رواية ليالي الغول اقتباس من الفصل الأخير بقلم لوجي احمد

 

رواية وجع الحب الفصل الثالث والرابع بقلم شيماء منير

رواية وجع الحب الفصل الثالث والرابع بقلم شيماء منير

 

وجع الحب

الحلقه ٣

فريده بس ياعمي...

قاطعها كامل. بغصب وهو يضرب على التربيزه بيديه ضربه انفزع منها كل اللي قاعدين على السفره انا مش عايز اسمع كلمه من حد ثم وجه كلامه لمازن

كامل :مازن بعد بكره الثلاثاء تاخد فتون وامك ومرات عمك واي حد عاوز يروح معاكم وتحيب الشبكه من الاماكن اللي بنتعامل معها

مازن:حاضر ياجدي

كامل وقام من مكانه ودخل على المكتب

فتون اول ما جدها قفل الباب قامت وجريت على فوق وشهيره طلعت وراها

مازن هو كمان قام وطلع من غير كلام

الكل بص لبعضه من غير ما حد يتكلم

_____

في غرفة فتون

كانت تتكلم وهي تبكي بانيهار ايه دا ياماما مازن مين اللي اتجوزه

شهيره:اهدي شويه

 

فتون ببكاء :اهدى  ايه انتي مسمعتش بيقولك يوم الخميس كتب الكتاب يعن اخر الاسبوع واشمعنا مازن

ثم اكملت وهي تمسح دموعها الغزيره دا  انا بحس انه مش بيحب يشوفني  وكمان طبعه صعب ياريته حتى مروان اهو بعرف اتعامل معه

شهيره:وجدك قال مازن يبقى مازن

فتون وصرخت ببكاء  يعني ايه بتحكموا عليا بالسجن  العمر كله دا كله عشان موضوع طارق انا عارفه 

شهيره وهي تتحرك بسرعه وتغلق باب الغرفه المفتوح انتي اتجننتي وطي صوتك لو حد هنا سمعك بتقولي اسمه هيقتلوكي

فتون:ببكاء يارب ياشيخه يمكن ارتاح بقا من الدنيا دي

شهيره وقعدت جمبها :يابنتي الله يهديكي افهمي محدش يقدر يعترض على كلام جدك

فتون ببكاء اكثر:عشان خاطرى ياماما اعملي حاجه

شهيره:والله ما حد في ايده حاجه وانتي لو مسمعتيش كلامهم واتجوزتي مازن هتفضلي العمر كله من غير جواز طالما جدك حط الموضوع في دماغه يبقا مش هيسمح ل اي حد يدخل القصر دا ويتقدملك انا عارفهم طباعهم دول عشرة سنين مش يووم

فتون ببكاء ووجع دا انا كنت بحلم باليوم اللي همشي بيه من المكان دا.

 شهيره واخدتها في حضنها

بكت فتون بصوت في حضن والداتها

__________________

في غرفة مصطفى وفريده

فريده بعصبيه :يعني ايه موافق

مازن:يعني موافق ياماما انا عايز فتون

فريده ووقفت بعصبيه:عايزاها على ايه اومال لو مش انت الوحيد اللي عارف اللي فيها

مصطفى بغضب:فريده  مفيش داعي للحورات دي دلوقت

فريده بغضب:اومال عايزني اسكت وابني هو اللي يشيل الليله و..

قاطعها مصطفى بغصب:فريده اسكتي ولاحظى انها بنت اخويا 

فريده:انزل قول لجدك دلوقت انك مش موافق 

مازن:جدي امر وانا وهنفذ كلامه زي ما يكون

فريده بغضب:على حساب حياتك

مازن:انا قولتلك  انا عايزها 

فريده:تبقا اتجننت لما تاخد بنت شهيره 

مازن بضيق:ما اسمهاش بنت شهيره اسمها بنت عمي خالد الله يرحمه

مازن واتحرك من مكانه انا رايح اوضتي عن اذنكم

مازن خرج 

فريده وقعدت بغيظ على احد كراسي الغرفه

مصطفى سابها ودخل الحمام

______

في غرفة فتون

كانت تبكي بشده

مسكت موبيل والدتها  وطلبت احد الارقام

فتون ببكاء الو

يارا:ايوه يافتون عامله ايه

فتون ببكاء اكثر الحقني انا في مصيبه

يارا بقلق في ايه يابنتي

فتون:جدي ..جدي عايز يجوزني مازن بن عمي

يارا:اشمعنا مازن؟؟

فتون :مش عارفه هو اختاره انا هموت يا يارا

يارا:طيب اهدي وانتي ليه مرفضتيش وقولتي لجدك كدا

فتون:محدش يقدر هنا يعترض على كلام جدي كلامه كله امر ينفذ

يارا:طيب وهتعملي ايه؟؟

فتون ببكاء :مش عارفه كل دا بسبب موضوع طارق

يارا:طارق وزفت ربنا ينتقم منه وياخده  ياريتك  ماكنتي قابلتيه اصلا

  

فتون:انا مش عارفه اعمل ايه....

__________

كان يجلس في غرفته

شرد فيما قاله جده

فلاش باااك

كامل:انا كنت عايز اتكلم معاك في موضوع يا مازن

مازن:تحت امرك يا جدي اتفضل 

كامل:اناوهطلب منك طلب لو تعتبره رجاء من جدك 

مازن وقرب منه وقعد القرفصاء امامه انت  تؤمر ياجدي وبس واللي انت عايزه هنفذه

كامل وهي ويربت على شعره بحنان انا عارف انك مطيع ليا وبتحبني كلامك كله بيفكرني بعمك خالد الله يرحمه كان شبهك كدا في طباعك وتصرفاتك

مازن:الله يرحمه ياجدي

كامل:بس انا ممكن اكون اناني في طلبي دا شويه

مازن:طلب ايه ياجدي

كامل:فتون

مازن:مالها...عملت حاجه زعلتك

كامل:لا عايزك تتجوزها

كان صدمه بالنسبه لمازن متوقعش كدا ابدا

كامل: انا عارف كل اللي بيدور في دماغك دلوقت عشان كدا اخترتك انت..وعارف بردوه انك بتقول ليه مثلا مش مروان وهما قريبين لبعض في السن بس مروان مش هيعرف يسيطر على الامور وانت عارف الامور متوتره بين امك وبين امها وانا عايز انهي المشاكل مش ابنيها من جديد

خود وقتك وفكر يابني وانا  اي قرار هتاخده يا مازن انا موافق عليه

مازن:انا موافق ياجدي

هللت اسارير كامل :على طول كدا مش هتفكر

مازن:طالما اي حاجه تخص عائلتي  وفي مصلحتها انا هعملها من غير تفكير وبعدين بنت عمي وانا اولى بيها من اي حد غريب

كامل :ربنا يكملك بعقلك يا خالد يا صغير

ابتسم مازن بخفه

كامل ومسد ايده على شعر مازن

مازن وقبل ايد جده

فاق من شروده 

وقرر ينزل يدرب شويه في اوضة الجيم اللي تحت في القصر

نزل واتفأجاء بمروان موجود هناك

____________________

في فيلا سعد الراوي

نزل على السلم  وجد طارق ابنه يجلس  وفي يديه سيجاره واليد الاخرى كأس من الخمر

سعد بغضب:اهو انت مش فاضي غير لكده طوال النهار قاعد وماسك السيجاره والكاس

طارق بصله وسكت

سعد: انا بزعل على حظى فيك ما كانش ربنا رزقني بواد زي مازن بن مصطفى الشرقاووي دا مش واد دا راجل هو اللي بيدير الامبروطوريه دي كلها وانت دخلتني معه في مشاكل انا في غنى عنها بحوارك مع بنتهم دا

طارق بحقد:كنت عايز اجيب مناخيرهم الارض وانزلهم لتحت وخصوصا مازن دا

سعد بسخريه دا هما اللي نزلوا شركتنا الارض  وهنشحت انا وانت قريب

طارق بضيق :انا قولتلك متروحش وتطلب منه يرجع يشتغل معانا ماكنتش عايز تبين لهم اننا محتاجنهم

سعد بغل:الواد دا عنده ثقه في نفسه انا مشوفتهاش في حد وقلبه جامد...

_________________

مازن. نزل غرفة الالعاب الرياضيه

اتفاجاء لما لاقى مروان هناك 

مازن:غريبه بداء بدري يعني

مروان:طيب ما انت كمان بداء بدري

مازن:انا قولت انزل بدري عشان اخلص بعد شوية شغل على الاب

مروان:ماشي .....ايه الحوار اللي كان على الغداء

مازن وهو يجلس على جهاز الهوم جيم حوار ايه؟

مروان:موضوع جوزاك انت وفتون؟؟

مازن ومازال على  وضعه مالوه

مروان وراح وقف قصاده يعني ايه الحوار دا انا عمري ما عرفت انك وفتون مثلا بينكم حاجه

مازن بعصبيه خفيفه:انت بتقول ايه انت عايز يبقى بني وبين بنت عمك ايه

مروان:مش قصدي بس ايه سر الجواز المفاجئ د ا ..اوعى يكون يامازن دا قرار جدي

مازن بهدوء  يقنع اللي قدامه لا دا قراري انا عايزها

مروان:عايزاها ؟؟ يعني مثلا مش بتحبها؟؟

مازن بصله وسكت

مروان:طيب وهي مش المفروض كنتوا تاخدوا رأيها

مازن بعصبيه خفيفه: هو  في ايه انت وافق تحقق معايا

  

مروان:انت عارف ان دا مش طبعي بس مش عايزاك تخوض في حاجه تتعب فيها ووتبقا سبب مشاكل

مازن ببرود:متخافش مش هاجي اشتكيلك واقولك اني تعبان

مروان بصله  بصدمه وسكت بس هو عارف اخوه مش مش هيتكلم ويقول حتى لو هو متفق هو جدو

كل واحد مارس الرياضيه اللي عايزاها

وبعد كدا طلعوا على اوضهم

فتون كانت قاعده في اوضتها

وسمعتهم وهما طالعين وعرفت انهم خلصوا رياضه

قررت تنفذ الفكره اللي جاءت في دماغها

خرجت من الغرفه....

مازن دخل اوضته

خلع القميص اللي كان لابسه  واللي كان مبلول عرق 

من التمارين الرياضيه

قعد على السرير وفتح الاب توب لحد ما جسمه يهدا شويه وياخد شاور

بعد شويه الباب خبط

مازن وفكر مروان

مازن وقام فتح الباب ايه يا اب..

اتفجاء لما لاقها فتون

وجع الحب

الحلقه٤

مازن وفتح الباب ايوه يا اب..

مازن بتفاجى فتون

فتون بصتله  بخجل من شكله وانه مش لابس قميص او تشرت  على صدره

مازن واتحرك بسرعه ودخل اخد القميص ولبسه وقفل اخر زررين منه

ورجع تاني

مازن:في ايه يافتون  وليه لسه  صاحيه دا الساعه واحده

فتون بتوتر كنت عايزه اتكلم معاك في حاجه

مازن:والحاجه دي منتفعش الصبح؟؟

فتون:انت بتبقا في الشغل  واوقات مش بشوفك

مازن وتنهد بتعب تعالي ادخلى

فتون دخلت ومازن ساب الباب مفتوح

مازن:ايه الموضوع اللي انتي عايزاني فيه؟؟

فتون بتوتر كنت عايزه اقولك ان يعني اانا وانت ..مش موافقين اكيد على الجوازه دي.. فانت اكيد ولو قولت جدو انك مش موافق ممكن يصرف نظر خصوصا ان هو بيحترم كلامك

مازن ببرود:ومن قالك اني مش موافق

فتون بصتله بصدمه

مازن وكمل انا عايزك يابنت عمي انتي بقا مش عايزاني؟؟

فتون وابتعلت ريقها بتوتر

الله الله والابله بتعمل ايه هنا ان شاء الله

قالت هذه الجمله فريده وهي تقف على باب الغرفه

مازن وفتون الاتنين بصوا بخضه اتجاه الباب

فريده ودخلت بعضب بتعملي ايه هنا يابت انتي

مازن ورجع فتون وراه وواقف قصاد فريده

مازن:في ايه ياماما؟؟

فريده بغصب:في ايه ؟؟انا اللي في ايه البت دي بتعمل ايه في اوضتك

مازن:مفيش كنا بنتكلم بخصوص يوم الثلاثاء والمكان اللي هنروح نجيب منه الشبكه

فريده بصوت عالي:والكلام دا مينفعش غير في نص  الليل مفيش نهار  والا بنت شهيره مش صابره

ثم وجهة كلامها لفتون اللي واقفه وراء مازن 

فريده :ياختي دا بيقولك كتب الكتاب اخر الاسبوع مش قادره تصبري  صحيح بنت  قليلة  ادب وربايه

فتون  بضيق واتحركت من وراء مازن في ايه ياطنط.انا..

قاطعها مازن فتون خلاص على اوضتك

فتون بصتله بغيظ ونفسها من جواها تمسك فريده من شعرها

مازن بغضب خفيف ومن بين سنانه فتون على اوضتك يلا

فريده ابتسمت بشماته ونصر

وفتون خارجه وبتبصلها بغيظ

فتون راحت على اوضتها

فريده:ايه اللي جابك البت دي هنا يامازن في اوضتك؟؟

مازن:حضرتك صاحيه لحد دلوقت ليه في حاجه؟؟

فريده:مردتضش على سؤالي

مازن:رديت على حضرتك وقولتلك  كنا بنتكلم بخصوص الشبكه

فريده:وهي دي بتفهم حاجه لما تتكلم معها في حاجه

مازن بملل طيب انا تعبان وعندي شغل لسه عايز اخلصه

فريده:انت بتطردني يامازن وكنت واقف مع بنت شهيره هنا

مازن بضيق وهو يمسح بكفيه على وجهه ياربي لا مش بطرد حضرتك انا عايز اخد شاور عشان انام مش هكمل شغل

فريده بضيق:وتاخد شاور ليه ان شاء الله

مازن وفهم اللي امه بتلمح ليه 

مازن بعصبيه وهو بيمسك قميصه ويشده بخفه كنت بلعب رياضه  وكلي عرق وقرف ما انتي عارفه ان كل يوم بلعب في الوقت دا

فريده:ماشي .. تصبح على خير

مازن:وانتي من اهله...

_______

تاني يوم مازن راح الشركه

دخل على مكتبه زينه دخلت وراه

مازن قعد على كرسي مكتبه وفتح الاب توب بتاعه

لوسمحتي يازينه عايز قهوتي

زينه:حاضر 

وفضلت واقفه مكانها

مازن وبصلها في حاجه؟؟

زينه قربت منه ووشها باين عليه الزعل: انت صحيح هتتجوز فتون؟؟

مازن وعرف ان فريده قامت بالواجب وكلمت خاله

مازن:ايوه

زينه بدموع  طيب انت عارف اني بحبك ليه وافقت تتجوزها

مازن بغضب دي حاجه تخصني وانتي مش هتدخلى في قررات خاصه بيا

زينه بدموع :تمام

مازن اتنهد بزهق بوصي يا زينه انتي عارفه اني مكتتش بفكر في الجواز اصلا وكنت قايلك لو فكرت هتكوني انتي بس الحوار دا موضوع تاني كدا  

زينه:يعني انت مش اختارتها زي ما عمتو قالت وجدو كامل هو اللي فرضها عليك

مازن مش بالظبط بس يعني اكيد مش هتجوز غصب عني

زينه بفرح:اهم حاجه انك مختارتهاش انت بجد انت كتير عليها اووووي متستاهلكش

مازن :قفلي على الحوار دا وهاتلي قهوتي

زينه:حاضر

__________في القصر

كانت شهيره تتحدث في الموبيل

شهيره:وانا مقدرش اتكلم

عثمان بضيق:يعني ايه ياشهيره  هتجوزي البت غصب عنها

شهيره:من قال غصب عنها

عثمان:البت مكلمه يارا وكانت بتعيط ومش عايزاه  لو انتي خايفه تتكلمي مع كامل الشرقاووي اجي انا واتكلم

شهيره:لا ..لا ياعثمان ابوس ايدك كفايه المره اللي فاتت اما ادخلت وكنت عايز تاخدوني انا وهي وحصل مشاكل لا يا اخويا احنا مش قدهم وهيقطعوا علاقتي بيك وبردوه هيعملوا اللي عايزينه

عثمان:يعني هترضي لبنتك الظلم ياشهيره

شهيره:ولا ظلم ولا حاجه اهي هتتجوز لو الجوازه دي متمتش بنتي مش هتتجوز العمر كله انا عارفه دا

_________

كانت تمشي في احدى الطرقات في المستشفى

فاليوم هو اول يوم تستلم عمل في المستشفى

كانت تمشي حتى تصل الى مدير المشفى

يارا خبطت على الباب ودخلت

كان مدير المستشفى يجلس 

يارا:انا دكتوره يارا ه هتسلم شغل هنا

المدير:اتفضلي يادكتوره

يارا وقعدت قدام المدير وبداءت تمتضي اوراق استلام العمل

خرجت من عند المدير بعد ما عرفت مكتبها

كانت ماشيه ومش عارفه المخارج فخبطت في حد

يارا :سوري انا..

قاطعت كلامها لما لقيته الشخص اللي كان خبطها بالسياره

مروان:انتي تاني بتطلعلي منين؟؟

يارا:انت اللي مين وايه حابك هنا؟؟

مروان:انا دكتور هنا وانت بقا جايه هنا ليه؟؟

يارا:انا كمان دكتور هنا

مروان:بس انا اول مره اشوفك

يارا:احم ماهو لسه اول يوم شغل

مروان:اممم جديده يعني تمام اعرفك بنفسي انا مروان

يارا:انا يارا

مروان:تخصص ايه بقا 

يارا:جراحه

مروان:تمام يعني هيكون لينا شغل مع بعض

يارا:هو انت جراحه

مروان:اها

يارا:تمام ..

______________________

تاني يوم

الساعه ٥

فتون جهزت وشهيره وكمان فريده وهنا وطبعا مازن

عشان يجيبوا الشبكه

فتون ركبت جمب مازن في عربيته

وشهيره وفريده وهنا. ركبوا العربيه التانيه مع عم حسين

مازن اتحرك بالعربيه وحسين ووراهم على بعربيات الحراسه

في عربية مازن وفتون

الجو صامت  

فتون باصه من الشباك ومازن باصص قدامه وبيسوق في صمت

فتون كانت حاسه بالخنقه ونفسها لو تنزل تجري من العربيه دي

وصلوا عند المحل

مازن نزل على طول وعلى قابله واتكلموا

دا ضايق فتون فتحت باب العربيه ونزلت بضيق

كانت شهيره واقفه وفريده وهنا

فتون وقربت عليهم

فريده بسخريه هو انتي مفكره نفسك عروسه بجد يلا ياختي

فتون كانت هترد بس شهيره ضغطت على ايدها جامد

وشدتها بعيد شويه

شهيره:اهدي مترديش عليها هي نفسها تبوظ الجوازه بس مش عارفه

فتون من بين سنانها بغيظ ياريت تبوظ سبيني عليها والله هجبها من شعرها

شهيره:وهي عايزه كدا  عشان تجبلك المشاكل

جيه مازن دخل وهما دخلوا وراه

طلعوا المحل وكان كذا دوور

اختاروا الشبكه 

مازن طلب منهم ينتظروه في العربيات

ونزلوا من المحل ركبوا العربيات

فتون قعدت بعربية مازن منتظره

فجاء جيه شخص وقف عندها ورمى عليها ورده وكان شكله بائع ورد ومعه ورد كتير

فتون بصتله

الشخص :افتح الورده ياهانم واقري اللي فيها رساله ليك..

..

الشخص مكملش كلامه والحرس موسكوه

فتون واتخضت من شكل الحرس اللي بقا محواط العربيه

بس حطت الورد في شنطتها من التوتر

الحرس اخدوا البائع اللي كان بيقول معملتش حاجه يابيه انا بسترزق يابيه

مازن خرج من المحل وركب جمب فتون

جيه على وكلمه شويه في ودنه

مازن:وديه على المخزن القديم اما اشوف ايه حكاية اهله هو كمان

شغل العربيه 

واتحرك

مازن وهو سايق :الراجل دا قالك حاجه؟؟

فتون بتوتر :لا هو مقالش حاجه هو بس كان بيعرض عليا اشتري ورد ..متعملوش في حاجه هو معملش حاجه

مازن:هو انتي تعرفيه عشان تدفعي عنه؟؟

فتون:لا بس شكله غلبان

مازن بسخريه اااه ماشي

وصلوا القصر

مازن وصلهم ومشي

نزلوا دخلوا القصر

هنا بفرح:مبرووك يافتون حتى ذوقك حلو في الشبكه

فتون بابتسامه:الله يبارك فيكي يا هنا عقبالك

هنا:تسلمي ياقلبي

فريده:هي الشبكه فين؟؟

فتون:معايا

فريده :هاتي ياختي شبكة ابني هتفضل معايا

فتون بعند:لا دي حاجتي وهتفضل معايا

فريده:انتي عايزه تمشي كلامك عليا يا بنت شهيره اما صحيح قليلة الادب

فتون: انا مش قليلة الادب ومتربيه غصب عنك

فريده :ايوه عارفه تربيتك وادبك شوفته امبارح بالليل

ثم وجهت كلامها لشهيره اسالي بنتك كانت بتعمل ايه في اوضة ابني الساعه ١ص

هنا:ايه ياماما الكلام اللي انتي بتقوليه دا؟؟

فريده:لو بكدب تكدبني اهي واقفه ولسانها طويل

شهيره وبصت لبنتها بغضب  الكلام دا صحيح؟؟؟

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا