رواية قتلني ورحل الفصل العاشر 10 بقلم ميفو السلطان حصريه في مدونة قصر الروايات
رواية قتلني ورحل الفصل العاشر 10 بقلم ميفو السلطان حصريه في مدونة قصر الروايات
#قتلني_ورحل
#حكايات_mevo
البارت العاشر....
دخل قاسم علي كارما يقترب منها مشاكسا ...كوكو يا كوكو..
ضحكت علي الفور ..... الدخله دي ماتطمنش ايه يا قلب كوكو.
ابتسم وقال .. فيه رحله في الجامعه عندكو ممكن تحجزيلي فيها انا وانت.
قطبت جبينها متسائله.. رحله ايه دي..
تنهد بهيام ... رحله الحب يا قلب قاسم.
لتستدير وترفع حاجبيها تضع يدها في خصرها .... سيدي يا سيدي طبيت يا واد. .
اتعت ابتسامته وسهم قليلا ثم قال..... اقولك بس لو نطقتي هفلقك نصين.
ضحكت تقترب مسرعه ... عيب عليك داحنا غلابه مالناش الا بعض في بيت الزواحف ده ....
ابتسم وشرع يحكي لها لتبتهجسعيده ،،،.. بجد با قاسم حبيت قوي كده.
هز راسه عيونه تشع عشقا ... حبيت بس دا روحي وقلبي طيبه الدنيا اللي هعيش احلم بيها.
توجست لبرهه .. بس خايفه يا قاسم من جدو.
تنهد واحني راسه قليلا ثم قال.... هيعمل ايه يعني لو انطبقت السما ماهسيبها. هيجحد شويه ويستسلم مانا برضه دماغي حديدي.
ضحكت .. انتو عيله صعبه.
قال مبتسما... طب هتحجزيلي.
هزت راسها ..... بص عارف مراد اللي معانا في الشركه اللي بيجلنا كان قالي انه له علاقات في الجامعه هكلمه.
قبل يدها ودفعها .... طب بسرعه َو حياتي..ابتسمت له ثم تركها سعيدا لتقف وتتنهد ....حبيت يا قاسم.. .. اه يا وجعك يا كارما حبيتي ومش هتطولي حبك حبيبك مابيعرفش يحب.. استدارت ونزلت الجنينه تكلم مراد تشرح له ماتريد ..
يا ريت يا مراد تساعدني هيا خلاص بكره مش عارفه الحجز هينفع بس عشان خاطري.
ضحكت... تسلم ربنا يخليك.. اه هطلع معاهم. بجد هتطلع معانا طب اوك وماله ننبسط كلنا هنقضي يومين حلوين يا مراد خلاص هروح احضر نفسي انا عارفه انك اد كلمتك .
قفلت الخط وتستدير لتشهق عندما وجدت ايان يقف غاضبا .
قال بنبره مشتعله مكتومه .. خير يا ست الفرفوشه هتحضري نفسك لايه بالضبط وهتقضي يومين فين مع البيه يكونش يا بت ملكيش حاكم ومش عارفين.
قطبت جبينها ثم قالت بتافف... اسمع يا ايان دا مراد وهيحجزلنا رحله انت زعلان ليه.
قال ساخطا .. يحجزلكو.
هزت راسها ببرود .... اه انا وقاسم هنطلع رحله َمراد قال هيجي واظن قاسم معايا مفيش احلي من كده حاكم ولا ايه عن اذنك.
مسكها مره واحده ... وسي زفت ده طالع ليه هاه شحط طالع معاكو ليه.
قالت مبتسمه باستفزاز .. والله رحله للكل يطلع براحته.. وشحط وماشاحطش واحد عايز ينبسط وهنفرح كلنا لا هي بالسن و لا المقامات ..دفعت يده ومطت شفتيها بامتعاض ....
اسكت يا ايان انت مالكش في الحاجات دى ومابتفهَمش فيها خليك في شغلك كبره وانبسط دا تمامك وده اخرك لتتركه وترحل ....
وقف مشتعلا يميز من الغيظ ..... بقي دا تمامي ودا اخري متعلقلكو طور بشتغل .. كده طيب يا كارما.
*************. .. الله اكبر
كانت ليال قد وصلت هيا واصدقائها لرحله السفاري وكان الكل يشعر بالمرح لتقترب منها فتاه وتهتف.. انت ليال صح..
ليال.. ايوه انت مين..
قالت الفتاه .. انا قريبه قاسم تعرفيه.
لترتبك ليال.. قاسم اه طبعا اعرفه.
ابتسمت الفتاه .. علي فكره هو حكالي كل حاجه عنك قاسم بيحبك قوي .
لترتبك ليال وتفرك يدها بخجل ... هو قالك كده.
الفتاه بسعاده... اه وقالي حاجات كتير ونفسي نبقي اصحاب.
انسعدت ليال واستجابت لها علي الفور ..اخذتها الفتاه وذهبت بها بعيدا تحكي معها قليلا ثم قالت.. بقولك تعالي مأجرين مكان كده نقعد فيه بس بعيد شويه يلا اركبي وانا هحصلك وهنبقي كلنا مع بعض ..
استجابت لها ليال بعفويه ركبت مع احد الرجال وانطلق بها لتجد مكان به بعض النيران ومجهز بكافه الأشياء وقف الرجل فجاه .
نزلت تدور تبحث عن الاخرين .. .. ايه ده هو فين الناس انت جايبني هنا ليه.
شعرت بالخوف والرهبه هصوصا ما ان استدار الرجل وتركها لترتعب... انت سايبني لمين انا مرعوبه .
اندفعت تجري وراءه لتشهق عندما وجدت يد تمسكها .
صرخت وانهارت واغمضت عينها تضرب فيه وتصرخ وهو يحاول ان يمسكها لتسقط من رعبها مغشيا عليها ..
هوي قلب الرجل ولم يكن الا قاسم الذي حَملها مره واحده واخذها الي المكان علي احد الوسائد اقترب منها يتلنسها بحنان .. قلبي ..قلب قاسم اسف يا عمري يا رب البت هبله والعبط زايد عندها.. حبيبي.. فوق يا قلبي ماهتحملش نومتك كده جوا حضني ظل يفيقها لتفتح عيونها تنظر اليه ..هبت تكلبش فيه احتضنها علي الفور يهدئها ...ايه مفيش حاجه
صرخت... هيخطفوني انا خايفه.
ضحك .... مين يا قلبي اللي هيخطفك والله نفسي اخطفك واجري دانا يا قلبي محضرلك قاعده.
ظلت ترتجف لوهله ابتسم ومسد علي يدها همست برهبه ..... اخص عليك انا خوفت لانخطف ويقطعوني اعضاء وابقي رحت فطيس.
ضحَك عاليا .... اعضاء.. خيالك معدي.. مانا خاطفك فعلا لتننهد وتبتعد فتذمر قائلا ... ليه ماكنا حلوين .
خبطته... بطل انت َوحش وخوفتني.
ضحك.... لا ماليش حق حبيبي اللي خفيف عالاخر. بس ايه رايك في المفاجاه دي.
ابتسمت .... والله انت مجنون عملتها ازاي.
غمز لها ..... عيب عليكي .. بعتها حجزت لينا معاكو واهوه احنا معاكو وهيا اللي جبتك هنا .
قالت متسائله.. البنت اللي كلمتني دي تبقي قريبتك.
هز راسه... اه..
قالت بقلق... اه بت قمر قوي.
ضحك .... اه قمر عالاخر .
قطبت و خبطته فسالها .... ايه.
قالت متذمره... لا انا اقول انت ماتقولش.
ضحك عن اخره .. لا والله طب ماهي قمر فعلا.
نظرت اليه غاضبه.... ايه عجباك طب وجاي ليه ماتروحلها.
ابتسم وهز راسه .. ام الهبل بتاعك اروح لمين يا قلبي دا مفيش غيرك .
تنهدت بحب .... بجد يا قسومي يعني مفيش غيري.
مسك يدها وقال بحب .. والله مافي غيرك جوا قلبي اقول ايه..
نظرت اليه وسهمت قليلا ثم قالت بلين ...انا بحبك قوي.. ليبتسم ويقبل يدها ...ابتعدت قليلا بخجل وقالت ... قاسم انت مابتكلمنيش عنك خالص كل الكلام عليا.
ارتبك قليلا .. مانت عارفه ان ابويا وامي ماتو في حادثه مع عمي ومرات عمي.
استرسلت تتسائل.. ايوه بس مابتحكيش قاعد فين مع مين اول مره اعرف عن بنت قريبتك.
قال باقتضاب.... لا مانا ماليش حد ليا اخ واحد بس شارد كده بعيد.
تلمست يده بحنان .... انت مش لوحدك انا معاك.
نظر اليها بحب.... صحيح يا ليال هتفضلي معايا مهما حصل.
ضحكت.. انا لازقه فيك كده استحاله اسيبك. لاني لو سبتك ليال اللي قدامك دي هتموت وتروح لانك روحي ونفسي.
اقترب وهمس.. وانت اغلي من روحي ...ثم تراجع قليلا واخرج من جيبه سلسله بها قلبين واقترب وفتحها ليظهر فيها قلبين بداخلهم اسمهم قفزت سعيده تمسكها ... دي ليا انا يا قسومي دي حلوه اوي.
ابتسم بسعاده علي سعادتها ... بكره اجيبلك الدنيا..
نظرت اليه بحب وتتلمس السلسله بسعاده .... انا مش عايزه حاجه الا انت.. ليديرها ويرفع شعرها ويضع السلسال و يقبل رقبتها ويديرها لتهمس.. قاسم انا قلبي بيدق حاسه ان سلسلتك بتديني روحي وانفاسي حاسه اني بتنفس منها.
همس بعشق.. دي هتفضل علي قلبك دايما عشان انا سايب قلبك امانه جنبها بينبض ليا لقاسم وبس..
همست بسعاده ..... عارف اول مره حد يديني قلبه كده ومش اي قلب دا قلب حبيبي ..قبلت القلب ونظرت اليه بعشق ولا يوم الا ما هلمسها وابوسها واكلمك فيها..لانها حته منك . دي بقت روحي هتلازمني علي طول تطمني انك معايا ..يوم ما تتشال ابقي مت.. قاسم لو مت ادفنها معايا اوعي تديها لحد تاني.
قال بوجع.. ليه كده اوعي تقولي كده.. دي هتفضل علي قلبك واسم قاسم هيفضل علي قلبك العمر كله.
ابتسمت.. لا قاسم مش علي قلبي دا في قلبي.
لمعت عيناه بحب .... وقاسم عايزك حبيبته وبنته ومراته وكل ماليه.
اندفعت تقول .... طب ماتيجي تخطبني يا قاسم انا مش عايزه افضل كده مابحبش اخبي عن ماما.
تنهد بوجع .... شويه يا قلبي. اكون بس نفسي واقدر ابقي جدير بيكي.
ضحكت هيا وقالت بلين ..... تكون ايه انا مش بتاعه فلوس يا قاسم انا عايزاك بطولك من غير حاجه. بص احنا عندنا شقه ممكن نعيش كلنا فيها وماما بتحبك.
ابتسم وقال .. حبيبي لازم يتجابله الحلو كله.
هزت راسها .... مش عايزه عايزاك انت بس ... بص لو مش معاك انا محوشه مبلغ كده خده ونجيب دبله ونفرح. ونقعد مع ماما والله هنبقي مبسوطين خالص .
تنهد... دبله.. حبيبي يتجابله دبله بس.
همست بسعاده.... طول ماعليها اسمك تكفيني..طول ماسمك جنبي بيطمني . انا لا بتاعت فلوس ولا دهب لتشير الي قلبه انا بتاعه ده وبس.
ظل ينظر اليها بحب احتضنها .. انت نعمه ربنا ليا عهد عليا لاجبلك الحلو كلو. تكوني اميره ملكه البسك الفستان الابيض والف بيكي اميرك اللي بيتمناكي.
نظرت اليه بحب تتخيل احلامها معه .... عارف يا قاسم بتخيل نفسي كتير لابسه فستان ابيض تل منفوش وعليه قلوب ولابسه طرحه مغطيه وشي وواقفه مستنياك .الاقيك تجيلي وتمسك ايديا وتبوسها وتحضني وتلف بيا في وسط النور والموسيقي واقعد ادور معاك ومش حاسه بحاجه غير عيونك اللي بتبصلي بحب وبس. وتشيلني بعدها ونروح بيتنا ماهيهمنيش هو ايه اد ما هيهمني انك تشلني وتدخل بيا حبيبتك العمر كله..
لتنظر اليه بحب.. اوعدني انك تحققلي حلمي عارف مش هطلب منك دهب ولا هطلب عفش ولا حاجه عارف حتي الفستان هأجره عشان ماكلفكش بس عايزه حفله صغننه انا وانت وماما واخوك ومش مهم معازيم خالص عشان ماكلفكش برضه ونقضي يوم حلو افتكره العمر كله اعيش علي ذكراه ان حبيبي خدني ولبستله الابيض.
ظل ينظر اليها ويري كم هيا بسيطه وكيف تريد ان تسعده بابسط الأشياء احتضنها وقال يتعهد لنفسه قبل ان يكون لها .. عهد عليا لاعملك احلي فرح يتحاكي بيه الدنيا بحالها.
لتنظر اليه بحب.. قاسم..
همس.. قلب قاسم..
قالت برهبه .. انا بحبك قوي وقلبي بيدق جامد قاسم انت هتفضل حبيبي لحد ماموت اوعي تسيبني عشان انا هبله ومش زي البنات.
لمس وجهها بحنان .. انت مش هبله انت ملاك عايز اللي يصونه ويحطه في عينه.
اتسعت ابتسامتها .. وانت هتحطني في عينك.
اقترب منها.... وفي قلبي يا قلبي.. ظلا ينظران لبعض لتخجل فقال مشاكسا .... بس كان فيه حاجه كده قولتي هتدهاني وعايزها.
قطبت هيا .... حاجه حاجه ايه.
ابتسم ومز لها ..... مش قولتي هتحبيني وتبوسيني كتير. لتشهق وتبتعد فشدها.. لا والله مايحصل انا مش هسكت.
همست بخجل ...قاسم عيب بطل قله ادب ترضي ليا كده.
تنهد بغلب .... مانا هموت عليكي اعمل ايه..
قالت بجديه .. لا عيب بقه اتلم اما تبقي جوزي هسمحلك تعمل كده وبس.
ضحك... يعني لما هبقي جوزك هعمل كده وبس انت باينك عبيطه.
خبطته... احترم نفسك.
ضحك متوسلا.... طب بوسه واحده وحياتي لتهز راسها تنهد.. طب علي خدي والنبي يا قلبي..
لتننهد وتهمس.. قاسم بطل عيب.
قال برجاء ... وحياه قاسم.
لتتنهد وتقف خجوله.. لا انت عايز تقل ادبك اوعي.
قال يتصنع الحزن .... وتزعلي حبيبك كده طب ادعي علي رَوحي افطس لو ماادتنيش.
لتتنهد وتقترب تفرك .. طيب واحده بس وتحترم نفسك بقولك اهوه هز راسه لتقترب .. انت طويل قوي الله..
ضحك ورفعها .. يلا اهوه.
قطبت وقالت ... قاسم ايه ده نزلني.
قال محذرا ... انجزي..
لتتنهد وتقترب من خده تقبله برقه لتشهق عندما ادار وجهه ومسك وجهها وانقض عليها يتوه معها ..انكمشت في احضانه بعدها خجلا وهو يحتضنها ... لا كتير عليا والله ...
هيا لا تقوي ان تنظر اليه
.. طب ايه هتفضلي مكلبشه فيا كده لا مش خالصه يا قلبي من بوسه هتموتي.
بتذمر وخجل.. مخصماك وماعتش هكلمك انت بتعمل عيب وانا مش بحب العيب .
تنهد بحب.. انا اقدر دانا اموت والله اموت وانت قمر كده وراشقه في حضني عندك حق والله غلط وعيب بس غصب عني . تنهد وقبل راسها واخذها وجلس بها ظل يداعبها حتي لانت له ...
مر الوقت قضي معها بقيه اليوم ولم يتركها بقيه الايام وتعرفت علي كارما ابنه عمه وقضيا وقتا ولا اروع يعيشا اجمل ايام حياتهم.
كانت كارما تجلس حزينه فمراد قد اعتذر لظروف خارجه عن ارادته وقاسم تركها مع ليال لتقف هيا وحيده تجد الكل يتراقص ومعظم الفتيات تقف مع احبائها الا هيا لتتنهد وتبتعد فلا احد يعرفها وليس لها احد لتسير بمفردها وتبتعد عن المخيم...سبحان الله وبحمده🌿
اتي لها تليفون فتحته لتتنهد .. ازيك يا مراد اه الحمد لله الرحله حلوه قوي كانت نقصاك.. ..لا كلها يوم ونروح اشوفك طبعا ان شاء الله تتعوض وانا كمان والله انت حد جميل وتفرح اي حد تمام تسلم. لتقفل الخط وتقف حزينه لتستدير فشهقت بدهشه فامامها ايان يقف.....🌿صلوا عالنبي🌿..
قالت بذهول .... ايان ايه اللي جابك بتعمل ايه هنا.
قال بسخريه .. ايه هو سي مراد بس اللي ليه في الرحلات والانبساط ماتاخدينا جنبه ننبسط.
قطبت وتسائلت مره اخري .... ايان انت بتعمل ايه هنا بجد انت جاي تنكد علينا انت ايه اللي جابك جاي المسافه دي كلها عشان تقرفنا انت بجد مش طبيعي .
مسكها وشدها .. لا مش جاي اقرفك جاي انبسط زيكو ولا ماليش نفس.
قالت بصدق.... مش مالكش نفس انت مش مكانك ده.
قال غاضبا.. ليه ان شاء الله ميت والا ماليش قلب اعمل زي الناس.
تنهدت وقالت بنبره وجع .... لا يا ايان مالكش قلب .عمري كله عشت معاك مابشوفش عندك قلب.
قال غاضبا.. هو لازم يبقي ليا في المسخره عشان ابقي عندي قلب واعجب.
ردت بلين وحزن .... لا اللين مش مسخره. الانبساط وحب الناس مش مسخره. انك تسعد اللي حواليك مش مسخره .بس انت للاسف مابتعرفش .لتستدير ليقف امامها مره واحده .. راحه فين.
تنهدت... هروح فين هتخمد.
ابتلع ريقه وقال ... بدري كده.
هزت راسها وقالت ببلاده ... هعمل ايه ماليش حد وقاسم راح ومراد ماجاش لتستدير وتتركه .
انفعل وقال بغضب ... وانا ايه هوا مش شيفاني تترزي جنبي.
لتستدير تنظر اليه بذهول .... اترزي.. لا حول ولا قوه الا بالله.. ايان والنبي اسكت عشان انا بجد مخنوقه انا راحه اترزي وانام.
مسكها وقبض علي يدها ..... لا مش هتنامي لسه بدري والا مراد بيه عدم وجوده قهرك اوي.
ابتسمت بسخريه ..... تصدق اه كان هيبسطني ويقعد معايا ونرقص ونهيص.
قال بغضب... وانا ايه مكسح ماعرفش ارقص الهانم ولا ابسطها ناقصني ايد والا رجل.
لتقترب منه فرجف قلبه ... لا ناقصك قلب يا ايان.. ثم ابتعدت .
فاندفع يشدها اليه وحاوطها فخافت عندما قال بعنف ... .. طب اسكتي بقه َماسمعش صوتك.. ومسك يدها وشدها اليه.
نظرت اليه بدهشه..... انت بتعمل ايه.
قال بغضب ... هنتزفت هنرقص.
ردت مذهوله ...... هنتزفت.. يابني بقه انت والله ماطبيعي ماتروح تتعالج.
شدها يلتصق بها لترتعش.. عارفه لو نطقتي تاني مش متخيل هعمل فيكي ايه.. . حاوطها وظل يدور بها ولم ينطق ...شعرت بالغلب لتغمض عينها فهيا في احضان حبيبها.
مر الوقت وهو محاوطها ...لتنساب مشاعرها وهو يدور وبداخله مراجل تشتعل من قربها كل ما يريده ان يبقي هكذا ولا يعلم ماذا يسعده في قربها .كانت تشعر انها ملكت الدنيا وتخيلت نفسها بفستان عرسها وهو يدور بها .
لان وجهها وجسدها انساب بين يديه . احس بتراخيها وكيف ارتاحت بين يديه ليدور بها هائما في صمت .مر الوقت وكل ملتصق بالاخر شدد عليها ورفع وجهها لتنظر اليه .كانت هائمه عيونها تشع حبا وهو وجهه قد زال عنه العبوس ولان لاحساسه بها .
احس بشئ يدفعه دفعا لينزل عليها ويهيم بها لتستسلم له دونا عنها ليتوه فيها يحس ان قلبه سينخلع فهيا هائمه طائعه بين يديه جميله وشعوره لا يوصف. ظل معها فتره كل منهم يصب مشاعره علي الاخر تجلد هو وابتعد قلبه سينخلع مما كان فيه ليعود لنفسه شعر بتخبط وجدها تركن علي صدره شعر ان ما حدث خطا كيف يفعل ذلك ..ليندفع ويهتف بغباء.. شفتي اديني بعرف ابسطك اهوه مش اي حد.
وجدها تتشنج بين يديه شعر بفداحه ماقال ..دفعته ونظرت اليه بقهر شعر بالندم علي الفور فالدموع تتلألأ في عينها .. انت مش بني ادم انا بكرهك .
واندفعت تبتعد والقهر ينهشها ووقف هو مقهورا لا يعلم لماذا قال ذلك ليقضي الليل كله مقهورا علي فقدانه تلك اللحظه الحالمه..
في الصباح جلست كارما بداخل الخيمه ولم تخرج كانت حزينه شعرت بالغضب.... انت قاعده هنا ماتقومي تفرحي ان شالله ينقهر الطور ده..
خرجت واخذت ليال وذهبت الي مكان الاكل اتي بعض الشباب لتنكمش ليال وتبتعد كانت تخاف من زعل قاسم . لتقف كارما معهم وتتكلم .
احد الشباب.. ايه هتركبي مع مين انهارده شكلك لوحدك.
تنهدت.. اه لوحدي.
اندفع الشاب ...طب تعالي معايا اركبي معايا. لتبتسم وتذهب معه.. وليال تقف لياتي لها شاب... وانت يا ليال مش هتركبي تعالي معايا.
قالت بارتباك.. هاه اركب.. لا اصل اصل.
اقترب منها .. ايه مانفعش يعني.. دانا اخترتك من وسط البنات.. كانت ليال رقيقه وفي حالها والعين عليها .. تعالي بس
قالت.. معلش اصل معايا ناس.
ضحك.. اه الواد اللي لازقلك ده.
نظرت اليه بغضب.. مين ده اللي واد عيب كده
ضحك.... مالك عروقك طقه كده.. يا بنتي انت هبله دا بيضحك عليكي.. دانا شايفه واقف مع البت تاليا ورا الجبل فيه حد اصلا يكمل معاكي وانت مقفله كده انت اصلا عاقه ماتعرفيش تبسطي راج ..
دمعت عيونها وقالت بقهر .... ايه قله ادبك دي ومايكملش ليه ناقصه ايد ولا رجل.🌿 استغفروااااا 🌿
ضحك ...لا ناقصه عقل.. دانت فصيله.. روحي رَوحي بلا هبل حد يحب واحده هبله زيك روحي شوفي البنات بتصاحب ازاي.. الواد اللي معاكي هايص هناك .. ليتركها شعرت بانها ستموت لتذهب تبحث عنه .
وجدت تلك الفتاه تاليا تقف معه وتضحك تضع يدها علي يده وتميل عليه لتشهق وتستدير بقهر وتدخل خيمتها تنتحب كانت ضعيفه لا تثق بنفسها ولا تفهم من الدنيا شيئا .جلست تاكل روحها.. يعني يقعد يحب فيا بالليل والصبح يقف يهزر والهانم تحط ايديها عليه والواد يقولي بيضحك عليكي.. .
تنهدت بحزن ... لا قسَومي مابيضحكش قسومي بيحبني.. بس واقف مع الوحشه دي ليه هو ليه وحش كده انا مش بقف مع حد .. طب ايه اروح اركب مع الواد.. لا يا ليال عيب.. امال اعمل ايه هو بيقف معاها ليه.. كده يا قسومي طب هزعل منك ومش هكلمك.. لتجلس تشعر بالغلب .
هت غاضبع ... هو انا ليه هبله كده مش عارفه ازعله بخاف علي زعله اجمدي وروحي اقفيله خرجت غاضبه وذهبت اليه ... عايزاك..
بهت من غضبها قالت الفتاه.. طب يا قاسم اكلمك بقه معاك تليفوني وتركته ورحلت وقف ينظر اليها قالت غاضبه بنبره حاده لاول مره تكلمه هكذا .. انت جاي الرحله تاخد تليفون الهانم.
بهت مننبرتها .... ايه يا لولي. مالك غضبانه كده وصوتك ده.
صرخت بانفعال لاول مره .... كمان مش عايزني ازعق. واقف للهانم ليه وتحط ايديها عليك وقله ادب كتير انت جاي ليه عشان تقل ادبك مع البنات.
بهت.. انا يا ليال جاي اقل ادبي.. يعني دا اللي شايفاه.
صرخت.. بتمسك ايدك ليه وتاخد تليفونها ايه محروم.. والا عشان انا هبله َمش بعمل قله ادب.
تنهد وقال بنبره محذره .. صوتك مايعلاش..
صرخت بعنف .. دا كل اللي همك بس ومش همك اللي حصل.
تافف وقال بحده .. انت عقلك صغير ومفيش حاجه وقاسم مايتزعقلوش كده.
قالت ساخطه.. اه قاسم يتملس علي ايديه وياخد تليفونات.
قال بغضب.. طب اسيبك تهبدي بقه وامشي وبلاش نتكلم عشان مازعلش منك بجد ليستدير .
فصرخت... انت كمان ليك عين لتخبطه علي ضهره.
استدار وقال بغضب .. بقي كده طب يا ليال خلاص انا همشي.
نظرت اليه بقهر.. اه تمشي مش كده عشان ليال هبله وقلبها بيوجعها تمشي انما تراضيني لا.. ليال تقول حاضر وطيب وتبقي لقاسم زي ماهو عايز انما انت لا .. زي ما قال باسم هيحب فيكي ايه انت هبله.. امشي يا قاسم وانا هنبسط برضه.
رفع حاجبيه.. لا والله بالبساطه دي امشي وهتنبسطي من غيري ازاي انفعل و شدها غاضبا.. ليال اتعدلي.
لتدفعه غاضبه.. اه هنبسط زي مالاستاذ واقف ومبسوط عن اذنك وتركته ورحلت.
وقف مصدوما من تغيرها لاول مره تقسي عليه احس بوجع في قلبه اندفع يذهب اليها يشدها ويذهب بها الي مكان بعيد فقالت بغضب .. اوعي سيبني.
نظر اليها وقال بغضب .. بقي كده كل الزعل ده عشان ايه.
صرخت.. عشان واحده حطت ايدها عليك ترضا ليا كده.
تنهد.. يا بنتي انا كت واقف اتفاجات اعمل ايه فيها.
نظرت اليه بغضب.... تبعدها.
تنهد مهادنا ..... طب خلاص مش هتتكرر.
نظرت اليه ساخطه وهزت راسها بعنف تنهد وقال .... ايه تاني بعقلك العيالي ده.
قالت بغضب .... فيه اني مش هكلمك عشان لما ازعل تراضيني كويس وتعرف اني خلاص مش هبله.
ضحك وقال بغلب ... لا والله طب خلاص عرفنا انك مش هبله لتظل قاطبه .. ماخلاص بقه.
رفعت اصبها .... لا هفضل زعلانه شويه سيبني زعلانه الله..
ضحك وابتسم .. لا والله طب اصالحك طيب يا قلب قاسم.
هزت كتفيها .. لا سيبني شويه ازعل هخاصمك ساعه فاهم.
ضحك عن اخره.. تنهد بحب ...يا قلبه.. عسليه والله طب يا قمري ماهستحملش الساعه دي.
نظرت غا*ضبه وقالت .. لا تقف جنبي وتسكت وتستني اما اخلص زعل فاهم والله انت حر اياك تعمل غير اللي قولته.
اقترب منها لترتبك فهمس غامزا ..... هتعمل ايه يا مز يا قمر انت.
قالت بتذمر .. قاسم بطل انا زعلانه وقولت هزعل ساعه خلاص بقه.
قال مشاكسا.. طب اروح اريح الساعه دي في حته.
نظرت اليه غا*ضبه فضحك.. فقال بمكر ....ايه رايك نركب البيتش بجي ونروح البحيره نبلبط شويه..
لتستدير مسرعه تناست كل شيء ... بجد يا قسومي هتركبني الواد باسم كان عايزني اركب معاه وانا قولت لا هتركبني والنبي.
ضحك علي طيبتها .. هركبك يا قلب قسومَك من جوا..
لتشد يده.. طب يلا بسرعه نلحقهم.
ضحك ووقف .... الله مش هنستني الساعه يا قلبي مش زعلانه.
لتشده وتجري.. لا لا خلاص اتصالحت يلا يلا.
شدها اليه يحتضنها بحب .. ملاكي والله بحبك موت.
لتهمس ..بطل ويلا بقه.
ابتسم بحب .... لا حبيبي زعلان وهراضيه انا اقدر.
قالت بلين .... خلاص يا قسومي ماعتش.
انحني وقبل راسها .. وقسومك بيقولك اسف لو زعلتك من غير قصد.
لتبتسم له بحب .. طب ارمي النمره.
ابتسم ورمي الورقه .... عيوني حاجه تاني..
لتبتسم .. لا خلاص ويلا بقه
تنهد وهنس ....... انا بحب حوريه نازله من الجنه.
ردت بسعاده ..... خلاص حافظ عالحوريه بقه تزعل منك قبل يدها وذهبا معا بسعاده.
*****
عند كارما كانت تركب مع احد الشباب اقترب ايان وشدها من يدها
.. انت اتهبلتي راكبه وراه وهتحضنيه.
الشاب.. ايه يا كابتن ما براحه.
اقترب ايان بغضب... خليك في حالك.
انفعل الشاب و اقترب من ايان يتشاجر لتخاف كارما وتقف بينهم.. خلاص خلاص معلش ومسكت يد ليان تبتعد قالت بغضب .. ايه جاي تقول شكل للبيع.
مسك يدها يعتصرها... لمي نفسك عشان هخبطك بحاجه اجيب اجلك عايزه تحضني في الواد واسكتلك.
صرخت بحده .... ما تبطل بقه دا ايه الرحله الغم دي انا سيبهالك لتستدير.
شدها اليه بعنف ... راحه فين.
قالت ساخطه.. هخش الخيمه افضل فيها لحد مانغور.
الا انه شدها .... لا تعالي وذهب ووقف .. يلا اركبي. لتقطب جبينها.. مش عايزة تركبي اتفضلي اخذها من يدها يركبها ويركب وينطلق بها لتكلبش فيه متنهده ..وصلا الي البحيره توقف ونزلا وذهبت هيا للمياه تتلمسها وتجلس تشعر بالوحده .كانت جميله حالمه ظل يراقبها لم يعرف لماذا يحزن علي حزنها اقترب وقف بجوارها ليسمع تنهيدتها.
قالت.... ايان.. ممكن اسالك حاجه.
رد هو ... اتفضلي.
قالت بنبره لينه ...... هو انت لما تيجي تحب ايه اللي ممكن يخليك تفكر فيها ان هيا دي .
تنهد وظل يفكر .. عمري مافكرت كده.
نظرت اليه بعيون تشع حبا.. يعني مش عايز تحب ولا تحس.
قلبه رجف.... احس..
ابتسمت .... اه بالحب.. الحب حلو ليه مش عايز.. ايه تتمناه فيها.
...تنهد وسهم قليلا ... عايزها. ....
لتقترب.. ايه قول والنبي.
تنهد وسرح فيها.. تبقي حلوه زي القمر ومليانه طيبه. نظر اليه تعلقت عيونها به تهيم به.. اقترب ... عايزها وهاديه وبريئه ..عفويه مش متملفه ... كان قد تاه في عيونها واحس بمشاعر غريبه ...رفع يده يلمس شعرها ويهمس ...و ده لوحده ياخد العقل.. عايزها عيونها حلوه وفيهم حنان الدنيا عيون تاخد قلبي.. كان يتكلم ويصفها ويصف مايراه لتمسك يده بدون ماتحس ...اكمل هائما ...عايزها حساسه وعايزه مشاعر وعايزه تحب وتتحب..
رفع اصبعه يلمس شفتيها.. عايز دول اتوه فيهم وهموت عليهم َمابحسش الا وانا واخدهم وطاير بيهم. كان تائها مسحورا يتلمس شفتيها بحنان
هنا توقف قلبها لتحس ان ايان يمتلك بداخله مشاعر لها بدا قلبها يرجف لتهمس بهيام .....ايان..
شدها يحتضنها بقوه ويده تمسد علي شعرها يقبل راسها ظلا هكذا فتره انتفض هو عندما سمعا من بعيد صوت الشباب ياتي ليبتعد ايان فورا لتهمس... ايان..
قال بعنفوان وصوت يحاول السيطره عليه.. يلا نرجع ....وتركها تقف حزينه بعد ان صعد بها عنان السماء.
🌿اللهم صل وسلم وبارك على سيدنا محمد 🌿
عاد الكل وكل في حال ليستدعي الجد قاسم .. تعالي يا قاسم..
وقف قاسم .... خير يا جدي.
قال بجحود .... فيه ان نسمه حفيده صاحبي هتروح منا وعايزك تتقدم ليها.
انفعل قاسم... اتقدم لمين انت بتقول ايه.
الجد بجديه ..... ايه مانت اخرك هتتجوز والبت حلوه وفلوس.
هدر بعنف ... مابحبهاش قولتلك هو عافيه.
اقترب الجد بخبث... طب ماتطمني بابني لو فيه حد قولتلك قبل كده هاتها وانا هوافق.
تنهد قاسم ... مش وقته يا جدي انا بشتغل.
الجد بلين .. طب لو جه حد قدامك كويس عرفني.
اندفع قاسم بلهفه .... بجد يا جدي لو كويس بس مش لازم الفلوس.
رفع الجد حاجبيه.. لو كويس ساعتها نشوف موضوع الفلوس انت بس تعالي قولي فيك ايه َجدك هيعملك اللي عايزه.
ابتسم قاسم بسعاده .... بجد يا جدي يعني لو حبيت حد عادي يعني هتسيبني.
ابتسم الجد ابتسامه لم تصل لعينيه .... وماله يابن نعيم المهم تنبسط قولي فيه حد صح.
ارتبك قاسم.. لا يا جدي حد ايه بس فيه يعني كام واحده كده مؤدبين اوي يا جدي والله وطيبين وهنقي منهم.
الجد بخبث .... اه وماله ماتقولي مين انقي معاك افرح بيك قوي يا حبيب جدك.
قال قاسم سعيدا .... اما اكون نفسي يا جدي ابتدي بقه اشوف نفسي.
الجد بنبره جامده .... اه طبعا.. انا ليا بركه الا انت.
اقترب قاسم سعيدا.. ربنا يخليك يا جدي عارف انك مش هتقهرني وتحب لي افرح
ثم تركه ومشي ليقف بدر مشتعلا والغل ياكله. .. امال يابن نعيم دانا هفرحك فرح والقهره هتبقي لناس تانيه وقف وعيونه ممتلئه بالغضب الذي ما ان ينطلق سيحرق الاخضر واليابس.
حد يشله والا يهبده بحاجه يا جدعان 😠😠😠😠
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق