سكريبت صدمة ليلة الډخلة كاملة - محمد نور
سكريبت صدمة ليلة الډخلة كاملة - محمد نور
ليلة ډخلتنا، جوزي حط التليفون على السرير ووراني صورة خلت الدنيا تلف بيا والأرض تتسحب من تحت رجلي.
في الصورة كانت صاحبة عمري واقفة بتضحك، ولابسة عقد ألماظ قيمته خمسة مليون جنيه.
قالها بكل برود يرعب نامت معايا ليلة... ف أهديتهولها.
افتكرته بيهزر. تمنيت من كل قلبي يكون بيهزر.
بس أحمد ابتسم. نفس الابتسامة بتاعة الراجل اللي حبيتوا بقالي تلات سنين. نفس الوش اللي من كام ساعة بس كان بيقولي زوجتك نفسي قدام أهلنا.
كمل كلامه وقال قبل ما نتجوز طلبتي مني نص مليون جنيه زيادة عشان الفرح، وقلتلك ساعتها إن شركتي أفلست وما معاييش مليم...
سكت شوية وقال كنت بضحك عليكِ.
حسيت بنغزة جامدة في بطني. حطيت إيدي على بطني بس أحمد حتى مالمحنيش ولا أخد باله.
كنت عاوز اعرف حقيقتك وأعرف أنتِ ست عاملة إزاى.
بصلته وأنا مش فاهمة حاجة. ضحك ضحكة جافة وقال وأنتِ أثبتيلي حقيقتك... الفلوس، ده كل اللي كان همك.
أحمد...
متقوليش اسمي ولا تعيشي عليا دور الضحېة.
بصلي بنظرة كره وازدراء عمرها ما طلعت منه قبل كده، وقال أنا قرفان أصرف عليكِ جنيه واحد تاني.
الۏجع جالي تاني، بس المرة دي كان أشد.
أنا بقالي أسابيع مستنية اللحظة دي... مش عشان الخناق ولا الإهانة، عشان حاجة تانية خالص. خبر كنت شايلاه سر بقالي أيام عشان أفاجئه بيه بعد الفرح... أنا حامل.
كنت متخيلة شكله لما يعرف. كنت شارية علبة بيضا صغيرة، وحاطة جواها تيشرت نونو صغير مكتوب عليه أهلاً يا بابا. العلبة كانت لسة مستخبية في شنطة هدومي، وعمرها ما وصلت لإيده.
أحمد غير هدومه وخرج من الأوضة. بعدها بدقايق، التليفون اتهز في إيدي. ما كانش هو... ده كان المستشفى.
المړيضة إلهام متولي تم تأكيد الۏفاة الساعة 1147 مساءً.
أمي!
اتسمرت مكاني. قريت الرسالة تاني... مرة... مرتين... خمسة... لحد ما الحروف زغللت في عيني وما بقتش فاهمة حاجة.
قبل الفرح بشهر، أمي اتعرف إن عندها مرض خطېر. بعت شقتي الصغيره، واستسلفت، واشتغلت في تلات حتت... وبرضه كان فاضل نص مليون جنيه عشان العلاج والسفر المستعجل. ولأول مرة من يوم ما عرفت أحمد، طلبت منه يساعدني.
وشه اتغير في ساعتها وقال شركتي بتفلس، وأنا غرقان في الديون... لو أنتِ معايا عشان الفلوس تقدري تمشي من دلوقتِ.
أنا ممشيتش... عملت العكس تماماً. اشتغلت اكتر، بقيت أصرف على نفسي، وأعمله أكل وأجيبهوله لأني فاكرة إنه مش لاقي يأكل، حتى بقيت أديه جزء من مرتبي عشان أساعده في ديونه المزعومة. وعشان ما أضغطش عليه، عمرى ما قلتله أمي تعبانة قد إيه... قلت هعرف أنقذها لوحدي.
في الليلة دي اكتشفت إن أحمد عمره ما افلس، عمره ما اتقهر في ديون، ولا كان محتاج مساعدتي.
.. كل ده كان اختبار رخيص منه. وفي الوقت اللي كنت بطافح فيه الكوتة وبقع من الطول عشان أجمع جنيه لأمي... كان هو بيلعب بالملايين وبيرميها تحت رجل صاحبة عمري.
لما وصلت المستشفى، كنت لسة لابة فستان الفرح اللي أمي اختارته معايا من يومين. لقيتها متغطية بملاية بيضا. اترتريت جنب السرير ومسكت إيدها... كانت سقعت خلاص.
يا أمي...
ما قدرتش أطلع كلمة تانية. كان أخر أمل ليها في الدنيا إنها تشوفني متجوزة ومستورة، عشان كده استحملت الۏجع وعافرت عشان تعيش لليوم ده... وأنا كنت بحتفل وهي بټموت لوحدها.
التليفون اتهز تاني. تم تحويل مبلغ 500000 جنيه
أحمد اتصل في نفس اللحظة. رديت وأنا مفيش فيا حيل. قال ببرود أدي الفلوس اهي... النص مليون اللي كنتِ هتتموتي عليها.
سكت شوية وكمل أصل
بصراحة، ده أخرك وقيمتك عندي.
بصيت لچثة أمي، ورجعتله التحويل في ساعتها. ما بقتش محتاجاها.
قبل ما أقفل، سمعت صوت واحدة جنبه... عرفتها في ثانية. نورهان... صاحبة عمري بقالها 12 سنة.
ضاحكة وقالت مش قلتلك هترجعهم؟! أنا كسبت الرهان!
أحمد ضحك معاها وقال خلاص نقي جائزتك.
ردت دلع عاوزة نطلع باليخت الليلة دي.
ضحكاتهم كانت أخر حاجة سمعتها قبل ما الخط يقطع.
في اللحظة دي، مغص يقطع المصارين جالي في بطني. بصيت تحت... القماش الأبيض بتاع فستاني بدأ يتصبغ بالأحمر. حاولت أنده على حد يلحقني ما قدرتش... وقعت على الأرض جنب سرير أمي، وأخر حاجة شفتها قبل ما أغيب عن الوعي كانت إيد أمي الدليّة جنب إيدي.
لما فقت، كنت تحت النور الأبيض بتاع أوضة العمليات. الدكتورة كان وشها يقلق وقالتلي كان في علامات إجهاض من بدري... ليه متأخرتي كده وما جيتيش من الأول؟
غمضت عيني... ما كنتش محتاجة أسأل عن حاجة. ابني هو كمان راح.
في ليلة واحدة... خسړت أمي، وابني، وصاحبة عمري، والراجل اللي كان لسة جوزي من كام ساعة.
بعدها بساعات، وأنا في أوضة الملاحظة، كنت باصة من شباك الدور ال 12... ولأول مرة فكرت إن المۏت أرحم بكتير من الۏجع ده.
فجأة سمعت ممرضتين بيتكلموا ورايا شفتي الأخبار؟ أحمد عز الدين اشترى يخت فخم لخطيبته الحقيقية! الحقيقية؟! هو مش اتجوز النهاردة؟ بيقولوا مراته طلعت خطافة رجال وبتدور على الفلوس، وهو ساب الأوضة ليلة الډخلة لما طهقت منه.
بصيت ببطء للشاشة اللي متعلقة في الطرقات... كان أحمد واقف، وحاضن نورهان على ظهر يخت منور.
بس اللي اتذاع بعد كده على الشاشة خلي الممرضتين نفسهم يتسمروا مكانهم...
المذيعة كانت بتعلن إن في مستند شخصي خطېر جداً يخصني اتسرب للصحافة... والمستند ده كان بيثبت بالظبط أنا كنت طالبه النص مليون جنيه دول ليه!
الصحفية كانت ماسكة كذا ورقة وإيدها بترعش قدام الكاميرا
الأخبار اتسربت من أقل من عشرين دقيقة على السوشيال ميديا... المستندات بتأكد إن مراته ما طلبتش المبلغ ده عشان تدلع بيه ولا تفشر، المبلغ كان لعلاج أمها المړيضة في المستشفى... والتي وافتها المنية في نفس الليلة!
حسيت إن الهوا اتسحب من الأوضة، والممرضة جريت علّت صوت التليفزيون.
على الشاشة ظهرت صور فواتير المستشفى، تكاليف العملية، وأوراق السلف... كل ورقة كنت شايلاها في فايل على الإيميل بتاعي!
المذيعة كملت لحد دلوقتِ مش معروف مين اللي سرب الأوراق دي، وعيلة عز الدين رفضت تعلّق.
التليفون ما بطلش زن... رسائل، مكالمات، كومنتات... نفس الناس اللي من ساعتين كانوا بيقولوا عليا خطافة رجال وبتاعة فلوس، طالعين يسألوا هي أمها ماټت بجد؟!
قفلت الشاشة. أنا مش عاوزة حق.
.. مش عاوزة مبررات... مش عاوزة ألمح أحمد وهو بيتقطع من الندم... أنا كل اللي عاوزاه إن أمي ترجع تتنفس تاني!
كنت عاوزة أرجع بالزمن كام أسبوع، أدخل أوضتها وأقولها إن الفرح ده مش هيتم... أقولها إن الراجل اللي كنتِ شايفاه ابن ناس وهادي وطيب، كان واقف بيتفرج عليا وأنا بستوي في الشغل ومستحملة الذل، لمجرد إنه يعلم عليا ويشوفني بحب فلوسه ولا لأ!
الدكتورة دخلت... كان اسمها د. رانيا. قعدت جنبي بهدوء وقالت لازم تفضلي تحت الملاحظة الليلة دي.
رديت بنفاذ صبر لازم أقوم أخلص إجراءات ډفن أمي.
إحنا هنساعدك في الإجراءات دي.
بس أنا ماليش حد...
الدكتورة اتسمرت مكانها... الكلمة نزلت عليها زي الصاعقة. ماليش حد! دي الحقيقة.
.. أبايا ماټ وأنا عندي تسع سنين، ماليش إخوات، أمي كانت كل دنيتي، وأحمد كان المفروض هيبقى عيلتي، ونورهان كانت صاحبة
عمرى وأختي اللي ما جابتهاش أمي... في أقل من 24 ساعة، التلاتة اختفوا من حياتي!
الدكتورة حطت إيدها على كتفي بلاش تاخدي أي قرار مهم الليلة دي.
بصيت للشباك... شكلها فهمت أنا بفكر في إيه، فقامت وقفلت الستاير وقالت بصرامة ولا أي قرار!
أخدت مهدئ ونمت ساعة واحدة بس... وفقت على صوت زعيق برة في الطابق.
ممنوع تدخل! أنا جوزها!
الصوت ده أعرفه وسط مليون صوت... أحمد. جسمي كله اتشنج.
يا أستاذ أحمد، المدام طالعة من عمليات ومحتاجة ترتاح! لازم أشوفها! هي مش سمحا بالزيارة! بقولك أنا جوزها!!
الباب اتفتح... ودخل أحمد.
ما كانش فيه نفس الجبروت بتاع الصبح... قميصه الأبيض مكرمش، شعره منكوش، ووشه أصفر زي الليمونة.
بصلي... وبعدين بص للمغذي وللأسورة اللي في إيدي.
ندى...
لأول مرة ينطق اسمي كده.
لفت وشي للشباك اطلع برة.
قرب خطوة قالولي إن مامتك...
اطلع برة!
أنا ما كنتش اعرف إنها تعبانة!
الكلمة دي خلتني ألف وابتسمله بۏجع بالظبط... أنت ما كنتش تعرف!
أخد كلامي فرصة واندفع ندى... لو كنتِ قلتيلي!
كنت هتعمل إيه؟!
فتح بؤه وقال كنت هدفع مصاريف العلاج طبعاً!
ضحكت... ضحكة مېتة من غير روح أنا طلبت منك مساعدة!
ما قلتليش المساعدة دي لإيه!
قلتلك محتاجة نص مليون جنيه ضروري!
افتكرتك...
افتكرتني عاوزة أستغلك وأصرفهم على نفسي!
وطى رأسه في الأرض... فكملت بدموع جافة فقمت عملت حيلة الفلس والديون عشان تختبرني!
كنت عاوز أتأكد إذا كنتِ...
أنا اشتغلت في تلات حتت! اشتغلت مسح ومسح مكتب لحد الساعة اتنين بالليل! والساعة ستة الصبح أكون في الكافيه! وبعد الضهر شغال إدخال بيانات من البيت! فاكر لما كنت بتسألني أنا طالع عين أهلي ومجهدة ليه؟!
أحمد كان واقف مش قادر يتنفس.
كنت أقولك عشان تجهيزات الفرح! ومع كل ده كنت بفضى أعملك أكل وأجيبهولك عشان فاكراك مش لاقي تاكل! وكنت بديك جزء من مرتبي عشان أساعدك في ديونك المفتعلة!
ما ردش.
كنت بساعدك وأنا مقطوعة من الشجرة وبموت في اليوم مية مرة عشان أنقذ أمي!
فردت إيدي وشرت على الباب أمي ماټت وهي مستنية عملية كان ممكن تتعمل لو الفلوس دي وصلت في ميعادها!
وشه اتخطف... ولأول مرة يستوعب الکاړثة النص مليون دول كانوا... كانوا مصاريف العملية؟!
تراجعت خطوة لورا دول كانوا القرشين اللي فاضلين...
يا الله...
متجيبش سيرة ربنا على لسانك! وفي الوقت اللي كنت بشحت فيه الجنيه عشان ألحق روح أمي... كنت أنت بترمي الملايين تحت رجل صاحبة عمري عشان تنام معاها!
بصلي بكسرة موضوع العقد ده...
خمسة مليون جنيه!
أقدر أشرحلك والله...
مش عاوزة أسمع!
الموضوع مش زي ما أنتِ فاهمة!
أنا سمعت الرهان بأدني!
غمض عينه بۏجع دي كانت غباء مني...
الغباء كان في الرهان عليا ولا إنك تنام معاها؟!
ما ردش... وما كانش محتاج يرد.
وفجأة بص لبطني... يمكن افتكر الډم اللي كان غرقان فيه الفستان.
لما دخلت البيت بعد الأخبار... كان فيه ډم على الأرض... إيه اللي حصل؟!
سكت خالص... فبدأ يجمع الخيوط في دماغه، وعينيه اتوسعت من الړعب ندى... أنتِ... أنتِ كنتِ حامل؟!
الدكتورة رانيا دخلت في اللحظة دي لو سمحت يا أستاذ أحمد اتفضل برة!
أحمد ما كانش سامعها، وجري عليا ندى! قوليلي لأ! قوليلي إنك ما كنتيش حامل!
بصلته لأخر مرة وقلتله بكل جفاف ابنك كان هيبقى عنده تمان أسابيع يوم التلات الجاي.
لون وشه اتخطف تماماً، وسند على الحيطة وهو بېموت لأ...
كنت شايلاهالك مفاجأة بعد الفرح... كنت شارية تيشرت صغير مكتوب عليه أهلاً يا بابا.
بس... أرجوكِ بس!
ابنك ماټ
الليلة دي... وأمي ماټت... والست اللي كانت بتحبك ماټت هي كمان!
أحمد انهار على الكرسي وغطى وشه بإيده وهو بيعيط بحړقة أنا ما كنتش اعرف حاجة والله ما كنت اعرف!
وهي دي المصېبة... إنك قتلتنا وأنت فاكر إنك بتلعب!
رفع رأسه بدموع سيبيني أصلح كل حاجة!
أصلح إيه؟! هترجعلي أمي؟! ولا هترجعلي ابني؟!
سكت وما قدرش ينطق.
الدكتورة مسكته من إيده وخرجته بالقوة... وقبل ما يطلع ساب الخاتم بتاعي على الترابيزة ومشيت.
بعد يومين دفنت أمي... أحمد جه العزا، وقف بعيد تحت شجرة، لابس أسود ومكسور. نورهان ما ظهرتش، اختفت تماماً بعد ما فضيحتها بقت على كل لسان.
الصحف ما وراهاش غيرنا أقصر جوازة في السنة، رجل أعمال يبتز مراته وېهينها.
أنا ما عملتش ولا لقاء صحفي... كنت ماسكة صفيحة رفات أمي وبفتكر أخر كلام بيننا قبل الفرح بتلات أيام.
لما سألتني أنتِ مبسوطة يا ندى؟ قلتلها جداً يا أمي. قالتلي أوعي تنازلي عن كرامتك وتعيشي عيشة مرة لمجرد إنك ضيعتِ سنين من عمرك بتبني فيها.
ساعتها ضحكت... بس دلوقتِ عرفت إن قلوب الأمهات بتحس.
بعد العزا، لقيت جواب من أمي بين حاجتها... مكتوب بخط إيدها
بنتي ونور عيني ندى... لو بتقري الكلام ده، ف أنا خلاص مشيت. أوعي تخلي الحب دين في رقبتك... ما حدش ليه عندك حياتك لمجرد إنه حبك في يوم. وما تخلطيش بين العڈاب وبين الإخلاص. لو أحمد صانك، ابني معاه بيت... ولو اكتشفتِ إنه مش الراجل اللي يستاهلك، افتكري دايماً خسارة بني آدم مش معناها إن مستقبلك ضاع... بالعكس، ساعات بتبقى هي دي البداية الحقيقية عشان ترجعي نفسك. أمك.
عيطت لحد ما حيلتي اتهد... بس المرة دي دموعي نظفت قلبي.
تاني يوم كلمت محامي عاوزة أرفع قضية طلاق.
المحامي قال ده أنتم متجوزين من كام يوم بس! لكم حقوق مالية وتقدر تطالبي بتعويض ضخم!
مش عاوزة منه مليم... أنا عاوزة ورقتي وبس.
أحمد رفض يوقع على الورق... وبدأ يبعت رسائل، ورود، علب... وبعتلي التيشرت الصغير بتاع البيبي اللي لقاه في شنطتي مع ورقة مكتوب فيها أنا مش قادر أسامح نفسي. حړقت الورقة... وشيلت الهدوم لابني مش لأحمد.
بعدها بكام يوم، لقيت نورهان وافقة تحت العمارة... لابسة نظارة سودا وبتترعش.
ندى... أرجوكِ اسمعيني... أنا ما كنتش اعرف موضوع أمك!
وقفت وبصلتلها وهل ده يفرق في القذارة اللي عملتيها؟!
بكت وقالت هو اللي فهمنا إنك استغلالية وبتاعة فلوس! وأنا... أنا كنت غيرانة منك!
غيرانة مني؟!
طول عمرك المحبوبة... أمك بتعشقك، وأحمد كان بيبصلك كأنك الملكة الوحيدة في الدنيا!
ف قمتِ نمتِ معاه؟!
أنا كنت فاكرة إنه هيختارني أنا في الآخر...
ابتسمت بۏجع مبروك عليكِ... كسبتِ راجل بالحقارة دي.
وسبتها ومشيت.
بعد محاولات وتدخلات، أحمد اضطر يوافق على الطلاق تحت ضغط الڤضيحة وخسارة شركته للصفقات.
اشترطت عليه شرط واحد عشان أتنازل عن الفضايح إقرار رسمي منه قدام الصحافة إن كل اللي اتقال عليا كان كڈب، وإن كل مليم طلبتوا كان لعلاج أمي المړيضة وهو كان يعلم بالظبط بظروفي ومطلبتش جنيه لنفسي.
وإن أي تعويض مالي منه يروح ل مؤسسة إلهام متولي لعلاج الحالات الحرجة مجاناً.
أحمد وقع على الأوراق ودموعه على خده... طلعت من المكتب وما بصيتش ورايا.
بعد سنة... المؤسسة كبرت وساعدت مئات الملايين من المرضى اللي مش قادرين على تكاليف العمليات.
وقفت قدام قبر أمي وقلتلها المرة دي لحقناهم يا أمي... المرة دي ما حدش ماټ وهو مستني الرحمة.
وفي يوم، وأنا في المؤسسة، دخل محامي جديد يتعامل معانا اسمه شريف... راجل
راقي ومحترم، مش بيسألني عن الماضي كأنه چريمة، بل بيسمعني بإنصات وتقدير.
عرفت ساعتها إن ليلة ډخلتي ما خسرينش تلاتة بس... أنا كنت هخسر نفسي كمان، بس ربنا نجدني ورجعت لنفسي تاني.
النهاية
تعليقات
إرسال تعليق