رواية حب بلا قيود الفصل التاسع والعاشر بقلم سيليا البحيرى حصريه في مدونة قصر الروايات
رواية حب بلا قيود الفصل التاسع والعاشر بقلم سيليا البحيرى حصريه في مدونة قصر الروايات
#حب_بلا_قيود
الفصل التاسع و العاشر
انقض الأسبوعين.... بسلام..... وملك انتهت من امتحاناتها......واخبرت حازم عدم موافقتها......
وسمر لم تحضر الامتحانات..... وظل نادر يبحث عن ملك...ولكن لم يجدها....
*******************************
دق جرس الباب.... وفتحت ملك....دخل أدهم وكان يبدو عليه الضيق....ودخل الي غرفته... وبعد قليل خرج من الغرفه وكان ف يده ملف....
ملك :مالك
أدهم :ملف المنقصه اتسرق من الشركه.... انهارده وبكرا المنقصه......
ملك :طب اي الملف دا .....
أدهم :انا كنت عامل اتنين..... واحد كنت انا اللي شاغل عليه وكان ف الشقه هنا..... والتاني نادر وعمرو.....
ملك :طب انت هقدم دا....
أدهم : اهاا بس، المشكله ف ان مين اللي سرقه من الشركه.....
ملك :اكيد حد من الموظفين من ناحيه نادر او عمرو لان ملف المشروع معهم.....
أدهم :اكيد....
ملك :هو تصميم المشروع عن أي....
أدهم :عن كمبود....
ملك :ممكن اشوفه
أدهم :خدي....
فتح ملك الملف ........
ملك :عارفه انك بشمهندس شاطر... بس انا من رأيي انا ف حاجات عاوزه تتعدل.....
أدهم :حاجات اي....
ملك :المفروض مشروع الكمبود يكون كامل.... بس انت ف شويه حاجات مش موجوده....
أدهم :زي
ملك :انت عملت تصميم لمستشفى.... ومول... ومدرسه.... ونادي.... وبرضو تصميم البيوت هايل بس ف حاجه اكيد الشركه التانيه هتعمل نفس الفكره....
أدهم :اممممم....
ملك :المفروض يكون ف مسجد وكنيسه.... والمستشفى تاخد مساحه اكتر عشان مش هتكون عيادات كشف بس.... متنساش ان ف حالات طواري وعمليات فالازم نهتم بالمرضي .... وتكون ف صيدلاليه..... وكمان تكون مكانها مش بعيد.....يعني تناسب مكان كل السكان
أدهم :طب هتعرفي تعملي تعديل لحاجات دي.....
ملك :ايوه، هي حاجات سهله... لأنك سايب مساحات كتير فاضيه فااحنا هنستغلها لكدا.....
أدهم :اتفضلي يا فنانه.....
ملك :بتتريق
أدهم :لا و الله......ملك بس المنقصه بكرا....
ملك :ايوه عارفه، بس دي شويه تعديلات بسيطه...
أدهم :تمام يلا....
*********************************
ف الشركه.....
نادر :اقسم بالله انا هتجنن ازاي يتسرق يعني.....
حازم:اكيد حد من الشركه....
نادر :انا مش عارف اوصل لادهم ما ساعه ما عرف مشي وقالي هيتصرف.....
حازم :تفتكري مين اللي عملها....
نادر :عيله العطار......
حازم :دا لو عمك عرف......
نادر :هو أدهم وصل لملك صح
حازم بتردد:لا.... معرفش
نادر :يبقى ملك معها....
حازم :عمك هو اللي طلب....
نادر :وانا كيس جوافه محدش يقولي حاجه....
حازم :دي بنت العطار.... يعني لو حاجه حصلتها محدش هيسكت.... وبعدين خلاص هي آخرها بكرا وهتبقي ف بيت أهلها.....
نادر :تمام.......
حازم :تفتكر مين هيكسب بكرا....
نادر:احنا
**************** ************* *
كان سليمان يجلس ف مكتبه بالشركه..... وقام بالاتصال بي عبد الحميد العطار....
سليمان :ملك معايا.....
عبد الحميد :بجد
سليمان :ايوووه..... بس المناقصة بتاعت بكرا شركه العطار تنسحب منها.....
حصل ما عبد الحميد من خاف منه وقال :انت بتهددني َ.....
سليمان :لا انا بتفق معاك..... انا بينا شغل..... ومفيش بينا عدواه.....
عبد الحميد :انا جولت لعمر وهو مسمعش مني....
سليمان :اتصرف يا حج.... انا معايا بنت ابنك وعارف انا ممكن اعمل اي......
عبد الحميد :سليمان..... انت عارف انك ابنك هو اللي هيكسب....
سليمان :ومتاكد كمان بس عشان الحرص واجب.... وعشان انا مش عاوز عدواه بينا.....
عبد الحميد :ربنا ما يجيب عدواه..... بنتي تكون عندي بكرا.....
سليمان :المقابل.....
عبد الحميد :طلباتك....
سليمان :... محتاج مخزن من عندك......
عبد الحميد :مخازن العطار كلها تحت امرك.......
سليمان :هتيجي بكرا
عبد الحميد :العصر هكون عندك ف الشركه.....
سليمان :تمام......
*********************************
ملك :خلصنا.....
أدهم :النهار طلع من بدري ....
ملك :هتروح امتى....
أدهم :هنزل دلوقتى...
ملك :ربنا معاك...
أدهم :انهارده يوم المنقصه...
ملك :ايوه عارفه....
أدهم :والمفروض جدك هيخدك...
ملك :ايوه...
أدهم :لو مش عاوزه خلاص....
ملك :لا خلاص هروح معها.. مليش حد هنا اصلا... واخلص السنادي هنا وابقى انقل جامعتي...
أدهم :يعني خلاص مش هشوفك تاني....
ملك :لا بقا.... اصل مش هيبقي ف نادر ولا سمر ولا بوسي ولاحازم يبقى هتشوفني.....فين....
أدهم :خلاص حضري حاجاتك وهبقي اجي اخدك عشان تسافري.....
ملك :حاضر.....
******* ********* * **************
ذهبت سمر عند بوسي.....
بوسي:كنتي فين يا بنتي
سمر :والله كنت ف البيت..... بس مكنتش بنزل ولا بكلم حد...
بوسي :اممم متخانقه مع نادر....
سمر :يعني هو نادر يلزمني بايه....
بوسي :اي الكلام دا
سمر :دي الحقيقه هو بيقضي معايا وقت بس مش اكتر .....
بوسى :انتي ليه بتقولي كدا
سمر :الحقيقه يا بوسي.....
بوسي:هتعرفي صاحبتك دي راحت فين....
سمر :الله اعلم
بوسي :كانت عند معتز....
سمر:معتز مين...
بوسي :دكتور هي شاغله ف عيادته....
سمر :اممم... ربنا معها
**************************
ناديه :نازل يا حبيبي...
حازم :اهاا عاوزه حاجه يا أمي....
ناديه :لا عاوزه سلامتك.... عملت اي مع ملك
حازم :رفضت.... وهتسافر انهارده مع جدها
ناديه:ربنا معها
***************** **********.
كسب أدهم المناقصه........... خرج عمر غاضبا... كثيرا.... فهو خسر اموال كثيره ف سيبل الحصول على تلك الفرصه وف الآخر خسرها...... يوسف :أدهم النوري طلع دماغ....غلفنا وساب عرض ف الشركه وعرض معها.....
عمر :خلاص يا يوسف.....
يوسف:طب يلا نروح على الشركه عشان نلحق نسافر
***************************
وصل عبد الحميد الي الشركه النوري......
سليمان :أدهم هيكلمني وهيحدد المكان..........
عبد الحميد:مش عارف اشكرك ازاي يا سليمان....
**********************
انتهت ملك من تحضير أغراضها....... وكانت جالسه تنتظر قدوم أدهم.....
دق جرس الباب.... فتحت وجدت الحارس أمامها ....
الحارس :أدهم باشا مستني حضرتك تحت....
ملك :حاضر... اخد الحارس الشنطه منها .......
نزلت ملك وركبت السياره..... ووضع الحارس الشنطه ف السياره.... وانطلق أدهم....
ملك :مبروك ....
ادهم:على ايه ....
ملك :على المناقصه
أدهم :شكرا
ملك :هو هيستني فين..
أدهم :قولتلهم على اول الطريق.....
ملك :هو لوحده....
أدهم :اهااا ومعها السواق بتاعه.....
ملك :طيب....
أدهم :دا قرارك الاخير.....
ملك :اهاا... مش ينفع يبقى ليا اهل واسيبهم...
أدهم :اهااا.....لما توصلي ابقى كلميني....
ملك :حاضر....
وصل أدهم وكانت سياره عبد الحميد تنتظرهم على الطريق....
أوقف أدهم السياره
أدهم :يلا
ملك :سلام....
ادهم:هتوحشيني.....
اكتفت ملك بالابتسامة وقالت :مش هتنزل معايا....
أدهم :هنزل
نزل أدهم وملك وعندما رأيهم عبد الحميد نزل من السياره......
عبد الحميد بلهفه :ملك...... انتي كويسه يا بنتي....
ملك :اهااا....
عبد الحميد :متشكر... يا ابني...
أدهم :انا معملتش حاجه.... بعد اذنك....
ركب أدهم سيارته...... وذهب.... وكذلك ملك مع جدها..... والتي ظلت طول الطريق ساكته لم تنتطق بكلمه........
******************************
ف الشركه......
حازم :كنت عارف اننا هنكسب.....
نادر :بس لازم نعرف مين اللي عمل كدا...
أدهم :هعرفه......
نادر :المفروض نحتفل.....
حازم :كنت لسه هقول....
أدهم :لا مليش مزاج اصلي منمتش من امبارح كنت شاغل على المشروع..
حازم :ملك مشيت...
أدهم :اهااا من بدري جدها خدها.
نادر :يا خساره.....
أدهم :انا هروح بقا......
نادر :يا ابني احنا كنا عاوزين نسهر مع بعض....
أدهم :لا اسهروا انتم.....
*************** ** * ********
ف منزل عبد الحميد......
تعالي يا ملك..
دخلت ملك المنزل....
كانوا الجميع يجلسون......
اتصدم كل الموجودين.......
عبد الحميد : انا قولت اعملها مفاجأه...
عاصم ف سره :لا ماهي فعلا مفاجأه
زينب :اهلا يا حبيبتي اتفضلي واتجهت ناحيتها وضمتها.....
سعاد :ازاي يا ابوي متقولش كنا فرشنا الأرض ورد......
عبد الرحمن :تعالي ف حضن عمك يا حبيبتي.....
ملك :ممكن حد يقولي هقعد فين...
عبد الحميد :مني خدي بنت عمك وريها اوضتها.....
عاصم :مش المفروض كنت تقولنا يا ابوي....
عبد الحميد :مكنش لازم المهم ان ملك رجعت لبيتها.....
عاصم :امممم.... أكيد طبعا....
عبد الحميد :انا طالع ارتاح شويه.....
عبد الرحمن : اتوكسنا والحمد الله.....
عاصم :بس.... هنتصرف كدا البت معانا...... يبقى خلاص ف كذا حجه عشان نطفشها بيها.....
سعاد:ونبي حد يشوف يوسف وعمر فين... عشان يشوفوا الوكسه اللي احنا فيها.........
ف الغرفه عند ملك......
مني :بصي لو احتاجتي حاجه.... ابقى قوللي...
ملك بابتسامه :شكرا......هو مفيش حد ف البيت غيركم..
مني :اهااا بس عمتك ساكنه قريب من هنا بس قاعده ف بيت جوزها وهتيجي انهارده ....
ملك : ماشي..... شكرا...
مني :اسيبك ترتاحي بقا.....
قفلت مني باب الغرفه خلفها.....
ملك :يا رب استرها معايا.........وأخرجت هاتفها واتصلت باادهم.....
أدهم :وصلتي....
ملك :ايوه... لسه واصله....
أدهم :حمد الله على سلامتك...
ملك :الله يسلمك....
أدهم :سلام
ملك :سلام.....
قامت وفتحت شباك الغرفه....... وقامت بوضع هدومها ف الدولاب...... ونزلت وجدتهم يجلسون.......
رأيها عبد الحميد وقال :تعالي يا ملك اقعدي معانا.....
اتجهت ملك ناحيه الصالون وجلست بجانب فتاه لم تعرفها.....
نعمه :كيفك يا بنت اخوي....
ملك :كويسه وحضرتك.....
نعمه :زينه الحمد الله.....
تكلمت الفتاه التي تجلس ملك جانبها وقالت.....
انا نورا بنت عمتك....
ابتسمت ملك لها.....
عبد الحميد :انتي هتعيشي هنا يا بنتي ف بيتك و بين اهلك وناسك..... دا عاصم عمك ومراته سعاد ودا ابنه يوسف وبنته مني..... وعمك عبد الرحمن ومراته زينب وداعمر ابنهم.... وعمتك نعمه وعندها بنتين نورا وساميه.....
نعمه :فرح ساميه اخر الاسبوع دا....
عبد الحميد :برضو الجوازه دي.....
نعمه :هعمل اي ف ابوها هو راكب دماغه......
عبد الحميد :وانتي ساميه اي رايك....
ساميه :هعمل اي يا جدي حتى لو رفضت رايي ملهوش لازمه......
خافت ملك من تلك الحديث وتخيلت نفسها مكانها..... وقالت :انا هطلع اوضتي بعد اذنكم.....
نعمه :كدا كدا البت آخرها للجواز.
عاصم :ما تجوز ملك كمان يا حج....
عبد الحميد :لسه بدري
عاصم :ولا بدري ولا حاجه....لما تتجوز حد من البيت هتاخد علينا اسرع..... وكمان هتبقى مسؤله من جوزها وهو ياخد باله منها.....
عبد الحميد :كلامك صوح.......
يوسف :انا جاهز يا جدي.....
عاصم :يبقى خلاص الأسبوع الجاي ساميه واللي بعده ملك......ويوسف
*********************************
صعدت نورا خلفها وطرقت الباب
ملك :ادخل
نورا :ممكن اقعد معاكي
ملك :اتفضلي
نورا:انتي قومتي ليه...
ملك :حاسه اني غربيه.... ومليش مكان
نورا :احنا اهلك.....
ملك :هما ليه عاوزين يجوزا ساميه غصبن عنها....
نورا :ما باليد حيله....
ملك :بس كدا حرام
نورا :احنا صعايدة يا بنتي ودمنا حامي يعني معندناش حب والكلام دا......
ملك :بس المفروض يكون ف قبول على الاقل ...
نورا :قبول على ايه بلا نيله.... انتي تلاقي الراجل شبه الحيطه وبكرش ويقول عاوز اتجوز...........
ملك :ههههههههههه.... طب اي بيغصبكم على كدا...
نورا :يا اختي هنعمل اي.... عشان كدا بقا انا قولت ولا احب ولا اتحب..... واتجوز اي واحد والسلام....
ملك :طب هي ليه اتجوزت من برا مع ان ف عمر أو يوسف....
نورا :عادي النصيب... وبعدين ابويا صعيدي ومجفل..... وكمان لسه بنات ف العيله انتي وانا ومني....
ملك :لا انا مش عاوزه
نورا :يااختي انا بتمنى اخد حد فيهم عشان اقعد ف القاهره بدل الهم دا.....
ملك :هو الحج عبد الحميد دا هسيسبني انزل القاهره عشان الجامعه......
نورا :لا يا اختي.... دا انا روحت جامعه سوهاج بالعافيه.....
ملك :بجد
نورا :طبعا..... بس ممكن يوافقوا لما اتجوزتي عمر او يوسف.....
ملك بضيق :لا طبعا
********************* ***********
تعالت الزغاريط من شقه ام محمد.....
سميحه:مبروك يا ابني عقبال الليله الكبيره.....
حاتم :الله يبارك فيكي يا أمي....
همس حازم لهاجر...وقال :مبروك....
هاجر:الله يبارك فيك يا حبيبى.......
**************** **************
ف الشركه.....
أدهم :اي يا ابني.....
نادر :ابوك عاوزنا نسافر معها
أدهم :فين....
نادر :قال معزوم على فرح ولازم نبقى معها....
أدهم :فرح مين
نادر :فرح ف الصعيد.....انا مش عاوز اروح...
أدهم :جدع تقول لسليمان الكلام دا.......
نادر :يا ابني مشوار يهد الحال.... وهنروح نصدع هناك.....
أدهم :ههههههه.... ،حكم القوي على الضعيف....
نادر :بوسي زعلانه منك عشان بقالك فتره مش بتروح ولا بتسأل عنها.....
أدهم :حاسس اني زهقت....
نادر وهو يغمز له:عرفت مزه جديده
أدهم :لا...
نادر بااستغراب:غربيه دي......
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
الفصل العاشر
ف منزل النوري....
كانوا يجلسون لتناول العشاء.....
سليمان :هو مراد مش موجود....
إيمان بحزن :معرفش...
أدهم :بابا اي حوار الفرح دا
سليمان :نادر قالك....
أدهم :ايوه...
ايمان :فرح ابن اخويا يا أدهم....
أدهم :طب احنا هنروح ليه....
سليمان :يعني هنسيب امك تروح لوحدها مش كفاية اخوك مراد عليها....
أدهم :مقصدش والله اصل هنروح نعمل اي هناك.....
ايمان :يعني مروحش فرح ابن اخويا.... يا أدهم....
أدهم :خلاص هنسافر امتى....
سليمان :كمان يومين....
أدهم :تمام....
ايمان :كنت عاوزه اقولك على حاجه...
أدهم :اي يا ماما
ايمان :بنت خالك زي القمر... اي رايك لو عجبتك نجوزهلك....
أدهم :لا شكرا يا ماما.... انا طالع انام.....
ايمان :عجبك كدا يا سليمان....
سليمان :سيبي براحته يا حبيبتي..... هو مش حابب....
ايمان :نفسي اجوزه وافرح بي....
سليمان :اكيد هيتجوز يا حبيبتي
***** *********************
دق جرس.. شقتها قامت سمر لتفتح......
نادر :قولت اجي اسلم عليكي.......
سمر :اتفضل......
نادر: اسف عشان آخر مره واللي حصل....
سمر :لا عادي.... مسافر فين....
نادر :عندنا فرح ف الصعيد لي قريب طنط ايمان......
سمر :مبروك...... هي ملك سافرت
نادر :اهااا من زمان.....
سمر: ربنا معها......
نادر : انتي مبتكلمهاش.....
سمر:لا..... انت متعرفش ف اي بين أدهم وبوسي....
نادر :لا بوسي كلمتني وكانت مضايقه.......
سمر :اهااا........ برضو حكيتلي..... هو شاف واحده تانية....
نادر :معرفش أدهم داخل علي شهر ولا راح لبوسي وحتى راح معانا ف حته.......
سمر :غريبه.....
*************************************
كان حاتم بيزور خطيبته.......
ام محمد :هقوم اعملكم شاي.....
حاتم :اتفضلي يا حماتي....
حاتم :مالك
هاجر :مفيش.... ،بس ولا خرجتني ولا فسحتني ولا عملت اي حاجه.....
حاتم :خلاص انا ممكن اعمل كل حاجه ياروحي....
هاجر :انا كنت عاوزه اعدل شويه حاجات ف الشقة....
حاتم :وماله... تعالي ف اي وقت.....
هاجر :خلاص ماشي.... ممكن اعدي عليك بكرا....
حاتم: مفيش اي حاجه تصبيره....
هاجر : هههههه بس ماما تشوفنا.....
***** ***********************
ف منزل عبد الحميد.....
كانت مني تجلس ف غرفتها وتتحدث ف الهاتف.....
مني :لا مش هعرف....
سعيد :لي
مني :متنساش ان ملك موجوده ومش عاوزه تمسك عليا حاجه.... ويوسف وعمر موجودين وانا اخاف حد يشوفني....
سعيد :انا مش عيل يا مني انا عندي 45سنه.، ولو حصل حاجه مش هسيبك....
مني : والله ما اقصد يا حبيبي.....
سعيد :خلاص ف فرح ساميه.....
مني :الفرح هيبقى عند جوز عمتي مش عندي.....
سعيد :خلاص هنتقابل ف البيت عندك.....
مني :ماشي يا حبيبي......
ف غرفه عند ملك كانت تجلس معها نورا وساميه....
نورا :يجماعه انا جعانه.....
ملك :انا من ساعه ما جيت هنا وانتي جعانه.....
ملك :ههههههههه
كانت ساميه شارده الذهن.... لم تنطق بايه شي...
ملك :مالك يا سوسو
ساميه :مفيش
نورا:الفرح خلاص قرب.....
ساميه: عارفه..... حسبي الله ونعم الوكيل....
ملك: هو انتي مش عاوزه العريس ليه....
ساميه: عشان انا عيشت طول عمري احلم اني اتجوز واحد بحبه... او حتى اكون برتاح معها.... لكن دا لا انا عمري ما شوفته اصلا... كل معرفتي بي انه معانا ف البلد......
ملك :مش يمكن يبقى كويس... ليه تفترضي الوحش....
ساميه :طول ما انتي مش حابه اللي قدامك مش هتقبلي منه حاجه يا ملك.....
ملك :طب هو مفيش حل....
ساميه :لا للأسف.....ملك هو انتي اي اللي جابك هنا.....
نورا:اي الكلام دا يا ساميه....
ملك :مش فاهمه قصدك....
ساميه :قصدي انك كنتي عايشه ف القاهرة طول عمرك..... ليه جيتي.... البيت هنا كلهم بياكلوا ف بعض اصلا.... انتي عارفه ان ولا سعاد ولا زينب ولا أمي بيطقوا بعض وشامتنين فيا...... ومني فرحانه فيا اوووي عشان هتجوز غصبن عني.....يوسف دا مشوفتش احكر منه..... كلب فلوس زي ابوه.....
نورا :اسكتي يا ساميه لحد يسمع......
ساميه :ما يسمعوا..... انتي عارفه انهم عاوزين يجوزوكي يوسف امبارح قالوا كدا لما طلعتي انتي ونورا .....
ملك بصدمه :ازاي.... محدش، ياخد رايي
ساميه :هنا محدش بياخد رأي حد يا ملك.... ويوم ما هترفضي هيطلعوا عليكي كلام مش كويسه وهتتجوزي غصب برضو......
ملك :طب اعمل اي........
نورا :ولا حاجه هترضي.....، لان الاعتراض هيدخلك ف حوارات.....
ساميه :انا بفكر انتحر.........
ملك :حرام انتي عاوزه تموتي كافره.....
نورا :بعد الشر عنك..... اوعي تقولي كدا.....
ملك ببكاء :انا خايفه اوووووي......
ساميه :ربنا معانا ويتولانا.....
*** *******************************
ف منزل عيله الشوربجي.........
همام :مبروك يا ولدي الف مبروك......
احمد :امرك غريب يا ابوي بتبارك على اي....
همام :فرحك يا ابني وعاوز افرح بيك.....
احمد: طيب يا ابوي......
أتيت كريمة وقالت :بتتحددوا ف اي
همام :هيكون اي يا ام احمد.....
كريمة :عشت وشوفتك عريس، يا احمد....وعقبال ما اشوف عيالك.....
احمد :هو انا لسه اتجوزت عشان تشوفوا العيال.....
كريمة :ههههههههه كلها تسعه شهور يعني ولا عشره.... ويجي المولود.......
احمد بضيق :ربنا يسهل.....
همام :عاوزك ترفع راسنا يا ولدي......
*********************************
ف منزل عبد الحميد......
عبد الحميد :انهارده حنه البت.... وانا عاوزها هنا والتجهيزات شاغله من الصبح....
نعمه :امرك يا ابوي وانا قولت لسيد ووافق....
عبد الحميد :عشان البنات يرقصوا وياخدوا راحتهم مع بعض.....
مني :فين الفساتين َ....
عبد الحميد :ودي مش حاجه تفوتني طبعا انا جايب لكل واحده فستان.....
مني :طب هما الرجالة هيعملوا فرح....
نعمه :ايوه بس احنا الحريم هنبقى هنا مع بعض..... والرجالة عند العريس.....
مني :ايوه بقا....
يوسف :طب انا هقوم اروح اشوف المصنع وابقى اطلع على الفرح على طول..........
عبد الحميد :وخبر ابوكي وعمك بالكلام دا وابقوا روحوا على الفرح على طول وانا هاجي انا وعمر ....
عبد الحميد :خدي يا مني طلعي الشنط فوق لبنات و انتي خدي واحده.....
مني :من عينا.....
صعدت مني للأعلى وطرقت الباب ودخلت....
نورا :خير ف حاجه...
مني: الفساتين عشان الحنه.... ،عقبالك يا ملك انتي ونورا....
ساميه :متشكرين.......
مني :العفو بعد اذنكم...
نورا :اللهي تتشكى ف قلبك يا بعيده.........
اخرجت ساميه الفساتين..... وقالت هنلبس امتى
ملك :انا مش هلبس حاجه من دي....
نورا :يا اختي، فكي يعني هيبقى متنكد علينا ونبقى معفين ف نفس الوقت، وبعدين لازم نلبس ونتشيك.....
ساميه.... :هما قصرين ليه
نورا :حلوين
ملك :بس هنلبس كدا ازاي
نورا :دي حنه يعني كلها ستات.... ولو حد خرج يلبس العباية والطرحة.....
ملك :ماشي.....
******* ** **** ******** *******
دقت هاجر على باب الشقة....
وفتح حاتم لها....
هاجر :مامتك جواه....
حاتم :لا بتجيب حاجه من تحت.... تعالي.....
هاجر :لا خليها لما تجي....
سبحها حاتم للداخل.....
حاتم :مش عاوزه تتدخلي ليه....
هاجر :اصل مينفعش،......
حاتم وهو يقترب منها حتى التصقت بالباب.... وايه اللي هيخلي مينفعش....
هاجر:............
****************************
كانت عيله الشوربجي تحضر لفرح على أكمل وجه وبدأت ف استضافه المعزايم......
كان همام يقف أمام البوابة ليستقبل اخته وجوزها...
همام :يا مرحب يا مرحب....
احتضنت ايمان اخيها..... سلم همام على سليمان وادهم ونادر
وقالت ايمان :أخبارك اي يا همام وفين كريمة......
همام :اتفضلوا الأول بس.....
دلفوا الي الداخل.....
ايمان :هو الفرح بدا ولا اي
همام :لسه شويه..... كريمة ونهله هيروح الحنه هتروحي معهم ولا.....
إيمان :هروح.....
سليمان :متتاخريش....
همام :انتم مش هتمشوا انهارده لسه الليلة الكبيرة بكره.....
همس نادر لادهم وقال : هو بيقول الليلة الكبيرة بفخر كدا ليه....
وكزه أدهم.... وقال :اتلم يا ابني عيب....
نزلت كريمة ونهله خلفها وسلمت كريمة علي ايمان ورحبت بيهم.....
ايمان :كبرتي يا نهله الله اكبر عليكي....
نهله: شكرا يا عمتو...
كريمة :كلم يا ابو احمد..... الناس برا عاوزينك....
همام :يمكن عبد الحميد جي....
أدهم ونادر ف صوت واحد :عبد الحميد العطار.....
همام :اهااا انتم تعرفوا....
سليمان :ايوه خديني معاك اسلم عليه.....
ايمان :مين الراجل دا.....
أدهم :بيشتغل مع بابا.... انتم هترحوا امتى عشان اوصلكم.....
ايمان :توصلني ليه يا حبيبي.....
أدهم :مينفعش تروحوا لوحدكم الدنيا ليل....
ابتسمت ايمان ظنا ان أدهم فعل ذلك لأجل نهله.....
*******************************
ساميه :شكلي حلو...
نورا :اهااا قمر والله....
ملك :طب وانا.....
نورا :قمرين....ما تسيبي شعرك يا بنتي هيبقى تحفه على الفستان خلي مني الكلب تتغاظ
وتتكاد....
طرقت نعمه الباب.....
ملك :ادخل....
دلفت نعمه الي الداخل وقالت :ما شاء الله عليكم يا بنات... يلا عشان تنزلوا....
نورا :ماشي يا ماما.....
ملك :انا مكسوفه انزل كدا....
ساميه :وانا حاسة اني قالعه....
نورا :يلا بطلوا قرف بقا.....
نزلوا الفتيات وكانت مني قد سبقتهم..... وتعالت الزغاريط والاغاني.....والتصفيق......
واتت كريمة وإيمان ونهله رحبت بيهم نعمه وجلسوا....
همست ملك الي ساميه :دي ام العريس صح
ساميه :هي وليه عقربه....
ملك :هههه اسكت لما تسمعنا....
نورا :مش ملاحظين يا بنات ان البت مني كانت بترقص مع البنات وفجأه اختفت.....
ملك :ايوه فعلا..... وبصيت ملك ناحيه الباب وجدتها خارجه....
ملك :الحقوا دي خارجه من الباب بالفستان....
ساميه :حد فيكم يقوم يشوفها....
ملك :هطلع اجيب عبايه واطلع وراها....
نورا :واحنا هنرقص هنا قال اي احنا مش واخدين بالنا....
صعدت لملك للأعلى ووضعت طرحه على شعرها..... وعبايه على جسمها ونزلت وخرجت من الباب ولكن لم ترى اي أثر لمنى ذهبت خلف الباب ولكن احد سحبها من الخلف.....ارتعبت ملك و ارتجفت أوصالها ولكنها رأيتها
ملك بدهشه :ادهم.....
أدهم :وحشتني.....
كانت مازالت الصدمة مأثره عليها....
ملك :ايه دا انا بقيت بشوف تخيولات كمان يا ربي ....
أدهم :ملك روحتي فين....
ملك :انت أدهم.... انت جيت هنا ازاي.....
أدهم :وحشتني اوووووي
ملك :اممممممممم
أدهم: حلو الفستان....
ملك :فستان اي........ افتكرت ملك انها لم تقفل العباية.....
ملك بإحراج وقد احمر وجهها.... واحست انها على وشك الانفجار :اهااا...
أدهم :انتي كنتي طالعه ليه....
ملك :كنت بشوف حاجه...
أدهم :وطالعه كدا....
ملك :ما هو مفيش حد ف البيت وانا لبست العباية دي بسرعه عشان الحق البت.....
أدهم :اممم وشعرك اللي باين دا....
ملك: شعري........ اهااا شعري صح وقامت بإدخال شعرها َ...انا هدخل لحد يشوفنا....
أدهم :يعني انا جاي ووصلت ماما واستحملت سخافة نهله.... و تقوليلي هدخل....
ملك :نهله مين...
أدهم :قربيه ماما...،مرتاحة هنا....
ملك :لا ياريتني ما جيت.... دول عاوزين يجوزني ابن عمي.....
أدهم بضيق :وانتي....
ملك :لا بس.... مش هعرف أرفض
أدهم :اممم اهااا ان شاء الله..... مفيش جواز بلا ابن عمي بلا زفت.....
ملك :اصل...... قطع أدهم كلامها بوضع قبله على شفتها...... تصرمت ملك مكانها....
ملك :انت عملت اي....
أدهم :ولا حاجه....
ملك :انا ماشيه......
قام أدهم بضمها اليه..... ولف ذراعه حول خصرها....
ملك :أدهم سيبني....
أدهم : بحبك.....
ملك : انت عارف اني محبش كدا
أدهم : اسف.... بس انا بحبك والله يا ملك
نظرت له ملك.... وقالت :بتحبني.....
أدهم :من ساعه ما مشيتي وحاسس ان حياتي ناقصه... عارف انك لسه سايبه القاهرة بقالك اسبوع.... ومستغربه لان المدة اللي كنتي معايا فيها قليله اوووي........
ملك دمعت :انا مش عارفه اقول حاجه.....
أدهم :وانا مش عاوزك تقولي حاجه....
ملك : طب.....
وضع أدهم يده على فمها..... هشششش
ملك: طب ممكن امشي....
أدهم :ممكن.... بس بشرط.....
ملك ومازالت بين احضانه :اي...
أدهم :انا مش فاهم دلوقتي انتي اي...
ملك :انا اي....
أدهم :حلوه فكره الاستعباط دي لا عجبتني....
ابتسمت ملك وقالت :وانا كمان....
أدهم :وانتي كمان على اني حاجه بظبط....
ملك :بص المفروض انت تفهم لوحدك بقا....
أدهم :انا مهندس مش ساحر....
ملك :بحبك....
أدهم :يلا امشي....
ملك :أدهم بس انا خايفه.......
أدهم :من اي.....
ملك :لو حد منهم عرف حاجه ......
أدهم :محدش يقدر يلمس شعره منك...... نعدي الفرح دا الأول وبعدين اشوف حوار ابن عمك... وجدك دا
ملك :هتعمل اي
أدهم :يلا ادخلي عشان محدش ياخد باله...
ملك باستسلام :حاضر...
مشيت ملك خطوه وبعدين ورجعلته تاني....
ملك :هو انت من قرايب العريس....
أدهم :اهااا ابن خالي....
ملك :طيب....
أدهم :اي
ملك :ولا حاجه اصلي قولت اني مش هعرف اشوفك تاني لان مفيش نادر وسمر وبوسي وحازم.... بس طلع ف ساميه....
أدهم :لا ماانا كنت ناوي اخطفك واتجوزك......
ملك :مكنتش هاجي معاك.... اصلا وكمان مكنتش هتعرف.....
ادهم: لا كنتي هتيجي.....
ملك :ازاي بقا وبعدين كنتي هتخطفني من هنا....
أدهم :تحبي تشوفي.....
ملك :لا شكرا.... انا هدخل بقا.....
أدهم :يلا روحي......
مشيت ملك ودخلت البيت.... كان مازال الاحتفال شاغل....
لاحظت زينب دخولها... فقامت وقالت لها :كنتي فين....
ملك :كنت برا..... اصلي لقيت مني برا فقولت اطلع اشوفها.....
زينب :طيب ادخلي انتي وانا هشوف مني.....
ملك :طيب....
نورا :اي يا بت عملتي إي
ملك :ولا حاجه.... اختفت. ولا كان ليا أثر...
نورا :يمكن تكون عند الباب الوارني.....
ملك :فين دا....
نورا :بعيد شويه.... اخر الجنينة بتاعت البيت.........
ملك :تعالي نروح......
تنحت ساميه من وسط المعازيم وقالت:عملتوا اي....
نورا :لسه مش عارفين.......
ساميه :شكل البت دي وراها حوار.........
نورا :خلاص احنا هنروح نشوفها تاني... يلا يا ملك.....
ملك :انتي رايحه ناحيه المطبخ ليه....
نورا :ما هو ف باب ف المطبخ بيطلع على الجنينة يلا......
ساروا حتى وصلوا الي الباب....
نورا :الباب مفتوح.....
ملك :ممكن تكون واقفه برا
مشوا خطوات أخرى ولكن شوفوها تقف مع.......
نورا :.........
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق