رواية ليالي الغول اقتباس من الفصل الأخير بقلم لوجي احمد

 

رواية قتلني ورحل الفصل الثالث عشر 13بقلم ميفو السلطان حصريه في مدونة قصر الروايات 

رواية قتلني ورحل الفصل الثالث عشر 13بقلم ميفو السلطان حصريه في مدونة قصر الروايات 

#قتلني_ورحل

#حكايات_mevo

البارت الثالث عشر ..

ما ان اخبر المحامي الجد بخبر جواز قاسم تلبسته الشياطين وهاج علي قاسم صارخا.... 

اتجوزت بنت الحراميه يا وسخ.. عشان كده بتدافع عنها..

قاسم برعب.. يا جدي انت مش فاهم انا بحب ليال وماقدرتش اسيبها..

مسكه الجد من ملابسه يهزه بجنون.... علي اخر الزمن يا زباله اناسب حراميه وبتاعه رجاله.. وصفعه علي وجهه بعنف..

صرخ قاسم بحرقه.. انا ماليش دخل ان كانت حراميه والا لا.. انا ليا دخل بمراتي..

اقترب منه الجد وظل يضربه .......والله لاقتلك واقتلها يا كلب السكك يا زباله.. انا حفيدي يحط راسي في الطين.انا حفيدي يتجوز جربوعه . ضحكت عليك يا واطي يا اهبل .صحيح عيل اهبل وبرياله والوليه المفضوحه بتاعه الرجاله ..ضحكت عليك حدفتلك العقربه بنتها توقعك وانت دلدول وبرياله.. منك لله قهرتني . انت ازاي ابن نعيم. نعيم لو عايش كان قتلك....  صفعه مرار ... حطيت وشنا في الطين جايبلي واحده امها منقوع نجاسه  بتتحضن بفلوس وتبيع شرفها بفلوس وتقبض مدورا الشركه لحسابها النجس. 

صرخ قاسم دموعه تنهال بحرقه... لا حرام بس بقه. 

بدر بفحيح.. حرام انت تعرفو الحرام عيله الحديدي تخشها دي ازاي قولي. يا فضيحتك يا بدر ابن ابنك جاب وشك الارض .هيتقال بدر الحديدي ناسب واحده بتتجاب من شقق وبتبيع بنتها .اتجوزتها عرفي يا زباله صحيح اللي امها كده هتتجوز ايه طب تقضي يومين وتلهف قرشين زي امها.

صرخ قاسم بجنون... حرام عليك ليال مش كده. 

بدر ناظرا اليه بقرف... امال ايه اقلب القدره علي فمها تطلع البت مفضوحه لامها. استغلتك وخلتك تكتب عليها منك لله حرقت قلبي بس لا لا بدر مابتسكش علي قفاه من عيل زيك...

  ليستدعي الحرس شعر قاسم ان الموقف تفجر.. فصرخ الجد.. هتطلقها دلوقتي ياما هقتلك.. متجوزها عرفي يا وسخ عايز تفضحني.. بت زباله من بتوع العرفي زي امها ما تربيتها وامها حراميه ونعم النسب. 

قاسم متوسلا.... يا جدي عرفي ايه هو انا ضارب ورق دانا متجوزها بشهود والجيران عرفو وفهمو عشان ماسيبهاش لوحدها وقولتلهم رسمي..

اقترب الجد وصفعه ... بقي عيل زيك عنده خمسه وعشرين سنه هيمسك امبراطوريه بملاين يجبلي العار دانا افلقك نصين يا بجحاتك يا اخي.. ابن نعيم فضحني ولما الناس تعرف حفيد الحديدي متجوز عرفي من بنت حراميه بتترمي عالرجاله..

صرخ قاسم... ماهو بقولك هدفعلها الفلوس وتخرج انت ليك تاخد فلوسك وربنا قال الستر ..

بصق عليه بدر ..... دانا هاخد روحك وروح الوليه دي وهوصي عليها تتعفن في السجن وهلبس البت راخره قضيه عشان تبقي تتجوز وتتنحنح قوي يا وسخ والله ماهسيبك تضيع وتضيعني..

قاسم بتحدي... وانا مش هسيب مراتي..

ليقول الجد بفحيح ...بتاعه العرفي.. طب يا شاطر روح خد مزاجك منها وانا هراضيها بقرشين طالما هتموت عليها اوي يا دكر.. والا اجبهالك لحد عندك ما كل حاجه يا اهبل بتتاخد بالفلوس.. البت لفتك هيا وامها علي صبعها.. اللي تتجوز عرفي تبقي اوسخ خلق الله..

احني قاسم راسه بقهر... متقولش علي مراتي كده..

فهم الجد وضحك.. ايه كيفتك يا واد.. واحده بتنام مع واحد وامها محبوسه دا ايه الفجر ده. 

قاسم بوجع... والله يا جدي هيا كويسه انا مالي بامها..

ليقول الجد بقرف.. العرق دساس يابن ابني.. اختار لنطفكم فان العرق دساس.... (وانت الصراحه الشرف مقطع.. منك لله) 

جلس قاسم لا يعلم ماذا يفعل فهو يحب ليال بجنون وتهور وتزوجها ولكن جده يقف امامه بعنفوانه..

قال بغلب ورجاء.. يا جدي بحبها وهموت عليها.. يا جدي انا هعملك اللي عايزه بس تسيبهالي ورحمه ابويا..

تصنع الجد التعب ووقع وبدا في التمثيل..

اقترب منه قاسم برعب.. جدي جدي.. والنبي ماتعملش كده انا ماليش غيرك..

الجد بتعب ينهج بشده.. اسمع يابني مش علي اخر الزمن هتحط راسي في الطين وتتجوز حراميه هيا وامها والفضيحه هوديها فين.. ويا تري وساختهم لحد فين .. انت عارف لو الموضوع ده اتعرف ايه اللي هيحصل.. الشركات هتقع واسهمها هتبقي في الطين. وانا هموت بحسرتي انا استاهل منك كده يابن نعيم..

كان قاسم يبكي بحرقه.... لتلمع عين الجد فعلم ان قاسم ممزق ليقول بلين... اسمع يابني انت سيبها ونخرج الوليه وكل واحد يشيل شيلته وهنسيبلها اللي سرقته كمان وهدخل واشيل الفضيحه َنستر الست .. بس انت يابني العيله هتتفضح.. انت لسه صغير وهجوزك واحده من مقامك مش واحده من بتوع العرفي وامها حراميه وبتاعه دعاره.. 

كان قاسم قد تهالك تماما فجده كان جاحدا يعرف كيف يضغط عليه ويعرف كيف يخاطب عقله.. 

الجد... روح للبت اديها فلوس وهيا هتنبسط صدقني او اقولك الَمحامي هيتصرف.. كان يدخل السم في راسه...

شعر قاسم بعدم الحيله هب مره اخري يتوسل اليه.... لا يا جدي لا والنبي هيا مالهاش ذنب امها عملت كده هيا مالهاش ذنب يا جدي ابوس ايدك سيبهالي دا اللي بتمناها من الدنيا..

الجد بحقد وغضبه تاجج مره اخري قال مهددا.... طب اسمع بقه لو كده مالكش عندي حاجه والوليه هحط عليها قواضي البلد وهخلي اللي مايشتري يتفرج وهتتعفن في السجن والبت هفضحهالك ...طب ايه اقولك اخرجهالك بملايه من شقه وابقي وريني هتخرجها ازاي  ماهو انا ماتختمش علي قفايا من عيل بشخه زيك عايز يحط راسي في الطين.

اجهش قاسم بالبكاء فكان صغيرا امام جده ليس قويا بما يكفي ان يقف امام هذا الجاحد الذي يميت قلب حفيده ويمزقه..

قاسم بنحيب.... قلبي هيقف يا جدي والله ماهقدر اسيبها.انا مش هسيبها يا جدي موتني احسن..

نظر اليه بغل .. طب يابن نعيم.. رفع السماعه .. ايوه يا جمال البت دي كلم اللوا ممدوح يلبسها قضيه دعاره ماتخرجش منها. 

صرخ قاسم اندفع ومسك يده متوسلا .. لا لا حرام عليك يا جاحد هموت..

الجد بغل.. هلبسهالك ملايه ابقي خدها من القسم..جمال البت اللي عندك دي عايز وصايه وتتفضح وتتصور وكل الصحافه يتوزع عليها صورها دعاره 

اجهش قاسم بالبكاء وصرخ بحرقه ..لا لا .. خلاص يا جدي حرام عليك هموت.

ليقول الجد بوعيد ..هتسمع كلامي وتنفذه ..  هنسيك وهسفرك تمسك الشركات اللي في انجلترا وتعيش هناك واجوزك بنت السنوسي واطلعلك ام البت واسيبلها الفلوس تتمرغ فيها الحراميه بنت الكلاب ونرشي الشهود تتراجع عن وسختها ونراضي البت بقرشين.. دا اخر كلام. 

ظل قاسم يقف مقهورا وقد تحطم تماما امام صلد جده وقلبه يمزقه علي حبيبته ولكن امها فعلت فعله شنعاء وفضحتها وستقضي سنين في السجن وهو سينفضح ايضا ولكن قلبه يتمزق علي حبيبته.. خاف علي حبيبته ايتركها ويخرج امها ويصون سمعتها ام يستمر معها وينفضح  ليفعل به جده ابشع الافعال فهو يعلم جحود جده وانه ممكن ان يحبسه هو بذات نفسه.. 

شعر بالقهر وبدا في الاستسلام فهو مازال يافعا.

اما ذلك القاسي الذي نزعت من قلبه الرحمه.. اخبره ...هتتجوز بنت السنوسي وهديك شركات انجلترا باسمك بيع وشرا وتقعد هناك سنين لما تكبر وترجع تبقي قاسم الحديدي وهتنسي الجربوعه وامها الحراميه ولو وقفت قصادي همحيك وامحيهم ومش بعيد احدفك مع الوليه تبقو عيله رد سجون.. يا بتاع العرفي يا وسخ.. ماهو الوساخه طايله الكل الوليه بنجاستها والبت بالعرفي ونومها معاك اخص علي تربيتك.. دانت ماشفتش ريحه التربيه جايبلي بت بتتحض بالعرفي يابن نعيم.. اخرتها مرات ابني بتتجاب هيا وامها في شقق. بس لا بدر ماهيسكتش تنفذ والله احبسهالك وافضحهالك ولو فاكر انك هتضحك عليا ونخرج الوليه وترجعلها يمين بالله لاخلي البت تتفضح فضيحه ماشفتهاش ولو عايز تتفضح معاها ماشي ساعتها هنسي انك حفيدي واحبسك انت وهيا بتاعه العرفي يا انجس خلق الله.. البت لو فكرت بس ترجعلها هتلاقيها متاخد شرفها. مفضوحه وابقي بص في وشها بقه  يا بتاع العرفي اتعدل هخرجهالك تتعوج هتتحبس معاهم وخاف قوي علي نفسك وعلي البت ..اخرها مكالمه تتاخد وتلاقيها دلوقتي رجاله البلد متصوره معاهم نوم ووساخه انا ماتختمش علي قفايا يابن نعيم. 

لينهار قاسم ويجهش بالبكاء ولم يقدر ان ينطق بالموافقه ولكنه سكت.. فماذا سيفعل فامها بعملتها قد قضت عليهم.. وكان هذا خطأ قاسم الذي سيدفع ثمنه مرار ومرار.. انه لم يصدق حبيبته ولم يتحري ثبوت الفاحشه.. فالمحصنه لا تتهم الا اذا ثبتت التهمه.. وسياتي يوما سيعض انامل الندم ولن يشفع له احد. فكان شابا مازال في مقتبل العمر لم يحسب كل ذلك ولم يعرف ان هناك افعي اسمها بدر الحديدي التفت حوله تخنقه..

ليقوم بدر امامه ويرفع السماعه ويتصل بالمحامي ويقول.. اسمع يا جمال الوليه اللي اسمها فاديه تخرحها بكره... ايوه ماليش دعوه اتصرف خرجها زي ما...... .ليتراجع فجاه ويكمل .قصدي خرجها وخلاص وبنتها تروحلها وتاخد منها الورقه العرفي وتقطعها وترميلها قرشين.. بس بعد ما امها تخرج عشان امها اللي تاخد الفلوس وتخلي البت تديك الورقه وكل ده من غير شوشره فاهم.. وانهي المكالمه نظر لحفيده التي اصبحت عيناه ككاسات الدم.. ... ايه محروق قوي يا دكر مانت  قضيت معاها الليله قبل ماتطلقها هتموت عليها اوي كده ليه..

نظر قاسم اليه بغل وقرف.. انا مش وسخ يا جدي اوي كده انا سيبتها وبقيت وسخ خلاص عشانك وعشان عيلتك وعشان حبيبتي ماتفضحهاش بس اعرف ان قاسم مات ماتطلبش منه حاجه ولا تقرب منه انا هبقي زيك يا جدي منقوع في الجحود وهدوس علي نفسي وهدوس عالبشر زي مابتقول.. عشان خلاص الحنيه اللي كانت في قلبي رميتها مع الغالي.. انت عندك حق لازم عيله الحديدي تناسب حد عالي مش الحراميه زي ما بتقول.. وانا معاك بس هتشوف قاسم تاني قاسم ميت هتحبه قوي يا جدي. واستني هشرفك عن حق بس خرج الست الله يسامحها علي عملتها بنجاستها  اللي مزعت قلبي وصونلي شرف مراتي.. لا مراتي ايه صونلي شرف اللي خدت روحي انا كل همي ان ليال ماتتفضحش وهيا صغيره وبريئه.  كان يقنع نفسه بوساخه امها وعدم احقيتها في تكمله حياتها معه  ولكن رغم فعله امها الا انه سيساعدهم ويصون شرف تلك العائله التي اصبحت سراب بالنسبه له..ليخرج قاسم وقد تحول الي بدر اخر جاحد لا يعرف معني الحب الذي انتزع منه عنوه وخلع قلبه ليترك.. حبيبته غصب عني يا قلب قاسم غصب عني والله....

******

ليستدير بدر بعد ان خرج وتصدح ضحكته في مكتبه.. وانتفخ صدره وتنفس.. يلا ياهبل يابن الاهبل كنت فاكر اني هسيبك تتجوزلي بت لا حسب ولا نسب.. اديني خطت ونفذت والوليه لبستها صح عشان يحرمو يبصو لفوق.. مش بدر الحديدي اللي يسيب حفيده اهبل كده.. هو انت فاكر ان عيني مش عليك دانا مرافقك زي ضلك يابن نعيم.. بس ضربه صح يا بدر ليتصل بالمحامي..  والله عفارم عليك القضيه اللي الوليه لبستهلها ماتخرش الميه.. دماغ سم صحيح.. اعمل ايه عيل اهبل بس علي مين.. اهو دلوقتي مقتنع ان الوليه هيا السبب واحنا بعيد يا معلم واحلي حاجه اننا ماخلناش حد يطول الوليه ولا حد يكلمها..لا هو صغير هينسي يعيش ويفتكر وضحك بشده.. بقولك خرجها بقه وروح خد الورقه من البت واديها قرشين ماشي وعايزك تتكي عالوجع اوي عشان تحرم تهوب ناحيه اسيادها.

خرج قاسم وارتمي في مكتب ابيه وقفل علي نفسه وانفجر في البكاء فقلبه سينشق من مكانه فهي لا تستحق ذلك ولكن الظروف اقوي منه والفضيحه شديده.. كما ان حبيبته ستفضح ايضا وتوصم بالعار.. فقرر ان يشق قلبه وقلبها ليعدل كفه الميزان التي ظن ان امها امالتها وهيا بريئه شريفه محصنه لم تفعل شئ ولكن ذلك الشيطان فعل فعلته وغرز انيابه كل ذلك من اجل السلطه والمال.. فعالم المال لا يعترف الا بالمال.. فليس مقدر لهم ان يتنازلو عن نفوذهم او سلطانهم..ليحس ان انفاسه ستزهق هب وذهب اليها يراها لاخر مره دخل عليها واندفع يحتضنها ولا يفلتها.

قالت برهبه... مالك يا حبيبي فيك ايه. 

ابتلع ريقه بقهر ... مفيش يا ليال ممكن بس تخليكي في حضني شويه وبس ماتساليش فيه ايه انا تعبان قوي .

التصقت به تحتضنه بحب حملها ودخل بها واندس بجوارها لتنام علي صدره.

ملست علي صدره... قلبي بيوجعني حساك موجوع .

تحكم في نفسه وقال بوجع.. ليال انا انا بحبك قوي هموت والله. 

رفعت نظرها اليه لتهمس بخوف..... مالك يا قلب ليال فيك ايه قاسم انت فيه ايه بيوجعك انا حاسه بيك. 

لتسقط دمعه من عينه .. ليال اعرفي اني بحبك ولا يوم الا ماحبيتك وعهد عليا لافضل احبك العمر كله واي حاجه اتعملت عشانك. 

ضحكت.. انت محسسني انك مش هتحبني دلوقتي.. مالك طيب لتضع يدها علي قلبه وتقبله.... حبيبي هنا فيه ايه قولي. 

هدر بقهر ... فيه وجع بيموتني يا قلب حبيبك. 

ربتت علي يده..... طب قولي. احنا مع بعض هنحل كل حاجه انت دنيتي يا قاسم وماتحملش وجعك اعيش عمري كله  تحت رجلك ولا انك تتوجع لحظه .

شدها يعتصرها.... بس بطلي كفايه اسكتي بقه..

لتنام علي صدره ... انت زعلان عشان ماما صح.. لتتنهد ... بكره تعرف ان كل ده كدب وتفتكر نومتي علي صدرك وانا هفكرك بس انا عارفه انك حبيبي َمش هتصدق فينا حاجه وبكره كلو يتحل انا واثقه في ربنا يا قلب ليال. والايام دي هتمر واحنا مع بعض اهم حاجه احنا مع بعض والوحش هيعدي.. عارف لو قالولي فيك ايه مش هصدق لو قالولي قاسم هيسيبك مش هصدق لو قالولي قاسم عمل اي حاجه َوحشه مش هصدق زي مانت مش مصدق عن ماما حاجه عارف ليه لانك روحي اصدق في روحي يا قاسم.. يوم ماصدق ابقي مااستهلكش اساسا ابقي مابحبكش اللي بيحب حبيبه كلمته عنده سيف وحبه عهد وانا واخده عهد اموت وانت حبيبي. 

نظر اليها بوجع لتقترب من عيونه وتقبلها ... ماتبصش بوجع كده مش هتحمل انا قلبي بيوجعني لوجعك نفسي اخد وجعك ده واشيله لوحدي مايهمنيش ولا انك تتوجع لحظه عارف نفسي الفتره دي تعدي واسعدك انا اتخلقت عشان اسعدك يا رَوح ليال. ليال بتقولك هتعدي والله هتعدي والحلو جاي. حلو قاسم كلو جاي هعيشك جنه َما تحلمش بيها هكون تحت ايدك تعمل مابدالك بس عايزه احبك وبس واعيش واموت احبك يجعل يومي قبل يومك لان يوم ماتسيبنني هكون مت يا قلب ليال.

اعتصرها ونزلت دموعه بقهر وقلبه يتمزق ... ابوس ايدك اسكتي اسكتي. 

لتتنهد وتقبل صدره وتهمس... بحبك بعشقك لتقترب منه لاول مره وتقبله هيا فلم تفعل ذلك من قبل ..انشق قلبه وحاول ان يتجلد الا انها اقتربت اكثر لينهار ويشدها اليه  يعلم ان حياته انتهت وانه قضي عليها  وتنام هيا وديعه بين يديه َهو لا يقوي ان يتركها ويقوم ...ظل جالسا حتي الصباح يتلمسها ويتذكر اخر ليله لهم ليقوم ويبتعد ويظل ينظر اليها قهرا احضر مقصا واخذ خصله من شعرها يقبلها ويضعها في جيبه  من سكات اكمل ما عزم عليه ليحفظ لحبيبته شرفها.

همس ودموعه تفيض من قهره ....حقك عليا يا قلبي عهد عليا لاكبر وارجعلك انا عملت ده عشانك والله هرجع  ...ابتعد مقتولا يمني نفسه ان يعود بعد فتره فهيا صغيره ولا تعرف من الدنيا شيئا فلتعود للدنيا وتقابل اناسا تخرج لهم وتنساه فامامها حياه تعيشها بدونه.

 حقك عليا يا قلبي حقك عليا يا عمر قاسم الغدر صعب وانا بموت.. الغدر من الحبيب يموت. نفسي مش قادر اخده حاسس ان روحي طلعت.. نايمه بتحلمي تلبسي لقاسم الابيض قام قاسم نتش قلبك وراح.. قاسم مات يا قلب قاسم وهيموتك لينهار وينزل علي شعرها يقبله مش قادر حاسس اني هموت اسيبك ازاي هموت يا رب طب هتقومي تعملي ايه وانت لوحدك. عهد عليا لاكبر وارجعلك انا عملت ده عشانك والله هرجع  عهد قاسم الحديدي سيف ونار علي رقبته لارجعك لحضني هفضل فاكر الليله دي ليله دبحي ليكي وانت نايمه تتمني حضني مش هتلاقي حضني وهتموتي عارف انك هتموتي بس عهد عليا يجي يوم وماتخرجيش من حضني.. بحبك يا واخده قلبي وعقلي. قاسم ماشي وسايبلك سلسلته وقلبه معاكي.. قاسم ماشي ميت بروحتك من دنيته. دبلتك في ايدي يا عمري لو ايه حصل هرجعلك لو مين وقف قدامي هرجعلك روح ليال في ايد قاسم. هتيجي يوم ارجعلك روحك عارف هعيش سواد وعارف انك هتموتي. عارف ان حبيبي طيب ورقيق وصغير ولوحده.. اااااه اااه يا قلب قاسم اااه نفسي يا عالم منك لله يا جدي .. ليبتعد مقتولا يمني نفسه ان يعود

****

علي صعيد اخر احتدم خلافات عديده بين ايان وكارما فهو لا يفوت لها شيئا لتذهب كارما الي جدها بعد تجاوزه معها اخر مره  لتقول.. شوفلك حل في سي زفت ده يا جدي ماعتش بيسيبني اتنفس دا خنقني. 

نظر اليه بخبث .. يا بت دا ايان انت هتعمليهم عليا. 

نظرت اليه بخجل... ايه يا جدو انت كل شويه تقولي كده مالي بعمل ايه..

تنهد... مفيش يا بنت شاكر اقول ايه من الحق مراد كلمني عشان يجي يتقدم. 

بهتت كارما بخوف.. ايه ايه مراد مين.. لا يا جدي بتقول ايه. 

نظر اليها مليا.. ماله مراد  راجل وقيمه ومركز مش كنتي بتقولي لايان انك عايزه تتجوزي. 

خافت وتلعثمت...... مين انا.. لا لا دانا بهزر لا يا جدو والنبي انا مش عايزه خالص اقصد دلوقتي. 

ابتسم الجد... طب يا بنت شاكر انا هريحك يا قلب جدك.. روحي وابعتيلي الطور اللي نطحك اروقهولك.. لتقترب منه تقبله وتذهب لايان وتقول.. روح جدو عاوزك.. نظرت اليه وتقول.. روح روح هيروقك وتركته وذهبت ضاحكه. 

ذهب الي جده يقول.. خير يا جدي البت اللي بره دي جايه تهري ماعرفش مالها. 

الجد بنفاذ صبر.. يابني ارحم نفسك بطل نطح في البت بكره تمشي وتقول ولا يوم من ايامها.

قطب ايان.. ليه هتموتها ونرتاح..

غضب الجد.. الملافظ سعد يا حزين.. لا هجوزها مراد طلبها. 

ايان بانفعال.. نعم نعم هو مين اللي طلبها ليه وانت وافقت. 

الجد.. لا هيا اللي تقول. 

ايان... اسمع يا جدي شركاتنا ماهتطلع بره البت دي الواد ده عينه علي شركاتنا. 

ابتسم الجد.... طب ماتخليك جد وتحافظ علي الشركات. 

قطب جبينه.. احافظ ازاي يا جدي مش فاهم.

الجد.. تتجوز كارما يا ايان. 

ارتبك ايان.. نعم اتجوز كارما انت بتقول ايه انا مابطيقهاش اتجوزها ازاي. 

الجد مقنعا.. واللي يكتبلك الشركات اللي هتضيع دي زي مابتقول.. يبقي تطيقها والا ماتطقهاش.. 

هب ايان.... انت بتتكلم جد هتديني المجموعه يا جدي بيع. 

ضحك الجد .. انا كتبتها اصلا يا حبيب جدك  وجهزت كل حاجه بس تتجوز البت..

ايان باندفاع.. وانا من ايدك دي لايدك دي بس بشرط البت تقعد في البيت وتسيب الشغل وتنسي شغل في المجموعه خالص. 

قطب الجد.. ليه يا ايان ماتسيبها يا ابني  هيا مزعلاك في ايه..

كان ايان مغرور و ذو عنفوان يريد ان يتحكم في كارما ولا يتركها تتنفس ويظن ان انثاه لابد ان تكون خانعه تحت طوعه.. ليقول.. انا مراتي ماتشتغلش ودا شرطي. 

تنهد الجد ....ماشي يا حبيبي هكلمها .

لينتفخ ايان فقد ارتاح قلبه انه سيحصل عليها مبررا لنفسه انه يحافظ علي شركات الشركه.ولا يعلم انه دق اول مسمار لنعش قلبه 

....جتك الارف يا ايان انت كمان 😀😀

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا