رواية وجع الحب الفصل الأول والثاني بقلم شيماء منير
رواية وجع الحب الفصل الأول والثاني بقلم شيماء منير
الحلقه ١
كان يمشي بخطوات واثقه سريعه يتجه الى مكتب جده كامل الشرقاوي
من يراه يقف له احتراما وكيف لا وهو مازن الشرقاوي
صاحب٢٧ عام ولكن من يرى خبرته في عمله يظن انه اكبر من ذلك بكثير
طرقات خفيفه ودخل الى مكتب جده
وكان يجلس جده ووالده مصطفى
كل منهما ينظر اليه بلهفه
مصطفى:ايه مازن طمنا عملت ايه؟
مازن وقعد القرفصاء امام جده وهو ينظر في عيونه بثبات وثقه مبرووك يجدي اخدنا المناقصه
ابتسم كامل بفخر
مصطفى وضرب بايده على المكتب برافو و و عليك يامازن
كامل بس عايزين نأمن كل حاجه سعد الراوي وابنه دول غدراين وممكن يعملوا اي حاجه
مازن:يبقوا يورني هيعملوا ايه ..وعموما انا زودت حراسه على الشركه والقصر وكمان المخازن متقلقش يا جدي
مصطفى:طيب كويس كدا
ــــــــــــــ$$$$$$$$$$
كانت تجلس امام الشباك وهي تنظر الى بوابة القصر
فتون:الظاهر بيغيروا الحراسه على السجن
نظرت اليها والداتها شهيره بعدم فهم سجن ايه؟؟
فتون:تعالي وانتي تشوفي
شهيره وقربت منها وبصت كانت الحرس واقفين على البوابه
شهيره:دول زودهم
فتون بسخريه:احسن المساجين تهرب
شهيره :بطلي طريقتك دي واقفلي الشباك دا زمانهم راجعين من الشغل ولو حد شافك واقفه كدا مش هيحصل خير
فتون بضيق وقفلت الشباك انا زهقت بقا انا حتى مش بشوف الشارع
شهيره:هتخرجي تروحي فين؟؟
فتون:يووه بقا ياماما حرام بجد كل اللي في البيت بيخرج ما عدا انا وانت كل دا بسبب غلطه عملتها
شهيره بغضب وطي صوتك وقفلي على الموضوع دا لو حد سمعك مش هيحصل كويس
فتون ببكاء:ياماما حرام انا بجد اخر مره خرجت فيها من شهرين معاكي وقت ما كنت بتعملي تحاليل وختى الموبيل ممنوع يكون معايا موبيل
شهيره:دي اوامر جدك ومحدش يقدر يعترض عليها
ـــــــــــــــــــــــــــــــــــــــــــ
في المخازن الخاصه بعائلة الشرقاوي
مازن:مش عايز اي غلطه ياعلي
علي:متقلقش يامازن كله هيبقا تمام
مازن:عمرك قصاد البضاعه دي لو حد لمسها
على:متقلقش وبنفسي روحت اطمنت على الحراسه اللي على القصر وكله تمام
ـــــــــــــــــــــــــــ
في احدى المستشفيات الكبرى
كان يخرج من غرفة العمليات
مروان وهو ينزع الكمامه
اقترب منهم رجل وامرأة
الرجل:طمني يادكتور بنتي عامله ايه؟؟
مروان بابتسامه:اطمن بنتك كويسه متقلقش
الام:بجد ..طيب هتفوق امتى؟؟
مروان:ساعه بس وهتتنقل اوضه عاديه
الاب:الحمدلله ياارب شكرا يا دكتور
مروان:حمدلله على سلامتها
الاب :الله يسلمك
مروان وراح على مكتبه
&&&&&&&&&&&&&&&&&&
خرجت شهيره من غرفة ابنتها
فتون وفردت نفسها على السرير وسرحت في الماضي
فلاش باااك
فتون وهي تتحدث في الهاتف لا طبعا مش هقدر اقابلك اخاف حد يشوفني
طارق:ليه بس دا نص ساعه بس ياحبيبتي
فتون :لا مش هقدر
طارق بمكر:عشان خاطري ياروحي لازم اشوفك
فتون بتردد سيب موضوع نشوف بعض دلوقت لحد ما ارتب نفسي لاني خايفه حد يشوفني
&&&&&&&&&&&&&&&&&&
في غرفة فريده ومصطفى
فريده بفرح:بجد يامصطفى
مصطفى:ايوه يافريده ماشاء الله عليه دي المناقصه الخامسه خدنها على التوالي
فريده :الحمدلله يارب ربنا يحميه ياارب
مصطفى:عارفه بيفكرني بعمه خالد الله يرحمه كان شاطر اووي في شغله كده
فريده:اه الله يرحمه انا كنت بحب خالد بس الله يسامحه بلنا ببلوه مش عارفين نخلص منها
مصطفى:ليه بس كدا يافريده وبعدين هما فين مشوفتهمش النهارده شهيره وفتون
فريده :هيكون فين يا اخويا اهم مرزوعين في اوضهم
مصطفى بعتاب يافريده اتكلمي عنهم كويس دول بردوه من ريحة الغالي
فريده بصوت واطي ربنا ياخدهم ونرتاح منهم
مصطفى:بتقولي ايه؟؟
فريده :مفيش ..المهم مازن مرجعش معاكم ليه؟؟
مصطفى:هيعدي على المخازن يطمن على البضاعه ويرجع على القصر
ـــــــــــــــــــــــــــــــــــ
فتون وخرجت من اوضتها عشان بلغوها ان الغداء جاهز
خرجت من اوضتها في الوقت دا مازن كان رجع من الشغل
فتون اول ما شافته وقفت بتوتر
مازن وعدى من جمبها من غير ما يتكلم
ودخل على اوضته
فتون واتحركت لما سمعت صوت باب اوضته بتتقفل
اتنفست براحه
ونزلت
تقريبا الكل كان نزل وقعدوا على السفره لان الكل لازم يكون موجود على الفطار والغداء لكن العشاء دا كل واحد براحته
الجد كان في المقدمه
وعلى يمينه مصطفى وجمبه فريده ومروان
وعلى شماله بيقعد مازن اللي لسه منزلش وجمبه هنا وجمبها فتون وشهيره
مازن نزل بعد ما بدل ملابسه
الكل بداء يأكل في صمت
انتهى الغداء
وكل واحد راح على اوضته
ماعدا شهيره اللي خبطت على غرفة المكتب
جاءها الصوت من الداخل
كامل:ادخل
شهيره وفتحت الباب بهدوء
كامل:تعالي يا شهيره
شهيره ودخلت
كامل:خير في حاجه؟؟
شهيره:انا كنت عايزه اطلب من حضرتك طلب ياعمي
كامل:خير اطلبي
شهيره:كنت عايزه اروح ازور اخويا عثمان بكره
كامل:ماشي مفيش مشكله بس ترجعي بدري عشان عايزكم في موضوع مهم على الغداء
شهيره بتساؤل:خير ياعمي
كامل:بكره هتعرفي
شهيره بخفوت ماشي
ظلت واقفه لثوان
كامل وبصلها في حاجه تانيه
شهيره بتردد هو انا كنت عايزه اخود فتون معايا مشافتش خالها من وقت كبير
كامل:وحد منعه يجي هو يزورها
شهيره بسرعه:لا طبعا بس تشوف ولاد خالها بالمره
كامل:ماشي خوديها معاكي بس زي ما قولت متتاخروش
شهيره بفرح:حاضر مش هنتاخر
&&&&&&&&&
كانت تجلس في غرفتها بملل
قامت ووقفت عند الشباك
بصت بخقنه على شكل الحرس اللي واقف ومالي القصر
قد ايه اتمنت لو كانت في بيت زي بيت خالها عثمان على الرغم انهم مش اغنيا زيهم وبيعشوا في شقه بسيطه لكن بيعملوا كل حاجه ببساطه مش زي هنا حاسه انها عايشه في سجن
سمعت صوت شباك بيتفتح
وكان باب بلكونة مازن
ابتلعت ريقها بتوتر وخصوصا لما بصلها
بغضب
مازن بصوت غاضب ولكن يحمل بعض الهدوء واقفه كدا ليه اقفلي الشباك وادخلي
فتون وحركت دماغها بايجابيه وتوتر قفلت الشباك
دخلت وقعدت على احد المقاعد
ورجعت راسها لوراه
فلاش بااك
فتون:شقة ايه اللي هنتقابل فيها؟؟
طارق:شقه بتاعتي طالما انتي خايفه حد يشوفنا لو اتقابلنا في مكان عام
فتون وسكتت شويه
طارق بخبث ايه ياروحي سكتي يعني بلاش لو زعلتي
فتون:موافقه بس ..
وجع الحب
الحلقه٢
فاقت من شرودها
على صوت والداتها
شهيره:ايه سرحانه في ايه؟؟
فتون:مفيش
شهيره:عندي ليكي خبر حلو
فتون:خير
شهيره:جدك وافق انك تيجي معايا عند خالك عثمان
فتون بفرحه بجد امتى؟؟
شهيره بكره هنروح انا وانتي
فتون:وهنيجي امتى ؟؟
شهيره:هنقعد معاهم شويه وهنيجي على الغداء ..جدك بيقول عايز الكل في موضوع مهم
فتون:ياتري في ايه جدو اما بياخد قرار بيقلب حال القصر دا
شهيره:ايوه ربنا يسترها
____________________$
في الصباح
الكل اتجمع على الفطار كالعاده فطروا
وبعد كدا كل واحد راح على شغله
فتون خلصت فطار وطلعت تلبس مش مصدقه خلاص انها هتشوف يارا بنت خالها وكمان محمد بن خالها
_____
مروان ركب عربيته وراح على المستشفى
كان سايق
كانت في بنت معديه
مروان ضرب كذا كلاكس بس هي مسمعتش وعدت
مروان وقف ل اخر لحظه
البنت بغضب:مش تحاسب يا استاذ انت
مروان ونزل من العربيه على فكره ضربتلك كذا كلاكس وانتي اللي مش مركزه
يارا بضيق وانت تعرف منين اذا كنت مركزه والا لا
مروان:ايوه شكلك كان سرحان
يارا:افندم؟؟انت عايز تثبت انك مش غلطان وخلاص
مروان بملل:خلاص خلاص انا غلطان تمام كدا
يارا:والمفروض بقا لما تبقا غلطان مش تتعتذر
مروان بغضب:افندم ؟؟انتي مجنونه والا ايه
يارا:اهو انت اللي مجنون متغلطتش
مروان: انا فعلا مجنون اني وقفت اتكلم مع وحده زيك اصلا
يارا:انسان قليل الذوق
ومشيت وسبيته
مروان وضحك ايه البت المجنونه دي
_____________________
مازن راح على الشركه
دخل على مكتبه
قابلته زينه ودي بنت خاله وسكرتيره عنده
مازن قعد على كرسي مكتبه
زينه ووقفت قدامه
زينه بدلع متصنع مبرووك الصقفه معرفتش اباركلك امبارح انت مشيت على طول بعدها
مازن وهو بيفتح لاب توب قدامه الله يبارك فيكي
مازن بجديه:هاتلي الملفات اللي كنت قايلك عليها
زينه:حاضر ..اي حاجه تانيه
مازن:ياريت قهوتي
زينه :حاضر من عيوني
زينه وخرجت
مازن وبداء يشتغل
__&&&&________
في القصر
فتون نزلت على السلم هي وشهيره
كانت فريده تجلس في الايفنج
فريده وقامت من مكانها:على فين ان شاء الله
شهيره:رايحين عند اخويا عثمان
فريده:من نفسكم كدا من غير ما تستاذنوا
فتون بضيق:اكيد مش هناخد الاذن منك عشان نخرج
فريده:اخرسي يابت انتي واتكلم بأدب
فتون:انا مؤدبه غصب عنك
شهيره وهي تضغط على ايد فتون خلاص بقا يافتون اسكتي
فريده بسخريه:اه ما انا عارفه هتقوليلي دا انتي مؤدبه اووي
فتون وبصتلهابغضب مكبوت وهي عارفه هي بترمي بايه
شهيره: انا واخده اذن من عمي يافريده ليا ولبنتي
فريده:ماشي ياختي بس اعملى حسابك تكوني على الغداء عشان عمى عايزنا في موضوع مهم كلنا
شهيره:ايوه قالي وان شاء الله هنكونوا موجودين
شهيره اخدت فتون وخرجت من باب القصر على الجنينه
كان السواق منتظرهم بره بالعربيه
ركبوا العربيه واتجهوا الى بيت عثمان
_____________
في شركة الشرقاووي
مازن كان قاعده في المكتب بيخلص شغل
دخلت زينه
ومازن ومازال بيبص في الاب توب في حاجه يازينه
زينه :سعد الراوي بره وعايز يقابلك
مازن وبص شويه في الفراغ قدامه وكأنه بيفكر
مازن:خليه ينتظر لحد ما اكلمك واقولك دخليه
زينه:ماشي
زينه خرجت
وبعد نص ساعه مازن رن على تليفون المكتب وقالها تدخله
سعد الراوي دخل
مازن كان قاعد على الكرسي ووضع قدم فوق الاخرى
مازن ببرود:خير ايه اللي حدفك علينا
سعد اضايق من طريقة مازن وخصوصا ان مازن اصغر منه في السن دا اصغر من ابنه بس حاول يببن عكس دا
سعد: كنت عايز اتكلم معاك بخصوص الشغل
مازن:وتتكلم معايا انا ليه ما عندك مكتب جدي كامل الشرقاوي الشغل دا ملكه هو روح اتكلم معه
سعد:سيبك من الكلام دا انا عارف ان انت اللي كل دا في ايدك ولا جدك ولا ابوك في ايدهم حاجه وهلف والف ارجعلك تاني
مازن:بقولك ايه لخص عشان انا مش فاضيلك
سعد:نفسي نفضي العدواه اللي بينا ونفتح على الاقل شغل جديد انت متصالح مع كل الشركات وعند شركتي بتقفلها وموقف شغلي جمبك
مازن ببرود وخرج سيجاره وبداء يشربها هو انا منعتك تشتغل ما السواق قدامك براحتك
سعد:انا عارف ان طارق ابني غلط في اللي عمله ..انا عرضت عليكم الصلح باي طريقه ترضيكم بس انتوا موافقتوش
مازن وخرج دخان السيجاره :اااه طارق ابنك الا صحيح طلع من الجحر اللي كان مستخبي فيه والا لسه الجحر اللي انت كنت مفكر ان محدش يعرف مكانه وانا كنت عارف هو بيدخل الحمام كام مره في اليوم وسيبه بمزاجي ..بس عارف لو قابلته وجه لوجه مش هتردد لحظه اني اقت.له
سعد وبلع ريقه بتوتر
مازن:اوعى تكون فاكر ان ابنك دا راجل ابنك دا بالنسبالي زي النمله عارف النمله بتقرص ويمكن قرصتها تعلم بس باصغر صباع عند اللي تقرصه يقدر يفعصها ويموتها
مازن وكمل ببرود وقتك انتهي تقدر تمشي
مازن وحرك الكرسي واداله طهره
سعد وخرج وهو في قمة غضبه
دخل على عند مازن
على:ودا كان عايز ايه؟؟ انا استغربت لما لاقيت الحرس بتاعه تحت
مازن ابتسم بسخريه:عايز يتصالح
على:هو ليه عين كمان
مازن:سيبك منه المهم طمني على الشغل ايه الاخبار
على:كل تمام البضاغه طلعت
واطمنت على العربيات وزمنها على وصول
________________
فتون وشهيره كانوا في العربيه
ورايحين بيت عثمان اخوها
فتون وجعها اووي كلام فريده وهي فاهمه هي بترمي ل ايه
فلاش بااااك
طارق:تعالي ادخلي متخافيش
فتون بتوتر:انا مش عايزه اتاخر
طارق بخبث:مش هأخرك هنقعد بس نص ساعه وامشي على طول
فتون ودخلت :متقفلش الباب
طارق:حاضر هسيبه مفتوح
طارق ودخل وساب الباب مفتوح
فتون قعدت على احد الكراسي
طارق:ثواني هجيب حاجه نشربها
طارق ودخل جاب كوبيتين عصير
طارق وحط واحده قدام فتون اشربي ياقلبي
فتون ومسكت الكوبايه بخجل وبداءت تشرب
شويه وحست بدوار
فتون:انا دايخه
طارق بخبث الف سلامه عليكي ياقلبي
فتون وفقدت الوعي
فاقت على صوت شهيره
استننا هنا يا اسطى حسين مش هنتاخر عليك
حسين:حاضر يامدام شهيره
شهيره ونزلت هي وفتون من العربيه
نزلوا قدام بيت عثمان وهو بيت مكون دورين
طلعوا على السلم وخبطوا
فتحتلهم يارا بسعاده بالغه
يارا:وحشوني اووي
شهيره:وانتي كمان ياحبيبة عمتك
يارا:عامله يافتون؟؟
فتون:الحمدلله يايويو
شهيره:قال يعني واحشين بعض ما انتوا طول الوقت رغي في الموبيل بتاعي
خرجت رحمه من المطبخ وهي زوجة اخيها اه والله ياشهيره على رايك
سلمت عليهم بترحاب شديد
كمان خرج عثمان وسلم على اخته وبنتها بفرح كبير
قعدوا كلهم وفضلوا يتكلموا في امور مختلفه
شهيره:اومال محمد فين؟؟
عثمان:محمد في شغله في الشركه
شهيره:ربنا يوفقه يارب
فتون:والله واحشني هو وهزاره
عثمان :هيجي على الغداء ابقى هزري معه براحتك
شهيره:لا احنا مش هنقعد للغداء احنا شويه وهنمشي
رحمه:شوية ايه دا انا بجهز في الاكل من امبارح
شهيره:معلش يا رحمه والله غصب عني
عثمان:هي دي الزياره يا شهيره هو احنا غرب
شهيره :والله يا اخويا غصب عني عمي ماكد عليا نكون على الغداء عايزنا كلنا في حاجه مهمه
عثمان:خير في ايه؟؟
شهيره :والله ما اعرف هو دا تعرف دماغه بتفكر في ايه
______________________
كانت تجلس في حديقة القصر
دخلت عليها ابنتها
هنا بمرح مساء الفل يا فوفا
فريده:مساء النور خلصتي محاضرات
هنا:لا كان عندي لسه واحده بس محاضرتهاش قولت عشان انتوا ماكدين عليا اكون موجوده على الغداء هو جدو عايزنا في ايه
فريده:معرفش هانت وهنعرف
هنا:هو الجو هادي كدا ليه هو محدش هنا وفتون وطنط
شهيره
فريده:مش هنا راحوا عند اخوها على الله ما يرجعوا
هنا:ليه بس ياماما دول والله طيبين
فريده:اخرسي يابت دول مش سهلين انا فهمهم كويس
جاء ميعاد الغداء
الكل كان اتجمع على السفره
يجلس في المقدمه كامل الشرقاووي وعلى يمينه مازن وبجانبه. مروان وهنا
وعلى يساره مصطفى وبجانبه فريده وبجانبها شهيره وفتون
الجميع يأكل في صمت
يقطع هذا الصمت
صوت كامل
كامل :اعملوا حسابكم ان شاء الله يوم الخميس الجاي كتب كتاب مازن وفتون
صمت غائم ملا المكان الجميع توقف عن الاكل وينظرون على بعضهم في صدمه
وقعت المعلقه من يديها تقطع هذا الصمت الجامح
تنظر للوالدتها وبذعر ظهر في عينيها وهي لاتقل عنها صدمه ما هذا الهراء مازن وهي؟؟
نظرت اليه وجدته ثابت كجبل شامخ وكأنه هذا الكلام لا يعينه في شئ
قطعت هذا الصمت فريده المصدومه هي الاخرى
فريد :بس ياعمي....
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق