رواية قتلني ورحل الفصل الرابع عشر 14بقلم ميفو السلطان حصريه في مدونة قصر الروايات

رواية قتلني ورحل الفصل الرابع عشر 14بقلم ميفو السلطان حصريه في مدونة قصر الروايات

#قتلني_ورحل

#حكايات_mevo

البارت الرابع عشر ..

استدعي الجد كارما دخلت عليه فنادها مبتسما .. تعالي يا قلب جدك عندي خبر ليكي بمليون جنيه.

ابتسمت قائله.... خير يا حبيبي.

اتسعت ابتسامته...... اخيرا الطور نطق.

قطبت جبينها.... طور.... طور مين.

ضحك وقال..... ايان نطق واتفك عقده لسانه وطلبك للجواز.

لتهب منفعله...... بجد يا جدو ازاي.

هز راسه مبتسما .... لا يا ستي غار لما لقي مراد اتقدم وطلع بيحبك من سنين وعايزك وطلب يتجوزك.

لتدمع بحب وتسال بلهفه ... بجد يا جدو ايان بيحبني والنبي قالك كده.

ابتسم الجد وقال بلين ..... دا قال وقال... الواد واقع وعاشق ولهان وانا وافقت ايه رايك بقه جبناه علي بوذه.

لتبتسم بحب وهمست بخجل....... طب ماجاش يقولي ليه ياجدو.

هز راسها وقال بحنان ... هيجي يا قلب جدك بس اديه فرصه انت عارفه انه طور ومالوش في النحنحه وانت بتاعه نحنحه بس هو ماقدرش يسيبك تروحي منه.

دمعت عيونها .... جدو انا فرحانه قوي.

قال بحب .... عارف انك بتحبيه يا قلب جدك من زمان.

اندفعت بسعاده... وطلع بيحبني طب ليه سابني كل ده دانا بحبه قوي..

تنهد وهز راسه .. قولنا غشيم وغار عليكي نموته بقه.. ولا نفرح والا ايه

لتقفز فرحا وتحتضنه .... لا افرح طبعا دانا ماصدقت يا جدي اخيرا حلمي اتنفذ وايان طلع بيحبني انا وعايزني انا .مش مصدقه انه يتغير كده دا انا كنت يأست انه يحس يعني ايه اللي غيره.. غيرته يا جدي عليا صح وخاف لارَوح منه مش كده بيحبني انا.. مش حاجه تانيه اوعي تكون بتضحَك عليا.

.... الجد بنبره ماكره... مش عايزه بلاش.

صر خت متعلقه به ..... بلاش ايه بطل والنبي..

لتقترب وتقبله بحب وتصعد مسرعه تدور حول نفسها تمسك صورته.... اخيرا يا قلبي حسيت بيا اخيرا حبي دخل قلبك َحسيته اخيرا هعيش معاك حلمي.. طب ايه تعالي بقه وحبني زي مابحبك..

لتقوم وتقفز فرحا ....اعمل ايه اه اختار الفستان انا هعمل فستان ملوكي ما اميري يتعمله الحلو كله هعيشه السعاده كلها بحبه .قوي يا رب قرب البعاد وابقي ليه واسعده ..

لتتجه الي تليفونها وتجلس سعيده تختار منهَ الفساتين التي تحضرها لزفاف اسطوري تتمناه مع حبيبها ولا تعلم ان السعاده التي دخلت قلبها ماهيا الا سعاده خادعه فهناك جاحد يحركهم كالعرائس كما يشاء. ونسي ان لرب العباد حكمه في امهاله يفعل ما يريد.

************

استيقظت ليال ولم تجد قاسم لتقوم وتحتضن بيجامته مر الوقت علي ليال فكانت تجلس قلقه علي حبيبها وزوجها فقد تاخر عليها واتي الليل ولم ياتي .. لتضطر ان تتصل به الا انه يرد عليها.. وعلي الجانب الاخر يجلس ذلك العاشق الممزق ينظر الي رقمها ويشهق بالبكاء.

استعجبت من عدم رده لتبدا هيا في بعث رسائل له لشعورها بالقلق الشديد عليه. اما فهو فعل خاصيه عدم قراءه الرسائل حتي لا تعرف انه يقرا رسائلها لتنزل رسائلها علي قلبه تشقه وتمزعه اشلاء..

... قاسم حبيبي انت فين.. قاسم انا قلقانه عليك رد عليا...

قاسم برن عليك يا قلبي انا مش عارفه انت فين طمني...

يا ربي انت فين يا حبيبي..

قاسم انا خايفه انت فين مش عارفه اقعد لوحدي مرعوبه ومش عارفه انام...

مسك قلبه وشهق بشده.. كفايه كفايه ابوس ايدك ايه يا رب ده..قلبي هيموتني.. منك لله يا فاديه..

لتتوالي الرسايل ....قاسم يا قلبي طب اجيبك ازاي احنا بالليل ومفيش شغل .طب قولي انك كويس بس وانا هحاول عادي ماخفش هعرف اقعد لوحدي عادي بس طمني..

قاسم انت فيك حاجه انت مش ممكن ماتردش عليه..

لم تعد قادره علي التنفس لتبعث له رساله صوتيه لعلها تصله وكانت تشهق من البكاء والرعب بعد ان مكثت لساعات تبعث له رسائل وتتصل بجنون وهو لا يرد..لتبدا رساله ذبحته من الوريد للوريد..

قاسم انت فين يا قلب ليال انا قاعده لوحدي وهموت من الرعب عليك و انا لوحدي .مش انت عارف يا عمري اني بخاف ابقي لوحدي. كده اهون عليك اتصل ميت مره. ماتردش.. حبيبي هو فيه حاجه حصلت انا زعلتك في حاجه.. مش انا قلب قاسم سايب قلبك ليه يا عمري .

كانت تجهش بالبكاء. لتتوقف الرساله ظهرت انه راها لتبتسم وتعرف اخيرا انه موجود ورأي رسالتها كان قلبها سيقف انه بخير .

لتبعث رساله اخري.. حبيبي انت كويس الحمد لله يا رب طب ايه مابتجيش ليه .. فلم يرد.. لتبعث باخري...

انت مابتردش ليه انت شايف رسايلي ومش بترد ليه يا حبيبي..

كانت تنتحب وهو علي الجهه الاخري قد خرجت روحه منه لتشعر بالخوف الشديد والرعب..

لتقول برعب.. قاسم انت مش جاي.. اوعي يا عمري مش انا مراتك حبيبتك. دانا ليال الهبله اللي بتعشقك.. ايه يا قلب ليال زعلان عملت ايه طيب قولي وانا اصالحك.. اوعي تكون زعلت من ماما.. ماما ماتعملش كده.. مش كده يا عمري.. قاسم انا قلبي هيقف .

كانت تشهق بعنف وهو في الجهه الاخري ينتحب بشده.. حرام بقه ماعتش قادر حرام اللي بيجرالها ده..

كانت الرسايل تتوالي لتصاب بالجنون فقد ادركت انه يسمع رسائلها.. لتصرخ بحرقه ...

....انت مابتردش ليه انت بتعمل فيا كده ليه..

لتصمت وتكتم نفسها بقهر وتهمس بلين ومهادنه ونحيبها يشق قلبها .... طب مش هصرخ انا اسفه والله اني زعقت انت مش بتحب الزعيق.. مش انت بتقولي ديما اني شطوره وبسمع الكلام مانا ماعملتش حاجه تزعلك.. صمتت لبرهه ...قاسم انت سيبتني.. انت صدقت في ماما.. لا انت مش ينفع تسيب ليال... ليال تموت.. قاسم مش بعد مابقيت روحي واديتك حياتي تسيبني.انا ماعرفش حاجه في الدنيا الا انت وحبك.. .

قاسم انا مش قادره اخد نفسي.. قاسم انا خايفه اوي ومرعوبه حبيبي والله خايفه اوي .

لتصمت الرسايل لفتره فكان قد اغشي عليها من الوجع لعدم قدرتها علي التحمل.. وكان هو قد شعر انه جن ليقوم ويكسر في كل شئ...

... ليه ليه ليه يا فاديه تعملي فينا كده منك لله ربنا ينتقم منك.. هموت يا عالم البت هتموتني.. طب هيا سكتت ليه .

جلس عالارض ينتحب ويعيد رسائلها وقلبهيتمزق .

لتفوق هيا مره اخري وتنظر الي تليفونها ببلاهه.. وتبدأ مره اخري في تمزيق قلبه كانت كالطفله الصغيره التي لا تستطيع ان تترك امها لتعيد رسائلها ولكن بصوت مبحوح متقطع وشهيق مزق قلبه..

قا..قا..قاسم انا هموت.. انا ..انا ..انا اغمي عليا ومش قادره.. قاسم ماتسبنيش.. طب ..طب ..بص والله هعملك كل اللي تطلبه.. وهسمع كلامك وهلبس اللي تحبه ومش هتكسف انت بتزعل اني بتكسف لا والله هبطل اتكسف ..و..وشوف ..وشوف كمان هقولك كلام حب كتير والله هعرف اقول وهتعلم اقولك اللي بتحبه.. طب...طب هبطل هبل والله وهتعلم وهبقي ست ترضيك.. طب زعلان تعالا وانا هطبطب عليك وهاخدك في حضني. شفت بقه اهوه بقول اهوه ومش بتكسف منك.. هلبسلك حاجات بنات والله هلبس كل الحاجات .. تعالي والنبي ماتسيبش حبيبك دانا حبيبك تحت رجليك.. .طب تعالي اشوفك وامشي.. طب سمعني صوتك بس اسمع صوتك قلبي هيقف. . قاسم والله ماما شريفه وحياه ربنا ماتسيبني.. انا ليال هتسيب ليال..

لتصرخ بعدم تحمل .... اااااااه هتسيبني..هتسيبني هتسيبني صح .. وظلت تصرخ كالمجنونه وهو يشهق بصوت عالي.. لتصمت مره واحده.. وظلت الرساله معلقه وهو يسمع فقط انات ضعيفه.. لتقول ماجعله يتشنج ويمسك قلبه ويضغط عليه.. ..

طيب يا قلب ليال.. روح وامشي انا خلاص مش هقولك حاجه.. انا خلاص يا قلب ليال. اسفه اني زعقت وضغطت عليك.. . مش مصدقه وهعيش مش مصدقه انك بعدت..انت ماينفعش اصلا تبعد يا حبيبي انت معايا وفي حضني انت دنيتي كلها..قاسم انت ماسبتنيش انا عارفه انت بس بعدت شويه مش زعلانه.. روح يا حبيبي بس عارفه انك هتعرف ان امي شريفه وهترجعلي.. زعلك هيروح وهستناك عادي ازعل شويه وهستناك مانا بتاعتك وحبيبتك مش كده يا قلبي ازعل شويه وتعلالي عشان انت وحشتني اوي مش كنت بتقولي انا بنتك الصغننه اهو انا بقولك هستناك اهوه.. يلا يا حبيبي اهدي كده ونام كويس وانا مش زعلانه انا ماقدرش ازعل منك حد يزعل من روحه.بص انت ابعد شويه واول ما ماما تبقي كويسه تعالي اه مش مهم تبعد دلوقتي مش هزعل يا حبيبي رغم اني بموت بس ابعد واهدي وتعالي لحبيبك دانا حبيبك .

كل حاجه هتبقي كويسه وليال هتبقي لقاسم.. هتبقي ايه ههه. ايه الهبل ده لتضحك مانا بقيت خلاص.. مش كده يا قلبي.. انا هبقي شاطره وهنام عادي ماتقَلقش انا مش هخاف والله اوعي تقلق وهحضن بيجامتك وهنام.. ماتقلقش المهم انت تبقي كويس مش مهم انا. ولما تخلص زعلك ده هترجع بقه واترمي في حضنك ماشي يا قلبي هتوحشني يا عمري وحقك عليا والله ماليا ذنب وماما كويسه بس معلش بحبك اوي.. لا بحبك ايه بعشقك يا قلب ليال ماتتاخرش عليا والنبي يا عمري انا هنام اهوه والله وانت نام وارتاح واوعي تفكر في حاجه وحشه.. ماشي يا عمري بحبك اد الدنيا واكتر لتغلق الرساله..

احس قاسم بالشلل التام وان قلبه سيصاب بالذبحه من كلاََمها.. .. دا مستنيايني.. دا حتي مش زعلانه اني مابردش.. دا صرخت فيا ورجعت اعتذرت.. ايه اللي انا فيه ده.. اتحمل ازاي دا بتخاف وبتقولي مش خايفه وخايفه لاقلق عليها.. ااااه قلبي قلبي مش قادر.. مستنياني اخلص زعلي وارجعلها عشان تاخدني في حضنها..البت بتقولي مش هتكسف وهيا بتموت من الكسوف.. بتقولي هتعلم واقولك كلام حب مانا كنت بضايق من سكاتها عايزه تموت برائتها عشاني هيا ازي كده.وهتلبسلي نهار اسود دانا ماهشوفش يوم فرح. اعمل ايه يا رب اعمل ايه كان يصرخ..

اقوم اروحلها هموت عليها اعمل ايه.. دا غلبانه غلب الدنيا وماتعرفش حاجه.. انت اللي عرفتها حبك انت اللي دوبتها فيك انت اللي خدتها عجينه طريه سقيتها من عشقك لما طابت ومستنياك ولا تعرف غيرك.. انت قتلتها طب ايه هيا هتكمل ازاي.. دا البت مصدقه اني راجع حتي بعد ماشفت الرسايل.. اعمل ايه في قلبي ده اروح بيه فين منك لله يا جدي منك لله يا فاديه. فضحتي البت اللي هموت عليها وهيا مالهاش ذنب.. اه يا قلبك يا قاسم...

ظل صامتا فتره وهو لا يعرف كيف يتنفس ويضع يده علي صدره ويحس بكلبشه في صدره لتصدح رساله اخيره منها قضت عليه تماما..

تقول..

حبيي انا بدات انام اهوه وبسَمع كلامك ومش هزعلك ولا اضايقك بكلامي خلاص. وشوف قلوب كتير بقه عشان انت واحشني. بس انا هنام والله اوعي تقلق انا شايله نفسي وقلبي ليك اما تيجي هدهملك. ابعد يا عمري اد ما تبعد وليال مستنياك.. ابعد وروح وليال شايله قلبها ليك..مستنياك البسلك الابيض واكون ليك مش قولتلي انت بتاعتي.. هنام واحلم بفستاني واميري ماسكني.. هنام واحلم ببيتنا اللي بتمناه من الدنيا.. ابعد اد ماتبعد هستناك لو بياخدو روحي لانك روحي هستناك .لو دنيتي اتقفلت عليا وماعدش حد يبقي ليا هستناك وعارفه ان ليال لازم تبقي في حضن قاسم. هنام احلم بشوفه عيونك.. سلسلتك معايا وفي حضني حطاها علي قلبي. قلب قاسم لامس قلب ليال.. هعيش لحد ماترجعلي اتملي منها مانت قولتلي دي قلبك جنب قلبي.. عايشه ومستنيه يا عمر ليال..

ازعل اد ماتزعل ابعد اد ماتبعد اخرتها ايه اخرتها حضن ليال وبس.. الناس بتتخلق لسبب وانا اتخلقت عشان اسعدك وبس مش َمهم انسعد بس عشان اسعدك.. خد قلبي وانت ماشي وسيبتلي قلبك عشان لما ترجع قلبك هيلامس قلبي ويحيني.. من هنا لحد ماترجعلي نفسي راحت ودنيتي راحت.. بس مش زعلانه عشان انت حبيبي اتوجع الف مره ولا انك تحس اني زعلانه منه.. دانت اللي هموت عليه دانت اللي عيوني مستنياه.. روح وابعد وابعد وهترجع تلاقيني مستنياك..مستنيه فرحه قلبي مستنيه عيون حبيبي مستنيه الدنيا ترجعلي مستني قلبي يدق.. مستنيه قاسم ودنيه قاسم..علي اد وجعي من بعدك علي اد ماهستحمل عشانك استحمل موتي ووجع قلبي استحمل خوفي من بعدك استحمل نفسي اللي بيمزع بس ماستحملش انك تتوجع وتزعل.. حبيتك قاسم وهفضل احبك قاسم ولا اشوف غير قاسم في دنيتي.. عهد عليا ماكون غير ليك لو خدو روحي هفضل ليك وهستناك.. مستنياك يا قاسم بالسلامه يا عمري ونام كويس وماتفكرش فيا انا والله كويسه .كان نفسي دلوقتي تبقي في حضني ابوس عيونك واقولهم مايتوجعوش بس خلاص انت بتحبني وشايف كده وانا هسمع الكلام واقول حاضر وطيب حبيبتك مش هتنطق طالما هترجع لها. روح يا قلب ليال وداوي نفسك وارجعلي روح يا عمري اللي مستنياه .. قاسم انا مش عارفه اسكت اعمل ايه مرعوبه.. بس انا واثقه انك مش هتسيبني..

لتصمت.. تسيبني.. تسيب ليال.... لا.. لا.. هو يعني ايه اصلا مش فاهمه ...لا قلبي مش عارف يقول كده ايوه انت ماشي سيب شويه بس صغننه وحياتي وهستحمل وهبقي مؤدبه وهبعتلك كل يوم اني مؤدبه وبسمع الكلام. انت بتحبني اسمع الكلام وكمان وانت بعيد هنفذ كل اوامرك مش هلبس اي حاجه ومش هكلم حد ... عشان لما ترجع تنبسط بيا.. َو النبي انا والله بنت كويسه وهبسطك وهعمل اي حاجه اي حاجه تعجبك اه هعمل. خلاص روح . ماتتاخرش.. او اتاخر براحتك مش هقولك حاجه بس ترجع انا مستنيه اهوه ومودبه ومش هضايقك عشان انت حبيبي واللي بيحب مابيضايقش حبيبه.. يلا يا قلبي..ارجعلي بسرعه بقه.. تصبح علي الف خير..ونام احلم بيا وانا اصلا بحلم بيك صاحيه نايمه..مستنياك يا قلب ليال..سلام يا روحي لتصمت اخير...

ظل ينظر الي الرساله ببلاهه وتتوقف الدنيا من حوله. يشهق بالبكاء.. لا مفيش كده.. هيا مش ممكن تكون بريئه اوي كده.. ايه ده.. انت ازاي كده.. ظل صامتا وشعور بالدوران يخلع قلبه حتي سند راسه علي المكتب ومدد علي الارض وبدا يهذي..

هرجعلك يا عمري يمين بالله لارجعلك بس لما اكبر واقف قدام الجاحد اللي اخد قلبي.. هرجعلك واخدك في حضني انشالله غصب مش هسيبك.. اكبر يا قاسم ودوس عالكل اكبر وابقي بدر حديدي تاني بس ساعه لما تبقي بدر وتتمكن وتلدع لدعتك ارجع قاسم وهات حبيبك اللي مستنيك.. زمني هيقف علي رسالتك دي يا عمري ويمين بالله لارجعك حتي لو كنتي في بطن الحوت.. نامي يا عمري موجوعه نامي مدبوحه بس هيجي اليوم اللي تنامي في حضني سعيده.. هيجي اليوم اللي هاخد قلبك واداويه.. هسيبك اه وافجعك بس ورحمه ابويا في تربته لارجعك.. وهتبقي بتاعتي لحد ما اموت ومايهمنيش مخلوق ساعتها وهتشوف يا بدر يا حديدي قاسم هيبقي ايه..

هدر بعنف...عايزني اتجوز الزباله دي دا بعينك هسافر واكبر واقفلك وانزع قلبك زي مانزعت قلبي وهرجعك يا عمري هرجعك بكيفك غصب عنك مايهمنيش بس هرجعك. مش قاسم اللي يسيب روحه لحد تاني.. عارف اني دلوقتي ضعيف وانت مدبوحه. بس انا هبقي قاسم الحديدي اللي ماحدش يقدر يقربله وعيني هتبقي عليكي وهعرف عنك كل حاجه مانت النور اللي بسعي ليه عشان اللي جاي سواد هعيش فيه ضلمه غبره وحزن اسود لحد ماوصل لجبروت جدي واهده وساعتها هتنوري حياتي يا قلبي.. حقك عليا يا عمري اني زباله وواطي كلب مايستحقكيش بس غصب عني.. هصونلك شرفك وهعليكي وهيجي يوم تبقي بتاعتي وعلي اسمي من تاني.. استحملي يا قلبي واكبري.. بس يا رب ارجع الاقيكي البريئه االي بتخلعلي قلبي.. يا رب انا قلبي بينزف دم وقهر وكل ذنبي اني حبيت ملاك هينزف ويتقصله اجناحه بسببي ...بس لا مش انا مش انا اللي اتذل كده وحبيبي يروح مني هرجعك يا قلب قاسم.. وهتبقي في حضني وهتجوزك ويمين بالله ماحد هيحوشني. وابقي ساعتها يا بدر يا حديدي وريني نفسك ..

*********

دخل الجد وجد قاسم يبكي.. شعر بالغضب فهو لم يكف عن البكاء رفع السماعه وامر الحرس يذهبو الي بيت ليال.. دخل عليه .. هتفضل تنح كده لامتي يابن نعيم..

صرخ بحرقه.. ماتسيبني في حالي بقه.

قال الجد بحده.. ولااااا اتعدل بدل ماعدلك.. هتسافر وتتجوز وتخرس ماتنطقش..

صرخ قاسم.. جواز مش هتجوز واقتلني بقه..

ابتسم بسخريه..... بجد طب يابن نعيم.. رفع السماعه .. ايوه يا ماجد انت قدام بيت البت ليال..

سمع قاسم ليهب بجنون... انت مودي الوسخ ده هناك ليه.

اكمل الجد .... هتاخد في ايديك ايه يا ماجد وتبهدلها ماتخليهاش تنفع..

سمع ماجد.. ساعه زمن يا باشا وتبقي في بيت سونيا الرقاصه والبلاغ جاهز ومتحضر والبت هتخرج بملايه اخش انفذ.

احس قاسم بذبحه في صدره.. صرخ... بس بس بس منكو لله بس مش هنطق مش هنطق والله ماهنطق سيبوها سيبوها..

الجد بوعيد.. هتسمع الكلام من سكات من غير نح..

نظر اليه بقهر ولم ينطق و دموعه تسيل..

الجد ...خلاص يا ماجد خليك قريب علي ندهه تلبد قدام بيتها ماتتسابش ثم نظر لقاسم . اعقل وقوم حضر نفسك للسفر.. وتركه محطما يَجلس علي الارض ودموعه لا تتوقف علي فقدان حبيبته. وقتله لها.

**************

لم تنم ليال ليلتها من رعبها كانت مرعوبه ان تفقد حبيبها وتتنفس بصعوبه وكل حين واخر يغشي عليها لينهكها التعب تماما لتستيقظ قرب العصر شاحبه ميته علي طرقات الباب لتقوم بصعوبه تفتح الباب وجدت امها امامها صرخت واخذتها في احضانها وادخلتها وظلت تقبلها وتقبل يدها وتحدثها.. وحشتيني وحشتيني.. رجعتلي يا قلبي انا عارفه ان كل ده كدب والله حبيبتي يا امي..

كانت امها مكسوره ولكنها تماسكت من اجل تلك البريئه فابنتها طفله جميله تكبر ولا تزال طفله مراعيه حنونه.

دخل ورائها محامي بدر الحديدي.. لتقول له السيده اتفضل يا جمال بيه.. كتر خيرك انت عملت معايا جميل ماحدش يعمله وخرجتني وخليت بدر بيه يتنازل والله انا مظلومه..

الرجل.. انا عارف والا ما كنتش ساعدتك.. كانت ليال تندس في حض والدتها ليهتف الرجل ويقول.. بس انا بقه في المقابل عايز خدمه يا فاديه..

لتقول.... عيوني...

بدا في الكلام ليدخل علي قلب ليال يشقه ويهتكه ويمزعه تماما لتتحول ليال من طفله بريئه لا تعرف شيئا في الدنيا سوي حبيبها ولم تتعلم الا منه لشخص فقد حياته وهرم وشاخ قلبه. لتتحول الي كائن مسخ لا يشعر بشئ ويكره كل شئ عندما هتف الرجل بفاجعه لم تكن تعرفها ليهتف الرجل....