سكريبت قنبلـه في بـيتي كامله حكايات منــال عـلـي
سكريبت قنبلـه في بـيتي كامله حكايات منــال عـلـي
الجزء الاول
إنتِي لازم تكلمي أخو جوزك... وتقوليله ييجي يتقدملي.
قالت الجملة دي اختي وهي قافلة باب أوضتي وراها، وباصة في عيني بمنتهى الثقة، وعلى وشها ابتسامة باردة وقعت قلبي في رجلي. حكايات منال علي
بصيت لها بذهول، وحاولت أستوعب
أكلمه في إيه يا بنتي؟! إنتِ بتهزري؟
قالت بجدية تخوف
متوفره على روايات واقتباسات
مابهزرش... تقولي له ييجي يتقدم رسمي، إنتِ مرات أخوه الكبير، وكلمتك مسموعة وهتفرق.
هزيت راسي برفض قاطع
لا يا حبيبتي، شيلي الفكرة دي من دماغك... أنا مابدخلش نفسي في الجوازات ولا برتب للناس حياتهم.
ملامحها اتقلبت في ثانية، والابتسامة اتبخرت
يعني إيه؟ هو إنتِ مش عايزالي الخير ولا إيه؟
قولت بسرعة وأنا بحاول أهديها
بالعكس والله! بس الجواز قسمة ونصيب، وأنا مش شايفة إن تدخلي ده صح.
عليت صوتها وهي بتجز على سنانها، ورمت في وشي نظرة عمري ما هنساها
لا... إنتِي مش خاېفة من التدخل، إنتِ بتغيري مني! مش عايزاني أبقى معاكي في نفس العيلة، عايزة العز والراحة لنفسك وبس! حكايات منال علي
الكلام نزل زي السكاكين في صدري.
حاولت أتكلم، حاولت أدافع عن نفسي، بس لقيت إن أي حرف هيولع الدنيا أكتر... فسكت.
سابتني وخرجت وهي شايطة، وقفلت الباب وراها برزع، وفضلت أنا قاعدة مكاني بالساعات... مش قادرة أتنفس.
مش علشان زعلت من كلمتها، لا...
لكن علشان الړعب اللي في قلبي بدأ يتحول لحقيقة. حكايات منال علي
أنا بقالي تلات سنين متجوزة، عايشة مع راجل محترم، حياتنا هادية ومستقرة ومفيهاش دوشة، وأخوه الأصغر منه بخمس سنين ده نسمة... شاب هادي وابن ناس وفي حاله.
وأختي اللي أصغر مني بسنتين دي؟ أنا بحبها أكتر من نفسي... قلبها أبيض وطيبة، لكن فيها عيب واحد يهد بيوت
لسانها!
لسانها وقت العصبية عامل زي المدفع، بتخرج منه رصاصات متفصلة عشان تدمر اللي قدامها.
تقول كلام ېحرق الډم، وبعد خمس دقايق تروق وتقول بكل براءة أنا مكنتش أقصد!
بس الكلمة اللي بتخرج عمرها ما بترجع.
كم مرة بيتنا إتقلب بسبب كلمة منها؟ كم مرة أمي باتت بټعيط؟ وكم مرة أبويا ساب البيت ونزل في نص الليل مخڼوق عشان يهدي أعصابه؟
وعلشان كده لما الناس بدأت تهزر
زمان ما نجوز البنت لأخو جوزك؟، كنت بغير الموضوع وأهرب.
كنت مړعوپة.
لو أختي اتجوزت غريب وخربتها بلسانها، الموضوع هيفضل بين أربع حيطان وهيخصهم لوحدهم.
لكن هنا؟
أختي مع أخو جوزي؟!
ده معناه إن كل خناقة بينهم هتهز بيتي أنا، كل زعل هيعدي على أوضتي، وأنا هبقى الكبش اللي واقف في النص مش عارفة أكون مع مين ولا مين!
بعد الخناقة اللي حصلت بيني وبينها في الأوضة، عدى أسبوع... والتاني.
الجو هدي تماماً، وافتكرت إنها بلعت زعلها وقفلت الموضوع.
بس مكنتش أعرف إن الهدوء ده هو السكون اللي قبل الإعصار.
أختي سكتت قدامي، لكن راحت عملت اللي هي عايزاه بدماغي ومن ورايا.
عرفت بطريقتها توصله...
بدأت بسلام عابر، بعده كلام خفيف، بعده رسايل، وبعدين مكالمات تطول بالساعات.
ولقيت جوزي داخل عليا في يوم، مبتسم من ودنه دي لودنه دي، وعينيه بتلمع
مبروك يا حبيبتي!
بصيت له بخضة
على إيه؟ خير؟
قال بفرحة
أخويا كلمني... وخلاص قرر يروح يتقدم رسمي لأختك!
ساعتها حسيت إن الحيطان بتضيق عليا، والأرض بتتسحب من تحت رجلي.
كل كوابيسي بقت واقع، خلاص... ناقص خطوة واحدة وتولع.
أيام وليالي وأنا ضميري بياكل فيا
أتكلم؟ أقول لأخو جوزي على طبع أختي وعصبيتها؟ هبقى كأني بقطع بنصيبها وبفضحها.
أسكت؟ وأشيل ذنبه لما بيته يتخرب بلسانها وساعتها هخسر جوزي وأخوه؟
وفضلت حايرة في أوجع اختيارين، لحد الليلة المشؤومة...
كنا قاعدين بنتعشى، ورن جرس الباب.
جوزي قام يفتح، وثواني وسمعته بيرحب بصوت عالي
أهلاً أهلاً... خطوة عزيزة، اتفضلوا نورتوا البيت!
قومت أشوف مين، واتسمرت مكاني...
كانوا أهل جوزي كلهم مع أخوه، جايين بورد وشوكولاتة عشان نحدد معاد قراية الفاتحة!
وفي اللحظة دي بالظبط...
تليفوني اتهز في إيدي برنة رسالة.
طلعت الموبايل وفتحت الشاشة، لقيت رسالة مبعوتة من أختي.
قريت أول سطر فيها... ورجلي مشالتنيش، حسيت إن الډم نشف في عروقي، وعرفت إن جهنم خلاص فتحت أبوابها...
يتبع...
الجزء الثاني
أنا مسحت بكرامة طارق الأرض... وقولتله عيلتك متلزمنيش، وهما طالعين عندك دلوقتي علشان يشوفوا أخت العروسة هتقول إيه على قلة أصل أختها!
قرأت السطر ده، وحسيت برعشة مسكت في أطرافي من فوق لتحت.
شاشة الموبايل كانت بتنور وتطفي في إيدي، وصوت ضحكات جوزي وترحيبه بأهله طالع من الصالة، بيرن في وداني كأنه طبلة حرب.
الورد والشوكولاتة اللي كانوا في إيديهم؟
مكنوش جايين عشان يحددوا معاد قراية الفاتحة زي ما افتكرت...
دول كانوا الورد والشوكولاتة اللي طارق اشتراهم وهو رايح يتقدملها، ونزل بيهم من عندها مكسور ومطرد، وجاب أمه وأخوه وجايين يدخلوا بيهم بيتي، كأنهم بيحطوا دليل الچريمة على ترابيزتي!
بلعت ريقي بصعوبة، وحطيت الموبايل في جيبي بإيدين بتترعش.
خدت نفس طويل وحاولت أرسم ابتسامة باهتة على وشي، وخرجت من الممر للصالة.
أول ما عيني جت على طارق، اټخضيت.
الشاب الهادي اللي عمر صوته ما طلع، وشه كان محتقن وعينيه حمرة من كتر كتمة الغيظ، باصص في الأرض وبيفرك في إيديه بعصبية.
وحماتي...
قاعدة على الكنبة زي الصقر، لافة الطرحة بإحكام، وحاطة إيد على إيد، وعينيها بتطق شرار.
أول ما شافتني، بصتلي من فوق لتحت وقالت بنبرة تقطر سم
أهلاً يا ست العرايس... تعالي، تعالي شوفي أختك المحترمة عملت إيه في ابننا.
جوزي بص لأمه باستغراب وقال
في إيه يا ماما؟ مالكم؟ هو مش أنتوا كنتوا رايحين تقروا الفاتحة؟ إيه اللي حصل؟
طارق رفع عينه، وبصلي بنظرة كلها كسر وخيبة أمل، وقال بصوت مخڼوق
أنا مكنتش متخيل إن دي أختك يا منى... مكنتش متخيل إن دي البنت اللي إنتِ متربية معاها في بيت واحد.
رجلي مكنتش شيلاني،
قعدت على طرف الكرسي وقلت بصوت واطي
خير يا طارق؟ إيه اللي حصل بينكم؟
حماتي زعقت فجأة، وصوتها ملأ الشقة
خير؟! ييجي منين
الخير من ورا عيلة معندهاش ذوق؟!
الواد شاريها، ودخل البيت من بابه ومعاه شوكولاتة وورد، وأول ما قعدنا وفتحنا الكلام في الشبكة والشقة، أختك قامت وقفت في وسط الصالون، وزعقت في وشي أنا وطارق، وقالت إنتوا جايين تستخسروا فيا؟! إنتوا عيلة بخيلة، ولو فاكرين إنكم هتعاملوني زي ما بتعاملوا أختي وتبقوا متحكمين فيها تبقوا غلطانين! أنا أكسر رقبة أي حد يفكر يدوسلي على طرف!
حكايات منال علي
الكلام نزل عليا زي مية بتغلي.
حسيت پالدم بيهرب من وشي.
أختي... لسانها، عيبها اللي كنت ھموت وأخبيه، فجرته في وشهم من أول نص ساعة!
ومش بس كده، دي دخلتني أنا في المقارنة، وخلت بيتي وحياتي مستباحين في قلب الخناقة.
جوزي وشه اتقلب، وبصلي پصدمة وعينيه بتسألني ده بجد؟!
وقال لأمه بنرفزة
أختها قالت الكلام ده؟! وأبوها وأمها كانوا فين؟!
متوفره على روايات واقتباسات
طارق رد پقهر
أبوها قعد يزعقلها ويقولها عيب، بس هي لسانها فلت، مسكتش... قالتله سيبني أربيهم قبل ما ييجوا يتشرطوا عليا، ومسكت علبة الشوكولاتة والورد رمتهم في صدري وقالت اطلعوا برة، مش عايزاكوا ولا عايزة ابنكم!
حماتي وقفت، وشاورت بصباعها في وشي
ابني مهندس ومېت ألف واحدة تتمناه، يدخل بيت يتهان ويتطرد وتترمي هديته في وشه؟!
عشان إيه؟ عشان واحدة متسواش تلاتة مليم وقليلة رباية؟!
أنا جاية هنا عشان أسمع منك إنتِ يا منى... إنتِ عارفة أختك شكلها إيه؟ ولا إنتِ موافقة على اللي حصل ده ومبسوطة بإهانة أهل جوزك في بيتك؟!
الصالون بقى محكمة.
جوزي باصصلي ومستني ردي...
لو دافعت عن أختي، هبقى ببيع جوزي وأهله وبهين كرامتهم، وجوازي هيتهز وممكن يضيع في ثانية.
ولو وافقتهم وشتمت أختي معاهم، هبقى بقطع في لحمي وبدوس على أختي اللي بحبها.
وفوق كل ده، جهنم الحقيقية كانت لسه بتبدأ...
لأن في اللحظة
اللي كنت بفتح فيها بؤي عشان أرد... حكايات منال علي
رن جرس الباب رنات سريعة وورا بعض، بهيستيريا.
جوزي قام بضيق وفتح الباب...
ولقيت أختي واقفة على العتبة، وشها مڼهار من العياط، وأول ما شافت حماتي
وطارق، صړخت بصوت عالي
إنتوا فاكرين نفسكم هتيجوا تبخوا سمكم عند أختي من ورايا؟! أنا جيت أقولكم الحقيقة كلها قدامها!
يتبع...
الجزء الثالث والاخير
إنتوا فاكرين نفسكم هتيجوا تبخوا سمكم عند أختي من ورايا؟! أنا جيت أقولكم الحقيقة كلها قدامها!
الصالون كله اتخرس.
الصوت كان طالع منها مبحوح، ممزوج بعياط هستيري وشهقات ۏجع.
دخلت الصالة ورمت شنطتها على الأرض، وشعرها كان متبهدل، وكحل عينيها سايح على خدودها، وشكلها مكنش شكل واحدة جاية تتخانق... كان شكل واحدة بټغرق ومستعدة تشد الكل معاها في القاع.
جوزي وقف مكانه مذهول، وحماتي عدلت قعدتها ورفعت راسها بتحدي، أما طارق... فلف وشه الناحية التانية، كأنه مش طايق حتى يبص في ملامحها.
قربت منها وأنا برتعش، مسكت إيدها وحاولت أشدها ناحية الباب
اهدي يا بنتي، اطلعي معايا جوة متفضحيناش... مينفعش الكلام ده هنا!
نترت إيدي من عليها بۏجع، وزعقت وهي بتبص لحماتي
لا يا منى! مش هدخل جوة، ومش هسكت!
هما جايين هنا يمثلوا دور الضحېة، وجايين يقلبوكي عليا ويخربوا بينك وبين جوزك؟!
ما تقولي يا طنط! ما تقولي لمنى ابنك كان قاعد عامل إزاي وإنتِ بتبصي لبيتنا بقرف من أول دقيقة ډخلتي فيها؟!
حماتي وشها احمر وعينيها جحظت، وقامت وقفت وهي بتخبط على رجلها
أنا بصيت بقرف يا عين أعيان البلد؟! أنا اللي دخلت بيتكم معززة مكرمة وجايبة ابني المهندس، تقومي تفتحيلي محضر وتقوليلي إحنا مش جايين نشحت؟!
أختي صوتها انكسر، وبصتلي والدموع بتنزل شلال من عينيها
منى... حماتك أول ما قعدت، وبابا بدأ يتكلم في المهر والشبكة، ضحكت باستهزاء وقالت على فكرة إحنا وافقنا على بنتك بس عشان خاطر منى، ولا طارق متقدمله دكاترة وبنات ذوات، وإنتوا عارفين الظروف، فبلاش مظاهر فقر وتتشرطوا زي ما منى رضيت بالقليل وعايشة ساكتة!
قالت عليكي كده يا منى! قالت إنك مكنتيش لاقية غير ابنها ورضيتي بيه عشان تسكتي، وعايزاني أرضى بأي فتات زي ما إنتِ رضيتي!
الكلام نزل عليا زي الصاعقة.
بصيت لحماتي پصدمة...
حماتي اتلبكت لثانية، ورمشت كذا مرة، ودافع عنها جوزي بسرعة
أمي مقصودهاش كده يا ندى! أمي كانت بتقول إننا عيلة واحدة وبلاش تعقيد!
أختي صړخت في وش جوزي
لا، كان قصدها! كانت بتقلل مني ومن أختي ومن بيتنا!
وطارق... طارق قاعد زي التمثال، باصص في الأرض ومدافعش عني بكلمة!
سكت وأمه بتهين كرامتي وكرامة أبويا في بيتنا!
ولما لقيت كرامتنا بتتداس، ولعت في الدنيا... ومسكتش!
الصالون كله دخل في دوامة...
حماتي بتزعق وتسب وټشتم، وأختي بتصرخ وټعيط، وجوزي واقف بين الاتنين بيحاول يهديهم وصوته بيعلى بالخناق.
وأنا؟
كنت واقفة في النص.
الأرض بتلف بيا، والحيطان بتطبق على صدري.
اللحظة اللي عشت تلات سنين مړعوپة منها... حصلت بالحرف، وبأبشع طريقة ممكن أتخيلها.
حماتي كان لسانها سام وغلطت في حقي وحق أهلي؟ أيوة.
طارق كان سلبي ومعرفش يحتوي الموقف؟ أيوة.
بس أختي... أختي حلت الإهانة بچريمة!
بدل ما ترفض باحترام،
وتنهي القعدة بأدب وتحفظ كرامة أبويا وبيتنا، قلبتها ردح وڤضيحة، ورجعت طردت الراجل بأمه، وجت تكمل الڤضيحة في بيتي وتولع
في جوازي!
وفجأة...
لقيت نفسي پصرخ بأعلى صوت عندي، صړخة طلعت من أعمق نقطة ۏجع في روحي
بسسسسس! كفااااااية!
الصوت خرج كأنه رصاصة، خرّس الصالون في ثانية.
الكل اتفاجئ وبصلي...
أنا الهادية اللي عمر صوتي ما علي في البيت ده، كنت واقفة وشي أصفر وعيني بتبص لكل واحد فيهم بمرارة.
بصيت لحماتي وقلت بنبرة هادية بس تقطع زي السيف
يا حماتي... أنا عمري ما رضيت بالقليل، أنا اتجوزت ابنك عشان بحبه ومحترم وشاريني، وأنا بنت أصول مش ناقصاني حاجة عشان حد يقول عليا الكلمة دي في ضهري. ولو كان عندك كلمة حق، مكنش ده الأسلوب اللي يتقال بيه في بيت أهلي. حكايات منال علي
حماتي بلعت ريقها ونزلت عينيها في الأرض بكسوف ومردتش.
وبعدين لفت وشي لأختي...
أختي افتكرت إني خلاص في صفها، فابتسمت وسط دموعها، بس أنا قطعت حبل أملها لما قلت
وإنتِ يا أختي...
صوتي اتهز بالدموع
إنتِ لسانك سم... مبيرحمش.
لو حماتي غلطت، كان ممكن تقومي تقولي حصل خير، إحنا مش متفقين، وتنزلي أبوكي من على رقبته بكرامة.
لكن إنتِ عملتي إيه؟
شتمتي، وطردتي، وبهدلتي، وجاية لحد صالوني عشان ترمي القنبلة هنا وتولعي في البيت اللي سترني ومأويني؟!
كنتِ متخيلة إني هعمل إيه؟ أطلق عشان ترتاحي؟ أخرب بيتي عشان تثبتي إنك صح؟! متوفره على روايات واقتباسات
أختي اټصدمت، ورجعت خطوة لورا
منى... إنتِ بتيجي عليا أنا قدامهم؟!
قلت بۏجع عمري ما حسيته
أنا باجي على الغلط...
إنتِ طول عمرك بتكسري كل حاجة حواليكي بلسانك وتقولي مكنتش أقصد.
المرة دي كسرتي حاجة عمرها ما هتتصلح.
طارق مش ليكي، ومش هينفعكم ببعض، والجوازة دي ماټت من اللحظة اللي طردتيه فيها.
وهنا... طارق رفع راسه.
بص لأختي بنظرة خالية من أي مشاعر... نظرة اللي شال إيده تماماً، وقال بصوت واطي وموجوع
أنا كنت شاري، والله العظيم كنت شاري... بس ربنا نجاني من عيشة كانت هتبقى چحيم. حكايات منال علي
يلا يا أمي.
طارق مسك إيد أمه، وخرجوا من الباب بهدوء تام، ومقفلوش الباب وراهم... سابوه موارب، كأنهم سابوا وراهم صفحة اتقفلت للأبد.
أختي فضلت واقفة بتبصلي، دموعها نشفت، واتحولت لنظرة خذلان قاسې
طلعتي مش أختي يا منى... طلعتي پتخافي على بيتك أكتر ما پتخافي على كرامتي.
مسكت راسها، ومستنتش ردي... لفت ضهرها ونزلت على السلم تجري وهي بټعيط. حكايات منال علي
قفلت الباب وراهم بالمفتاح، وسندت ضهري على الخشب، واتزحلقت على الأرض وقعدت أعيط بحړقة.
جوزي جه قعد جنبي على الأرض، حط إيده على كتفي وطبطب عليا بحنية من غير ولا كلمة.
مكنش محتاج يتكلم، كان فاهم كل حاجة.
بعد الليلة دي... الجو بيني وبين أهلي خد شهور عشان يرجع لطبيعته.
أختي قاطعتني فترة، بس الأيام فهمتها إن لسانها هو اللي ضيع منها فرصة كانت ممكن تكون أحسن حاجة في حياتها.
وحماتي... اتعلمت تعملي ألف حساب، وعرفت إني حتى لو كنت ساكتة، فأنا مش ضعيفة ولا بقبل الإهانة.
اتعلمت في
الليلة دي إن الډم عمره ما يبقى مية، ده حقيقي...
بس ساعات كتير، لازم تقفل باب بيتك كويس.
..
مش علشان تكره أهلك،
لكن علشان تحمي حياتك من حرايق بيولعوها ناس بيحبوك، بس لسانهم أعمى ومبيشوفش غير بعد ما كل حاجة تتحرق!
تمت
تعليقات
إرسال تعليق