رواية ليالي الغول اقتباس من الفصل الأخير بقلم لوجي احمد

رواية حكاية عشق "الجزء الاول" الفصل التاسع عشر والعشرون بقلم نهلة مجدى 

رواية حكاية عشق "الجزء الاول" الفصل التاسع عشر والعشرون بقلم نهلة مجدى 

 الفصل التاسع عشر والعشرون 

سمير:انت مين؟! 

الشاب:طارق عز الدين مهندس ديكور

سمير:اهلا وسهلا اتفضل

جلس طارق امام سمير وقال سمير:قهوتك ايه؟! 

طارق:مظبوط

طلب سمير القهوه وبدأ طارق بالحديث

طارق:انا متأسف طبعا اني جيت من غير ميعاد سابق بس انا محتاج اتكلم مع حضرتك في موضوع ضروري 

سمير:اتفضل

اخذ طارق نفس عميق وقال:انا طالب ايد ايمان بنت حضرتك

سمير بدهشه:بتقول ايه؟! وانت تعرف ايمان منين

طارق:ياعمي ارجو ان حضرتك تسمعني للاخر من غير ما تقاطعني

سمير:سامعك

طارق:انا اتعرفت على ايمان في لندن انا مهندس الديكور اللي جهزلها المركز وحبتها......حبتها من اول يوم شوفتها فيه لاقيت نفسي مش هقدر اعيش من غيرها بس هي رفضتني وعدتها اني هبعد عنها بس كنت بقول كدة وخلاص وكنت خايف تكون مش بتحبني

سمير:لو سمحت يا باشمهندس الكلام سهل لكن... 

قاطعه طارق قائلا:انا عارف كل حاجة 

سمير:عارف ايه؟! 

طارق:عارف الحادثه اللي حصلت لايمان زمان

سمير:ايمان هي اللي حكتلك

طارق:لا لارين صاحبتها عشان هي عارفه ايمان بتحبني زي ما بحبها وهي كانت واثقه اني بحب ايمام بجد عشان كدة حكتلي

صمت سمير فاكمل طارق بتوسل:ارجوك يا عمي انا مش عايز اضيع عمرر انا وهي في البعد انا بحبها بجد ولو مكنتش بحبها مكنتش جيت وراها من لندن لحد هنا انا جيت لحضرتك عشان عارف انك هتقف جانبي وانك يهمك سعادتك بنتك

صمت سمير يفكر في الامر ثم قال:المطلوب مني ايه دلوقتي

طارق بسعادة:يعني حضرتك موافق

سمير:ايوا موافق بس المهم ايمي توافق......ايمي كرامتها غاليه اوي عندها وممكن تفتكر انك عايز تتجوزها شفقه ودي اكتر حاجة هي بتكرهها

طارق:لو على ايمي انا هقنعها انا بس محتاج اشوفها

سمير:هي من ساعة ما رجعت وهي مبتخرجش من البيت على طول قاعدة في الجنينه ياما في اوضتها مع اختها طارق:انا عايز اشوفها دلوقتي وانا مرتب كل حاجة 

سمير:طيب تعالى معايا

خرج سمير من الشركة مع طارق واستقلوا السيارة وطارق بداخلهوفرحة كبيرة انه قطع نصف المشوار وباقي فقط موافقة ايمي وبعدها ستكون له وحده ولن يسمح لها ان تبتعد مرة اخرى

*****************************************

كانت ايمي تجلس في حديقة المنزل وهي شاردة في ذكرياتها مع طارق حقا لقد اشتاقت له كثيرا تتمنى تن تراه مرة اخرى لترتمي في احضانه وتستنشق عطره ،وصلتها رسالة على هاتفها المحمول امسكت الهاتف وجدت رسالة من رقم غيى مسجل 

" وعدتك الّا أحبك

ثم أمام القرار الكبير جَبُنت

وعدتَ إلا أعود

وعدت

وعدتك إلا آموت اشتياقًا

ومت

وعدتك الا

والّا..وألا

وحين اكتشفت غبائي 

ضحكت

#نزار_قباني

(بحبك)"

شعرت ان قلبها ينتفض بشده فهي تشعر بطارق قريب مها نهضت من هلى الارض وجاءت لتلتفت فوجدته وراءها ظلت تنظر اليه وبادلها هو نظرة اشتياق وشوق وقال بهمس:وحشتيني

ايمي بدموع:جيت ليه

طارق:بحبك

ايمي:انت مش وعدتني انك هتبعد رجعت ليه

طارق:عشان عيل ومقدرش اعيش من غيرك وبحبك

ايمي:ليه

طارق:معرفش معرفش ليه حبيتك لاقيت نفسي فجأة بحب اشوفك واشوف ضحكتك بحب اشوفك وانتي مكسوفه بحب كل تفاصيلك حتى لما طلبتي من ابعد حسيت انك بتسحبي روحي مين ايمان انا وصلت اني بقيت بعشقك انا مش عايز حاجة في الدنيا دي غير اني ابقى معاكي مش عايز اي حاجة غير اني اصحى كل يوم الاقيكي في حضني 

ايمي بدموع:حتى بعد اللي عرفته

امسكها طارق من كتفها وقال بحب:مش فارق معايا اي حاجة... اي حاجة حصلت زمان مليش علاقة بيها احنا ولاد النهاردة انسي الماضي وخلينا نعيش حياتنا سوا بحلوها ومرها انا مش عايز غيرك... انتي وبس بحبك وهتتجوزيني حتى لو غصب عنك

ايمي:طارق انت مجنون

طارق:اه مجنون بيكي هتتجوزيني ولا لا

ابتسمت ايمي بخجل ولم تجيب

طارق:يعني اجيب ماما واجي للحاج

انتفضت ايمي فجاة وهتفت:بابا.... طارق انت بتعمل ايه هنا انت اتجننت بابا لو شافك هنا هتبقى مصيبة

سمير:مصيبة ليه يا ايمي

ايمي بفزع:بابا

طارق:طيب استأذن انا ياعمي

سمير:اتفضل

ذهب طارق ونظرت ايمي لوالدها وقالت بدهشه:بابا عمي اتفضل يابني ايه ده

سمير:مالك ياايمي انتي اتجننتي

ايمي:بابا حضرتك تعرف طارق منين

سمير:طارق طلب ايدك مني

ايمي بذهول:اييييه!!! 

سمير:طب اقعدي عشان نتكلم

جلست ايمي مع والدها وبدأ سمير بالحديث قائلا:قبل اي حاجة بتحبيه؟! 

اومأت ايمي بخجل علامه الموافقة

سمير:طارق حكالي على كل حاجة وقالي انه بيحبك ومستعد انه يتجوزك النهاردة قبل بكرا انا اكيد مش هغصبك على حاجة بس قدام بتحبه بعض ليه تبعده

ايمي:خايفه يا بابا

سمير:من ايه يا ايمان

ايمي:خايفه بعد مانتجوز يبطل يحبني خايفه اللي حصلي يفرق بينا بعد ما اتعلق بيه اكتر ساعتها مش هقدر اطمل حياتي من غيره

سمير:بس الاصرار والخب اللي شوفته في عنيه يأكدلي انه عمره ماهيفرط فيكي ابدا

ايمي:يعني ده رأي حضرتك

سمير:ايوا انتي بقى موافقة تكملي حياتك معاه

ابتسمت ايمر بخجل وقالت:ايوا

فجأة جاءت منه من خلفها و:لولولولولي وتقوليلي انا مش فاضية للكلام ده ده انتي طلعتي جامدة اوي

نظر سمير لابنته بذهول وقال:ايه يابت يامنه مالك اتجننتي ولا ايه

منه:ايه ياحاج اختي فرحانه بيها

سمير:ده انتي مفرحتيش كدة يوم ما اتخطبتي

تحدثت منه بداخلها بحزن وقالت:افرح على ايه ده هم ،ثم وجهت حديثها لايمي وقالت وهب تعانقها:مبروك ياحياتي بجد مبسوطة اوي بيكي

ايمي:الله يبارك فيكي ياقلبي

رن هاتف منه برقم خالد فستأذنت بتأفف لتجيب فانتهزت ايمي الفرصه لتتحدث مع والدها

ايمي: بابا عايزة اتكلم مع حضرتك في موضوع مهم

سمير:موضوع ايه

ايمي بضيق:هو انت ملقتش غير خالد وتوافق تخطب منه ليه

سمير:ماله خالد 

ايمي:في يا بابا انه بني ادم حيوان

سمير:ايمي سوء التفاهم اللي حصل زمان ميأثرش على حياة اختك

ايمي:بابا ايه اللي حضرتك بتقوله ده انا اصلا مكنش فارق معايا موضوع خالد زمان واصلا استحالة كنت هوافق عليه بس خالد عارف ان منه متعرفش حاجة عن اللي حصلي وممكن يقولها في اي لحظة ومش بعيد يعايرها بالموضوع واظن حضرتك اكتر واحد عارف ابن اخوك شوفت لما كانوا هنا قال ايه قدمكم انا خايفه على منه ،والله خالد مضايقها في حاجة وهي خايفه تقول

سمير:متزعليش يا ايمي انا مقصدش على العموم انا هشوف الموضوع ووالله لو عرفت بس انه عملها حاجة انا اللي هرمي الدبلة في وشه

ايمي:ربنا يخليك لينا يا بابا

جاءت منال وهي تقول:ربنا يخليك لينا يا بابا واولعي يا ماما

ايمي وهي تضم والدتها:بعد الشر عنك ياست الكل ده انتي الخير بركة

سمير:ياساتر عليكي غيرانه حتى من حبه الحب اللي عيال بيحبوا ليا

منال:قصدك انهم مش بيحبوني

ايمي:بس بس انتوا الاتنين اغلى حاجة عندنا 

منال:ربنا يحميكوا ياحبيبتي......الكلام اللي منه قالته ده بجد 

سمير:ايوا بجد انا اتفقت مع طارق يجيب اهله ويجوا يوم الخميس اللي جاي

منال:ربنا يكملك على خير يا ايمي

ايمي:ربنا يخليكي يا ماما بعد اذنكوا هروح اشوف منه

ذهبت ايمي لغرفة منه وجدتها تجلس شاردة اقتربت منها ووضعت يدها على كتفها وقالت:منوش مالك

انتبهت منه وقالت:ابدا مفيش 

ايمي:منه هو في حاجة انتي مخبياها عليا

منه بضحك:يابت مفيش تعالي واحكيلي اتعرفتي على طارق ازاي

جلست ايمي بجانب منه وابتسمت وبدأت تقص عليها:طارق مهندس الديكور اللي عملي المركز من يوم ما شوفته حسيت ان في حاجة بتشدني ليه بس كنت خايفه ، طارق طيب جدا ومتخلاش عني بالعكس رجع من لندن عشاني انا بحبه اوي يا منه بجد مش مصدقه اننا هنبقى مع بعض

منه بحب:ربنا يسعدك ياحبيبتي واشوفك مبسوطه دايما

ايمي:المهم قوليلي خالد عامل معاكي ايه

منه بشرود:ولا اي حاجة

ايمي:اوعي يكون بيضايقك قوليلي بس وانا اخدلك حقك منه

منه:هه لا ابدا هو كويس معايا

ايمي بعدم اقتناع:طيب

****************************************

في اليوم التالي خرجت ايمي لشراء بعض الاشياء رن هاافها برقم طارق 

ايمي:الو

طارق:وحشتيني 

ايمي:ازيك ياطارق

طارق:كويس بس بقولك وحشتيني

ايمي:يارب على طول تكون كويس

طارق:ماشي ماشي على العموم عايز اشوفك

ايمي:اشمعنا

طارق:هاخدك معايا اعرفك على احمد اخويا في الشركة

ايمي:طب هكلم بابا وارد عليك

طارق:اوكي متتأخريش عليا 

ايمي:حاضر باي

اغلقت ايمي مع طارق وهاتفت والدها سمير

ايمي:ايوا يا بابا

سمير:ايوا ياحبيبتي

ايمي:عايزة استأذن حضرتك اني اقابل طارق

سمير:ليه

ايمي:هو كان عايزني اروح معاه الشركة اتعرف على اخوه

سمير:على العموم هو كلمني وقالي اصلا روحي بس خلي بالك من نفسك

ايمي:حاضر ياحبيبي سلام

اغلقت وارسلت رسالة لطارق "بابا مش موافق"

ابتسمت بانتصار لانه كذب عليها اتصل بسرعة فاجابت

ايمي:ايوا

طارق بضيق:يعني ايه بابا مش موافق ماهو لسه مكلمني وقالي ماشي

ايمي:يعني انت كلمته

طارق:احم ايه ده 

ايمي بضحك:وقعتك في الكلام

طارق:طيب يا ايمي هانت كلها كام يوم وتبقي ملكي وساعتها ابقي اتحديني برحتك

ايمي بتحدي:متقدرش تعمل حاجة 

طارق:اما اشوف.... المهم انتي فين

ايمي:انا في "...... "

طارق:تمام 10 دقايق وهكون عندك 

ايمي:اوكي

بعد 10 دقائق وصل طارق لايمي ،استقلت السيارة بجانبه وقالت:هما دول ال10 دقايق

طارق:طب اعمل مصر بقت زحمه اوي

ايمي:خلاص مسامحاك

امسك طارق يدها وقبل يدها وقال:ايه القلب الطيب ده هو انا بحبك من فراغ

ابتسمت ايمي بخجل ولم تعقب فقال طارق:مش ناوية تقوليها بقى

ايمي بخجل:بس بقى يا طارق

طارق وهو يدير محرك السيارة:ماشي بعد كدة هتخليكي تقوليها ليل نهار

انطلقوا معا الى الشركة ولم يخلوا الوقت من نظرات طارق العاشقه لايمي مغازلتها ببعض الكلمات ،حتى وصلوا الشركة وصعدوا الى الطابق المخصص للادارة ،وجد السكرتيرة تجلس على مكتبها فسألها:احمد موجود

السكرتيرة:لا بس هو قالي اقول لحضرتك تستناه في المكتب

طارق:طيب شكرا

دخلوا المكتب وجاء طارق ليغلق الباب فقالت ايمي:طارق سيب الباب مفتوح

طارق بابتسامة:حاضر

جلسوا على الاريكة وظلوا يتحدثون ونهضت ايمي ووقفت امام النافذة ،في تلك اللحظة دخل احمد المكتب وقال:اتأخرت عليكوا

التفتت ايمي لمصدر الصوت والتقت عيناها ب "احمد"

يتبع... 

بقلمي:#نهلة_مجدي

لفصل العشرون

التفتت لمصدر الصوت فالتقت عيناها باحمد ،توقف احمد قليلا ينظر لايمي ولكنه انتبه على صوت طارق

طارق:ايه ياعم كنت فين؟! 

احمد:مشوار كدة كان لازم اخلصه

طارق:ماشي ياسيدي

واقترب من ايمي وقال:دي ايمي يا احمد ،ده بقى ياستي احمد اللي حكتلك عنه

مد احمد يده وصافحها قائلا:اهلا وسهلا مبسوط اني شوفتك

ايمي:ميرسي 

احمد:احنا متقبلناش قبل كدة

ايمي نافية:مظنش

طارق:ايمي بقالها 9 سنين في لندن ولسه نازله من كام يوم

احمد بحيرة:يمكن....المهم مبسوط اني اتعرفت عليكي 

ايمي:ميرسي

احمد وهو ينظر لطارق:الواد ده بيحبك اوي على فكرة

اخفضت ايمي رأسها بخجل احمرت وجنتيها بشدة فقال طارق بضحك:اهي احمرت ياعم ينفع كدة

احمد بضحك:اسف والله مقصدش وبعدين هو انا بكدب مش انت اللي قلت كدة

ضربها طارق على رأسه بمرح وقال:طب اتوكس وخليك في حالك

ايمي:طارق انا لازم امشي

طارق:ليه

ايمي:عشان بابا كدة اتأخرت

طارق:طب تمام هوصلك

صافحت احمد وقالت:فرصه سعيدة يا باشمهندس

احمد بابتسامة:انا اسعد 

خرجوا من الشركة واوصلها الى المنزل ،دخلت ايمي وهي سعيدة بوجودها مع طارق ،تذكرت ايمي انها لم تهاتف لارين امسكت الهاتف بسرعة وهاتفتها

لارين عبر الهاتف:وحشتيني

ايمي:انتي اكتر ياقلبي اخبارك ايه

لارين:لندن وحشه من غيرك.....على فكرة طارق جه سأل عليكي بد ما سافرتي

ايمي:ما انا مكلماكي عشان كدة طارق رجع مصر وطلب ايدي من بابا

لارين بفرحة:انتي بتتكلمي بجد

ايمي:ايوا والله واتعرفت على احمد اخوه النهاردة واهله هيجوا يوم الخميس عشان يطلبوني من بابا

لارين:انا هكون جيت

ايمي:ايه ده بجد

لارين:ايوا انا خلصت وحجزت على يوم الاربعاء الصبح

ايمي:الله بجد الحمدلله انك هتكوني معايا

لارين:اخيرا ياقلبي هشوفك عروسة

ايمي:عقبالك يارب

لارين:طيب انا هقفل دلوقتي عشان ورايا شغل

ايمي:ماشي هتوحشيني

لارين:وانتي كمان يالا سلام

ايمي:سلام

******************************************

مرت الايام سريعا وجاء اليوم الذي ستأتي فيه لارين ولكنها طلبت من ايمي ان تنتظرها خارج المطار ،دخلت لارين صالة الوصول فرن هاتفها نظرت في حقيبتها لتجلب الهاتف ولم تنتبه للشاب الذي كان يمشي باتجاهها فصطدمت به

لارين:انا اسفه مقصدش

ظل الشاب ينظر لها للحظات ثم قال:هه ولا يهمك 

ذهبت لارين بعد ان اعتذرت منه مرة اخرى ظل يتبعها حتى اختفت من امامه انتبه من شروده على صوت يقول:مستر احمد الوفد وصل

احمد:طيب انا جاي اهو

*****************************************

وصلت لارين مع ايمي للمنزل وقابلت عائلة ايمي واحبوها كثيرا بعد ذلك جلست مع ايمي في غرفتها 

لارين:انا مش مصدقه اني جيت مصر

ايمي:عمرك ماجيتي قبل كدة صح

لارين:اه بابا وماما عمرهم ماجبوني مصر

ايمي:المهم انا فرحانه اوي

لارين:كفتية رغي بقى ونامي عشان بكرا وراكي يوم طووويل

ايمي:عندك حق تصبحي على خير

*****************************************

في اليوم التالي وقف طارق امام المرآة ونظر لنفسه وابتسم ،جاء طارق من خلفه وقال بمرح:ايوا بقى ياعريس

ابتسم طارق وعانق شقيقه وقال:عقبالك يا ميدو

احمد بشرود:ان شاء الله

طارق:مالك يا احمد فيك حاجة غلط 

احمد متهربا:لا ابدا انا تمام

طارق:اخلص موضوعي انا ايمي وهتقولي مالك ماشي

احمد:ان شاء الله

دخلت حنان الغرفة وقالت بابتسامة:بسم الله ماشاء الله قمر ياحبيبي

احمد بضحك:القرد في عين امه غزال

ضربه طارق على رأسها وقال وهو يخرجه خارج الغرفة:قرد طب امشي بقى مش هتيجي معايا

احمد بضحك:لا ونبي ده انا اللي هقول "ان شاء الله والف الف مبروك"

ضحكت كل من حنان وطارق وجاءت لينا في ذلك الوقت وهي تقول بتأفف:مش معقول كدة يا ابيه انا البنت خلصت وحضرتك لسه

طارق:انا خلصت واخوكي اللي معطلني

حنان:يالا بقى ياولاد هنتأخر على الناس

طارق:ايوا يالا بقى

احمد:طبعا مين قدك

طارق:ما تبطل قر بقى

حنان:هسيبكم وامشي

طارق:ايوا يالا يا ماما

خرجوا جميعا من المنزل واستقلوا السيارة وانطلقوا الى منزل ايمي..... 

****************************************

كانت ايمي تجلس في غرفتها وهي متوترة ،سمعت صوت جرس الباب وعلمت انهم وصلوا خفق قلبها لمجرد سماع صوت طارق ،دخلت لارين للغرفة ووجدتها جالسه 

لارين:مالك يا ايمي

ايمي بتوتر:خايفه اوي وبعدين انا معرفش مامته هتعملني ازاي

لارين:انا شوفتها وهي داخله شكلها طيبة اوي

ايمي:ربنا يستر

لارين:طب يالا مامتك قالتلي انديكي

ايمي بخوف:لا لا بلاش

امسكتها ايمي من يدها واخرجتها من الغرفة وقالت بهمس:يالا بلاش دلع

دخلت ايمي في غرفة الصالون بخطوات خجلة بينما عادت لارين للغرفة لتنتظرها ،عندما دخلت تعلقت نظرات طارق العاشقه لها راقب احمرار وجنتيها وابتسم ،اقتربت ايمي من حنان فقالت حنان بابتسامة:بسم الله ماشاء الله انتي احلى بكتير من كلام طارق

ايمي بخجل:ميرسي ياطنط

طارق:ها ياعمي نقرأ الفاتحة

سمير:على بركة الله

بدأوا في قراءة الفاتحه بين نظرات ايمي وطارق لبعضهما وابتسمتهم التي لم تفارقهم ،بعد ان قرأوا الفاتحه قال طارق:ايه رأيك يا عمي نعمل فرح على طول 

سمير بابتسامة:انت مستعجل ليه

طارق:اصل انا وهي مش محتاجين نعرف بعض يبقى ليه نضيع وقت

سمير:انت قدامك قد ايه وتبقى جاهز 

طارق:شهر مش اكتر

حنان:خلاص انا عندي اقتراح...... ايه رأيكم نعمل كتب كتاب اخر الاسبوع عائلي كدة عشان يجهزوا نفسهم مع بعض وبعد شهر نعمل الفرح

منال:فكرة كويسة ها ايه رأيك ياسمير

سمير:والله انا معنديش مانع بس برضه ناخد رأي ايمي.....ها ايه رأيك يا ايمي؟! 

ايمي بخفوت:اللي حضرتك تشوفه

سمير:يبقى هلى بركة الله ان شاء الله الخميس اللي جار هنعمل كتب الكتاب هنا في البيت وتجهزوا على راحتكم

ابتسم طارق بسعادة وقالت لينا لايمي:بس ابيه طارق مقليش انك حلوة اوي كدة

ابتسمت ايمي بخجل وقالت:والله انتي اللي حلوة

احمد:طب مش نسيبهم يقعدوا مع بعض شوية

سمير:ماشي اتفضلوا

خرجوا جميعا من الغرفة جلسوا في الغرفة المقابلة ،تحدث طارق اولا

طارق بابتسامة:مبروك

ايمي بخجل:الله يبارك فيك

طارق بفرحة:مش قادر اوفلك انا مبسوط قد اية

ايمي:وانا كمان 

طارق:بجد يا ايمي انا مش مصدق ان كلها كام يوم وتبقي مراتي ..... اه صحيح عايز اخد رأيك في حاجة

ايمي:ايه؟! 

طارق:يعنب عندك مانع لو قعدنا مع ماما واخواتي في البيت

ايمي:لا عادي

طارق بابتسامة:طمنتيني كنت خايف ترفضي

ايمي:ارفض ليه انا حبيت طنط جدا معنديش مانع اننا نعيش معاها

طارق:ماشي هقول لعمي ننزل نشتري الشبكة بكرا

ايمي:ماشي

خرج طارق من الغرفة وقال:طيب نستأذن احنا بقى

منال:ما لسه بدري 

حنان:معلش بقى الوقت اتأخر

سمير:خلاص يبقى تغدوا معانا بكرا

طارق:ان شاء الله ياعمي

منال:لا هتقضوا معانا اليوم 

طارق:بإذن الله

سلمت لينا على ايمي ومنه وصافح طارق سمير وايمي ثم عادوا الى منزلهم..... 

****************************************

في ذلك اليوم بات كل من طارق وايمي بسعادة بالغه ظلوا كل منهم ساهر حتى وقت متأخر يفكرون في حياتهم معا ،اغمضت ايمي عيناها وظلت تتذكر ابتسامة طارق وهو يعترف لها بحبه ،كانت تريد ان تقول له انها تحبه ولكن انها خجلت ولكن اخذت قرارها عندما تصبح زوجته ستقولها له دون خوف او خجل ،ظلت تفكر حتى غلبها النوم... 

*****************************************

في اليوم التالي ذهب طارق وعائلته الى منزل ايمي وكانوا في انتظارهم ،جلست ايمي هي وطارق ومنه واحمد ولينا في الحديقة بينما جلس سمير وزوجته وحنان داخل المنزل ،كانوا يتحدثون في تلك اللحظة جاءت لارين

طارق:ازيك يا لارين

لارين:الحمدلله ازيك انت ياطارق

طارق:الحمدلله ،وجه طارق حديثه الى اخواته وقال:اعرفكم لارين صاحبة ايمي ،ثم وجه حديثه الى لارين واشار الى لينا وقال:دي بقى لينا اختي الصغيرة اخر العنقود 

لارين:اهلا بيكي

لينا بابتسامة:مبسوطة اني شوفتك

طارق:وده احمد 

التفت طارق ليجد احمد يحدق في لارين فهتف:احمد

احمد:هه 

طارق:بقولك دي لارين صاحبة ايمي

صافحها احمد قائلا:اتشرفنا

لارين بابتسامة:اهلا وسهلا

احمد:انا شوفتك قبل كدة .... في المطار صح

لارين:اه تقريبا

منه:تعالوا نقعد بقى هنفضل واقفين

جلسوا على الارض في الحديقة وقال طارق:عارفين القاعدة دي ناقصه مين

احمد:مين؟! 

طارق:عماد وحسام

احمد بضحك:وللاسف الاتنين مسافرين

لينا:ايه ده هو حسام سافر

احمد:اه بتسألي ليه

لينا بارتباك:هه لا عادي

ايمي:منه ماتغني اي حاجة

لينا:ايه ده هي منه بتغني

ايمي:اه صوتها حلو جدا

منه:لا لا اغني ايه

احمد:امتي مكسوفه مننا ولا ايه احنا خلاص بقينا اهل

طارق:يالا يا منه بقى

منه: ماشي بس هتغني معايا يا ايمي

ايمي:اوكي

منه:"عيون القلب... سهرانه مبتنمش

وانا صاحية ولا نايمة مبقدرش

يبات الليل... يبات سهران على رمشي

وانا رمشي ماداق النوم

وهو عيونه تشبع نوم

وانا رمشي ماداق النوم

وهو عيونه تشبع نوم

روح... روح يانوم من عين حبيبي روح يانوم

ايمي:حبيبي.... حبيبي اه من حبيبي

عليه احلى ابتسامة لما بتضحك عيونه بقول يالا السلامة

حبيبي.... حبيبي اه من حبيبي

عليه احلى ابتسامة لما بتضحك عيونه بقول يالا السلامة

لما يسلم عليا ولا يقولي كلام 

عايزة ورا كل كلمة اقوله ياسلام

لما يسلم عليا ولا يقولي كلام 

عايزة ورا كل كلمة اقوله يا سلام ياسلام

منه:ده قالي في يوم ياحبيبتي خدي القمر

وروحت معاه وما اداني الا السهر

وانا رمشي ماداق النوم وهو عيونه تشبع نوم 

وانا رمشي ماداق النوم وهو عيونه تشبع نوم 

روح... روح يانوم من عين حبيبي روح يانوم

ايمي:تقولي كلام وافرحي بيه انا افرح بيه 

اسيب النوم وافكر فيه انا افكر فيه

انت تقول وتمشي وانا اسهر منمش ياللي مبتسهرش ليلة ياحبيبي 

انت تقول وتمشي وانا اسهر منمش ياللي مبتسهرش ليلة ياحبيبي 

سهرني حبيبي حبك ياحبيبي بكتب ع الليالي اسمك ياحبيبي

سهرني حبيبي حبك ياحبيبي بكتب ع الليالي اسمك ياحبيبي"

صفق لهم الجميع وقال احمد:بجد صوتكم حلو اوي

لينا:ماشاء الله عليكم 

طارق:اول مرة اعرف ان صوتك حلو يا ايمي

لارين:معقول دي كانت بتصدعني في لندن

ايمي بغيظ:كدة ماشي 

مر الوقت سريعا وهم يمزحون وتناولوا الغداء وطلب طارق من سمير ان يأخذ ايمي لشراء الشبكة ووافق ،مر اليوم في سعادة وعاد كل منهم الى منزله يفكر في الايام وماذا ستخبئ لهم.... 

******************************************

عاد عماد من السفر دون ان يخبر طارق وكان في طريقه بالسيارة عندما وجد فتاة تصرخ انر السائق بان يتوقف عندما وجد شاب يضربها ،نزل بسرعة من السيارة وركض باتجاهها وقال للشاب:ميصحش كدة يا استاذ انت في الشارع

الشاب:ملكش دعوة

عماد:ياكابتن مينفعش تمد ايدك علل بنت في الشارع

الشاب:وانت مالك يا اخي ،ثم التفت للفتاة وصفعها مرة اخرى وهو يقول بغضب:فضحتينا

صرخت الفتاة مرة اخرى وقالت ببماء:ابعد عني ياخالد

عماد وهو يحاول تخليص الفتاة منه:يا استاذ مينفعش كدة

خالد:وانت مال اهلك واحد ومراته ايه اللي يدخلك

صرخت مه وقالت:والله مش مراته 

كاد ان يصفعها مرة اخرى ولكن اوقفته يد عماد الذي امسكت به وناوله لكمه اوقعته ارض وقال:دي عشان طولة لسانك 

ثم امسك منه من يدها واركبها التاكسي وركب بجوارها وامر السائق بالانطلاق .،بعد ان ابتعدوا عن مكان خالد امر عماد السائق بان يتوقف وكانت منه لازالت تبكي وقفوا امام الكورنيش وحاول عماد تهدأتها 

عماد:هو مين ده وايه اللي يخليه يمد ايده عليكي

منه ببكاء:ده ابن عمي وخطيبي

عماد:هو عشان خطيبك يضربك

منه ببكاء:انا مش عارفه من غيرك كنت هعمل ايه بجد متشكرة

عماد:متشكرنيش اي حد في موقفي كان هيعمل كدة واكتر اهم حاجة انك مترجعيش مع البني ادم ده تاني 

منه:لا انا خلاص هقول لبابا اني مش عايزة اكمل معاه بس يارب يوافق

عماد:طب يالا عشان اوصلك

مه نافية:لا لا متتعبش نفسك انا هرواح

عماد بحزم:مينفعش الدنيا ليل وكمان انا عايز اشوف والدك عشان اقوله اللي حصل 

ذهبت منه معه باستسلام واستقلوا سيارة اجرة الى منزلها ،رن عماد الجرس وانتظر حتى فتحت له 

عماد بدهشه:ايمي!!! 

يتبع... 

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا