رواية اتجوزت عجوزه الفصل السادس 6 بقلم محمد طه حصريه في مدونة قصر الروايات
رواية اتجوزت عجوزه الفصل السادس 6 بقلم محمد طه حصريه في مدونة قصر الروايات
#البارت_6_بعنوان (إتهام بريئه)
#أتجوزت_عجوزه
#بقلم_محمد_طه
(فى قسم الشرطه)
_ها يا أحمد أخبار قضيه رجل الأعمال أدهم رشاد إيه
_الظابط أحمد..تقرير المعمل الجنائي والطب الشرعي لسه ما طلعوش يا أفندم.. وأخدنا أقوال زوجه المجني عليه وأخدنا أقوال أفراد أمن الفيلا وجاري تفريغ كاميرات المراقبه..بقلم..محمد طه
_المدير يولع سيجاره..زوجه المجني عليه قالت إيه
_أحمد.. أسمها حنين على عماد..عندها 17 سنه..
ومعاها شهاده إبتدائيه..وقالت ف المحضر إنها شافت المتهم وهوا بيق،تل جوزها لكنها شافته من ضهره وما قدرتش تحددلنا أي ملامح للمتهم.. وقالت إنها أول ما شافت المنظر خافت وأغمي عليها.. وبعد ما فاقت لقيت جوزها مقتو،ل وتم سرقه دهبها بالكامل و......
_المدير.. وإيه يا حضره الظابط..كمل
_أحمد..وقالت إنها تم الاعتداء عليها جنسيا
_المدير..ها وبعدين
_أحمد..عرضناها على الطب الشرعي عشان نتأكد من كلامها.. وكمان عشان نشوف هل الاعتداء تم قبل مو،ت جوزها ولا بعد مو،ت جوزها
_المدير..دا القا،تل المحترف ما يعملش كده..دا أكيد الشخص دا مش طبيعي
_أحمد..فعلا يا أفندم..لأنه أرتكب 3 جرايم ف وقت واحد.. قت،ل وسرقه وإغتصاب..بقلم..محمد طه
_المدير..أستعجل تقرير الطب الشرعي بسرعه عشان أنا فيه سيناريو بيدور ف دماغي..أتصل بدكتور الطب الشرعي وشوف التقرير طلع ولا لسه (وبدأ يولع سيجاره تانيه)
_الظابط أحمد..ألو..أيوه يا دكتور..تقرير حاله الاعتداء الجنسي على حنين على عماد زوجه المجني عليه أدهم رشاد جاهز ولا لسه
_الدكتور..جاهز يا أفندم
_الظابط..طيب ممكن أعرف النتيجه إيه
_الدكتور..بالفعل يا أفندم تم الاعتداء عليها جنسيا وتم فض غشاء البكاره بعد مو،ت جوزها مباشرة ومكنش فيه أي مقاومه منها أثناء الاعتداء لأنها كانت فاقده للوعي تماما
(وبعد ما الظابط أحمد قفل مع الدكتور)
_المدير..ها يا أحمد الدكتور قالك إيه
_أحمد..الدكتور بيأكد إن تم الاعتداء عليها بعد مو،ت جوزها
_المدير..كده يبقي السيناريو اللي ف دماغي صحيح بنسبه تسعين ف الميه
_أحمد..ممكن أعرف حضرتك بتفكر ف إيه
_المدير..إيه اللي يخلي بنت عندها 17 سنه تتجوز واحد عندو 70 سنه إلا إذا كانت ناويه على حاجه
_أحمد..أيوه يا أفندم بس التحريات اللي عندنا بتقول إن أدهم رشاد دا مش أول مره يتجوز بنت صغيره..
دا تقريبا كل 3 شهور بيتجوز بنت وبعدين يديها قرشين ويطلقها ويشوف غيرها
_المدير..إن شالله حتي يتجوز كل شهر بنت عندها 10 سنين دي مش شغلتنا..إحنا عندنا قت،يل ومهمتنا نلاقي القا،تل..وبعدين مش كل بنت هيتجوزها هترضي بالقرشين اللي هيرميهملها..وأنا شاكك ف البنت اللي أسمها حنين دي يا أحمد..وعايزك تعملي تحريات عنها.. أنا عايز أعرف كل كبيره وصغيره عنها
_أحمد..حاضر يا أفندم هعمل اللي حضرتك أمرت بيه..بس أنا برضوا لحد دلوقتي مش فاهم دماغ سيادتك..بقلم..محمد طه
_المدير..شوف يا أحمد..البنت دي أكيد عارفه إن الجوازه دي مش هتستمر شهرين تلاته والراجل العجوز دا هيرميلها قرشين ويطلقها..فقالت تاخد الجمل بما حمل..وبدل ما تطلق وتاخد قرشين..تبقي أرمله المرحوم وتورث ملايين..ف إحتمال والأحتمال أكيد إنها أتفقت مع حد والحد دا قريب منها يا حبيبها يا عشيقها وأتفقت معاه إن ف ليله دخلتها يدخل الفيلا ويق،تل جوزها ويسرق دهبها ومش بس كده كمان.. دا قالتله يغتصبها عشان نتعاطف معاها ومحدش يفكر مجرد تفكير إنو يشك فيها
_أحمد بإندهاش..يا نهار أبيض يا أفندم..دا يبقي تفكير شيطاني
_المدير..الجيل اللي طالع دا يا أحمد أتوقع منو أي حاجه..دا جيل ما يعلم بيه إلا ربنا
(فيلا مراد الزيني)
_آسر بغضب..أنا عايز أعرف بقي إنتي إيه حكايتك بالظبط..إنتي عجوزه ولا بنت صغيره ولا إنتي إيه بالظبط
_عجوزه ببرود..أنته عايزني إيه
_آسر بغضب..بلاش تستفذيني عشان أنا على آخري.. ف متخلينيش أوريكي الوش التاني لآسر الزيني
_عجوزه بهدوء..طيب خلاص..هدي بس نفسك..قولي هيا جدتي زعلتك ف حاجه وأنا غايبه..أصل أنا كنت موصياها عليك
_آسر بغضب لكن بهدوء..جدتك مين بقي إن شاءالله
_عجوزه بجديه..جدتي اللي كانت هنا إمبارح وكانت لسه معاك من شويه..وفطرت مع أبوك وأمك وأختك..
عالفكره..جدتي قالتلي إن أبوك كان بيبصبصلها ف يا ريت تقول لحمايا يتلم..عشان جدتي ملهاش ف شغل المراهقين ده
_آسر بكل غضب وهوا بيقلع الجاكت وبيشمر كمام القميص عشان يضر،بها وبكل نظره شر..عنيا حاضر هقول لأبويا يتلم..بس بعد ما ألمك إنتي الأول
_وقفت عجوزه قدامه بكل ثبات ونظره تحدي وعدم خوف..عالفكره أنا بلعب كارتيه..ف يا ريت ما تخلينيش أهين برستيجك
_آسر بتراجع عن اللي كان ناوي عليه..إنتي فاكره إنك كده بتخوفيني..بقلم..محمد طه
_عجوزه ف سرها..أنا خوفتك خلاص (وتعلي صوتها) لا تخوفني ولا أخوفك..بس يا ريت بلاش تتعامل معايا بالطريقه دي تاني..عشان تأكد إنك أنته اللي هتخسر وهتهين نفسك
_آسر بابتسامه بيداري بيها توتره..إنتي مش هيطلع عليكي نهار بكره
_عجوزه بنظره ثقه..لتاني مره بحذرك..بلاش الطريقه دي معايا
(آسر بدأ يهدي ويجاريها ف الكلام عشان تطمن ليه وبعدين بكل مكر راح عند الدولاب وفتح الدرفه المخصصه ليه وطلع مسد،س ووجهه ناحيه عجوزه)
_آسر بغضب..إنتي مين يا بت..إنطقي قبل ما أخلص عليكي..الحكومه هيا اللي رمياكي ف طريقي..
إنطقي...........
_ويتبع.............
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق