رواية ليالي الغول اقتباس من الفصل الأخير بقلم لوجي احمد

 روايه الجميله و الوحش الفصل الأول والثاني والثالث والرابع والخامس بقلم نونا كامله 

روايه الجميله و الوحش الفصل الأول والثاني والثالث والرابع والخامس بقلم نونا كامله 

البارت الاول 

صباحا في بيت بسيط ومتواضع 

ويوجد به جنينه صغيره مزروع فيها ورود أشكال وألوان.

في غرفه احلام 

المنبهه رن 

واستيقظت احلام بابتسامه ك العاده  وطفت المنبهه. وقعدت ع السرير 

وبصت ع البرواز الصغير ال جنبها ع الكومدينو وكان موجود في صوره مامتها المتوفيه 

احلام ابتسمت/النهارده عيد ميلادي ال ٢٥... تميت ال ٢٥  سنه وانتي مش موجوده معايا ي ماما.. وحشتيني اوي. فوق ما تتخيلي. بس انا عارفه ومتاكده انك سمعاني وحاسة بيا. 

وباست الصوره وحطتها مكانها تاني 

احلام طلعت من غرفتها وراحت غرفه    اختها ليليان ذات ال ٨ سنوات علشان تصحيها

احلام /ليليان حبيبتي. اصحى يلا علشان متتأخريش ع المدرسه 

ليليان بنوم /امممم.. سبيني انام شويه كمان ي احلام علشان خاطري 

احلام باستها من خدها /لاء يلا اصحى... البسي واجهزي ونا هحضر الفطار

ليليان صحيت /اوووف حاضر... انا زهقت من المدرسه دي بقي 

احلام ضحكت /صباح الخير 

ليليان باستها من خدها /صباح النور 

احلام  /يلا بسرعه اجهزي عقبال ما احضر الفطار 

(احلام  كرم ٢٥ سنه ..تمتلك شعر بني مع خصلات بلاتينيه 

وعينها  خضرا زيتوني

وجسمها ممشوق... فهي حقا جميلة ...مامتها توفت من ٨ سنين .. من وقت ما مامتها اتوفت واحلام ال شايله البيت دا. مهتميه ب اختها الصغيره و مهتميه ب اخوها و ابوها ال بتحبهم و بتفديهم بروحها.. هما السند ليها ف الدنيا دي. .. احلام عندها موهبه رسم الازياء.. وحلمها تطلع مصممه ازياء.. مقدرتش تحقق حلمها ده. ف قررت تشتغل ف حاجة تانيه بتحبها ..بتشتغل معلمه رسم في مدرسه .. لأنها بتحب الأطفال جدا. وجميع الأطفال ف المدرسه بيحبوها بسبب قلبها الطيب) 

(ليليان كرم . عينها زرقا وشعرها اصفر جميل .. عندها ٨ سنين.. مامتها اتوفت بعد ولادتها بكام شهر.. و احلام كانت زي امها بالضبط. ومحسستش ليليان ب غياب حنان الأم ابدا) 

احلام خدت شاور و طلعت وجهزت الفطار وحطته ع السفره 

احلام /بابا.. يلا ي حبيبي الفطار جاهز 

الاب (كرم) ساب الجورنال من ايده وراح قعد ع السفره

كرم /تسلم ايدك

احلام ابتسمت /بالهنا والشفا ي حبيبي. افطر كويس علشان تاخد الدوا 

كرم /ماشى ي حبيبتي 

(كرم. في الخمسينات. مراته ماتت من ٨ سنين.. ومن وقتها حصله مشاكل صحيه من كتر الزعل.. وبيتعالج بالأدوية.. أولاده اهم حاجه عنده ف الدنيا دي) 

احلام /هو حمزه لسه مصحيش لحد دلوقتي؟ 

حمزه طلع من غرفته /انا سمعت حد بيقول حمزه... ياااه. الفطار جهز. مش تقولو من بدري يجدعااان

وقعد ع السفرا وبدأ ياكل 

احلام ضحكت /كُل ي طفس كُل

كرم /مش تقول صباح الخير الأول

حمزه /صباح الفل ي كرم باشا 

كرم /صباح الخير ي اخويا. مش هتروح ع شغلك؟ 

حمزه /هاكل من الفطار القمر دا ال اختي  عملاه. وبعدين هبقي اشوف الشغل.. ولا يرضيكو انزل من غير فطار؟ 

احلام /لا ميرضناش طبعا 

(حمزه كرم . ٢٧ سنه. شعره بني فاتح وعينه بني. )

كرم /مش هتقعدي ي حبيبتي تفطري؟ 

احلام /لا ي بابا يدوب الحق البس واروح المدرسه.. هبقي افطر اي حاجة هناك 

ليليان طلعت من غرفتها بعد ما لبست لبس المدرسه. و ماسكه ف ايدها شنطتها 

ليليان /صباح الخير 

وباست كرم من خده. وباست حمزه 

كرم ابتسم /صباح الخير ي حبيبتي 

حمزه /صباح الخير ي لولا

احلام حطت السندوتشات في شنطه ليليان 

احلام /هروح البس بسرعه ونروح سوا المدرسه 

(ليليان طالبه ف نفس المدرسه ال احلام بتشتغل فيها) 

ليليان /اوك 

احلام كانت هتمشي بس وقفت تاني /احم.. هو انتو مش ناسين حاجة النهارده 

كرم /حاجة زي اي؟ 

حمزه وهو بياكل /في حاجة ولا اى؟ 

احلام بصوت واطي /نسيو ان عيد ميلادي النهارده..احم.. لا مفيش حاجة. هروح البس 

واحلام مشيت 

كرم و حمزه وليليان ابتسمو

و احلام غيرت هدومها وطلعت من الغرفه لقت في تورته ع السفرا و عليه شمع ب رقم 25

و حمزه وكرم و ليليان بيغنو happy birthday to you 

احلام  بفرحة وصدمه /اي دا؟

حمزه /يلا حالا بالا بالا حيو ابو الفصاد

ليليان /هيكون عيد ميلاده الليله اسعد الأعياد 

احلام ضحكت بفرحة 

كرم/كل سنه وانتي طيبه ي قلب ابوكي 

احلام حضنته /وانت طيب ي بابا ي حبيبي 

وطلعها من حضنه واداها هديتها

كرم /اتفضلي هديتك 

احلام ابتسمت /شكرا بجد 

وفتحتها وكانت سلسله دهب ع شكل قلب صغيره احلام فتحت القلب وكان فيها صوره مامتها 

احلام دمعت  /دي احلى هديه ف الدنيا 

كرم ابتسم ومسح لها دموعها 

واحلام ابتسمت ولبست السلسله وباست صوره مامتها 

حمزه /معقوله ننسى عيد ميلادك برضو. ي لوما ي مزه انتي.. كل سنه وانتي طيبه 

وحضنها 

احلام ابتسمت /وانت طيب ي حمزه 

حمزه طلعها من حضنها واداها هديتها

حمزه /هديتك 

احلام /يتري جايب لي اي

حمزه /ي هل ترى؟ ... افتحي و شوفي 

وفتحت الهديه وكانت الوان خشب 

احلام بفرحه /الله.. الألوان ال كان نفسي فيها... بس دي موجود منها ف دبي بس. جبتها ازاي ؟

حمزه /اتصرفت وخليت حد معرفه يجبهالي من هناك.. اي خدمة علشان ترسمي تصاميمك براحتك 

احلام باسته من خده /ربنا يخليك ليا 

حمزه ابتسم 

 

ليليان ابتسمت / كل سنه وانتي طيبه ي لوما.. جه الدور ع هديتي انا 

احلام باستها من خدها /انتي هديتي ي قمر انتي مش عايزه اي حاجه تانيه من الدنيا 

ليليان ابتسمت

والباب خبط 

ليليان /هروح افتح 

وراحت تفتح بسرعه 

وكان ال موجود ع الباب بنت في العشرينات 

ليليان ابتسمت /مريم.. عامله اى 

مريم بابتسامة /كويسه ي لولا انتي عامله اي 

كرم /تعالي ي بنتي اتفضلي 

مريم دخلت بابتسامه 

مريم /ازي حضرتك ي عمو

كرم ابتسم /بخير ي حبيبتي 

مريم /يارب ديما

حمزه/ونا اي شفاف .مفيش صباح الخير ليا 

مريم بغيظ/لا مفيش صباح الخير ليك 

كرم/الواد دا زعلك ولا اي

مريم/هو مبيعملش حاجه غير انه بيزعلني اصلا 

حمزه/ي مفتريه حرام عليكي انا مبعملش حاجه غير اني بزعلك 

كرم/بقولك اي مريم دي بنتي زي احلام بالضبط.لو جت اشتكلتي منك تاني انا مش هسكتلك

مريم بابتسامه/حبيبي ي عمو

حمزه/هي بقت كدا

احلام ابتسمت

مريم لاحلام بابتسامه /كل سنه وانتي طيبه ي قلبي. عقبال ١٠٠ سنه يارب وحنا سوا 

وحضنتها 

احلام ابتسمت /وانتي طيبه ي حبيبتي 

وطلعت من حضنها وادتها هديتها 

مريم /هديتك 

احلام خدتها بابتسامه/تعبتو نفسكم والله ي جماعه 

مريم /وحنا عندنا كام احلام يعني 

(مريم سمير . ٢٥ سنه. في نفس سن احلام.. هما الاتنين صحاب طفولة من ايام ما كانو صغيرين.. هي و حمزه حبو بعض و مخطوبين) 

 

من جهه اخري

أمام شركة رجل أعمال 

رجل الأعمال طلع من الشركة  ومعاه ٤ بودي جاردات 

وآدم (البطل) واقف بعيد مصوب المسدس ع رجل الأعمال 

وضربه طلقه ف نص دماغه ومات

و البودي جارد كانو لسه هيطلعو المسدسات 

بس ادم ضرب عليهم طلقه  ورا التانيه لحد ما ماتو كلهم 

 

وركب العربيه بدم بارد ومشي ولا كأنه لسه قاتل ٥ أشخاص 

ادم سايق العربيه و تليفونه رن  ورد 

فراس /قتلته؟ والله رجل الأعمال صعب عليا. قتلته لمجرد انه حاول يبوظ صفقه المخدرات.. طب كنت عرفني ع الاقل علشان اجيب معايا بودي جارد يحموك 

ادم /وانت شايف اني محتاج شويه عيال معايا يحموني؟ 

فراس /بصراحة لاء. انت بسم الله مشاء الله عليك تقتل ١٠ مره واحده ف نفس الوقت. الواحد بيتعلم منك والله 

ادم بغضب /كفايه رغي كتير وجهز الصفقه بتاعت النهارده واسبقني ع الشركة... فورا 

فراس بخوف من غضبه 

فراس /احم.. حاضر 

ادم قفل الخط و كمل سواقه للشركه بتاعته 

(ادم ال حديدي. ٣٣ سنه. أخطر رجل مافيا موجود ف البلد. الكل بيخاف منه وبيعمل له ألف حساب . شعره اسود وعينه سودا.. وكل لبسه ب اللون الاسود وعمره ما لبس غير اللون دا.. لبسه عباره عن بنطلون باللون الاسود وقميص باللون الاسود. وجاكيت البدله اسود. حتى ملابس البيت سودا.. قلبه حجر بيقتل ب دم بارد. عمره ما خاف من حاجة قبل كدا..قليل الكلام .. نظرته كفيله تموت ال قدامه من الرعب. والدته ماتت  بالسرطان وآدم وقتها كان عنده ١٥ سنه.. الحياه حولته غصب عنه من شاب صغير ل راجل مافيا قاسي مبيرحمش) 

وصل الشركه (شركة من مجموعه شركات الحديدي) ونزل من العربيه وخد مسدسه وحطه ورا ضهره 

ودخل شركته 

والسكرتيره راحت وراه بسرعه  بتوتر وخايفة تغلط اي غلطه 

السكرتيره /صباح الخير ي ادم بيه 

ادم وقف /فراس فين

السكرتيره وقفت /احم. فراس بيه مستني حضرتك ف مكتبك 

ادم /وصلتو ل اي ف المناقصه بتاعت النهارده؟ العملاء ال كانو جايين من امريكا 

السكرتيره بتوتر /ال.. ال مناقصه اتلغت

ادم بصلها/اي؟ 

السكرتيره بتوتر /تقريبا كدا. الشركة المنافسه كسبت ال صفقه. والعملاء بتوعنا راحو للشركة التانيه 

ادم بغضب /وانتي كنتي فين لما الكلام دا حصل؟ مقلتليش ليه 

السكرتيره بخوف /والله ي ادم بيه انا لسه عارفه الكلام دا النهارده وا

ادم بغضب /انتي مطروده.. مشفش وشك هنا تانيه.  

ادم مشي و دخل مكتبه و وقعد ع كرسي المكتب 

فراس /صباح الخير 

ادم /عملت أي ف موضوع الاسلحه ال هنهربها

فراس /احم.. هو احنا هنتكلم ف الموضوع دا هنا ولا اى؟ هنروح ف داهيه والحيطان ليها ودان. انت شكلك عايز تدخلنا السجن وتأكلنا عيش وحلاوة. 

ادم /لو خايف.. تقدر بكل هدوء تنسحب ... انا معنديش وقت للعب العيال ده

فراس /صفقه الأسلحة نجحت و كله تمام متقلقش.. الشافعي جه هو رجالته علشان عايز يبوظ صفقه الاسلحه.. قتلنا رجالته بس هو هرب ومنعرفش راح فين 

ادم /سيبلي انا موضوع الشافعي دا.. روح شوف شغلك 

فراس /عاملني باحترام شويه انا صاحبك ع فكره 

ادم بغضب /دي طريقه معاملتي وال مش عاجبه.. ممكن يخبط دماغه ف اتخن حيط

فراس قام /ماشى... ي صاحبي.. خليك انت بارد كدا و قلبك حجر وابعد ال بيحبوك عنك.. لحد ما هتلاقي نفسك لوحدك ف الاخر 

ادم بصله بغضب 

فراس  /احم.. انا رأيي اني اروح اشوف شغلي ل احسن اخد لي طلقه ف دراعي ولا حاجة. 

ومشي بسرعه 

(فراس الأحمدي.. ٣٠ سنه. شعره بني وعينه بني.. هو و ادم صحاب جدا من زمان . دراع ادم اليمين بيشتغل معاه ف كل حاجة. ف المافيا و ف الشركة. بيحب اخت ادم بس خايف يقول لها وترفض. )

عند احلام

ماشيه ف الشارع وماسكه ايد ليليان و ف طريقهم للمدرسه 

وآدم نزل من عربيته ولبس نضاره الشمس ورايح ب اتجاة قهوه شعبيه 

وهو ماشي شاف احلام وهي بتتكلم مع ليليان بابتسامه وعينها ال بتضحك ع طول 

ادم تجاهلها ومشي 

احلام وصلت المدرسة ودخلو ووصلو الفصل

احلام ابتسمت /وصلنا ي ستي.. ادخلي فصلك يلا عقبال ما المدرس يدخل لكم.. عايزه حاجة ؟

ليليان ابتسمت /لاء شكرا.. يلا باي

احلام /باي 

ليليان دخلت الفصل بتاعها

واحلام راحت الفصل بتاعها

وكان الطلاب الموجودين صغيرين و من الحضانه

ودخلت

الأطفال ب فرحه /مس احلام جت

احلام بابتسامه /عاملين اي؟ وحشتوني 

الأطفال /وانتي كمان وحشتينا اوي 

طفل 1/هتعلمينا نرسم اي بقى النهارده 

احلام /اممم. هعلمكم حجات كتير اوي. هننبسط متقلقوش

طفله ٢/هييييي

احلام ابتسمت 

عند ادم  

وصل ال قهوه الشعبيه للرجاله

ودخل 

وكان فيها ٣ أشخاص بس 

ادم وهو داخل شاب منهم راحلة 

الشاب/انت رايح فين. مش اي حد يدخل هنا و

ادم قاطعه ومسك راسه خبطها ف الحيطه و وقع ساح ف دمه 

ادم /السلام عليكم ي رجاله... فين بقى الشافعي 

شاب 1 بتوتر /ال. ال شافعي مين حضرتك 

ادم راح للشاب ده 

ادم /لا  الشافعي دا واحد معرفه كدا... متعرفش مكانه فين 

الشاب 1/ لاء معرفش 

ادم طلع مسدسه وصوبه ع دماغ الشاب 

ادم /طب و دلوقتي؟ عرفت؟ 

الشاب بخوف /والنبي متقتلنيش 

وال الشاب التاني ال معاه رفع ايده بخوف 

الشاب 1 بخوف /والنبي انا عايز اعيش.. انت عايز تعرف أي ونا والله العظيم هعرفهولك بس متأذنيش 

ادم بغضب /اخلص قول المكان 

الشاب 1 /قوله ع المكان 

شاب 2/حاضر 

. في سلم صغير اهو..

والشاب 2 راح شال سجاده صغيره كانت موجوده ع الارض. وشال الخشبة ال تحتها 

الشاب 2/بننزل منه هتلاقي الشافعي باشا تحت. إحنا عاملين القهوه تمويهه بس 

ادم نزل السلاح من علي شاب 1

والشاب اتنهد بارتياح 

ادم /تمام

وضربه طلقه ف صدره والشاب وقع ع الارض و مات 

والشاب التاني كان هيطلع سلاحه بس ادم سبقه و ضربه طلقه ف دماغه 

و حط سلاحه ف ضهره 

ونزل من السلم دا 

الشافعي كان قاعد ع كرسي وقام بخوف اول ما شاف ادم 

الشافعي /ا ادم الحديدي.. انت دخلت هنا ازاي؟ و و الرجاله الفوق فين 

ادم مسكة من هدومه وزنقه ع الحيطه 

ادم بغضب /ازاي تجرأ تفكر  تبوظ صفقه الأسلحة 

الشافعي بخوف /انا 

ادم /انت اي

الشافعي بخوف /صفقه الاسلحه كانت من حقي اصلا ب بس انت ال خدتها مني

ادم /ادم الحديدي يعمل اي حاجة تخطر ع باله.. و محدش يجرأ يبوظ صفقتي.. سامع ولا لاء 

الشافعي /سامع.. بس سبني اعيش 

ادم /كان على عيني والله 

وضربه طلقه ف دماغو ومات 

وآدم مشي 

عند احلام.. استأذنت من مدير المدرسه ساعه علشان تروح مشوار مهم 

وماشيه ف الشارع وبتكلم مريم ف التليفون 

مريم /عايزين نعمل حفله عيد ميلاد ليكي.. ونعزم صحابنا .وراكي حاجة بليل علشان الحفله؟ 

 اوعي يكون وراكي حاجة 

احلام /لا موريش حاجة. انا راحه الملجأ علشان الأطفال هناك وحشوني.. وجبتلهم هدايا معايا 

مريم /ماشى ي ابو قلب كبير ي قمر انت.. والله ما شفت في طيبة قلبك.

احلام ابتسمت /طب سلام بقى علشان وصلت الملجأ

مريم /مع السلامة 

وقفلت 

وهي ماشيه في عربيه كانت ماشية سريع جنب احلام وكان في مايه ع الارض وترتشط ع الدريس ال هي لبساه 

احلام بعصبيه /اي التخلف والهمجيه دي. ولا علشان معاكم عربيات يعني تعملو كدا 

ادم وهو سايق بص من المرايه ع البنت ال وسخ فستانها.. (لقى بنت جميله بتنضف الفستان بتاعها بعصبيه واكتشف ان هي نفس ال بنت ال شافها ف الشارع النهارده الصبح) 

و  تجاهل الأمر وكمل سواقه 

واحلام راحت ملجأ الأطفال. اسمه (الملاكيه) 

ودخلت من البوابه بابتسامه وف ايدها الهدايا 

الأطفال اول ما شافوها جريو عليها ب فرحه حضنوها 

الأطفال /احلام 

احلام حضنتهم/حبايب قلبي.. وحشتوني 

الأطفال /وانتي كمان 

طفل ١/متغبيش علينا كتير ي احلام لو سمحتي 

احلام /حاضر ي حبيبي. اوعدكم اني مش هبعد عنكم.. هو الشغل بس ال بيعطلني شويه.. المهم جبتلكم حجات حلوه اوي معايا 

طفله٢ بفرحه / بجد َ؟ 

احلام طلعت الهدايا وبدأت تديهم واحد ورا التاني والأطفال مبسوطه َ. لحد ما الهدايا خلصت 

احلام /مين لسه مخدش

طفل ٣/انااا

احلام ادته اخر هديه معاها 

احلام ابتسمت /باااس كدا خلصو 

 

الأطفال بدأو يلعبو بالهدايا ال احلام جيباها بفرحه 

و مديره الملجأ راحت لهم بابتسامه 

المديره /اشكرو طنط احلام ي حبايبي 

الأطفال /شكرا طنط احلام 

احلام بابتسامه /العفو. على اي بس

المديره /يلا روحو العبو 

الأطفال مشيت 

المديره /عامله اى ي احلام 

احلام ابتسمت /بخير حضرتك.. انتي عامله اي ي مدام ألفت 

ألفت بابتسامه /الاطفال هنا بيحبوكي اوي. ديما بيسألو عليكي.. وانا برضو مشفتش ف طيبه قلبك.. بتجيلهم ديما وبتفرحيهم بالهدايا 

احلام ابتسمت /لو اقدر اعمل لهم اكتر من كدا. اكيد هعمل 

في مكان آخر 

في قصر كبير جدا 

(قصر الحديدي) 

قصر ع الطراز القديم و الطراز الحديث.. و الحراس بره ماليه المكان.. أدم جايبهم علشان يحمي اخواته وهو مش موجود 

ادم دخل القصر بعد ما خلص شغل ف الشركة 

رئيسه الخدم راحت له بسرعه /اهلا بحضرتك ي ادم بيه.. تحب احضر لحضرتك القهوه عقبال ما الغدا يجهز؟ 

ادم /فين روان و مالك 

مالك راح لهم 

مالك /لسه فاكر تسأل علينا؟ 

ادم شاور لرئيسه الخدم تمشي 

ومشيت 

 ادم /لسه فاكر اسأل عليكم؟ 

مالك /اه.. وبتسأل لي اصلا.. اختك روان ف اوضتها ع طول ومبتطلعش منها الا لو راحت الجامعه .. وانا ف الشغل .. و اخونا ادم بيه فين؟ مش موجود معانا.. اكيد بيقتل ف ناس. وبيتاجر ف اسلحه. مش كدا؟ انا تعبت من الحياه ال احنا عايشنها دي  

ادم بغضب وبعصبيه /انا عملت دا كله علشان انت واختك تعيشو حياه طبيعيه زي اي حد.. وديت نفسي ف ستين داهيه علشان اقدر اعلمكم احسن تعليم وادخلكم الجامعه وتعيشو حياه مستقره

مالك /بس كان ممكن برضو نعيش بالحلال. بدل شغل المافيا بتاعك دا 

روان اختهم نزلت من اوضتها بتوتر ع صوت عصبيتهم

ادم بغضب / انا لو مكنتش عملت كدا كان زمانا عايشين ف الشارع.. من وقت ما ابوك طارق باشا ساب أمُنا تموت بالسرطان وراح اتجوز واحده تانيه ويعيش حياته.. مرضاش حتى يعالجها بسبب جشعه وطمعه.. استكتر عليها العلاج.. ونا كان عندي ١٥ سنه وقتها.. كان لازم اتصرف واجيب فلوس ل علاجها اشتغلت وقتلت ف ناس و تاجرت ف حجات.. دا كله لي؟ علشان اقدر اساعد امنا.. و اساعدكم....وف الآخر امي ماتت. يعني كل ال عملته دا و فالاخر ماتت.. هو فين طارق باشا صحيح. مش شايفه يعني 

في راجل كبير ف السن راكب كرسي متحرك

وداس ع الزرار ال بيحرك وراح لهم 

ادم /اهووو. طارق باشا وصل 

وآدم قرب منه

ادم بغضب جهوري /انت السبب ف كل حاجة وحشه حصلت لي.. لو كنت ساعدت امي تتعالج من السرطان. كان زمانها عايشه.. و محصلش اي حاجة من دي.. انت اكتر واحد انا بكرهه ف حياتي. انا كان ممكن اقتلك عادي جدا ولا يفرق معايا.. بس لو قتلتك هترتاح. ونا مش عايزك ترتاح.. هسيبك تتعزب كدا وقاعد ع الكرسي دا. ومش لاقي حد يناولك كوبايه مايه.. ماشى ي طارق الحديدي؟ 

طارق /انت عارف ان انا ندمان اني سبتك انت و اخواتك وانتو صغيرين و رحت اتجوزت. وكل يوم بموت من الندم  لاني سبت  نور تموت بالسرطان. 

ادم /ندمان؟ ندمك دا تاخده وتكبه ف الزباله.. ميفرقش معايا

وسابهم وطلع غرفته

مالك اتنهد

(مالك طارق الحديدي.. ٢٩ سنه شعره اصفر في بني وعينه عسلي. والدته هو و ادم و روان ماتت بالسرطان.. ادم وقتها كان عنده ١٥.. ومالك كان عنده ١٠ سنين.. مالك نفسه ادم يسيب الشغل ال بيتشغل علشان خايفه عليه من الحبس و القتل.. لانه  مش هيقدر يعيش من غير اخوه ادم) 

(طارق الحديدي. في أواخر الخمسينات.. اتشل من زمان بسبب مشاكل صحيه و اضطر يقعد ع كرسي متحرك.. قبل ما مراته نور يجيلها السرطان سابها وساب ولاده وراح اتجوز واحده تانيه ضحكت عليه ووقعته ف حبها. و لما نور مراته جالها السرطان  مسعدهاش لان مراته الجديده رفضت دا  .ونور ماتت.. ومن وقتها هو ندمان  ونفسه ادم ابنه يسامحه زي ما مالك و روان سامحوه. قبل فوات الأوان) 

مالك راح وقعد ع ركبته علشان يكون ف مستوى طارق 

مالك مسك ايده /متزعلش منه ي بابا.. هيسامحك.. صدقني هيسامحك زي ما انا و روان سامحناك.. انت مش السبب ولا حاجة ف موت ماما .. و كل دا مقدر ومكتوب

طارق /مش هيسامحني.. ادم ابني ونا عارفه.. بيكرهني... نظرته ليا بتقول انه بيكرهني.. واتغير عن زمان.. البني آدم ال من غير قلب دا.. انا السبب فيه.. من وقت موت امه وهو عنده ١٥ سنه. وهو اتحول ل شخص تاني 

 

روان /هو في اي؟ ادم متعصب اوي لي كدا. انا خفت أتدخل 

مالك قام /مفيش حاجة.. ادم ك العاده متعصب. اي الجديد.. مروحتيش ع جامعتك ليه؟ 

روان /انا جهزت وكنت رايحه اهو.

مالك /ماشى. خلي بالك من نفسك ومتنسيش تاخدي البودي جارد معاكي 

روان /حاضر 

وراحت ل طارق 

روان /عايز حاجة ي بابا؟ 

طارق ابتسم /عايز سلامتك 

وروان باست ايده ومشيت 

(روان طارق الحديدي. ٢٢ سنه. شعرها اسمر وعينها سوده. بتدرس ف جامعه خاصه. والدتها توفت وهي عندها ٤سنين.. و ادم هو ال اهتم بيها وكمان اهتم ب مالك وعلمهم وكبرهم.. ادم بيحب اخواته اكتر من نفسه ومبيقدرش يعيش من غيرهم بس مبيبينش مشاعره لحد ) 

في غرفه الرياضه 

ادم لابس فالينه سودا بحمالات مبينه عضلات جسمه وجماله و لابس القفازات وبيلعب ملاكمة من غير حتى ما يوقف يرتاح

ادم فلاش باك 

ادم عنده ١٣ سنه وقاعد مع مامته ف بلكونه بيتهم القديم ال ف الحاره 

الام (نور) بتشرب الشاي 

نور /ادم حبيبي.. عملت أي ف المدرسه النهارده.. اوعي تكون زوغت منها 

ادم /مدرسه ممله اصلا ي ماما.. بس انا بروحها علشان خاطرك. مش بحب ازعلك 

نور ابتسمت /ي حبيبي هو في احسن من المدرسه؟ دول بيعلموك هناك حجات كتيره اوي.. وكمان عيزاك تتشطر كدا علشان تكبر وتبقى حاجه كبيره ف المستقبل وافتخر بيك 

ادم ابتسم /حاضر.. بس هو انتي مش متضايقه علشان عايشين ف بيت بسيط زي دا؟ مش نفسك نبقى اغنياء يعني؟ 

نور /الفلوس مش كل حاجة.. انا مبسوطه علشان قاعده مع ناس بحبها. انت َوبباك ومالك اخوك. و روان.. انتو أغلى حاجة ف حياتي اصلا 

ادم حضنها /ربنا يخليكي ليا 

نور ابتسمت /ويخليك ليا ي حبيبي 

مالك راح لهم /خيانه. انتو بتعملو اي من غيري 

ادم /اي؟ ل تكون غييرت؟ دي مامتي 

مالك حضن نور /دي مامتي انا كمان ع فكره 

ادم ابتسم /ماشى 

نور ضحكت وحضنتهم هما الاتنين 

طارق راح لهم 

طارق /الله الله. ونا مش هينوبني من الحب جانب ولا اى؟ 

نور ابتسمت /تؤ.. الحب كله ل ولادي بس

طارق /بقى كدا؟ هنبقى نشوف الموضوع دا بعدين 

نور ضحكت 

ادم/هروح اشوف روان بتعمل اي 

طارق /خد يواد انت تعالي 

ادم راح له /نعم ي بابا 

طارق /انت زوغت من المدرسة النهارده ورحت كلت كفته عند عمك حامد ال عندنا ف الحاره؟ 

ادم /احم.. انت عرفت؟ عم حامد ال بيقولك صح؟ 

طارق/لا ملكش دعوه مين بيقولي . متزوغش تاني 

ادم /حاضر  ي بابا... عم حامد دا حسابه معايا بعدين 

طارق ضحك وحضنه 

ونور  ابتسمت 

مالك /اي دا ي ادم؟ تزوغ من المدرسه وتروح تاكل كفته؟ 

طارق /شوف اخوك الصغير اعقل منك ازاي 

مالك /مختنيش معاك اكل كفته لي؟ ما انت عارف اني بحبها 

طارق /ي حول الله ي رب 

نور ضحكت وسمعت صوت روان بتعيط 

نور /هروح اشوف روان بتعيط لي. ربنا يهديكم 

ومشيت

 طارق /يارب 

باااك 

ادم تعب وعرق 

وشال القفازات من ايده 

وسند ع ركبته واتنفس بهدوء 

و فراس دخل ومعاه ٢ رجاله.. المساعدين بتوع ادم 

فراس /اتصلت بيا وقلت لي تعالي.. في عمليه جديده ولا اى 

ادم قعد ع الكنبه بتاعته وشرب شويه مايه 

ادم /راجل مهم جدا من إيطاليا .. يلزمه طفل  عنده ٧ سنين من ملجأ هنا ف مصر 

فراس /يتبناه يعني؟ 

ادم /يتبناه... ياخده بره مصر... يتاجر بيه... ميخصنيش. ال يخصني انكم تروحو تاخدو الطفل دا ب اي طريقه وتجبهولي هنا. 

فراس /الملجأ اسمه اي

ادم / الملايكه.. اسم الطفل و شكله وكل المعلومات موجوده ف الملف دا. ومش عايز مشاكل... مفهوم ؟

فراس والرجاله التانيه /مفهوم 

ادم شاور لهم يمشو 

وفراس خد الملف 

ومشيو علشان ينفذو طلباته

روايه الجميله والوحش البارت 2

في ملجأ الملائكه 

في منتصف اليوم

احلام قاعده بتلعب مع الأطفال والاطفال مبسوطه و المديره ألفت قاعده بتتفرج عليهم ومبتسمه 

فجأه دخل الميتم تلت رجاله مسلحين ومعاهم فراس 

أُلفت بخضه/اي دا في اي

احلام بخوف/انتو مين وعايزين اي

فراس بغضب/انا مش عايز اسمع نفس حد .لمولي كل الأطفال دي هنا  قدامي وحالا 

الفت/انتو عايزين مننا اي انو ف ملجأ يتاما حرام عليكم 

فراس طلع السلاح من جيبه وصوبه عليهم و الأطفال صوتت وحضنو بعض بخوف وهما بيعيطو 

فراس/قلت لمو الأطفال كلها قدامي حالا

احلام بتوتر وخوف حاولت تستجمع نفسها /ح حاضر 

واحلام وأُلفت جابو كل الأطفال ال متفرقه وقعدوهم جمب بعض وكانو بيعيطو وخايفين واحلام بتحاول تهديهم 

وفراس كان بيدور بعينه ع الطفل ال عايزينه الملف كان فيه صورته واسمه وسنه

ولقاه وكان قاعد جمب احلام بيعيط 

فراس حاول يشده بس هو مسك ف احلام جامد واحلام خدته ف حضنها ومش راضيه تسيبه 

احلام بغضب/انت عايز  منه اي حرام عليك سيبه..سيب اياد

فراس بيحاول ياخده واياد بيصرخ وهو ماسك ف احلام و احلام مش راضيه تسيبه 

فراس /سيبي الولد 

احلام  حضنت اياد بقوه وقالت بغضب/لاء مش هسيبه 

فراس صوب السلاح ع دماغها والفت صوتت بخوف

فراس بغضب/بقولك سيبي الولد 

احلام بجرأه وبغضب/ونا قلت لك مش هسيبه.. لو حابين تاخدوه انا هروح معاه 

فراس/خلاص.انتي ال جبتيه ل نفسك 

وحط السلاح ف جيبه وشاور للرجاله ياخدو احلام واياد ع العربيه 

في مدرسه احلام ال بتشتغل فيها و فنفس الوقت مدرسه ليليان 

جه وقت المرواح وكل الأطفال اهلهم جم استلموهم الا ليليان 

كانت قاعده ع كرسي ف الجنينه وحاطه ايدها ع خدها 

مدرسه شافتها وراحت لها

المدرسه/اي ي ليليان ي حبيبتي قاعده هنا لي مروحتيش البيت

ليليان/مستنيه احلام تروحني البيت

المدرسه/فعلا هي بتخلص الحصص بتاعتها وبتاخدك وبتروحو البيت سوا.هي راحت فين 

وقررت ترن عليها 

المدرسه/خليكي هنا ي حبيبتي انا هشوفها فين

ليليان هزت راسها بموافقه

المدرسه رنت ع احلام بس احلام مبتردش 

في مصنع كبير وفاضي 

موجود في رجاله آدم 

و ف اوضه حاطين فيها احلام ورابطين ايدها وقاعده ع الارض وواخده إياد ال بيعيط ف حضنها 

أمام المصنع 

آدم و فراس واقفين 

آدم بغضب/اي الجنان ال انت بتقولو دا .انا مش قايلك هات الواد من غير مشاكل 

فراس/ما اعمل اي ي آدم هي أصرت متسبش الواد الا ع جستها..اقتلها يعني وسط مكان مليان ناس وحواليه بيوت ؟ اضطريت اجيبها معايا وانت تتصرف معاها 

آدم/و الواد فين

فراس/معاها جوه 

في اوضه احلام ال ف المصنع 

اياد بدموع وخوف/هما هيعملو فين اي ي طنط احلام .هيموتونا

احلام حاولت تمالك اعصابها والهدوء علشان اياد مايخفش

احلام ابتسمت/لا ي حبيبي اي ال انت بتقوله دا ..هو انت مفكر ال بيحصل دا بجد

اياد بصلها ببراءه/يعني اي

احلام حاولت الهدوء وابتسمت 

احلام/هو انا مقلتلكش .مش النهارده عيد ميلادي 

اياد ابتسم/بجد. كل سنه وانتي طيبه 

احلام/وانت طيب ي روح قلبي. ف انا بقي اي قلت مينفعش عيد ميلادي يعدي عادي كدا  .ف قلنا نلعب لعبه . 

اياد/لعبه اي

احلام/ان ناس تيجي تخطفنا. ونشوف بقي مين هيستحمل للآخر ويكسب  .ومين ال هيخاف وينسحب.ها اي رايك  ناوي تكسب ولا اي

اياد بابتسامه/ايوااا انا هكسب

احلام ابتسمت/يعني مش هتخاف 

اياد ابتسم/لاء مش هخاف وهنكسب انا وانتي 

احلام بابتسامه خدته ف حضنها وباست راسها/برافو عليك 

فجأه الباب انفتح و دخل راجل من رجالة آدم معاه اكل وحطه ع الارض 

الراجل/الاكل 

احلام بصتله بغضب وبقرف /شكرا تقدر تشيله مش عايزين حاجه

الراجل/خلاص براحتك 

اياد بص ل احلام

احلام/انت جعان ي حبيبي 

اياد /اه 

احلام بصت للراجل/طب ع الاقل فك ايدي علشان أأكله 

الراجل/

احلام/اكيد انا مش هعرف اهرب منكم يعني

الراجل راح فك ايدها 

وفجاه  الباب انفتح بقوه وآدم و ٢ رجاله دخلو 

احلام بخوف مسكت ف اياد اكتر واياد حضنها اكتر 

آدم بص ع احلام لقاها نفس البنت ال شافها صدفه مرتين

آدم ل راجل من الرجاله/خدو الطفل ع برا 

احلام بخوف/هتعملو في اي 

الراجل شد اياد من حضن احلام

اياد بخوف/طنط احلام

احلام بتحاول تهدي وبتطمنه/متخفش ي حبيبي .مش احنا اتفقنا متخافش 

والراجل خد اياد وطلع 

احلام بعصبيه بصت ل ادم/انتو عايزين مننا اي وواخدين اياد ع فين 

آدم/مين فك ايدها 

الراجل بتوتر/دا انا ي آدم بيه هي طلبت كدا علشان تعرف تأكل الولد 

آدم راح وقف قدامه/وانت استأذنت مني؟

الراجل بخوف/لاء بس ا

آدم طلع سلاحه وضربه طلقه ف نص دماغه ووقع ومات

احلام شهقت وحطت ايدها ع فمها وفضلت باصه ع الراجل ال مات بصدمه وايدها بتترعش 

آدم بغضب/خده ع برا

راجل من رجاله آدم خد ال شخص ال مات ع برا 

وآدم قرب ع احلام واحلام قامت بخوف وفضلت تبعد عن آدم وآدم يقرب اكتر لحد ما خبطت ف الحيطه

احلام بدموع وخوف/ا انت عايز مني اي

ادم/هقتلك..مش انتي ال طلبتي دا 

احلام هزت راسها بدموع/لا انا مطلبتش اموت.انا عايزه اعيش .علشان خاطري متأذنيش 

آدم صوب السلاح ع دماغها واحلام كانت مرعوبه 

ادم/لاء طلبتي .انتي ال جيتي هنا بمزاجك .وطالما شفتي وشوشنا كلنا وشفتي المكان دا يبقي هتموتي 

احلام هزت راسها بخوف ودموع/لاء انا مش عايزه اموت دلوقتي .لسه في حجات كتير محتاجه اعملها علشان خاطري متموتنيش..اكيد في حل تاني غير انك تموتني ..سبني امشي ونا والله العظيم ما هقول لحد اي حاجه

آدم نزل السلاح من ع دماغها وقرب منها 

ادم/عايزه حل تاني غير انك تموتي

احلام مسحت دموعها بخوف/ايوا علشان خاطري متأذنيش

ادم/ تتجوزيني .. تبقي مدام آدم الحديدي ووقتها تقدري تعيشي 

احلام بغضب وعصبيه  /اي ال انت بتقوله دا .انا مستحيل اتجوز واحد قتال قتله ومريض زيك .انت خليت عيد ميلادي اسوء يوم ف حياتي  .انا ال موت ارحم لي من اني ابقي ع ذمه واحد زيك 

آدم عمر السلاح وحطه ع دماغها 

ادم/يبقي الموت ارحم لك فعلا

احلام بدموع غمضت عينها وافتكرت بباها و اخواتها و قد اي هما محتاجين لها وبباها ممكن يحصله حاجه من بعدها 

احلام فتحت عينها وقالت بدموع/خلاص ..انا موافقه 

آدم نزل السلاح من ع دماغها وحطه ف ضهره و شد احلام بقوه من دراعها وطلعو برا المصنع 

وفراس كان شايف ادم وهو ساحب احلام ووراه ناحيه العربيه وبص ب استغراب

آدم خد احلام  عند العربيه

وكان عند العربيه رضا ايد آدم اليمين 

آدم  ركب احلام العربيه وقفل الباب 

رضا اعطي آدم شنطه احلام

رضا/دول حاجتها .الشنطه مفهاش غير موبايلها وشويه الوان 

ادم اخد الشنطه منه 

فراس راح ل آدم بسرعه

فراس/اي ي آدم انت واخدها ورايح ع فين 

ادم/جهز معاد بكره مع مأذون وهاته ع القصر 

وآدم ركب العربيه وانطلق 

فراس بصدمه/اي

وبص ل رضا 

فراس/ال سمعته دا صح

رضا هز راسه ب اه 

(رضا في التلاتينات. شغال مع آدم من سنين وأيده اليمين ومخلص ليه  و آدم بيثق فيه جدا و بيعتبره فرد من عيلته )

في عربيه آدم المغرب

سايق و احلام جمبه بتعيط وماسكه دراعها ال آدم شده منها بوجع 

احلام/احنا رايحين ع فين و إياد فين .خدتو إياد ع فين

آدم باصص للطريق وساكت

احلام بصتله وقالت بغضب/انا عايزه اعرف احنا راحين ع فين ..انا عايزه اطمن اهلي عليا زمانهم هيموتو من الخوف 

آدم بغضب جهوري/صوتك دا ميعلاش قصادي انتي فاهمه ولا لا ...و مش عايز اسمع نفسك

احلام اتفزعت من عصبيته و خافت وسكتت 

وبعد شويه وصلو القصر 

وآدم نزل من العربيه وراح فتح باب احلام ونزلها من العربيه ومسكها من دراعها وبتجااهم للبيت 

وآدم طول ما هو ماشي وجارر احلام وراه هي عماله تعيط وتكلمه وتتوسل له يسيبها تمشي وهي مش هتقول للبوليس حاجه وآدم متجاهل كلامها ومكمل ف طريقه للبيت

ودخل القصر 

وكان ف الصالون قاعد طارق و روان جمبه 

ومالك نزل من غرفته 

لقو آدم داخل البيت وف ايده واحده وبتعيط 

وطلعو ع اوضته فوق و طارق ومالك وروان ف حاله من الدهشه

في غرفه آدم 

دخل احلام جوه

وكانت الاوضه كبيره فيها دريسنج و حمام و ف اخر الاوضه كنب وتلفزيون 

ادم/هتفضلي هنا ي عروسه لحد ما المأذون يوصل ..ومتحاوليش تهربي علشان كدا كدا مش هتعرفي

وطلع وقفل الباب بالمفتاح 

احلام بتخبط ع الباب بدموع علشان حد ينجدها بس مفيش رد من حد 

احلام/اي ال انت بتعمله دا افتحلي الباب 

حد يفتحلي الباب 

آدم نزل من فوق

طارق/مين ال بنت دي ي آدم 

مالك/اي البيحصل ي آدم ومين البنت ال جايبها ع البيت دي 

آدم/مفيش هتجوزها بكره 

طارق ومالك و روان بصو ل بعض بصدمه 

مالك/اي ال انت بتقوله دا .البنت باين عليها مش موافقه 

طارق/هتتجوزها غصب عنها ازاي بس 

آدم بغضب /انت مش من حقك تدخل ف اي حاجه ي طارق الحديدي ..ومحدش من حقه يقولي اعمل اي ومعملش اي ..المأذون هيجي بكره ويكتب الكتاب والموضوع خلص 

وطلع برا البيت 

عند كرم و حمزه و مريم و ليليان ف قسم الشرطه  مرعوبين ع احلام 

والشرطه بتدور ع احلام ف كل حته 

ألفت بتحكي كل ال حصل قدام الظابط وقدام اهل احلام وهي منهاره 

ألفت بدموع/أصرت تروح مع اياد ومتسبوش وخدوها ومعرفش ع فين 

كرم بخوف/ي حبيبتي ي بنتي.يارب رجعهالي ب السلامه 

حمزه بتوتر/ايوا يعني هنوصل ل اختي ازاي .هنلاقيها فين 

الظابط كمال/عايزكم متقلقوش خالص احنا بندور عليها ف كل حتي وبنتبع اخر اشاره موبايلها كان مفتوح فيه وان شاء الله هنوصل لها ونلاقيها

مريم بدموع/ربنا يرجعك لينا ب السلامه ي احلام .

وليليان بتعيط و مريم بتحاول تهديها

في قصر آدم الحديدي 

في غرفه آدم 

احلام قعده ع كرسي وضامه ركبتها ل صدرها وبتعيط 

وفجأه الباب انفتح وخادمه دخلت ومعاها صينيه اكل 

حطتها ع الطربيزه قدامها

الخادمه/الاكل ي هانم 

احلام مسحت دموعها /شيلي الاكل من وشي

الخادمه/بس دي أوامر آدم بيه قال ان حضرتك لازم تاكلي 

احلام بعصبيه/انا مالي ب أوامره انا .شيلي الاكل انا مش هاكل حاجه

روان دخلت الغرفه 

روان/روحي انتي ي هبه 

هبه/حاضر 

وهبه طلعت من الغرفه وقفلت الباب 

وروان قعدت قصاد احلام

روان ابتسمت/انا روان اخت آدم 

احلام بغضب/اخوكي دا معندوش ولا قلب ولا احساس 

روان ابتسمت/شكلك طيبه اوي .اي ال وقعك قدام آدم الحديدي بس 

احلام مسكت ايد روان بترجي/خرجيني من هنا قبل ما يرجع..علشان خاطري خرجيني من هنا

روان/انا كان نفسي اساعدك بس صدقيني مينفعش . لو حد فكر بس يساعدك آدم هيعمل مشكله كبيره .دا غير الحراس الكتير ال برا .مستحيل تعرفي تخرجي الا ب امر منه 

احلام سابت ايدها 

و مسحت دموعها بغضب

احلام /سبيني لوحدي بعد اذنك

روان اتنهدت وطلعت من الغرفه

واحلام بصت ع باب الغرفه بتفكر تخرج بس شافت الخادمه وقافه ع الباب 

و بعد دقايق روان جت ومعاها لبس 

روان ابتسمت/دا لبس  من عندي علشان تقدري تغيري هدومك 

احلام/

روان حطت الهدوم جمبها وطلعت من الغرفه والخادمه قفلت بالمفتاح 

احلام قامت وبتبص حواليها بتحاول تلاقي مخرج عاشان تهرب 

وبصت من البلكونه بس لقت المسافه كبيره اوي 

وفي حرس كتير اوي ع البوابه 

احلام بدموع/يارب ساعدني اخرج من هنا واروح ل اهلي 

مساءا في قسم الشرطه 

عند كرم وحمزه ومريم وليليان قاعدين ف القسم منتظرين اي خبر

كامل راح لهم

حمزه قام بسرعه/اي وصلتوا ل احلام 

كامل /لاء لسه مفيش اي خبر .لسه بيدورو 

كرم اتنهد وبيدعي 

كامل/بس وجودكم هنا ملوش داعي .احنا كدا كدا هنعمل ال نقدر عليه علشان نلاقي احلام .تقدرو تروحو وحنا لو وصلنا ل أصغر معلومه هنبلغكم 

كرم/انا مش هتحرك من هنا الا لما بنتي ترجع معايا البيت 

حمزه/بس كامل بيه معاه حق ي بابا .هروحك انت و مريم وليليان ترتاحو ونا هفضل هنا لو حصل اي حاجه هبلغك 

كرم بحزن/قلت لك مش هتحرك من هنا الا واحلام ف حضني

حمزه /علشان خاطري ي بابا اسمع الكلام  انت تعبان ولازم تاخد ادويتك 

مريم مسحت دموعها/أيوا ي عمو انت محتاج ترتاح. وان شاء الله حمزه هيطمنا 

كرم/يارب يارب

في اليوم التاني صباحا ف القصر 

الخدم بيجهزو الفطار 

و طارق و مالك قاعدين ف الصالون 

طارق اتنهد/وبعدين ف البنت ال آدم جايبها  دي .هو عايز منها اي البنت صعبانه عليا شكله  هيتجوزها غصب عنها

مالك اتنهد/اكيد غصب عنها  محدش يعرف آدم ف دماغه اي ي بابا. بس روان قالت لي انها مبطلتش عياط طول الليل ومكلتش من امبارح 

طارق اتنهد 

طارق/انت هتروح ع الشركه

مالك/كان مفروض اروح بس آدم قالي افضل هنا النهارده علشان كتبت الكتاب 

طارق اتنهد/لا حول ولا قوة إلا بالله 

وروان نزلت من فوق 

طارق/البنت كويسه ي بنتي

روان اتنهدت/باين عليها طيبه اوي ي بابا. بس لسه منهاره وعايزه حد يهربها من هنا بس طبعا دا من سابع المستحيلات بدون موافقه آدم

رئيسه الخدم طلعت من المضبخ بعد ما الخدم حطو الاكل ع السفرا

رئيسه لخدم/اتفضلو الفطار جاهز 

آدم وصل ب عربيته قدام القصر ونزل منها ودخل البيت 

وطلع ع غرفته بدون ولا كلمه 

طارق و مالك بصو ل بعض 

فوق ف غرفه آدم

فتح الباب بقوه ودخل

احلام كانت قاعده ع الكنبه بتعيط واتخضت اول ما آدم دخل وقامت 

احلام مسحت دموعها/انا عايزه اطمن اهلي عليا .محتاجه تليفوني 

آدم تجاهلها ودخل الدريسنج وبدأ يغيره هدومه 

احلام بتكلمه من بره وهو ف الدريسنج بيغير 

احلام/حرام عليك انا بابا تعبان ولما بيقلق بيتعب اكتر زمانه هيموت من الخوف دلوقتي هو وحمزه .خليني اطمنهم ..و إياد كمان عايزه اعرف هو فين وعملتو في ايه حرام عليكم دا طفل صغير

آدم طلع من الدريسنج بعد ما غير هدومه 

آدم/بترغي كتير انتي...يلا انزلي هنفطر 

احلام بغضب من تجاهله /مش عايزه افطر 

آدم قرب منهاا بغضب ومسك دراعها/انا بقول الكلمه مره واحده .إياك ثم إياك تعارضي كلامي مره تانيه ..يلا قدامي حالا

احلام بخوف ووجع هزت راسها بموافقه 

آدم ساب دراعها وطلع تليفونه 

ادم/و دا اياد ال ضحيته بحياتك علشانه وخايفه عليه ..عايش احلي عيشه ف المانيا..و دا بباه الحقيقي 

وفتح فديو واياد كان ف فيلا وبيلعب ف حمام السباحه وجمبه واحده  ف التلاتينات بتلعب معاه بابتسامه 

واحلام دمعت وارتاحت لما لقته بخير 

آدم قفل الفديو 

ادم/يلا قدامي 

احلام اتحركت قدامه ونزلو عند السفرا وكان طارق و مالك و روان بيفطرو 

آدم قعد 

طارق/اتفضلي اقعدي ي بنتي 

احلام /ا انا 

آدم بصلها 

واحلام خافت و قعدت جنب آدم بتوتر وآدم بيفطر ببرود

 

روان حاولت تهدي الوضع وتوتر احلام 

روان ابتسمت/دا بابا طارق ي احلام ودا مالك اخويا.ودي احلام 

طارق ابتسم/اهلا ي بنتي

مالك/اهلا بيكي 

ادم  ب امر/كلي يلا

احلام/انا عايزه اطمن بابا عليا

ادم بياكل وساكت/

احلام بغضب/انا بابا قلقان عليا  ولازم اطمنه 

ادم/لو كلتي هخليكي تكلميهم 

احلام بدأت تاكل علشان يوافق تكلم اهلها

وطارق ومالك واحلام مصدومين من هدوء آدم مع احلام .ف العادي محدش بيجرأ يكلم آدم كده

آدم جاله مكالمه و دخل الصالون يرد 

احلام بصت ل طارق و مالك بترجي 

احلام/علشان خاطري حد يطلعني من هنا .انا موجوده هنا غصب عني .حد يخرجني من هنا 

طارق/مع الاسف ي بنتي والله ما ينفع .انتي شكلك متعرفيش آدم. مستحيل اي حاجه تحصل من غير أمره ولو حاجه حصلت من وراه الدنيا بتتخرب 

مالك/كان نفسنا نساعدك بس دا صعب 

احلام دمعت 

وآدم خلص المكالمه وراح لهم 

وطلع من جيبه كريدت كارد وحطها قدام روان

ادم/روحي المول هاتي لها كام حاجه تلبسها وطبعا مش هتتحركي من غير البودي جارد

روان/حاضر 

وآدم مسك دراع احلام وطلعو ع الغرفه 

ودخلو وادم ساب دراعها 

احلام بغضب/ متمسكش دراعي ب الطريقه دي انت بتوجعني 

وحطت ايدها ع دراعها بوجع 

آدم طلع من جيبه موبايل احلام 

آدم/عايزه تبعتي مسدج ل مين وتقولي اي

احلام بصتله/

ادم/ايوا .انا ال هبعتها .دماغك الحلوه دي متحاولش تتذاكي عليا تاني

احلام بدموع/ابعت ل حمزه قوله اني كويسه و ميقلقوش عليا 

آدم بعت الرساله وقفل موبايلها تاني 

ادم/ساعه والبس ال هتجيبه روان يكون عندك وتلبسي وتنزلي هيكون المأذون وصل 

وكان هيطلع برا الغرفه 

احلام بدموع/مفيش حل تاني ؟

آدم وقف وبصلها 

احلام/اكيد في حل تاني غير اننا نتجوز ..انت لو سبتني امشي والله العظيم ما هقول ل اي حد حاجه من الشفتها .بس سبني امشي

آدم /للاسف مفيش حل تاني .ي نتجوز ي اقتلك ..لو حبيتي تتجهي للحل التاني عرفيني بس

وطلع برا الغرفه 

واحلام خبطت الطربيزه ال جمبها بغضب 

وبصت من البلكونه لقته ركب عربيته ومشي 

احلام فتحت باب الغرفه لقته مفتوح ومتقفلش ب المفتاح 

ابتسمت و بص تشوف في حد ف الطرقه ولا لا ملقتش حد

كانت هتنزل ع السلم لقت خدامه معديه 

استخبت بسرعه لحد ما الخدامه عدت 

وبصت ف الصالون التاني لقت طارق بيقرأ قرآن  

حاولت تتسحب براحها وطلعت برا القصر لقت حرس كتير اوي عند البوابه و وواقف معاهم رضا

 رضا/حضرتك محتاجه حاجه ي  هانم 

احلام/اه كنت عايزه اخرج اشتري حاجه 

رضا/حضرتك ممكن تقولي لنا محتاجه اي وحنا هنجيبه 

احلام اتنهدت بغضب/ لا مينفعش انا ال لازم اجيبه .هيحصل اي يعني لو خرجت 5 دقايق الدنيا مش هتخرب 

رضا/خلاص نتصل ب آدم بيه نقوله ان حضرتك محتاجه تخرجي 

احلام/احم ل لاء خلاص .انا هبقي اخلي روان تجبلي ال انا عيزاه 

ودخلت تاني القصر بغضب 

في القسم 

كرم و حمزه و مريم قاعدين مستنين اي خبر 

وفجأه حمزه جاله مسدج 

حمزه قام بفرحه /بابا بابا احلام .احلام بعتت رساله 

كرم و مريم قامو بسرعه 

كرم/اي انت بتتكلم جد

مريم/هي كويسه ي حمزه 

كامل بيه راح لهم بسرعه 

حمزه/بتقول انها كويسه وبخير ومنقلقش عليها  ..اي الجنان دا .يعني اي 

كامل خد الموبايل من حمزه يشوف المسدج 

ونده ع حد من الظباط/حددلي بسرعه من رقم تليفونها هي فين ..بسرعه 

الظابط جري بسرعه ع قسم المعلومات 

كرم بحزن/مستحيل بنتي تبقي بخير وتسبنا ميتين من القلق عليها كدا 

مريم بدموع/يارب طمننا عليها يارب 

كامل/متقلقوش ان شاءالله هنوصل لها .هنعرف عنوانها من آخر مكان موبايلها انفتح فيه 

حمزه بقلق/يارب يارب

في القصر 

عند احلام راحت ل روان ال قاعده ف غرفتها 

احلام/ممكن ادخل 

روان ابتسمت/اكيد طبعا

احلام/هو انا كنت محتاجه شنطتي بس آدم مش عارفه عاينها فين .فيها الوان محتاجاها ضروري علشان انا بحب ارسم 

روان/هو انا مش عارفه هي هنا ولا لا بس هو بيحط حجاته المهمه ف اوضته مكتبه. بس منصحكيش تخشي بدون إذن آدم 

احلام/تمام شكرا 

وطلعت برا الاوضه وقررت تتجاهل نصيحتها وتروح اوضه المكتب وتدور ع الشنطه والتليفون تتصل بالشرطه 

ودخلت مكتب آدم براحه وبحزر 

دورت ف ادراج المكتب لقت شنطتها 

احلام بفرحه مسكت شنطتها بسرعه ودورت ع موبايلها

ورنت ع الشرطه بسرعه 

احلام/الو ا

وبصت ع باب الاوضه لقت آدم و الموبايل وقع منها بخوف واتكسر 

احلام بلعت ريقها بخوف /انا ا 

ادم/انتي اي ..عايزه تتصلي ب البوليس يجي يلحقك من هنا 

احلام دمعت /ايوا انا عايزه امشي 

آدم/تعالي 

وشدها من دراعها ونزلو ع تحت وطلعو برا القصر قدام البوابه 

آدم ساب دراعها/يلا امشي

احلام/

ادم/مش انتي عايزه تمشي؟..يلا امشي 

احلام بعدم تصديق وبفرحه/ا امشي بجد؟

آدم/اه .بس اظن مش هتلحقي تفرحي انك رجعتي ل اهلك .. 

احلام/يعني اي

ادم فتح موبايله وكان شغال فديو كول

حمزه طالع من القسم وركب تاكسي ورايح ع البيت يجيب دوا ل بباه

وفي راجل من رجاله حمزه مصوب سلاح ع حمزه ال طالع البيت  

احلام بخوف وصدمه/حمزه

آدم قفل التليفون 

ادم/وبباكي مش محتاج اقتله كدا كدا هو عنده القلب وصدمه زي دي هيموت فيها 

احلام قربت من آدم بغضب/إياك تفكر تأذي حد من عيلتي..انت فاهم ولالا .إياك تفكر تأذي اخويا 

آدم بغضب/يبقي تطلعي فوق زي الشاطره تستني المأذون يوصل

احلام بغضب /انا بكرهك 

ودخلت القصر تاني بدموع 

أدم  راح ل رضا ال عند بوابه القصر 

ادم/لو حاولت تخرج من القصر تاني عرفوني ف وقتها 

رضا هز راسه بموافقه 

في منتصف اليوم ف القصر

ف الصالون 

طارق و مالك قاعدين بعد ما غيرو هدومهم 

والمأذون  قاعد جمبهم وقدام القصر في صحافه عايزين يعرفو تفاصيل عن خبر جواز رجل الأعمال ادم الحديدي

و روان ف الصالون التاني بتتكلم مع فراس وهي لابسه دريس بيج 

روان/يعني مفيش حل تاني ي فراس .انا زعلانه علشانها اوي

فراس كان سرحان ف حلاوتها و جمالها ب الدريس وباصص ف عنيها و مكنش مركز ف كلام ال بتقوله

روان/فراس انا بكلمك 

فراس انتبه/ها .اه .انتي عارفه اخوكي ال ف دماغه بيعمله محدش يجرأ يعارضه 

روان/طب وحصل اي علشان يتجوزها غصب عنها 

فراس/لاء معرفش

روان/ي سلام .صدقت انا كدا .دا انت تعرف كل كبيره وصغيره عن ادم وشغل آدم 

فراس ابتسم /شكلك حلو اوي النهارده 

روان ابتسمت/بجد شكلي حلو؟

فراس باصص ف عينها/اوي

و آدم دخل القصر 

و فراس و روان راحو لهم 

آدم شاور ل روان تطلع تجيب احلام 

روان هزت راسها بموافقة وطلعت غرفه آدم والخادمه فتحت ب المفتاح وروان دخلت 

لقت احلام قاعده ع الكنبه بتعيط ولابسه دريس ابيض بسيط وكان شكلها حلو اوي و زي ما يكون معمول علشانها 

روان ابتسمت/شكلك حلو اوي 

احلام/

روان/آدم عايزك تحت علشان المأذون وصل وهيكتب الكتاب

احلام بدموع /انا مش عايزه اتجوزه. مش عايزه ابقي ع ذمه واحد عديم القلب والاحساس زيه 

روان/بس انتي لازم تنزلي دلوقتي احسن ما آدم يطلع ويعمل مشكله 

احلام قامت بغضب 

ونزلت مع روان 

وآدم كان واقف تحت لابس بنطلون اسود و تيشرت اسود بنص وعليه جاكيت بدله سودا

 

وبص ع احلام وهي بتنزل من تحت ل فوق .وكان شكلها حلو اوي والدريس زي ما يكون معمول علشانها و طالعه زي القمر حتي وهي مبهدله نفسها عياط 

و روان قعدتها و ادم قعد 

آدم للمأذون/تقدر تبدأ 

المأذون/تمام 

وبدأ ب إجراءات كتب الكتاب و مالك و فراس مضو ك شهود 

و احلام طول كتب الكتاب مبطلتش عياط 

المأذون/بارك الله لكما وبارك عليكما وجمع بينكما في خير 

وفجأه دخل من باب القصر 

كرم و حمزه و مريم ومعاهم الظابط كمال و كام ظابط تانين 

كرم وحمزه ومريم بصو بصدمه للمأذون ال لسه كاتب الكتاب 

احلام قامت/بابا

الجميله والوحش البارت 3

في قصر آدم الحديدي 

كرم بصدمه/انتي بتعملي اي هنا ي احلام 

احلام/بابا انا ا

حمزه بعصبيه/انتي اي .احنا بقالنا يومين هنموت من القلق عليكي وانتي بتتجوزي 

آدم شاور ل رضا يوصل المأذون ع برا

رضا هز راسه بموافقه وراح للمأذون 

رضا/اتفضل ي شيخنا 

وخد المأذون وطلعو ع برا

آدم قام /اهلا حمايا وابن حمايا. معلش الموضوع جه بسرعه ملحقناش نعرفكم

حمزه بغضب/انت اكيد جايب اختي هنا ومتجوزها غصب عنها صح. احلام مستحيل تعمل كدا من ورانا 

ادم/اختك عندك اهي تقدر تسألها متجوزها غصب عنها ولا لا 

حمزه قرب من احلام ومسك ايدها/متخافيش ي احلام وقولي .كمال بيه معانا وهيساعدك وهما اكيد خاطفينك صح 

احلام بتوتر بلعت ريقها/ل لاء انا هنا ب ارادتي 

كرم بغضب/يعني اي .يعني اي ال انتي بتقوليه دا

احلام مسكت ايد كرم/اهدي ي بابا علشان صحتك ونا هفهمك كل حاجه والله

وبصت ل آدم

احلام/ممكن اخد اهلي واتكلم معاهم ف جمب 

آدم هز راسه بموافقة 

احلام/تعالو معايا بعد اذنكم

وخدت بباها و حمزه ومريم ف الصالون التاني

حمزه بعصبيه/اي البيحصل ي احلام دا ما تنطقي .يعني اي تتجوزي من ورانا

كرم بحزن/بقالنا يومين قالبين الدنيا عليكي وانتي هنا بتتجوزي.ومن ورانا 

احلام بدموع نفسها تترمي ف حضنهم وتقول الحقيقه بس خايفه آدم يأذيهم زي ما هددها .هي مستعده تفضل محبوسه هنا سنين ولا حد يأذي شعره من شعر اهلها

احلام /ا الموضوع جه ب بسرعه واتجوزنا بس مش أكتر .أما أنا بحبه وعايزه اتجوزه مش جايه هنا غصب عني

مريم/اي ال انتي بتقوليه دا ي احلام. موضوع اي ال جه بسرعه .و ازاي تتجوزي ب الطريقه دي 

احلام/انا ا 

كرم بوجع/بس مش عايز اسمع منك حرف ..انتي جيتي هنا و اتجوزتي من غير حتي ما تعرفيني .عمري ما كنت اتخيل ف يوم تعملي فيا كدا ي احلام .من النهارده مش عايز اشوف وشك..يلا ي حمزه 

كرم كان هيمشي احلام مسكت ايده 

احلام بدموع/ي بابا متقولش كدا علشان خاطري 

كرم سحب ايده من ايدها وطلع برا الصالون 

احلام /علشان خاطري ي حمزه افهمني ومتخليش بابا يزعل مني .انا ا

حمزه/انتي اي ي احلام .انتي اي .انتي متعرفيش حصل فينا اي اليومين ال فاتو وحنا فاكرين ان جرالك  حاجه  و ف الاخر نيجي ومعانا ال بوليس نلاقيكي بتتجوزي وانتي ولا ع بالك 

وسابها وطلع من الصالون 

مريم حضنت احلام واحلام عيطت ف حضنها 

احلام/خلي بالك منهم ي مريم علشان خاطري . وخليهم يسامحوني 

مريم /حاضر ي حبيبتي. حاضر 

ف الصالون التاني 

كرم و حمزه راحو بتجاه كمال بيه ال واقف عند الباب 

كرم ل كمال بيه بخيبه امل/يلا ي كمال بيه نمشي.يلا ي حمزه 

ومريم و احلام طلعو من الصالون التاني وراحو لهم 

حمزه/يلا ي بابا 

وحمزه خد مريم وطلعو كلهم من القصر 

واحلام بدموع طلعت الغرفه فوق 

و روان طلعت لها فوق تحاول تهديها 

آدم ل فراس/تعالي عايزك 

وطلعو برا القصر 

و طارق ومالك بصو ل بعض 

طارق/ربنا يهديك ويصبرها عليك ي آدم ي ابني

مالك اتنهد 

مساءا في مكان اخر 

في مصنع كبير 

مصنع الصقراوي 

في رجاله مسلحه ف كل حتي 

وفي راجل في الأربعينات (الصقراوي )قاعد ع طربيزه وقدامه حد من رجالته

الصقراوي قام من ع المكتب وخبط عليه بغضب

الصقراوي/يعني اي آدم الحديدي ياخد مننا صفقه الاسلحه للمره التانيه ..هو محدش قادر يوقفه عند حده ولا اي

الشاب/جه وقت الصفقه وقتل كل رجالتنا ونا هربت من غير ما ياخد باله بالعافيه .كان زماني ميت دلوقتي 

الصقراوي بغل/والله ل تندم ي آدم الحديدي ..انا عايز كل ال معلومات عن عيلته  تيجي قدامي وحالا 

الشاب/حاضر ال تأمر بيه

في عربيه حمزه

سايق و كرم جمبه و مريم ورا 

كرم بحزن /انا مش قادر اصدق ان دي احلام بنتي .اكنها واحده تانيه 

حمزه وهو مركز ف السواقه/انا  سمعت عن الشخص ال احلام اتجوزته دا 

كرم/انت تعرفه ؟

حمزه/لاء  سمعت عنه ف سوق العمل بس .دا شخص  معروف وعنده شركات ومصانع كتير والكل بيعمله الف حساب 

وقال بغضب/بس انا مش فاهم ازاي تتجوزه من ورانا .ازاي احلام تعمل حاجه زي دي 

مريم/مش يمكن عندها مبرر . احنا برضو كان لازم نسمعها للآخر يمكن معذوره 

حمزه بعصبيه/بتدافعي عنها ع اساس اي ..مبرر اي ال يخليها تتجوز واحد اول مره نشوفه ف حياتنا و من ورانا كمان

كرم /بس خلاص انا مش عايز اسمع سيره الموضوع دا..هنروح ناخد ليليان من بيت مريم ونرجع بيتنا .زمانها مموته نفسها عياط دلوقتي 

في القصر

في غرفه ادم عند احلام 

قاعده  ع الكرسي بتعيط وسرحانه وماسكه السلسله ال ف رقبتها وعليها صوره مامتها

آدم فتح الباب بقوه واحلام قامت بخضه 

آدم بصلها من تحت ل فوق وقرب منها واحلام كانت مرعوبه

ادم/الف مبروك ي عروسه 

وقرب منها واحلام بترجع ل ورا

احلام بخوف/ابعد عني متقربش مني

وآدم قرب اكتر واحلام خبطت ف الحيطه

 

احلام/ابعد عني انا بكرهك..لو قربت مني هموت نفسي

ادم مسك وشها بغضب

ادم/لاء متنسيش نفسك  .انتي ع زمتي بس علشان اضمن انك مش هتعترفي عليا للبوليس .أما انتي زيك زي اي كرسي موجود ف القصر .انتي فاهمه ولا لا

وساب وشها ودخل الدريسنج خد تيشرت اسود بنص وبنطلون اسود و دخل الحمام ياخد شاور

احلام بوجع ودموع/بني ادم مريض

 

ودخلت الدريسنج تغير هدومها من الهدوم ال روان اشتريتها 

أمام القصر 

روان واقفه تتكلم مع فراس 

روان/بس صعبانه عليا اوي اوي .واهلها كمان زعلو منها 

فراس  /ان شاءالله الأمور تتحسن متضايقيش نفسك انتي

روان/يارب

فراس/هتروحي الجامعه بكره

روان /اه ان شاءالله 

فراس/تحبي اوصلك 

روان/مفيش داعي كدا كدا آدم معودنا منطلعش برا البيت من غير حراسه

فراس ابتسم/ماشي انا مضطر امشي ..وانتي ادخلي علشان متبرديش 

روان/حاضر

فراس/تصبحي ع خير 

وتليفون روان رن برقم متسجل كريم حبيبي

روان كنسلت بسرعه 

فراس/في حاجه

روان بتوتر /اي .ل لا مفيش حاجه

فراس/ماشي تصبحي ع خير 

روان /وانت من اهل الخير 

وركب عربيته  ومشي

و روان دخلت القصر تاني

في غرفه آدم

حط سلاحه ع الكومودينو جمبه ونام ع السرير 

احلام طلعت من الدريسنج بعد ما غيرت هدومها ل بنطلون بيج و توب ابيض كات و عليه كارديجان شتوي بيج

احلام بصت عليه لقته نايم ع السرير 

احلام/ونا هنام فين 

آدم وهو مغمض عينه/عندك الكنبه اهي. ولو مش عجباكي في مكان هنا 

وشاور ع السرير جمبه 

احلام بغضب بصوت واطي /احسن لي انام ف الشارع ولا اني انام جمبك 

واخدت بطانيه من الدريسنج وراحت تنام ع الكنبه ونامت واستغطت

احلام/مفيش نخوه 

سايبني انام ع الكنبه وهو نايم ع السرير 

في غرفه روان 

دخلت الاوضه وقفلت الباب 

وردت ع الموبايل 

روان ابتسمت/الو ي حبيبي 

كريم بخبث/وحشتيني 

روان ابتسمت/وانت كمان اوي 

كريم/بقالك يومين مبتجيش الجامعه .حصل حاجه

روان/لاء بس اخويا آدم كان بيتجوز .هبدأ اجي من بكره ان شاءالله 

كريم بخبث /اممم عقبالنا ان شاءالله .هاجي أتقدم لك فورا بعد ما اتخرج 

روان بابتسامه/بجد ي كريم .

كريم/ايوا طبعا  بجد 

روان/يارب ف اسرع وقت لان انا مرعوبه ونا بكلمك من ورا اهلي .آدم لو عرف هتبقي مصيبه

كريم/متخافيش اول ما اخلص والاقي شغلانه كويس هتلاقيني بتقدم لك ع طول

روان ابتسمت 

في اليوم التالي صباحا 

في بيت كرم 

كرم قاعد ف الصاله بيقرأ الجرايد وشاف ف اول صفحه خبر جواز ادم  واحلام 

(ادم الحديدي رجل الأعمال المهم والمعروف تم عقد قرانه مساء امس)

خبر تاني

(عقد قران سريع و مفاجئ ل رجل الأعمال آدم الحديدي )

كرم اتنهد 

 

و ليليان بتلبس علشان تروح المدرسه 

و مريم ف المضبخ بتعمل لهم الفطار. جت لهم من بدري علشان تساعدهم ف الحجات ال احلام كانت متعوده تعملهالهم 

حمزه طلع من اوضته بعد ما غير هدومه 

ودخل المضبخ ل مريم 

مريم /الفطار قرب يجهز اهو مترحش الشغل قبل ما تفطر كويس 

ومسكت طبق كانت هتطلعه للسفره بس حمزه وقفها وخد الطبق منها وحطه ع الطربيزه 

حمزه مسك ايدها/انا اسف ..علشان عليت صوتي عليكي امبارح وانتي ملكيش زنب 

مريم ابتسمت/لاء انا مش زعلانه .انا مقدره الظروف ال بنمر بيها ومستعده اتحملك ف وقت غضبك وعصبيتك

حمزه ابتسم وباس ايدها/مش بحبك من فراغ انا 

مريم ابتسمت/يلا ساعدني نطلع الفطار للسفرا 

حمزه قرب منها وهو باصص ف عينها/لا اساعدك اي وفطار اي انا عايز بوسه

مريم خبطته ف كتفه/احترم نفسك يكون احسن 

حمزه/هحترم نفسي حاضر 

وباس راسها

مريم ابتسمت واعطته الطبق ال ف ايدها 

مريم/خد يلا طلع دا السفرا 

حمزه/انت هتشغليني كمان 

مريم/ايوا علشان اختبرك واشوف هتساعدني لما نتجوز ولا لا 

حمزه/دا انا شكلي داخل ع ايام فل 

مريم خبطته ف صدره بغيظ 

وحمزه ضحك وبدأو يطلعو الاكل للسفرا

مريم/يلا ي عمو الفطار جاهز ..يلا  ي ليليان 

كرم قام وهو ف ايده الجرايد/حاضر ي حبيبتي 

وراح للسفره وقعد وحط الجرايد جمبه 

وحمزه قعد

وليليان طلعت من الغرفه بعد ما غيرت وقعدت ع السفرا

كرم/تعبناكي معانا 

مريم ابتسمت/متقولش كدا هو انا مش زي بنتك

كرم بابتسامه/اكيد غلاوتك من غلاوه احلام

حمزه اخد الجرايد من جمب كرم/وريني كدا الأخبار بتقول اي النهارده 

وقرا خبر جواز آدم واحلام واتنهد بغضب وحط الجرايد مكانها

ليليان ربعت ايدها بحزن/يعني كدا احلام اتجوزت خلاص مش هنشوفها تاني 

مريم/لا ي لي لي متقوليش كدا اكيد هي هتيجي تشوفنا وحنا هنروح لها كمان. واكيد هتشوفيها ف الشغل مش هي بتشتغل عندكم ف المدرسه 

ليليان بفرحه/ايوا صح 

حمزه اتنهد

مريم اتنهدت 

بعد يومين 

في القصر 

احلام طول اليومين قاعده ف الاوضه مبتطلعش وآدم بيأمر الخدم انهم يطلعو لها الاكل ولازم تاكل

صباحا في غرفه ادم 

عند احلام صحيت من النوم 

 رقبتها وجعاها من نومه الكنبه لانها مش متعوده عليها 

قامت وقعدت ع الكنبه 

احلام /اااه رقبتي 

و ادم طلع من الدريسنج بعد ما غير هدومه ل بدله سودا و تحتها قميص اسود و بنطلون اسود 

 وبيلبس الساعه 

وخد السلاح من ع الكومودينو وحطه ف ضهره واحلام مرقباه ف صمت 

احلام/احم .انا محتاجه تليفوني 

ادم/

احلام /انا بكلمك ع فكره 

ادم/ونا سمعت

احلام/امال لي مبتردش عليا..انا عايزه تليفوني وعايزه ارجع الشغل تاني انا بقالي اكتر من اسبوع بعيده عن شغلي

ادم/مفيش تليفون ومفيش رجوع الشغل 

احلام بغضب قامت 

وكانت داخله  الحمام ادم مسكها من دراعها وقفها 

احلام بصتله /ممكن تسيب دراعي

ادم طلع من جيبه علبه فيها خاتم الماظ ليها و دبله  ليه

وساب دراعها 

ادم/خدي البسي خاتمك 

احلام/هو دا لازم؟ 

ادم/اي ؟مكنتيش عايزه تلبسيه الا من حد بتحبيه بجد 

احلام بصتله وقالت غيظا فيه /بالضبط. مستنيه البسه من اكون بحبه بجد 

آدم شد ايدها ولبسها الخاتم و مسك ايدها وضغط عليها

ادم قرب من ودنها وقال بغضب/لو جبتي سيره اي راجل تاني قدامي بالطريقه دي هتندمي بقيت عمرك كله

احلام كانت بتتوجع بس مرضيتش تبين دا قدامه 

و آدم ساب ايدها ولبس الدبله بتاعه ورمي العلبه ف باسكت الزباله وطلع برا الغرفه 

احلام مسكت ايدها بوجع 

بعد ساعه 

روان غيرت هدومها علشان تروح الجامعه 

وخبطت ع غرفه آدم 

احلام طلعت من الحمام بعد ما اخدت شاور وغيرت هدومها 

احلام /لسه في حد محترم هنا بيخبط الاول ..ادخل 

روان دخلت بابتسامه/صباح الخير 

احلام/صباح النور 

روان /انا هروح الجامعه محتاجه اي حاجه اجبهالك 

احلام ابتسمت/لا ي روان شكرا  انا بس اتخنقت من قعده البيت .تحسيه ضاغط عليا .كنت محتاجه اخرج بس 

روان/بصي هو آدم ممكن ميوافقش .بس انا وانتي ممكن نحاول معاه وننزل المول نشتري لك لبس بالمره 

احلام/ان شاءالله 

روان ابتسمت/يلا عن اذنك 

وطلعت برا الغرفه 

عند مالك ف الشركه الخاصه بيه ال عملها بمجهوده وتعبه .شركه الهندسه والمعمار 

دخل الشركه

موظفه الاستقبال قامت له احتراما 

و مالك ركب الاسانسير وكان في بنت جوه

مالك داس ع الدور ال عايزه و الاسانسير طلع 

البنت/انت جاي تشتغل هنا؟

مالك بصلها ب استغراب

البنت/مش هيوظفوك اسمع مني انا .هما مبيقبلوش هنا يأما ب الواسطه ي أما لو بنت من ال بتلبس محزق وملزق

مالك/مين قالك الكلام دا

البنت بغيظ/دا مش كلام دي حقيقه  .انا كنت جايه اقدم ع شغل هنا .عندي ٥ لغات واخدت كورسات ومتخرجه ب امتياز من الجامعه بس ال hr مشغلنيش واختار بنت يدوب بتعرف تكتب اسمها ..اتعصبت وسبت له المكان بس نسيت  تليفوني وطالعه اخده تاني 

مالك/انتي اسمك اي 

البنت/جنات

الاسانسير وصل 

مالك/تعالي معايا

جنات/اجي معاك فين حضرتك 

مالك راح بتجاه مكتب ال hr و جنات راحت وراه 

مالك فتح الباب وكان موظف ال hr بيضحك مع بنت جايه تشتغل .وفعلا كانت لابسه لبس ملفت جدا 

الhr قام بسرعه/مالك بيه

جنات بصدمه/مالك بيه؟

ال hr /تمام ي مروه تقدري تمشي انتي

مروه قامت ومشيت 

مالك/وريني كدا ملف البنت ال لسه ماشيه دي ..قبلتها ف الشركه صح

ال hr بتوتر/ا اه. دا الملف بتاعها 

مالك خد الملف وبص فيه

مالك/اممم متخرجه ب تقدير جيد ومتعرفش اللغه الانجليزيه حتي 

وساب الملف 

مالك/هاتي ملفك كدا ي جنات

جنات اعطته الملف 

مالك/متخرجه ب امتياز وبتعرف ٥ لغات ..واخده اكتر من كورس

وبص ل ال hr /ممكن اعرف جنات مش معانا لي

ال hr بتوتر/ا ا

مالك/انت مطرود من النهارده مشفش وشك هنا..وانتي ي انسه جنات مبروك انتي اتعينتي معانا هنا

جنات ابتسمت 

ومالك مشي و جنات راحت وراه 

جنات/مالك بيه

مالك وقف وجنات راحت له

جنات/شكرا ان حضرتك وافقت اشتغل هنا .مكنتش اعرف انك مالك بيه صاحب الشركه

مالك/مفيش داعي تشكريني انتي  ال cv بتاعك حلو جدا وتستاهلي تشتغلي معانا 

جنات/بس مكنش في داعي تطرده بسببي 

مالك/لا مش بسببك ولا حاجه هو كدا كدا كان واخد إنذار بالرفد 

جنات ابتسمت

مالك/عن اذنك 

ومالك مشي 

وجنات موبايلها رن 

جنات/الو

الصقراوي بخبث/اشتغلتي مع مالك ف الشركه

جنات/ايوا

الصقراوي بابتسامه/حلو اوي .خليكي جمبه لحد ما يثق فيكي وبعدين هقولك تعملي اي

جنات اتنهدت و الصقراوي قفل

(جنات محمد ٢٤ سنه..شعرها اسود قصير و عينها سودا. من عيله بسيطه جدا وعايشه ف حارهو بباها متوفي و عايشه مع مامتها المريضه ومحتاجه فلوس عمليتها ضروري علشان كدا اضطرت توافق ع عرض الصقراوي ال هنعرفه بعدين )

في بيت كرم 

ف الصالون كرم و حمزه قاعدين سرحانين واحلام ما بتروحش عن بالهم ونفسهم يطمنو عليها

مريم طلعت من المضبخ بعد ما عملت لهم الشاي وحطته ع الطربيزه 

كرم/تسلمي ي حبيبتي 

مريم ابتسمت و قعدت و كرم  و حمزه خدو كل واحد كوبايه شاي 

مريم/عمو بصراحه حمزه قايلي متكلمش ف الموضوع دا بس مينفعش نسيب حلام كدا  .زمانها مقهوره علشان انتو زعلانين منها بقالنا ايام مشفنهاش ولا سمعنا صوتها ومنعرفش هي بخير ولا مبسوطه ولالا 

حمزه بغضب/مش هي ال اختارت دا 

مريم/ايوا بس هي عايشه معاكم بقالها ٢٥ سنه عمرها ما غلطت ولا غلطه صغيره وديما تحت طوعكم .علشان بس غلطت غلطه واحده هنقاطعها؟ وكمان دي اتجوزت معملتش حاجه غلط

حمزه/مريم قفلي ع السيره

كرم اتنهد/مريم معاها حق ي ابني . خد مريم وروح شوف اختك اطمن عليها .شوفها مبسوطه ولا لا.مش علشان زعلانين منها تبان قدام عيله جوزها ان ملهاش اهل

مريم /وانت ي عمو مش هتيجي معانا 

كرم/مش قادر اشوفها دلوقتي 

ف قصر آدم الحديدي 

عصرا في منتصف اليوم

احلام كانت قاعده ف اوضتها زهقانه بعد ما غيرت هدومها ل بنطلون جينز سكيني و بلوفر ابيض اوفر سايز وفارده شعرها 

وراحت البلكونه تشم هوا و قررت تنزل تحت شويه 

ونزلت لقت طارق بيقرأ قرآن 

طارق لاحظ وجودها بصلها وابتسم 

طارق/تعالي ي حبيبتي 

احلام راحت له 

طارق بابتسامه/ .تعالي اقعدي 

 احلام قعدت جمبه 

طارق /اي عامله اي 

احلام /

طارق/سؤالي غريب فعلا .واحد جايبك بيته واتجوزك غصب وعمل مشكله مع اهلك 

احلام /انا بدعي كل يوم ربنا يخلصني منه.بني آدم معندوش ولا قلب ولا ضمير 

طارق/صدقيني ي بنتي آدم مش وحش زي ما هو مبين كدا .لو عرفتيه كويس هتفهمي انا قصدي اي

احلام /ونا مش عايزه اعرفه. انا ان شاءالله ربنا هيخلصني من هنا

طارق فجأه كح بقوه

احلام /ح حضرتك كويس 

طارق وهو بيكح/ا الدوا ب بتاعي 

احلام قامت بتوتر/ا الدوا .الدوا فين

طارق شاور ع درج مكتب واحلام راحت بسرعه جابت  الدوا  واعطته كوبايه مايه 

وطارق شرب 

احلام بتوتر/حضرتك بقيت كويس

طارق اتنفس/اه ي بنتي الحمد لله 

آدم بغضب /احلام

احلام بخوف بصت وراها

 ادم بعصبيه/انتي بتعملي اي عندك 

احلام بخوف/اا انا معملتش حاجه  هو كان تعبان ونا جبت له الدوا 

آدم بنفس العصبيه/البني آدم دا انتي ملكيش دعوه بيه نهائي .لو شفتيه بيموت قدامك متناولهوش كوبايه مايه 

طارق/هي ملهاش زنب انا ال طلبت منها تجيب الدوا

آدم بغضب/انت متدخلش نهائي .فاهم ولا لا 

ومسك احلام من دراعها وطلعو ع الغرفه فوق ودخلو الغرفه 

آدم بغضب شدها من دراعها قربها منه/اياك اشوفك  بتساعديه تاني أو تدخلي ف امر من أموره  

احلام بتوتر وخوف/هو انا عملت اي بباك كان بيموت وكان محتاج الدوا ونا جبتهوله 

آدم بعصبيه/دا مش ابويا ..و اه حتي  لو شفتيه بيموت متساعدهوش  انتي فاهمه ولا لا

احلام بصتله بغضب/انا مش قتاله قتله زيك واكيد لو شفته تعبان ومحتاج الدوا هعطيه الدوا زي ما عملت من شويه

ادم بعصبيه/انتي استأذنتي مني قبل ما تعملي دا ؟

احلام بغضب/انا مش عبده عندك علشان استأذنك ف كل حاجه بعملها .مش مضطره

ادم بنفس العصبيه/لاء مضطره ..انتي مراتي وحياتك بين ايدي  هتستأذني حتي وانتي بتتنفسي هتستأذني حتي قبل ما تفتحي بوقك 

احلام بدموع/انت مريض ..سيب دراعي انت بتوجعني 

ادم بغضب ساب دراعها و طلع برا الغرفه و راح اوضه مكتبه

بعد نص ساعه 

وصل قدام القصر حازم و مريم

نزلو من العربيه وراحو عند البوابه وكان عندها حراس كتير 

حمزه/انا عايز اشوف احلام اختي 

رئيس الحرس/ممنوع بدون موافقه آدم بيه

حمزه بغضب/هو اي ال ممنوع..ممنوع اشوف اختي؟

مريم/اهدي ي حمزه

الجميله والحوش البارت 4

في القصر في منتصف اليوم 

احلام بصت من البلكونه لقت حمزه ومريم واقفين مع الحرس

احلام بفرحه/حمزه 

ونزلت تحت وراحت لهم 

احلام /حمزه .مريم 

حمزه/هو اي ال بيحصل دا ي احلام. اي كل الحرس دول ومش موافقين ندخل ليه الا ب موافقه جوزك

احلام ل رئيس الحرس بغضب/دا اخويا ودي صحبتي ممكن بقي تدخلهم 

رئيس الحرس/لازم موافقه آدم بيه ي احلام هانم 

حمزه بسخريه/أنا مش قادر اصدق ال انتي عايشه في دا ..موافقه من جوزك علشان اجيلك واشوفك 

احلام/ لحظه ي حمزه وجايه 

ودخلت القصر تاني لقت آدم نازل ع السلم وبيتكلم ف التليفون 

احلام بعصبيه/حمزه ومريم برا جايين يشوفوني والزفت الحرس  مش راضيين يدخلوهم 

ادم راح لها بغضب/هو انا مش قايل لك صوتك دا ميعلاش 

احلام /تمام  ..ممكن بقي تقول لهم يدخلو اخويا

آدم طلع برا القصر و احلام راحت وراه بسرعه 

آدم شاور للحرس يفتحو البوابه 

ادم/اهلا اهلا ي ابن حمايا .نورت اتفضل 

حمزه/هو انا اختي محبوسه هنا ؟هو دا سجن  يعني اي مينفعش حد يجي يزورها هنا  ولازم اذن منك 

ادم/طبيعي مش انا جوزها . اتفضلو واقفين لي

حمزه بيحاول الهدوء

احلام بابتسامه مسكت ايد حمزه/يلا ي حمزه ندخل. يلا ي مريم 

ودخلو القصر 

آدم ل رئيس الحرس

ادم/لو حد من اهل احلام ال هما بباها و اخوها وصحبتها جم هنا تانيه دخله ع طول..دول بس 

رئيس الخدم/امر حضرتك

ف القصر من جوه 

قاعد طارق و حمزه واحلام و مريم  

و مالك نزل من غرفته بعد ما غير هدومه

طارق/نورتو ي حمزه ي ابني 

حمزه/دا بنور حضرتك

طارق/انا طارق ابو ادم.و دا مالك ابني واخو ادم الصغير 

مالك/اهلا بيك 

وسلم عليه وحمزه سلم عليه

وآدم دخل لهم القصر 

ادم/بنعتذر عن سوء التفاهم ال حصل برا دا ي أبن حمايا  الحرس بس مكنوش يعرفو انك اخو احلام 

حمزه/وانت بقي شغلك صعب لدرجه تحط كل الحراس دول برا ...ي جوز اختي 

واحلام ملاحظه علاقتهم المتوتره ومحدش قابل كلمه للتاني .وخايفه ل يحصل مشكله 

ادم/البيت بيتكم .انا مضطر استأذن 

حمزه/اه اكيد اتفضل 

وطلع برا القصر 

طارق/يلا ي مالك ي ابني نسيبهم براحتهم شويه 

مالك /يلا ي بابا

ومالك خد طارق ودخلو الصالون التاني 

احلام بابتسامه مسكت ايد حمزه

احلام ابتسمت بحزن/وحشتوني اوي اوي ي حمزه..انت و بابا و ليليان 

ومسكت ايد مريم

احلام /وانتي كمان كلكم وحشتوني اوي 

حمزه سحب ايدها من ايده 

حمزه/واضح اننا نهمك وبنوحشك .علشان كدا اختفيتي يومين وكنا هنموت من القلق عليكي و ف الاخر نيجي ومعانا البوليس ع اساس انتي ف خطر نلاقيكي بتتجوزي 

احلام دمعت/علشان خاطري سامحني ومتزعلش مني .وخلي بابا يسامحني انا مش هعرف اكمل حياتي وانتو زعلانين مني 

حمزه مسح لها دموعها وحضنها

حمزه/خلاص يبت متعيطيش 

احلام عيطت وحضنته بقوه 

حمزه/خلاص انا مسامحك ومش زعلان منك 

احلام ابتسمت وطلعت من حضنه

احلام/بجد ..احلف

حمزه ابتسم/اه والله .

احلام بحزن/طب وبابا 

حمزه/بابا اكيد هيسامحك .حتي لو فضل زعلان منك شويه هيسامحك اكيد 

احلام /وحشني اوي هو وليليان. ابقي خليهم ييجو يشوفوني

حمزه/حاضر .قولي لي بس أنتي مبسوطه هنا .وحاسه بأمان ومرتاحه؟ 

احلام مسحت دموعها / ا اه .الحمد لله مبسوطه 

وحاولت تبتسم 

حمزه/انا عارفه ان جوزك غني ومعروف ب شريكاته ومصانعه بس مش لدرجه كل الحراس ال برا دا .انا خفت عليكي 

احلام علشان تطمنه/تخاف لي بالعكس دا كدا امان لينا 

حمزه اتنهد

مريم بابتسامه حضنت احلام

مريم/مبسوطه اننا لاقيناكي بخير 

احلام بابتسامه حضنتها بقوه/حبيبتي ي مريم

في شركه آدم 

دخل الشركه و الموظفين كانو بيقفو له احترام و كانو بيتهامسو ع موضوع جوازه السريع ال نزل ف الجرايد وبعض الموظفات متضايقه ان المدير القمر دا اتجوز 

والسكرتيره راحت له بسرعه 

السكرتيره/حمد لله ع السلامه ي آدم بيه

ادم/فراس موجود 

السكرتيره/اه فراس بيه موجود ف مكتبه 

مرام مديره العلاقات العامه ف الشركه راحت له بابتسامه 

مرام ابتسمت/حمد لله على السلامة 

ادم/الله يسلمك 

مرام/ومبروك جواز حضرتك. اتفاجئنا من الأخبار والله

ادم/ابعتيلي الصفقه الجديده ع مكتبي

(وبص للسكرتيره)اندهيلي فراس 

السكرتيره/امر حضرتك 

وآدم دخل مكتبه 

مرام ربعت ايدها بغيظ/لاء وكمان معرفنيش انه هيتجوز او اتجوز 

السكرتيره/ويعرفك لي ي مرام يعني انه هيتجوز ..من امتي ادم بيه الحديدي بيبرر لحد او بيقول حاجه ل حد

مرام بغضب/بس انا مش حد ..انا ليا البوزشن بتاعي هنا ف الشركه وشغاله معاه بقالي سنين

السكرتيره/بس خساره والله شخص زي القمر كدا يضيع مننا 

مرام بغضب/خليكي ف شغلك 

وسابتها  ومشيت

والسكرتيره راحت تعمل ال ادم أمرها بيه

في مكتب ادم 

قاعد ع المكتب 

ويببص ف الملفات ال قدامه 

والباب خبط و فراس دخل 

فراس/اي ي عريس اي الأخبار 

آدم بصله 

فراس/احم .بلاش كلمه عريس لو هتضايقك 

ادم/اخبار صفقه الاسلحه الجايه اي 

فراس راح قعد قصاده 

فراس/كلمه تمام هنبدأ فيها بعد بكره وان شاء الله تبقي بتاعتنا .انا خايف بس ال صقراوي يحاول يبوظهالنا زي ما احنا خدنا منه الصفقتين ال فاتو .معتقدش يعديها 

ادم/ميجرأش يعمل حاجه زي دي .الصفقه هتتم و هتتعمل ف معادها  ومسمعش كلمه خايف دي منك تاني 

فراس / من عنيا الاتنين 

في اليوم التالي في قصر آدم الحديدي 

في غرفه ادم

احلام نايمه ع الكنبه و صحيت من النوم وقعدت ع الكنبه ومسكت رقبتها بوجع وعملت شعرها كعكه عشوائيه وابتسمت ومبسوطه ان حمزه ومريم جم شوفها امبارح وان حمزه مسامحها ومش زعلان منها ونفسها تشوف بباها وليليان اوي

الباب خبط وروان دخلت

روان بابتسامه/هالو 

احلام ابتسمت/عامله اي

روان ابتسمت/الحمد لله .شكلك مبسوطه

وقعدت جمبها

احلام بابتسامه/ايوا حمزه جه شافني  هو و مريم  ومش زعلانين مني خلاص 

روان ابتسمت/طب حلو اوي ..صحيح قلتي ل آدم ع خروجه المول 

احلام/احم ل لاء لسه .هو مرجعش البيت امبارح ع ما اعتقد

روان/ايوا فعلا هو بات برا بس دلوقتي وصل و ف اوضه مكتبه وهقوله ع موضوع المول معاكي متقلقيش

احلام/اوك

روان ابتسمت/بالمناسبه الخاتم بتاعك شكله تحفه 

احلام بصت ع ايدها ال فيها خاتم آدم 

احلام/انا مش طيقاه وهو ف ايدي ولو أطول ارميه ف الزباله هعمل كدا 

روان اتنهدت 

والباب انفتح  وادم دخل 

و روان قامت

روان ابتسمت/حمد لله ع السلامه ي ادم

ادم/

روان/كنا عايزين نطلب منك طلب 

ادم/قولي 

روان/هاخد احلام ونروح المول ساعتين بس هنجيب حجات نقصاها .

ادم/لاء ..روحي هاتيهالها انتي 

احلام/انا محتاجه اشم هوا اتخنقت..وبعدين متخفش مفيش اوبشن اني اهرب اساسا 

روان/مش هنتأخر والله ي آدم. وبعدين كدا كدا الحرس هيكونوا معانا 

ادم هز راسه بموافقة و روان ابتسمت 

روان/هستناكي برا ي احلام

احلام /اوك

و روان طلعت برا الاوضه 

ادم طلع من جيبه موبايل وحطه ع الكومودينو 

ادم/موبايل ليكي لان التاني اتكسر .موجود في شريحتك

وحط جمبها كريدت كارد علشان تشتري ال هي عيزاه 

احلام /شكرا 

ادم/هتروحي مع روان المول وهيكون معاكم رضا والحرس متتحركوش خطوه من غيرهم .وتخلصو وترجعو ع البيت فورا .مفهوم؟

احلام هزت راسها بموافقه 

ادم دخل الحمام

واحلام ابتسمت لان في قدامها فرصه تروح للظابط كمال وتحاول تلاقي حل معاه يخرجها من هنا بدون ما أهلها يتأذو 

ودخلت الدريسنج تغير هدومها

وبعد شويه طلعت من الدريسنج وهي لابسه بنطلون قماش واسع و بلوفر زيتي ضيق نفس لون عنيها ومفتوح شويه من عند الصدر وفارده شعرها وكان شكلها حلو اوي

وآدم طلع من الحمام بعد ما غير هدومه  ل بنطلون اسود و تيشرت اسود وعليه جاكيت جلد اسود 

وبص لها من تحت ل فوق ب اعجاب واتجنن من فكره انها عايزه تنزل ب البلوفر ال صدره مفتوح شويه دا

واحلام اتوترت من نظراته

ادم/اي ال انتي لبساه دا

احلام/اي

ادم بجديه/ادخلي غيري القرف ال انتي لبساه  دا يلا .أنا مراتي متلبسش لبس مفتوح زي دا 

احلام بعِند/انا مش شايفه لبسي في اي مشكله ومش هغيره 

ادم قرب منها وحاوط وسطها بتملك وقربها منه  واحلام بتحاول تبعد عنه مش عارفه

ادم/انا عندي مشكله اني بكرهه أكرر كلامي مرتين.ادخلي غيري اللبس دا والا مفيش مول ومفيش طلوع من الاوضه .  والاختيار ليكي

ولمس شعرها و بص ع صدرها ببجاحه 

احلام بدموع وغضب بعدت عنه وآدم سابها

احلام بغضب/اي ال انتي بتعمله دا إياك تلمسني مره تانيه 

ودخلت الدريسنج تغير بغضب 

و بعد شويه طلعت وهي لابسه بلوفر اوفر سايز بيج و بنطلون اسكيني جينز و عليه بوط طويل لحد تحت الركبه 

 

بعد نص ساعه 

أمام المول

رضا نزل من العربيه و فتح الباب ل احلام و روان 

وبعدها في عربيه وصلت وراهم مليانه بودي جردات 

احلام و روان كانو هيدخلو المول لقو رضا رايح وراهم 

احلام /انت رايح فين 

روان اتنهدت/لازم يدخل معانا 

احلام/لاء مينفعش احنا هنروح لوحدنا ونرجع تاني .وبعدين مش هنهرب متخفش 

رضا هز راسه بموافقه 

واحلام و روان دخلو المول

عند رضا سند ع العربيه وفتح موبايله وراقب موبايل احلام ال آدم حطلها في جهاز تتبع 

جوه ف المول

احلام و روان اشترو كذا حاجه 

روان/في محل هنا تعالي ندخله 

احلام/احم ا .ادخليه انتي ونا هروح محل الميكب دا ناقصني حاجه هجيبها واجيلك 

روان/خلاص اوك

وروان دخلت محل ملابس

واحلام مشيت بسرعه تدور ع باب خلفي للمول

احلام راحت بسرعه ل عامل شغال ف المول

احلام/لو سمحت هو مفيش باب تاني غير  الباب الرئيسي 

الراجل/اه بس هو في حاجه 

احلام/احم .ل لا ابدا مفيش بس كنت عايزه اعمل ل جوزي مفجأه بس

محضرهاله

الراجل/الباب اخر الطريق دي شمال 

احلام ابتسمت/تمام شكرا

و اتجهت ب اتجاه الباب الخلفي وطلعت من المول

احلام ابتسمت ومش مصدقه نفسها و واقفه مستنيه تاكسي 

عند رضا الناحيه التانيه مراقب احلام من الموبايل ولاحظ انها بتبعد عن المول

رضا للبودي جارد ال معاه/متتحركوش من هنا 

ودخل المول بسرعه

عند احلام واقفه مستنيه تاكسي وتاكسي وقف لها 

واحلام ركبت 

احلام للسواق/اطلع بسرعه

والسواق كان هيطلع فجأه باب التاكسي اتفتح 

رضا/ع فين ي احلام هانم 

احلام بتوتر/انا ا

رضا/اتفضلي انزلي 

احلام نزلت بخوف و توتر من رد فعل آدم لو عرف 

رضا ل سواق التاكسي/تقدر تمشي يسطا

والتاكسي مشي

رضا اخد الاكياس ال ف ايد احلام وشاور لها تتفضل قدامه واحلام اتنهدت ومشيت قدامه ورضا وراها 

ودخلو المول و روان شافتهم وراحت لهم 

روان/كنتي فين ي احلام دورت عليكي كتير اوي 

رضا/اظن كفايه شوبنج لحد كدا وخلصتو ..يلا ي هوانم نرجع البيت 

روان/اوك يلا 

ورضا اخد من روان الاكياس ال شيلاها  وطلعو من المول ب اتجاه العربيه

في القصر مساءا 

في غرفه آدم 

احلام اخدت شاور وغيرت هدومها ل بنطلون رصاصي وتيشرت ابيض بنص وعليهم كارديجان رصاصي

 وقاعده ع السرير بترسم تصاميم ب ألوان و ورق اشترتهم من المول وقاعده مرعوبه من رد فعل آدم لما يرجع لان اكيد رضا هيقوله 

وبعد شويه ادم دخل الغرفه 

احلام سابت القلم ال ف ايدها بتوتر 

و آدم دخل الدريسنج خد هدوم  و دخل الحمام بدون ولا كلمه 

احلام اتنهدت وقالت يمكن رضا مقالوش 

بعد شويه طلع من الحمام بعد ما اخد شاور وبينشف شعره ب الفوطة 

ادم/عملتو اي ف المول 

احلام بلعت ريقها بتوتر وقامت من ع السرير 

احلام/م مفيش اشترينا كام حاجه ورجعنا 

آدم ساب الفوطة وقرب منها و احلام كانت بتبعد بتوتر 

آدم/كنتي ناويه تهربي من المول وتروحي ع فين 

احلام خبطت ف الحيطه

و آدم حط ايده ع الحيطه حوالين راسها 

آدم شاور ع دماغها/دماغك الحلوه دي كانت بتفكر ف اي وهي بتهرب من المول من الباب الخلفي

احلام كانت باصه ف الارض ومش بصاله 

آدم مسك وشها بغضب وخلاها تبص له 

ادم/إياك ال حصل دا يتكرر تاني و تحاولي تشغلي دماغك. مفهوم 

احلام بدموع ووجع/سبني انت بتوجعني كدا 

آدم بغضب/مفهوم ولالا

احلام هزت راسها بدموع /مفهوم

وساب وشها 

ادم/امشي من وشي

احلام مسحت دموعها وطلعت برا الغرفه بغضب 

احلام /برضو مش هستسلم وهحاول احبس و اتخلص من المريض دا بكل الطرق

في الغرفه عند آدم 

بص ع السرير مكان ما احلام كانت قاعده لقي ورق  وتصاميم كتير وألوان

مسك ورقه منهم لقي احلام راسمه تصميم فستان  ومصمماه بشكل حلو اوي. 

عند احلام كانت نازله ع السلم وموبايلها رن وكانت مديره المدرسه ال احلام بتشتغل فيها 

احلام ابتسمت/الو مدام مني

مني/عامله اي ي احلام ي حبيبتي انتي كويسه 

احلام بابتسامه/الحمد لله بخير 

مني /قلقتينا عليكي والله ي حبيبتي اليومين ال فاتو لما اختفيتي .الحمد لله انك كويسه. مش ناويه بقي ترجعي المدرسه تاني .الولاد بيسألو عليكي والمدير الرئيسي كمان خايفه يجيب حد مكانك 

احلام/الاطفال وحشوني اوي اوي

مني/ناويه ترجعي الشغل ولالا

احلام/ان شاءالله هرجع ف اقرب وقت 

مني ابتسمت/ماشي ي حبيبتي 

واحلام قررت تروح تتكلم مع آدم علشان ترجع الشغل 

في غرفه مكتب آدم

قاعد ف المكتب ع الكرسي و بيتكلم ف الموبايل 

رضا خبط ووقف عند الباب

وآدم شاور له يدخل

ورضا دخل ووقف قصاد مكتب آدم

آدم خلص كلام ف الموبايل 

رضا/خلصت ال حضرتك امرتني بيه .والرجاله بتاعت اشرف ماتو 

ادم/تمام

رضا/احم .انا عارف انه مش من حدي بس اتمني مكنش عملت مشكله بينك وبين مدام احلام .أنا بس مش متعود اخبي عليك حاجه ف كان لازم اقولك...لولا جهاز ال تتبع ال حضرتك عاملته ل مدام احلام انا مكنتش هعرف الحقها قبل ما تمشي

ادم/لا مفيش اي مشكله ي رضا

رضا/تمام عن اذنك 

أمام الباب احلام كانت بتسمع كلامهم وحطت ايدها ع فمها بصدمه لما عرفت ان موبايلها في جهاز تتبع  واول ما عرفت ان رضا طالع من المكتب مشيت بسرعه ودخلت غرفتها

في منتصف الليل ف جنينه القصر 

قاعد فراس و رضا بيشربو مشروب 

فراس/بقالنا كتير احنا مسهرناش سهره حلوه زي دي 

رضا/دي حقيقه 

فراس ضحك بسخريه/من الشغل لل قتل ومن القتل 

للشركه من للشركه للبيت 

رضا/بس انت باين عليك في حاجه مضايقاك 

فراس وهو بيشرب/تؤ انا زي الفل 

وبصو لقو آدم طالع من ال قصر ورايح لهم 

فراس/اهوو آدم بيه شرف اهو 

رضا كان هيقوم آدم خبط ع كتفه 

ادم/خليك مكانك 

وآدم قعد 

فراس/اي  ي آدومه بيه اي الاخبار.بقالنا قرن مسهرناش احنا التلاته وشربنا كدا

رضا/اصبلك تشرب

آدم هز راسه بموافقه و رضا صب له ف كوبايه مشروب وآدم بدأ يشرب 

آدم ل فراس/حالتك بقت عامله كدا لي 

فراس ضحك وشرب /مفيش تقلت شويه ..صحيح ي رضا عايز اسالك سوال 

رضا/قول 

فراس/انت شغال معانا بقالك سنين عمري ما شفتك مصاحب ولا مرتبط ب بنت ولا متجوز حتي ..اي مش ناوي تحب 

رضا/الحقيقه مش ناوي 

فراس/لي بس كدا

رضا/حتي لو انا لقيت البنت ال بتمناها. مين هترضي تتجوز واحد بيشتغل شغلانتنا دي 

فراس بوجع/والله صح .رضا جابهالنا من الاخر  ..مين هترضي تتجوز واحد شغال شغلانتنا 

رضا/البنت بتبقي احتيجاتها غير من الراجل ال بتحبه..عيزاك تبقي جمبها طول الوقت .و تسمعها وتفهمها طول الوقت .بتبقي عايزه تسمع كلمه حلوه أو تبقي حنين عليها وتراضيها .تاخدها وتنزلو ف اي مكان سوا ..الحجات دي كلها انا مش هعرف اقدمهالها

آدم بص ع بلكونه القصر لقي احلام طلعت البلكونه تشم هوا 

احلام غمضت عينها وبتنفس الهوا و آدم كان مراقبها ف هدوء

احلام بردت ودخلت الاوضه تاني 

فراس/دا انت شكلك حبيب كبير ي رضا 

رضا ابتسم/لا والله ولا حبيب ولا حاجه

وفضلو يشربو ويتكلمو كتير 

لحد ما فراس روح بيته و رضا دخل الاوضه ال ف الجنينه ال بينام فيها  

وآدم ساب كوبايه المشروب وقام ودخل ال قصر وطلع غرفته 

آدم دخل الغرفه وبص ع احلام لقاها نايمه ع الكنبه و ماسكه الألوان و جمبها ورق 

ونامت وهي بتلون 

آدم شال الألوان من ايدها وحطها ع الطربيزه 

وشال احلام براحه و راح ناحيه السرير ونيمها ع السرير وتأملها وهي نايمه وغطاها كويس 

وطلع برا الغرفه

في اليوم التالي صباحا

في غرفه آدم 

احلام صحيت من النوم لقت نفسها ع سرير ادم و ادم مش موجود 

احلام قامت وقعدت ع السرير بتوتر/اي دا؟انا اي ال جابني هنا 

وحاولت تفتكر هي نامت ازاي امبارح لانها لما بتبقي نعسانه بتنسي عملت اي اخر حاجه قبل ما تنام 

وخافت ل يكون آدم نام جمبها 

وآدم طلع من الدريسنج بعد ما غير هدومه ل بنطلون اسود و قميص اسود وعليه جاكيت ال بدله اسود 

وبيلبس الساعه 

احلام/احم ..هو انا جيت نمت ع السرير ازاي 

ادم/معرفش .متخافيش منمتش جنبك 

وخد السلاح وحطه ف ضهره 

وكان هيمشي

احلام قامت من ع السرير بسرعه/هو انا ممكن اطلب منك طلب 

آدم وقف وبصلها 

احلام/مديره المدرسه كلمتني وبتسألني مش ناويه ارجع 

ادم/قولي لها مش ناويه

احلام/لي طيب .انا عايزه ارجع الشغل ببقي مبسوطه اوي ونا مع الأطفال هناك.

ادم/

احلام/لو سمحت وافق كدا كدا انت هتبعت معايا حراس هيودوني ويجبوني ومش هروح ف اي حته والله 

آدم خد موبايله من ع الكومودينو واحلام اتضايقت انه بيتجاهل كلامها 

آدم وهو بياخد الموبايل/تقدري تروحي 

احلام ابتسمت/ينفع اروح من النهارده؟ 

آدم هز راسه بموافقه 

احلام بابتسامه/شكرا بجد

وادم طلع برا الغرفه واحلام ابتسمت

و دخلت تاخد شاور وتغير علشان ترجع الشغل تاني 

في شركه مالك 

نزل من عربيته ودخل الشركه وطلع ب الاسانسير الدور بتاعه

ومشي ف اتجاه المكتب لقي قدام مكتبه موظفه من موظفينه  وجمبها جنات بتعلمها الشغل بيمشي ازاي وجنات كانت مركزه معاهم 

الموظفه اول ما شافت مالك راحت له بسرعه

وجنات راحت لهم و ابتسمت ل مالك ومالك ابتسم لها 

الموظفه/صباح الخير ي مالك بيه 

مالك/صباح النور ي رشا

رشا/جنات اتعينت هنا سكرتيره ل حضرتك ونا فهمتها خلاص الشغل بيمشي ازاي 

مالك /تمام ي رشا هاتيلي ع مكتبي ملف اخر صفقه

رشا/امر حضرتك 

ومشيت

مالك ل جنات/الف مبروك الوظيفه الجديده 

جنات ابتسمت/الله يبارك ف حضرتك. كله بفضلك بعد ربنا

مالك ابتسم/لا ولا بفضلي ولا حاجه انتي ال مجتهده وال cv بتاعك ممتاز 

جنات ابتسمت

جنات/تحب اعمل القهوه ل حضرتك 

مالك/اه ياريت .وعايز مواعيد اجتماعات النهارده 

جنات ابتسمت/امر حضرتك

و مالك دخل مكتبه 

وجنات اتنهدت 

وراحت تعمل له القهوه 

عند قصر آدم الحديدي 

قدام القصر رضا واقف عند العربيه مستني احلام 

ادم ل احلام/اركبي العربيه 

احلام راحت ركبت العربيه

ورضا راح ل آدم

ادم/وصلها الشغل وخلي بالك منها .خليك مستنيها قدام المدرسه متتحركش خطوه ولما تخلص شغل رجعها البيت 

رضا/حاضر متقلقش..اي أوامر تانيه

ادم/لاء روح 

وراح ركب العربيه وانطلقو 

بعد نص ساعه

في عربيه رضا بيوصل احلام بعد ما ادم وصاه ياخد باله منها وميتحركش من قدام ال مدرسه لحظه 

احلام راكبه العربيه ف الكنبه ال ورا ولابسه بنطلون جينز وتوب ابيض وعليه بالطو سماوي

ووصلو قدام المدرسه 

ورضا وقف العربيه و نزل فتح الباب ل احلام 

واحلام نزلت

احلام/هدخل انا اخلص كام حصه ال عندي وهخرج.. وانت خليك هنا علشان الأطفال ميخافوش من السلاح ال ف ضهرك

رضا/تمام ي احلام هانم 

و دخلت المدرسه و رضا فتح الموبايل يراقب احلام

احلام دخلت المدرسه

مدرسه من ال شغالين هنا قالت بابتسامه/احلام 

وكل المدرسين زمايلها ال كانو موجودين ف الطرقه راحو يسلمو عليها 

سمر/حمد لله ع سلامتك 

هبه/عامله اي ي حبيبتي بقالك ايام مختفيه 

احلام بابتسامه/الحمد لله بخير ..الله يسلمكم 

والمديره مني راحت لهم بابتسامه 

مني/حمد لله ع سلامتك ي احلام  نورتي المدرسه 

احلام ابتسمت/شكرا ي مدام مني .

سمر بصت ع ايدها ال فيها خاتم  للجواز

سمر بصدمه /اي دا انتي اتجوزتي 

هبه/ايوا ي بنتي انتي مشفتيش الأخبار من اسبوع ..دا مشاء الله متجوزه رجل اعمال وحد مهم جدا جدا

سمر /مش معقول ي احلام من غير ما تقولي

احلام/ا . احم الموضوع جه بسرعه ومعملناش فرح كتب كتاب بس

سمر بابتسامه /مبرووك خاتمك تحفه بجد 

هبه ابتسمت/مشاء الله دا باين عليه غالي اوي ..شكل جوزك حد مبسوط ربنا يخليهولك يارب

مني /الف الف مبروك ي حبيبتي 

وباركو لها 

مني/يلا كفايه عطله ل حد كدا كل واحده تشوف شغلها 

احلام/ حاضر 

واحلام راحت فصل ليليان تشوفها الاول

احلام خبطت ع الباب وفتحته وكان في ميس جوه بتشرح 

احلام/ممكن اشوف ليليان دقيقه

المدرسه ابتسمت/اه طبعا اتفضلي ي ميس احلام 

ليليان كانت قاعده حاطه ايدها ع خدها واول ما شافت احلام قامت بفرحه وراحت حضنتها 

واحلام حضنتها بابتسامه 

احلام/وحشتيني اوي اوي اوي

ليليان/انتي كمان حشتيني اوي .انتي مش هترجعي البيت تاني؟

احلام بابتسامه/لا طبعا هاجي اشوفكم ديما 

وباستها من خدها 

احلام/هسيبك تكملي الدرس ونا هجيلك تاني ونتكلم سوا كتير اوي 

ليليان بابتسامه/ماشي 

ورجعت كرسيها تاني 

ليليان ل المدرسه/شكرا ليكي

الميس/العفو  ع اي 

واحلام راحت الفصل بتاعها ال بتدرس فيه لاطفال الرسم

ودخلت

والاطفال اول ما شافوها صرخو بفرحه وجريو عليها حضنوها 

الأطفال/ميس احلاااام 

احلام بابتسامه حضنتهم/حبايب قلبي وحشتوني 

الاطفال/وانتي كمان اوي 

طفل ١/انتي بقالك كتير مبتجيش لي

طفله ٢/هو احنا زعلناكي ف حاجه

احلام ابتسمت/مقدرش ازعل منكم ابدا. انا بس انشغلت ف كام حاجه وخلاص هرجع ارسم معاكي تاني كل يوم

الأطفال بفرحه/هيييي 

احلام/يلا هسيبكم انا علشان في مستر جاي يديكم درس.ونا لما معاد حصتي يجي هاجيلكم

الاطفال/اوك 

واحلام طلعت من الفصل وهي ماشيه ف الطرقه طلعت موبايلها عملته سايلينت وحطته ف ديسك موجود ف الطرقه 

وطلعت من باب صغير للمدرسين بيطلعو منه

وطلبت تاكسي وراحت ع قسم الشرطه

اعملو لايك وقولي لي رايكم ف الروايه ❤️

الجميله و الوحش البارت 5

في قسم الشرطه ف مكتب كمال بيه

قاعد ع مكتبه واحلام قاعده قصاده  حكت له ع كل حاجه من اول يوم شافت آدم فيه

احلام/ صدقني دا شخص خطير جدا .انا عايشه مع قتال قتله .وزي ما حكيت لحضرتك قتل بني ادم قدامي انا مستحيل اقدر اعيش معاه يوم واحد 

كمال اتنهد/انا مصدقك ي  احلام بس ا

احلام/بس اي 

كمال /مفيش اي دليل ع الكلام ال انتي بتقوليه دا..آدم الحديدي دا رجل اعمال وشخص معروف انه غني جدا ب شريكاته و مصانعه و املاكه  .له اسمه و مركزه . ومعروف هو بيشتغل ف اي  .أما الكلام ال انتي بتقوليه دا بدون دليل. مش هعرف اروح اقبض علي رجل اعمال وحد مهم وله اسمه زي دا  ونا ايدي فاضيه 

احلام بعدم استيعاب/يعني اي.بعد الحجات ال حكيتها دي كلها مش هتعرفو تقبضو عليه

كمال/للاسف لازم دليل والا هنبقي عرضناكي انتي وعيلتك للخطر ع الفاضي .لو عرف انك بلغتي عنه اظن واضحه ممكن يعمل اي 

احلام/طب و إياد ال اتخطف ومش موجود ف الميتم دا ...دا كمان مش دليل ضده؟

كمال/مع الاسف لما اتكلمت مع مديره الدار ورحنا الميتم دورنا ع ملف إياد علشان نثبت بيه انه كان عايش هنا ومخطوف . ملقناش ملف ل اياد اصلا ..معني كدا انا إياد اكنه مكنش له وجود 

احلام/سرق الملف 

وقالت بغضب

احلام/يعني انا هفضل عايشه مع عديم الإنسانيه دا؟

كمال/تقدري تعتبريها مؤقتا لحد ما نشوف حل انا وانتي  .ومتقلقيش الحوار دا هيفضل بينا

احلام اتنهدت وقامت/تمام عن اذن حضرتك

وطلعت من المكتب و القسم علشان ترجع المدرسه بسرعه قبل ما رضا يلاحظ عدم وجودها 

 في الجامعه عند روان

واقفه مع كريم بيتكلمو ع جنب 

روان /انا خايفه اوي آدم يعرف حاجه عن علاقتنا 

كريم اتنهد/انا مش فاهم لي مرعوبه من اخوكي ال اسمه آدم دا 

روان/انت متعرفش آدم 

كريم/ انا سمعت عنه يعني هو شخص معروف بس انتي خايفه منه زياده عن اللزوم احنا مبنعملش حاجه غلط 

 . قلت لك اتخرج بس واجي أتقدم لك ع طول و نتجوز بقي انا وانتي 

روان ابتسمت بخجل و كريم حاول يمسك ايدها روان بعدت ايده 

روان/كريم احترم نفسك 

كريم بضيق/هو انا كمان مش هعرف امسك ايدك 

روان/ايوا طبعا مينفعش 

وفجأه فراس وصل الجامعه  وشاف روان واقفه مع شاب غريب وبيضحكو وكان هيتجنن وركن العربيه بسرعه

حد من صحاب كريم راح له/تعالي ي كيمو عايزينك لحظه

كريم ل روان/لحظه وجايلك

روان /اوك

و مشيو 

فراس راح ل روان بسرعه 

رون/فراس

فراس بغضب/مين ال كنتي واقفه معاه دا

روان بتوتر/دا واحد زميلي .

فراس/والله طب هو راح فين الحلو دا 

وكان هيروح له روان منعته بسرعه 

روان بتوتر/في اي  ي فراس انت عايز تعملي مشكله قدام زمايلي.. بقولك دا زميلي عادي مليش علاقه بيه 

فراس بعصبيه/ونا المفروض اصدق 

روان بزعل/فراس متتعصبش عليا. ايوا المفروض تصدقني انا  وبعدين انت مالك اصلا. انت مالك... أقف ما ال عايزه أقف معاه. جاي تتعصب عليا لي 

وكانت هتمشي من قدامه فراس وقفها 

فراس/ا روان انا اسف مقصدتش اعلي صوتي بس ا

روان/عن اذنك هروح البيت

فراس/طب تعالي هوصلك انا

/لا شكرا البودي جارد معايا

ومشيت من قدامه وركبت للعربيه والحرس مشيو 

و فراس اتنهد وراح ركب عربيته وراح وراهم

أمام مدرسه احلام

رضا واقف وملاحظ ان اشاره احلام ثابته ف نفس المكان بقالها كتير ..شك و دخل المدرسه يشوفها فين

ودور عليها ف كل المدرسه ملقهاش ..رن عليها ومردتش

رضا طلع برا المدرسه و رن ع آدم وحكاله ال حصل 

ادم/خليك عندك انا جمب المدرسه دقايق واوصل 

وقفل المكالمه 

في مصنع الصقراوي 

بيكلم راجل من رجالته ف التليفون 

الصقراوي/انتو لسه مراقبين مراته صح

الشاب/اه هي ف مدرسه دلوقتي. ومفيش معاها غير حرس واحد يعني الموضوع سهل 

الصقراوي ابتسم/حلو اوي.خلصولي عليها

الشاب/انت تأمر 

الصقراوي وعينه بتطلع غل/ والله ل اقهرك ع عيلتك واحد واحد  ي آدم الحديدي 

امام المدرسه  ادم وصل ونزل من العربيه بغضب 

رضا راحله /هي ممكن تكون ف مكان انا مدورتش فيه بس قلقت لما لقيت الاشاره ثابته بقالها كتير 

آدم بغضب/خليك هنا

ودخل المدرسه 

عند احلام دخلت المدرسه بسرعه من الباب الخلفي وراحت خدت موبايلها بسرعه 

احلام راحت بسرعه ل آدم ال كان بيدور عليها

احلام/آدم. انت بتعمل اي هنا

آدم مسكها من دراعها بغضب/ كنتي فين

احلام/هكون كنت فين يعني ..كان عندي حصه مع الأطفال خلصتها وطلعت. انت لي متعصب كدا انا عملت اي

آدم شدها من دراعها و طلعو برا المدرسه

ادم/ارجع القصر انت

رضا/تمام 

وآدم ركب احلام العربيه وركبت وساق

رجاله الصقراوي ماشيين وراهم بعربيتهم

العربيه فيها ٤ أشخاص

واحد منهم رن ع الصقراوي 

الشاب/ آدم الحديدي و مراته ف عربيه وحنا مراقبينهم ..ممعهمش حرس 

الصقراوي بخبث/حلو اوي اوي..اقتل الاتنين. اهو  اكون عملت لهم جميله ويموتو سوا  

عند آدم سايق وباصص قدامه واحلام قاعده جمبه

آدم اتنهد بغضب 

احلام بصتله/انا عملت اي لكل دا.. انا كنت جوه بشتغل .انت جيت لقتني ف مكان تاني غير الشغل يعني؟

آدم بغضب/ورضا دخل دور عليكي ف كل حتي وملاقكيش ازاي .بتختفي وتظهري 

احلام/انا سبت الحصه  دخلت الحمام يمكن هو دور عليا ف الوقت دا 

ادم/طب اخرسي مش عايز اسمع صوتك 

وفجأه رجاله الصقراوي ضربو نار ع العربيه 

احلام صرخت بخوف و حطت ايدها ع ودانها 

آدم نزل راس احلام ل تحت بسرعه علشان يحميها من ضرب النار 

و بص وراه بسرعه لقي عربيه فيها ٤ رجاله بيضربوا نار 

احلام صرخت بخوف/ميين دول ي آدم واي البيحصل دا

آدم بعصبيه/انزلي تحت واوعي تطلعي راسك 

آدم طلع السلاح من التبلوه بسرعه وعمرو وطلع من الشباك و ضرب كذا طلقه و رجع يركز ف السواقه وكان كل خوفه ع احلام وخايف يحصلها حاجه

وبدأ يضرب نار عليها تاني وواحد منهم مات

عربيه كانت جايه عليهم

احلام صرخت بخوف /آدم بص قدامك

ادم بص قدامه بسرعه وتفادي العربيه دي

احلام بدموع و خوف/يارب ساعدنا يارب يارب

وكانت عايزه تبص من الشباك طلقه عدت من جمبها بالظبط 

احلام صرخت 

وآدم شدها ل حضنه و حاوطها ب دراعه

آدم بعصبيه/انتي بتعملي اييي 

وبص من الشباك و ضرب كذا طلقه وقتل واحد كمان كدا فاضل اتنين 

ودخل شارع جانبي ووقف العربيه بسرعه 

آدم مسك ايد احلام/خليكي هنا. اوعي تتحركي من هنا نهائيا 

احلام بخوف /ط طب وانت رايح فين 

ادم/متخافيش انا مش هتحرك من هنا .محدش هيقدر يأذيكي طول منا موجود 

احلام هزت راسها بموافقه

وآدم نزل من عربيته وواقف وراها منتظر عربيه الصقراوي تدخل الشارع وكان كل همه يحمي احلام حتي ولو الموضوع هيتكلف حياته 

احلام جوه العربيه بتعيط ومرعوبه وعماله تدعي يبقو بخير 

ورجاله الصقراوي دخلو الشارع ووقفو عربيتهم لما شافو عربيه آدم راكنه 

ونزلو من العربيه وقربو ع عربيه آدم بحزر آدم طلع من ورا العربيه وضربهم هما الاتنين بالنار ووقعو وماتو 

آدم راح ل احلام بسرعة وفتح باب العربيه لقاها قاعده و مغمضه عينها بخوف وحاطه ايدها ع ودنها من ضرب النار

ادم/احلام

احلام مغمضه عينها وحاطه ايدها ع ودانها بخوف

آدم قعد ع  الارض علشان يبقي ف  مستواها

آدم مسك ايدها وبيحاول يهديها/متخافيش انتي ف امان دلوقتي .أنا معاكي متخافيش 

احلام فتحت عينها وبصتله 

ادم/انتي كويسه؟ حصلك حاجه 

احلام/لاء .وانت 

ادم/ هخالف احلامك ..انا كويس 

و ساب ايدها وقام وطلع موبايله يرن ع فراس 

احلام نزلت من العربيه لقت راجلين ميتين ع الارض احلام حطت ايدها ع فمها بصدمه 

احلام بعصبيه/ممكن تفهمني اي ال حصل دا... مين دول وعايزين مننا اي

آدم متجاهلها وماسك الموبايل 

احلام بعصبيه/ردد علياااا انا كنت هموت بسببك مين دول

ادم/

احلام بغضب /انا بكرهككك 

فراس رد ع آدم وحكاله ال حصل 

ادم بغضب جهوري/هبعتلك اللوكيشن وحد يجي يلم الرجاله دول من الطريق واعرفلي فورا مين ال ناوي ع موته دا وتجرأ ضرب نار عليا .بسرررعه 

وقفل المكالمه 

احلام كانت واقفه مصدومه ومش مستوعبه ال بيحصل 

ادم/اركبي العربيه  

احلام كانت واقفه ساكته 

آدم مسكها من دراعها ركبها العربيه  وقفل الباب 

وركب العربيه وساقها ومشي 

في منتصف اليوم وصلو القصر 

و آدم واحلام نزلو من العربيه ودخلو القصر 

وكان ف الصالون طارق و مالك و روان 

روان ابتسمت/حمد لله ع السلامه ي اح

احلام طلعت الغرفه وهي ساكته وبدون ولا كلمه 

روان/هو حصل حاجه؟ كانت مبسوطه اوي انها راجعه الشغل 

مالك/في اي ي آدم حصل اي 

ادم/مفيش ..انضرب علينا نار وحنا راجعين من شغلها 

طارق/اي

روان شهقت بصدمه 

وآدم كان هيطلع برا القصر 

مالك قام بغضب/وانت رايح فين ي آدم.  ريح فين وسايب مراتك ال لسه مضروب عليها نار ل اول مره ف  فحياتها يحصل لها موقف زي دا 

آدم وقف وبصله بغضب/الزم حدودك ومتعليش صوتك قدامي 

مالك بغضب/ي اخي ع الاقل احنا متعودين. احنا عايشين معاك سنين ف القلق وضرب النار ولا الهجوم المسلح دا..بس هي لاء .هي عايشه طول حياتها ف طمئنينه وانت دخلت حياتها سلبت منها كل دا ..بدل ما تروح تطمنها وتهديها سايب القصر وخارج

آدم بعصبيه/انت مش هتعلمني اتعامل مع مراتي ازاي ..انت فاهم ولا لا.وحسك عينك تعلي صوتك قدامي مره تانيه 

و طلع غرفته 

طارق بقلق/لا حول ولا قوه الا بالله.الحمد لله انهم كويسين والبنت بخير 

مالك اتنهد ودخل غرفته 

عند احلام ف الغرفه 

خدت شاور وغيرت هدومها ل بيجاما وقاعده بترسم ع السرير بهدوء 

آدم دخل الغرفه و احلام بصتله 

آدم/قوم غيري هنمشي 

احلام/نمشي نروح فين 

آدم/من غير اسئله كتير 

احلام هزت راسها بموافقه و دخلت الدريسنج تغير

مساءا قدام القصر 

فراس وصل ونزل من عربيته ورن ع روان

روان/نعم

فراس/ممكن تطلعي لي؟ انا برا البيت 

روان/لاء مش هطلع

فراس/اطلعي ي روان بعد اذنك انا عايزك 

روان اتنهدت و لبست شال من البرد وطلعت ل فراس برا 

فراس كان ساند ع عربيته ومستنيها 

روان ربعت ايدها/ نعم عايز اي 

فراس/انا اسف علشان ال عملته الصبح ..حقك عليا 

روان/

فراس /انا بخاف عليكي من الهوا الطاير ي روان. لما شفتك واقفه مع حد غريب الله اعلم كويس ولا لا محترم ولا لا اعصابي فلتت عليكي غصب عني 

روان/دا حد زميلي كان بيسألني عن معاد المحاضره ومشي تاني .الدنيا مخربتش 

فراس /معاكي حق انا زودتها شويه ..ومكنش ينفع اسيبك تنامي زعلانه مني

وفتح العربيه وجاب بوكيه الورد منه 

روان بابتسامه/الله..دا علشاني

فراس ابتسم واداهولها/طبعا علشانك ..عجبك 

روان خدته بابتسامه وشمته/حلو اوي اوي 

فراس/لسه زعلانه مني؟

روان ابتسمت/لاء. انت برضو صاحبي واخويا  وبتخاف عليا زي آدم و مالك بالضبط .وعارفه ان يهمك مصلحتي

فراس ابتسم/ماشي. همشي انا بقي تصبحي ع خير 

روان ابتسمت/وانت من اهل الخير 

وفراس ركب عربيته ومشي و روان دخلت القصر تاني 

في الطريق في عربيه آدم

آدم سايق واحلام قاعده جمبه 

آدم مركز ف السواقه 

احلام بصتله/ممكن اعرف احنا رايحين فين 

آدم/بيت بباكي .مش انتي نفسك تشوفيهم 

احلام بفرحه مسكت ايده/انت بتتكلم بجد  احنا رايحين ل بابا دلوقتي؟ دا وحشني اوي 

آدم بص ع ايده ال احلام مسكتها و احلام سحبت ايدها بسرعه

احلام/احم .انا اسفه أنا لما بفرح مبعرفش اسيطر ع مشاعري

آدم بصلها وبص ل عينها ال بتلمع وهي فرحانه 

احلام ابتسمت/شكرا بجد مش عارفه اقولك اي 

آدم ركز ف السواقه تاني 

ادم/لو مبطلتيش رغي هلف وارجع تاني 

احلام /خلاص والله سكتت

وبصت قدامها واتنهدت بابتسامه وآدم ابتسم 

وبعد شويه وصلو قدام البيت 

آدم/متتأخريش هستناكي هنا 

احلام/ازاي يعني هتفضل هنا .لاء لازم تدخل معايا

ادم/ 

احلام/لو سمحت ادخل معايا. وبعدين مش انا قايله ل اهلي ان انا متجوزه ومبسوطه ؟ .رايحه ازورهم من غيرك ازاي بقي؟ 

آدم خلع الحزام ونزل 

واحلام ابتسمت وخلعت الحزام ونزلت هي كمان 

وراحو باتجاه البيت وخبطت 

ليليان من جوه البيت/انا هفتح

وراحت فتحت الباب 

احلام بابتسامه/لي لي

ليليان بفرحه /احلااام 

احلام ابتسمت ونزلت ل مستواها وحضنتها 

ليليان /وحشتيني اوي اوي 

احلام/انتي كمان ي روح قلبي وحشتيني اوي اوي 

وطلعت من حضنها/تعالي ندخل

واحلام بصت ل ادم وابتسمت/يلا تعالي 

و آدم دخل واحلام قفلت الباب

وخلعو الجواكيت بتاعتهم واحلام علقت جاكيتها واخدت جاكيت آدم منه وعلقته

كرم راح ناحيه الباب/مين ي ليليان 

احلام بابتسامه/بابا 

حمزه طلع من غرفته لما سمع صوت احلام 

كرم بص ع احلام وآدم 

كرم/جايه تعملي اي هنا ي احلام 

احلام راحت له بابتسامه وحضنته بقوه وكرم مقدرش يفضل زعلان منها ..بقاله اكتر من اسبوعين مشفهاش احلام عمرها ما بعدت عنه كدا قبل كدا ..دي بنته حبيبته و حته منه اهم حاجه عنده تبقي مبسوط ومرتاحه 

كرم/كدا ي احلام. تعملي فيا كدا 

احلام دمعت وهي ف حضنه/انا اسفه ي بابا سامحني علشان خاطري

كرم طلعها من حضنه ومسح لها دموعها 

كرم/خلاص متعيطيش..انا مقدرش مسامحكيش ..دا انتي روحي 

احلام ابتسمت/يعني انت سامحتني بجد

كرم /اه ي هبله سامحتك من بدري 

احلام حضنته بابتسامه وكرم حضنها بقوه 

وطلعها من حضنه

احلام راحت حضنت حمزه وحمزه حضنها بقوه وباس راسها 

آدم كان بيبص عليهم بغيره وحاول يمسك نفسه 

كرم ل ادم/اتفضل ي ابني متفضلش واقف انت مش غريب..تعالو ندخل الصالون 

آدم هز راسه بموافقة 

حمزه/اتفضل ي جوز اختي اتفضل ..هنا ممكن تدخل عادي من غير استئذان من حد 

آدم/بس انت قلبك اسود اوي ي أبن حمايا 

ودخلو الصالون 

و كلهم وقعدو 

كرم /نورتي بيتك ي حبيبه ابوكي ..البيت وحش من غيرك والله 

احلام ابتسمت /حبيبي ي بابا

حمزه/متحلفش بس ي حج دا احنا ارتحنا منها .بلا دوشه 

احلام خبطه ف كتفه/احترم نفسك 

حمزه ضحك و كرم ابتسم وفضلو يتكلمو كتير واحلام كانت مبسوطه اوي انها جت تشوف أهلها وفرحتها كانت باينه ف عنيها و آدم كان مركز معاها وهي مبسوطه وبتضحك 

و كرم كان بيسأل آدم اسئله عنه كان عايز يطمن ع احلام معاه و آدم بدأ يتكلم معاه وكان  بيطمنه علشان ميخفش  ع احلام واحلام فهمت دا من كلامه وابتسمت 

حمزه/الشاي بتاعك وحشنا اوي ي احلام .ما تقومي تعملي لنا

احلام ابتسم/حاضر 

كرم/روحي ي ليليان ساعديها 

و دخلو هما الاتنين المضبخ .

كرم /باين عليك ي ابني  انت طيب ومعدنك اصيل وابن ناس  .بس انا عايزك تاخد بالك من احلام ..بنتي ..احنا ملناش غيرها ف الدنيا دي كلها وانت مش هتلاقي اطيب من قلبها ولا هتلاقي ف حنيتها .هي بس عيبها الوحيد انها عنيده شويه 

حمزه/هو اصلا كان يطول ياخد احلام ..دا انا مديله اختي و ع عيني اسيبهاله .دي روح قلبنا و جوهره بس لليعرف قيمتها ...ولو فكرت تزعلها انا ال هقفلك

آدم /هدي نفسك ي ابن حمايا مش كدا 

حمزه/انا هادي انت شايف غير كدا 

كرم ضحك/معلش ي ابني هو بس علشان بيحب احلام اوي وبيخاف عليها 

احلام طلعت من المضبخ ف ايدها صينيه الشاي وليليان ف ايدها مقبلات و حلويات 

واحلام حطت الصينيه قدام كرم وكرم خد كوبايه 

وحطت الصينيه قدام آدم بابتسامه و آدم بصلها و خد كوبايه الشاي 

وكرم خد كوبايه وليليان حطت الصينيه ال ف ايدها ع الطربيزه 

و احلام حطت الصينيه ال ف ايدها وقعدت 

وفضلو يتكلمو سوا وهما بيشربو الشاي 

بعد ساعه أمام البيت آدم خد شنطه احلام ال لمت فيه هدومها ال هنا وحطها ف شنطه العربيه

و احلام سلمت ع كرم و حمزه وليليان 

كرم/خلي بالك ع نفسك

احلام بابتسامه/حاضر .تصبحو ع خير

كرم وحمزه/وانتي من اهل الخير 

و باست ليليان 

وراحت ل آدم ال ركب العربيه بعد ما حط الشنطه 

احلام ركبت جمبه ولبست الحزام 

احلام ابتسمت/شكرا علشان جبتني اشوفهم ..كنت محتاجه ل دا .وكمان خدت بالي انك كنت بتحاول تطمن بابا ع قد ما قدرت  علشان باله ميفضلش مشغول عليا .شكرا بجد

آدم هز راسه وشغل العربيه وانطلق

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا