رواية للهوى بياعه كامله بقلم جيجي حصريه في مدونة قصر الروايات

رواية للهوى بياعه كامله بقلم جيجي حصريه في مدونة قصر الروايات

البنت البدويه كانت ماشيه فى الصحرا... واللى لقتو غير حياتها كلها وقلبها رأسا على عقب...

اصايل بنت بدويه جميله.. كانت ماشيه فى الصحراء شافت شاب جميل في العشرين لابس بدله سوده فخمه.. وشكلو مش من البدو..... بس كان قاعد على الارض بتعب ومتبهدل.. قربت منو وقالت بدلع...

هلا بيك يا الغريب في ديرتنا.. تايه تحب نوصلك قبيلتنا !!

قال... لا شكرا انا مش تايه.. انا عارف وجهتي كويس قوي...

اصايل... شكلك بيقول مالك من القبيله... انت من مصر !!

قال.. اه من القاهره.....

اصايل... انا بصاره.. للغيب قناصه .. بقرا الكف واعرف اللي في الصف... بقرا الفنجان.. واعرف القصه والعنوان... نشوف الطالع من كفك.. لو خير نبشرك.. ولو شرك منو نحذرك...انا اشطر بصاره.. ولو واخد عين.. نسكبلك رصاصه.. تحب تجرب حظك ويايا...

مد ايدو وقال.. اه اتفضلي...

اصايل مسكت ايدو وقالت... صبيه جميله بعيون كحيله... ورموش طويله... تريدك وهي اللي في قلبك... بس حواليها موانع بيمنعوها عنك... جميله وتريد لك الخير... وغيرك ما تشوف من وسط الغير.... اذا كلامي صح ادفعلى حق كلامى... ولو غلط مشى وما تدفع شى...

بقلمى جيجى

الشاب طلع فلوس كتير وحطهم فى ايدها وقال....

على فكره انا كمان بقرا الكف...

اصايل... ههه انت تضحك عليا ولا شو..

قال... لا مش بضحك عليكى... انا بقرا الكف فعلا.. هاتي ايدك واقرالك الكف... وما تدفعيش حاجه...

اصايل... كداب... انت لو تعرف تقرا الكف.. ما كنتش تقعد مهموم كده.. كنت شوفت طالع وساعدت نفسك..

قال.. ساعات بتقرى الكف وما بتقدريش تعملي اي حاجه في اللي جاي... زي لما يقولولك هتمطر النهارده... ما بتعرفيش تعملى ايه... بتقعدي وتستني المطره.. بس ما بتمنعيهوش... لانها حجات من ربنا..

ومسك كفها وقال بطريقتها.....

حياتك اتنين هيظهروا فيها ... هيقلبو عاليها واطيها... بس لازم تمسكي فيهم باسنانك وبالايدين... هتتبهدلى ومعاهم هتطلع العين .. مصيرك مربوط بالاتنين.. لو سبتيهم هتموتى خلال يومين...

اصايل بسخريه.. شو تقول انت.. انا مصيري مربوط بتنين مش واحد....

قال بتحزير... الكف ما فيهوش هزار.. حتى لو ما عجبكش كلامو.. ده اللي مكتوب وفي كفك مكانو...

ما تدفعيش حاجه لما تقابليني تاني هيكون كلامى اتحقق ساعتها لو حبيتى تدفعى هاخد منك...

اصايل... لا هو انا هشوفك تاني !!

قال.. اسالى الطالع بتاعك...

اصايل اتوترت من كلامو وكملت مشيه في الصحرا وهي وماشيه شافت حاجه وسط الرمله... قربت منها وكانوا توام مرميين في الرمله... بصتلهم بخوف لانهم كانوا اتنين .. نفضتهم من الرمل واخدتهم في حضنها... وجريت بيهم... وفضلت تدور على الشاب اللى قرالها الكف... بس كان اختفى... ما لوش اى اثر.... كانه تبخر... فص ملح وداب...

دى قصه جديده يا غوالى لو عجبتكم. وحابين نكملها قولولى ونكملها سوا 🥰

٢... اصايل فضلت تدور على الشاب اللى قرالها الكف... بس كان اختفى... ما لوش اى اثر.... كانه تبخر... فص ملح وداب...

اصايل اتنهدت بيأس... ورجعت على الخيمه.. وحمت الاولاد ولفتهم في بطانيه عندها.. وقعدت جنبهم.. وحطت ايديها على دماغها وقالت...

اللي بنعمله في الناس هيطلع علينا ولا ايه... كف ايه اللي قراه.. وطالع ايه اللي شافه....

وبصت للولاد وقالت... يا مراحب بالشقى اللي هيجي على ايديكم..... وبالموت اللي هيجي من غيركم....

بس سمعت صوت شاب بيقول..... بنت يا اصايل..

اصايل.. بدر الحقني يا بدر..

وفتحتلو...

بدر.... في ايه مالك...

اصايل.. مصيبه حلت عليا...

بدر بهزار.. اهدى بس مصيبه ايه بس.. انتى مش هتحصلك مصايب.. المصايب دى بتحصل للناس اللي عندها اهل حد من اهلها يموت... عندهم فلوس يخسرو الفلوس... او ناس عندها بهايم الاغنام تموت.. انما انتى ما عندكيش غيرك.. وطالما انتى واقفه كده.. يبقى ما عندكيش مصايب...

اصايل... خلصت... ادخل وشوف المصيبتين اللي على السرير.. مصيبتين مش واحده...

بدر بصدمه.. ولاد انتى خلفتيهم امتى دول !!

اصايل.. ما خلفتهمش طلعولي في البخت... اه والله.. انا كنت ماشيه في الصحراء ولقيته...من ساعت ما شوفتو وقلبى اتقبض....

وبقت تحكى لبدر عن الشاب اللى شافتو والكلام اللى قالو.... بدر قال باستغراب....

كلام ايه ده... انتى مجذوبه يا بنت.... يعني ايه قرا لك الكف... وشاف الطالع.. وفى الوقت نفسه لقيتى العيال دى.... ويعنى ايه روحك مربوطه بيهم... ايه الهبل ده .. انتى هتصدقى ان في حد بيشوف الطالع اصلا.... ولا فى حد بيعلم الغيب... ما يعلمش الغيب الا اللي خلق الغيب... الكلام ده احنا عارفينه... كدب المنجمون ولو صدقو... انتى نفسك مش بتشوفى حاجه بتقولي للناس كلمتين حلوين.. يدوكى فلوس على اساس ان ده الطالع بتاعهم... انما انت بتشوفي كف عادي... مش انتى اللي قلتلي كده بنفسك.. !!

اصايل.. بس هو قراه...

بدر بغضب.. ما فيش حاجه اسمها كده.. انتى قولتيلى بالسانك انك بتقولي للشاب الصغير اللي ما فيش فى يدو خاتم جواز... ان في صبيه حلوه مستنياه وتوصفيله مواصفات الصبيه الحلوه اللى اي شاب بيتمناها يقوم يفرح ويدفعلك فلوس.. وبتقولى للمتجوز ان همومك هتروح وهتتبسط وهتعيش حياه حلوه لان ما فيش متجوز ما عندهوش هموم.. وبتقولى حاجات حلوه لكل واحد على حسب عمره... انتى هتكدبى الكدبه وتصدقيها....

اصايل بغضب.... ما انا عارفه اني ما بقراش الطالع وما بقراش الكف... بس هو قالي من هنا ولقيت العيال دول من هنا...

بدر بانكار... يمكن نصاب قالك الكلمتين ومشى... وصدفت لقيتى العيال...

اصايل.... الجدع مش نصاب.... كان قاعد فى حالو انا لما قربت منه قالي الكلمتين دول... حتى ما خدش مني فلوس هو أداني فلوس... بس وقعت منى وانا بدور عليه...

بدر... بقولك ايه... انتى هتروحي دلوقتي حالا وترجعي العيال دول من مكان ما جبتيهم.. احنا فرحنا بعد اسبوع ومش فاضي للعيال ها...

اصايل... يا غبي اذا رجعتهم مش هعيش للاسبوع اصلا هموت قبل ما يعدي الاسبوع... قال خلال يومين...

بدر... بقولك ايه هترجعيهم احنا فرحنا بعد اسبوع واحنا مش لاقين ناكل عشان نصرف على عيلين الله اعلم جايبنهم منين عشان كلام الدجال بتاعك... دول مسؤليه... اديكى شايفه الناس بترمي عيالها هنربيهم احنا... يا انا يا العيال دى...

اختيار صعب.... يا هالترى. اصايل هتختار مين.. وايه اللى هيتم تفاعل يا غوالى.. 🥰

٣...بدر... بقولك ايه هترجعيهم احنا فرحنا بعد اسبوع واحنا مش لاقين ناكل عشان نصرف على عيلين الله اعلم جايبنهم منين عشان كلام الدجال بتاعك... دول مسؤليه... اديكى شايفه الناس بترمي عيالها هنربيهم احنا... يا انا يا العيال دى...

اصايل.. انت بتسيبني !!

بدر... انا مش هربي عيال حد...

اصايل....ده بدل ما تاجى تدور معايا ايه السر اللي هيموتنى في يومين لو رجعت العيال دي..

بدر.. ما فيش سر... ما فيش سر.. ده كذاب... صدفه بس...

اصايل.. ما فيش حاجه اسمها صدفه.. وهختار العيال يا بدر... اطلع من هنا ما تخلينيش اشوف وشك تانى.. اطلع بره يا بدر... اطلع بره...

وطلعتو.. ونامت على السرير وبقت تعيط.. فى صباح يوم جديد... كانت قاعده تهز العيال وتقول...

يا ربي حرام عليكم... انا ما نمتش طول الليل مش هتبطلوا زن بقى...

وراحت على الخيمه اللى جمب خيمتها وقالت.. زينه..

طلعت بنت من الخيمه وقالت... تفضلي يا خيتي وش تريدي...

عايزه هدوم لعيلين صغيرين من عيالك...

زينه.. عيال.. يا بت.. من وين جبتيهم !!

اصايل.. كنت راجعه امبارح من شغلي ولقيتهم فى الرمل حميتهم ولفيتهم في البطانيه وغسلت الهدوم اللي جو بيها علشان الرمله مالتها...

دخلت زينه وجابتلها شويه هدوم كتيره وحطيتها في ايدها وقالت... خديه واذا احتجتى اي حاجه تعال دقي على طول...

اصايل.... شكرا ما اتحرمش...

زينه.. ربنا يرزقك ثوابهم....

اصيل.. يا رب...

و مشيت على الخيمه ولبستهم وطلعت تتابع شغلها بس قعدت فى نص الطريق بتعب.. وبقت تنام هي وقاعده... جاتلها بنت تجري بفرحه وقالت...

اصايل عايزاكى تشوفيلي الطالع بتاعي وتبشريني.. انا بستبشر بكلامك...

اصايل بحزن.. انا ابشرك.. ده اني فنكوش.. ما بعرفش اقرا طالع ولا نازل... عايزه اشوف شغله تانيه...

البنت... كيف يعني ما بتعرفيش تقري الطالع.. ده انتى كل اللي قلتيهولي حصل.. جالى عريس زين.. متقدم لابوي .. عاوزه اعرف اتجوزو ولا ما اتجوزوش.. وهيهنيني ولا مش هيهنيني... النجم بيقول ايه...

اصايل.. هئ كمان حياتك واقفه عليه... بقولك ايه يا بنت الناس انا كيف ما قلتلك لا بعرف اقرا الكف والطالع بضحك عليكم بكلمتين واخد فلوس بس والله عشان اعيش...

البنت.. ايه الكلام ده... انتى مش عايزه تقريلي الطالع ليه .. مرت ابوي قالتلك ما تقوليلهاش صح.. عشان ما اعرفش اوافق على العريس ولا لا.. ما كانش العشم...

اصايل ببكى... والله العظيم ما بعرف اقرا انا.. مش بصاره .. انا كذابه...

وفضلت تعيط.. والبنت بصتلها باستغراب ومشيت... واصايل راحت على مكان صغير بيعملوا فيه الاكل.. وقالت...

سالم انا عايزه اشتغل معاكم...

سالم... تشتغلي معانا هتشتغلي ايه معانا انتى...

اصايل... اي حاجه هشتغل اي حاجه... هعمل الاكل معاك...

سالم.. مين العيال اللي انتى جايباهم معاكي دول !!

اصايل بحزن... طلعولي في البخت..

سالم.. طيب ماشي ادخل استلمي شغلك مع البنات...

اصايل كانت بتشتغل بتعب كبير من كتر ما نسهرت ب العيال طول الليل.. وكانت بس عايزه تنام...

سالم.. لا لا بقولك ايه انتى كسليه ويدك مش ماشيه في الشغل... وانا ما ينفعش معايا الكلام ده...

اصايل... لا ده انا بس عشان امبارح ما نمتش بس هشتغل دلوقتي هشتغل والله ...

سالم.. طيب روحي نامي وتعالي بكره...

اصايل... ماشي...

روحت تنام بس برده الاولاد كانوا كل شويه بيصحوها.. واحد ينام.. التاني يصحى.. تنيم التاني يكون الاولاني صحي.. فضلت في ورديه ما بينهم لحد الصبح... اخدتهم وراحت على الشغل التعب مسيطر عليها.. وكل ما تمسك حاجه تقع من ايدها...

سالم.. بقولك ايه انت شكلك مش بتاعه شغل مش نافعه نهائى... روحي... روحي اقري الكف زي ما كنتى..

اصايل... مش هقرا كف تاني ابدا..

سالم... وانا مش ذمبى.. انتى مش نافعه في الشغل اصلا..

اصايل... اخدت الولاد ومشيت بيهم..

يا ترى ايه اللى هيحصل مع اصايل ده اللى هنشوفو ف اللى جاى تابعو معانا وما تنسوش اللايك 🥰

اصايل... اخدت الولاد ومشيت بيهم.. راحت عند واحده بتفصل هدوم للبنات وقالت...

عنود... انا عايزه اشتغل معاكى..

عنود.. وانتى بتعرفي تفصلي... ده مش كيف قراية الفناجين...

اصايل.. اصلها حرام.. وانا عاوزه شغل حلال.. عشان العيال دى مشيلش ذمب انى صرفت عليهم من حرام..

عنود.. طيب تعالي اشتغلى معانا.. ناوليني مقص.. ناوليني القماش.. الخيط اي حاجه..

اصايل.. ماشي...

وفضلت تساعد البنت لان الاولاد بيناموا بالنهار وبيقوموا بالليل.. كانت تعبانه بس عنود كانت سيباها براحتها..

عنود... انا وانتى داخله.. فكرتك جايبالي هدومك عشان الفرح بتاعك...

اصايل بحزن... انا لغيت الفرح بتاعى... عشان لقيت العيال دول... بدر قاللي يا انا يا هم... واخترتهم...

عنود.. يا بنتي كنتى اخترتي بدر.... ده انت بتحبيه من زمان. على الاساس رايداه ورايدك.. تسيبيه عشان عيلين ما تعرفيهمش... رجعيهم من مكان ما جبتيهم وخلاص...

اصايل... ارجع ايه هما جزمه لقيتهم وانا معديه دول عيال روح.. يعني لو رجعتهم هيموتوا من الجوع والعطش... او حتاجى حاجه تاكلهم...

عنود.. بقولك ايه انا كبرت في السن خلاص معايش عيال اديهملي اربيهم انا بدالك....

اصايل.... ما اقدرش اديهملك انا لو فرطت فيهم هموت في ظرف يوم ولا اتنين..

عنود.. كيف يعني !!

اصايل... انا نفسي مش عارفه كيف.. اشتغلى اشتغلي...

اصايل كانت تعبانه وبتنام وهي قاعده كل شويه.. لحد ما خلصت اليوم بتعب.. ورجعت على الخيمه حطيت الاولاد وحطت دماغها على السرير ونامت.... ما فيش نص ساعه والولد الاولاني صحي... فضل يعيط.. اصايل بقت تسكتو وتديلو لبن. وفضل واحد يصحى واحد ينام لحد الصبح...

اصايل كانت عند عنود وبتقول...

هعتبر انى متجوزه وان انا معايا الاثنين دول توام.. مش قادره اعمل حاجه بيهم ليه.. الصبح ينامو وانا بشتغل ...بالليل لما هنام بيصحو.. الام بتعمل ايه !!

عنود.... في حريم بتجيب توام وبتربيهم الاثنين عادي.. بس ده علشان الحريم معاها رجاله بتجيب فلوس.. هى بتنام معاهم بالنهار... وبتسهر معاهم باليل..شغل بيتك مش زي شغل بره.. اللى بيتعمل دلوقتي واللي بيتعمل شويه..

اصايل.. ما فيش الكلام ده في ستات بتشتغل مدرسه ولا دكتوره فى الحتت التانيه يعني...

عنود... ايوه يا بنتي العيال دول سنهم صغير بيناموا بالنهار وبيقوموا بالليل.. انتى بتشتغلي بالنهار فما بتناميش... كمان ما بتناميش في الليل عشانهم.. انما امهم في السن ده ما بتبقاش لسه خفت ونزلت الشغل بتبقي بتنام بالنهار... وتصحى معاهم في الليل لحد 40 يوم... نومهم بيتعدل لوحدو بعد كده...

اصايل... يعني على كلامك ده ان دول ما عدوش ال 40 يوم...

عنود.. لا دول يطلعوا لهم اسبوع ما يزيدوش...

اصايل... ازاي ممكن واحده ترمى عيال بقالهم اسبوع دى تلاقيها جرحها لسه ملمش...

عنود... عشان الفضيحه بعيد عنك... ربنا يسترها علينا.. وعلى بنات المسلمين.... تدخلى جوه تناميلك شويه..

اصايل.. لا انا هشتغل عادى...

وعدى اسبوع على الحال ده.. وفى يوم كانوا عاملين حفله لفرح بنت صاحبتهم.. كانوا البنات كلهم متجمعين حوالين النار وبيرقصوا وكان في مشاوي خرفان.. وكانت اجواء جميله جدا من الاجواء البدويه الاصيله.. واصايل كانت حاطه الاولاد جنبها وقاعده وبتزقف من البنات اللي بيرقصوا بفرحه كبيره.... واحده صاحبتها شدتها وبقت ترقص معاها... واصايل للحظه اندمجت ونسيت الولاد وفضلت ترقص مع البنات... بيغنوا ويرقصوا.. اصايل قعدت مكان ما كانت قاعده وبقت تسقف... بصيت جنبها على الولاد بس ما لقيتهمش... شهقت بصدمه وفضلت تدور عليهم... وقالت بخوف....

العيال فين.. الولاد كانوا هنا... فين راحوا !!

عنود... اهدي يا اصايل بسم الله هيكونوا راحوا فين يعنى.. هيكونوا هنا ولا هنا..

اصايل... ده على اساس ان هم عندهم رجلين هيمشوا عليها... العيال فين...

عنود.. ما تهدي شويه يا اصايل في ايه هنلاقيهم..

واخدو كام بنت من اللي كانوا معاها في الفرح وراحوا معاها... وبقوا يدوروا على العيال... اصايل كانت بتعيط وبتقول...

يا رب الاقيهم... يا رب يا رب... بركه حبيبك النبي الاقيهم يا رب....

وفضلت تدور عليهم وهي هتموت من الرعب.. في مكان تاني كان بدري ماسك الولدين وبيبص لهم بضيق وبيقول خلاص كفايه بطلوا بقى بتزنوا ليه انتم.. وجيه راجل معاه مركب وقال..

جبت المقاطيع...

بدر ادالو الولاد وقال.... اهم شوف يا شيخ حجاج الولدين دوله ولا ليهم ام ولا اب.. ولا في حد يسال عليهم كيف ما اتفقنا اديني بقى... فلوسي...

حجاج.. بس انت متاكد ان ما فيش حد هيدور ويعمل لي مشكله... ما فيش حد هيدور على العيال دي احنا بنبيعوهم... مش عايزين عيال يكون ليهم حد يسال عليهم... ويعملنا قلق.. عوزينهم مقاطيع كيف عيال الملاجئ يعني...

بدر.. يا عم قلتلك ما لهمش حد يسال عليهم.. اديني حسابى بقى واخلص...

حجاج.... ادي فلوسك... مع السلامه انا بقى..

يا ترى. اصايل هتلحق الاولاد او لأ يلا تفاعل يا غوالى.. 🥰٠

٥.. بدر.. يا عم قلتلك ما لهمش حد يسال عليهم.. اديني حسابى بقى واخلص...

حجاج.... ادي فلوسك... مع السلامه انا بقى..

بدر... لا سلامه ايه.. هعد فلوسي قبل ما تاخد العيال وتمشى دي حاجه ما تزعلش حد... الحق حق ربنا...

حجاج... طيب اخلص...

عند اصايل كانت قاعده وبتعيط وحاطه ايديها على دماغها وبتقول...

اه انا يا اما... العيال راحوا مني.. راحوا مني خلاص وانا كمان هروح....

واحده من صحباتها.. طيب بقول لك ايه ما تقري كفك وتشوفي الطالع بتاعك بيقول ايه.. شوفى هتعرفى تلاقى العيال ولا ايه...

اصايل.. حد بيسكت البنت دي كل ما بتتكلم بتعصبني..

عنود.. خلاص يا بدور كفايه...

بدور.. طب والله حل مش هي بتقرا لينا الكف بتاعنا وتشوف لنا الطالع.. خلاص هي لما تقرا كفها لنفسها هتشوف الطالع بيقول ايه...

عنود.. لا ما هو يمكن ما حدش يقدر يقرا كفو لوحده لازم حد يقرا له.. كفاكي بكى يا اصايل...

اصايل.. انا ما بعرفش اقرا الكف.. ولا اشوف الطالع... انا كنت بضحك عليكم... بقرا لكم الحجات اللى انتو عوزينها تحصل.. انا كنت ببيع الهوى.. سمعتو ببيع الهوا.. بقولكم... حاجات كده من دماغي افرحكم بيها.. اقول لكم هياجي لكم عريس زين... هيجب لكم شقه حلوه هيجيكم حاجات جميله... علشان اخد فلوس... لحد ما اتقلب السحر على الساعر وقرالى كفى... يا مصيبتي انا ياما المفروض ما حدش يعرف قدره... لو ما كنتش اعرف اللى مستنينى ما كانش زماني بموت كده...

بدور.... يعني ايه... يعني انتى كنت بتضحكى علينا كل ده .. انتى ما بتقريش الكف.. ولا بتحسبى للنجم.. ولا بتشوفى الطالع...

اصايل.. انتوا اللي كنتوا بتضحكوا على نفسكم.. انتو اديتوني فرصه انصب عليكم.. انتم مسلمين وعارفين ان الغيب ما بيطلعش عليه غير ربنا.. بس كنتو تاجونى.. كنتو تصدقو كلامى... وتدوني يدكم وانا كنت اجبر بخاطر الناس بس... اللي بقول لها هتتجوزي واللى اقول لها... هتخلفي واللي بتصدف وتحصل الحاجه اللي انا قلتها.. بتجيب لي هديه.. واللي لا خلاص... انتو اللي خليتوني اتمادى باللعبه دي... لحد ما عرفت عواقبها.... انتم اللي اديتوني الفرصه.. ادينى باخد جزائى وعايشه في رعب بسبب قرايه الكف.... خلاني اعرف ان الكلام اللي احنا بنقوله مش مجرد كلام بنقوله وخلاص.. لا دا الناس بتبنى امال على الكلام اللي بتقولهولهم البصاره .. لو كان خير بتبقي قاعده ومستنيها.. وعايشه كل دقيقه بامل انه هيحصل النهارده هيحصل بكره وبتتاملي حتى في احلامك... ولو شر هتبقي خايفه من انه يحصل حتى حلمك بيهرب منك... ما طلعتش مجرد كلمه.. بتقولها البصاره...

عنود... خلاص بقى يا اصايل كفايه.. اصلا حياتك باظت من شوفتيهم.. خطيبك سابك.. وشغلك كمان.. خلاص ارجعى لحياتك..

اصايل... خطيبى.. صح .. خطيبى.. بدر.. بدر فين !!

عنود... شو ردراني يمكن يكون مع قبيله لرجال هناك...

اصايل جريت بسرعه عند الشباب وقالت....

الشيخ عواد مرحب...

عواد... احم يا مرحبا يا اصايل...

اصايل... فين بدر !!

عواد... انا شفته كان ماشي بالجمل بتاعه هناك ورايح ناحيه البحر...

اصايل.. شكرا.. وبقت تجري بسرعه مكان ما وصفلها فضلت تجري بسرعه وشافت الراجل ما سك الاولاد.. بقت تجرى وتصرخ وهى بتقول...

بدر هموتك يا خسيس وقفو...

تفاعل. يا غوالى. ونستعد للنهايه 🥰

الاخير.... بقت تجري بسرعه مكان ما وصفلها فضلت تجري بسرعه وشافت الراجل ما سك الاولاد.. بقت تجرى وتصرخ وهى بتقول...

بدر هموتك يا خسيس...

الراجل طلع على المركب.. واصايل جريت ومسكت بدر من هدومو وقالت...

الولاد مع الراجل ده وقفو...

بدر.. ما تجنيش دول مش.. مش العيال اللي انت لقيتيهم ده.. ده واحد تانى.. ودول عياله. كان بيسال على الطريق...

اصايل... انت فاكرني هبله..

وبقت تجرى وراهم بدر مسكها من وسطها... بلاش جنان العيال دول هيجننوكي.. شوفى بقيتى كيف من ساعه ما جبتيهم... لا عارفه تاكلى ولا عارفه تشربي ولا حتى عارفه تشتغلي ايه اللي حصل لك من ساعه ما قابلتى المجنون ده.. يا بنت الناس اعقلى العيال دول جو بلاش وراحوا بالكاش... شوفى جابولنا فلوس قد ايه... الفلوس دي هنبني مستقبلنا بيها انا وياكى وخلي العيال دي تروح..

اصايل شافت المركب بدت تمشى قالت..

العيال يا بدر بعد... وضربته في بطنو بركبتها ونزلت الميه وبقت تصرخ.. وتقول...

شفتك... انا شفت وشك... هقول للبلديه... وقف... وقف رجع العيال.. رجعهم يا حرامى..

الراجل اول ما شفها بتصرخ والناس هتتلم رجع رمى العيال فى وشها وقال...

بس سدى هتفضحينا....

وبص لبدر وقال... دول اللي ما فيش حد يسال عليهم بتضحك علينا انت مش عارفه احنا مين ولا ايه....

واخد الفلوس من بدر ومشى..

بدر... هتديهملك استنى.. اوف مشى عجبك كده يا بنت الفقريه...

وسابها ومشى... واصايل بقت تحضن الولاد وتقربهم ليها وتقول...

يا حبايبي كانو هياخدوكم منى.. يا روحى انتو.. كانت واقفه بالعيال كلها ميه ومبلوله شعرها بينقط ميه.. واقفه بتتنفض من كتر البرد.. وماشيه في الصحراء بخطوات بطيئه.. وقفت قدامها عربيه سوداء كبيره ونزل منها نفس الشاب اللي قرا لها الكف وقال بابتسامه...

مساء الخير يا اشطر بصاره...

اصايل بصتله بصدمه لدرجه الاولاد كان هيقعوا منها اخدهم منها وحطهم في العربيه... وقال...

بالراحه لا روحك تروح معاهم..

وبقى يضحك... اصايل مسكت في رقبته وقالت....

انت مين انت جن ولا انس.. لا انت شيطان...

قال بسخريه... انا بصار بقرا الكف واعرف اللي في الصف... بقرا الفنجان.. واعرف القصه والعنوان... نشوف الطالع من كفك.. لو خير نبشرك.. ولو شرك منو نحذرك...انا اشطر بصار.. ولو واخده عين.. نسكبلك رصاص... مش ده كلامك...

اصايل.. اني نصابه..انا نصابه بضحك على الناس بالكلام ده... ارتحت..

قال.. اه قوى... حلو الاعتراف بالحق فضيله.. ولازم كل واحد يعترف بالحق.. ما فيش حاجه اسمها يقرا الغيب وما فيش حاجه اسمها الطالع.. ده القدر اللي ربنا كاتبه ما حدش بيشوفه غير ربنا... اديكى اتعلمتى درس كويس من الحكايه دي ما تلعبيش بعقول الناس وتستخفيها..

اصايل... روحت اصطاد اصطادوني...

قال.. بالظبط هو كده خلي بالك انتى بتصطادي مين .. لان مش كل الطير بيصطادوه..

اصايل ....انت مين !!

قال.. حمزه حمزه البنهاوي مهندس معماري اتشرفت بيكي..

اصايل.. ما تطلعش ايمانى.. انا عايزه اعرف ايه العيال دول ايه اللي جابهم حياتى وليه هموت لو سبتهم..

حمزه.. انتى غبيه ما انا لسه قايل ما فيش حد بيطلع على الغيب.. اقعدى هشرحلك...

وقلع االجاكيت بتاعو وحطه على كتافها وقال.

. البسيه عشان انتى طالعه من الميه..

اصايل.. بعيد عني...

وقلعت الجاكيت ورميته في الرمله بغضب وقالت... اخلص فهمني...

حمزه.. تمام.. اخويا ظابط بوليس... هو متجوز.. مراته ولدت من فتره وقعدت هي والاولاد في المستشفى.. اسبوع.. لان حالتهم ما كانتش مستقره قوي... اول ما عدى اسبوع انا واخويا كنا فرحانين علشان هنطلع مراته والاولاد.. هو اخد مراتو فى عربيته وقال ان هو هيروح البيت.. وقالي انا اخد الاولاد معايا في العربيه اروحهم... انا كنت فرحان قلتله تمام... فجاه لقيت العصابه اللي معاها مشاكل مع اخويا بتطاردني وعايزه تاخد اولاد اخويا.. او تموتني الله اعلم هي كانت عايزه ايه... هي كانت بتضرب عليا نار.. انا مش عارف بالظبط فضلت اجرى منهم قد ايه... المهم.. بقيت اجري بالعربيه وهم يجروا ورايا فجاه لقيت نفسي هنا عندكم...خفت ارجع بالاولاد العصابه تلاقيني... وكمان ما قدرتش اكمل لاني مش عارف هتوصلني لفين... واحتمال لما اكمل بالعربيه الاقي العصابه مستنياني هناك... مش عارف اصلا اذا هرجع البيت او هموت في الطريق.. فقمت سايب العيال هنا في الرمل.. وكنت واقف في الحته اللي انتى شفتيني فيها دي عشان مستني اشوف ايه مصير العيال واذا في حد هيعدي هياخدهم عشان اشوف شكله اقدر اجيبهم منه لما نحل المشكله... فجاه هوب لقيتك لما جيتي وقعدتي تقوليلي انا بصاره واقرا لك الكف واقرا لك المش عارف ايه قلت اقولك كده.. عشان تفضلي ماسكه في اولاد اخويا.... و ما تسيبيهمش ابدا لحد ما ارجع...

اصايل.. ليه انت عارف انا حصلى ايه بسب اولاد اخوك.. خطيبى سابنى وشغلى خرب وحياتى كلها باظت ..

حمزه.. احسن عشان تبطلى كدب.. وبعدين هو دا خطيب سايبك تفعصى فى ادين الرجاله... على العموم.. احنا الحمد لله قبضنا على العصابه وحطوهم كلهم في السجن... وانا جاي علشان اخد الاولاد... انا مبسوط جدا بمعرفتك وشكرا. انا قلت اديلك درس كمان عشان موضوع البصاره ده... علشان تبطلي تنصبي على الناس يا نصابه... انتى اسمك نصابه مش بصاره...

اصايل.. انت واحد واطي بجد..

ونزلت فيه ضرب وقالت.. انت غشاش ضحك عليا.. انت عارف انا عشت ايه بسببك...

حمزه.. مسك ايديها وبص لعيونها وقال... بتعيشى اللى بتعيشيه لغيرك بسبب الكلمتين اللي انتى بتقوليهم وانتى شايفه انهم كلمتين تافهين وضحكتي على الناس ما ينفعش تقولي لحد انك شفتي قدر.. ما ينفعش... ما ينفعش تضحكي على الناس وتقولي لهم انك بتطلعي الغيب.. ما ينفعش تديهم امل في حاجه ممكن ما تحصلش... لو قلتى لبنت انها هتتجوز وهيجي لها الولد الحلو الظريف اللطيف اللي على الحصان وحياتها هتبقى معاه سعيده ومبسوطه... ممكن تروح بالصدفه يتقدم لها واحد بتاع حشيش تفكره هو اللي حضرتك فضلتى توصفي لها فيه تلبس بنت الناس... وانت ولا على بالك مبسوطه بالفلوس اللي اخدتيها.. بعدين مش انا اديتلك فلوس اللي هتجيبي بيها لولاد اخويا اللبن واللبس على اساس حق قراية كفى... ايه الحاجات اللي انتى ملبساه لهم دى...

اصايل.. لا هما ما اخدوش فلوس الفلوس وقعت منى وانا بدور عليك.. جبتلهم الهدوم من عند ولاد واحده عنا.. واللبن احنا ما عندنا لبن نشتريه.. انا جبت لهم لبن من الناقه والماعز..

حمزه... ايه ايه جبتي لهم لبن ايه...

اصايل.. لبن من الناقه والمعز...

حمزه.. زقيتي عيال اخويا انا... لبن ناقه وماعز يا مقرفه انتى مقرفه...

اصايل.. الجمال الوحيده اذا بتمرض بتموت صحيه... والماعز كمان لبنها صحي...

حمزه.. عارفه لو كانت العيال دي ماتت كنت عملت فيكى ايه...

اصايل.. ليه كنت هعمل لهم ايه يعنى... انت ليه سبتهم.. هجبلهم لبن من فين يعنى... انا مش معايا عيال برضعهم.. انا اساسا مش متجوزه..

حمزه بمعاكسه.... احم انا كمان مش متجوز..

اصايل... خد عيال اخوك وروح من هنا.. امش وما تخليني اشوف وشك مره تانيه هنى..

حمزه.. طيب مع السلامه...

اصايل... الله لا يسلمك لا انت ولا اخوك..

واخدت بعضها ومشيت بغضب على الخيمه بتاعتها... وحمزه اخد العربيه واخد ولاده ورجع على بلدو... بدر رجع على الخيمه بتاعت اصايل وقال...

كده تمام اديكي صرفتى العيال ورجعتيهم من مكان ما جو... يلا نتجوز بقى... نتجوز يا اصايل ها هنتجوز...

اصايل... انا اللي تركني في محنتي ما بتجوزوا في صفايا انا كنت هتجوزك علشان تكون سند ليا في محنتي وتصدقني وتوقف معايا وتساندني...... مش عشان تيسبني في اول وجع ليا.... وتسيبني وتمشي انت ما تستاهلنيش ولا تستاهل تكون جوز ليا.. وكمان بعت عيال صغار... روح من هنى..

بعد اسبوعين مرو عليهم... كانت اصايل.. قاعده وسط بنات كتير وبتقرا لهم الكف... وبتقول...

شايفتلك في الطالع صبي جميل.. اسمر حليوه وطويل... ورمشه كحيل.. يعشقك بجنون ودايب فيكى... يوقف ضد اهله وما يفرط فيكى...

كانت ادين كتيره بتتمد عليها... ولقيت ايد لشاب وسط الادين مسكتها من كتر الزحمه وقالت...

جميله وبتستناك... بتحبك ومن قلبها بتتمناك... واهلها مانعينها عنك... وما يريد قلبها غير قربك... وعم تتحداهم لاجلك...

قال... هي هي نفس البنت قاعده مستنياني... سبحان الله قولت هتزهق وتمشي..

اصايل... بصيت على الصوت وكان حمزه.. وقال بغيظ..

واضح ان اللي فيه داء ما بيبطلهوش ابدا... رجعتى تنصبى تانى ما فيش بنت اهلها مانعينها منى كدب.. ما توبتيش بعد الدرس اللي اديتهو لك...

وبص للبنات وقال... امشو من هنا دي نصابه وانا ظابط بوليس وجاي اقبض عليها....

اصايل... ايه قطع العيش دا... ليه قطعت رزقي...

حمزه... حرام عليكى... هو ده رزق.. ده حرام...

اصايل... انت جاي تعمل ايه هنى.. مش كفايه مصيبت المره اللى فاتت جايب موصيبه تانيه معاك...

حمزه... بصى يا ستي.. انا لا جايبلك المصيبه ولا جاي اعمل حاجه.. انا جاى اتوبك وانقذ الناس منك...

اصايل... تقصد ايه !!

حمزه... انا جاى اتجوزك واتوبك من البلاوي اللي بتعمليها دي.. هخدك بلدى ومش هشغلك نصابه تانى...

اصايل.. تمزح معي انت.. جواز ايه ده..

حمزه... جواز.. جواز... زي الناس ابو ماذون ودفتر ودهب وحاجات من دي.. انتو مش بتتجوزو كدا هنا...

اصايل...اه بنفس الطريقه.. بس يعني... انت تعرفني عشان تتجوزني... ما لحقناش نشوفك علشان نتجوزك...

حمزه.. بس انا شفتك وعجبتيني.. تتجوزيني !! بس ما فيش بصاره بعد الجواز انتى هتقعدى في البيت محترمه..

اصايل.. صبرك.. ما تاخدنيش على عجله...

حمزه بضحك... لا انا مش هاخدك على العجله.. انا هاخدك بالعربيه دي... بهزر معاكى قولي هتاجى معايا !!

اصايل.. اجى وين.. هو انا اللى هروح اخطبك من هلك.. انت تاجى تطلبني من هلى...

حمزه... انتى على حسب ما سالت ما عندكيش اهل هاخدك عندى البيت... واعمل الفرح هناك عندي..

اصايل... مين قال اني مالي اهل... كل اهالي الديره هلي اذا تبيني اطلبني من هلى... تعملي الفرح هنى ونعزم كل الديره..

حمزه.. نعمل الفرح... ونعزم هل الديره لعيونك وكل اللي انتى عايزاه كمان.... اطلبك منك الاول موافقه !!

اصايل.. احم.. انا.. تمام.. موافقه...

حمزه.. ماشي يا عيونى.. خلاص بكره هجيب اهلي واجيلك ماشي...

اصايل.. هنستنوك..

حمزه.. اشطا... بس مش عايز اجى الاقيكى بتقري كف حد اقعدي في الخيمه لحد اما اجي.. ها اوعى تبصرى..

اصايل...طيب ماشي...

حمزه..مشي بعربيته... واصايل راحت على خيمتها بفرحه.. وعملو الفرح وراحو على بلد حمزه وعاشو هناك..

ودى كانت نهاية حكايتنا.. رغم اعترافها بالنصب.. بس الناس لسه مصدقه انها بتقرا الكف.. كدب المنجمون ولو صدقو...ما تخلوش حد يضحك عليكم دمتم فى امان الله مع من تحبون بأذن الله