رواية وجع الحب الفصل الخامس 5بقلم شيماء منير
رواية وجع الحب الفصل الخامس 5بقلم شيماء منير
وجع الحب
الحلقه٥
شهيره وبصت لفتون بغضب دا صحيح؟؟
فتون :ايوه مش زي ماهي بتقول كدا
شهيره :وايه اللي وداكي اوضته
فتون:كنا بنتكلم في شوية حاجات كدا
فريده بسخريه:اه الساعه ١ بالليل
شهيره وشدت فتون من ايدها بغضب وطلعوا على فوق
هنا :ليه بس ياماما تعملي مشكله بينهم في يوم زي دا
فريده :اسكتي يابت البت دي ناقصه تربيه
فوق في اوضة شهيره
شهيره بغضب:ايه اللي وداكي اوضته
فتون :والله ياماما مش زي ما انتي فاهمه وكنا بنتكلم والباب مفتوح عشان كدا هي شافتنا
شهيره:روحتي ليه؟؟؟
فتون بتردد كنت رايحه اقوله يكلم جدي ننهي الموضوع دا
شهيره:وازاي تعملي حاجه زي كدا من غير ما تقولي ليا
فتون:انتي مكنتش هتوفقي
شهيره:وهو رد وقالك ايه؟؟
فتون:قالي انه عايز يتجوزني
ابتسمت شهيره بسخريه عشان تصدقي كلام امك.. يابنتي انا اكتر واحده فهمهم اسمعي كلامي انا امك مش هغرقك. ..
___________________________
في بيت عماد اخو فريده
عايده زوجته
عايده بضيق:كمان راحوا يجبوا الشبكه النهارده اهو اداكي بمبه في الاخر وضحك عليك
زينه بضيق:ياماما قولتلك ان جدو هو اللي عايزه يجوزها انما هو مش بيحبها
عايده:وانا اعمل ايه بالكلام الفاضي دا المهم اتجوز مين في الاخير
زينه:وحياتك لارجعه ليا بس اصبري عليا
عايده:وهتعمل ايه بواحد متجوز
زينه:هعمل كتير....
_________________________
تاني يوم
في بيت عثمان
يارا:يابابا هي فتون كلمتني وقالت جابو الشبكه امبارح
عثمان:انا قولت لعمتك ادخل بس هي مش راضيه
رحمه:عندها حق ياعثمان هما احرار مع بنتهم
محمد:يعني نسيبها ياماما تتجوز واحد مش عايزه
رحمه :يا ابني الناس دوول طبعهم صعب وشداد ومحدش يقدرهم انا بعذر عمتك يمكن فتون تقدر تتعامل مع زي شهيره ما كانت بتتعامل مع خالد
محمد:معتقدش فتون بردوه غير عمتى
عثمان:محدش عارف يمكن ربنا يكون كاتب ليها خير
يارا:ياارب يا بابا فتون والله طيبه وتستاهل كل خير
____________________________
فتون كانت قاعده هي وشهيره في غرفتها
الباب خبط
وكانت واحده من الشغالين
فتون وفتحت الباب
الشغاله:مازن بيه بعت لحضرتك دا
فتون واخدته منها
شهيره وقربت ليها ايه دا؟؟
فتون:اكيد دريس شكله واضح
فتون وخرجته كان فستان لونه اوف وايت بكم وطويل لتحت وضيق من فوق وواسع شويه من تحت ومعه طرحه وشوية اكسسورات
وكمان شوز لونه اوف وايت
شهيره باعجاب:الله دا جميل اووي
فتون بصتلها بضيق وسكتت
شهيره:مالك في ايه؟؟
فتون:يعني دا المفروض فستان فرحي حتى مليش حق اختاره هو اللي اختاره وبعته
شهيره:مش مشكله بس اختياره حلو وذوقه تحفه
فتون بصلتها وسكتت
______________________
يوم الخميس يوم كتب الكتاب
اللي هيكون مختصر على عدد قليل من الاقربون وبس
مازن صحي وراح على شغله بدري قبل ما حد في القصر يصحي
زينه فرحت انه جيه ودا تكد لها انه مش عايز فتون
على اتفاجاء لما عرف من زينه ان مازن في مكتبه
على ودخل عند مازن
على:مازن انت هنا؟؟
مازن:ايوه ايه المشكله؟؟
على:هو انتوا غيرتوا اليوم والا ايه في جديد؟؟
مازن:لا طبعا اكيد يعني انا متفق على كل حاجه قدامك
على :انا توقعت متجيش النهارده
مازن:عندى شوية شغل بخلصهم
على بتعجب وهي يحرك فمه:تمام
مازن:بقولك ايه المهم الواد بتاع الورد اتكلم والا لسه
على:لسه بحاول معه
مازن بجديه:انا عايز الواد دا ينطق في اقرب وقت
على:والله بحاول معه يامازن
مازن وبيستفزه :بقا كابتن على مش عارف يخلي حتة واد زي دا يتكلم
على بابتسامه خفيفه وفهم طريقة مازن بتستفزني يعني عموما انا قايم بالواجب وزياده والواد دا اخره النهارده وهيتكلم
مازن :والا اجي انا واخليه يتكلم
على:لا بلاش انت كدا هنموته مش هنطقه انا هخليه يتكلم بطريقتي
مازن:تمام
__________&______________
فتون صحيت
كان فيه ٣بنات جايين من بيوتي سنتر عشان يساعدوها وتجهز عشان كتب الكتاب
شهيره كانت بترتب حاجه فتون والشغالين بيساعدوها تنقلها غرفة مازن
فريده كانت مضايقه ونفسها الجوازه دي تبوظ باي شكل
فتون كانت بتجهز دموعها في عينيها وماسكهم بالعافيه
البنت اللي بتعملها الميكب :عيونك بدمع ليه
فتون بصتلها وسكتت
البنت بمرح:ايه من الفرحه؟؟
فتون وابتسمت بسمه خفيفه بسخريه ومردتش
البنت:خطيبك اصلا امور ومز كمان هو اللي كان متفق معانا في السنتر بس شكله بيحبك اووي وقالنا اللي هي عايزاها تعملوهولها ودفع لينا اكتر من الفلوس اللي طلبناها كمان
الباب خبط
ودخلت منه يارا
فتون بفرح :يارا
يارا وقربت منها مينفعش مجيش واكون جمبك
حضنوا بعض
وفتون مقدرتش تمسك دموعها اكتر من كدا وبكت بقوه
يارا:اهدى يا فتون
البنات اللي كانوا موجودين كانوا مستغربين بكاها دا
يارا:معلش ياجماعه عروسه بقا وفرحه وخوف مع بعض
فتون بداءت تهدا شويه بشويه وبداءت البنت تعمل لها مكياج ولبست حجابها
خلصت وكانت جميله ورقيقه
____________________
في غرفة مازن
كان مصطفى وفريده
مصطفى بغضب دا يوم يروح الشغل فيه ها ...
فريده:انا ذنبي ايه يعني انا صحيت لقيته مشي
مصطفى بغضب:دا انا وجدو مروحناش هو يروح وياريته رجع بدري وموبيله زفت مقفول الناس بداءت تيجي تحت والمأذون على ووصول اعمل ايه دا انا كنت فكره نايم مريح منزلش عشان كدا
فريده :انا عارفه ان الجوازه مش عاجبه ياحبيبي مجبر ومش عايز يزعل جده
مصطفى بغضب:اسكتي شويه يافريده ابنك مش صغير والموضوع دا حاصل بإرداه مش لعب عيال هو
مروان وخبط ودخل
مروان:مازن وصل والا لسه؟؟
مصطفى كان هيرد بس مازن جيه
مصطفى وقرب منه:ايه يامازن دا يوم تروح فيه الشغل؟؟
مازن ببرود:عادي يابابا كنت بخلص شوية شغل
مصطفى اتنهد بضيق انا نازل استقبل الناس
فضل فريده ومروان
مروان:ياعم اذا كان انا واخد اجازه
مازن:تعرفوا تخرجوا بقا عشان اجهز
خرجوا ونزلوا على تحت
مازن جهز
واخد فتون من اوضتها ونزلوا
كتبوا الكتاب
مازن وفتون كانوا قاعدين على كرسين في هوول في الفيلا
مازن لبسها الشبكه وهي لابسته الخاتم
وبداءت التهاني من اللي حواليهم
هنا اللي كانت مبسوطه وكانت بتلتقط ليهم صور بكاميرا بتاعتها
يارا كانت واقفه جمب فتون
مروان اتفجاء بوجودها
اتحركت وراحت عشان تسلم على باباها ومامتها واخوها اللي وصلوا
مروان:دكتوره يارا ازيك
يارا بتفاجاء دكتور مروان ازيك. غريبه ايه جابك هنا؟؟
مروان:دا بيتي
يارا بصدمه:انت مروان بن عم فتون؟؟
مروان:ايوه انتي صاحبة فتون؟؟
يارا:لا انا بنت خالها
مروان:بجد؟؟انتي بنت اونكل عثمان؟؟
يارا كانت هترد بس محمد قرب منهم
محمد:في حاجه يا يارا
يارا:لا يا محمد انا جايه
يارا وكملت بشمهندس محمد اخويا دكتور مروان بن عم فتون
محمد:اهلا وسهلا
مروان:اهلا بيك ليا الشرف اني اتعرف عليك
محمد:الشرف ليا
ثم وجه كلامه ليارا بابا عايزك
يارا :تمام...عن اذنك
مروان:اتفضلى
محمد ابتسلمه بخفه
ومشي هو كمان
زينه وعايده وعماد كانوا موجودين
عايده:شوفتي الفستان اللي لبسه
زينه بغيظ:اممم لابسه واحده متستاهلوش
عايده:انتي اللي اتاخرتي في خطواتك
زينه:ياماما مازن تقيل في مشاعره مش بيطلع اي كلمه حتى لو بسيطه عشان كدا متاكده ان جوازته وهو وفتون مش هتكمل
الحفله البسيطه خلصت
الكل مشي ومفضلش غير اصحاب المكان
مازن كان واقف مع على
مازن:شكلك عايز تقول حاجه
على بتردد :يعني بس انا شايف مش وقته الليله دي بكره هكلمك واقولك
مازن:اتكلم ياعلي في ايه؟؟
على:الواد اتكلم
ما زن:وقال ايه..ماتتكلم ياعلي انت هتنقطي كلمتين بكلمتين
على:الواد فعلا بيبع ورد وادوله قرشين عشان يوصل رساله
مازن:هما مين؟؟
على:طارق ..الراوي
مازن بغضب مدفون:والرساله دي كان فيها ايه؟؟
على وحس ان مازن هينفجر
على:معرفش
مازن بعصبيه وصوت عالي ماتتكلم ياعلي مالك في ايه
على بيوص حوليه من صوت مازن اللي رن في المكان
على بتردد:انا معرفش ولا حتى الواد يعرف لانه طلب منه يوصلها وخلاص
مازن بعصبيه ساخره اومال انا اللي اعرف
على بتوتر:الرساله ..مع مدام. فتون
مازن افتكر. انه سألها وهي قالت مفيش حاجه
مازن :تمام ..ماشي روح انت
علي:طيب الرساله جووو ورده
مازن:تمام
على:طيب اعمل ايه في الواد اللي هناك دا
مازن:استنى مني تليفون الليله وهقولك تعمل ايه
على :الليله!!
مازن بعصبيه:ايوه
على:تمام ..سلام
مازن:سلام
مازن وطلع على فوق
________________________
فتون كانت قاعده في اوضة مازن
كانت بتتأمل في الغرفه ماكانتش بتدخلها كتير
بس تقريبا فيها كل حاجه باللون الاسود الدولاب والتسريحه والمكتبه حتى باب الحمام افتكرت ان هو كمان بيلبس اسود
فتون قررت تقوم تغير لما مازن اتاخر
خلعت الحجاب وانفرد شعرها الناعم الاسود الطويل
قعدت على السرير وهي تنظر للخاتم اللي في ايدها تجمعت الدموع في عيونها
فجاءه انفتح الباب
ومازن دخل وقفل الباب بعنف
فتون بتوتر لبست الطرحه على شعرها زي ماهي متعوده
وقامت واقفت وبصتله بخوف لانه كان شكله متعصب
مازن وقرب منها وماسكها من ذراعها بعنف..
ونكمل الحلقه الجايه
بقلمي شيماء منير
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق