رواية اتجوزت عجوزه الفصل الثامن 8 بقلم محمد طه حصريه في مدونة قصر الروايات
رواية اتجوزت عجوزه الفصل الثامن 8 بقلم محمد طه حصريه في مدونة قصر الروايات
#البارت_8_بعنوان (حماتي وحمايا)
#أتجوزت_عجوزه
#بقلم_محمد_طه
(وتلف وشها وتلاقي حماتها ف وشها)
_دريه أم آسر..صباحيه مباركه يا عروسه
_عجوزه تتخض وترد بإستعجال..الله يبارك فيكي (وتهدي شويه وتبصلها من فوق لتحت وتخمن) أكيد حضرتك حماتي
_دريه بابتسامه..صح. شكلك كده ناصحه (وتقلب وشها) إيه من أولها كده صحيالنا المغرب (وتبتسم) بس ومالوا عروسه ومحدش يقدر يلومها..قوليلي هوا إنتي كنتي رايحه فين..بقلم..محمد طه
_عجوزه..مفيش أنا قولت آخد جوله كده ف الفيلا..
عشان لما تنفجر أبقي عارفه أنا هدخل فين وهخرج منين
_دريه بضحكه عاليه..دمك خفيف زي جدتك..وشكلي كده هحبك ومش هعرف أترسم عليكي وأعمل معاكي اللي بيعملوه الحموات
_عجوزه ف سرها..إنتي فعلا مش هتعرفي تعملي معايا حاجه..إذا كان إبنك مش عارف إنتي اللي هتعرفي
(دريه لفت من ورا عجوزه وحضنتها ولفت إيديها على وسط عجوزه..وعجوزه مستغربه من الموقف ده لكن سايبه حماتها براحتها)
_دريه..بقولك إيه يا مرات إبني..أنا حبيتك وعايزه أقولك على سر
_عجوزه وهيا بتحاول تسلك نفسها من حماتها..وأنا كمان حبيتك يا حماتي..قولي سر إيه اللي عايزه تقوليه
_دريه بصوت واطي..الواد آسر إبني..من الآخر كده واد قليل الأدب وأنا بقي عيزاكي تعلميه الأدب وتمشيه على العجين ما يلخبطوش
_عجوزه وأخيرا سلكت نفسها من حضن حماتها وقالت ف سرها..والله دا شكل البيت كله عايز يتعلم الأدب من أول وجديد (وتعلي صوتها) من عنيا يا حماتي بس كده..دا حتي المثل بيقول..اللي ما يربيهوش أمه وأبوه تربيه عجوزه
_دريه باستغراب..مين عجوزه دي
_عجوزه تمد إيدها..أعرفك بمرات إبنك..أنا أسمي عجوزه..بقلم..محمد طه
_دريه ما زالت مستغربه..وآسر عرف إن إسمك عجوزه
_عجوزه..آه عرف
_دريه..وعمل إيه
_عجوزه..أتصدم
_دريه..وبعد ما أتصدم إيه اللي حصل
_عجوزه..بعد ما أتصدم عطل..ولسه عطلان لحد دلوقتي (وسابت حماتها لسه مصدومه ومشيت)
(خرجت عجوزه من الفيلا وقالت تتمشي شويه ف الجنينه وقابلت حماها مراد الزيني)
_عجوزه..أزيك يا حمايا..ولا أقولك يا عمي ولا أقولك يا بابا ولا أقولك يا إيه
_مراد بإبتسامه..قوليلي يا مراد بدون أي إضافات
_عجوزه..ماشي يا مراد..مع إني شايفه إني لازم أحترمك وأحط أي إضافه جنب إسمك..يعني زي يا عمو.. يا حاج..يا أونكل
_مراد بإبتسامه..اللي إنتي عايزه تضيفيه ضيفيه
_عجوزه بإبتسامه..لأ أنا كنت بعزم بس..هوا إسمك من غير إضافات عظمه
_مراد بضحكه عاليه..والله وكبرتي يا عجوزه وبقيتي غلابويه
_عجوزه ببراءه..والله دا أنا طيبه أوي يا مراد
_مراد بإبتسامه..هوا اللي بيقول على نفسه طيب دا..
هوا اللي يتخاف منو..قوليلي يا عجوزه..إنتي عملتي إيه ف الواد خليتيه يقولي إني مجوزو واحده معديه ال70 سنه..بقلم..محمد طه
_عجوزه بإبتسامه. ولما هيشوفك دلوقتي هيقولك لأ دي مش واحده عجوزه..دي ظابك والحكومه زرعاها ف وسطينا..إبنك دا مشكلته إنو بيصدق أي حاجه وبسرعه
(يبتسم مراد ويقرب من عجوزه وفجأه عجوزه توقفه)
_عجوزه..مكانك يا حمايا العزيز..معلش أصل أنا عندي فوبيا من التقارب
_مراد باستغراب..عندك فوبيا من التقارب..أفهم من كده إن إنتي وآسر محصلش بينكم تقارب
_عجوزه..هيحصل تقارب إزاي وأنا إمبارح كنت عملاله ست عجوزه والنهارده ملازم أول وبكره إن شاءالله هتنكرله ف دور شاب وهقوله أنا أخوك ف الرضاعه وبعد بكره
_مراد يقاطعها..بس خلاص..إنتي إيه..ارحمي الواد شويه
_عجوزه بصعبانيه..إبنك دا صعبان عليا أوي يا مراد
_مراد..شكله كده هيصعب علينا كلنا
_عجوزه..أسيبك بقي يا مراد أفندي عشان شكله كده جاي علينا
_مراد بإبتسامه بعد عجوزه ما سابته..مراد أفندي..حلوه مراد أفندي دي
(وبدأ حديث بين آسر وأبوه لكن كل واحد كان يقصد حاجه غير اللي التاني بيتكلم فيها)
_آسر..خير يا حاج
_مراد بغضب..مش خير يا إبن الحاج
_آسر بغضب..حضرتك عرفت
_مراد بغضب..آه عرفت..وهوا أنته كنت فاكر إني مش هعرف..بقلم..محمد طه
_آسر بغضب..وهتعمل إيه دلوقتي يا حاج بعد ما عرفت
_مراد بغضب..المفروض اللي أعمله دلوقتي إني أقت،لك
_آسر باستغراب..وأنا مالي يا حاج أنا ذنبي إيه ما تقت،لها هيا
_مراد بغضب وصوت واطي..يا غبي ما أنا قولتلك أقت،لها..وبدل ما تقت،لها روحت نمت معاها وأغتصبتها
_آسر بعدم فهم..نمت معاها وأغتصبتها..هوا حضرتك بتتكلم عن مين يا حاج
_مراد بغضب..هوا إيه اللي بتكلم عن مين..مرات أدهم رشاد اللي كنت مأكد عليك إنك تخلص عليها
_آسر..أنا كنت فاكر إن حضرتك بتتكلم عن المصيبه اللي جوزتهالي..دي طلعت ظابط وبتدور وراك
_مراد..يا غبي..عجوزه دي مفيش ف عيلتها كلها شويش حتي..وأبوها يبقي صاحبي من إبتدائي.. وعجوزه دي أصلا ما دخلتش مدارس..بس هيا دماغه شغاله وناصحه..وطلعت أنصح منك
_آسر..لأ يا حاج البت دي حكومه..دي فككت المسدس قدامي ياجي خمسين حته وبعدين جمعته تاني..دا غير طريقتها وكلامها..لأ يا حاج البت دي حكومه حكومه.. ولازم نحرص منها
_مراد بنفاد صبر..طيب نسيبنا من الحكومه دلوقتي.. وخلينا ف المصيبه اللي حضرتك عملتها
_آسر..ما حضرتك كنت عايزني أعمل إيه يا حاج..
كانت ليله دخلتي وكنت واخد برشامه من اللي بالي بالك.. والبت كانت صغيره وحلوه وما قدرتش أمسك نفسي
_مراد بسخريه..ما تيجي نقعد ونشرب أتنين برتقان وتحكيلي أنته عملت معاها إيه بالتفصيل الممل
_آسر..خلاص يا حاج من غير تريقه..لو عايزني أروح أقت،لها..هروح أخلصلك عليها
_مراد بجديه وغضب..مش لوحدها
_آسر بعدم فهم واستيعاب..مش لوحدها إزاي يعني يا حاج..قصدك تقول إن جوزها أدهم رشاد ما ماتش..
لأ أنا متأكد إنو ما،ت..أنا ما سيبتوش غير لما ما،ت وشبع مو،ت كمان
_مراد بغضب..المعلومات اللي وصلتني بتأكد إن البنت حامل..يعني البنت حملت منك يا غبي.........
_ويتبع.............
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق