روايه الجميله و الوحش الفصل السادس والسابع والثامن والتاسع والعاشر بقلم نونا كامله
روايه الجميله و الوحش الفصل السادس والسابع والثامن والتاسع والعاشر بقلم نونا كامله
الجميله والوحش البارت 6
مساءا
ادم وصل ب العربيه قدام القصر
ونزل هو و احلام من العربيه
و ادم قال ل حرس من حراس يدخل شنطه احلام جوه
ادم جاله مكالمه و رد
احلام/هدخل انا
ادم هز راسه بموافقة
ودخلت القصر
والحرس جاب شنطتها من العربيه ودخلها القصر والخادمه خدتها منه وطلعتها غرفه احلام
احلام دخلت الصالون بابتسامه وكان قاعد طارق ومالك
احلام بابتسامه/السلام عليكم
الكل/وعليكم السلام
طارق ابتسم/شكلك مبسوطه .ربنا يجعلك مبسوطه ديما
احلام ابتسمت/ادم خدني اشوف بابا .وبابا سامحني خلاص ومش زعلان مني
طارق بابتسامه /طب الحمد لله
احلام /امال روان فين
طارق/ف المضبخ
احلام/اوك عن اذنكم هدخل لها
ودخلت المضبخ
وآدم خلص المكالمه ودخل القصر
وكان هيطلع غرفته
مالك قام/ادم
ادم وقف وبصله
مالك وقف قصاده/انا اسف ..يعني علشان اتخانقت معاك النهارده ..عملت كدا من حبي فيك وخوفي عليك ..متزعلش مني
ادم حضنه/انت اخويا الصغير يالا ..مستحيل ازعل منك مهما حصل
مالك ابتسم
ادم طلع من حضنه وضغط ع كتفه/بس إياك تعلي صوتك قدامي تاني
مالك ضحك/برضو ..ماشي يعم
ادم ابتسم
وطارق ابتسم
في المضبخ
روان واقفه جمب الخادمه ال بتعمل تشيز كيك واحلام واقفه معاهم
روان/فرحت اوي ان عمو سامحك
احلام بصت ع التشيز كيك ال الخادمه بتعمله
احلام ابتسمت/تعرفي اني بحب التشيز كيك اوي
روان/بجد
احلام ابتسمت وهي سرحانه/ماما كانت بتعملهولي ديما ..كانت بتعمله حلو اوي اوي ..اخر مره عملتهولي قبل ما تموت بيوم ..عملت صينيه كبيره اوي وكانت عملهالي مفاجأه..كنت ف ثانويه عامه وقتها ورجعت من السنتر وفرحت بيها اوي ..تاني يوم ماتت وملحقتش اكل منها فضلت ف التلاجه زي ما هي ..كنت منهاره طبعا وفضلت اكل منها كل يوم حتي ونا بعيط لمده اسبوع ..مكنتش عيزاها تخلص خالص علشان دي اخر حاجه عملتها ب ايدها
روان ابتسمت بحزن/ربنا يرحمها يارب
احلام ابتسمت/يارب
قدام المضبخ ادم سمع حديثهم من الاول
بعد نص ساعه
في غرفه آدم
دخل الغرفه و احلام طلعت من الدريسنج وهي بتعمل شعرها كعكه عشوائيه بعد ما غيرت لبسها ل بنطلون بيجاما وتوب ابيض بنص
و مسكت رقبتها بوجع
ادم كان مراقبها ف هدوء وشال السلاح من ورا ضهره و حطه هو و موبايله ع الطربيزه
ادم/رقبتك مالها
احلام/مفيش وجعاني شويه من نومه الكنبه .مش متعوده عليها
ادم طلع من درج الكومودينو مرهم وحطوهلها ع السرير
و دخل الحمام
احلام ابتسمت وهزت راسها بمعني مفيش فايده
حتي وهو بيعمل حاجه حلوه بيعملها ب قسوه
وخدت المرهم وحطت من المرهم ع رقبتها
وراحت غرفه روان تقولها ينزلو المول بكره يشترو حاجات
عند روان كانت قاعده ع السرير بتكلم كريم
و احلام خبطت ودخلت
روان قفلت المكالمه بسرعه وتوتر
واحلام لاحظت دا
احلام/اسفه لو قاطعتك
روان/احم لاء ابدا تعالي
احلام راحت قعدت جمبها ع السرير
احلام/كنتي بتكلمي مين
روان بتوتر/دا .دي واحده صحبتي
احلام ابتسمت/بس توترك بيقول غير كدا .احكيلي ومتخافيش. ايا كان الحاجه ال هتحكيها هتفضل بينا
روان/هحكيلك بس اوعي تقعي ب لسانك قدام ادم. مش متخيله رد فعله هتكون اي
احلام/احكي ومتخافيش
روان بدأت تحكي لها عن علاقتها ب كريم وأنهم بيحبو بعض بقالهم سنه
احلام/هو قالك هيجي يتقدم لك لما يتخرج
روان/اه والله .هو بس قدامه سنه و هيتخرج ويدور ع شغل ويجي يتقدم لي ع طول
احلام ابتسمت ومسكت ايدها/انا واثقه انك متربيه كويس وعمرك ما تعملي حاجه غلط .بس قللي كلام ومقابلات معاك دا احسن ليكي. وهو لو بيحبك بجد هيجي يتقدم لك
روان/انا محافظه ع نفسي والله حتي مبسبهوش يمسك ايدي ..انا بس خايفه ل ادم يعرف
احلام/علشان كدا بقولك قللي معاه ع قد ما تقدري. ادم رد فعله هيبقي وحش اوي لو عرف.انا خايفه عليكي
روان ابتسمت/ربنا يخليكي ليا .انتي جيتي عوضتيني عن حجات كتير ي احلام .عرفتيني يعني اي اخت تخاف عليا واحكيلها كل حاجه ونا مطمنه
احلام ابتسمت وحضنتها وروان ابتسمت
روان /ادم خدك تشوفي اهلك و اتصالحتو ع بعض ..شفتي بقي ان آدم مش وحش اوي كدا
احلام طلعت من حضنها و اتنهدت
احلام/بعد كل ال اخوكي عمله دا وبتقولي مش وحش زي ما بيبين
روان/آدم مر بحجات كتير وحشه ف حياته هي ال وصلته ل كدا .لو عرفتيها هتعذريه
احلام/مفيش حاجه ممكن تكون حصلت وصلته للقسوه ال هو فيها دي ..دا اختيار منه
روان اتنهدت/احنا كنا عيله ع قدنا خالص
متكونه من ماما نور الله يرحمها و بابا و آدم ومالك وانا
بابا يدوب كان موظف ع قده بيجب مرتب بيقضي الشهر ب العافيه..بس كنا مبسوطين والله .عشنا ف بيتنا القديم دا احلي ايام ..ماما استحملت بابا سنين ف الوضع دا. لحد ما اشتغل شغلانه احسن ف شركه وبقي معاه فلوس و حط فلوسه ف ارضين كدا اشتراهم .. و اتعرف ع واحده لفت عليه ووقعته وبابا حبها واتجوزها
وساب ل ماما البيت وسابنا احنا كمان وراح عاش معاها
وماما ربتنا لوحدها
لحد ما جالها كانسر و ف مرحله وحشه اوي
آدم وقتها كان ١٨ سنه ومالك ١٤ ونا كنت ٨ سنين صغيره اوي
ادم راح ل بابا وقعد يشرحله قد اي حاله ماما خطيره و محتاجين فلوس المستشفى ضروري لأن المستشفى ربنا ينتقم من صاحبها مبتعالجش لمريض ال لما يدفع الفلوس الاول ..بس بابا مصدقش كل الكلام دا وفاكر اننا بنعمل كدا علشان يرجع ل ماما ومرات بابا الجديده قالت له لو ادتهم جنيه انا هطلق . وبابا مرضيش يدينا فلوس نعالج ماما ..ادم علشان هو الكبير فضل يلف ف الشوارع يحاول يستلف المبلغ من اي حد يعرفه او حد من الجيران بس محدش وافق يديه المبلغ لانه كان كبير شويه
لحد ما شخص من ال قاعدين ع القهوه سمع ان ادم محتاج مبلغ كبير يعالج مامته
خده ع جمب وقاله انا ممكن اديلك ال انت عاوزه .بس تقتلي كذا .وقاله اسم شخص ادم ميعرفوش واعطاله سلاح...ادم من قله حيلته ورعبه ع ماما ال بتموت وافق ..وقتله فعلا وخد الفلوس وراح المستشفى وبدأت تعالج ماما ..لكي ان تتخيلي شاب ١٨ سنه يقتل حالته كانت عامله ازاي..اسبوع مكنش بيشوف الا كوابيس مكنش بينام دقيقه واحده.. بس بعد دا كله ماما ماتت .معرفوش يلحقوها ..وآدم موضوعه اتعرف ودخل السجن
احلام حطت ايدها ع فمها بصدمه مش مصدقه ال بتسمعه
روان/اتسجن ٤ سنين و الراجل ال طلب منه يقتل طلع حد تبع شغل المافيا وتجاره الاسلحه .شاف ان ادم اشجع من ناس كتير عرفها . ف عرف يطلعه من السجن ب محامي كبير ..و اخده يشتغل معاه ..لو ادم مكنش اشتغل وقتها احنا كان زماننا ف الشارع. اشتغل مع قتالين قتله لحد ما عرفوه الشغلانه وبدأ يشتغل واحده واحده بنفسه لحد ما كبر وكبر اسمه و بقي ادم الحديدي ال شغال شغل مظبوط قدام الناس. و ف الضلمه بيشتغل الشغل المقرف بتاع المافيا دا ..بس هو من البدايه
كان بيشتغل بس علشانننا .. يجيب لنا اكل ويعرف يعلمنا وندفع الكهربا والمايه ..ادم عمل كل دا علشاني انا ومالك .علشان نعيش احلي عيشه ونتعلم احسن تعليم ومنتحوجش لحد
احلام/علشان كدا بيكرهه بباه
روان/شاف انه هو السبب ف كل حاجه حصلت له .لو كان أعطاه الفلوس من الاول مامتنا كانت عاشت ولا اضطر يقتل ولا يتحبس ويشتغل الشغل دا.. هو سايب بابا عايش علشاني انا و مالك بس علشان منكرهش ادم لولانا كان زمانه قتل بابا بدم بارد من زمان هو بيحبني انا ومالك اوي اوي بيخاف علينا من الهوا بس هو عمره ما يبين دا
هو شاف كتير اوي ف حياته ي احلام ال حكتهولك دا جزء بسيط بس ..و ف الاخر الست ال بابا اتجوزها ضحكت عليه مضته ع كل املاكه و تاني يوم هربت وبابا معرفلهاش طريق
احلام بحزن مكنتش مصدقه ال بتسمعه قد اي اتعذب ف حياته وقد اي الدنيا حولته ل شخص وحش اوي كدا ومشفش يوم حلو ف حياته
في غرفه آدم
نايم ع السرير بعمق واحلام دخلت الغرفه وقربت منه وبصت عليه وهو نايم .ال يشوفه وهو نايم ببرائه كدا ميشفهوش ادم الحديدي وهو صاحي
وجابت الغطا من ع السرير وغطته كويس
وراحت تنام ع الكنبه بتاعتها
في اليوم التالي
في شركه مالك
قاعد ف مكتبه بيشتغل ومركز ف الملف ال قدامه
الباب خبط
مالك/ادخل
جنات دخلت بابتسامه وهي شايله صينيه و فيها فنجان قهوه و جمبه سندويتش
جنات ابتسمت/عملت لك قهوتك بس انت شكلك مفطرتش ف عملت لك سندويتش
وحطت الصينيه ع الطربيزه
مالك ساب الملف ال ف ايده وابتسم
مالك/انا فعلا مفطرتش
جنات بابتسامه/دا انا ال عملاه ب ايدي ع فكره..دوق وقولي رايك
مالك مسك السندويتش وكان محروق حاجه بسيطه
مالك بصلها/ما بلاش ادوق احسن
جنات/احم
دا ع فكره كدا مش محروق دا انا عملهولك بيقرمش وكدا
مالك ضحك/ايوا ايوا واخد بالي
جنات /طب دوق واحكم متحكمش ب الشكل وهيعجبك وهتقول جنات قالت
مالك/طب اقعدي واقفه لي
جنات/ميصحش برضو ي مالك بيه
مالك/بقولك اقعدي ي جنات
جنات ابتسمت وقعدت قصاده
و مالك بدأ يدوق السندويتش
جنات ابتسمت/هااا حلو؟
مالك/اممم حلو اوي
جنات بابتسامه/بجد
مالك ابتسم/اه والله حلو جدا تسلم ايدك
جنات/الف هنا
عند آدم ف مصنع من مصانعه
وكان الرجاله بتاعته بتدخل اسلحه كتيير جدا
وادم كان واقف يراقبهم بهدوء وفراس كان واقف جمبه
فراس/ال واحد ال لقيناه من ال 4 ال هجمو عليك انت واحلام لسه عايش بنعالجه ف اسطبل الخيول بتاعنا زي ما امرت .بس معرفش يعيش ولا لا
ادم بجديه/لازم يعيش. خلي الدكتور ال عنده يعمل كل ال يقدر عليه واكتر ..هو الحل الوحيد ال هنعرف من خلاله مين هجم علينا..ونا بكره هاجي اشوفه ف الاسطبل
فراس/حاضر
وادم سابه وطلع برا المصنع وركب عربيته ومشي
في مصنع الصقراوي
ع مكتبه في ٤ ملفات فيهم كل المعلومات عن طارق ومالك و احلام و روان
الصقراوي/والله ل اخليك تتحسر عليهم واحد واحد ي آدم الحديدي ...بقي بتقتل رجالتي
راجل من رجاله الصقراوي/وافرض عرف ي صقراوي بيه ان احنا ال حاولنا نقتله هو و مراته دا مش هيسيب حد فينا عايش
الصقراوي/ميقدرش يعمل حاجه .. ميعرفش مكاني فين وحتي لو عرف مش هيعرف يعدي من كل الحرس ال برا دي
في منتصف اليوم ف القصر
احلام طلعت من الحمام بعد ما اخدت شاور وغيرت هدومها
وموبايلها رن ومسكت الموبايل وكان كمال بيه ال بيتصل
والباب انفتح فجأه واحلام خبت الموبايل ورا ضهرها
ادم خد باله من توترها
وموبايلها رن تاني
ادم/مين بيتصل
احلام بتوتر/دا اا
ادم /ردي وافتحي ال سبيكر
احلام/ي آدم مفيش حد دا ا
ادم بصلها بغضب واحلام طلعت الموبايل من ورا ضهرها وردت وهي مرعوبه من رد فعله وفتحت السبيكر
كمال بيه/ازيك ي احلام ..كنت محتاج نقعد ونكمل كلامنا ف موضوع الدليل ال ندور عليه نحبس بيه ادم الحديدي دا
ادم خد من احلام الموبايل
ادم/لو عايز تدور ع دليل يحبسني اجتهد بنفسك و دور ي كمال بيه ..وبلاش اشوف نمرتك ع موبايل مراتي تاني هيكون احسن ليك و ل منصبك ال انت فرحان بيه دا
وقفل الموبايل ورماه ع السرير
واحلام كانت مرعوبه من ادم
ادم بهدوء/رحتي قابلتيه امتي
احلام/
ادم بغضب جهوري /ما تنطقييي
احلام بخوف/من يومين .رحت له القسم
ادم مسك درعها بغضب وقربها منه
ادم/تاني ..حاولتي تهربي تاني والمره دي رحتي قابلتي راجل غريب من ورايا علشان تدوري ع دليل تحبسيني بيه وتتخلصي مني
احلام بعصبيه فلتت دراعها من ايده وبصتله/ايوا ...ايوا عايزه اتخلص منك علشان انا تعبت وقرفت..مقعدني ف بيتك هنا غصب عني زي الحيوانه وبتأمر فيا وبس ..اقعدي.. قومي.. كلي .. متخرجيش ..متتنفسيش ..اييي انا بني ادمه ومش جاريه عندك ... مش من حقك تعمل معايا كدا
ادم بعصبيه قرب منها /من حقي ..انتي مراتي ومن حقي كل حركه وكل نفس هتتنفسيه هيبقي بإذني انا .واحسن لك تتعودي ع دا
احلام بنفس العصبيه/مش مضطره اتعود .لي اتعود ع حياه زي دي .
كل حياتك سودا و كل هدومك سودا حتي قلبك اسود..وقتلت ناس بعدد شعر راسك ولسه بتقتل وهتقتل..اكن القتل دا حاجه سهله بالنسبه لك ..معندكش ولا قلب ولا احساس .. بعيد عن اخوك و اختك متعرفش عنهم حاجه ولا بتقرب منهم ولا بتقعد معاهم حتي ..وبباك ال تعبان دا بقاله سنين بتعامله أوحش معامله ولا كأنه ابوك من لحمك ودمك مش طايق تبص ف وشه حتي ..ادم بيه الحديدي عايز الناس كلها تمشي ع مزاجه وتحت طوعه وتحت أمره ولو حاجه صغيره حصلت عكس ما هو عايز بيخرب الدنيا ..ل اول مره حد يعمل حاجه من وراك وحاجه تحصل عكس ما انت عايز صح . بس انا مش هبطل ادور ع طريقه اتخلص منك بيها وارجع اعيش حياتي الطبيعيه تاني عنك
ادم بغضب جهوري مسك دراعها وبصلها ف عينها
ادم /إياك تعدي خطوه واحده برا باب الاوضه دي
و ساب دراعها و طلع برا الغرفه ورزع الباب وراه وطلع برا القصر كله وركب عربيته ومشي
واحلام معرفتش جابت الجرأه دي منين علشان تبص له ف عينه و تواجهو كدا وتقول كل الجواها بس هي تعبت خلاص مبقتش قادره تتحمل
مساءا
فراس بيرن ع ادم كتير علشان عايزه بس ادم مبيردش
و مش موجود ف الشركه ولا ف المصانع بتاعته
وفراس رن ع رضا
فراس/رضا متعرفش آدم فين .دورت عليه و اتصلت بيه مش عارف اوصله
رضا/انا مراقبه من بعيد اهو ..شفته طالع من القصر مش شايف قدامه قلقت عليه يسوق وهو بالمنظر دا ركبت العربيه وراقبته من غير ما ياخد باله
فراس اتنهد/تمام ابعتلي اللوكيشن
عند آدم لف ب العربيه كتير اوي وبعدين وقف العربيه ع طريق وقعد ع كرسي من الكراسي ال بتبقي لازمه ف الشارع
ادم فلاش باك
احلام/كل حياتك سودا .قتلت ناس بعدد شعر راسك لسه بتقتل وهتقتل ....معندكش ولا قلب ولا احساس ...بعيد عن اخوك واختك...وبباك ال تعبان دا بقاله سنين بتعامله اوحش معامله ولا كأنه ابوك من لحمك ودمك ...انا مش هبطل ادور ع طريقه اتخلص منك بيها وارجع اعيش حياتي الطبيعيه تاني بعيد عنك
باااك
فراس وصل عند ادم ونزل من عربيته وراح قعد جمب آدم
ادم /بتعمل اي هنا
فراس/جاي اقعد معاك..حرام اقعد مع صاحب عمري
ادم/
فراس/اتصلت بيك كتير معرفتش اوصلك رضا ال قالي ع مكانك .كان مراقبك
ادم/عارف كنت ملاحظه
فراس/ع حد علمي شغلنا ماشي زي الفل يعني غضبك دا ال يخليك تسوق ٣ ساعات و ف الاخر تيجي تقعد هنا مش بسبب الشغل .في مشكله مع مرات اخويا صح؟
ادم/احسن لك متدخلش ومتفحتش الموضوع
فراس/لا انا اسف مضطر أتدخل حتي لو هنضرب منك بعدها مش مشكله ..انت بتحب احلام وبتنكر دا..مش عايز تعترف بيه بينك وبين نفسك حتي
ادم بيحاول الهدوء/انا مبحبش حد
فراس/امال مقتلتهاش لي ي آدم.. انت اي حد بيفكر يأذيك ف شغلك بتقتله ب دم بارد من غير ما تفكر ..واحلام عادي ممكن ف اي لحظه تروح تقول ل البوليس ع اي حاجه خطيره عرفتها عننا ...بس انت بدل ما تقتلها اتجوزتها .يبقي دا اسمه اي..لما حصل هجوم عليكم ب السلاح اتصلت بيا وانت متعصب وصوتك باين عليه القلق مع انك متعود ع الهجوم دا وعمرك ما خفت قبل كدا دقيقه واحده انت كان كل خوفك ع احلام .يبقي دا اسمه اي. بس دا سبب من الاسباب ال مخليك تنكر انك بتحب احلام..ان حبك ليها بيضعفك..وانت عمرك ما تسمح ل نفسك تبقي ضعيف
آدم قام بغضب/انا مبحبش حد ..قلبي دا مبيعرفش يحب بسبب الجرح ال موجود فيه بقاله سنين(وشاور ع قلبه) واخر مره تتجاوز حدودك معايا وتدخل ف ال ميخصكش
و راح عند عربيته وركبها وساقها ومشي
فراس اتنهد/ما انت لو تسيب احلام تداويلك جرحك ال بقاله سنين دا ..انا متأكد انها قادره تغيرك ل بني ادم تاني
في القصر في غرفه احلام
قاعده ع الكنبه وسرحانه
الباب خبط وروان دخلت
روان بابتسامه/هالو
احلام انتبهت وابتسمت/تعالي
روان راحت قعدت جمبها/ما تيجي تقعدي معانا تحت شويه انا و بابا بدل ما انتي قاعده لوحدك
احلام ابتسمت/مينفعش اخالف الأوامر
روان/هو ادم حبسك هنا تاني؟
احلام/حاجه زي كدا
روان/طب هقولك لحد يعملك عشا ع الاقل انتي مكلتيش حاجه من صباحيه ربنا حتي مفطرتيش
والباب خبط والخادمه دخلت معاها صينيه اكل
الخادمه/الاكل ي احلام هانم
احلام/رجعيه تاني انا مش هاكل
الخادمه/بس ادم بيه امر ان حضرتك متناميش الا لما تاكلي
احلام/مهو علشان امر ب كدا بقي انا مش هاكل ..خدي الاكل معاكي تاني
الخادمه خدت صينيه الاكل وطلعت برا الغرفه
عند آدم وصل عند القصر
ونزل من عربيته ودخل
وكان ف الصالون طارق ادم تجاهله ودخل المضبخ
الخدم وقفو ب احترام ليه
رئيس الخدم/تأمر ب حاجه ي آدم بيه
ادم/احلام اكلت
الخادمه/طلعت لها الاكل زي ما حضرتك امرت ي آدم بيه بس هي مرضيتش تاكله وقالتي رجعيه.دي حتي مفطرتش
ادم/جهزي الاكل تاني وطلعيه ع فوق
الخادمه/امر حضرتك
وطلع من المضبخ وطلع الغرفه ودخل
روان ال قاعده مع احلام/حمد لله ع السلامه
ادم/الله يسلمك
روان/عن اذنكم
وقامت وطلعت من الغرفه
احلام قامت/السجن ال انا في دا هيخلص امتي
ادم/انا ال احدد يخلص أمتي
احلام/ونا معنديش مشكله
و الخادمه خبطت
ادم/ادخل
و دخلت وحطت الاكل ع الطربيزه
احلام/هو انا مش قلت لك مش هاكل
ادم شاور لها تروح والخادمه مشيت
ادم/اقعدي كلي يلا
احلام/لاء انا مليش نفس مش هاكل
ادم/مش هعيد كلامي تاني ي احلام انتي مكلتيش حاجه من الصبح اقعدي و كلي
احلام/و انت كلت حاجه من الصبح ؟
ادم/ شاغله بالك بواحد معندوش ولا قلب ولا احساس لي
احلام/انا مش شاغله بالي ولا حاجه دي من انسانتي مش أكتر
ادم/اقعدي و كلي
وكان هيدخل الدريسنج
احلام/تمام بس انا مش هاكل الا لما تاكل معايا
ادم لف لها وقال بغضب/ا
احلام ربعت ايدها/والله ما هاكل الا لما تقعد وتاكل معايا. حتي لو هتزعقلي وتتعصب معنديش مشكله
ادم اتنهد من العِند بتاعها وقعد ع الكرسي قصاد الاكل
واحلام ابتسمت وقعدت قصاده
وبدأت تاكل و ادم بدأ ياكل هو كمان
احلام وهي بتاكل باستمتاع لانها كانت جعانه اويي
احلام ابتسمت/الاكل تحفهه
ادم ابتسم/طالما انتي جعانه اوي كدا مبتسمعيش الكلام وتاكلي من بدري لي
احلام/عيند فيك ..لأنهم قالولي ادم بيه امر انك لازم تاكلي
ادم هز راسه بمعني مفيش فايده من عِندها
احلام/احم ..روان قالت لي أن مامتكم اتوفت ب السرطان ..ربنا يرحمها يارب
ادم/روان بقت بترغي الفتره كتير بدون داعي
وقام من ع الاكل وقبل ما يدخل الحمام
ادم/نامي انتي ع السرير علشان رقبتك ونا هنام ع الكنبه
احلام/لا مفيش داعي انا اتعودت ع نومه الكنبه
ادم دخل الحمام و احلام خلصت اكل وبعد شويه الخادمه خبطت تاخد الصينيه وخدتها ومشيت
واحلام غيرت هدومها ونامت ع الكنبه ولمست رقبتها ب وجع
ادم طلع من الحمام بعد ما اخد شاور و غير هدومه وبينشف شعره ب الفوطة..بص ع احلام لقاها نايمه ع الكنبه ورايحه ف النوم و باين علي ملامحها الوجع بسبب رقبتها
ادم ساب الفوطة وراح عند احلام شالها ف حضنه ونيمها ع السرير وجاب الكريم من ع الطربيزه ورجع شعرها الناحيه التانيه وبدأ يدهن لها من الكريم ع رقبتها و غطاها
كويس وراح هو ينام ع الكنبه
ادم نام مكانها وشم المخده بتاعتها لقاها غرقانه ب ريحتها ادم غمض عينه وشم ريحتها وبدأ يروح ف النوم
الجميله و الوحش البارت 7
في القصر في يوم جديد فغرفه ادم
جهز علشان يروح الشغل
لبس بنطلون اسود وهاي كول اسود
وبيتكلم ف التليفون
احلام طلعت من الدريسنج بعد ما غيرت هدومها
ولابسه بنطلون جينز غامق و
تيشرت ابيض وعليه جاكيت جلد زيتي
وآدم خلص كلام ف الموبايل
احلام/انا عايزه اروح الشغل
آدم/مفيش مرواح شغل تاني
احلام /يعني اي مفيش مرواح شغل تاني مش احنا اتفقنا اني هرجع الشغل تاني
آدم بغضب/دا كان قبل ما تهربي وتروحي تقبلي الظابط كمال من ورا ضهري .مفيش شغل ومش عايز اسمع نفسك
احلام اتنهدت بغضب موبايلها رن و كان حمزه
احلام/حمزه
حمزه /احم احلام ا
احلام/في اي ي حمزه حصل حاجه
حمزه/بابا تعب شويه ونقلناه ع المستشفى بس متقلقيش مش عايزه تتخضي هو بقي احسن
احلام بخوف و توتر/اي..انت بتقول اي ي حمزه
آدم بصلها
احلام/ط طب ابعتي اللوكيشن بسرعه
وحمزه قفل و بعت لها اللوكيشن
آدم/في اي
احلام بدموع وتوتر راحت مسكت ايد آدم/بابا تعب ونقلوه ع المستشفى علشان خاطري ي آدم خدني ل بابا لو سمحت
بعد نص ساعه
في عربيه آدم سايق و احلام جمبه ووصل قدام المستشفى
احلام نزلت من العربيه بسرعه و آدم نزل وراح وراها
احلام راحت للرسيبشن بسرعه
احلام بتوتر/اوضه كرم محمود فين
موظفه الريسبشن /لحظه واحده...اوضه٢٠٦ الدور الرابع
احلام /تمام شكرا
وكانت هتروح للاسانسير آدم مسك ايدها الاتنين ووقفها
ادم/احلام اهدي
احلام بدموع/انا خايفه بابا يحصله حاجه ي آدم
ادم/مش هيحصله حاجه ان شاءالله مش حمزه قالك ف التليفون انه بقي كويس
احلام هزت راسها ب اه
آدم/مينفعش يشوفك خايفه وبتعيطي علشان ميزعلش وعلشان صحته
احلام مسحت دموعها/حاضر خلاص مش هعيط
آدم خدها وراحو للاسانسير
في غرفه كرم ف المستشفى
نايم ع السرير وحمزه واقف جمبه و ليليان نايمه ع الكنبه
والممرضه بتعطي الدوا ل كرم
احلام دخلت الاوضه هي و آدم
احلام بدموع /بابا
وراحت قعدت جمبه ومسكت ايده
احلام/انت كويس صح؟ انت بخير
كرم ابتسم وملس ع شعرها/كويس ي روح قلبي والله متقلقيش..انا تعبت شويه وبقيت احسن
كرم بص ل حمزه/برضو قلت ل اختك مع اني قلت لك متخضهاش
حمزه/الله ما كانت لازم تعرف
احلام /اخس عليك ي بابا انت مكنتش عايزني اعرف يعني
كرم /علشان مقلقكيش بس والله
آدم/حمد لله ع سلامتك
كرم بصله وابتسم/الله يسلمك ي ابني تسلم
و حمزه تليفونه رن وكانت مريم بتساله لو محتاجين حاجه تجيبها ل كرم قبل ما تيجي وبتطمن عليه
الدكتور خبط ودخل
وآدم انسحب ب هدوء من الاوضه ونزل يدفع مصاريف المستشفى تحت
في غرفه كرم
الدكتور بيكشف عليه
حمزه/بابا عامل اي دلوقتي ي دكتور
الدكتور وهو بيكشف عليه/ بقي احسن الحمد لله .المحلول بس دا يخلص ويقدر يرجع البيت
وآدم دخل الغرفه تاني
والدكتور كتب روشته
الدكتور/ الادويه دي تيجي بسرعه علشان يبدأ ينتظم ف ادويته
كرم/كتر خيرك ي دكتور
آدم خد الروشته من الدكتور/انا هروح اجيب الدوا
حمزه/مفيش داعي تتعب نفسك انا هجيبه
ادم/لا مفيش اي تعب
وطلع من الاوضه
و احلام راحت قعدت جمب ليليان ال نايمه ع الكنبه وباستها من خدها
في شركه مالك
طلع من مكتبه و بص ع مكتب السكرتيره لقي جنات مندمجه ف الشغل و مالك مراقبها ف هدوء
وفجأه جه موظف ومعاه فنجانين قهوه
الموظف ابتسم/شايفك مندمجه اوي ف الشغل قلت اجبلك حاجه نشربها سوا
جنات لاحظت ان مالك واقف بيراقبهم بس عملت مش واخده بالها وقررت تستغل الفرصه وتخليه يغيير
جنات ابتسمت للموظف/ميرسي جداا جدا ي محمد تعبتك
وخدت القهوه
احمد ابتسم/لا ولا اي تعب
مالك بغيره راح لهم
وجنات وقفت
مالك/بتعملو اي هنا
جنات ابتسمت/مفيش محمد كتر خيره شافني تعبانه ف شغلي قال يجبلي قهوه نشربها سوا
مالك/اه فعلا؟
جنات بابتسامه/اها
مالك بغضب/دا مش كافيه علشان نقعد ونشرب فيه قهوه ونسيت الشغل ال ورانا .كل واحد ع شغله يلا
محمد/احم عن اذنك ي مالك بيه
ومحمد مشي ع مكتب
ومالك بص ل جنات ودخل مكتبه بغضب
وجنات ابتسمت وقعدت ع الكرسي
وتليفونها رن وكان راجل من رجاله الصقراوي
الراجل/اي ي حلوه الصقراوي باعتني اسالك عملتي اي ...اخو آدم الحديدي وقع ف حبك ووثق فيكي
جنات بغضب بصوت واطي/هوقعه ف حبي ف يومين ازاي يعني .لسه الموضوع هياخد وقت ومش كل شويه تتصلو بيا هتكشفوني ونا مش مسؤوله لو الموضوع انكشف بسببكم
الراجل/لا ي حلوه مسؤوله .لو حد شم خبر عن اتفاقنا الصقراوي مش هيسمي عليكي وهينقلك للطرف الاخر ..سلام ي عسل
وقفل المكالمه وجنات اتنهدت بضيق
فلاش باك
ف مصنع الصقراوي فاتح قدامه ملف في كل المعلومات عن مالك
الصقراوي/شوفلي واحده حلوه تكون همها الاول والاخير الفلوس. نديها المبلغ ال عيزاه وهندخلها شركه مالك الحديدي و يثق فيها ويقع ف حبها وبعدين يكتشف حقيقتها ال مُره بعدها..خلينا نتسلي شويه ونوقع الاخين ف بعض ..لان مين ال هيتلام لما مالك قلبه يتكسر ؟ ادم الحديدي طبعا
وضحك بخبث
مدحت ابتسم/امرك اعتبره حصل
عند جنات بتدور ع شغل ف الشركات ومحدش راضي يقبلها علشان ممعهاش ولا لغات ولا واخده كورسات
ومامتها تعبانه جدا ومحتاجه فلوس ضروري
ودخلت شركه الصقراوي
الشركه ال ماشيه سليم قدام الناس ال صقراوي عاملها علشان محدش يشك فيه
ودخلت الشركه وراحت للبنت ال ف الاستقبال
جنات بتعب من كتر اللف/مش محتاجين حد يشتغل هنا ؟قولي محتاجين بالله عليكي لاني خلاص مبقتش قادره
الريسبشن/ا اه اه محتاجين حضرتك اقعدي اتفضلي دقيقه لحد ما ال hr يقابلك
جنات/اوك
وقعدت و بتدعي تتقبل
الريسبشن رنت ع مدحت بصوت واطي
البنت/مدحت بيه حضرتك قلت لو اي واحده جت و باين عليها محتاجه شغل ضروري اكلمك..قدامي بنت اهي
مدحت/ابعتيها ع مكتبي
البنت قفلت مع مدحت
وقالت ل جنات
البنت/في مدير وافق يقابلك .ف الدور الخامس تاني مكتب
جنات/تمام شكرا
في مكتب مدحت قاعد ع مكتبه و جنات واقفه قصاد المكتب وعرض عليها العرض
جنات بصدمه/اي ال انت بتقوله دا ..ازاي اروح الزق ل واحد ٢٤ ساعه لحد ما يحبني ولما يحبني اسيبه واختفي
مدحت/ي ام قلب حنين ...هو انتي ي حلوه امك مش بتموت؟ لو وافقتي ع العرض هدديكي المبلغ ال تطلبيه وتعالجي امك .طيبه قلبك دي مش هتنفعك ف حاجه لما امك تموت..وبعدين انتي هتعمليه في اي يعني دا هيحبك وبس
جنات اتنهدت /انا موافقه
مدحت /حلو اوي ..هديكي مبلغ تجيبي بيه لبس نضيف تلبسيه لما تشتغلي عنده ف الشركه. ة هزور لك cv محترم علشان يقبلك ع طول..وإياك يحصل منك غلطه واحده صغيره ..انتي متعرفيش الصقراوي بيه ممكن يدفنك حيه
باااك
ع المغرب ف المستشفى جه وقت مرواح كرم
في غرفه كرم آدم بيتكلم ف التليفون قدام الاوضه
في الغرفه جوه احلام قاعده ع السرير جمب بباها
و الممرضه بتفك المحلول
حمزه/هروح ادفع مصاريف المستشفى
كرم/تمام ي ابني
الممرضه /مفيش داعي آدم بيه سدد كل المصاريف
كرم/اي
الممرضه/عن اذنكم
وطلعت
حمزه بغضب/مكنش في داعي يعمل حاجه زي دي احنا ال مفروض كنا ندفع
كرم/فعلا تعب نفسه لي عمل كدا بس . مكنش له لازمه
حمزه/انا هروح ارجعله الفلوس احنا مش محتاجين منه حاجه
احلام/ترجع اي ي حمزه انت لي كبرت الموضوع محصلش حاجه..هو مش انت قلت ي بابا انه مبقاش غريب .
كرم /معاكي حق ي بنتي.كتر خيره ي حمزه وهو مبقاش غريب خلاص دا جوز اختك .بلاش تعمل فرق بينا وبينه
و احلام ابتسمت من وقوف آدم معاهم من اول اليوم وساب شغله ال هو أهم حاجه ف حياته ومرحش الشركه حتي
مساءا ف بيت كرم
نيمو كرم ف غرفته
و حمزه جاب كيس الدوا علشان يعرفو مواعيد الادويه
احلام عدلت المخده ورا ضهره
احلام/مرتاح كدا ي بابا
كرم ابتسم/اه ي حبيبتي تسلمي
ليليان راحت قعدت جمب كرم وباسته من خده
ليليان/الف سلامه ي بابا قلقتني عليك
كرم ابتسم/الله يسلمك ي نور عيني
احلام/هروح اعملك شربه خضار
كرم/اعمليها وارجعي مع جوزك البيت علشان متتاخروش
احلام/لاء انا هبات معاك النهارده اخد بالي منك
كرم/مفيش داعي ي حبيبتي والله ارجعي مع جوزك واسمعي الكلام
احلام/انا قلت هقعد معاك يعني هقعد معاك
كرم هز راسه بمعني مفيش فايده/عنيده
احلام ابتسمت وطلعت برا الغرفه راحت ل آدم ال واقف ف البلكونه
احلام ابتسمت/كنت عايزه اشكرك ع وقوفك جمبنا النهارده.. شكرا بجد
آدم هز راسه
احلام/ممكن ابات مع بابا النهارده اخد بالي منه؟
ادم/مفيش مشكله
احلام ابتسمت
ادم/احم ..هترجعي؟
احلام فهمت انه خاف مترجعش البيت تاني
احلام ابتسمت/هرجع
ادم/هسلم ع بباكي قبل ما امشي
احلام /اوك
ودخلو هما الاتنين غرفه كرم
ادم/الف سلامه عليك مره تانيه
كرم ابتسم/الله ي سلمك ي حبيبي كتر خيرك ع وقوفك جمبنا النهارده ي ابن الأصول
ادم/ هستأذن انا
كرم/لاء تمشي تروح فين .انت هتبات هنا مع مراتك النهارده. كدا كدا اوضتها موجوده وفاضيه من وقت ما مشيت
ادم/ا
كرم/من غير اعتراض اسمع الكلام .هتبات هنا
آدم هز راسه بموافقة وكرم ابتسم
في شركه مالك
خلص شغل متأخر و طلع من المكتب لقي كل الموظفين مشيو وفي موظفين لسه بتمشي و جنات بس ال قاعده ع مكتبها
مالك راح لها
مالك/انتي لسه مروحتيش
جنات قامت/اه مستنيه حضرتك تخلص شغل علشان لو احتاجت حاجه مني
مالك/انا خلصت..تعالي اوصلك
جنات ابتسمت/لا مفيش داعي تتعب نفسك انا هطلب تاكسي
مالك/مفيش تعب ولا حاجه .اتفضلي
جنات ابتسمت وخدت شنطتها ومشيت قدامه ومالك راح وراها
في بيت كرم
عند احلام عملت الشربه ل كرم واكلها ونام
و دخلت غرفتها غيرت هدومها ل بيجاما و عملت شعرها كعكه عشوائيه ودخلت غرفه حمزه تجيب لبس ل آدم ينام بيه
ف الصاله قاعد ف آدم و حمزه بيشربو الشاي
حمزه/تعبت نفسك لي ودفعت مصاريف المستشفى مكنش فيه داعي .كفايه وقوفك معانا من اول اليوم
ادم/مفيش اي تعب ي ابن حمايا انا معملتش حاجه
حمزه ابتسم
واحلام طلعت من غرفه حمزه ف ايدها تيشرت و بنطلون اسود
حمزه/بابا نام
احلام/اه اعطيته الادويه ونام هو وليليان
حمزه/هدخل انام انا بقي. تصبحو ع خير
احلام ابتسمت/وانت من اهل الخير
ودخل غرفته
احلام /جبتلك لبس من عند حمزه .
آدم هز راسه بموافقه واخد منها البس ودخل يغيره ف اوضتها
عند مالك
سايق و جنات جمبه ومالك مركز ف السواقه وباين عليه متضايق من حاجه
جنات/في حاجه حصلت؟
مالك /لا ابدا مفيش حاجه
جنات/اصل شكلك متضايق
مالك/لاء انا كويس ..شايفك اندمجتي بسرعه مع زمايلك ف الشركه .حبتيهم؟
جنات فهمت انه لسه غيران عليها من محمود وابتسمت
جنات/اها .لذاذ جدا كلهم الحقيقه
مالك /اه وعلاقتك ب محمود بره حلوه .شكلكم اتصحابتو
جنات ابتسمت وبصت له ف عينه/مفيش بيني وبين اي موظف ف الشركه حاجه ..حتي محمود
مالك بصلها ف عينها
جنات/هو بس جابلي القهوه ك زميله مش أكتر
مالك ابتسم وركز ف السواقه تاني وجنات ابتسمت
وصل قدام بيت جنات
وكانت المنطقه حاره شعبيه ع قدها
جنات/تعبتك معايا..وكمان سوري المنطقه ع قدها اكيد مش متعود تدخل مناطق زي دي متعود انت ع الاماكن النضيفه
مالك ابتسم/انتي لسه متعرفنيش كويس .انا عشت ١٤ سنه ف منطقه زي دي
جنات بصدمه/بتتكلم جد
مالك/ايوا
جنات ابتسمت/لا انت لازم تحكيلي عن الموضوع دا ف اقرب فرصه
مالك ابتسم/ان شاءالله. تصبحي ع خير
جنات ابتسمت/وانت من اهل الخير
و نزلت من عربيتها ودخلت بيتها
و مالك شغل العربيه وساق ومشي
في بيت كرم
ف أوضة احلام
حمزه غير هدومه وقاعد ع السرير بيتكلم ف التليفون
واحلام دخلت الاوضه بابتسامه وف ايدها ألبوم صور
و آدم خلص كلام ف الموبايل
احلام بابتسامه/افرجك ع صوري مع ماما ونا صغيره
ادم ابتسم/فرجيني
احلام قعدت جمبه وفتحت ألبوم الصور
احلام ابتسمت/بص دي انا ونا عندي ٧ سنين ..و دي ماما وهي شيلاني ونا عندي ٤ سنين
آدم /انتي شبهها
احلام بابتسامه/بابا ديما بيقولي كدا ونا بفرح اوي لما بيقولي كدا
ادم/ماتت ازاي
احلام بحزن/عملت حادثه بعد ما خلفت ليليان بحاجه بسيطه. بابا كان معاها ف نفس الحادثه بس هي مستحملتش وماتت والحمد لله قدرنا ننقذ بابا وقام لنا ب السلامه
آدم بص ف عينها/ربنا يرحمها
احلام ابتسمت/يارب
احلام شاورت ع صوره/و هنا و ٤ سنين بابا كان شايل حمزه ونا واقفه ع الارض بعيط علشان غيرانه وعايزه بابا يشلني انا
آدم ابتسم/عنيده من وانتي صغيره يعني
احلام/انا مش عنيده خالص ع فكره
ادم/ايوا ايوا
احلام ابتسمت
احلام/اه وبص دي سلسله عليها صوره ماما.. بابا جبهالي ف عيد ميلادي
ادم/عيد ميلادك ال انا خليته اوحش يوم ف حياتك صح
احلام فلاش باك
احلام بغضب/اي ال انت بتقوله دا .أنا مستحيل اتجوز واحد قتال قتله ومريض نفسي زيك .انت خليت عيد ميلادي اسوء يوم ف حياتي
باك
احلام ابتسمت وآدم جاله مسدج
احلام بصت ع التليفون وكان من بنت اسمها مرام
احلام /احم .مين دي
ادم بصلها وابتسم ابتسامه جانبيه
احلام بغيره وتوتر/انا مش فارق معايا بس استغربت مين ال باعته ل حد متجوز متأخر كدا رساله ..ولا هي متعرفش انك متجوز؟
آدم ابتسم لما فهم انها غارت ومرضيش يريحها
ادم/يلا نامي الوقت اتأخر
وراح نام ع السرير
احلام بغيظ بصوت واطي/برضو مقاليش مين دي
و قامت حطت الألبوم ف الدرج وجابت مخده حطتها ف النص بينيها وبين آدم
احلام بغيظ/علشان مفيش كنبه هنضطر ننام ف نفس المكان. بعد اذنك متشلش المخده
آدم/متقلقيش مش هموت والمسك يعني
احلام/طب كويس
ادم/كويس
واعطاها ضهره
احلام وهي بتعدل المخده قالت بصوت واطي
احلام/ربنا يستر ونا ال مشلهاش ونا نايمه لاني بتقلب كتير
آدم سمعها وابتسم
واحلام نامت ع السرير
ادم/رقبتك لسه بتوجعك
احلام/لاء الحمد لله صحيت النهارده لقيتها مبتوجعنيش خالص
وفجأه الباب خبط
ليليان من ورا الباب/ليليان ممكن ادخل
احلام/تعالي ي لي لي
ليليان فتحت الباب ودخلت وقفلت الباب وراها
احلام/اي ال مصحيكي لحد دلوقتي
ليليان/مش عارفه انام احكيلي حدوته الاول علشان خاطري
احلام ابتسمت/ماشي تعالي
وليليان شالت المخده ال بينهم ونامت ف النص واحلام خدتها ف حضنها
و ادم عدل ضهره وبص لهم
ليليان بصت ل ادم/انت واحلام متجوزين دلوقتي؟
ادم/اه
ليليان/يعني ينفع تجيبو نونو عادي ؟زي واحده صحبتي النهارده كانت غايبه من المدرسه علشان مامتها جابت لها نونو
ادم بص ل احلام
واحلام بخجل حاولت تغير الموضوع/ليليان ..عيزاني احكيلك حدوته اي
ليليان /اممم الجميله والوحش .بحبها اوي
احلام ابتسمت/اوك
وبدأت تحكي الحدوته و ادم باصص لها ف عينها وبيسمعها
احلام /كان ي مكان .كان في أمير حلو جدا و عايش ف قصر كبير جدا و مليان خدم بيخدموه بس كان طبعه سئ جدا و اناني
فجأه ف يوم كان مليان مطر ورعد خبطت ع باب قصره ست عجوزه بتترعش من البرد طلبت منه تقضي الليله هنا لحد ما المطر يهدي بس الأمير عرف ورفض .ف العجوزه طلعت له ورده حمره علشان يوافق ف الأمير اتعصب ورمي الورده ع الارض بسخريه ف فجأه اتحولت الست العجوزه دي ل بنت شابه وقالت له انها ساحره و هتندمه ع العمله معاها دا وهتعلمه ازاي يحكم ع الناس ب ال جواهم مش ب المظهر و قالت تعويزه حولته ل وحش شكله وحش اوي و حولت كل الخدم ل فناجين وأساس بيت وحجات من دي
ليليان بدهشه/واااو
احلام /و قالت له ان لازم بنت تحبه علشان اللعنه دي تتفك بس بشرط قبل ما الورده دي تموت
الأمير اكتئب والقصر بقي ضلمه وحزين والامير قال ان عمر ما اللعنه دي تتفك وعمر ما بنت هتحبه بسبب شكله الوحش دا
ومن ناحيه تانيه ف قريه قريبه من القصر كان في بنت جميله اوي اسمها بيل .عايشه مع بباها و اخواتها الكبار .بيل دي كانت بنت جميله اوي و طيبه وبتحب تساعد الناس وكل الناس والجيران بيحبوها
بباها كان رايح يتاجر وقال لها لو هي عايزه حاجه وطلبت منه يجيب لها ورده حمرا
وبباها راح ب الحصان علشان يتاجر بس الدنيا مطرت وحصل رعد وبرق ف راح ب الحصان من طريق مختصر والذئاب كانت هتاكله وهرب بالحصان بسرعه ووصل قدام قصر الأمير
قرر يطلب مساعده يقضي الليله هنا ف القصر بس دخل القصر ملقهاش في حد
بس الخدم قررو يساعدوه من غير ما ياخد باله وحطوله اكل وشغلو له الدفايه وقعد ياكل ويتدفي
تاني يوم وهو ماشي شاف ورد كتير حلو افتكر انه كان واعد بيل يجيب لها ورده ف قطف ورده والامير ال هو الوحش شافه وانقض عليه بعصبيه وقاله ان مع انه ساعده وخلاه يقضي الليله هنا هو بوظ الورد بتاعه
وقفل القصر عليه وحبسه والحصان قدر يهرب وراح ل بيل بسرعه وبيل قلقت ع بباها وركبت الحصان علشان يوصلها ل بباها .دخلت القصر لقت بباها محبوس ف حاجه شبه السجن ولقته قاعد حزين ع الارض وتعبان و بيل حاولت تساعد بس هو عمال يقولها تهرب قبل ما الوحش يجي وفعلا الوحش جه وطلبت منه يطلعه بس رفض وقالها تودع بباها لانه هيموت وبيل طلبت تحضنه ل اخر مره والوحش واقف و فتح السجن وهي زقت بباها ل برا ودخلت هي السجن وطلبت تنسجن مكانه والوحش وافق وطلع بباها برا القصر وبقت سجينته للأبد
و الخدم طلبو من الوحش يبسبها تعيش معاهم يمكن ال اللعنه تتفك ع ايدها و هو وافق ..بيل ف الاول كانت خايفه ومرعوبه منه وبتكرهه بس بعد مرور الايام الوحش بدأ يتغير بفضلها وبدا يبقي اهدي و دخل ل قلبه السعاده ورجع يبتسم من تاني. و مره طلبت منه تروح تزور بباها لان اخواتها قالو انه تعبان وهو وثق فيها وخلاها تروح
ليليان/طب والجميله بدأت تحب الوحش؟
احلام ابتسمت/كفايه كدا النهارده نبقي نكمل القصه بعدين يلا ع النوم
ليليان ابتسمت/اوك تصبحو ع خير
احلام/وانتي من اهل الخير
وطلعت برا الغرفه وقفلت الباب واحلام نسيت ترجع المخده دي
آدم بص ل احلام/مجاوبتيش البنت..الجميله بدأت تحب الوحش فعلا ؟
احلام/تصبح ع خير ي آدم..وابقي سلملي ع مرام
ونامت بغيظ كل ما تفتكر البنت ال بعتتله مسدج تضايق وآدم ابتسم
واحلام راحت ف النوم وبدأت تتقلب و هي بتتقلب نامت ف حضن آدم من غير ما تحس و آدم ابتسم وخدها ف حضنه و رجع لها خصله من شعرها ورا ودنها وشم ريحتها وابتسم وبدأ ينام هو كمان
في اليوم التالي صباحا
في غرفه احلام
وبدأت تصحي وبصت جمبها لقت آدم نايم ب عمق وواخدها ف حضنه
احلام بصت عليه قد اي بيبقي حلو اوي وهو نايم ببراءه كدا و ابتسمت وبعدين أدركت انها نايمه ف حضنه
احلام طلعت من حضنه بسرعه
وآدم بدأ يصحي ومسح وشه ب ايده
احلام بصدمه/مين شال المخده ال كانت بينا
وقعدت ع السرير
ادم فتح عينه /مخده اي
هاحلام/المخده ال كانت ف النص .انت ال شيلتها ؟
ادم قام وقعد ع السرير /ونا هشيلها لي يعني .انتي ال نسيتي تحطيها بعد ما ليليان مشيت .وقعدتي تتقلبي وفجأه لقيتك ف حضني
احلام حطت ايدها ع فمها بصدمه وخجل
احلام/انا عملت كدا
ادم قام من ع السرير
ادم/ايوا .وريحتك كلها بقت عليا .انتي بقي ال شكلك بتتحجي علشان تنامي ف حضني
احلام بخجل وتوتر/ا اي ال انت بتقوله دا .انا ال نومي تقيل وبتقلب ومبحسش انا بهبب اي ونا نايمه
ادم ابتسم وخرج من الاوضه وهو بيشم التيشيرت بتاعه ال عليه ريحه احلام
وخرج برا الغرفه يروح الحمام. ودي كانت احلي ليلي نامها مرتاح من 15 سنه
الجميله و الوحش البارت 8
في القصر عند روان
طلعت من القصر علشان تروح الجامعه و كانت هتركب عربيه الحرس ال واقف مستنيها
لقت فراس وصل قدام القصر ونزل من عربيته وراح لها
روان/فراس
فراس ابتسم /صباح الخير .
روان ابتسمت/صباح النور
فراس /رايحه الجامعه
روان/اه انت لو جاي ل آدم ف هو واحلام بايتين برا
فراس/عارف انا جايلك انتي .جاي اوصلك ..ولو توافقي بعد ال جامعه نروح نتغدي سوا النهارده
روان افتكرت انها هتخرج مع كريم
روان/احم لا للاسف ي فراس مش هعرف لاني ورايا محاضرات كتير وهرجع تعبانه ..ممكن نخليها مره تانيه؟
فراس /ماشي ال يريحك
روان ابتسمت/يلا بينا
فراس بص ف عينها وقال ف سره /ادفع عمري كله قصاد الابتسامه دي
روان/فراس هتوصلني ولا ايي
فراس انتبه/ااه يلا بينا
وفتح لها الباب و روان ركبت و فراس ابتسم وراح ركب جمبها يسوق
في بيت كرم
حمزه راح الشغل ووصل ليليان المدرسه ف طريقه
و آدم غير هدومه و راح عند الباب يلبس الجاكيت بتاعه
وفتح الباب
احلام واقفه ببتكلم معاه
احلام/هقعد مع بابا بس لحد ما مريم تيجي تقعد معاه علشان مينفعش نسيبه لوحده و حمزه كلموه واضطر يروح الشغل ضروري و لما مريم او حمزه يجو واطمن ع بابا هرجع ع طول
آدم لبس الجاكيت وهز راسه بموافقة
ادم/كلمت رضا هو واقف برا البيت هيستناكي تخلصي ويجيبك ع البيت.
احلام /اوك
ادم/ادخلي علشان متبرديش
احلام ابتسمت/حاضر
ودخلت وقفلت الباب
وآدم شاور ل رضا ال قاعد ف عربيته قدام البيت و رضا شاورله و آدم ركب عربيته ومشي
في شركه مالك
ف مكتبه قاعد بيشتغل
و جنات دخلت و ف ايدها فنجان قهوه
جنات بابتسامه/القهوه
مالك ابتسم/تعالي
وهي بتحطها ع المكتب وقعتها غصب عنها ع ايدها ووقع شويه ع ورق مالك
جنات صوتت بوجع ومالك قام راح لها بسرعه ومسك ايدها
مالك/انتي كويسه
جنات بوجع/ لاء القهوه سخنه اوي ..انا اسفه وقعت ع الورق بتاعك
مالك بقلق/يغور الورق ..تعالي معايا بسرعه
ودخلو حمام المكتب وحط ايدها تحت الحنافيه
جنات بوجع و دموع/اااه
مالك قفل الحنافيه و جاب لها مناديل وبدا ينشف ايدها براحه
مالك /تعالي
وطلعو من الحمام وهو ماسك ايدها واتصل ب السكرتيره
مالك/هاتولي مرهم للحروق فورا
وقفل المكالمه
جنات بدموع /انا اسفه بجد ع ال عملته ف الورق
مالك /طب انتي بتعيطي لي دلوقتي. علشان الورق ولا علشان ايدك بتوجعك
جنات بدموع/الاتنين
مالك قرب منها/بس خلاص متعيطيش
ومسح لها دموعها
مالك/الورق ف ٦٠ داهيه اهم حاجه عندي انتي.
جنات ابتسمت وبصت له
مالك ساب ايدها وبعد عنها/احم اقصد كل الموظفين عندي مهمين طالما هما تحت مسؤوليتي
جنات ابتسمت/اكيد فاهمه
والموظفه خبطت ودخلت
الموظفه/المرهم ي مالك بيه
مالك اخده منها و الموظفه طلعت
مالك/تعالي اقعدي
جنات /مفيش داعي انا هحطه متتعبش نفسك
مالك /اقعدي ي جنات بقول
جنات ابتسمت وقعدت ع الكنبه ال فالمكتب ومالك قعد جمبها وبدأ يدهن لها المرهم
في منتصف اليوم
احلام فضلت جمب كرم وعملت له اكل واعطته الدوا وبقي احسن كتير وحمزه و مريم وليليان جم وكرم أصر ان احلام ترجع بيتها وانه بقي كويس
رضا وقف العربيه قدام القصر واحلام نزلت منها
ودخلت القصر وكان طارق ف الصالون
احلام/السلام عليكم
طارق /وعليكم السلام ي حبيبتي. بباكي عامل اي
احلام ابتسمت/بقي كويس الحمد لله وطلع من المستشفى امبارح
طارق ابتسم/طب الحمد لله طمنتيني. ربنا يخليهولك يارب
احلام/يارب..حضرتك اخدت الدوا
طارق /لا والله مالك و روان كتر خيرهم ال بيدهولي بس لسه مجوش..بس انتي متتعبيش نفسك علشان آدم ميعملش معاكي مشكله
احلام جابت الدوا من الدرج /اكيد ي عمو مش هسيب معاد الدوا يفوتك علشان خايفه آدم يعمل معايا مشكله
وصبت كوبايه مايه من الشفشق ال ع الطربيزه
احلام/اتفضل
طارق ابتسم واخد منها الدوا وشرب مايه
طارق/تسلمي
احلام/انا هطلع ارتاح ولو حضرتك احتاجت حاجه اندهني
طارق بابتسامه/ماشي ي حبيبتي
واحلام طلعت غرفتها تاخد شاور وتغير هدومها
عند روان رجعت من مقابله كريم وسلمت ع بباها ولما عرفت ان احلام جت طلعت تحكيلها
عند احلام قاعده ع الكنبه بعد ما اخدت شاور وغيرت هدومها وبترسم تصاميم
روان خبطت ودخلت
روان ابتسمت/احلام ..عامله اي
احلام ابتسمت/الحمد لله انتي ال عامله اي وكنتي فين كدا
روان اتنهدت /هحكيلك
وقعدت جمبها وبصت ع تصاميم احلام
روان بصدمه/اي دا ي احلام انتي ال راسمه الحجات دي
احلام/ايوا
روان ب انبهار اتفرجت عليهم كلهم/دول تحفففهه ..دا انتي فنانه بجد
احلام ابتسمت/عجبوكي بجد
روان/دا فستان فرحي محدش هيعمله غيرك
احلام ابتسمت
روان/انتي طلعتي موهوبه بجد لي شغاله ف مدرسه مع انك تقدري تشتغلي ف شركات تصميم ازياء دول اكيد هيقبلوكي بسرعه
احلام/انا اكيد جربت اقدم بس الشركات الكبيره ال نفسي اشتغل معاهم بتبقي محتاجه واسطه اصلا علشان يقابلوني ويشوفو التصاميم بتاعتي
روان/بس انتي تستاهلي تشغلي ف شركه من الشركات دي بجد
احلام ابتسمت/احكيلي بقي كنتي فين .انتي بترجعي من الجامعه بدري عن كدا
روان بصوت واطي/بصراحه قابلت كريم اتغدينا سوا
احلام/مش احنا اتفقنا ي روان هتقللي كلام معاه ومقابلات
روان/ما اعمل اي قعد يزن عليا نخرج ونا علشان ميزعلش مني وافقت
احلام/رحتي قابلتيه ف مطعم ازاي والحرس معاكي ديما
روان/مهو هو سبقني وقعد هناك ونا قلت للحرس اني هقابل واحده صحبتي اتغدا معاها ودخلت اتغديت معاه عادي اكيد الحرس مش هيدخلو يشوفو انا قاعده مع مين
احلام/متعمليش كدا تاني من غير ما تعرفيني ممكن؟ الحرس لو كانو شكو ف حاجه او ادم عرف هيعمل مشكله كبيره انا مش محتاجه اقولك دا
روان اتنهدت/حاضر
روان ابتسمت/سيبك مني انا .انتي باين عليكي مبسوطه اي الحصل
احلام ابتسمت وحكت لها أن ادم كان معاهم المستشفى طول اليوم وروح معاهم البيت وبات كمان
روان بصدمه/ادم؟ ادم اخويا ال احنا عارفينه مدمن الشغل .ساب شغله وفضل معاكو طول اليوم ف المستشفى..و لما عمو كرم رجع البيت بدل ما ادم يروح يشوف شغله ال تراكم عليه دا بات معاكم؟
احلام ابتسمت/ايوا
روان ابتسمت لانها بدأت تلاحظ تغيير ادم ع ايد احلام
مساءا
احلام قاعده ع الكنبه بتكلم مريم تطمن ع كرم
احلام/بقي احسن يعني؟
مريم/اه متقلقيش خالص بقي زي الفل وبياخد ادويته ف معادها
احلام /طب الحمد لله
وخلصت كلام معاها وتليفونها رن وكانت مديره المدرسه
احلام/الو مدام مني
مني/الو ي احلام عامله اي
احلام ابتسمت/انا بخير وحضرتك؟
مني/انا الحمد لله .معلش ي احلام اني هقول كدا بس المدير الأساسي للمدرسه ..مستر عماد .. قالك احزرك و اقولك انك بقيتي بتغيبي كتير اوي ودا مينفعش انني برضو شيله مسؤوليه أطفال وليهم مواعيد حصص و دروس
احلام/انا اسفه والله بس علشان حصلي كام ظرف بس انا ا
مني/صدقيني انا مقدره دا بس لو مرجعتش الشغل ع طول مستر عماد هيضطر يفصلك من الشغل ويجيب مدرس تاني..مع السلامه
وقفلت المكالمه
وآدم دخل الغرفه بعد ما رجع من الشغل
ادم كان هيدخل الحمام ياخد شاور
بص ع احلام لقاها بتعيط
ادم/انتي بتعيطي؟
احلام مسحت دموعها/ل لاء انا تمام
ادم/هو انا مش قايلك قبل كدا متكذبيش عليا..اي الحصل
احلام دمعت/ف الشغل كلموني وقالو اني غبت كتير اوي ولما مرجعتش هيجيبو حد مكاني .ونا بحب الشغل دا ومش عايزه اسيبه
ادم مسك قبضه ايده بغضب لما شاف دموع احلام وكان عايز يشوف مين السبب ف دموعها ويقتله ايا كان هو مين
ادم كان هيطلع من الغرفه احلام راحت له بسرعه ومنعته
احلام/آدم...ادم انت رايح فين
ادم بغضب/هروح اقفل لهم ام المدرسه دي ..مش من حق اي حد يهدد مرات ادم الحديدي ويطردها من شغلها مهما كان مين
احلام بصتله ف عينه/آدم اهدي لو سمحت.. ممكن تهدي علشان خاطري وتبصلي؟
ادم بصلها ف عينها
احلام /مدرسه اي ال تقفلها هما معاهم حق ..انا ال بقيت بغيب كتير و بعدين الأطفال زنبها اي تقفلها المدرسه ال بيدرسو فيا
ادم اتنهد ومسح وشه ب ايده وحاول يهدي
ادم/تقدري ترجعي الشغل من بكره بس لو حد تاني حاول يهددك ايا كان هو مين موته هيبقي ع ايدي
ودخل الحمام واحلام ابتسمت وفرحت انها هتقدر ترجع الشغل تاني
في اليوم التاني
صباحا
في عربيه آدم سايق ب اتجاهه للمدرسه ولابس بنطلون اسود وتيشرت اسود وعليه جاكيت جلد اسود ولابس نضاره شمس
واحلام جمبه لابسه توب بيج وعليه بليزر زيتي فاتح وبنطلون بيج كلاسيك
ووراهم عربيه حراسه علشان لما ادم يروح شغله ياخدو بالهم من احلام
احلام بصتله/انت هتوصلني بس وهتمشي مش هتعمل مشكله مع حد صح ؟
ادم مركز ف السواقه وساكت
احلام /آدم بعد اذنك متعملش مشكله مع حد .حتي لو طردوني من الشغل هسيبه من غير مشاكل
ادم/محدش هيجرأ يطردك من الشغل ...ومش عايز رغي كتير
احلام اتنهدت
وآدم وصل قدام المدرسه
احلام فكت حزام الامان
وكانت هتنزل
احلام/انا عايزه اروح المول بعد ما اخلص شغل اشتري شويه هدايا ل الولاد ف دار الايتام علشان مشفتهمش من زمان ووحشوني
ادم/هخلي رضا و الحرس يودوكي
احلام/ممكن تيجي تاخدني انت؟..يعني بدل الحرس
ادم هز راسه بموافقه و احلام ابتسمت ونزلت من العربيه ودخلت المدرسه
و ادم فضل منتظر ف العربيه يشوف احلام هتكمل الشغل عادي ولا هيفصلوها
احلام دخلت وكانت هتروح ناحيه الفصل ال بتدرس فيه
المدير عماد وكان شخص ف الأربعينات و مساعده المدير مني راحو لها
مني/احلام
احلام شافتهم وراحت لهم
احلام ابتسمت/صباح الخير
عماد/صباح النور ي احلام
احلام/انا اسفه جدا انا عارفه اني قصرت الفتره ال فاتت وكنت بغيب كتير بس كان عندي كذا ظرف كدا منعوني انتظم واجي
عماد/ظروف اي ال بتتكلمي عنها ي احلام .مصلحه المدرسه اهم.والمفروض كنتي تتصلي تعرفينا انك مش هتقدري تيجي علشان نعرف نتصرف ف حد مكانك
احلام بضيق من اسلوبه/حضرتك انا قلت لك كان غصب عني
عماد/وحنا لقينا حد مكانك خلاص مبقيناش محتاجينك..والف مبروك ع الجواز .عن اذنك
ودخل مكتبه
مني/انتي كنتي مدرسه عزيزه علينا ي احلام وكلنا بنحبك هنا بس مصلحه الاولاد ومصلحه المدرسه مهمه جدا بالنسبه لنا
احلام/اكيد طبعا .عن اذنك
وطلعت برا المدرسه وفضلت واقفه قصاد المدرسه مش عارفه تعمل اي واتنهدت
وآدم كان ف العربيه مراقبها واول ما شافها نزل من العربيه وراح بها
احلام/انت لسه ممشتش؟
ادم/مدخلتيش تشوفي شغلك لي؟
احلام بصتله/لاء ما خلاص انا اتطردت وجابو مدرس تاني مكاني ..وخدت بهدله من المدير بسببك ..اتمني تكون مبسوط وانت بوظتلي شغلي ال بقالي كام سنه بشتغله وبحبه
ادم دخل المدرسه بغضب جهوري واحلام راحت وراه بسرعه وكانت خايفه يعمل مشكله
احلام بخوف وتوتر/آدم..ادم انت رايح فين
ادم وصل قدام المكتب ال مكتوب عليه المدير العام
احلام بتوتر/آدم متعملش مشكله انا خلاص اتطردت من الشغل وال حصل حصل ..بعد اذنك
ادم/خليكي هنا
وكان هيدخل المكتب لقي احلام داخله وراه
ادم بصلها بغضب/هو انا مش بقول خليكي هنا؟
احلام بخوف وقفت مكانها وآدم دخل المكتب وقفل الباب وراه واحلام برا كانت مرعوبه ادم يأذي المدير
ف المكتب جوا المدير قاعد ع مكتبه
عماد/اي دا انت مين ..في اي
ادم راح عند المدير وشده من هدومه بغضب ووقفه
عماد بتوتر/انت مين
ادم بغضب/ انت ازاي تجرأ تطرد مراتي من شغلها..ازاي تكلمها ب اسلوب وحش ...انطققق
عماد بتوتر وخوف/انا اسف انا مقصدتش اكلم احلام كدا او اطردها احنا بس جبنا حد مكانها علشان يعني غابت كتير
ادم قرب منه بغضب/ متنطقش اسم مراتي ع لسانك ..اسمها احلام هانم
تطلع لها فورا تقول لها انها رجعت الشغل وتعتذر لها كمان ..وان سمعت انك جيت جمبها او ضايقتها تاني موتك هيبقي ع ايدي
عماد هز راسه بموافقه بخوف /حاضر .هعمل ل حضرتك ال انت عايزه.
ادم فتح الباب وعماد طلع برا المكتب وادم طلع وراه
وراحو ل احلام ال راحه جايه بتوتر وخايفه ادم يأذي المدير
احلام وقفت اول ما شافتهم جايين عليها
عماد بتوتر/انا بعتذر جدا ي احلام هانم ع اسلوبي معاكي من شويه و تقدري ترجعي الشغل تاني. المدرس ال جبناه مكانك ممكن نخليه مدرس احتياطي
احلام ابتسمت/تمام شكرا ل حضرتك
عماد/ عن اذنكم
ودخل مكتبه تاني
احلام بصت ل ادم/انت عملت في اي علشان يغير رأيه بسرعه كدا
ادم بصلها/معملتش اي حاجه اتفاهمت معاه ف ب منتهي التحضر
احلام/انت و التحضر ؟مستحيل اصدق .
ادم/مش من حق اي حد يكلم مراتي ب اسلوب مش كويس او يطردها من الشغل
احلام/ونا مطلبتش منك تجبلي حقي انت مش وصي عليا
ادم/روحي شوفي شغلك ونا هاجي اخدك ع 4
احلام /اوك
ولبس نضاره الشمس وطلع من المدرسه وراح يركب عربيته
واحلام ابتسمت
الساعه ٣ ونص عصرا
في شركه آدم الحديدي
ف مكتب ادم
قاعد ع مكتبه قدامه ملف وبيشتغل وهو بيشرب قهوته
الباب خبط وفراس دخل
فراس/صفقه الأسلحة تمام
ادم /ك العاده يعني
فراس/اوعي الثقه
وراح قعد قصاده
فراس/بس انا قلقان من الصقراوي. مش اول مره ناخد منه صفقه .ومستغرب هدوءه
ادم بصله/لاء متقلقش مش هيقدر يعمل حاجه .انا بس شاكك ان هو ال بعت رجالته يهجمو عليا انا و احلام ..ولو شكي دا طلع ف محله انا هنزله سابع ارض
فراس/لاء بالله عليك متعملش حاجه من غير منتاكد احنا مش ناقصين ..انا هتاكد لك الاول
ادم بص ف الساعه وقام
فراس/انت بتعمل اي
ادم خد جاكيته/انت شايف اي
فراس/لاء انت مينفعش تمشي خالص ما انت عارف في ميتنج كمان ربع ساعه ل صفقه مهمه موت لازم تبقي موجود فيها
ادم حط السلاح ف ضهره وخد موبايله ومفاتيحه
ادم/احضرها انت ي فراس مش عايز رغي كتير
فراس/انا مش فاهم اي مهم اكتر من الصفقه دا هتسيب شغلك علشان وتسيبه انت عمرك ما عملتها
وابتسم بخبث
فراس/رايح تقابل مرات اخويا او حاجه ؟
ادم بصله
فراس/احم .انا اسف والله خلاص
ادم مشي وطلع برا المكتب
بعد نص ساعه
أمام المدرسه ال احلام بتشتغل فيها
ادم واقفه جمب عربيته وبيتكلم ف التليفون
احلام خلصت الحصص ال عليها و طلعت من المدرسه
ادم خلص كلام ف الموبايل واحلام راحت له بابتسامه
احلام ابتسمت/يلا نروح نشتري لهم الهدايا بسرعه ونروح لهم علشان وحشوني اوي اوي
ادم/جعتي
احلام هزت راسها ب اه
ادم/اركبي هنروح مكان ناكل الأول بعدين نروح لهم
احلام ابتسمت/اوك
وركبت العربيه و آدم ركب وحطو حزام الامان وانطلقو
بعد شويه ف مطعم حلو اوي وشيك وهادي
ادم قاعد ساند ضهره واحلام قاعدده ع طربيزه قصاده
احلام بصت حواليها ع المطعم
احلام بابتسامه بصتله/المطعم تحفه
ادم /عجبك
احلام ابتسمت/اوي
ادم ابتسم و بدأ يصب ف كاس مشروب (خمرا)
احلام/انت بتعمل اي
ادم/انتي شايفه اي!
احلام/ممكن متشربش؟
ادم/
احلام/دي وحشه جدا وحرام .بتضايق اوي لما بشوف حد بيشرب
ادم ساب الكاس وشاور ع الجرسون يجي يشيل الخمره من قدامه
والجرسون جه فعلا وشالها
واحلام ابتسمت علشان سمع كلامها
وبعد شويه الاكل ال طلبوه جهز والجرسون وبدأ يحط الاكل ع الطربيزه
الشاب /اي أوامر تانيه ي آدم بيه؟
ادم ل احلام/محتاجه حاجه تانيه اجبهالك؟
احلام ابتسمت/لاء كدا كفايه اوي شكرا
ادم شاور ل الجرسون يمشي ومشي
واحلام بدأت تاكل ب استمتاع علشان كانت جعانه و ادم قاعد مراقبها وابتسم
احلام ابتسمت/الاكل تحفه
ادم/براحه الاكل لسه سخن هتتلسعي
احلام /لا لا متقلقش ..استني نجرب الوايت صوص دا كدا
ومسكت الشوكه تجرب المكرونه وكلت وكانت سخنه جدا
احلام بلعب الاكل بصعوبه وعينها دمعت من كتر سخونه الاكل
ادم ابتسم وصب لها مايه /قلنا الاكل سخن
احلام مسكت الكوبايه بسرعه وشربت شويه وحطتها تاني
احلام بصت ل ادم بغيظ/ممكن افهم انت بتضحك ع اي
ادم/انا مبضحكش
احلام /ايوا ايوا واضح .وبعدين هما بينزلو الاكل مولع كدا لي مش فاهمه يعني
ادم/يعني يأخرو الاكل علشان حضرتك جعانه مش عاجب .يجيبو الاكل بسرعه برضو مش عاجب
احلام ابتسمت
دي كانت أول مره يتكلمو فيها ب هدوء من غير خناق تقريبا
ورجعت تاكل تاني وآدم بدأ ياكل هو كمان
احلام/انا حقيقي مش عارفه انت اتكلمت ف اي مع مستر عماد من اول اليوم وهو خايف يحط عينه ف عيني ومبيقوليش غير احلام هانم ولما طلبت امشي النهارده بدري وافق ع طول.. وقالي اقدر اغيب او اتاخر براحتي كدا كدا في مدرسين احتياطي.استغربت اوي هو اصلا اسلوبه وحش مع كل المدرسين ولو حد فكر يتأخر عن حصته بيخرب الدنيا
ادم /انا معملتش حاجه .عرفته بس انتي مرات مين وعرفته حدوده معاكي ..معتقدش هيعرف يضايقك تاني
احلام ابتسمت
ولاحظت ان فيه واحد قاعد ف الطربيزه ال ورا ادم بيبتسم لها ويبص لها ب إعجاب واحلام اتوترت
ادم لاحظ تغيرها المفاجئ/في حاجه؟
احلام /احم ل لاء لاء مفيش
ادم بص وراه لقي الشاب بيبص ع احلام ب اعجاب واول ما شاف ادم بيبص له بعد نظره عن احلام وبدأ يكمل اكله
واحلام كانت مرعوبه من ادم وخايفه يعمل مشكله
ادم ضغط ع الكاس ال ف ايده بغضب لدرجه انه كان هيتكسر ف ايده
احلام بتوتر/ادم .محصلش حاجه والله ..انا خلصت اكل خلينا نمشي ..علشان خاطري متعملش مشكله والنبي
ادم/
احلام مسكت ايده/علشان خاطري متعملش مشكله
ادم ساب الكاس وشاور ل الجرسون يجيب الحساب
احلام اتنهدت براحه و سابت ايده
والجرسون جه وآدم حاسب
ادم/قومي يلا
وآدم قام واحلام قامت ولبست الجاكيت بتاعها وخدت موبايلها وشنطتها و ادم لبس جاكيته وخد الموبايل ومفاتيح العربيه وطلعو برا المطعم
ادم /اركبي العربيه متنزليش منها لحد ما ارجع
احلام/وانت رايح فين .مش هتركب
ادم بغضب/اركبي العربيه من غير كلام كتير
احلام هزت راسها بموافقة وركبت العربيه
بعد ٥ دقايق ادم واقف جنب باب المطعم و الشاب ال عاكس احلام طلع من المطعم وهو بيلبس الجاكيت بتاعه
ادم مسك دراع الشاب
ادم/تعالي كدا معايا ثواني
الشاب بتوتر/اي دا في اي .انت مين
ادم/تعالي هقولك انا مين
وخده ع جنب
الشاب /في اي حض
ادم ضرب الشاب ب ال روسيه بغضب ف دماغه والشاب وقع ع الارض
الشاب بوجع/ااه..انت مين وعايز اي
ادم قومه من ع الارض بغضب وتني ايده ورا ضهره وكسر ايده
الشاب بوجع /ااااه
ادم سابه ووقع ع الارض وهو ماسك دراعه
رضا نزل من عربيته ال راكنها وراح ل آدم
ادم بغضب/خد الحيوان دا ع اي مصنع ل حد ما افضاله واجيله
رضت قوم الشاب من ع الارض
الشاب بخوف/انت واخدني ع فين..سبني ..انتو مين وعايزين مني اي
ومسك دراعه بوجع
ادم قرب منه بغضب جهوري/احمد ربنا اني مخزقتش عنيك ب السكينه ال كانت ع الطربيزه علشان تجرأت وبصيت ع مراتي .. بس حظك ان دا مش وقته ولا مكانه..خده من وشي ي رضا
رضا خد الشاب ناحيه العربيه ف وسط خوفه وتوسلاته انه يسسيبه وانه مكنش قصده يبصلها
ادم عدل هدومه وطلع من الشارع ال كان فيه وراح العربيه وركب وحط حزام الامان
احلام/انت كنت فين كل دا
ادم/نسيت حاجه ف المطعم جبتها وجيت
وشغل العربيه وانطلق
الجميله والوحش البارت التاسع
في يوم جديد
في القصر عصرا
في غرفه ادم
احلام قاعده ع الكنبه بتقرأ كتاب وبتشرب نسكافيه
ادم دخل الغرفه و ف ايده علبه حلويات صغيره
ادم حط ال علبه ع الطربيزه قدامها
احلام بصتله/دا اي..دا علشاني
ادم /اه
احلام اخدت العلبه وفتحتها وكان فيها تشيز كيك
احلام ابتسمت وبصتله/انت عرفت منين اني بحب التشيز كيك
ادم/مش مهم عرفت منين .المهم بتحبيه
احلام بابتسامه/ايوا بحبه اوي ..شكرا
ادم ابتسم وموبايله رن
واحلام بدأت تاكل التشيز كيك باستمتاع
ادم/ايوا ي فراس ...تمام جاي الاسطبل
وقفل المكالمه
احلام بابتسامه/اسطبل ..انت عندك اسطبل فيه خيول؟
انا بحبهم اوي ونفسي اشوفهم واركب خيل ..ينفع اجي معاك ؟
ادم/قومي البسي
احلام قامت بابتسامه/5 دقايق وابقي جاهزه
وراحت الدريسنج روم وآدم ابتسم
بعد ساعه في اسطبل الخيول ال خاص ب ادم
وصل الاسطبل ونزل من العربيه واحلام نزلت
ادم كان لابس بنطلون اسود وتيشرت بكم اسود
واحلام لابسه بلوفر بيج وبنطلون سكيني جينز
وبصت حواليها وكان الاسطبل في خيول أشكال وألوان مختلفه وكان شكلهم تحفه واحلام كانت مبهوره
ادم/تعالي
احلام راحت وراه بابتسامه
واحلام لفت انتباها خيل ابيض جميل
احلام راحت له بابتسامه وادم راح وراها
احلام كانت عايزه تلمسه بس خايفه
ادم مسك ايدها وحطها ع الخيل وملس ب ايد احلام ع الخيل والخيل حبها ومعملش اي رد فعل عنيف
احلام ابتسمت/شكله حلو اوي اوي
وبصتله
احلام/ينفع اركب؟ وامشي بيه شويه
ادم/لاء علشان متتأذيش
احلام ابتسمت/مش هيحصلي حاجه علشان خاطري نفسي اركب اوي .ساعدني اركب
ادم /تعالي
وسندها علشان تركب عليه واحلام مسكت ف ادم جامد وساعدها تركب وركبت بابتسامه
وادم ابتسم من فرحتها ب الحجات البسيطه دي ..بتفرح من أقل حاجه حلوه بيعملهالها
ومشاها ب الحصان شويه وكان جمبها علشان متقعش
ادم/بس خلاص انزلي علشان متقعيش
احلام كانت بتنزل وكانت هتقع ادم مسكها بسرعه قبل ما تقع وحاوط وسطها ب ايده وقربها منه واحلام كانت بصاله ف عينه وآدم باصص ف عينها
بعد شويه أدركت انها ف حضنه وبعدت عنها بسرعه وبخجل
احلام/احم
وبصت ع حصان اسود وعينه سوده
احلام ابتسمت و راحت له
احلام/خليني اخمن ..دا الحصان الخاص بتاعك؟
ادم/عرفتي منين
احلام ابتسمت/اصله شبهك
وملست عليه بحنان والحصان متضايقش منها وآدم استغرب من دا لان ف العاده الحصان بتاعه عنيف وقوي ومبيحبش حد يلمسه..شبهه ادم بالضبط
احلام بابتسامه/هو اسمه اي
ادم/رعد ..ف العاده مبيسمحش لأي حد يلمسه كدا ..بس شكله حبك
احلام بابتسامه/انا كمان حبيته اوي
ادم/يلا علشان تروحي
احلام/انت مش هترجع معايا
ادم/ورايا كام حاجه ف الشغل هخلصها الأول
احلام هزت راسها بموافقه
وآدم شاور ل رضا ال واقف بعيد
ورضا راح لهم
ادم/وصل احلام البيت
رضا/امر حضرتك
ورضا واحلام راحو عند العربيه ورضا فتح لها الباب وركبو العربيه وانطلقو
بعد شويه ادم دخل الاوض ال بتبقي ف الاسطبل
لقي فراس واقف قدام اوضه
ادم راحوله
ادم/اي الأخبار..عايش
فراس/الدكتور بيقول هيعمل ال يقدر عليه بس احتمال كبير ميقدرش يتحمل
ادم فتح الباب ودخل الغرفه و فراس دخل وراه
وكان الراجل نايم ع سرير وجمبه اجهزه متوصله بيه و جمبه الدكتور بيعطيه ابره
ادم /الراجل دا لازم يعيش
الدكتور/انا هعمل ال اقدر عليه ي آدم بيه وا
ادم بصله بحده/هتعمل اكتر من ال تقدر عليه ...الراجل دا تحت مسؤوليتك ولازم يعيش ولو مات هتموت وراه
الدكتور بلع ريقه/امر حضرتك
في شركه مالك
من وقت المشادده الحصلت بينه وبين جنات وهي متجهلاه وبتعامله ب رسميه زي ما طلب
في مكتب مالك
جنات خبطت ودخلت ف ايدها صينيه عليها قهوه وجمبها كيك
ودخلت المكتب
جنات بجديه من غير ما تبصله/القهوه ي مالك بيه
مالك بصلها/حطيها هنا
جنات حطت الصينيه ع المكتب
جنات/اي أوامر تانيه ي مالك بيه
مالك/اي الكيك دا
جنات ربعت ايدها/دي ماما عملتها ل حضرتك .اضايقت اني مقلتلكش اتفضل تشرب حاجة لما وصلتني وعملت الكيكه دي مخصوص علشان حضرتك
مالك ابتسم
جنات/لو حضرتك مش محتاج حاجه تانيه انا همشي
وكانت هتمشي مالك قام من مكتبه ومسك ايدها بسرعه وقفها قبل ما تمشي
مالك/استني
جنات بتفكره بكلامه/حضرتك مينفعش تمسك ايدي كدا يعني لازم نحافظ ع المسافه ال بينا ولا اي؟
مالك ساب ايدها /صح معاكي حق ..علشان برضو مشاعر استاذ محمد
جنات/استاذ محمد مين
مالك بغيظ وغيره/الزفت محمد ال قاعده تهزري وتضحكي معاه امبارح
جنات ابتسمت لما فهمت انه غار عليها
جنات بابتسامه/هو انا مش قلت لك قبل كدا مفيش اي حاجه بيني وبين اي حد هنا وكلهم زمايلي عادي
مالك/بس ال شفته بيقول غير كدا
جنات/انا بتعامل معاهم هنا بحسن نيه ك زمايلي مش أكتر. انا دا طبعي بحب اهزر وابقي اجتماعيه .ودا مش معناه اي حاجه خالص ..ومش معناه اني بتمايص ي مالك بيه
مالك /انا اسف .انا زودتها لما قلت كدا .حقك عليا
جنات ابتسمت
مالك ابتسم/لسه زعلانه مني؟
جنات ابتسمت/لاء خلاص
مالك/علشان اتأكد انك مش زعلانه اي رايك نتعشي سوا النهارده
جنات ابتسمت/ونا موافقه
مالك ابتسم
في اليوم التالي
عصرا عند شغل احلام
ادم واقف قدام المدرسه جمب عربيته بيتكلم ف الموبايل
احلام طلعت من المدرسه بعد ما خلصت شغل وجمبها مُدرسه ف اواخر الأربعينات
مدام هاديه/بس المدرسه كانت وحشه من غيرك اوعي تغيبي عننا تاني
جنات بابتسامه/حاضر
واحلام بصت قدامها لقت آدم عند عربيته و بيتكلم ف التليفون
مدام هاديه/اي دا مين ال واقف هناك دا
احلام ابتسمت/دا ادم جوزي
مدام هاديه ابتسمت/مشاء الله يبت ي احلام دا طول بعرض وحلويه..حافظي عليه ل واحده تاخده منك كدا ولا كدا
احلام ضحكت
هاديه/انا بتكلم بجد انا خايفه ع مصلحتك .البنات اليومين دول مش سهله وانتي غلبانه .هيخطفو منك جوزك اسمعي الكلام
احلام ابتسمت/حاضر
هاديه/يلا هسيبك انا وهروح .محتاجه حاجه
احلام/لاء شكرا ل حضرتك
وهاديه مشيت واحلام راحت ل آدم وآدم خلص كلام ف الموبايل
ادم/خلصتي شغل؟
احلام ابتسمت/اه وجعانه ..ممكن تودينا اي مكان ناكل
ادم/ممكن ..عايزه تروحي فين
احلام /اي مكان انت بتحب تاكل فيه
ادم/اركبي
احلام ابتسمت وركبت العربيه
و آدم راح للحراس يقول لهم يرجعو ع القصر
وراح ركب العربيه وانطلقو
في عربيه سودا وراهم شغلت العربيه اول ما شافت آدم بيتحرك ب عربيته
وراحت وراه
وكان فيها 3 رجاله
واحد من ال 3 رجاله بيتكلم ف التليفون /احنا كنا مراقبين مراته يصقراوي بيه لقينا ادم الحديدي جه اخدها من شغلها ومشيو ب العربيه وحنا رحنا وراهم .ممعهمش حرس
الصقراوي/حلو اوي ..اقتلو مراته ..سبوه هو يتحسر عليها شويه .ومش عايز اي غلطه زي المرات ال فاتت .مفهوم؟
عند آدم سايق واحلام جمبه
ووصلو قدام مطعم عم حامد بتاع الكفته
كان مطعم بعيد عن اجواء المدينه والزحمه وحواليه شجر وغابه
والمطعم قدامه في كراسي وتربيزات وعم حامد راجل ف الخمسينات شغال لوحده وبيعمل للناس كفته وبيقدمهالهم
ادم /انزلي وصلنا
احلام ابتسمت و نزلت من العربيه من غير الشال بتاعها ادم خد الشال ونزل من العربيه
احلام بصت حواليها ع المكان
احلام بابتسامه/اي المكان التحفه دا .انا عمري ما سمعت عنه
ادم حط الشال حوالين رقبتها علشان الجو برد وبيعدلهولها واحلام ابتسمت
ادم/كنت بهرب من المدرسه ونا صغير واجي اكل عند عم حامد كفته هنا
احلام ضحكت/بتتكلم بجد؟ بتهرب من المدرسه وتيجي تاكل كفته
ادم /تعالي
وراح ناحيه المطعم واحلام راحت معاه
عم حامد اول ما شاف ادم راح له بسرعه بابتسامه
عم حامد/ادممم اي الف اهلا وسهلا
ادم/عامل اي ي عم حامد
عم حامد بابتسامه/بقيت احسن لما شفتك والله ..بقالك كتير مبتجيش ..مين الحلوه ال معاك دي
ادم/احلام مراتي
احلام سلمت عليه بابتسامه/اهلا بحضرتك
عم حامد بابتسامه/اهلا بيكي ي بنتي .الف اهلا وسهلا..تعالو اتفضلو اقعدو ونا هجيب لكم احلي سندوتشات كفته
ادم و احلام قعدو ع طربيزه
وعم حامد راح يعمل لهم السندوتشات
احلام ابتسمت/عم حامد باين عليه طيب اوي ..وشكله بيحبك اوي
ادم/اعرفه من ونا عندي 10 سنين ..انا كمان بعزه
احلام ابتسمت/اي حوار بقي انك كنت بتهرب من المدرسه وتيجي هنا دا
ادم/عم حامد مكانه مكنش هنا ف الاول ..كان ف مكان جنب الحاره ال كنا ساكنين فيها . كنت ديما ازوغ من المدرسه و اشتري ب مصروفي سندوتش كفته..ماما كانت بتضايق مني طبعا علشان عيزاني اهتم ب دراستي . ونا كل مره اقولها اخر مره ازوغ و بزوغ بعدها عادي علشان اكل الكفته
احلام ضحكت ومبسوطه انه بيتكلم معاها وبيحكيلها مع ان طبيعته مبيحبش يتكلم كتير
احلام/وفضلت تيجي هنا حتي لما كبرت ؟
ادم/دا المكان الوحيد ال برتاح فيه لما بتضايق .باجي اتكلم معاه واحكيله ال مضايقني وهو كان بيسمعني وينصحني ويدور معايا ع حلول كمان
احلام ابتسمت
احلام/شكرا انك جبتني هنا
ادم هز راسه
عم حامد راح لهم وف ايده صينيه الاكل وبدأ يحط الاكل ع الطربيزه
عم حامد بابتسامه/احلي سندوتشات كفته
احلام ابتسمت/شكرااا ل حضرتك
عم حامد/العفو ي بنتي ع اي بس ..دا ادم دا انا ال مربيه وبعتبره ابني ال مخلفتوش ..هو اكيد حكالك كان بيهرب ازاي من المدرسه ويجي ياكل الكفته عندي
احلام ابتسمت
عم حامد/هسيبكم تاكلو ويارب الكفته تعجبك
احلام/انا واثقه انها هتعجبني
عم حامد ابتسم وسابهم وراح يشوف طلبات الزباين التانيه
احلام بصت ل ادم وابتسمت/انا حبيت المكان اوي
ادم ابتسم و احلام مسكت السندويتش علشان تاكل وكان سخن اوي احلام سابته بسرعه ومسكت صوبعها بوجع
ادم /خلي بالك لسه سخن
ومسك ايدها
احلام/مكنتش اعرف
ادم/بتوجعك ؟
احلام/لاء خلاص
ادم /استني انا هقطعلك
وساب ايدها وبدأ يقطع لها الكوفته واحلام ابتسمت
وبدأت تاكل من ال ادم قطعهولها
احلام ابتسمت /الله ..دي طعمها تحفه
ادم /عجبتك
احلام بابتسامه/اوي
وبدأت تاكل باستمتاع
ادم ابتسم وبدأ ياكل هو كمان
بعد نص ساعه خلصو اكل
ادم موبايله رن للشغل وكنسل
ادم/يلا هنمشي ورايا شغل
احلام/اوك يلا بينا
و قامو وادم طلع محفظته وحط فلوس ع الطربيزه
عم حامد راح لهم بسرعه
عم حامد/اي دا ع فين كدا .. انتو ماشيين
ادم/اه ورايا شغل
احلام بابتسامه/ال كفته كانت حلوه اوي اوي تسلم ايدك
عم حامد ابتسم/فرحت اوي انها عجبتك ي بنتي
وبص ل آدم
عم حامد/متجيش تاني من غير مراتك ال ضحكتها زي العسل دي .حبيتها من اول ما شفتها
احلام ابتسمت/ربنا يخليك
ادم/يلا
احلام /يلا بينا
وراحو ناحيه العربيه
و آدم لمح بطرف عينه العربيه ال واقفه بعيد بتراقبهم بس مبينش انه اخد باله
احلام/مركبتش لي؟
ادم وهو باصص لها/في عربيه واقفه مرقابنا واوعي تبصي وراكي
احلام بتوتر/عربيه اي ومرقبانا لي انا مش فاهمه حاجه
ادم مسك ايدها وراحو ناحيه الغابه
و رجاله الصقراوي نزلو من العربيه بسرعه وراحو وراهم
عند آدم واحلام ف الغابه
احلام/آدم احنا رايحين فين و مين ال مراقبينا دول وعايزين اي
ادم ماشي بسرعه وماسك ايد احلام و ف الايد التانيه بيحاول يرن ع فراس بس مفيش شبكه
آدم بغضب حط الموبايل ف جيبه وطلع السلاح من ورا ضهره
وفضلو ماشيين حبه كمان واحلام مش فاهمه حاجه وتعبت من كتر المشي
احلام فلتت ايدها من ايد آدم و بتحاول تاخد نفسها
احلام بغضب/انا مش هتحرك خطوه واحده الا لما تفهمني اي البيحصل دا ..ومين ال ناس ال بتدور علينا دي وعايزين اي..عايزين يقتلونا صح
ادم /انت بترغي كتير اوي ي احلام
احلام بغضب/انا ال مش قادره افهم اي البرود ال انت فيه دا..انا هموت ف مره بسبب المشاكل والخطر ال انت بتحطني فيه.انا تعبت .ياريتك قتلتني ف اول مره شفتني فيها وارتاحت
وفجأه ادم سمع صوت وراهم والرجاله شافوهم وضربو نار ف الهوا
احلام صوتت بخوف
ادم عمر السلاح
و مسك ايد احلام بقوه و كان كل خوفه عليها وخايف يحصلها حاجه او تتأذي و مشيو بسرعه بتجاه الغابه
ادم بص وراه وضرب كذا طلقه
و بص قدامه تاني ومشيو بسرعه قدامهم واحلام كانت مرعوبه وبتدعي ربنا يخلصهم من ال هما فيه ع خير
ورجاله الصقراوي بتجري وراهم بتحاول تلحقهم
عند آدم واحلام
احلام وقفت بتعب/ادم انا مش قادره اتحرك
ادم وقف يستخبو ورا نخله كبيره
وبص وراه لقي الرجاله جايه ناحيتهم وضرب طلقه وجت ف راجل من التلاته ووقع ع الارض
وفضل يضرب طلقات
والراجلين التانين يضربو وهما مستخبين وفضلو يضربو ع بعض و احلام حاطه ايدها ع ودنها من صوت الطلق وآدم طلق سلاحه خلص
ادم بغضب جهوري رمي السلاح ع الارض ومسك ايد احلام ومشيو بسرعه بتجاه الغابه وطلع تليفونه وحاول يتصل ب فراس و اخيرا كان في شبكه
فراس/ا
ادم بمقاطعه بسرعه/هبعتلك لوكشين حالا تجيب رجاله وتيجي. في رجاله معرفش تبع مين بتجري ورايا ومعايا احلام و السلاح ال معايا طلقه خلص
فراس بصدمه /اي
ادم قفل المكالمه بسرعه وبعت ل فراس اللوكيشن
احلام بلعت ريقها/ادم
ادم بص وراه لقي الراجلين رافعين السلاح عليهم
واحد رافع سلاح بتجاه احلام وواحد بتجاه ادم
احلام كانت مرعوبه
وادم مسك ايد احلام بقوه وقربها منه
راجل 1 ابتسم /اخيرا ي ادم الحديدي
ادم بغضب جهوري/ال هيأذي شعره من شعرها وديني ما هرحمه من ع وش الدنيا .مشكلتكم معايا انا
راجل 2/بس للاسف الأمر جاي بقتلها هي
وضرب طلقه ناحيه احلام وآدم وقف قدام احلام بسرعه والطلقه جت ف صدره
احلام بصدمه /ادم
والرجاله اتوترو لما الطلقه جت ف ادم مش احلام وهربو من قدامهم بسرعه
وآدم وقع ع الارض بوجع
واحلام قعدت ع الارض بخوف ودموع وخدت ادم ف حضنها
احلام بدموع وخوف/ادم ..ادم علشان خاطري فوق ..ادم انت سامعني صح
آدم كان باصص ف عنيها وهو بيتوجع وغمض عينه واغمي عليه
احلام بخوف/آدم علشان خاطري قوم. يارب اعمل اي يارب يارب
وفجأه فراس ومعاه 3 رجاله لقو احلام وراحو لها بسرعه
فراس بصدمه وخوف ع ادم قعد ع الارض
فراس بخوف و توتر/ادم .. ادم اي الحصل
احلام بدموع/مش وقته يلا نوديه ع المستشفى ي فراس علشان خاطري
فراس حاول يرجع ل وعيه و قام
فراس ل الرجاله بعصبيه/انتو واقفين تتفرجو عليا ساعدوني بسرعه نقومه نوديه ع العربيه
واحلام قامت وهي بتقوم غصن شجره دخل ف ايدها وفتح لها ايدها ونزلت دم
احلام بوجع مسكت ايدها
فراس بصلها/ احلام انتي كويسه
احلام /اه اه كويسه يلا بسرعه نلحق نودي ادم ع المستشفى
وراحت معاهم بسرعه وسندو ادم وراحو عند العربيه وركبوه ورا
فراس ركب قدام يسوق واحلام ركبت ورا جمب آدم وفراس انطلق ع أقرب مستشفى والحرس راحو بعربيه وراهم
احلام حطت راس ادم ع رجلها بدموع و وبصاله وهو فاقد الوعي وبتملس ع شعره
وكانت خايفه يحصلها حاجه. هي مش فاهمه ازاي خايفه ع اكتر شخص كانت بتتمني تخلص منه
بس ال فهماه انها مش حاسه ب امان هو مش كويس
احلام بدموع وخوف/سرع شويه ي فراس علشان خاطري
فراس سايق بسرعه وبتوتر وخوف ع صاحب عمره
فراس/حاضر .متقلقيش ان شاءالله هيبقي كويس وهيتحمل
بعد نص ساعه ف المستشفى
الدكاتره اخدو ادم ع غرفه العمليات
واحلام قاعده قدام الغرفه وفراس رايح جاي بتوتر
وراح لهم بسرعه مالك وهو بيجر كرسي بباه ومعاهم روان بعد ما فراس اتصل بيهم وحكالهم
مالك بخوف/آدم فين ها ؟ فين ادم وهو كويس ولا لاء
روان بدموع/ادم فين ي احلام و اي الحصل
طارق بخوف/حدد يرد علينا ابني فين
فراس بتوتر/ادم ف اوضه العمليات بقالهم نص ساعه جوه .اخد رصاصه ف صدره
مالك مسح وشه ب ايده بتوتر وخوف
روان قعدت بدموع
طارق بقلق /يارب قوملي ابني ب السلامه يارب يارب
طارق بص ل احلام /وانتي ي بنتي .انتي كويسه؟
احلام/
طارق/احلام
احلام انتبهت/ا اه انا كويسه
طارق/الحمد لله انك بخير ومحصلكيش حاجه
روان راحت قعدت جمب احلام
روان /احلام ايدك مفتوحه ..هروح انادي ممرضه تشوفلك الجرح دا
وكانت هتقوم
احلام/لا مفيش داعي انا كويسه
روان/حبتيه صح؟ ادم
احلام/اي ال انتي بتقوليه دا
روان/بقول ال انتي خايفه تعترفي بيه بينك وبين نفسك.انتي قاعده خايفه يحصل ل ادم حاجه ودا باين عليكي .. يبقي دا اسمه اي .ومهربتيش وسبتيه يموت ف الغابه مش انتي كنتي بتتمني يموت. بس انت لاء معملتيش كدا .يبقي دا اسمه اي
احلام بتوتر/ا انتي فاهمه غلط دا كله من انسانيتي بس مش أكتر
روان ابتسمت/طالما فضلتي جمبه لحد ما وصل للعمليات وبقي ف أمان ممشتيش لي ؟ بس ماشي خلينا نمشيها انسانيه .بس انا عارفه وانتي عارفه انك بتحبيه .ونا مبسوطه من دا جدا لأننا كلنا لاحظنا تغيير ادم ع يدك .وهيبقي انسان احسن ١٠٠ مره طول ما انتي جمبه
احلام ابتسمت
بعد ساعه من القلق والتوتر وادم جوه ف العمليات
مالك قام بقلق/هما اتأخرو اوي كدا لي
طارق/متقلقش ي ابني ان شاءالله ادم ابني مش ضعيف وهيقوم منها بإذن الله
روان/يارب يارب
ولمبه العمليات انطفت
و طلع من العمليات ممرضه
احلام و مالك و طارق و فراس وروان راحو لها بسرعه
احلام/آدم كويس ؟
طارق/ابني بخير ؟طمنينا بالله عليكي
الممرضه/الدكتور جاي اهو وهيطمنكو
ومشيت والدكتور طلع من الغرفه
مالك بقلق/ها ي دكتور طمننا
الدكتور/الحمد لله العمليه نجحت وآدم بيه بخير ..حظه كان حلو لأن الرصاصه لو كانت اتحركت سنتي واحد كانت هتيجي ف قلبه ومكناش قدرنا ننقذه
احلام ابتسمت بفرحه
مالك و فراس حضنو بعض بفرحه
و روان حضنت احلام بفرحه
طارق/الحمد لله يارب الحمد لله انه بخير
مالك/يعني نقدر نشوفه امتي ي دكتور
الدكتور/هننقله ع الاوضه العاديه دلوقتي بس هو لسه مفقش هياخد يوم او يومين لحد ما يفوق .لان العمليه كانت صعبه الحقيقه
طارق/شكر ليك ي دكتور كتر خيرك
والدكتور مشي
بعد يومين ع المغرب
أمام غرفه ادم طارق قاعد بيقرأ قرآن
و مالك رايح جاي قدام اوضه ادم
و روان قاعده سرحانه
فراس جه من الكافتيريا وهو جايب كوبايات حاجه دافيه للشرب
واعطي طارق واحده
فراس/اتفضل ي عمي
طارق/تسلم ي حبيبي
واعطي مالك واحده
واعطي روان كوبايه
روان /لاء مش عايزه شكرا
فراس حط الصينيه ع كرسي وقعد جمب روان
فراس/متقلقيش. مش الدكتور طمننا انه عدي مرحله الخطر وبقي بخير
روان بقلق/بس بقاله يومين غايب عن الوعي ومفقش
فراس/هيفوق ان شاءالله وهيبقي زي الفل
روان/يارب يارب
فراس/خدي بقي اشربي دا علشاني ..انتي مكلتيش حاجه عدله بقالك يومين
وجاب الكوبايه من جمبه
روان/ا
فراس/بقولك علشاني
روان اخدت منه الكوبايه وفراس ابتسم
في غرفه ادم جوه
نايم ع السرير غايب عن الوعي واحلام قاعده ع كرسي جمبه ومتأملاه وهو نايم
ادم بدأ يفوق ويفتح عينه
احلام بابتسامه وبفرحه/ادم
ادم فتح عينه وبص حواليه
ادم/ا انا ف فين
احلام بابتسامه/انت ف المستشفى ...الحمد لله يارب انك قمت بالسلامه
ادم بدأ يدرك هو فين وافتكر الحصل
ادم حاول يقوم /انتي كويسه ؟ ها ؟حصلك حاجه
احلام/اهدي
ادم /ردييي عليا
وحاول يشيل الكانولا ال ف ايده واحلام منعته وبتهديه
احلام /ادم .. ادم اهدي .انا كويسه والله ..محصليش اي حاجه
ادم بوجع حط ايده مكان الجرح
احلام بقلق/ متتحركش انت لسه عامل عمليه ..خلي بالك من نفسك علشان خاطري انت لسه عامل عمليه صعبه
ادم سند ضهره ع السرير تاني واتنهد
واحلام بصتله وحضنته بقوه
و آدم حضنها بقوه وملس ع شعرها
احلام بدموع/انا خفت اوي ي آدم..كنت مرعوبه
ادم بغضب وهو بيملس ع شعرها
ادم ف سره/وحياة كل لحظه خفتي فيها وكل دمعه نزلت منك ل ادفع ال حاول يأذيكي التمن غالي اوي .
الجميله والوحش البارت 10
في المستشفى
في غرفه ادم
احلام طلعت من حضن ادم
ادم مسحلها دموعها
ادم بغضب/اعرف بس هو مين وهندمه ع كل لحظه حسيتي فيها ب الخوف او نزلت دمعه من عيونك
احلام بصت له ف عينه/انا كنت متطمنه علشان انت كنت معايا. انا بس خفت يحصلك حاجه بسبب الناس دي ..علشان خاطري ي آدم متعملش حاجه او تدور مين عمل كدا مش عايزين مشاكل كفايه ال حصل
ادم خدها ف حضنه وحضنها بقوه كان مرعوب يحصلها حاجه .. عمره ما حس ب الخوف قبل كدا بس من وقت ظهور احلام ف حياته بقي بيخاف عليها من نفسه حتي
احلام ابتسمت وحضنته بقوه
ادم باس راسها
احلام ابتسمت وطلعت من حضنه/هروح اطمنهم عليك برا وانادي الدكتور
ادم هز راسه بموافقة
احلام قامت و فتحت الباب وتقول لهم ان ادم فاق
مالك و فراس وطارق وروان دخلو الغرفه بسرعه
واحلام تليفونها رن وكان حمزه بيسأل عليها لانه لقاها اختفت بقالها يومين وليليان قالت إنها مرحتش المدرسه
في الغرفه
روان بفرحه /ادم..حمد لله ع سلامتك
مالك ابتسم براحه بعد ما شاف اخوه بخير
مالك/ انت كويس صح؟
ادم/كويس
طارق/حمد لله ع سلامتك ي ابني
فراس ابتسم/حمد لله ع سلامتك ي صاحبي
واحلام دخلت الغرفه تاني
الدكتور دخل الغرفه بعد ما عرف ان ادم فاق
الدكتور /حمد لله ع سلامتك ي آدم بيه
ادم/انا عايز اخرج من المستشفى دي
الدكتور/لاء تخرج اي مينفعش خالص انت لازم تفضل تحت رعايتنا اسبوع ع الاقل .نطمن فيهم انك بقيت بخير
ادم/مفيش اسبوع انا هخرج بكره الصبح.روح ي فراس اكتبلي ع خروج
مالك/اي ال انت بتقوله دا ي آدم تخرج فين انت لسه عامل العمليه والعمليه كانت صعبه
طارق/انت بتقول اي يابني مينفعش تخرج بكره خالص انت لسه فايق من العمليه دلوقتي
ادم بغضب وعصبيه ل فراس/هو انا مش بقول روح اكتب ع خروج
فراس/حاضر حاضر بس متتعصبش وانت تعبان هعملك ال انت عايزه
وطلع برا الغرفه
وروان راحت وراه
ومالك طلع برا الغرفه بغضب من عيِند اخوه
طارق /عايزك دقيقه برا ي دكتور
الدكتور/تمام اتفضل
وطلعو برا الغرفه وقفلو الباب
احلام بصتله وقالت بغضب/هو اي ال انت بتعمله دا .الدكتور بيقول لازم تبقي تحت عينهم اسبوع ع الاقل عايز تخرج بكره الصبح ازاي
ادم وهو نايم ع السرير قال بغضب/قلت لك مليون مره متعليش ام صوتك دا قدامي
احلام /تمام. براحتك ..ان شاءالله تخرج دلوقتي حالا ..انا مش هتدخل
ومسكت ايدها بوجع
ادم بصلها وقعد ع السرير/ايدك مالها
احلام/مفيش انا كويسه
ادم/قربي ي احلام وريني ايدك
احلام راحت له وآدم مسك ايدها لقاها مفتوحه
ادم بصلها بغضب/ع اساس سألتك وقلتي انتي كويسه ومفكيش حاجه ..شايفك اتعودتي ع الكدب
احلام/هتعلمه من مين ي تري
ادم/هاتي علبه الإسعافات من الدرج و اقعدي
احلام/مفيش داعي تتعب نفسك ي آدم انت لسه تعبان انا هبقي اخلي اي ممرضه تعملهولي
ادم بصلها بغضب
احلام/خلاص حاضر
وجابت علبه الإسعافات من الدرج وراحت قعدت جمبه
ادم فتح العلبه ومسك ايدها وبدأ يعقم لها الجرح
احلام بوجع/ااه
ادم بصلها/وجعتك؟
احلام/شويه
ادم بدأ يحط بيتادين براحه وبحنيه علشان متتوجعش
واحلام كانت بتبص له بابتسامه وهو بيعمل كل دا وسرحانه ف ملامحه
احلام ابتسمت/اتعلمت تعمل كدا ازاي. وامتي..دا انت عملتها اشطر من الدكتور
ادم وهو بيلف ايدها بالشاش/اتعلمت ونا ف السجن ..كان في راجل كبير ف السن مسجون معايا كان ممرض .ولما عورت ايدي ب الازاز ف مره هو نضفلي الجرح وعلمني اعمل كدا ازاي
احلام بحزن ع ال ادم شافه
مسكت وشه ب ايدها
احلام بصتله ف عينه/هتنسي كل دا ..انا هنسيك اي حاجه وحشه شفتها ف حياتك او حصلت لك ف حياتك
ادم بصلها ف عينها
وقرب منها ومسك وشها ب ايده وباس شفايفها ال كان هيموت ويبوسها من اول يوم شافها فيه
والباب خبط واحلام بعدت عن آدم بسرعه بخجل وقامت
و ادم حاول يبقي صوته طبيعي
ادم/ادخل
فراس دخل
فراس/ظبطت لك موضوع خروجك من المستشفى..بالمناسبه الصحافه ماليه المكان تحت قدام المستشفى ومستنين تحت ونزلو خبر ف الجرايد
ادم/مين عرفهم الزفت الخبر
فراس/معرفش بس اكيد حد من المستشفى لما عرف انك عملت عمليه سرب لهم الخبر
وفتح الموبايل واعطي ادم التليفون ال فيه الخبر
وكان مكتوب
(ادم الحديدي رجل الأعمال المعروف تم خضوعه ل عمليه بعد ضربه ب الرصاص الناري )
وقرا خبر تاني
(تمت عمليه ادم الحديدي ب نجاح ومعلومات تقول انه فاق من العمليه وأصبح بخير)
ادم اتنهد وقفل الموبايل
ادم/سبينا لوحدنا شويه ي احلام
احلام هزت راسها بموافقه وطلعت برا الغرفه
قدام الغرفه
الدكتور/بس انا مش مسؤول عن اي حاجه تحصل لو ادم بيه خرج بكره .حالته لسه مش مستقره
طارق/ مفيش حل تاني ي دكتور؟هو مبيحبش اجواء المستشفيات ولا الادويه والكلام دا حتي مبيحبش اي ممرض او ممرضه تلمسو وهو عنيد وبيعمل ال ف دماغه
الدكتور اتنهد/ خلاص يبقي ياخد باله من نفسه وراحه تامه ل مده اسبوع وياخد الادويه ف معادها..وتقدرو تاخدو ممرضه من هنا تهتم ب ادويته وتغيرله ع الجرح كل يوم
طارق/مراته هتبقي احسن من اي ممرضه..شكرا ليك ي دكتور تعبانك
الدكتور ابتسم/العفو ع اي دا شغلي
في شركه مالك
جنات بتتصل ب مالك طول اليوم مبيردش وكمان بقاله ٣ ايام مبيجيش الشركه وقلقانه عليه
جنات قعدت ع مكتبها ورنت ع مالك ومالك مردش
جنات اتنهدت بقلق
جنات قامت وراحت ل موظفه ماسكه ملف وبتكلم موظف تاني
الموظفه/وضروري جدا تكلم العملاء النهارده
الموظف/هعمل كدا
جنات/احم ..هو انتو مش ملاحظين ان مالك بيه بقاله يومين تلاته مبيجيش الشركه..يتري هو كويس
الموظفه/اي دا انتي متعرفيش .اخوه ادم الحديدي عمل عمليه وف المستشفى دلوقتي
جنات/اي؟
الموظف/انتي مشفتيش الأخبار ولا اي دا الخبر ف كل حتي
في المستشفى مساءا في غرفه ادم
ادم بغضب /احلام ال كانت مقصوده المره دي ي فراس انت فاهم يعني اي؟ كانو ناويين يقتلو مراتي ...انت تروح حالا تعرفلي مين ال اعطي امر قتل مراتي ان شاءالله لو هتجيبه من سابع ارض .مترجعليش غير وانت عارف هو مين .وساعتها مش هرحمه
فراس/حاضر هعملك ال انت عايزه بس متعصبش نفسك وانت تعبان
ادم اتنهد
فراس ابتسم/بس انت مشفتش احلام كانت مرعوبه عليك ازاي .خافت عليك بجد يمكن اكتر مننا كلنا .وبعد ما طلعت من العمليه اليومين ال كنت نايم فيهم مبعدتش عنك لحظه واحده طول اليومين كانت جمبك ومبتنامش
ادم/
فراس/انا هروح اعمل ال قلت لي عليه
وطلع برا الغرفه ومشي
احلام قاعده أمام الغرفه وفجأه حمزه و كرم طلعو من الاسانسير وراحو ل احلام بسرعه
احلام قامت/حمزه .بابا
كرم/انتي كويسه ي حبيبتي
حمزه/اي ال انتي قلتهولي ف التليفون دا ..عمليه اي ال ادم اليومين عملها ..انتي كنتي معاه وهو بياخد الرصاصه صح؟
احلام/
كرم/ردي علينا ي بنتي
احلام/ اه كنت معاه
حمزه بغضب/انا مش قادر اصدق ال انا بسمعه ..مين الرجاله ال ضربو عليكم نار دول وعايزين اي ..كان ممكن اي رصاصه طايشه تيجي فيكي وقتها هنتصرف ازاي لو حصلك حاجه
احلام خايفه ل ادم يسمعهم/طب تعالي ي حمزه نتكلم بعيد شويه لو سمحت
حمزه بغضب /انا مش هتحرك من هنا ..انتي كان ممكن تكوني مكانه جوه دلوقتي وقتها انا وبباكي واختك هنكمل حياتنا ازاي
كرم/مين الناس دي ي بنتي و اي ال بيحصل دا .عيله جوزك دي ف خطر ؟
ادم كان نايم ف الاوضه وسامع كل كلامهم
حمزه/مهي واضحه ي بابا انت لسه بتسالها ..كان لازم اتأكد من دا من كميه الحرس ال ف البيت وحواليهم .
احلام/احنا مش ف خطر ولا حاجه انت كبرت الموضوع ي حمزه .انت عارف ان ادم معروف ف شغله وشركاته واكيد هيبقي لي اعداء دي حاجه مش ب ايده .
حمزه بص ع ايدها ال فيها شاش ومسك ايدها بقلق
حمزه/ايدك حصلها اي
كرم بقلق /اي ال حصل ل ايدك ي احلام
احلام/احم مفيش اتعورت فيها بس ..متقلقوش انا كويسه والله
حمزه مسك دراعها/يلا انتي هترجعي معانا بيتنا حالا
احلام/ارجع معاكم فين
حمزه/بيتنا .هترجعي معانا البيت وحالا
احلام/لاء انا مش هسيب ادم وامشي
حمزه بغضب ساب دراعها/يعني اي مش هتسبيه وتمشي ؟ انت عايزه تتجننيني .بقولك انتي كان ممكن تكوني مكانه دلوقتي لولا ستر ربنا .كان ممكن تضيعي مننا
احلام/بس انا كويسه وزي الفل ومحصلش حاجه. طول ما انا مع ادم انا ف امان ومش هيحصلي حاجه .ومش هسيب ادم وامشي.
حمزه/يعني دا اخر كلام عندك؟
احلام/ايوا
حمزه بغضب/هستناك ف العربيه ي بابا
ومشي
احلام /ي حمزه اسمعني طيب
وبصت ل كرم
احلام/مش عيزاه يمشي وهو زعلان مني ي بابا..حصل اي لكل دا يعني منا بخير اهو
كرم مسك ايدها ال عليها شاش / لاء واضح انك بخير ..اخوكي معاه حق ي احلام ف كل كلمه قالها ..احنا ملناش غيرك ف الدنيا دي ولو حصلك حاجه نموت
احلام حضنته/بعد الشر عليكم ي بابا متقولش كدا ..متقلقش ي حبيبي انا كويسه والله
وطلعت من حضنه
احلام/وبعدين مش انت بتقول ديما أن مكان البنت ديما جمب جوزها .انا معاه اهو ومش عايزه اسيبه
كرم/ايوا بس عايزك تكوني بخير
احلام ابتسمت/هكون بخير يحبيبي متقلقش والله
كرم اتنهد
احلام/ سلملي ع ليليان ومتخليش حمزه يزعل مني علشان خاطري
كرم/حاضر ي حبيبتي. خلي بالك من نفسك ي حبيبه ابوكي
احلام حضنته بقوه وكرم باس راسها و طلع من حضنها
كرم/هدخل اطمن ع ادم
احلام/تعالي ي حبيبي
ودخلو الاوضه
كرم/الف سلامه عليك ي ابني
ادم حاول يقوم
كرم/لالا خليك مرتاح مكانك..الف سلامه عليك
ادم/الله يسلمك
كرم/ان شاءالله هتبقي زي الفل وتتحسن بإذن الله
ادم/ان شاءالله
كرم/يلا انا هسيبكم واستأذن بقي
احلام ابتسمت/مع السلامه ي بابا
كرم باس راسها/مع السلامه ي حبيبتي
ومشي
احلام بصت ل ادم/محتاج حاجه اعملهالك
ادم/مروحتيش مع اهلك لي
احلام/انت سمعتنا؟
ادم/مسمعتيش كلامهم ورحتي معاهم لي.انا تعبان ومكنتش هقدر امنعك ..وحمزه معاه حق ف كل كلمه قالها . وجودك معايا خطر ع حياتك
احلام/انا حابه افضل هنا ..دا اختياري ف الاول ف الاخر . وموافقه عليه ب حلوه و ومره.
والباب خبط والممرضه دخلت
الممرضه/دا وقت الدوا و بعده هغير الجرح ل حضرتك
ادم/هاتي الدوا و اطلعي انا مش عايز اغير ع الجرح
الممرضه/ازاي حضرتك مينفعش خالص دا لازم ا
ادم بغضب/هو انتي مبتفهميش
احلام/ادم لو سمحت خليها تغيرلك ع الجرح المره دي بس وبعدها انا هتعلم وهغيرهولك ..ممكن؟
ادم/
احلام بصتله/لو سمحت..علشان خاطري انا
ادم اتنهد/طيب
احلام ابتسمت
و الممرضه اعطته لدوا واحلام ساعدته ياخده
والممرضه بدأت تغير له ع الجرح
وخلصت و ادم نام ع السرير تاني
الممرضه/عن اذنكم
وطلعت برا الغرفه
احلام ل ادم/دقيقه وراجعه
ادم هز راسه بموافقة
و احلام طلعت برا الغرفه وراحت وندهت ع الممرضه تاني
احلام/لو سمحتي
الممرضه وقفت/حضرتك محتاجه حاجه
احلام/ممكن تعلميني بس ازاي اغير ع جرح. علشان زي ما انتي شايفه ادم جوزي مبيكرهه حد يلمسه
الممرضه/مفيش مشكله انا هعلمك دي سهله خالص
احلام ابتسمت/تمام شكرا ليكي
في غرفه ادم
مالك خبط ودخل
مالك /انا هروح البيت اجيب لك لبس وحجات هتحتاجها لما تخرج بكره .محتاج حاجه تانيه اجبها؟
ادم/وانت مكشر ومش طايقني لي
مالك/علشان انت مبتخفش ع نفسك ي آدم. مهمل ف نفسك و ف صحتك .لسه خارج من العمليات ولسه فايق مبقالكش كتير وعايز تخرج كمان كام ساعه ..طب لو انت مبتخفش ع نفسك احنا بنخاف عليك ي اخي ..انا مقدرش اكمل لو انت حصلك حاجه
ادم ابتسم/تعالي ياض قرب
مالك راح له وآدم حضنه بقوه
ومالك حضنه
ادم/متخفش عليا انا كويس وزي الفل
مالك /انا هبقي بخير طالما شايفك ديما بخير
ادم ابتسم ومالك طلع من حضنه
روان كانت ع الباب وشافتهم وابتسمت وراحت لهم
روان/ينفع انا كمان حضن
ادم ابتسم/تعالي
روان راحت له بابتسامه وحضنته بقوه وآدم حضنها
روان/ربنا يخليك لينا ي آدم يارب طول العمر
ادم باس راسها
وروان ابتسمت وطلعت من حضنه
مالك /هروح اجبلك حاجتك
ادم/خد روان معاك وباتو ف القصر و ارتاحو وتعالو بكره الصبح..وخدوه هو كمان(يقصد طارق )
روان/مش عايزه اسيبك ي آدم خليني ابات هنا علشان خاطري
ادم/روان ..متخلنيش اعيد كلامي مرتين .روحي مع مالك وبباكي يلا
روان اتنهدت/حاضر
مالك/يلا
وطلعو برا الغرفه و اقنعو طارق يرجع معاهم البيت ويرتاح ويرجعو بكره
وطلعو برا المستشفى ومعاهم الحرس وراحو بتجاه البيت
وفي حرس قدام المستشفى ومعاهم رضا
وفي صحافه كتير مستنين ادم الحديدي يخرج علشان يعملو معاه لقاء
عند رضا طلع المستشفى وراح غرفه ادم
خبط ودخل
رضا/حضرتك عامل اي
ادم/انا بخير ي رضا متقلقش
رضا/في حرس موجودين تحت المستشفى..و في ف كل دور حرس برضو علشان لما مدام احلام تبات هنا وتبقو ف امان .ونا هفضل مع الحرس تحت لو حضرتك احتجت حاجه كلمني
ادم/تمام
احلام دخلت الغرفه
رضا/عن اذنك ..تصبحو ع خير
وطلع برا الغرفه
ادم/اتاخرتي لي
احلام/كنت بتعلم من الممرضه ازاي اغيرلك ع جرحك علشان انت عنيد ومش عايز اي دكتور او ممرضه يعمل دا
ونامت ع الكنبه بتعب ومكنش في غطا
ادم بص عليها وهي نايمه
ادم/هو مفيش غطا؟
احلام/لاء مفيش
ادم/هتنامي ازاي عندك ف عز التلج من غير غطا..قومي تعالي نامي جمبي هنا
احلام/لا مش للدرجه دي
ادم/خلاص براحتك نامي هنا وخدي دور برد ووقتها ولا هتعرفي تروحي الملجأ للأطفال ولا المدرسه علشان هتخافي تعديهم
احلام لما لقت معاه حق قامت من مكانها وراحت تنام جمبه وادم ابتسم ووسع لها مكان
واحلام نامت جمبه وآدم غطاها كويس
احلام بصتله/انا اخاف اتقلب جمبك واحط ايدي ع الجرح غصب عني واوجعك. انا مبحسش ب نفسي ونا نايمه
ادم خدها ف حضنه وحاوطها ب دراعه وبقت نايمه ف حضنها
ادم/كدا مش هتعرفي تتقلبي ولا تخافي توجعيني
احلام ابتسمت
ادم/نامي يلا
احلام/حاضر
وغمضت عينها بابتسامه وحاسه ب أمان الدنيا كله وهي ف حضنه
ونامت
ادم شم ريحتها و باس راسها وغمض عينه وبدأ ينام
في اليوم التالي صباحا
ادم غير هدومه ال مالك جبهاله
تيشرت اسود بنص وبنطلون اسود
ونام ع السرير بتعب
احلام طلعت من حمام الاوضه بعد ما غيرت هدومها ال روان جابتهالها
لبست بنطلون سويت بانتس بيج وعليه الجاكيت بتاعها نفس اللون
ادم حط ايده ع صدره مكان الجرح بوجع
احلام راحت له بسرعه بقلق/انت كويس ..انادي الدكتور؟
ادم/لاء ..انا كويس
احلام/ انت بتعند لي ي آدم ما نفضل ف المستشفى كمان كام يوم لحد ما تتحسن والدكتور يقول لنا انك بقيت بخير.اما كدا غلط ع صحتك ..انا مش فاهمه انت عنيد لي كدا
ادم/ونا مش فاهم انتي بترغي كتير لي كدا
احلام اتنهدت
احلام/هروح اجيب الادويه بتاعتك علشان ناخدها معانا
ادم/اندهيلي فراس لو برا
احلام/اوك
وطلعت من الغرفه وكان قاعد قدام الغرفه طارق ومالك وروان
مالك/لسه مُصر برضو يمشي النهارده؟
احلام اتنهدت/ايوا حاولت معاه وبرضو مفيش فايده
طارق/ربنا يستر ..ويهديه يارب
مالك اتنهد
وفراس راح لهم
احلام/آدم عايزك جوه
فراس/اوك
ودخل غرفه ادم
احلام/انا هروح اجيب له الادويه علشان نمشي
مالك/خليكي انا هروح اجيبهم
احلام هزت راسها بموافقه
ومالك قام وركب الاسانسير ونزل جابت الادويه وراح للاسانسير تاني ومستينه يفتح
والاسانسير فتح ولقي جنات ف وشه
مالك/جنات
جنات/احم مالك بيه
مالك ركب الاسانسير جمبها
مالك /عرفتي منين اني هنا
جنات/..لما مجتش الشركه الايام ال فاتت قلقت جدا عليك
مالك ابتسم
جنات بتوتر/لاء مش قصدي ال فهمته يعني استغربت لي مجتش
مالك ابتسم وقرب منها/طب اهدي لي اتوترتي
جنات بخجل و توتر بعدت عنه شويه
جنات/ا انا متوترتش خالص
مالك وهو باصص ف عينها/واضح
وجنات بصت ف عينه
والاسانسير وصل وجنات بعدت عن مالك بتوتر ومالك ابتسم
مالك/تعالي
وطلعو من الاسانسير
جنات/احم عرفت ان اخو حضرتك عمل عمليه .الف سلامه عليه.هو عامل اي دلوقتي
مالك/الله يسلمك .هو بقي احسن الحمد لله وكنت بجيبله ادويته ..تعالي سلمي ع عيلتي بالمره
جنات ابتسمت
وراحو ل طارق ال قاعد و احلام وروان ال واقفين يتكلمو
مالك/جبتلك الادويه
احلام اخدتها منه وبصو ع جنات ال واقفه جمبه
مالك/اعرفكم دي جنات موظفه عندي ف الشركه .ودا بابا ي جنات
جنات سلمت عليه ب ابتسامه/اهلا ب حضرتك
طارق ابتسم/اهلا بيكي ي بنتي
مالك/ودي احلام مرات اخويا و دي روان اختي
جنات ابتسمت وسلمت ع احلام /اهلا بيكي.وحمد لله ع سلامه ادم بيه
احلام ابتسمت/الله يسلمك
روان سلمت ع جنات بابتسامه/اتشرفنا بيكي ي جنات
جنات بابتسامه/انا اكتر
روان بهمس ل مالك
روان/متأكد انها موظفه بس
مالك بصوت واطي/اخرسي
روان ابتسمت
في غرفه ادم
ادم نايم ع السرير
وفراس قاعد ع كرسي جمبه
ادم/انا قلت لك النهارده تعرفلي مين حاول يقتلنا وانت جاي تقولي لسه معرفتش؟
فراس/الموضوع صعب ي آدم. انت قتلت واحد منهم والاتين التانين هربوا معرفتش اوصل لهم
ادم بغضب/انا الكلام دا ميخصنيش ..انت لو معرفتش مين.. انا هدور عليهم بنفسي ..
فراس/لاء تدور اي انت محتاج ترتاح حتي ف البيت ومتتحركش كتير
ادم بغضب/متقوليش كلام يعصب انا مش هقعد ارتاح واسيب ال حاولو يقتلو مراتي عايشين ع وش الدنيا. مش هسمح لهم يحاولو يأذوها تاني
فراس/حاضر والله اديني بس يومين ونا هجبلك كل اخبارهم ...ثق فيا
واحلام دخلت الغرفه وآدم شاور ل فراس يسكت
احلام/سكتو لي اول ما انا جيت
فراس/لا مفيش ي مرات اخويا انا بس كنت جاي اطمن عليه وكدا
احلام بصت ع ادم ال باين عليه الغضب
احلام/حصل حاجه؟
ادم هز راسه ب لاء
فراس/طيب انا هستناكم برا بقي
وطلع من الغرفه
احلام/الدكتور شويه وهيجي يكشف علي الجرح للمره الاخيره وبعدين هنمشي
ادم/ماشي
والباب خبط ودخلت بنت ف اواخر العشرينات
شيك اوي لابسه بليزر اسود وتحته توب ابيض وبنطلون كلاسيك اسود ولابسه هيلز سودا ولامه شعرها ديل حصان
مرام بابتسامه/حمد لله ع سلامتك ي آدم بيه
ادم/مرام
مرام دخلت /اول ما الأخبار نزلت ف الجرايد ما صدقتش وقلت لازم اجي اطمن عليك ب نفسي..حمد لله ع سلامتك
ادم/الله يسلمك
احلام كانت واقفه بصالها بغيره من نظراتها وابتسامتها ل آدم
ادم/دي احلام مراتي ..و دي مرام مديره العلاقات ال عامه ف الشركه بتاعتي
مرام سلمت ع احلام بابتسامه صفرا /وبرضو اتفاجئت لما نزل خبر جوازكم ..الف مبروك ع الجواز
احلام بغيره/الله يبارك فيكي
مرام بصتله بابتسامه/طيب انا اطمنت عليك خلاص هستأذن انا علشان اسيبك ترتاح ..وان شاء الله تتحسن ف اسرع وقت علشان ترجع الشغل تاني ..الشغل ميمشيش من غير حضرتك ووحشه اوي من غيرك...عن اذنك
ادم/اتفضلي
ومرام طلعت من الغرفه
احلام بغيره/هي دي ال بعتت لك مسدج قبل كدا لما كنا بايتين عند بابا
ادم بصلها /اه
احلام بغيظ وبغيره/مشاء الله شكلكم مع بعض ٢٤ ساعه ف الشغل واول ما عرفت انك تعبان جتلك ع طول
ادم ابتسم من غيرتها
ادم/يعني كتر خيرها جت تطمن عليا ...انتي اتضايقتي ولا حاجه؟
احلام بتوتر/احم لا هتضايق لي يعني منها ..عادي يعني
ادم ابتسم/ماشي
احلام ربعت ايدها بغيظ/لاء وبتقوله كمان الشركه وحشه من غيرك
ادم ابتسم
والدكتور خبط ودخل
الدكتور ابتسم/اي الأخبار ي آدم بيه دلوقتي..بقيت احسن؟
ادم/الحمد لله
الدكتور/هكشف عليك ل اخر مره قبل ما تمشي وأهم حاجه زي ما قلت الراحه التامه والأدوية وتغيير ع الجرح ف مواعيده
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق