رواية اتجوزت عجوزه الفصل السابع 7 بقلم محمد طه حصريه في مدونة قصر الروايات
رواية اتجوزت عجوزه الفصل السابع 7 بقلم محمد طه حصريه في مدونة قصر الروايات
#البارت_7_بعنوان (ملازم أول عجوزه)
#أتجوزت_عجوزه
#بقلم_محمد_طه
_آسر بغضب..إنتي مين يا بت..أنطقي قبل ما أخلص عليكي..الحكومه هيا اللي رمياكي ف طريقي..إنطقي
_عجوزه باندهاش..حكومه..ورمياني ف طريقك..هوا أنته بتشتغل ف حاجه شمال ولا إيه
_آسر بغضب..إنطقي وإلا هخلص عليكي
_عجوزه بإبتسامه سخريه..حاضر هنطق..معاك ملازم أول عجوزه..من مكافحه (وتفكر شويه) أختار أنته المكافحه اللي تعجبك (وقبل ما يرد) هوا تأثير البرشامه وسيجارتين الحشيش بتوع إمبارح لسه مأثرين عليك وعلى عقلك (وتضرب كف على كف) هوا أنا باين عليا أتجوزت واحد أهبل ولا عبيط ولا سوابق والحكومه بتدور عليه..أنا اللي دلوقتي عايزه أعرف أنته اللي مين وبتشتغل إيه عشان الحكومه ترمي ف طريقك حد عشان يكشفوك ويكشفو بلاويك
_آسر بغضب..شغل حاوريني يا كيكه دا مش هيخيل عليا..ف بكل هدوء كده قوليلي إيه حكايتك..بدل ما هخلي الدبان الأزرق ما يعرفلكيش طريق
_عجوزه بهدوء..هقولك حكايتي إيه حاضر..بس قولي الأول..هوا المسدس اللي ف إيدك دا نوعه إيه
(وأول ما آسر بص على المسدس كان ف لحظه المسدس بقي ف إيد عجوزه وف ثانيه سقطت الخزنه وبسرعه نطرت الطلقات اللي ف الخزنه على السرير وبعدين فككت المسدس ل أربع أجزاء ورمته على السرير وآسر واقف مذهول ومش مصدق اللي بيحصل قدام عنيه وكل اللي حصل دا ما أخدش مع عجوزه نص دقيقه)..بقلم..محمد طه
_آسر بذهول بعد ما بلع ريقه من الخوف..إنتي مين
_عجوزه قعدت على السرير وبدأت تقرب منها طلقات المسدس وأجزاء المسدس وبدأت تلعب بيهم..ما أنا قولتلك أنا أبقي الملازم أول عجوزه..وقولتلك إني بلعب كارتيه..وحذرتك مره وأتنين بلاش تقف قصادي عشان ما تهينش نفسك (وبصتله وبكل هدوء) ما تقعد واقف ليه (وبكل حرص قعد آسر على طرف السرير قدامها)
_آسر بهدوء..إحنا شغلنا كله ف السليم..وبالنسبه ل سيجارتين الحشيش اللي كانوا معايا إمبارح ف دول واحد صاحبي كان عاطيهملي..بيوجب معايا يعني (ويسكت شويه) هوا أبويا يعرف إن حضرتك تبقي ظابط
_عجوزه ف سرها..يا لهوي عليا دا صدق إني ظابط بجد (وتعلي صوتها وتتكلم بجديه وهيبه الظابط) لأ طبعا أبوك ما يعرفش حاجه..أنا أضطريت إني أكشف نفسي قدامك عشان إحنا عارفين إنك ملكش دعوه بشغل أبوك وباللي بيعمله أبوك
_آسر بإستفهام..وهوا أبويا بيشتغل إيه
_عجوزه بإستعجال وعصبيه..وأنا أشعرفني أبوك بيشتغل إيه..قصدي يعني ما أنا جايه مخصوص عشان أعرف أبوك بيشتغل إيه
_آسر..إن شاءالله بكره هاخد حضرتك الشركه وتتطلعي على كل حاجه وعلى كل أوراق الشركه..
وهعمل لحضرتك إجتماع مع محامي الشركه وجميع المحاسبين..ولو عايزه تجتمعي بالعمال هعملك إجتماع بالعمال..بقلم..محمد طه
_عجوزه بهيبه وطريقه كلام الظباط..أنا مش جايه عشان أروح الشركه وأعمل اجتماعات..كل الحاجات دي ظاهره للجميع..أنا جايه عشان أكشف المستخبي
جايه عشان أكشف اللي بيحصل ف الضلمه
_آسر بإستعجال..حضرتك إحنا شغلنا كله ف الضلمه..
قصدي يعني ف النور..واسم مراد الزيني أشهر من النار على العلم ف النزاهه والشرف
_عجوزه..هنشوف هنشوف (وتبص على أجزاء المسدس) المرحوم دا يبقي بتاعك
_آسر بإستعجال..ولا أعرفه..قصدي يعني دا كان واحد صاحبي جايبهولي هديه
_عجوزه..ما شاءالله ما شاءالله بتهادو بعض بالمسدسات..طيب ب سيجاره حشيش ماشي.. برشامه ماشي..إنما بتهادو بعض بالسلاح..يبقي ملهاش غير معني واحد..إن إنتو بتشتغلو ف السلاح
_آسر بإستعجال..لأ سلاح إيه..هوا إحنا لو بنشتغل ف السلاح..كان المسدس إتاخد مني بالطريقه السازجه دي
_عجوزه وهيا بتجمع المسدس..عندك حق..مستحيل تكون بتشتغل ف السلاح..دا أنته مكنتش عارف تمسك المسدس أصلا
_آسر يغير الموضوع..طيب إحنا مش المفروض إن إحنا متجوزين..وامبارح كانت دخلتنا ومدخلناش.. إيه مش هندخل بقي
_عجوزه أنتهت من تجميع المسدس وشدت الأجزاء بكل غضب..أنته أتجننت..أنته عايز تدخل على الحكومه..قوم أقف..هوا عشان قولتلك تعالا أقعد هتنسي نفسك ولا إيه..إنتباه يا عسكري
_آسر وهوا بيقدملها التحيه..أنا مش عسكري..أنا جوزك..بقلم..محمد طه
_عجوزه تقوم تقف وتمسك إيده وتحطله المسدس ف إيده..خد..بس ما تبقاش تلعب بيه قدامي تاني..
ودا آخر تحذير
_آسر..حاضر يا أفندم..اللي حضرتك هتأمر بيه هيتنفذ
_عجوزه ف سرها وهيا سيباه وخارجه من الأوضه..يا لهوي عليا..دا مصدق ومقتنع إني ظابط..والنبي يا بت يا عجوزه إنتي تنفعي تمسلي ف السيما..بس خليه يا بت يا عجوزه مصدق إنك ظابط عشان يفضل خايف منك (وتقابل تسنيم أخته)
_تسنيم تاخدها بالحضن..صح النوم يا عروسه..عامله إيه يا حبيبتي طمنيني عليكي..معلش ما لحقتش أتعرف عليكي ف الفرح..كنت مشغوله بالرقص مع الشباب
_عجوزه باستغراب..رقص مع الشباب
_تسنيم تظبط الكلام..بالرقص مع الشباب البنات إصحابي..إحنا شكلنا كده هناخد وقت لحد ما كل واحده تفهم دماغ التانيه
_عجوزه..هوا إنتي مين أصلا..ما تعرفيني بحضرتك عشان أحاول أفهم دماغ حضرتك
_تسنيم وهيا بتحط إيدها على بطن عجوزه..أنا أبقي عمة الأولاد..هوا مش برضوا حصل
_عجوزه وهيا بتشيل إيد تسنيم من على بطنها..لأ لسه ما حصلش
_تسنيم بعدم فهم..محصلش إزاي يعني
_عجوزه بنظره غباء لتسنيم..لأ ما الحاجات دي ما بتتشرحش..بتتفهم
_تسنيم بإبتسامه..أصل أنا ما أتجوزتش قبل كده عشان أفهم الحاجات دي
_عجوزه ف سرها وهيا سيباها وماشيه..وبالعقليه دي عمرك ما هتتجوزي
_تسنيم بصوت عالي..طيب أنا ما عرفتش إنتي إسمك إيه (عجوزه ما تردش عليها) طيب جدتك فين دي وحشتني أوي
_عجوزه تقف وتبصلها..جدتي نايمه ويا ريت بلاش تقلقيها وعالفكره هيا بتنام كتير (وتلف وشها وتلاقي حماتها ف وشها..........
_ويتبع..........
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق