رواية الحربايه الفصل الثامن 8 بقلم بقلم سحر حسين عزت حصريه في مدونة قصر الروايات
رواية الحربايه الفصل الثامن 8 بقلم بقلم سحر حسين عزت حصريه في مدونة قصر الروايات
❤️ بسم الله الرحمن الرحيم ❤️
الحربايه
بقلم سحر حسين عزت
البارت الثامن
و هما بيتكلموا حصلت مصيبه ................
و طبعا المتوقع أن يكون حد كان واقف و بيسمع الكلام كله وفعلا نعمه كانت واقفه وسمعت كل حاجه و ساعتها عرفت أن جه الدور عليها في أنهم يخلصوا منها فا فكرت أنها تلعبهم نفس لعبتهم و طبعا جريت علي ريتاج بس ملقتهاش في الاوضه بتاعتها و لما بصت من البلكونه بتاعتها لقت ريتاج قاعده بتعيط في الجنينه بتاعت القصر و لما جت عشان تنزل لقت حسن رايح عند ريتاج فا لما شافتهم فضلت واقفه تشوفهم من بعيد المهم حسن لما راح عند ريتاج قال
مساء الخير يا ريتاج
اتكلمت ريتاج و هي بتمسح دموعها و قالت
مساء النور يا حسن
اتكلم حسن و هو بيقعد معاها و قال
خير يا ريتاج مالك انتي بتعيطي
اتكلمت ريتاج وقالت
لا يا حسن انا مش بعيط ولا حاجه انا كويسه
اتكلم حسن وقال
هو ايه اللي بيحصل بالظبط يا ريتاج
اتكلمت ريتاج و قالت
انا اللي عايزه اعرف انت جيت هنا ليه مش خالي قالك اوعي تيجي هنا و خليك بعيد عن عماتك
اتكلم حسن و قال
انا عايز اعرف ايه اللي حصل وليه بابا الله يرحمه قالي خليك بعيد ريتاج انتي عارفه حاجه و مش عايزه تقوليلي عليه
قامت ريتاج وقفت و قالت بعصبية
انا معرفش حاجه غير اللي خالي قاله و يا ابني نصيحه مني ليك الاحسن تفضل بعيد عن القصر و الناس اللي هنا دي
قام حسن وقف هو كمان و قال
انا متاكد انك تعرفي كل حاجه يا ريتاج و لو انتي مش هتقوليلي علي كل حاجه انا هعرفها لوحدي
اتكلمت و قالت
انت حر اعمل اللي يريحك بس مترجعش تندم بعدين الفرصه لسه في ايدك و اتمني مضيعهاش منك سلام
سابته ريتاج و مشيت و هو رجع يقعد مكانه تاني و يفكر في كلامها و بعد ثواني جت نواره و قالت
خير يا حسن انت قاعد لوحدك ليه كده
اتكلم حسن و قال
ازيك يا نواره عامله ايه
اتكلمت نواره و قالت
انا تمام الحمدلله تسمحلي اقعد معاك
قال حسن
اه طبعا اتفضلي
راحت نواره قعدت مكان ريتاج و قالت
مالك يا حسن شكلك مضايق جامد
قال حسن
بصراحه انا حاسس ان في حاجه غلط و مش فاهم اي حاجه
اتكلمت نواره و قالت
في ايه بس اتكلم معايا وانا هقولك على كل حاجه
ابتسم حسن و قال
بجد يا نواره
قالت نواره
أسأل انت بس و جرب
قال حسن
بصراحه انا عايز اعرف ليه بابا مكنش عايزني اتعرف عليكوا ولا حتي كان عايزني اجي هنا اصلا
اتكلمت نواره باستغراب و قالت
خالي مكنش عايزك تيجي هنا غريبه دي
اتكلم حسن و قال
هي فعلا غريبه و للاسف الوحيده اللي تعرف كل حاجه هي ريتاج و هي مش عايزه تتكلم و هي كمان بتقولي امشي من هنا
اتكلمت نواره و هي مستغربه طبعا كلامه المهم قالت
بص يا حسن انا مش عايزاك تهتم بارتياح كتير عشان بس هي .....
سكتت نواره و تكلم حسن و قال
هي ايه يا نواره قوليلي
اتكلمت نواره و هي بصه في الارض و قالت
بص هي بنت خالتي وزي اختي وانا بحبها اوي والله بس بصراحه هي بتعمل حاجات كتيره مش حلوه
اتكلم حسن و قال
حاجات مش حلوه ازاي يعني يا نواره اتكلمي
قالت نواره
لا يا حسن انا مقدرش اقول حاجه لحسن بعد كده تفهمني غلط ولا حاجه
اتكلم حسن و قال
لا اتكلمي يا نواره متخافيش انا لازم اعرف كل حاجه عن البنت اللي بابا كان واثق فيها
قالت نواره
ربنا يسامحها هي قدرت تضحك علي خالي وللاسف الشديد وقعت الكل في بعضوا
اتكلم حسن وقال
انا مش فاهم حاجه ممكن تتكلمي علي طول
اتكلم نواره و قالت
طيب انا هقولك علي كل حاجه بس ونبي يا حسن الكلام ده محدش يعرف عنه حاجه
قال حسن
لا متخافيش اتكلمي ومحدش هيعرف اي حاجه
قالت نواره
بص هي قدرت تقرب من خالي عشان هو اللي كان بيصرف عليها وكنت كل اما اجي هنا و تعرف بس اني عايزه افضل مع خالي حبيبي كانت بتضايق و بتحاول تمشيني من هنا ولا كان القصر ده بتاعها هي
اتكلم حسن و هو مضايق و قال
بعدين كملي يا نواره
قالت نواره
هي فعلا اتعملت أن القصر ده بتاعها و كانت بتتمني اليوم اللي خالي حبيبي يموت فيه عشان تعيش فيه هي و خالتي نعمه لوحديهم و عشان كده هي مش عايزاك تفضل هنا
اتكلم و هو مضايق حسن و قال
معقوله كل الكلام ده يطلع منها ده بابا كان بيثق فيها اووي
اتكلمت نواره و قالت
اهدي يا حسن انا كده قولتلك علي أقل حاجه هي عملتها امال لو قولتلك علي كل حاجه هتعمل ايه
اتكلم حسن وقال
مش قادر اصدق ان الكلام ده كله يطلع منها هي
ضحكت نواره ضحكه خبيثه و قالت
هي كده ميبنش عليها أي حاجه و اللي يشوفها يقول عليها انها غلبانه و ملهاش في أي حاجه بس صدقني ده كله تمثيل طيب تقدر تقولي هي ليه معرفتش حد مننا انك موجود اصلا
سكت حسن و بدأ يفكر في كلامها و فضلت نواره تتكلم و تقول
بلاش دي فكر كده مين اللي عرفك علي عماتك مش خالي طيب لو فعلا هما وحشين كان هيقولك عليهم من الاول
اتكلم حسن و قال
فعلا معاكي حق بس هو ليه قالي كده
اتكلمت نواره و قالت
طيب قولي في الفتره دي مين اللي كان قاعد معاه كان خالي لوحده ولا هي كانت موجوده معاه
قال حسن
لا هي كانت موجوده انا في الوقت ده كلمته فديوا وهي كانت موجودة جانبه
قالت نواره وهي بتضحك
هي ريتاج كده تفضل تضحك عليك باي كلام و اي حاجه و تخليك تعمل اللي هي عايزه و في الوقت ده خالي حبيبي كان تعبان و اكيد هي استغلت الموضوع ده جدا صدقني يا حسن انا خايفه عليك لحسن تصدقها انت كمان و تقدر تضحك عليك
اتكلم حسن و هو مضايق جدا و قال
لا تضحك علي مين انا غير بابا خالص و انا هوريها انا ممكن اعمل ايه انا متشكر جدا يا نواره انك قولتي ليا علي كل حاجه وصدقيني محدش هيعرف اي حاجه عن كلامك معايا
اتكلمت نواره و قالت
انا قولتلك بس عشان خايفه عليك والله و مش عايزه يضحك عليك
قال حسن
متشكر جدا يا نواره بعد ازنك انا لازم امشي
قام وقف و هي كمان قامت و قالت
طيب انت هتروح فين وانت مضايق كده
قال حسن
مش عارف بس انا عايز افضل لوحدي شويه بعد ازنك
و سابها و مشي و اول ما مشي فضلت نواره تضحك بصوت عالي و قالت
ده انت طلعت عبيط بشكل
و راحت عند صفيه المهم تعالوا بقي نشوف ايه اللي حصل مع ريتاج لما رجعت الاوضه بتاعتها لقت امها قاعده مستنيها هنا اول ما شافتها قالت
ماما بتعملي ايه هنا
اتكلمت نعمه و قالت
مستنياكي عايزه اتكلم معاكي شويه
اتكلمت ريتاج و هي مضايقه و قالت
خير يا ماما في حاجه تانيه ولا حضرتك لسه مخلصتيش ضرب
اتكلمت نعمه و قالت
انتي لسه زعلانه مني يا بنتي
اتكلمت ريتاج و قالت
خير يا ماما حضرتك عايزه ايه
قالت نعمه
انا مش عايزاكي تزعلي مني انتي عارفه أن انا مليش غيرك يا حبيبتي
فرحت ريتاج بكلام نعمه و قالت
بجد يا ماما
اتكلمت نعمه و قالت
اكيد يا قلب ماما هو انا ليه مين غيرك يا روحي
قالت ريتاج و هي مبسوطه
طيب يا ماما وانا كمان مليش غيرك يا حبيبتي
وانا مقدرش ازعل منك يا قلبي خلاص بس انا ليه طلب واحد بس منك يا ماما ممكن
قالت نعمه
اكيد يا حبيبتي اطلبي و اتمني يا قلبي وانا عليا أن انفذ أن شاءالله
قالت ريتاج
ممكن نرجع بتنا تاني بعد ازنك انا مش عايزه اعيش هنا ولا حتي افضل هنا يوم واحد لو سمحت يا ماما ممكن نمشي من هنا
اضيقت نعمه و قالت
نعم يا اختي انتي عايزه نمشي من هنا و نسيب العز ده كله لصفيه و بنتها انتي اتجننتي يا بت
اتكلمت ريتاج و هي مخنوقه وقالت
يا ادي العز انتوا ايه مفيش حاجه غير الفلوس و العز و القصر اللي انتوا عايشين عشانهم يا ماما لو سمحت اسمعي كلامي لو لمره واحده بس قبل فوات الاوان
اضيقت نعمه اكتر و قامت وقفت وقالت
بقولك ايه انا مش همشي من هنا ولا حتي انتي و عملي حسابك انتي هعملي كل اللي انا هقولك عليه انتي فاهمه
اتكلمت ريتاج و قالت
بقولك ايه يا ماما اعملي اللي حضرتك عايزه بس لو سمحت متجبرنيش اعمل اي حاجه انا مش عايزاها بدل ما اسيبلك القصر و العز ده وامشي
قالت نعمه وهي غضبانه
انتي بتهدديني يا ريتاج طيب اسمعي بقي الكلمتين دول و حطيهم حلقه في ودنك انا وانتي مستحيل هنخرج من هنا اللي واحنا أصحاب القصر ده انتي فاهمه
و بعد ما نعمه خلصت كلامها سابتها و خرجت و ريتاج فضلت قاعده بتعيط لوحدها وبتقول
يارب خلصني من اللي انا فيه ده يارب انت عارف انا بحاول اعمل اي حاجه عشان ابعد امي بس هي مصره تكمل في اللي هي فيه و انا خلاص تعبت و مش عارفه اعمل ايه
دخلت نواره و قالت
تعملي ايه في ايه يا ريتاج
سكتت ريتاج و مسحت دموعها و قالت
مفيش حاجه يا نواره
اتكلمت نواره و قالت
انا عارفه أن انتي عايزه تمشي من هنا بس اقولك على حاجه انا لو مكانك كنت مشيت و مستحيل افضل في مكان غصب عني
اتكلمت ريتاج و قالت
نواره ريحي نفسك و وفري كلامك انا فاهمه و عارفه انتي عايزه توصلي لايه بكلامك ده
اتكلمت نواره وقالت
انا مش قاصدي حاجه انتي فهمتي غلط يا ريتاج انا ......
سكتتها ريتاج و قالت
نواره انا عارفه كل حاجه و قولتلك و فري كلامك وانا مش همشي من هنا ارتاحي
و هي بتتكلم دخل حسن واتكلم بغضب شديد وقال ...........
تابع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق