رواية قتلني ورحل الفصل السادس عشر 16بقلم ميفو السلطان حصريه في مدونة قصر الروايات
رواية قتلني ورحل الفصل السادس عشر 16بقلم ميفو السلطان حصريه في مدونة قصر الروايات
قتلني_ورحل
#حكايات_mevo
البارت السادس عشر..
كانت ليال نائمه تائهه لتحس بلمسات علي خدها فتحت عيونها فوجدت من خلع قلبها يبتسم لها بحنان هبت تحتضنه بقوه وتكلبش فيه احتضنها بقوه لتنفجر بالبكاء ظل يهدهدها كطفلته التي يعشقها ويهمس لها بكلمات الحب .. لولي بتعيطي ليه..
نظرت اليه بعشق.. قالولي انك مشيت..
اقترب من وجهها يمسكه بيديه.. تصدقي في قاسم كده..
همست بنحيب.... لا يا قسومي ماصدقش.
قبل عيونها .... قسومك هيفضل حبيبك العمر كله ولا يوم هيخرج من هنا ليشير الي قلبها.. قسومك حبيبك وابوكي واخوكي انت بنوتي كان لازم احميكي من غدر الدنيا. قسومك عاشق لتراب رجليكي وميت عليكي.
ابتسمت ببراءه.... صحيح يا قسومي يعني ماهتسيبنيش.
قبل قلبها ورفع وجهه... حد يسيب قلبه دانت قلبي يا قلب قاسم. قاسم عاشق لليال ودنية ليال. قاسم من كتر عشقه مش عارف يتنفس من غيرك.
لتندفع وتنام في حضنه ... بحبك قوي..
حاوطها بيديه... وانا قلبي ماعتش فيه مكان الا اما امتلا بحبك يا قلب قاسم لترفع وجهها اقترب منها يتلمس وجهها بشفتيه.
همست بهيام .. لولي وحشتك اصلك وحشت لولي اوي ..
قال بحنان.. لولي خدت قلبي وعقلي .
تلمست وجهه... انا مش مصدقه انك معايا.
ابتسم .. قاسم طول عمره هيبقي معاكي. حبيبك جوزك ولا يوم تكوني لغيره. قاسم قلب ليال وروحه.
لتهمس... روحه.. طب سلسلتي خلعتها اسفه يا عمري.
دمعت عيونه...... سلسلتك بتدق علي قلبي سلسلتك عايش عشان ارجعها مكانها سلسلتك عهد عليا لالبسهالك بايدي .
لتهمس.. بجد هترجعلي قلبي تاني. بعشقك يا قلب ليال. طب بعدت ليه.
ملس علي خدها بحنان.. غصب عني عشانك والله. بس قاسم جوا هنا مش كده يا لولي.
ليال بعشق .. قاسم طول عمره جوا.
مسك يدها .. اوعديني ان قاسم ماهيخرجش من قلبك مهما عدت السنين ومهما حصل.
مسكت يده تضعها علي قلبها..... اوعدك ان ده بتاعك لحد ماموت.
لتحس به يتشنج.. قاسم فيه ايه لتبتعد وتجد صدره ينشع دما لترتعب.
وجدته يضع يده علي قلبه.. حبيبي هتفضلي حبيبتي العمر كله وجدته يتراجع لتصرخ... فيه ايه سايبني ورايح فين..
قال وصوته يتلاشي.... انا مش سايبك انا هفضل في قلبك ولا هخرج منه انا هغيب وارجعلك يا عمر قاسم.
صر*خت.. لا مش هعرف اعيش لا لا..
قال موكدا بثقه.... لا هتعيشي وهتكبري وهتتحملي وهرجع وافكرك بكلامي ده اني عايش ميت انا عايش ميت يا قلب قاسم..
صرخت.. ماتسيبنيش..
ترك يدها مبتعدا .... عمري ماهسيبك ليزداد صدره ويضخ دما .. ماتخفيش دا قلبي اللي هيفضل ينزف لحد مارجعلك نزيفه هيقف يوم ماترجعي لحضني انا اسف يا قلب قاسم انا اسف.
صرخت... لا ماتسيبنبيش لا والنبي لا..
همس راجيا..... افتكري الحلم ده هفكرك بيه عهد عليا لارجعلك عهد عليا لتكوني ليا اوعديني انك هتكوني ليا ولا حد هيقربلك ليال بتاعه قاسم قلبها وروحها وجسمها .
صرخت.. عمري ما هكون غير ليك انت وبس حبيبي وبس ولا حد هيقرب ويلمسني غيرك مستنياك ...
ليتوه في دماءه وتقف هيا تصرخ .....قاسم قاسم قاسم ...لتستيقظ من النوم علي يد امها اندفعت اليها برعب تجهش بالبكاء لتظل امها محتضنه اياها تهدهدها.
.. يا حبيبتي يا بنتي حسبي الله ونعم الوكيل منهم لله.
ليال بنحيب ووجع.. انا موجوعه قوي هموت يا امي هموت ليه يتعمل فيا كده ليه دانا طيبه وغلبانه ليه حاسه اني ميته حاسه اني مش ليال انا هموت..
احتضنتها فاديه.. ربنا يخفف َوجعك يا قلب امك ويشيل عنك فوضت امري لله.
نظرت اليها باكيه.. خايفه انام خايفه انا شفته يا ماما خايفه اشوفه تاني..
احتضنتها امها... منه لله ربنا يحرق قلوبهم لتاخذها في احضانها.
ليال ببكاء مرير....خلاص يا امي ليال ماتت...
لتقوم وتقف امام الشباك وتتجمد .. مش هعيش عمري احلم مش هعيش علي ذكراه لا خلاص يا امي من هنا ورايح ليال هتبقي حاجه تانيه نجمه في السما ماحدش يطولها هخلي الكل يتمني نظره مني بس ماهيطولهاش ليال هتتغير عشان تعيش في دنيتهم..
امها... بكره تنسي وتحبي وتتحبي وتتجوزي.
ابتسمت بقهر.. احب واتحب.. ولا عمرها هتحصل تاني اني ادخل مخلوق قلبي.. لتضحك ....هيدخل فين هو عاد فيه قلب.. انت ربتيني غلط طيبه وغلبانه بدي اللي مايستحقش بدي بطيبه وغلب ربيتي الغلب يا امي.. اتجوز.. مين مين اللي هيتجوز واحده اتاخد شرفها واتقطعت ورقتها بذمتك لو عندك راجل هتجوزيني ليه. وبعدين جواز ايه انا خلاص كتر خيره ماخلانيش انفع لحد..
لتتجلد وعيونها تقسي رويدا رويدا ...بس هنفع نفسي يا قاسم هكبر واكبر وانفع نفسي كت دايما تقولي ماهتعرفيش تكبري.. لا هكبر البراءه والطيبه هدعسهم بجزمتي هتعلميني يا امي كل حاجه هتعلميني ابطل عبط هتعلميني اكبر واكبر ..هتعلنيني الوحش اللي ماعرفوش غل الدنيا وسوادها لازم اتعلمه ..وهكبر بتمني اشوفك واحط عيني في عينك.. هستعد لليوم ده وساعتها هتبصيلي وتقول مين دي ايه اللي وصلها لكده هقولك تربيتك. هعيش عمري مستنيه ابص في عينك وتبص في عيني وبعد ماتشوف العشق تتحسر انك شايف سحابه غمامه مابتحسش بيك من اساسه.. قولتلي اكبري هكبر. ليال هتكبر وحد يفكر بس يقربلها هنهش قلبه زي مانهشت قلبي.. انت مت ومت بقرف وخرجت من دنيتي غير مبكي عليك.. ابكي علي ايه دانت ماسبتليش حاجه عدله ابكي عليها لتستدير وتحتضن امها
وتظل تهدهدها لتنام اخيرا.
ظلت فاديه تنظر اليها... انت السبب يا فاديه ربيتي ملاك وسط ديابه كنت فاكره انك بتحافظي عليها. ناس مسعوره َحدفتي البراءه وسطهم ربيتي بنتك عبيطه مابتعرفش الخبث واللوع.. يا رب خف وجعها بنت قلبي فوضت امري لله.
************************
كان قاسم يجلس في المكتب يغمض عينيه ليتوه في غفوه سبحانك ربي كأن الوجع جعل ارواحهم تتلاقي. ليشعر بها ويهمس لولي وحشتيني.. موجوعه يا قلبي معلش هرجعلك يا عمري هرجعلك عهد عليا لارجعلك يا قلب قاسم انت روحي وقلبي وهتفضلي قلب قاسم..قاسم ماسبكيش قاسم راجع. اوعديني يا عمري انك ماتكونيش غير لقاسم.. ليهمس قلبي انت وعدك ده هفضل شايله في قلبي وهعيش عليه وهفكرك بيه.وعد ليال لقاسم عهد هعيش عليه. احس بلمستها علي خده ليفيق يبحث عنها كالمجنون ليعرف انها كانت في احلامه فانهار بالبكاء .. هيجي يوم وارجعلك وهفتكر حلمي ده.هيجي يوم وابص في عيونك وامسح نظره الكره اللي متاكد انها موجوده عهد عليا لاخلي عيونك ترجع تعشق تاني وقلبك يدق تاني.. هيدق يا عمري عايش عشان قلبك يدق ليا تاني مانا هعيش ازاي كده انا ميت . .هيجي يوم وماتخرجيش من حضني مانت الدفا اللي هموت عليه.. راحت دنيتك يا قاسم عيش ميت لليوم اللي مستني حبيبك يخش حضنك وينام فيه
********
دخلت كارما علي ايان المكتب لتبتسم وتقترب منه .. ايه مش تيجي تشوفني والا الكلام مع جدو وبس.
تنهد.. لا ازاي كنت هطعلك.
اقتربت منه تلمس صدره ...ماكتش اعرف انك بتحبني كنت خايفه..
تنهد.. لتنظر اليه بحب.. ايان انا بحبك من سنين.
مسكها واحتضنها لتنام علي صدره.. انا مبسوطه قوي حاسه اني طايره.. لتخبطه ...بس انت كت وحش وبتعذبني.. رفعت نظرها ...بس خلاص طالما طلعت بتحبني مسامحاك.. ايه ساكت ليه.
شدد عليها.. لا بسمعك.
ابتعدت تشده وتجلس بجواره ....تعالي اقعد اما انا اخترت شويه قاعات بقه وبدات بفتح تليفونها وجلست تثرثر وهو صامت.. ايه رايك.
ابتسم وقال.. حلوين اللي يبسطك اعمليه.
وضعت يدها علي صدره.. انت اللي هتبسطني يا إيو.. انا من يوم ماعرفت الدنيا وقلبي دق ليك.رفعت نظراتها تنظر اليه بهيام... بتحبني زي ما بحبك يا قلبي.
ارتبك فهناك مشاعر تطحنه ولكنه لم يفسرها حبا....
همست... ايه بتبصلي كده ليه.. لا لا هتفضل ساكت هزعل انا مستنيه من زمان تقعدلي ساكت كده لا يا اخويا هزعل واسيبك انا عايزه اتحب لما افطس.. لتقوم متذمره
شدها لتقع في احضانه.. راحه فين وسيباني.
.قالت بتذمر... اعمل ايه مانت مش بتقول.
تنهد ... اقول..
رفعت عيونها بحب تلمس صدره... قول اللي هنا يا ايو عايزه احس بيه..
ظل ينظر اليها وقلبه ياكله اقترب منها يعتصرها بين يديه فجسده يحرقه ويريدها بشده وادرك ذلك خاصتا بعد ان اعترفت بحبها له ليهيم بها لتستسلم له بحب وظل معها يروي مشاعره التي انفجرت مره واحده ابتعد وشدها اليه اندست في احضانه هامسه بلين.. بحبك
تغلغلت الكلمه بداخله شعر براحه فشدد عليها اكثر يداعبها لتهمس ايو قلبي بيدق جامد..
تنهد وقال ...ممكن تسكتي وتسيبيني احس بيكي كده.
ابتسمت تلتصق به وظلا هكذا صامتين هيا عاشقه سعيده وهو يصارع بحرا هائجا في داخله..
********
دخل الجد البيت منتفخا بعد ان فعل فعلته وعلم الجميع ان قاسم سيسافر خارجا يمسك شركات الجد بالخارج وكان قاسم قد اشترط علي جده ان يكتب له الشركات فامتثل له بغرض ان ينسيه ما حدث جلس منتشيا...
.. خلاص كده.. الواد هيفلح وهيمسك الشركات والطور التاني هجوزه البت وكده امبراطوريتك يا حديدي بتكبر وهتكبر لحد ما قاسم يرجع واجوزه واجيب عيال وعيال واملي البيت..
دخل عليه ايان.. غاضبا ايه يا جدي قاسم هيسافر ليه انت بتعوم علي عومه..
الجد... اسكت يا ايان فيه حاجات انت ماتعرفهاش انا عايزه كده يمسك شركاتي بره انا اللي امرته.
ايان.. هو ايه اللي امرته انت هتتحكم فينا عشان الشركات هو له يمسك المجموعه اللي هنا انا مش همسك شغله. ممشيه ليه عملت فيه ايه يا جدي قاسم مش زيي انا شديد وجامد وبحسبها بالسنتي.. فيه ايه يا جدي اخويا ماله ومقلوب وبقي واحد تاني دا مش قاسم ومقهور ولا بينطقش.. عملت في قاسم ايه.
ليقوم الجد ويصرخ.. ...هعمل ايه يا ولاد نعيم.. بكبركو وبعليكو الواد هيكبر بره ولما يجي هيمسك الشركات انا همسكله المجموعه انت ايه دخلك.
ايان بغضب.. يا جدي انت بتهبد مجموعه ايه اللي هتمسكها انت ما عتش زي الاول وانا مش هحلق علي كل حاجه هتخرب كده قاسم فيه مصيبه جراتله عشان يطفش يا جدي ما تقولي عملت في اخويا ايه.
صرخ بدر.. فيه ايه يابن نعيم كبرت عليا هتعلي صوتك وتقولي ماعتش انفع.. ليه مش انا اللي هكبرك مش انا اللي هكتبلك المجموعه وخدتها عشان في المقابل تتجوز البت.. مش هتاخد الشركات قدام جوازه كارما.. وانا ماشي وراك واقول امين وهقعدهالك في البيت عشان توافق تتجوزها.. انت ساعه مصلحتك بس تاخد ولما اعمل لمصلحتكو تقولي ماعتش انفع.. شركات وخدت واتكتبتلك باسمك عشان تتجوز كارما وهرزعهالك في البيت تتحكم فيها زي ما تعوز بتحود علي اخوك ليه ماتخليك في حالك سيبني اخطط لاخوك زي ماخططتلك واستفدت.
ايان بقوه.. قاسم منهار تخطط ايه قاسم مش زيي احنا نخطط اه هو لا. قاسم حد تاني عملت فيه ايه وجاي تقولي هسفره يمسك وما يمسكش. اخويا له مكانه هنا هتسيبهوله ليه.
الجد.. عشان مايقعدش لوحده جربوعه تتحكم فيه اسمع يابن نعيم انت وانا زي بعض امور الحب والنحنحه مالناش فيها اخوك ليه وانا مش هسيبه انا عارف انه موجوع بس بربيه لازم يبقي زيك.
صرخ ايان... ايه يبقي زي دي َمحسسني اني من غير قلب كلب فلوس.. انا مش زيك يا جدي ولا عمري هبقي زيك.
الجد بغضب .. ولاااا انت هتصيع عليا انت نسخه مني امال مين يا اخويا اللي وافق انه ياخد الشركات واتشرط تتكتبله قبل مايكتب عالبت. انت هتستعبط يا روح امك. امال مين اللي خليته هيضحك عالبت وفهمتها انك بتحبها وانت جاحد مش بتاع حب ولا تعرف عن الحب حاجه والهبله فوق بتنقي في الفستان وعايشه دور سندريلا ان ابن عمها بيحبها والحقيقه ابن عمها هيتجوزها بالفلوس. اتعدل لما تتكلم اتكلم علي ادك وماتجيش عند اللي عجنك وتنطح فيه ..
كانو يصرخون بشده ولم يرو تلك التي وقفت تنزف من قلبها دما غير مصدقه ما فعلوه بها لينصدما علي هبد صوت ليستديرا فوجدا كارما تقف دموعها تسيل وتضع يدها علي قلبها ابتلع ايان ريقه برعب واقترب منها مرعوبا علي منظرها وقلبه اصابه انشقاق. مد يده يلمسها فصرخت تنظر اليه ببلاهه ودموعها تتساقط بشده.. لتحني راسها وتنظر لتليفونها المتساقط .نزلت بيد مرتعشه تاخذه وتنظر فيه كانت قد اختارت فستانا للزفاف مسكته تتلمسه وتنظر لايان وجسدها يتشنج من الوجع .
رفعت يدها اليه نظر اليه ويعود ينظر اليها بقهر ابتلع ريقه وقال برعب .... عحبك ده يا قلبي عجبك صح ..هعملهولك والله هعملهولك والله هعملك احسن فستان يا قلب ايان... ايوه انت قلبه ..
مد يده يلمسها لتتراجع وتمسك في احد الكراسي لتسقط ارضا من شده تشنجها.. اقترب منها بسرعه فصرخت فابتعد برعب ..... طب اهدي اهدي والله بحبك ايان بيحبك.. ليصرخ في جده.... عملت فينا ايه .
كانت تتشنج وتكلبش في نفسها وتنظر اليه بهستيريه ..صرخ.... والنبي ماتعملي كده والله بحبك انت قلب ايان دق ليكي وبس والله دق يا عمري طب عجبك ده يا قلبي عجبك الفستان ده حلو هيبقي عليكي زي الملايكه هعملهولك يا عمري والله هعملهولك وهفرحك وهقول اللي يعجبك ماتبصليش كده والنبي ماتحرقيلي قلبي انا حسيت ان ليا قلب .
لتصر*خ وتتشنج وتسقط علي الارض مغشيا عليها..
هوي قلب ايان فصرخ... كارمااااا ليندفع و يحملها وياتي قاسم صارخا... فيه ايه..
ايان بقهر.. سمعتنا سمعتنا هموت سمعتنا وسمعت قرفنا ليحملها ويصعد بها الي الاعلي ويستدعي الطبيب ظل واقفا وقلبه ياكله لياتي الطبيب ويخبرهم انها حاله انهيار ليتهالك الجد ويصرخ قاسم... عملتو فيها ايه يا جاحدين انتو ايه..
نزلت دموع ايان.. هو هو اللي عمل هو اللي رباني غلط هو اللي موتني وخلاني آله هو اللي دس فيا القرف.. اكبر يا ايان انت كبير نعيم.. اكبر يا ايان هتبقي كبير الحدايده.. من صغري ويقلي اكبر يا ايان انت سيد انت ماينفعش تحن انت ماينفعش تبقي ضعيف كنت لما احب العب معاها يضربني ويقولي خليك راجل جامد جبت عصفوره صغيره عمري ماهنسي انك تدبحها قدامي عشان ابقي جاحد زيك َتخليني ارميها بايدي ..انت ايه حرقت قلبي وخليته قلب جاحد ليه اشمعني انا .. كنت لما احضن امي تزعق وتضربني اصل الرجاله مابتتحضنش ولا بتقرب منها الراجل يكتم ويكبت ولو عيط اتلسع بالحزام عشان دموعي ماتنزلش تربيه سوده عليا و َعلي ايامي لما طلعت اسود وميت من جوا .
كنت لما احب ابقي بني ادم يقتل جوايا كل حاجه ايان مايحسش ايان بتاع فلوس ومناصب ايان اخره يشتغل ويجي يغريه بالفلوس ويقوله اتجوزها.. عارف ان جوايا بعشقها وانا مش حاسس بنفسي بدل مايقولي انت بتحبها لا ازاي جاي يكمل قهر فيا مانا زباله وبتاخد واتجاب بالفلوس.. شايف اخرت تربيتك يا بدر يا حديدي بصلي مابتبصش ليه مسخ قدامك عايش مابيحسش وجواه غلايه بيكبتها نامت في حضني تقولي بحبك وانا مش عارف انطق مخلول مش عارف يعني ايه مشاعر ماخدتهاش وماعرفهاش ماتربيتش عليها قتلت جوايا الاحساس وربيت الجبروت ولما حسيت بيها ميته اهيه اعمل بيها ايه وهيا قلبها مخلوع مني.
واحده اتاخدت بالفلوس انت ايه قولي فهمني اني ليا قلب وبيحس ليخبط علي قلبه ليه تمشيني في سكتك الوسخه ليه هيا ذنبها ايه.. تحس انها رخيصه دا نجمه ماهطولهاش تاني ليه ايان تربيه كده ليه بس انا استاهل كل ده اما طاوعتك َمشيت وراك زي الاهبل عيل مؤرف وزباله. قاسم اللي مش عاجبك جزمته برقبتي قاسم ده النضيف اللي فينا عايز تبعده عشان البيت يبقي منقوع وساخه انت جاحد ليه كده داحنا لو كلاب تحن عليهم ليه ليه انا ليه كده ليه اطاوعك... ادعي علي روحي باللي عملته. تقضي عليا ماهشوفش فرح تاني من جحودك عملتلك ايه عشان تطلعني مؤرف كده انا ليه مؤرف كده.
نظر اليهم قاسم بقهر.. مش كفايه واحد مات انت ايه ايه. صر*خ... اخرجو بره ماحدش يقرب منها..
صر*خ ايان.. لا مش هخرج مش هسيبها انا بحبها..
دفعه قاسم.. اخرج بره بدل مانسي انك اخويا. .
ليجهش بالبكاء ويسقط علي الارض امام حجرتهاويضع يده علي راسه.. ليقوم الجد ويخرح ويترك الحجره في داخلها جثتين خلعت قلوبهم بسببه وفي الخارج يفترش ارضيتها الحفيد الاكبر الذي اصبح كالطفل الصغير يبكي علي فراق امه.وكل ما جري له كان من نقص تربيته التي غرزها فيه ذلك الجاحد الذي لا يعرف عن المشاعر شيئا.
ظل ايان جالسا امام الحجره علي الارض يبكي ويتذكر ايام صغره وطفولته القاسيه ومافعله جده ليصل به الي تلك الشخصيه الجاحده ينتظر قاسم ما ان خرج حتي دخل بهدوء اقترب ودموعه تسيل.. اندفع اليها وشدها الي احضانه. اسف اسف يا عمري ولا مليون اسف هيراضوكي خايف قومتك هتموتي مانا موتك بقرفي والله بحبك وبعشقك وماكتش عارف. ماتعلمتش ماعرفتش يعني ايه حب ماحدش حبني حتي امي كان جدي بيبعدني عنها .والله ماعرف يعني ايه حب كنت بغير عليكي وبموت بس ماعرفش اعرف منين ماتعلمتش.
كنت هتعلم علي ايدك والله كنت هتعلم لما نمتي في حضني حسيت اني بحس حسيت اني بني ادم اني ينفع يبقي ليا مشاعر. اتوجعتي يا عمري اتوجعتي مننا قومي وانا هحطك في قلبي مستنيك تلبسيلي الفستان هموت واشوفك بيه وهعيش عمري مستنيه قومي وهفرحك وهبقي كويس وهقولك من الحب الوان هقول وهتعلم اقول مانا ماكتش اعرف والله ماكت اعرف .مني لله عملت في قلبي ايه منك لله يا جدي دا حبيبي قتلته بايدي حبيبي نايم موجوع مقتول قالتلي بحبك وانا مانطقتش جبله مابعرفش مابعرفش والله مابعرف ليجهش بالبكاء ويعتصرها بيديه .
خايف مرعوب هتعملي فيا ايه.. ظل يمسد عليها الي ان دخل قاسم وهجم عليه واخرجه بره الحجره وهو يترجاه ان يتركه ولكن قاسم تحول الي شئ بلا احساس يكره الكل.
قضي احفاد الحديدي ليله ذبحهم عن حق بايدي رجل فقد كل معاني الانسانيه ولم يهمه الا ماله ونفوذه وشركاته. قبح الف مره تلك الفئه التي تدوس علي خلق الله ولا يعلمون ان الله اكبر منهم جميعا ويهمل ويهمل ولكنه اذا اخذ.. اخذهم اخذ عزيز مقتدر . لننتظر اياما يتحول فيها الطيب الي جاحد وتتحول الرقه الي توحش وعنفوان ويخبو الحب. ويتحول الجاحد الي عاشق يتمنى عوده عشقه الي ما كان عليه. انقلب الكل وتاه الحب واندعس تحت اقدام الجحود والسلطه وتتوالي الحياه وكل يحاول ان يعيش عكس طبيعته..
فليال عزمت ان تقفل علي قلبها وان تموت ويموت داخلها وان تعيش الدنيا كما ارادو. أما قاسم فيعيش لسبب واحد ان ياخذ من بدر الحديدي كل جبروته وعينه علي يوم يكسر فيه تلك السلطه التي كسرته وامله ان يعود ليجد نفسه في قلب حبيبه.
اما ذلك المسكين الذي تربي علي الجحود فيعيش جحيما من نوع اخر بعد ان فهم وعرف َاحس بحلاوه تلك المشاعر ولكن بعد ماذا فكارما تنام والوجع نهش قلبها لا نعرف ماذا ستقوم ويكون حالها و ماذا ستفعل من اساسه.
وكل في حال تبدل دنيا الخير الي دنيا الجحود بسبب جاحد اراد ملك الدنيا ولكن لله الملك. ولكن هل ستعود القلوب بيضاء. قلوب الخير مره اخري.. قلب قاسم لقلب ليال.. سنري
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق