روايه عشق الوقح الفصل الحادي والثلاثون 31بقلم مايا النجار حصريه
روايه عشق الوقح الفصل الحادي والثلاثون 31بقلم مايا النجار حصريه
البارت الواحد والثلاثون من عشق الوقح بقلم مايا النجار
يتلفت حوله وهو لا يعلم اين ذهبت في هذا الوقت يعرف أخرج هاتفه و دق عليها مره واخرى لترد عليه وتقول بصوت متقطع من شدة البكاء. فاروق بابا يا فاروق
فاروق بصراخ. انتي فيييين و ازاي تخرجي من غير ماتقوليلى
شغف بدموع. بابا في المستشفى و تعبان تعلالى علشان خاطري انا محتاجاك اوي
فاروق بغضب. انتتتتتتتتتتتي فيييييين
تنفزع شغف من صوته و تخاف اكثر ولكنها تحاول ان تتماسك و تعطيه العنوان يغلق فاروق الهاتف و يخرج بسرعه
في المستشفى بعدما اغلقت مع فاروق تنظر حولها وهي مرعوبه منه ومما سيفعله بها تنظر الي نوال التي تأتي عليها بسرعه وهي تقول. شغف مختار محتاج دم بسرعه و مفيش فصيله نفس فصلته هنا ولا حتي في بنك الدم
شغف بخوف. طب انا انا بنته واكيد فصيلتي نفس فصيلته
نوال بسرعه. اه اه اكيد روحي للدكتور و قوليله بسرعه يا شغف بسرعه بابا هيروح مننا
وكادت شغف أن تركض ولكن تدرك نوال ما يحدث لتمسكها بسرعه ثم تقول بتوتر. استني يا شغف الدكتور قال ان هيشوفوا حد وباذن الله هيلاقوا
شغف بخوف. طب وليه نستنى يا طنط انا هروح اتبرع و بابا يبقي كويس بدل ما نطول
تنظر اليها نوال وهي لا تعرف ماذا تفعل الان فتقول . طب استني هنا دقيقه هقول للدكتور و هنشوف
تنهي حديثها وتذهب بسرعه من امامها قبل أن تقول شئ اخر لتري الدكتور امامها ويقول لها. متخافيش يا مدام لقينا متبرع لمختار باشا و خلال ساعات قليله هيقوم بالسلامه
تمسح نوال علي وجهها براحه شديده ويأتي شئ في عقلها لا تعلم كيف أتت هذه الأفكار لها ولكنها تريد ان تفعلها لتقول للدكتور. دكتور احمد انا محتاجه منك خدمه
الدكتور. اتفضلي يا هانم
نوال. عاوزاك تعمل تحليل DNA لمختار و بنته من غير علمهم انا عارفه انك هتستغرب بس معلش اعمل الخدمه دي ليا انا لازم اتاكد من حاجه
الدكتور. انا لو مكنتش اعرفك يا هانم كنت مستحيل اوافق علي حاجه زي كده بس علشان واثق ان اكيد حاجه مهمه
نوال بفرحه. شكرا انا دلوقتي هجيب شغف علي اساس انها هتتبرع وتاخد منها العينه
هاخد التحايل امتي
الدكتور. هو لو مش مستعجله بتاخد من 9/7 ايام بس لو مستعجله بنحاول نعجل وبعد 24 ساعه تقدري تستلمي التحاليل
نوال. لا علشان خاطري حاول علي قد ما تقدر تسلمهم ليا دلوقتي قبل كمان شويه
الدكتور. خلاص هاتي انتي الحاله وانا هحاول استعجل علي قد ما اقدر
تهز نوال راسها وتذهب بسرعه لشغف وهي يوجد صوت بداخلها يقول بأن شغف ابنة مختار لأن الشبه الذي بينهم يجعلها متأكده من ذلك تنظر إلى شغف التي مازالت تسير بتوتر لتقول بلهفه مصطنعه. شغف الدكتور قال انك ممكن تتبرعى مع المتبرع علشان ممكن يحصله ضعف فروحي معاه
تهز شغف راسها و تذهب الي الدكتور الذي أخذ من شغف نقطه دم تنظر اليه شغف ثم تقول بإستغراب. هو مش المفروض تاخد اكتر من كده
الدكتور ببعض التوتر. لا يا فندم دول كفايه جدا علشان اصلا احنا واخدين من المتبرع كميه تكفي المريص
تهز شغف رأسها وهي متعبه وليست قادره على ان تتحدث او تتجادل معه تنهض وتذهب للخارج لا تري نوال لتظن بأنها مع والدها تذهب لهم وهي قريبه من الغرفه تري الذي يأتي عليها مثل العاصفه وقبل ما تتحدث تراه يسحبها من شعرها وهو يضمها بكل قوته و يرفعها من خصرها وهو يريد ان يدخلها بين ضلوعه من شدة الخوف عليها يسمعها تقول. فاروق شعري بتشده جامد
قالت هكذا وهي لاتتحمل الضغط علي شعرها اكثر من ذلك يبعدها فاروق عنه ولكنه مازال يضغط على شعرها بقوه اكثر من قبل ويقول وهو يجز علي أسنانه من شده الغضب. ايييييه الي يخرجك من غير اذني يا جزمه فاكره نفسك ايه
شغف بوجع. ااااه يا فاروق بابا و
يقطع حديثها فاروق الذي قال بغضب أكثر. يلعن ابوكي ولا هو ولا اغلى منه يخليكي تطلعي من شقتك بالشكل ده ومن غير علم جوزك لما اكسرلك رجلك و ارقدك جانبه هتبقي مبسوطه ها ردى عليا يا بنت الكلب متسبنيش اتكلم و ارد علي نفسي ليييييييه مرفعتيش سماعة الزفت عليا و قولتي ان ابوكي في الزفته لييييييه ردددددددددددددي
شغف برعب من صوته و غضبه. والله العظيم دماغي وقفت معرفتش انا بعمل ايه محستش نفسي غير وانا بنزل بسرعه وجيت علي هنا
كاد فاروق ان يتحدث بغضب عارم ولكن لفت نظره الأشخاص الذين ينظرون لهم ليقول. قدامي علي البيت ولينا كلام تاني يلا
شغف بدموع. لا والنبي خليني اشوف بابا
تقول نوال الذي خرجت علي الصوت. بابا مش هيصحي دلوقتي يا شغف روحي مع جوزك و تبقي تيجي بكره متخافيش يا روحي
لم ينتظر فاروق رد شغف وكان يسحبها من يدها الي الخارج يضعها في السياره و يقود بتهور شديد
ينظر اليها وهي تاخذ الكاسات من على الطاوله و تذهب لتضعهم في المطبخ ليذهب خلفها وهو يقول. تسنيم مش بحب حد يتعامل معايا بالشكل ده اتظبطي
تنظر اليه تسنيم وتقول ببرود. عمار بعد الكلام الي اتقال امبارح انا مش عاوزه اتعامل معاك اصلا انا مش هكون مربيه لابن حضرتك حتي لو بموت في اياد اعيش مع ابوه علشانه انت جبتني من بيت اهلي مش علشان تقلل مني و لو هي دي نيتك من الاول يبقي كل واحد يروح لحاله قبل ما نلاقى نفسينا متدبسين في بعض بعيل ننهي الموضوع ده علي اخر الشهر ده انت هتطلقني
عمار بغضب. نعم طلاق ايه يا حبيبتي هو انا لحقت اتجوزك علشان اطلقك انتي كبرتي الموضوع اوي يا تسنيم هو علشان زعلت علي الي حصل مع ابني و قولت كلمتين في الهوا ابقى ابن كلب ما خلاص قولتك غلطان ايييه هتقيمي عليا الحد
تسنيم بدموع تتجمع في عينيها. انا هسأل نفس السؤال و امانه تجاوب عليا بصراحه انت اتجوزتني علشان بتحبني ولا علشان اربي ابنك رد عليا و ريحني
يتنفس عمار بحيره وهو يشعر بأن الحديث ثقيل علي لسانه لا يعرف كيف يقول بأنه يريدها و يعشقها تأخذ تسنيم صمته بمعني اخر و تخرج وكادت أن تدخل الغرفه ولكن تسمع دق علي الباب تذهب لكي تفتح تسمع التي تقول بصراخ. مرات اخوييييييييا
تنفخ تسنيم وتقول. كانت ناقصاكى انتي كمان ادخلي ياختي
ترفع روان حاجبها ثم تنظر إلى سراج الذي كان يبتسم بسخريه لكي يغيظها لتقول. شايف دي يا زوجي قبل ما تاخد اخويا كانت تتمنالى الرضا دلوقتي اتنمردت عليا شايف الناس بقت وحشه موت والله
تنهي حديثها ثم تنظر الي تسنيم وتقول. عملتي ايه في ابن اخويا يا بت
تبلع تسنيم غصتها ثم تقول. وانا هعمل فيه ايه يعني
تشعر روان بأنها حزنت من حديثها لتقول وهي تضمها. عارفه يا روحي انتي مرات اب طيوبه مش شريره زي مرات ابويا الي ما صدقت رمتني
تبتسم تسنيم وتضمها تسمع الذي يقول. هتفضلوا واقفين كده كتير ادخلوا يا بت منك ليها
تنظر روان الي صاحب الصوت تراه عمار لتقول. اخويا العزيز شكلك مزعل مرات اخويا
ينظر عمار الي تسنيم التي نظرت له ولم يتحدث وهو يسمع سراج يقول وهو يسحب روان له. وانتي مالك يا قلب جوزك ما تخليكي في حالك الله يخربيتك
تنظر اليه روان بغيظ ثم تقول بهمس. ايه الاحراج ده يا سراج مش لازم اطمن علي علاقتهم
سراج ببرود ونفس الهمس. والنبي ياختي اطمنى علي علاقتنا الاول احنا بنضيع يا ابو الصحاب
روان بصدمه مصطنع. اخص عليك راجل بقي تضيع وانت معايا انت مش مقدر النعمه الي في ايدك والله بقولك ايه روح عند مامتك وانا قاعده مع علياء مليش غير الوليه دي
سراج. تقعدى عند مين ياما امك ممضياني علي وصل مكتوب فيه البضاعه لا ترد ولا تستبدل يعني لبست فيكي طول عمري وعمرك
روان بمرح. مش قولتك علياء دي امي خافت علي مستقبلي
يبتسم سراج عليها ثم يسحبها الي حضنه لم يخجل ولم يفرق معه شئ سوا بأنه يريدها في حضنه الان تنظر اليهم تسنيم وتبتسم بحب و تدعي بأن يظلوا يعشقوا بعض ولا يحدث شيء يجعلهم يفترقون نظرت إلى عمار الذي كان يركز معها فتنظر بعيدا عنه وهي تريد ان تاخذ موقفا منه لأن حديثه جرحها بشده
يدخل بها الشقه و يدفشها للدخل ويقول بغضب وهو يغلق الباب بقوه. يومك اسود علي دماغك هو دلعي فيكي يوصلك لكده علشان بسيبك تعملي إلى عايزاه هتعملي معايا انا كده يا حيوانه ازاي تسمحي لنفسك انك تنزلي من غير اذني ازاي انتي تعرفي ايه الي حصلى لما دخلت انادي علي الهانم ملقتهاش انتي عارفه يعني ايه راجل يدخل الشقه بعد ما ساب مراته فيها ميلاقيش مراته جوه مستنياه الهانم ازاي تخرج متصلتيش علييييييييا ليييييه ده البيت لازق في البيت لو كنتي ندهتى عليا كنت سمعتك ازاااااااااااي ها ردددددي ولا اقسم بالله العظيم يا شغف اموتك من الضرب ردى
شغف بدموع. معرفش انا كنت قاعده مستنياك طنط نوال رنت عليا قالتي ان بابا في المستشفى ومحدش يعرف فيه ايه هو ده الي حصل خدت الفون و جريت بره مجاش في دماغي ارن عليك والله العظيم انا ما عارفه ازاي خرجت من غيرك معرفش
ينظر اليها فاروق وهو الان لا يستطيع ان يتحكم في غضبه لهذا يدخل الغرفه وهو ينزع القميص تنظر خلفه شغف لتبكي بحزن ثم تمسح دموعها وتذهب الي الحمام تاخذ شاور دافئ وتخرج وهي تلف الروب عليها تدخل الغرفه ثم تنظر اليه وهو يتسطح علي السرير و صدره عاري و يشرب من السجائر بعنف شديد تعض شفتيها بقهر ثم تقترب منه تضع راسها علي صدره وتقول. طب انا اسفه عارفه اني غلطانه والله بس غصب عني مكنتش عارفه بعمل ايه خلاص انت بتحبني و هتسامحني
فاروق بحمود وهو يمنع نفسه ان يضمها وهو يشم رائحتها التي يدمنها. غلطاتك بتكتر كل مره مبقيتش عارف اسامحك علي ايه ولا ايه يا شغف كل يوم تعملي مصيبه شكل انا مش متجوزك علشان اربيكي من اول و جديد انتي كبيره كفايه علشان تكوني عارفه الغلط من الصح ايه ياما شغل العيال بتاعك مش بيخلص ليه في واحده عاقله تطلع من غير اذن جوزها منظري ايه انا لو امي كانت موجوده وسالتها عليكي طب افرضى انك مخدتيش تليفونك معاكي كنت وصلتلك ازاي ماظنش ان حضرتك كنتي هتفكري تطمنيني
تلوي شغف شفتيها وهي تحاول ان تكتم بكائها لأنها تعلم بأن بكائها يغضبه اكثر لتقبل خده وكل وجهه وهي تقول بين كل قبله. اسفه اسفه اسفه اسفه اسفه اسفه اسفه اسفه والله العظيم اسفه معلش والله هكون عاقله ومش هعمل كده تاني خلاص بقى يا حبيبي
لم يرد عليها فاروق وينظر بعيد عنها تنظر له شغف و دموعها تنزل علي خدها لتتسطح علي جسده وهي تقول بدموع. فاروق خلاص والنبي انا بحبك اوي والله مش عارفه ازاي بزعلك مني كده الي انا بشوفه عادي اني اعمله انت بالنسبه ليك حاجه كبيره اوي انا اسفه والله بس بلاش تعاملني كده انا متعوده عليك حنين عليا حتي لو غلطانه بس المره دي مدينى الوش الخشب جامد اوي خلاص انا حبيبك سامحني بقي
فاروق بحمود. بطلي عياط علشان بتعصب اكتر
تقبل شغف جانب شفتيه وهي تقول. خلاص انت كلمني حلو وانا مش هعيط بس كفايه علشاني
يمسك فاروق رأسها و يهبط علي شفتها بقوه كبيره ويقبلهم بعنف و اشتياق شديد حاولت شغف ان تستقبل عنفه ولا تحاول ان تبعده ولكنه كان عنيف بطريقه جعلتها تصرخ بكل قوتها و شفتيها تنزف دم من اسنانه التى لم ترحم شفتيها يبعد فاروق عنها بعد ما شعر بطعم الدم نظر اليها وهي تتوجع يشعر بالقليل من الراحه ثم يقول. يلا دوقي شويه من وجع قلبي لما دخلت ملقتكيش قدامي
شغف وعينيها دامعه من الوجع. وانا رضيت بالعقاب ده بس بلاش تزعل مني انا استحمل اي وجع في الدنيا الا انك تكون زعلان انا بحبك اوي
فاروق ببرود. مش هتعملى كده تاني يا شغف وقعتي قلبي عليكي لو كنتي تعبتي نفسك بس شويه و تعبتي عقلك و فكرتي في الي عملتيه كنتي لقيتي نفسك بترني عليا نزلتي ازاي انتي و ركبتي ايه مش العربيه بتاعتك عند ابوكي
شغف ببراءة. ركبت تاكسي وهو وصلنى لحد المستشفى
فاروق بغضب. يعني انتي كان معاكي وقت تدخلي تاخدي فلوس و تلبسى وتوقفي تاكسي بس مكنش معاكي وقت تكلميني صح كده
تهز شغف رأسها بالنفي ثم تقول. انا كنت لسه بهدومي والله مغيرتش حاجه انا بعد ما طلعت قعدت شويه وبعد كده طنط رنت عليا و نزلت
فاروق بغضب. طنططك كلب يا بعيده اخر مره يا شغف لو حصلت تانى يبقي تدفني نفسك احسن من الي هعمله فيكي فاهمه
شغف. لا والله ما هكررها تاني خلاص ميبقاش قلبك اسود انا بحبك اوي يا فاروق بحبك
فاروق بعشق. وانا بعشقك يا قلب فاروق
ينهي حديثه وهو ينزع عنها الروب وبعد ما قبلها يهبط عليها و نتركهم في عالمهم الخاص
في صباح يوم جديد يفتح عيونه عليها وهي تتحرك بإنزعاج يري بأن هناك ذبابه تضايقها وهي نائمه يبتسم عليها وهو يراها غاضبه وهي مازالت نايمه ليقول بجانب أذنها. بتتخانقى مع دبان وشك يا روان قومي يا روحي حتي وانتي نايمه مش طايقه نفسك
تفتح روان عينيها ثم تقول بصوت شبه باكي. انت بتحبني انا يا سراج ومش هتخوني صح قولي انك مش هتخوني انا هموت لو انت عملت كده خلي كل البنات و الستات يموتوا في عينك وميبقاش غيري انا وحياتي عندك
يعلم سراج بأنها لم تكن واعيه لشئ ليمسك يدها و يقبلها بعشق وهو يقول. والله بعشقك بعشقك يا بت اخونك ايه انا طلع عين اهلي علشان تبقي مراتي اروح اخونك و اضيعك من ايدي هو في حد يعمل كده غير انه يبقي حمار وانا مش الحمار ده يا روان
تدخل روان داخل حضنه وكأنها طفله تبحث عن الأمان ولم تشعر به سوا بعد هذا الحديث يضمها سراج بكل قوته وكأنه يريد ان يدخلها داخل ضلوعه يخبئها من العالم ربما تعلم بأنها اغلى شيء في حياته تتوجع روان بشده من عضلاته علي جسدها الناعم الذي لم يتحمل هذا الضغظ تفتح عينيها ثم تقول. ايه هتفعصني يا عم
تتغير ملامح سراج من الحنان و العشق الي القرف و الغيظ ثم يقول. الله ينعل ده لسان يا بعيده لسانك الوسخ ده مش هينفع يكمل معانا خلى بالك لو عايزه تكملي معايا حياتك يبقي يا تغسلي لسانك بمية نار يا نقصه خالص وانا رأيي نقصه ليه بقا علشان ماظنش انه ينضف بمية نار
روان بغيظ. في حد يصبح مراته بالكلام السم ده فين بحبك و مقدرش اتنفس من غيرك ها انا اضحك عليا
يضربها سراج علي وجهها ثم يقول. ما لو كنتي صحيتي قبل خمس دقايق و احترمتي نفسك و خليتي لسانك عدل كنتي سمعتي ياختي
روان. لا الله يسترك سمعني اي حاجه قولي بحبك يا رورو
ينظر اليها سراج ثم يقول. بعشقك يا بت يا رورو
تدمع عيون روان ثم تقول. قولها تاني والنبي
سراج بنفس العشق. بعشقك و بدمن التراب الي بتمشي عليه
روان بدموع. وانا بحبك اوي يا سراج متعرفش انا كنت بحس بأيه وانت بتبص علي غيري بكون نفسي اموتك و اموت نفسي معاك بحبك والله من يوم ماوعيت علي الدنيا وانت كل حياتى كنت بحبك وانا صغيره وكنت بموت كل ما اشوفك بتبصبص لبنات الجيران بحبك يا سراج ب
يقطع حديثها سراج الذي هبط علي شفتيها وهو لا يتحمل كل هذا الحديث قلبه ينبض بعنف من فرط المشاعر....
كانت تجلس بعد ما ذهب فاروق الي عمله تشعر بأن قلبها ينقبض بشده لا تعرف ما سيحدث في هذا اليوم يجعل قلبها قلقا بهذا الشكل تمسك الهاتف و تدق علي فاروق لكي يأتي و يأخذها الي والدها ربما هذه القبضه خوف عليه تسمعه يقول. معقول لحقت اوحشك
تبتسم شغف بحب ثم تقول وهي لا تريد ان تجعله يشعر بخوف. انت بتوحشني وانت معايا يا حبيبي
فاروق بعشق. وانا مش هتاخر عليك يا قلب حبيبك عايز حاجه اجبها وانا جاي
شغف ببعض الخوف. فاروق معلش ممكن تيجي علشان نروح لبابا حاسه اني خايفه عليه اوي قلبي مش مطمن تعال نروح علشان
فاروق. حاضر يا حبيبي شويه و هكون عندك جهزى نفسك انتى وانا جاي
يغلق فاروق الهاتف وتنهض شغف وكادت أن تدخل الغرفه لكي تغير ملابسها ولكن يدق الباب تستغرب هل أتى فاروق بهذه السرعه تذهب وتفتح الباب وتري اكثر شخص تكرهه في هذه الحياه نجلاء التي قالت. هاي يا قطه
شغف بغضب. انتي بتعملى ايه هنا يا حيوانه
نجلاء بخبث وهي تنظر الي الظرف الذي في يدها. بعمل ايه فانا جيت علشان اشيل الشاش الي الونش حطه علي عينيكى ومخليكي مش شايفه الحقيقه فين
شغف بغضب. مش عاوزه اعرف حاجه اطلعي بره وملكيش دعوه بينا يا قذره
تبتسم نجلاء ثم تفتح الظرف و تخرج الصور التي معها و تضعهم امام وجه شغف الني شهقت بقوه وكأن أحد سكب عليها مياه بارده في عز ليالى الشتاء وووووو
وكده البارت خلص رأيكم و توقعاتكم في بوستاتكم علي جروب الفيس بوك استنوننننننننننننني في بارت جديد بقلم مايا النجار باي بااااااااي 🫰💋💋
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق