رواية قتلني ورحل الفصل السابع 7 بقلم ميفو السلطان حصريه في مدونة قصر الروايات
رواية قتلني ورحل الفصل السابع 7 بقلم ميفو السلطان حصريه في مدونة قصر الروايات
#قتلني_ورحل
#حكايات_mevo
البارت السابع....
فشلت كارما في كل محاولاتها لجذب ذلك الجاحد .قلبه مغلق لا تعرف له بابا شعرت بقهر يضغط صدرها ولم تعد تعلم كيف تتصرف. ترددت قليلا ثم دخلت على قاسم....
قسومي عايزه اسالك سؤال يعني واحده صحبتي واقعه في مشكله.
تنهد قاسم ونظر لها بنظره جانبيه ماكره.......
اشجيني يا زقرده.
خبطته بخفه وهي ترفع حاجبيها بغيظ......
زقرده في عينك.
ثم تنهدت كأنها تجمع شجاعتها......
يعني هي بتحب واحد قريبها وهو جبله ما بيحسش ومش عارفه تعمل ايه.
ضحك قاسم وفهم في الحال وهز راسه.......
يعني هو جبله فعلا طور والله اللي ما يحبش العسليه دي يبقى عنده مشكله في القلب.
قطبت جبينها وحدقت فيه بضيق.....
انت بتقول ايه.
ضحك اكتر وقال بنبره خبث لطيف......
يا بت دانا قاسم ...صحيح طيب بس عندي خبث الدنيا حفيد الحديدي يا هبله مانا عارف كل حاجه.
قالت بارتباك واضح......
عارف ...عارف ايه.
اقترب منها قليلا وهو يضحك.....
عارف انك واقعه في الطور اخويا. بس هو طور ومش داري يبقى نعرفه.
قالت بانفعال وقد احمر وجهها.....
بجد والنبي ازاي.
ضحك وهو ينظر لها بمكر.....
طب اتحايلي عليا شويه مش هبله كده ماصدقتي.
احنت راسها خجلا فاردف بصدق ونبره حانيه ... الحب مش عيب يا قلبي انت اكتر من اختي ...انت القريبه الوحيده اللي ليا هنا .ايان شارد و جدي جاحد. بس انا بفهمك من غير ماتنطقي.
تنهدت وهي تخفض عينيها وتكمل بصوت واطي..
انا مش عارفه مش طالع زيك ليه.
تنهد قاسم ونبرته بقت اهدى..
ايان موت ابوه وعمي شاكر بالذات غيرته. عمي شاكر كان حنين ومعشش عليه لما مشي ايان خاف يتركب من الناس فاتحول وطلع جبروت الحديدى بغباء وجدي نفخ لما هيفرقع .. بس عموما له صرفه.
قالت بحزن وهي تهز راسها..
مالوش يا قاسم مالوش غلبت احايله واعامله بحنيه وهو جاحد.
رفع قاسم حاجبه وقال بثقة.....
لا اللي زي ايان تكرفيه اهمليه وحسسيه انك هتروحي منه هيتجنن. ايان ضامنك وراكنك عالرف وقت اما يجيله شوقه هيبتدي يفكر فيكي. خليه يفكر غصب عنه تروحي منه لازم ايان يحس بتحدي .
ظلت جالسة تفكر لثواني ..
عندك حق..
لتنهض فجأة.. فقال وهو يضحك..
راحه فين يا هبله.
ابتسمت بخبث وعينيها تلمع..
راحه اجيبه علي بوزه انا اه هبله بس جينات الحديدي جوايا يا قسومي.
🌿صلوا على الحبيب المصطفى 🌿
**********
كانت هناك حفلة تقام في احد الاماكن احتفالا بتوقيع صفقة كبيرة بين الشركة وشركة رجل الاعمال مراد الذي مضى معهم عقدا ضخما.
وقف الحديدي وايان ومراد معا يستقبلون رجال الاعمال ويتبادلون المجاملات..
مر وقت قصير قبل ان يسمع ايان صفيرا خشنا بجواره .التفت فوجد مراد يقف مع مدير اعماله وسمعه يقول وهو يضحك.....
شوف مزه بنت الايه نار حاجة تتاكل اكل لا دي ما تتسابش.
استدار ايان بنظره لا ارادية فتجمد في مكانه .كانت كارما تقف على بعد خطوات ترتدي فستانا ضيقا يبرز تفاصيل جسدها بانوثة صادمة
عاري الكتفين ذو فتحة صدر وقصات عند الخصر تزيدها فتنة.
تركت شعرها ينسدل بحرية وتزينت بعناية كأنها تعرف تماما تأثيرها
بدت كشرارة في مكان مزدحم بالجليد.
احس ايان بمراجل تطحن داخله وصدره يضيق بانفعال لم يعرف له اسما.رأى مراد يتجه نحوها ويمسك يدها ويقربها منه ليقبلها. شد ايان على فكه محاولا كبح اندفاعه. منع نفسه بصعوبة من التقدم وقتله في مكانه. تشنج جسده اكثر حين اخذها مراد من يدها
وسحبها معه الى ساحة الرقص
وبقي ايان واقفا ينظر والنار تأكله من الداخل .وقف يحتسي مشروبه بغل وينظر ليدي مراد علي وسطها تمتم بغل داخلي ..... شوف ماسكها ازاي وهياكلها بعينه اه مالهانم عاجبها وعايزه تتشقط وتتجوز..
ابتلع كاسه عن اخره..
ايه اروح ابعده ازاي هنتفضح البت فلتت والا ايه كت قطه مغمضه..
اقترب منه بدر وهو يطالعه باستغراب........
ايه يا ايان مالك واقف متنح كده.
اندفع ايان وهو يحاول التماسك.......
لا بس ببص على الهانم المتسابه في فقرة العشق الممنوع.
ابتسم بدر بخبث .....
مين اللي متسابه.
رد ايان بحدة مكتومة......
ما تبص يا جدي مش شايف الهانم واقفه سايحه ونايحه مع مراد.
🌿 استغفروااااا
ضحك بدر ضحكة خفيفة......
طب يا واد خير .البت بقت جامدة ومزة وعايزين نسترها بحد يقدرها.
بهت ايان وكأن الكلام صفعه......
بتقول ايه يا جدي انت كده عادي يعني.
ربت بدر على كتفه وهو يتكلم ببساطة مستفزة....
مالك بس ادعي انت بس القصة تكمل وساعتها ننبسط وهخليك انت ابن عمها توصلها لعريسها بايدك. يا بني البت ما تتسابش .اسكت انت ما بتفهمش في الحاجات دي انت بتاع شغل.
ثم تركه ورحل بعد ان اشعل النار في صدره .وقف ايان مكانه يغلي......
بتاع شغل اه طور مربوطلكو في الساقية انما غير كده لا واوصلها لعريسها اه. وصل لرقبتها سلك كهربا يفرتكها.
ضغط على اسنانه بعنف.....
يخربيتك دا حاطط ايده على شعرها .منك لله يا بعيده.
رآهما يتركان ساحة الرقص ويتجهان نحو الشرفة فاندفع خلفهما......
واخدها ورايح فين ده منك لله يا مراد طلعتلي منين.
🌿 اللهم صلي وسلم وبارك على سيدنا محمد 🌿
كانت كارما قد دخلت الشرفة مع مراد .وقف قريبا منها وهو يقول بنبرة ناعمة......
انا بجد سعيد اني معاكي واتمنى انت كمان تكوني سعيدة
كارما انا جوايا حاجات عايز اقولها لك.
جاءه صوت ايان حادا كالسوط.......
حاجات ايه دي يا مراد اللي واخد بنت عمي وزانقها في جنب
وعايز تقولها لها مش تاخد بالك.
ابتسم مراد ببرود وهو ينظر لايان.......
ايه زانقها دي مش تاخد بالك انت. عموما انا كلامي مع بدر بيه مش معاك.
ايان بعنف.. كلام ايه ده
ابتسم مراد ابتسامه مستفزه......اقترب من كارما وقبل يدها بهدوء ثم انصرف قائلا ......
بكره تعرف وتفرحلنا .
وقف ايان مكانه يشعر ان الدم يغلي في عروقه يحس انه سيقتلها ليستدير وعيونه تشع نار ......
من سكات كده قدامي عالعربيه عشان هتتقتلي دلوقتي..
تشجعت ورفعت راسها بعناد .....
ايان اقعد في جنب مش ناقصه غم انا ماصدقت افرح. انت واحد مابتفهمش في المشاعر والحاجات دي خليك في حالك وخليك في الشغل .روح شوفلك صفقتين اعملهم هيريحوك والا اقولك لف لفتين وهتلم شغل وفلوس دا اللي بتفهم فيه يا غلبان.
ودفعته بيدها ورحلت .
وهو يقف يغلي احس انه سيرتكب جريمه ولكنه تجلد ليهمس بفحيح.......
اكن اشوفلي صفقتين اه والهانم متسابه. واهدي ومابفهمش الا في الشغل ليه طور . ماشي يا كارما ايان هيعرفك هو عنده ايه وبيفهم في ايه ..
وفي لحظة اندفع وشدها الى حلبة الرقص فشهقت من الصدمة
وقال بحدة...
يلا اعمليلنا فضيحه بقه..
صرخت بغضب.. انت مريض يا ايان ملبوس فيك حاجه.
شد ذراعه حول خصرها بقسوة فتأوهت ...
لمي لسانك واكتمي بدل ماعمل فضيحه وانا مابيهمنيش.
تنفست بعمق واستسلمت له.شدها اليه فارتكنت على صدره واغمضت عينيها كأنها تهرب من الواقع .كان يدور بها ببطء ولا كلمة بينهما
وهي ذابت في قربه رغما عنها تتخيل نفسها كحبيبه.حالة غامضة من المشاعر والجد يقف يراقبهما بعين خبيرة وبرضا خفي كان يحدث نفسه.....
.. ماتحس يا بغل انت ايه جبله.. بس لا ماشي يا ايان نقرصك قرصه عشان تفوق لنفسك.. دنيتك ماشيه يا بدر زي مابتخطط لسه بس الاهبل الصغير نشوف بيعط فين . بس لا ساعه الجد يا قاسم هتنفذ زي الجزمه انا دنيتي قلم ومسطره وادوس بجزمتي عالدنيا عشان انفذ اللي في دماغي امبراطوريه الحديدي وبس.
اخذ ايان كارما وظل يدور بها وخرج من الحفل ذهب الي الحديقه وهو يدور بها وكل تاه في الاخر كانت قريبه تسمع نبضات قلبه الصارخه وهو يداعب ظهرها بحنان ظلا معا لفتره لتتوقف الموسيقي وهما ساكنان لا يتحركان .رفعت نظراتها اليه لتجد بداخل عيونه نظره تخلع قلبها لتهمس بلين........
........ايان.
احس بقلبه يدفعه دفعا اليها لينزل عليها يغوص براسه في شعرها ويتلمسها بحنان يهيم بها رغما عنه ويتوه فيها لتتشنج وتحاول ان تبتعد شدد عليها لتستكين وهو محاوطها يغوصا معا بلا ادراك ما حولهما. كان ايان يشعر انه دخل عالم اخر لا يريد ان يخرج منه .
الا انه انتفض فجاه حين سمعت صوت مراد يناديهم بعدها لتقف هيا راسها علي صدره ضغط علي وسطها لتنتفض وتبتعد مشتعله..
اتي مراد يبحث عنهم ......
انتو فين بندورعليكو .
ظلا صامتين ..اقترب مراد مخاطبا كارما .....
تعالي يا كارما عايزك.
نظرت الي ايان لتجد نظراته قد عادت بارده شعرت بالوجع فاشاح بوجهه بعيدا فتصاعد غضبها قالت باستفزاز ....
تحت امرك يا مراد انا معاك لاخر الحفله وتركت ايان وقد اشتعل من داخله مره اخري.
كان قاسم يقف في الحفل راسه مشغول بتلك التي ملكت قلبه. اقترب منه بدر قائلا بحده ........ تعالي عايزك..
شده وذهب به يعرفه علي احد رجال الاعمال وكانت ابنته تقف معه فعرفه عليها.ثم اخذ الرجل بعيدا ليقف قاسم مع الفتاه احس قاسم بالاختناق يرد باقتضاب .. مر الوقت ليرن تليفونه وجدها ليال فتح التليفون هامسا بلين .. قلبي والله.
ضحكت وهمست بحنان .. بجد يا قسومي قلبك تنهدت واكملت بلين.... طب وايه كمان.
ضحك وهنس بنبره كشاكسه .. انا مع ناس سيبيني عاقل..
ردت بسعاده..... ايه مانتش هتبقي عاقل ليه.
قال بعشق نبره صوته تظهر مشاعره .....
يعني حبيبي يكلمني وتقوليلي اعقل ازاي بس ... وحشتيني علي فكره .
همست بخجل ....
بطل انا كنت معاك الصبح.
تنهد وقال بغلب ...
مانت بتوحشيني كل دقيقه.. ثم اردف قائلا ...حبيبي بيعمل ايه.
همست بلين .... بقرا روايه .
وقف جانبا وهمس بهيام ... وبتفكري فيا صح..
خجلت ولم ترد فتنهد وقال ... .. يا بنتي ارحميني كده بتعب من قله ردك.. لولتي ارحميني بقه .
همست بخجل ....
اعمل ايه بتكسف.
قال مشجعا ..... حاولي طيب نفسي اكمل معاكي حوار مش كله كسوف احنا الرجاله الكسوف ده بيوقفنا.
ضحك وقال بنبره مازحه .... واضيع منك كده وتخطفني واحده تانيه.
همست بحزن... كده يا قاسم اخص عليك .
قال بتزمر خفيف .... مانت مابتنطقيش حاولي يا عمري تردي وتيجي علي نفسك شويه .
تنهدت وشعرت بالخوف ان يبتعد عنها ليهمس مداعبا ....
طب وحشتيني هتقولي ايه في دي.
همست.. وانت.. وانت ..انت كمان ...
ضحك وقال بغلب ..... وانا ايه.. امي بتسلم عليكي وتقولك وانا ايه.
لتبتلع ريقها وتهمس بنبره خافته ... وحشتني .
ابتسم وهمس ..يا قلبه ياني بحبه موت ...... طب قوليلي بقه روايه ايه دي.
قالت بخفوت .... روايه كده البطل بيحب البطله .
قاطعها مازحا ..... زيي كده.
لتكمل هيا معترضه .. ...يعني لا هو وحش شويتين ... كان بيضحك عليها وهيا طيبه.
قال قاطبا ..... كان بيضحك عليها يبقي مابيحبهاش.
ردت بسرعه ..... لا بيحبها بس مش عارف.
ضحك وقال ساخرا ....والله الروايات دي لحست مخك فيه حد بيحب حد مش عارف.
قالت ببراءه .... اه في الروايات بيبقي مش عارف جواه ايه بس هو في الحقيقه بيحبها بس هو وحش وانتقم منها وسابها وال ايه راجع يقولها بحبك بعد ما وجعها .
ابتسم وتسائل.....سامحته..
ضحكَت وقالت.. لا مش راضيه.
تنهد واكمل ... يعني لو انا هتسامحيني..
لتتنهد بخجل.. انت مش هتوجعني هسامحك علي ايه.
قال بحنان .... طب لو وجعتك هتسامحي حبيبك.
همست بحب..... اه هسامحَ عشان عشان ....لتصمت بخجل .
قال يحثها ان تتكلم ..... وحياه الغالين والصالحين والميتين لتقولي.
همست بحب ...... عشان بحبك..
تنهد وصمت وقلبه يرجف.. انا حاسس اني دخلت الجنه ليال انا قلبي بيدق وهموت واشوفك.. انت نعمه الدنيا دخلت حياتي.
قالت بحنان وصوتها يشع رقه .... وانت كمان والله .
قال بصدق .... لا انت حاجه تانيه طيبه وقلبك دهب.. بسكوته..
ابتسمت وتشجعت وقالت ..... عارف يا قاسم ساعات بحس اني حبي ليك كتير علي قلبي.
اطلق صفيرا وضحك .... يا صلاه النبي حبيبي نطق .لتخجل وتصمت فاسرع ..... لا والنبي كملي دانا هنجلط من الكتمه .
تنهدت وقالت بخجل ظاهر ...... بطل بقه بتكسف.. .. همس وحياتي وحياتي .
ابتسمت وقالت بصدق ...انت مهما عملت فيا ماقدرش غير اسامحك واحبك بزياده .انت مليت عليا حياتي انا ماعرفش حاجه في الدنيا الا انت يا قاسم .انت دخلت حياتي علمتني كل حاجه. علمتني يعني ايه دنيا انت الدنيا ليا . والله ساعات بسال نفسي انت بتحب فيا ايه بهبلي ده .بس كل اللي اعرفه انك جوا قلبي امان وحساك ابويا واخويا واللي ليا. لتهمس وتكمل ... وانا اللي ليك يا قسومي مش كده.
🌿 سبحان الله وبحمده سبحان الله العظيم 🌿
تنهد بهيام ....قسومك تاه وساح قلبه بيدق والله هيفطس كمان شويه.. انت ماينفعش الا تكوني ليا اساسا.
ضحكت وقالت مشاكسه ... يعني لو بقيت لحد تاني هتعمل ايه.
قال بجديه وحده ..... اجيبك من نن عنيه انت هبله والا ايه. انت بتاعه قاسم تقوليلي حد الحدايه كلته. ..
ضحكت... فاكمل .. طب االروايه هتخلصيها وتقوليلي.
ابتسمت وقالت .... هو يعني انا تقريبا خلصتها وهيا خلاص عايزه تسامحه عشان بتحبه بس عذبته اوي.
قال بحب ... انا ماقدرش اتعذب من حبيبي لحظه.
همست بصدق ... وانا استحاله اعذبك انا بس ابص ليك بسامح علي طول..تنهدت وتسائلت فجاه .... قاسم هو احنا هنبقي مع بعض امتي.
تنهد بغلب يشعر بالوجع علي حالهم ..... ادعيلي يا حبيبتي بس قدامي حبه تجهيزات واجي اتقدم علي طول.
ابتسمت بسعاده وقالت .....وبعد كده مفيش حاجه تقف بينا وابقي بتاعتك يا قسومي.
قال بهيام .... يا لهوي.. قلبي هيخرج من مكانه.. اه يا قلبي هتبقي بتاعتي.
قالت بحنان وبراءه .. اوعي يا قاسم تكون هتبعد عني والله اقتلك قتل كده واقطعك حتت كتير .
ضحك .. حتت كتير.. لا يا قلبي ابعد ايه دانا اموت.
ابتسمت وهمست بحنان ..... انا اصلا مش متخيله تبعد اصلا .مش هفهم البعد ده لانك روحي فمش فاهمه يعني ايه تبعد عني او هيبقي شكلي ايه. او يعني ايه قلبي من غيرك ...لتضحك ...ممكن اقلب هبله والا اموت نفسي وابقي شهيده قاسم والغرام.
همس بحب.. بعد الشر علي قلبي.. بتحبيني قوي كده.
قالت مندفعه .... قوي يا قسومي قوي رغم انك ساعات بتبقي صعب.
قطب جبينه .. يا سلام اللي هوا ازاي.
ردت مندفعه .... يا قاسم انت بقيت صعب ماتكلميش ده ماتخرجيش مع دي وماتلبسيش ده. انا بقول حاضر وطيب وخلاص ومش عايزه ازعلك.
قال بجديه .... يعني تقفي مع حد وتولعي فيا هتنبسطي.
قالت بتذمر ..... هو انا بقف اصلا والا ليا حد ..طب مافيه كتير بيقفو عادي ايه.
قال بجديه ونبره قاطعه ..... لا حبيبي مابيقفش مع حد ويقول حاضر وطيب.
قالت بحزن ..... طب مانت بتخرج وتكلم ناس وستات.
ضحك هو وقال ..... انا ..مين قال.. انا اقدر اكلم حد غيرك يا مز قلبي.
.
لتبتسم .... بجد يا قسومي انا وبس...
همس بحب ..... يااني انت وبس.. دا انت وانت وانت ومافيش الا انت جوا قلبي عشان حبيبي بيحبني وطيب وبيسمع الكلام وقط صغير.
قالت مشاكسه ..... يا سلام يا اخويا انت فاكرني هفضل قعدالك هبله كده اسمع الكلام لا هيجي يوم واكبر بقه واقولك لا بطل تحكم.
ضحك وقال ..... وانا هسيبك تقولي لا دانا ساعتها هعمل اللي مايعمل عشان حبيبي يلين بين ايديا.
قالت متسائله.. هتعمل ايه لا ماما دايما تقلي اكبري بقه وبطلي هبل.
ضحك .... هعمل لا ساعتها ربنا معاكي في اللي هعمله حبيبي هيسهم ويبقي عسليه.
قطبت متسائله... مش فاهمه
ضحك يهز راسه بغلب ..... اه مانا عارف هجيب حبيبي من قلبه بطريقتي. يلين بين ايديا ساعتها هيفقد النطق تقريبا ويسورق وانا ساعتها الدنيا مش هتساعني.
قالت برهبه...... اسورق.. قاسم انت هتضربني.
انفجر ضاحكا .. يا بنتي انت فصيله بعقلك ده.
لتضحك.. ياسلام يا اخويا اسيبك تمد ايدك عليا والله اموتك.
ضحك ..... من جه همد همد ومش ايدي بس اللي همدها وانت ساعتها ماهتنطقيش.
قالت بخوف..... واهون عليك تعمل فيا كده دانا بحبك اخص عليك والله ازعل منك.
همس بهيام ...تهوني عليا.. دانا ساعتها هبقي في دنيا تانيه والله في دنيا تانيه بحلم بيها من دلوقتي.
قالت قاطبه..... انت مجنون بتحلم بضربي من دلوقتي ايه العيشه الطين دي هو ده كل تفكيرك انت ازاي وحش كده مافيش رَومانسيه خالص يا وحش..
قال بغلب.. لا فيه عبط والله اوفر دوز عبط اعمل فيكي ايه ضرب ايه بس ارحميني.
قالت ساخطه.. مش انت اللي قايل هتمد ايدك هتمدها فين.
ضحك.. اقولك بس ماتسورقيش همدها فين.
قالت بحده .. قاسم انت عقلك تعبان.
ضحك وقال .. كتر خيرك هتجيبلي كل الضغوط وتجننيني لحد ماوصل للي عايزه.
قالت متزمره ..... انت نازل هبد وانا مش فاهماك بدل ماتقعد تقولي كلام حلو تراضيني تقولي كده.
قال بغلب .... طب مين يراضيني طيب هنقضيها كلام افلاطوني معاكي واحد بيغلي وانت عبيطه.
قالت ساخطه..... انا يا قاسم عبيطه انا.. انت باينك مش عارفني كويس دانا الفك علي صوابعي كلهم وابهدلك.
ضحك.. صوابعك كلهم يا بنتي بهبلك ده اسمها الفك علي صباعي وانت ماتعرفيش تلفي قطه علي صباعك وتبهدليني مانت مبهدلاني .
لومت مها وقالت .... يا سلام امال مين اللي بيقولك حاضر وطيب طب خلاص ماعتش هقول ومش هسمع كلامك تاني هه ايه بقه عشان تقول عبيطه وعايز تضربني.. شوف بطل روايتي بيحب في حبيبته ويعمل حاجات وانت عايز تضربني يا شرير. ...
ابتسم وقال فجاه بسعاده .... بيعمل حاجات ..ايه والنبي قولي.
همست.... هاه.. بيعمل حاجات كده.
لان صوته وهنس ..... ايه بيقرب منها.
قالت بخجل .... بطل عيب كده الله.
ضحك ...عيب هو القرب عيب..
قالت بخفوت .... لا مانا مش بقرا الحتت دي عيب الله.
هتف بضيق ..... يادي الغلب ماتقري يا بنتي خلينا نعرف ننطق.
قالت بنبره طفوليه جاده .... لا عيب انت ليه قليل الادب دي حاجات قله ادب مابحبهاش انا وماليش فيها.
ضحك.. ماهو من غلبي وبختي الاسود ترشقي في وشي كل العبط.
قالت ساخطه بطفوليه..... انا بختك اسود انا يا قاسم طب روح بقه شفلك واحده بختها ابيض يا رخم والله ماسكتالك تاني عايزني ابقي مش مؤدبه.
تنهد وقال ..... لا عايزك تبطلي كسوف انا بتعب والله.
همست بلين .... انت عايزني ابقي وحشه وانا مش عايزه.
همس بغلب ..... مش عايزه ايه بس..
قالت ..... ابقي كده زي ما بتقول واقرا حاجات وحشه.
قال بنبره جاده .... ليال احنا هيجي يوم وهنقرب من بعض هتعملي ايه.
لتبتلع ريقها وتهمس.... مش عارفه.
قال بخفه .... طب مش عارفه حاجه خالص.
قالت بخجل ..... لا يعني عارفه حاجات بس عيب طبعا اقول بس ماما اصلا بتفتح الروايات اللي بقراها ولو لقت حاجه بتقطع الصفح وانا مش بتكلم.
تنهد .. دانا هشوف غلب بس اقول ايه حد يعمل في حد كده.
قالت مدافعه .... ايه مش بتحافظ عليا ابقي مؤدبه.
ضحك .. لا هيا بتحافظ عليكي تبقي عبيطه.
غضبت وردت بانفعال ...... تاني يا قاسم تاني تزعلني. طب والله ماهوريك الفستان اللي ماما جابته وعارفه انك هتزعل وهنزل بيه يلا انت بتزعلني .
ضحك علي انفعالها البريء .... ما دي المصيبه يا قلب قاسم اوفر دوز عبط مايمشيش مع قاسم خالص ..بس انا ليا طرقي ساعتها ربنا معاكي. بس تعالي هنا فستان ايه وريني انت هبله تنزلي بايه من غير ماشوفه اياك.
لتقترب منه الفتاه وتضع يدها عليه وتهتف قاسم.... يلا نرقص الاغنيه دي تحفه يا قسوم..
سمعت ليال الفتاه وسمعه نبره الدلع احست بقهر وقالت منفعله ..... طب اسيبك لناسك .
ثم قفلت الخط واجهشت بالبكاء..
تنهد هو بغضب ونظر الي الفتاه ... معلش اصل ورايا مكالمه مهمه.
سمع بدر كلامه فاتي وقال بده . ....عيب بقه مكالمه ايه خد نسمه ورقصها ..اقترب بدر ومسك الفتاه وضعها في يد قاسم الذي ارتبك ولم يعرف كيف يخرج من ذلك موقف .لتشده الفتاه وتظل ملتصقه به كظله طوال الليل وبدر لا يعطيه فرصه للافلات .
عند ليال كانت تنتظر ان يتصل بها الا انه لم يتصل نهشها الوجع.. بيرقص مع مين وسايبني كده يا قاسم كده يا قلبي امال قاعد معايا ليه. اه ماقولت انت عبيطه وماتمشيش معاه عايز واحده قليله الادب .
لتنهار وتتساقط دموعها ....انت هبله وبتصدقي اي حد وهو بيلعب بيكي انت مش بتعرفي في الناس ولقاكي هبله وبتسمعي الكلام اه لا انا مش هبله وهبطل وهوريك يا قاسم ترقص ازاي مع حد.. وهلبس الفستان َهتصور بيه .
وقامت من قهرها ولبست الفستان ونزلت صورها عالفيس كانت تغلي و قلبها ياكلها .
مر اكثر من ساعتين انهارت تماما سمعت تليفونها يرن لتجده قاسم ارادت ان ترد ولكنها منعت نفسها بصعوبه ظلت تمسك التليفون محتضنه اياه .مر الوقت كان هو علي شفا الجنون نظر لهاتفه ساخطا ......
مابترديش انا عارف عيله صغيره في عقلها اعمل ايه منك لله يا زفته رقص وزفت حبيبي زعلان مني.. طب اجيبها ازاي..
اتصل مره اخري ومرات.. لتظل هيا كما هيا لا ترد ... طب اعمل فيها ايه ام عقل صغير دي يا رب انا ناقص..
ظل يفكر اخذ عربته وذهب بها الي بيتها ينتظرها علي اول الشارع.. وقف متنهدا.... طب هجيبها ازاي لازم اجيبها قلبي هيموتني وحبيبي زعلان مني..
ظل يفكر ابتسم بمكر وهمس... اعمل ايه مفيش قدامي الا كده.
كانت ليال تنتحب وجدت تليفونها يرن برقم غريب لتفتحه وتهب برعب عندما...
.............. قسومه ده عسليه والله الحديدي عايز يحوزه السحليه الممشوفه أدعو عليه أدعو الله
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق