رواية غصون الفصل التاسع والعاشر بقلم يارا عبد العزيز حصريه
رواية غصون الفصل التاسع 9 بقلم يارا عبدالعزيز (جديده وحصريه فى مدونة قصر الروايات)
الفصل التاسع
كانت لسه هتتكلم بس قاطعتها مي اللي فتحت الباب بدون اي استئذان
غصون بصتلها باحراج شديد و بعدها دفنت.. وشها في حضن يونس اكتر
عند اللحظه دي مي مقدرتش تستحمل
فقدت كل عقلها و عينيها اتمليت بالشر... و دخلت الاوضه بسرعه و اتوجهت عند غصون
يونس قام من مكانه و هو بيلبس بنطلونه اللي واقع على الارض و كان لسه هيتكلم بس برق بخوف شديد لما مي حطيت المخده على وش غصون و ضغطت عليها بقوه
اتكلمت مي بغضب مفرط و دموع
= محدش هيرحمك من تحت ايدي
هموتك.... و اخلص.. منك
غصون كانت بتحرك رجليها و كل جسمها بخوف و مش قادره تاخد نفسها و لا تتكلم بتصرخ بس
يونس جري على مي و اتكلم بغضب مفرط و هو بيبعدها
= ابعدي عنها انتي اتجننتي بقولك ابعدي عنها!!!!
مي كانت متجاهلها و بتحاول تقاومه على اد ما تقدر و هي مركزه مع غصون و مفيش في دماغها غير المشهد اللي شافته و انها لازم تتخلص... منها
بقلمي يارا عبدالعزيز
مسك ايديها و بعدها بكل قوته و اتكلم بغضب مفرط
= ابعد عنها قولتلك
هتموت... في ايديك
من قوه الدفعه مي وقعت على الارض و اتخبط ضهرها في الكرسي بقوه
اتكلم يونس بخوف و هو بيشيل المخده من على وش غصون
= انتي كويسه
هزيت غصون راسها بدموع و هي بتحاول تاخد نفسها اللي كان شبه انعدم
كانت بتبصله بخوف و جسمها كله بيترعش
رفعت اللحاف على نصفها العلوي و اتجمعت الدموع في عينيها و هي بتبصله بكره.. و عتاب..
مي كانت بتبصله بصدمه
راحت عنده و مسكت معصم ايديه و هي بتلفه ليها و بتتكلم بحرقه..
= لدرجه دي!!!!
لدرجه دي يا يونس
لدرجه انك مهمكش انك تيجي حتى تطمن عليا عشان ابنك اللي حته منك اللي انا شايله جوايا
فضلتها هي على ابنك!!!!!
ايه المنظر اللي انا شوفته من شويه دا!!!!!
رددددد علياااا انا مش قولتلك متقربلهاش
انت مش قولتلي انك مش بتحبها و مش عايزاها
طب انا قصرت معاك عشان تخوني... معاها!!!!
دا انا استحملت اللي مفيش واحدة تقدر تستحمله و وافقت بجوازك بيها تقوم تعمل فيااا انااا كدا
عملتلك ايه عشان بسببك اشوف واحدة تانيه في حضنك بالشكل دا
مفكرتش فيااا طب بلاش انا مفكرتش باللي في بطني
رمتنا احنا الاتنين عشان دي!!!!
جري كل اللي في القصر على صوت مي و دخلوا اوضه غصون
انصدموا كلهم لما شافوا غصون و هي على سريرها و بتحاول ترفع اللحاف عليها و تداري نفسها و كانت بتعيط
منى بصتلها بغضب و كانت لسه هتروح عندها
اتكلم كامل بحده
= استني عندك
اطلعي براا يلا كلكوا برااا
طلعوا كلهم و مفضلش غير مي و يونس و غصون و كامل
اتكلم كامل بغضب و هو بيبص لمي
= ايه مسمعتيش
قولت اطلعوا برا
مي بغضب و بكاء
= انت عايزيني اسيبه معاها بعد اللي انتوا شفتوه
بقلمي يارا عبدالعزيز
كامل بص ليونس اللي كان بيبص لغصون و مش فارق معاه اي حاجه غيرها و اتكلم بحده
= هيلبسوا هدومهم و هينزلوا انا عايز الكل تحت
بصيت مي ليونس بغضب و مشيت مع كامل
يونس بص لغصون اللي كانت بتعيط و راح عندها و اتكلم بحنان
= غصون انا اسف
انا .....
قاطعته و هي بتقومه و بتتكلم بغضب و انهيار
= ابعددددد عنيييي
ابعد عني
حرام عليك انا بسببك اتحطيت في موقف عمري ما هنساه
البس هدومك و اطلع برا الاوضه انا مش طايقه اشوف وشك
بصلها بدموع و حزن و خد القميص بتاعه و لبسه و هو مركز بنظره عليها
كانت قاعدة على السرير و موطيه وشها في الارض و دموعها بتنزل بقوه
خلص لبس و جري عليها و رفع وشها و اتكلم بحنان
= ارفعي وشك احنا معملناش حاجه غلط
انتي مراتي
بعدت ايديه عنها بغضب و مسحت دموعها و اتكلمت بحده
= اطلع برا يا يونس
شالها باللحاف اللي عليها
ضربته.. في صدره و اتكلمت بغضب
= نزلني و اخرج
نزلها في الحمام و اتكلم بحنان و هو بيقبل رأسها
= هستناكي برا
قال كلامه و خرج و قفل عليها الباب
قعدت على البانيو و كل اللي حصل مش بيروح من بالها و نظراتهم
فضلت تعيط بقوه
كان سامع صوت شهقاتها من برا و نفسه يدخل بس وجوده بيزود وجعها
فضل قاعد مستنيها تخلص لحد اما خرجت و هي لابسه البرنص
بصتله بقله حيله و غضب و دخلت غرفه الملابس تلبس هدومها و طلعت
فتحت الباب و نزلت و هو نزل وراها
كان الكل متجمعين و في حاله من السكوت
غصون كانت حاسه بكل حاجه منغمشه قدامها قعدت على الكنبه و هزيت رجليها بتوتر و خوف من اللي جدها هيقولها
قاطع حاله السكوت دي صوت يونس الغاضب
= انا مش فاهم كل دا ليه!!!
يعني ليه اتحط في محاكمه عشان قربت من مراتي اللي هي حلالي
بقلمي يارا عبدالعزيز
كامل راح عنده و وقف قدامه و اتكلم بحده
= و الله هو لو كان جواز حقيقى مكنش حد فينا اتكلم
بس باللي انت عاملته اثبتت لينا كلنا انك بتستغل بنت عمك الصغيره عشان تاخد اللي انت عايزاه و بعدين هترميها...
عارف انت اتعاملت مع بنت عمك ازاييي على انها بنت جبتها عشان مزاجك و لما يخلص تطلقها
يونس بصله بصدمه و اتكلم بغضب مفرط
= غصون مراتي
كامل بحده
= مراتك!!!!!
و انت بتتعامل معاها بقى على اساس انها مراتك
يعني لما تقولنا انا اتجوزتها عشان سمعتها و شهرين و هطلقها و اخاد مراتي اللي بحبها و امشي يبقى انت بتتعامل معاها على انها مراتك!!!!
ما ترددددد
اللي انت عاملته ملوش غير التفسير اللي انا قولته و بس
لما مي جت انا قولتلك طلقها و متكسرش بخاطر بنت عمك و انت وقتها اختارت مي
انا دلوقتي حتى مش هينفع احطك ما بين اختيارين لانك لازم تعيش مع مي عشان اللي في بطنها
و في نفس الوقت انا مش هستحمل ان بنت ابني تتعامل بالطريقة دي و تبقى على حسب احتياجتك
بلع لُعابه بخوف و اتكلم بتلعثم
= يعني ايه يجدي!
كامل بحده
= يعني الماذون اللي جوزك انت و غصون هو نفسه اللي هيجي انهاردة و يطلقكم و الطلاق هيكون في السر دلوقتي عشان محدش يتكلم عن بنت عمك
بصله يونس بصدمه و هز راسه بالنفي
= مستحيل!!!
مش انت اللي هتقرر اطلقها امتى
كامل باستغراب
= ما انت كدا كدا هطلقها
هتفرق دلوقتي و لا بعدين!!!!
يونس بحده
= مش هسمحلك تجبرني على حاجه زي كدا دلوقتي و انا مش هطلق غصون غير في الوقت اللي انا هحدده
قال كلامه و مشي و غصون بصيت لطيفه و ابتسمت بسخريه
و مي بصيت لطيفه بغضب مفرط
مشيوا كلهم و مفضلش غير مي و غصون
غصون كانت قاعدة و حاسه بدوخه قويه
مي راحت عندها و قعدت جانبها و اتكلمت بغضب
= اوعي تفكري انه بيحبك
هو انتي بس شكلك عاجبتيه فواخد موضوع الجواز دا حِجه عشان ياخد منك اللي هو عاوزه
غصون بصتلها بقله حيله و اتكلمت بسخريه
= تعرفي يا مي انتي بجد مش مفهمومه
يعني قاعدة بكل برود و بتقولي اني عاجبه جوزك
المهم عندك و بس انه ميبعدش عنك
ماشيه بمبدأ يلف لفته و يرجعلي المهم يرجعلك
اممممم تصدقي حالك صعبان عليا
بس متخافيش انا عمري ما هرضى اني اعيش معاه
مي ببرود
= ما هو واضح فعلا انك مش عايزاه معاكي
بدليل انك جرتيه وراكي لاوضتك
يبت قولي كلام غير دا
دا انا شايفكي بعيني!!!!
و على فكره مش بمزاجك خالص انك تبعدي عن يونس
عارفه ليه عشان انتي لو بقيتي مع جوزي هتموتي... يحبيبتى بجد هموتك... و محدش وقتها هيقدر ينقذك من تحت ايدي لا يونس و لا غيره فحافظي علي حياتك و خليكي شاطره و ابعدي عن جوزي
قالت كلامها و داست على رجل غصون المحروقه... برجليها بقوه
اتأوهت غصون بالم شديد و دموع
اتكلمت مي بغضب
= ايه اتوجعتي
لو حاولتي تقربي من جوزي تاني هوجعك اضعاف دلوقتي
قالت كلامها و بعدت عنها و قامت و هي بتبتسم بشر...
يونس كان قاعد في الجنينه و دافن... وشه بين ايديه
مي قعدت جانبه
اتكلم بحده و هو بيبصلها
= مش عايز اي كلام بخصوص اللي انتي شوفتيه و خصوصاً دلوقتي لاني مش ناقص
بقلمي يارا عبدالعزيز
مي ببكاء
= و انا مش من حقي اسأل على اللي شوفته
انت ليه بتعمل فيا كدا يا يونس
هو كل دا عشان ساكته و بستحمل
توصل بيك اني اشوفها في حضنك
انت مخوفتش على مشاعري و كمان وقعتني زي الكلبه... على الارض و مهتمتش لابنك اللي في بطني
قولي يا يونس اللي انا فيه دا
فيه اي واحدة تستحمله هااا ما ترد عليا قولي اي حاجه تطفي النار... اللي جوايا من ساعه ما شوفتكوا
يونس بصلها بحزن و خدها في حضنه... و قبل... شعرها بحنان
= انا اسف حقك عليا
حاولي تنسي اللي حصل و واعدك انه مش هيتكرر تاني
طلعت غصون اوضه منى
و اتكلمت بدموع
= ماما
منى اتجاهلتها و دخلت غرفه الملابس
غصون دخلت وراها و اتكلمت بدموع
= ماما ردي عليا
انا و الله استحمل اي حاجه غير انك تزعلي مني
منى بحده
= انا مش هتكلم معاكي في الموضوع دا تاني دي حياتك و انتي حره
انا عاجبك شكلك و انتي قاعده بترفعي الغطا عليكي قدامنا
انتي اللي عايزه ترخصي... نفسك معاه و تقللي من نفسك قدامنا
شوفتي جدك قال عليكي ايه
سمعتي انتي عند يونس ايييه و هو مقدرش يتكلم
عارفه ليه عشان هو عارف ان جدك صح خليكي قللي من نفسك انا مش متكلمه معاكي تاني
بصتلها غصون بدموع و اتكلمت بصوت متحشرج
= انا عارفه اني غلطت بس انا مش بقدر اسيطر على مشاعري و هو قريب مني
انا عيبي الوحيد اني بسيب قلبي يمشيني و انا معاه بس و الله غصبن عني يا ماما
ارجوكي متبقيش انتي كمان عليا انا محتاجكي جانبي يا ماما
انا مضايقه اوي و مخنوقه.... من كل حاجه بتحصل
ماما انا مليش غيرك متزعليش مني
طريقتها في الكلام و كلامها مزق قلب منى عليها
خدتيها في حضنها و اتكلمت بحنان
= هو انا هتمنالك الوحش هاا
هزيت غصون راسها بالنفي
اتكلمت منى بحنان
= يبقى تسمعي كلامي ماشي
في المساء
كانت غصون واقفه في المطبخ كعادتها لما تكون مضايقه بطلع عصبيتها في الاكل
كانت شارده في كل حاجه بتحصل معاها
دخلت الخدامه و اتكلمت باحترام
= ست غصون
ست غصون
غصون بشرود
= هااا
بقلمي يارا عبدالعزيز
الخدامه باحترام
= الاكل هيتحرق..
انتبهت غصون و طفيت النار.. بسرعه
كانت لسه الخدامه هتتكلم بس انتبهت على جرس المطبخ اللي جيه من جناح يونس
اتكلمت الخدامه بخوف
= دي طلبت مني اعملها لبن و دلوقتي عايزايني اعمل ايه
غصون بهدوء
= متخافيش كدا روحي انتي و انا هعمل اللبن و ابعتهولها مع اي حد
هزيت الخدامه راسها بخوف و مشيت
و غصون بدأت تعمل اللبن
خلصته و حطيته على الرخامه
دخلت مي و اتكلمت بغضب مفرط و هي بتتصنع الخوف
= انتي بتعملي ايه!
غصون بصتلها باستغراب و مي استغليت انشغال غصون بيها و حطيت سم... في اللبن
اتكلمت غصون باستغراب
= بعمل اللبن مش انتي طلبتيه من الخدامه
مي بغضب شديد و زعيق
= لا انا شوفتك بعيني و انتي بتحطي حاجه في اللبن انا متأكده
غصون بحده
= و انا هحطلك ايه يعني!!!
مي بزعيق و صوت عالي
= تعالوا كلكوا هناااا
شوفوا الست غصون بتعمل ايه
اكيد عايزه تموت... ابني
دخلوا كلهم على صوتها و اتكلم يونس بحده
= فيه ايه يا مي صوتك عالي ليه
مي بغضب
= الست بنت عمك اللي عامله نفسها بريئه
عايزه تموت.. ابنك
انا شوفتها بعيني بتحط حاجة في اللبن بتاعي
غصون بدموع
= لا و الله العظيم
انا معملتش حاجه و محطتش حاجه انا بس كنت بعمله عشان الخدامه كانت مشغوله
مي بغضب
= خلاص احنا نبعت اللبن المعمل بقى و نشوف مين فينا الصح
انا هتصل بالمعمل فورا و هم يجوا ياخدوا اللبن عشان كلكم تتأكدوا
اتكلم يونس بحده و هو بيبص لمي
= مش مستهله يا مي
انتي ممكن تكوني شايفه غلط
مي بغضب
= بقولك شوفتها دي عايزه تموت... ابننا عشان حاطه عينيها عليك و عايزاك
غصون بدموع
= لا و الله أنا مستحيل اعمل كدا
انا هشربها قدامك عشان اثبتلك اني بجد محطتش فيها حاجه
مسكت الكوبايه و كانت لسه هتشرب تحت نظرات مي اللي كانت مليانه شر...
غصون كانت لسه هتشرب بس يونس كان اسرع منها و رمى الكوبايه على الارض
اتكلم بغضب مفرط
= انتي هتعملي ايه انتي كمان
كمل و هو بيبص لمي
= مي انا زهقت من كل الحورات بتاعتك دي
غصون مستحيل تعمل حاجه زي كدا انا متأكد و اهي قدامك كانت هتشربها لو حاطه حاجه مكنتش هتشرب منها
مي بصتله بغضب مفرط لانه وقع كل مخططها على الارض
بس ابتسمت بقوه لما شافت القطه و هي بتشرب اللبن
و بعدها وقعت على الارض من غير نفس
بصوا الجميع للقطه بصدمه و نظراتهم كانت متبادله ما بين القطه و غصون
اتكلمت غصون بدموع و هي بترجع لورا بخوف
= و الله العظيم ما حطيت حاجه
انا ليه هعمل كدا!!!
جدي انا عمري اعمل حاجه زي كدا انتوا كلكوا عارفني انا معرفش اذي... نمله
هعمل كدا ليه
مي بغضب و هي بتمسك معصم أيديها بقوه
= عشان عايزه يونس
عايزه تخلصي... مني و من اللي في بطني عشان يبقى معاكي
انتي خلاص ظهرتي على حقيقتك و كلنا عرفنا انتي ايه
سكتت ليه يا يونس
مش دي غصون اللي مستحيل تعمل حاجه زي كدا
بقلمي يارا عبدالعزيز
يونس بهدوء
= يمكن منتهي الصلاحيه
الخدامه باحترام
= بس انا لسه جايبه من الجاموسه الصبح يا يونس باشا احنا بنجيب اللبن صابح كل يوم
ابتسمت مي بشر... و هي بتبص لغصون
بادلتها غصون نظراتها بدموع و راحت عند كامل و اتكلمت بدموع و هي بتدخل جوا حضنه
= و الله العظيم ما عملت حاجه يجدي
هز كامل راسه بهدوء و قبل... رأس غصون بحنان تحت نظرات الاستغراب الشديد من مي
اتكلمت مي بغضب
= و الله مش مصدقاكوا انتوا واقفين معاها حتى بعد اللي حصل منها دي كانت عايزه تموتني...
طب بلاش انا ابن يونس اللي في بطني و اللي هو حفيدك
بدل ما تضربها... و تعاقبها
بس انا مش هسكت انا هبلغ البوليس
بصتلها غصون بخوف و اتكلم كامل بحده
= صفيه
دلوقتي حالا تروحي لعواد تقوليله يجيب الماذون حالا
يونس بخوف
= جديي
انا قولتلك.....
قاطعه كامل و هو بيتكلم بغضب
= انا قولت اللي عندي و دا اخر كلامي دلوقتي هتطلق غصون و تاخد مراتك و تطلع برا البيت داا و لما تيجي تبقوا تيجوا في زياره لازم ننهي كل المهزله اللي بتحصل دي
يونس بغضب
= هات المأذون و اعمل اللي انت عايز تعمله و انا مش هطلق غصون و دا اخر كلامي
قال كلامه و خرج من القصر و طلع بعربيته
اتكلمت منى بهدوء
= دا مشي يعمي
كامل بهدوء
= لو اتأخر هبعت حد يجيبه المهم دلوقتي الماذون شويه و هيجي
غصون بصتله بحزن و دموع و حاسه انها مخنوقه... للقرار اللي خده جدها بس هي دي نهايتهم اللي كانت متوقعها
وصل يونس على الجبل و فضل قاعد في عربيته و هو بيتنفس بغضب و بيفتكر ذكاريتهم مع بعض
طلع من العربيه و وقف على حافه الجبل و هو بيفتكر لما كان هيموتها...
اتكلم بدموع
= مكنتش هعمل كدا
مكنتش هقدر اعمل كدا فيكيي
انا بعشقك بعترف اني محبتش غيرك
يمكن انا انكتب علينا نفترق بس هعيش عمري كله موجوع بسبب بعدي عنك
كمل و هو بيبص للسما و بيعيط زي الطفل و بيتكلم بصوت عالي
= لييييه
يا رب كلهم بيتهموني اني بستغلها و انا عمري ما شوفتها كدا
مكنتش فاهم مشاعري من ناحيتها بسبب اني كنت ديما بعيد عنها و لما قربنا عرفت اني بحبها
افتكر شكلها و هي ماسكه في حافه الجبل
اتكلم بدموع و صوت عالي هز كل اركان المكان
= غصوووووون انا بحبك
بقلمي يارا عبدالعزيز
قال كلامه و قعد على ركبته و هو اشبه بالضايع و قلبه بيتقطع...
فاق على صوت فونه
طلعه من جيبه
اتنهد بعمق و اتكلم بهدوء
= ايوا يا جدي
كامل بحده
= المأذون على وصول و احنا كلنا هنا مستانينك تعال يلا
يونس كان لسه هيتكلم بس قاطعه الشخص اللي وقف وراه و طلع مسدسه... و ضربه... بطلقه... ناريه.... في ضهره ليسقط ارضا في الحال و
يُتبع......
#الفصل_العاشر
و فجأة دخلت طلقه.. في ضهره من شخص كان واقف وراه
بصله يونس بغضب و كان لسه هيروح عنده بس حس بكل حاجه مشوشه قدامه و كل بدور حواليه
مقدرش يقاوم نفسه ليسقط مغشيا عليه
كامل بمجرد ما سمع صوت ضرب.. النار...
اتكلم بخوف شديد و دموع و ضربات قلبه كانت شبه بتقف من خوفه الشديد على يونس
= يونس
رددد عليا يونس انت كويس
يووونس
بصوله كل الموجودين بخوف و نواره جريت عليه
اتكلم رأفت بخوف و صوت متلعثم
= ماله يونس يا ابويا
كامل بخوف شديد
= مش عارف سمعت صوت ضرب.. نار... من عنده و دلوقتي مش بيرد عليا
نواره بخوف شديد و انهيار
= يعني ايه!!!
ابنيييي
ابنييييي حصله ايه
يوووووونس
ابني حد يجبلي ابني
قالت كلامها و قعدت على الارض و منى و نبيله جريوا عليها و هم بيحاولوا يهدوهها
اتكلم رأفت بخوف
= هيكون حصله ايه
انا هرن عليه تاني
بقلمي يارا عبدالعزيز
فضل يرن عليه عده مرات و لكن مفيش اي رد
زود الخوف عندهم
اتكلم كامل بغضب و خوف
= عواد ابعت كل الغفر يدوروا عليه مش عايز اي مكان في سوهاج يعدي من تحت عيونكم
رأفت بخوف
= انا هرن دلوقتي على كل المستشفيات
فضلوا ما يقرب النصف ساعه بيدوروا و البيت كله متوتر و خايف على يونس
اتكلم كامل بحده ممزوجه بخوفه
= رأفت تعال معايا هنعدي على كل مستشفيات سوهاج إن شاء الله ادور في اوضه اوضه
كانوا لسه هيخرجوا بس فجأه دخل يونس من الباب و هو ماسك ضهره بالم شديد و بيسند على الباب
غصون شافته و اتكلمت بلهفه و هي بتجري عليه
= يووونس
جريوا كلهم عليه بلهفه و خوف
اتكلمت غصون بدموع و هي بتمسكه
= يونس انت كويس حاسس بي ايه
رأفت ماسكه من ضهره ليتأوه يونس بالم شديد
= اااااااااه
كامل بخوف شديد
= خلينا ناخده على المستشفى احسن
هز يونس راسه بالنفي و اتكلم بارهاق و الم
= مش مستاهله الجرح... مش كبير انا بس عايز دكتور بسرعه يا جدي لو سمحت
قال كلامه و وقع على الارض في حضن غصون
اتكلمت غصون ببكاء و خوف و هي بتحط ايديها على جرحه...
= رن على الدكتور يا جدي خليه يجي بسرعه دمه.. بيتصفى
بسرررعه يا جدي
يونس بصلها و ابتسم بارهاق من الخوف اللي شافه في عينيها عليه
اتكلمت مي بغضب
= ابعدي عنه
غصون بعدتها بسرعه و اتكلمت بغضب مفرط
= انتي شايفه ان دا وقته
ابعدي متجيش على جرحه....
كملت و هي بتبص لرأفت
= عمي اسنده و خلينا نطلعه فوق على ما الدكتور يجي
هز رأفت راسه و سنده هو و كامل و طلعوا بيه على الجناح بتاعه و كلهم طلعوا وراه
غصون كانت لسه هتجري وراها بس مي مسكتها من ايديها و اتكلمت بغضب
= اظهري انك مسمعتيش كلامي ليكي انهاردة
عادي اعيديه تاني
اسمعي
غصون بغضب مفرط و هي بتبعد ايديها عنها
= انتي اللي تسمعني
عايزه تموتني... موتني... انا قدامك اهو انما تبعديني عنه و هو في الحاله دي انسي
انا لو ساكته لحد دلوقتي فانا ساكته عشان اللي في بطنك و اني انا اللي دخلت ما بينكم
بس دلوقتي انتي مش هتقدري تمنعي خوفي عليه و لا حتى هتقدري تبعدني عنه
قالت كلامها و طلعت وراهم بسرعه تحت نظرات الغضب و الصدمه الشديده من مي
طلعت بسرعه الاوضه و مي وراها بغضب
فضلت واقفه بتبصله بخوف و جسمها كله بيترعش
دموعها كانت في عينيها بتحاول متظهرش خوفها عليه لكن مش قادره
جريت على غرفه الملابس و جابت منها قميص من بتوعه و قعدت جانبه و حطيته على جرحه... و هي بتحاول تكتم النزيف...
دخل الدكتور و قعد جانبه من ناحيه غصون
غصون كانت لسه هتقوم بس يونس مسك ايديها و اتكلم بدموع
= متسبنيش
هزيت راسها بخوف و قعدت جانبه من الناحيه التانيه
اتكلم الدكتور بهدوء و هو بيبص على جرحه....
= الحمد لله الطلقه.. سطحيه مجرد خدش... بسيط هشلها دلوقتي ماشي حاول تستحمل
هز يونس راسه بارهاق
بدا الدكتور يخلعه.. التشيرت بتاعه و يشيله الطلقه.. ليتأوه يونس بالم شديد
دخل جوا حضن.. غصون و مسك في هدومها بالم
اتكلم الدكتور ببعض الخوف
= خلاص قربنا نخلص حاول تستحمل
غصون كانت بتبصله بدموع و كل اما يصدر اي تأوه منه بتحس ان قلبها بيتمزق...
كانت بتغمض عينيها بالم و هي مش قادره تشوفه كدا بتحرك ايديها على شعره و بتسمح عرقه بايديها بحنان
خلص الدكتور و عقمله الجرح... و كتبله ادويه و مشي
اتكلمت مي بحده و هي بتبص لغصون
= اظن سبتك بما فيه الكفاية ممكن دلوقتي تبعدي عن جوزي و تسبني انا اللي اهتم بيه
بقلمي يارا عبدالعزيز
غصون كانت لسه هتتكلم بس قاطعتها منى و هي بتمسكها من ايديها و بتتكلم بسخريه
= سبنهولك يحبيبتى و لو اني معتقدش انك هتهتمي بيه و لا تخافي عليه زي غصون اصل العينه باينه
يلا يا غصون
غصون كانت بتبص ليونس اللي كان بيبصلها بدموع و عيونه بتقولها متسبنيش
مسكت منى ايديها و اتكلمت بغضب
= غصوون
بقولك يلااا
غصون مشيت معاها
اتنهد يونس بغضب ليشعر ببعض الالم...
اتكلمت نواره بحنان
= انا هنزل اعملك لقمه تاكلها يحبيبى نزفت.. دم... كتير و عشان الجرح...
هز يونس راسه بهدوء و سند براسه على المخده
اتكلم رأفت بغضب
= شوفت اللي عمل فيك كدا
هز يونس راسه بالايجاب و اتكلم بارهاق
= ااه بس شخص معرفهوش
رأفت كان لسه هيتكلم بس قاطعه كامل و هو بيتكلم بحده
= نطمن على يونس الاول و مش هسيبه المهم دلوقتي يونس يبقى كويس
اتكلم يونس بارهاق
= جدي عايزاك لوحدنا
كمل و هو بيبص لمي
= ممكن تنزلي تحت شويه يا مي
هزيت مي راسها باستغراب و خرجت هي و رأفت
كامل بص ليونس بانتباه
اتكلم يونس بهدوء
= انا مش هطلق غصون
اتنهد كامل بعمق و اتكلم بهدوء
= لما ترتاح نبقى نتكلم انا مش عايز اعصبك و اتعبك دلوقتي
انت عارف ان الموضوع بالنسبالي منهي يا يونس
يونس بحده و بعض الالم
= و قرار زي دا انا اللي المفروض اخده
مش عايز اطلقها عايزاها تفضل على زمتي
مش هقدر اشوفه مع حد تاني غيري يجدي و الله العظيم حاولت و مش عارف مش هقدر انطقها مش هعرف احررها مني انا عايزاها
كامل بتنهيده
= و مي!
و ابنك اللي في بطنها
يونس غصون حفيدتي زيك بالظبط و انا مش هحطها في خانه الزوجة التانيه و اديك شايف مراتك بتعاملها ازاي
قرار الطلاق هو القرار الصح ليكم كلكم
متفكرش في نفسك و بس فكر في مي و غصون و ابنك اللي ملهوش اي ذنب يتولد يلاقي مشاكل ما بين امه و ابوه
انا عارف انك بتحب غصون و متأكد من دا بس للاسف متأخر اوي يا يونس
انا هسيبك ترتاح و لما تبقى كويس نبقى نشوف موضوع طلاقكم حاول ترتاح و سيبها للنصيب و اللي ربنا كاتبه
قال كلامه و خرج من الاوضه و يونس بص لطيفه و هو بيتنهد بغضب مفرط
مسك الفازه اللي جانبه و رمها في نفس اللحظة اللي دخلت فيها نواره
اتكلم يونس بخوف و الم
= ماما انتي كويسه
ابتسمت نواره و راحت عنده و حطيت ايديها على خده و هي بتتكلم بحنان
= الدكتور قال ان حرارتك ممكن ترتفع
مالك يحبيبي ايه اللي مضايقك احكيلي هتخبي عن امك
بقلمي يارا عبدالعزيز
يونس دخل جوا حضنها و اتكلم بدموع
= ضايع و قلبي وجعاني اوي يا امي حاسس ان الدنيا كلها جايه عليا فرحتي بضيع مني و مش عارفه اخدها
ربطت نواره على ضهره بحزن و اتكلمت بدموع
= ربنا يريح قلبك يبني
في المطبخ
مي كانت واقفه و بتعمل ليونس عصير
دخلت نبيله و اتكلمت بهدوء
= امممم
بقولك ايه الفيديو اللي معايا مش عارفه كدا مره واحده حسيت اني عايزه افرجه ليونس
مي بصتلها بخوف شديد و اتكلمت بتلعثم
= بس انتي قولتلي انك مش هتوريهوله
نبيله بخبث
= ااه قولت كدا بس قولت لو انتي سمعتي الكلام
بس الطلب اللي هطلبه منك كبير عليكي
مي بخوف و لهفه
= هعمل كل اللي انتي عايزاه بس تمسحي الفيديو اللي معاكي
نبيله ببأبتسامه
= تعجبني
كملت كلامها و هي بتطلع شريط مليان حبوب مخدره.. و بتحط حبايه منه في كوبايه العصير
اتكلمت مي باستغراب
= ايه دا!!!
نبيله ببرود
= ميخصكيش
انتي هتروحي دلوقتي و تشربي العصير دا ليونس و كل يوم هتعملي كوبايه زي دي و تحطي فيها حبايه لحد اما انا اقولك بطلي
مي بحده و هي بتاخد الشريط منها
= بس انا عايزه اعرف ايه دا!!!
كملت بصدمه شديده و هي بتبص للاسم البرشام
= مخدرات!!!!!
انتي عايزيني احط مخدرات... لجوزي
انتي اتجننتي!!!!!!
نبيله بحده
= ااه انا فعلا اتجننت و هوريكي جناني دلوقتي حالا و انا بوري الفيديو اللي معايا ليونس
مي بخوف و هي بتمسك ايديها
= لا استني هعمل كل اللي انتي عايزاه بس اديني فرصه افكر الاول
نبيله بتنهيده
= عشان تعرفي ان قلبي طيب بس هديكي فرصه يومين اتنين بالظبط لو معملتيش اللي انا عايزاه هوريله الفيديو
اتكلمت مي بغضب
= انتي بتعملي فيهم كدا ليه!!
دول ولاد اخواتك
نبيله بغضب مفرط
= ميخصكيش انتي تنفذي اللي انا بقوله و انتي ساكته
قالت كلامها و خرجت من المطبخ و مي مسكت الشريط بخوف شديد و ايديها بتترعش بقوه و هي مش مستوعبه ازاي هتعمل كدا!!!!!!
في صباح اليوم التالي
كان يونس قاعد على الكنبه اللي في الجناح بتاعه و بيفكر في غصون اللي وحشته من انبارح
نفسه يروح يشوفها و يملي عينيه بملامحها اللي بيعشقها
قام وقف و هو بيمسك جرحه.. بالم و وقف قدام باب اوضتها
خبط على الاوضه و ملاقاش اي رد
فتح الباب لاقها نايمه بعمق و شعرها على وشها
ابتسم بعشق و قعد جانبها
زاح شعرها لبعيد و ميل عليها و قبل... كل انش في وجهها بعشق
صحيت غصون عليه و بصتله بخوف
اتكلم بحنان
= ايه شوفتي عفريت!!
غصون بخوف
= انت ايه اللي قومك من سريرك!!!
انت لسه تعبان روح ارتاح
يونس بحنان
= لسه زعلانة مني
و الله العظيم اللي قولتيه ما صح....
بقلمي يارا عبدالعزيز
قاطعته و هي بتتكلم بحده
= لو سمحت انا مش عايزة اتكلم في اي حاجه حصلت انبارح انا بحاول انسى لاني كل اما بفتكر بتخنق..
هروح لمراتك و ملكش دعوه بيا جدي معاه حق احنا لازم نطلق دا الحل الانسب للكل و ياريت لو تقدر دلوقتي يبقى احسن
ابتسم بسخرية
= اللي يشوفك دلوقتي ميشفوكيش انبارح و انتي ميته.. من الخوف عليا لسانك بيقول حاجه و قلبك بيقول حاجه تانيه
اتنهدت بغضب و كانت لسه هتقوم بس مسك ايديها و وقعها عليه ليتاوه بالم
اتكلمت بخوف و هي بتحط ايديها على جرحه... برفق
= انت اللي وقعتني عليك
وريني كدا بتوجعك اوي
يونس بخبث
= مش عارف باين الخيطه فكيت و لا ايه شوفي كدا
بدأ يفك زراير قميصه تحت نظرات الخجل الشديد منها
اتكلم بخبث و هي بيتصنع الالم
= ساعديني كدا
فكتله باقي زراير القميص بخجل و بصيت على جرحه.. و اتكلمت و هي بتتنهد بارتياح
= الحمد لله مفيش حاجه فكيت
يونس بخبث و هو بيمسك ايديها
= ازاي!
شوفي كدا يمكن تحت اللزقه حركي ايديك عليها كدا و اتأكدي
حركت ايديها عليها بخجل
غمض عينيه و ضمها لصدره بحنان و اتكلم بهمس
= وحشتني
دفن... وشه في رقبته و قبل... عنقها بعشق
غمضت عينيها و هي بتمسك فيه بقوه
حسيت بايديه اللي اتحركت على خصرها فاقت على نفسها و بعدت عنه و اتكلمت بحده
= انسى
مش هضعف.. قدامك تاني و لا هقلل و ارخص.. من نفسي بسببك تاني اتفضل اطلع برا
بدل ما انادي لجدو.....
قاطعها و هو بيتكلم بغضب مفرط
= انتي مفكره اني هخاف من حد انتي مراتي و محدش يقدر يبعدك عني بس انا همشي مع اني عارف انك عايزيني
همشي عشان انتي اللي كل شويه تقطعي في قلبي بكلامك
قال كلامه و خد القميص بتاعه و لبسه بغضب و مشي بارهاق
كانت بتبص لطيفه بخوف بس اتغلبت على نفسها و اتكلمت بغضب
= في ستين داهيه
كور ايديه بغضب و فتح الباب
وقف قدام باب الاوضه و سند بايديه الاتنين على التربزين
و هو بيتنفس بغضب مفرط
اتكلمت الخدامه باحترام و هي بتقف جانبه
= يونس بيه كنت عايزه حضرتك في موضوع مهم
يونس بصلها بانتباه
اتكلمت الخدامه بخوف شديد
= الصراحة حضرتك فيه حاجه حصلت انا كنت عايزه اقول لحضرتك عليها بس خوفت من الست مي
بس حضرتك عارف ان كلنا هنا بنعز الست غصون و بنحبها لانها حنينه علينا و عمرنا ما شوفنا منها اي حاجه وحشه
يونس بحده
= قولي اللي انتي عايزه تقوليه من غير مقدمات
الخدامه بخوف
= الصراحة يبيه
اليوم اللي وقع.. فيه الزيت على الست غصون انا كنت وقتها في المخزن اللي في المطبخ و باب المخزن كان مفتوح انا شوفت الست مي و هي بترمي الزيت المغلي... على رجل الست غصون انا مرضتش اقول وقتها عشان خوفت من الست مي بس مقدرتش اخبي اكتر من كدا و خصوصاً بعد شوفت الست مي انبارح و هي بدوس.. على رجل الست غصون بقسوه مقدرتش استحمل وقتها و قولت لازم اقول لحضرتك
يُتبع.....
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق