حـماتي دخلـت شقتـي وأنـا مـش موجـودة وقـررت تجوز بنتـها فيـها… مـن غيـر إذنـي..
حـماتي دخلـت شقتـي وأنـا مـش موجـودة وقـررت تجوز بنتـها فيـها… مـن غيـر إذنـي..
حـماتي دخلـت شقتـي وأنـا مـش موجـودة وقـررت تجوز بنتـها فيـها… مـن غيـر إذنـي.. حكايات اسما السيد
حـماتي دخلـت شقتـي وأنـا مـش موجـودة وقـررت تجوز بنتـها فيـها… مـن غيـر إذنـي..
أنا و”كريم” اتجوزنا من سـنة ونـص، وبعـد تعـب وقـروض وتشـطيب علـى مهـل، استلـمنا شقـتنا الجـديدة مـن شـهرين بس. شقة صغيرة، بس نظيفة ومرتبة، كل حاجة فيها متعملالها حساب، ومش ناقصة حد ولا دوشة.
كريم عنده أخت أصغر منه اسمها نورا 27 سنة، مطلقة من سنة، قاعدة عند أمها سعاد، وكل يوم مشاكل وصريخ وخناقات مع أمها بسبب إنها مش بتشتغل، وعايشة على موبايلها وسريرها.
من أول ما دخلنا الشقة، وحماتي سعاد بدأت تلمح: هو الشقة دي أوضتين؟ طب ما نورا تيجي تقعد معاكم شوية بدل ما هي مخنوقة معايا….إحنا رفضنا بهدوء أكتر من مرة، وقلنا إن الشقة صغيرة، وإحنا لسه متجوزين، ومفيش خصوصية، ونورا عصبية ومش هينفع نعيش كلنا مع بعض…الكلام وقف… أو ده اللي إحنا افتكرناه.
من أسبوعين، أنا وكريم سافرنا يومين إسكندرية. قبل ما نمشي، كريم ادى مفتاح الشقة الاحتياطي لأمه، عشان لو حصل أي طارئ، أو الكهربا فصلت، أو حاجة.
رجعنا من السفر بالليل، فتحنا باب الشقة، وأنا حسيت قلبي وقع في رجلي.
صالون الشقة متغير مكانه، ستارة جديدة غريبة، ريحة أكل تقيلة، وصوت ناس بتضحك في الأوضة التانية. دخلنا، لقينا نورا قاعدة مع واحد غريب، لابس جلابية، وقاعدين يشربوا شاي.
قبل ما أستوعب، حماتي طلعت من المطبخ بكل برود وقالت:
مفاجأة… ده العريس، جاي يتعرف على نورا، قلت بدل ما نقعد في بيتنا والزحمة، نستغل شقتكم الهادية…أنا كنت هتشل.
كريم وشه قلب لون واحد. قالها بهدوء مخيف:إنتي دخلتي شقتي من غير إذني؟
قالت بثقة:وأنا يعني محتاجة إذن؟ ده بيت ابني، وبنتي أولى.
كريم ما زعقش…راح على باب الشقة، فتحه، وقال اللي صدمـني فيه…صلي على محمد وال محمد وتابع التعليقات 👇
تفتكروا موقف كريم هيكون ايه ؟
كريم ما زعقش ولا علي صوته ولا شتم ولا حتى بان عليه العصبية اللي كنت متوقعاها
راح ناحية باب الشقة وفتحه على آخره وقال بنبرة هادية بس تقيلة قوي اتفضلوا كلكم برة دلوقتي
نورا قامت واقفة مفزوعة والعريس بص حواليه باستغراب وحماتي سعاد قربت من كريم وقالت بنبرة متحدية هو ده جزاتي يا كريم ده بيتك وبيت اختك واحنا قاعدين في هدوء
كريم بص لها نظرة عمري ما شفتها منه قبل كده نظرة حاسمة مافيهاش نقاش وقال ده بيتي وبيت مراتي واي حد دخل من غير إذنها يبقى ضيف تقيل والضيف التقيل يمشي
العريس حاول يلم الموقف وقال احنا بس جايين قعدة تعارف بسيطة نقعد نص ساعة ونمشي
كريم رد من غير ما يبصله القعدة دي مكانها مش هنا
نورا صرخت وقالت انت بتهزقني قدام الناس يا كريم
كريم رد بهدوء انت اللي هزقتي نفسك لما دخلتي بيت مش بيتك
حماتي بدأت تعيط وتصرخ وتقول شوفوا شوفوا ابني اللي ربيته بإيديا بيطرد اخته عشان مراته
انا كنت واقفة ساكتة بس قلبي بيدق بسرعة عمري ما حسيت بخوف وغضب في نفس اللحظة
كريم بصلي وقال روحي غيري هدومك واعملي شاي لنفسك انا هخلص الموضوع ده دلوقتي
ولأول مرة احس ان في حد واقف ضهري بجد
رجع كلم امه وقال المفتاح اللي معاكي ترجعيه دلوقتي
سعاد قالت وهو المفتاح ده بقى بقى حرام عليا
كريم قال مش حرام بس مبقاش ليكي مكان هنا
العريس حاول ينسحب بهدوء ولم شنطته ونورا كانت بتشتم وتعيط في نفس الوقت
قبل ما يطلعوا كريم قال جملة قطعت النفس من صدري
اي حد يدخل بيت مراتي من غير اذنها مش مرحب بيه ولو حصل تاني مش هفتح باب الكلام هفتح باب القسم
خرجوا اخيرا والشقة سكتت
انا قعدت على الكنبة وعيطت عياط مكتوم مش عارفة هو ارتياح ولا صدمة
تاني يوم كريم صحى بدري وغير كل الكوالين وركب قفل اضافي وقاللي من النهارده محدش معاه مفتاح غيرنا
وبالفعل من نفس اليوم بدأت الحملة
حماتي نزلت بوستات طويلة على الفيسبوك عن عقوق الابناء وعن الام اللي اتبهدلت عشان ولادها
نورا بعتت رسايل للعيلة كلها تقول اني انا السبب واني شيطنت كريم ضدهم
قرايب كريم ابتدوا يبعتوا رسايل عتاب وضغط
كريم قرأهم كلهم وما ردش
بعد اسبوع واحد بس عمل حركة ذكية
نزل بوست بسيط جدا كتب فيه
اختي محتاجة مكان هادي تقابل فيه عريسها اي حد من العيلة حابب يساعد يتفضل يستضيفها وربنا يجازيه خير
ولا واحد رد
ولا كومنت
ولا حتى لايك
بعدها بكام يوم عرفنا ان نورا رجعت تعيش عند امها وان الخطوبة فركشت لان العريس قال مش ناقص وجع دماغ
وسعاد بقت تشتكي لكل اللي يقابلها ان بنتها عصبية ومش بتسمع كلام
اما انا وكريم
رجعنا بيتنا هادي
من غير اقتحام
من غير مفاتيح زيادة
ومن غير احساس اننا ضيوف في حياتنا
واتعلمت درس عمري ما هنساه
اللي ما يحترمش حدودك مرة
هيكسرها كل مرة
ولو ما وقفتيش بدري
هتعيشي طول عمرك غريبة في بيتك
تمت
تعليقات
إرسال تعليق