فوقت من الغيبوبة ولساني لسه تقيل لكن ودني لقطت جملة خلت الدم يغلي في عروقي
رواية كاملة
فوقت من الغيبوبة ولساني لسه تقيل لكن ودني لقطت جملة خلت الدم يغلي في عروقي ابني فلذة كبدي واقف بره الأوضة بيرتب نهايتي أنا وأبوه وسمعته بيبشوش لمراته وبيقول اصبري بس الست دي تموت ونورث العز ده كله والحاج نرميه في أي دار مسنين نخلص من قرفه صوابعي كانت متخشبة لكن حلفت يمين بالله لا دمعة هتنزل ولا صوتي هيطلع أنا هربيهم من جديد وتاني يوم الصبح بحركة واحدة ومن غير زعيق الابن البار اللي كان بيحضر لعزاي بقى هو اللي نايم في الشارع ومش لاقي اللقمة ولسه لحد دلوقتي بيسأل نفسه هي عملتها إزاي فتحت عيني بصعوبة الدنيا كانت لسه مغبشة بس سمعي كان حاد زي الموس صوت تامر ابني وهو بيوشوش مراته بره باب العناية المركزة كان أوضح من صوت جهاز القلب اللي جنبي قال بنبرة واطية وكله قلة صبر بقولك ايه اصبري بس الست دي تودع ونورث القرشين والشقة وبعدين الحاج الكبير ده نشوفله أي دار مسنين رخيصة يترمي فيها جفوني كانت تقيلة كأن عليها جبل بس عقلي فاق فجأة واتنفض صوت الأجهزة ريحة المطهر الخانقة وجع جسمي كله كل ده كوم والجملة اللي سمعتها دي كوم تاني سيطرت على نفسي خليت ملامحي جامدة زي التمثال مارمشتش سيبتهم فاكرين إني لسه في غيبوبة ومحسوش بيا سمعت ضحكة تامر المكتومة ضحكة غريبة مش دي ضحكة ابني اللي ربيته كمل كلامه وقال بقالها أسبوعين غايبة عن الدنيا المحامي بيقول إن إمضتها بس هي اللي معطلة البيعة والدنيا
دي كلها ردت مراته نيفين بصوت واطي يعني هنفضل مستنيين كده كتير رد تامر ببرود أيوه نستنى وبعدين نبيع الشقة ونكيش الفلوس ونخلص بقى وماتشيليش هم أبويا هو أصلا مش مكتوب له حاجة هنوديه أي مكان يلمه وخلاص هو يعني هيدرى بحاجة حسيت بإيدي بتترعش تحت الملاية من كتر القهر ضغطت عليها جامد عشان تثبت جوايا حاجة انطفت وحاجة تانية ولعت مش حزن ولا غضب ده كان برود برود وعقل بيخطط لما الممرضة دخلت تقيس الضغط فتحت عيني ببطء كأني طالعة من تحت المية سألتها بصوت مبحوح ومشرخ الحاج فين جوزي فين ابتسمت بحنية وقالت الحاج عبد الرحمن في الكافتيريا ده مابيمشيش من المستشفى قاعد على الكرسي ليل نهار هروح أنده له حالا أول ما عبد الرحمن دخل الأوضة كان شكله يقطع القلب عينيه حمرا من قلة النوم وشكله كبر عشر سنين في الأسبوعين دول جري عليا ومسك إيدي كأنه ماسك طوق نجاة سهير يا حبيبتي يا بركة بيتنا حمد الله على سلامتك يا غالية كنت هموت وأحكيله على سواد قلب ابنه بس مسكت لساني عرفت إن تامر لو شم خبر إني كشفته هيغير خطته وهيبقى ألعن وممكن يزور أي حاجة كتمت وجعي وقولتله بهمس ساعدني أقعد يا حاج واطلبلي المحامي حالا عبد الرحمن استغرب وبربش بعينه دلوقتي يا سهير ارتاحي طيب قولتله بنظرة حادة وصارمة دلوقتي يا عبد الرحمن النهاردة بعد ساعتين دخل الأستاذ كمال محامي العيلة وفي إيده ملف صغير وشه كان مليان قلق حمد الله
على السلامة يا حاجة سهير قلقتينا عليكي مضيعتش وقت ودخلت في الموضوع دغري يا متر مين اللي ليه حق يتصرف في حساباتي مين معاه توكيل وايه الورق اللي تامر ابني حاول يمشيه وأنا في الغيبوبة وش كمال اتغير واتجهم بصراحة يا حاجة تامر سألني عن الوصية وكان بيحاول يطلع ورق وصاية عليك وقرار بالحجر عشان يتصرف في أملاكك بحجة مرضك عبد الرحمن بصلي بصدمة أنتي بتقولي إيه ابني أنا عمل كده ضغطت على إيد عبد الرحمن وبصيت للمحامي في عينه مباشرة هاتلي كل حاجة يا متر كل ورقة كل طلب قدمه كل محاولة إمضا المحامي تردد لحظة يا حاجة سهير انتي متأكدة إنك قادرة على المواجهة دي دلوقتي ميلت عليه وقولتله بصوت واطي بس يرعب أنا مارجعتش من الموت عشان ابني يدفني بالحياة وبالليل الباب خبط ودخل تامر راسم على وشه القلق المزيف وماسك بوكيه ورد شكله غالي ابتسمت له ابتسامة باهتة وميتة قرب مني وقال بتمثيل متقن يا حبيبتي يا أمي حمد الله على سلامتك والله قلبي كان هيقف من الخوف عليكي رديت عليه بصوت ناعم زي الحية وأنا كمان يا تامر ربنا نجاني لسبب عشان بكرة الصبح هنوقع شوية ورق مهمين ابتسامته وسعت وعينه لمعت بالطمع لحد ما عينه جت ورا ضهري وشاف الأستاذ كمال المحامي خارج من الحمام وماسك ملف تخين ولونه أسود الضحكة اتجمدت على وش تامر واللون هرب من وشه لما المحامي رمى الملف قدامه على السرير وقال أعتقد الورق اللي هنا يخصك
يا أستاذ تامر ولا إيه لحظة صمت مرعبة سادت المكان ونظرات تامر اتحولت من طمع لرعب حقيقي عبد الرحمن مسك تامر من كتفه وقال بصوت مليان قوة أنت حاولت تسرق فلوسك وتهددني وتجرح العيلة وانت فاكر نفسك ذكي تامر حاول يهرب من قبضته لكن عبد الرحمن كان أسبق من خطاه المحامي فتح الملف وأخرج صك رسمي للوصية واضح فيه كل ممتلكات سهير باسمها وحظر كامل على أي تصرف من تامر قبل موافقتها سهير نفسها ابتسمت ابتسامة صغيرة وهددتهم بهدوء اللي عمله هيتحاسب وكل خطوة هياخدوا جزائها تامر بقي كده وشه أبيض وشه كله رعب ودموعه بدأت تنزل لكن سهير ماحستش بيها هي كانت متحضرة كأنها سيدة الموت وعرفت إنها كسبت الحرب الصغيرة دي بدون عنف بس بعقل وقوة في اليوم اللي بعده تامر طلع من البيت عشان يهدي أعصابه وماحدش شافه يلمس أي حاجة من ممتلكات سهير مرة تانية ونيفين صدمت وهي شايفة ابنها بيبكي قدام المحامي عبد الرحمن حضن سهير وقال ربنا سلمك يا حبيبتي وورينا مين القوي هنا سهير ضحكت ضحكة صغيرة وقالت القوي دايما العقل مش الطمع ومن اليوم ده عيلتها رجعت كاملة وفلذة كبدي الحقيقي اللي هي سهير بقيت تحميه بعين حادة وماحدش يقدر يقرب من حقها ولا ممتلكاتها وكان في قلبها سلام جديد بعد الغيبوبة سلام من كسبت فيه كل شيء بدون ما تضطر تضحي بروحها واللي حاول يسرقها اتعلم الدرس الأسوأ في حياته.
القصة الثانية
هل هكون غلطانة
لو رفضت أكتب اسم شريكي في عقد ملكية البيت اللي ورثته رغم إننا عايشين فيه سوا
أنا 29 سنة مع شريكي 32 سنة بقالنا أكتر من 4 سنين.. اتكلمنا عن بناء حياة سوا بس إحنا مش متجوزين ومعندناش أطفال. السنة اللي فاتت طنطي اتوفت وسابت لي بيت صغير .. هو مش فخم وقديم شوية بس في منطقة كويسة وده غير حياتي.. قبل كدة كنت بأجر وشقا عمري بيضيع كل شهر في الإيجار.. بعد الورث استخدمت معظم تحويشتي عشان أصلح البيت عملت السقف والسباكة والكهرباء حاجات مملة بس غالية جدا. من حوالي 7 شهور نقلنا عشنا سوا لأن عقد إيجاره خلص والموضوع كان منطقي وأنا فعلا كنت عايزة أعيش معاه.. بنقسم الفواتير والطلبات وهو بيدفع لي مبلغ ثابت كل شهر أقل بكتير من اللي كان بيدفعه في الإيجار زمان.. المبلغ ده مش ربح ليا هو بس بيغطي جزء من ضرايب العقار والتصليحات.. وأنا لسه بشيل الجزء الأكبر من المصاريف الكبيرة لأن كل حاجة باسمي.
هنا المشكلة بدأت.. مؤخرا بدأ يفتح سيرة إن الوضع مش عادل إننا عايشين سوا وأنا بس اللي ببني ملكية .. بيقول إنه مش بيحاول ياخد ورث طنطي هو بس عايز يحس بالأمان وإن لو حصل حاجة بينا ميبدأش من الصفر ومعندوش حاجة.. أنا مقدرة خوفه وحاولت أحل الموضوع بشكل عملي عرضت عليه نكتب اتفاقية تعايش عند محامي تضمن له إنه يرجع له فلوسه لو شارك في تصليحات كبيرة أو إني أديله مهلة كافية ومساعدة لو
انفصلنا.. حتى اقترحت نفتح حساب ادخار مشترك للبيت بس نحط فيه إحنا الاتنين ونشوف الفلوس بتروح فين.. هو رفض كل ده وقال إن الأوراق دي بتخلينا زملاء سكن مش شركاء حياة.
والأسبوع اللي فات سألني بوضوح إمتى هتكتبيني في عقد الملكية.. ضحكت لأني افتكرت إنه بيهزر بس هو سكت وقال إنه بيتكلم جد.. قالي لو أنا فعلا شيفاه مستقبلي المفروض أكون عايزة نملك الحاجة سوا وإن كوني سايبة البيت باسمي بس ده معناه إني بمارس سلطة عليه.. وكمان قال إن مامته شايفة إن دي علامة خطر Red flag إني بتعامل كأنني صاحب ملك وهو مجرد مستأجر.. أنا حاسة بقرف وأنا بكتب الكلام ده لأني مش عايزة العلاقة تكون كدة بس في نفس الوقت مش عايزة أتنازل عن نص ممتلكات ورثتها وصرفت عليها من جيبي عشان أصلحها خصوصا إننا مش متجوزين وهو لسه عليه ديون كتير قروض دراسة وكروت ائتمان. لما قلت له إني مش مستريحة إني أضيفه للعقد اتهمني إني مش واثقة فيه وبحسسه إنه مصدر خطر.. قلت له إني بحبه بس الحب مبيغيرش الواقع.. ومن ساعتها وهو معاملته باردة وبيرمي كلام من نوعية يا بخت اللي عنده ضهر وساندة. هل هكون غلطانة لو صممت على رأيي حتى لو ده خلاه يحس بعدم الأمان
القصة الثالثة
أبويا مات.. ودلوقتي جوزي بيتعامل بطريقة مخلتنيش أعرفه!
محتاجة حد يشوف الموضوع من بره.. إحنا متجوزين بقالنا 27 سنة.
خليني أبدأ وأقول إني مليش علاقة
بأخو جوزي ومكلمتوش من أكتر من 15 سنة من ساعة ما نقلنا.. هو زمان كان شخص بتاع مشاكل وعمره ما شكر حد على حاجة عملها علشانه.. المهم إنه هو وجوزي رجعوا يكلموا بعض تاني وأنا كبنت وحيدة ماليش إخوات مدخلتش في الموضوع وقلت دي حاجة تخصهم.. بس الأخ ده أصلا مبيطقنيش ولا فارق معاه أنا حية ولا ميتة.
أبويا مات الأسبوع اللي فات يوم الإثنين.. ويوم الجمعة رحت مع ماما نستلم الرماد بتاعه من دار الجنازة عشان حرق الجثة.. كان بقاله 5 أيام ميت ولما شفت المبنى اللي بيعملوا فيه الحرق ده الحقيقة خبطت في وشي فجأة وانهرت.. رجعت البيت وسمحت لنفسي ب 15 دقيقة عياط وانهيار في الصالة بتاعتي وفي بيتي اللي بدفع مصاريفه زيي زي جوزي بالظبط.
جوزي محاولش يواسيني بأي طريقة.
بس ورايا مسؤوليات.. قمت مسحت دموعي وخدت الكلاب أفسحهم ولما رجعت المطبخ عشان أأكلهم سمعت جوزي في مكتبه بيتكلم في التليفون مع أخوه وفاتح ال Speaker.. سمعته بيقول دي أول رد فعل أشوفه منها من ساعة ما هو مات.. ورد عليه أخوه وقاله والله هي لازم تتقبل الواقع وخلاص.. تاني كان بقاله 5 أيام بس ميت!
حسيت بخيانة فظيعة.. يعني عادي تتكلم عني مع شخص مبيطقنيش ومش عادي تتكلم معايا وتشوف أنا حاسة بإيه كان صوتهم زي العواجيز اللي بيقعدوا يتريقوا في المسرح ويحكموا على الناس.. ليه حزني على أبويا يبقى مادة للنقاش مع أخوه مش من حقي الخصوصية
في بيتي لما واجهته بدل ما يحاول يفهمني صمم إنه مغلطش وقالي إنه حر يحكي أي حاجة بحكيها له في السر لأي حد في أي وقت! وسألني بمنتهى البرود هو ليه ده موضوع كبير بالنسبة لك مع إني حكيت له حاجات تانية كتير قبل كدة.. نعم! يعني إنت بتحكي عني لشخص بيكرهني من زمان! أنا بجد موجوعة ومصدومة.. أنا إنسانة بحب الخصوصية وعمري ما هحكي عن جوزي لأهلي من وراه كدة.. مابقتش حاسة بالأمان معاه.
طول الويك إند بنحاول نتكلم بس هو دفاعي جدا وبدأ يقول كلام غريب زي يعني خلاص الجوازة خلصت وبما إنك بتكرهيني يبقى أعمل اللي أنا عايزه بقى.. ومن رأيه إنه مغلطش ومش راضي يتنازل ولا سنتي عشان يقابلني في النص.
متجوزين 27 سنة.. ودلوقتي مش حاسة لا باحترام ولا بأمان.. مش عارفة أروح فين من هنا.. روح اتجوز أخوك لو هو ده تفكيرك بس سيبني في حالي.
بعد كل ده إمبارح وأنا بغير ملايات السرير جيه من ورايا ولمسني بطريقة وقحة.. بجد إزاي افتكر إن ده وقت مناسب بعد كل اللي حصل! قلت له إنت بتعمل إيه متلمسنيش فقلب وشه وخرج وقضى بقية اليوم بره البيت.. أنا حاسة إني قرفانة ومتهانة ومتخانة.. أنا مش جثة بيشرحوها عشان يقرروا هل أنا بحزن صح ولا غلط.
متنسوش اللايك والكومنت لدعم الصفحه
ثم أما بعد
يقسو المحب على فؤاده ظنا منه أنه يعلمه أن ليس لكل محب نصيب فيقسو الفؤاد على موجعه فيميته ليخبره أن الفؤاد عن هوى المحبوب لا يتوب.
تمت
تعليقات
إرسال تعليق