سكريبت طليـقة جـوزي كامله حكـايات مني السيد حصري
سكريبت طليـقة جـوزي كامله حكـايات مني السيد حصري
وافقت أستضيف طليقة جوزي اللي بټموت في بيتي وأخدمها برموش عيني، لحد ما شفتها بعيني الفجر نازلة بكعب عالي وبتركب معاه العربية كأنها عمرها ما شافت مرض في حياتها.
الجزء الأول
أنا مش طالب منك تحبيها، أنا بس بطلب منك منسيبهاش ټموت لوحدها ومحدش حواليها.
طارق قال لي الكلمتين دول يوم تلات، وهو واقف في مطبخ شقتي في التجمع. كنا متجوزين بقالنا 7 سنين؛ هو عنده ورشة صيانة لعربيات النقل والتوزيع، وأنا مسؤولة مشتريات لسلسلة دور مسنين معروفة. كنا متجوزين وكل واحد ذمته المالية منفصلة، والشقة دي كانت شقتي ومن حر مالي من قبل ما أتجوزه.
الست اللي كان بيتكلم عنها كانت دينا، طليقته.
عندها إيه؟ سألته بهدوء.
ورم في الغدد اللمفاوية ليمفوما، وجسمها مبقاش مستجيب للكيماوي خالص. وبتقول مش عايزة ترجع المستشفى تاني. وأختها عايشة في أسوان وعلاقتهم مقطوعة ببعض، ملهاش مخلوق يخدمها ولا يشيلها.
الفكرة مكنتش داخلة دماغي وبلعتها بصعوبة، بس مقدرتش أتخيل ست مريضة بټموت تقضي آخر أيامها في الدنيا لوحدها.
تقعد عندنا كام أسبوع.. بس عايزة أعرف كل اللي محتاجاه علاجها، ممرضة تتابعها، أسطوانة أكسجين، أي حاجة تلزمها.
طارق حضنّي بارتياح كأنه انزاح من على قلبه جبل.
بعد يومين اتنين، دينا شرفت. كانت لافة طرحة نبيتي، لابسة نظارة شمس غامقة، ومعاها شنطة سفر صغيرة. كانت بتمشي خطوة لقدام وعشرة لورا وساندة بكل تقلها على طارق. جهزت لها الأوضة اللي في الدور الأرضي عشان متتعبش في طلوع السلالم.
طول أول شهر، حياتي اتقلبت. قبل ما أنزل الشغل أجهّز لها الفطار، وفي نص اليوم أسخن لها الشوربة وأكلها، ولما تقول دايخة ومش قادرة أقف أسندها لحد الحمام. طارق كان يرجع متأخر من الشغل، يسأل عنها وعاملة إيه، ويقعد جنبها خمس دقايق يطبطب عليها.
في يوم العصر، دينا بصت لي وقالت أنا مش عارفة أنتي بتعملي معايا كل ده إزاي.. أنا لو مكانك مكنتش هستحمل ولا هعمل ربع ده.
رديت عليها أنتي هنا مش عشان تقارني نفسك بيا، أنتي هنا عشان في كرب ومحتاجة مساعدة لوجه الله.
أول علامة استفهام ظهرت كانت بسبب شغلي. بحكم وظيفتي في رعاية كبار السن، فاهمة كويس يعني إيه حالات متأخرة ورعاية تلطيفية. في أوضة دينا، مكنش فيه روشتات جديدة، ولا مسكنات قوية زي المورفين، ولا محاليل، ولا ممرضة بتعتب الباب. كل اللي موجود شوية بنادول، وفيتامينات، وأوميبرازول للمعدة، ونقط منومة خفيفة!
لما جيت أفتح الموضوع مع طارق اتعصب ونطر في الكلام بلاش تحقيق يا آية! الست قرفت من الدكاترة وجابت آخرها.
الإشارة التانية ظهرت بعدها بأسبوع.
طارق دخل عليا طالب مني أأكد من الأبلكيشن بتاع البنك تحويل ب 86 ألف جنيه.
ده علاج دينا جابته من برة المستشفى بمعرفتها.. وأول ما أقبض فلوس صيانة أسطول العربيات هرجعهم في الحساب فوراً.
الفلوس دي كانت هتطلع من حسابنا المشترك.
علاج إيه ده؟
حاجة مقوية ومناعة.. مش فاكر اسمه بصراحة.
طب ابعتلي الفاتورة أو الروشتة وأنا أراجعها وأحول.
ملامح وشه قلبت تماماً هو أنتي لازم تصعبي كل حاجة وتعملي حوار على مريضة بټموت؟!
مأكدتش التحويل ولا طلعت مليم. بالليل لقيته سدد المبلغ من حساب تاني.
بعدها بتلات أيام، سمعت دينا بتتكلم في الموبايل في الجنينة اللي ورا. كنت رايحة أوديلها شال تقيل عشان كانت بتشتكي إن عندها رعشة وسقعانة.
صوتها مكنش طالع من واحدة بټموت خالص.. صوتها كان يرن في المكان يا بنتي زهقت من دور العيانة والمشية المكسحة دي!
وضحكت ضحكة رنانة، وكملت طارق بيقولي استحملي بس لحد ما نخلص شغلانة وقبضة شهر أكتوبر، وبعدها هنخلع ونسافر كام يوم نروق.
أول ما خطيت ودخلت عليها، دينا سقطت كتافها في ثانية وحطت إيدها على صدرها وهي بتنهج حقك عليا.. نفسي اتكتم فجأة ومش قادرة أتنفس.
مردتش عليها بنص كلمة.
من اللحظة دي، بطلت أسمع اللي بيقولوه بلسانهم، وبدأت أراقب اللي بيعملوه على الأرض.
الحقيقة بانت في ليلة غبراء، وش الفجر.
الساعة 147 بالدقيقة، سمعت صوت باب الجراج الأوتوماتيك بيفتح. طارق مكنش جنبي على السرير.
اتسحبت وبصيت من شباك أوضة المكتب.
لقيت دينا خارجة.. شعرها مفرود ومستشور، لابسة بنطلون جينز أسود ضيق، وبلوزة حمراء شياكة، وكعب عالي ترن بيه في الشارع! بتمشي زي الغزال وبسرعة من غير ما تسند على الهوا. طارق كان مستنيها جوة العربية الجيب.
فتحت الباب وركبت جنبه، وقبل ما يدوس بنزين، شدت قميصه عليها وباسته بوسة طويلة.
مكنتش بوسة وداع ولا شفقة.
كانت بوسة اتنين متعودين على بعض وحافظين بعض صم.
العربية لما اتحركت وخرجت، لمحت حاجة بتلمع في الأرض جنب الباب.. كان حلق طويل من بتوع دينا واقع منها وهي بتركب.
تاني يوم الصبح، دخلت عليا المطبخ وهي بتجر رجليها بالعافية وماسكة في الحيطة منمتش طول الليل.. حاسة إن حيلي مهدود وكل يوم صحتي بتنزل للأرض.
حطيت طبق الفطار قدامها على الرخامة.
ورميت فوقيه الحلق اللي بيلمع.
لون وشها خطڤ وبقت شبه الميتين بجد.. وطارق فنجان القهوة وقف في زوره ومبقاش عارف يبلع ريقه.
قلت ببرود تام غريبة أوي.. لقيته واقع برة جنب باب الجراج الساعة اتنين بالليل.
محدش فيهم نطق بحرف.
وأنا مسألتش ولا جبت سيرة البوسة.
لأني ساعتها استوعبت مصېبة أكبر بكتير.. الخېانة والۏساخة دي متفسرش الفلوس اللي بتتحول، ولا الجملة اللي سمعتها بودنها لحد ما نخلص سبوبة شهر أكتوبر.
في نفس الصبحية دي، فتحت كشف حساب البنك.. الحساب الشخصي بتاعي أنا، مش المشترك!
لقيت 4 تحويلات مسحوبة قريب تحت بند مصاريف علاجية ومراكز طبية.
. تحويلات أنا عمري في حياتي ما وافقت عليها ولا شفتها.
الجزء الثاني
السكوت في المطبخ ساعتها مكنش سكوت عادي؛ كان عامل زي الهوا التقيل اللي بيسبق العاصفة، ريحة الخۏف طالعة منهم ومخلوطة بريحة القهوة المحروقة على البوتاجاز. الحلق الفضي الطويل كان مرمي وسط رغيف العيش السخن، بيلمع تحت إضاءة الليد وكأنه حبل مشنقة ملفوف حوالين رقابهم.
طارق نزل فنجان القهوة على الرخامة بإيد بترتعش، الصوت بتاع خبطة الفخار بالرخام عمل رنة خلت دينا تتنفض في مكانها. بلع ريقه بصعوبة وقال وهو بيحاول يرسم ابتسامة باهتة ملهاش أي معنى تلقيه وقع منها أول مبارح وإحنا راجعين من مشوار التحاليل يا آية.. أنتي عارفة إنها بتدوخ وهي نازلة من العربية.
بصيت له في عينه مباشرة.. نظرة باردة، خالية من أي عتاب أو ڠضب، النظرة اللي بتخوف أكتر من الزعيق وتكسير الكوبايات. جايز.. بس غريبة، الحلق ده كان واقع فوق مدق الكاوتش، يعني لسه طازة ومعداش عليه ندى الفجر حتى. على العموم، ألف سلامة عليكي يا دينا، متتعبيش نفسك بالفطار، ارتاحي عشان جلسة العلاج بتاعة بالليل متتأخرش.
سيبتهم وخرجت. لا عيطت، ولا صړخت، ولا مسكت طارق من هدومه أقول له خڼتني ليه. الست لما بتتقهر من خېانة عاطفية بتصرخ، بس لما بتكتشف إن بيتها بيتداس عليه، وفلوسها بتتنهب، وشقا عمرها بيتاخد على عينك يا تاجر باسم الرحمة والإنسانية، مخها بيتحول لكمبيوتر بارد بيحسب كل مليم وكل خطوة بالمسطرة.
دخلت أوضة المكتب وقفلت الباب بالمفتاح من جوة. قعدت على الكرسي
الهيدروليك، وفتحت اللاب توب وإيدي مفيهاش هزة واحدة، بس
ضړب، والمفوض بالسحب منها والمدير المالي ليها واحد اسمه إبراهيم جلال التوني.. أخو دينا! صړخت وأنا بكتم صوتي بالعافية. بالظبط.
. والفلوس أول ما بتنزل في الحساب، بتتسحب كاش في نفس اليوم من فرع البنك في روض الڤرج، وبتتحط في حساب تاني مفتوح باسم طارق جوزك وباسم دينا مناصفة!
سارة سكتت ثانية، وبعدين كملت بقلق حقيقي آية، أنتي لازم تروحي القسم حالا تعملي محضر سړقة وڼصب، طارق ساحب الفلوس دي عن طريق تطبيق بنكي متفعل برقم تليفون متسجل باسمه هو، يعني التليفون التاني اللي رابط بيه حسابك، هو بيسرقك بالقانون وعامل ثغرة في السيستم!
لأ يا سارة.. قسم الشرطة والمحاضر دلوقتي هتخليه يعرف إني كشفته، هينكر ويقول دي كانت بتديني الفلوس بمزاجها، والفلوس اللي اتحولت هتطير ومش هعرف أثبت حاجة، والشيكات اللي معاه هتتسدد، وأنا اللي هطلع من المولد بلا حمص. أنا مش هروح القسم دلوقتي خالص. أومال هتعملي إيه يا مچنونة؟! دول مش سالكين، دول ممكن يإذوكي لو حسوا إنك عارفة! سيبيهم فاكرين إني المغفلة الهبلة اللي بتصحى الصبح تطبخ شربة خضار لضرتها العيانة. شهر أكتوبر ده مش هيخلص زي ما هما عايزين.. هيخلص زي ما أنا هكتب النهاية بإيدي. محتاجة منك خدمة تانية يا سارة.. تعرفي حد مخلص وشاطر في الشهر العقاري؟ وحد بيفهم في مباحث الأموال العامة بس يكون تقيل ومبيخرجش منه الهوا؟ عندي ابن عمتي رائد في الأموال العامة.. وهخليه يتابع الموضوع ده على مية بيضا. بس أرجوكي، خدي بالك من نفسك ومتبينيش أي حاجة.
قفلت مع سارة، ونزلت المطبخ تاني.
وقفت وعملت حلة شوربة فراخ لسان عصفور، وحطيت عليها ليمون، وحطيتها في صينية شياكة، ونزلت خبطت على أوضة دينا. فتحت هي الباب بعد دقيقتين، وكانت لابسة الإسدال الواسع، ورابطة الطرحة النبيتي وميلت راسها كأنها دايخة معلش يا آية.. مسمعتكيش، كنت نايمة من الصداع.
ابتسمت لها ابتسامة حنينة أوي، ابتسامة أم بتطبطب على عيلها ولا يهمك يا حبيبتي، عاملك شوربة سخنة ترم عضمك.. أنتي وشك أصفر ومحتاجة تتغذي. تعالي اقعدي في الصالة وأنا هجيبلك الأكل لحد عندك.
دينا بصت لي بنظرة ارتياب، كانت بتحاول تدور في ملامحي عن أي أثر للحوار بتاع الصبح والحلق، بس شافت وش بارد زي التلج مبيقولش أي حاجة. تسلم إيدك يا آية.. ربنا ما يحرمني منك ومن أصلك الطيب، طارق كان عنده حق لما قال إنك ملاك.
ضحكت في سري ضحكة مرار، ملاك مين يا روح أمك؟! الملاك ده هيقلب عزرائيل على دماغك أنتي وهو قريب أوي.
قعدت دينا تاكل الشوربة على ترابيزة السفرة، وأنا قعدت قصادها بتفرج عليها. كل معلقة كانت بتاكلها بتمثيل وبطء، وأنا عيني كانت على صوابع إيدها.. مفيهاش أي شحوب، ضوافرها متركبة شيلالك ولسه معمولة قريب، بس مدارياها بلون نود خفيف.
بقولك إيه يا دينا.. بدأت أتكلم بنبرة عفوية جداً. خير يا حبيبتي؟ طارق كان قايلي الصبح إن فيه ورقة تبع علاجك محتاجة إمضتي في الشهر العقاري عشان التكاليف تخش تبع مؤسسة خيرية أو حاجة زي كده.. هو مكلمكيش في الموضوع ده؟
المعلقة وقفت في إيد دينا، وعينيها برقت بلحظة طمع ولهفة ملقحقتش تداريها اه.. اه، باين قال حاجة زي كده، أصل العلاج الجديد مكلف أوي يا آية، وربنا يجعله في ميزان حسناتك، هو قالك هتروحوا إمتى؟
قالي يوم الخميس الجاي. قولتله ماشي، أنا تحت أمركوا في
أي حاجة تفك كربكوا.. إحنا ملناش غير بعض في الشدة دي.
دينا اتنفست براحة وبانت على شفايفها ابتسامة نصر خفية.. كانت فاكرة إن الموضوع خلاص عدى، وإن السمكة بلعت الصنارة برجليها، وإن التوكيل بتاع الشقة هيتعمل يوم الخميس اللي جاي برضايا وتحت بند عمل الخير وعلاج المړيضة!
الساعة جت 7 بالليل، وطارق رجع من الورشة. دخل الشقة وشه كان مجهد، ولما شافني قاعدة مع دينا في الصالة والدنيا هادية، حس براحة غبية. قرب مني وباس راسي قدامها تسلم إيدك يا حبيبتي على اللي بتعمليه.. ربنا يعوضك خير.
بصيت له وابتسمت ويعوضك يا طارق.. يعوضك باللي تستاهله بالظبط على قد نيتك.
دخل يغير هدومه، ودخلت وراه الأوضة. طارق.. أنا فكرت في موضوع ال 86 ألف جنيه بتوع التحويل المشترك اللي اتكلمنا فيهم الصبح. لف وشه ليا وبصلي بترقب اه؟ مالهم؟ أنا موافقة أحولهملك بكرة الصبح، وموافقة كمان أروح معاك الشهر العقاري يوم الخميس نخلص الورق اللي أنت محتاجه لدينا.. بس عندي شرط واحد صغير.
طارق لمعت عينيه وكأنه كسب ورقة يانصيب، مسك إيدي وباسها بنفاق مقزز أنتي تؤمري يا قلبي.. شرط إيه قولي بس؟
عايزة أزور الورشة بتاعتك بكرة بعد الضهر.. بقالي سنين معتبتهاش، وعايزة أشوف الأسطول الجديد بتاع شركة الأدوية اللي شغال فيه بنفسي، عشان لو محتاج توسع ولا نشتري معدات جديدة، أفك شهادة من شهاداتي في البنك وأحطها معاك في الشغل.. أصل الشغل أولى من الفلوس المركونة، ولا إيه رأيك؟
وش طارق اتخطف لثانية، الورشة دي هي الصندوق الأسود بتاعه، والمكان اللي فيه كل البلاوي.. بس الطمع كان عامي عينه لدرجة إنه ملقاش حجة يرفض بيها عرض بملايين جايله على طبق دهب!
تنوري يا روحي.. تنوري الورشة وصاحب الورشة. هعدي عليكي بكرة الساعة 2 ناكل لقمة برة ونروح نتفرج على الشغل سوا.
خرج طارق من الأوضة وهو حاسس إنه ملك الدنيا وإنه خلاص دخل في مرحلة الڼصبة الكبرى من غير ما حد يقف في وشه.. وميعرفش إن الورشة دي هتكون هي المقپرة اللي ھيدفن فيها كل مخططاته.
مسكت الموبايل، وفتحت الشات بيني وبين سارة، وكتبت لها رسالة واحدة سارة.. بلغي ابن عمتك الرائد في الأموال العامة يجهز قوة بكرة الساعة 2 ونص الضهر.. العنوان ورشة النسر لصيانة الشاحنات في المنطقة الصناعية. ومحتاجة إذن نيابة سريع بتفتيش المخزن الخلفي بتاع قطع الغيار والورق المالي.. الصيد بكرة هيكون كبير، وطارق ودينا وأخوها هيتجابوا في قفص واحد.
قفلت الموبايل، وبصيت من الشباك على الجنينة تحت.. كانت دينا واقفة في الضلمة، پتدخن سېجارة سريعة وهي بتبص في تليفونها وبتضحك بخبث.
اتنسمت نفس طويل، وحطيت إيدي على خدي وأنا ببتسم في الضلمة.. لعبة القط والفار هتنتهي بكرة، بس السؤال اللي كان شاغل بالي وأنا بتفرج عليها هو طارق كان مخطط ينهبني بس ويطلقني، ولا كان ناوي يخلص مني خالص زي ما خلصوا من حساباتي عشان ميبقاش وراهم أي أثر ولا شاهد على الچريمة دي؟!
الجزء الثالث والأخير
الليلادي مكنتش ليلة عادية في بيتي بالتجمع؛ كانت أشبه بغرفة عمليات متلجة، الكل فيها بيمثل على التاني إنه نايم، بينما العيون مفتحة في العتمة وبتتربص.
نمت على طرف السرير، مديّة ضهري لطارق. أنفاسه كانت منتظمة، نومة واحد ضميره مېت ومش حاسس بحجم المصېبة اللي حفرها بإيديه. على بعد أمتار قليلة، في الأوضة الأرضي، كانت المړيضة بالسړطان نايمة ومرتاحة بعد ما نفثت سمومها وسجايرها في الهوا.
أما أنا، فكنت صاحية بعدّ الثواني، نبضات قلبي كانت مسموعة في وداني زي عقارب ساعة حائط بتدق قبل الانفجار.
الساعة
كانت 6 الصبح لما قمت من غير ما أعمل أي صوت في الخشب. لبست عباية استقبال خفيفة ونزلت للمطبخ. كان لازم اللعبة تكمل لأخر مشهد بنفس البراءة المغفلة اللي عيشتهم فيها.
شغلت كاتيل المية، وحضرت صينية الفطار جبنة قريش، وعيش بلدي سخن، وكوبايتين شاي بلبن، وزبدية شوربة خضار عشان عيا دينا.
الساعة 7 ونص، دينا خرجت من أوضتها. كانت متقمصة الدور كالعادة ببراعة تستاهل عليها أوسكار النفاق؛ رابطة الطرحة النبيتي على راسها ولابسة كارديجان صوف تقيل وجسمها واخد انحناءة العجز، وبتجر رجليها على الباركيه بالراحة.
صباح الخير يا آية.. ربنا يقويكي على شقايا. بصيت لها وابتسمت من ورا قناع بارد صباح النور يا دينا، ألف سلامة عليكي. نمتي كويس؟ جهزتلك فطار خفيف وشوربة خضار عشان تبلعي بيها الدوا بتاع الصبح.
تسلم إيدك يا قلبي.. طارق صحي ولا لسه؟ أصل حاسة بدوخة خفيفة وكنت عايزاه يجيبلي حقنة من الصيدلية وهو نازل. صحي وبيغير هدومه فوق. كلي أنتي بس وماتشيليش هم، النهاردة كل حاجة هتتحل وكل واحد هياخد نصيبه بالعدل.
دينا بصت لي بشك لحظي، كلماتي كانت غامضة، بس طمعها كان ستار أسود حاجب عقلها عن رؤية الحفرة اللي بتقرب منها.
نزل طارق، لابس قميص كحلي وجينز، متعطر بأغلى إزازة برفان اشتريتهاله في عيد ميلاده اللي فات. عيونه كانت بتلمع لمعة الصياد اللي متخيل إن الفريسة داخلة الفخ برضاها. صباح الفل يا آية.. جاهزة لمشوارنا بعد الضهر؟ جاهزة يا طارق، من 2 هكون مستنياك. بس متتأخرش عليا عشان عايزة آخد لفة كاملة في المخازن وأفهم كل مسمار في الورشة قبل ما أفك الشهادات البنكية وأمضي الورق بتاع دينا.
طارق بلع ريقه بسرعة وضحك وهو بيحط إيده على كتفي عيب عليكي.. ده أنا هفرشك الأرض ورد، وهتندمي إنك مشاركتنيش من سنين! هروح أفتح الورشة وأظبط الورق اللي عايزة تشوفيه وأعدي عليكي على المعاد بالظبط.
باس راسي، وبص لدينا بصة سريعة كلها شفرات وتواطؤ، وخرج.
أول ما صوت عربيته الجيب بعد في الشارع، طلعت أوضتي فوق، وقفلت الباب بالمفتاح. طلعت الموبايل التاني اللي ميعرفش عنه حاجة، وفتحت الخط.
ألو.. سارة؟ صباح الخير يا آية، أنا مستنياكي على ڼار. أحمد ابن عمتي الرائد في الأموال العامة معايا على الخط التاني ومعاه مستشار النيابة، شغالين على أذونات التفتيش والضبط من الفجر. إديني كل التحديثات. سارة، سجلي عندك. طارق اتحرك على الورشة في المنطقة الصناعية.
دينا هنا في البيت لوحدها. الورق والعقود والشيكات المؤجلة في الظرف البني ورا السرير في الأوضة الأرضي. وأخوها إبراهيم جلال، اللي بيسحب الفلوس من بنك مصر فرع روض الڤرج، المفروض هيسحب الدفعة اللي طارق وعده بيها النهاردة.
سارة قاطعتني بنبرة حازمة المفاجأة الأكبر بقى اللي أحمد جابهالي من السجلات.. شركة الأمل للرعاية الطبية مش بس شركة وهمية لغسيل الفلوس والڼصب، دي واجهة لتوزيع وتجارة
قطع غيار سيارات مضړوبة ومهربة من الجمارك، وطارق كان مستخدم شاحنات الصيانة بتاعة أسطول شركة الأدوية لنقل الشحنات دي بين المحافظات باسم مواد إغاثة وطبية عشان متتفتش في الكماين!
الډم جمد في عروقي. طارق مكنش بس بينهبني أنا.. طارق غرقان في شبكة تهريب وماڤيا تجارة غير مشروعة، وكان ناوي يلبسني أنا القضية بالتوكيل وشقتي وحساباتي لما الدنيا تفرقع في وشه! يعني التوكيل اللي كان عايزني أعمله للشقة... كان هيستخدم الشقة كضمان ورهن لقرض تجاري ضخم ب 5 مليون جنيه من إحدى شركات التمويل، وياخد الفلوس كاش ويطلع على بورسعيد، ومنها يهرب لبرة مصر مع دينا بجوازات سفر مضړوبة.. إبراهيم أخو دينا عنده قضية تزوير محررات رسمية قديمة سنة 2021!
قعدت على حافة السرير وإيدي ماسكة الموبايل بقوة لدرجة إن مفاصل صوابعي ابيضت. الحيوان كان ناوي يسيبني مش بس مفلسة وعلى الحديدة، كان ناوي يسيبني مطلوبة للتنفيذ ومسجونة پتهمة تبديد وضمانات قروض بنكية وشيكات بدون رصيد! الرائد أحمد بيقولك إيه يا سارة؟ بيقولك الخطة هتتنفذ زي ما هي بالملي. أنتي هتروحي معاه الورشة الساعة 2 عادي جداً، متفتحيش بؤك ولا تلمحي بأي حاجة لحد ما تدخلي مكتب الإدارة جوة الورشة. القوة هتكون محاصرة المنطقة الصناعية بالكامل بلبس مدني. وبمجرد ما تستلمي أي مستند أو هو يفتح الخزنة عشان يوريكي الورق، تطلعي منديل من شنطتك وتمسحي بيه عرق جبينك.. دي الإشارة اللي الرائد أحمد مستنيها عشان يقتحم. ودينا؟ دينا عليها مراقبة من دلوقتي قدام باب فيلتك. مفيش نملة هتخرج من البيت لحد ما نقبض على الشبكة كلها متلبسة في وقت واحد، عشان محدش يلحق يرن على التاني وېحرق الورق. تمام يا سارة.. قولي لأحمد ينزل، والنهاردة الحساب هيتقفل بالقرش والصاغ.
قفلت الخط. أخدت نفس عميق، ووقفت قدام الدولاب. اخترت لبسي بعناية تامة؛ بدلة فورمال سوداء كاملة، قميص أبيض، ولمېت شعري كحكة مشدودة لورا، ومكياج خفيف جداً يبرز حدة ملامحي. مكنتش رايحة أتفسح مع جوزي، كنت رايحة أحضر جنازة سبع سنين من السذاجة والغفلة.
نزلت تحت الساعة 130. لقيت دينا قاعدة في الصالة، وبشكل يثير السخرية، كانت بتحط كحل في عينيها قدام مراية صغيرة وبتسمع أغاني بهيدفون في ودنها. أول ما حست بخطواتي، خبت المراية ونزلت راسها وبدأت تسعل بتصنع مقرف كح.. كح.. ماشية يا آية؟ أيوة يا دينا، طارق زمانه على وصول، مشوار سريع في الورشة ومراجعة المحامي عشان ورقك يتظبط. ربنا يخليكي ليا يا حبيبتي وميحرمنيش منك.. خلي بالك من نفسك ومن طارق، ده بيحبك أوي والله.
بصيت لها من فوق لتحت، ملامحي كانت هادية لدرجة تخوف عارفة يا دينا.. عارفة بيحبني قد إيه. ارتاحي أنتي بس وبطلي كحة، مش حلوة عشان الرئة.. وصحيح، ابقي اشربي مية كتير، عشان الوشوش الصفرا ساعات بتبقى علامة فقر مش علامة مرض.
سبتها مبرقة وعينيها مفنجلة وخرجت للجنينة. بالظبط الساعة 155، وقفت العربية الجيب قدام الباب. طارق رن كلاكس، فتحت الباب وركبت جنبه بهدوء. إيه الشياكة دي كلها يا مدام؟ ده أنتي رايحة شركة بترول بقى مش ورشة شاحنات! قالها طارق وهو بيضحك وعينيه بتتفحصني. لازم أكون شيك يا طارق.. أنا داخلة شريك في بيزنس بالملايين، مش هروح بهدوم البيت يعني. ياللا بينا عشان الوقت ميسرقناش.
طول الطريق للدائري ومنه للمنطقة الصناعية في أطراف القاهرة الجديدة، كان طارق بيتكلم بحماس مفرط عن الأرباح والمشاريع والأسطول اللي بيكبر، وأنا كنت بهز راسي بابتسامة
متكلفة وأقول تمام.. عظيم.. ربنا ييسر. عيني في المراية الجانبية كانت بتلقط عربيتين ميكروباص زجاجهم فاميه ماشيين ورانا بمسافة محسوبة، وعربية ملاكي دايو لانوس بيضا بتتحرك بمحاذاتنا.. رجال الأموال العامة كانوا محاوطين المشهد بحرفية متخرش المية.
وصلنا المنطقة الصناعية. الجو كان مترب، أصوات الشواكيش ومواتير الديزل بتزعق في المكان. ورشة طارق كانت عبارة عن مساحة ضخمة مسورة بالصاج، جواها أربع شاحنات نقل تقيل مرفوعين على كوريك هيدروليك، وفي عمق الورشة مبنى من دورين متهالك، الدور التاني منه هو مكتب الإدارة والخزنة.
نزلنا من العربية. عمال الورشة كانوا بيبصولي باستغراب، أول
مرة يشوفوا حرم صاحب الشغل بتعتب المكان. اتفضلي يا ست الكل، المكتب فوق هادي ومكيف وهنشرب شاي ونتكلم على رواقة. طلعت وراه السلالم الحديدية اللي كانت بترن مع كل خطوة.
دخلنا المكتب. كان مكتب واسع بس مكركب، مليان فواتير وملفات، وفيه تكييف شباك بيزن، وفي الزاوية خزنة حديد مصفحة ماركة قديمة.
قعدت على كرسي جلد قدام المكتب، وطارق قعد على كرسيه الدوار وهو بيفرك إيديه نورتي يا آية. بصي بقى يا ستي.. دي العقود بتاعة شركة النقل والتوزيع، وده التوكيل اللي اتكلمنا فيه الصبح بتاع دينا والشقة عشان نقدر نضمن بيه حصتنا في توسعة الورشة وندخل خط استيراد جديد.. أنتي هتمضيلي على المسودة دي، وأنا بكره الصبح نطلع الشهر العقاري نخلص التوثيق الرسمي.
حط قدامي الورق، وقلم حبر فاخر. مسكت الورق وقلبته ببطء شديد. التوكيل كان توكيل عام شامل بالبيع للنفس وللغير، وإقرار بالتنازل عن الشقة لصالح شركة الأمل للرعاية كضمان ائتماني! حلو أوي يا طارق.. بس فين الورق التاني؟ ورق إيه؟ ورق الأرض بتاعة مدينة بدر.. والشيكات اللي تاريخها 25 أكتوبر بتوع تاجر بورسعيد.. والفلوس اللي اتحولت من حسابي في البنك الأهلي باسم أخو دينا؟
السكوت نزل على الأوضة كأن صاعقة ضړبتها. صوت زن التكييف فجأة بقى هو الصوت الوحيد المسموع في المكان. ملامح طارق اتغيرت 180 درجة. الابتسامة الماكرة اتمسحت، وعينيه جحظت وبقى وشه بلون الطين أنتي.. أنتي بتقولي إيه؟ مين اللي قالك الكلام ده؟
قومت من على الكرسي ببطء وثبات، وحطيت إيدي في شنطتي، وطلعت الظرف الصغير اللي معايا، ورميت محتوياته على المكتب قدامه أنا مبتضحكش عليا يا ابن عبد المنعم.. دينا مريضة سړطان بالنهار، وبترقص بكعب عالي بالليل في عربيتك وبتسحب سجاير في جنينتي؟ فاكرني عبيطة لما حولت ال 250 ألف جنيه من ورا ضهري باسم مركز وهمي؟ فاكرني همضي على توكيل بيع شقتي وشقا أبويا عشان تسدد بيه شيكات تهريب قطع غيار وتخلع مع طليقتك برة مصر؟
طارق وشه احمر لدرجة إن عروق رقبته برزت، وقام وقف فجأة وهو بيخبط بإيده الاتنين على المكتب أنتي فتشتي ورايا يا ؟! أنتي كنتي بتستغفليني وبتلعبي بيا طول الأيام اللي فاتت دي؟! قرب مني خطوة وهو بيجز على سنانه ومد إيده عشان يمسكني من دراعي الورق ده هيمضي دلوقتي ڠصب عنك، ورجلك فوق رقبتك! أنتي فاكرة نفسك خارجة من هنا سليمة لو مفتحتيش الخزنة البنكية بتاعتك؟ أنتي مش عارفة أنا داخل في إيه ومع مين، دول يدفنوكي حية هنا ومحدش هيعرفلك طريق!
في نفس اللحظة، رفعت إيدي التانية ببرود تام، وطلعت منديل قماش أبيض من جيبي، ومسحت بيه جبيني بهدوء وأنا ببص في عينيه من غير ما أرمش أنا عارفة كويس أنت داخل في إيه.. بس أنت اللي مش عارف مين اللي واقف برة الباب دلوقتي.
قبل
ما طارق يستوعب الحركة أو يلحق يمد إيده عليا، صوت هبدة عڼيفة هزت عمارة المكتب الصاج كلها! الباب الخشبي اتقلع من مكانه بنصعه واحدة، ودخلت قوة من ست رجالة بأسلحة آلية وطبنجات ميري ولابسين سترات واقية، وعلى راسهم ظابط شاب رتبته رائد، مسدسه مشهر في وش طارق مباشرة اثبت مكانك يا طارق! ولا حركة وإيدك فوق راسك!
طارق اتصلب في مكانه، صوته تاه في زوره، وبص للقوة پصدمة هستيرية مين.. مين دول؟! أنتم مين؟! ورشتي مفيهاش حاجة غلط! الرائد أحمد نزل المسډس بهدوء وطلع الكارنيه وإذن النيابة الرائد أحمد النجار، مباحث الأموال العامة ومكافحة التهرب الجمركي. ومعانا إذن نيابة بضبطك وإحضارك، وتفتيش الورشة ومخازن قطع الغيار المهربة، وضبط السجلات المالية لشركة الأمل الوهمية.
في نفس اللحظة، دخل اتنين من أمناء الشرطة، وكلبشوا إيدين طارق لورا وهو بيقاوم وپيصرخ پهستيريا آية! أنتي بتعملي إيه؟! أنتي بتبيعي جوزك للشرطة؟! ده بيتي وبيتك! ده مستقبلي ومستقبلك!
مشيت خطوتين ووقفت قصاده بالظبط، وبصيت له بقرف عمري ما حسيته في حياتي مستقبلك أنت ودينا يا طارق. السرير اللي نايمة عليه في شقتي ده، هتبدله ببرش في القناطر من النهاردة. وسبع سنين عيشتهم معاك بلقمتي وشقايا، هتاخدهم أنت وهي حبس مع الشغل والنفاذ على كل مليم وكل ورقة زورتها.
الټفت للرائد أحمد وقلت له يا فندم، الخزنة الحديد دي فيها كل العقود المضړوبة وأصول الشيكات، وفيه مخزن سري ورا الشاحنة الصفرا في الورشة تحت معمول كأرضية مزدوجة فيه كراتين بضاعة مهربة. طارق صړخ زي المچنون يا شيخة ېخرب بيتك! شيطانة! أنتي شيطانة!
أنا مش شيطانة يا طارق.. أنا ست أصيلة صانت بيتك وفتحت بابها لست قولتلها إنها بټموت عشان الرحمة، وأنت استغليت أصلي واستضعفتني. بس اللي يمد إيده على شقايا وكرامتي، أدفنه بالقانون وأقف أتفرج عليه وهو بيتحاسب.
في نفس التوقيت، رن تليفون الرائد أحمد، فتح السبيكر عشان كلنا نسمع تمام يا فندم، القوة اللي في التجمع اتحركت، والمدعوة دينا جلال التوني اتمسكت وهي نازلة بشنطتين سفر كبار فيهم دهب وفلوس، وأخوها إبراهيم جلال اتقبض عليه في كمين قدام فرع بنك مصر في روض الڤرج ومعاه شنطة فيها 400 ألف جنيه لسه ساحبها ومطبوعات شيكات مضړوبة. المتهمين التلاتة دلوقتي في قبضة المباحث والمحاضر بتتجهز للعرض على نيابة الأموال العامة العليا.
طارق ركبه خارت ووقع على ركبه في الأرض، وشه كان مفيهوش نقطة ډم، وعينيه تايهة في الأرضية المتربة ومش مستوعب إن الإمبراطورية القڈرة اللي بناها على حسابه وحسابي اڼهارت في نص ساعة زمن.
قربت من المكتب، ولمېت ورقي وبطاقتي الشخصية والظرف، وحطيتهم في شنطتي بكل شياكة. وقفت وبصيت عليه وهو في الكلبشات على الأرض ورقة طلاقي توصلني على يد محضر خلال 24 ساعة، وإلا هضيف للبلاغات دي دعوى ژنا بالشهود والصور وفيديوهات كاميرات الجيران اللي صورتك وأنت بتبوسها وبتركبها عربيتك الساعة 2 بالليل في مدخل فيلتي.
مفهوم؟
طارق منزلش عينه في عيني، بس هز راسه بړعب واستسلام تام.
خرجت من الورشة والشمس كانت في كبد السما بتنور الطريق كله. الهوا اللي اتنفسته برة مكنش هوا المنطقة الصناعية المترب، كان هوا الحرية، هوا الست اللي استردت كرامتها وحقها وشقاها كامل مكمل من غير ما تخسر سنتيم واحد، ولقنت الخاېن والكدابة درس عمرهم ما هينسوه ورا القضبان.
ركبت أوبر طلبتُه مخصوص، ورجعت شقتي في التجمع.
دخلت الشقة، كانت هادية، مفيش صوت كحة متصنعة، ولا ريحة دوا كداب، ولا ريحة
برفان رخيص.
أول حاجة عملتها، طلعت الأوضة الأرضي.. مسكت الشنط الصغيرة اللي سابتها دينا، والعلب الفاضية بتاعة الدوا، ورميتها كلها في شوال ژبالة كبير وطلعته برة باب الجراج في نفس الحتة اللي الحلق الفضي وقع فيها.
فتحت كل شبابيك البيت عشان الهوا النضيف يدخل يطرد عفن الغدر. وبعدها وقفت في المطبخ، وعملت فنجان قهوة سادة ومظبوط على راحتي، وقعدت في البلكونة اللي بتبص على الجنينة، وبدأت أكتب رسالة شكر لسارة وللمحامي بتاعي عشان نبدأ إجراءات تجميد كل الحسابات واسترداد المبالغ بالكامل بحكم قضائي.
الرحمة صفة جميلة وأعلى درجات الإنسانية.. بس لما تدوس الرحمة
على كرامتك وحقك، لازم تقف وتفتكر إن الطيبة مش معناها الغفلة، وإن الست اللي تفتح بيتها عشان تستر واحدة بټموت، تقدر تقفل نفس البيت وتقلب الدنيا چحيم على أي حد يفكر يدوس على طرفها.
تعليقات
إرسال تعليق