في عز المطر والبرد
في عز المطر والبرد.. أخوه قفل الباب في وشه هو ومراته وعياله الصغيرين بعد انهيار بيتهم، لكن اللي الطفل شافه تحت الأنقاض خلى
طارق... بقولك البيت بتاعنا وقع من المطر تقولى انا مالى... هو انت مش اخويا هتسيبنى انا ومراتى وعيالى فى الشارع كدا فى المطر والبرد ده عادى
حسام.... معلش يا اخويا اصل انت عارف مراتى جوه وعيالى والبيت يدوب على قدنا يعنى انت هتقعد فين بس انت ومراتك وعيالك بيت تانى على بيتى..
يلا بقى عشان المطر هيدخل للعيال لو فضلت فاتح الباب كدا سلام...
وقفل الباب فى وشو ودخل... طارق اتنهد بضيق وبص لمراتو اللى واقفه ومخبيه ولد وبنت تؤام ٦ سنين من المطر اللى نازل عليهم وقالت... اى مدخلناش لى...
طارق بحرج... احم ماهو مرضاش يدخلنا
ملك.... اى ازاى يعنى هو مش انت اخوه
طارق... قال البيت ع قدهم وبينا هيبق زحمه وقفل الباب فى وشى
وقعد جمبهم وملك قالت.....
طب خلاص يلا بينا عند ماما بقى
طارق... اى لا بهيجه لا انا هتصرف
ملك... بلاش شغل عيال يا طارق هنقعد فى الشارع يعنى مش عشانك انت عشان عيالك حتى هيفضلو ملقحين فى المطر كدا تعالى هنبات عند ماما والصبح نجى ننضف البيت دا بالحفار ونحاول نتصرف
طارق اتنهد بضيق وقال... اوف اوف ماشى هنغور
وراحو سوا على بيت فخم جدا جدا وخبطو على الباب وفتحت ست اربعينيه وقالت بصدمه..
ملك بنتى اى اللى جايبك فى المطر دا.... الحيوان دا مزعلك صح متقلقيش يا حبيبتى هقوم عز المحامى ابن خالتك وهنخربلك بيتو هجرجرهولك فى المحاكم...
ملك بحرج... ماما محدش زعلنى البيت بتاعنا وقع
بهيجه... اى اكيد لازم يقع ما انتى سبتى القصر المشيد بتاعنا وروحتى سكنتى معاه فى العشه بتاعته
طارق بضيق... ندخل طيب ولا اى
بهيجه.... اه تعالى امال هسيب بنتى تتبهدل مش
كفايه انت مبهدلها
طارق اتنهد بضيق بس ملك دخلت ونومت الاولاد فى اضتها ونزلت
وطارق كان قاعد فى الجنينه ولسه هتلطع عندو امها قالت على فين تعالى عيزاكى
ملك... ماما مش وقتو
بهيجه... لا دا اصلا وقته اهو جالك كلامى يا بنتى قلتلك مش هيعرف يعيشك فى مستوانا وهيبهدلك قولتى بحبو شوفتى اخرت حبك اهو.... حبكم دا لاهيشبعكم فى الجوع ولا هيغطيكم من البرد وكل ما كلمك تقوليلى انا طايره من السعادة مع روقه اهو اتفضلى حتى عشة الفراخ. اللى كنتو ساكنين فيها طارت هى لاخرى
ملك تنهدت وقالت.. ماما طارق خلاص بقى جوزى وبينا اطفال وانا بحبو ومش هسيبو ابدا اوكى كفايه انو عمره مازعلنى ولو انتى فعلا بتحبينى متزعليهوش بكلامك دا
وسابتها وطلعت عندووقالت....
قاعد فى المطر دا لى. ادخل لاتاخد برد
طارق.. تؤ
ملك.. اى مش عايز تدخل عند ماما صح
طارق... اه عشان مش عايز وجع قلب اكتر من اللى انا فيه
ملك.. اوكى وشدت دراعو وحطت دماغها على كتفو ورجعت رجعت دراعو تانى وطارق بصلها وقال.....
اى دا انتى انتى بتعملى اى ادخلى انتى جوه مع الاولاد
ملك... اوه انت فاكر انى هعرف انام جوه وانت مرمى هنا
طارق... ملك لو سمحتى ما تزيديهاش عليا
ملك.. تؤ تؤ
طارق بضيق... ملااااك
ملك.. تؤ تؤ انسى
طارق... طيب يلا جوه هدخل معاكى وامرى لله
ودخلو جو وفضل قاعد فى الصالون لحد الصبح ملك طلعت تلبس الاولاد لانها كانت بتسيب هدوم ليهم عند والدتها عشان اما تزورها يلبسوها وطارق كان مستنيهم عشان يروحو يشوفو بيتهم اللى نهار هيعملو فيه اى
وجات بهيجه. وقالت...
مش هتخلى عندك دم وترحمها
طارق بخنقه.... ارحمها لى هو انا معذبها انا عمرى ما زعلت بنتك يا حماتى
بهيجه... صح بس مبهدلها انا بنتى مكانتش
تلبس الفستان مرتين شوف معاك بتشترى الفستان من السنه للسنه لا فلوس ولا منصب ولا عربيه عدله وكمان حتى الحته المعفنه اللى مستنضفش اقعد فيها حتى حصانى وانت كنت مسميها بيت راحت مستنى اى تانى ها تقدر تقولى هى زمبها اى تبهدلها بالشكل دا
طارق بحزن... بس انا بحبها
بهيجه... حبكم ماياكلش عيش فى الزمن دا حبك هيقدر يامن لبنتى بيت... لأ... هيقدر يامنلها اكل وشرب ولبس كويسين... كمان لا.... هيقدر يا ترى يامنلها مستوى معيشه كامل زى المستوى اللى كانت عايشه فيه قبل ما تبتلى بيك... اكيد لا... يبقى لما يكون وجودك فيه متاعب اكتر من غيابك يبقى بعدك هو الحل طلاقكم احسن للكل...
بس نزلت ملك وقالت...
طارق يلا احنا جهزنا
بس سكتت اول مشافت الدموع فى عيون طارق بصت لامها بياس وقالت...
ماما
بهيجه.... اى
ملك... قولتيلو اى
طارق.. ولا حاجه يلا بينا
وراحو على البيت بتاعهم اللى تسوا بالارض والحفارة كانت بتشيلو زى كومت الخردة وترميه فى عربيه نقل طارق قال بحزن....
البيت بقى كومت خردة كل تعبى فيه راح لسه فاكر لما بنيتو طوبه طوبه
ملك.... فداك يا قلبى بيتعوض كلو بيتعوض
ابنهم كان واقف عند الانقاض وبيسحب حاجه من تحتو وفضل يشد فيها لحد ماطلعت وقال باعجاب.....
وووواااووو بابا ماما تعالو شوفو لقيت اى
طارق وملك جريو شدوه بعيد وطارق قال بغضب...
اى موديك عندك الحفارة لتشيلك مع الزفت ده
وليد.... شفت دى وكنت بطلعها
طارق وملك بصو للولد بصدمه لما شافو اللى فى ايدو وطارق قال بذهول....
دى عروسة دهب لقيتها فين دى
وليد بفرحه لقيتها هنا مدفونه فى التراب دا تحت البيت شوف حلوة ازاى هاتها بقا يا بابا
ملك... لا حبيبى دى مش لعبة دى اثار
وليد.... يعنى اى اثار
انا عايز العب بيها
طارق قلتلك مش لعبه دى اثار ولازم نسلمها للبوليس
ملك... اى هتسلمها
طارق... اه بس نخلص من البيت دلوقت
ورجعو على بيت ام ملك وطلع خباها فى الاوضه وتانى يوم كان وليد فى المدرسه مع امير ابن حسام وقال...
والله العظيم مش بكذب لقيت عروسه دهب تحت بيتنا بس هى مع بابا دلوقت اخدها منى قال هيسلمها للبوليس عارف قد دراعى دا كلو او يمكن رجلى ولونها غريب حلو قوى يا امير
امير.... اوه جد بس انت كداب انا عايز اشوفها
وليد.. بابا اخدها منى وقال هيوديها للبوليس
امير رجع البيت وحكى لابوه كل حاجه قالها وليد وحسام قال بذهول....
اى يسلمها يعنى اى اهبل دا ولا اتجن حد يرفس النعمه برجلو
امير.. دا الكلام اللى قالو وليد يا بابا والله
نعمه مرات حسام... يمكن بيكدب عيل ومش عارف معنى كلامو معقول يوم ما يلاقو حاجه زى كدا يسلمها
حسام... معقول جدا اخويا وعارفه اغبى ما خلق ربنا على ارضو واصلا مستحيل الولد يئلف كل القصه دى من دماغو كدا انا لازم اروح واشوف اى حكايت العروسه دى
نعمه... ترحلو ازاى بس وهو هيبعرك اصلا انت ناسى انك طردتو وقفلت بابك فى وشو فى اصعب موقف ليه
حسام.... نفتحو تانى
ولبس ومشى بسرعه من البيت وراح عند طارق فى بيت حماتو طارق اول ما شافو قال بضيق...
خير جاى لى بعد ما حوجتنى للى يسوا واللى ميسواش
حسام... اهدا حقك عليا انا تفاجات والله ومكنتش عارف اعمل اى انا خلاص عرفت غلطى وجاى اخدك معايا عشان نعيش سوا هنيم امير مع اختو عزه وهنيم اولادك مع اولادى كلهم فى اوضه وحده وهنام انا فى اوضة امير وهديلك اوضتى انت اخويا ومقدرش اسيبك كدا برضو
طارق بستغراب.... اى اللى حصل لى غيرت رايك
حسام.... قولتلك اتفاجات بقى مش هتعديها لاخوك يا روقا
طارق.. تمام بس سيب اولادك لوحدهم اولادى هنيمهم معانا
حسام... لا مش هتاخد
راحتك كدا
طارق... كدا كدا مش هاخد راحتى فى بيتك بس اهو وشك ولا وش بهيجه تخيل عيزانى اطلق مراتى
حسام... اى لا دى اتجننت خالص وهى هتلاقى عريس زيك لبنتها فين ها قولى بقى اى اللى حصل معاك من امبارح لحد دلوقتى يا خويا يا حبيبى
طارق... ولا حاجع متلقح عند بهيجه هيكون اى توقعاتك يعنى
حسام... اكيد متضايق بس ناوى عاى اى
طارق... ولا حاجه هنضف مكان البيت ونبنى مكانو بيت صغير نقعد فيه مؤقت لحد ماربنا يفرجها
حسام اتضيق منو لانو مش راضى يجيب اى سيرة عن الاثار وقال..
عارف الواحد عدلو اى يلاقيلو كنز ياه يغنى ما يدرى
طارق ابتدا يستوعب اخيرا وقال.....
اه كنز لحظه كدا
وبعد شويه ونادا لوليد ابنو وقال..
ولا انا عارفك ميتبلش فى بوقك فوله انت حكيت لحد عن العروسه الدهب اللى لقيتها
وليد لا ابدا يا بابا والله محكيت غير لامير ابن عمى بس
طارق... امم بس لاتمام كدا غور من وشى وانت شبهو كدا
وراح عند اخوه وقال... اه ما انا لقيت كنز فعلا بس مش هغتنى هنردو لاصحابو
حسام بضيق... ومين اصحابو بقى
طارق... البوليس
حسام... هما البوليس اللى دفنو الدهب
طارق.. حسام متحاولش انا مش هاخد جنيه واحد منها دى حرام
حسام... نحللها سيبها ٣ ايام لو محدش سال عليها يبقى حلالك بلالك ها
طارق.... لا طبعا ٣ ايام اى هى ميتين جنيه الحته دى مش بتاعتنا وانا هرجعها للبوليس
حساب... ربنا بعتهالك فى الوقت دا لى مسالتش نفسك عشان هو عايز يساعدك
طارق... لا هو بيختبرنى اعمل اى عشان كدا جات فى التوقيت دا بالتحديد وهى حرام وانا مش هدخل على مراتى واولادى قرش واحد حرام انا بالحلال ومسحول امال بالحرام هيحصل فيا اى هتسخط قرد
حسام...
جرب الحرام يمكن تبظط بعدين دا مش حرام انت اشتريت الارض دى ولقيت دى فيها تبقى بتاعتك مع الارض
طارق... لا انا اشتريت الارض مش اللى فيها
حسام... طب انا بقبل الحرام ادهالى انا اولى انا اخوك واكيد اولى من البوليس
طارق... لا مش هشترك معاك فى حاجه زى كدا بعدين اللى مرضاهوش ع عيالى مرضاهوش على عيالك
حسام... اوف اقولك خلاص خلاص براحتك هات حجاتكم ويلا بينا
طارق... ماشى
وراح عند ملك وقال..
يلا بينا هنروح عند حسام هو اعتزر ورجع عشان ياخدنا
ملك... شوف هو انا مش مرتاحه من كدا بس هرجع عشانك اهو تتصالحو انت واخوك
طارق... اه الحمد لله كنت زعلان انو طلع واطى وسابنى وخلع يلا بينا اصلا حتى امك مش مريحه
ملك... اه هى قلتلك اى
طارق... قالت.. احم مش مهم بقى
ملك... ماشى يلا بينا
وخدو حاجتهم ونزل قبلها وامها قالت....
انت هتقعد بنتى عند اخوك وتكعبلها هى واولادها وانت فى اوضه اد كدا روح انت مع اخوك وسيبلى انا بنتى هنا تقعد براحتها هى واولادها
طارق... حماتى انا مكانى جمب مراتى متتعبيش روحك انتى واكيد هى هتكون مرتاحه معايا
بهيجه... اه انت هتقولى.... انا بنتى طالما انت محشور فى حياتها زى اللقمه فى الزور مش هترتاح الا بعد الاربعين ام قرص دى عارفها
طارق بغضب... بعيد الشر اى اللى انتى بتقوليه على ملك دا
بهيجع... لا بعيد الشر عن بنتى انا اقصد اربعينك انت يا اخ
طارق اتنهد بضيق... بس ملك نزلت وقالت....
احنا جاهزين يا طارق
طارق... ماش يا روحى يلا بينا
بهيجه... روحك كان طلعت روحك يا بعيد
طارق وملك مشيو وراحو بيت حسام وطلعو اوضت الاولاد عشان ينامو فيها ونعمه مرات حسام قالت...
اى دا انت جبتهم هنا لى وهيقعدو
فين دول
حسام... فى اوضة عزه وعزه هتبات مع امير
نعمه... نعم ولى كل دا مكانو عند حماتو وتمام انت روحت تاخد منو الدهب ولا تجيبو هو ومراتو وعيالو يكتمو على نفسنا
اوف غبيه طول عمرك وهو هيرضى يديهالى اكيد لا لازم استدرجو الاول
نعمه... استدراج اى بس كنت خدها منو باى طريقه
حسام بسخريه... اه ما اصلى عرفت اخدها وقلت ابدا لازم اتبهدل حتى اخدها.. انا حاولت اقنعه مرضاش دماغ امو صرمه مصر يسلمها ما لقيتش حل غير انه يجي يقعد عندي قولتلو ندمت لما مشيته امبارح وكده بس انا بقى جايبه ليه عشان هسرقها منه من غير ما ياخد باله وبعد كده يقول راحت فين جات منين احنا ما شفناهاش
نعمه... هتسرقها منه ازاي كده مش هيشك
حسام... وافرض شك طالما ما شفهاش معايا ويقولي اهي خلاص اكيد مش هسيبه يسلمها للبوليس ونقعد نتفرج ونطلع من المولد بلا حمص
نعمه... طب ودي هنسرقها ازاي
حسام... هخليه ينام وهدخل اسرقها منه
نعمه... تفتكر نعرف نعمل كده خايفه يقفشنا
حسام... فقري فقري فيها زي البومه هنعرف اكيد مش هينام وهي في حضنه يعني
نعمه... طب بص الستات ليها تاثير كبير جدا على الرجاله ايه رايك انا هتكلم مع مراته الاول واخليها تحاول ان هي تبيعها اكيد هي ليها تاثير عليه وتخليه يبيعها
حسام... طب هو لما يبيعها عشان مراتو يبقى مراتو اللى هتمسكها كدا احنا هنستفاد ايه برده مش فاهم
نعمه... ماهو اخوك لو باعها احنا اكيد هيطلع لنا من الحب جانب هنقوله ان احنا معاه في الليله من اولها وان احنا هنبيعها معاه وكدا هو اكيد هيخاف ان احنا نبلغ عنه او نقول لحد فهيخلينا شركه معاه او حتى يدينا شويه من الفلوس واكيد ده احسن بدل ما نسرقها ويفضل يقول مين اخدها ومش مين اخدها واحتمال يبلغ البوليس
ويقول انه لقا واحده وكان عايز يسلمها ويفتو تحقيق... واهو على الاقل من غير شوشره.. تخلص بشياكه
حسام... خلاص ماشي هنجرب الموضوع ده الاول بس لو ما قدرتيش تقنعيها انهم يبيعوها.. انا هنفذ كلامي مش هقعد اتفرج عليهم وهما بيضيعوها
نعمه... خلاص تمام اانا هحاول معاها بكره الصبح ان شاء الله وباذن الله خير
حسام... ماشى على خيره الله
وبالليل كان طارق قاعد في الاوضه وملك والاولاد على السرير وهو كان حاطط مخده على الارض ومدد عليها وبيقول..
جمعت اللى معايا لقيتو قليل قوى مش هيكفى ولو بعت العربيه هتنقص برضو
ملك... تتدبر ان شاء الله ربنا هيحلها
طارق ... ان شاء الله...
وكمل كلامو بحزن وقال... اه انتى مش عارفه انا كنت مبسوطه قد ايه وانا ببنيه واسقفو واشطبو وافرشو عارفه فرحت قوى لما خلص بس كل تعب السنين دا خدو كلو المطر مره واحده اخده كدا فى لحظه فى غمضه عين ما اعرفش ازاي انا لسه مش مستوعب حتى
ملك بحزن على حالته... يتعوض المهم انك موجود كل حاجه تاني بتتعوض فداك
طارق... فدايا اى بس ده انا لو باعوني قطع غيار في سوق الجمعه مش جايب ثمن البيت ده فدايا ايه وهباب ايه
ملك... ايه اللي انت بتقوله ده
طارق.. اه اقول طبعا انتى عارفه البيت اللى راح ده بكام وكمان بكام البيت التانى اللى لسه حبنيه بقد تمن اللى راح واكتر ده لو قدرت اجمع المبلغ اصلا دا غير تلقيحتنا عند امك وتلقيحتنا هنا
ملك نزلت من على السرير ونامت جمبه وقالت ببتسامه..
كل حاجه هتتحل ان شاء الله انا عندي ثقه في ربنا انه هيحل كل حاجه ومش هيسيبنا
طارق.. ونعم بالله بس انتى نزلتى من على السرير لى مش شايلكم انتو التلاته يعنى
ملك بسرعه قالت....
لا خالص بالعكس دا كبير جدا انا بس اللى مش جايلى نفس انام هناك وانت نايم على الارض بصراحه
هنام هنا
طارق... انا لو في حاجه وحيده عدله في حياتي فهي انتى والله العظيم انتى رزقى من ربنا
ملك... انا رزق
طارق... اه ما الرزق مش شرط يكون فلوس ممكن في الصحه فى الناس اللى بتسندك فى المحن الحمد لله ان انتى موجوده معايا انتى رزق كبير
ملك ببتسامه... صح بعدين البيوت مش حيطان وسقف البيوت بالناس اللي عايشين فيها هما اللي بيعملوا الحياه الناس هي اللي بتعمل البيوت مش البيوت اللي عملت الناس
طارق.... هههه ما الناس ما بقتش عارفه تعمل فلوس وبيوت والفلوس مش عارفه تفضل مع الناس وتوهه ودوامه تبلع بلع
ملك... هههه لا متقولش كدا هتتعدل سيبك انت مش ناوى تقولى ماما كانت بتقوللك ايه اقبل ما انا اجى
طارق.... اممم مش مهم بقى كانت بتقول اللي بتقوله المهم انك معايا وانا معاكى
ملك....كدا ماشي تصبح على خير
طارق... وانتى من اهله...
وتاني يوم طارق كان راح شغله وجيه واحد صاحبه حط ظرف قدامه وقال...
صباح الخير يا طروقه
طارق بص للظرف بستغراب وقال....
ايه ده يا شاكر
شاكر قال ببتسامه.... ده يا سيدي كده مبلغ محترم احنا قعدنا مع بعض شباب الشركه كلهم يعني اول ما عرفنا باللي حصل ولمينا سوا المبلغ دا هيساعدك شويه ان شاء الله
طارق بغضب... اى اللى بتقولو دا انتو لميتولى تبرعات مش عايز حاجه رجعو من مكان ما جبتو
شاكر.... ايه اللي انت بتقوله ده تبرعات ايه لا ما فيش حاجه من دي احنا بس كل اللي حصل ان احنا عرفنا بازمتك ف حبينا نساعدك بس ف لمينا مع بعضنا كده وحطناهم فى الظرف وبعدين يا سيدي اعتبرها سلف لو مش عايز تعتبرها خدمه مننا... عادى... اعتبرها سلف ولما الحاله تتحسن ان شاء الله وربنا يكرم ابقى رجعلنا الفلوس.. لو تحب انا
ممكن افردلك هنا كل واحد دفع قد ايه
طارق... بقولك ايه لا سلف ولا تلف انت هتاخد الفلوس دي وترجعها لاصحابها وانا على قد الحافك مد رجليك انا هظبط سكني على قد فلوسي وشكرا
شاكر.... انت لى كدا دماغك ناشفه ده كلنا حابين ان احنا نساعدك صحابك بيحبوك ومش عايزين يشوفوك مزنوق وهم قاعدين ليه بتشوفها كده يعنى مثلا لو بيتى انا اللى وقع انت مكنتش هتساعدنى يعنى مكنتش هتدينى فلوس كنت هتسيبنى سواء انا او اى حد من صحابنا دول هما حتى بعتوها معايا عشان متتحرجش منهم
طارق... تؤ بجد شكرا على الحركه اللطيفه جدا دي هى حركه جميله منكم بجد وشكرا من قلبي انكم فكرتوا فيا اصلا وان انتو حبيتوا تساعدوني بس انا مش هقدر اخدهم ابدا انا بجد مش محتاج يعني الحمد لله مستوره انا هدبر نفسي
شاكر....تدبر نفسك منين هو انا غريب يا طارق ما انا عارف البير وغطاه
طارق... مستوره الحمد لله انت ما تقلقش عليا بس انت رجع الفلوس دى دلوقت وادى كل واحد حاجته تمام وبجد بلغهم الشكر قولهم طارق بيقول لكم شكرا بجد
شاكر... انا كنت متاكد والله من وانا بجيبهم ان انت مش هتاخدهم راس الجزمه دى وانا عارفها بني ادم براس كلبه
واخد الفلوس ومشى وطارق بقى يكمل شغلو.... اما ملك راحت لنعمه المطبخ وقالت...
احم محتاجه حاجه أساعدك فيها يعنى انظف معاكي البيت اعمل معاكي اى حاجه
نعمه شدتها من ايدها طلعتها بره وهى بتقول..
تعالي تعالي انا عايزاكى فى حاجه اهم عايزين ندردش شويه سوا انتى حتى وحشانى قوى...
ملك.. خير
نعمه قعدت على الكنبه وقعدت ملك وقالت....
كل خير يا حبيبتي هو انتى يعنى يجى من وراكى الا كل الخير دا انتى عسل كده تتحطى على الجرح يطيب
ملك بستغراب... مين احنا.. احم اوكي هو بجد
ميرسي يعني على الاستضافه الجميله دي
نعمه... انتى بتقوليه ده طب وانتو لو ما لقيتوناش احنا هتلاقوا مين ده انا والنبي اول ما رجع حسام من بره وقالي ان انتم اللي كنتم على الباب هزقتوا اه والله قولتلو دا اخوك وقلتلو يروح يصالحو..
ملك.. امم ميرسي
نعمه... قولي لي يا اختي الانتيكا اللي لقيتوها تحت البيت دي اى حكايتها
ملك... اه عروسه دهب قطعه اثار الولد وليد لقاها تحت الانقاض طارق طلعها بس بيقول انو هيسلمها للبوليس يعني لانه هي مش بتاعتنا وكده
نعمه... هو ايه اللي تسلموها دى يا اختى.. الحاجه دي حقكم مش انتم مشتريين الارض ولقيتوها في ارضكم
ملك.. صح..
نعمه.. خلاص تبقى حقكم بعدين يا اختي بيني وبينك ما تزعليش مني يعني انتو محتاجينها عشانك انتى وعيالك شوفى متبهدلين ازاى في البيوت من بيت لبيت امبارح عند امك والنهارده عندنا وبايته انت وجوزك واولادك ومكعفسين في اوضه واحده ويعالم هتفضلوا على الحال ده لحد امتى فتره كبيره لحد لما تبقوا تجمعوا فلوس وتبنوا بيت تاني... وليه كل دا ما تقوموا تبيعوها... رزق وجايلكم من ربنا ترفضوه ليه... اقولك انتو تقومو تبعوها وتجيبوا لكم بيها بيت بحقها.. اه بيت محترم كده تقعدو فيه انتى واولادك وجوزك وترفهى كده عن نفسك.. تجيبيلك حتتين سيغه تلبسيلك فستان حلو.. اهو حتى تسكتي امك اللي عماله كل يوم تنحل فى وبر جوزك وتقوليلها انه معيشك عيشه مرتاحه
ملك بحزن.... ما انا بفكر فى كل اللي انتى بتقوليه ده ونفسي فيه بس هو طارق رافض الموضوع دا نهائى
نعمه.... رافض اى وقابل ايه انتى تفضلي تزني عليه لحد ما يوافق دا على راي المثل الزن ع الودان امر من السحر انتى تقدري تقنعيه كل واحده معاها مفتاح مخ جوزها تفتح وتدخل وتحط اللي هي عايزاه
في المخ وتطلع تانى بالك انتى انا لو عايزه حسام يعمل اي حاجه في الدنيا هخليه يعملها على طول كل ست تقدر تقنع جوزها ايوه امال ايه
ملك...انتى عندك حق بس طارق غير يعني مش بسهوله يتقنع معاكي فاهمه
نعمه... اى راجل يتقنع بسهوله الراجل دا زي العيل الصغير ابياااض اللي انتى عايزاه تحطيه فيه بيجى بكلمتين
ملك... كلمتين دا انا باخد ٣ سنين احايل طارق علشان يعمل الحاجه اللي انا عايزاها ومقتنعه بيها وما بيعبرنيش
نعمه... يا بت اتعلمي ازاي تكسبي مخ وقلب جوزك الراجل مخه في ودانه كلمتين يجيبوه وكلمتين يودوه
ملك... يعني انت برايك احاول تانى
نعمه.. تانى وعاشر لحد ما يرضى
ملك... خلاص انا هحاول معاه لما يجي
نعمه.... لازما ولابد تحاولي معاه لما يجي ومش تحاولي كده كلمه يا صابت يا خابت يا اثنين عور لا لازمن تصممي على رايك كده وتقوليله كدا بالنص انا اتبهدلت انا امي كل يومين تقولي جوزك جوزك وامي كل يومين تقوللي بيتك بيتك ومش عارفه ايه وعايزه تطلقنى منك وعايزه تاخدني منك ده عشان تحافظ عليا وتحافظ على بيتنا تعالي من الحته دى امسكيه من دراعه اللي بيوجعه
ملك.... ايه الكلام ده لا طبعا انا ما اقدرش اضغط على طارق واجيلو من الناحيه اللي بتوجعه... وبعدين انتى مين قالك ان ماما عايزه تطلقنى من طارق اصلا ايه اللى بتقوليه دا هى بس مش بتحبو انما مش لدرجة تطلقنى منو يعنى
نعمه.... لا عايزه تطلقكم هو طارق قال لجوزي انها قالتله انه لو عنده دم يطلقك وان هو مش قادر يعمللك بيت ولا مكان ولا فلوس ولا حاجه خالص يا قلبي وانو لو بيحبك يطلقك
ملك... بس انا ما اقدرش ازيدها عليه يبقى الدنيا جايه عليه من هنا وانا اجي عليه من هنا ما اقدرش اشوفو بيتضغط وسطنا لا طبعا مستحيل اعمل كدا انا
نعمه بهتمام.... امال انتى هتقنعيه ازاي يعنى
ملك بهدوء... انا لما يجي هقعد معاه بهدوء كدا وهقوله روقه حبيبي ايه رايك مش نسلم الانتيكا اللى لقيناها دى اى رايك لو احنا بعناها وجبنا بحقها بيت كويس لينا بدل ما احنا كل يوم في بيت ومش عارفين ايه اللي هيحصل معانا قال نو خلاص قال اوكي تمام
نعمه بغيظ.. يا مصبر الوحش على الجحش.. هو دا الاقناع كده مش هيقتنع معاكي لازما تزغديه
ملك.. يعني ايه تزغديه
نعمه... يعني تجبريه تجبريه انو يوافق على طلبك
ملك... بس انا ما اقدرش اجبر طارق على حاجه خالص لان هو حبيبي عمره ما جبرني على حاجه ابدا
نعمه.. امم وبعدين فى الورطه دي بقولك ايه شوفي انا بقولك كده لمصلحتك ليه بقى عشان انتى صعبانه عليا وصعبان عليا تلطيمك انتى والعيال يعني انتو لما ترجعوا الانتيكا للبوليس هيحصل ايه البوليس هياخد حته اثار اللى لقيتوها وخلاص على كده هيقولوا لكم الشكر هيتم ايه هتيجو وتتلقحوا عندنا هنا انتى وجوزك واولادك في اوضه واحده 15 20 شهر على ما تجمعوا حيا الله الفلوس اللى هتلفوا بيها بيت اي كلام تقعدوا فيه وامك تفضل تقولك ده بيتك ده بيتك بس لو خدتوها هتتنغنغو انا بس بنصحك لوجه الله كمنك صعبانه عليا يعني
ملك... اوكى انا هحاول معاه تانى انت معاكي حق
وطلعت اوضتهم وبالليل جى حسام وقال لنعمه....
ها ايه اللى تم سبع ولا ضبع
نعمه... هتقنعوا ان شاء الله انا أقنعتها واكيد هتروح وتقنعو انا متاكده.. كلامي يغشغش في النفوخ
حسام... هتعرف تقنعه البنت باين عليها هبله خايف ميقتنعش بكلامها
نعمه.... لا ما انا جيتلها من ناحيه امها هتتزنق بين امها وبين جوزها فهتحاول تضغط على جوزها حبه علشان تراضي الطرفين ما قدامهاش حل
حسام.... يا رب تفلح في حاجه بس ويجى بفايده
عند طارق كان رجع اوضته وقاعد على الارض جمب ملك بعد ما حكالها على اللى حصل معاه فى شغلو من اصحابو وبيقول...
تخيلي يا ملك لمولي فلوس
ملك.. لفته جميله منهم دا دليل على حبهم ليك
طارق.. ما انا عارف ان هي لفته جميله منهم بس انا مقدرش اقبل حاجه زى كدا ابدا
ملك... احم طب اى رايك ان احنا نبيع الانتيكا اللي احنا لقيناها دي ونعدل مستوى العيشه بتاعنا مش هتبقى محتاج لا ده ولا ده
طارق... ايه اللي انتى بتقوليه ده دي حرام اخدها وانا مش هدخل على اولادى فلوس حرام
ملك... طبعا يا حبيبي بس يعني دى اكيد مش حرام احنا اشترينا الارض وهى كانت في الارض بتاعتنا يبقى بقت بتاعتنا خلاص يبقى اللي فيها بتاعنا
طارق... اى الكلام ده انتى هتقولي زي حسام الاهبل دا صح الارض بتاعتنا بس الحاجه اللى فيها دي دي مش بتاعتنا دي ملك دوله ملك الدوله يبقى حق الدوله وطالما حق الدوله
يبقى لازم تروح للدوله ما ينفعش انا اخدها
ملك... وكمان ما ينفعش نفضل متلقحين هنا يا طارق اتصرف
طارق... انتى ما كنتيش بتقولي الكلام ده امبارح ايه اللي حصل بقى
ملك.... ما حصلش حاجه يا حبيبي بس احنا ما عرفناش نرتاح عند ماما ولا عرفنا نرتاح هنا ولسه عدد ايام مش معروف على بال ما انا نعرف اى اللى هيتم مش عارفه اقولك ايه بس الموضوع هيطول واخوك لو ساكت النهارده مش هيسكت بكره هو كمان عنده عيلته واحنا عيله على العيله بصراحه انت مش شايف يعنى
طارق... ملك قولى الصراحه انتى مراته قالتلك حاجه فى حاجه ضايقتك اى اللى حصل وانا مش هنا
ملك... لا والله العظيم ما ضايقتنيش خالص بالعكس دى ست لطيفه جدا بس انا يعني مش عايزه ازودها عليك والله العظيم بس وضعنا مش ولا بد والحال ده سيء جدا ما فيش اسوء من كده حاجه
طارق... لا في اسوء القرش الحرام لما يدخل بيتنا انا عندى ثقه في ربنا انو هيساعدني ويغنينى بالحلال ويحلهالى الطرق الحرام مفيش اسهل منها بس انا لو عايز اعمل حرام كان زماني دلوقتي فوق انتى عارفه انا لو قبلت رشاوي في شغلي هغنى ولو رحت سرقت هجيب فلوس كثيره لكن لا احنا بنقول لا وبنعيش بالحلال لحد ما ربنا يفرجها الكفن مالوش جيوب يا ملك والواحد مش بياخد من الدنيا دي غير اعماله اللي هو عملها لو زفت هنتمرمط في الدنيا ونروح نتمرمط في الاخره ايه الغلب ده
ملك... خلاص يا حبى براحتك اسفه قوى
طارق... نامي نامي يا ملك..
حسام كان واقف بره هو ونعمه وحاطط ودنه على الباب وبيسمع الكلام اللى دار بين ملك وطارق وقال بضيق...
قلتلك انها مش هتقنعو ولا حاجه من اول كلمتين قالتله خلاص غبيه قوى
نعمه.... طب هنعمل ايه دلوقتي
حسام... فكرتي طبعا
نعمه.. طب هتنفذها امتى
حسام.. دلوقتي حالا اول ما ينام التاخير ما لوش فايده....
واول ما نامو حسام دخل الاوضه وبقى يفتش في الحاجات بتاعت اخوه علشان يلاقي العروسه بس خبط فى صندوق فى الارض وعمل صوت طارق قعد بسرعه وقال...
بتدور علي اى وسط حاجتى
حسام.... انت صاحي لسه
ملك قامت على الصوت وقالت...
في ايه
طارق.. انت دخلت هنا لى بتدور على الانتيكه صح متاكد انك جبتني هنا عشان تاخدها يا خساره يا حسام انا كنت مغشوش فيك فكرتك جيت تراضينى
حسام.... انا حاولت اقنعك بالذوق وانت ما رضيتش صح عايزنى اعمل اى يعنى اقف اتفرج عليك وانت بتضيعها....
بس حسام شاف الانتيكا جري عليها علشان ياخدها بس طارق جري عليه مسكها منو بعد ما حسام كان مسك طرفها طارق بقى يشدها منه ويقول...
سيب يا حسام انت ما ينفعش تاخذها دى مش بتاعتنا افهم بقى ما ينفعش ناخد حاجه مش بتاعتنا حتى لو ما كانش معانا
فلوس حتى لو كنا مضطرين لكده ما ينفعش ناخد حاجه مش بتاعتنا خصوصا اما تكون حرام سبب بقى
حسام بعتراض... مش بتاعتنا امال بتاعه مين يا اهبل
طارق.... بتاعه البوليس يا غبى سيب
حسام... يعني البوليس كان هو اللى راح ودفنها دي حاجه لقيناها خلاص تبقى بتاعتنا
طارق وهو بيحاول ياخدها منو قال... بقولك ايه ما تهبلش في الكلام دي حاجه ملك للبلد ولازم ترجع للبلد والبلد يعني الحكومه تمام سيب
حسام... لا مش تمام انا مش هسيبك تعمل الهبل اللي انت عايزه ده انت مش عايزها انا عايزها سيبها بقى سيبها
طارق... كدا طب انا هسلمها دلوقت اى رايك انا مش هبات بيها دلوقتي هطلع بيها القسم وهسلمها ايه رايك بقى
حسام... ههه ومين هيخليك تعمل كدا سيب بقولك سيب
وفضلو يشدوها من بعض بس حسام شد الفازه من على الكومود وخبطوا بها على دماغه وقال ....
بس بقى
طارق حط ايده على دماغه لقاها غرقت دم بص لايده شويه ووقع من طوله ملك شهقت بخضه وجريت عليه حسام فضل يبصله بصدمه وقال...
طارق بلاش الحركات دي لما تعمل كده مش هديهالك طارق طب خلاص هديهالك بس قوم طارق طارق حبيبي قوم
بس مكانش بيرد عليهم خدو لاقرب مستشفى منهم وبعد شويه طلع الدكتور وسمحلهم بالدخول وحسام قال بدموع...
انا اسف انا اسف حقك عليأ ما كنتش اقصد والله العظيم انا بس كنت عايز اخدها منك و
بس قطع كلامو لما دخل ظابط وقال...
الحادثه بتاعتك بلغت بيها ادارة المستشفى دى شروع في قتل بتتهم مين
طارق... لا خالص انا خبطت دوخت ووقعت على دماغى محدش خبطنى
حسام اتنهد برتياح بس ملامحو اتبدلت اول ماسمع طارق بيقول...
بس فى بلاغ تانى انا لقيت
انتيكا في البيت بتاعي لانه وقع من المطره وكنت عايز اشيلو انظف مكانو وهي الحفاره شغاله لقيتها انا شيله عند اخويا حسام
حسام كان بيبصله بزهول الضابط قال....
قصدك اثار
طارق .. ايوه حضرتك اثار
الضابط.. طيب يا ريت اول ما تخاف تجيبهالنا
طارق... اكيد
الضابط مشى وحسام قال بغيظ منو...
ليه يا مفتري ليه تعمل كده هتموتني
طارق... حسام بلاش الحركات دي قلتلك مش بتاعتنا
حسام... وفيها ايه يعنى اما تاخد حاجه مش بتاعتنا ما طول عمرك معاك بتاعنا بس وقليل خالص ابدا ما تعيش زي الناس تموت فى الفقر انت
طارق.... الموضوع منتهي متحاولش
حسام.. منك لله منك لله ضيعتها وضيعتنا معاك
ثاني يوم اخذها وراح قسم البوليس وسلمها ورجع البيت لقى حسام حاطط اديه على دماغه وقاعد على الكنبه قال..
ارتحت مبسوط كدا صح طبعا مبسوط كدا مرتاح هتنام على الارض انت وعيالك ومراتك مبسوطه هتبقى مبسوط بالنومه دي كنت هتنام على
ريش نعام يا مغفل
طارق.. مش عايزو انا انا عايز انام على الارض واكون شريف
حسام بغيظ.. شريف نفسه بريء منك ليوم الدين وبيقوللك مش عايز يشوف خلقتك دى تانى منك لله كمان مره.. اموت واعرف بتتنك على اى دا انت محيلتكش حاجه حتى البيت وقع عايز اى تانى.
طارق... عايز رزق حلال ليا ولولادى الدنيا متعملتش عشان نرتاح فيها اتعملت اختبار علشان ربنا يعرف مين فينا الكويس ومين فينا الوحش ولو على بيتك انا ماشى منو شكرا على الاستضافه اللى طلعت منها بلوشى اسفين لوقتك يلا يا ملك
وطلعوا على البيت بتاعهم وكان ارض فاضيه ملك بصيتله وقالت....
هنروح فين دلوقت عند ماما
طارق... لأ
ملك.. امال اى هنفضل في الشارع كدا
طارق.. الضابط قلى ممكن يدونى مبلغ علشان انا مواطن امين وكده ان شاء الله يدونى وهحط عليه شويه الفلوس اللي كانت معايا وهبيع العربيه بتاعتي هي كده كده نص عمر وهلم كل الحاجات دي ونعمل بيت صغير حلو لينا من تانى
ملك... طب لحد ما تحصل هنقعد في الشارع كده خلينا نروح عند ماما لوسحمحت
طارق اتنهد بضيق بس مافيش قدامو حل ورجعو عند ام ملك وبهيجه بصيتله كده وقالت...
عارف بتفكرني بمثل كان بيقول اقرع ونزهى والله يعني انت لا راحم ولا سايب رحمة ربنا تنزل
طارق.. انتى عاوزه اى
بهيجه.. هعوز منك ايه وانت حيلتك حاجه عشان اعوزها عايزاك تحل عن قفانا ريح البنت المسكينه اللي انت مبهدلها معك دي
طارق.. هانت خلاص هبيع العربيه بتاعتي واحط فلوس اللى محوشها على المبلغ اللى هيجى واعمل بيت حلو لملك في اى اصبري معنا شويه ان شاء الله هتبقى فل
بهيجه... موت يا حمار ما هو انا لما جوزتها وقلت خلاص هجوز البيت وارتاح راحت وجاتني بثلاث عيال وابوهم نصيبى بس اعمل ايه الناس بناتها تتجوز و ترتاح.. وناس بناتهم بالهم يسهروها للصباح..
طارق اتنهد بضيق ومشى وبعد ايام البوليس ادولو مبلغ مكافاه مواطن امين حط الفلوس على بعضها وابتدى يعمل البيت من جديد وبعد فتره كانو خلصوه وكان واقف هو وملك واولادو قدام البيت الجديده وقال بفرحه.....
انا مش مصدق بعد المرمطه والشحططه دي ان البيت اتبنى الحمد لله الحمد لله اخيرا هنرتاح
ملك.... يستاهل الحمد في كل حاجه حبيبى فعلا اخيرا الحمد لله
طارق... الحمد لله انه ما خليناش ضعفنا ورحنا للحرام والحمد لله انو رزقنا حلال الحمد لله على كل حال انا كدا اخيرا هقعد مرتاح فى بيتى معاكى انتى واولادى
ملك... طب يلا بقى نبدا من جديد ببيت جديد بفلوس حلال وحياه جديده ننسى فيها اللى فات
ومسكو ادين بعض وادين اولادهم وقالو بسم الله... ودخلو بيتهم الجديد سوا... وبكدا تكون خلصت حكايتنا بس حكاوى الناس لسه مكمله معاكم دمتم فى امان الله مع من تحبون باذن الله
تعليقات
إرسال تعليق