رواية ليالي الغول اقتباس من الفصل الأخير بقلم لوجي احمد

 

روايه عشق الوقح الفصل الثلاثون 30بقلم مايا النجار حصريه

روايه عشق الوقح الفصل الثلاثون 30بقلم مايا النجار حصريه

البارت الثلاثون من عشق الوقح بقلم مايا النجار 

و تركض له بسرعه وقبل ما تصل له كان عمار يمسك بيد اياد التى جرحت صغير  وبسرعه قفل علي الجرح بالمنديل وهو  ينظر إلى تسنيم بغضب عارم لكن لم  يتحدث فقط حمل اياد و ركض للخارج لتنظر خلفه تسنيم ثم تقول بدموع. عمار استني خدني معاك عمااااااار 

تصرخ بصوت عالى ولكنه لم يرد عليها لتسمع علياء تقول بخوف. تروحي فين يا بنتي انتي لسه عروسه ادخلي جوه متخافيش هيكون كويس 

تسنيم بخوف. اياد بينزف جامد يا خالتي انا عايزه اروح اشوفه 

تمسكها علياء وتقول. مينفعش يا تسنيم عمار هيعمل خناقه لو روحتي استني بس شويه وهو هيجي 

تجلس تسنيم وهي تبكي بخوف علي اياد

كانت تركض بسرعه وهو يركض خلفها كادت أن  تدخل الغرفه و لكنه امسك بها بسرعه ثم قال. فرهدتيني يا بت 

شغف وهي تأخذ نفسها بسرعه. ااه خلاص سيبني بقي 

يرفعها فاروق علي كفغته ويقول. هو انا مسكتك علشان اسيبك يا بطتي تعال يا باشا بقي

ينهي حديثه وهو يرميها علي السرير كادت ان تنهض ولكنه امسك يدها و رفعهم اعلى راسها وهو يقول. انتي مش بتتعبي يا بت 

شغف بصراخ. لا سيبني بقي هصوت يا فاروق 

فاروق. صوتي يا عشق فاروق 

شغف بصراخ عالى. يا بارد هتسيبني ولا اتصرف تصرف تاني 

فاروق برفع حاجب. انتي بتهدديني يا شغف 

تهز شغف رأسها بنعم ليضع فاروق راسه في حضنها وهو يقول. اكتمي يا بت 

تضع شغف يدها علي شعره بعد ما ترك يده ثم تقول. هو احنا كده هنمشي بكره 

يهز فاروق راسه بنعم وهو يغلق عينه براحه وهو داخل حضنها لتقول شغف بزعل. مينفعش نفضل هنا كمان شويه 

يرفع فاروق راسه ويقول. الشباب مش هينزلوا يشوفوا الشغل ومفيش غيري معلش يا بابا يومين و هرجعك تاني بس لازم نمشي بكره علشان اشوف اكل عيشي 

شغف بابتسامه. ربنا يرزقك يا حبيبي 

يقبل فاروق يدها بعشق و يضع راسه مره ثانيه لتقول شغف ببعض التوتر. فاروق 

فاروق. امممممم 

شغف. هو ينفع ارجع اشتغل مع بابا يعني انا حاسه ان ممكن علاقتنا ترجع تاني لو ساعدته في الشغل وانا بحب شغلي اوي ومش حابه اسيبه فممكن تخليني ارجع وانا والله مش هقصر في اي حاجه تخص حياتنا 

لم يرد عليها فاروق لترفع شغف رأسه وهي تقول. فاروق اكيد ملحقتش تنام رد عليا 

يفتح فاروق عينه ثم يقول بجمود. انتي عامله زي الدبور الي بيزن علي خراب عشه متكلمتش يبقي تخرسي و تعرفي اني لو اتكلمت هزعلك انتي واهلك 

شغف بقليل من الغضب. ايه رد الفعل ده يا فاروق انا من حقي اكمل شغلي 

فاروق بصوت رعبها. وانا من حقي اقولك لااااااا يا شغف

شغف. مش ملاحظ أن صوتك عالى يا فاروق وعلي حاجه تافهه انت ليك الحق تقول لا بس ده لما تلاقيني مقصره في حاجه 

فاروق بغضب. بقولك ايه انا مليش في الكلام الملون ده انا ليا مراتي ماتروحش تشتغل  ويقولوا بتصرف عليه 

شغف بإنفعال. هو انا علي الناس وعلي الي بيقولوه يا استاذ انا عليا انا انا عايزه بابا يرجع يكلمني من تاني ولا انت مش هترتاح غير لما تخليه يحصله حاجه وهو زعلان مني زي ما حصل مع ماما 

فاروق بإستغراب و غضب. نعم يا روح امك انا مال الي جابوني هتشيليني شيله مليش فيها يا بت مترميش بلاكي عليا الله يسترك وعلي ابوكي متخافيش عليه ياختي مش هيحصله حاجه عكرتي امها قاعده يا شغف 

قال حديثه وكاد ان ينهض ولكنها تمسك يده ثم تقول و دموعها تلمع داخل عينها. فاروق انا مش بتكلم معاك علشان تسيبني و تمشي متسبنيش لدماغي الله يخليك اتكلم معايا فهمني وجهة نظرك بس بلاش تسيبني كده 

ينفخ فاروق وهو يسمع حديثها ثم يقول. حاضر يا قلب فاروق بس بلاش كلامك الي بيجبلي الشلل ده 

تهز شغف رأسها ثم يكمل فاروق وهو يقول. بصي يا شغف انا مش هقبل بالموضوع ده نقفله بقي 

شغف بصدمه وغيظ. نعم هو ده الي طلع معاك يا حبيبي 

فاروق ببرود. اه يا عيون حبيبك انا مقبلش بحاجه زي كده 

شغف بصوت شبه بكاء. طب و الحل بقي شوف دلوقتي حالا بدل ما اموت نفسي

فاروق بهدوء. سيبي الموضوع شويه كمان يا شغف ابوكي مش هيصفى دلوقتي خالص فاصبري شويه كمان و نروح نشوفه حاجه تانيه 

تهز شغف رأسها ثم يسحبها فاروق الي حضنه وهو يعلم بأنها مشتته ولا تعرف ماذا تفعل تنام شغف بعد فتره قصيره يسحبها فاروق علي الوساده ثم ينام بعديها

يدخل الشقه و ابنه علي يده نائم ينظر اليها وهي تجلس علي الأريكة و دموعها تنزل علي خدها بصمت وما أن  رأته نهضت و تسير نحوه كادت أن  تلمس اياد وهي تقول. اياد هو كويس 

يبعده عنها عمار ثم ينظر إلى والدته ويقول ببرود. انزلي ياما انتي نايمه اياد بخير 

تنظر اليه علياء وتنظر إلى تنسيم وتتنهد ثم تقول. خلاص يا ابني تصبحوا علي خير 

تنهي حديثها وتخرج تنظر تسنيم الي عمار ثم تقول. عمار انت مردتش عليا ليه اياد كويس 

عمار ببرود. كويس أو لا هيفرق معاكي في ايه 

تسنيم بإستغراب. هو ايه الي هيفرق معايا في ايه يا عمار 

يذهب عمار الي الغرفه و يضع اياد علي السرير ثم يخرج لتسنيم مره ثانيه ويقول بغضب. يعني لو كان يفرق معاكي كنتي خليتى بالك منه انتي سايبه السكينه في ايد عيل صغير مأخدتيش بالك منه ولا عملتي نفسك عبيطه 

تسنيم بدموع. عمار ايه الكلام ده انا اكيد لو أخدت بالي منها كنت شيلتها من أيده وبعدين ما انت كنت واقف ليه تحط اللوم كله عليا انا ما تحطه علي نفسك كمان 

عمار بغضب. متقاوحيش في الغلط يا تسنيم انا عيني كانت عليه بس لما شوفت الهانم معاه قولت هي هتاخد بالها منه مكنتش اعرف انك بالاهمال ده عيل صغير فضل قدامك اكتر من عشر دقايق في أيده سكينه مأخدتيش بالك منه يبقي ايه الكلام ده 

تسنيم بدموع. والله ما أخدت بالي انت ليه محسسني اني عايزه أأذي اياد 

عمار بغضب. مفيش معني غير كده يا تسنيم الواد كان ماسك السكينه وانتي لسه كنتي سايباها يعني مفيش فرق خمس دقايق ازاي سكينه متاخديش بالك منها هأمن علي ابني معاكي ازاي 

تسنيم. عمار خلي بالك انت من كلامك هو طفل و ده بيحصل مع كل الاطفال 

عمار بغضب. نعم بيحصل مع كل الاطفال يعني كل عيل دلوقتي ماسك سكينه في ايده و بيعور نفسه تسنيم سبب من اسباب جوازي ليكي ان اياد متعلق بيكي وانا لو شوفت ابني بيتأذي بسببك يبقي خلاص كده 

تسنيم. خلاص كده ازاي 

ينظر اليها عمار وهو لا يعرف ماذا يقول الان هو لم يكن يدرك ما قاله من شدة غضبه و خوفه علي ابنه لتردد تسنيم السؤال مره ثانيه. خلاص كده ازاي يا عمار رد انت متجوزني علشان اربي ابنك يعني زيي زي المربيه 

عمار. تسنيم مش كده بس انا بقولك سبب من الأسباب مش السبب الرئيسي يعني انا اه ابني اهم حد في حياتي ومستحيل اجازف في حياته بس مش للدرجه دي 

تسنيم. عمار الكلام واضح وباين اوعي تبرر بكلام فاضي انا مأذتش ابنك انا خرجت من الاوضه اتكلمت معاه وخدت بعضي و دخلت المطبخ بمجرد ما ظبطت حاجه خرجت انت كنت واقف كان من أولى انت يا ابوه تاخد بالك منه مش انا

عمار بغضب مكتوم. تسنيم ادخلي جوه علشان الكلام بدأ يخيب كده 

تسنيم بغضب. يخيب يطين يغور في ستين داهيه انا مليش فيه و اعمل حسابك ان اول ما فاروق يرجع انا هقوله الي انت عملته وهو له كلام معاك 

تنهي تسنيم حديثها ثم تدخل الغرفه ينظر عمار خلفها بغضب شديد يجلس علي الأريكة وهو لا يعرف ماذا يفعل معها قبل أن  يعود فاروق لأنه اذا علم سوف يحدث كارثه اكبر من ذلك

كان يقف في البلكونه في هذا الوقت المتأخر لا يشعر بالنعاس لهذا قال بأن يخرج في هذا الجو ليري التى تخرج من البلكونه الخاصه بها وتنظر له بدلع ينفخ بضيق وينظر حوله وكاد أن يخرج ولكنه يري التى تقف ورائه وتضع يدها علي خصره بغضب وهي تنظر اليه يحرك راسه بحسره وقبل تقول شئ بغضب يضع يده علي فمها و يسحبها الي الداخل وهو يقول. اقسم بالله العظيم كنت داخل قبل ما انتي تدخلي اوعي دماغك تروح في حته بعيده انا سراج حبيبك 

روان بغضب. انا مش عليك انت يا باشا انا عايزه اروح امسكها من شعرها بت الكلبه دي ازاي عينيها تيجي عليك هي متعرفش انك بقيت تخصني ولا ايه سيبني اوعي تمسكني يا انا يا ام اربعه و أربعين دي 

قالت حديثها وكادت أن  تعود الي البلكونه مره ثانيه ولكنه يمسكها ويقول. رورو حبيبي بلاش فضايح يا روحي خلاص وليه كبيره و خرفانه سيبك منها يا قلبي سيبك 

روان بغيظ. ابددددددا اجيب حقي دي بتبص عليك هي مفكره انك معكش ست تاخد حقك 

يسحبها سراج من خصرها ثم يقول. خلاص بقي سيبك منها يا وحش والله ما تعكر مزاجك علي واحده زي دي بقولك ايه ما تيجي ننزل اكلك جيلاتي  النوع الي تحبيه و نتمشي مع بعض شويه 

روان. في الوقت ده اخاف اتخطف 

سراج بغيظ. ليه يا عيوني خارجه مع سوسن 

تنفد روان برأسها ثم تقول. نو هخرج مع سراج 

سراج. قدامك عشر دقائق وتكوني خلصتي يا كده يا أنزل لوحدي 

تركض روان الي الحمام بسرعه ينظر خلفها سراج و يسقف يده بفرحه بأنها لم تشك به 

في داخل الحمام كانت تضع المنشفة في فمها وهي تصراخ بغضب شديد تنزعها من علي فمها ثم تقول. ااااه يا غيظي يا غيظي نفسي اخرج اموته و اموتها سبحان ما سكتني عليك يا سراج يا ابن ام سراج الوليه بتبص عليه وانا موجوده يالهووي الا يكون وهو بص عليها لا يا روان سوسو ميعملش كده ده حبيبي حبيبي عمره ما يعمل كده وبعدين هو قال انه اتغير يبقي خلاص انسي الي فات مش هنقيم عليه الحد يعني انسي يا روان انسي انه كان نسوانجي و بتاع بنات و ستات واي كلبه نتايه هو كان بتاعها 

بس حرام هو طيوب و تاب الله يبقي ننسي ها ننسي 

تنهي حديثها و تاخذ حمام دافئ ثم ترتدي الروب و تخرج و ترتدي ملابسها لكي يذهبوا

في صباح يوم جديد يفتح عينه علي صوت الهاتف يمد يده و يأخذه يراها والدته يفتح عليها ويقول بصوت مبحوح من اثار النوم. الو يا امي 

صباح. صباح الخير يا قلب امك 

فاروق بهدوء وهو ينظر الي شغف التي كانت تنام في حضنه. صباح الجمال في حاجه ولا ايه 

صباح. اياد أبن عمار عور نفسه بالسكينه لسه عارفه من خالتك علياء دلوقتي لو مش عايز تيجي خليك مع مراتك و انا مش هقول اني قولتلك 

ينهض فاروق ثم يقول. ازاي ده حصل يعور نفسه وبعدين مينفعش اسيب عمار الواد كويس حصله حاجه 

صباح. لا يا حبيبي حاجه بسيطه انا روحت شوفته و كمان طليت  علي اختك انت شوف هتعمل ايه لو هتيجي يبقي اركب من دلوقتي علشان متركبش متأخر و تسيبني انا قلقانه عليك

فاروق بهدوء. خلاص ياما هظبط الدنيا وهاجي سلام 

يغلق فاروق مع صباح وينظر الي شغف التي مازالت نائمه ليقبل وجهها بهدوء ثم يقول. شغف حبيبي يلا قومي 

شغف بنعاس. فاروق لسه الوقت بدري سبني انام شويه 

فاروق بهدوء. معلش يا حبيبتي قومي علشان لازم نمشي دلوقتي يلا 

تنظر اليه شغف بنعاس و استغراب. نمشي دلوقتي ليه في حاجه هو حد كلمك 

فاروق بهدوء. اهدي يا حبيبي اياد ابن عمار اتعور في ايده ولازم اروح ابص عليه ومش هتفرق يعني من دلوقتي لبليل يلا خلينا نكسب وقت 

تهز شغف رأسها وتنهض ثم تدخل الحمام يتنهد فاروق بغضب فهو كان يريد ان يظل معها فتره طويله ولكن القدر له رأي آخر بعد فتره كانوا في السياره وهما فى طريقهما الي المنزل 

وبعد فتره يوقف فاروق السياره امام المنزل ينزل من السياره و يذهب يفتح لها الباب ثم يقول. اطلع انت يا حبيبي وانا شويه و هاجي يلا 

شغف. فاروق انا عاوزه اروح اطمن علي اياد 

فاروق بهدوء. اطلعي بس نامي شويه علشان عينيكي وارمه و حمرا من قله النوم و نبقى نروح سوا بس اطلعي دلوقتي ارتاحي 

شغف. طب ليه ما نطلع سوا نغير هدومنا وبعد كده نروح يعني هيحصل ايه 

فاروق بهدوء. معلش يا روحي اسمعي الكلام و اطلعي مينفعش وقفتك في الشارع 

كانت شغف سوف تعرض ولكنه امسكها و ادخل بها الي المنزل ويغلق الباب ويقول. هو انتي مش بتعرفي تعملي حاجه غير لما تطلعي عيني فيها ها قولتك اطلعي دلوقتي في ايه يا شغف 

شغف بغيظ. مفيش بس حضرتك مش بتسمع كلامي خالص وانا دلوقتي عايزه اروح اشوف اياد وانت هتروح يعني ليه نروح الف مره ما نروح مره واحده و خلاص 

فاروق بهدوء. طب براحه انا هروح ابص عليهم تمام وبعد كده هيجيلك هبقي اخدك و نروح اسيبك من تسنيم شويه و اروح انا و عمار علي القهوه حتي علشان تاخدوا راحتكم شوفتي انا خايف علي راحتك ازاي علي فوق بقي 

تخبط شغف قدمها في الأرض بغيظ ثم تصعد الي الاعلي ينظر خلفها فاروق ثم ينتظر قليلا  ليسمع باب شقته يغلق ويذهب إلى الخارج 

كان يجلس وهو يشرب من السجائر الذي في يده وهو غاضب ولا يعلم ماذا يفعل كان توقف عن شرب هذه السجائر لفتره طويله ولكنه عاد لها مره ثانيه يراها تفتح باب الشقه و تدخل بعد ما كانت في الاسفل ذهبت الي الحمام عينه عليها لم تنزل وهي تتصنع بأنها لا تراه من الأساس تخرج من الحمام بعد فتره لينهض عمار ويقول. تسنيم تعالي عاوز اتكلم معاكي 

تسنيم ببرود مصطنع. ملناش كلام مع بعض يا عمار

يسحبها عمار له ثم يجلس بها علي الاريكه ويقول بغضب. طول ما انتي علي ذمتي فلينا كلام يا تسنيم انتي عايزه تطلعي اسرار بيتنا لاخوكي من دلوقتي  واه قولتي لامك ولا لسه الموضوع ده انتي غلطانه فيه من البداية طلع مني كلمتين ملهمش لازمه و مكنش المفروض يتقالوا انا دلوقتي بقول الي ليا و الي عليا انا غلطان علشان قولت الكلمتين دول بس من البداية مين الي غلطان

تسنيم. لا مقولتش لحد يا عمار و انا مغلطش انا عملت ايه مش فاهمه انت مطلعني غلطانه و خلاص يعني ايه الي انا عملته علشان ابقي وحشه و غلطانه 

عمار بغضب. ازاي تشوفي اياد ماسك سكينه و ماتقوليش ليه ان غلط و تاخديها مهن 

تسنيم بدموع. والله العظيم ما شوفتها في ايده والله ما شوفتها انت ليه مش راضي تصدقني والله العظيم ما شوفتها انا مش هأذي اياد زي ما انت متخيل ده ابني الي مخلفتوش ازاي هشوفه ماسك حاجه هتاذيه و هسيبه اكيد لا 

عمار بهدوء. خلاص يا تسنيم نقفل الموضوع علي كده 

تسنيم. نقفل علي ايه انت بتتهمني اني عايزه أأذي ابنك انت شايف  قولت ايه و عملت ايه 

عمار بغضب مكتوم. تسنيم انا قولت خلاص اقفلي بقي ولا انتي عايزه تعمليها خناقه و خلاص 

تسنيم بدموع. ولا خناقه ولا نيله لما فاروق يرجع نبقي نشوف الموضوع ده معاه

عمار بغضب. تسنييييييم متدخليش فاروق في الموضوع ده اي عايزه مصيبه و خلاص قولتك اقفلي عليه موضوع علي كده ا

يقطع حديثه صوت دق علي الباب يذهب يفتح يراه فاروق الذي كان ينظر ببرود يقلق عمار ان يكون فاروق اسمتع الي شئ ويقول. فاروق ايه الي جابك 

فاروق برفع حاجب. نعم يا حبيبي دي اتفضل يا صاحبي ينعل الي علمك الأصول 

عمار بتوتر. لا يا عم اتفضل 

يدخل فاروق وينظر إلى تسنيم التي كانت تخرج الابتسامه بصعوبه ليضمها وهو يقول. عامله ايه يا قلب اخوكي 

تسنيم. الحمدلله انت عامل ايه مجبتش شغف معاك

فاروق بهدوء. كانت عايزه تيجي بس جت من السفر تعبانه قولتلها تنام شويه ترتاح و هبقي اجيبها بعدين فين اياد 

تسنيم. بيلعب جوه ثواني هخليه يجي 

يهز فاروق راسه وتذهب تسنيم الي اياد ليقول فاروق بجمود. هعمل نفسي ولا سمعت ولا شوفت حاجه بس اول و اخر مره يا صاحبي ها لو شوفت في عين اختي دموع تاني هخلي الست الوالده تعيط عليك 

عمار بهدوء. مش الي في دماغك يا فاروق هي زعلانه علي اياد مش اكتر 

فاروق ببرود. جدعنه مني هصدق الكلام 

لم يرد عمار ليجلس فاروق علي الأريكة ويضع قدم علي الاخرى بعد فتره ينهض و يذهب للخارج بعد ما ودع تسنيم و اياد ينزل الي الاسفل ثم يذهب الي منزله يدخل الي شقه والدته لم يسمع صوت يعلم بأنها في الخارج يذهب إلى الاعلي يفتح الباب الشقه وهو يقول. شغف فينك يا فراوله 

لم ترد عليه شغف ولم يسمع صوتها الذي يعشقه يظن بأنها نائمه يدخل الي غرفتهما لم يراها بدأ الخوف ينهش قلبه يدخل جميع الغرف ولكن لا يوجد لها اثر يقول بصوت هز اركان الشقه. شغغغغغغغغغغغغغغغغغغفففف

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا