رواية أرملة رجل حى الفصل السابع عشر 17بقلم محمد منصور حصريه في مدونة قصر الروايات
رواية أرملة رجل حى الفصل السابع عشر 17بقلم محمد منصور حصريه في مدونة قصر الروايات
ح(17)
كريمة حطيت ايدها علي رقبتها مالقتش السلسة اترعبت و بدات تصدق انها فعلا مش كريمة والصرع مساكها وبدات تمسك دماغها ووقعت علي الارض والدنيا بدات تلف بيها وفتحت عيونها لقيت نفسها في بيت الدجاله. صدفة واقعة علي الارض ومنير دة بيمد ايدة ليها و بيساعدها تقوم بصت له كريمة باستغراب شديد وقالت
انت مين
منير
انا مين مالك يا بت نسيتي اخوكي ولا اية.
كريمة
اخويا مين انا اول مرة اشوفك
منير
شمس انتي بتهزري ولا بتتكلمي بجد
كريمة
انا مش شمس.
وقامت وقفت علي رجليها
و بدات تنفض هدومها من التراب اللي جه عليها بسبب وقعتها علي الارض فقال منير
شمس انتي رجعتي تحضري جن تاني
كريمة ما ردتش عليها وراحت ناحية باب الشقة اللي هي كانت فيها وفتحت وحاولت تفتح الباب لكنها ما عرفتش فهنا بصت لمنير وقالت بعصبية
بيتفتح ازاي دة
منير
مفتاحه معاكي
كريمة
انا مش معايا مفاتيح. وازاي يكون معايا مفتاح ل شقة انا اول مرة اجي لها
منير ضحك اوي وقال
لا بجد طيب بصي عليه في شنطتك كدة
كانت فعلا كريمة معلقة شنطة علي كتفها بصيت للشنطة وحطيت ايدها وطلعت مفتاح بصيت للمفتاح وهي هاتتجنن وحطت المفتاح في كالون الباب و اتفتح الباب اتصدمت كريمة وما بقتش قادرة تصدق هي مين وفين، ،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
نيرة كانت في مكتبها وقت ما الحكومة جت و قبضو عليها وتم مصادرة كل اموالهم. وراحت مبني مباحث الاموال العامة وقبلت ابوها بركات اللي اول ما شافها فضل يضحك بشكل هستيري وهي بتبص له وكان علي وشها غضب ربنا. وقالت
انت اللي عملت كدة
بركات
مجنون بقي و بخرف
وفضل يضحك و نيرة بتبص له وهي هاين عليها تقتله،،،،،
ونروح ل منير اللي كان واقف قصاد كريمة و بيقول
هتفضلي واقفة علي الباب كدة تعالي ندخل
كريمة
انا مين
منير
انتي شمس اللي ابوكي دفنك بالحياة وانتي بنت يومين،،،،،
ونرجع بالاحداث ليوم ما طه دفن شمس وهي بنت يومين ومشي هو و نحمده
و بالصدفة كانت. الدجاله صدفة قريب من اللي بيحصل و معاها ابنها منير اللي كان ابن 9 سنين وقتها. واول ما مشي طه جريت صدفة وقالت ل منير
احفر ياة وطلع اللي دفنها بسرعه قبل ما تتخنق
وفعلا حفر منير بسرعة وطلع شمس اللي كانت بطلع في الروح لكن من ستر ربنا ان شمس كانت لابسة بافته والبافته جت علي بوقها منعت دخول التراب في بوقها وكمان طه رمي تراب علي شمس اللي هو بس يغطي وشها وخد بنته ومشي بسرعة المهم طلعها منير ونفض التراب عنها وخدتها صدفة منه وحضنتها وهي بتعيط وقالت
عملت اية المسكينة دي علشان الراجل جاحد دة يدفنها بالحياة.
منير
انا عارف الراجل دة يا اما
صدفة
ما انا كمان عارفه. لكن اول مرة اعرف انه قليل الدين كده
منير
بقي انتي يا اما اللي بتتكلمي عن الدين دة انا احنا لسة دافنين عمل لست من اهالي البلد
صدفة بدات تتحرك راجعه للبيت وقالت
انا اة دجاله لكن ما بأذيش غلبان ولا اجي علي واحدة طيبة انا بأذي ولاد الكلاب الرمة اللي فاكرين ان البلد بلادهم. و اسكت بقي علشان صوتك الوحش دة بيخلي البت تعيط زيادة،،،،،،،
ونرجع ل منير اللي واقف قصاد كريمة و بيقول
و اتربيتي وسطنا و اتعلمتي من امي السحر واسرار تسخير الجن وبقيتي اشطر منها وامي ماتت بعد ما الجن قلب عليها موته ما يتمنهاش اي كافر راحت ل ربنا بالخير والشر اللي عملتو
كريمة
ولما هي عارفة مين ابويا لية ما رجعتنيش تاني ل اهلي
منير
ترجعك للي دفنك للحياة انتي مجنونه
كريمة
ترجعني ل امي
منير
وامك كانت هتقدر تحميكي منه ازاي دة راجل من غير قلب دفن بنته وهي عندها يومين
كريمة مسكت دماغها والصداع رجع لها تاني
و بدات تصرخ ووقعت علي الارض علشان تصحي وتلاقي نفسها علي الارض وكان محمد بيفوقها بصيت باستغراب شديد وقالت
انا فين وراح فين اللي كان معايا
محمد
انتي في المستشفي وقعتي من طولك لما كنا في بيت اختك نحمده. بس ما تعرفيش مع اني قلقت عليكي لما وقعتي لكني فرحت اوي لما شوفت السلسلة بتاعتي لسة حوالين رقبتك
كريمة حطيت ايدها حوالين رقبتها وفعلا لقيت السلسلة اتصدمت وبعدها كريمة بدات تبص حوالين منها و اتعدلت في قعدتها ولقيت نفسها في المستشفي فعلا فقالت
وعيالي فين لسة مع اللي اسمها شمس و مصدقين انها امهم
محمد
شمس مين
كريمة
اختي التؤام
محمد بان عليه الاستغراب وقال
انتي ليكي اخوات غير نحمده
كريمة
محمد ما تلعبش باعصابي انت كمان دة انت شوفت عيالي واحنا عند نحمده وهما متعلقين بيها
محمد
احنا كنا عند نحمده اة لكن العيال ما رضيوش يطلعو يشوفكي و نحمده حاولت معاهم لكن ما قدرتش تعمل حاجة. و انتي ما استحملتيش اللي عملو وقعتي من طولك
كريمة بعصبية
اللي انت بتقوله دة ما حصلش انا مش مجنونه ولا بخرف
ونزلت من فوق السرير اللي كانت عليه علشان تلاقي نحمده قصاد منها و معاها شنطة فيها اكل فقالت
كريمة الحمد لله انك فوقتي
مسكت كريمة ذراعات نحمده الاثنين وقالت
جاية ورايا المستشفي
و سايبة عيالي لوحدهم مع شمس
نحمده باستغراب
شمس مين
كريمة
اختي التؤام اللي ابويا دفنها بالحياة قصاد منك وانتي ما عملتيش اي حاجة
نحمده استغربت اكتر وقالت
طارق حكي لك اللي عرفو مني صح
كريمة بحرقة
انا ما شوفتش طارق وعرفت من حد اسود بيقول انه اسمه منير يبقي ابن صدفه الدجاله وهما اللي ربو شمس واهي راجعه بعد كل السنين دي تاخد حقها مني. وانا ما عملتهاش حاجة
محمد
كريمة اهدي مش كدة اعصابك هتنهار تاني
نحمده
انتي كنتي خفيتي من الصرع رجع لك تاني
كريمة
نحمده عيالي لو حصل لهم حاجة انا مش هرحمك
نحمده
عيالك في البيت لوحدهم
كريمة
عايزا اشوفهم،،،،،،،
في نفس الوقت دة كان حسني قاعد في مكتبه بيتابع التحريات الجديدة وهنا رن موبيله فرد وقال
الو
اتصدم وقال
يعني اية الكلام دة. طيب اقفل با فاروق وانا جاي لك حالا، ،،،،،
ومن جوة المشرحة التابعة للطب الشرعي كان واقف فاروق قصاد جثة ل انثي غرقانه وشرحها فاروق وقال ل حسني
الجثة دي ماتت غرقانه من سنين وكانت محطوطة في محلول يمنع تحلل الجثث جوة قصر المريوطية بتاع اسامة
حسني
دة القصر اللي كانت مخطوفة في كريمة
فاروق
هو وعارف الجثة دي طلعت بتاعت مين
حسني
مين
فاروق
جثة شمس
اتصدم حسني ،،،،،،،،
وهوب باب الحلقة اتقفل هدور علي المفتاح وارجع لكم وافتح علي الحلقة اللي بعدها. قويني يارب، ،،،،،،،،
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق