رواية الارث (صراع الآباء والابناء)الفصل التاسع وعشرون والثلاثون بقلم مروة البطراوى
رواية الارث (صراع الآباء والابناء)الفصل التاسع وعشرون والثلاثون بقلم مروة البطراوى
💜الفصل التاسع و العشرين 💜
الحمد لله الذى بنعمته تتم الصالحات 🌸🌸🌸
بشكر الجميله RojenKarimعلي الغلاف القمر ده
يا مصطفي ده نفس يوم فرحي علي سالم
نظر اليها مصطفي بحده و الجميع اتسعت حدقه عينيهم عندما تذكرت هذا اليوم و رددته
-مريم اعتبرى اليوم ده اتلغي خلاص هشوف يوم غيره و لأخر مرة بحذرك اسمه ميجيش علي لسانك.
دلفت بهيرة زوجه محمد لتشاركهم الطعام لتجد الصمت حليفهم و كأن علي رؤسهم الطير لتراوغها عائشه
-اتأخرتي كده ليه يا بهيرة الأكل هيبرد قلتلك سيبيني أنيمها و تعالي انتي كلي معاهم و عقلي جوزك عمال يضحك.
ابتسمت بهيرة بتوتر من الأجواء تسأل محمد بعينيها ماذا حدث ليرفع رأسه بأن لا تسأل و تجلس و تتناول طعامها
-معلش يا مرات عمي أنا نيمتها بسرعه و جيت علي طول كفايه سهرك معايا أول امبارح فترة و هتعدي بكره تكبر.
حاول محمد هو الأخر تغيير مسار الموضوع و فضل التحدث عن طفلته لعله يخترق حاجز الصمت الذي لا يبشر بالخير
-لؤلؤة كويسه و لا لسه تعبانه لو لسه تعالي نروح نكشف عليها احسن بلاش نهمل فيها من أولها يا بهيرة مع احترامي ليكي يا ماما.
ربتت بهيرة علي يديه لتطمأنه علي طفلته لطالما انتظرت هذا اليوم بشغف أن يكون لديها طفلا من محمد و شعور القلق علي الطفل و التفكير
-متقلقش .
خرج من غرفته بكرسيه المتحرك
-عايزكم كلكم تجهزوا كويس علشان خطوبه مريم اللي مش هتتأجل.
نظروا اليه جميعهم و كلهم هزوا برأسهم حتي مصطفي وافق لدرجه أدهشت مريم
-تمام يا بابا طالما انت اللي حكمت باليوم ده فكلمتك سيف علي رقبتي و رقبه الكل يا والدي.
😀😀😀😀😀😀😀 #الارث_صراع_الاباء_والابناء بقلمي #مروه_البطراوى
بعد مرور يومين قررت هاديه بعمل حفل خطبه صغير لشقيقها ضياء علي نفقتها الشخصيه
-ألف مبروك يا أحلي ياسمينا في الدنيا ربنا يقدرني ان أخلي ضحكتك تفضل منورة و شك ديما.
ابتسمت ياسمين بخجل و لكن من داخلها كانت تتطاير من السعاده ليس فقط لخطبتها و لكن لحديث ضياء
-الله يبارك فيك يا ضياء.و مبروك ليك انت كمان بس مش علي الخطوبه لا علي كلامك اللي زى العسل ده.
حاول ضياء اخبارها عن الاتفاقات التي أخذها مع عادل و لكنه كان يخشي من رده فعلها لتصرفه بدون رأيها
-كتب كتابنا الشهر الجائ ان شاء الله و بصي أنا بجهز نفسي من زمان يعني هنجوز علي السريع أنا عايش لوحدي.

صمتت ياسمين و لا تعرف سبب صمتها قد يكون رهبه من الزواج أم أنها كانت تريد الفرحه لشقيقها هو الأخر لينتبه ضياء
-ساكته ليه يا ياسمين؟زعلانه؟عموما عندك حق لتاني مرة باخد قرارات و بتفق مع عادل من غير ما أرجع ليكي و أخد رأيك .
ذكرها هو الأن بهذا الأمر حيث أنه لم يخطر ببالها فنظرت له نظرة قاتمه تود الفتك به و لتأخذها حجه للتأجيل حتي تحل مشكلة عادل
-هقول ايه يعني انت دماغك ناشفه و أي موقف بينا مش بيغيرك لا بترجع تعاند برضه يا ضياء افرض أخويا عايز يخلص مني تلبس انت؟
حزن ضياء
-و مالك زعلانه اني هلبس يعني؟
زفرت ياسمين بحنق لأنها شعرت بمشكله
-مفيش أنا مخنوقه أوى يا ضياء و محدش حاسس.
شعر ضياء أنها تسرعت في خطبتها منه و تراجعت
-بصي يا ياسمين احنا لسه في أولها لو حسيتي انك اتسرعتي
أوقفته ياسمين عندما شعرت أنه فهم عكس ما بداخلها فصارحته
-بصراحه كده أنا مكسوفه من نفسي أوى و أنا بفرح و أخويا مهموم.
تنهد ضياء براحه لأنها خالفت توقعاته و من ثم ربت علي يدها بحب قائلا
-انتي ايه يا ياسمينا قوليلي انتي ملاك صح.خايفه علي زعله و هو مش علي باله؟
هزت ياسمين رأسها بحزن و هي تنظر الي عادل الذي يظهر فرحته و هو بداخله ممزق
-توعدني يا ضياء انك ما تكتبش كتابي الا لما نحل المشكله دي بصراحه مش هقدر أشوفه كده.
قاطعها ضياء و وعدها أن يتدخل في الأمر حتي لو كلفه أي شئ لأنه يريد القرب منها و ليس خسارتها
-قلتلك أنا هتصرف و انتي ملكيش دعوة قوليلي بس االي اسمها حلاوتهم دي لسه بتيجي عندكم و لا خفيت؟
ابتسمت ياسمين بسخريه فعادل أمام الناس يعاملها بحب و لكنه مقاطع لها من يوم ما دافعت عن ولاء و أقنعته
- لا بس أنا معتمده عليك و مش حابه أحتك بعادل الايام دي نهائيا و لا عايزة أدخل بينه و بين ولاء هي كمان مش عايزة أحتك بيها.
عقد ضياء ما بين حاجبيه و استغرب عدم حضور ولاء رغم أنها صديقتها المقربه و أخذ ينظر الي عادل الذي ينظر الي الباب
-طب ليه؟هو عمل فيكي حاجه؟أنا عارف انه حذرك تدخلي ما بينهم و ده الطبيعي بس ليه مش عايزة تحتكي بولاء انتم زعلانين ؟
نظرت ياسمين أمامها و تذكرت أخر لقاء بينها و بين ولاء و الخناق الذي دار بينهم عندما طلبت من عادل أن يصالحها و هو هاتفها لينهرها
-أصلها بتقول عليا عيله.
مط ضياء شفتيه و شعر بالبلاهه
-طب فهميني ايه اللي خلاها تقولك كده؟

جزت ياسمين علي أسنانها بغيظ من ولاء
-بقولها جربي عادل تاني تقولي انتي عيله.
تعالت ضحكات ضياء لتبتسم هي بسخريه منه
-بتضحك علي ايه علشان هي بتقولي عليا عيله ؟
أخذ يهز رأسه بالنفي و هو ما زال يضحك لا يتمالك نفسه
-لا أبدا يا كبيرة يا عاقله أنا بس متخيلك و انتي بتقولي جربي.
مط ياسمين شفتيها باستياء علي استهزائه باقتراحها هو و ولاء
-اشمعنا يعني ؟فيها ايه لما أقولها جربي ترجعي له لأخر مرة هااا؟
حاولت تهدئه أنفاسه من الضحك و تنحنح يبتلع ريقه لكي يفهمها الحوار
-يعني ممكن كنتي تقوليها بطريقه أحسن مش جربي جربي دي معناها انك مش واثقه فيه.
ارتفع حاجبي ياسمين علي تفكير ضياء و تفكير ولاء ان كان هذا نفس تفكيرها و سخرت قائله
-نعععم مش واثقه فيه بقي أنا اللي مش واثقه فيه و لا هي و الله ده من يومها و هو بيدبل قدامي يا حبيبي.
ابتسم ضياء بفرحه علي حبها لشقيقها و هذا ما سيجبرها علي تقبل حب هاديه الأمومي له و عدم الاعتراض
-بعد الشر عليه يا حبيبتي يعني بتحبيه أكتر مني؟اخص عليكي يا ياسمينا و أنا اللي كنت مفكر حبك الأول و الأخير؟
تعجبت ياسمين من سؤاله و لا تنكر أنه أدخل عليها السرور و السعاده من غيرته حتي لو كانت علي سبيل المزاح من عادل
-انت شايف ايه؟أكيد شايف ان حبي لأخويا حاجه و انت حاجه تانيه عادل ده أبويا اللي رباني أما انت الانسان الوحيد اللي قلبي دق له.
ابتسم لها ضياء و تعالت دقات قلبه من أثر كلماتها هو كان يحتاج لأنثي مثل ياسمين تعدل من مزاجيته و قتامة العيش و الحياه الذي يعيشها
-قلبي انتي.
💖💖💖💖💖💖💖 #موكا_سحر_الروايات رواية #الارث_صراع_الاباء_والابناء
كانت تجلس في شقتها بعد ما تجاهل عادل اتصالتها تخشي أن تخرج و تقابل سالم و يفتعل بها جريمه فجأه رن جرس الباب لتزفر بحنق لتوقعها أنه البواب فخرجت الي الشرفه لتجد أن البواب موجود بأسفل العمارة هاتفت نوال أخبرتها أنها لن تأتي اليوم غمرتها السعاده لأن عادل وعدها أن يأتيها يوما ما ركضت الي غرفتها و فكت حجابها و أسدلت خصلاتها و ذهبت لتفتح الباب و تتسع ابتسامتها التي تحولت الي ذعر و خوف كادت أن تغلق الباب بسرعه من رؤية عينيه و لكنه اقتحم عليها و دلف بسرعه و أغلق الباب من خلفه و توجه اليها يجذبها من خصلاتها
-كنت سايبك علي راحتك و استنيت تطلبي الطلاق بلسانك.
ارتعشت حلاوتهم و حاولت تهدئة غضبه و لكنه أخذ يسحبها
-انت كويس يا سالم أصل شفت مصطفي جاي و عينه شرار خفت ليعمل فيك حاجه.
طرق رأسها بالحائط ليس علي كذبها فقط بل علي خيانتها أيضا و تبريرها المضحك
-عيب عليكي انتي لسه مش عارفاني و لا ايه ده لا مصطفي و لا محمد و لا أبويا يقدروا عليا.
أخذت تتوجع و هو يطرق رأسها حتي سال الدم من رأسها و هي تصرخ تستنجد بأحد حتي تنجو
-طب معلش سيبني و أنا هفهمك و هرجعلك كل حاجه و هقولك عملت كده ليه انت السبب يا سالم.
تركها سالم و نفض عن يده خصلات شعرها التي اقتلعها و جلس أمامها يرفع قدميه فوق الطاوله يدخن سيجارته
-اتفضلي يا حلاوتهم قوليلي أنتي عملتي كده ليه و أنا السبب في ايه و أنا مستعد أكفر عن ذنبي معاكي بس كله هيرجع.
ارتبكت من اصراره علي ارجاع كل الممتلكات لعنت غبائها أنها سلمت كل شئ لعادل و عادل ابتعد عنها فكرت في تضليله
-أهلك فهمت من كلامهم أخر مرة يوم ما شفتك في شقه مريم لما بعتولي أشوفك معاها قالولي انهم هيعملوا المستحيل علشان ترجع.
ابتسم بسخريه و هو ينظر لها و هي تستخف به و تدخل أهله في الحوار لكي يقتنع لكن لا و ألف لا لن يصدقها حتي لو أرجعت كل شئ
-بصي يا حلاوتهم فاكرة أول مرة اتقابلنا لما كنتي جايه الحارة انتي و أمك و انتي بتلفي حواليا حتي لما اتجوزت خربتي بيتي يعني خرابه بيوت و خطافه رجاله مفيش راجل يصدق واحده زيك هتقولي ما انت صدقتني هقولك بمزاجي فاكرة لما قلتي انك حامل أنا ليه ما فرحتش أصل انتي جوازة مزاج أه عطيتك نص الأملاك و نصيب مريم بس انتي تحت ايدي بس تلعب بديلك و تلفي من ورايا يا وسسسسس******لا أجيبك تحت رجلي و كل حاجه ترجع و بعدها أتف في وشك و أرمي عليك يمين الطلاق يلا يا قطه خشي هاتي العقود من جوه علشان نروح تعمليلي تنازل أه و حاجه كمان هتمضي علي الكمبيالات دي تمن هروبك و تمن الدهب المغشوش اللي أمك ضحكت علي الصايغ و عطيته ليه بس تعرفي أنا مليش نفس أطلقك عارفه ليه نفسي أعرف مين الزباله اللي روحتي نمتي معاه بعد ما شوفتيني في بيت مريم و ممكن بعدها أطلقك لو شايف انه لايق
ازرق و جهي حلاوتهم لينعقد لسانها و لا تستطيع الرد ليسود الصمت طويلا و يخرج من جيبه الايصالات و يضعهم أمامها و يعطيها القلم لكي توقع و بالفعل وقعت كي تستطع اخباره أن الأملاك ليست لها الأن بل ملك عادل
بعد توقيعها بفترة التقط سالم الايصالات ينظر لها و من ثم يعاود النظر الي حلاوتهم ليجدها بعكس شخصيتها الذي يعرفها و جدها مثل اوراق الشجر المتساقطه و لكن كان لجفاء قلبه منها عامل مسيطر علي أنه يبتسم بخبث غير مراعيا لحالتها
-هيكون أجمل لو دخلتي جبتي العقود من جوه عارفه ليه لأن اللي مضيتي عليه ضعف اللي في العقود ايه رأيك بقا؟
سقطت بالفعل حلاوتهم كأوراق الشجر ليقلبها فوجدها مغشيا عليها ليتجه الي الغرفه يبعثرها و لكن لم يجد بها أي شئ ليرن جرس الباب فجأه انتظر حتي يمشي من علي الباب حتي لا أحد يراه و بالفعل كانت نوال أخذت تطرق و ترن عليها ليضع نوال هي الأخرى برأسه و يتوقع أن العقود لديها انتظر حتي رحلت و من ثم طوى الايصالات و تفحص هاتفها ليجد رقمها الجديد و أخذه ورحل يكفيه العقود التي تحمل ضعف الأملاك عزم أمره أن يقاضيها و تمني موتها لكي يورثها لطالما أخفت مكان العقودو حرمته منها
نهضت حلاوتهم بعد رحيله حيث كانت تتماثل الاغماء حتي لا يطالبها بالعقود
💪💪💪💪💪💪💪 #مروه_البطراوى جروب #موكا_سحر_الروايات
علي الجانب الأخر حملت بهيرة طفلتها الصغيرة لؤلؤة و ذهبت الي ثريا تزورها
-ازيك يا خالتي كده برضه من يوم ما جيتي تباركلي و انتي مش عايزة تيجي و تشوفيني؟
عقدت ثريا ما بين حاجبيها و استغربت زيارة بهيرة لها توقعت منع محمد لها أو جائت بدون معرفته
-أهلا يا بهيرة تعالي ادخلي مش عوايدك من امتي و انتي بتزعلي لما بتأخر عن شوفتك اوعي تكوني جايه من وراه.
ابتسمت بهيرة بمرح فثريا تفهمها أكثر من والدتها التي قاطعتها بعد رحيل ثروة عائلة الحمش لعدم تخليها عن زوجها و عائلته
-الله بقي ما انا طول عمرى كده يا خالتي انتي اللي مش عايزة تشوفيني و لا تشوفي لؤلؤ يا خسارة كنت جايه هنا لمصلحتك و ربنا.
رفعت ثريا حاجبيها و هي تستمع الي بهيرة و تحاورها معها لتتوقف عند تلك النقطه التي أخبرتها بها بهيرة أنها للمصلحه و أمرتها قائله
-انجزى
رفعت أكتافها
-و أنا يعني مش بنجز.
زفرت ثريا أنفاسها بحنق
-طيب قولي بقي في ايه قلقتيني.
اقتربت بهيرة من ثريا تهمس لها
-كنت بقول يعني اللي انتي عايزاه حصل.
شعرت ثريا أن بهيرة تمزح معها لمرة أخرى
-أنا عارفه و الله انك جايه تهزرى و أنا علي أخرى
ضحكت بهيرة بعفويه لأن ثريا تريد كلام موضح جدا
-اهدي عليا بقي أنا كنت عاوزة أقولك ان سالم راح لحلاوتهم.
اتسعت حدقه عيني ثريا بسعاده بالغه و نهضت و كادت تتراقص
-الخبر ده هينفعنا كتير بس استني كده انتي عرفتي منين و ايه اللي حصل؟
ابتسمت بهيرة بخبث ترفع أكتافها بغرور لتفهم ثريا أن بهيرة تكمل مشوارها
-هيبقي ليكي الحلاوة يا بهيرة لو اتحقق اللي في بالي يارب يكون عرف العقود فين.
نهضت بهيرة بعد أن وضعت ابنتها جانبا تربت علي كتفي ثريا لتطمأنها بثقه قائله
-يارب بس يجي ليها تاني لأن عرفت انه مضاها علي فلوس ضعف اللي خدته منه يا خالتي.
فتحت بهيرة حقيبتها و اخرجت منها هاتفها لتفتحه و تريها ما تم بشقه حلاوتهم من خلال وضع كاميرا عن طريق نوال
-امسكي يا ستي ده
#الارث_صراع_الاباء_والابناء😉😉😉
#مروه_البطراوى💃💃💃
#الفصل_الثلاثون🤗🤗🤗
اولا كل عيد فطر سعيد 🌸🌸🌸 و انتم بخير 💛💛💛
ثانيا انا مش راضيه عن تفاعل الروايه هتقولوا رمضان 😂😂😂 هقولكم كنت بتقروا حاجات كتير و كانت بتتفرجوا علي التي في الا بعض الناس و دول مكنش ليهم ظهور خااااص
ثالثا يا ترى هتتفاعلوا و لا هتتحججوا بايه تاني ؟؟؟
رابعا انا عايزة تفاعل يكون لايك و كومنت كلام مش استيكر و ريفيو تناقشيني فيه و كوميكس علي الأحداث و فيدوهات
خامسا لو مفيش تفاعل انا اسفه معدش في نزول روايات خالص
💗💗💗💗💗
الحمد لله الذى بنعمته تتم الصالحات 💜💜💜
تسجيل فيديو من ساعه ما دخل الشقه لغايه ما خرج بس عطاها علقه خلاها مسخ كان نفسي نبقي موجودين
نظرت ثريا الي الهاتف بدهشه و من ثم الي بهيرة لتلمح في عينيها نظرة التعلب التي تخص المحامين وتبتسم بانتصار تضع يدها علي شفتيها
-يخرب عقلك يا بهيرة ايه اللي وصلك للتسجيل ده؟
ابتسمت بهيرة بخبث و من ثم سألتها و هي تغمز اليها
-حلو التسجيل يا خالتي. أنا خليت نوال تزرع كاميرا هناك.
جحظت ثريا بعينيها لم تتوقع يوما أن تجد امرأه تتفوق عليها
-التسجيل ده أنا هجنن بيه سالم بجد تسلم ايدك كأنه حلم و اتحقق.
خرجت مريم من غرفتها حيث كانت نائمه لتنظر لهم باستغراب
-بهيرة! في ايه؟ ايه اللي جابك لؤلؤ كويسه؟ عمي و مرات عمي كويسين.؟
توجهت نحوها ثريا و هي تشير الي هاتف بهيرة بفرحه لتريها ما حدث
-ايه رأيك بزمتك مش ده انتصار ما بعده انتصار أنا قربت أشفي غليلي منهم.
نظرت مريم الي التسجيل باعجاب و دهشه شديدين لم يخطر ببالها أنها ترى ذلك
-اوووباااا ايه الجحود ده مين اللي وصل لشقتها لا و مصورهم سوا جمدان بجد.
ابتسمت بهيرة و هي تتراقص و تصفق علي يدها حتي تدلت شفتي مريم لأنها ظنت أن رجل افتعل ذلك
-حلو بجد يا مريم.تشكرات تشكرات تشكرات بس مش ليا لوحدي للبت نوال كمان ما هي اللي حطت الكاميرا.
عقدت مريم ما بين حاجبيها باندهاش من تدخل نوال في الأمر
-الله أكبر عليكي يا بهيرة ده انتي كده هتخطفي القضايا خطف الا قوليلي نوال وافقت بسهوله كده؟
ابتسمت بهيرة بخبث قائله
-ده كأني كنت بقولها روحي عيدي علي حلاوتهم ما صدقت.
شردت ثريا في الفراغ تخشي علي نوال
-أنا خايفه عليها تروح في الرجلين.
تسمرت بهيرة بمكانها عندما تذكرت كلمات سالم أنه وضعها برأسه
-صح و كمان لما راحت رنت الجرس و عرف انها علي تواصل معاها... نوال مش هتسلم منه بسهوله.
💖 #الارث_صراع_الاباء_والابناء بقلمي #مروه_البطراوى
في مكتب العقارات و بعيدا عن ولاء و ياسمين ذهب ضياء الي عادل
-ضياء!
ابتسم ضياء
-ازيك يا دوله.
قطب عادل جبينه
-أنا كويس بس ايه اللي جابك ليه بدرى كده النهارده؟
توتر ضياء لأنه عاده يلتقون في المساء لمراجعه الحسابات
-خطيبتي يا سيدي اللي هي أخت حضرتك.
نظر اليه عادل بحده
-بعتاك تكلمني بعد عملتها المهببه.
ابتلع ضياء ريقه فهو يعلم أنها خاطئه
-أنا جيت لك علشان أعتذر لك بالنيابه عنها كان واجب عليها تعرف ولاء ان انت هتتصل بيها هي غلطت و أسفه جدا و الله و ياريت متزعلش منها.
زفر عادل بحنق
-و ايه فايدة اعتذارها دلوقتي؟
فهم ضياء مغزى كلامه أن الأمور تعقدت
-شوف انت عايزها تعمل ايه يرضيك و تكفر عن ذنبها.
انتهزها عادل فرصه ليقطع ما بينها و بين ولاء حتي ينفرد بها
-اياك تقرب من ولاء تاني و لا تتكلم معاها نهائى و لا حتي تتصل بيها لو عرفت و هعرف انها اتصلت بيها أقسم بالله هحبسها و مش هجوزها ليك.
تألم ضياء من قوانينه
-ماشي يا عادل اللي تشوفه.
رد عليه عادل بخبث
-ياريت تعقل كده علي ايدك.
هز ضياء رأسه بعزيمه
-هيحصل ان شاء الله يا عادل.
💪 #موكا_سحر_الروايات رواية #الارث_صراع_الاباء_والابناء
في مخزن الأعلاف الخاص به
-مطلوب منكم انتم الاتنين واحد نوال و التاني حلاوتهم.
ألقي اوامره التي كانت عبارة عن أوامر انهاء حياة الاثنتين ليتحدث الشخص الأول
-المعلم سالم اتجنن و لا ايه؟
رد عليها الأخر بمنتهي السخريه
-عقله فوت خالص من يوم ما مراته طفشت.
زفر الأخر بحنق
-ده جنان رسمي مين فينا هيقدر يقتل الاتنين دول؟
ارتعد الأخر من فكرة القتل فهو يسرق يعتدي بالضرب أما القتل لم يفتعله من ذي قبل
-ده عاوز واحد سفاح علشان يعمل اللي طلبه مننا
ظهر من خلفهم شخص كان يتصنت عليهم و علي سالم
-أنا هشيل الليله دي بالنيابه عنكم بس النص بالنص تمام؟
نظر الاثنان الي بعضهم البعض و اليه و ترددوا في بادئ الأمر و لكنهم لا يملكون الشجاعه التي يملكها فاضطروا أن يوافقوا حتي لو هيأخذ كل المبلغ
💓 #مروه_البطراوى جروب #موكا_سحر_الروايات
علي الجانب الأخر أبلغ ضياء قرارات عادل لياسمين لتنتفض بغضب قائله
-أنا مش مصدقه اللي سمعته ده عادل صعبها أوى ايه القرار العجيب ده و هدفه ايه
و لم تستمع لأوامره بل ضربت بها عرض الحائط و سردت لولاء كل شئ لترد بلامبالاه
-ده لو قاصد يبعدنا عن بعض مش هيبقي كده يا ياسمين عادل جابها من الأخر خلصنا كتر خيره.
و من ثم تركتها و رحلت لتذهب من خلفها ياسمين و تصعد الي ثريا لعلها تجد الحل عندها باعتبارها والدتهم
-مالك يا ياسمينا؟
زفرت ياسمين بحنق
-مخنوقه أوى يا خالتي.
تنهدت ثريا بتعب قائله
-لا اله الا الله من ايه بس؟
لوت ياسمين شفتيها بامتغاص
الأستاذ عادل طالب اني أقطع علاقتي بولاء.
انفجرت ثريا من الضحك لأنها شاهدتها تركض خلفها
-ايه ازاي يا بت ده أنا شايفاكي بتجرى وراها.
هزت ياسمين رأسها بعناد قائله
-و انتي مفكرة يا خالتي اني هسمع كلامه؟
كانت ثريا لا تريد تعكير مزاجها خاصه بعد التسجيلات
-قبل أي حاجه اتفرجي معايا علي التسجيلات دي و افهمي عادل عمل كده ليه مع ولاء.
شاهدت ياسمين الفيديوهات ثم روت لها ثريا لماذا فعل هذا مع ولاء لتندهش ياسمين بشده و تصمت قليلا
-أخوك عادل ده ماجابتوش ولاده خلي حلاوتهم زى اللي رقصوا علي السلم و لسه عذاب سالم ليها لما يعرف انها باعت كله لعادل.
ضحكت ياسمين علي حال حلاوتهم المقبل
-و العمل مع ولاء يا خالتي؟
جزت ثريا علي أسنانها قائله
-أخوكي ده بده خطه جهنميه.
وضعت ياسمين يدها علي رأسها بتشتيت
-أنا حاسه ان مخي وقف يا خالتي.
جذبتها ثريا من يدها قائله
-و لا واقف و لا حاجه اسمعيني لو ركزتي هتلاقي انه أمر انك تبعدي عنها و هو متأكد انك هتروحي تقوليلها تقوم تتعصب و تعمل مصيبه.
لوت ياسمين شفتيها
-أيوه من أنا من ساعتها دماغي هتنفجر يالا تروح تطلع العفاريت علي اللي خلفوه.
حاولت ثريا تهدئتها و توضيح لها الأمر قائله
-الموضوع ده محتاج شويه هدوء مش أكتر.
زفرت ياسمين بحيرة قائله
-أنا هركز مع ضياء و لا مع عادل و لا أعمل ايه يا ربي؟
نظرت لها ثريا لتجد طفله تحاول حل مشاكل الكبار
-يا عيني عليكي يا بنتي.
نفخت ياسمين قائله
-بس بقي يا خالتي و الله انتي ما حاسه اني كبرت زى الباقي كلهم.
ابتسمت ثريا بشرود قائله
-عادل ده بيفكرني بأبوه الله يرحمه حويط و مكنش حد يعرف دماغه فيها ايه اسأليني أنا.
قطبت ياسمين جبينها باندهاش علي وصف ثريا لوالدهم
-و حضرتك عرفتي ده كل ازاي؟
ابتسمت ثريا و هي تتنهد بهدوء
-كان حاططني في دماغه أول ما جيت سكنت في الشارع زى عادل كده لما كان حاطط مريم في دماغه بس هو كان راجل كويس جدا و لا مرة ساومني علي دفع الايجار علشان اتجوزه بالعكس لما عرف اني رافضه فضل ساكت لحد ما في مرة عرفت ان استحاله أرجع لطاهر روحت ليه رفضني و قالي مينفعش أعيش معاكي و انتي قلبك معاه كان عامل نفسه مش فاهم و هو فاهم كل حاجه.
اتسعت حدقه عيني ياسمين من تلك القصه
-شكلك كنت بتحبي أبو مريم أوى و لولا كده كان فاتك مرات أبونا دلوقتي.
ابتسمت ثريا قائله
-عيب يا ياسمين ده أنا ماما .
تظاهرت ياسمين بالخوف
-بلاش تملصي وداني يا ماما حرمت.
تعالت ضحكات ثريا قائله
-يخرب عقلك انتي مسخرة .
عضت ياسمين علي شفتيها بخجل
-بكره هنزل أشترى مستلزمات جوازى الخاصه ممكن تيجي معايا يا ماما؟
وضعت ثريا اصبعها علي عينيها اليمني و مررته علي اليسرى قائله بوعد
-عنيا الاتنين حاضر من بدرى نروح و نشترى حاجات ست البنات.
😊 #الارث_صراع_الاباء_والابناء بقلمي #مروه_البطراوى
بعد ما استمعت ولاء لقرار عادل من ياسمين انفجرت من الغضب و قررت أن تذهب اليه لتواجهه و تعلمه أنها لا تريده و في طريقها وجدتها مريم و عرضت عليها الدلوف الي محل الورد بعد موافقه مصطفي علي ذهابها اليوم فقط حتي تصفي حسابها مع وعد ألا تخرج منه و ان جائها سالم تهاتفه فورا
خلاص يا مريم هو كده بيقولي مش عايزك.
قطبت مريم جبينها فهي لم تصدق ذلك
-ازاي هتقدرى تبعدي عن عادل يا ولاء ده كان فرحكم قريب و قبلنا كمان.
انهمرت ولاء بالدموع
-الكل كان بيقولي عادل مش عايز يخسرك بس هو خسرني خلاص.
ردت عليها مريم بعد فهم
-انت مش فاهماه يا ولاء بس كده حرام عليه و الله.
نظرت ولاء الي الأعلي قائله
-فوضت أمرى ليك يارب في عادل ده كان كل يوم بيجيلي الايام عدت كتير و مش بيسأل
أوقفتها مريم حتي تعدل من دعائها قائله
-ربنا ما يحرمك منه تاني يا ولاء و يبارك ليكم في بعض اصبرى ان شاء الله ربنا هيحلها من عنده.
😀 #موكا_سحر_الروايات رواية #الارث_صراع_الاباء_والابناء
عادت ياسمين الي منزلها لتجد غرفته مظلمه فعلمت أنه لم يكن موجود فقررت مهاتفه ولاء لتخبرها بما تم فعله بحلاوتهم و أنه من أسباب ابتعاد عادل عنها و لكن للأسف تجاهلتها ولاء و رفضت الرد عليها
-منك لله يا عادل أشوف فيك يوم الله لا يسامحك
لتتفاجئ بمن يفتح الباب من خلفها و بصوت عالي و بغضب
-بتدعي عليا يا ياسمين؟
انتفضت ياسمين و استدارت بحرص تشعر أنه عفريت و ليس هو ترتعش في كلماتها قائله
-ازيك انت جيت امتي و قاعد في الضلمه ليه؟
نظر اليها عادل ببلاهه قائلا
-ايه يا بت مالك شفتي عفريت و لا ايه؟
هزت ياسمين رأسها بخوف لاعتقادها أنه ليس هو
-لا بس احنا بليل و الأوضه ضلمه انت كويس أنا أسفه اني دعيت عليك معلش النهارده كان يوم صعب عليا فخرفت شويه.
تدلت شفتيه الي الأسفل بتعجب قائلا
-صعب في ايه بالظبط مش فاهم علشان منعتك عن ست الحسن و لا ايه؟
رفت سبابتها تهزها بالنفي قائله
-لا يا أخويا.
ربع عادل ذراعيه قائلا
-و الله ! و اللي بيعصي أوامرى عارفه بعمل في ايه؟
ارتعدت أوصالها و ارتعشت ليستدير حولها ينظر لها بخبث قائله
-أه يا بنت اللذينه.
فهمت أنه عرف من حركاتها أنها أبلغت ولاء فابتعدت ببطء
-أنا همشي من هنا يا عادل هروح أنام الله يخليك سيبني.
هز رأسه بالموافقه و لكنه استوقفها قائلا
-بكره هتحتاجيها و انتي راحه تشترى حاجتك و ابقي قابليني لو هي وافقت.
نظرت له ياسمين بضيق قائله
-تصبح علي خير يا عادل.
😍 #مروه_البطراوى جروب #موكا_سحر_الروايات
في صباح يوم جديد حملت حلاوتهم حالها و ذهبت الي نوال حتي أن نوال تفاجئت بها و ابتسمت لها ابتسامه صفراء
-صباح الخير يا حلاوتهم
ردت عليها حلاوتهم و هي تتلفت حولها
-صباح الخير يا نوال
ثم دلفت لتقف خلف الباب تحاول تهدئه أنفاسها لتغلق نوال الباب و تنظر لها بخبث قائله
-الا قوليلي يا حلاوتهم هو ازاي تسأليني أنا علي الباب و لا الله و أجي ما تفتحيش ليا الباب؟
تسمرت حلاوتهم بمكانها و لم ترد اخبارها بالحقيقه
-عادي كنت نايمه و مش فارق معايا مين جه و بيخبط.
هزت نوال رأسها بعدم اقتناع قائله
-أيوه طبعا براحتك بس علي الأقل كنتي ردي علي تليفوني.
ردت عليها حلاوتهم بضيق قائله
-ياستي مكنتش فاضيه كان معايا ناس جوه.
أظهرت نوال بعض من نيران الغيرة المصطنعه و اندفعت قائله
-أه طبعا المهم البيه عادل ياخد راحته أنا بس خايفه عليكي لياخد منك اللي أخدتيه من سالم.
توقفت حلاوتهم عند تلك الجمله و باتت تلعن نفسها فنوال محقه عدم رده عليها خاصه في أكمبر أزماتها خير دليل علي ذلك.
🤍 #الارث_صراع_الاباء_والابناء بقلمي #مروه_البطراوى
في منزل هريدي الحمش و اجتماع بينه و بين أبنائه في عدم تواجد النساء الا واحده و هي نوال ابتسم لها هريدي بخبث قائلا
-نوال قلتي انك عايزانا خير يا بنتي علي الصبح
تقدمت منه نوال و هي تبتسم بانتصار قائله
-زى ما توقعت جت تستخبي عندي و بسم الله ما شاء الله ايدها مش فاضيه جايه و محمله الحاجه اللي كان نفسك فيها من زمان
عقد هريدي ما بين حاجبيه قائلا
-فين الحاجه دي؟
نظرت نوال لاحدي اولاده ألا و هو المدعو محمد الذي خطط كل شئ مع زوجته و تم تجنيد نوال لحسابهم الشخصي لتتقدم نوال نحو هريدي الحمش و تضع علي قدمه ملف مزرعه جديده اشتراها سالم لتربيه المواشي منذ شهور و اختفت أوراقها و من يومها يبحث عنها سالم للتوثيق و لم يجدها و الطرف الأخر رفض تسليمه المزرعه الا اذا أتي بالأوراق
-ده الملف اللي كان نفسك فيه يا عم هريدي و ما تعبتش ان ألاقيه هي خلاص كروتها انحرقت.
اتسعت حدقه عيني هريدي بذهول و محمد يقلب له أوراق الملف ليسألها بتوجس قائلا
-فين حلاوتهم دلوقتي؟
ابتسمت نوال بسخريه
-تعبانه شويه و مش قادرة تقوم من علي السرير.
شرد هريدي ان تكون حلاوتهم حامل
-مالها يا نوال؟
تعالت ضحكات نوال لترد قائله
-شويه كدمات بسيطه في جسمها من ضرب سالم.
أخذ محمد الأوراق و بعث صورها الي بهيرة لتوضح له الأمر
-ده عقد علشان يبقي من حق سالم لازم يتوثق بس لو حصل غلطه صغيرة في الحسابات و دفعنا احنا السعر الجديد للمزرعه و طبعا لو المالك له شروط جديده و وافقنا عليها هتكون المزرعه بتاعتنا و ماله ما هي تعتبر بتاعتنا مش بفلوسنا؟
نهض مصطفي قائلا
-طبعا يا محمد
💌
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
الفصل التاسع وعشرون والثلاثون بقلم مروة البطراوى رواية الارث (صراع الآباء والابناء)الفصل التاسع وعشرون …){kind=link}
تعليقات
إرسال تعليق