روايه بناتى حياتى الجزء الثاني الفصل الثالث عشر والرابع عشر بقلم ولاء يحيى
روايه بناتى حياتى الجزء الثاني الفصل الثالث عشر والرابع عشر بقلم ولاء يحيى
روايه بناتي حياتي (13)
رامي لما خرج من البيت فضل ماشي بلعربيه بس جاله تلفون من المستشفي وبلغه ان في ضيف مستنيه في مكتبه وعاوزه ضروري ف راح علي المستشفي ووصل مكتبه واول ما دخل الضيف وقف
طارق ببتسامه : مساء الخير دكتور رامي
رامي يقرب منه بضيق : خير جي تطمن المؤامرة بتعتك وصلت لفين
طارق بضيق بس يبتسم : انا عارف هي وصلت لفين لان انا ال كشفتها
رامي بستغراب : انت ال كشفتها
طارق ببتسامه : ممكن نعقد ونتكلم
رامي يروح يعقد علي مكتبه : اتفضل اقعد
طارق وهو بيعقد : دكتور رامي انا جي اعتذار وعارف ان الاعتذار ميغفرش ليه ال عملته بس زي الحديث الشريف بيقول من افسد شيء عليه اصلاحو فانا حاولت اصلح غلطتي وبعت كل الحقيقة لمدير المستشفي الصبح وانا اسف جدا واتمني تقبل اعتذاري
رامي بستهزاء : وايه الغيرك فأجاه كده وال دي خطه جديده
طارق ببتسامه : لو برسم خطه تانيه مكنتش كشفت دي وليك حق متصدقش انا نفسي مش مصدق (ويبتسم) انا من 6 شهور ومن وقت المسابقه وانا برسم خطه لتفركم ومصمم انفذها مكنتش شايف قدمي غير الاهانه ال اخدتها من البشمهندسه ودا كان غريب علي طارق العدوي ال كل الستات بتتمني قربي بس من شهر ربنا بعتلي انسانه وحطها في طريقي ومعرفش ازي خليتني نسيت الخطه ونسيت غروري وانانيتي ويمكن نسيت نفسي كمان وصدقني معرفش ازي دا حصل مع انها بتعملني وحش جدا وشيفاني انسان لا عندي دين وال ضمير واناني ومغرور وطبعا انا كنت كده فعلا بس قبل ما اشوفها ( ويتنهد بضيق) بس لما سمعت الكلام دا منها النهارده وهي بتقوله حسيت بيه بجد وحسيت اني عشان استحقها لازم اتغير واول التغير دا كان اني اعتذر ليك بنفسك زي ما اعتذرت للمهندسه لين
رامي : والمطلب مني اصدق الكلام دا
طارق يبتسم : دكتور رامي انا محدش اجبرني اجي من دبي للقاهره للمنصوره عشان اعتذار ولا حد اجبرني اسيب اكبر مشروع في الشرق الاوسط وال كان اكبر احلامي وكون بس مجرد شريك ضمني فيه ( ويبصله) انا فعلا ندمان وجي اعتذار (ويضحك) ولو فيه حق عرب انا جاهز
رامي ببتسامه : وانا قبلت اعتذارك
طارق ببتسامه : وانا متشكر جدا لكرم اخلاقك (ويقوم يقف) واتشرفت بمعرفتك
رامي : حضرتك وقفت رايح فين انت ضيفنا ولازم تشرفنا البيت
طارق ببتسامه : متشكر جدا بس انا لازم الصبح اكون في دبي واكيد هنتقابل مره تانيه
ويخرج رامي مع طارق ويوصله لعربيته ويسلم عليه ويرجع طارق لدبي
رامي يركب عربيته ويرجع للبيت واول ما يدخل تكون لين وامير ونفين وسالم ورشا في الجنينه
رامي بضيق : سلام عليكم
الكل : وعليكم السلام ورحمه الله وبركاته
لين تقوم تروح لعنده
لين ببتسامه : كنت فين يا حبيبي
رامي : خرجت اتمشي شويه
لين ببتسامه : طيب تعال اقعد معنا
رامي : معلش يا لين انا بقالي يومين منمتش ومش قادر ( ويقرب منها ويبوس جبينها وبصوة عالي ) تصبحو علي خير
ويطلع ولين تفضل بصه عليه بضيق
سالم : تعالي يا لين شيلي البت دي من جمبي بدل ما هغزها والله (لين تروح تعقد مكانها بس عيونها كلها دموع وامير اخد باله)
رشا بغيظ : اتكلم علي قدك يا شاطر وبلاش تلعب في عداد عمرك
سالم وهو بيزقها من وشها : عداد عمري ليه كان تاكسي العاصمه
رشا تمسك ايده تعضها
سالم بصريخ : يابنت العضاضه
نفين ميته من الضحك : والله انتم مجنين انا مش عرفه هتجوزه ازي وانتم ناقر وناقير كده
سالم ورشا في وقت واحد : زي السكر في الشاي
ويضحكو كلهم معاد لين ال ماكنتش معهم
امير وهو بيوقف وبيضحك : فعلا حله ولقيت غطاها علي رائي ناناه
نفين : رايح فين ياحبيبي
امير ببتسامه : نسيت تلفوني جوه هجيبه
ويمشي امير ويطلع لرامي ويخبط الباب ورامي يفتحلو
رامي : امير تعال ادخل
امير وهو بيقفل الباب : ايه يابني طلعت علي طول كده ليه
رامي بضيق : مافيش تعبان بقالي يومين منمتش
امير بستهزاء : تعبااااان
رامي يبصله بضيق : ااه تعبان ايه غريبه اني اتعب بعد الحصل اليومين الفاتو ايه مش بني ادم لحم ودم وبحس
امير يقف قدمه : وال جايه من السفر وصاحيه بقالها يومين وجت تجري عشانك وعشان تساعدك وتقف جمبك وتظهر برائتك ال مشكتش فيك وال ثانيه وحاربت عشانك هناك وهنا ومع ذالك ماقالتش تعبت هادخل انام لاني مسافره بكرا وقعده تحت مستنيك ترجع ( ويقلده) ايه مش بني ادمه من لحم ودم وبتحس
رامي بضيق :وهو الحصل دا كان بسبب مين مش اعجاب سي طارق بيها ال كان عاوز يفرقنا عشان يتجوزها
امير بغضب : لا حصل بسبب ست دينا ال معجبه بيك وعاوزه توقعك عشان تجوزك
رامي يعقد علي الكرسي بضيق وغضب
رامي بحزن : هي ال مش عاوزه نتجوز ونبعد كل دول عن حياتنا
امير يعقد قدمو : قولي يا رامي لما طلبت لين للجواز قالتلك هنتجوز امتي
رامي بغضب : هو انت طالع عشان تدافع عن اختك بس
امير بضيق : اختي مش غلطانه عشان ادافع عنها يا رامي اختي من الاول لما طلبتها قالتلك قدمي سنه عشان اتجوز مش هتجوز قبلها وانت وافقت وقولتلها موافق بس نكتب الكتاب انت ال بترجع في كلامك دلوقتي مش هي
رامي بحزن : يعني انت عجبك ال بيحصلنا كل شويه حد عاوز يفرق بنا مره سليم ومره طارق ( فيكمل امير بصوة عالي)
امير : ومره دينا وال نسيتها دي (ويبص ليه بغيط) بص يا رامي انتم حتي لو اتجوزتم هتقابله ناس فيهم ال هيتمنلك الخير وفيه ال هيتمنلكم الشر يبقي انسي الناس وعيش حياتك ( ويقرب منه) ومتخليش ال بيتمنلكم الشر ينجحه انهم يفرقه بينكم
رامي بضيق : وفيها ايه لما نتم جوزنا هي ليه رفضه دا ال هيجنني
امير : هرجع تاني وقولك دا كان اتفقكم من الاول انكم هتستنوي الفتره دي وانت وافقت يبقي دلوقتي ملكش الحق انك تزعل انت تزعل لو فاتت السنه ومجوزتش ساعتها يبقي انت صح وعندك حق
رامي يبصله ويسكت ويقوم امير ويسيبه وينزل الجنينه تاني
نفين ببتسامه : كنت فين يا حبيبي كل دا بتجيب تلفون
امير ببتسامه : اكيد وحشتك
نفين بضحك : عاوز الحق وال ابن عمه
سالم بضحك : كبسه حلوه يا نيفو
امير يبصلها بغيظ : طيب يا حلوه خليلك الحق وابن عمه كمان ( ويقرب من لين ويحضنها) انا عارف اني وحشت لين صح يا حبي الاكبر ( ولسه هيقرب يبوسها سمع صوت)
رامي بصوة عالي : ارجع يا خفيف ( ويقرب من لين ويمسك ايدها) ممنوع ال لمس والاقتراب
امير ببتسامه : ايه ياض ما تسيبني ابوس
رامي بغيظ : ازي كان انا مش عارف ابوس انت هتبوس
الكل يضحك ولين تبتسم فرامي يبصلها
رامي ببتسامه : يلا يا حبي نطلع نبوس فوق يوووه قصدي ننام فوق
لين تخبطه علي كتفه : اتلم ( وتطصنع الزعل) وانا مش هطلع اطلع لوحدك
رامي يقرب منها : مع اني تعبان ومش قادر بس مبدهاش بقي ( ورح شايلها مره واحده وهي صرخت وبص علي الكل) تصبحو علي خير
سالم بضحك يقوم يقف ويقرب من رشا : يلا يا رشا
رشا بستغراب : يلا ايه
سالم : يلا واحده مبدهاش زي رامي ونطلع
امير ونفين ولين يضحكو اوي
رامي يبصله : واد يا سالم متلعبش في عداد عمرك
سالم : انت كمان عداد عمرك هو انتم وخديني تقلبوني تاكس وال ايه ( الكل يضحك)
ورامي ياخد لين وهو شايلها ويمشي وهي بصله بزعل
لين بزعل مصطنع : نزلني انا مخصمك
رامي يغمزلها : متستعجليش هطلع اصالحك فوق في اوضتي
لين بكسوف :مافيش فوق نزلني انا هروح اوضتي انا
رامي ببتسامه : عاوزه تروحي اوضتك
لين بتحدي : ايوه نزلني
رامي يقف قدم بيت فؤاد ويروح مخبط
لين بكسوف : نزلني يا رامي بابي هيفتح
وفعلا تفتح مني وتبصلهم بستغراب
رامي ببتسامه : ازيك يا طنط معلش دخلين ننام
لين بصدمه : رامي نزلني
مني تضحك : ادخلو يا مجنين
ويدخل رامي وياخد لين علي اوضتها
لين بكسوف : والله مجنون
رامي ياخدها ويروح علي السرير ينيمها ويقعد جمبها
لين بتبريق وخوف : انت بتعمل ايه
رامي ببتسامه : هنام (ويفتح ايده وياخدها في حضنه) انا اسف يا حبيبتي متزعليش مني الحصل تعب اعصابي حقك عليه
لين ببتسامه تضم نفسها ليه : انا بحبك اوي يارامي
رامي يبوس جبينها : وانا بحبك اكتر بكتير يا حبيبتي
ووهم قعدين يخبط الباب ويدخل فؤاد وهم الاتنين يقومه جري يقعده
فؤاد يكتم ضحكته ويبص ل رامي : انت بتعمل ايه هنا يا رامي
رامي بارتباك ويقوم يقف : هااااا دا لين نامت في الجنينه وكنت بطلعها ( لين تكتم ضحكتها ورامي يبصلها) تصبحو علي خير
ويخرج بسرعه ولين وفؤاد يضحكو اوي وفؤاد يروح ينام جمب لين ويحضنهه رامي يرجع ويقف علي باب الاوضه
رامي بغيظ : عمي هو انت بتعمل ايه هنا
فواد يرفع حاجبه : هنام عندك مانع
رامي يعض علي شفته : لا يا عمي برحتك تصبحو عاي خير ( ويمشي وهو بيبرتم) والله دا ظلم وافتري
فواد ولين يضحكه اوي وتنام لين في حضن فؤاد
وتسافر لين هي وفؤاد لدبي وترجع بعد ما اتصالحت مع رامي وترجع لشغلها واول ما توصل الشغل
اميره ببتسامه : حبيبتي حمدالله علي السلامه
لين تحضنها : الله يسلامك حبي وحشتوني
اميره : انتي اكتر والله
لين بتسامه : بجد انا مش عارفه اشكرك انتي ومروه ازي علي وقفتكم معايه
اميره: تشكرينا علي ايه احنا مش اخواتك وال ايه
لين : طبعا والله انتم زي سيلا بظبط المهم مروه عمله ايه نزلت الشغل
اميره: لا طبعا استقالت خالص وقعده في البيت بتعلم شروق طريقت عمل المسقعها الصحيحه 😂
لين تضحك : لا دا احنا ننقذ شروق منها بقي
هم كانو بيتكلمه ومخدوش بالهم من سليم ال واقف ومتابع كلامهم وهزرهم فقرب منهم بغيظ
سليم بضيق: حمدالله علي السلامه
لين : الله يسلامك
سليم يبص لاميره بضيق : بشمهندسه اميره ممكن حضرتك تشوفي الشغل
اميره بضيق : اوكي ( وتبص للين) حمدالله علي سلامتك مره تانيه سا بشمهندسه
لين ببتسامه : الله يسلامك ميرسي
تمشي اميره ف سليم يقرب منها
سليم بغيظ : انتم بقيتم اصحاب اوي
لين ببرود : يسعدني صديقتها لو هي تقبل وال دا يضايقك
سليم بغضب: وهو ينفع تبقو اصحاب ازي هي مراتي وانتي ( وسكت مقدرش يكمل)
لين ببتسامه وهي بطلع تلفونها : طلقتك حلو اوي انك تعترف بدا ان هي مراتك وانا طلقتك فركز بقي واهتم بيها عشان تحافظ عليها
وتمشي لين وتسيبه وهي بتكلم في التلفون وهو وقف غضبان ومضايق جدا فيروح ل اميره
سليم وهو بيشد ايده بعصبيه : تقصدي ايه بكلامك معها وقربك منها عاوزه تفهميها ان جوزنا حقيقي واني وال همك وجودها
اميره بصت بضيق حاوليها علي العمال ال بصو عليهم وعلي صوتها
اميره بضيق : ممكن نتكلم في البيت لما نروح ( وتبصله بدموع وتبص حواليها) لو سمحت
فيسيب ايدها وهي تمشي بسرعه من قدمه
لين كانت بتكلم مروه وبتضحك
لين بضحك : يابنتي اسمعي الكلام وبطلي كسل احنا ما صدقني تشتغلي واخدتي علي الشغل وفهد مرحب جدا وماصدق ان يلقي سكرتيره روحي بقي يلا بسرعه قبليه ويطلي رغي
مروه تتنهد : حاضر يا لين هروح بس لو مرتحتش هسيب الشغل انا بقول اهو
لين : اتفقنا يلا انزلي بسرعه ممتاخريش ولما تخلصي ابقي تعالي البيت هستناكي
لين تقفل وتشوف اميره مروحه ومتعصبه فتروح ورها
لين : اميره اميره ياينتي اوقفي كده مالك
اميره بدموع : سبيني ونبي يالين خليني امشي
لين : اهدي بس يا اميره وقوليلي ريحه فين
اميره : همشي مش قدره اشتغل معه
لين ببتسامه : مش مهم تشتغلي معه بصي (وتفتح رسم معها) شوفي الرسم دا محتاج فنانه زيك تشرف عليه لان المهندس كريم اجازه ومحدش هناك مع العمال فخديه يلا وعلي المبني رقم 5 ممكن تساعديني ( وتبصلها بوش زعل )
اميره بضحك : ماشي (وتبص علي المبني ال فيه سليم) بس لو عرف هيزعق تاني
لين ببتسامه : ومين قالك انه هيعرف المبني بتعه بعيد جدا وهو فكرك روحتي بس النهارده يوم الاختفاء زي ما قال اسلام
اميره ببتسامه : صح النهارده هختفي ومش هرجع غير بليل وسبيه يدور عليه عشان يبقي يعرف يزعق كويس
لين بضحك : هو دا
وتمشي اميره وتروح المبني
طارق قعد في مكتبه مضايق وغضبان ان مروه مجتش الشغل
طارق في تلفون : عامر تعال المكتب
ويقفل ويدخل عامر
طارق بغضب : الانسه مروه اتصلت تتعتذر عن غيابها
عامر : هي بعتت مع المهندس امجد انها مستقيله وانا نزلت اعلان لطلب سكرتيره
طارق بغضب : ومين قالك تعمل كده هو انت هتتصرف من دماغك ابعت حالا ليها ان الاستقاله مرفوضه وتيجي تكمل شغل وتكمل عقدها وال هنشتكيها
عامر برتباك : اصل حضرتك
طارق بغضب : اصل ايه
عامر : لسه مافيش عقد اتكتب ليه
طارق وقف بعصبيه: ازي الكلام الفارغ دا احنا من امتي بنشغل ناس من غير عقود
عامر بارتباك : يا طارق باشا احنا بنكتب العقود بعد فترة تلات الشهور تحت الاختبار والانسه مروه مكملتش غير شهر واحد بس
طارق خبط بغضب علي المكتب ووقف ساكت شويه
عامر : بكرا يا فندم هتكون في سكرتيرة تانيه
طارق بزعيق : انا مش عاوز سكرتيرة واتفضل اخرج بره
عامر :تحت امرك يا فندم
ويخرح عامر بسرعه ويعقد طارق وهو مضايق وقعد بيفكر
ونروح الكويت والاء قعده في جناحه زعلانه وحزينه فدخل عليها شوشو وصافي
صافي : سلام عليكم ازيك يا ندله
الاء ببتسامه حزينه : وعليكم السلام ازيك يا صافي انتي جيتي امتي
شوشو : بقالنا ساعه قعدين تحت ومستنينك تنزلي
الاء : معلش ماخدتش بالي من الوقت
صافي تقرب منها : مالك يا الاء
الاء ترسم ابتسامه : مافيش يا صوفي انتي عمله ايه وفين رودي
صافي ببتسامه : رودي مع خالتي في المزرعه
شوشو بصدمه : سيبتي بينتك تروح المزرعه من غيرك البت صغيره
صافي : ما خالتي معها ومعها ال ناناي بتعيتها (وتخبطها في كتفها بهزر) فرصه اعيش يومين مع يزيد ونعيد ايام جوزنا
شوشو بضحك : يا مايصه تموتي في ال دلع وال مايصه
صافي بضحك : ياختي انا مليش في الهم والنكد احب كده اروش طب دا انا امبارح عملت جو ونزلت رقص لما اتهديت ووقعت من طولي
شوشو بضحك : يخرب عاقلك
الاتنين بصو ل الاء ال قعده سرحانه وسكته
شوشو تقرب منها : مالك يا الاء انتي لسه متخانقه انتي وعدي
الاء بدموع مكتومه : هو فين عدي من يوم ما عمي كلمه وهو مبيجيش الجناح وبينام في المجلس
صافي : معلش يا الاء اصبري اهو دلوقتي انتظم في الشركه وبطل سهر
الاء بستهزاء : انتظم دا هم يومين نفذ كلام عمي وبعدها رجع يسهر ويخرج وميرجعش غير وش الصبح
شوشو بضيق : انت ال ساكته الاء ومنعتي طلال يحكي لعمي
الاء بدموع : عاوزني اقول لعمي تاني عشان المره دي يطلقني انا بس صوتي عالي بقاله شهر مقطعني انا والعيال
صافي تتنهد : لازم تاخدي موقف يا الاء سكوتك خلي عدي يزيد فيها
الاء تتنهد : سييك يا صافي ها قولولي هنعمل ايه ما تيجو نروح البحر
شوشو : لا خلها الاسبوع الجاي لان لين جيه
الاء بضيق : جايه ليه (شوشو وصافي بصلها بستغراب) قصدي هتسيب شغلها ليه
صافي : هي هتيجي الخميس وتعقد للجمعه
الاء بغيظ : وهتعقد فين ( وتبرق لشوشو) اوعي تقولي عزمتيها هنا شوشو
شوشو تبصلها بضيق : حتي لو عزمتها ايه المشكله مالك يا الاء انتي متغيره علي لين كده ليه
الاء بغضب : هتغير ليه انا بتكلم عشان خالتي ام طلال انتي ناسيه انها نبهت ان لين متجيش البيت انتي عاوزه تعمل مشكله
شوشو بضيق : انالو مش هجيب لين البيت خوف عليها مش خوف من خالتي بس اطمني لين هتعقد في بيتهم عمي فؤاد هيجي التلات وهي هتعقد معه لما تيجي
الاء بضيق : طيب كويس
ونروح دبي ولين لما خلصت شغل اخدت اميره ومشيت بص ماخدوش بالهم ان سليم شافهم ومشي وراهم وشافهم وهم دخلين بيت لين وكلمو مروه ورحت ليهم عند لين وقعده وتغدو سوا شويه و رجع فؤاد ودخل البيت
فؤاد ببتسامه : سلام عليكم
الكل وقف ومروه بصت للارض بكسوف: وعليكم السلام
فؤاد يقرب منهم ببتسامه : مين القمرات دول يا لين انتي كده بتغريني و هتخليني أتجوز علي مني
لين واميره يضحكه
لين ببتسامه : دي اميره يا بابي ومتجوزه يعني متنفعش (وتضحك وتقرب منه) ومش متجوزه اي حد دي متجوزه سليم
فؤاد ببتسامه فهو عارف صداقت لين ومساعدتها لاميره
فؤاد : اهلا يا اميره بس ايه دا الواد سليم طلع عنده زؤق (يضحك) مع انه ميبانش عليه
ويضحك كلهم فؤاد يلاحظ كسوف مروه وسكوتها فيقرب منه
فؤاد ببتسامه : ام القمر دا انا عرفه بس ما شاء الله الحجاب زاد وشها جمال ونور ازيك يا مروه
مروه ببتسامه : الله يسلامك يا عمي ومتشكره جدا علي كلامك
لين تقرب منه: بطل معكسه يا بشمهندس احسن هبلغ عنك
فواد بطصنع الخوف : لااااا علي ايه انا هدخل اكلم الحكومه احسن (ويبص ليهم) معلش يا بنات العمر مش بعزقه
فيضحكه البنات ويدخل فواد اوضته وهم يعقد
لين : مقولتيش يا مروه عملتي ايه في الشغل
مروه ببتسامه: كويس بس فهد دا مجنون ايه دا طفل خالص كل ما ادخل القيه قعد بيلعب بلاي ستيشن (يضحكه) بس بصرحه وقت الشغل ماشاء الله عليه مالي مركزه
لين بسعاده: فهد ماشاء الله عليه شخصيه جميله اوي انا عارفه من لما كان 16 سنه كان كل احلامه انه حد يعمل سباق معه بيحب الجري اوي
اميره ببتسامه : يعني انتي خالص يا مروه هتكمل في الشركه دي
مروه : ايوه ان شاء الله الشغل وناس مريحه وطيبين (وتربع بغيظ) مش عالم مغروره وانانيه
لين ببتسامه : صحيح نسيت اقولكم دا طارق جي مصر ورح المستشفي في المنصوره واعتذر ل رامي
اميره بصدمه: مش معقول
لين وهي بتبص لمروه : ايوه رامي قالي انه اعتذار وقال كلام كتير كده عن ناس شكه اني اعرفهم
مروه بارتباك: كلام ايه وناس مين دول
لين حكيت ليهم الكلام ال قاله طارق لرامي بتفصيل ومروه من جوها كانت مبسوطه وخايفه
اميره وهي بتغمز للين : وااااو دا شكله حبها بجد
لين ببتسامه: انا بقول كده برده
مروه بضيق: دا تلقيها تمثليه عملها الزي دا مبيعرفش يحب
لين : صحيح هو عرف انك سيبتي الشغل
مروه : انا بعت مع امجد (وتبصلهم) وهو طول اليوم بيتصل بيه بس عملتله بلوك من الفون
اميره: ليه كده يا مروه ما تديله فرصه
مروه بحزن: فرصه ايه يا اميره بطلي الكلام الفارغ دا (وتقوم تقف) ويلا تمشي اتاخرنا وانتي قفله تلفونك وزمان سليم قالب الدنيا عليكي
وتمشي مروه واميره بعد ما سلمو علي لين وروحو البيت واميره طلعت
سليم بعصبيه يقرب منها ويمسكها من درعها بقوه
سليم بغضب: انتي كنتي فين
اميره بألم : ااااه سيب ايدي يا سليم
سليم بغضب: انا عاوز اعرف انتي كنتي مع لين في بيتها ليه وعلاقتك بيها ايه انتي بترسمي علي ايه بظبط (ويزقها بغضب تقع علي الكرسي)
اميره بالم ودموع : هرسم علي ايه احنا اصحاب وبس
سليم بغضب: اصحاب من امتي انتي نسيتي نفسك ونسيتي انا اتجوزتك ليه
اميره تقف بغضب : اجوزتي ليه يا سليم قولي اتجوزتني ليه
سليم بزعيق: اجوزتك عشان تنفذي الاتفاق ال اتفقناه انا نفذت الشي ال يخصني وانتي كان لازم تنفذي مش تقولي اصحاب
اميره بستغراب : اتفاق ايه دا انا متفقتش معك علي حاجه
سليم بستهزاء: اعمليهم عليه بقي واعملي انك متعرفيش اتفاقي مع هبه وان كله كان بمزاجك وموفقتك
اميره قربت منه بصدمه : اتفاق ايه دا ال اتفقته مع هبه
سليم بزعيق وغضب يديها ظهره : اني احققلك حلمك بسافر والعقد ب ال مراتب ال مكنتش تحلمي بيه وهيحسن من مستواكي وينقلك عيشه تانيه وتسيبي بيتكم ال مش عارفين تتحركو كلكم فيه (ويبصله ويشور بايده) وانتي تساعديني ارجع لين ليه
اميره بصدمه : ااااانا متفقتش انا معرفش حاجه عن الكلام دا
سليم بغضب : تعرفي وانا دفعت ونفذت وسافرتك وبعدتك عن الفقر ال كنتي عايشه فيه بس انتي غدرتي بيه وطمعتي في ال مش من حقك ( ويبصلها بغضب) انا مش من حقك وال عمري هكون انا ل لين وبس
ويمشي ويسبها ويفتح الباب ويخرج وهي تعقد تعيط ومصدومه من السمعته وفضلت قعده شويه وبعدين قامت بسرعه دخلت لمت هدومها واخدت شنتطها ومشيت من البيت
في الكويت شوشو قعده في الصاله بتكلم مع لين علي النت وكان عدي دخل وشفها فوقف يسمع
شوشو: ماتيجي ما عمي يوم التلات وقعدي يومين
لين : مينفعش خالص دا انا بخطف الخميس بلعافيه
شوشو : عموما احنا اتفقنا هنقضيه في الشاله علي البحر ونبقي لوحدينا ( وتضحك اوي) صافي بتقول اتعملت حركتين رقص جددا هتعلمهنا
لين تضحك : هي البنت دي بتتعلم الكلام دا منين ل تكون انحرفت
شوشو : دي فظيعه والمصيبه يزيد زيها انا مش عارفه هيربو ولادهم از دول
لين بضحك : وهي صافي دي بتعرف تربي دا ال سمها ام ظالمها البركه في طنط ام يزيد هي ال بتربي
(ياسين ابن شوشو نادي عليها)
شوشو: هقفل انا دلوقتي عشان ياسين صحي المهم انا هبعتلك السائق المطار هيكون 10 بدقيقه منتظرك ويجيبك لشاليه هنكون منتظرينك
لين ببتسامه : اوكي حبيبتي ميرسي يلا روحي شوفي ياسين وبسهلي
شوشو ببتسامه : اوكي حبيبتي باي
وتقفل شوشو مع لين وتطلع لجناحها ويدخل عدي وهو بيبتسم وبيفكر
لين بعد ما قفلت ودخله تنام لقيت تلفونها بيرن
لين بستغراب : ايوه يا اميره
اميره بدموع : انا ماشيه يا لين خالص
لين بستغراب : ماشيه فين وبتعيطي ليه وايه الصوة الجمبك دا انتي فين
اميره بدموع : في المطار هرجع مصر خالص كل شيء انتهي
لين قامت وقفت : ايه انتها دا اميره تعالي عندي انا هستانكي تعالي
اميره : لا خالص انا مسافره مش رجعه تاني هنا انا هركب كمان ساعه
لين بضيق : طيب اقفلي انا هجيلك
وتقفل لين وتلبس بسرعه وتستاذن فؤاد وتنزل تروح المطار ل اميره
لين توصل المطار تفضل تبص علي اميره لحد ما لقيتها قعده يتعيط
لين بقلق: اميره مالك حاصل ايه
اميره بدموع : اتجوزني بتفاق يا لين بيقولي متجوزني بتفاق بيقولي اني طمعة فيه وانه دفع تمثي
لين بستغراب : اتفاق ايه وتمن ايه انا مش فاهمه حاجه فهميني يا اميره
اميره بدائت تحكي للين ال قاله سليم كانت بتحكي وهي بتعيط ومنهاره
اميره بدموع : والله ما اعرف حاجه عن الكلام دا يالين انا معرفش حاجه عن اي اتفق من ال بيتكلم عليه صدقيني يالين والله ما اعرف
لين بغضب من سليم : متحلفيش يا اميره انا عارفه (وتبصلها) طيب انتي هنا ليه تعالي معايه
اميره: لا يا لين انا هرجع مصر لازم اشوف هبه واعرف هو يقصد ايه
لين تتنهد : اوكي ياميره انزلي بس اوعي تستعجلي في اي حاجه خدي اجازه واهدي وفكري
اميره : هحاول يالين
لين ببتسامه: خالي بالك من نفسك ياحبيبتي هتصل اطمن عليكي علي طول
امييره ببتسامه : احلي حاجه حصلت في جوزي من سليم اني اتعرفت بيكي يالين انا عمري ما كان ليه اصحاب وانتي بقيتي اختي مش صحبتي
وتحضن لين اميره وتركب الطياره ولين ترجع البيت وهي مضايقه وغضبانه من سليم
سليم كان رجع البيت الفجر ولما دخل لقي باب اوضة اميره مقفول افتكرها جوه ونايمه وقف قدم الباب شويه وكان ندمان علي ال قاله ليها بس مقدرش يخبط عليها فرح اوضته
والصبح صحي في معاده لبس وخرج وكان فاكر انه هيلقي اميره بتحضر الفطار زي كل يوم بس ملقهاش في المطبخ ولقي باب الاوضه لسه مقفول
سليم بيخبط علي الباب : اميره اميره الساعه 7 قومي اتاخرنا
سليم ملقاش رد فقلق وفتح الباب لقي السرير فاضي فدخل الاوضه ولما ملقهاش نزل يجري يخبط علي شروق
شروق بقلق: صباح الخير ياسليم مالك بتخبط كده ليه
سليم بضيق : فين اميره ياشروق هي جوه عندك صح
شروق بستغراب : لا اميره منزلتش هنا
سليم بغضب : هتكون راحت فين يعني
مروه تيجي عليهم :صباح الخير مالكم وقفين كده
شروق بقلق : سليم بيسال علي اميره فكرها هنا
سليم بغضب: هتكون راحت فين يعني
مروه بقلق : يمكن نزلت الشغل بدري
سليم ينزل جري وياخد عربيته ومشي بسرعه جدا بيها
اميره اول ما وصلت القاهره اخدت عربيه وراحت للمنصوره واول ما وقفت العربيه قدم بيتهم اميره نزلت واتصدمت فكان في عمال وقفين بيهدو البيت والحج رمضان وقف معهم
فاميره قربت منه بصدمه
اميره بغضب وزعيق : انتم بتعمله ايه انتم ازي تهدو بيتنا انتم مين انا هوديكم في داهيه
الحج رمضان بضيق : خير يا حلوه بتزعقي ليه كده
اميره بغضب :ازعق دا انا هوديكم في داهيه انا هبلغ البوليس انتم مين سمحلكم تعمله كده في بيتنا
الحج رمضان بغضب: ال كان بيتكم ياحلوه انا اشتريت البيت دا من اخوكي عماد ودفعت فلوسه كاش والعقد اهو
اميره اتصدمت وبصت علي العقد
اميره بصدمه ودموع: ازي عماد ازي يعمل كده ازي يبيع بيتنا
اميره بدموع : العقد دا باطل انا ليه نصيب في البيت دا وانا مابعتش حاجه
الحج بغضب : لا يا حلوه العقد سليم اخوكي معه توكيل بلبيع وشري منك وباع بيه نصيبك واخد الفلوس كامله ولو مش مصدقه روحي بلغي انا ماشي قانوني
اميره بدموع : طب هم راحو فين سابه البيت وراحو فين لوسمحت لو تعرف قولي
الحج رمضان صعب عليه اميره : العرفو ان اخوكي سافر كندا من اسبوعين ومراته عيشه عند امها لحد ما تسافر ليه
اميره بصدمه اكبر :كنننننندا
وتاخد اميره شنتطها وتمشي وهي ضايعه وتايها وبعدين وقفت تاكسي بسرعه وراحت لبيت ام هبه
سليم وصل الشغل وفضل يدور علي اميره بس ملقهاش ف وقف وهو هيتتجن بس شاف لين وهي نزله من عربيتها ودخله الموقع فرح ليها بسرعه وغضب
سليم بغضب : اميره فين يالين
لين ببرود: اميره مراتك انت جي تسالني انا عن مراتك
سليم بغضب وصوةعالي : لين انا متاكد ان اميره عندك انتي عاوزه مني ايه
لين بضحكت استهزاء: انا ال عاوزه منك ايه ؟ انا مش عاوزه منك حاجه انت ال جي مشروعي وفرضت نفسك عليه وعليا وجيبت معك اميره تلعب بيها وبمشاعرها
سليم بضيق: لين قوليلي اميره فين
لين بغضب: ليه ياسليم عاوز منها ايه سيبها في حالها
سليم بضيق: اميره مراتي مراتي
لين بغضب وزعيق : ولم هي مراتك بتعمل فيها كده ليه بتجرحها وتهينها وتدمرها ليه محسسها ان ملهاش اي قيمه عندك ليه عاوز تعملي فيها ايه تاني فهمني مستني تعمل فيه ايه ( وتقرب منه بغيظ) مستني لم تحمل وتعيش حملها في اهانه وتجريح وتجيب طفل ويموت بسببك
سليم بصلها بحزن والم وعينه اتملت دموع
سليم بحزن : ااااانا ( بس ميعرفش يتكلم وعينه ينزل منها دموع)
لين تتنهد بحزن : انت مريض يا سليم مريض ولازم تتعالج لازم تلحق نفسك قبل ما تخسر كل حاجه والكل الناس ال جمبك وبتحبك دلوقتي يبعدو عنك ويسيبك لوحدك لانك وقتها انت كمان هتكره نفسك وهتنتحر ياسليم
(سليم يبصلها بحزن والم)
لين بحزن : اتعالج ياسليم عشان متخسرش نفسك وحياتك واميره (وتبصله) اميره ال بتحبك ومش هتلقي حد يحبك زيها (وتفتح شنتطها وتطلع كارت) دا كارت دكتور اسلام هو هنا في دبي انا اتعالجت عنده رحلو يا سليم روح قبل فاوت الاوان
تمشي لين وتسيبه وقف بصص علي الكارت ودموعه نزلت من عينه بالم
اميره وصلت لبيت ام هبه وخبطت جامد بغضب
هبه : حاضر حاضر بتخبطو كده ليه ( وتفتح الباب وتتفاجاة ب اميره قدمها)
هبه بصدمه : اميييره
اميره بغضب : ايوه اميره اميره يا هبه ال اتفقت انها تجوز عشان تسافر بره وتجيب فلوس وتهرب من الفقر (وتبصلها بغضب) مش كده يا هبه
هبه بارتباك : امييره انا عملت كده عشان مصلحتك عشان تجوزي ال بتحبيه زي ما انتي عاوزه وقولت هو هيحبك لم(ولسه هتكمل)
اميره : يحبني! يحبني ازي وهو شايفني بيعه نفسي واتجوزته بتفاق يحبني ازي وهو شايفني واحده رخيصه اشترها بسافريه وعقد عشان يغيظ بيها واحده تانيه
هبه بكسوف : انا قولت لما يعيش معك ويتعرف بيكي هيحبك انا كنت بساعدك يااميره
امييره بستهزاء : بتساعديني انتي ضمرتيني (وتبصلها) انتم ازي تبيعو البيت من غير ما تقولولي
هبه برقت واتصدمت : البيت
اميره بغضب: اييوه البيت ازي تبيع البيت من غير مااعرف وفين عماد
هبه: ماهو يا اميره عماد كان لازم يبيع البيت عشان نسافر عشان الولاد ف هو قال ان يهمك مصلحتنا ومصلحت ولاد اخوكي ومش هتعترضي لما يدور علي مستقبلهم فباعو وسافر
اميره بحزن : سافر من غير ما يقولي من غير ما اعرف (وتبصلها) وفين نصيبي من البيت
هبه بارتياك : مهو الفلوس مكنتش هتكمل معنا ف عماد استلف نصيبك بس لحد ما نقف علي رجلنا ونستقر وهيردهالك اااه والله هيردهم ليكي اول ما يشتغل ونستقر
اميره بصتلها بصدمه : ضمرتي جوزي باتفاقك مع سليم من ورايه و بعتو البيت واخدتو فلوسي ( وتبصلها بدموع) طيب وانا انا هعمل ايه هروح فين هعيش فين
هبه بصتلها وسكت واميره فضلت وقفه وبعدين اخدت شنتطها واديتها ظهرها بحزن
هبه بحزن: انت هتروحي فين يا اميره
اميره بصتلها بستهزاء: تفرق معكي ما انتم بعتوني خالص
وتمشي اميره وتسيبها
لين وقفه في الموقع تلفونها رن
لين ببتسامه: حمدالله علي سلامتك ياميره
اميره بدموع: انا ضعت يالين انا مش عارفه اعمل ايه انا مبقاش ليه مكان وال اهل كلهم سابوني انا مش عارفه اعمل ايه يالين
لين بقلق : انا مش فهمه حاجه يا اميره فهميني يا حبيبتي
اميره حكت للين كل حاجه حصلت من اول ما وصلت
اميره بدموع: انا مش عارفه اروح فين وال اعمل ايه
لين تتنهد بحزن : انا هقولك تروحي فين يا اميره
تفتكرو لين هتقول لاميره تروح فين وسليم هيسمع كلام لين ويتعالج نعرف الحلقه الجايه
روايه بناتي حياتي الجزء التاني (14)
لين وقفه في الموقع تلفونها رن
لين ببتسامه: حمدالله علي سلامتك ياميره
اميره بدموع: انا ضعت يالين انا مش عارفه اعمل ايه انا مبقاش ليه مكان وال اهل كلهم سابوني انا مش عارفه اعمل ايه يالين
لين بقلق : انا مش فهمه حاجه يا اميره فهميني يا حبيبتي
اميره حكت للين كل حاجه حصلت من اول ما وصلت
اميره بدموع: انا مش عارفه اروح فين وال اعمل ايه
لين تتنهد بحزن : انا هقولك تروحي فين يا اميره روحي بيتك
اميره بدموع : بقولك باعو البيت والبيت اتهد
لين : اميره بقولك بيتك مش بيت اهلك انتي بيتك هو بيت جوزك
اميره بدموع: لا طبعا انا عمري ما هروح بعد ال قالو ليه
لين ببتسامه: اميره سليم قالب الدنيا عليكي وهيجنن وجيه واتخانق معايه بس انا مقلتلوش انتي فين هو فكرك عندي وانا اتخانقت معه وسمعته كلام وجعو بس متاكده انه فاق وهيروح لاسلام وهيتعالج وهيرجعلكو بس بعد ما نخليه يلف عليكي ولازم تكوني مستنياه في بيتو لان دا هيبقي في مصلحتك انا ممكن اقولك روحي بيت اهلي وهم هيتبسطو بيكي جدا (وتضحك) بس انتي عارفه سليم غيور جدا والبيت مليان شباب مش عاوزين بعد ما يتعالج يتسجن اسمعي كلامي يا ميره ورحي بيت جوزك واهلي هيبقي جمبك ومش هيسبوكي وانا هبعتلك فريق بنات هينسوكي الدنيا كلها
اميره ببتسامه من بين دموعها : طيب هدخل ازي انا مش معايه مفتاح
لين بتفكير : طيب انتي فين دلوقتي بظبط قوليلي مكانك
اميره : انا قدام كافي.........
لين ببتسامه: كويس قريب من المستشفي ال بيشتغل فيها رامي روحي لعنده وانا هكلمو وهتصل ب مروه او شروق اعرف سيبين مفتاح البيت عند حد وال لا ولو مش سيبينه هنكسرلك البيت متقلقيش
اميره تضحك: ربنا يخليكي ليه يالين انا مش عارفه من غيرك كنت هعمل ايه
لين بتتسامه : ويخليكي حبيبتي يلا روحي وانا هكلم رامي حالا ااااه اميره بعد ما اقفل اقفلي تلفونك علي طول و اشتري خط تاني
اميره بستغراب : ليه
لين : عشان متاكده ان سليم اتصل بيكي وهيتصل تاني لو لقي تلفونك مفتوح هيطمن شويه وانا عاوزه يفضل قلقان عشان نضغط عليه باختفائك ويروح لاسلام
اميره : حاضر
لين ببتسامه : يلا حبيبتي ربنا معكي
وتقفل لين مع اميره وتكلم رامي
رامي ببتسامه : حياتي لسه كنت بفكر فيكي
لين بضحك: قديمه ايه الجديد يعني ما انت علي طول بتفكر فيه
رامي يضحك اوي : اموت في الثقه انا
لين : بعد الشر متقولش كده تاني عشان مزعلش منك
رامي ببتسامه : لا ياقلبي كله ال زعلك
لين تتنهد بحب : وحشتني اوووووي
رامي : بت متجننيش والله اقوم اجيلك دلوقتي
لين تضحك : لا خالص خالص انت اصلا موحشتنيش خالص
رامي بضحك : ايوه عشان كده بتكلميني وانتي في الشغل دا انتي مبتعملهاش خالص
لين تخبط علي راسها وتضحك : ااااه انا نسيت انا مكلمك ليه صحيح
رامي : ليه هو مش انتي مكلماني عشان وحشتك
لين ببتسامه : لا طبعا وحشتني جدا دا انا هتجنن وشوفك دلوقتي قدمي واسكت بقي لانسا انا تصلت ليه تاني
رامي يتنهد اوي بحب : قولي يا مجنني
لين : اميره جيالك دلوقتي خليها عندك لحد ما اكلمك تاني
رامي بستغراب : اميره مين
لين : اميره مرات سليم يا رامي
رامي بستغراب : اميره مرات سليم هي رجعت وبعدين هتجيلي ليه
لين تتنهد بحزن : هقولك بس عشان خاطر خالي بالك منها
وبدات لين تحكي لرامي كل الحصل لاميره
رامي بضيق: لا حول وال قوة لا بالله هو سليم دا مبيتعلمش
لين : ربنا يشفيه يا رامي ويفوق لنفسه قبل فوات الاوان بس انا متاكده ان بعد اميره هيفوقو المهم خليها في المكتب لحد ما اتصل ب مروه اشوف مفتاح بيتهم فين
رامي : طيب ما تخليها في بيت ناناه احسن
لين : عشان سليم يعرف ويعمل مصيبه احنا لسه مش عارفين هو هيقبل يتعالج وال لا وبعدين دا ممكن ينزل مصر ويدور عليها وطبعا هيشك انها عند ناناه وقتها هيعمل مشكله اكبر معها ف لما يلقيها في بيته احسن واضمن ليها وانا مش هخلي البنات يسبوها وهخالي ناناه تبعت داد زينب تبقي تبات معها
رامي بحب : انا متجوز ملاك والله انا بحببببك اوي يا حبيبتي وبموت في قلبك الابيض الطاهر دا ربنا يخليكي ليا يا حبيبتي
لين ببتسامه : ويخليك ليه حبيبي
وتقفل لين مع رامي ويفضل رامي قعد في المكتب
شادي يخبط : تسمحلي ادخل يادكتور
رامي : تعال ياشادي
شادي يقرب ويعقد : دكتور رامي كان ليه طلب عند حضرتك
رامي يبصله باهتمام : خير ياشادي قول
شادي بارتباك : طبعا يا دكتور حضرتك عارفني وعارف والدي
رامي ببتسامه : ايوه طبعا دكتور نبيل استاذي وانت اخويه الصغير
شادي ببتسامه : متشكر يا دكتور طيب بعد ازنك انا كنت عاوز اتقدم للانسه سها لو مافيش مانع طبعا
رامي يفرح ويبتسم : لو الموضوع في ايدي فانا موافق بس الموضوع يخص عمي وسها وانا هكلمهم واخد رائيهم وابلغك وخير ان شاء الله
شادي ببتسامه: متشكر اوي يادكتورر
ووهم قعدين الباب يخبط
اميرة بكسوف : سلام عليكم
رامي وشادي يقوم يقفو
رامي ببتسامه : وعليكم السلام اتفضلي يا بشمهندسه
وتدخل اميره بكسوف وتعقد في المكتب ورامي ال خرج بعد ما اتصل بسميه ال كانت عند سلوي و جت ليها المكتب ورحبت بيها جدا
وفي دبي
طارق قعد في مكتبه وهيتجنن عمل يتصل بمروه وهي عمله ليه بلوك عامر دخل ليه
عامر : مستر طارق الورق دا عاوز امضه حضرتك
طارق بصله بضيق: انا مش همضي حاجه يا عامر وخرج دلوقتي ( بس يبصله) عامر استني ما تحاول تكلم بشمهندس امجد يقنع الانسه مروه ترجع الشغل اصل شغلها كان كويس ومظبوط
عامر : للاسف يا فندم مش هينفع ترجع
طارق بصله ورفع حاجب : مش هينفع ليه
عامر : لانسه مروه اشتغلت في شركه الشيخ ابراهيم سكرتيرة مكتب مستر فهد
طارق وقف بغضب : انت عرفت الكلام دا منين
عامر : حضرتك انا لسه راجع من الشركه كنت بجيب ورق وشوفتها هناك
طارق خبط علي المكتب بغضب وضيق
طارق بغضب وزعيق : طيب اخرج انت
ويخرج عامر وطارق فضل وقف شويه وبعدين واخد مفاتيح عربيته والموبيل وخرج
لين كلمت شروق وحكيت ليها كل الحصل بين سليم واميره وال حصل لاميره لما وصلت مصر
شروق بضيق : معقول سليم متجوزها بتفاق زي دا ومرات اخوها دي ايه معندهاش ضمير عشان تعمل كده فيها وبعدين عماد ازي يعمل كده في اخوته الوحيده دي مالهاش غيره (وتتنهد بحزن) هي هتلقيها منين وال منين
لين بضيق : الله يكون في عونها المهم يا شروق اميره دلوقتي ملهاش مكان وال حد غيركم و انا بكلمك عشان عاوزه مفتاح بيتكم في المنصوره اميره ملهاش مكان تعقد فيه غير هناك انا ممكن اخليها تروح عند ناناه وهم هيفرحه بيها جدا بس انتي عارفه اخوكي لو عرف انها في بيت ناناه هيعمل مشكله كبيره
شروق بضيق: عارفه طبعا ربنا يهديك يا سليم بس هي هتعقد لوحدها اخاف عليها ما تخليها ترجع هنا احسن وتبقي وسطنا
لين : مش هينفع يا شروق اميره بعدها دلوقتي في مصلحت سليم لانه دلوقتي منهار وخايف واختفاء اميره ودا هو ال هيساعده يروح يتعالج بس لازم ميعرفش هي فين ويفضل قلقان عليها اوعي يعرف يا شروق ومتخافيش علي اميره انا مش هخالي البنات يسبوها وداد زينب هتبات معها
شروق تتنهد : متشكره يا لين بجد انا مش عارفه ارد جميلك ووقفك معنا دا ازي بصي المفتاح عند طنط ام محمود ال في العماره ال جمبنا مروه اديتها المفتاح قبل ما نسافر عشان بتوع المايه والكهرباء لما يجو هي تفتحلهم انا هكلمها دلوقتي وهعرفها وهخليها تدي اميره المفتاح
لين : اوكي وانا هخالي رامي يروحها دلوقتي وهخلي البنات يفضله معها بس شروووق اوعي سليم يعرف
شروق : متقلقيش مش هيعرف لازم سليم ياخد درس عشان يفوق بقي
وقفلت شروق واتصلت ب ام محمود وفهمتها ورامي وصل اميره وكان في استقبالها قدم البيت رشا وسيلا ال قبلها بحب وطيبه وفضلو معها واخدها اتغديت مع العيله ال رحبو بيها جدا واميره وسطهم محستش انها غريبه
في شركه الشيخ ابرهيم مروه كانت قعده علي مكتبها وبتشتغل بس حست بحد واقف قدمها فرفعت عنيها لقيت طارق ال اترسمت علي ملامحو نظره وابتسامه كانت مروه اول مره تشوفهم بس خلو قلبها يدق جامد
مروه ترسم البرود علي وشها : افندم حضرتك عاوز ايه
طارق يعقد قدمها : عاوزك
مروه اتصدمت وبصتله بضيق
مروه بضيق : هو حضرتك فاضي وجي تهزر هنا اتفضل لو سمحت دا مكان شغل
طارق ببتسامه : مروه انا مش بهزر انا عاوزك عاوز اتجوزك توافقي تجوزيني
مروه قلبها دق بخوف وألم: لا مش موفقه واتفضل بقي لو سمحت
طارق اتصدم من ردها الصريح : مش موفقه ليه انتي فكره اني بهزر او بلعب بيكي صح لا والله يا مروه انا بحبك وعاوز اتجوزك وكمل حياتي معكي
مروه عينها دمعت وبقيت مخنوقه بس بدري: انت لو اخر واحد انا مش مكن اتجوزه
طارق بضيق: مروه انا عارف رائيك فيه بس انا والله اتغير وبتغير وهبقي احسن وزي ما انتي عاوزه بس خليكي جمبي وساعديني اتغير مروه انا بجد بحبك ومحتاجك جمبي
مروه كانت مصدقها وحسه بيه وبحبه بس جوها الم وجرح من نفسها
مروه بحزن بدريه : مستر طارق لو سمحت دا مكان شغل وانا قولت رائي في طلبك فلو سمحت بقي تمشي وتسيبني اشوف شغلي
مروه قالت كده ورحت بصه في الكمبيوتر قدمها وعملت نفسها بتكمل شغلها طارق وقف بغضب وضيق وبصلها بحزن ورح خارج من المكتب واول ما خرج
مروه لنفسها بدموع وهي بصه مكان ما خرج : انت عاوز تتغير وعاوزني اساعدك وانا كده بساعدك لان لو اتجوزتني وعرفت حقيقتي هتبقي أسوء من زمان بكتير
في الكويت عدي كان نايم في المجلس والاء دخلت عنده وقعدت قدمو وفضلت تبص عليه بحب فهو وحشها وبحب حطت ايدها علي شعره فصحي
الاء ببتسامه : اسفه عدي صاحيتك سامحني كنت وحشني
عدي بضيق يزق ايدها : انتي ايه ال جابك هنا
الاء بحزن : جيت استسمحك واعتذر منك انا اسفه مارح عيدها وعالي صوتي ابدا بليز عدي سامحني وارجع الجناح
عدي ببتسامه خبيثه : انا هرجع علي جناحي الجديد مع عروستي
الاء وقفت بغضب: عروستك ازي يعني
عدي وقف : عروستي الجديده ضرتك ال هجيبها تكون ست فوق راسك
الاء بغضب وزعيق : انت اكيد اتجننت انت عاوز تجوز عليا
الاء خلصت كلامها وما حستش غير باقلم قوي جدا وقعها علي الارض
عدي قرب منها وخانقها : انا اتجننت بتقلي ادبك عليا وتطولي لسانك انا لو اتجننت ف دا كان يوم ما تجوزتك يالبومه
الاء كانت بتعيط وحسه انا روحها بتروح بسبب ايده ال خنقها
الاء بصوة مكتوم : عدي سيبني بموت
عدي سبها بس بعد ما ايده علمت علي خدها ورقبتها
عدي بغضب: ياريت تموتي بجد بس موبايدي مش هضيع حالي عشان بومه مثلك
ويقوم ويخرج من المجلس ويسيبها وقعه علي الارض بدموع وانهيار
الاء بدموع : كل دا عشان بتحبها شايفني بومه عشانها بس انا هبعدها انا مش هسيبك تروح مني انا مليش غيرك
في دبي مروه كانت خلصت شغل ونزلت عشان تروح ولسه بتفتح باب العربيه وهتركب طارق قرب ومسك الباب
طارق بحزن بصلها : مروه انا هعتبر نفسي مسمعتش ال قولتيه فوق في المكتب وهسيبك تفكري بس ولو سمحتي يا مروه متستعجليش في حكمك و اديني فرصه اثبتلك اني اتغيرت (ويبصلها بحب) مروه انا بحبك بجد ومحتاجك جمبي
مروه بصت لعينه وشافت الحب قلبها وجعها اوي
مروه بدموع مكتومه : ممكن تسيبني امشي لو سمحت
طارق بحزن : هسيبك تمشي بس ارجوكي فكري واديني فرصه
طارق قالها كده ووقف شويه يبصلها وشاف دموعها ال فكرها خوف منه ليجرحها
طارق ببتسامه : متخافيش انا عمري ما هجرحك وال العب بمشاعرك لاني بحبك جدا
طارق قال كده وبعد عن العربيه وهي فتحت وركبت ومشيت بسرعه ودموعها نزلت منها اول ما اتحركت بلعربيه
مروه طلعت تلفونها وكلمت لين
مروه بدموع : لين انا محتاجه اتكلم معكي انتي فين
لين بقلق : في المشروع بتعيطي ليه يامروه مالك
مروه بحزن : انا هجيلك استنيني
لين : اوكي هستناكي
لين تقفل التلفون وتتنهد
لين لنفسها : هو في ايه النهارده الكل عمل يعيط ويكلمني والله انا ال هعيط
ونسيب لين مستنيه مروه ونروح عند سليم
سليم بعد كلام لين مشي وروح البيت وكان مضايق ومخنوق وكل شويه يتصل باميره كان حاسس انه محتاجه جدا بس تلفونها كان مقفول ففضل قعد في البيت علي امل انها ترجع وطول ما هو قعد فضل كلام لين في ودانه عمل يسمعها وهي بتقوله وبنتها تموت بسببك ودموع بقيت بتنزل فقام بسرعه وخرج من البيت وركب عربيته وفضل ماشي بيها
مروه رحت للين واخدتها وراحو قعده في مكان هادي لوحدهم
لين ببتسامه : هاااا يا حبي اعترفي بقي
مروه بقلق : اعترف بايه
لين ببتسامه : مش انا جيباني في المكان الهاد الجميل دا لوحدينا وعاوزه تعترفيلي بحبك ليه يلا اعترفي بقي
مروه تضحك اوي ولين تبتسم
لين : ايوه هي دي ال كنت بدور عليه ضحكتك
مروه ببتسامه : تعرفي انا عمري ما تصورت ان احنا ممكن نكون اصحاب وتبقي اول حد يجي في بالي لما اكون مضايقه
لين ببتسامه : طيب قوليلي بقي ايه ال مضايقك
مروه تتنهد بحزن : طارق جالي النهارده الشغل
وبدائت تحكي للين كل ال طارق قالو ليها مرره كانت بتكلم بمشاعر مختلفه فرحه وحزن وخوف ودموع وندم وكل دا كان وصل للين ال مافهمتش سببه ايهوبعد ما خلصت
لين ببتسامه : حسه من كلامك انك مصدقاه واحساسه وصلك
مروه بضيق : ايوه حسيت انه صادق وانه فعلا بي(وسكتت وغمضت عنيها
لين بستغراب: بيحبك ليه مش عاوزه تقوليها
مروه بدموع : عشان مينفعش
لين : لو خايفه انه يكون بيلعب بيك او بيتسلي ادي لنفسك فرصه تتاكدي مشاعره حقيقه وال لا
مروه بدموع : المشكله فيا انا مش فيه هو ال لو عرف حقيقتي هيتغير وهيندم وهيرجع اسؤء من الاول
لين بعدم فهم : حقيقه ايه يامروه لو بتكلمي عن زمان فانتي اتغيرتي جدا وندمتي وبقيتي انسانه جديده وبعدين هو ملوش دعوي بلماضي
مروه بحزن: في حاجات مقدرتش اغيرها ومش هينفع اخبيها عنه
لين : حاجات ايه يامروه
مروه بدموع وحزن شديد بدات تحكي للين كل حكايتها زمان وحكايتها مع حسن وجوزها العرفي ال محدش يعرفه غير شروق لين كانت بتسمعها بصدمه وحزن
مروه بنهيار : انا زمان كنت يدور غلي اي حد يحبني ويكون حنين عليه عشان كده صدقت حسن ووثقت فيه وكنت خايفه يبعد عني عشان كده اتجوزته عرفي انا والله كنت فاكره وقتها ان دا حلال واني مبغلطش وانه جوزي لحد ما سابني واتخلي عني بس لما شروق عرفت رحت ليه واترجيته انه يوثق العقد عند محامي ويطلقني بعدها بس يبقي موثق وهو طلب فلوس وان محدش يعرف ويفضل في السر شروق قالت يبقي معايه عقد موثق عشان لو حصل واتجوزت يبقي اثبات رسمي اني متجوزه وعشان ميبقاش حرام اني اتجوز علي اني بنت. انا مش ( وسكت وعيطت جامد)
لين تتنهد : اهدي يامروه والحمد الله ان شروق عملت كده
عشان يبقي جوزك موثق ورسمي
مروه بدموع : مهو موثق بس محدش يعرف وطارق لو عرف عمره ما هيقبل وهيبقي اسوء هو فكريني غير الستات ال كان يعرفهم
لين تتنهد وتسكت شويه : احكيله يا مروه احكيله زي ما حكيتي ليه ويبقي دا الاختبار الحقيقي لمشاعره ليكي لو بيحبك هيقدر الظروف الكنتي فيها ولو مشاعره مؤقته يبقي الحمد الله انه ظهر علي الحقيقه وربنا كشفو
مروه بدموع : مش هقدر صعب يا لين
لين : يا مروه معشيش في ذنب الماضي ادي لنفسك فرصه تبدائي من جديد وادي لطارق فرصه لو كان حبه حقيقي متخسرهوش هو كمان ليه اخطائه وطلب انك تسامحيه احكيله يامروه وسلمي امرك لربنا هو يكتبلك الخير
مروه تسكت وتتنهد ويعقده شويه ويقومو يروحو ومروه بتفكر في كلام لين
اسلام قعد في مكتبه بليل متاخر وبيقراء وسمع صوت خبط علي باب المنتجع فقام فتح لقي قدمه سليم في حاله انهيار عنيه حمره زي الدم ومش قادر يقف وساند علي الباب
سليم بتعب ودموع : ممكن تساعدني لوسمحت انا عاوز اتكلم كتتتتير اوي
اسلام قرب منه وسنده ودخله وقفل الباب
اسلام وهو سند سليم : ادخل ارتاح ونام وبكرا هنتكلم
سليم بتعب : انا عاوز انام بس مش عارف لين عمله تعيط عشان بنتها ماتت (ويكمل بدموع) واميره سبيتني انا جرحتها وهي سبيتني وكانت بتعيط وانا السبب انا ال خليتهم يعيطو
سليم كان بيتكلم واسلام سنده وماشي لحد ما وصل لجناح ودخله ونايمه علي السرير
اسلام ببتسامه : استريح دلوقتي وانا هجييلك دواء هيهديك وينيمك والصبح هتكلم انا وانت زي ما انت عاوز
ويخرج اسلام ويرجع بعد شويه ومعه تترنج لسليم ودواء وساعده انه يغير هدومه ونام وخرج وراح مكتبه وفتح ملف باسم سليم وبداء يكب ملاحظات
وتاني يوم صحي سليم وبص حاوليه وقعد شويه لما افتكر هو فين وقام وقف بص من بلكونت اوضته شاف اسطبل الخيل والمنظر قدمه ( سليم كان في نفس الجناح ال كانت فيه لين) حس براحه وفتحه وخرج يتمشي وقعد يتفرج علي الخيل قرب منه اسلام وهو مبتسم
اسلام : صباح الخير
سليم ببتسامه : صباح النور
اسلام يمد ايده ليه : ملحقناش نتعرف امبارح انا اسلام
سليم يسلم عليه :انا سليم واسف علي الطريقه اني جيت امبارح متاخر وازعجتك
اسلام ببتسامه : انا كنت سهران متعودتش انام بدري
ويقعد اسلام علي العشب ويعقد جمبه سليم ويعقده يتفرجه علي الخيل وهم ساكتين شويه
سليم يبصله : تحب نروح مكتبك ونبداء
اسلام يبسم : لا احب تعقد هنا تستريح وتهدي وتاخد اجازه المكان هنا هادي ومريح ومافيهوش ازعاج ارتاح من كل حاجه حتي التفكير اعمل بس مكلمه بشغلك وخد اجازه وباهلك طمنهم وعرفهم انك هتغيب يومين وبعدها اقفل تلفونك وافصل عن كل ال حاوليك ولما تحس انك عاوز تكلم هنتكلم
سليم ببتسامه : متشكر اوي
اسلام يبتسم ليه ويسكت ويفضله قعدين سوا من غير اي كلام لوقت وبعدها اسلام رح شغله وسليم اتصل بشركه طلب يبعته مهندس تاني المشروع واخد اجازه وكلم شروق وطمنها عنه وقالها انه مسافر فتره وهيرجع بس هي حست انه رح لاسلام ففرحت وفضلت تدعيله
فات اربع ايام من غير احداث لين ورامي في شغلهم وحياتهم بدات ترجع طبيعيه وهاديه بعد ما بعيد طارق وسليم ودينا عنهم وسابوهم لحبهم ولين رحت مع فؤاد لدكتوره وبقيت مرتاحه اكتر بوجوده معها وهو بيخفف عنها الم الحقن والتعب بحنيته وطيبته ودمه الخفيف
اميره عيشه في بيت سليم وفي اوضته وبتدعي ربنا يجمعها بيه وسيلا والبنات مش سيبنها لوحدها والجده حبيتها وبقيت تعملها علي انها بنتها واميره لقيت حنان مامتها ال افتقدته فيها
سليم واسلام قربه من بعض وبقي اصحاب واسلام خلي سليم يشارك في المنتجع وبقي يهتم بلخيل والزرع وكل يوم بيفطرو سوا ويفضله يتكلم كلام عادي ويضحكو
وصلنا ليوم الاربعاء مروه كانت خلصت شغل ونزله مروحه لقيت طارق وقف مستنيها جمب عربيتها
طارق ببتسامه : ازيك يامروه
مروه بهدوء : الحمد الله
طارق ببسامه وحب : انا سيبتك الفتره الفاتت تفكري واتمني انك تكوني فكرتي وقبلتي تديني فرصه اثبتلك اني اتغيرت
مروه تتنهد وتطلع من شنتطها سي دي وهو يبصلها مستغرب
مروه بكسوف : انا كان المفروض اني اقعد واتكلم معك بس صدقني صعب عليه اقول الكلام ال المفروض اقوله وانت تعرفو وانت قعد قدمي فقررت اسجل ليك كل حكايتي من اولها وقولت لو جيت تاني وطلبت نفس طلبك هديهولك تسمعو ( وتبصله وعينها كلها دموع) انت طلبت اديك فرصه تثبت انك اتغيرت اسمع دا وبعدها لو حبيت تثبتلي انك اتغيرت وندي لبعض فرصه هستناك بس لو غيرت رائيك اتمني انك تدي لنفسك الفرصه انك تتغير وتكون انسان احسن
طارق اخد ال سي دي ووقف بصص ليها وهو مش فاهم حاجه ومروه ركبت ومشيت وهي جوها خوف ورضي عن تصرفها
طارق رح لبيته ال عايش فيه لوحده وفضل. ماسك ال سي دي وبيبص عليه جوه حاجه بتقوله يسمع وجوه خوف انه يسمع ويخسر حبو بس قرر انه يسمع
وصلنا ليوم الخميس ولين صاحيه بدري وجهزت ورحت للمطار واول ما وصلت الكويت وخرجه من المطار
عدي ببتسامه : حمدالله علي السلامه
لين بستغراب : عدي! انت ليه هنا شوشو قالت هتبعت السائق
عدي ببتسامه : السائق رح ما امي عند خالتي الصبح بدري ف شوشو ملقيتش قدمها غيري طبعا تبعته
لين ببتسامه : ميرسي عدي بس ممكن تروح انت شغلك وانا هاخد تاكسي مافيش مشكله مطعتلش نفسك
عدي ببتسامه ويفتح باب العربيه : لا طبعا انا هوصلك واهو فرصه اهرب من الشغل واترحم من عمك حمد
لين ببتسامه : قول بقي ان انت ال عاوز تهرب وتروح ل ألاء بس انسي انك تاخدها منا انا بقالي كتير مشفتهمش
عدي بضيق من اسم الاء بس ابتسم : طيب اركبي عشان منتاخرش
وتركب لين العربيه ويمشي عدي ل الشاليه وفي العربيه
عدي وهو بيبصلها : عمله ايه يا لين
لين ببتسامه : الحمد الله انتم اخبارك ايه
عدي : بقيت بخير لما شفتك
لين تبصله : وعمل ايه مع الاء انا حسها زعلانه بقالها فتره
عدي بضيق يودي وشه الناحيه التانيه ولين تبصله اوي
لين : عدي انت عارف اني بعتبركم اخوتي انت وطلال زي امير بظبط احنا نعرف بعض من واحنا اطفال وعشان كده هسمح لنفسي اتكلم معك ( وتتنهد) الاء طول عمرها بتحبك اوي وانت عارف ان ملهاش حد وبعد موت مامتها وجوز بابها بقيت وحيده في بيتهم وانا ووشوشو وصافي كنا اقرب حد ليه بس لما اتجوزتك بقيت انت كل دنيتها انا عارفه انك مشغول بشغلك بس الاء واولادك ليهم حقوق عليك اديهم من وقتك واهتم بيهم الاء شويه اهتمام بس هيسعدوها ووقتها هي هتعمل كل ال هتقدر عليه عشان تسعدك و هتلقي راحه في بيتك وحياتك معها
عدي بضيق بس بيدريه وابتسم : ان شاء الله يا لين هحاول افضي نفسي ليهم (ويبصلها) طيب قوليلي بقي وبصرحه انت اجوزتي رامي عن اقتناع وال عشان ترضي عمي فؤاد
لين تبتسم : لا متجوزتش علي اقتناع (عدي فرح بس لين كملت) انا اتجوزته عن حب وعشق رامي هو احلي حاجه حصلت في حياتي
عدي بغيظ : ما انتي كنتي بتقولي كده عن سليم
لين بضيق : هو انت ليه دايما مصر تشبه رامي بسليم انا مشاعري لسليم كانت مشاعر طفله كنت صغيره ومش عارفه احكم واختار صح لكن رامي انا اختاره بعقلي ووصل لقلبي اخترته وانا ناضجه وخرجه من تجربه قاسيه يعني مش هدخل تجربه تانيه غير وانا واثقه انها هتنجح ( وتبصله) انا اخترت رامي وعارفه ان حياتي معه هتكون ناجحه جدا حتي لو ربنا مرزقنيش باطفال
عدي يسكت شويه وبعدين يبصلها : ربنا يسعدكم يالين
عدي ولين وصله لشاليه فعدي خاف حد يشوفه
عدي : ايه رائيك تدخلي من باب المطبخ وتخضيهم
لين ببتسامه : اوكي بقالي كتير معملتش فيهم مقالب
ويدخل عدي من ورا الشاليه وتنزل لين وينزل عدي ويديها شنتطها وتقف تشكره بس الاء للحظ كانت في المطبخ وشافتهم من الشباك وشافتهم بيتكلمه ويضحكه واول ما لين دخلت خرجت بسرعه بره المطبخ ورحت لشوشو وصافي
لين دخلت تتسحب واول ما دخلت الصالون خضيتهم وطبعا ال اتخض كان شوشو ووصافي وشوشو وقعت عصير علبها
شوشو بخضه : يقطع ابليسك يا لين انتي طلعتي منين
لين بضحك عاليه : انا ممكن اطلعلك من اي مكان انا من الجن
صافي بفرحه تجري لحضنها : تعالي يا جني وحشتيني اووووي
لين تحضنها اوي : وانتي اكتر يا حبيبيتي
شوشو ببتسامه وهي بتحضنها : ايه الحلي دا كله هي دبي بتحلي كده
لين ببتسامه وتتصنع الغرور : انا طول عمري حلوي يا حبي
وتبص ل الاء ال ظاهر عليها الضيق وتقرب منها
لين بستغراب : وحشتيني لولي
الاء ببرود : حمدالله علي السلامه
الكل يستغرب بردها وردها بس لين فكرتها متخانقه مع عدي وزعلانه
لين ببتسامه : الله يسلامك حبيبتي
ويعقده شويه ضحك وهزار وطبعا دا كان بين شوشو وصافي والاء والكل كان ملاح تغيرها وبعد ساعه
الاء بضيق : انتي جيتي لهنا ازي لين
شوشو بصتلها بغيظ وكانت هترد بس لين سبقتها
لين ببتسامه : شوشو بعتتلي عدي المطار وهو وصلني
الاء تبص لشوشو بغضب وشوشو تتصدم
شوشو بصدمه : انا بعت السائق مش عدي
لين بستغراب : عدي قال ان السائق رح من طنط ام طلال عند اختها فهو ال جيه
الاء بغظ وغضب : وهو عرف معاد طيارتك منين اكيد انتي قولتيله
لين تبصلها بستغراب : انتي دي تقصدي بيها مين بظبط
صافي بسرعه : اكيد تقصد شوشو طبعا
الاء تقف بغضب : لا اقصدك انتي يا لين هانم
لين تقف بصدمه : وانا هقوله امتي وازي يا الاء
الاء بغضب : اكيد بتكلميه تلفون وقولتيله (وتبصلها بغضب) ويمكن يكون جالك دبي وببتقابلو
لين بغضب : الاء انتي اتجننتي انتي ايه ال بتقوليه دا (وتبصلها بصدمه) انتي بتشكي فيه غيرانه علي عدي مني مني انا الاء
شوشو بسرعه : لا لين اكيد الاء متقصدش كده
الاء بغضب ودموع مكتومه : لا اقصد وعاوزه اعرف هو عرف معاد طيارتك منين وجالك واخدك ووصلك وجابك من الباب الخلفي عشان محدش يشوفكم بس الله ارد اشوفكم واكشفكم
صافي بغضب : الاء اخرسي بقي
لين بصدمه : يكشف ايه هو قالي ادخلي من وره خضيهم (لين بدموع مكتومه) الاء انتي شكه فيه شكه اني في حاجه بيني انا وعدي الاء عدي طول عمره زي اخويه
الاء ودموعها بدات تنزل بس غضبانه : بس انتي مش زي اخته عمره ما شافك اخته طول عمره بيحبك (لين بصتلها بصدمه اكبر)
شوشو بغضب : وهي زنبها ايه عاوزها تعمل ايه
الاء بغضب :عاوزها تبعد تبعد عنه
لين ودموعه بدات تنزل : ابعد عن مين؟ انا مش قريبه منه عشان تبعد انا ما بشفش عدي او طلال او يزيد غير معكم انتم ( وتبصلها بغضب) غيرانه و شكه فيه بقي وشايفه بيحبني زي ما بتقولي يبقي ابعديه هو
الاء بدموع وغضب وزعيق: هو مارح يبعد هو بيحبك طول عمره بيحبك مفكرش يتجوزني غير لما انتي اتجوزتي سليم زمان فكر فيا عشان صحبتك عشان يفضل قريب منك انا بعرف من زمان هو قد بيحبك ودايما بيفكر فيك حتي بعد ما تزوجني وجيبت ليه اولاد قلبه مش معي قلبه معك انت لما اطلقتي رجعله الامل تاني انك ترجعيله ولما تزوجتي رامي جني جنونه ولما عرف انها بس ملكه مش زواج بقي عنده امل تحبيه وتسيبي رامي وترجعيله دايما عاوز يقرب منك (الاء شافت دموع لين ال نزله وصدمتها ال ظاهره فزعلت وهديت شويه ) لين انا عارفه انك ما لكيش ذنب وانك بتعمليه متل ما بتعاملي طلال ويزيد بس هو لا هو بيحبك مش شايف غيرك لين
لين بدموع وزعيق : وانا ذنبي ايه جيه تحسبيني انا ليه روحي حسبي جوزك جيه تكلميني انا عاوزني اعمل ايه يا الاء قوليلي اعمل ايه عشان ترتاحي
الاء بدموع : تبعدي ابعدي عن حياتنا لين سيبي الكويت ومتجيش هنا تاني وابعدي عنا وانسينا وامشي من هنا
شوشو بغضب : ليه ليه هي ال تبعد ليه انتي ما تسبيش عدي مدام مش سعيده معه ومش قادره ترتاحي هي ليه تدفع تمن زوجك منه انتي تزوجتيه وانتي بتعرفي بحبه لوحده غيرك ودا غلطك انت اطلقي انتي منه وتركيه وعيش حياتك من غير اهانه وزل
الاء بكسره ودموع : ما قدرش ما بقدرش اتركه
صافي بغضب : ليه ليه ما تقدريش هو كل يوم بيجرحك ويهينك ويخونك ليه متبعديش عنه
الاء: عشان انا ضعيفه انا مش قويه (وتبص للين بدموع وضعف) انا مش قويه زيك لين لما اطلقت قدرت تفوق وتنجحي وتتحبي مر تاني وتتزوجي مره تانيه انتي قويه مافيش شيء بيكسرك انا مش زيك لين انا مافيني بدون عدي ما فيني اتركه وبعد عنه حتي وهو بيخوني كل يوم مع حد حتي وهو بيحبك وما بيفكرش غير فيك ( وتبصلها يكسره) انا اهلي ما رح يساعدوني زي اهلك انا مش زيك انتي مش نقاصك شيء عندك كل شيء جميله ومتفوقه وناجحه وعندك شركتك واهلك وزوجك ال بيعشقك عشق ( وتبص ليها بغضب) انتي منتظره ليه ما بتم زوجك من رامي روحي لجوزك واتركينا بحالنا ليه ما بتم زوجك وتبعدي عنا عشان ينساكي روحي لزوجك وتركينا ليه تركه لزوجكك
لين بدموع وحزن : لاني بتعالج الاء و خايفه خايفه الاء خايفه تم جوزي قبل ما اتعالج واعرف الناتيجه بتتحسن وال لا خايف اتعالج وانا مع راميشوف كسره او حزن في عيونه وعاوزه اتعالج عشانه هو عشان خايف يمر بينا العمر وحبه يقل من الملل و والوحده والهدوء ال في بيتنا عشان من غير اطفال خايف عليه مني ( وتبص ليها بدموع وانهيار) انتي شايفني قويه الاء انتي معيشتيش ال عيشته انتي فكره انها سهله نظرت جوزك وغيره ليه وهم شايفين نزوه ووحده سهله و اي حد ممكن يقضي معه وقت وميخافش انها تخلف او تهد بيته انتي فكرها سهله وانا شايفكي انتي صاحبة عمري وانتي خايفه علي جوزك وبيتك مني شايفه سهله وانا كل ما اتصل بيكم فيديو حماتكم تخبي اولادكم مني ومترضاش اني اكلمهم لاحسدهم عشان انا ممكن ما جيب ولاد ( وتبصلهم بضيق ودموع) انتم فكرني مش فاهمه فكرني مش حسه ليه جيبتوني هنا بره بيتكم بعيد عن ولدكم فكرني مش شايفه خوف ام طلال علي احفادها مني كل ما بكلمكم وهي قعده ( وتنهار بدموع) انتي شيفاني ناجحه وقويه وقدره اقف ومتعرفيش ان كل دا انا بداري بيه عجزي وخوفي اني مكنش ام متعرفيش اني بهرب كل يوم من رامي ال بقي مفكر اني هروب عشان مش بحبه وندمنه علي جوزي منه وميعرفش اني خايفه عليه ميعرفش اني بحاول اتعلاج ونجح نسبة اني اجيب اطفال عشان هو يكون اب وميتحرمش من الاحساس دا انا مش عاوزه نجاح والشركات والتفوق والجمال ال بتقوليه عليه الاء انا عاوزه ارجع لين عاوزه روح لجوزي وابداء حياتي وجيب ولاد زيكم وعيش حياتي ليهم مش عاوزه شوف نظرت الفريسه في عيون جوزك واي راجل غيره ( وتسكت وتتنهد وبدموع تبص عليها وتشوف خوفها علي جوزها وبيتها منها ) بس عارفه حاضر يا الاء انتي صح انا هبعد عنكم هنسي ان ليه اصحاب كانو اكتر من اخواتي في يوم من الايام هبعد عنكم عشان حياتكم متدمرش بسببي
وتاخد شنطتها وتقوم وهي منهاره بس صافي وشوشو ويجري عليها بدموع ويمسكها
شوشو بدموع : لا ما تتمشيش لين ما تبعديش عنا
صافي بدموع : انتي مغلطيش هي ال غلطتة هي عاوزه تبعد تبعد هي مش انتي لين
لين ببتسامه حزين ودموع : لا انا ال هبعد انتم خليكم معها وجمبها هي محتاجك ( وتبص ل الاء بتريقه) انا قويه لكن هي ضعيفه
وتسيبه وتخرج وهي منهاره وهم كمان فضله ينادو عليها بدموع وصريخ والاء وقعت علي الكرسي بنكسار وحزن وضعف
لين خرجت وهي مش مصدقها ال سمعته وال ال حصل وقفت تاكسي بسرعه وركبت
السائق : علي فين
لين بدموع تسكت وتبصله : المطار
لين وصلت المطار وحجزت وفضلت قعده في المطار بحزن وتعب وشوشو وصافي بيتصله بيها بس هي مرديتش عليهم وجي معاد طيارتها وركبت
وفي المستشفي رامي قعد في مكتبه وبيجهز عشان مروح لقي الباب بيخبط
رامي : ادخل
لين دخلت وكل وشها دموع وهو اتصدم لما شافها
رامي بصدمه : لين
لين بدموع وانهيار : محتاجك اوي
رامي جري عليها واخدها في حضنه اوي
تفتكرو لين هتقول لرامي عن الحصل وهيكون رده ايه عليها نعرف كمان شويه 😉
تكملة الرواية بعد قليل
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق