رواية غرفه ثعابين الفصل الأول والثاني والثالث والرابع والخامس بقلم محمد طه
رواية غرفه ثعابين الفصل الأول والثاني والثالث والرابع والخامس بقلم محمد طه
الاول
_بتعملي إيه يا ندي؟
_مفيش يا ماما عايزه أفتح الأوضه دي بقي، من يوم ما بابا ما سافر وهيا مقفوله، عايزين نفتحها ونضفها ونستغلها ف أي حاجه.
_أنا مش قولت محدش يقرب من الأوضه دي نهائي، ولا أنا كلامي ما بقاش يتسمع؟
_يا ماما كلامك مسموع بقاله سبع سنين!
_ويفضل كلامي مسموع لحد ما أمو،ت.
_بعد الشر عليكي يا ماما..بس أنا بقول فيها إيه لما...
_إنتي ما تقوليش أنا هنا اللي أقول..وكلامي يتسمع ويتنفذ..والاوضه دي محدش يقرب منها؟
_طيب على الأقل يا ماما نفتحها ونضفها دي بقالها سبع سنين مقفوله!
_وهتفضل مقفوله طول ما أنا عايشه وبعد ما أمو،ت يبقوا أفتحوها وأعملو اللي إنتو عايزينه.
_بعد الشر عليكي يا ماما..وبعدين يا ماما أنا وأخويا كبرنا خلاص وما بقاش ينفع ننام ف أوضه واحده مع بعض ولا إنتي مش واخده بالك وهتفضلي شيفانا صغيرين كده طول العمر؟
_أيوه يا ندي هفضل شيفاكم طول العمر صغيرين..
وبالنسبه لنومكم مع بعض، ف من الليله مش هينام معاكي..أنا هسيب لأخوكي الأوضه بتاعتي ينام فيها وأنا هنام معاكي، ها عندك أي مشاكل تانيه؟
_عايزه أعرف إجابه السؤال اللي بسألهولك كل يوم..
فين أبويا؟ ويا تري عايش ولا لا قدر الله حصله حاجه؟ وليه مش عايزه تعرفينا حاجه عن أبونا؟
إحنا لحد دلوقتي ما نعرفش حاجه عن أبونا غير أسمه؟
_هرد عليكي بالاجابه اللي بقولهالك كل يوم..أبوكي سافر وأنقطعت أخباره ومعرفش حاجه عنو..وياريت نقفل الكلام ف الموضوع دا خالص.
_مش هينفع يا ماما نقفل الكلام ف الموضوع ده..
عشان دا أبونا ولازم نعرف هوا فين عشان نرتاح..
عارفه يا ماما لو كان أبونا لا قدر الله ما،ت..هنرتاح لأننا عارفين إنو م،يت..ولو كان سايبنا ومش سائل فينا برضوا هنرتاح لأننا عارفين إن هوا اللي رامينا..
طيب إنتي ما فكرتيش يا ماما إن أبويا لما سافر ممكن تكون حصلتله مشكله واتسجن ومش لاقي اللي يساعده؟
_أسمعي يا ندي أبوكم سافر على إيطاليا عن طريق الهجره الغير شرعيه عن طريق البحر ومكنش لوحده كل اللي سافرو معاه محدش يعرف عنهم حاجه..
سواء إن كان غرقوا ف البحر أو وصلو إيطاليا أو سافرو لدوله تانيه..محدش يعرف عنهم حاجه خالص
يعني مش أبوكي لوحده اللي محدش يعرف عنو حاجه..يا ريت بقي ما نتكلمش ف الموضوع دا تاني عشان بجد أنا تعبت وبعدين أنا مش مقصره معاكم ف حاجه ولا مخلياكم ناقصكم حاجه؟
_لو عيزاني أقفل الموضوع دا خالص..أفتحي الأوضه دي..أو على الأقل قوليلي سبب واحد مقنع ل قفلها؟
_أنا وأبوكي قبل ما يسافر قضينا أجمل ليله ف عمرنا ف الأوضه دي وأنا وعدته إن الأوضه دي هتفضل مقفوله طول ما هوا غايب ومفيش حد هيدخلها..
ها أرتحتي دلوقتي يا ندي؟
_لأ يا ماما ما أرتحتش..لأني متأكده إنك مش بتقولي الحقيقه..لأول مره تكدبي عليا
_وأنا لأول مره هضر،بك(وضربتها بالقلم)
_أضربيني تاني يا ماما..إن شالله حتي تمو،تيني..بس أنا مش هرتاح غير لما أعرف الحقيقه اللي إنتي مخبياها علينا ولما حازم يرجع إحنا لازم نفتح الأوضه دي (وقامت دخلت أوضتها)
_العيال كبروا وأسئلتهم هتكتر ولو أصروا إنهم يفتحوا الأوضه أنا مش هقدر أمنعهم واللي مستخبي بقاله سبع سنين هينكشف بين يوم وليله هتعملي إيه يا صفاء وهتتصرفي مع أولادك إزاي وهتمنعيهم إزاي
وبعد منتصف الليل دخلت صفاء الأوضه وقفلت الباب وراها ومفتحتش النور والاوضه كانت ضلمه
وفضلت واقفه ورا الباب
لحد ما سمعت صوت بيقول......
#غرفه_ثعابين
التاني
_لحد ما سمعت صوت بيقول؟
_أفتحي يا ماما إحنا عارفين إنك جوه الأوضه(ما رضيتش ترد عليهم)يا ماما إفتحي أنا عارف إنك جوه ولو ما فتحتيش أنا هكسر الباب؛
_صفاء..أبعد أنته وأختك عن الأوضه دي يا خالد..لو دخلتوا الأوضه دي من غير إذني لا إنتو ولادي ولا أعرفكم وهفضل غضبانه عليكم ليوم الدين
_ندي..طيب أخرجي يا ماما وإحنا مش هندخلها إلا برضاكي.. بس إخرجي لا يكون فيه حاجه جوه الأوضه تأذيكي.. الأوضه مقفوله من سبع سنين
_صفاء..إن شالله يكون فيها جن وتعابين، أنا مش هخرج غير لما تبعدو عن الأوضه دي خالص..وتنسو إنكم تدخلوها طول ما أنا عايشه..بقلم..محمد طه
_خالد..حاضر يا ماما اللي إنتي عيزاه هنعمله..إحنا هندخل أوضتنا وحضرتك أخرجي
_صفاء..لأ.. أنته من الليله هتنام ف أوضتي لوحدك وأنا هنام مع أختك..وأي كلمه أقولها تتنفذ من غير نقاش..إنتو آه كبرتوا لكن هتفضلو بالنسبالي صغيرين وكلامي هوا اللي هيمشي ف البيت ده طول ما أنا عايشه
_خالد..حاضر يا ماما اللي إنتي عيزاه هوا اللي هيمشي
(وأخد خالد أخته ندي وبعدو عن الأوضه)
_ندي..أنا بقيت متأكده إن الأوضه دي فيها حاجه
_خالد..هيكون فيها إيه بس يا ندي..هيكون مثلا أمك قا،تله قت،يل ودفناه جوه..أنا مش عارف إيه اللي طلعها ف دماغك إننا نفتح الأوضه دي دلوقتي..ما بقالها سبع سنين مقفوله..بقلم..محمد طه
_ندي..يعني أنته عايزنا نسيبها سبع سنين كمان..دا زمانها دلوقتي مليانه فيران وصراصير وتعابين كمان..
ومش بعيد يكون سكنها الجن والعفاريت..وإصرار أمك على إننا مندخلهاش ولا نقرب منها دا بيأكدلي إن فيه سر جوه الأوضه دي وسر كبير كمان
_خالد..والنبي بلاش جو الأفلام والمسلسلات ده..
الأوضه لا فيها سر ولا عفاريت ولا أي حاجه من الخزعبلات دي.. وبعدين أنا كان فيه أكتر من مره كده بالصدفه كنت بشوف أمك خارجه منها يعني أكيد الأوضه نضيفه ومفيهاش حاجه
_ندي..وأنته ما قولتليش ليه قبل كده إن أمك بتدخل الأوضه..وليه أمك بتدخل الأوضه من ورانا ومش عيزانا ندخلها
_خالد..ما جاتش فرصه إني أقولك..وبعدين أمك حره تدخلها وقت ما هيا عايزه..أسمعي يا ندي مفيش حل إننا ندخل الأوضه دي غير وأمك برا البيت..إحنا نستغل وقت تكون أمك مش موجوده ف البيت وندخل نشوف الأوضه دي فيها إيه بالظبط
_ندي..طب أسكت عشان أمك شكلها خارجه..يلا أدخل على أوضتها بسرعه ونبقي نتكلم بعدين ونشوف هنعمل إيه
_خرجت صفاء من الأوضه وقفلتها بالمفتاح وراحت قعدت ف الأنتريه ونادت على أولادها
_صفاء..تعالا يا خالد أنته وندي أنا عارفه إنكم لسه صاحيين تعالوا عيزاكم
_خالد..خير يا ماما..عيزانا ف إيه
_صفاء..إنتو عايزين إيه من الأوضه دي بالظبط
_ندي..عايزين نعرف إيه اللي فيها..عايزين نعرف هيا مقفوله ليه..عايزين نفهم لأننا كبرنا ومن حقنا نفهم
_صفاء..كل اللي أقدر أقولهولكم إن فيه حاجات ف حياتنا لازم تفضل مقفوله عشان الحاجات دي لو
أتفتحت هتفتح علينا بيبان مش هنعرف نقفلها
_خالد..قصدك يا ماما إن الأوضه دي لو أتفتحت هتفتح علينا أبواب شر
_صفاء..أسمعو أنتو الأتنين..السر اللي ف الأوضه دي يخصني أنا وأبوكم وبس..يعني تعتبرو الأوضه دي زي جواب بيني وبين أبوكم ما ينفعش يتفتح..
ودلوقتي أنا عيزاكم تعاهدوني إني طول ما أنا عايشه ما تدخلوش الأوضه دي..(خالد وندي يبصوا لبعض بإستغراب)
_صفاء..يلا عاهدوني ساكتين ليه..ولا إنتو ناويين على حاجه من ورايا!
_خالد..قبل ما نعاهدك يا ماما..عايزين نعرف منك حاجه واحده
_صفاء..عايزين تعرفو إيه؟
_خالد..الأوضه دي فيها حاجه ممكن تأذينا إحنا التلاته ف يوم من الأيام؟؟
#غرفه_ثعابين
يتبع.........
البارت الثالث والرابع
_خالد..الأوضه دي فيها حاجه ممكن تأذينا إحنا التلاته ف يوم من الأيام؟
(فضلت صفاء تفكر ومتردده إنها تتكلم)
_ندي..إنتي سرحتي ف إيه يا ماما..إحنا أولادك وأكتر أتنين ف الدنيا دي بيخافوا عليكي ويقدرو يحفظوا سرك
_خالد..وتأكدي إن أي كلمه هتقوليها ما هتخرجش برانا إحنا التلاته..إحنا كل اللي عايزينه إننا نطمن ونكون مطمنين عليكي
(صفاء بدأت تتوتر أكتر والخوف ظهر على وشها)
_صفاء..أنا معنديش حاجه أقولها غير اللي قولته.. الأوضه دي آخر مكان جمعني بأبوكم وأنا وعدتو إن مفيش حد هيدخلها لحد ما يرجع
_ندي..بس إحنا مش أغراب..إحنا أولاده
_خالد..خلاص يا ندي..إحنا مش هنضغط عليها أكتر من كده..وحضرتك يا ماما..أول ما تحبي تتكلمي هتلاقينا جاهزين نسمعك
_ندي..وهتلاقينا واقفين معاكي مش ضدك
(وقبل ما يقومو عشان كل واحد فيهم يدخل أوضته)..بقلم..محمد طه..متابعه الصفحه ليصلك إشعار بالجدبد
_صفاء..عاهدوني إن محدش فيكم يقرب من الأوضه دي
_خالد..أطمني يا ماما..مش هنقرب منها إلا برضاكي وبموافقتك
(وراح خالد وندي عشان يدخلوا أوضتهم وأمهم توقفهم)
_صفاء..أنته رايح فين يا خالد..أنا مش قولت أنته هتنام ف أوضتي وأنا اللي هنام مع أختك
_ندي..لأ خلاص يا ماما..دي كانت وسيله ضغط عليكي عشان نفتح الأوضه دي..وبعدين أنا وخالد كبرنا آه لكن عاقلين وفاهمين وواعيين وعارفين الصح من الغلط..خليكي يا ماما ف أوضتك عشان تبقي براحتك
(ودخل خالد وندي أوضتهم وصفاء قامت دخلت أوضتها وبدأت تفتكر جوزها من سبع سنين)
(صفاء كانت قاعده هيا وعيالها اللي لسه صغيرين ومستنيه جوزها بكر اللي خرج من صباحيه ربنا عشان يجبلهم قوت يومهم وبكر كان أورزقي على باب الله يوم يلاقي شغل وأتنين لأ)
(صفاء وهيا حاضنه عيالها اللي الجوع ظهر على وشهم وجسمهم وبدأو يشتكوا من قله الأكل)
_صفاء..إيه يا بكر مش جايب أكل معاك ليه
_بكر بقله حيله..طول النهار وأنا بلف على رجليا يا صفاء وما لقيتش شغل..بقلم..محمد طه
_صفاء..يعني إيه ما لقيتش شغل..العيال ما أكلوش حاجه من طلع النهار..أنته مش شايف شكلهم بقي عامل إزاي من قله الأكل
_بكر..شايف يا صفاء بس قوليلي أعمل إيه
_صفاء بغضب..تتصرف..تتصرف يا بكر..العيال هيمو،تو من الجوع
(وسكتو هما الاتنين شويه وبعدين صفاء قالت)
_صفاء..ما تسافر إيطاليا زي الناس اللي بتسافر دي
_بكر..هسافر إيطاليا إزاي بس يا صفاء..هوا أنا معايا خمسين ألف عشان أعرف أسافر..دا إحنا مش لاقيين نأكل العيال
_صفاء..يبقي تبيع البيت ده..هوا هيجيب الخمسين ألف..خودهم وسافر
_بكر بغضب..بيت إيه اللي أبيعه يا صفاء وأسيبكم ف الشارع وأروح للمو،ت برجليا..أنسي فكره بيع البيت دي خالص
_صفاء..طيب عندك حل تاني..العيال هيمو،تو من الجوع يا بكر..أتصرف وهات حاجه للعيال ياكلوها
_والعيال من شده الجوع ناموا..وبكر وصفاء قاعدين يفكروا ويجبوها يمين ويجيبوها شمال لحد ما تقريبا بقو ف نص الليل وبدأو ينعسو هما الأتنين وهما نايمين فجأه صفاء وهيا عنيها بتقفل من النعس شافت طشاش حاجه كده خارجه من الأوضه؟
صفاء بخوف وفزع..أصحي يا بكر شوف إيه اللي خارج من الأوضه ده؟
يتبع
_صفاء بخوف وفزع..أصحي يا بكر شوف إيه اللي خارج من الأوضه ده؟
(وكان خارج من الأوضه ثعبان طوله حوالي متر ونص لكن من حظهم كان هادي جدا ومكنش مؤذي وبسرعه قام بكر وحاول إنو يمسكه)
_صفاء بخوف..أنته بتعمل إيه يا بكر..مو،ته بسرعه قبل ما يأذينا ويأذي العيال
_بكر بهدوء..إهدي بس يا صفاء..دا رزق وربنا باعتهولنا
_صفاء بذهول..أنته أتجننت يا بكر..أنته عايز تأكلنا وتأكل العيال تعابين...أنا مستحيل هوافقك على اللي ف دماغك ده
(وفضل بكر يحاول مع الثعبان عشان يمسكه..
وبالفعل قدر إنو يمسكه لأن الثعبان كان هادي جدا وكانت حركته بطيئه جدا..وبعد ما بكر مسكه وسيطر عليه راح لصفاء)
_صفاء بخوف..أنا مستحيل هاكل البتاع ده أنا وعيالي لو عايز تاكله أنته بالهنا والشفا
_بكر بهدوء..يا صفاء إهدي..هوا أنا برضوا هأكلكم تعابين..وبعدين أنا معرفش هوا بيتاكل إزاي والسم اللي جواه بيخرج إزاي..بقلم..محمد طه
_صفاء..طيب أنته هتعمل إيه بالبتاع ده..هتبيعه..ولو هتبيعه..هوا فيه حد بيشتري الحاجات دي
_بكر بهدوء..لا هناكله ولا هنبيعه
_صفاء..مصيبه لا تقولي هنربيه مع العيال..هوا إحنا لاقيين ناكل ونأكل العيال عشان نربي تعابين كمان
_بكر..أسمعي يا صفاء..أنا جات ف دماغي فكره
_صفاء..فكره إيه
_بكر..لما تكمل ف دماغي هبقي أقولك عليها..المهم بس دلوقتي عايزين نشيل الثعبان دا ف حته أمان بحيث إن هوا لا يأذينا ولا يهرب مننا
_صفاء بتحذير..بلاش يا بكر..دا ثعبان ممكن يغدر بينا ف أي وقت..أنته كده هتلعب بالنار يا بكر
_بكر بثقه..أطمني يا صفاء..أنا هكسرلو أسنانه عشان ما يأذيناش وكده كده هجبلو قفص أحبسو فيه
_صفاء..أنته ناوي على إيه يا بكر
(بكر فضل باصص على الثعبان اللي ف إيده وما ردش عليها وبيفكر إزاي هيستغل الثعبان وإزاي يستفاد منو)..بقلم..محمد طه
(تاني يوم بكر طلع يشوف رزقه وأكد على صفاء إن محدش يقرب من الثعبان ولا ييجي جنبه ولا حتي تعرف العيال الصغيرين إن فيه ثعبان ف البيت)
(وف اليوم دا بكر ربنا رزقه بشغلانه وجاب بالفلوس اللي أشتغل بيها أكل لعياله وجاب بالباقي قفص للثعبان وطول اليوم وهوا بيشتغل كان بيفكر إزاي هيستفاد من الثعبان لحد ما وصل للفكره)
_صفاء بعتاب..بقي مش كان تمن القفص دا يأكلنا يومين يا بكر..أنا مش عارفه إيه اللي ف دماغك والثعبان دا هيفيدنا بإيه
_بكر..هيفيدنا يا صفاء وهيبقي هوا مصدر رزقنا من النهارده ومش هنلاحق على الخير
_صفاء بعدم فهم..أنا مش فاهمه حاجه..ناوي على إيه بكر وإيه اللي ف دماغك
_بكر..اللي ف دماغي محتاج مساعدتك يا صفاء
_صفاء بخوف..أساعدك ف إيه يا بكر..أنا بخاف من الحاجات دي ومستحيل هقرب من الثعبان ده
_بكر..ومين قالك إنك هتقربي منو..مش تعرفي أنا عايزك تساعديني إزاي الأول
_صفاء..خير يا بكر
_بكر..البيوت اللي حوالينا مفيش أكتر منها..وكلهم إنتي تعرفيهم وهما يعرفوكي..هتدخلي البيت تقعدي تتكلمي مع النسوان اللي فيه وف نص الكلام هتوهميهم إنك شوفتي ثعبان ف البيت وطبعا هيدورو ومش هيلاقو حاجه..ف أنتي هتقوليلهم إن جوزك بيعرف يطلع الحاجات دي..وأنا بقي بدوري هخبي الثعبان اللي معانا دا ف هدومي وهروح أعمل شويه حركات كده وهخرج الثعبان من هدومي من غير ما حد يحس بحاجه ونوهمهم إننا مطلعين الثعبان من عندهم
_صفاء بغضب..يا لهوي يا بكر..أنته عايز تشتغل حاوي ونصاب كمان..لأ وكمان عايزني أشترك معاك ف النصب على الناس..أنا مستحيل أوافق على الكلام ده
_بكر..لو بصيتي على عيالنا اللي هيموتو من الجوع هتوافقي يا صفاء..وبعدين إحنا مش هنضرب حد على إيده ومش هنقول عايزين مبلغ معين..اللي هيدفعوه هناخده من سكات
_وبعد محاولات إقناع كتيره من بكر لصفاء ف النهايه صفاء وافقت عشان خاطر ولادها..وبدأو ف تنفيذ الخطه والشغل..ومشيت معاهم مره وأتنين وتلاته وأربعه لحد ما ف مره بكر قابله ف بيت ثعبان بجد وكان شرس ومؤذي؟
#غرفه_ثعابين
يتبع
البارت الخامس
_وبعد محاولات إقناع كتيره من بكر لصفاء ف النهايه صفاء وافقت عشان خاطر ولادها..وبدأو ف تنفيذ الخطه والشغل..ومشيت معاهم مره وأتنين وتلاته وأربعه لحد ما ف مره بكر قابله ف بيت ثعبان بجد وكان شرس ومؤذي؟
_أتفاجئ بكر بثعبان بجد وكان طوله حوالي مترين وكان شكله بس يخوف.. ف الأول بكر خاف وقال مش هقرب منو وخليني ف الثعبان اللي معايا عشان أبقي ف الأمان وبعدين قرر إنو يواجه الثعبان الشرس وزي ما تيجي تيجي..بقلم..محمد طه
_فضل يحاول معاه لدرجه إن الثعبان كان هيقرصه لكنه ف الآخر قدر إنو يسيطر على الثعبان ومسكه وأصحاب البيت راضوه مراضيه حلوه يمكن دي أول مره ف حياته يمسك مبلغ زي ده وأخد الثعبان الشرس والثعبان اللي كان معاه وراح على بيته
_صفاء بخوف..منين الثعبان التاني دا يا بكر
_بكر..أسكتي يا صفاء دا أنا كنت همو،ت النهارده..لكن ربنا ستر والحمدلله
_صفاء بتحذير..يبقي ترجع عن السكه دي بقي يا بكر.. الطريق دا مش هتلاقي فيه غير المو،ت
_بكر..عندك حق يا صفاء..بس الطريق دا زي ما فيه المو،ت.. فيه فلوس كتير..خدي يا صفاء شوفي الفلوس قد إيه
_صفاء..أنا خايفه عليك يا بكر..لو لا قدر الله حصلك حاجه هعمل إيه أنا والعيال
_بكر..إن شاءالله مش هيحصل حاجه..أسمعي أنا هجيب قفص تاني للثعبان ده..وهنخصص الأوضه دي للثاعبين ومتخليش حد من العيال يقرب منها
_صفاء بخوف..أنا مش مطمنه يا بكر..الموضوع هيكبر منك والثعبان الواحد بقو أتنين..وإن كان ربنا سترها معاك المرادي..الله أعلم هيحصل إيه المره الجايه..بقلم..محمد طه
_بكر..إن شاءالله مش هيحصل حاجه يا صفاء..إنتي بس أتفائلي بالخير..تفائلو بالخير تجدوه
_صفاء..إحنا بننصب على الناس يا بكر..هتفائل بالخير إزاي..هوا أنته مش فاهم وبتقول أي كلام وخلاص
_بكر..لأ يا صفاء مش بقول أي كلام وخلاص..أنا المرادي طلعت ثعبان من البيت بجد وكان هيموتني يعني الفلوس دي كلها حلال ولو مكنتش طلعت الثعبان دا كان هيأذي الناس اللي ف البيت
_صفاء..بس دخولك البيت من الأول كان بغرض النصب يا بكر..وأنا مش هساعدك تاني ف الموضوع ده..الروايه حصري على صفحه محمد الشاعر
(بعد كام يوم صفاء لقيت بكر داخل عليها ومعاه)
_صفاء..إيه اللي معاك دا يا بكر
_بكر..دي علب صغيره
_صفاء..وهتعمل بيها إيه العلب دي يا بكر
_بكر..هتعرفي دلوقتي يا صفاء
(وسابها ودخل أوضه الثعابين وصفاء دخلت وراه)
_صفاء بعدم فهم..أنته هتعمل إيه
_بكر..هصفي سم الثعبان الشرس دا ف العلب دي
_صفاء بصدمه..يا نهار أسود..وهتعمل إيه ب سم الثعبان يا بكر..أنته بدل ما كنت بتنصب على الناس.. دلوقتي هتمو،ت الناس ب السم يا بكر
_بكر وهوا بيصفي سم الثعبان ف العلب..همو،ت الناس إيه بس يا هبله إنتي..سم الثعبان دا أنا هبيعه..
فيه ناس بتشتريه وبيستخدموه ف حاجات كتير
_صفاء بخوف..أنا مش مصدقاك يا بكر..السم ملوش غير إستخدام واحد وهوا المو،ت.. قصدي الق،تل..
الق،تل يا بكر..وأنته لو أرتجعتش عن اللي ف دماغك دا أنا هبلغ عنك..بقلم..محمد طه
_بكر بهدوء وتجاهل لتهديدها..تعالي بس يا صفاء العلبه اللي تتملي أقفلي الغطا بتاعها كويس..وأنا هبقي آخدك معايا وأنا رايح أبيعهم عشان تتطمني
_صفاء..وهتبيعهم بقي فين إن شاءالله
_بكر..ف المستشفى يا صفاء..أنا سألت ناس ف المستشفى وقالولي إنهم بيستخدمو سم الثعبان ف علاج أمراض كتير
_صفاء..يبقي رجلي على رجلك عشان أنا برضوا مش مصدقاك
_وبعد ما خلص بكر تصفيه السم من الثعبان..قال لصفاء إنو هيريح شويه وهينام..وصفاء دخلت المطبخ عشان تحضر الأكل..والثعبان اللي بكر صفي منو السم.. بكر نسي يحطلو أكل بعد ما صفي منو السم والثعبان حصل عندو حاله هيجان وفضل يخبط ف القفص اللي محبوس فيه بكل قوته والقفص كان من الأزاز والأزاز كان ضعيف ما أستحملش قوه الثعبان وأتكسر الأزاز وخرج الثعبان من القفص
_ف نفس الوقت كان أولاد صفاء وبكر كانوا بيلعبوا ف الصاله وطبعا كانوا لسه صغيرين وخالد دخل عند الثعابين والباب أتقفل عليه ومفيش دقايق وصفاء خرجت من المطبخ وما لقيتش غير ندي بنتها ف الصاله ولما سألتها على أخوها قالتلها إنو دخل الأوضه دي وشاورتلها على أوضه التعابين؟؟
#غرفه_ثعابين
يتبع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق