سكريبت شعري المسروق كاملة حكايات زهرة حصري
سكريبت شعري المسروق كاملة حكايات زهرة حصري
اخت جوزي شافت اعلان لكوافير محتاج شعر طبيعي طويل، قامت قصت شعري الطويل وانا نايمه خلته لحد الكتف ، ولما واجهتها قالتلي ببجاحه هجبلك كريم ويطول تاني ، متعصبتش ولا اتخانقت وبحركه واحده عملتها خليتها تمسك ماكينة الحلاقه وتحلق شعرها على الزيرو باديها وقدام عيون اخوها !
!!!
كنت متجوزة بقالي سبع شهور بس ،وحياتي مع أحمد جوزي كانت كلها راحة، ومفيش مشكلة تتذكر. أحمد أهله متوفيين من زمان، وكان عايش معايا في شقتنا الهادية.
لحد ما الباب خبط في يوم، وكانت سحر اخت أحمد.
سحر كانت متجوزه وڠضبت وقالت ان جوزها هيطلقها...وفعلا مشيو في اجرائات الطلاق واتطلقت. وقتها رفضت تماماً ترجع تعيش في بيت أبوها الله يرحمه قالت أنا بخاف أقعد لوحدي يا أحمد.. البيت فاضي ومليش في الدنيا دي غيرك يا أخويا.
أحمد أخدني على جنب وقال بقلة حيلة معلش يا نورهان، مش الأصول أبداً أسيب اختي لوحدها وهي ملهاش غيري، استحمليها شوية لحد ما ظروفها تتظبط. سكتّ.. ملقتش حل تاني ولا كان ينفع اتكلم في الموقف ده قلتله اللي تشوفه يا أحمد، البيت بيتك.
لكن من أول يوم حطت فيه رجلها في الشقة، والهدوء اتبخر.
سحر كانت عبارة عن كتلة فوضى متحرّكة.
متبطلش بعزقة، ولو أكلت أي حاجةلو مجرد بسكوتةتبعزق الفتافيت حواليها في كل مكان وترمي الورق على الأرض مكان ما واقفة. طول النهار والليل ممددة على الكنبة، ماسكة التليفون، قاعدة على النت، ولا حاسة بغيرها ولا تطبخ معايا ولا تمسح ولا حتى تبطل طلبات كنت بستحملها بالعافية، ألمّ وراها، وأعدّي، وأقول عشان خاطر أحمد وعشان البيت يفضل هادي.. ومردتش أشتكي له ولا مرة.
لحد ما في يوم كنت قاعدة في الصالة وهي كالعادة سارحة في تليفونها، وفجأة بصتلي وقالتشوفي يا نورهان الإعلان ده! ناس كاتبين على النت إنهم محتاجين شعر طبيعي يكون تقيل ونضيف، وهيدفعوا فيه مبلغ حلو أوي!.
ابتسمت وافتكرتها بتهزر، قلتلها دي نكته دي ولا إيه؟ هو حتى الشعر بقى بينباع؟.
ردت وهي بتبص لشعري بتركيز طبعاً بينباع! بياخدوه الكوافيرات وبتوع الشعر المستعار.. بقولك إيه، ما تقصي شعرك ده؟ أنتِ شعرك طويل زيادة عن اللزوم ومغطي ضهرك كله، هتعملي بيه إيه يعني؟.
جسمي قشعر من نظرتها. مسكت شعري بسرعة وقلت قل أعوذ برب الفلق.. سمّي الله يا سحر! لا طبعا، أحمد جوزي بيحب شعري كده جداً، وأنا مستحيل أقص خصلة واحدة منه.. ده ماما الله يرحمها كانت بتحبه أوي وبتهتم بيه معايا.
مسكت سحر أطراف شعرها القصير وقالت ياريت شعري زي شعرك.. كنت بعته وقبضت تمنه واطوله تاني وابيعه برضه ! بس أنا شعري قصير وفتلته وحشة .
. سبحان الله، يدي الحلق للي بلا ودان !.
اتضايقت من أسلوبها، بس اتجاهلتها وسكتّ. قمت وسيبتها وقعدت أدعي في سري إن ربنا يكفيني شړ عينيها.
تاني يوم الصبح، صحيت عادي، جهزت الفطار لأحمد ومشيته على شغله. بعد ما قفلت الباب وراه، حسيت بدوخة خفيفة وإرهاق، قلت أدخل أوضتي أريح ساعة زمن دخلت نمت وروحت في سابع نومه
صحيت بعد فترة، حاسة بتقل في رقبتي. قمت من السرير ووقفت أعدل هدومي ورايحة ناحية التسريحة.. وعديت من قدام المراية.
وقفت. مكاني پصدمه بصيت للمراية ومش مصدقة اللي شايفاه.. إيدي اترفعت لشعري پخوف. شعري الأسود، التقيل، اللي كان واصل لآخر ضهري، اللي كنت بأقضي بالساعات أعتني بيه عشان دي كانت وصية أمي الله يرحمها وحاجة أحمد بيحبها فيا.
. بقى مقصوص بپهدلة وعشوائية.. لحد كتافي!
بقيت واقفة
في نص الأوضة مش قادرة أتنفس. إزاي؟ مين يعمل كده؟ شعري ازاي بقى كده
وبعد ما بدات افوق لنفسي، افتكرت كلامها امبارح والإعلان اللي اتكلمت عنه.
طلعت من الأوضة زي المچنونة، الشياطين بتتنطط قدام وشي، ودموعي نازلة. لقيتها نايمة في الصالة ومغطية نفسها. زقيتها پغضب صړخت فيه بكل ما فيا أنتِ قصيتي شعري يا مفترية؟! ازاي تعملي كده ؟!.
سحر حركت جسمها ببطء، ولا حتى اتعدلت من نومتها! بصتلي ببرود يفرس وقالت بقلة أدب وبلا مبالاة تشل وفيها إيه يعني؟ لما يبعتولي الفلوس هبقى أجبلك كريم حلو من الصيدلية يطول تاني! هو الشعر لزمته إيه يعني؟
قولتلها پغضب...ده شعري انا وانا اللي احدد له لزمه معايا ولا لا...والله لاقول لاخوكي اول ما يوصل و...
بس قاطعتني وهيه بتضحك وقالتلي....عارفه انا اتطلقت ليه...عشان كنت اعمل مشاكل مع اخت جوزي...الرجاله يا حببتي مش بترضى في اهلها...ولو عايزه نصيحتى متشكنيش لاحمد بدل ما ترجعي عند اهلك زيي لان لو اتجبر يختار هيختارني انا...يلا متوجعيش دماغي بقى وسيبيني أنام عشان صاحية بدري!.
ودارت وشها الناحية التانية وعملت نفسها نايمة!
كنت هفرقع من الغيظ، مش بس قصت شعري وهتقبض تمنه ...كمان بتهددني باخوها وبطلاقي .
..حسيت پالنار بتاكل في صدري، وإيدي كانت بترتعش وعايزة أجيبها من شعرها أفركها في الأرض. بس مسكت نفسي بالعافية. كتمت غيظي ودخلت أوضتي وقفلت الباب. أنا مش هتنزل لمستواها، ومش هتدخل معاها في خناقة شوارع تفقدني حقي. نويت إني مش هعمل حاجة غير لما أشهد أحمد الأول، عشان ميبقاش ليه عليا كلمة وميقدرش حتى يعاتبني على اللي هعمله.
فضلت مستنية أحمد و أول ما الباب اتفتح ورجع من شغله، شاف وشي ودموعي، ولما رفع عينه وشافني بشعري المقصوص اټصدم. حكيتله كل اللي حصل بالحرف وأنا منتظرة منه يتصرف هو .
أحمد اتنهد وحط إيده على دماغه وقال بتعب معلش يا حبيبتي.. معلش يا نورهان، أنتِ عارفة عقلها على قدها، وحتى جوزها مستحملهاش وطلقها بسبب عمايلها دي!.
بصيتله بذهول ومش مصدقة وداني، قلتله بصوت طالع بالعافية ده اللي طلع معاك؟! جوزها مستحملهاش وطردها.. أستحملها أنا ليه؟ وبأي حق تمد إيدها عليا وأنا نايمة وتقص شعري وتبيعُه؟!.
أحمد بخنقة وضيق وبعدين يا نورهان؟ أنا جاي من شغلي طالع عينيا وعايز أرتاح، بدل ما أناملي ساعتين هقعد أحل مشكلة شعرك؟ خلاص بقى متكبريش الموضوع، شعر وهيطلع تاني!.
كلمته نزلت عليا زي المية الساقعة. في اللحظة دي، عرفت إن الحق مش هيجي بالبكاء ولا بالشكوى
أخدت نفس عميق أوي، و بصيت لأحمد في عينه وقلتله بصوت ثابت جداً تمام يا أحمد.. انا كنت متاكده انك مش هتعمل حاجه بس محبتش أتخطاك ولا أتصرف من وراك، وأنا كتر خيري إن حكيتلك الأول.
. بس أنا مش هسكت على حقي
واللي عملته بعدها خلّى سحر بإيديها هي، تمسك ماكينة الحلاقة وتحلق شعرها كله على الزيرو بأبشع طريقة، وقدام عيون اخوها اللي هددتني بيه!!!!!!
بصيت لأحمد ببرود تبتسَم فيه الشياطين، مش برود انكسار، لا.. ده البرود اللي بيسبق العاصفة. هو اتفاجئ بثباتي، افتكرني استسلمت وكلامه جاب معايا نتيجة وخلاص الموضوع عدّى، فرد ضهره على الكنبة وقال بثقة جدعة يا نورهان، العقل زينة برضو، تعالي بس اعمليلنا كوبايتين شاي و...
ماكملش جملته. أنا سيبته ومسكت فوني وبصوت واثق ومسموع جداً اتصلت ب عمي مجدي، كبير عيلتهم، الرجل اللي كلمته سيف على أحمد وعلى عيلته كلها، واللي أحمد نفسه بيعمله ألف حساب.
أول ما رد، اتكلمت بنفس النبرة
الهادية المتماسكة ازيك يا عمي.. معلش بضايقك، بس في مصېبة حصلت في بيتك، ولازم تحضر فوراً أنت وأعمامي الباقيين عشان تشهدوا على المهزلة دي.
. وإلا والله العظيم هكون في قسيمة الشرطة بعمل بلاغ اعتداء وسړقة، والبوليس هو اللي هييجي يلم الليلة من هنا.
أحمد أول ما سمع كلمة بوليس وعمي مجدي، وشه جاب ألوان وقام وقف زي الملسوع أنتِ بتعملي إيه يا نورهان؟! أنتِ اټجننتي؟! بتدخلي عمي في مشاكل حريم؟!
بصيتله بمنتهى القوة وقلتله مش أنت بتقول حقك عليا وجاي تعبان مش قادر تحل؟ خلاص، الكبار هم اللي يحلوا.. طالما اختك مش عاملة حساب لحرمة بيت ولا لحرمة جسم بني آدم وهو نايم، يبقى الشرع والعرف اللي يتكلموا.
سحر سمعت الصوت العالي، طلعت من الأوضة تبتسم بخبث وافتكرت إن أحمد بيزعقلي أنا، وقالت ببجاحة جرى إيه يا نورهان؟ أنتِ هتسوقي فيها ولا إيه؟ ما قلتلك هجيبلك كريم يطول زفت! أنتِ هتعملي مناحة عشان شوية شعر؟!
رديت عليها بكل ثبات لا يا سحر.. مش هنعمل مناحة، إحنا مستنيين كبار العيلة عشان نشوف الكريم ده مين اللي هيحطه!
أقل من نص ساعة، وكان عمي مجدي واثنين من كبار العيلة واقفين في الصالة. وشه كان بيجيب ڼار لما شاف منظري، وشاف شعري المقصوص بپهدلة.
أحمد حاول يلطف الجو ويقول يا جماعة دي مشكلة بسيطة بين البنات وسحر عقلها صغير...
عمي مجدي زعق فيه بصوت زلزل البيت اخرس خالص يا أحمد! عقلها صغير تقوم تمد إيدها على حرمة أخوها وهي نايمة وتسرق شعرها تبيعه؟! هي وصلت للطيشان والسړقة والاعتداء في بيتك وأنت قاعد زي الكرسي ما بتتحركش?!
تلعثمت سحر ووشها أصفر، وقالت پخوف لأول مرة يا عمي أنا.. أنا كنت بهزر معاها، وبعدين الشعر بيطول تاني..
عمي بصلي وقال قولي يا نورهان.. أنتِ طلبتك إيه وحقك يرضيكِ إزاي؟ والشرع والعرف معاكِ، ولو عايزة توديها القسيمة أنا بنفسي هروح معاكِ أعمل البلاغ.
هنا بقى جيه وقت رد الاعتبار.. بصيت لسحر من فوق لتحت، وقلت بابتسامة سم
أنا مش هعمل بلاغ يا عمي.. ولا هخلي أحمد يطلقها أو يطردها، عشان متقولش إن نورهان خربت بيتها أو طردتها.. أنا حق يرجعلي قدام عيونكم كلكم، وبطريقتي.
مشيت لحد أوضة أحمد، وطلعت ماكينة الحلاقة الكهربائية بتاعته من الدرج، ورجعت الصالة. شغلت الماكينة.. وصوت الزنة بتاعها كان زي الصفارة في ودن سحر.
سحر رجعت لورا پخوف وصړخت أنتِ هتعملي إيه يا مچنونة أنتِ?!
قلت ببرود مرعب أنا مش هعمل حاجة يا سحر.. أنتِ اللي هتعملي. أنتِ قلتِ لي إن الشعر مالوش لازمة وبكرة يطول تاني، صح؟ وقعدتِ تتمنّي وتقولي يا ريت شعري زي شعرك كنت بعته واطوله تاني.
. إيه رأيك بقى تشربي من نفس الكأس؟
سحر بصت لأحمد وتصرخ الحقني يا أحمد! الحق اختك!
لكن أحمد كان واقف مش قادر ينطق، عمي مجدي حط إيده على كتاف أحمد وثبته مكانه وقال بصوت صارم ولا كلمة يا أحمد! اختك المتربية زيادة عن اللزوم هي اللي حطت نفسها في الموقف ده.. والباب مقفول، يا نورهان تعمل اللي يرضيها، يا نطلع كلنا على النيابة پتهمة السړقة والاعتداء وتخرج من هنا على السچن!
سحر انهرت من العياط، أصلها عارفة إن المحضر هيضيعها وهيفضحها قدام أهل جوزها القدامى والبلد كلها.
قرّبت منها بالماكينة، وقلت لها بصوت واطي جنب ودنها
قدامك خيارين يا حليوة.
. يا تمدي إيدك، وتاخدي الماكينة دي، وتحلقي شعرك زيرو بإيدك حتة حتة قدام أخوكي اللي كنتِ بټهدديني بيه، وقدام كبار
عيلتك.. يا أما البوليس ييجي يشيلك من هنا بالكلابشات، وتتحبسي پتهمة سړقة واعتداء، وأضمنلك إن تمن الشعر ده هيدفع أضعافه كفالة ومحامين، غير الڤضيحة اللي ملهاش أول من آخر!
سحر كانت بترتعش زي الفتلة، بصت لعمها لقته باصص لها بقرف، بصت لأخوها لقته باصص للأرض ومش قادر يفتح بقه. عرفت إن كارت أخوها اللي كانت بتلعب بيه اتحرق، وإنها بقت لوحدها تماماً في المواجهة.
بدموع نازلة زي المطر، وإيدين بترتعش لدرجة الماكينة كانت تقع منها، مسكت سحر ماكينة الحلاقة.
صړخت بصوت مكتوم حرام عليكِ يا نورهان.. حرام عليكِ!
رديت عليها بثبات اللي يعمل يلقى يا سحر.. أنتِ اللي قلتي يدي الحلق للي بلا ودان.. وأنا دلوقتي بخلّي الحلق يركب صح!
حطت الماكينة على مقدمة راسها.. ومشتها.
صوت الزنة مع نزول خصلات شعرها القصير على الأرض كان بيعمل نغمة انتصار في الصالة.
فضلت تحلق، وټعيط بحړقة، وكل ما إيدها تقف من القهرة، عمي مجدي يزعق خلصي! بدل ما أطلب البوليس حالاً!
سحر كانت بتحلق شعرها بإيديها، خصلة ورا خصلة، لحد ما شعرها كله بقى على الأرض.. بقت زيرو تماماً، راسها بتلمع ودموعها مغرقة وشها من الذل والإهانة.
أول ما خلصت، رمت الماكينة على الأرض وانقضت في العياط وهي مغطية وشها بإيديها.
أنا قعدت بمنتهى الهدوء، حطيت رجل على رجل، وبصيت لأحمد وقلتل
ه
شايف يا أحمد؟ شعر اختك اهو اتقص.. مش أنت قلت لي الشعر بيطول تاني؟ أدينا هنستنى شعرها وشعري لما يطولوا سوا.. ونشوف مين فينا اللي كريم الصيدلية هينفعه!
عمي مجدي بص لسحر وقال لها تدخلي جوة تلمي زبالتك وكركبتك دي، ومن بكرة الصبح ترجعي بيت أبوكِ الله يرحمه تقعدي فيه لوحدك، لغاية ما تعقلي وتعرفي الأصول.. والبيت ده ميعتبوش رجلك تاني إلا لما نورهان هي اللي تسمحلك!
سحر جرت على الأوضة وهي بتصرخ ومکسورة كسر مالوش مثيل، البجاحة والشماتة اللي كانت في عينها الصبح اتبدلت لذل وخزي مش هتنساه طول عمرها.
عمي مجدي قرب مني، وطبطب على كتفي وقال حققك جالك يا بنتي، وأنا بعتذرلك نيابة عن العيلة كلها على عمايل البت دي.. وأحمد لو فتح بقه بكلمة معاكِ أو زُعل، تبقي تقوليلي بس وأنا أعرف شغل معاه.
رديت عليه بكل احترام تسلملي يا عمي، العيب مش عليك، الحق ظهر خلاص.
بعد ما أعمامي مشيوا، الصالة بقت فاضية ومفيش غيري أنا وأحمد، وشعر سحر المرمي على الأرض.
أحمد كان واقف مش مشدوه بس، كان مبهور ومذهول من الشخصية اللي شافها.. كان فاكرني القطة الوديعة اللي ملهاش صوت، لكنه اكتشف إن السكوت مش ضعف، وإن اللي بيتقي الله وبيسكت، لما بياخد حقه بياخده بالقانون والعرف والذكاء.
قرب مني ببطء، وشه أحمر من الخجل، وقال بصوت واطي نورهان.. أنا...
قطعت كلامه وحطيت إيدي في وسطي وقلتله أنا مش زعلانة منك يا أحمد.. بس أنت زعلتني إنك استهرت بۏجعي وبحرمة جسمي. سحر اختك وهتفضل اختك، بس بيتي له حرمة، وشعري اللي كان عاجبك وافتريت وقُلت هيطول تاني، أنا هقص الباقي منه بشكل متساوي ومحترم عند كوافير نضيف، وهستناه يطول وأنا مرفوعة الراس.
. بس اختك مش هتعتب هنا تاني.
أحمد هز رأسه بسرعة وقال حقك عليّا يا نورهان.. والله العظيم حقك عليّا، أنا فعلاً اتصرفت بغباء وغشومية ومكنتش متوقع إن الموضوع يوصل لكده، أنتِ ست البنات وكل اللي تقوليه هيمشي.
تاني يوم الصبح، سحر أخدت شنطتها ومشت من الشقة من غير ما تبص في وشي حتى، كانت حاطة طرحة ومغطية راسها تماماً، ومکسورة ومش
قادرة ترفع عينها فيا.
وأنا نزلت لِأحسن كوافير، ظبطت شعري المقصوص ب قصة جرسون شيك وجديدة جداً، ورجعت البيت متألقة وواثقة في نفسي أكتر من الأول.
أحمد أول ما شافني بالنيولوك الجديد انبهر، وعوضني بعملية التجميل لقصة شعري وبأحسن اهتمام، وبقت دي الدرس اللي مش هينساه طول حياته إن نورهان الهادية العاقلة، تتشال على الراس.
. لكن اللي يجي على كرامتها أو يظن إن طيبتها هبل، بياكل ناره بإيده!
تعليقات
إرسال تعليق