا يتحدثون
فتون:هو ليه مكلمش مازن؟؟؟
هنا:كل اما يجي يكلمه تحصل حاجه توقفه عن الكلام
فتون:بس شكله خايف صح
هنا:انا خايفه اكتر منه
فتون:اللي انتوا فيه دا يخوف اكتر
هنا:ربنا يستر
موبيلها رن
هنا: دا هو انا هقوم ارد عليه
فتون :ماشي
هنا قامت ومأخدتش بالها من زينه اللي كانت واقفه على بعد منهم وسمعت كل كلام
اتحركت وراء هنا
غابت شويه ورجعت وقعدت جمب فريده
كانت تنظر بضيق لفتون التي تجلس بجانب مازن
ويتحدثون
فتون موبيلها رن وكان رقم طارق اللي سجلته باسم يارا
ابتلعت ريقها بتوتر وهي تنظر الى الهاتف
مازن:مين بيرن؟؟
فتون وبتحاول تبقا عادي دي يارا
مازن:طيب ما تردي عليها
فتون:فصلت لو رنت تاني هرد
مازن بصلها بشك وخصوصا توترها وتعمدها انها متردش
بس هو دلوقت مش فايق لدا وتفكيره في جدو
بعد دقائق كانت تاتي يارا وتقترب منها
القت السلام على الجميع
فتون اول ما شافتها اتوترت
يارا:انا كنت جايه اطمن على جدو هو لسه مخرجش من الاشعه
مازن:لا لسه مروان معه
يارا:تمام خلاص هروح اطمن على حالتي وارجع بعد شويه
مازن:تمام ..عشان كدا كنتي بترني على فتون
يارا وبصت لفتون بعدم استيعاب ولكن وجدت في عيون ابنة عمتها التوتر وحست ان في حاجه
يارا بحسن بديهه ايوه انا رنت على فتون
فتون واتكلمت بسرعه :ملحقتش افتح عليكي
يارا بابتسامه خفيفه مفيش مشكله انا همشي واجي بعد شويه
كانت فريده تنظر الي يار بضيق وخصوصا وهي ترتدي زيها الرسمي الخاص بالجراحين ويتميز باللون الاخضر
بعد ما مشيت
فريده:ياختي مش بنت خالك ما تقوليلها تلبس عدل وتبطل شغل البناطيل دا
مازن بضيق خفيف:ماما مراتي ملهاش دعوه بالحوار دا عايز حضرتك تروحي تقوليها او تقولي لمروان انتي حره لكن مدخليش مراتي في الحورات دي
مصطفى:ابنك عنده حق ملناش نتكلم في دا
بعد شويه
فريده :اومال هنا فين؟؟
زينه بمكر وهي تتصنع البراءه كنت بجيب ميه من تحت كانت واقفه مع مصطفى
مازن وقام وقف :ليه؟؟ ونزلت ليه اصلا
فتون بسرعه:كانت نسيت موبيلها ونزلت تجيبه من العربيه
مازن وخرج موبيله ورن عليها
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق