رواية ليالي الغول اقتباس من الفصل الأخير بقلم لوجي احمد

 رواية احببت نصابا الفصل التاسع والعاشر بقلم نسرين بلعجيلي حصريه في مدونة قصر الروايات

رواية احببت نصابا الفصل التاسع والعاشر بقلم نسرين بلعجيلي حصريه في مدونة قصر الروايات

**أحببت نصابًا**

بقلم نسرين بلعجيلي

Nisrine Bellaajili 

_الحلقة 9

وقف رياض يتأمل نور بعينين حادتين، وكأنهما تخترقانها. كان يرى في ملامحها شيئًا غريبًا، خوفًا لم يعتده منها. نظراتها لم تعد بريئة كما كانت، وفي قلبه دقّ ناقوس الخطر : هل اكتشفت شيئًا؟

إقترب منها ببطء، إبتسم ابتسامة مصطنعة وهو يقول :

 "إيه يا نور؟ إنتِ باين عليكِ مرهقة، تعبانة أوي. تعالي، ريحي شوية على الكنبة لحد ما مريم ترجع من الحضانة. بكره يومنا طويل."

نور شبكت ذراعيها على صدرها، عينيها لم تفارق وجهه. بصوت منخفض لكنه مليء بالحدة سألت :

 "أنا أضحك عليك إزاي يا رياض؟"

تظاهر بالدهشة، رفع حاجبيه، وضحك ضحكة خفيفة وهو يهز رأسه:

 "يا حبيبتي، هو إنتِ لسه بتفكري كده؟ لأ، إنتِ محتاجة ترتاحي. دماغك شكله مليان أفكار زيادة."

لكن داخله، كان يتقلب بين الخوف والغضب. إبتسامته على وجهه، أما عقله فكان يصرخ: "هي سمعتني؟ ولا بتجربني؟"

جلس رياض بجوارها، إقترب أكثر حتى كادت أنفاسه تختلط بأنفاسها. مد يده ليأخذ يدها، قبض عليها بقوة جعلت أصابعها تتألم. إبتسم ابتسامة صغيرة، لكنها لم تحمل أي دفء، بل بدت كابتسامة ذئب يحاصر فريسته.

قال بصوت هادئ، متعمدًا أن يبطئ كلماته :

 "يا نور… إنتِ عايزة تسمعي مني إيه؟ بحبك؟ آه، بحبك، إنتِ ملاكي اللي دخل حياتي، إنتِ اللي رجعتيني إنسان."

تسمرت نظراتها فيه، تبحث عن أي صدق في عينيه، لكن ما رأته كان مزيجًا من الظلال والابتسامة الباردة. همست بصوت مكسور :

 "طب قُلْ لي يا رياض هو حبك ده حقيقي؟ ولا مجرد كلام زي ما قلته لغيري؟"

ضحك ضحكة قصيرة، مال بجسده أقرب إليها، ضغط أكثر على يدها وقال بصوت خافت، لكن كلماته تقطر تهديدًا :

 "بصي يا نور، الحب عندي مش كلام. أنا لو حطيت حد في قلبي عمري ما أطلّعه منه. بس إوعي يوم تلعبي عليا أو تفكري تخدعيني. قلبي لما بيتقفل بيتحوّل لسجن، وساعتها اللي جواه ما بيطلعش منه سليم."

شهقت نور بصمت، قلبها انقبض. الكلمات كانت كالسكاكين، تهديد مبطن يختبئ خلف جملة "أنا بحبك". نظراته كانت كفيلة أن ترسم لها صورة رجل قادر أن يحوّل الحب إلى قيد، والعشق إلى جحيم.

إبتسم ابتسامة أخرى، وهمس وهو يمرر يده على شعرها :

 "إنتِ معايا؟ خلاص، يبقى ما تخافيش. بس لو حاولتي تبعدي، ساعتها هتشوفي رياض اللي عمرك ما عرفتيه."

نور أطرقت برأسها، دموعها على وشك السقوط، لكن داخلها كان يردد :

"أنا مش هنهار، لازم أتمالك نفسي. لازم أخرج من القفص ده قبل ما يقفل عليّ للأبد."

نور بجواره على الكنبة، تمسح دموعها وتنظر إليه بثبات مهزوز.

قالت بصوت مرتجف لكنه حاد :

 "إنت غامض يا رياض، أنا ماعرفش عنك حاجة. حياتك قبل ما أعرفك كلها ضباب. ليه عمرك ما حكيتلي؟ ليه عمرك ما فتحتلي قلبك زي ما فتحتلك قلبي؟"

إبتسم ابتسامة باهتة، وأشعل سيجارة كأنه بيكسب وقت. نفث الدخان ببطء، وقال بهدوء :

 "يا نور، الماضي ماليش فيه غير وجع. عايزاني أفتكره ليه؟ أنا كل اللي يهمني النهارده وإنتِ بكرة. صدقيني، إنتِ أول فرحة تدخل حياتي من سنين."

دموعها غلبتها، قالت بصوت مخنوق :

 "أوعى تكسرني يا رياض، أنا تعبت. مش ناقصة وجع جديد. أنا محتاجة راجل يسندني، مش حد يكسّرني."

مد إيده، مسك وشها بين كفّيه، وقرب منها جدًا. قال بنبرة حنونة :

 "وإنتِ لقيتِ الراجل اللي هيسندك. أنا مش هسيبك، حتى لو الدنيا كلها وقفت قصادنا."

إبتسمت من وسط دموعها، وحطت رأسها على صدره. قلبها كان بيصرخ: "صدقيني يا نور، هو ده الأمان."

لكن عينيه التي كانت معلقة في السقف وراءه، كان فيها لمعة تانية. لمعة باردة، خبيثة، لا علاقة لها بالحب.

هو شدها أكثر، باس راسها، وحاول يضحك معاها :

 "إنتِ محتاجة تتدلعي، مش تبكي. أنا هعوضك عن كل اللي فات."

ضحكت غصب عنها، بصوت مبحوح :

 "أنا مسلمة نفسي ليك يا رياض، إوعى تخدعني."

شدها لحضنه، رد بثقة :

 "أنا لو خسرتك يا نور أبقى خسرت نفسي."

مرت لحظات صمت ثقيلة.

صدّقت لمسته، عاشت للحظة في الوهم الذي رسمه.

أما هو… فكان دماغه يشتغل : البنت دي مش هتسلم بسهولة. لازم أسرّع الخطة قبل ما تكشفني.

أطفأ سيجارته بعصبية، قام واقف، وبص لها بابتسامة عريضة :

 "يلا قومي، بكرة يوم كبير. هنبدأ بداية جديدة."

هي بصّت له، قلبها بيتخبط. ما بين حبها اللي عايز يصدّق، وعقلها اللي بيقول لها : "خدي بالك، رياض مش كتاب مفتوح، ده صندوق أسود مليان أسرار."

إرتجفت أنفاس نور كما لو أن بردًا عميقًا نزل إلى صدرها. بين قلبٍ يصرخ بالحبّ، وعقلٍ يحاصر نفسه بالشكّ، وجدت نفسها تسير على حبلٍ رفيع لا تُرى نهايته. كانت تتساءل في سكونها : هل ظلمته عندما شككت؟ هل هو فعلاً محاصر بمن يسيطرون عليه؟ أم أن قلبي هو الذي خانني قبل أن يبان له دليل؟

نظر إليها رياض طويلاً، كأنه يقرأ خريطة وجهها. ثم ابتسم ابتسامة لطيفة لكنها حادّة في آن، واتكأ خلفها على ظهر الكنبة وقال بصوتٍ دافئ يقصد به الطمأنة والهيمنة معًا :  "يا نور، إنتِ طول عمرك كده: خايفة وشاكة، وبتتهربي من الكلام. بتقولي يمكن أكون بريء، ويمكن لأ. لكن يا حبيبتي، الشكّ ده بيكسّر اللي حواليكِ."

رفعت عينيها نحوه، وجففت دموعها كأنها تحاول أن تقنع نفسها بطمأنته :  "يعني إيه؟ بتحاول تقول إنّي غلطانة؟"

ضحك بخفّة، أمسك بيدها وكبّر لها الكف بين يديه كمن يريد أن يطبع على قلبها وعدًا لا يُرجع :  "مش بتحسّي؟ أنا قدامك، بحبك. أنا اللي اخترتك. أنا اللي ممكن أنهضلك لما الدنيا تنهار. مش عايز أسمع منك كلمة تظنّيني فيها نصّاب أو خاين. أنا حبيتك إنتِ."

كانت كلماته ناعمة، لامست جرحها ففتحت له نافذة أمان ولو لبرهة. لكن في عينيه، تحت الوهج، لمعت فكرة باردة لم تُنطق؛ لمعة حسابية لا تتماشى تمامًا مع دفء عباراته.

همست نور بصوتٍ يختلج بين التراجع والرجاء :  "أنا ممكن أكون ظلمتك من غير ما أعرف. ساعات بحسّ إني باخنقك بشكوكي، وبخاف أكون السبب اللي يدمر كل حاجة بينّا."

هزّ رأسه برفق، كأنه يؤكد اشتياقه لكنه أيضًا يضع إطارًا لما يريد :  "إسمعيني يا نور. لو كنتِ غلطانة، أنا هسامحك. بس ما ينفعش الشك يكون أسلوب حياة. كل شوية سؤال، كل شوية امتحان. أنا مش لعب عيال. إنتِ محتاجة تكوني متأكدة مش بس مني، من نفسك كمان."

نظرت إليه بنظرة يختلط فيها الندم بالأمل، ثم قالت بصوتٍ خامد :  "أنا تعبانة يا رياض. تعبت من إنّي دايمًا باقعد أبرر لنفسي وبحاول أصدّق. أنا محتاجة أمان، مش كلام فاضي."

مدّ رياض ذراعه، جذبها نحوه. لامس خدّها، وباس جبهتها برفق، وكانت كلماته هذه المرة أقرب إلى الطمأنة من الإقناع :  "أنا بحبك يا نور."

في نفس اللحظة، تحت العبارة الهادئة، مرّ في داخله فكرٌ خفيّ لم تنله الشفاه : حبيتك غصب عني؛ ما كنتش ناوي أدوّر على حاجة إسمها حب. بقيت الفكرة في صدره كخطة لا يريد الإفشاء عنها الآن.

جلست نور صامتة. قلبها يتهاوى، إطمأن جزءٌ فيها لأن الكلمات وصلت، وارتجف جزءٌ آخر لأن نظرته لم يزل فيها شيءٍ من البرود. كانت تدرك أن ما بينهما الآن مزيج من صدقٍ ظاهر وخداعٍ مدفون؛ وأن القرار فيما بعد سيعتمد على قدرتها أن ترى الحقيقة بعينٍ لا يخدشها العشق.

أغمضت عينيها لبرهة، ثم رفعت رأسها ووضعت كفّها فوق كفّه، كأنها تمنحه ثقةً على أملٍ لا تدري إن كان سيُسترد أم لا :  "أوعدك، أنا هحاول أثق. مش لأني مش خايفة، لكن لأني مش عايزة أخسرنا. بس أنت كمان، إوعى تكسرني."

إبتسم وقرب جبينه من جبينها كما لو أنه يؤكد عهدًا—عهدٌ هشّ بين حب يريد أن يكون حقيقيًا، وظلّ رغبة لا يزال يلوّح على هامش قلبه :  "ما تتكسريش يا نور. وإنتِ عارفة، اللي إنتِ محتاجاه، أنا ممكن أديهلك."

جلسا هناك، لحظاتٍ تلتها لحظات؛ نور تحاول أن توازن بين الإيمان والخوف، وهو يبتسم ويخفي في صدره حساباتٍ لن تنكشف سوى بمرور الزمن.

جلست نور بجانبه، وعقلها يغلي. قلبها يهمس : "أعمل إيه؟ أنا تايهة.."

لكن في اللحظة نفسها، عاد إلى ذهنها الحلم المخيف : النار التي تحيط به، والعجوز التي حذرتها. إرتجف جسدها وهي تتذكر أيضًا كلماته في الهاتف، ذلك الإعتراف الصارخ بامرأة أخرى. متجوّز.. وبيخون.

إرتجفت يداها في حضنه دون إرادة، فشعر بها. نظر إليها بدهشة وسألها :

 "مالك يا نور؟ إيدك ساقعة كده ليه؟"

إبتسمت ابتسامة باهتة، هزّت رأسها بسرعة وقالت :

 "يمكن عشان تعبت، بس خلاص، أنا كويسة."

لكن في داخلها لم تكن بخير على الإطلاق.

رنّ هاتف رياض أكثر من مرة. تركه على الطاولة، يهتزّ ويضيء، لكنها رأت بعينيها كيف تجاهل المكالمات وهو يطفئ الشاشة كل مرة بسرعة.

إبتلعت ريقها، ثم قالت بهدوء :

 "عارف، ميعاد مريم خلاص قرب. لازم أروح أجيبها من الحضانة."

إبتسم رياض ابتسامة حاول أن يجعلها طبيعية :

 "تمام. أنا هاجي معاكِ، وبعدين أبات هنا النهاردة."

شهقت نور بخفة، وابتسمت بارتباك :

 "إيه؟ لأ يا رياض، بعد كتب الكتاب. كل حاجة تبقى في وقتها."

ضحك بخفّة، صوته فيه تحدٍ :

 "يا حبيبتي، هو إحنا مش خلاص بكرة كتب كتابنا؟ يعني إيه اللي فارق؟ عادي."

لكنها نظرت في عينيه بثباتٍ لم تعهده في نفسها من قبل، وقالت بجدية :

 "أنا عايزة أجهز نفسي، يوم زي ده مش بيتكرر. لازم أكون مستعدة زي ما يليق. وإنت لازم تسيبني أعيش اللحظة دي من غير استعجال."

ظلّ يحدق فيها لحظة، يحاول أن يقرأ إن كان وراء كلماتها شيء آخر. ثم ابتسم ابتسامة صغيرة وهو يلتقط سيجارته :

 "أوكي، زي ما تحبي. بس بكرة ما عندكيش حجة."

هزّت رأسها بابتسامة هادئة، بينما في داخلها كانت تدعو : "يا رب خرّجني من المصيدة دي بسلام."

وقف رياض، جمع أغراضه، وقبل أن يغادر ألقى عليها نظرة طويلة، فيها شيء من الريبة وشيء من الامتلاك.

قال وهو يضع يده على الباب :

 "نامي كويس، بكرة يومنا الكبير."

أغلقت الباب خلفه ببطء، وأسندت ظهرها عليه. عيناها امتلأتا بالدموع، يداها ترتجفان وهي تهمس لنفسها :

 "أنا مش عارفة أعيش الليلة دي، يا رب قوّيني. أنا محتاجة أكون أذكى من الشيطان نفسه."

وانهارت على الأرض، تحتضن ركبتيها، بين خوفٍ يلتهمها وإيمان تحاول أن تتشبث به.

وقفت متجمّدة لدقائق، ثم اندفعت نحو غرفة نومها. غسلت وجهها بماء بارد، ثم فرشت سجادة الصلاة.

كبرت، ووقفت بين يدي الله. دموعها انهمرت من أول آية، ركعت وسجدت كأنها تفرغ كل ما حملته من خوف وقهر. وفي السجود همست :

 "يا رب.. إنتَ العالم باللي في قلبي. إنتَ شايف ضعفي، شايف خوفي. أنا مليش غيرك، أنقذني يا رب. أنقذني من شرّه، من شرّ نواياه. نجّيني أنا وبنتي. يا رب ما تسيبناش وحدنا."

كانت تبكي بحرقة، قلبها يرتجف، وكتفاها يهتزان مع كل شهقة. مدت يديها للسماء وقالت :

 "اللهم إجعل كيده في نحره، واجعل تدبيره تدميرًا عليه. يا رب إن كان في قلبي ميل، فارفعه عني. وإن كان في كلامه خداع، فاكشفه لي. اللهم خلّصني منه بما شئت وكيفما شئت."

إنتهت من الركعتين وجلست على الأرض، تمسح دموعها بطرف طرحتها. أحست لوهلة أن الله يسمعها، أن هناك قوة أكبر من خوفها تحتضنها.

همست أخيرًا بصوت متهدّج لكنه أقرب للطمأنينة :

 "يا رب.. غدًا يومهم، واجعل غدي أنا بداية نجاتي."

وأغلقت عينيها، مستسلمة لحظة لليقين، بينما ما زال صوت خطوات رياض يتردّد في أذنها، كأنه ظلّ لا يزول.

جلست نور على الأرض بعد الصلاة، قلبها مازال يرتعش، لكن عينيها مليانة إصرار. مدت إيدها للتليفون، عملت مكالمة جماعية مع البنات.

جاء صوتها مبحوح :

 "يا بنات، لازم أحكيلكم. أنا خلاص مش قادرة أتحمّل."

سكتوا كلهم في نفس واحد. نور كملت وهي بتشهق :

 "أنا سمعت رياض بيتكلم في البلكونة. بيقول لو كتب كتابي، هيخليني أمضي تنازل وأنا مش عارفة. وبيقول لواحدة تانية بحبك، وبيقول لها إنتِ مراتي. أنا خلاص، إتأكدت. هو نصاب، وهو بيخدعني."

إنهار صوتها في السماعة.

ياسمين ردت بسرعة، صوتها فيه رجفة غضب :

 "يا نور، إنتِ مش لازم تستني ولا دقيقة. لازم تمشي. تسيبيه قبل ما يبتلعك. هتسافري فين؟"

نور مسحت دموعها وقالت بإصرار لأول مرة :

 "أي طيارة بالليل، للبنان أو الأردن. مش فارق. المهم أخرج من هنا."

فرح شهقت :

 "إيه؟ دلوقتي؟!"

نور هزّت رأسها، والدموع بتنزل :

 "أيوه دلوقتي. أنا مش هستناه يضيّعني. مش هستناه يكتب كتابي بكرة ويمسكني في قفص. أنا لازم أهرب أنا ومريم، وإلا مش هشوف النور تاني."

البنات سكتوا لحظة، وبعدين صوت فيروز ارتفع بالحزم :

 "خلاص، إتفقنا. إنتِ تبدأي تجهزي شنطتك، ورقك، دهبك، فلوسك. إحنا اللي هنجيب مريم من الحضانة. هنتصرّف."

نور قالت بصوت متقطع :

 "أنا هكلم الحضانة دلوقتي وأقولهم إني تعبانة، وإن واحدة صاحبتي هتيجي تستلمها. عشان ما يشكوش."

سلمى ردت بسرعة :

 "تمام. أنا اللي هروح أجيبها. وإنتِ لحد ما أرجع تكوني خلصتِ ولمّيتِ كل حاجة."

نور كانت بتسمع صوتهم وهي تبكي، بس لأول مرة حست إنه فيه سند، فيه ناس مش هيتركوها تضيع.

قامت على طول، فتحت الدولاب، بدأت ترمي هدومها وهدوم مريم في الشنطة بسرعة. على الكومودينو جمعت جوازات السفر، شهادات الميلاد، الفيزا، وكل ورقة ممكن يحتاجوها. فتحت درج صغير وأخرجت علبة فيها ذهبها، ضمّتها لصدرها، وبعدين حطتها جوه الشنطة.

وهي بتجهز، التليفون رن : رياض.

بصت للشاشة، قلبها وقع. تجاهلت الاتصال. رن تاني… وثالث… وهي واقفة قدام شنطتها، إيديها بترتعش.

تمتمت وهي تمسح دموعها :

 "يا رب.. قوّيني. أنا مش هرجع ورا."

البنات كانوا لسه على الخط، يسمعوا صوت نفسها المتلاحق. ياسمين قالت بحنان ممزوج بالقوة :

 "خلي بالك يا نور. الليلة دي صعبة، بس هي ليلة نجاتك."

  رنّ هاتف نور مرة تانية. هذه المرة ضغطت على زر الرد، وهي تحاول تخفي ارتباكها :

 "ألو يا رياض؟"

جاء صوته متوتّر لكنه متصنّع الهدوء :

 "إنتِ كويسة؟ صوتك غريب."

إبتلعت ريقها، إبتسمت ابتسامة مصطنعة وهي وحدها في الشقة وقالت :

 "آه… أنا تعبانة شوية بس. هرتاح لحد ما مريم تيجي. متقلقش، كله تمام. بكرة يومنا الكبير."

سكت لحظة، كأنه يفتّش في نبرتها، ثم قال :

 "طيب، خلي بالك من نفسك. أنا هكلمك كمان شوية."

أغلقت الخط بسرعة، وأسندت الموبايل على صدرها. دموعها نزلت، لكنها همست :

 "نجحت… صدّق."

بعد دقائق قليلة، جرس الباب رن. فتحت بسرعة، لقت البنات قدامها، عيونهم كلها لهفة وخوف. دخلوا الشقة في لمح البصر، حضنوها، وساعدوها تكمل لمّ الشنط.

ياسمين بصتلها بجدية وقالت :

 "نور، قوليلي بصراحة، مضيتي أي ورق؟ عملتِ توكيل عام؟ مضيتي على حاجة بإسمك؟"

نور هزّت راسها بسرعة :

 "لا… لا مضيتش ولا ورقة، ولا توكيل. حتى الحساب البنكي بإسمي لسه ما دخلتش حد فيه."

ياسمين تنفست بارتياح، لكنها رفعت حاجبها وقالت :

 "خلاص… يبقى اللي كان ناوي عليه لسه ما تمش. إسمعي كلامي، ده لعبته المعروفة. بينصب باسم الحب، وبياخذ توقيعك، وبعدها يسيبك على الأرض فاضية. إنتِ عملتِ الصح… نصبتي عليه قبل ما ينصب عليكِ."

نور عضّت شفايفها، عينيها بتدمع، لكن في جوّاها طاقة قوة جديدة :

 "أنا مش هخليه يكسّرني."

تحركوا بسرعة. سلمى كانت ماسكة إيد مريم، جايباها من الحضانة بعد ما بلغتهم إن "ماما تعبانة وصاحبتها اللي هتستلمها". مريم جريت على أمها، حضنتها بقوة :

 "ماما، وحشتيني."

نور بكيت وهي تضمها لصدرها :

 "وأنا كمان يا روح قلبي، عمرنا ما هنتفرق تاني."

طلعوا كلهم من البيت في صمت، نزلوا الشارع، ركبوا التاكسي، واتجهوا على المطار. كل واحدة فيهم كانت ماسكة شنطة، وكلهم بيغطّوا على نور عشان ما تحسش إنها لوحدها.

وفي المطار.. وقفت نور قدام شباك التذاكر. قلبها بيخبط وهي بتقول للموظف :

 "أول طيارة خارجة بيروت أو عمّان. أي مكان، بس الليلة."

الموظف بدأ يدور في الكمبيوتر. البنات حواليها، ياسمين ماسكة إيدها بقوة. فجأة.. وسط الزحام، دوّى صوت من وراها ينادي :

– "نور!"

تجمّدت في مكانها.

الدم جرى في وشها، قلبها وقف لحظة، وعينيها اتسعت.

رفعت رأسها ببطء، والهواء كأنه اتسحب من رئتيها.

مين… اللي نادى؟

**أحببت نصابا**

بقلم نسرين بلعجيلي 

Nisrine Bellaajili 

الحلقه 10

توقفت أنفاس نور وهي تسمع الإسم يناديها وسط زحام المطار. إلتفتت، فارتجف قلبها حين وقع نظرها على وجه مألوف… ندى.

ندى، صديقتها البعيدة، كان زوجها صديق زوج نور ، واقفة هناك بحقيبة سفر، عيونها مشدوهة وملامحها ما بين فرحة ودهشة. مدّت يدها وقالت بصوت متلخبط من المفاجأة :

 "يا نور؟! سبحان الله، إنتِ هنا؟"

نور ماقدرتش تمسك نفسها، دموعها سالت غصب عنها. جرت عليها، حضنتها بقوة، وهي تهمس :

 "الحمد لله… يا رب لك الحمد. يا رب لك الشكر. إنتَ اللي بعثتلي الرسالة دي… إنتَ اللي معايا."

كانت كلماتها دعاء أكثر من كونها حديث. وقفت وسط الزحام، ودموعها تنزل بحرارة، ترفع عينيها للسماء وتقول في سرها :

 "يا رب… أنا كنت واقفة بالعافية. أنا كنت ضايعة. وإنتَ دلوقتي بتقول لي إنت مش لوحدك. إنتَ بتجبر بخاطري."

ندى حضنتها من غير ما تفهم التفاصيل، لكن وجودها في اللحظة دي كان كافي يطبطب على جرح عميق.

نور: إنت مسافره فين؟؟

ندى : انا رايحه بيروت في شغل جوزي هشام لازم أمشي و اتابعه.

هنا نور فرحت و ضحكت. 

بعد دقائق، نور لملمت نفسها ومسحت دموعها. مشت بخطوات ثابتة ناحية شباك التذاكر. كانت خلاص مقررة تروح الأردن، لكن وقوف ندى قدامها غيّر كل حاجة.

قالت للموظف بصوت واثق :

 "غيّر الوجهة.. بيروت."

وأول ما استلمت التذكرة في إيدها، قلبها امتلأ بيقين جديد :

"دي مش صدفة، دي تدابير ربنا. جبر خاطر ماكنتش أتخيله. أنا مسافرة مع ندى، والنجاة قريبة."

نور وقفت قدام البوابة، والدموع مغرقاها. البنات حواليها، حضنوها واحده واحده.

ياسمين مسكت إيدها بقوة وقالت :

 "إحنا معاكِ يا نور، حتى لو مشينا من هنا. اتطمني، إنتِ مش لوحدك."

فيروز مسحت دموعها وقالت بابتسامة باهتة :

 "شدّي حيلك. إنتِ أقوى من كل اللي حصل."

سلمى ضمّتها وقالت بصوت مبحوح :

 "خلي بالك من نفسك ومن مريم، وربنا هينصرك."

نور بصت في عينيهم واحدة واحدة، وقالت وهي مش قادرة تتحكم في شهقاتها :

 "أنا عمري ما هنسى وقفتكم معايا، ربنا يجازيكم عني كل خير. إدعولي محتاجة دعواتكم."

مريم مسكت إيدها بقوة، وندى قربت منها. البنات لمّوا الشنط في صمت، ونور مشت معاهم بخطوات ثقيلة، كأن قلبها بيتقطع بين الخوف واليقين.

ولما دخلت الصالة مع ندى، لمحتهم من ورا الزجاج بيرفعوا إيديهم يدعوا لها. لوّحت لهم بإيد مرتعشة، ودموعها نزلت أكثر.

على مقعد الطائرة، لما سكنت الأضواء وانطفىء الضجيج، مدت نور إيديها للمسبحة. دموعها نزلت بحرقة، وبدأت تدعي، صوتها بين الخشوع والانكسار :

 "يا رب… إنت العالم بخبايا القلوب. إنت شايف ضعفي ووجعي. اللهم اجعل سفري ده نجاة، واجعل خطوتي دي بداية جديدة. يا رب… إجعل كيده في نحره، واجعل تدبيره تدميرًا عليه. اللهم أرني فيه يومًا أسود زي ما وجع قلبي وكسّرني."

شهقت، ودموعها غرقت كفوفها وهي ترفعها للسماء :

 "يا رب، أرزقني الأمان بعد الخوف، والصدق بعد الكذب، والحب اللي يرضيك بعد الخيانة. يا رب، إحفظ بنتي، احميني معاها، وابعد عنّا كل شر. اللهم لا تتركه يفرح بخداعه، ولا ترحمه من عذابه."

ثم همست وهي تفتح عينيها على نافذة الطائرة والغيوم قدامها :

 "دعاء المسافر مستجاب… وأنا مسافرة في سبيل نجاتي. يا رب، اجعل دعائي ده باب خلاص، وافتح لي من عندك أبواب الخير."

مريم كانت نايمة على كتفها، وندى بتبص لها في صمت، لكن نور عاشت اللحظة بكل روحها. لأول مرة من زمن، حسّت إن قلبها بيودع خوفه ويسلّم نفسه كله بين إيدين رب كريم ما بيخونش.

وصلت الطائرة بيروت. نور كانت ماسكة إيد مريم كأنها ماسكة روحها كلها، وعينيها متعلقة بالسماء وكأنها لسه بتناجي ربنا. عند الخروج، لقت ندى واقفة جنبها، ماسكة شنطة صغيرة، مبتسمة ابتسامة فيها طمأنينة :

 "يلا يا نور، تعالي معايا، البيت عندي قريب، هتستريحي فيه."

نور هزت راسها بس من غير كلام. خطواتها ثقيلة، قلبها مخنوق، وعقلها لسه بيعيد المشاهد اللي هربت منها.

---

في شقة ندى، دخلوا الصالة. المكان دافي، بسيط، فيه ريحة قهوة متبخرة ولسه طالعة من المطبخ. ندى أخذت مريم بحنية وقالت :

 "يلا يا حبيبة، تعالي نامي في الأوضة. ماما محتاجة ترتاح شوية."

دخلت بيها على غرفة صغيرة فيها سرير مرتب، غطتها كويس، وقبلتها على جبينها. رجعت للصالة لقت نور واقفة وسطها زي الغريبة، شنطتها مفتوحة، عينيها مش بتشوف.

ندى بصتلها بقلق، قربت منها وقالت :

 "نور؟ مالك؟ في إيه يا أختي؟"

الكلمة دي كسرت السد. فجأة نور وقعت على الأرض، صرخت صرخة من عمق قلبها، صرخة وجع مكبوت من شهور. فضلت تضرب صدرها بإيديها وتخبط في قلبها :

 "خدعني يا ندى، ضيّعني، كنت فاكرة لقيت سند، طلع شيطان، طلع كذاب، أنا سلمتله قلبي.. كسّره"

صوتها كان بيرتعش، شهقاتها بتقطع نفسها. دموعها نازلة على الأرض، ويداها بتشد في شعرها.

ندى جريت عليها، قعدت على الأرض جنبها، حاولت تمسك إيديها :

 "هدي يا نور، بالله عليكِ هدي. إيه اللي حصل؟ قوليلي"

نور رفعت وشها، عينيها محمرة ومنتفخة، صرخت :

 "سمعته بيقول لواحدة تانية مراتي، بيقولها بحبك، وأنا هنا كنت مستنية بكره عشان أتجوز. هو نصاب يا ندى، نصاب وأنا كنت عمياء"

وقعت على حضنها تبكي، وصوتها متكسر :

 "أنا ضيعت عمري مع واحد ما يستاهلش، ضيعت نفسي وكنت هضيّع بنتي كمان"

ندى شدتها في حضنها بقوة، تمسح على شعرها وتقول وهي بتحبس دموعها :

 "بس إنتِ خرجتي.. إنتِ نجوتي يا نور. ما تفكريش إزاي دخلتي القصة، فكّري إن ربنا خلصك منها قبل فوات الأوان."

نور فضلت تبكي وتصرخ، قلبها بينزف وهي بتقول :

 "أنا تعبت يا ندى، والله تعبت. نفسي أرتاح، نفسي أحس بالأمان."

ندى مسكت وشها، بصتلها بعين مليانة حنان :

 "الأمان مش مع حد، الأمان من عند ربنا. إنتِ عملتِ أول خطوة، وهنا البداية الجديدة."

نور سكتت للحظة، صوت بكاها بدأ يهدى، لكنها لسه على الأرض، عيونها تدمع وتقول بصوت مبحوح :

 "يا رب… يا رب قوّيني. ما تسيبنيش أضيع تاني."

إنهارت نور على الأرض، صوتها يطلع من جوّاها زي زفرة محتقنة بقالها شهور :

 "هو ليه عمل فيا كده؟! ليه؟! أنا عملت له إيه؟ أنا حبيته من قلبي، ما ظلمتوش، ما قصّرتش معاه، هو ليه كسرني كده؟!"

قعدت تضرب صدرها، مكان قلبها، كأنها عايزة تطلع منه كل الوجع :

 "يا رب.. هو عارف إني مكسورة من زمان، هو عارف إني عشت وجع مالوش آخر، ليه ما صعبتش عليه؟! ليه ما رحمش ضعفي؟!"

صوتها انكسر، دموعها غرّقت وشها، وهي تهمس وتصرخ في نفس الوقت :

 "أنا حلمت.. حلمت بيه في النار.. حلمت أكثر من مرة إنه شرير، ومع ذلك كنت بصدّق. ليه يا رب كنت شايفاه مختلف؟ ليه؟!"

رفعت راسها للسماء، بإيدين مرتعشة :

 "إنت بتحبني يا رب، بعثت لي ناس تحذرني، واحد قال لي إنه نصاب، والثاني قال لي خذي بالك، وأنا يا غبية ما سمعتش. كنت بقول لأ، هو غير الناس، هو مختلف، لكن الحقيقة طلعت أبشع من أي كابوس"

إنفجرت في بكاء مرير، والصرخة خرجت من قلبها :

 "اللهم إني مظلومة، اللهم فانتصر. اللهم اجعل كيده في نحره، وتدبيره تدميرًا عليه.. اللهم اجعل أي فرحة في حياته حسرة.. وأي خطة يرسمها خراب.. اللهم أرني فيه يومًا أسودا يشفي صدري ويبرد قلبي"

وقعت على جنبها، جسمها كله بيرتعش، وصوتها يتهدّج وهي تكرر :

 "أنا مش باستاهل كده، مش باستاهل الخيانة، مش باستاهل الخداع  يا رب خُذ لي حقي في الدنيا قبل الآخرة."

ندى حضنتها وهي بتبكي معاها، لكن نور فضلت تردد الدعاء بإصرار غريب، كأنها أول مرة في حياتها تحس إنها بتسلّم وجعها كله لإيدين ربنا :

 "اللهم اكشف ستره قدام الناس كلها، اللهم اجعله عبرة لكل واحد يفكر يضحك على واحدة بريئة، اللهم احميني أنا وبنتي من شرّه. يا رب أنت حسبي، ونعم الوكيل."

ثم أغمضت عينيها على شهقة طويلة، كأنها سلّمت الألم كله للسماء، وما فضل جواها غير الصمت المبلل بالدموع.

ندى حضنَت نور بشدة، حاولت تقلل من رجفة الخوف اللي لسه بتهزها، وصوتها طالع ناعم وواثق :

 "يا نور لو زي ما قلتِ يبقى إنتِ قويّة. ربنا بيحب اللي بينصر نفسه ويكشف الظلم. إنتِ كشفتِيه، ومافيش حد يقدر يقول عليكِ إنك غلطة."

نور بكت وبصّت لها بعينيها الواسعتين، كأنها بتتلمس أرضية أمان جديدة.

ندى كملت بسرعة، كلامها رايق وحازم بنفس الوقت : 

 "ناس حذرتك منه قبل كده؟ أيوه. بس لسه إنك سمعتِ النهارده، وطلعتِ، وسبتيه وسبتي البلد — دي شجاعة. هو ماعملش حاجة، خلاص، ما عملش. دلوقتي إنتِ اللي هتلعبِيها عليه، بعلمِك. إنتِ هنا في أمان. مافيش حد يعرفك هنا، ومافيش حد يلمسك."

شدّت إيد نور بحنان : 

 "إنتِ ست قوية يا حبيبتي. هو مجرد نصاب، وخلصنا. إنتِ اللي كشفتيه، ومش هو اللي كشفك. إهدي بس. تعالي نامي شوية، ريّحي قلبك."

نظرت نور ليها بعيون مبللة، وسكتت. ندى طلعت، جابت معاها علبة صغيرة، قالت بحنية:  

"هديكِ حاجة تهدي الأعصاب، مش حاجة تضر. نومة بسيطة وتصحى بصباح جديد."

أعطتها الحبة بحذر، وضغطة على كتفها كانت كلها دعم : 

 "خذيها ونامي. لما تصحي، هنخطط كل حاجة خطوة خطوة."

نور مسكت الحبة بيد مرتعشة، نظرت لندى، وفي صوتها ارتعاشة قوية قالت : – "يا رب…"

بعد شوية، وقفت ندى جنب السرير بتتفرّج عليها وهي تغمض عيونها. نور كانت بتتنفس ببطء، وابتسامتها الصغيرة اللي كانت باردة قبل شوية بدأت ترجع، كأن ثقل كبير اتشال من صدرها. ندى لمّعت عينيها ونفَست وقالت لنفسها ولقلبها :

 "نامي يا نور. بكرة يوم جديد. ربنا معاكِ."

وفي هدوء الشقة، نامت نور أخيرًا، وندى قعدت جمبها لحين طلوع الفجر، تقرأ لها أذكار وتهدي قلبها بصوت خافت، وكأنها بتحرس حلمها الوحيد : نجاتها.

إستيقظت نور على ضوء الشمس الخفيف داخل غرفة ندى، وكأن النهار نفسه بيقول لها : "إبتدي من جديد."

عينيها ثقيلة من كثر البكاء والدواء، بس قلبها حس بإنها في مكان مختلف، مكان آمن.

دخلت ندى بهدوء، شايلة صينية عليها شاي بالنعناع وقطعة كيك صغيرة. إبتسمت وقالت :

 "صباح الخير يا عروسة، قومي افطري، النهارده يوم جديد."

نور إعتدلت بصعوبة، صوتها مبحوح :

 "هو أنا لسه عايشة؟ كنت فاكرة إن قلبي خلاص وقف امبارح."

ندى قعدت جنبها، مسكت إيدها وقالت :

 "إنتِ مش بس عايشة.. إنتِ اتولدتِ من جديد. اللي حصل ده مش نهايتك، بالعكس، دي بداية إنك تلاقي نفسك من غير قيود."

نور بصتلها بدموع محبوسة :

 "أنا لسه مش مصدقة إني بعدت عنه، هو أكيد دلوقتي بيقلب الدنيا عليا. يمكن بيدور، يمكن بيشتم، يمكن بيخطط."

ندى هزت راسها بثقة :

 "سيبيه يقلب زي ما يقلب. إنتِ خلاص خرجت من دايرته. وأهو ربنا جمعنا سوا، صدفة مش صدفة، تدبير ربنا. إنتِ معايا هنا، ومش هخليكِ لوحدك."

نور أخذت نفس عميق، وقالت بصوت مرتجف :

 "أنا عايزة أشتغل، أغير حياتي، أعمل حاجة ليا ولبنتي. مش عايزة أكون ضعيفة تاني."

ندى ابتسمت وقالت :

 "وهو ده الصح. أنا هساعدك تبتدي من هنا، نخطط سوا. عندك بنت محتاجة تشوف أم قوية، مش مكسورة."

نور عضّت شفايفها، ودموعها نزلت وهي تهمس :

 "يارب… إجعل ده بداية جديدة بجد. خليني أكون قد الحمل وأكون أقوى من أي نصاب، من أي وجع."

ندى ضمّتها تاني وقالت :

 "إنسي كلمة نصاب، هو خلاص بقا ماضي. المستقبل لسه قدامك."

ونور في اللحظة دي حسّت إن يمكن لأول مرة من شهور، فيه بصيص نور حقيقي بيتسلل لقلبها.

في نفس الوقت، كان رياض في شقته يتمشى كالنمر المحبوس. التليفون في إيده، بيرن مرة واتنين وعشرة… نور ما بتردش.

رمى الموبايل على الكنبة وصرخ :

 "مستحيل، نور ما تعملش كده… هي فين؟!"

فتح باب البلكونة، أشعل سيجارة تانية، وبص للسماء بعصبية. رسائل كثير من صفاء : "هي بتضحك عليك، لو ما خلصتش بكرة، الكبار مش هيسيبوك."

ضغط على أسنانه لدرجة إنه حسّ الفكّ هيكسر :

 "إزاي؟ إزاي راحت مني؟!"

قعد على الكرسي، مسك راسه بإيديه. للحظة، حس إن قلبه بيتقطع، مش عشان الخطة، لكن عشانها هي. حاول يطرد الفكرة، بس عقله ماكانش سايبه :

"أنا فعلاً حبيتها؟! ولا ده كان جزء من اللعبة واتحول لحقيقة؟"

أما في بيروت، كانت نور قاعدة مع ندى في البلكونة. نسمة بحر بتعدي، وضحكة مريم طالعة من جوه الأوضة وهي بتلعب.

أمسكت نور كوب الشاي، عينيها لسه حمراء من البكاء، لكنها رفعت رأسها لأول مرة وقالت :

 "أنا مش هسمح لحد يكسرني تاني. أنا لازم أوقف على رجلي، وأكون سند نفسي وبنتي."

ندى ابتسمت، لمست على إيدها وقالت :

 "أهو ده الكلام اللي يفرحني. إنتِ قوية يا نور… ودي بداية جديدة ليكِ."

نور رفعت عينيها للسماء، والدمعة بتنزل من غير ما تحس :

 "يا رب… أنا إديتك قلبي المكسور، وإديتك وجعي. ساعدني أبني من تاني. ما تسيبنيش لوحدي."

وفي اللحظة دي، نور حسّت بحاجة غريبة، كأنها رسالة من ربنا، إن اللي جاي أصعب يمكن، لكن جواها طاقة جديدة بدأت تولد.

ليلٌ خانق.

وقف رياض قدام باب شقة نور، إيده على الجرس يضغط بعنف، مرة واتنين وعشرة. صوت الجرس بيرنّ في العمارة كلها، لكن الباب ثابت، صامت.

صرخ بصوت مخنوق :

 "يا نور! إفتحي! إنتِ جرى لك إيه؟!"

خبط بإيده على الباب، برجله كمان، وصوته بيتحشرج بين الغضب والهلع.

رجع يبعد خطوة، مسك شعره من فوق، عيونه حمراء من السهر والدخان.

فتح الموبايل، رنّ عليها رنّة طويلة، وبعدها انطفأ الخط.

 "مقفول؟!"

قرب الموبايل من وشه، قعد يكتب رسائل زي المجنون :

"إنتِ فين؟!

"ما تلعبيش بالنار يا نور.

"لو فيكِ حاجة قوليلي، أنا جاي في ثواني."

ضغط إرسال، الرسائل تخرج واحدة ورا التانية، ومافيش رد.

دخان سيجارته اختلط بأنفاسه الثقيلة. رجع جلس على سلالم العمارة، ويده تهتز وهو يفتح رسائل صفاء.

 "هي بتضحك عليك."

 "إلحق خلّص قبل ما يطير كل حاجة."

– "الكبار مش هيسيبواك."

ضرب الموبايل في الأرض بقوة، تفتت الزجاج الجانبي، صرخ بصوت مجروح :

 "هي راحت فين؟! ليه عملت كده؟! سمعتني؟! لأ… مستحيل! لو كانت عرفت حاجة كانت واجهتني. نور مش كده!"

وقف، عيونه بتدور حواليه بجنون. طلع السلالم تاني، ضرب الباب برجله، والعرق نازل من جبهته.

– "يا بنت الجن، إفتحي، إنتِ فين؟!"

جاره من فوق فتح الباب نص فتحة وقال بعصبية :

 "إيه الصوت ده يا أستاذ؟ هو في إيه؟"

إلتفت له رياض، ووشه مليان غضب مكتوم :

 "هي هنا؟ شُفتها؟! شُفت حد خارج من الشقة؟!"

الراجل هز راسه وقال ببرود :

 "من بدري مافيش حد، والبيت مظلم."

قفل الباب من غير كلمة زيادة.

رياض وقف وحده في الطرقة، حس إن الجدران بتسخر منه. مسك تليفونه من الأرض، جمع أنفاسه بصعوبة، وصوت داخلي بيصرخ :

"هي مشيت؟ سابتني؟ ولا حد خطفها؟ ولا لعبت عليا؟!"

ضغط على صدره، قلبه كان بيخبط كأنه هيخلع ضلوعه.

ولأول مرة، الخوف الحقيقي خنقه، مش خوف على الخطة، لكن خوف من إنها فعلاً راحت منه.

ثلاثة أيام مرّوا كأنهم ثلاث سنين.

رياض ما نامش فيهم ساعة كاملة. دخانه كان صاحبه، وزجاجات الخمرة مرمية حوالينه زي جثث.

دور في كل مكان. اتصل بكل رقم يعرفه. حتى دخل على فيسبوك يفتّش، كتب إسم سلمى بعد ما شاف صورة قديمة جمعت بينها وبين نور. قلب الصفحة حرف حرف، وبعت لها رسالة طويلة:

"أنا رياض… عايز أطمن على نور. ردي عليا بالله عليكِ."

الرسالة اتشافت لكن الرد ما جاش.

رنّ عليها مرة واثنين وعشرة. التليفون بيرن، وبعدين يتقفل.

فضل يعضّ في صوابعه لحد ما الدم سال من أطرافها. عقله بيصرخ :

"هي عندهم، البنات خبّوها. كلهم ضدي."

…

بعد ثلاثة أيام، كان قاعد في شقته، شعره منكوش، لحيته نابتة بشكل فوضوي، عيونه محمرة ومنتفخة. السيجارة محروقة بين صوابعه، والرماد واقع على هدومه.

دخل توفيق، فتح الباب وشاف المنظر.

وقف لحظة، وبعدين قال بسخرية ثقيلة :

 "إيه ده يا رياض؟ ده شكلك مش ناقص غير تمد إيدك تشحت."

رفع رياض عينه ليه ببطء، زي الزومبي. صوته مبحوح :

 "هي راحت، نور راحت."

توفيق ضحك ضحكة قصيرة :

 "ما إنت اللي كنت عايز تلعب بيها. تلعب، تخسر. البنت طلعت أذكى منك."

رياض مسك راسه بين إيديه، صرخ :

 "أنا خسرت كل حاجة يا توفيق! خسرت نور، وخسرت نفسي، والفلوس. كل الخطة راحت."

توفيق جلس قصاده، ولع سيجارة وقال ببرود :

 "إنت اللي ضيعت نفسك. دايمًا فاكر نفسك أذكى من الكل، لكن المرة دي، وقعت."

رياض رفع وشه، ودمعة وحيدة نزلت من عينه، مش عارف إذا كانت على حب ضاع ولا على نصبة فشلت.

جلس توفيق قدام رياض، دخّن سيجارته وهو يبصله بعيون كلها سخرية وقال :

 "يا رياض، لعبت كثير. نصبت على ستات كثير. كل مرة كنت تطلع كسبان، عايش دور النصاب المحترف. بس أخيرًا، جات واحدة غلبانة، وعلّمت عليك. ضحكت عليك يا صاحبي."

رياض رفع راسه فجأة، عينه كلها دموع ودم وغضب :

 "اسكت يا توفيق، إنت ما تعرفش حاجة!"

ضحك توفيق ضحكة ثقيلة، نفث الدخان وقال :

 "الفلوس اللي المفروض تسددها هتعمل فيها إيه؟ الناس مش هترحمك. صفقة المشروع راحت. حلمك الكبير فشل. ونور آه يا رياض، نور الغلبانة دي سابت فيك علامة هتفضل تحرقك طول عمرك."

هنا رياض اتشنج. ضرب الطاولة بإيده لدرجة إن الكوب اتكسر. صرخ بجنون :

 "نور؟!! نور كسرتني، أنا اللي هكسّرها، مش هسيبها تعيش مبسوطة لحظة. أنا اللي خلّيتها ملاك، وهخليها تعرف جحيم الدنيا!"

توفيق اتكأ ببرود وقال :

 "وصفاء؟ مش هي كمان ضحيتك؟ إنت غرّقتها في لعبتك."

صرخ رياض، عروقه نافرة، صوته متقطع من الغضب :

 "صفاء مش ضحية، صفاء شيطان، هي ما اتجوزتنيش علشان بتحبني، إتجوزتني علشان تلاقي غطاء قدام الناس. صفاء عمرها ما عرفت يعني إيه حب، بنتها نفسها رمتها. وأنا؟ أنا اللي اتزنقت، اتزنقت واتحاصرت بيها زي الكلب. أنا ما ضربتهاش على إيدها، هي اللي جرّتني، حاصرتني، ربطتني بالجواز ده!"

قعد ثاني، شعره منكوش ووشه غرقان عرق ودموع، وضرب صدره بيده :

 "أنا ندمان يا توفيق، ندمان إني دخلت السجن برجلي. اتسجنت معاها وهي السجانة!"

بعدين رفع راسه، عيونه كلها نار، صوته مليان حقد :

 "بس نور.. آه يا نور، إنتِ ما تعرفيش أنا مين. لو الدنيا كلها وقفت قصادي أنا هاخليكِ تدفعي الثمن. هتندمي إنك ضحكتِ عليا. أنا هانتقم، وعمري ما هسيبك."

بدأ رياض ينهال بالرسائل، واحدة تلو الأخرى.

تهديدات… شتائم… اتهامات جارحة :

 "إنتِ كنتِ بتلعبي بيا."

 "إنتِ ست خاينة، عمرك ما حبيتيني."

 "أنا فضحتك… وهخليكِ عبرة."

كتب وكأن الكلام نار، يريد أن يحرقها به.

لكن الصدمة أن نور لم ترد.

كانت تقرأ وتصمت.

ولا كلمة.

انسحابها كان جدارًا عاليًا أوقفه أمام نفسه. وجعه أكثر من ألف رد.

كل دقيقة كان يتخيّل ردًّا منها، كل ثانية كان يرجو كلمة. لكن الصمت كان مطبقًا. صمتها جرّده من سلطته.

جرح غروره.

بدأ يحاول أن يقنع نفسه :

 "هي اللي خسرتني."

 "أنا أقوى منها."

 "أنا اللي سيبتها، مش هي."

لكن صوته الداخلي كان يعود صارخًا :

"كذّاب يا رياض… هي اللي كسرتك. صمتها هو اللي حطّمك."

عاد إلى توفيق بعد ثلاثة أيام.

فتح توفيق الباب، فوجد رياض غير الذي عرفه.

لحيته طويلة، شعره منكوش، جسده عارٍ إلا من شورت باهت، يحك جلده كأنه مسموم. وجهه غامق، عيناه حمراوان، وفيهما غضب بركان محبوس.

حاول توفيق أن يهزّه :

 "فوق يا رياض! إيه اللي جرالك؟ إنت كنت أسد، إيه اللي خلاك كده؟"

لكن رياض لم يرد.

جلس على الأرض، ماسكًا رأسه بين يديه، يلهث كالمجنون.

حتى صفاء، التي كانت دائمًا ملتصقة به، استغربت حالته.

وجدت وحشًا مكسورًا، لا يثير فيها لا خوفًا ولا رغبة. تركت الشقة وسافرت.

والنساء اللاتي كان يتفق معهن، انسحبن واحدة تلو الأخرى من حياته. هو الذي كان دائمًا الصيّاد، أصبح الفريسة.

أكثر لحظة كسرت قلبه عندما عرف أن نور عملت له "بلوك" من كل شيء.

من الهاتف، من الرسائل، من المواقع.

من حياتها كلها.

وقف أمام المرآة، رأى نفسه جيدًا.

عيون خبيثة، وجه شيطان. ضحك ضحكة مشوهة، ثم تبعتها دموع.

تذكّر الحلم الذي رآه : النار تحيط به من كل جانب. الدوائر التي تسجنه.

شعر بها الآن.

النار لم تكن حلمًا، النار أصبحت داخله.

جلس على طرف السرير، يصرخ في صمت، يحك جلده كأنه يريد أن يخرج من جسده. لكن الحقيقة كانت أوضح من أي وقت مضى :

رياض… إنتهى.

آاند فلاش باك......

رنّ جرس الباب. قامت نور ببطء، قلبها يخبط، فتحت الباب لتجد أمامها سلمى، فيروز، فرح، وياسمين.

إندفعوا ناحيتها وحضنوها بقوة. دموع امتزجت بابتسامات، لحظة دفء بعد عاصفة طويلة. جلسوا جميعًا في الصالة، وكل واحدة عينيها مليانة أسئلة.

ياسمين كانت أول من تكلمت، بصوت مبحوح :

 "إحكي يا نور… إيه اللي حصل بعد ما مشيتي؟ إزاي قدرتِ تكملي؟"

نور ابتسمت إبتسامة هادئة، عينيها مليانة نور وإصرار :

 "اللي حصل علّمني درس كبير، إن ربنا ما بيسيبش عبده. يمكن الوجع كان كبير، بس ما كانش هيهلكني. أنا سلّمت أمري كله لربنا، قلت : يا رب، إنت الحكم العدل، وانت اللي شايف وبتعوض. ومن هنا حسّيت بالقوة."

فيروز سألتها، بصوتها الحنون :

 "يعني… عديتي ازاي؟"

نور أخذت نفس عميق وقالت :

 "بكيت… آه، بكيت كثير. يمكن 3 أيام ما عملتش غير دموع. بس بعد كده، حسّيت إن ربنا بيعوضني، بعثلي ناس تقف جنبي، بعثلي رسائل تفتح عيني. عرفت إن اللي كنت عايشاه وهم، وإن الوجع ده مش نهايتي، بالعكس، هو بداية جديدة."

فرح قالت والدموع في عينيها :

 "إنتِ بجد قوية يا نور. بس هي بس المكالمه اللي سمعتيها هي اللي صحاتك ؟"

نور هزت راسها :

 "قوتي مش مني، قوتي من ربنا. أنا مجرد واحدة قررت ما تستسلمش، قررت أسيب الوجع لربنا وأقول : اللهم دبر لي فإني لا أحسن التدبير.

وكمان ربنا كشف ليا الحقيقه من مكالمه تانيه وصلتني و حقائق اكتشفتها و ورق وحاجات كثيره من ناس ماكنتش متوقعاهم.

رياض كان متعري قدامي بس كان عندي صراع بين عقلي و قلبي "

سادت لحظة صمت، قبل ما ياسمين تبص لها وتقول بهدوء لكن بفضول :

 "طب قوليلي يا نور، لو جه يوم من الأيام، وطلب منك تسامحيه، ممكن تعملي كده؟"

نور رفعت راسها، عينيها فيها نار هادية لكنها حاسمة :

 "مستحيل. عمري ما هسامحه. لأنه ما عندوش رحمة. اللي ما فيش في قلبه رحمة، ما يعرفش يعني إيه حب، وما يستهلش سماح. أنا هسيبه لربنا، وهو أعدل مني ومن أي بني آدم."

كلماتها وقعت في القلوب زي السكينة. البنات بصّوا لها بإعجاب، حضنوها تاني، وكلهم حاسّين إنهم قدام نور جديدة… أقوى، أنقى، وأقرب لربنا.

الدفء يملأ المكان بعد برد طويل. نظرات البنات تلاحقها بفضول ورحمة، ثم قالت سلمى بصوتٍ متهدج : – «قوليلنا يا نور… النصاب ده بيعمل إزاي؟ هو كان بيضحك عليك ليه لحد ما وقعتِ؟»

نظرت نور إليهن، عينها لامعة بمزيج من ألم وطمأنينة، ثم فتحت فمها ببطء : – «النصاب عنده منهج ثابت. أول حاجة : يبان قدّامك إنّه فارس الأحلام — الكلام الحلو، الاهتمام المفاجئ، التفاهم اللي يحسِّسك إنك لقيتِ مين يفهمك. بعدين يخلّيك تبعدي عن الكل؛ يشكّك في كلام أصحابك، يقصّر معاهم أو ينسى مواعيد، ويبدأ يغيّر روتينك تدريجياً عشان تبقي لوحدك. بعدها يشتغل على ضعفك : يمدحك لحد ما تفتخري بنفسك في عينه، وبعدين يبدأ يسحب، يخليكِ تطلبي تأكيده، وتنسي إنك ليك الحق تقيسي عليه. لو استسلمتي — سواء بالمال أو بالتوقيع أو بالثقة — بيستغل ده علشان يقنّعك إنك مقصّرة أو مجنونة لو شككتِ. وفي الآخر… يسيبك لوحدك تواجهي الفضيحة والخسارة، وإنتِ بتحسّي إنك غلطانة لأنك صدّقتيه.»

فرح هزَّت رأسها بغضب : 

 «يعني بيلعب على كل حاجة حلوة فينا؟ بيحطها سلاح ضدنا؟»

نور بابتسامةٍ مرّة : 

 «أيوه. هو ما بيحبش. هو يحب حاجة إسمها المصلحة. الباقي مجرد تمثيل.»

ياسمين، بصوتٍ صارمٍ ينمّ عن حزن وحماية : 

 «طيب… والعقاب؟ ده اللي مهم. ربنا بيعاقب مين؟»

تنفّست نور، وكأن الكلمات خرجت من عقلٍ مؤمنٍ ثم قلبٍ مجروح :  

«العقاب الحقيقي مش دايمًا شكل فوري. ربنا يا حبيباتي لا يترك مظلومًا. النصاب يخسر، مشَ بس مالًا؛ يخسر راحته وسمعته وذاته. اللي يعيش على الخداع، قلبه يعرّى؛ ما ينامش مرتاح. كل خطوة بيعملها تجرحه من جوّة. وفيه كثير من الحالات، الناس تكشفه : ضحاياه تتكلم، أوراق تظهر، عقود تُراجع، وضمائر تنهار. وفي النهاية، القضاء ما يتركش منتهك الحق من غير حساب. وللّه حكمة : ممكن يعاقبه في الدنيا بالفضيحة والخسارة، أو في الآخرة بما لا يعلمه إلا هو؛ لكن العدل حَتميّ.»

سكتت لحظة، ثم قالت بنبرةٍ حازمةٍ لا تبتعد عن الرحمة : 

 «وإحنا لازم نعرف إن أحسن ردّ على نصاب مش بُكاء دايم، لكن إنك تقومي، تجمعي نفسك، تشفي جروحك، وتثبتِي إنك أحقّ بالكرامة من أي وهم خدعك. ربنا يعوّض اللي خسرتيه،

تكملة الرواية بعد قليل 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا