رواية ليالي الغول اقتباس من الفصل الأخير بقلم لوجي احمد

رواية حكاية عشق "الجزء الاول" الفصل الخامس والسادس بقلم نهلة مجدى 

رواية حكاية عشق "الجزء الاول" الفصل الخامس والسادس بقلم نهلة مجدى 

#حكاية_عشق "الجزء الاول"

الفصل الخامس والسادس 

لينا:بصراحه كدة عايزة اطلع رحلة شرم الشيخ مع صحابي

نظر لها احمد وقال:لا سفر لوحدك مفيش

لينا:ليه يا احمد ماكل صحابي طالعين

احمد:مليش دعوه بحد مش هتسفري لوحدك يا لينا

لينا بتوسل:please يا احمد وحياتي عندك بقى نفسي اطلع الرحلة دي اوي وبعدين دي مع الجامعة

احمد بعد تفكير:امممم والرحلة دي كام يوم 

لينا:اسبوع

احمد بضيق:نعم ياختي عايزة تسافري لوحدك اسبوع

لينا:عشان خاطري يا احمد ورحمة بابا

احمد بنصف عين:لو مكنتيش حلفتيني بالغالي...خلاص روحي بس بشرط

لينا بمرح:ان تأمور يا ميدو

احمد:توعديني تخلي بالك من نفسك ومتسهريش برا ماشي؟!

لينا بمرح:علم وينفذ ...ثم قبلت وجنتيه وقالت:ربنا يخليك ليا يا احلى اخ في الدنيا 

احمد:ويخليكي ليا ياحبيبتي يالا بقى تصبحي على خير

لينا بابتسامة:وانت من اهل الخير

********************************************

"في لندن"

،اشار رجل الامن الى طارق الى الفتاة التي تقف امام الشجرة وتعطيه ظهرها فذهب اليها وقال:معذرة

التفتت اليه الفتاه نظر اليها طارق وعلامات الدهشه على وجهه!!!!

التفتت ايمي الى الصوت وقالت بالانجليزية:مرحبا من انت 

تسمر طارق مكانه عندما رأها ،كأنه رأى ملاك وليست بشر ظل يحدق بها لعدة دقائق غير واعي بعلامات الدهشة التي على وجهها فقالت مرة اخرى وهس تلوح بيدها امام وجهه وقالت:من انت؟!

ابتسم طارق ومد يده ليصافحه وامسك يدها وقال:طارق اسمي هو طارق مهندس الديكور

سحبت ايمي يدهاوقالت له وهي تنظر الى عيناه السوداتين الحاده مثل بحر الظلمات وقالت:مرحبا انا ايمي

قال طارق:انتي عربية ؟!

اندهشت ايمي وقالت:نعم انا مصرية

طارق باللغه العربية:بجد وانا كمان

ايمي:

how do you do 

"تشرفنا"

طارق بابتسامة:

how do you do?

"تشرفنا"

احم هو حضرتك صاحبة المركز

ايمي:ايوا انا 

ظل طارق ينظر اليها ولم ينطق فقالت ايمي:هو في حاجة حضرتك 

طارق:هه لا ابدا بس..

ايمي:بس ايه؟!

طارق ليغير الموضوع:ولا حاجة 

ايمي:طب اتفضل عشان تشوف المركز

طارق:اوكي

دخلا سويا الى المركز وبدأت ايمي ان تشرح لطارق ما الذي تريد ان تفعله في المركز ،كانت تتحدث بتلقائية وهو ينظر اليها ومبتسم:بص يا باشمهندس الدور الارضي ده هيبقى عبارة عن الاستقبال والعيادات والدور التاني خاص بالغرف بتاعت المرضى اما الدور التالت ف هيبقى فيه المعمل ومكتب الادارة وغرف برضه للمرضى 

نظرت له ايمي وجدته محدقا بها ومبتسم فقالت بدهشه:باشمهندس 

طارق بشرود:هه بتقولي حاجة

ايمي:بقول حاجة انا قلت حاجات 

طارق بحرج:احم اسف سرحت بس 

ايمي:مش مشكلة اقول تاني 

وبدأت تعيد عليه ماقالته مره اخرى وبعد ان انتهت قالت بجدية:ها كدة تحب تعرف حاجة تاني

طارق:كدة تمام هنختار الالوان بس وبعد كدة بإذن الله هنبتدي الشغل

ايمي:تمام 

بدأت ايمي تختار الالوان وكانت تختار الوان رقيقة ومريحه جدا للعين ظل طارق ينظر لها باعجاب فقالت:حضرتك بتبصلي كدة ليه 

طارق بأعجاب:زوقك حلو جدا في الالوان ثم قال :زيك بالظبط

ايمي باقتضاب:شكرا

طارق:تعرفي اني كنت جاي اتخانق معاكي

ايمي بدهشه:انا !!! ليه

طارق:ماهو مش معقول اجي امبارح ويقولولي ان المعاد اتلغى واجي النهاردة وافضل واقف نص ساعة عقبال ماتيجي

ايمي بدهشه:نص ساعة ايه انا هنا من ساعة

طارق:الامن برا قالولي انك مجتيش عشان كدة اتعصبت بصراحة

ايمي:هنا اكيد مشفونيش وانا داخله معلش انا اسفه 

طارق بهيام:اسفه ايه ده انا اللي اسف مكنتش متوقع ان صاحبه المركز هتبقى كدة ايمي:كدة ازاي 

طارق:كدة كدة يعني 

واشار الى حجابها 

ضحكت ايمي بخفوت وقالت:طب وايه يعني

طارق بابتسامه:مكنتش متوقع انك هتبقي مصرية ومسلمه كمان وبعدين اسمك اكدلي ان هتعامل مع واحدة بريطانيه او على الاقل مش مصرية

ايمي:اولا انا مش اسمي ايمي وبعدين في عرب كتير عايشين في لندن

رفع طارق احد حاجبيه وقال:نعم ؟

ايمي:اسمي ايمان بس بيقولولي ايمي ومعروفه هنا باسم ايمي 

طارق:اهااا قولتيلي

ايمي بجديه:كدة تمام يا باشمهندس هستلم المركز بعد قد ايه

طارق بجديه:شهر ونص بالكتير 

ايمي:اوكي 

طارق:

"Pleased to meet you"

"سررت بلقائك"

ايمي:

"Pleased to meet you too"

*******************************************

"في مصر"

عادت منه من احدى دروسها متأخره وعندما دخلت المنزل وجدت والدتها تجلس ويبدو عليها القلق ،فقالت بصوت مضطرب:مساء الخير

انتفضت منال عندما سمعت صوت ابنتها وتبدلت ملامحها من القلق الى الغضب وصرخت بها بحده:كنتي فين لحد دلوقتي

منه بتلعثم:ك...كن..

منال بغضب:انطقي

منه بخوف:في ايه يا ماما كنت في الدرس 

منال:لحد دلوقتي 

منه:يا ماما ذنبي ايه ان الدرس اتأخر هو ذنبي 

منال:الله يخربيت الدروس على الثانوية الزفت دي انا قلت من الاول مفيش تعليم انتر عايزة يحصلك زي اخ...

قاطعها صوت زوجها وهو يقول بغضب وهو يقول:مناااااال 

نظرت له وادركت انها كانت تفشي سر ابنتها التي حرص زوجها على عدم معرفة منه بالامر.

نظر سمير الى منه التي هبطت دموعها على وجنتيها ،فهي تتميز بالرقة الشديدة تبكي من اقل شئ ،فهي مدللة ابيها كما يسميها خالها على عكس ايمي التي كانت تعامل بحده بعض الشي ،اقترب من ابنته وربت على ظهرها بحنو وقال:ادخلي على اوضتك دلوقتي يامنه

دخلت منه الى غرفتها بينما نظر سمير الى زوجته وقال بغضب مكتوم:تعالي ورايا عايزك

ودلف الى غرفته واتبعته زوحته بخطوات بطيئة فهي تعلم زوحها عندما يغضب لا يرى امامه وهي لا تتحمل عواقب ماتتفوه به دون قصد ،وهي ايضا تخشى ان يكون مصير صغيرتها مثل مصير ايمي دخلت ورأه وجلست على الفراشدون ان تنطق تنظر اليه وهو يقف امام الشرفه في اقصى حالات غضبه ،التفت اليها فجاة ونظر اليها بقوة وقال:ايه اللي كنتي هتقوليه ده 

منال بتلعثم:كنت ه..هقول ايه

سمير بغضب:احنا مش قايلين الموضوع مش لازم منه تعرفه شوفتي يغباءك كنتي هتعرفيها كل حاجة

منال:انا مكونتش اقصد غصب عني

سمير:غصب عنك ايه 

منال بدموع:ايوا غصب عني خايفه على بنتي مش كفاية اللي حصل للكبيرة عايزني استنى لما اشوف التانية كمان زيها عايزني اشوف نظرة انكسار وذل في عينيها زي اللي شوفتها في عين ايمان لما قررت فجأة تسافر وتسيبنا وكان موقفك ايه سبتها تسافر وبعدت عني 9 سنين عيني مرأتش بنتي مش من حقي اخاف عليهم مش كفاية ان قلبي بيتقطع على اللي برا ومش عارفه بيحصلها ايه وهي مش معانا 

سمير ببرود:خلصتي! نسيتي تحبي افكرك مين السبب في انها تمشي تحبي افكرك مين اللي كل يوم كان بيقطم فيها بالكلام تحبي افكرك مين اللي كان عايزني اخليها تسيب تعليمها عشان تبقى خسرت كل حاجة 

نظرت له منال بصدمه ودموعها تهبط بعزارة ،نعم فهي من دفعت ابنتها للرحيل بعيد عن عائلتها هي من جعلتها تبتعد وتعيش وحدها فضلت الوحده على ان تحيا مع اناس لا يرعون مشاعرها ولا حالتها التي تدهورت بسبب ماحدث له ،نعم كل الذنب يعود عليها هي السبب في رحيلها ولا احد غيرها.

اكمل سمير بصوت حزين:قبل ما تحسبينا حسبي نفسك الاول وشوفي مين فينا السبب في بعد ايمان عنا

خرج من الغرفة وتركها غارقه في ذكرياتها عادت بذكرتها الى 9 اعوام للوراء...

**************************************** ******

تجمدت الدماء في عروقهم عندما سمعوا جملتها الاخيرة التي ظلت تتردد في اذانهم "انا قررت اسافر"

صرخت فيها منال قائلة بغضب:اييييه تسافري فين انتي اتجننتي

ايمي بهدوء:لا مش اتننجت ولا حاجة انا قررت ادرس طب في انجلترا

سمير بغضب مكتوم:والقرر ده خدتي كدة من نفسك 

علي:استنى بس ياسمير...تسافري ليه يا ايمي انتي عايزة تبعدي عننا

ايمي:لا طبعا يا بابا بس انا عايزة اكمل تعليمي برا

منال بغضب:تكملي تعليمك ولا تمشي على حل شعرك مش كفاية المصيبة اللي حطتينا فيها قبل كدة 

علي:منال اسكتي

دمعت عيون ايمي وجازفت الا تهبط امامهم لا تعلم لماذا دائما والدتها تريد ان تذكرها وتحملها ذنب ليس لها ،فقالت بصوت مختنق:عشان كدة عايزة اسافر عايزة ابعد انا بس ببلغكم سواء وفقتوا او رفضتوا ده قراري وانا خدته مش هرجع فيه

سمير بغضب مكتوم:ليه ملكيش كبير تخدي رأيه خلاص مبقتش مالي عينك

ايمي بدموع:العفو يا بابا بس...بس بجد محتاجة ابعد عايزة اكمل تعليمي في مكان هادي عايزة انسى مش عايزة افضل اسمع كلام انا في عنى عنه 

صمت سمير ولم يعقب فأكملت بتوسل وهي تقبل ايدي والدها:ارجوك يا بابا عشان خاطري ده اخر حاجة هطلبها منك سيبني مرة في حياتي اعمل حاجة انا مقتنعه بيها

علي:عشان خاطري سمير سيبها تسافر

منال:لا ياعلي مش هتسافر 

علي:ملكيش دعوة انتي انا بكلم ابوها

منال:لا دي بنتي مش هسيبها تسافر

سمير:خلاص ياعلي انا موافق

ايمي بفرحة:بجد يا بابا

سمير:ايوا سافري يا ايمان

مرت الايام سريعا وجهزت ايمي اوراقها للسفر وسافرت ايمي الى انجلترا لتستكمل تعليمها...

*********************************************

هبطت دموعها مرة اخرى وهي تحدث نفسها بندم:عندك حق يا سمير انا السبب انا اللي مشيتها لحد اخر يوم كانت فيه هنا وانا كنت بجرح فيها ، سامحيني يابنتي

******************************************

بعد ان ترك زوجته دخل الى غرفة منه وجدها تبكي بصمت ،اقترب منها وجلس بجانبها وضمها بحنان وقال:متعيطيش ياحبيبتي ماما خايفه عليكي 

منه ببكاء:بس هي زعقتلي جامد وانا مش عملت حاجة

سمير:معلش خلاص هي بس بتخاف عليكي بعد كدة لما يكون عندك درس متأخر تقوليلي وانا هاجي اخدك ماشي

منه:حاضر

قبل سمير جبينها وقال بحنان:يالا نامي عشان تصحي بكرا تذكري عندك امتحان بعد بكرا

ضمته منه وقالت:ربنا يخليك ليا يا احلى اب في الدنيا

سمير:ويخليكي ليا ياحبيبتي انتي واختك

*******************************************

"في لندن"

جلست على فراشها تنظر للفرغ الذي امامها وهي تسترجع مقابلتها مع "جاك"...

يتبع...

#نهلة_مجدي

#حكاية_عشق "الجزء الاول"

الفصل السادس

جلست على فراشها تنظر للفرغ الذي امامها وهي تسترجع مقابلتها مع "جاك"...

**********************************************

دخلت الى المطعم وجلست امامه صمتوا قليلا فتحدث جاك قائلا:

Jack: How are you?

Larrain: fine and you?

Jack: I'm also fine

Larrain: What is the topic that you want to talk to me in

Jack: I love larrain

Larrain: What?!!

Jack: Do not get me wrong, I just want to been linked to your

Larrain: Jack What do you say? !! Do you know what do you say

Jack: Yeah, I know

Larrain: Jack This is crazy, you know ...

Jack: I do not want to know anything, I have love

Larrain: Jack, you know I am a Muslim

Jack: Yes, I know what the problem

Larrain: This may not be

Jack: Why? !!

Larrain: because you are not of my religion.

Jack: I love you

Larrain: I'm sorry Jack, but you are for me a friend and brother no more

Jack: Well larrain as if you did not you hear the thing

Larrain: I have to go bye

جاك:كيف حالك؟

لارين:بخير وأنت

جاك:أنا أيضا بخير

لايرين:ما هو الموضوع الذي تريد التحدث معي في

جاك:أنا أحبك لارين

لارين:ماذا؟!!

جاك:لا تفهمني خطأ، أنا فقط أريد أن ارتبط بك

لارين:جاك ماذا تقول؟ !! هل تعرف ماذا تقول

جاك: نعم أنا أعلم

لارين:جاك هذا جنون، أنت تعر ...

جاك: أنا لا أريد أن أعرف أي شيء، فقد انا احبك

لارين:جاك، أنت تعرف أنني مسلمه

جاك:نعم، أنا أعرف ما هي المشكلة

لارين:هذا لا يجوز

جاك: لماذا؟!

لارين:لأنك لست من ديني.

جاك:ولكن أنا أحبك

لارين:أنا آسف جاك، ولكن أنت بالنسبة لي صديق وشقيق لا أكثر

جاك:حسنا لارين كما لو أنك لم تسمع شيء

لارين: يجب علي ان اذهب الى اللقاء

******************************************

عادت الى الواقع على صوت ايمي التي دخلت الى الغرفة وهتفت باسمها 

ايمي بمرح:الله من امتى واحنا بنسرح كدة

لارين:ايمي كويس انك جيتي

ايمي بقلق:مالك في ايه هو جاك قالك حاجة تضايقك

تنهدت لارين وقالت:اقعدي طيب وهحكيلك

جلست ايمي وقالت:اتفضلي سمعاكي

بدأت لارين تقص عليها مقابلتها مع جاك ،بعد ان انتهت قالت ايمي:احسن انك قوليله كدة 

لارين:بس انا حاسه اني جرحته

ايمي بجدية:مفيش حاجة اسمها جرحتيه انتي عملتي الصح جاك لا من دينك ولا ينفعك ولا انتي بتحبيه

لارين نافية:لا طبعا جاك بالنسبة لي صديق بس 

ايمي:يبقى خلاص كبري دماغك بقى

لارين:ماشي المهم قابلتي المهندس

في تلك اللحظة تذكرت ايمي طارق وعيناه التي تمثل بحر من الظلمات ،وطريقته معها في الحديث ،ودهشته عندما علم انها صاحبة المركز ،من ثم نفضت تلك الافكار وقالت:اه قابلته وان شاء الله هيبدأ شغل من بكرا عايزة اقدم استقلتي عشان اتابع المركز بقى

لارين:طيب بس امتى 

ايمي:اسبوع او عشر ايام

لارين:تمام مش هتنامي 

ايمي:لا هقعد برا شوية

لارين:ماشي تصبحي على خير

ايمي وهي تنهض:وانتي من اهل الخير

******************************************

دخل طارق الى منزله والقا بجسده على الاريكه واغمض عيناه بتعب ،بدأ يتذكر السبب الذي دفعه لترك مصر بعد ان كان يدير شركات والده وبجانبه شقيقه احمد ،رغم صغر سن احمد لكنه امسك ادارة شركة من شركات والده واثبت انه قادر على تحمل المسئولية ،غادر طارق مصر او هرب..كان يهرب من كل من حوله كان يهرب من الحب الذي لم يجده في احد ،جميعهم كان يطمعون في رجل الاعمال طارق عز الدين ليس لنفسه ،كلما احب فتاه يكتشف انها ليست تحبه بل تحب امواله هو لم يتآلم من ذلك ولكنه حزين على انفس الناس التى اصبحت طامعه في الاموال فقط ،فتح عيناه مره اخرى وقال محدثا نفسه:مفيش حاجة اسمها حب ومفيش ست مش بتجري ورا الفلوس والمظاهر بس 

في تلك اللحظه تذكر تلك الطبيبة بنظراتها الحزينه وعيونها اللامعه بالدموع وضحكتها التي لم يراها الا مرة واحد وعدم ابتسامتها له ،نفض تلك الافكار من عقله ودخل الى المرحاض واستحم ثم خلد الى النوم...

*********************************************

"في مصر"

دخلت لينا غرفتها وهي سعيدة ان شقيقها اقتنع ان تسافر لم تكن تعلم انه سيوافق بهذه السهولة وامسكت هاتفها لتخبر صديقتها المقربة "حبيبة" انتظرت جتى جاءها صوت يقول:لينا ها اخوكي وافق

لينا:ايه يابنتي مفيش ازيك وحشتيني 

حبيبة عبر الهاتف:بلا وحشتيني بلا نيلة هتيجي ولا لا

لينا:للاسف احمد مش..

قاطعتها حبيبة بغضب:الله يخربيتك انتي واخوكي انا مش هطلع من غيرك 

لينا بضحك:ايه يابت ده وافق والله

حبيبة:تصدقي انك جزمة عصبتيني

لينا بضحك:خلاص معلش متزعليش المهم اني هاجي الرحلة 

حبيبة:تمام جهزي نفسك عشان مش باقي غير يومين

لينا:اوكي يالا باي

حبيبة:باي

اغلقت الهاتف ونامت وهي سعيدة

*******************************************

في صباح اليوم التالي اسيقظ احمد ونزل وجدت والدته تجهز الافطار ،قبل يدها وقال:صباح الجمال على احلى ام في الدنيا

حنان:صباح النور ياحبيبي مشوفتكش امبارح

جلس احمد وقال:اه ما انا رجعت متأخر وحضرتك كنتي نايمة

حنان:اخبار شغلك ايه

احمد:الحمدلله تمام ...امتى بقى طارق يرجع كان شايل حمل كبير من عليا

تنهدت حنان وقالت:اه والله بس برضه انت كنت ماسك الشركة لوحدك

احمد بجدية:ايوا ياماما بس منكرش انه كان مريحني شغل شركة مش زي شغل 4 شركات

حنان:ربنا يعينك يابني ويرجعه بالسلامه

احمد:يارب...اومال البت لينا فين مش شايفها

جاء صوت لينا من على الدرج تقول:بت في عينك انا اهو

نظر لها احمد وابتسم ،لقد كبرت صغيرته المدللة هو وطارق من ربوها منذ موت والدهم ولكن بعد سفر طارق ظل هو لها الاب والاخ والصديق ،كانت تحكي له كل شئ وهو يخاف عليها من نسمة الهواء ،قال احمد ويقبلها عندما وجلست بجانبه:احلى بت في الدنيا هو في كدة يا اخواتي

حنان:الرحلة امتى يا لينا

لينا:بعد بكرا يا ماما 

احمد:الباص هيتحرك الساعة كام

لينا:الساعة 7 من قدام الجامعه

احمد:تمام يالا سلام عشان اتأخرت

لينا&حنان:مع السلامة

لينا:ماما هو ابيه طارق مش نازي يرجع بقى

حنان:انا تعبت والله اخوكي دماغه ناشفه ومش راضي يرجع

لينا:وحشني اوي انا مشوفتوش من وانا عندي 15 سنه ده اكيد نسي شكلي

حنان:بإذن الله هيرجع قريب انا قلبي بيقولي كدة

لينا:يارب يالا سلام

حنان:على فين مش معندكيش كلية النهاردة

لينا:ايوا بس هشتري حاجات عشان الرحلة

قبلت يد امها وهي تقول:سلام ياست الكل

******************************************

مر يومان ولم يتقابل طارق مع ايمي بسبب انشغالها في المركز قبل ان تقدم استقالتها وطارق يتابع المركز واتفقت ايمي مع لارين ان يذهبوا في اليوم الثاني ليشاهدوا المركز ،انما احمد كان يمارس عمله كما هو وايضا تطارده كوابيسه التي بدأت ان تزداد ولينا جهزت اشياءها للرحلة وجاء يوم الرحلة وذهبت امام الجامعة وتنتظر صديقتها حبيبة ،انتظرت حوالي 10 دقائق ولم تأتي زفرت بضيق وهي تقول:ياربي عليكي ياحبيبة عمرك ماتيجي في معادك ابدا تتحرقي لو عملتيها

"انا جيت اهو بلاش طولة لسان"

قالتها فتاة في العشرين من عمرها قصيرة القامة ونحيفه لها عيون بلون العسل وشعر اسود غامق 

احتضنتها لينا وقالت:وحشتيني والله

حبيبة:وانتي كمان يا لولو اخبارك ايه

لينا:الحمدلله ماشية

حبيبة:واخبار اخوك المز ده ايه

لينا بضيق:مز !! 

الفاظك سوقيه اوي

حبيبة بضحك:من الجامعه ياختي واللي بنشوفه

لينا:طب يالا نطلع الباص ونقعد فوق

جاءت لتذهب ولكن اوقفها صوت يقول:استني عندك

التفتت لينا ولم يكون هذا الشخص سوا..

لينا بدهشه:حسااااام!!!!

يتبع...

بقلمي:#نهلة_مجدي

 تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا