رواية وجع الحب الفصل التاسع عشر 19بقلم شيماء منير
رواية وجع الحب الفصل التاسع عشر 19بقلم شيماء منير
وجع الحب
الحلقه ١٩
مازن ورن على هنا
بس قفل الخط لما لاقى جده خارج من الاشعه
اقترب منه
كان معه مروان والدكتور عمرو
في الوقت دا هنا كانت طلعت من تحت
فتون قربت منها بسرعه
فتون:مازن لو سألك قوليله انك كنتي ناسيه موبيلك تحت
هنا:ليه ايه اللي حصل
فتون:بعدين
مازن:ايه الاخبار طمنوني
مروان:متقلقش خير كله تمام
مازن:الحمدلله
الكل اطمن على كامل
ورحوا على القصر ماعدا مازن طبعا اللي رافض يسيب جده
بعد الكل ما مشي
مازن كان قاعد على كرسي جمب جده
كامل بتعب:كنت عايزك تروح ترتاح ..بالك كذا يوم منمتش
مازن:وانا مش تعبان ياجدي ..وبعدين عايزني اروح انام في القصر وانت هنا في المستشفى
كامل:وايه يعني ماهو مروان هنا معايا
مازن:وانا عمري ما اسيبك ياجدي دا انا من غيرك ولاحاجه
كامل وابتسم بوهن طمر فيك التربيه يامازن
مازن وقبل ايده ربنا ميحرمنش منك ياجدي
_______________________
كانت تجلس مع عمتها في القصر
فريده بغضب:ايه الكلام اللي انتي بتقوليه دا يازينه
زينه:والله ياعمتي زي ماقولتلك كدا وانا حاسه ان فتون دي هي اللي بتخطط توقع هنا في الغلط
فريده:لا دا انا اكلها بسناني لو تفكر تضر بنتي
زينه بمكر:انا قولتلك ياعمتي وقاصده خير اوعي تجيبي سيرتي وخصوصا قدام مازن
فريده:متقلقش انا هتصرف
تاني يوم
كامل خرج من المستشفى
مازن رجع معه وكان مرهق جدا ونام على طول
فتون كانت قاعده في الغرفه
موبيلها رن
وكان طارق
زفرت بضيق وهي بتبص على الموبيل
طلعت البلكونه وردت
فتون:الو
طارق:ايه قطه عامله ايه؟
فتون:انت بترن ليه؟؟
طارق:وحشتني
فتون:ياشيخ يارب تشوف الوحش كله عايزه مني؟
طارق:نفسي اشوفك
فتون بغضب:انت اتجننت لا ابعد عني بقا
طارق:براحه شويه عصبيتك دي مش في مصلحتك
فتون وسمعت صوت حركه
فتون وقفلت الموبيل
كانت داخله قابلت مازن اللي عيون كلها غضب
فتون وبلعت ريقها بتوتر وحست خلاص انها اتنهت
مازن واتكلم بعصبيه انتي ازاي تخرجي البلكون كدا انتي اتجننتي
فتون وبصت لنفسها كانت بالبيجامه ومش لابسه حجاب
فتون بخوف:نسيت والله
مازن وشدها بعصبيه وقفل البلكونه
مازن بضيق:انت اصلا بتستهبلي
فتون بصتله بصمت وسكتت
مازن دخل اخد شاور
فتون قعدت على السرير ودموعها نزلت
فتون وهي بتعيط اعمل ايه ياربي اخلص من طارق دا ازاي
بعد شويه
مازن خرج من الحمام
فتون اول ماخرج مسحت دموعها بسرعه
مازن وقرب من الدولاب وخرج لبس
مازن:يلا قومي اجهزي عشان ميعاد الغداء
فتون :حاضر
فتون ولبست هي كمان ونزلت
مكنش موجود حد غير مصطفى تحت
مازن القى التحيه عليه وقبل راسه بحب
مازن:انا هروح اطمن على جدي
مازن وطرق بخفه على الباب ودخل
كان كامل بيقرأ قران
والممرضه قاعده على كرسي جمبه
قفل المصحف لما شاف مازن
مازن :مساء الخير
الممرضه:مساء النور
مازن وقرب من جده وقبل ايده ورأسه عامل ايه ياجدي دلوقت
كامل:الحمدلله يابني
مازن: اخد علاجه؟
الممرضه:ايوه يافندم واكل كمان
مازن وقعد بجانب جده:طيب كويس يلا بقا ياجدي القصر دا بره من غيرك وحش انا اصلا مش عارف اروح الشركه بكره وانت مش فيها ازاي
كامل وهو ينظر الى الممرضه بغزل هو حد يبقا شايف القمر دي ميخفش بسرعه
ابتسمت الممرضه بخجل الله يخليك ياجدو تسلم
ثم اكملت وهي تنظر لمازن اهو كدا من الصبح بيغازل فيا يرضيك يا استاذ مازن
كامل:انتي زعلان عشان انا رجل عجوز
الممرضه :لا طبعا عجوز ايه دا انت ابو الشباب ياجدو
ضحك كامل بقوه
ابتسم مازن على ضحك جده
في الوقت دا دخلت فتون
اللي بصت بضيق وغيظ لما لاقت مازن بيضحك وكمان المنرضه وجدها
فتون وابتسمت بضيق مساء الخير
الجميع مساء النور
فتون وقربت من جدها وقبلت ايده عامل ايه ياجدو
كامل:الحمدلله يابنتي
في الوقت دا الممرضه قربت من مازن لو سمحت عايزين العلاج دا
مازن واخد منها الورقه تمام هبعت اجيبه على طول
الممرضه بابتسامه تمام
فتون بضيق مش يلا عشان الغداء
مازن وفهم ضايقها ماشي يلا
مشي هو وفتون
ورجع دور وشه
مازن:هخليهم بيعتولك الغداء هنا
الممرضه :شكرا لذوقك
خرجوا من الاوضه
فتون بضيق وغيره واضحه بقولك ايه انا هبقا اطمن على جدي متبقاش تتعب نفسك انت
مازن وابتسم وهو بيبص قدامه لان فهم انها غيرانه من وقت ما دخلت
مازن:طبعا انتي واخده بالك اني مش طالبه معايا حوارات وخناقات من الصبح فطبعا سيادتك مش هتديني اوامر اذا كنت ادخل لجدي او لا
فتون بغيره واضحه ايوه ماهي القعده جوه عجباك عشان اللي معه
مازن بعصبيه فتووون انا الايام دي شايف الدنيا سوده قدام عنيا وبحاول اتأقلم عشان مزعلش حد من اللي حوليا هتتعوجي هعدلك انا بطريقتي فمتخلاهاش تيجي فيك
فتون بتوتر طيب كنت بتضحك معها ليه
مازن بنفاذ صبر ياااربي ارحمني بقا
قرب منهم مصطفى
مصطفى:في ايه يابني مالكم؟
مازن وهو يمسك فتون من ايدها ويشدها مفيش يابابا مفيش
واتحرك بها اتجاه اللافينج
في الوقت دا نزلت فريده ومعها هنا
بس كان شكلهم متغير
فريده وقربت من فتون بغضب
انتي بقا عايزه توقفي حال بنتي زي حالك من كان واقف
فتون وبصتلها بعدم فهم
مازن ووقف بينهم في ايه ياماما؟؟
الكل قرب منهم
فريده بغضب وصوت عالي:اسأل مراتك
مازن بغضب ماما ياريت توطي صوتك شويه من فضلك
ثم وجه كلامه لفتون
مازن وهو يضغط على اسنانه واتكلم بغضب في ايه يافتوووون
فتون بخوف من طريقة مازن معرفش وربنا ما اعرف انا معملتش حاجه
فريده :الابله مراتك عامله فيها مجمعه الحبايب ومقربه البعيد
هنا بتدخل وهي بتبكي ياماما قولتلك فتون ملهاش دعوه
مازن بعصبيه:ممكن تفهموني في ايه
فريده:الاستاذ علي اللي انت مأمنه على شغلك ومأمنه على اللي في القصر وبدخله هنا بيكلم اختك في الموبيل والموضوع دا بقاله شهرين ومش بس كدا دا الابله مراتك عارفه كل حاجه ومقالتش ومش بعيد تكون هي اللي متفقه معه كمان يضحك على بنتي
مازن وبص بغضب لفتون اللي كانت واقفه بخوف وبتحرك دماغها بالنفي
مصطفى بغضب وبنتك عيله صغيره مش عارفه هي بتعمل ايه
هنا ببكاء وشفايف مرتعشه فتون ملهاش دعوه بحاجه الموضوع بتاعي انا وفتون عرفت بالصدفه
فريده:اه وكتمت عجبها يابنت الهبله عايزه تخيب بختك بقا انتي تروحي تكلمي واد شغال عندنا
هنا ومازلت تبكي
فريده وضربتها بالقلم
هنا وحطت ايدها مكان القلم وانفجرت في البكاء
شهيره وبعدتها عنها ليه كدا يافريده حرام عليكي
فريده بغضب:ملكيش دعوه ياشهيره ما انتي زمانك فرحانه انتي وبنتك
شهيره:والله ربنا العالم انا بحب هنا دي قد ايه وبعتبرها زي بنتي
فريده بغضب اعمى لا ياختي انا مش عايزاه زي بنتك
ثم وجهت كلامها لمازن انت ساكت ليه اضربلي البت دي قلمين فوقهالي والواد دا تطرده
مصطفى بغضب انتي عايزاه يضربها قدامي يافريده
مازن:اهدي شويه ياماما
ثم اكمل وهو ينظر لهنا هو اكيد مش غلطان لوحده
هنا وبصتله بخوف ودموعها نازله
مازن بغضب موبيلك فين؟؟
هنا وادتله بيد مرتعشه
مازن واخدها منها
مازن ياريت الكل يتفضل يلا على السفره عشان ميعاد الغداء ومش عايز اسمع اي كلام في الموضوع دا
الكل اتحرك على السفره وقعد من غير كلام
الاكل خلص اللي تقريبا مكنش حد فيه بياكل
كل واحد طلع على اوضته معادا مازن ومصطفى اللي دخلوا اوضة المكتب يخلصوا شغل
مصطفى:هنعمل ايه في الموضوع دا يامازن؟ ازاي علي يعمل كدا
مازن وخرج سيجاره وولعها
مازن وهو يخرج دخان السيجاره سيبلي انا الموضوع دا يا بابا
مصطفى:انا نفسي افهم لما هما حاطط عينه عليها مدخلش الباب من بابه ليه
مازن وهو يضغط على شفايفه بغيظ ماهو تعدى حدوده وانا هربيه على دا
مصطفى:انا مش عايز تهور يامازن وكمان متنساش انه معه كل اسررنا وكنا بندخله بيتنا انا عن نفسي كنت بعتبره زيك....
تاني يوم مازن راح على الشغل
كان معه موبيل هنا
اللي تقريبا شاف فيه كل الرسايل بينهم
وعلي اللي رن كذا مره بالليل بس هو مردتش
في الشركه
وصل من بدري
مازن دخل زينه ودخلت وراه
مازن:اما علي يوصل خليه يدخل على طول
زينه وابتسمت بمكر وفهمت ان فريده اتكلمت شكل مازن مضايق
زينه:تمام
خرجت من المكتب وجواه فرح من اللي حصل وهيحصل
زينه :اخيرا بقا علي يمشى وبعد كدا فتون ومازن يبقا ليا لوحدي وبس
بعد شويه موبيل هنا رن وكان علي
مازن وبص على الموبيل
وفتح الخط
ياترى ايه هيحصل
مازن هيعمل ايه مع على
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق