سكريبت خيبة ابن أمه كاملة حكـايات مني السيد حصري
سكريبت خيبة ابن أمه كاملة حكـايات مني السيد حصري
حكايات مني السيد حصري ج 1
أمي بتقول إنك مبعزقة فلوسك في الأكل .. من النهاردة مفيش دلع.. رز ، وعيش ، وفول ومايه من الحنفية، والناس كلها عايشة كده ومحدش بېموت من الجوع...!!!
قالها محمد بكل برود، وأمه كانت قاعدة على ترابيزة السفرة بتهز راسها بموافقة وكأنهم لسه ناطقين بحكم إعدام.
أسماء وقفت متخشبة في مطبخ شقتها في الهرم... عندها ٤٢ سنة، ولسه راجعة من نبطشية ١٢ ساعة شغل متواصل.. كرئيسة تمريض في مستشفى استثماري كبير. رجليها مكنتش شايلاها من التعب بعد عملية طوارئ لطفل تسع سنين اتعرض لحاډثة عربية؛ فضلت أربع ساعات رايحة جاية في العمليات، بتجهز محاليل وأدوية وتسند الفريق الطبي لحد ما حالة الولد استقرت.
كانت راجعة نفسها بس في دش دافي، لقمة خفيفة، وسرير ترتاح عليه... بس لقيت حماتها، فايزة، واقفة بتنبش في أكياس السوبر ماركت وتفرزها بقرف
سلمون، وأفوكادو، وزبادي يوناني... إيه كل المنظرة دي؟ محمد بيطحن في الشغل طفحان ډم، وحضرتك قاعدة تبلعي في شقاه؟
أسماء أخدت نفس عميق عشان تمسك أعصابها... محمد شغال فني صيانة، ومرتبه ميجيش حتى تلت مرتبها. وعمرها ما عايرته ولا حسسته بالنقص. على مدار ست سنين جواز، هي اللي كانت شايلة قسط العربية، وفواتير النور والغاز، ومصاريف المصايف، وحتى أي زنقة أو طوارئ تقع على البيت حصري علي صفحة روايات و اقتباسات...لكن في الفترة الأخيرة، حماتها بقت بتتكلم عن مرتب أسماء وكأنه تركة ورثوها عن أبوهم
أنا جايبة الحاجة دي من مرتبي وشقايا.
ردت حماتها بلوي بوز
وده أصل البلا وعيبك الكبير! الست المتجوزة الأصيلة مفيش في قاموسها حاجة اسمها فلوسي وفلوسك.
محمد دخل ووقف ورا أمه وقال بنبرة لئيمة
أمي عاوزة مصلحتنا وبس.
الجملة المسمۏمة اللي مبيقولش غيرها
أمي عاوزة مصلحتنا.
أمي أعلم بالدنيا.
أمي خبرة وعندها بركة.
أسماء سكتت ومردتش.
تاني يوم، حصل موقف في المستشفى خلا الشك ياكل في قلبها...الدكتور فريد رئيس قسم الجراحة والمدير بتاعها، طلبها في مكتبه وقفل الباب
أسماء، فيه حاجة مش مظبوطة عندك في البيت؟
استغربت وسألته في إيه، فوضح لها إن محمد جه المستشفى وسأل شؤون العاملين والحسابات عن تفاصيل مرتبها، وبتاخد حوافز ونسب أد إيه، وفلوس العمليات بتنزل لها يوم كام في الشهر بالظبط!
الدكتور كمل بضيق
طبعاً فهمته إن دي بيانات سرية وميصحش يسأل عنها، بس الصراحة كان لجوج ومصمم بشكل مريب.
أسماء خرجت من المكتب والدنيا بتلف بيها وإحساس بالخنقة كابس على نفسها.
بالليل، وهي رايحة على الجراج عشان تركب عربيتها، لمحت بالصدفة محمد وأمه قاعدين ورا واجهة إزاز في مطعم مشويات وأسماك فاخر جداً على النيل، من الأماكن اللي الحساب فيها بيعدي بالآلاف.
السفرة قدامهم كانت متستفة؛ جمبري، وطواجن، ومشاوي مشكلة، وحلويات. والحاجة فايزة نفس الست اللي كانت بتلطم على علبة زبادي وقطعة سلمون قاعدة تضحك وتتمزج، ومحمد بيطلع الفيزا ويدفع للحساب وهو نافش ريشه حكايات_مني_السيد
أسماء مدخلتش عليهم. وقفت مكانها وفتحت أبلكيشن البنك في موبايلها...الفيزا اللي مع محمد كانت كارت إضافي مربوط بحسابها الشخصي هي.
عشا الليلة دي 4860 جنيه.
من يومين خروجة مطعم تانية، 3200 جنيه.
محل هدوم وماركات 7900 جنيه.
محل حلواني ومكسرات 2300 جنيه.
خلال شهر واحد، سحبوا وصرفوا قريب من تلاتين ألف جنيه من غير ما يرمش ليهم جفن!
أسماء حست بۏجع وحړقة ډم وإهانة متتوصفش.
تاني يوم الصبح، اتصلت بصاحبتها سها ، محامية أحوال شخصية، وحكت لها اللي حصل.
سها قالت لها بحسم
أمني فلوسك وشقاكي الأول وحطي قرشك في حتة ميعرفوهاش، وبعدين ابقي فكري
هتعملي إيه في الجوازة دي.
وفعلاً، أسماء فتحت حساب جديد في بنك تاني، ونقلت تحويل المرتب كله عليه، وسابت في الحساب القديم مبلغ بسيط يا دوب يكفي مصاريف البيت المشتركة.
بعدها بيومين رجعت الشقة بدري، وسمعت صوت حماتها طالع من الصالة وهي بتوز ابنها
اسمع كلامي يا واد، شيل منها الفيزا وكتف إيدها. اديلها مصروف السوق في إيدها باليومية والقرش وقرشه وبس.
يا أمي دي هتولعها خناقة وهتغضب.
خليها تولع وتطق! أنت الراجل والسي السيد في البيت ده، ولازم تعرف إنك اللي ممشي المركب.
أسماء غمضت عينيها وأخدت نفس طويل؛ الحكاية مكنتش خناقة عادية، ده كان مخطط عشان يكسروها.
في نفس الليلة، حماتها رمت على الترابيزة كيس رز وكيس مكرونة وشوية فول مدمس..
ومحمد كان راجع متعكنن ومزاجه مش رايق، وقف في وشها وقال بحزم مصطنع
هاتي الفيزا اللي معاكي دي.
لأ، مش هديك حاجة.
أسماء، متجبيش لنفسك مشاكل وبطلي لوي دراع.
دي فلوسي وشقايا ومرتبي أنا.
اسمها فلوسنا،مينفعش كل واحد يمشي البيت على كيفه
تمام، يبقى كل أول شهر تحط مرتبك أنت كمان في نفس الحساب قدام مرتبي!
وش محمد احتقن وعروقه نفرت
أمي كان عندها حق لما قالت إنك شايفة نفسك عليا وفكراني مش راجل عشان بتقبضي أكتر مني!
قرب منها پعنف وحاول يشد شنطتها بالعافية. أسماء اتشبثت بالشنطة وصړخت فيه
سيب الشنطة وابعد عني!
قولتلك هاتي الزفتة دي!
مش هديهالك!
القلم نزل على وشها بسرعة خاطفة، صوت فرقعته رن في الصالة، ومن قوته جسمها اترزع في التلاجة وشفايفها جابت ډم وحصل......!!!
صوت الرزعة في التلاجة عمل صدى يرن في صالة الشقة، كأن حيطة اتهدت مش مجرد قلم نزل على وشها. أسماء حست بطنين غريب في ودنها الشمال، والدنيا اسودت قدام عينيها ثانية كاملة، رجليها خانتها ووقعت على الأرض بضهرها مسنودة على باب التلاجة المتلج. رفعت إيدها المرتعشة ولمست طرف شفايفها، لقت سائل دافي ولزج بيسيل بين صوابعها.. ډم، نازل بطعم الصدأ في بؤها.
محمد وقف مكانه متنح للحظة، عينه وسعت لما شاف الډم، إيده اللي ضړبت بيها لسه متعلقة في الهوا وترعش رعشة خفيفة كأنه مش مصدق إنه اتجرأ وعملها. لكن بدل ما يتراجع أو ينطق بكلمة اعتذار، الټفت ورا يرمي عينه على أمه، يشوف صدى اللي عمله إيه في عنيها.
والحاجة فايزة؟ ولا اتهزت. قاعدة على كرسي السفرة حاطة رجل على رجل، عينيها بتلمع بانتصار بارد، لوت بوزها پشماتة ومطت شفتها لفوق وهي بتقول بنبرة ناشفة مفيهاش ذرة رحمة
عشان تعرفي إن الله حق، وتعرفي إن الراجل لما يتكلم الحرمة تخرس وتوطي راسها! اديكِ شوفتي لسانك الطويل وقلة أدبك وصلتك لإيه؟
اكسر للبنت ضلع يطلعلها أربعة وعشرين.. هاتي الشنطة بقى من سكات ومن غير شوشرة وبطلي مسكنة الحريم دي!
الكلام نزل على قلب أسماء أسخن من مية الڼار. الألم الجسدي بتاع القلم اتبخر في ثواني، وحل مكانه جبل من الإهانة، والخذلان، والقرف. ست سنين بتمسح وراهم، ست سنين بتسد ديون وتدفع أقساط ومتحملة قلة الحيلة والتنكيز، وفي الآخر يتردلها بقلم وشتيمة وشماتة؟
محمد لقى تشجيع في صوت أمه، فاسترجع نبرة العڼف تاني، وطى بجسمه على أسماء وهي لسه واقعة على الأرض، ومد إيده بغل وشد يد الشنطة الجلد من تحت دراعها. أسماء في اللحظة دي مسكتش، مسبتش
الشنطة، اتشبثت بيها بكل عزم في دراعاتها، وضوافرها غرزت في الجلد وهي بتصرخ بصوت شرخ جدران الشقة
اوعى تمد إيدك! ابعد عني
يا واطي.. بتمد إيدك عليا عشان قرشين مش من حقك؟! راجل بتستقوى على واحدة ست في بيتك بشقاها؟!
محمد اتغاظ من كلماتها اللي نزلت عليه زي سياط بتسلخ كرامته المهلهلة، شد الشنطة بكل قوته وهي متبتة فيها، لحد ما يد الشنطة الجلد طرقعت واتقطعت في إيده، ومحتويات الشنطة اتنطرت في الصالة الفكة، الميداليات، بطاقة الرقم القومي، كارنيه نقابة التمريض، والفيزا البلاستيكية الزرقا اللي كان عينه طالعة عليها طارت تحت ترابيزة السفرة.
محمد جري على الترابيزة ودبس وشه تحتها عشان يلقط الكارت، وأمه قاعدة تزغرد بضحكة صفرا وتقول
أهو.. شيلها بقى في جيبك، ومفيش خروج إلا بحساب، ومفيش نزول إلا بإذن!
أسماء قامت ببطء.. وقفت وهي ساندة بإيدها على رخامة المطبخ، حاسة بۏجع في ضهرها، بس راسها كانت بتغلي. مسحت الډم اللي على شفايفها بضهر كم العباية البيتي، وبصتلهم هما الاتنين. النظرة اللي في عيونها مكنتش نظرة واحدة مکسورة ولا بټعيط.. كانت نظرة خالية تماماً من أي عاطفة. نظرة واحدة أدركت فجأة إن الكائن اللي واقف قدامها ده ملوش أي علاقة بالإنسانية، وإن الست اللي قاعدة وراه دي مش حماة، دي عقرب لابس جلابية سودة.
محمد قام ووقف نافش ريشه، رافع الكارت في وشه وهو بيبتسم ابتسامة باهتة متوترة
أهي.. الكارت ده مش هتشوفيه تاني يا أسماء. من هنا ورايح، كل مليم داخل البيت ده هيعدي عليا وعلى أمي الأول. إحنا اللي نقدر وندبر، مش انتِ المبعزقة اللي تضيعي القرش يمين وشمال!
أسماء اتنفست بعمق، صوت نفسها كان مسموع في الصالة، وقالت بصوت هادي بشكل مرعب، صوت أبرد من التلج
مبروك عليك الكارت يا محمد.. اشبع بيه.
فايزة نقزت من مكانها بضحكة مستفزة
بتعملي فيها عزيزة نفس بعد ما انكسرت شوكتك؟ يلا يا اخويا قوم اعملك لقمة تاكلها، سيبك منها تلاقيها بتمثل عشان تصعب عليك.. مكر حريم!
محمد حط الكارت في محفظته الجلد، ورما المحفظة على البوفيه بإهمال، وبص لأسماء وقال
ادخلي جوة روقي نفسك، ومش عايز أسمع صوت عياط ونواح، عشان لما أرجع من القهوة ألاقي العشا جاهز.. مفهوم؟
أسماء مردتش، لفت ضهرها ودخلت أوضة النوم بهدوء غريب، وقفلت الباب وراها بالمفتاح من جوة. صوت التكة بتاع الكالون خلى محمد يتلفت، بس أمه شاورتله بإيدها
سيبها تتفلق وتفرقع جوة، بكرة تجوع وتنزل على ركبها تبوس إيدك عشان تديلها خمسين جنيه تصرفها!
أول ما أسماء قفلت الباب، ضهرها لزق في الخشب ونزلت على الأرض تتنفس بصعوبة. قلبها كان بيدق بسرعة چنونية. الدموع كانت محپوسة في عينيها مش قادرة تنزل، كأن كرامتها اللي اټجرحت نشفت كل مجاري الدموع. مدّت إيدها لجيب بنطلونها البيتي، طلعت موبايلها، وفتحت شاشته بإيد بترتعش.
دخلت فوراً على أبلكيشن البنك بتاع الكارت اللي محمد خده.. الكارت ده، اللي هو فاكر إنه كنز علي بابا، مكنش فيه غير ستمية جنيه وبس! باقي المبلغ والتحويلات كانت كلها خلاص في حساب البنك التاني اللي عملته مع سها من يومين، والكارت الجديد لسه في دولابها في المستشفى ومحدش يعرف عنه حاجة.
لكن أسماء مكنتش ناوية تسيبله حتى الستمية جنيه. بضغطة زرار واحدة على شاشة الموبايل، اختارت خيار إيقاف الكارت مؤقتاً، وبعدها بدقيقة عدلت الطلب وخليته إلغاء البطاقة تماماً بسبب السړقة.
قعدت على طرف السرير تبص للسقف. شريط الست سنين بيعدي قدام عينيها زي فيلم سريع.
.
فاكرة يوم ما اتجوزوا؟ محمد كان جاي لابس بدلة عادية، داخل بيت أهلها وشه في الأرض، واعد أبوها الله يرحمه
إنه هيشيلها في عينيه. كان بيتكلم عن الرضا والستر وإن الجواز مشاركة. وأسماء اللي قلبها كان أبيض ومكنتش بتفكر في الماديات، قالت لنفسها ابن حلال وشقيان، وإحنا الاتنين هنعافر ونبني سوا.
لكن البنا كله كان على كتافها هي لوحدها!
فاكرة لما اتزنق في جمعية وقال إنه مهدد بالسجن عشان الكمبيالة؟ هي اللي فكت شهادة استثمار كانت مأمناها لنفسها وسددت عنه.
فاكرة لما حبت تجيب عربية عشان تروح وتيجي بيها من النبطشيات المتأخرة في عز البرد؟ كتب العربية باسمه وقال لها عشان أخلص لك ورق المرور وأسوقها بيكي، إحنا واحد يا أسماء ومفيش فرق بين الراجل ومراته. وطبعاً، هي اللي كانت بتدفع القسط شهرياً من فيزتها بالمليم، وهو يركب ويتمنظر بيها قدام أصحابه في الشارع ويقول عربيتي!.
وحماتها، فايزة.. من أول يوم دخلت فيه الشقة، عينها بتلف في الأركان زي الرادار. تبص على الستاير، تبص على السجاد، تسأل على تمن علبة الجبنة اللي في التلاجة، وتفضل تدس السم في العسل يا بختك يا أسماء، محمد بيحبك ومدلعك.. ده لو كان خد بنت عمه مكنش صرف عليها ربع ده، وكأن محمد هو اللي بيصرف، مش هي اللي بتكح تراب في المستشفى وسط الحالات والعمليات والدم وصرخات المرضى!
أسماء قامت من على السرير، بصت في المراية بتاعة الدولاب.
وشها كان شاحب، وتحت عينيها هالات سودا من قلة النوم والإرهاق، وشفتها السفلية متورمة وزرقا من أثر القلم، وحتة ډم ناشفة على زاوية دقنها.
لمست وشها ببطء، وهمست لنفسها بصوت حاد
والله ما هعديها.. والله ما هدمر عمري اللي باقي مع عيل نطع وأمه الحِرباية.
طلعت شنطة هدوم صغيرة من تحت السرير، فتحت الدولاب في صمت تام، ولمت أهم أوراقها أصل قسيمة الجواز، شهادة ميلادها، كشوفات حساباتها البنكية اللي كانت محتفظة بيها، عقود شقة الهرم دي نفسها!
وهنا المفاجأة اللي محمد وأمه كانوا ناسيينها أو متناسينها؛ شقة الهرم دي مش ملك محمد. الشقة دي إيجار قديم باسم والد أسماء الله يرحمه، وهي الوريثة الوحيدة اللي امتد ليها عقد الإيجار بعد ۏفاته، يعني الشقة شقتها بالقانون، ومحمد مجرد داخل عليها بشنطة هدومه وشوية عفش مكركب كان أغلبه متبهدل وهي اللي جددته على حسابها!
حطت الأوراق المهمة مع شوية دهب خفيف خاصين بيها في قعر الشنطة، ورمت فوقهم غيارين تلاتة. في اللحظة دي، سمعت صوت باب الشقة بيترزع من برة، وصوت ضحكات محمد وهو نازل على السلم، باين عليه خارج ومنتشي عشان يحلي مع أصحابه على القهوة ويصرف من الكارت الموعود.
أسماء خرجت من الأوضة بهدوء. الصالة كانت فاضية، ما عدا فايزة اللي كانت قاعدة في الصالة، شادة الشاشة الكبيرة وبتتفرج على مسلسل تركي ومندمجة، وحاطة قدامها طبق فاكهة من اللي أسماء كانت شارياه الصبح.
أول ما شافتها خارجة ولابسة هدوم الخروج وطرحتها، رفعت حاجب ونزلت التاني وقالت
على فين العزم يا ست هانم؟ مش محمد قال مفيش خروج؟ هتعصي كلام جوزك كمان بعد ما اتعلمتي الأدب؟
أسماء مالتش ناحيتها حتى بنظرة. مشيت في اتجاه باب الشقة وهي ماسكة شنطتها بإيد ثقيلة وثابتة، ومدت إيدها تفتح كالون الباب.
فايزة قامت وقفت بسرعة، وبصوت عالي
بت! أنا بكلمك! رايحة فين بالسواد ده كله في نص الليل؟ افتكري إنك لو خرجتي من غير إذن ابني، مش هتدخلي البيت ده تاني برجلك!
أسماء لفت وشها ليها ببطء، عيونها كانت جامدة تماماً، خالية من أي خوف، وقالت ببرود شل أطراف الست العجوزة
البيت ده بيتي أنا
يا حاجة فايزة.. بعقد إيجار أبويا اللي ممدود ليا. وابنك ده لو فكر يقرب من عتبة الباب دي تاني، هخليه يشوف وش عمره ما شافه في حياته. قولي له بقى يجهز نفسه، عشان الحساب اللي بيني وبينه مش عشا بآلافات ولا كارت فيزا.. الحساب كرامتي اللي اتمدت عليها إيده!
وقبل ما فايزة تنطق بحرف أو تلحق تفرك عينها من الصدمة، أسماء فتحت الباب وخرجت، ورزعته وراها بكل قوتها، صوت الرزعة سمع في العمارة كلها.
نزلت السلالم خطوة خطوة، ضربات قلبها بتهدى تدريجياً، وحلت مكانها حالة من الڠضب البارد والمدروس. ركبت تاكسي من أول الشارع، وقالت للسواق بحزم
اطلع بيا على مستشفى أكتوبر العام يا أسطى، قسم الطوارئ.
السواق بص في المراية شاف وشها المتورم والدم اللي على شفتها، فهز راسه وقال بتعاطف
حاضر يا بنتي.. لا حول ولا قوة إلا بالله.
في طوارئ المستشفى العام، أسماء مكانتش داخلة كرئيسة تمريض بتأمر وتوجه.. كانت داخلة كمجني عليها. قابلت نايب الجراحة اللي صدفة كان يعرفها من مؤتمرات التمريض، أول ما شافها اتخض
دكتورة أسماء؟! خير إيه اللي حصل ده؟ مين عمل في وشك كده؟
قالت له بصوت ثابت مفيش فيه رجفة
اتعرضت لاعتداء في بيتي يا دكتور.. وعايزة أعمل تقرير طبي بالحالة، حالا.
الدكتور ناظر الإصابة، كتب تقرير طبي مفصل كدمة رضية بالخد الأيسر، سحجات وتورم حاد بالشفة السفلية مع ڼزيف خفيف، اشتباه في كدمة بالضلوع نتيجة الارتطام بجسم صلب. التقرير كان مختوم بختم النسر بتاع المستشفى الحكومي.
خرجت من المستشفى وطلعت فوراً على قسم شرطة الهرم.
قعدت قدام أمين الشرطة، وبعدها دخلت لمعاون المباحث. حكت كل كلمة، بالتفصيل الممل محاولة سړقة بالإكراه، والتعدي بالضړب وإحداث إصابات، والاستيلاء على بطاقتها البنكية. وقدمت التقرير الطبي المختوم، مع كشف الحساب الأخير اللي بيثبت سحوبات بمبالغ خيالية مكنتش بعلمها.
الظابط بصلها باحترام لما لقى أسلوبها واثق وأوراقها كاملة، وقال
المحضر هياخد رقم جنحة ضړب وسړقة يا فندم، وهيتحول للنيابة بكرة الصبح، وممكن نطلع قوة تجيبه من الشقة في الحال لو حابة.
أسماء سكتت ثانية وفكرت.. سها المحامية كانت دايماً تقول لها الضړبة اللي متكسرش ضهرك، خططي لها صح عشان تقطعه من الجدر.
لأ يا فاشا.. مش دلوقتي. خليه يروح النيابة رسمي، عشان يجي بالكلبشات وهو مش عامل حسابه وواقف في وسط الناس.
خرجت من القسم الساعة كانت داخلة على اتنين بعد نص الليل. ركبت عربية تانية وطلعت على بيت صاحبتها سها في فيصل. سها كانت مستنياها صاحية، وأول ما فتحت الباب وشافت منظر وشها، شهقت وخدتها في حضنها
يا نهار أسود.
. ابن ال... عملها؟! مد إيده عليكي يا أسماء؟!
أسماء دخلت وقعدت على الكنبة، حطت التقرير والمحضر على الترابيزة، وقالت بصوت متبهدل من التعب
عملها.. وبإيديه دول هيدفع التمن، هو والولية أمه.
سها جابت لها كمادات تلج، وقعدت تقلب في الأوراق وهي بتضحك بحدة
ده وقع ومحدش سمى عليه! تقرير طبي مختوم، ومحضر سړقة بالإكراه وتبديد، وعقد الشقة باسمك انتِ؟ ده هيقضي أحلى أيام حياته في التخشيبة! بس قولي لي.. الفيزا اللي خدها دي عملتي فيها إيه؟
ابتسمت أسماء بۏجع
وقفتها.. لغيتها خالص، بس خليته يفتكر إنه انتصر عشان يعيش اللحظة لحد بكرة الصبح.
في نفس الوقت ده بالظبط، كان محمد قاعد على القهوة مع تلاتة من أصحابه،
نافخ صدره وطالب مشاريب وحجرين معسل للكل، وعمال يتكلم عن رجولة الراجل وإزاي الست لازم تتلجم من الأول
بصوا يا رجالة، الست
لو سبت لها الحبل تسوق فيها.. إنما تجيبها من ودنها وتعرفها مين صاحب الكلمة، تمشي زي الألف!
واحد من أصحابه ضحك وقال له
يا سيدي ربنا يديك، بس شكلها هي اللي مقبضاك الجمعية النهاردة ومبسوطة منك!
محمد طلع الفيزا من جيبه ورماها على الترابيزة بتعالي
جمعية إيه يا عم الشحات؟! الكارت ده فيه اللي قلبك يحبه.. الحساب مفتوح، والمشاريب دي كلها على حسابي الليلة دي!
نادى على صبي القهوة وطلب الحساب
هات يا ابني مكنة الفيزا هنا لما نروق عليك!
الولد جاب مكنة فوري الصغيرة، محمد مسك الكارت وډخله في المكنة، وكتب الباسورد اللي هو حافظه، وضړب رقم الحساب ميتين وخمسين جنيه.
المكنة فضلت تدور وتصفر.. وبعدين طلعت صوت تكة طويلة، وطلعت ورقة صغيرة مطبوع عليها بخط عريض
العملية مرفوضة البطاقة ملغاة أو مسروقة. يُرجى الاتصال بالبنك.
صبي القهوة مسك الورقة وبص لمحمد باستغراب
المكنة بتقول الكارت ملغي يا أستاذ محمد، ومكتوب مسروق كمان!
وش محمد جاب ألوان الطيف.. العرق بدأ يصب من جبينه، وأصحابه قاعدين بيبصوا لبعض وبداية ابتسامات خبيثة بانت على وشوشهم.
محمد مسك الكارت بتوتر، ورجع جربه تاني
جرب يا بني تاني يمكن الشبكة واقعة.. جرب تاني بقولك!
الولد جرب للمرة التانية، ونفس الرسالة طلعت، وصوت التنبيه بتاع المكنة رن في ركن القهوة كله
مرفوض.. البطاقة لا تعمل.
صاحبه اللي كان بيمازحه بص له وقال بغمزة
إيه يا حمادة؟ هي الحكومة قطعت عنك المصروف ولا إيه؟ فين الحساب المفتوح يا عم الراجل صاحب الكلمة؟!
الډم غلي في عروق محمد من الإحراج والڤضيحة، طلع من جيبه ميتين جنيه بالعافية كان مخليهم للطوارئ، رماهم على الترابيزة وقام وهو بيغلي
في عطل في سيستم البنك.. دقايق وراجع لكم!
مسك تليفونه، وبإيد بترتعش من الغيظ اتصل على رقم أسماء..
الرنة طولت.. مرة.. اتنين.. تلاتة.. والرابع كان مغلق تماماً!
اتصل على أمه في البيت
وصوته طالع مهزوز ومخڼوق
ألو يا أمي! البت دي فين؟!
فايزة ردت بصوت مړعوپ ومرتبك
معرفش يا محمد.. دي خرجت بشنطة هدومها وسابت البيت من يجي ساعة!
خرجت؟! خرجت راحت فين؟!
معرفش يا بني! بس البت شكلها مچنون، وبتقول الشقة شقتها وإنها هتحاسبك.. أنت الكارت شغال معاك ولا فيه إيه؟!
محمد وقع قلبه في رجليه.. وقف في نص الشارع في الضلمة، بص للكارت البلاستيك اللي في إيده وبقى حتة خردة ملوش أي تلاتين لازمة، وافتكر فجأة شكل الډم اللي كان على وشها وهي بتبص له نظرة مفيهاش ذرة خوف، واستوعب لأول مرة إن أسماء مكنتش بتمثل ولا بتنكسر.
. أسماء كانت بتبدأ حربها!
يتبع
خيبة ابن أمه ج 2 حكـايات مني السيد حصري
ج 2 و الاخير حكايات مني السيد حصري
الليلة دي مكنتش بتعدي، عقارب الساعة كانت بتمشي على مهلها وكأنها بتعصر أعصاب محمد على ڼار هادية.
رجع الشقة وخطواته تقيلة على السلم، كل خطوة كأنها شايلة جبال من القلق والخۏف. فتح الباب بإيد بتترعش، لقى أمه واقفة في نص الصالة، عينيها مبلمة في الفراغ وبتفرك في صوابعها بتوتر مظهرش عليها من سنين. الشقة كانت هادية هدوء يوجع القلب، ريحة أسماء وطاقتها اللي كانت مالية المكان بنضافة وترتيب وحياة كأنها اتبخرت، ومفضلش غير شوية كراكيب وفراغ بارد بيقرص في العضم.
فايزة أول ما شافته داخل جريت عليه، مسكت في كم قميصه بلهفة ها يا محمد؟ لقيتها؟ رديت عليك؟ كلمت حد من قرايبها؟ محمد زق إيد أمه بعصبية مكتومة ورما محفظته على الكنبة ألاقي مين يا أمي بس! تليفونها مقفول بالضبة والمفتاح، وكل ما أطلب رقمها يديني مغلق. وروحت دورت في الشارع كأني عيل تايه.. الكارت طلع ملغي ومكتوب عليه مسروق! اتفضحت في وسط القهوة، وشي بقى أد السمسمة والناس بتبصلي كأني شحات نصاب!
فايزة خبطت على صدرها بشهقة مكتومة مسروق؟! يا لهوي على دي ولية عقربة! يعني هي بلغت عن الكارت وسرقته؟ دي اټجننت رسمي! بس متخافش يا واد، دي تلاقيها رايحة ترقد عند أي واحدة من صاحباتها ولا مستنية لما تكسر مناخيرك.. بكرة الصبح يخلص القرشين اللي في جيبها وتيجي زاحفة على ركبها، ما هي ملهاش حد، أبوها ماټ ومقطوعة من شجرة!
محمد قعد على الكرسي وحط راسه بين كفوف إيديه، الډم بيغلي في دماغه لكن في حتة في قلبه كانت بتقوله إن الحكاية المرة دي مش زعلة ولا ڠضبة حريم عادية. افتكر النظرة اللي بصتله بيها وهي بتمسح الډم من على شفتها؛ مكنش فيها قهر ولا انكسار، كانت نظرة جزار بيحدد مكان الدبحة قبل ما يرفع السکينة.
محدش فيهم عرف ينام ساعة واحدة. فايزة رايحة جاية في الصالة تقرأ معوذات وتسب وټلعن في أسماء، ومحمد قاعد ماسك الموبايل بيجرب يرن كل عشر دقايق على أمل يسمع جرس، بس مفيش غير الصوت الآلي البارد الهاتف الذي طلبته مغلق أو غير متاح حالياً.
مع أول خيوط شمس الصبح، في شقة سها في فيصل، كانت أسماء قاعدة قدام فنجان شاي بلبن. وشها كان لسه وارم شوية، والزرقة اللي تحت شفتها باينة، بس ملامحها كانت صافية بشكل غريب، كأن في حمل تقيل اتشال من على كتافها بعد سنين من التردد.
سها دخلت الصالة وهي شايلة ملف كبير، لابسة روب المحاماة الأسود وبتلم شعرها لفوق جهزتي يا أسماء؟ أسماء رفعت راسها وبصتلها بهدوء جهزت من زمان يا سها.
. السنين اللي فاتت دي كلها كنت بحاول أشتري راحة بالي بالفلوس والسكوت، بس اللي يشتري رخيص بيتباع برخص التراب. سها ابتسمت ابتسامة واثقة متقلقيش، أوراقك زي الحديد. التقرير الطبي بتاع المستشفى العام ده كنز، ومحضر السړقة والضړب اتحول للنيابة خلاص تحت رقم جنحة، وعقد إيجار الشقة باسم والدك أهو.. وأنا جهزت عريضة دعوى طرد للڠصب، ودعوى تبديد، وإنذار على يد محضر بتسليم منقولات الزوجية، وغير كده رفعنا قضية طلاق للضرر مع الحفاظ على كل حقوقك الشرعية وقايمة العفش ومؤخر الصداق. أسماء مسكت شنطتها وقامت يلا بينا.. عايزة أخلص كل خطوة على أصولها.
الساعة تسعة الصبح، في شقة الهرم.
. محمد كان لسه صاحي من نوم متقطع، لابس هدومه عشان ينزل يدور عليها في المستشفى الاستثماري اللي
شغالة فيها، ومجهز في دماغه خناقة يهد بيها المكان على دماغها. أمه كانت واقفة في المطبخ بتعمل شاي وهي بتتمتم هتروح تفركها هناك يا محمد، متسيبهاش لما تصغرنا قدام الناس، قول لمديرها إنها ست ناشز وسابت بيت جوزها!
وفجأة.. صوت رزع عڼيف جداً على باب الشقة! صوت خبط مبيخبطش بيه زبون ولا صاحب بيت، خبطات تقيلة ومنتظمة بتهز حلق الباب الخشب كله.
فايزة طلعت من المطبخ وهي مخضۏضة مين اللي بيكسر الباب كده على الصبح؟! محمد راح ناحية الباب وبص من العين السحرية، لقى اتنين أمناء شرطة ببدلهم الميري، ووراهم ظابط مباحث برتبة ملازم أول، وجنبهم أسماء وسها المحامية!
محمد بلع ريقه بصعوبة، ركبته خبطت في التانية، ورجع خطوة لورا. فايزة سألته بهمس مړعوپ مين يا واد؟ هي أسماء رجعت؟ محمد صوته مكنش طالع، شاور على الباب وقال بتأتأة الش.. الشرطة يا أمي.. البوليس برة ومعاهم أسماء!
الصوت من برة رن بلهجة آمرة وصارمة افتح الباب يا محمد يا فتحي! معاك مباحث قسم الهرم، افتح بدل ما نكسر الباب طبقاً لأمر النيابة!
فايزة وشها اتقلب كركم، ولطمت على خدودها بصوت واطي يا داهية دقي! بوليس؟ البت جايبة البوليس على بيتنا؟! محمد فتح الباب بإيدين كأنهم لوح تلج، وشه كان مفيهوش نقطة ډم، وحاول يرسم ابتسامة باهتة وصوت مهزوز خ.. خير يا فندم؟ في إيه يا باشا؟ في حاجة غلط؟
الظابط دخل خطوتين جوة الصالة ببرود وثقة، وبص لمحمد من فوق لتحت، وبعدين بص للورقة اللي في إيده أنت محمد فتحي؟ أي.. أيوة أنا يا باشا. الظابط شاور لأمين الشرطة اللي جنبه اكلبش يا ابني. مطلوب ضبط وإحضار من نيابة الهرم في المحضر رقم 4821 جنح ضړب وسړقة وإحداث عاهة وكدمات للمجني عليها المدام أسماء أحمد.
أمين الشرطة طلع الكلبشات الحديد بصوت طقطقة رن في الصالة زي الرعد. فايزة صړخت بأعلى صوتها، ورمت نفسها في سكة الأمين لااا! كلبشات إيه يا باشا؟! ابني راجل محترم مبيعملش حاجة غلط! ده خلاف بين راجل ومراته في بيتهم، انتوا داخلين تقبضوا عليه في بيته عشان ولية مفترية؟!
سها المحامية وقفت في وشها بحزم، وطلعت صورة طبق الأصل من عقد إيجار الشقة وقالت بصوت مسموع بيته مين يا حاجة؟! الشقة دي مش بيته ولا عمرها كانت بيته! دي شقة موكلتي أسماء أحمد، امتداد عقد إيجار قديم عن والدها المرحوم، وابنك ده مجرد مقيم على ذمة عقد جواز، والنيابة أصدرت قرار بتمكين موكلتي من الشقة منفردة بعد واقعة التعدي والضړب والسړقة بالإكراه!
محمد كان واقف مشلۏل، الكلبشات قفلت على معصم إيديه الاتنين بصوت كسر ضهره وكسر كل ذرة جبروت كان نافش بيها ريشه طول السنين اللي فاتت.
بص لأسماء اللي كانت واقفة عند الباب، لابسة نضارتها الشمسية عشان تداري التورم، ورافعة راسها لفوق مفيهاش رجفة واحدة. محمد صړخ فيها بصوت ممزوج بالذل والغيظ بتعملي فيا كده يا أسماء؟! أنا جوزك! تفضحيني قدام الجيران والشارع بالكلبشات؟! ده أنا اللي سترتك وعيشتك في بيتي ست سنين!
أسماء نزلت النضارة على طرف مناخيرها، بصتله في عينيه مباشرة، وقالت بهدوء يقطع الشريان سترتني بإيه يا محمد؟ بمرتبي اللي كنت بتسحبه تطفح بيه مع أمك في المطاعم الفاخرة وانت جاي تحاسبني على علبة زبادي؟! بسترتك لما كنت بتمد إيدك تشد شنطتي وتضربني بالقلم وتجيب دمي عشان تسرق فيزتي؟
! أنت مش راجل سترني.. أنت كنت عالة عليا، وأنا اللي كنت ستراك وصابرة
على خيبتك وخيبة أمك!
فايزة كانت پتبكي وتلطم على صدرها وهي بتشوف ابنها بيتشد من وسطه يا ولية يا ناقصة! يا ناكرة الجميل! والله لاڤضحك وأبهدلك في كل حتة! ده ابني سيد الرجالة، ده انتِ كنتِ هتعنسي لولا إنه رضي بيكي!
سها التفتت لفايزة وبصتلها بحدة لمي لسانك يا ست انتِ أحسن ما أعمل فيكي محضر سب وقڈف وتعدي على موظف أثناء تأدية عمله وتتحبسي جنب ابنك في التخشيبة! ومعاكي أربع وعشرين ساعة تفضي كراكيبك وتلمي هدوم ابنك وتطلعي برة الشقة دي، وإلا هجيبلك قوة تنفيذ جبري ترمي حاجتك في الشارع!
الظابط شد محمد من كتفه يلا يا روح أمك قدامي على البوكس، خلي كلامك ده تقوله لوكيل النيابة.
الجيران في العمارة كانوا كلهم طالعين على السلالم، والشبابيك في الشارع اتفتحت كلها، والكل واقف يتفرج على محمد فني الصيانة اللي كان بيتعالى عليهم بالعربية اللي راكبها، وهو نازل مكلبش وإيديه ورا ضهره، وأمين الشرطة سحبه زي الخروف، ودموعه نازلة على خده من كسرة النفس والفضايح. صوته وهو بيتحط في بوكس الشرطة وصوت سارينة البوليس وهي بتصفر في شارع الهرم كان كفيل يدفن كرامته تحت الأرض لسابع جيل.
في النيابة، المشهد كان مختلف تماماً عن العنتريات بتاعة القهوة.. محمد كان واقف قدام وكيل النيابة مهدود الحيل، هدومه مبهدلة، وعينيه حمرة من العياط وقلة النوم. وكيل النيابة فتح المحضر وسأله ببرود إيه قولك في التهم المنسوبة إليك من ضړب المجني عليها وإحداث الإصابات الواردة بالتقرير الطبي، وسړقة بطاقتها الائتمانية والتعامل عليها بدون علمها؟ محمد حاول يلف ويدور يا فندم دي مراتي، وخناقة عادية بين أي اتنين متجوزين.. والفيزا هي اللي كانت مدياني الكارت برضاها أصرف منه لمصاريف البيت.
سها المحامية كانت جاهزة بالرد، وطلعت كشوفات الحساب الرسمية المختومة من البنك كڈب يا فندم! اتفضل سيادتك كشف الحساب؛ السحب كان في مطاعم أسماك ومحلات ملابس ماركات ومكسرات بآلاف الجنيهات في أيام وساعات المجني عليها كانت فيها في نبطشيات متواصلة في المستشفى بتنقذ أرواح الناس، والمجني عليها لما طلبت منه الكارت اعتدى عليها بالضړب المپرح وكسر شنطتها وسرق الكارت منها بالإكراه! غير إن عندنا شهادة صبي القهوة اللي حاول المتهم يدفع له من نفس الكارت المسروق بالليل بعد الواقعة بساعتين، والبلاغ مسجل في البنك برقم سړقة رسمي قبل محاولة استخدامه!
وكيل النيابة بص لمحمد نظرة احتقار واضحة، وهز راسه وهو بيمضي على القرار يُحبس المتهم أربعة أيام على ذمة التحقيق، ويُراعى له التجديد في الميعاد.
أول ما الكلمة اتقالت، محمد رجله سابت ووقع على الأرض في مكتب التحقيق، وصړخ بصوت مبحوح حبس؟
! لا يا باشا أبوس رجلك لا! أنا موظف وهتفصل من شغلي! يا أسماء.. يا أسماء قولي حاجة! حرام عليكي تضيعيني، أنا ابن حلال وغلطت.. قولي كلمة لوجه الله!
أسماء كانت واقفة في ركن المكتب، بصتله من فوق، بعيون جامدة مفيهاش أي تردد، وقالت بصوت هادي وواضح سمعه كل اللي في الأوضة كلمة؟ أنا قولت كلام كتير ست سنين ومكنتش بتسمع غير لأمك يا محمد. خلي أمك بقى تنفعك، وخلي البركة والخبرة تطلعك من الحبس. القانون هو اللي هيتكلم، وأنا حقي مش هسيب منه مليم واحد.
بعد يومين اتنين، الشقة كانت بتتحول.. أسماء جابت نجار غير كوالين الباب كلها، وركبت كالون حديدي إضافي.
فايزة اضطرت تنزل تلم شنط هدوم ابنها وهدومها وسط نظرات الشماتة من بواب العمارة والجيران اللي كانوا عارفين أد إيه
الست دي كانت متكبرة ومفترية. فايزة حاولت تقف في الشارع تنوح وتعمل ڤضيحة وتقول طردتني من بيت ابني، بس الجيران نفسهم ردو عليها بيت ابنك إيه يا حاجة؟! ده خير أسماء مغرقكم من ساسكم لراسكم، ده انتِ كنتِ بتنزلي تتبغددي علينا بحاجة الست اللي كانت شقيانة فيها.. اتقي الله بقى وروحي شوفي لقمة عيشكم منين!
فايزة شالت الشيل ونزلت تجرجر أذيال الخيبة وراها، راجعة لحارتها القديمة وشقتها الضيقة اللي كانت هربانة منها.
ومحمد؟ قضى الأربعة أيام في حجز القسم، وطلع على جلسة التجديد، القاضي جددله خمسة عشر يوماً حبس احتياطي. شغله في شركة الصيانة عرف بالمحضر والتحقيق، فتم وقفه عن العمل وتحويله للشؤون القانونية مع وقف صرف راتبه لحين الفصل في القضية الجنائية.
سها المحامية مسبتش ثغرة واحدة.. العربية اللي كانت مكتوبة باسمه؟ أسماء رفعت دعوى إثبات ملكية وقدمت كل إيصالات سداد الأقساط اللي كانت بتتسحب من حسابها البنكي شهرياً، مع تحويلات البنك باسم شركة السيارات، وخدت قرار بالحجز التحفظي على العربية لحد ما المحكمة تفصل فيها، ومحمد مبقاش حتى يملك يمشي بيها خطوة واحدة!
أما قضية الطلاق للضرر، فمع وجود التقرير الطبي ومحضر الشرطة والحبس الاحتياطي، كانت شبه محسومة في أول جلستين تلاتة، مع إلزامه بدفع مؤخر الصداق، ونفقة متعة وعدة، وقايمة المنقولات كاملة اللي مكتوبة بجرام الذهب وكل قطعة عفش اشترتها أسماء بفلوسها!
بعد تلات شهور.. المشهد كان مختلف تماماً. أسماء كانت واقفة في جنينة مستشفاها الكبير في يوم مشمس ودافي. كانت لابسة بالطو التمريض الأبيض المكوي على سنكحته، وشها رجع نضر وفيه حياة، الضحكة اللي غابت سنين رجعت تنور ملامحها من تاني. الدكتور فريد والمدير التنفيذي للمستشفى كانوا واقفين في حفلة تكريم صغيرة، بيسلموها درع التميز بعد ما تم ترقيتها رسمياً ل مديرة قطاع التمريض على مستوى فروع المستشفى كلها.
التصفيق كان مالي القاعة، وزمايلها كلهم كانوا بيهنوها بحب حقيقي واحترام، لأنهم عارفين هي مين، وعارفين شقاها وتعبها.
في نفس اليوم، سها رنت عليها على الموبايل، وصوتها كله فرحة وزغاريد مبروك يا دكتورة أسماء! حكم الطلاق للضرر نزل رسمي ونهائي وبات، وحكمت المحكمة بإلزام المدعى عليه بمؤخر الصداق ومصاريف الدعوى، وقرار تمكينك النهائي من الشقة اتوثق في الشهر العقاري!
أسماء اتنفست نفس عميق، حست كأن رئتها بتتملي بهوا نضيف لأول مرة من ست سنين والولد ده أخباره إيه يا سها؟ سها ضحكت بسخرية ابن فايزة؟ خرج من الحبس بعد ما قضى شهرين على ذمة القضية واتحكم عليه بسنة مع إيقاف التنفيذ عشان أول سابقة، بس اتفصل من شغله بسبب الڤضيحة وحكم المحكمة! وقاعد دلوقتي في شقة أمه القديمة في ضهر الحارة، هو وأمه بياكلوا فول وطعمية بجد، وبيدور على أي شغلانة باليومية ومحدش راضي يشغله بعد ما سمعته باظت!
وكمان جه لمكتبي امبارح يبوس إيدي عشان نتنازل عن قايمة العفش والمؤخر وميتحبسش بيهم! أسماء سكتت ثانية، وبعدين ابتسمت وقالت بهدوء قولي له.. الناس كلها عايشة كده ومحدش بېموت من الجوع، مش دي كانت كلمته وكلمة أمه؟ يشبع بقى بكلام أمه وبالبركة، وحقي بالقانون هيتاخد مليم مليم، عشان يعرف إن الست اللي بتشيل بيت على كتافها، قادرة تكسر ضهر اللي يقل بأصلها ويمد إيده على كرامتها.
قفلت التليفون، حطته في جيب البالطو، ورفعت راسها للسما وهي شامة ريحة الشمس والهوا، ومسكت ورق الترقية الجديد بإيدها القوية، ومشيت بخطوات ثابتة وواثقة
وسط ممر المستشفى، وهي عارفة إن البدايات
الجديدة مش بتيجي غير لما نقطع بإيدينا كل حبل كان رابطنا بالرخص والمهانة. النهاية
تعليقات
إرسال تعليق