رواية ليالي الغول اقتباس من الفصل الأخير بقلم لوجي احمد

 

رواية قلوب من حجر كامله بقلم جيجي حصريه في مدونة قصر الروايات 

رواية قلوب من حجر كامله بقلم جيجي حصريه في مدونة قصر الروايات 

فهيمه... حبة الدقايق دول ما قادراش تعجنيهم.. ما تشهلي شويه وتعمليلك همه.... حريم اخر زمن..

قالت كلامها لسمره بنت فى العشرين.. ببشره سمراء بس ملامح جميله جدا.... دى مرات ابنها.. فى شهرها التاسع... وكانت بتعجن على الطبليه..

سمره.... انا تعبانه قوي يا حماتي... ما قدراش..

فهيمه..  خلصى يا بت.. ايه النعنعه اللي انتم فيها دي... انا ولدت فى نص  الطبيخ... خلصت ولاده وقمت حضرتلهم العشا.. 

سمره بضيق.. هنقول ان ده حصل.. بس انا تعبانه جسمي مش زي جسمك..  

فهيمه.. هنقول انه حصل.... ليه.. انا هكدب عليكى اياك.. عاوزه تقولي انى كدابه... 

سمره.. ما اقصدش..

فهيمه..  ولا تقصدي... خلصى قطعي كل العيش ده... عشان تروحي تحمى الفرن...

سمره بالم... اه..

فهيمه.. مالك في ايه !!

سمره...  اه.. بولد يا حماتي... بولد...

فهيمه... خلصى العجين الاول يا بت...

سمره..  بقولك بولد.. اه..

فهيمه... انا عارفه انك عايزه تهربي من العجين...

سمره..  يا وليه بقولك بولد.. بولد..

فهيمه... خلاص اسكتي... هروح اناديلك ام سعيد الدايه..

سمره.. لا وديني المستشفى...

فهيمه.. مستشفت ايه اللي نوديهالك يا حيلت امك... احنا ما عندناش حريم تروح المستشفى عند الدكاتره... وتاخد كومة فلوس انا هجيبلك الدايه هنه.. 

 بعد شويه كانت قاعده فهيمه فى الصاله.. وجات الدايه  وحطيتلها ٣ بنات في ايديها وقالت...

 مبروك جابتلك ٣ بنات كيف القمر...

فهيمه بصدمه...ايه بنته.. و ٣ كمان...

الدايه... ايوه شوفي التلاته حلوين كيف..

فهيمه بصت للبنات بصدمه. وسابتها وطلعت فوق وقالت..  

موسى.. الحق يا موسى.. قوم...

موسى...  في ايه ياما.. 

فهيمه... مرتك جابتلك ٣ بنته.. ده اخواتك كلهم جايبين ولاد... العيال دول مش بتوعك يا موسى...

موسى.. ايه اللي بتقوليه ده ياما... هى عشان خلف بنات تقولى مش عيالي... حظى النحس وعارفه...

فهيمه...  انا هكدب عليك ليه..  خواتك كلهم جايبين ولد.. وهى جابت بنات... وبيض كمان... احنا كلنا سمر.. جابتهم بيض لمين... دول مش عيالك...  روح شوفهم مش شبهك واصل... 

موسى راح عند سمره وقال.... 

فين البنات اللي انتى جايباهم !!

سمر... اهم يا موسى شوف حلوين كيف..

موسى بغضب.. دول بيض.. مش شبهنا 

٢..موسى.. دول بيض.. مش شبهى...

سمره...اه  الحمد لله ما طلعوش  زينا.. انا عايزه اطلعهم دكاتره يا موسى...

موسى... خواتى كلهم مخلفين ولاد..

سمره... بتقول ايه يا موسى... ده رزق وربنا اللى بيقسمو.. وبعدين مالهم البنات نعمه.. احمد ربك غيرك مش لقيهم.. وبعدين انت ليه  مش فرحان... زي ما اكون جايباهم من بره..

موسى..  بصراحه كده امي بتقولي مش عيالك..

سمره... اه امك... وانت صدقتها.. ما قلتلهاش مرتي ما تعملش كده... افترض ان انا واطيه واعملها.. هعملها  ازاى وانا من يوم ما اتجوزتك ما طلعتش من الدار....

فهيمه... يمكن هو دخللك..

سمره..  خافي ربنا يا حماتي.. انتى عندك بنات...

فهيمه... اخرسى انا بنتى عمرها ما تكون زيك.. 

موسى... ما هي لو بنت واحده مش شبهى تمشى.. بس التلاته مش شبهى... 

سمره.. روح يا موسى.. روح سميهم.. سمى فاطمه وخديجه وعائشه.. ومتورنيش وشك بعد كده..

فهيمه... روح سميهملها يا موسى... الحمد لله على السلامه يا ام البنات...

واخدت ابنها وطلعت وقالت... شوف يا موسى البت دى.. طالما اول خلفه ليها  جت بنته.. عمرها ما تجيب الولد واصل... يبقى بطنها شياله بنته... ما هتجيبلكش غير بنته.. انا هجوزك اللى تجبلك الولد...

موسى.. ايه اتجوز تاني ياما..

فهيمه.. وفيها ايه.. دة عوزالها ٣ ٤ سنين حتى تحبل تانى بعد التلاته اللى جابتهم.. انت اتجوز اللى تجبلك الواد كيف اخواتك... انا هجوزك نعيمه بنت ثريا... جوزها مات ومخلفه منه عيلين في بطن واحده ولاد..  وسابتهم لحماتها ورجعت عند امها... قاعده فاضيه بطنها شيالت ولاد.. وحلوه قوى وعفيه...

موسى.. اللي تشوفيه ياما...

فهيمه... ماشي يا حبيبي...

موسى مشى.. ودخلت بنت فى التلاتين.. دى سلمى.. اخت سمره وقالت.. 

انا هاخد اختي عندي كام يوم لحد اما تخف كده..

فهيمه بسخريه..  خديها اصلا خلفة البنته تتعب الصراحه..

سلمى اخدت اختها ومشيت.. موسى كتب البنات ورجع وقال...

فين سمره !!

 فهيمه.. راحت مع اختها..

موسى.. اختها متجوزه كيف توديها عندها يا اما...

فهيمه... مش هيكلوها يعنى...  خليها تفضي الاوضه.. على بال ما رجعت هتكون انت اتجوزت وخلصت... 

موسى.. ايه هتجوز من وراها !!

فهيمه...اه.. تعديلك حتى اول ليله بدل ما تنكد عليك.. لسه هنتقدم وتتجوز عاوزلك اسبوع...  وبعدين ايه هتجوز من وراها دى... يمكن  هتسالها.. اتجوز عادي وامتى ما تعرف تعرف.. ولا لازم تروح تقولها على كل حاجه بتعملها.. هتتجوز عادى فى اوضتك.. عشان اوضتكم كبيره وواسعه وحلوه.. والعروسه الجديده تجيب عزال حلو للاوضه... وخد كراكيب ام البنات وحطهملها فى الاوضه الصغيره تنام هي وبناتها.. لحد ما يكبرو ويبطلو زن.. ونومهم يتعدل.. وبكره هنروح نخطبلك..

موسى.. ماشى اللى تشوفيهم..

عند سمره كانت ممده على السرير وبتقول..

انا كده هتقل عليكى انتى كفياكى جوزك وعيالك انتى مش ناقصه..

سلمى... يا بنت ما تقوليش الكلام ده... ده انتى اللي طلعت بيها من الدنيا.. انتى اللي فاضلالي من ريحة ابوكى وامك... الله يرحمهم...

سمره..  انا حاسه ان موسى صدق ان هما مش عيالو... قالى مش شبهي..

سلمى.. لا هما بس عشان بنات لو ولاد وبيض مكانش اهتم.. بعدين لو مش مصدق مكانش كتبهم.. انا مش عارفه بختنا ده وبعدين فيه... كل اللى بنتلم عليه يا ولد امو.. يا حبيب اختو...

سمره... ده تار بايت  ولا ايه !!

سلمى... اه يا اختي اختو لسه امبارح  مشت من عندنا..  خدت عندنا اسبوعين... فلستنا ومشيت..

سمره بضحك..  اه قولي كده انتى جبتيني سد في سد زي ما تجيب اختك اجيب اختي... مش عشان عايزه تنفسيني كيف ما قلتي..

سلمى.. لا عيب عليكى... انا لو جوزي مهنيني وقاعده انا وعيالي وجوزى  ومتدلعين.. انا كنت هفتكرك اصلا.. بس هو التاجر لما يفلس بيدور على الدفاتر القديمه..

سمره.. قومي من هنا يا بت...  بقولك صح  ما جابلهمش هدوم ولا حاجه.. من ساعه ما عارفه انهم بنته  حتى علبه لبن ما جابوش..

سلمى.. معلش رضعيهم انتى دلوقتى.. لحد اما اجيب فلوس.. وهجبلهم هدوم من بتى انا كنت شايلاهم في المخزن.. كنت ناويه اجيب عيل تاني البسهملو.. مش قدام والله هي كانت بتلبسهم بس قاعدين جداد وحلوين.. هروح اجيبهم..  اه على فكره بقيتها مش هجيب عيال تاني.. عشان يعرف يجيب اخته زي الناس..

ومشيت..

سمره.. مفتريه..

بس دخل شاب فى الاربعين وقال..  السلام عليكم...

سمره.. وعليكم السلام ورحمه الله وبركاته ازيك يا ابو ياسين..  معلش هنطول عليكم اليومين دول.. بس انت عارف انا ما ليش غير خيتي...

ده رشاد جوز اختها قال وهو بيبصلها برغبه...

 خيتك وجوز خيتك كمان... احنا زارنا النبي. هو احنا نطول... ايه ده البت بتبكى.. رضعيها..

سمره.. احم ايوه ما هى اصلها بترضع طبيعي..

رشاد..  ايوه وماله رضعيها.. 

سمره بضيق.. شويه كده هبقى ارضعها..

رشاد..  انتى مكسوفه مني ما حدش غريب.. تحبى اساعدك تعالي... 

وقرب عليها وسمره رجعت لورا.. 

تفاعل يا غوالى  🥰

٣.... رشاد..  انتى مكسوفه مني ما حدش غريب.. تحبى اساعدك تعالي... 

وقرب عليها وسمره رجعت لورا ولسه هتنادى على اختها .. بس رشاد بعد لما سمع صوت سلمى بتقول...

 جبتلك الهدوم..  انت جيت واقف عندك ليه..  

رشاد.... بشوف البنات شكلهم حلوين..

 سلمى.. اه حلوين... طالعين لخالتهم.. مش البنت بتاخد شكل خالتها..

رشاد..  ربنا يسترها وما ياخدوش مخ خالتهم...

ومشى..

سلمى.... مالك يا بنت.. عامله كان اتكب عليكى جردل ميه بثلج..

سمره... بقولك ايه انا عايزه اروح..

سلمى..  تروحي ايه.. هو انتى جيتى عشان تروحي.. خدي لبسي دول للبنات والباقيين هغسلهم واما ينشفوا اجيبهم.. حكم انا من بدري ركناهام...

سمره بهمس... اكيد انا فهمت غلط. اكيد مش كيف ما انا متخيله.. ده جوز اختي.. اكيد مش كده...

سلمى... هجبلك العشا بتاعك..

سمره.... تعباكي معايا..

سلمى..  تعبك راحه... 

وراحت عملتلها الاكل... وفضلت سمره اسبوع عند اختها بنفس النمط...

جات سلمى وقالت...

  بقولك ايه... انا حماتي ولدها اللى فى الجيش نازل اجازه .. وعايزانى اعملو عشا..  انا هروح واحتمال ابات هناك.. هعملك اكلك قبل ما اروح.. وانتى خفيتى اهو...

سمر...  طب وجوزك... احم قصدي يعني هيروح معاكي ولا هيجي يبات هنه !!

سلمى.. اللى يشوفك يقول جوزي هياخد من وركك حته..

سمره..  لا بس حرام لازم حد معانا..

سلمى.. هو هيخلص شغل وياجى عند امه... واحتمال يبات في الشغل اصلا.. معلش والله انا ما كنتش عايزه اروح . بس انت عرفاهم بقى...

سمره...  معلش ما تقطعيش جوزك من ناسو.. اللي ما لوش خير في ناسو ما لوش خير في حد... عشان ما تجيش مرت ولدك بعدين تقطعوا منك...

سلمى..  طيبه قلبك دي اللي بتوديكي في داهيه.. يلا سلام..

سمره.. سلام..

وكانت قاعده  بالليل بتسكت البنات.. بس لقت باب البيت بيتفتح.. ودخل رشاد وقال...

 ازيك..

سمره بخوف...  انت رجعت من الشغل ليه.. قصدي يعني اختى مش هنه...

رشاد..  انا قولتلها هتاخر في الشغل.. قلت ناجي ندردشه شويه..

سمره... هندردش فى ايه هو احنا في بيننا مواضيع...

وكملت بتحذير.. 

كل اللي بيني وبينك اختي.. اختي اللى هي مرتك..

رشاد...  انا عارف..  بس مش عارف جوزك ازاى جالو  قلب يزعلك... ازاي حد يزعل القمر ده... 

وحط ايدو عليها.. بس سمره بعدت وزقتو جامد.. وشدت البنات وقالت.. بعد عني بدل ما والله العظيم ارقع بالصوت والم عليك الناس...

رشاد..  ليه كده بس... ده احنا يا دوب بنتكلم...

سمره..  كلام وسخ زيك..خليك بعيد منى...

واخدت البنات ومشيت بيهم على البيت... بس اتفاجئت بانوار والناس ملمومه...

قالت..  هو في ايه  هنا..

واحده.. فرح البنت نعيمه..

سمره.. ونعيمه بتعمل فرحها عندنا ليه..

البنت.. ما هى هتتجوز موسى...

سمره بصدمه..  موسى مين !!

البنت..   موسى جوزك..

سمره...  ومالك بتقوليها باريحيه كده كانها هتتجوز واحد. ما عرفوش... يا ابن الجزمه يا موسى...

وطلعت على فوق...

فهيمه..  انتى مش كنتى عند اختك ايه اللي جابك..

سمره... ايه اللي جابني بيتي يا حماتي.. ده بيتي وبيت جوزي وبيت عيالي.... فين جوزي خطيتيه في انهي اوضه.. !!

فهيمه... فى اوضتك اللي اتجوزو فيها  رجع اتجوز فيها تاني... 

سمره كمان ده انا هخرب بيتكم...

وحطت البنات على الكنبه وفتحت الباب ودخلت وكان موسى قاعد مع نعيمه على السرير بصلها بخضه ونزل وهو بيقول..

انتى جيتي ميتى...

يعينى عليها من مصيبه لكارثه تفاعل يا غوالى عشان نشوف هتعمل ايه 🥰

٣... وفتحت الباب ودخلت وكان موسى قاعد مع نعيمه على السرير بصلها بخضه ونزل وهو بيقول..

انتى جيتي ميتى...

سمره..   انا تتجوز عليا دي...

نعيمه... لا مالها دي يا اختي كخه ولا كخه.. انا على الاقل ام الولاد.. يا ام البنيات...

سمره..  والله العظيم لو عليكم ترجعوا ايام الكفار ايام ما كانوا بيوئدوا البنات احياء.... كده يا موسى توديني عند اختي وتتجوز عليا... انا مستحملاك ومستحمله امك...

فهيمه... انتى مستحملانا.. يا صدمانه يا عدمانه... انا مش عارفه ولدي ايه اللي عجبه فيكى... وراح جابك لا عندكم مال ولا عندكم اراضي ولا عندكم حاجه... حته بنت مقطوعه من شجره وكمان رايحه تجيبيلنا بنات وتلاته.. ويا ريتهم شبهنا انا عيالي كلهم بيخلفو ولد واحنا سمر...

سمره بقهر.... حسبي الله ونعم الوكيل فيكى.. يتردلك في عيالك  واولهم موسى بتاعك ده.. وانت  يا انا يا الوليه دي يا تطلقني يا تطلقها...

موسى... ما تخربيش على نفسك يا سمره..

سمره... ما اخربش على نفسي.. يعنى هى.. طلقني يا موسى...

موسى... انتى طالق... وخدي بناتك معاكى كمان مش عايزهم.. 

سمره ..  اكيد مش هسيبهملك ...حسبي الله ونعم الوكيل فيكم انت وامك.. واه نفسى اقولك كلمتين ما حشورين فى زورى بس عشان كنت جوزى.. كان حرام اقولهم.. انت مش راجل.. وما ليكش شخصيه... وماشي ورا امك.. يا ود امك.. 

 واخدت بناتهم ولمت هدومها ومشيت من البيت.... كانت راجعه على بيت اختها.. بس افتكرت اللي حصل من رشاد... اتنهدت بضيق... ولقت رجليها وخداها على اول   قطر طالع القاهره.. اخدت تذكره بفلوس كانت ادتهملها اختها لو جابت حاجه وهى مش موجوده.. وركبت القطر وهى مش عارفه وجهتها على فين.... ولا هتعمل ايه.. كان قاعد جنبها واحد من القاهره كان بيتكلم في تليفونه بيقول...

 اعمل ايه ابنك مش بيتستر خالص... ما فيش خدامه راضيه تقعد معاه يا بابا... انا جبتلو ٤ كلهم بيطفشهم  كل ما اجيبله واحده يطفشها... لا يا عم انا ما ليش دعوه طلعوني من الحوار ده.. انا مش هجيبلكم خدمات تانى.. خليه يا خد ابنو اللي محيره ده... ومخليه مش عارف يروح بيه فين ويروح يرميه كده في حته ويخلص منو... ولا اقولك خليه يتجوز ويربى الواد اريح.. اريح واوفر  مش هتاخد فلوس كل شهر قد كده... ما ليش فيه انسو... يلا سلام.. 

وقفل وقال...

الله يخرب  بيتك يا عمر...

سمره..  لو سمحت يا بيه.. انت كنت بتقول انك عايز خدامه..  انا والله ما رميتش ودني ولا حاجه  بس سمعتك عشان كان صوتك عالي...

الشاب... انا قاعد جنبك ما انتى لازم تسمعيني... اه انا سالم الصياد.. كنت عاوز خدامه لاخويا  اسمه عمر كان متجوز واحده وسابو بعض معاه منها ولد عمره سنتين وهى رميتله الولد وراحت اتجوزت واحد تاني... سنتين النهارده واحنا كل يوم نجيبله خدامه ما بتزيدش على الاسبوع وتطفش...

سمره بخوف.. يمكن يدو.. طويله  على البنات يعنى مت،،حرش..

سالم.. مين عمر لا مالوش فى العك..  هو بس معاملته صعبه شويه... بيحب كل حاجه تبقى على المسطره... 

سمره.. طيب انا عايزه اشتغل عندو...

سالم...  ما تاخذنيش يعني بس انتى معاكي ٣.. وهناك ١ هيبقو ٤ هتقدرى !!

سمره..  يا عمي انا راضيه.. لو قصرت مشونى.. انا اصلا مش عايزه فلوس.. عايزه بس حته اقعد فيها.. ولقمه اكلها ولبن للبنات..

سالم... لا هو انتى لو نفعتى معاه هتلاقي مكان.. وهتلاقي لقمه وهتلاقي فلوس كمان.. نجربك يلا...

 وراحو قدام فيلا كبيره ودخلو الفيلا وقال...

ده بيت عمر اخويا اتفضلي..

سمره بتوتر... هو في حد قاعد معاه غير الولد...

سالم... اه ماما وبابا قاعدين معاه بس ماما اصلها دكتوره في الجامعه  فمش فاضيه تقعد في البيت... كمان مش هتقدر تهتم بالولد...

سمره بارتياح... ربنا يعينها... المهم ان هيبقى في حد معانا يعني مش لوحدنا ...

سالم... من الناحيه دي ما تخافيش... هو عمر اساسا الست اللي كان متجوزها فصلتو من الصنف كله ما تقلقيش.. ده المطبخ  ودي الاوضه بتاعتك.. ودى اوضت الولد.. ماما كانت قاعده معاه بس اما قولتلها جاين مشيت.. تمام..  انا هروح اشوف شغلي بقى.... ماما نص ساعه ولا ساعه وهتيجي.. واه على فكره احنا ناس كبار قوي لو طلعت ايدك طويله ونقصت من البيت حاجه كده ولا كده هتتجابي من قفاكى...

سمره... عيب يا بيه.. حد الله بيني وبين الحرام... انا عمرى ما امد يدى على حاجه مش بتاعتي.. انا بخاف ربنا... بعدين انا بنت ناس على فكره.. بس هو الزمن دوار..

سالم بسخريه.. امم.. كلو بيبقى كدا... باي..

ومشى سمره قالت...

طبعا امم.. وانت اللي زيك هيفهم وجع الناس منين... انا عايزه ميكروباص على ما اوصل لاخر الصاله... 

 وحطت البنات وبقت تنضف وراحت اوضه الولد ونظفتها.. واخدت الولد وغيرتله ونيمته على السرير... وباليل كانت قاعده وبتهز سرير الولد...  وحاطت التلت بنات على الكنبه جنبها... دخل شاب فى ال 20 بستغرب وهو بيقول...

سلو حبيب بابا.. انت نمت... اصلك مش بتعيط.. وصوتك مش جايب اخر الشارع.. ايه ده انتى مين !!

سمره.. اش بالراحه الولد صدقته ما نام...اطلع بره...

عمر... افندم انتى بتطرديني من اوضتي..

سمره... لو سمحت اطلع بره...

وطلعت  بره الاوضه وقالت..

 الولد نام بالعافيه كده هتصحيه..  انا سمره الخدامه الجديده..

عمر... هم جابوا خدامه تاني... ومين اللي حطاهم جنب ابني دول..

سمره.. مش في سريره انا حاطاهم جنبي بس عشان ما شاء الله البيت كبير لو سبتهم تحت وانا فوق وبكو مش هسمعهم.. دول بناتي...

 عمر... بناتك باباهم فين !!

سمره بضيق... هيفرق..

عمر... لا بسال بس اذا عندهم اب او..

سمره بغضب..  لا بلاش الكلام ده يا بيه انا متجوزه..  ومخلفاهم عادى..  وشهايد ميلادهم معايا هنه... لو تحب تشوفها...

عمر..  لا انا مالي بيها... انا هروح اخد شاور وانام... عاجبني شغلك على فكره... اول مره ارجع البيت الاقي الولد نايم برافو عليكى شكلك بتفهمي في الموضوع ده..

سمره... اللى ما يشوفش من طارة الغربال يبقى اعمى... ما هم ٣ مشاء الله قدامك..

عمره... ربنا يخليلك تعرفي انا بحب خفه البنات كان نفسى اجيب ولدين وبنت.. او بنتين وولد بس  جبت الولد وطنشنا الباقى..

سمره..  النصيب بقى...  

عمر... طيب يلا كمل شغلك.. اه انتى ممكن تنامي مع الولد في الاوضه دي... انتى والبنات... عشان لو صحي بالليل تسمعيه.. لو نمتى تحت مش هتسمعيه...

سمره ..  تمام اللي يريح حضرتك.. احضرلك عشا..

عمر.. والله هو انا لان بالعاده ما فيش حد يحضرلى.. اتعشيت بره.. بس من هنا ورايح ممكن ارجع اتعشى هنا عادي.. تصبحى على خير...

سمره..  وانت من اهله...

ورجعت الاوضه لقت اختها بتتصل ردت.. وقالت...

الو.. انتى زينه..

سلمى.. زي الزفت عليكى وعلى دماغك بقى اسيبك ساعه امشي ارجع ما لقيكيش هملتى الدار ليه !! 

تفاعل يا غوالى 🥰

٥... سلمى.. زي الزفت عليكى وعلى دماغك بقى اسيبك ساعه امشي ارجع ما لقيكيش هملتى الدار ليه !! 

سمره كانت عايزه تقول لاختها على رشاد بس ما حبتش تعمل مشاكل بينهم قالت... 

موسى اتجوز عليا..

سلمى...  ابن الصرمه... عرفت.. طب وانتى فين دلوقتي !!

سمره..  انا هملت البلد ومشيت.. هو طلقنى.. وانتى مش هينفع اقعد عندك على طول...

سلمى... يا بنت المجانين.. كنتى رجعتى هنه.. كنا لقينالك حته تقعدي فيها... هتقعدي  فين وتعملى ايه عندك...

سمره..   ربنا وقف معايا.. فى واحد بيدور على خدامه في بيت وبيت كبير قوي وفي كل حاجه هفضل هنا على طول.. فى مصر..

سلمى...  خدامه هتشتغلي خدامه عند الناس..

سمره.. وايه الجديد.. لما مات ابوكي وعمك خد مننا البيت اشتغلنا خدامين عند مرت عمك.. ولما اتجوزت  موسى  اشتغلت خدامه عند حماتي... فرقه ايه دلوك.. بالعكس انا هنا هاخد فلوس...

سلمى..  وهملتى بيتي ليه.. عمار مش متضايق من وجودك ..

سمره.. عادى ما حبيتش اقعد عندك... بس عايزه منك خدمه .. هبعتلك توكيل.. تطلقينى منه رسمى.. ده  ما لوش مله ممكن يقول ما طلقتش....

سلمى... حاضر يا اختي..  هو الخسران بكره يبكي دم عليكى بحق جاه النبي..  قال بكره تعرف خيري لما تجرب غيري.. 

سمره... ماشي.. تصبحى على خير...

سلمى..  وانتى من اهله يا خيتي..

سمره  قفلت باب الاوضه بالمفتاح وراحت على السرير .. وبقت تفكر في كل اللي حصل معاها لحد ما غلبها النوم ونامت... في صباح يوم جديد... نزلت المطبخ وبقت تعمل الفطار وجهزت سفره جميله وكامله من كله.. وعملت لبن للاولاد... وطلعت علشان تديهولهم بس.. شافت عمر في اوضه الاولاد وكان حاطط الاربعه جنب بعض وبيقول...

 ما هو كده مش هينفع مش هينفع نهائى.. انا واحد كان مغلبني.. وجبت واحده تراعيه.. تقومو تعيطوا انتوا الاربعه في نفس ذات اللحظه.. صرعتونى.. وقومتونى من النوم وتجيبوني على ملا وشي... لا واحد يعيط التاني يسكت انتى تسكتى انت تعيط.. لما انتى تسكتي انتى تعيطى ما ينفعش انتوا الاربعه سوا..  انا لو عامل موبايلي فايبريشن مش هيبقى بالهزاز اللي انتم عملتوه ده... ايوه كده.. لا ما تضحكوليش افهموني.. انا بتخانق معاكم.. هو انا مش باين ان انا بزعقلكم انتو فاكراني بلعب معاكم يعني... المهم ما تعيطوش انا همشي ها.. 

 

سمره بضحك.. اسفه ما اخدتهمش معايا المطبخ خوفت.. حاجه تتدلق عليهم في المطبخ وسبتهم هنا... قولت هطلع قبل ما يصحو.. بس صحيوا قبل ما اطلع بقى...

عمر...  لا عادي ولا يهمك... انا  كده كده ماشي..

سمره..  الست والدتك جات امبارح على فكره.. بس طلعت بدري.. هى بتقولك لو هتقابل تسنيم.. هو انا مش فاكره هي كانت اسمها تسنيم ولا تنسيم.. المهم  لو هتكلمها خد معاها ميعاد...

عمر..  انا مش قلتلها مش هروح اقابلها..  سيبك منها دى واحده ماما عوزانى اتجوزها..  سكتي دول بقى عشان انا عايز افطر...

سمره..  ماشي...

هو مشى وهى  ادت اللبن الاولاد ونزلتهم تحت في اخر الصاله.. وبقت تدى لعمر يفطر..  

عمر... اكل ايه ده طعمه حلو !!

سمره... ده فطير مشلتت...

عمر.. اه اسمع عنه كتير بس الصراحه ما اكلتوش قبل كده..

سمره.. ليه ده مع العسل بيبقى طعمو رهيب.. وفي الجبنه كمان..

عمر...طب مدام بتحبيه ما تيجي تاكلي منه واقفه ليه...

سمره... يا لهوي لا ما ينفعش..

عمر.. ما بحبش اكل لوحدي ممكن تقعدي تاكلي معايا عادي..

سمره.. لا معلش ابقى اكل بعدين..

عمر.. طب ابقى كلي منه ما تنسيش هخليلك منو.. 

سمره.. لا فى تانى جوه.. بس غريبه يعني  خوفوني منك قبل ما اجي قالوا ان كل الخدامه اللي بتيجي بتطفش..

الاخير.. بس غريبه يعني  خوفوني منك قبل ما اجي قالوا ان كل الخدامه اللي بتيجي بتطفش..

عمر..  عشان اساسا اللي بيجيبهم مش قد المسؤوليه.. يعني عندك واحده من اللي جابهم كانت سايبه الولد في الاوضه يبكي وهي كانت قاعده في البلكونه بتتصور سيلفي... وحاطه ان  ده بيتها الجديد.. باماره ايه انا ما اعرفش.. والتانيه  كانت سايبه الولد في الصاله وبتتكلم في التليفون مش عارف بتكلم مين .. وفى واحده عشان من نظلمهاش تقريبا كده جاهله او حاجه مش عارف اي حاجه في البيت يعني.. مش عارفه تفتح البوتاجاز.. مش عارفه تشتغل الغساله.. مش عارفه تعمل اي حاجه.. والاخيره جننتنى.. اقولها تعمل الحاجه  بتقولي اوكي اوكي وتعمل حاجه تانيه.. انا كنت بكلمها صيني .. كنت فاكرها صينيه.. لما مشيتها اكتشفت انها يابانيه..

سمره ضحكت وعمر قال.. 

اه  اصل اللغه الصينيه بتعتمد على النغمه.. اسمها لغه نغميه بتعتمد على مخارج الحروف حسب النبره.. انا دايما بزعق ف تقريبا كده بتتلغبط..  هي وماشيه قالت غور فى داهيه بس قالتها بلغه تانيه مش الصينيه..  يا بانيه باين...

سمره ضحكت عليه.. وهو قال...

ايوه كده اضحكى ما حدش واخد منها حاجه.. ضحكتك حلوه قوي.... 

سمره بكسوف... تسلم..

عمر... طب انا هروح الشغل باي..

وعدا اسبوع على سمره هناك وفى يوم باليل كانت قاعده فى الجنيه وبتكلم سلمى وبتقول..  

 النهارده وصلت شهاده الطلاق بتاعتى..

سلمى..  مبروك والله عيشتك عندك احسن..  اسكتي اما النهارده  شفت اللى كانت حماتك بتنشر السجاد...

سمره باستغراب..  مين فهيمه بتنشر السجاد..

سلمى..  والله كانت واقفه في البلكونه بتنشر السجاد..

سمره..  تلاقي المحروسه حبله فى واد.. وما عايزاش تنزله ..

بس شافت عمر قالت....

 طب سلام دلوك...

عمر.. قسيمة طلاق اللي في ايدك دي...

سمره..  ايوه...

عمر.. مبروك...

سمره..  الله يبارك فيك..

عمر..  انتى زعلانه مش كده..بتحبيه..

سمره.. لا هزعل ليه يعني ده نصيب. ومش بحبو خالص.. 

 عمر.. ولما انتى مش بتحبيه زعلانه ليه..

سمره... زعلانه على العشره.. بستغرب نفسي... كنت بعمل حاجات ما فيش واحده في الدنيا تقبلها على نفسها... انا كنت باجى على نفسي عشان اكمل... حتى ساعات كنت بحس انى ما عنديش كرامه.. كنت قاعده ومستحملاه... هو وامو... وفي الاخر يدوس عليا ويتجوز من ورايا..   وذنبي ايه..  انى خلفت ٣ بنات.. وهو اخواته كلهم بيخلفوا ولاد.... لا وكمان بيض مش شبه عيلتو... فكر انهم.. تؤ طب هو بيرمى عيا اليمين.. ما جاش في راسه ولا موقف حلو ليا... .. موقف انا عديته...

عمر.. ممكن انتى رضيتى بظلم نفسك.. ربنا ما يرضاش الظلم.. فبعدك هو.. وحقك هتاخديه وهيرجع..

سمره...  ونعم بالله...

عمر...  يلا بقى قومي تابعي شغلك... وانا كمان هروح اتابع شغلي ... يلا ما تفكريش فى اللى عدا فى بنات محتاجينلك.. انا ام ابنى سابت ابنها ومشيت.. رغم ان ظروفها مرتاحه.. وانتى شوفى بتعملى ايه عشان بناتك انتى بطله.. وبناتك محتاجينلك.. وحتى ابنى.. وانا كمان محتجلك.. احم يعنى محتاج تعمليلى اكل وكدا.. تصبحى على خير...

سمره ابتسمت على كلامو وراحت تنام.. وعدت سنه ونص على ابطالنا.. عند فهيمه كانت بتلم الغسيل حطيته على السرير بتعب.. وقعدت جنبه..

جات نعيمه وقالت... انتى لسه هتقعدي.. يلا عشان  تكملى الطبيخ.. موسى زمانه جاي...

فهيمه...  يا بنت تعبانه... خلي عندك دم...

نعيمه... الدم كلو راح وانا بجيب الولد... انا ام الواد عايزاني اقف في المطبخ... واشتغل واسيب الوادي يبكي..  الواد خلقه ضيق وما ينفعش يبكى.. يلا انا هروح اريح حبه.. 

وراحت اوضتها... وفهيمه نزلت تكمل طبخ.. دخل موسى.. جريت عليه وقالت...

 يا موسى حرام عليك انا تعبانه قوي ومرتك دي مش بتحط يدها في البيت... 

موسى.... معلش يا اما الواد لسه صغير ما ينفعش يبكي من دلوك...

فهيمه بغضب... يعني ايه يعني انا هخدمكم انتم الاتنين..

موسى.. لا خلاص.. انا هطلع اقصف رقبتها تخدمينا كيف..

وطلع فوق وقال..  ما تنزلى تعملي مع امي..

نعيمه.. انزل كيف يا موسى بس وانت شايف الواد على رجلي.. وانا لما بنزلو بيبكي.. يعنى كان نايم وانا مشغلاها..

موسى..  بس امي عضمه كبيره ما تقدرش تشتغل..

نعيمه.. طب ما تيجي اختك تساعدها.. انت شايف الواد عمال يبكي ليل نهار مغلبني كيف ابوه... انا جبت الولد شبهك بالملي وعنيد كيفك...

موسى... خلاص سيبك منها وخلي بالك على الواد لما يشد شويه.. تبقى  تنزلى..

نعيمه.. لا لما يشد انزل ايه... انا مستنياه يشد عشان اجيبلك التاني والتالت  والرابع.. ايوه امال ايه.. عيالك عزوتك..  هم اللي هيسندوك..  

فهيمه كانت بتسمعه من ورا الباب قالت بضيق.. 

 انا اللي دخلتك البيت.. انا استاهل انا اللي جبته لنفسي.. ذنوب وبتخلص فيا... دعوه سمره اللى كنت اقول عليها  شياله البنته.. كانت تعمل كل حاجه وما كانش عاجبني.. يا رب اكون مبسوطه دلوك.. بخلفة الواد..  الهي لا تكسب ولا تربح يا موسى انت ومرتك...

 عند سمره كانت اتجوزت عمر..  وكانت لابسه لبس غالى.. وقاعده في البيت وبتقلب فى التليفون.. جيه عمر قعد جمبها وقال..

 حبيبه قلبي..  بتعمل ايه...

سمره.. بختار هدوم للبوبو..

عمر.. انتى في الشهر الكام...

سمره..  في الخامس..

عمر.. على فكره انتى ضحكتى عليا قلتلي ان انتى مش هتخلفي دلوقتي... واديكى حامل..

سمره..  لا عادى غيرت رئى... بعدين ده رزق من عند ربنا انت معاك فلوس ايه البخل ده...

عمر... مش بخل بس دول كده بقوا.. خمسه عندك فكره عندنا تلاته بنات...  واحد ولد.. كده اربعه... والخامس في بطنك...

سمره..  احنا بعون الله هنجين دسته...

عمر...  لا يا اختي هو ده وخلاص... مش عايزين تاني..

سمره..  بصراحه ما كنتش ناويه اجيب تانى... بس انا عايزه  عيل منك.. 

عمر.. طبعا ما انتى بتحبيني...

سمره.. اه قوى يا ريت لو شوفتك من الاول... 

عمر..  لا ما كانتش هتبقى حلوه... رسولنا الحبيب عليه افضل الصلاه والسلام

 قال.. لو اطلعتم  على الغيب لخترتم الواقع.... 

 لو انا جيت بدري شويه ما كنتيش هتجيبي بناتك الحلوين اللي هم روح قلبك دول.. ولا انا كنت هجيب سليم..  بعدين لما بتتعبي في المشوار.. وتوصلى  للبيت وتمددي كده على السرير... بتحسي براحه.. بتحسى بدفى البيت.. انما لو ما تعبتيش مش هتحسى بيه.... التعب اللي انتى تعبتيه في الاول هو اللي خلاكى تحسى بالراحه دلوقتي... وتحبيها وتكوني مبسوطه بيها.. انتى رضيتى.. علشان كده ربنا عوضك....

سمره.. انت  احسن حاجه ممكن ربنا يعوض بيها واحده...انت سند بجد..

عمر..  لا والله انا ما كنتش نافع مع حد بصراحه.. بس انتى غيرتينى.. عجبتيني من اول مره شفتك فيها طموحك واصرارك بانك تكملي كان فارض نفسه... انتى ما يئستيش... صبرتى وفضلتى تحاولي. وفرضتى نفسك في قلبي كمان...

 ودي كانت نهايه قصتنا.. فهيمه.. جاتلها نعيمه اللى هتربيها.. هى وابنها.... وخلتها تدعى على ابنها.. وموسى ما فيش اكبر من ان امو تدعى عليه.... لانهم نسيو كلام ربنا ورفضو نعمه عظيمه من نعمو وهى بناته التلاته اللى رماهم الناس دى طبعا  ربنا سبحانه وتعالى  وصفهم وقال عنهم فى كتابه العزيز 

( بسم الله الرحمن الرحيم ) 

(وَإِذَا بُشِّرَ أَحَدُهُم بِالْأُنثَىٰ ظَلَّ وَجْهُهُ مُسْوَدًّا وَهُوَ كَظِيمٌ (58) يَتَوَارَىٰ مِنَ الْقَوْمِ مِن سُوءِ مَا بُشِّرَ بِهِ ۚ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ ۗ أَلَا سَاءَ مَا يَحْكُمُونَ (59) (صدق الله العظيم )

وسمره عاشت فى فرحه مع الانسان اللى يعرف قيمتها.. كنتم مع قلوب من حجر بقلمى..  جيجى اتمنى تكون عجبتكم  هنستنى رئيكم فى الكومنتات... دمتم في امان الله مع من تحبون باذن الله...