رواية ليالي الغول اقتباس من الفصل الأخير بقلم لوجي احمد

 رواية حكاية عشق "الجزء الاول" الفصل السابع عشر والثامن عشر بقلم نهلة مجدى

رواية حكاية عشق "الجزء الاول" الفصل السابع عشر والثامن عشر بقلم نهلة مجدى 

لفصل السابع والثامن عشر

لارين:طب هتعملي ايه

ايمي:هرجع مصر... 

لارين بدهشه:ايه؟!!! هترجعي

ايمي:ايوا مبقاش في حاجة اقعد عشانها هنا

لارين:انتي متأكدة من قرارك ده

ايمي:ايوا وبعدين انا حجزت خلاص

لارين:هتسافري امتى

ايمي:بكرا الصبح

لارين:يعني خلاص هتسبيني لوحدي

ايمي:خلاص انتي كمان ارجعي مصر

لارين:ممكن نبقى نتابعه من هناك وابقى اجي كل فترة اشوف حالات وارجع..... انا هقوم احضر الشنط

جهزت ايمي حقائبها وجلست مع لارين قليلا ثم استقلوا السيارة وذهبوا الى المطار.

بعد وقت قليل وصلوا الى المطار ووقفت لارين تودع ايمي ودموعهما تهبط 

لارين بدموع:هتوحشيني اوي

ايمي:وانتي كمان... انتي بتعيطي ليه دلوقتي

لارين:عشان مش متعودة ابقى من غيرك 

ايمي:عشان كدة خليكي جدعه ومتتأخريش عليا هستناكي هتعيشي معايا زي ما كنا عايشين هنا

لارين:اسبوعين بالكتير وهجيلك 

ضمتها ايمي وقالت:خلي بالك من نفسك يا لورا

لارين:وانتي كمان لا اله الا الله

ايمي:محمد رسول الله

ركبت ايمي الطائرة وذهبت لارين للمنزل وهي حزينه على فراق صديقتها ،حلقت الطائرة في السماء متجهه الى جمهورية مصر العربية ،وضعت ايمي سماعات في اذنها وزلت تستمع لاغنيات "نجاة" كانها جاءت في ذلك الوقت لتوصف حالها ،توقفت عند مقطع جعلها تبكي

"ياللي امر من بعدك لقاك.... ياللي هجرك رضاك

ياغربتي وانت بعيد عني ... بعيد عني

ياغربتي وانت قريب مني.... قريب مني"

تبدلت الاغنية وانطلق صوت ام كلثوم

فات الميعاد.... وبقينا بعاد

والنار بقيت النار دخان ورماد فات الميعاد

تفيد بايه ايه يا ندم

وتعمل ايه ياعتاب

طالت ليالي.... ليالي الآلم 

"واتفرقوا الاحباب"

وكفاية بقى .. تعذيي وشقى 

ودموع في فراق 

ودموع في لقا

اغمضت عيناها واستسلمت للنوم ،وبعد فترة وصلت الطائرة الاراضي المصرية ،خرجت ايمي نن المطار واستقلت سيارة اجرة وبعد سلعة وصلت الى منزلها ،نزلت من السيارة وظلت تنظر للبيت باعين مشتاقه ،نعم لقظ اشتاقت لمنزلها كثيرا المنزل الذي شاهد طفولتها ومراهقتها وشاركها حزنها وفرحها ،اقتربت من الباب ودقت الجرس وانتظرت حتى يفتح لها.

كانت منه تشاهد التلفاز عندنا سمعت صوت الباب نهضت لتفتح لان والديها ليسوا بالمنزل ،اقتربت من الباب وقالت:مين

لم يأتيها الرد ففتحت ،كان الضيف الغير متوقع "ايمي" وقفت منه مندهشه قليلا ثم صرخت:ايميييييي

اتمت في احضان شقيقتها وبكت لقد اشتاقت لها كثيرا ،دخلت ايمي مع منه وجلسوا معا وظلت منه في حضت شقيقتها 

منه:مش مصدقه انك معايا دلوقتي

ايمي:لا صدقي ياحبيبتي انا جانبك اهو

منه بدموع:كنت محتاجالك اوي يا ايمي

نظرت لها ايمي بقلق:مالك في ايه

منه مطمئنه:متقلقيش انتي بس كنتي وحشاني وكان نفسر احضنك اوي متسبنيش تاني

ايمي:حاضر ياحبيبتي عمري ماهسيبك تاني

*****************************************

في لندن كانت تجلس لارين في المنزل وحدها وتنظر في كل ركن دنوعها تهبط ،كل ركن من ذلك المنزل يذكرها بأيمي فهي لم تجد الا ايمي بجانبها بعد موت والديها اجمل ذكرياتهم عاشوها معا فرح حزن كل شئ لم تعد ايمي هنا لقد ذهبت قالتها في نفسها ،سمعت صوت جرس الباب مسحت دموعها واتجهت الى الباب وفتحته لتجد امامها... 

لارين بدهشه:طارق!!!

****************************************

ظلت ايمي مع منه حوالي ساعتين يتحدثون بفرح ولكن بداخلها كانت تخشى مقابلة والدها بعد اخر مكالمة لهم ،شاردت قليلا في طارق وابتسامته ومزاحه وضمته لها عيونه السوداء التي عشقتها حتى برود اعصابه احبته ،اغمضت عيناها حتى لا تبكي اخرجها من شرودها صوت اغلاق باب المنزل ودخول والديها ،وقفت ايمي ونظرت لهم وهم مندهشين ثم اقتربت من منال وابتسمت وقالت:وحشتيني يا ماما 

ارتمت في احضان والدتها لقد شعرت بالحنان التي افتقدته طوال حياته ،بكت منال وهي ترى ابنتها في ضانها بعد 9 سنوات وهي بعيده عنها لم تكون تريد ان تخرجها من احضانها امسكت وجه ايمي بين كفايها وقالت بدموع:انتي رجعتي بجد يعني انا متجننتش

ايمي بابتسامة:يا ماما مانا في حضنك اهو 

منال:الحمدلله انك رجعتي لحضني تاني وحشتيني يا ايمان وحشتيني اوي

ضمتها ايمي مرة اخرى وقالت:انتي اكتر يا ماما 

ابتعدت عن والدتها واقتربت من والدها ووقفت امامه وهي خائفة نظرت له وحاولت ان تتكلم ولكن سمير لم يمنحها فرصه بل صفعها على وجهها ،شهقت منال بفزع بينما صرخت منه:بابا

وضعت ايمي يدها على وجهها واغمضت عيناها وهبطت دموعها ،ظل سمير ينظر لها قليلا ثم جذبها الى حضنه ،تمسكت ايمي بوالدها وبكت بشده وهي في حضنه ايضا سمير نزلت دموعه وقال:مش هتبعدي عننا تاني انتي فاهمه

قبلت ايمي يد والدها وقالت ببكاء:انا اسفه

مسح سمير دموعها وقال:بس متعيطيش ادخلي ارتاحي من السفر اوضتك زي ماهي من ساعة ما سبتيها

ايمي:لا انا مش عايزة ارتاح انا عايزة افضل في وسطكم كدة 

شعرت ايمي في تلك اللحظة بدفئ العائلة التي افتقدته منذ 10 سنوات ولكن كان ناقصة شئ ،قلبها الذي تركته بجانب طارق... دخلت الى الغرفة وظلت تنظر لها وتذكرت كل شئ متذ طفولتها ،جلست على فراشها واغمضت عيناها ثم نهضت وبدلت ملابسها وتمددت على الفراش واغمضت عيناها واستسلمت للنوم

*****************************************

وقفت لارين مندهشه من مجيئ طارق 

طارق:ازيك يا لارين

لارين:الحمدلله 

طارق:هنفضل واقفين كدة

لارين:اسفه اتفضل

دخل طارق وجلس هو ولارين بحديقة المنزل 

لارين:تشرب ايه؟! 

طارق:شكرا مش عايز حاجة 

صمت قليلا ثم اردف قائلا:ايمي فين

نظرت له لارين وقالت بحزن:ايمي رجعت مصر

طارق.........

*****************************************

بعد ساعتين استيقظت ايمي وخرجت من غرفتها وجدت والدها يجلس امام التلفاز ،جلست بجانبه وطبعت قبلة على جبينه

سمير:نمتي كويس ياحبيبتي

ايمي:الحمدلله.... بابا عايزة اشوف بابا علي

سمير:خلاص بكرا روحيله

ايمي:لا لا انهاردة اتصل بيه وقوله ان انتوا هتستنهم على العشا ومتقولوش اني رجعت عايزة اعملهاله مفاجأة

سمير بضحك:مجنونه من يومك الراجل كبر مبقاش حمل مفاجأت

ايمي بمرح:حرام عليك ده لسه شباب

وبالفعل هاتف سمير علي واخبره انهم ينتظرونه هو وزوجته ،وبعد وقت ليس قليل جاء علي مع زوجته وجلسوا مع سمير ومنه ومنال

منه:عملينلك مفاجأة حلوة ياخالو

علي:مفاجأة ايه؟! 

جاءت ايمي من خلفه وقالت:انا

التفت علي لمصدر الصوت ولم يكن مصدق عندما رأيها وقال بذهول:ايمي!!!

يتبع....

بقلمي:#نهلة_مجدي

الفصل الثامن عشر

لارين:ايمي رجعت مصر

طارق بذهول:ليه

لارين:ايمي اضايقت اوي لما عرفت اني قولتلك ولما فات يومين وانت بعدت عنها خالص حجزت للسفر من قبل ما تقولي وقالتلي قبل طيارتها بكام ساعة ومشيت النهاردة الصبح

طارق بيأس:اكيد افتكرت اني مش بحبها بس والله انا كنت مستني انها تهدى شوية عشان اجي ليها تاني لارين انا بحبها بجد

لارين:وهي بتحبك جدا

طارق:يبقى مش هضيعها من ايدي عن اذنك

لارين:طارق انت ناوي على ايه

طارق:هرجع ايمي ليا

ذهب طارق وتىك لارين في حيرة من امرها نفسها قائلة:ياترى هيعمل ايه؟!

*****************************************

وقف علي وقال بذهول:ايمي!!! 

ايمي بحب:وحشتني يا بابا

ركضت ايمي وضمت علي بشده وقالت:وحشتني اوي اوي 

علي:انتي رجعتي امتى 

ايمي:النهاردة يا بابا 

علي:تعالي في حضني وحشتيني اوي

ايمي:انا رجعت اهو وهفضل معاكوا على طول

علي:قوليلي ايه اللي خلاكي غيرتي رأيك ورجعتي

ايمي:عادي يا بابا 

علي:طب والمركز

ايمي:لارين هتخلي بالها منه وهتظبط الدنيا وتيجي بعد اسبوعين

علي بهمس:فيكي حاجة غلط مالك

ايمي بنفس الهمس:تعالى معايا جوا وهحكيلك كل حاجة

علي:طيب يالا

نهضوا هما الاثنين فقالت منال:هي لحقت تخدك مننا

علي:وجود ايمي معايا بينسيني الدنيا كلها

ايمي:يالا بقى 

اخذته من يده ودخلت غرفتها وجلسوا في الشرفه ولم ينطقوا... بعد قليل تحدث علي قائلا:هتفضلي ساكته كتير... يالا احكيلي شكلي شايلة كتير

ايمي:كتير اوي يا بابا 

علي:مالك ياحبيبتي

قصت ايمي لخالها كل ماحدث منذ ان تعرفت على طارق حتى ذهاب لارين له 

علي:وهو بعد لما عرف مكلمكيش

ايمي بدموع:لا

ضمها علي وقال:بتحبيه

ايمي ببكاء:اوي يا بابا عمري ماكنت متخيلة اني هحب حد كدة حاولت اني محبوش بس غصب عني حبيته حبيت كل حاجة فيه حاسه اني مش عايشه وانا بعيد عنه

علي:ياحبيبتي لو ربنا كاتبلك نصيب معاه هتتلاقوا....."عسى ان تكرهوا شيئا هو خيرا لكم"

ايمي:عندك حق يا بابا

علي:يالا ياحبيبتي امسحي دموعك 

محت ايمي دموعها. ابتسمت وقالت:ربنا يخليك ليا يا بابا انا بجد بحبك اوي

علي:ربنا وحده اللي عالم انتي بالنسبة لي ايه انتي اكتر من بنتي

ايمي:ربنا يخليك ليا ياحبيبي

مر اليوم في سعادة على الجميع بعودة ايمي لهم ولكن لم يمر اليوم بسلام بسبب مجيئ عمها وخالد

عبدالرحمن:حمدلله على سلامتك يا ايمان

ايمي:الله يسلم حضرتك ياعمي 

عبدالرحمن:ان شاء الله هتستقري هنا مش كدة

ايمي:مش بظبط بس ان شاء الله مش ناوية اسافر دلوقتي خالص

خالد:وانت ياعمي هتخليها تسافر تاني مش كفاية سبيتها 9 سنين عايشه لوحدها

ايمي بحده:اظن ان دي حاجة تخصني لوحدي ملكش انك تتدخل فيها 

خالد:شايف بنتك ياعمي

سمير:والله ايمان مبقتش صغيرة وقدرت تعتمد على نفسها وتعمل لنفسها اسم واهي بنت 

عبدالرحمن:عندك حق ايمان بنت ب100 راجل 

خالد بسخرية:اه فعلا

نظر له سمير بغضب بينما نهره عبدالرحمن بحده:خالد

امسكت ايمي دموعها وقالت وهي تنهض:بعد اذنكم

منه:خديني معاكي

ذهب الجميع وجلست ايمي في غرفتها وظلت تبكي لان خالد عرف كيف يجرحها ويكسرها ولكن هي لن تسمح له ان يفعل ذلك مرة اخرى ،ظلت هكذا حتى غلبها النوم

*****************************************

في اليوم التالي دخل عماد للمكتب ووجد طارق يعمل

عماد بمرح:اللهم صلي على النبي طارق بنفسه جه وبيشتغل 

طارق:قدامي شغل كتير قبل ما اسافر

عماد:تسافر فين

طارق:نويت ارجع مصر

عماد:وهترجع امتى

طارق:مش عارف بس ممكن اطول

عماد:اشمعنا

طارق:مش هرجع الا لما اتجوز ايمي

عماد:تفتكر هتوافق

طارق:هعمل المستحيل عشان اتجوزها حتى لو هتجوزها غصب عنها

عماد:بركاتك ياست ايمي جننتي الواد

طارق:بقولك ايه ماتيجي نبيع الشركة ونرجع مصر وهناك نشتغل في الشركة عندنا 

عماد بتفكير:والله فكرة.... انت مسافر امتى

طارق:بعد بكرا

عماد:تمام سافر انت وانا هخلص الامور هنا واجي وراك على طول

طارق بابتسامة:تمام اوي كدة

*****************************************

جلست ايمي مع شقيقتها بغرفتها وكانوا يتحدثون

ايمي:انا مش فاهمه ايه الي خلاكي وافقتي على خالد

منه:سيبك من خالد واحكيلي بقى انتي مفيش حد كدة ولا كدة

ايمي بارتباك:حد ازاي يعني

منه:الله هو مين فينا الكبير

ايمي:بس يابت بلاش رخامه انا مش فاضية لكلامك الفارغ ده..... لارين صاحبتي هترجع مصر وانا عايزة اقول لبابا انها تيجي تعيش معايا هنا

منه:هي ست لارين هتخدك مني ولا ايه

ايمي:لا طبعا ياحبيبتي بس لارين ملهاش غيري ومتعرفش اي حاجة في مصر

منه:خلاص ماشي 

ايمي:هقوم اكلمها واطمن عليها

وبالفعل هاتفت ايمي لارين وتحدثوا قليلا ومر اليوم بسلام وجاء اليوم التالي ووصل طارق الى مصر وذهب الى الشركة دون ان يقول لاحمد ليفاجأه ،وقف امام مكتب السكرتيرة وقال:صباح الخير

السكرتيرة:صباح الخير يافندم اقدر اساعد حضرتك في حاجة

طارق:الباشمهندس احمد موجود

السكرتيرة:ايوا يافندم في معاد سابق

طارق:لا بس قوليله معرفه قديمه وعايز اقابله ضروري

طرقت السكرتيرة باب المكتب وعندما سمعت الاذن بالدخول دخلت وقالت لاحمد:مستر احمد في واحد برا عايز يقابل حضرتك

احمد:مقلش مين

السكرتيرة:لا يافندم بس قال معرفه قديمه وعايز يقبل حضرتك ضروري

احمد بنفاذ صبر:طب خليه يدخل

خرجت السكرتيرة وسمحت لطارق ان يدخل ،دخل طارق وقال بمرح وهو يغلق الباب بقدمه:ايه ياعم لازم اعمل interview عشان اعرف اقابلك

انتفض احمد بذهول عندما سمع صوت طارق وقال:مش معقول 

طارق بابتسامة:وحشتني يا باشا

احمد:بالحضن ياتيتو

عانقه احمد بشوق وقال وهو يبتعد عنه:مش مصدق نفسي انك رجعت

جلس طارق ووضع ساق فوق الاخرى وقال:زهقت قلت اما اجي اتجوز واستقر بقى

احمد:وكمان تتجوز لا لا براحة كدة واحكيلي من الاول

طارق:ارواح بس اسلم على ماما ولينا وحشوني اوي وليك ياعم هحكيلك كل حاجة

احمد:تمام

خرجوا هما الاثنان وامر احمد السكرتيرة بالغاء كل المواعيد الخاصة بالعمل

وصلوا الى المنزل ودخل طارق الى الحديقة ووجد والدته تجلس هناك ،اقترب منها ووقف خلفها وقال:لسه قاعدة هنا من يوم ماسيبتك

التفتت حنان للصوت وكادت ان تفقد الوعي لولا ان امسكها احمد وقال:لا ونبي اوعي يغم عليكي ابنك اهو 

عانقت حنان ابنها وظلت تضمها اليها وتبكي 

حنان بدموع:حمدلله على سلامتك يابني

طارق:الله يسلمك يا امي وحشتيني حضنك اوي

حنان: مش هسمحلك تسبني تاني ابدا

جاءت لينا من خلفهم وهتفت:ابيه طارق

التفت اليها طارق فركضت هي اليه حملها كارق وظل يلف بها ثم انزلها وقال:كبرتي ياقردة

ضربته بقبضتها على صدره وقالت:بس متقولش قردة

احمد بمرح:زعلانه ليه انتي قردة واخوكي شامبنزي

طارق:طب احترم فرق السن مفيش فايدة مهما كبرت هتفضل عيل

حنان:اهو على الحال ده كل يوم يفضلوا يشتموا في بعض .. اطلع انت ارتاح انت تعبان من السفر

طارق:لا انا عايزكم في موضوع مهم

لينا:خير ها ها

طارق:مبدأيا البت دي تمشي من هنا

لينا بزعل طفولي:بقى كدة يا ابيه

طارق:خلاص بقى نتكلم جد شوية

حنان:خير ياحبيبي

طارق:انا قررت اتجوز

حنان بفرحة:بجدددد

طارق:ايوا بجد

لينا:هي مين وعرفتها فين واسمها ايه ووو

طارق:بس بس اسكتي شوية

احمد:لينا استني بقى خلي طارق يكمل

طارق:هي اسمعا ايمان دكتورة اتعرفت عليها لندن بنت طيبة ورقيقة جدا 

لينا:اتعرفت عليها ازاي

لينا:كنت بجهزلها المركز بتاعها

حنان:طب هتروح تخطبها امتى

طارق:هاخد معاد مع اهلها بإذن الله واروح اتقدم لها بس مش خطوبة جواز على طول

احمد:مالك ياعم داخل سخن كدة ليه

طارق:مش ناوي اضيع وقت تاني اللي جاي في العمر مش قد اللي راح

حنان:ربنا يتمملك على خير يا حبيبي

طارق:يارب انا هطلع ارتاح عشان بكرا عندي كذا مشوار 

لينا:ايه ده ملحقتش اقعد معاك

طارق:ياستي بكرا هقعد معاكي زي ما انتي عايزة بس اخلص اللي عايزة اعمله

حنان:يالا ياحبيبي اطلع

****************************************

في اليوم التالي كان سمير يجبس في مكتبه بالشركة التي يعمل بها كمدير تنفيذي ،دخلت السكرتيرة واخبرته ان هتاك من يريد ان يقابله فاذن لن بالدخول 

صباح الخير

نظر سمير للشاب الواقف امامه وقال:صباح النور يابني انت مين

الشاب:طارق عز الدين

.... 

يتبع

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا