رواية ليالي الغول اقتباس من الفصل الأخير بقلم لوجي احمد

 

رواية قتلني ورحل الفصل الخامس عشر 15بقلم ميفو السلطان حصريه في مدونة قصر الروايات 

رواية قتلني ورحل الفصل الخامس عشر 15بقلم ميفو السلطان حصريه في مدونة قصر الروايات 

#قتلني_ورحل

#حكايات_mevo

البارت الخامس عشر..

بدا المحامي جمال كلامه .. قاسم بيه حفيد بدر بيه اظن تعرفوه..

فاديه بذهول ... قاسم.. هو قاسم حفيد بدر بيه والله ماعرف. ماله وماقلناش ليه..

كانت هناك من تجمدت وتجمد قلبها.. قاسم.. قاسم مش قاسم.. قاسم ابن بدر الحديدي.. قاسم حبيبي انا خبي عليا ليه.. هو فيه ايه..

اكمل الرجل... بصي يا مدام. قاسم بيه شاب طايش و غلط غلطه واحنا عايزين نلمها .هو اتجوز بنتك عرفي واحنا في مقابل اننا نمنع الفضيحه دي عملنا ليكي الواجب .فيا ريت بقه الورقه تتقطع وكل واحد يروح لحاله هو عموما طلقها واحنا برضه مالناش بركه الا انتم.

كانت ليال قد نشف عروقها وتوقف نبضها ولم تحتمل بشاعه مافعله بها حبيبها لتقوم وتصرخ... كدب كدب قاسم لا قاسم لا.. قوليله يا ماما قاسم لا.. 

كانت الام مصعوقه لا تعرف اصلا عن تلك العلاقه لتحتضنها برعب.... ولكن ليال كانت كالمحنونه..... لا يا ماما الرجل ده بيكذب لا مش قاسم ده ..انا ماعرفوش مش كده يا عمو مش قاسم مش قاسم والله لا والنبي ماتكدب بتكدب ليه دا قاسم حبيبي بيحبني انا.. انت بتقول ايه والنبي يا ماما قوليله لا مش قاسم.. قاسم بيحبني مش كده ياماما. قاسم بتاعنا جاي.. ده مانعرفوش احنا مالنا وماله بس. قاسم حبيبي والله يا ماما دا كان بيحافظ عليا واتجوزنا وقال للجيران.. قاسم كان خايف ايوه خايف عليا شوفتي بيحبني ازاي.. الراجل ده جاي يتكلم عن حد تاني.. مش كده يا عمو ده مش قاسم .

كان الرجل ينظر لها باسي فحالتها تدمي القلب.. لتصرخ.. انت ساكت ليه.. قاسم انا بتاعته وهو بيحبني.

 كانت تنتحب وتشهق لتتسمر فجاه وتسهم كالمجنونه ...قاسم حبيبي انت فين. اجيبك منين ..قاسم راح فين حبيبي اللي هسمع كلامه ايوه هسمع والله هسمع هو فين لا انت بتكدب قاسم جاي ...قاسم قالي مش هسيبك قالي انت روحي حد يسيب روحه.. قاسم هلبسله الابيض.. امال هلبس الابيض لمين.. اه هلبس والله هلبس هيعملي حفله هو قال ...قال والله خدني في حضنه وقال.. لا يا عمو امشي عيب كده ماتكدبش اللي بيكدب بيروح النار عيب كده قاسم بيحبني.

لتصرخ وتقترب منه وتدفعه للخارج.... بطل جاي تكدب.. بطل انت كداب قاسم بيحبني قاسم مش ده ماعرفوش روح دور عليه قاسم حبيبي روحي . ذهبت لامها ترجوها ...ماما قوليله لا.. ليه ليه يعمل فيا كده ليه انا ماستحقش كده هعمل ايه هعمل ايه .

لتصرخ..  ماما هعمل ايه هعمل ايه ماما هموت لا والله كدب قاسم قالي مش هيسيبني.. قاسم قالي انا بتاعته وهيجبلي دبله البسها..

 لتمسك صوابعها ببلاهه ....اه هنا هيحط دبلته هنا وهيعملي حفله كبيره وهلبس الابيض.. اه مش كده يا ماما هتفرحي اني هلبس فستان منفوش وارقص وانبسط اه انا هفرحك عشان قاسم قال.. قاسم قال وانا مصدقاه بتكدب ليه يا عمو ليه.

لتصرخ وتخبط راسها ...بطلو بطلو قاسم حبيبي قالي هعيشك في الجنه.... لتقف وتسهم وتظل صامته.. لتبتسم.... انا حاسه بيه بيقولي بحبك يا لولي.... لتستدير كالمجنونه... هو فين قاسم فين انا سمعاه لتخبط علي راسها ....سمعاه اهوه جوا دماغي بيقولي بحبك يا لولي لتصرخ.. انا بحبك انت فين سايبني ليه تعالي انت فين يا قاسم.. يا قاسم حبيبي .

اندفعت للدولاب تاتي بسلسالها وتريها لامها.... اهو يا ماما سلسلته شوفي فيها قلب قاسم اهوه دي سلسلته قالي حطيها علي قلبك لتلبسها بجنون وتهتف.... شفتي يا ماما اهيه جميله ازاي قلب قاسم والله قلبه يا ماما الراجل ده بيكدب قاسم مايسيبنيش.. قالي هخطبك وافرحك اه وهيجي يعيش هنا معانا امشي يا راجل انت ماعرفش اللي بتقولو ده...

بصي يا ماما احنا هنعيش كلنا هنا انا وانت وقاسم اه ماحنا مالناش غيره معلش ومش هنطلب منه حاجه خالص يجي بس يتجوزني.. يفضل بتاعي عشان انا بتاعته بصي هنعمل حفله صغيره يا ماما انا وانت وقاسم مش عايزه حاجه بس لبسوني الابيض لقاسم البس اي حاجه. طب البس فستان عادي اي حاجه والنبي البس.. 

لتلف حولها ....وهنا هنا هنعيش هنا اه ليال هتعيش ايوه ليال هتعيش بقاسم كانت تهذي كالمجنونه.. لتصمت قليلا وتحس بخلعه في قلبها لتهمس.. قاسم حبيبي انت موجوع انا حاسه بيك.. سمعاك بتنادي علي لولي انا جيالك جايالك اخدك في حضني ماينفعش اسيبه كده.

 لتندفع الي الباب لتمسكها امها فصرخت.. لا سيبيني قاسم محتاجني قاسم بيحبني مش هسيبه... قاسم بينادي اهوه سمعاه.

 لتصرخ وتخبط راسها.. سمعاك سمعاك انت فين انت فين حبيبي انت فين بيقول بيحبني اهوه في دماغي سمعاه بيقولي بحبك يا لولي وانا بحبك انت فين اااااه اااه.. والله وحياه ربنا بيحبني لتسقط مغشيا عليها.

لتصرخ الام ويحملها الرجل ويدخل بها تحاول افاقتها لتفوق اخيرا لتجد امها تصرخ.. اتجوزها ضحك عليها واتجوزها وانا في السجن

 ابن بدر الحديدي اتجوز بنتي عرفي.. يا فضحتي يا فضحتي.. فضيحه ايه مانا اصلا اتفضحت.. بنتي انا ...هيا عشان هبله يعمل فيها كده.. ربيتي بنتك هبله يا فاديه عشان كلاب السكك تنهش فيها..يلف زي التعبان طول السنه. انا سيباله اهبل خلق الله.. ويوم ماقع ينهشني ويتجوزها.. لا وعرفي واتفضح بين الجيران.. طب هقول ايه الواد خلع من البت بعد ماخد اللي عايزه وباعتلنا يسكتنا بقرشين .. كانت تلطم علي وشها..

كانت ليال تجلس في صمت وتسمع امها وينغرز كلامها في قلبها ولكنها لم تعد تحس.. فور ان علمت ان حبيبها شخص اخر فقد ماتت..

اما الرجل تكلم بهدوء ...يا مدام القضيه خلصت بفضلنا وبدر بيه طالب رد الجميل قاسم اتهور وابننا اصلا هيسافر ويتجوز فامفيش داعي للفضايح نقفل عالموضوع والا ايه والله مالناش بركه الا انتو.... والا بقه القضيه هتتفتح تاني والدنيا تخرب بدر بيه مش قليل وشراني فاتقي شره..

صرخت.... مالكوش بركه الا احنا ازاي...

قال الرجل بجديه.... الفلوس اللي هتطلبيها تاخديها..

صرخت بحرقه.... فلوس.. وحق بنتي انتو تقتلو القتيل وتمشو في جنازته يا كفره عيله ماتمتش تمنتاشر سنه تدبحوها كده..

قال الرجل متوعدا بحده... خلاص انت حره مش مسئول بقه عن فضايحك اللي لميناها وسهل ترجع ومن الاخر قاسم بيه سافر وجوازه قريب هتعملي ببنتك ايه مش كفايه فضايح وجرس. بنتك هتتعك والعار هيطولها. هتبقو عيله تشرف اعقلي ..

كانت ليال متصنمه تسمع فقط والغرزات تنهال عليها.... قاسم حبيبي هيتجوز قاسم هيسافر ويسيبني.. قاسم اللي عشقته هيسيبني هيسيب ليال ..روحي هتسيبني كان بيضحَك عليا ...لا لا قاسم بتاعي لا.. امال مين قاسم بتاعهم ده انا ماعرفوش لتتذكر اخر ليله له.. ايه ده كان جاي يكمل ضحك ويمشي ويروح يتجوز ويطلقني ...انا رخيصه اوي كده... باعتلي فلوس فلوس قاسم باعتلي فلوس اخد علي نومتي معاه فلوس.. اتجوزني عرفي وهيفضحني هيسيبني اتفضح ابقي مانفعش لحد خلاص ..

انفع انفع لمين هو انا عت هنفع لحد.. رميتني بالرخيص يا قاسم رميت ليال اللي عشقت تراب رجليك بالفلوس يا قلب ليال.. قلب ليال.. ليال ماعدش ليها قلب ليال ماتت فين ليال كانت تهذي.. قاسم.. فلوس.. بدر الحديدي.. حبيبي انا خلاص.. ولو مانفذناش هنتفضح ويدخلو امي السجن.. اه مانت كتي سهله ورخيصه سلمتيله نفسك كتي هبله يا ليال وهو لف عليكي سنه بيتحكم فيكي ولما جتله الفرصه خد اللي عايزه وعمل عملته والاخر اترميتي يا بنت فاديه من ابن الحديدي جه نام معاكي عشان اخرتها قرشين وتقطعو العرفي.. عرفي يا ليال اتفضحتي وورقتك هتتقطع وتعيش طول عمرك متاخد شرفك .

مافكرش فيا خالص ماصعبتش عليه ماصعبتش عليك يا قاسم انت ازاي جاحد كده انت مش ممكن تكون بني ادم انا ماعرفش انت مين ايه القرف ده. لتحس بفوران في جسدها. 

لتقوم ليال من علي السرير كالصنم وتذهب الي الدولاب وتاخذ منه الورقه وتقول..... ولا تفضحنا ولا نفضحك يا باشا الورقه اهيه بس هدهالك اما اسمع بودني انت طالق يا ليال.. كانت تتكلم بقوه رهيبه لاول مره كانها تحولت الي شخص اخر نظرت اليها امها مصعوقه وهمت ان تتكلم لتقول بنبره حاده.. انا اللي غلطت يا ماما وانا اللي بصلح اهوه اهدي واطمني هنخرج انا وانتي من غير فضايح..

ذهب الرجل بعيدا يخبر بدر بطلبها.دخل علي حفيده الذي يفترش الارض وهو قد اصبح هو ايضا كالجثه ليهتف.. ايه القرف ده انت مالك عامل زي النسوان كده ليه ماتجمد ياض ماكنتش حته جربوعه وخدت منها رغبتك.. دا ايه القرف ده.. دا خلفه سوده.. قوم يا معدول البت بتتشرط.

انتبه قاسم وهب بلهفه.. عايزه ايه..

... بدر... ادت للمحامي الورقه بايدها.. بس عايزه تسمع انت طالق يلا خلصنا.

وقع قاسم علي الارض وتشنج وضع يده علي راسه وعلم انه قتل حبيبته بلا عوده فهيا ليست هكذا ولا شخصيتها ان تطلب شيئا هكذا اخذ بدر تليفونه .....

هتتكلم والا هتهبب ايه اخلص في ام الشبكه السوده دي..

ليقول... مش هقدر اقولها يا جدي قلبي هيقف..

الرجل بجحود.... خلاص اتزفت قول يلا بلاش تقرفونا بقه.. ليحدف له التليفون ويمسكه قاسم لينهي بذلك اخر سطر في حياته لينهي نفسه الذي يتنفسه ليقول لها.. ليال انت طالق.. لتنهمر دموعه ويتوقف قلبه تماما ويرمي التليفون بجواره ويتحول الي شخص ميت.. قلبه كالحديد قام بعنف ونظر الي جده .. هسافر امتي.

استغرب جده من منظره ليقول.. لما تتجوز بنت...

قاطعه قاسم بفحيح.. يمين بالله لو جبت سيره الجواز علي لسانك لاكون طفشان ولا تعرفلي طريق جره.. ليك عندي اسافر واكبر شركاتك يا بدر بيه غير كده مالكش عندي حاجه وتركه ورحل وقد مات قاسم ليتحول لقاسم بدر الحديدي غول السوق الذي يهابه الكل وداس وداس ليكبر بلا قلب بعد ان قتل حبيبته وقتل نفسه بيده .ولكن قلبه ملئ بالغل والقهر علي ضياع دنيا تمناها ليقسم القاسم بعودته ينهش قلب من فعل به هذا ليقسم بموعد يعيش عليه وسيمحط في الصخر حتي يحقق ما نوي فعله فدنيا قاسم الحالمه ماتت واشعل فيها النيران لتقوم نارا من نوع اخر لا يعرف كيف سيخمدها ذلك الذي تحول الي وحش منتظرا ان ينهش قلب من فعل به ذلك. 

اما تلك المسكينه فما ان سمعت صوته.. حتي ابتسمت ثم انطلقت تضحك بشده.. لتحس امها انها جنت لتقترب من الرجل وترفع اليه الورقه  وترميها علي الارض وتدعكها بجزمتها وتنظر بكره شديد.. خلاص يا بيه.. الف سلامه لم الورق من عالارض عشان انا مش هوطي اجيب زبالتكو من عالارض.. وابتسمت يلا يلا خد الزباله دي وبالسلامه وعندكو ورقتكو قطعوها بمعرفتكو.. لينحني الرجل ويلملم الورق لتصرخ... استني ...نتشت سلسلتها من رقبتها لتحس بخلعه في قلبها لتهتف... اديها للبيه ياخدها يشبع بيها بلاش قرف و..تنهد الرجل واخذ الورق والسلسله ورحل في صمت..

لتستدير امها وتصرخ.. انت عملتي ايه..

لتقول ليال.. نضفت.. نضفت يا امي.. وكبرت.. افرحي ببنتك اللي اصلا ربتيها غلط.. ليال كبرت وبقت حاجه تانيه ماتحزنيش انا مش حزنانه لاني خلاص كتر خيره ابن البهوات ماسابليش حاجه احزن بيها.. ماعادش عندي قلب لا افرح ولا احزن.. الحمد لله انك بخير وبعدو عننا بشرهم.. دول مش بشر دول زباله الواحد يقرف حتي يعدي من جنبها. اهدي حبيبتي ويلا خشي ارتاحي..الف حمد انك رجعتيلي.. بنتك خلاص يا حبيبتي عرفت الدنيا بعد ماتعلم عليها صح..

اطمني بتبصيلي كده ليه والله كويسه اللي راحله قلب رخيص مايبكيش لا دا راح خلاص هبكي بايه..معلش انت مذهوله مش عارفاني وانا مش عارفه انا مين.. ماكتش البت المؤرفه اللي اتربت عالهبل.. مش حاسه اني جوايا لا طيبه ولا خير.. بس صدقيني حاسه اني بقيت حره وكبرت اوي واوعدك تشوفي ليال تانيه مالغلبانه يا عيني ماتت ابن البهوات نتش قلبها وروحها طلعت يلا الله يرحمها كانت بت هبله بتصدق . 

كانت امها مذهوله.. مين دي دي مش بنتي..

لتاخذها ليال من يدها وتذهب بها الي السرير وتريحها وتنام وتاخذ امها في احضانها كانها طفلتها ليناما معا وكل منهم قد اخذ الوجع منه رقات لنعرف ماذا تخبئ لهم الايام.

ظلت ليال مستيقظه تنظر في السقف ببلاده لا تحس بشئ سكون غريب وعدم احساس .. لتحس بنغزه في صدرها ولسان حالها.. 

.ألم تشبع مني يا وجع؟ أكلت جسدي ومزقت أوردتي رفقاً ببقايا إنسان قد مات و هو على قيد الحياة أرهقني الزمان و خذلني البشرو أبكاني من رحل قتلني الوجع فرحماك يا اللّه...ماذا فعلت له حتي يفتك بي وجعه هكذا الم نتعاهد علي ان نعيش معا طول الزمان.. الم اكبر علي يديه وتفتحت عيوني علي حبه الم يكن هو المعلم وانا التلميذ المنساق ورا احلامه.. حلمت وجعلني احلم ثم طال الحلم وحبست جواه لا استطيع ان استيقظ طال حلمي وانا بداخله تتمزق اوردتي فلياتي من ينجدني ويخرجني من ذلك الكابوس الذي اعيشه.. رحل وتركني ممزقه طفله تحولت لمسخ لا يعلم ماهيته الا الله.. 

...تحولت ليال النور الي ليال سوداء في الليالي الغبراء التي لا يوجد بها بصيص نور... انات قلبها تصدح في عنان السماء.. انا كنت ماشيه في حالي وراضيه بالقسمه ولا عمري شغلت بالي بناس حزينه ولا حتي مبتسمه سرحت فجأه بخيالي في السما بصيت لقيت رسمه تايهه في وسط السحاب فقلت يمكن غيوم.. سرحت تاني بخيالي لقيتني وسط النجوم.. سالت عنها الهوا رد عليا وقال.. انسي يا قلبي اللي شفته وحاول تمسح الرسمه وكمل ياقلبي في طريقك ولازم ترضي بالقسمه.. رضيت بقاسم حبيب طلع الحبيب غادر غرز سكينته ولا عاد فيه طبيب ولا دوا ...مس رسمته بايده ونطر غيوم السما عليا اتوه فيها عايشه في ضباب ودا كله ليه..

كان ليه العشق بالكفه طالما جاي وقت الرحيل والغرزه.لتنام وتغمض عيونها وتغوص في دنيا غير الدنيا من الوجع وحاله عدم التصديق ترافقها لتفيق علي لمسات علي خدها فتحت عيونها بهدوء لتظل تنظر لتجد من خلع قلبها يتلمس خدها بحنان لتهب وتحتضنه و...

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا