روايه الجميله و الوحش الفصل الحادى عشر والثانى عشر والثالث عشر والرابع عشر والخامس عشر بقلم نونا كامله
روايه الجميله و الوحش الفصل الحادى عشر والثانى عشر والثالث عشر والرابع عشر والخامس عشر بقلم نونا كامله
الجميله والوحش البارت 11
في القصر عصرا
مالك و فراس سندو ادم لحد غرفته و آدم نام ع السرير بتعب
واحلام عدلت له المخده ورا ضهره
احلام/مرتاح كدا؟
ادم هز راسه ب اه
فراس /مش كنت سمعت الكلام وجبنا معانا ممرضه تاخد بالها منك اكنك ف المستشفى
ادم/انا مرتاح كدا ومش عايز كلام كتير
مالك حط كيسه الادويه ع الطربيزه وكيسه الإسعافات الأولية
مالك/ادويته اهي ي احلام و مواعيدها مكتوبه عليها ..ودي الإسعافات الأولية
احلام/تمام ماشي
مالك/يلا هنستأذن احنا
فراس/لو احتجت حاجه كلمني
ادم هز راسه بموافقه
ومالك وفراس طلعو من الغرفه
موبايل ادم رن واخد الموبايل من الكومودينو جمبه
احلام/ممكن لو من الشغل متردش ؟انت محتاج ترتاح
ادم عمل الموبايل سايلينت وحط الموبايل جمبه
احلام ابتسمت علشان سمع كلامها
احلام /تقريبا في معاد دوا دلوقتي ثانيه واحده
ودورت ف كيسه الادويه وآدم مراقبها واحلام بصت عليه لقته بيبص لها
احلام بخجل الدوا وقع منها
احلام بخجل/وقع بالغلط سوري
وجابت الدوا من ع الارض بسرعه وآدم ابتسم
احلام جابت كوبايه مايه من ع الطربيزه وأعطت ادم الدوا
و ادم خده وشربه ونام تاني
الباب خبط
احلام/ادخل
و حمزه فتح الباب ودخل
احلام بابتسامه /حمزه
حمزه ابتسم/قلت اجي اطمن ع جوز اختي
احلام راحت له وحضنته و حمزه باس راسها
احلام/انت مش زعلان مني صح
حمزه ابتسم/لا مش زعلان
احلام طلعت من حضنه بابتسامه
حمزه راح ل آدم
حمزه/حمد لله ع سلامتك ي جوز اختي
ادم /الله يسلمك..اتفضل اقعد
احلام/مريم مجتش معاك لي
حمزه/راحت ل خالتها اسكندرية مع مامتها يومين علشان تعبانه شويه
احلام/ايوا صح كانت قيلالي بس انا راح عن بالي خالص
حمزه /ما تروحي تعملي لنا كوبايتين شاي من ايدك الحلوه دي
احلام ابتسمت/حاضر من عنيا
وطلعت برا الغرفه
حمزه سحب كرسي وقعد جمب ادم
حمزه/انا جيت المستشفى امبارح لما عرفت انك عملت عمليه
ادم /عارف
حمزه/ طلبت منها تروح معانا البيت وهي موافقتش..علشان باين عليها بتحبك بجد .هي عمرها ما كسرت كلمه ليا ولا ل بابا بس المره دي وقفت قصادنا وقالت انا هفضل جمب آدم هنا ومش هسيبه..بس انا عارف وانت عارف ان وجودها جمبك خطر علي حياتها ...بسبب شغلك عندك اعداء كتير ودي حاجه مش ب ايدك ماشي انا فاهم ..بس اختي زنبها اي تروح ف الرجلين.. الطلقه ال انت اخدتها دي كان ممكن تيجي ف احلام ولقدر الله تموت ..احنا منقدرش نعيش من غيرها ي آدم ولا انا ولا بابا ولا ليليان ..ولو حصلها حاجه بابا يموت ..انت لو بتحبها ابعد عنها ..لان زي ما واضح هي مش هتوافق تبعد عنك
آدم كان فاهم كل كلمه حمزه بيقولها .وجود احلام معاه خطر عليها .ولو ربنا سترها المره دي ممكن ف اي مره قدام تتأذي بسببه ولو دا حصل عمره ما يسامح نفسه ولا يقدر يكمل من غيرها
احلام دخلت الاوضه وهي ماسكه صينيه عليها كوبايتين شاي
احلام بابتسامه/الشاي
حمزه قام/لا ي حبيبتي اشربوه انتو بقي انا همشي
احلام/لي هتمشي بسرعه كدا .اشرب الشاي ع الاقل
حمزه/مره تانيه ان شاءالله..يلا خلي بالك من نفسك
وباس راسها
احلام ابتسمت/حاضر ..مع السلامه
وطلع برا الغرفه واحلام حطت الشاي ع الطربيزه
ادم كان بيحاول يقوم من ع السرير احلام راحت له بسرعه
احلام بقلق/آدم رايح فين انت مينفعش تتحرك ع طول كدا
ادم بحده /متدخليش
احلام/يعني متدخليش .طب انت رايح فين طيب لو محتاج حاجه انا هعملهالك
ادم بغضب/ميخصكيش انا رايح فين ..وقلت متدخليش
وحط ايده مكان الجرح بوجع وقام من ع السرير
واحلام مصدومه من تغيره المفاجئ ومش فاهمه اي ال حصله فجأه خلاه يكلمها وحش كدا
ادم دخل الدريسنج يغير هدومه ولبس بنطلون اسود وقميص اسود
وطلع من الدريسنج
واخد السلاح من درج الكومودينو
احلام/هو انت هتخرج وانت لسه خارج من المستشفى النهارده؟
ادم حط السلاح وراه ضهره واخد موبايله
احلام بقلق/ادم مينفعش ال انت بتعمله دا الدكتور قال لازم ترتاح وإلا هتتعب ..انا عملت حاجه ضايقتك مني طيب؟لي بتتعامل معايا كدا
ادم بصلها بغضب/ دي طريقتيي من زمان بس انتي شكلك نسيتي
و قلت مره ميخصكيش اروح فين ولا هتعب ولا لا ...ومتحوميش قدامي كتير مش عايز اشوف وشك
وطلع برا الغرفه وقفل الباب وراه وغمض عينه ومسك قبضه ايده وخبط ع الحيطه بغضب
مش هاين عليه يعاملها وحش كدا بس مضطر علشان ترجع تكرهه وتبعد عنه وتروح ل عيلتها وترجع تبقي ف امان .حتي لو هيتعذب وهي بعيده عنه بس اهم حاجه تكون ف امان
ونزل ع السلم
احلام قعدت ع السرير ومش فاهمه هي عملت اي ولا حصل اي خلي ادم يعاملها وحش اوي كدا
ودمعت
عند آدم نزل ع السلم وراح الصالون وكان ف الصالون مالك وطارق وروان وفراس
مالك قام/اي دا ي آدم اي ال قومك من ع سريرك وانت تعبان كدا
فراس /ع فين ي آدم انت لسه محتاج ترتاح
ادم/يلا هنروح الشركه
مالك/شركه اي وشغل اي ال انت رايحه ..انت مدرك انك لسه خارج من عمليه صعبه وكان ممكن تموت
ادم/بس لسه عايش وممتش وبقيت كويس ومحدش يدخل ف ال بعمله
وبص ل فراس بغضب
ادم/هو انا مش بقول قوم؟
فراس قام /طيب طيب اهدي..يلا نروح الشركه
وطلعو هما الاتنين من القصر
طارق اتنهد/محدش بيقدر عليه .ولا علي عِنده .ال ف دماغه بيعمله
مالك اتنهد
مساءا في غرفه احلام و آدم
احلام اخدت شاور وغيرت هدومها ل بنطلون بيجامه رصاصي وتوب ابيض ب كات و كارديجان خفيف رصاصي
وعامله شعرها كعكه عشوائيه بعد ما نشف
وفضلت واقفه ف البلكونه قلقانه ع ادم ومستنياه يرجع
احلام اتنهدت
ولما بردت دخلت الاوضه تاني
وقعدت ع الكنبه ترسم تصاميم
وبعد شويه ادم وصل القصر وركن عربيته و دخل البيت
ادم دخل الغرفه وتجاهل احلام ال قاعده بترسم ودخل الدريسنج يغير هدومه
احلام اتنهدت و ارتاحت لما لقته رجع البيت وبخير
ادم طلع من الدريسنج بعد ما غير هدومه ل تيشرت اسود وبنطلون للنوم اسود
وحط السلاح والموبايل ع الكومودينو وقعد ع السرير بتعب
احلام قامت من ع الكنبه و فتحت الدرج جابت الدوا و علبه الإسعافات الاوليه
احلام من غير ما تبصله/معاد الدوا ..ولازم اغير لك ع الجرح دلوقتي
ادم خلع التيشيرت واحلام بصت ع جسمه وعضلاته
جسمه حلو اوي ورياضي
وبعدت نظرها عن جسمه بخجل
احلام ف سرها/احلام ركزي...احم
و قعدت جمبه وفتحت علبه الإسعافات وبدأت تشيل الشاش القديم وتعقم له الجرح
وآدم كان مراقب كل حركه بتعملها
احلام بدأت تلزق الشاش الجديد
احلام من غير ما تبصله/انا خلصت
وقامت و ادم لبس التيشيرت تاني
واحلام جابت كوبايه مايه واعطته الدوا
وآدم اخد الدوا ونام
احلام رجعت كل حاجه مكانها وكانت هتطلع برا الاوضه
ادم/ع فين
احلام/هروح انام ف اي اوضه فاضيه .علشان محومش حواليك كتير زي ما طلبت
ادم قام من ع السرير ووقف قصادها
ادم/مفيش الكلام دا .عندك السرير اهو تقدري تنامي عليه يأما الكنبه اما مفيش نوم برا الاوضه
احلام بغضب/انت ال طلبت دا ع فكره .ونا مش لعبه عندك تحركها زي ما انت عايز .ونا هروح انام ف المكان ال يعجبني مش مضطره اسمع كلامك
ادم مسك دراعها بغضب وقربها منه
ادم/لاء مضطره وغصب عنك هتسمعي الكلام .مفيش خروج من الاوضه دي ولو مش عاجبك تقدري ترجعي ل اهلك انا مش همنعك
احلام فلتت دراعها من ايده بغضب و راحت شالت التصاميم والالوان بتاعتها من ع الكنبه وحطتها ع الطربيزه
و نامت ع الكنبه واستغطت
ودمعت .مش عارفه هو أدم اتغير معاها فجأه كدا لي وبيقول لها لو مش عاجبك اخرجي من حياتي ب كل سهوله
آدم راح نام ع السرير
وسمع احلام وهي تعيط
ومقدرش يستحمل دموعها اكتر من كدا
اكتر حاجه بتقتله دموعها
وكمان هو السبب ف دموعها
ادم قام من ع السرير وخرج برا الغرفه بغضب
بعد شويه ادم رجع الاوضه ودخل الغرفه
بص ع احلام لقاها نامت
ادم راح لها وقرب منها
وقعد ع طرف الكنبه ال نايمه عليها وتأملها وهي نايمه وكانت لسه الدموع ع خدها منشفتش
ادم كان هاين عليه يقتل نفسه علشان كان السبب ف دموعها دي
مسح لها دموعها وباس راسها وباس خدها اكنه بيعتذر لها عن قسوته معاها
وغطاها كويس وراح نام ع سريره
عدي يومين ع الحال دا
ادم بيبعد عن احلام ع قد ما يقدر وبيعاملها بطريقه قاسيه وجافه علشان تكرهه وتبعد عنه مع ان من جواه هيموت ويخبيها ف حضنه وميطلعهاش ابدا
واحلام مبتكلمهوش ولا بتبص له الا لما بتعطيه الدوا وبتغير له الجرح وآدم بدأ يتحسن واحده واحده ب اهتمام احلام بمواعيد ادويته ومواعيد اكله وتغيير ع الجرح
في القصر
في غرفه ادم مساءا
احلام لمت شنطه هدومها
وغيرت هدومها وقاعده ع الكنبه وجمبها شنطه الهدوم
ادم رجع من الشغل ودخل الغرفه وبص ع احلام ال لابسه و جمبها شنطه
ادم/اي دا
احلام قامت/همشي. هرجع بيت بابا .
ادم اتنفس ب هدوء وحاول ميضعفش قدامها/دا احسن قرار اخدتيه ..و دا برضو ال كان نفسك يحصل من زمان ..اني ابعد عنك وترجعي ل اهلك وتعيشي حياتك الطبيعيه بعيد عني
احلام دمعت /اه معاك حق .دا ال انا كان نفسي فيه فعلا من زمان
ومسكت الشنطه وكانت هتمشي ادم مسكها من دراعها وقفها
احلام بغضب فلتت دراعها من ايده
احلام بغضب ودموع/خلتني احبك لي طيب.. ما انا ف الاول كنت بكرهك وكل ال عيزاه اني اخلص منك ومن السجن ال حاططني فيه ..دلوقتي جاي تقولي تقدري تمشي وتبعدي عني عادي بعد ما حبيتك
ادم مقدرش يتحمل دموعها اكتر من كدا
ادم/عملت كل دا علشان خايف عليكي
احلام بغضب/من اي ..خايف عليا من اي
ادم بغضب وعصبيه/وجودك ف حياتي خطر عليكي..وجودك جمبي دلوقتي خطر عليكي ..كذا مره تتعرضي للخطر بسببي وبسبب الناس ال عايزه تتخلص مني..انا طول حياتي معنديش نقطه ضعف ومبخفش من حاجه لحد ما انتي جيتي وبقيتي نقطه ضعفي الوحيده .والناس ال بتكرهني عارفه دا ف هتفضل تضغط ع نقطه ضعفي وهتأذيكي فيا .علشان عارفين ان دي اكتر حاجه هتكسرني .علشان انا بحبك ومقدرش اعيش من غيرك
احلام بدموع ابتسمت ومش مصدقه انها سمعتها منه
احلام مسكت وشه ب ايدها /انا كمان بحبك .وعايزه افضل جمبك حتي لو كانت حياتي ف خطر .ميهمنيش اي حاجه طول ما انت جمبي ..انت مصدر الامان الوحيد بالنسبه لي ي آدم..مبحسش ب الامان الا معاك. ف متطلبش مني ابعد عنك علشان مقدرش اكمل من غيرك
ادم مقدرش يتحمل اكتر من كدا وقرب منها ومسك وشها ب ايده وباس شفايفها
وبعد شويه بعد عنها
ادم وهو باصص ف عينها/انا ال مقدرش اعيش من غيرك
وباس شفايفها تاني
وسحب لها سوسته الدريس ال هي لبساه واحلام استسلمت له واستسلمت ل حبه
في اليوم التالي صباحا
في شركه مالك
قاعد ف مكتبه بيشتغل ع ملف
والباب خبط وجنات دخلت ب القهوه
جنات بابتسامه/القهوه
مالك ابتسم/هاتيها وتعالي
جنات راحت حطت القهوه ع المكتب
جنات/اخو حضرتك بقي عامل اي دلوقتي
مالك/بيتحسن الحمد لله ..مراته واخده باله منه ومن علاجه ف بقي احسن
جنات ابتسمت/طب الحمد لله .ربنا يخليهم لبعض يارب..وانبسطت اوي اني اتعرفت ع عيلتك ..مع اني ملحقتش اتعرف ع اخوك ومرضتش ازعجه وهو تعبان
مالك ابتسم/مره تانيه ان شاءالله..انا اسف علشان مرحناش نتعشي سوا زي ما وعدتك قبل كدا بس انتي شايفه ال حصل
جنات ابتسمت/لا ولا يهمك طبعا انا مقدره الظروف ال حضرتك فيها
مالك ابتسم/بس خلينا نعوضها النهارده .اي رايك
جنات بابتسامه/معنديش اي مشكله
مالك ابتسم
في القصر في غرفه ادم
نايم ع السرير واحلام نايمه ف حضنه بس صاحيين
و ادم بيملس ع شعرها واحلام نايمه ف حضنه بابتسامه ومش مصدقه انها ف حضنه وان ادم اعترف لها انه بيحبها وعمل كل دا من خوفها عليها
ادم/ايدك لسه بتوجعك؟
ومسك ايدها ال ملفوفه ب الشاش
احلام ابتسمت/لاء مبتوجعنيش..تقريبا طابت
ادم شال الشاش ال ملفول ع ايدها ولقي الجرح طاب خلاص
ادم باس ايدها مكان الجرح
احلام ابتسمت
وآدم تليفونه رن وجابه من ع الكومودينو جمبه
واحلام بصت مين بيرن وكان مكتوب مرام
ادم مردش وحط الموبايل مكانه تاني
احلام بغيظ وبغيره/عايزه اي منك هي دلوقتي بتتصل لي
ادم باستمتاع من غيرتها/مش عارف بتتصل لي ..بس ممكن ارد اعرف يعني
احلام بغيظ/انا اصلا مش مرتحالها ومحبتهاش ..ومش حلوه اصلا
ادم /متأكده انها مش حلوه؟
احلام بزعل /انت شايف انها حلوه ؟ طيب اوعي ي آدم بعد اذنك
وحاولت تبعد عن حضنه
بس ادم محاوطها وماسكها من وسطها ووخدها ف حضنه ومش عايز يسيبها
ادم/اولا اوعي تفكري تبعدي عن حضني
ومسك دقنها خلاها تبص له
ادم/تاني حاجه بقي علاقتي بيها شغل وبس ..وهي كانت بترن من شويه علشان كنت قايل لها تدور لي ع ملف معين وشكلها لقته . ونا مش شايفها حلوه ولا حاجه انا قلت كدا علشان اشوف غيرتك عليا
احلام ابتسمت وضربته ف كتفه بغيظ/تصدق انك رخم بقي
ادم /وتصدقي ان عيني مبتشفش احلي منك بقي
وباس خدها و رقبتها
واحلام ابتسمت ومبسوطه ان ادم برر لها وصالحها وخاف ع زعلها
ادم/انا محضرلك مفاجأه النهارده
احلام بصتله بابتسامه /بجد.؟ مفاجأه اي
ادم/دي مفاجأه مينفعش اقول ..بس هتعرفي لما نوصل المكان
احلام بفضول /طب يلا ي آدم علشان خاطري نروح نشوف المفاجأة. يلا نلبس
ادم خدها ف حضنه تاني وحضنها بقوه
ادم/لاء خلينا نايمين كمان شويه وبعدين نشوف موضوع المفاجأة
احلام ابتسمت/بس انا مش هقدر استني من فضولي ..يلا بقي علشان خاطري
وباست خده
وآدم ابتسم وباس شفايفها وسرحو في عالمهم الخاص
عصرا في القصر
في الصالون
قاعد ع السفرا طارق و مالك و روان
والخدم بيحطو الأصناف ع السفرا
ادم واحلام نزلو من غرفتهم بعد ما اخدو شاور وغيرو هدومهم
ادم لابس بنطلون اسود وتيشرت اسود وعليه جاكيت جلد اسود
واحلام لابسه بنطلون قماش اسود واسع وتوب ابيض وعليه جاكيت جينز وفارده شعرها
وراحو عند السفره
احلام بابتسامه/عاملين اي
طارق ابتسم/احنا زي الفل ي حبيبتي انتو عاملين اي
احلام ابتسمت/الحمد لله
ادم قعد ع السفرا ياكل
ادم/اقعدي كلي
احلام قعدت جمب آدم وكان جنبها روان
روان ابتسمت وهمست ل احلام/باين عليكي مبسوطه. حصل حاجه؟
احلام بابتسامه بصوت واطي/ ادم قالي انه بيحبني
روان بصدمه وبفرحه بصوت واطي/اييي
مالك ل آدم/انت رايح ع الشركه ؟
ادم بيحط ل احلام اكل ف طبقها واحلام بدأت تاكل
ادم/لاء هروح مشوار انا واحلام الأول
طارق بدأ يكح جامد
مالك/مالك ي بابا
روان/بابا انت كويس
مالك ناول طارق شويه مايه بسرعه
طارق شرب شويه وبطل كحه
طارق /انا كويس
احلام/حضرتك اخدت الدوا ؟
طارق/تصدقي نسيت اخده
روان/استني انا هجيبه
وقامت
احلام/الف سلامه ع حضرتك
طارق ابتسم/الله يسلمك ي بنتي
وروان جابت الدوا ل طارق وطارق شربه
احلام بصت ل ادم علشان يقول ل بباه الف سلامه
ادم/احم..الف سلامه
طارق ابتسم ومش مصدق نفسه
طارق بابتسامه/الله يسلمك
ادم/اهتم ب مواعيد ادويتك اكتر من كدا
طارق ابتسم/حاضر ي ابني
مالك وروان بصو ل بعض وابتسمو
ادم قام وقال ل احلام
ادم/يلا علشان منتأخرش
احلام قامت/يلا بينا ..عن اذنكم
طارق/اتفضلو ي حبيبتي
ومشيو وطلعو برا القصر
طارق ابتسم/انا مش مصدق انه قالي الف سلامه واني اهتم بمواعيد ادويتي اكتر من كدا
مالك ابتسم ومسك ايده/مش انا قلت لك هيسامحك بس واحده واحده
روان ابتسمت
طارق بابتسامه/كله بفضل احلام بعد ربنا...ربنا يخليهالنا يارب غيرت ادم ١٨٠ درجه .. دا ادم ابني ال بجد ال اعرفه من ١٥ سنه ..
مستحيل دا يكون آدم القاسي ال مبيرحمش حد
روان بابتسامه/خدو الكبيره بقي..ادم قال ل احلام انه بيحبها ..وهي كمان بتحبو وواضحه اوي .يعني ان شاءالله يفضلو مع بعض طول العمر
مالك وطارق ابتسمو بفرحه/بإذن الله
في عربيه آدم
ادم ركب العربيه وحط حزام الامان
واحلام ركبت جمبه وحطت الحزام
ادم كان هيشغل العربيه
احلام/استني انت لسه مخدتش الدوا وبتاع
وطلعته من شنطتها
ادم/انا بقيت كويس خلاص ملوش لازمه الدوا
احلام/لاء طبعا دا مهم جدا انت لسه متحسنتش والجرح ممكن ينزف ف اي لحظه
وجابت ازازه مايه من التابلوه
احلام/علشان خاطري خده
ادم خد الازازه والدوا منها وشرب الدوا واحلام ابتسمت
احلام بابتسامه سندت ضهرها/ يلا بينا وديني ع المفاجأة علشان هموت من الفضول
ادم بصلها وابتسم وشغل العربيه وانطلقو
❤️
الجميله والوحش البارت ال 12
ادم سايق واحلام جمبه
فجأه ادم وقف قدام اكبر شركه تصميم ازياء ف مصر
ادم/وصلنا انزلي
ونزل من العربيه و احلام نزلت من العربيه ب استغراب ومش فاهمه هما بيعملو اي هنا
احلام بعدم فهم/احنا بنعمل اي هنا
ادم/هتعرفي دلوقتي
ومسك ايدها واحلام ابتسمت ودخلو الشركه
واحلام كانت بتتفرج ع الشركه ومبهوره ب كل حاجه فيها .دا المكان ال كانت بتحلم تشتغل فيه من سنين
الشركه كانت كبيره ومليانه موظفين بيشتغلو بجهد وتركيز
ماسكين قماش ألوان. و بليتات ألوان. وموظفين قاعدين ع مكاتبهم بيرسمو تصاميم وماليكانات عليها فساتين تحفه متصممه
وركبو الاسانسير
ووصلو دور مكتب مدير الشركه
المدير العام كان واقف بيتكلم مع موظف وكان المدير في أواخر الأربعينات..و اول ما شاف ادم راح له بسرعه
المدير العام(محمود) بابتسامه/ادم بيه ي اهلا وسهلا
وسلم عليه بترحيب
ادم سلم عليه/اهلا بيك
استاذ محمود ل احلام/وحضرتك اكيد احلام هانم
احلام ابتسمت/ايوا
استاذ محمود بابتسامه/اهلا بيكم ..اتفضلو ف مكتبي
ودخلو المكتب
واستاذ محمود قعد ع مكتب وآدم واحلام قعدو قصاده
استاذ محمود ابتسم/واضح من تصاميم حضرتك انك موهوبه جدا جدا وشاطره ف رسم التصاميم ..وانتي اشطر من ناس كتير شغاله معانا هنا بقالها سنين.. ف انا يشرفني انك تبقي معانا هنا
احلام بعدم فهم/تصاميم اي
محمود طلع من درج المكتب ٣ تصاميم ل احلام
محمود/تصاميم حضرتك ال ادم بيه ورهالي ..مشاء الله انتي موهوبه جدا
احلام ابتسمت وبصت ل ادم/انت ال ورتهاله
ادم هز راسه ب اه
استاذ محمود/انا معنديش استعداد اخسر موهبه زي موهبه حضرتك ف لو توافقي تبدأي معانا هنا من بكره يبقي كويس جدا
احلام بابتسامه وبفرحه مش قادره تصدق انها هتشتغل ف اكبر شركه تصاميم ازياء .عمرها ما صدقت حلمها يتحقق وتشتغل ف مكان زي دا
وبصت ل آدم وآدم هز راسه بمعني وافقيي
احلام بابتسامه بصت ل استاذ محمود/اكيد طبعا موافقه
استاذ محمود ابتسم/يبقي ع خيره الله انتي معانا من النهارده خلاص ومن بكره تقدري تبدأي شغل
احلام ابتسمت وبصت ل آدم بامتنان
ادم موبايله رن وكان فراس
وآدم رد
فراس/ادم الراجل فاق وبقي كويس ويقدر يتكلم .انا ف اسطبل الخيول ومستنيك
ادم قفل المكالمه و قام و استاذ محمود قام واحلام قامت
محمود ابتسم سلم ع ادم/فرصه سعيده جدا اني اتعرفت ع حضرتك ي آدم بيه
ادم سلم عليه/انا اسعد
وقال ل احلام/يلا
احلام بابتسامه/اه يلا
وطلعو برا المكتب
احلام حضنت ادم بابتسامه
وادم ابتسم وحضنها بقوه
احلام بفرحه/انا مش عارفه اقولك اي ..شكرا بجد
ادم /انتي موهوبه واكتر واحده تستاهلي تبقي هنا
احلام بابتسامه/انا بحبك ..ربنا يخليك ليا
ادم ابتسم و باس راسها واحلام ابتسمت وطلعت من حضنه
ادم /انا مضطر اروح الشغل ضروري .هتصل ب رضا يجي يروحك ع البيت بس الاول هروح اتكلم مع المدير ف حاجه وراجع
احلام ابتسمت/اوك
و ادم مشي
واحلام بابتسامه مسكت موبايلها ترن ع بباها تفرحه انها هتشتغل ف المكان ال كان نفسها تشتغل فيه بقالها سنين
وهي مركزه ف الموبايل موظف وهو ماشي جمبها خبط ف موبايلها بالغلط والموبايل وقع
الموظف/انا اسف جدا جدا
ونزل ع الارض جاب موبايلها
الموظف/بعتذر جدا بجد مخدتش بالي
احلام اخدت منه الموبايل/ولا يهمك انا برضو مكنتش مركزه
الموظف/انتي موظفه هنا؟ اول مره اشوفك
احلام ابتسمت/هبدأ شغل من بكره ان شاءالله
الموظف ابتسم/طب حلو اوي ..انا اشرف هبقي زميلك هنا ف الشركه
ومد ايده يسلم عليها
ادم راح لهم ومسك ايد اشرف يسلم عليه مكان احلام
وضغط ع ايده بقوه
ادم بغضب حاول اخفاءه/ونا ادم جوزها
اشرف بوجع/ا اه اه اهلا ب حضرتك
احلام كانت واقفه بتوتر وخايفه ادم يعمل مشكله
ادم ساب ايد اشرف وحاول الهدوء/تقدر تتفضل
اشرف مسك ايده بوجع/ احم عن اذنكم
ومشي
و آدم بص ل احلام بغضب وراح ناحيه الاسانسير واحلام راحت وراه بسرعه وركبو الاسانسير وباب الاسانسير قفل
احلام/احم ادم ا
ادم بغضب/انا مش عايز اسمع صوتك ي احلام
احلام/طب انا عملت اي طيب . والله ما غلطت ف حاجه
ادم بغضب وغيره مسك دراعها/واقفه بتعملي اي مع راجل غريب لاء وكمان بيمد ايده عايز يسلم عليكي ..لولا اني مش عايز اعملك مشكله ف مكان شغلك من اول يوم كنت كسرت له دراعاته ل الاتنين وخليته ميعرفش يسلم ع حد طول عمره
احلام/والله ي ادم انا كنت واقفه ماسكه التليفون وهو خبط فيه بالغلط ف وقع واعتذر مني وقالي انه زميلي ف الشركه هنا وانا اصلا مكنتش هسلم عليه وهسيبه وامشي
ادم ساب دراعها واتنهد بغضب
ادم بغيره/لو عرفت ان اي موظف من زفت الموظفين ال هنا قرب منك انا مش هسيب في حته سليمه وانتي هتسيبي الشغل
احلام بابتسامه ومبسوطه من غيرته عليها
احلام/حاضر ي حبيبي هعملك ال انت عايزه
ادم بصلها /ي اي
احلام ابتسمت/حبيبي
ادم ابتسم وقرب منها واحلام رجعت ل ورا وخبطت ف مرايه الاسانسير
ادم حط ايده ع المرايه حوالين راسها
احلام ابتسمت /ادم احنا ف الشركه
ادم وهو باصص ف عينها/ انا لسه متصالحتش
احلام ابتسمت وباسته من خده
احلام/طب وكدا؟ اتصالحت
ادم ابتسم وقرب منها وباس شفايفها والاسانسير وصل
احلام بعدت عن آدم بخجل ورجعت شعرها ورا ودنها وباب الاسانسير فتح
و ادم ابتسم ومسك ايدها وطلعو برا الاسانسير
وطلعو برا الشركه و رضا كان واقف جمب عربيته منتظرهم
ادم واحلام راحو ل عربيه رضا
ادم ل احلام/اركبي يلا ونا هخلص كام حاجه ف الشغل وهرجع
احلام ابتسمت /اوك بس متتأخرش
آدم باس ايدها/حاضر
واحلام ركبت العربيه
ادم ل رضا/وصلها البيت وخلي بالك منها .معاك الحرس؟
رضا/اه ي آدم بيه متقلقش
ادم هز راسه /تقدر تمشي
و رضا ركب العربيه وساقها وانطلق
و ادم ركب عربيته وانطلق ل الاسطبل
وبعد نص ساعه وصل
ونزل من العربيه ودخل الاسطبل
ودخل الاوضه
لقي ف الاوضه الدكتور واقف و جمبه فراس و المريض نايم ع السرير وصاحي
واول ما شاف ادم حاول يقوم بخوف بس اتوجع
ادم وهو باصص ع المريض/سبنا لوحدنا ي دكتور
الدكتور هز راسه بموافقه وطلع برا الاوضه
الراجل بخوف/متأذنيش ..انا عايز اعيش متأذنيش
وكح بوجع
ادم شده من هدومه بغضب وقعده والراجل كان بيتوجع
ادم/تقولي حالا انت تبع مين .ومين ال قالك انت والرجاله ال معاك تحاول تقتلني انا ومراتي
الراجل/
ادم طلع السلاح من ورا ضهره بغضب وعمره وحطه بتجاهه
ادم بغضب/انطققققق
الراجل بخوف/ح حاضر .هقولك ع كل حاجه بس متقتلنيش
ادم نزل السلاح من عليه
الراجل بلع ريقه بخوف/اا الصقراوي..الصقراوي هو ال قالي انا والرجاله ال كانو معايا نقتلكم انتو الاتنين..ع علشان اخدت منه صفقات كتير حب ينتقم منك
ادم مسح وشه ب ايده واتوعد ل الصقراوي ينهيه من ع وش الدنيا
ادم/ودا مكانه فين
الراجل/معندوش مكان محدد ..عنده مصانع كتير ف مناطق مختلفه بيقابلنا فيها وكل المصانع دي مليانه رجاله مسلحه علشان لو حد فكر يقتحم عليه المكان ..بس انا والله العظيم معرفش الا مكان مصنع واحد. وهو ف ****
ادم طلع السلاح وضربه طلقه ف نص دماغه والراجل مات
فراس/مش بعيد الصقراوي يكون هو كمان ال أمر يقتل احلام ورجالته ضربوك الطلقه
ادم بغضب وعصبيه/ خد رجاله وروحوا شوفو هو موجود ف المصنع ال الحيوان دا قال عليه ولالاء ..ولو مش موجود فيه دورولي ف كل المصانع بتاعته ال ف البلد
فراس/حاضر حالا
وطلع برا الاوضه
مساءا في القصر
احلام دخلت البيت
لقت روان قاعده مع طارق ف الصالون
ومالك نزل من غرفته بعد ما لبس علشان يقابل جنات ويتعشو سوا
احلام بابتسامه/مساء الخير
الكل/مساء النور
طارق ابتسم/باين عليكي مبسوطه ..ربنا يجعلك مبسوطه ديما
احلام بابتسامه/ادم خدني شركه تصميم ازياء كبيره من ال كان نفسي اشتغل فيهم من زمان..هبدأ من بكره
روان قامت حضنتها بفرحه/مبرووك
احلام بابتسامه/الله يبارك فيكي ي حبيبتي
طارق بابتسامه/مبروك .الف الف مبروك
احلام بابتسامه/الله يبارك ف حضرتك
مالك ابتسم/روان ورتنا تصاميم من تصاميمك وانتي فعلا شاطره ..الف مبروك
احلام ابتسمت/الله يبارك فيك
طارق /دخليني ي روان ي بنتي اوضته اخد الدوا علشان نسيته
روان/حاضر
طارق/يلا عن اذنكم
احلام/طبعا اتفضل
وروان مسكت كرسي طارق ودخلو الاوضه
ومالك بص ف موبايله
احلام ابتسمت/انت رايح ميتينج شغل او حاجه
مالك /احم بصراحه لاء ..هتعشي برا
احلام ابتسمت/مع جنات اكيد
مالك ابتسم /انتي عرفتي منين
احلام/لما جت المستشفى مكنش باين عليكم انكم مجرد مدير ووموظفه..لايقين ع بعض يعني
مالك / بس مفيش بينا حاجه
احلام/عامة انها حبيتها اوي يعني ممكن تجبها تبقي سلفتي عادي
مالك ضحك
واحلام ابتسمت
روان طلعت من غرفه طارق
روان /مش هتقولي برضو رايح فين بالشياكه دي كلها
سيف/انتي مالك ي لمضه انتي
روان/ماشي ماشي ..مسيري هعرف ع فكره
سيف/ماشي ي اختي..يلا عن اذنكم انا ماشي
وطلع برا القصر
احلام/ هطلع اغير هدومي
روان /هاجي معاكي علشان عيزاكي ف موضوع
احلام/تعالي
وطلعو سوا غرفه احلام
عند احلام اخدت شاور وغيرت هدومها ل توب رصاصي كات وبنطلون بيجاما وعملت شعرها كعكه عشوائيه
وراحت ل روان ال قاعده ع الكنبه وسرحانه
احلام قعدت جنبها/في اي بقي .احكيلي
روان/احم ..كريم عامل حفله بليل ف بيته ل صحابنا وكدا يوم ننبسط فيه .وعايزني اجي .الحفله الاسبوع الجاي
احلام/حفله و ف بيته؟ بمناسبه اي دي
روان/من غير مناسبه for fun يعني
احلام/وإنني طبعا رفضتي ..لانك اصلا مينفعش تروحي
روان/بصراحه ي احلام انا حابه اروح..اصل كل صحابنا ف الجامعه رايحين وهننبسط سوا
احلام/مينفعش ي روان تروحي طبعا .اكيد زمايلك دول شباب وبنات ولو حد من ادم او مالك عرف بالذات ادم هيحصل مشكله كبيره وانتي عارفه
روان/مهو اي ال هيعرفهم بس ..انا هقول لهم اني رايحه عيد ميلاد واحده صحبتي وساعتين ومش هتأخر ومش هيمانعو طالما معايا الحرس
احلام/وهتعملي اي ف موضوع الحرس .لو خدو بالهم انك رايحه بيت شاب مش صحبتك
روان/لاء مش هياخدو بالهم هيعرفو منين يعني .
احلام اتنهدت
وباب الاوضه انفتح وادم دخل وهو معاه علبه هديه صغيره
احلام ابتسمت /حمد لله ع السلامه
ادم/الله يسلمك
روان قامت/طب هسيبكم انا وهروح انام ف اوضتي شويه .تصبحو ع خير
احلام/وانتي من اهل الخير ي حبيبتي
وطلعت برا الغرفه
احلام قامت
ادم طلع من كيسه الهديه ال معاه علبه قطيفه
ادم/جبتلك دي .. يعني يارب تعجبك
احلام ابتسمت/بجد دي علشاني
وخدت منه ال علبه وفتحتها وكان انسيال الماظ وشكله تحفه
احلام بابتسامه/الله ..دا شكله حلو اوي اوي
ادم/عجبك بجد؟ انتي عارفه يعني انا مبعرفش انقي هدايا اوي بس ا
احلام بابتسامه/عجبني بس ؟دا تحفه..وشكله غالي اوي انا مكنتش محتاجه حاجه غاليه كدا كفايه عندي انك فكرت فيا وجبتلي هديه
ادم قرب منها ورجع خصله من شعرها ورا ودنها
ادم/مفيش حاجه ف الدنيا دي تغلي عليكي
وباس شفايفها
احلام ابتسمت وحضنته وادم ابتسم وحضنها بقوه
احلام /ربنا يخليك ليا
ادم ابتسم وباس راسها
احلام ابتسمت وعارفه ان ادم بيعمل معاها حاجات ..
اول مره يعملها ف حياته ف سبيل انها تبقي مبسوطه. يعني مثلا عمره ما جاب هديه ل حد قبل كدا .ديما بيحط فلوس ف حساب مالك وروان ويجبو ال هما عايزينه اما هو نزل مخصوص مكان ودور ل احلام ع انسيال يعجبها ويليق بيها
احلام طلعت من حضنه
ادم/هدخل اخد شاور
احلام ابتسمت/اوك
و ادم دخل خد شاور وغير هدومه ل تيشرت اسود بنص وبنطلون اسود
واحلام قعدت ع الكنبه ترسم تصاميم
ادم طلع من الحمام وقعد ع السرير وحط ايده ع صدره مكان الطلقه بوجع
احلام بصتله وراحت له بسرعه بقلق/انت كويس؟الجرح بيوجعك
ادم/مفيش حاجه انا كويس
احلام بقلق/طب اخلع التيشيرت وريني الجرح
ادم/مفيش حاجه ي احلام بقولك كويس
احلام/ي ادم علشان خاطري وريني
ادم اتنهد وخلع التيشيرت
والجرح كان بينزف شويه
احلام /شفت بقي اهو جرحك بينزف وحنا مش واخدين بالنا بسبب الاسود ف اسود ال انت بتلبسه دا
وجابت من الدرج الإسعافات الاوليه وقعدت جمبه وبدأت تضمد له الجرح وآدم كان مراقب كل حركه بتعملها ومبتسم
ادم باس شفايفها ورقبتها واحلام ابتسمت و موبايل ادم رن
ادم اتنهد واحلام ضحكت
ادم بعد عن احلام ورد ع الموبايل
ادم/تمام ....ف الشركه نتكلم ف الموضوع دا
وقفل المكالمه واحلام بتغير ع جرحه
احلام بصتله/انا بوجعك ؟
ادم هز راسه ب لا
ادم باس ايدها/انتي مستحيل توجعيني
احلام ابتسمت وخلصت تضميد الجرح
احلام / بس انا زعلانه منك علشان بتهمل ف نفسك وبتتعب نفسك ف الشغل وانت المفروض ترتاح لحد ما الجرح يلم خالص..ممكن علشان خاطري تخلي بالك من نفسك اكتر من كدا
ادم /تعالي
وخدها ف حضنه وباس راسها
واحلام ابتسمت بحب
احلام/ينفع اطلب منك طلب
ادم/ اطلبي ال انتي عيزاه
احلام طلعت من حضنه/ انا عايزه اشوف بيتكم القديم ال انت كنت عايش فيه مع مامتك واخواتك..ينفع نروح ف اقرب وقت ؟
ادم اتنهد ولبس التيشيرت بتاعه
ادم/عايزه تشوفيه لي
احلام ابتسمت/عايزه اشوف كنت عايش فين زمان .وعايزه اشوف صورك وانت صغير واشوف صور مامتك
ادم هز راسه بموافقه/ماشي
احلام بابتسامه باست خده/شكرا
ادم ابتسم وخدها ف حضنه تاني وباس راسها
في مطعم
عند مالك و جنات
قاعدين ع طربيزه
ومالك كان بيبص ل جنات وسرحان ف حلاوتها
كانت لابسه دريس بيج و لامه شعرها وحاطه ميكب خفيف وكان شكلها حلو اوي
جنات بخجل/هتفضل باصص لي كدا كتير؟
مالك ابتسم /شكلك زي القمر
جنات ابتسمت /ميرسي ي مالك بيه .
مالك/لاء مالك بيه اي بقي ..مالك بس
جنات ابتسمت/وانت بقي بتعمل كدا مع كل موظفاتك؟
مالك ابتسم /مش يمكن انتي مختلفه عنهم؟
جنات ابتسمت
جنات/شكرا انك جبتني هنا المكان حلو اوي
مالك ابتسم/فرحت انه عجبك
جنات/تصدق انا معرفش حاجه عنك خالص.احكيلي عنك شويه لحد ما الاكل ييجي
مالك /انا ي ستي امي متوفيه من ونا صغير كنت ١٥ سنه تقريبا ..عايش مع عيلتي..ال هما بابا طارق ال انتي شفتيه و اخويا الكبير ادم ..وروان و احلام ال انتي شفتيهم
جنات ابتسمت/ربنا يخليهوملك يارب
مالك ابتسم/يارب ..وانتي عايشه مع مين
جنات/بابا متوفي من ونا صغيره وعايشه مع ماما ومعنديش اخوات ..كانت تعبانه اوي اوي الفتره ال فاتت ولسه عامله عمليه قريب
مالك/ازاي متقوليش حاجه زي كدا من بدري..مامتك عملت العمليه امتي
جنات/من كام يوم تقريبا ف نفس الوقت ال اخوك عمل العمليه فيه.ومرضتش اقولك علشان انت كان فيك ال مكفيك
مالك /برضو مهما كان كان لازم تقوليلي ..ان شاءالله انا هاجي ازورها قريب .الف سلامه عليها
جنات بابتسامه/الله يسلمك ..تنور اي وقت
مالك ابتسم
جنات موبايلها رن وكان الراجل ال تبع الصقراوي
جنات كنسلت بسرعها بتوتر
مالك/في حاجه؟ انتي كويسه
جنات حاولت تبتسم/ا اه اه انا تمام .دي واحده صحبتي بس بتطمن عليا
مالك/ردي عادي
جنات/لا مش مشكله انا لما اروح هكلمها
مالك /ماشي ال يريحك
جنات بلعت ريقها وتضايقت من نفسها اوي وهي بتكذب وهي باصه ف عينه ..مالك أطيب واحن قلب شافته قبل كدا وعمر ما حد كان حنين عليها قده ..وميستاهلش ال هي بتعمله في دا
والاكل وصل والجارسون بدأ يحطه ع الطربيزه
في القصر
في غرفه ادم و احلام
احلام نايمه ع السرير بس صاحيه
مش عارفه تنام من كتر الحماس وانها هتبدأ شغل ف شركه كبيره حلمت تشتغل فيها من زمان
ادم دخل الغرفه بعد ما كان ف اوضه المكتب
ادم قفل الباب /انتي لسه منمتيش
احلام/لاء مش عارفه انام
ادم/طب نامي يلا
احلام/طب تعالي نام انت كمان
ادم/ هعمل كام مكالمه للشغل الاول
احلام/لاء كمل شغل بكره وتعالي نام جمبي علشان خاطري
ادم ابتسم و حط الموبايل ع الكومودينو وراح نام جنبها واحلام ابتسمت ونامت ف حضنه وادم خدها ف حضنه وغطاها كويس
ادم بيملس ع شعرها/مش عارفه تنامي لي
احلام بابتسامه/مبسوطه اني هبدأ شغل ف الشركه بكره
ادم ابتسم وباس راسها
ادم/طب حاولي تنامي يلا علشان تعرفي تصحي بدري للشغل
احلام ابتسمت/حاضر
احلام/ادم
ادم/قولي
احلام/حاول تقرب من مالك شويه وروان كمان ..يعني انا عارفه يومك كله بتبقي مشغول ف الشغل وبترجع بليل بس حاول تفضي شويه وقت علشانهم.. قولهم ان انت جمبهم وبتحبهم وهتفضل ف ضهرهم
ادم/ا انا مبعرفش اقول كدا .انا مبعرفش اعبر او اقول كلام زي دا
احلام بصتله ف عينه/انا عارفه ..وعارفه كمان ان انت مبتحبش قدهم ف الدنيا دي ومستعد تفديهم بروحك..بس حاول تعبرلهم ب دا وتقرب منهم اكتر..حاول ونا هساعدك وهفضل جمبك طول العمر
ادم باصص ف عينها وباس راسها وباس خدها
ادم/انا مش عارفه من غيرك كنت عايش ازاي ...مكنتش عايش اصلا
وباس ايدها
وأحلام ابتسمت بحب ونامت ف حضنه تاني وحضنته بقوه
في اليوم التالي
صباحا
ادم سايق ولابس تيشرت اسود وعليه جاكيت اسود وبنطلون اسود
واحلام جمبه لابسه بليزر ازرق وتحته توب ابيض وبنطلون اسود ولابسه هيلز سودا
ادم وقف قدام الشركه وبصلها
ادم/زي ما اتفقنا ي احلام ..ملكيش دعوه ب اي موظف هنا ولو اي حد فكر يضايقك او يتعرضلك هتعرفيني فورا ...و هتلاقي تحت الشركه رضا والحرس مستنينك
احلام ابتسمت/حاضر ي آدم بيه اي أوامر تاني
ادم/لاء خلاص
احلام قربت منه و باسته من خده/هتيجي تاخدني؟
ادم ابتسم/هاجي اخدك..خلي بالك من نفسك
وباس راسها
احلام ابتسمت/حاضر
وخلعت حزام الامان ونزلت من العربيه وطلعت الشركه
و ادم شاور ل رضا ال واقف جمب عربيته ورضا شاور له وآدم شغل العربيه وانطلق ع شغله
في جامعه روان
خلصت محاضرات وطلعت مع زمايلها من المدرج
رنا و محمد
رنا/هتيجي الحفله ال كريم عاملها ف بيته طبعا
روان/احتمال بس مش اكيد
محمد/ازاي بقي مش كفايه مجتيش عيد ميلاد رنا صحبتك
رنا/متفكرنيش ي محمد علشان بجد كل ما بفتكر بزعل منها
روان/لو تعرفي ظروفي والله هتعزريني ..حصل كام ظرف ف البيت كدا ومعرفتش اجي
رنا/خلاص يبقي تيجي حفله كريم وننبسط سوا
روان/ان شاءالله
في شركه مالك طلع من مكتبه وراح ل جنات ال قاعده تشتغل ع مكتبها
جنات انتبهت له وقامت
جنات بابتسامه/حضرتك محتاج حاجه اعملهالك
مالك ابتسم/عرفي مامتك اني هاجي ازورها بكره بعد ما نخلص شغل .هنروح سوا
جنات ابتسمت/تمام هقول لها
مالك/تقدري تكملي شغلك
وراح مكتبه وجنات ابتسمت وقعدت ع مكتبها تاني
قبل المغرب
قدام الشركه ال بتشتغل فيها احلام
ادم واقف جمب عربيته مستنيها وقال ل رضا والحرس يرجعو ع القصر
وبيتكلم ف التليفون ف شغل
نزل من الشركه موظفه في العشرينات لابسه بليزر وعليه جيبه قصيره وهيلز وكانت شيك جدا
بصت ع ادم ب اعجاب ال واقف يتكلم ف التليفون
البنت ب اعجاب/دا اي ال قمر دا ..هو في حلاوه وشياكه كدا
ادم خلص كلام ف التليفون
والبنت راحت له بابتسامه
البنت /هاي
ادم/
البنت بابتسامه/حضرتك ادم الحديدي صح؟ غني عن التعريف ..انا رهف موظفه هنا ف الشركه
ومدت ايدها تسلم
ادم مسلمش عليها/اهلا
رهف شالت ايدها ب احراج
احلام نزلت من الشركه بابتسامه و شافت آدم واقف مع بنت حلوه ولابسه ملفت وواقف بتكلمه بابتسامه و بتبص له ب إعجاب
احلام كانت هتولع من الغيره
وراحت لهم
ادم ابتسم ل احلام وخدها ف حضنه/خلصتي؟
احلام بابتسامه عكس النار ال جواها بس كان لازم تغيظ رهف
احلام /اه ي حبيبي خلصت
رهف بغيظ بصت ع الدبل ال هما لابسينها
رهف بابتسامه صفرا/مكنتش اعرف ان حضرتك متجوز واحده موظفه معانا ف الشركه
ومدت ايدها تسلم عليها
احلام سلمت عليها بغيظ
رهف/مش محتاجه اقولك لو احتاجتي اي حاجه كلميني .انا شغاله هنا بقالي كتير اوي
احلام بغيظ/اكيد طبعا
رهف/عن اذنكم
ومشيت
احلام بعدت عن حضن ادم بغضب وراحت ركبت العربيه بغيظ
وآدم استغرب تغيرها المفاجئ وراح ركب العربيه
ادم بصلها/في اي
احلام ربعت ايدها/لاء ابدا مفيش حاجه
ادم/لاء في حاجه..اي ال حصل ل قلبة وشك دي
احلام بغضب وغيره/مين دي ي آدم ال عماله تبص لك ب إعجاب ولا مالي عينها انك متجوز حتي ..سايبها واقفه معاك تهزر وبتضحك ونا لو وقفت بس مع موظف ٥ ثواني بتخرب الدنيا
ادم بيحاول الهدوء/وطي صوتك
احلام بغضب/لاء ي آدم مش هوطي صوتي وفهمني مين دي
ادم بغضب/ قلت لك قبل كدا ام صوتك دا ميعلاش قدامي ..ودي واحده معرفهاش موظفه معاكي ف الشركه جت ترغي قدامي ب كلام مهتمتلوش واستنيتك تنزلي من الشركه وبس
احلام ربعت ايدها بزعل/تمام ماشي
ادم اتنهد وشغل العربيه وانطلق ب اتجاهه البيت
بعد شويه وصلو قدام القصر واحلام نزلت من العربيه وكانت هتدخل القصر
ادم نزل من العربيه وراح لها مسك دراعها وقفها
احلام /سيب دراعي بعد اذنك ي آدم
ادم/هتخلي واحده زي دي تخلينا نزعل من بعض..انا اول مره اشوفها كان النهارده ومعرفهاش
احلام بغيره/طالما متعرفهاش اي العشم ال فيها دا ..كانت هتاكلك ب عنيها وبتبص لك وهي مبسوطه وعماله تهزر وتدلع ..انا كان هاين عليها امسكها من شعرها الأصفر دا واحطها تحت رجلي
ادم ضحك ومبسوط من غيرتها عليه
واحلام اول مره تشوفه بيضحك وكان شكله حلو اوي وابتسمت
بس تراجعت بسرعه
احلام /عن اذنك انا هدخل
ودخلت القصر
وادم دخل القصر وراح وراها وهو بيضحك
ف الصالون كان قاعد طارق ومالك وفراس وروان بصو لبعض بصدمه ل آدم ال مبسوط وبيضحك
طارق ابتسم بفرحه من تغيير احلام ل ادم الملحوظ والفرح والسعاده ال دخلته ل قلبه
ادم بص لهم/مالكم في حاجه؟
مالك/ل لاء
فراس/ابدا مفيش حاجه
ادم طلع غرفته
روان بابتسامه/انا مش مصدقه ..انا اخر مره شفت ادم بيضحك كان عندي ٧ سنين
مالك ابتسم/ولا انا مصدق
فراس/بقي دا ادم ال معايا ف الشغل
طارق بابتسامه/ربنا يديم عليه الضحك والفرح يارب
الجميله والوحش
البارت ال 13
مساءا في القصر
في غرفه ادم
احلام اخدت شاور وغيرت هدومها ل بيجاما نوم
وقاعده ع السرير بترسم تصاميم
ادم دخل الغرفه واحلام تجاهلته بزعل وكملت رسم
ادم راح لها وقعد جمبها ع السرير
ادم بص لها/لسه زعلانه مني؟
احلام من غير ما تبصله/لاء هزعل لي
ادم/طب بصيلي
احلام بصتله/ولو مبصتش هتعمل اي .هتزعقلي وتتعصب عليا زي ما عملت من شويه؟
ادم مسك ايدها وباسها /وهو ينفع برضو تعلي صوتك عليا؟ مش انتي عارفه اني دي اكتر حاجه بتضايقني
احلام بزعل وغيره/عايزني اعمل اي يعني لما انزل من الشركه الاقي الصفرا دي بتهزر معاك وبتبصلك ب الطريقه دي والعشم واخدها
ادم رجع خصلها من شعرها ورا ودنها/ونا قلت لك انا معرفهاش ولا حتي سلمت عليها لما مدت اياها تسلم .. قبل ما تدخلي حياتي كان ممكن اعمل اي حاجه مع اي بنت بس دلوقتي مستحيل اسمح ل اي واحده تلمس ايدي حتي
احلام بغيظ/خلي واحده تجرب تقرب منك بس وشوف انا هعمل فيها اي
ادم ابتسم وباس خدها ورقبتها
ادم/انتي تعملي ال انتي عيزاه
واحلام ابتسمت بحب بس تراجعت
ادم/لسه زعلانه مني
احلام ربعت ايدها بزعل زي الأطفال/ايوا
ادم /طب انا جايبلك هديه ع فكره
وجاب من جمبه شنطه فيها 3 كتب
احلام هزت راسها بمعني مفيش فايده /يعني مش كنت تعتذر اسهل ؟بس ازاي ادم بيه الحديدي يعتذر من حد ..كنت مفكره اني هقدر اغير دا بس مفيش فايده
ادم/يعني مش هتشوفي الهديه؟هتعجبك ع فكره
احلام /لاء شكرا مش عايزه اشوف حاجه
ادم طلع من الشنطه ال 3 كتب
ادم/خلاص بقي هرجع الكتب دي اصلا مفيش حد هنا ف البيت بيحب يقرأ كتب وروايات غيرك
احلام بصت ع الكتب لقت 3 كتب دورت عليهم كتير اوي بس كانو خلصانين وزعلت انها مقدرتش تقرأهم
احلام بابتسامه خدت الكتب منه
احلام بابتسامه/انت لقتهم فين..دورت عليهم كتير اوي ملقتهمش .واصلا عرفت منين اني نفسي اجبهم
ادم رجع خصله من شعرها ورا ودنها وهو مركز مع عينها وضحكتها ال بيعشقهم
ادم/لازم اكون عارف كل حاجه عن مراتي بالذات الحجات ال بتفرحها
احلام ابتسمت وحضنته
ادم ابتسم وحضنها بقوه
ادم/لسه زعلانه؟
احلام ابتسمت/لاء خلاص مش زعلانه
ادم ابتسم وباس راسها و طلعها من حضنه
ادم/بعد شغلك بكره هاخدك ونروح نزور اهلك .هما اكيد وحشوكي
احلام بابتسامه باست خده
احلام/انا بحبك اوي
ادم قرب منها وباس شفايفها
وبعد ثواني بعد عنها
ادم/ونا مقدرش اعيش من غيرك
وباس شفايفها تاني وبدأ يفك زراير البيجاما بتاعتها
في اليوم التالي
عصرا
بعد شغل آدم واحلام
في منزل كرم
قاعد ف الصالون كرم و ادم و حمزه
كرم/واخبار صحتك اي
ادم/الحمد لله بقيت احسن
كرم/طب الحمد لله يارب ديما
ليليان طلعت من غرفتها بابتسامه وهي بتلعب ب اللعبه ال ادم جبهالها هديه
ليليان ابتسمت/حلوه اوي ي اونكل ادم اللعبه
كرم/شكرتي اونكل ادم ي لي لي
ليليان بابتسامه/شكرا
ادم ابتسم/العفو ع اي
احلام طلعت من المضبخ و ف ايدها صينيه شاي وحطتها ع الطربيزه وقعدت وبتحكي لهم عن شغلها الجديد وقد اي هي مبسوطه فيه وكرم وحمزه كانو فرحانين لها انها قدرت تحقق حلم من حلمها ف مجال تصميم الازياء
احلام بابتسامه/والشركه كبيره وتحفه
كرم بابتسامه/الف الف مبروك ي حبيبه ابوكي ع الشغل الجديد ..تستاهلي المكان ال انتي في واحسن كمان
وخدها ف حضنه
احلام بابتسامه/حبيبي ي بابا
حمزه بابتسامه/الف مبروك ي روح قلبي
احلام ابتسمت/الله يبارك فيك ي حبيبي
ادم جاله مكالمه
ادم ل كرم/عن اذنك
كرم/اتفضل ي ابني
وآدم دخل البلكونه يرد ع التليفون
وبعد شويه خلص كلام
حمزه خد كوبايتين شاي وراح البلكونه ل آدم
حمزه/شايك هيبرد
ادم خد منه كوبايه
وبدأو يشربو الشاي
حمزه/واضح ان احلام مبسوطه اوي معاك ..شكلي غلطت لما طلبت منك تبعد عنها وتسيبها
ادم/حاولت أعمل دا ومقدرتش ..
انا مقدرش اكمل حياتي من غيرها .
حمزه/انا كل همي بس انها تفضل مبسوطه وبخير ومتشفش وحش ابدا ..ولما اتعرضتو للخطر انا كنت هتجنن ع اختي ..وكنت عايزها تبقي ف أمان ب اي طريقه
ادم/انا افدي احلام ب روحي ومستحيل اسمح ب اي حد يأذيها مهما كان مين طول ما انا عايش.ف اطمن ..ي ابن حمايا
حمزه ابتسم /ماشي ي جوز اختي..اشرب اشرب الشاي
ادم ابتسم وبيشرب ف الشاي
في حي شعبي بسيط
في منزل جنات
قاعد ف الصالون مالك وام جنات
مالك/و الف الف سلامه ع حضرتك .انا عرفت من جنات متأخر والله .لولا كدا كنت جيت ل حضرتك من بدري
ام جنات بابتسامه /الله يسلمك .فيك الخير والله ي ابني.
مالك ابتسم
ام جنات/جنات حكت لي أن برضو اخوك كان عمل عمليه ..اخبار صحته اي دلوقتي
مالك/الحمد لله بقي زي الفل
ام جنات ابتسمت/طب الحمد لله
جنات طلعت من المضبخ وهي ف ايدها صينيه عليها قهوه
وقدمت ل مالك بابتسامه
مالك ابتسم واخد منها فنجان قهوه
وجنات حطت الصينيه ع الارض
الام /عملالك كيكه بقي إنما اي .هتحبها اوي اوي...استني ابص عليها ف الفرن ..عن اذنك
مالك/طبعا اتفضلي
والأم قامت ودخلت المضبخ
وجنات قعدت
مالك/ربنا يخليهالك يارب
جنات ابتسمت/ياارب .انا مليش غيرها ف الدنيا دي
مالك/بعد كدا لو انتي ومامتك احتاجتو اي حاجه مهما كانت هي اي هتعرفيني فورا .ولو حصل غير كدا هتبقي مشكله ما بينا
جنات ابتسمت/حاضر
مالك ابتسم
جنات/صحيح كنت قايلي انك كنت عايش زمان ف حاره شبهه دي ..مش ناوي تحكيلي؟ هموت واعرف اي الحصل
مالك/مفيش ي ستي . زمان كنا عايشين ف حاره زي دي وبيت بسيط. مع ماما الله يرحمها .وبابا واخواتي..وكنا مبسوطين ومرتاحين حتي وحنا عايشين ع قدنا ..وبعد ما امي ماتت .. ادم علشاننا بدأ يشتغل من وهو صغير وبدأ يكبر من نفسه واسمه .. علشان يعيشنا عيشه كويسه و منحتاجش لحد
جنات بابتسامه/ربنا يخليهولكم يارب ...باين عليه بيحبكم اوي
مالك ابتسم/يارب
مساءا
ف القصر
ادم واحلام نزلو من العربيه ودخلو القصر
وكان موجود ف الصالون طارق و مالك و روان
احلام بابتسامه/مساء الخير
مالك وروان/مساء النور
طارق بابتسامه/حمد لله ع السلامه
احلام ابتسمت/الله يسلمك
احلام همست ل آدم
احلام/خد روان و روحو اتمشو شويه
ادم بص ل احلام
احلام /ع ما اظن عمرك ما اخدتها وخرجتو او حتي اتمشيتو سوا.. ف خدها تشم هوا شويه
ادم ل روان ال قاعده ع الكنبه
ادم/قومي عايزك
روان بصتله/في اي
ادم/تعالي هنتمشي شويه
روان بابتسامه ومش مصدقه
روان/ماشي يلا
طارق ومالك ابتسمو
وروان اخدت موبايلها والجاكيت بتاعها وطلعت هي وآدم برا القصر
واحلام ابتسمت
بعد نص ساعه
عند آدم و روان
ادم ركن العربيه امام محل ايس كريم
و روان واقفه جمب العربيه و آدم جاب ايس كريم وعدي الطريق وراح ل روان
روان بابتسامه اخدت منه الايس كريم
آدم /اجبلك حاجه تانيه؟
روان بابتسامه/لا شكرا دا حلو اوي
ومش مصدقه ان ادم مخرجها وجاب لها ايس كريم زي ما كان بيجب لها وهي عندها ٦ سنين
وبدأت تاكل
روان ابتسمت/فاكر لما كنت بتاخدني ف ايدك وبتجبلي ايس كريم ونا صغيره ؟ كان عندي ٦ سنين تقريبا ..وكنت لازم اخليك تجبلي كل مره بترجع فيها من برا
آدم ابتسم/فاكر .. وكنت لو ف مره نسيت اجبلك ورجعت من غيره تقعدي تعيطي
روان بابتسامه/ايوا و علشان مزعلش كنت بتنزل تاني تجبلي حتي لو ف نص الليل .. حتي مالك كنت بتاخده ياكل معاك كفتة عم حامد علشان بيحبها
ادم ابتسم
روان/كنت حنين عليا انا ومالك ديما يمكن اكتر من بابا ..انا عارفه كويس اوي انك بتحبنا اكتر من نفسك وبتخاف علينا اكتر من نفسك حتي لو انت مبتظهرش دا..ومالك كمان عارف دا كويس ..وحتي لو مبينتش قد اي بتحبنا احنا بنحبك ومنقدرش نعيش من غيرك
آدم حضنها و روان ابتسمت وحضنته ب قوه و ادم باس راسها
بعد ساعه
عند احلام
خدت شاور وغيرت هدومها ل توب كات ابيض وبنطلون رصاصي وعامله شعرها كعكه عشوائيه وقاعده ع السرير بتكلم مريم ف التليفون
مريم بابتسامه/فرحت لك موتت لما عرفت انك اشتغلتي ف الشركه ال كنتي بتحلمي تشتغلي فيها .الف الف مبروك
احلام بابتسامه/حبيبتي ي مريومه الله يبارك فيكي..انتي وحشتيني اوي هترجعي من اسكندرية امتي
مريم/انتي كمان ي روحي وحشتيني
..هانت اهي كلها كام يوم وارجع
احلام/تيجي ب السلامه ان شاءالله
مريم ابتسمت/قولي طيب..انتي مبسوطه؟ انا بصراحه كل مره بكلمك فيها بلاقي صوتك اتحسن عن المره ال قبلها
احلام ابتسمت/مبسوطه اوي ..عمري ما كنت مبسوطه ومرتاحه كدا من يوم وفاه ماما تقريبا
مريم ابتسمت/ربنا يجعلك مبسوطه ديما ي روح قلبي .قلبك الحلو دا يستاهل يفرح طول
وخلصو كلام ف الموبايل و احلام مسكت الكتاب ال جمبها تاني تكمل قرآه
و ادم دخل الغرفه بعد ما رجع هو وروان من برا
احلام بابتسامه/حمد لله على السلامة
ادم ابتسم/الله يسلمك
وباس راسها واعطاها الكيسه ال كانت ف ايده وقعد جمبها
احلام/دا اي
وفتحت العلبه لقت التشيز كيك ال هي بتحبه
احلام ابتسمت/الله تشيز كيك...انا كان نفسي فيه اوي . شكرا
وباست خده
ادم ابتسم وباس شفايفها
ادم/هقوم اخد شاور
احلام ابتسمت/اوك
وقام دخل الحمام
واحلام بابتسامه بدأت تاكل التشيز كيك
بعد شويه ادم خرج من الحمام بعد ما اخد شاور وغير هدومه ل تيشرت اسود بنص و بنطلون اسود
وبدأ يظبط المنبه وحرك رقبته ب تعب ..اليوم النهارده كان مرهق ب النسبه له .خلص شغل واخد احلام من شغلها و راحو زارو أهلها و اخر اليوم اخد روان واتمشو
احلام كانت نايمه ع السرير وبصاله
احلام/تعبان؟
ادم/شويه
احلام فتحت له دراعتها علشان يجي ينام ف حضنها
احلام ابتسمت/تعالي
ادم راح نام ف حضنها وحضنها بقوه ..حضنها دا المكان الوحيد ال بيرتاح فيه ودفن وشه ف رقبتها
واحلام ابتسمت و ادم بدأ ينام واحلام باست راسه وبدأت تنام هي كمان
في اليوم التالي
عصرا
ادم سايق واحلام جمبه
ادم لابس بنطلون اسود و هايكول اسود واحلام لابسه بلوفر زيتي اوفر سايز وبنطلون اسكيني جينز
ووصلو حاره بسيطه وكل ال فيها ناس باين عليها البساطة والطيبه
ادم نزل من العربيه واحلام نزلت هي كمان
احلام بصت ع الحاره بابتسامه ومبسوطه انها هتشوف بيت ادم ال كان عايش فيه وهو صغير
ادم مسك ايدها /تعالي
احلام ابتسمت واخدها وراحو البيت بتاعهم
وآدم طلع المفتاح من جيبه وفتح الباب
ودخلو
وكان البيت بسيط وهادي مكون من 3 اوض و صاله ومطبخ وحمام
و نضيف ومرتب
احلام بابتسامه/البيت تحفه...بس ازاي نضيف كدا ومحدش قاعد فيه
ادم/انا بجيب ناس تنضفه ع طول ..اوقات لما الدنيا بتضيق بيا باجي هنا
احلام ابتسمت وقربت من برواز محطوط ع الطربيزه جمب الكنبه
والصوره فيها العيله كلها ..نور شايله روان وهي عندها سنه تقريبا و طارق ع رجله مالك عنده 7 سنين وجمبه ادم 10 سنين طارق واخده ف حضنه وكان كلهم مبتسمين وباين عليهم مبسوطين
احلام ابتسمت/مامتك زي القمر ..كان شكلك حلو اوي وانت صغير ..كنت شبهها
ادم ابتسم
احلام بصت ع اوضه من الاوض وبصت ل آدم
احلام/دي اوضتك؟
ادم هز راسه ب اه
احلام دخلتها ب ابتسامه وآدم راح وراها
وكان الاوضه فيها سرير صغير ودولاب وطربيزه وكرسي للمذاكرة وعليها كتب
والحيطه مليانه استيكرات وصور للممثلين ومغنيين اجانب و رجاله بتلعب مصارعه كان بيحبهم وهو صغير
احلام جابت صوره من صور ممثلين محطوطه ع الطربيزه وكانت صوره فيها مصارعه بين اتنين رجاله
احلام /اي دا؟
ادم/كنت بتفرج ع المصارعه وبحبها ونا صغير
احلام ضحكت وهزت راسها بمعني مفيش فايده
احلام/طيب ممكن توريني صوركم وانتو صغيرين؟ اكيد مخبي صور غير الصوره ال شفتها برا
ادم راح فتح درج من الإدراج وجاب بوكس اسود
وقعد ع السرير واحلام قعدت جمبه
ادم فتح البوكس وطلع الصور أعطاها ل احلام
احلام مسكت صوره كان مامته شايله ادم فيها
ادم/كان عندي سبع سنين هنا
احلام ابتسمت و بصت ع صوره تانيه وكان ادم ملفوف ب شاش ع راسه
احلام/اي الحصل هنا؟لي متعور
ادم/كان عندي ١٢ سنه ..حد اتخانق مع مالك وضربه ف الشارع ونا رحت اتخانقت مع الشخص ال ضربه و واحد منهم غفلني وضربني ب طوبه..وقتها دماغي انفتحت ورحت المستشفى..بس مزعلتش ولا عيطت اهم حاجه عندي اني اخدت حق مالك ..بس ماما ال زعلت مني وقتها
احلام كانت بصاله بحب وهو بيتكلم و ابتسمت
ومسكت صوره تانيه ادم كان شايل روان فيها وهي عندها سنتين
احلام/واضح روان كانت متعلقه بيك اوي
ادم/مكنتش بتسكت الا مع ماما او معايا
وبص ع صوره تانيه كان فيها نور مبسوطه وبتضحك
ادم مسك الصوره ولمس وش نور وبلع ريقه بحزن
ادم/مكنش فيه أطيب ولا احن منها .كانت بتحب الناس كلها وبتحب لهم الخير ..كانت حنينه علينا حتي وهي كانت بتموت بسبب مرضها
احلام دمعت بحزن ومسكت وشه ب ايدها
احلام/هي ف مكان احسن واكيد ربنا رحمها من التعب ال كانت فيه
وباست خده ادم مسح لها دموعها وباس خدها وباس شفايفها
احلام ابتسمت/بص بقي ...احنا هنقضي اليوم هنا سوا وانا هضبخلك بنفسي
ادم وهو بيمسح لها دموعها/كدا هنتعب احلام هانم
احلام بابتسامه/عمري ما حس ب تعب ونا بعمل حاجه علشانك
ادم باس ايدها
احلام ابتسمت /يلا قوم هاتلي حجات التلاجه من السوبر ماركت
ادم/هاخدك معايا مش هسيبك لوحدك هنا
احلام ابتسمت/مين قال اني هبقي لوحدي
والجرز رن
ادم ب استغراب راح يفتح واحلام راحت وراه
وفتح الباب
روان دخلت بابتسامه/هاي
مالك دخل وهو بيجر كرسي طارق
مالك بابتسامه/اي الأخبار
طارق ابتسم/السلام عليكم
احلام بابتسامه/وعليكم السلام ..تعالو ادخلو
ودخلو الصالون وآدم قفل الباب
ومالك و روان بصو بعنيهم ع البيت وقد اي هما وحشهم ال طمأنينه والهدوء والسعاده ال كانو عايشينها سوا هنا
روان جابت صوره كان عندها فيها ٣ سنين ونور شيلاها
روان ابتسمت/بابا بص.. صوره ليا مع ماما ونا صغيره
مالك ابتسم
وطارق كان بيبص ع كل حته ف البيت .وكان بفتكر ذكرياته مع نور وعياله..وقد اي هو ندمان انه سابهم وراح اتجوز
طارق اخد الصوره من روان وبص فيها ولمس وش نور بحزن وندم
احلام حبت تغير مود حزنهم دا
احلام ابتسمت /مالك ممكن تروح مع ادم تشترو لنا حجات للبيت هنا علشان انا هعمل لكم الغدا النهارده
روان ابتسمت/انتي بتعرفي تطبخي؟
احلام بابتسامه/اه طبعا انا هفاجئكم
طارق ابتسم
مالك ابتسم/ماشي يلا بينا
ادم دخل الاوضه ال كان فيها مع احلام يجيب موبايله ال نسيه
واحلام دخلت وراه
ادم اخد الموبايل وحطه ف جيبه
احلام/انا قلت لهم يجو يقضو معانا يوم وننبسط بس من غير ما اقولك ..زعلت مني؟
ادم ابتسم وباس راسها
ادم/مقدرش ازعل منك
احلام ابتسمت /ربنا يخليك ليا
وباست خده
ادم /دا انا ال ربنا يخليلي قلبك الحنين الحلو دا ليا
وباس ايدها واحلام ابتسمت وطلعو برا الغرفه
بعد ساعه
ادم ومالك جابو الحجات ال ناقصه للمطبخ وحطوها ف المطبخ واحلام بدأت تطبخ وروان معاها بتساعدها
ف الصالون قاعد ادم وطارق ومالك
ادم/اخبار شغلك وشركتك ؟ ماشي كويس
مالك/اه الحمد لله كله زي الفل
طارق ابتسم وبدأ يكح
مالك/بابا انت كويس؟
وناوله مايه بسرعه
طارق شرب شويه
طارق/كويس ي حبيبي متقلقش
ادم/خدت ادويتك؟
طارق ابتسم/اخدتها ..روان ادتهالي قبل ما نيجي
مالك/ نروح نكشف عليك بكره ي بابا نطمن لان بقالك كام يوم تعبان
طارق/لالا مفيش داعي ..انا ال شكلي بودع
مالك مسك ايده/بابا متقولش كدا ربنا يخليك لينا
ادم من غير ما يبصله/بكره نروح نكشف عليك وبالمرة ناخدك عند اكبر دكاتره ف البلد علشان تعرف تقف ع رجلك تاني .وان منفعش نطلع برا مصر
وموبايله رن وقام راح الجنينه يرد
طارق ومالك ابتسمو
طارق بابتسامه/انا مش قادر اصدق ان دا ادم ابني ال كان بيكرهني ومبيطقش يسمع صوتي .دلوقتي قاعد معايا وبيسألني عن ادويتي و هياخدني ل احسن دكاتره كمان
مالك ابتسم وباس ايد طارق
في المضبخ
روان/اوف ريحه الاكل تحفه
مالك دخل المضبخ بابتسامه/انا شامم ريحه اكل جامده
احلام وهي بتقلب صوص البشاميل
احلام ابتسمت/يارب يعجبكم بس
روان/هيعجبنا طبعا انا متأكده
وتليفونها رن ف الصاله وطلعت تجيبه
احلام /محكتليش العشا المميز بتاعك عدي ع خير
مالك ابتسم/اه ..دا احلي عشا عدي عليا ..وهي كانت زي القمر
احلام ابتسمت/قلتلها انك بتحبها
مالك/هو انا كنت المفروض اقول؟
احلام/ايوا طبعا لازم تقول ..هي كمان من نظراتها ليك وال شفته ف المستشفى باين انها معجبه بيك .وانت كمان ..متضيعش وقت وقول لها ع طول
مالك /خايف ترفض ..لانها ملحقتش تعرفني كويس .انا يدوب عرفتها ب اهلي كدا ..انا عايزها تاخد وقتها ف انها تعرفني
وتثق فيا
احلام ابتسمت/طب انا عندي فكره هايله .اعزمها ف البيت عندنا .هاتها القصر .قولها انب عزماها ع العشا..وبكدا تتعرف بينا اكتر
مالك ابتسم/انتي رايك كدا
احلام /ايوا طبعا
مالك ابتسم/ماشي هقول لها ف اقرب فرصه ..شكرا ي احلام بجد
احلام ابتسمت/ع اي احنا اخوات
روان دخلت/انا جعت اوي احنا هناكل امتي
احلام/هانت اهو
ادم دخل المضبخ
روان /اهو حتي ادم جاع اهو
احلام ابتسمت
مالك/هروح ادي دوي بابا ال قبل الأكل
روان/خدني معاك
وخرجوا من المضبخ
احلام ابتسمت ل ادم/جعت؟
ادم/شويه
احلام/نص ساعه بالضبط والاكل هيكون جهز
ادم قرب منها وحاوط وسطها ب ايده بتملك وباصص ف عينها واحلام بصتله ف عينه
ادم/ع مهلك انا مش مستعجل
احلام ابتسمت/ادم سبني ل حد من أهلك يدخل علينا لو سمحت
ادم وهو باصص ف عنيها/انا ميهمنيش حد الا انتي
احلام ابتسمت وآدم باس شفايفها وفي تليفون رن برا
روان من الصالون/احلام موبايلك بيرن
احلام بخجل وتوتر حاولت تبعد عنه بس ادم مش راضي
احلام ابتسمت بخجل/آدم روان جايه علشان خاطري سبني
ادم/هاتي بوسه الاول
احلام ابتسمت وباست خده وبعدين باست خده التاني
احلام ابتسمت/يلا سبني بقي
ادم ابتسم وباس خدها و راسها وسابها
واحلام بعدت عن آدم بخجل وآدم ابتسم
وروان دخلت المضبخ وف ايدها موبايل احلام
احلام اخدت منها موبايلها/اه شكرا ي روان
روان/العفو
بعد نص ساعه احلام و روان بدأو يطلعو الاكل ع الطربيزه ال قاعد عندها ادم وطارق ومالك
احلام و روان حطو كل الاكل
مالك ابتسم/اوووه شكل الاكل تحفه
طارق ابتسم/دا و ريحته كمان ..تسلم ايدك ي بنتي
احلام ابتسمت/الف هنا دوقو يارب يعجبكم
روان قعدت/ونا مش هقدر اقاوم لازم ادوق
واحلام قعدت جمب ادم
والجرز رن ومالك قام يفتح وكان فراس
فراس بابتسامه/السلام عليكم
مالك ابتسم/وعليكم السلام ي اخويا ادخل
فراس دخل وراح لهم
طارق ابتسم/اتفضل ي فراس ي ابني
فراس/انا سمعت ان مرات اخويا ال طابخه النهارده قلت مينفعش افوت حاجه زي دي
ادم/اقعد
فراس قعد جمب روان
فراس ابتسم/عامله اي
روان ابتسمت/الحمد لله .اغرفلك؟
فراس/ياريت
روان اخدت طبق وبدأت تغرف له وفراس ابتسم واخد منها الطبق
و الكل بدأ ياكل و ادم بيحط اكل ف طبق احلام وبدأ ياكل هو كمان وعجبه أكلها اوي ومش هو بس .دا الكل كمان انبهر بيه
احلام بصت ل ادم /حلو؟ عجبك
ادم ابتسم وخدها ف حضنه/الاكل حلو اوي ..تسلم ايدك
وباس ايدها واحلام ابتسمت وفرحت انه عجبه
روان بابتسامه/احلام الاكل تحففففه
فراس/فعلا جامد والله
مالك ابتسم /تسلم ايدك والله فكرني ب اكل ماما الله يرحمها
طارق ابتسم/تسلم ايدك ي حبيبتي
احلام ابتسمت/مبسوطه انه عجبكم الف هنا
والكل بدأ ياكل وهما مبسوطين وبيتكلمو وقضو اليوم كلام وهزار وسهر سوا والكل اتبسط باليوم دا
الجميله والوحش البارت 14
بعتذر جدا عن التأخير بس كنت تعبانه جدا والله بقالي كذا يوم
عصرا في اسطبل الخيول
احلام واقفه بتلعب مع الحصان الأبيض ال بتحبه وبتملس عليه بابتسامه
ادم خرج من جوه الاسطبل و ف ايده ملف وراح ل احلام
احلام بابتسامه بصت ل ادم /انا بعشق الحصان دا..هو ازاي ملوش اسم لحد دلوقتي
ادم/انتي ال ليكي الحق تسميه
احلام/انا؟ اشمعنا انا
ادم/الحصان بقي بتاعك خلاص
واعطاها الملف و احلام بعدم فهم اخدت الملف وكان الحصان مكتوب ب اسمها وبقي بتاعها
احلام ابتسمت وبصتله/لي ي آدم عملت كدا
ادم/مينفعش حاجه تعجبك ومتبقاش بتاعتك
احلام حضنته بابتسامه وادم ابتسم وحضنها بقوه
احلام/ربنا يخليك ليا
ادم ابتسم وباس راسها
احلام طلعت من حضنه بابتسامه
احلام/ينفع نسميه بشري ؟
ادم ابتسم/ينفع
احلام ابتسمت وملست ع الحصان
وراحت تملس ع الحصان الاسود بتاع ادم
وآدم موبايله رن وكان من الشغل
ادم/تمام جاي
وقفل المكالمه
ادم/يلا هروحك وهروح الشركه
احلام بغيره افتكرت مرام
احلام/هاجي معاك
ادم/تيجي معايا فين
احلام بغيره/الشركه ..ولا مش عايزني اجي علشان فيه حاجه
ادم ضحك/هيكون في اي بطلي عبط
احلام بغيره وغيظ/لاء في مرام ال لازقه حواليك ف كل حتي ف الشركه وحتي لما بتخلص شغل بتتصل بيك .انا هاجي معاك الشركه مليش دعوه
ادم ابتسم/ماشي تعالي
احلام ابتسمت/يلا
ومسك ايدها وراحو ناحيه العربيه
في القصر ف غرفه روان
روان /قلت ي كريم احتمال مجيش الحفله
كريم/مفيش حاجه اسمها إحتمال مجيش انا أجلتها كذا مره علشان انتي تبقي موجوده
روان/
كريم بخبث/انتي لو مجتيش ي حبيبتي انا هلغي الحفله خلاص وبجد هزعل منك
روان اتنهدت/خلاص هاجي
كريم ابتسم بخبث/حلو اوي
في شركه مالك
ف مكتبه قاعد بيشتغل بس سرحان ف جنات ال مجتش الشغل من الصبح وبين عليها مبتردش
وقام من المكتب وطلع برا وبص ع مكتب جنات لقاه فاضي
موظفه وقفت قصاد مالك/حضرتك تأمر ب حاجه ي مالك بيه
مالك /احم .هي جنات لسه مجتش
الموظفه/لا مجتش وكلمتها قالت مش هتيجي
مالك دخل مكتبه بغضب
يعني ردت ع الموظفه ومردتش ع كل مكالمته ال من الصبح
قبل المغرب عند آدم واحلام
وصلو قدام الشركه ونزلو من العربيه والشركه كانت كبيره جدا
ادم مسك ايد احلام
وطلعو الشركه سوا وكل الموظفين كانو بيقفو ل آدم احترام واحلام كانت مبهوره ب جمال الشركه وكبرها و التزام الموظفين للشغل وكل موظف بيشتغل ب جهد و بيقفو احترام ل ادم
وراحو ناحيه مكتب آدم والسكرتيره راحت له بسرعه
السكرتيره/حمد لله ع السلامه ي ادم بيه ..حضرتك تأمر ب حاجه
ادم/هاتيلي قهوتي واعملي ل احلام حاجه تشربها
السكرتيره/امر حضرتك
ادم/فراس فين
السكرتيره/ف ميتينج مع العملاء الجداد
ادم/تمام تقدري تمشي
والسكرتيره مشيت
مرام راحت ل آدم بابتسامه اول ما شافته
مرام/اهلا وسهلا ي آدم بيه
ادم/اهلا
مرام بصت ع احلام ب غيظ و احلام كانت بتبص لها بغيره ومسكت ايد آدم وآدم مسك ايدها وباسها
مرام/اه مدام احلام هنا ..اهلا وسهلا
ومدت ايدها تسلم و احلام سلمت عليها بغيظ
مرام بصت ل ادم بابتسامه/محتاجين نتكلم ف الصفقه الجديده ضروري ..ممكن نشرب قهوتنا ونتكلم فيها
احلام بصت ل ادم بابتسامه /ادم حبيبي ممكن نقعد لاني تعبت من الوقفه بقالنا حبه واقفين
مرام بصه بغيظ وهتولع
ادم/اه تعالي ندخل مكتبي
مرام /بس الصفقه ا
ادم /بعدين ي مرام
واخد احلام ودخلو المكتب ومرام ربعت ايدها بغيظ
جوه المكتب احلام سابت ايد آدم وربعت ايدها بغيره
ادم قرب من احلام وحاوط وسطها ب ايده وبص ف عينها
ادم/يعني قدامها تدلعي عليا بالطريقه الحلوه دي ولوحدنا تبعدي عني
احلام بغيظ/لاء مش كدا بس انا مش حابه وجود البنت دي حواليك كدا ي آدم
ادم ابتسم/غيرانه عليا يعني
احلام بصتله /ايوا غيرانه عليك وكل ما بشوفها بتبص لك كدا او تدلع عليك بتجنن ..مينفعش اي بنت تدلع عليك غيري
ادم رجع خصله من شعرها
ورا ودنها/اي ال يرضيكي ونا اعملهولك ...امشيها؟
احلام/لاء حرام برضو تقطع عيشها..انقلها اي فرع تاني او اي شركه تانيه
ادم/اعتبريه حصل
احلام ابتسمت/بجد
ادم /بجد.. انتي متحطيش نفسك ف مقارنه مع حد ..الكون كله ف كفه وانتي ف كفه تانيه ..ف اكيد لو وجود مرام حواليا بيضايقك مش هخليها حواليا تاني
احلام بصتله بحب/انا بحبك
ادم ابتسم وباس شفايفها
ادم/الكلمه دي اوعي تقوليها برا البيت علشان بتقلب كياني كله
احلام ابتسمت وآدم قرب منها وكان هيبوسها تاني
والباب خبط
ادم غمض عينه بغضب وعايز يقتل ال بيخبط ايا كان هو مين
احلام ضحكت وبعدت عنه
ادم اتنهد/ادخل
فراس دخل/ي هلا ي هلا ..مراته اخويا كمان هنا ..عامله اي
احلام ابتسمت/الحمد لله
ادم /عايز اي ي زفت انت
فراس/مش انت كنت طالب مني ملف اخر صفقه . اهو يعم جبتهولك
وحطه ع المكتب
فراس/في اجتماع كمان ساعه مهم جدا متمشيش الا لما تحضره ..العملا عايزين يقعدو معاك انت بالأخص..يلا عن اذنكم
وخرج برا المكتب واحلام جالها مسدجات من روان
روان/احلام انا لبست ورايحه الحفله ال كريم عاملها..قلت ل بابا ان دا عيد ميلادي واحده صحبتي والبودي جارد معايا
ادم بصلها/في حاجه؟
احلام بصتله و ابتسمت /لاء ابدا دي روان بتسألني انا مش ف البيت لي ..هطلع اكلمها برا لان تقريبا مفيش شبكه هنا
ادم /ماشي
واحلام طلعت من المكتب وادم قعد ع كرسيه يبص ع ملف الصفقه
عند احلام رنت ع روان
و روان ردت
روان/ايوا ي احلام
احلام/انتي فين
روان/ف العربيه البودي جارد بتوصلني زي ما فهمتك
احلام/انتي ازاي تعملي حاجه زي كدا ي روان مش اتفقنا انا وانتي انك مش هتروحي الزفت الحفله دي
روان/ما اعمل اي اضطريت أوافق واروح (وقالت بصوت واطي)علشان ميزعلش مني ..متقلقيش عليا كلها ساعه واحده وهرجع البيت
احلام اتنهدت /خلي بالك من نفسك وابعتيلي اللوكيشن للمكان ال ريحاه علشان اكون مطمنه
روان/حاضر يلا باي
واحلام قفلت المكالمه وروان بعتت اللوكيشن وفراس كان رايح ل ادم ولما سمع احلام بتتكلم مع روان وباين عليها التوتر وقف ف جمب يسمع
وطلع موبايله حاول يرن ع روان بس روان مردتش
احلام دخلت مكتب آدم تاني
عند مرام وجمبها موظفه مراقبين احلام من بعيد ومرام مربعه ايدها بغيظ
مرام بغيره/مش فاهمه يعني انا قدامه كل الوقت دا ومبصليش حتي ويتجوز دي ف خلال فتره صغيره ..عجباه في اي دي
الموظفه/لاء بصراحه دي زي القمر ..الموظفين كلهم بيتكلمو عنها
مرام بصت لها بغضب
الموظفه/في اي بقول الحقيقه
موظف راح لهم و ف ايده فنجان قهوه
الموظف/سايبين شغلكم وبترغو ف اي
الموظفه/قاعدين عادي .ما تجيب شويه قهوه
واخدت منه فنجان القهوه
الموظف/شفتو مرات ادم بيه ..بيعرف يختار مشاء الله عليها جامده .
مرام كانت بتسمع الكلام وبتولع
الموظفه/خد بالك بقي علشان ادم بيه لو سمع الكلام دا هيطربق الشركه فوق دماغك .اكيد بيغير ع مراته يعني
الموظف/بس باين عليه مبسوط معاها اول مره اشوف ادم بيه مرتاح كدا
مرام سابتهم بغضب ومشيت
مساءا عند روان
البودي جارد وصلها لحد بيت كريم
روان نزلت من العربيه وراحت عند البيت وخبطت
بعد دقيقه كريم فتح الباب بابتسامه
روان ابتسمت/ عامل اي
كريم ابتسم/انا زي الفل ..ادخلي
روان دخلت البيت وكريم قفل الباب ومبتسم بخبث
روان بصت حواليها ملقتش حد من صحابها وصلو ..لان كريم اتصل بالكل قال لهم انه لغي الحفله الا روان طبعا
روان باستغراب/فين الشله
كريم/زمانهم ع وصول اتفضلي اقعدي
روان قعدت
كريم ابتسم/تشربي اي .بيره؟
روان/لا انا مبشربش .شكرا مش عايزه
كريم/لاء ازاي لازم تشربي حاجه..عصير برتقال؟
روان ابتسمت/ماشي اي حاجه
كريم دخل المضبخ وصب كوبايتين عصير
بص وراه وطلع من جيبه حبوب منومه وخد حبابه ودوبها ف كوبايه العصير
وطلع ل روان بابتسامه واعطاها كوبايتها
روان /بس هما اتاخرو اوي
كريم/زمانهم ع وصول ي روان قلقانه من اي
روان/لا اكيد مش قلقانه من حاجه
كريم قعد جمبها
كريم بخبث/أشربي العصير هيكونوا وصلو
في الشركه في مكتب آدم
ادم قاعد ع مكتبه بيشتغل
واحلام قاعده ع المكتب قصاده
السكرتيره خبطت
ادم/ادخل
السكرتيره دخلت و ف ايدها قهوه ادم و عصير ل احلام
وحطت الحاجه ع المكتب
السكرتيره/حضراتكم تأمرو ب حاجه تانيه
ادم/لاء كملي شغلك
احلام ابتسمت/ميرسي
السكرتيره ابتسمت/العفو ع اي
وطلعت برا المكتب وقفلت الباب
واحلام باصه ع ادم بابتسامه وهو مندمج ف الشغل حتي وهو شغال شكله حلو اوي
ادم بص لها
ادم /زهقتي؟
احلام ابتسمت/لاء خالص خد وقتك انا مستنياك
ادم/نص ساعه بس احضر الميتنج لانه مهم و نمشي ع طول
احلام/اوك
وبعتت مسدجات ل روان بس روان مردتش
ورنت عليها برضو مردتش
واحلام قلقت عليها
احلام/احم ادم حبيبي
ادم بصلها
احلام/هروح انا البيت علشان تعبت شويه وانت خلص شغلك وتعالي ورايا
ادم /تعبتي مالك. انتي كويسه
احلام ابتسمت/اه اه كويسه انا بس علشان مرتاحتش طول اليوم
ادم قام/طب تعالي هوصلك
احلام قامت بسرعه /لالا انت وراك ميتنج مهم ولازم تحضره ..انا هروح مع البودي جارد ال تحت
ادم/يولع ال ميتينج ي احلام قلت انا هوصلك
احلام /هزعل والله لو سبت شغلك وميتنج مهم زي دا ووصلتني .كدا كدا البودي جارد هيوصلني لحد باب البيت كالعاده يعني
ادم/ماشي ..خدي بالك من نفسك
احلام ابتسمت/حاضر
وباست خده وآدم باس راسها
واحلام طلعت من المكتب بتوتر ومتضايقه انها بتكذب ع ادم وهي باصه ف عينه
وادم مسك تليفونه يقول للبودي جارد ال تحت يوصل احلام ويخلو بالهم منها
عند احلام طلعت من الشركه البودي جارد فتح ل احلام الباب
احلام/احم قبل ما نروح البت هعدي ع روان اخدها من العيد ميلاد
البودي جارد/امر حضرتك ي احلام هانم
واحلام ركبت وانطلقو بالعربيه
وفراس نزل من الشركه وركب عربيته وراح ورا احلام لان قلبه اتقبض ومش مرتاح وحاسس ان في حاجه احلام مخبياها بخصوص روان
واحلام طول ما هي ف الطريق بتتصل ب روان بس مبتردش
في بيت كريم
قاعد ف الصالون ع الكنبه وجمبه روان بتشرب العصير وبدأت تدوخ
روان بدوخه/كريم انا اتاخرت ولازم امشي
كريم بخبث/تمشي تروحي فين بس الحفله لسه مبدأتش
روان/ل لالا عايزه اروح
وحاولت تقوم كانت هتقع كريم سندها
كريم ابتسم بخبث/تعالي طيب اطلعك فوق ترتاحي شويه لحد ما صحابنا يجو
روان بهلوسه/ل للء ي كريم روحني علشان خاطري ادم لو عرف اني اتأخرت هتبقي مشكله
كريم ساندها وطالعين ع فوق/لا متخافيش تعالي بس ارتاحي
وطلعو غرفه كريم و قعدها ع السرير وروان بدوخه اغم عليها
وكريم ابتسم بخبث وعدلها ونيمها ع السرير
ورجع خصله من شعرها ورا ودنها
عند احلام البودي جارد وصل قدام البيت
احلام نزلت من العربيه
لقت فراس وراها بيركن ونزل بالعربيه
احلام بصدمه/فراس .بتعمل اي هنا
فراس/اي الموضوع ي احلام .مخبيين اي انتي و روان ..روان جوه؟ وبيت مين دا وبتعمل اي هنا
احلام بصوت واطي/اهدي بس وهفهمك كل حاجه بس مشي البودي جارد علشان لو ادم عرف هتبقي مصيبه
فراس للبودي جارد ال جابو احلام و ال مستنين روان
فراس/تقدرو تمشو انتو ونا هوصل روان واحلام هانم
واحد من البودي جارد/امر حضرتك
وكلهم مشيو الا واحد فراس قاله يستني
فراس /فهميني ي احلام اي ال بيحصل وروان بتعمل اي هنا .بكلمها مبتردش
احلام بتوتر/جت حفله هنا حد زميلها عاملها وعازم كل صحابهم .بس انا برن عليها مبتردش وخفت عليها
فراس بصدمه/اي
وراح بسرعه خبط ع الباب بقوه واحلام راحت وراه
عند كريم ف الغرفه
كان لسه هيشيل الشال من ع رقبه روان لقي الباب بيخبط بقوه
كريم بعد عن روان بتوتر
عند فراس
بيخبط جامد ولما محدش رد حاول يكسر الباب والباب اتكسر
فراس دخل بسرعه واحلام دخلت وراه
فراس /روان انتي فين..روان
احلام/روان
وفراس رن عليها سمع رنه تليفونها ف اوضه فوق
فراس طلع الاوضه بسرعه واحلام كمان
وفتح الباب بقوه لقي روان نايمه ع السرير غايبه عن الوعي وجمبها كريم باين عليه التوتر
كريم/انتو مين
احلام راحت ل روان بسرعه تطمن عليها وتفوقها
فراس الدم غلي ف عروق وبقي بركان من الغضب ومش شايف قدامه
راح ل كريم وضربه بوكس
ووقع ع الارض وشده قومه وضربه تاني وفضل يضرب فيه ف وشه و ف بطنه وكريم بيتوجع ووشه بقي كله دم
احلام بتوتر/روان..روان فوقي علشان خاطري
وبصت ع فراس
احلام بخوف/خلاص ي فراس هيموت ف ايدك ..هيموت ف ايدك ي فراس
فراس سابه وكريم رجله مش شيلاه ووقع ع الارض
وفراس راح ل روان بسرعه بقلق وبيحاول يقومها
فراس بقلق مسك ايدها/روان..روان فوقي
احلام مسكت شنطتها وطلعت منها ازازه مايه وبدأت ترش ع روان براحه
وروان بدأت تفوق
وبصت حواليها لقت نفسها ف اوضه غريبه ..وبصت ع احلام وفراس وافتكرت ال حصل وانهارت من العياط واحلام حضنته بسرعه وملست ع شعرها وبتحاول تهديها
احلام بحزن/اهدي ي حبيبتي ..اهدي متعيطيش علشان خاطري
فراس مسك قبضه ايده بغضب واتوعد ل كريم يخليه بتمني الموت ويقتله
فراس/يلا علشان نروح
احلام/يلا ي حبيبتي
روان طلعت من حضن احلام ومسحت دموعها
فراس شد كريم من هدومه وجره ع تحت لحد ما وصل للبودي جارد ال فراس قاله يستني
فراس/الكلب دا حطه ف مصنع من مصانعنا ..واوعي ادم يعرف حاجه عن ال ** دا
البودي جارد/امر حضرتك ي فراس بيه
وشد كريم وحطه ف العربيه وانطلق
واحلام وروان نزلو من فوق واحلا بتسندها
وفراس فتح لهم باب العربيه وساعد روان تركب براحه واحلام ركبت جمبها واخدت روان ف حضنها وفراس قفل الباب وغمض عينه ف غضب ..مش قادر يتخيل انه لو ملحقش حب عمره كان هيحصل فيها أي..جواه غضب وبركان عمره ما هيخمد
وركب العربيه يسوق
روان بصت ل فراس/ف فراس
فراس بص وراه وبص لها /متخافيش ي روان انتي ف أمان دلوقتي..متخافيش
روان بخوف/آدم .ادم لو عرف
فراس/متخافيش مش هيعرف حاجه .
احلام/محدش هيقوله حاجه الموضوع هيفضل بينا متشغليش بالك
روان هزت راسها بموافقه ومسحت دموعها
في القصر
ادم خلص شغل ودخل القصر لقي طارق ومالك قاعدين
ادم/السلام عليكم
طارق ومالك/وعليكم السلام
ادم/احلام رجعت البيت
طارق/لاء مرجعتش .مش هي كانت معاك؟
مالك/و روان ف عيد ميلاد صحبتها باين زمانها ع وصول
ادم طلع للبودي جارد ال برا
ادم/هو انا مش متصل بيك قايلك توصل احلام هانم ع البيت
البودي جارد وقف قدام ادم ب احترام/حصل ي آدم بيه بس موصلتهاش ع البيت لان احلام هانم قالت لي عايزه تروح تاخد روان هانم من العيد ميلاد .ولما وصلتها فراس بيه كان هناك وقال هو هيوصلهم وطلب مننا نمشي
ادم بغضب/ونا معنديش خبر لي ..ها؟معرفتنيش لي الكلام دا وقتها ي بني ادم
البودي جارد/اسف ي آدم بيه انا فكرت فراس بيه قال ل حضرتك
ادم طلع موبايله من جيبه/هحاسبكم ع دا بس مش دلوقتي
ودخل القصر وهو بيحاول يرن ع احلام
مالك/متقلقش ي آدم اكيد زمانها جايه دلوقتي
طارق/متقلقش ي ابني ممكن تكون مع روان
وفجأه دخل القصر فراس و احلام و روان ..و روان كانت بتحاول تبان طبيعيه ومتعيطش
ادم بغضب/انتو كنتو فين ..وانتي مش كنتي مروحه ع البيت؟
احلام /ايوا بس روان رنت عليا قالت تعالي خديني من العيد ميلاد بالمره ف طريقك لان المكان كان ف طريقنا ف قلت للبودي جارد ورحنا خدنا روان
فراس/ونا برضو كان عندي خبر بموضوع العيد ميلاد ف قلت اعدي عليهم اخدهم انا أأمن من البودي جارد
ادم بعصبيه/يعني كلكم عندكم خبر بالعيد ميلاد ال الهانم ريحاه ونا اخر من يعلم .. و حضرتك قلت للبودي جارد يمشو وانت ال هتوصلهم من غير ما تتصل بيا تعرفني كل دا ..لو الحصل دا اتكرر تاني واتصرفتو من دماغكم انا هيبقي ليا تصرف تاني بعد كدا
وبص ل احلام بغضب وطلع الغرفه واحلام اتنهدت ومتضايقه من نفسها انها بتكذب عليه
طارق اتنهد/مكنش ينفع برضو ال عملتو من غير علم ادم كدا ..قلق عليكم وفكر جرالكم حاجه بعد الشر
روان بتحاول متعيطش
طارق بص لها/مالك ي حبيبتي وشك اصفر
روان/ها لا ابدا ي بابا مفيش
مالك راح لها وخدها ف حضنه/انتي كويسه؟
روان حضنته بقوه
مالك/في اي ي روان
وفراس طلع برا القصر بغضب
روان طلعت من حضنه
روان ابتسمت/كويسه مفيش حاجة ي حبيبي متقلقش .انا بس علشان مكلتش حاجه من الصبح
مالك باس راسها/طيب ادخلي ارتاحي ونا هقول ل الخدم يعملو لك حاجه تاكليها
روان /حاضر
وبصت ل احلام واحلام بصت لها تطمنها
وروان دخلت الغرفه
احلام/عن اذنكم هطلع اوضتي
طارق/اتفضلي ي حبيبتي
وطلعت غرفتها لقت الاوضه فاضيه وادم ف اوضت مكتبه
احلام دخلت خدت شاور وغيرت هدومها ل بيجاما وعملت شعرها كعكه عشوائيه ولبست روب وراحت تطمن ع روان
احلام خبطت ودخلت الغرفه لقت روان نايمه ع السرير وضامه ركبتها ل صدرها وسرحانه
احلام راحت قعدت جمبها
احلام /عامله اي دلوقتي ي حبيبتي
روان انهارت من العياط واحلام حضنتها وبتحاول تهديها
احلام/متعمليش ف نفسك كدا ي حبيبتي واحمدي ربنا انك كويسه وبخير ..متعيطيش
روان بدموع/..انا مش عارفه لو انتي وفراس ملحقتونيش كان هيحصل فيا اي من الكلب الواطي ال كنت فكراه بيحبني زي ما انا بحبه
وطلعت من حضنها
روان بدموع/انا بوظت كل حاجه بال عملته ..انتي متعرفيش فراس كان بيبصلي ازاي علشان خذلت ثقتكم كلكم وكذبت .. هيضطر يخبي ع صاحب عمره بسببي. وانتي كمان كذبتي ع ادم بسببي ..يارتني سمعت كلامك ومرحتش
احلام مسكت ايدها/متلوميش نفسك ي روان انتي بس حبيتي الشخص الغلط ووثقي ف الشخص الغلط وهو كان بيحاول يستغلك ..احمدي ربنا انك اكتشفتي حقيقته بدري
روان/هو فراس هيعمل فيه اي .
احلام/وهو فارق معاكي؟
روان/لا طبعا مش فارق معايا انا دلوقتي بكرهه ...بس مش عايزه فراس يقتل حد بسببي. انا عمري ما هسامح نفسي كدا
احلام/قتل اي لاء ان شاءالله فراس كويس ومش هيقتله ..انتي بس متشغليش بالك بالحجات دي أهم حاجه انك ف بيتك ف امان وبخير
وباست خدها
احلام/ارتاحي انتي بس وكل حاجه هتبقي تمام
روان/ربنا يخليكي ليا ي احلام
وحضنتها
احلام ابتسمت/ويخليكي ليا ي روح قلبي
وطلعت من حضنها
احلام/يلا هسيبك تنامي ..تصبحي ع خير
روان/وانتي من اهل الخير
واحلام طلعت من الغرفه
الجميله والوحش البارت 15
مساءا في القصر
في غرفه احلام دخلت الغرفه
وهي ماسكه مج نسكافيه وخلعت الروب
و لقت ادم قاعد ع الكنبه وقدامه الاب توب وملف وبيشتغل
احلام راحت ل ادم
احلام/احم ..عملت لك نسكافيه تشربه وانت بتشتغل
ادم وهو ببشتغل/مش عايز
احلام حطت النسكافيه ع الطربيزه
احلام /ادم انا ا
ادم/انا مش عايز اتكلم ف مواضيع ورايا شغل
احلام /بس مينفعش كدا انا محتاجه اشرح لك ال حصل
ادم بصلها /هو انا مش بقول مش عايز اتكلم ؟
احلام اتنهدت وموبايلها رن وكانت مريم
احلام دخلت الدريسنج تتكلم علشان متزعجش ادم وهو وبيشتغل
وبعد شويه طلعت من الدريسنج
وبصت ع ادم ال قاعد بيشتغل ومش عايز حتي يبص ف وشها ومتضايقه من نفسها انها زعلته
احلام راحت قعدت جمبه ع الكنبه وقربت منه وبصت ف عينه
احلام/ادم انا اسفه
ادم/
احلام/طب انت هتفضل زعلان مني كتير ي حبيبي طيب؟والله ما قصدت اكذب او اخبي اي حاجه
ادم /احلام انا ورايا شغل عايز اكمله..قومي نامي
احلام/لاء مش هعرف انام الا ف حضنك
ادم بغضب/خلاص متناميش
احلام ربعت ايدها بحزن زي الأطفال
احلام/ع فكره انا معملتش حاجه علشان تتعصب عليا وتزعقلي كدا
ادم بصلها /كل دا ومعملتيش حااجه؟
احلام/ايوا انا كل ال عملته اني رحت اخدت روان
ادم بعصبيه/يعني تكذبي عليا وتقولي اني راجعه البيت وانتي رايحه تاخدي روان هانم من العيد ميلاد ال انا اصلا معرفش عنه حاجه ولسه هحاسبها ع دا ..وبعدين تقولو للبودي جارد امشو فراس هيوصلنا ..وارجع البيت ولا الاقيكي ولا الاقيها وقلقت وفكرت حصل لكم زفت حاجه وانتو مش معاكم البودي جارد ..و فالاخر تقولي معملتش حاجه
احلام بحزن/انا ا
ادم بغضب/مش عايز اسمع منك زفت حاجه و قومي نامي
احلام دمعت/اوك تصبح ع خير
ادم لما شافها بتعيط مقدرش يقسي عليها اكتر من كدا دموعها دي اكتر حاجه بتقتله
واحلام معيطتش بس علشان ادم اتعصب عليها .عيطت كمان علشان بتصلح كذبه ب كذبه ومازالت بتكذب عليه وهي باصه ف عينه وهي عارفه انه بيثق فيها
ادم شد احلام من دراعها قعدها تاني جمبه وحاوطها من وسطها قربها منه ومسح لها دموعها
ادم/طب انتي بتعيطي ليه دلوقتي
احلام بدموع/علشان بتتعصب عليا
ادم/هو انا كدا لسه عملت حاجه؟ انا ماسك نفسي بالعافيه علشان متعصبش عليكي اكتر من كدا
احلام /انا اسفه
ادم/انا زعلت منك اوي ي احلام ..بتكذبي عليا؟
احلام بدموع/ا انا مقصدتش اكذب عليك انا فعلا كنت مروحه البيت..بس روان اتصلت بيا قالت لي تعالي خديني بالمره ف قلت للبودي جارد ورحنا اخدناها..ولقينا فراس هناك كان رايح ياخد روان اصلا ف وصلنا احنا الاتنين البيت
ادم/ومتصلتيش بيا تعرفيني لي انك مش راجعه البيت وهتعدي ع روان الاول
احلام/معاك حق انا اسفه .انا كان لازم اقولك ..بس انا قلت هي كدا كدا ف طريقنا وانت كنت مشغول ف ميتنج ف مرضتش اعطلك ع الفاضي
ادم بيمسح دموعها/طب خلاص كفايه دموع
وباس خدها وراسها
احلام/لسه زعلان مني؟
ادم باس ايدها/لاء مش زعلان خلاص ..بس ال حصل دا ميتكررش تاني
احلام بابتسامه حضنته بقوه
احلام /انا بحبك اوي
ادم باس راسها/مش أكتر مني
احلام ابتسمت وموبايل ادم رن واحلام طلعت من حضنه
وكان ال بيتصل مرام
احلام اتنهدت بغضب
احلام/هو انت لسه ممشتهاش ؟
ادم/هلحق اشوفلها مكان تاني ف شركه تانيه ف خلال يوم ازاي .الموضوع بياخد وقت
احلام بغيظ/تمام هسيبك تكمل شغلك وتكلمها
وقامت و ادم شدها قعدها ع حجره وحاوط وسطها ب ايده وقربها منه
ادم وهو باصص ف عنيها/خدي بس رايحه ع فين وسيباني
احلام بغيظ وغيره/لاء روح كلمها ونا اصلا كدا كدا هنام
ادم رجع خصله من شعرها ورا ودنها
ادم/مش انا وعدتك اني همشيها؟
احلام هزت راسها ب اه
ادم/خلاص يبقي انا همشيها .يومين بس اشوف لها مكان ف شركه تانيه
احلام ابتسمت/بجد
ادم باس شفايفها/بجد
وباس خدها ورقبتها
وموبايله رن تاني وكان موظف من الشركه
احلام بابتسامه حاوطت رقبته ب دراعها وقربت منه/طب مش هترد ع موبايلك ال بيرن دا ..شكل في حاجه مهمه ف الشغل
ادم قفل التليفون /يولع الشغل كله
احلام ابتسمت و ادم شالها وراحو ناحيه السرير
عند فراس
راح مصنع من المصانع ال خاصه بشغلهم
ونزل من العربيه ودخل المصنع لقي كريم قاعد ع الارض ومربوط وجمبه البودي جارد ووشه وجسمه متبهدلين وبينهج ومش قادر ياخد نفسه بسبب ضرب ال الاتنين البودي جارد ال تبع فراس
فراس للبودي جارد/استنوني برا
البودي جارد/امر حضرتك ي فراس بيه
وطلعو برا المصنع
كريم بيتكلم بالعافيه/ا انت ع عايز مني اي
فراس /عايز اخليك تتمني الموت
كريم كان قاعد مرعوب
فراس نزل ل مستواه وقعد قصاده وبيحاول يسيطر ع اعصابه علشان لو خضع ل غضبه هيخرب الدنيا
فراس /و دلوقتي قولي... جبت الجرأه دي منين علشان تحاول تلمس شعره من روان
كريم بلع ريقه
كريم/انا معملتش حاجه هي جت بمزاجها
فراس بغضب جهوري مسكه من هدومه وضربه بوكس وضربه بالروسيه
فراس بعصبيه/هي مين دي ال جت بمزاجها ي ابن ال **** ي حيوان ...البنت كانت غايبه عن الوعي .
فراس قام
وطلع السلاح من ورا ضهره وصوبه ع كريم
فراس/و محدش يحاول يلمس شعره منها ونا هخليه كدا عايش ع وش الدنيا عادي
كريم بخوف/لا لا لا متقتلنيش..انا معملتش كدا ب مزاجي هحكيلك كل حاجه والله العظيم انا حد يعرفكم كويس قالي اعمل كدا انا معملتش كدا ب مزاجي
فراس بعصبيه/انت بتخرف بتقول اي حد مين وقالك تعمل اي ....انطق
كريم بتوتر وخوف/حاضر والله هقول ع كل حاجه بس متقتلنيش...انا و روان كنا زمايل ف الكليه عادي بعدين حبينا بعض ..او هي حبتني ..لحد ما جه شخص اسمه الصقراوي كان بيراقبنا ولما عرف ان انا وهي زمايل قريبين شويه طلب مني اعمل كدا مقابل الفلوس ..علشان يقهر ادم اخوها.. انا كدبت عليها وقلت لها ان عامل حفله كبيره لينا كلنا ك صحاب ولما مجتش لقت مفيش حد غيرها ومعزمتش الباقي..و دا كل ال اعرفه وكل الحصل والله العظيم
فراس نزل السلاح من ع كريم ومش مصدق ان الصقراوي وصل بيه ال حال انه يأذي بنات العيله اول مره حاول يقتل احلام وتاني مره حاول يأذي روان
فراس بيحاول الهدوء/قابلك فين او قالك الكلام دا فين
كريم/ ف ف مصنع كدا غريب وكان في حرس كتير اوي زي ما يكون معرض للخطر ديما
فراس بغضب/العنوان بتاعه فين ي روح امك
في اليوم التالي
صباحا في بيت جنات
قاعده ف اوضتها بقالها يومين مبتروحش الشركه ومش عايزه تروحها ولا تشوف مالك
مالك ال حبته وعشقته ومش قادره تسامح نفسها انها عملت خطه زي دي وهو باين من تصرفاته انه وقع ف حبها وخايفه يعترف لها ب دا
جنات تليفونها رن وكان مالك
جنات بلعت ريقها ..هو وحشها اوي ونفسها تشوفه او تسمع صوته بس هي كدبت عليه كدبه كبيره ومش عارفه تعمل اي
ام جنات دخلت الغرفه
الام/في اي ي جنات بقالك يومين مبتروحيش شغلك وقاعده ف الاوضه كدا
وقعدت جمبها
جنات/مفيش ي ماما بس تعبانه شويه
الام/وتليفونك ال مبطلش رن دا مش هتردي عليه
والتليفون رن تاني وكان مالك
والأم اتنهدت
الام/طيب ي حبيبتي انا هروح اجيب شويه طلبات ناقصه للبيت وادفع فاتورة الكهرباء بالمره ل تقطع علينا
جنات هزت راسها بموافقه
والأم قامت وطلعت برا البيت
وجنات بصت ع موبايلها ال بيرن ومش هاين عليها تبعد عنه بالطريقة دي ودمعت ومش عارفه تعمل اي
والجرز رن
جنات مسحت دموعها/هي ماما نسيت حاجه ولا اي
وطلعت من الغرفه وهي بتعمل شعرها كعكه عشوائيه
وفتحت الباب وكان مالك
جنات /مالك
مالك بغضب /اي ال انتي بتعمليه دا ..ها؟ اي ال انتي بتعمليه فيا دا
جنات وهي بصاله .كان وحشها اوي
جنات/بعمل اي
مالك بعصبيه/بقالك يومين مبتجيش الشركه وبرن عليكي طول اليومين مبترديش عليا ومت من القلق وكلمت مامتك قالت انك كويسه وقاعده ف اوضتك ..مبتتزفتيش تردي عليا لي
جنات/انا اسفه
مالك دخل البيت وقفل الباب وقرب من جنات وجنات كانت بترجع خطوات ل ورا
جنات بتوتر /م مالك ماما راحت مشوار وجايه لو دخلت فجأه هتفهم غلط
مالك قرب اكتر وجنات خبطت ف الحيطه وبصت ف عينه
جنات/مالك
مالك وهو باصص ف عينها/ انا كنت هموت من الخوف عليكي ..متعمليش فيا كدا تاني
جنات ابتسمت وقلبها كان هيطلع من مكانه
مالك/ادخلي البسي ونا هستناكي ف العربيه وهنروح الشركه سوا
جنات/انا مليش نفس ا
مالك بمقاطعه/مش عايز اعتراض ي جنات يلا ادخلي البسي
جنات ابتسمت/حاضر
مالك ابتسم/هستنيكي برا
جنات هزت راسها بموافقه
ومالك طلع من البيت وجنات ابتسمت واتنهدت
في القصر
في غرفه ادم واحلام
ادم نايم ع السرير واحلام نايمه ف حضنه بس صاحيه وباصه ع ادم ال نايم بعمق ومبتسمه
موبايل ادم رن
احلام /ادم
ادم/
احلام كف ايدها ع وشه بحنان /ادم موبايلك بيرن
ادم مسك ايدها ال ع وشه وباس باطن ايدها واحلام ابتسمت
ادم فتح عينه/صباح الخير
احلام بابتسامه/صباح النور
ادم باس راسها وجاب الموبايل من ع الكومودينو
ادم رد/في اي
الموظف/اسف جدا اني بزعج حضرتك ف وقت زي دا بس في ميتنج مهم كمان نص ساعة و المفروض ي حضرتك ي فراس بس محدش منكم موجود
ادم/فراس فين
الموظف/حاولنا نتواصل بيه بس بقاله يومين مبيجيش الشركه اصلا
ادم فصل المكالمه وحط الموبايل ع الكومودينو
ادم/صاحيه من بدري
احلام /لاء لسه صاحيه من شويه .كنت بفكر ف حاجه كدا
ادم /بتفكري ف اي
احلام بغيظ/انت مبتقوليش ان انت بتحبني خالص ..ممكن افهم انت مبتقوليش بحبك لي؟ ولا حتي بتقولي كلام حلو
ادم/يعني..ما انتي عارفه انا مبعرفش اقول كلام من دا.
احلام/لاء مليش دعوه المفروض تكون رومانسي مع مراتك اكتر من كدا حضرتك
ادم/منا رومانسي اصلا ي بنتي
احلام /ايوا ايوا طبعا (وبتقلده)قومي ..تعالي..اقعدي ..روحي
بدل ما تقولي بحبك ي مراتي ي حبيبتي
ادم ابتسم وباس خدها
ادم/وبعدين ما انتي عارفه يعني
احلام ابتسمت/عارفه اي
ادم/ان انا بعشقك مش بس بحبك
احلام ابتسمت/ونا بموت فيك
ادم باس شفايفها وحضنها واحلام حضنته بقوه
في جنينه القصر
روان قاعد ع الطربيزه وحاطه شال عليها وبتشرب حاجه دافيه وسرحانه
عند فراس وصل القصر ونزل من العربيه وكان جاي يشوف روان يمكن ل اخر مره لانه رايح مصنع الصقراوي ومش عارف هيقابله اي هناك..يمكن يقتل الصقراوي ويمكن هو ال يتقتل
روان/فراس
فراس راح لها وسحب كرسي وقعد قصادها
فراس/عامله اي دلوقتي
روان دمعت/علشان خاطري متبصليش كدا ي فراس ..نظرتك ليا دي بتقتلني ..انا روان ال انت مربيها مع ادم من سنين متغيرتش .
فراس /مش دي روان ال انا اعرفها ..مش دي ال انا مربيها ..روان ال اعرفها مبتكذبش ع عيلتها...مبتروحش تقابل ناس غريبه من وراهم ..مبتروحش بيوت الناس الغريبه وهي بتكذب وبتقول حفله وعيد ميلاد..مبتخبيش حاجه عن أهلها..وعني!
روان بدموع/معاك حق ..يارتني كنت مت قبل ما كل دا يحصل ... حطتني وحطتكم ف مشاكل بغبائي.. خبيت ع صحبك بسببي واحلام اضطرت تكذب ع جوزها وتخبي .. ولسه ادم لو عرف كل دا مش بعيد يقتلني بس انا موفقه واستاهل ..أنا بس عيزاك تسامحني ي فراس ..انا مش عارفه من غيرك الحيوان دا كان ممكن يعمل فيا اي
فراس مسح وشه ب ايده وجواه بركان من الغضب مش قادر يخمد
فراس/انا مسامحك ..ومتدعيش ع نفسك ب الموت تاني...انتي حاجه كبيره عندي ي روان ..انا معنديش عيله وانتي عارفه دا ..وعيلتك اعتبرتني عيلتها ..من اول يوم عرفتكم فيه ونا بعتبرك كل حاجه ليا بخاف عليكي من الهوا الطاير...مجرد التفكير بس ان ال **** حاول يلمس شعره منك بيقتلني
روان مسحت دموعها/ يعني انت سامحتني بجد
فراس هز راسه ب اه
وقال ف سره
فراس/انتي ملكيش زنب ف الحصل ..شغلنا السبب ف كل ال حصل وبيحصل
روان ابتسمت ومسكت ايده
روان/انا مش عارفه اقولك اي بجد.. ربنا يخليك ليا
روان/ا انت عملت فيه اي
فراس سحب ايده من ايدها/هو لسه فارق معاكي؟
روان/لاء والله العظيم ابدا..انا بكرهه ومش عايزه اشوف وشه تاني ف حياتي ..انا بس مش عيزاك تقتل حد ب سببي ..انا مقدرش اكمل حياتي وفي حد مقتول بسببي
فراس فلاش باك
سايق ع طريق صحراوي وجمبه كريم مربوط
وهما الاتنين ف وسط صحرا مفهاش صريخ ابن يومين
كريم بلع ريقه/احنا رايحين ع فين
فراس وقف ع جنب ونزل من ال عربيه
وفتح باب كريم وشده من هدومه ووقعه ع الارض
وجاب رباط من العربيه
بعد ٥ دقايق كريم مربوط ف شجره كبيره
وعمال ينادي ع فراس ي فكه وبيتوسله
وفراس ركب عربيته وساقها ومشي
باااك
فراس/متشغليش بالك انتي بالمواضيع دي ..انا ورايا شغل ولازم امشي
وقام
ادم واحلام طلعو من القصر بعد ما غيرو هدومهم
وروان مسحت دموعها بسرعه
ادم ل فراس/اي ع فين كدا
فراس /احم ابدا مفيش ورايا كام حاجه كدا هعملها
ادم/حاجه اي ..وانت بقالك يومين اصلا مش ع بعضك ومش عاجبني
فراس حاول يبتسم/مفيش يعم كام حاجه كدا ف الشغل وبعدين هعدي عليك ف الشركه ..يلا سلام
وركب عربيته ومشي
وآدم كان شاكك ان فراس مخبي عليه حاجه .مش شاكك بس دا متأكد .فراس مش بس صاحبه دا اخوه ويقدر يفهمه كويس
ادم ل احلام/هروح الشغل محتاجه حاجه
احلام ابتسمت /لا ي حبيبي شكرا
ادم باس راسها
روان قامت/احم ..ادم انت لسه زعلان مني علشان ال حصل امبارح؟
ادم/اه زعلان ..من امتي وانتي بتخبي عليا حاجه؟ وازاي الكل يعرف انك رايحه عيد ميلاد ونا لاء
روان/انا اسفه والله مش هتتكرر تاني ..وعد ..بس متزعلش مني
ادم/. بس لو اتكررت تاني ا
روان بابتسامه حضنته/لا والله مش هتتكرر تاني
ادم ابتسم وباس راسها
واحلام ابتسمت
وروان طلعت من حضنه وادم ركب عربيته ومشي
احلام/عامله اي دلوقتي ي حبيبتي
روان /انا خايفه ي احلام
وقعدت ع الكرسي واحلام قعدت جمبها
احلام مسكت ايدها /خايفه من اي بس
روان دمعت/خايفه آدم ومالك وبابا يعرفو ال حصل .بالذات ادم ..هو صحيح اتغير وبفضلك .مبقاش ادم الصعب القاسي بس برضو لو عرف حاجه زي دي مش هيسكت
احلام/متخافيش..محدش يعرف الموضوع دا غيري انا وفراس واكيد محدش هيقوله. شيلي الموضوع من دماغك .ربنا انقذك الزفت دا ودا كان درس ليكي واتعلمي منه انك ولا تكذبي ولا تخبي ولا تعملي حاجه من ورا اهلك تاني ...ونا جمبك وعمري ما هسيبك
روان حضنت احلام/ربنا يخليكي ليا... انتي اختي ال اتمنيتها من الدنيا
احلام ابتسمت
عند فراس عصرا
وصل ب عربيته عند مصنع ال صقراوي ال كريم قاله ع عنوانه
وخد السلاح من التبلوه ونزل من العربيه وراح ناحيه ال مصنع بحذر وبص ناحيته لقي حرس كتير معاهم اسلحه قدام المصنع و جوه المصنع
وفجأه ادم وصل عند المصنع بعد ما راقب فراس ونزل من عربيته وراح له
فراس بصدمه/ادم ..انت بتعمل اي هنا
ادم/انت ال بتعمل اي هنا ومصنع مين ال انت جيته من غير ما تقولي دا
فراس/احم ..دا ا
ادم بغضب/دا اي ي فراس...بقالك كام يوم مش عاجبني انت بتعك ف اي من ورايا ..من امتي وانت بتخبي عليا حاجه
فراس/احم مفيش حاجه مخبيها دا مصنع من مصانع الصقراوي ونا جيت لوحدي اتأكد انه هو ولا ولا واجي اتأكد
ادم بص ع الحرس الكتير ال معاهم اسلحه قدام المصنع
وطلع السلاح من ورا ضهره وعمره
ادم/يلا نتأكد سوا
وهما الاتين هجموا مره واحده ع ال حرس وضربو عليهم نار
داخل المصنع الصقراوي قاعد ع مكتبه وقدامه ملف وفي ٥ حرس حواليه
الصقراوي بصدمه/اي ضرب النار دا
حسني بتوتر/مش عارف .اي ضرب النار دا فعلا
الصقراوي قام بعصبيه/انت لسه هتسألني ..روحو شوفو اي اي ال بيحصل برا
حسني راح بسرعه يبص من الشباك اي ال بيحصل برا القصر
حسني بصدمه راح ل الصقراوي بسرعه
حسني/دا ادم الحديدي وبيقتل ف كل الرجاله بتاعتنا
الصقراوي بتوتر/اييييي.هو غرف مكاننا ازاي
فجأه باب المصنع اتفتح بقوه و آدم وفراس ضربو نار ع ال ٥ الحرس ال مع الصقراوي
الصقراوي واقف بتوتر وخوف
ادم بص ل الصقراوي ب توعد/واخيرا...وقت تحت ايدي ي صقراوي
الصقراوي/ادم الحديدي
وفراس كان واقف قلقان ل الصقراوي يجيب سيره روان
ادم/قولي ي صقراوي..اي ال يمنعني دلوقتي من اني اقطعك حتت
وصوب السلاح ناحيه الصقراوي
الصقراوي بتوتر/مش هتقدر تقتلني
ادم/مفيش قدره تمنعني عن قتلك ..حاولت تأذي مراتي وانا كنت بدور عليك طول الوقت دا واخيرا لقيتك
الصقراوي بغل/طول عمرك اناني ويهامك نفسك وبس .ايوا حاولت اقتلك اكتر من مره .وايوا انا ال بعت رجاله يقتلو مراتك اكتر من مره .والرجاله ال حاولو يقتلوها وانت ال اخدت الطلقه مكانها دول رجالتي ..حاولت اقهرك طول الوقت ال فات دا وحاولت أأذي كل ال بتحبهم علشان تتحسر عليهم
.. صحيح مقلتليش ..اختك عامله اي دلوقتي
فراس بغضب/اخرس ي صقراوي
الصقراوي/اي ي فراس هو مش لازم صاحبك يعرف زي ما انت عرفت يعرف حقيقه اخته
ادم بغضب شد الصقراوي من هدومه/ انت بتخرف بتقول اي . متجبش سيره اختي ع لسانك
الصقراوي/لاء بس انت محتاج تشد عليها شويه ومحتاج تاخد بالك هي بتعمل اي وبتروح فين
.أصلها كانت ف بيت واحد زميلها من يومين معرفتش دا؟ زميلها اي دا عشيقها
ادم بغضب جهوري ضربه ب الروسيه/اخرس ي حيوان انت واتكلم عن اختي كويس ي ****
الصقراوي بوجع/لو مش مصدق الصور ع المكتب اهي
فراس/ادم متصدقش اي حاجه من ال *** بيقولها
ادم كان هيروح يشوف الصور و فراس مسك دراعه يوقفه
ادم بغضب فلت دراعه من ايد فراس وراح ياخد الصور من ع المكتب و الصقراوي ابتسم بخبث
وآدم اخد الصور وكانت صور روان نايمه ع سرير كريم
الصور دي كريم صورها قبل ما فراس يهجم ع البيت
ادم بغضب جهوري مسك قبضه ايده
الصقراوي/عايز اقولك كمان ان صاحب عمرك ال بتثق فيه دا عارف الحوار هو كمان و رجالتي كانت بتراقبه وعرفت انه اخد كريم زميلها والله اعلم عمل فيه اي
فراس بغضب جهوري/اخرس ي صقراوي..اخرسسس .
وبص ل ادم
فراس/ادم متصدقش اي حاجه من ال بيقولها دا هو ال دفع فلوس للحقير دا علشان يأذي روان ونا رحت اخدت روان من قبل ما حد يمس شعرها منها .متصدقهوش
ادم صوب السلاح ع الصقراوي وضرب عليه ٥ طلقات ورا بعض بغضب جهوري
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق