رواية اليتمتان الفصل الثامن والتاسع بقلم ولاء يحيي حصريه في مدونة قصر الروايات
رواية اليتمتان الفصل الثامن والتاسع بقلم ولاء يحيي حصريه في مدونة قصر الروايات
💗💗 (اليتمتان)💗💗 #بقلم_ولاءيحيي
البارت الثامن والتاسع
طلع النهار والبنات وحكمت فضلوا نايمين في حض بعض... لحد بعد الظهر ...فاطمة كانت صاحيه وقعده مستنيهم
حكمت :صباح الخير يا تيته...
فاطمة بزعل :صباح النور
حكمت بستغراب :خير يا تيته زعلانه ليه
فاطمة تبص ليها :قومي بصي لعينكي في المرايا وانتي تعرفي... هو دا اللي اتفقنا عليه يا حكمت ... مش قولنا ننسى... قعده طول الليل تحكي للبنات.. وتنامو معيطين كلكم
حكمت بابتسامة : ياريت النسيان بأيدينا ... ( فاطمة بصت ليها بزعل فحكمت قامت وقفت وراها حضنتها وباستها ) وبعدين انا عاوزه افهم سمعتنا ازي... هو انتي كنتي نايمه.... واللي انتي عملتي نفسك نايمه وقعدتي تتسمعي علينا يا بطه....(وتمسك خدودها تقرصها بهزار) انتي بتلمعي أوكر يا بطاطا ...#بقلم_ولاءيحيي
فاطمة تشهق وتضربها بغيظ : المع أوكر! انا يا بت بلمع أوكر.
حكمت تبعد عنها وتضحك : بهزر معاكي يا بطوطة
اميره وندا خرجو من الاوضه :صباح الخير
حكمت وفاطمة :صباح النور
(فاطمة لقيت ندا لبسه الطرح على رأسها)
فاطمة يتصنع الغضب : بت يا ندا انا مش قولتلك متلبسيش الطرحه في البيت... هو انا كلامي مبيسمعش قوم اكسر دماغك دلوقتي
ندا بابتسامة : لا يا تويته والله بيتسمع... بس انا لبسها عشان كنت بصلي
فاطمة بابتسامة :ااااه.... شاطره يا ندي تقبل الله يا حبيبتي (وتبص لأمير) وانتي يا اميره صليتي
ندا تضحك وأميره تكسف اوي وحكمت وفاطمة بصو ليهم بستغراب
فاطمة بستغراب : مبترديش ليه..... صليتي؟
اميره بكسوف : لا يا تيته... اصلي مش بصلي
فاطمة وشها كشر وغضب وبصت لحكمت اللي مستغرابه
فاطمة بغضب :مش بتصلي يعني ايه ... تبقى مسلمه ازي من غير صلى.... دي الصلاة اول حاجة ربنا هيسالك عليها يوم القيامة .... هتقبلي ربنا يومها ازي وانتي مبتصليش ....هتقولي ايه انا كنت بكسل يارب اني اقوم اصلي وأقف بين ايدك....استغفر الله العظيم... عاوزه ربنا يصلح حالك ويكرمك وتنجحي ازي من غير صلى.... عاوزه ربنا يسترها معاكي ويحميكي وانتي مش بتصلي .... (وتبص لحكمت بغضب) وانتي يا ست الأستاذة ... ازي سيبها لدلوقتي من غير ما تكون بتصلي.... وعمله تقولي دول بناتي وانا أمه... هي في ام متخافيش على عيالها... انتي مش عارفه ان ربنا قال علموهم من سبع وضريهم بعشر... عندها كام سنه الشحطه دي دلوقتي... استغفر الله العظيم ...ذنبها في رقبتك يا حكمت.... انتي اللي مسؤله قدم ربنا عنهم... (اميره وحكمت كانوا بيحاوله يتكلمو... بس فاطمة مش مدى فرصه لحد وغضبانه وبتكلم بسرعه... وندا عمله تضحك... واميره تخبط فيها )
ندا بصوة عالي وضحك :استنى بس... يااااتيته
فاطمه بغضب : عاوزه ايه انتي كمان
ندا بضحك : يا تيته اميره مش بتصلي الايام دي بس (وتبص لاميره اللي اتكسفت) أصلها عندها... عندها ظروف
فاطمة بستغراب : ظروف ايه دي ( وسكتت لما فهمت قصدها ... ورحت ضاحكة اوي وهم ضحكوا على ضحكها)
فاطمة بضحك : مش تقولو كده... يخيبكم عيال.... معلش بقى اصلي نسيت الحاجات دي
حكمت بضحك : يااااسلام.... بقي كل اللي عملتيه دا وفي الاخر تقولي معلش... دا انتي دخلتينا النار.. لااااا احنا زعلانين.... انتي لازم تصلحينا... وتعملي لينا حاجه حلوه... صح يا بنات
البنات :صح يا ابله
فاطمة بغيظ تقلدهم : صح يا ابله... امشي يا بنت انتي وهي وهي من هنا.... انا مش هعملكم حاجه... وبعدين انا قولت ايه غلط.... ماهو انتي اللي مسؤوله عنهم قدم ربنا... وانا خوفت تكوني قصرتي معهم... دول بقى بناتك واحفادي ... خوفت عليكي وعليهم ... وبعدين انا اللي زعلانه منكم... عشان قعدتي تفتكري اللي فات وتعيطو.. وانا لما بتعيطو قلبي بيوجعني... (وعينها تدمع) وجعتي قلبي.. وافتكرت ابوكي وامك... وانتي لما كنت هتروحي ما بين أيدي... حسبي الله ونعم الوكيل
حكمت قامت بسرعه حضنة جدتها.. وندا واميره.. نزلو قعدو على الأرض قدمها
اميره وندا يبوسها :متزعليش يا تيته حقك علينا والله ما هنتكلم في الموضوع دا تاني
حكمت :حقك عليا يا تيته...متزعليش مني بس أوعدك والله مش هكلم في الماضي تاني هنساه... وهبدا حياتي معاكي انتي واللي بنات
فاطمة تبص ليهم : يعني آخر مره... توعدوني كلكم... محدش فيكم هيفتكر الماضي بتاعو..واللي هيكلم فيه... وتنسو وتبدأ حياتكم من جديد
كلهم :نوعدك يا تيته
فاطمة بابتسامة :خلاص مسمحاكم... وهقوم اعملكم حاجه حلوه
اميره بحب :ربنا يخليكي لينا يا تيته
حكمت بابتسامة :تقومي فين لاااا انا اللي زعلتك وانا هاصلحك... وهعزمكم كلكم على الغدا بره.... ونشتري هدوم جديده للبنات عشان نستعد للكلية
ندا :لا يا ابله مش مهم احنا عندنا... كفاية اللي حضرتك عملتيه عشانا... احنا اصلا مش عارفين نشكرك ازي
حكمت بزعل : تاني يا ندا الكلام دا... بجد لو قولتي كده تاني هزعل منك... انتم بناتي فهمه يعني ايه بناتي... يعني مسؤولين مني... في بنت بتشكر مامتها... آخر مره يا ندا مفهوم
ندا بابتسامة :حاضر يا ابله
فاطمة بابتسامة : ربنا يخليكم لبعض... (وتسكت وتبص ل حكمت ) اية بناتك دي... قولت اخواتك
حكمت بضحك : لاااا... البيت النهارده فيه حاجه مش طبيعيه... الكل نفسيته تعبانه وطلبه خناقة....احنا نقوم نلبس ونخرج بسرعه...ايه رائيكم ندخل سينما احنا ممكن نلحق عرض الساعة 3
ندا وأميره بفرحه: بجد يا ابله... هنروح السينما
حكمت بابتسامة : ايوه يلا روحو اجهزو
جرىيت اميره وندا بفرحه... وفاطمة وحكمت فرحانين لفرحتهم
فاطمه بابتسامة : ربنا يسعدك... ويحققلك اللي بتتمنيه يا حكمت زي ما بتسعديهم
حكمت بحب :ويخليكي لينا يا تيته
#بقلم_ولاءيحيي
وبعد ساعه حكمت وفاطمة والبنات كانوا لبسين ونزلين سوا.... والستات كانو قاعدين على السلام بيتكلموا...
ام فاروق :ياختي وانتي هتقدري على خدمته ...دا ولاد ابنك شياطين... دا انا بشوفهم من الشباك... بصوة وأفضل اقول مستحمله ازي... الله يكون في عونك ياختي
ام عادل بحزن : اعمل ايه يام فارق... هرميه في الشارع يعني .... منه الله امهم... جيت رميتهم لابوهاومشيت
ام نبيل : ياختي انا مش عارفه ام ازي دي... بقي في واحده ترمي عيالها كده وتمشي .... جلها قلب ازي.. دي الوحده مننا مبتعرفش تنام غير وعيالها في حضنها
ام عادل : اقول ايه حسبى الله ونعم... تعبت ياختي والله مبقاش فيه صحه ليهم
ام فاروق : طب متجوزي ابنك ياختي... اهو تجيبي واحدة تشيل عنك العيال
ام عادل : اجوزه منين ياختي هو عادل حلتو حاجه... اللي 5 عيال قطمين ظهره من المصريف ... وعادل يوم شغال و10لا
تنزل فاطمة وحكمت والبنات
فاطمة :سلام عليكم
الستات : وعليكم السلام ورحمة الله وبركاته...
ام عادل : ازيك يا ست فاطمة... عمله ايه يا ابله حكمت
حكمت بابتسامة : الحمدالله يا خالتي...
ام نبيل يرخمه : مش تعرفونا على الحلوين...
فاطمة تبص للبنات وتبتسم : دي ندا... ودي أميرة...(وتبص لها اوي) احفادي يا ام نبيل... زيهم زي حكمت بظبط
َام فارق : يا اهلا وسهلا... نورت يا حبايبي... وانتم في سنه كام...واللي مش في مدرسه
اميره بابتسامة : لا يا طنط بندرس... احنا أخذنا الثانوية العامة السنه دي ... ومستنين النتيجه
ام نبيل :زي رحاب بنتي... هي كمان في ثانوية ومستنيه النتيجة ... ربنا ينجحكم يارب
فاطمة تنزل : يارب يام نبيل ويطمنك على رحاب .. عن اذنكم... يلا يا بنات عشان منتاخرش... سلام عليكم
الكل: وعليكم السلام
وأول ما خرجو من الباب البيت
ام نبيل : بقولك ايه يام عادل.... ما تجوزي عادل لبت من البنات دول.. تاخد باله من العيال وتخدمهم هي... وترتاحي انتي ... #بقلم_ولاءيحيي
ام عادل : يالهووووي يا وليه... اجوزه عيله... دا عادل 45سنه.... دي بته ألكبيره أصغر منهم ب 3 سنين ..
ام نبيل : وايه يعني... اهي هتلقي حد من دورها تتسلو معها ..... وبعدين انتي ابنك أرزقي يوم بيشتغل ويوم لا... وممعوش مصريف جواز تاني ... والبنات دول لا ليهم اب واللي ام.... يعني محدش هيقولك هاتي ومتجبيش.. وهتخش على العفش اللي في الشقه . وهو بعد الجواز تبقى تنزل تشتغل في أي محل... وتساعد ابنك في المصاريف.... و انتي ينوبك ثواب في ستر بت يتيما هتلقي ليها بيت يتاويها... وتبقي كفالتي يتيم.... زي الشيخ صالح ما قال
ام عادل بتفكير : وهي الست فاطمة واللي ابله حكمت هتوافق... انتي مش سمعها بتقولك دول زي حكمت عندها
ام نبيل :ياختي دا كلام... بتقوله قدم العيال... عشان متكسرش نفسهم... انتي روحي اخطبي واحده منهم ..وهي ما هتصدق حد يشيل من عليها... هي حكمت هتصرف عليهم منين
ام عادل : ياختي خايف الست فاطمه ترفض
ام فاروق : واللي هترفض واللي حاجه... مش احسن ما يعنسو ويعقدو جمبها زي حكمت... بصي بكرا...نبقى نطلع ليهم معاكي... ونكلمها... خلينا ناخد ثواب وربنا يرضه علينا... ويستر بناتنا
ام عادل :يارب ياختي.. ويفرحك ب ساميه... اللي هي هتدخل امتى... دي بقالها كتير مخطوبه
ام فاروق بحزن : ادعيلها يام عادل ونبي... احسن هموت بحسرتها ياختي... البت بقالها 10سنين مكتوب كتابها
ام نبيل وأم عادل : ربنا يكرمها... ويطمنك عليها
ام فاروق :يارب
#بقلم_ولاءيحيي
حكمت وفاطمة والبنات قضى يوم حلو اوي...راحو السينما... وبعدها جابو سندوتشات وقعده على كافيه أكلوا وشرب شاي.. والبنات أكلوا آيس كريم ... وفضله يلفه على الهدوم بس الأسعار كانت غاليا اوي...وندا كانت بترفض تقيس اي لبس وتقلع هدمها وطرحه.. كانت خايفه حد يشوف الحرق.. ف معرفوش يشترو حاجه... واميره رفضت تشتري من غير ندا...وحكمت زعلت منهم ... بس ندا قالت ليها تشتري قماش وهي هتصمم حاجه احلى من اللي بتتعرض...وفعلا جابو قماش كتير... وبليل روحوا وهم مبسوطين وعاملين يضحكو... وفات اليوم جميل البنات انبسطو فيه اوي ... وتاني يوم... ندا كانت قعده بتصمم وتقص القماش.... فلباب خبط..واميره جت تفتح الباب
ندا بسرعه :استنى يا اميره (وخدت طرحتها من على الكنبه... ولبست وفضلت تتأكدت انها ملفوفه كويس...) خلاص افتحي
اميره فتحت لقيت التلات ستات قدمها :
اميره بابتسامة :اهلا وسهلا اتفضلو
ام فاروق : اهلا بيكي يا حلوه... أمل الست فاطمة وابله حكمت فين
اميره : جوا في المطبخ... هدخل اقولهم.. اتفضلو
دخلو التلاته.. وندا كانت وقفه جمب القماش
ندا بارتباك هي لسه ماخدتش تتعمل مع الناس بس بتحاول تنسى جرحها وتتعامل عشان لما تدخل الجامعه
ندا ترسم ابتسامة : اهلا وسهلا
ام نبيل : اهلا بيكي.. (و يروح يقعدو قدم ندا.. تبص على القماش) انتي بتعملي ايه.. يااا... انتي اسمك ايه معلش نسيت
ندا بابتسامة : اسمي ندا..
ام نبيل :عاشت الاسامي.. بتعملي ايه يا ندا
ندا تروح تقعد قدمهم وهي بتشد في طرحتها وهدومها
ندا : مافيش يا طنط...دا انا بفصل هدوم ليا انا واميره
(ام نبيل تبص ل ام عادل وتغمزلها.. ف ام عادل ابتسمت)
ام عادل : انتي بتعرفي تفصلي ..
ندا : اه.. شويه يعني.. وتيته فاطمة بتعلمني
ام عادل بابتسامة : شاطره... طيب بتعرفي تطبخي و تنظفي وتغسلي...
ندا بصت ليها بستغراب.. وحكمت وفاطمة كانوا خرجو من المطبخ وسمعهم فبصو لبعض بستغراب
فاطمة :سلام عليكم...ايه النور دا... خطوة عزيزه
وسلموا عليهم.. وقعده معهم... واميره عملت شاي وجيت... وهم عملين يسالو ويتكلمو في حاجه غريبه مع البنات... كلها عن الطبيخ والتنظيف... وحكمت وفاطمة مستغربين
ام نبيل : طب وبتعرفو(ولسه هتكمل)
فاطمة بضيق : هو فيه ايه يام نبيل... مالكم كده نزلين اسأله للي بنات... عن الغسيل والطبيخ..
ام عادل : بصراحة كده يا ست فاطمة... انا جي عاوزه بنت من البنات
حكمت بضيق : عاوزها!!! يعني ايه عاوزه بنت من البنات
ام فاروق : ام عادل قصدها.. عاوزه تخطب بنت من البنات لابنها
اميره وندا وحكمت وفاطمة بصو كلهم لبعض..
فاطمة بستغراب : هو مش أصغر واحد عندك محمد و اتجوز الشهر اللي فات... هو انتي عندك عيال تاني
ام عادل :لا ياختي معنديش ... بس انا مش عاوزها لمحمد... انا عاوزها لعادل
#بقلم_ولاءيحيي
حكمت وفاطمة انصدمو وبرقو عنيهم.. وأم فارق فتحت في الكلام عن عادل وولاده والمشاكل... وامهم اللي رمتهم... وأنها مش قادره على العيال... وأم نبيل عمله تخبط فيها وهي مش واخده بالها
ام عادل : فأنا قولت ياختي اجوزه... ومراته تاخد بالها منه هو وعيالو وارتح انا...(وتبص للبنات وتبتسم ) وقولت اهو اخد ثواب.. في بنت يتيمه.. واكفلها في بيتي...بس ايه لازم تاخد بالها من العيال ومتزعلهمش ابدا
ام نبيل :بس الشهادة لله عادل طيب و غلبان... وكسيب(وتبص للبنات) ومش هيخلي على جهدو جهد عشان يسعد اللي هتاخد بالها منه هو والعيال... هو فيه زي عادل في اللي حته... دا سيد الرجالة
فاطمة لسه هتكلم بس ندا سبقتها
ندا بابتسامة : كويس جدا ما شاء الله دا عريس لقته(حكمت بصت ليها اوي... بس شافت ملامحها وفهمت انها غضبانه... فبتسمت وسكت وشاورت لفاطمه انها تسكت... والستات التلاته ابتسموا اوي.. وافتكرو ندا هتوافق)
ام نبيل بابتسامة :اه طبعا امل ايه... ياسعدها اللي هتاجوزه
ندا بضيق :طب ما تجوزيه بنتك... هو مش انت عندك بنت قدنا برده اسمها...
اميره بغيظ :رحاب ... اسمها رحاب
ندا :ايوه رحاب .... جوزيه رحاب يا طنط... عادل عريس لقيته ميتسبش... ويسعد اللي هتجوزه...
#بقلم_ولاءيحيي
ام نبيل بارتباك : رحاب ... رحاب ماتنفعش أصلها عاوزه تدخل الكليه
فاطمة بتريقه :كلية ايه ياام نبيل... دي رحاب بقاله سنتين بتعيد السنه
ندا : تؤتؤتؤ... معقول بتعيد.. دا الامتحانات السنة دي كانت صعبه اوي... انا بقول متتعبش نفسها وتاخدها من قصرها وتجوز... واهو عادل موجود وجاهز.. واللي ايه يام عادل... مش بنت صاحبتك احسن واحده لابنك... على الأقل عارفه وعارفها ظروفه...
اميرة : استنى يا ندا بس... مش نعرف الأول رحاب بتعرف تطبخ واللي لا ...صحيح يا طنط هي بتغسل الأبيض لوحده واللي مع الألوان... والجينز اوعي تكون بتحطه في الغسله... لازم تمرشه على أيدها كدههو(وبتقلد حركه الغسيل)
ندا : والعيال... بتحب العيال وهتعرف تذاكر ليهم... اصل عادل ميقدروش يدفع حق دروس... ااااه أصله ارزوقي على قد حاله...بس يا طنط لازم تنبهي على رحاب بنتك ... اوعي تضرب العيال كله اللي العيال... احسن عادل لو عرف ان حد ضرب عيال من عياله ... يااااالهوي بيتعصب وممكن يدق مراته على نفوخه يجيب أجلها... (وترجع بظهرها لورا.. وتربع أيدها وتبتسم) بس أظن رحاب طيبه متعملتش كده... اكيد طيبة طالعا لأمها... وهتحن على العيال دول زي اليتامي بظبط ... مهو امهم سابتهم... وهم ملهمش ذنب...عارفي بنتك يا ام نبيل أنها لو خلفت متفضلش ولادها على العيال اليتامي...وقبل ما تمد أيدها وتاخد لقمه تتأكد انهم أكلوا الأول... واوعي تديهم لبس كبير عليهم ومش مناسب ليهم... واللي لسانهم... وتقول لنفسها مهم ملهمش ام تدافع عنهم... اوعي تنسى أن ليهم رب شاهد عليها ومطلع... اوعي تخليها تنسي ان الرسول صلى الله عليه وسلم... كان يتيم... ربنا اختاره هو دون عن كل البشر... ونزل عليه الوحي وبعته رسول للبشر أجمعين وبعت معه لينا احسن هديه القرآن الكريم... وخله يوم الايام شفيع لينا... كل دا وهو يتيم... اوعي تخلي رحاب تفتكر أن ولادها.. احسن من اليتيم..
حكمت ابتسمت بفرحه وفخر... وفاطمة بصت ليهم نظرت رضا
فاطمة بابتسامة : انتم اتأخرتو على بيتكم وولادكم... ربنا يرجعكم ليهم بسلامة واللى يرحمهم منكم...الواحده مننا مش عارف أمر ربنا هينفذ امتى... وفي أي لحظه ربنا ياخد أمانته وعيالكم يتيتمو... والناس تقسى عليهم... اصل الناس مبترحمش
الستات التلاته بصو لبعض بكثوف... وقاموا وقفه واستاذنو ومشيو
حكمت فتحت أيدها وحضنت البنات وباستهم
حكمت بفرحه :انا فخوره بيكم... عاوزكم دايما واثقين في نفسسكم... واوعي تسمحو لحد يجي عليكم أو على كرمتكم
وبعد اربع شهور... الكليات كانت بدأت والبنات كل واحده دخلت الكليه اللي بتحبها...
:اميره
و نعرف بكرا مين بينادي على اميره ونتقابل في حلقه جديده.. واسفه لتأخير وان الحلقه قصيرة... بس ولادي عندهم امتحانات. ادعلهم
💗💗 (اليتمتان)💗💗 #بقلم_ولاءيحيي
البارت التاسع
وبعد اربع شهور... الكليات كانت بدأت والبنات كل واحده دخلت الكليه اللي بتحبها...
دكتورة نهى :اميره (اميره تلف على الصوة تلقى دكتورة نهى قدم مكتبها فتروح ليها )
اميرة بابتسامة : ازي حضرتك يا دكتورة
نهى بابتسامة :الحمد الله.. ازيك انتي... وابله حكمت عمله ايه
أميرة :بخير الحمد الله
نهى : دايما يا رب... انا كلمت دكتور عماد عشانك وهو وافق على شغلك في المستشفى.. ومستنكي تروحي تقابليه
أميرة بفرحه : بجد يا دكتوره...
نهى بابتسامة : اه يا ستي بجد... مع اني خايفه حكمت تزعل لما تعرف..
أميرة بابتسامة : أن شاء الله مش هتزعل... هو هيكون تدريب ليا اكتر ما يكون شغل.... واكيد هتعلم منه حاجات كتير
نهى : ودا اللي خلاني اساعدك.... وجودك وسط التمريض وانك تشتغلي تتعملي مع المريض هيفيدك جدا في المستقبل وهتتعلمي منها... المهم أن شغلك ميأثر على المذاكرة... عاوزين تقديراتك دايما تكون امتياز .... ودكتور عماد لما عرف انك لسه بتدرسي.... قال هيمسكك شغل بسيط عشان دراستك
أميرة بفرحه : انا متشكره اوي يا دكتوره
نهى بابتسامة : العفو حبيبتي...ابقي سالمي على حكمت
اميره : حاضر... الله يسلمك عن اذنك
#بقلم_ولاءيحيي
( تعالو نعرف مين دكتورة نهى... دكتورة نهى كانت رحت تفتيش من وزارة الصحة على الملاجئ ...رحت ملاجئ كتير وكانت بتتخانق دايما مع المدراء وتكتب شكوى فيهم ... بس لم رحت الملجأ اللي حكمت مديره ليه ..اتظبطت جدا ... عجبها نظافة المكان... والإهتمام بلاطفال وصحتهم كان الملجأ مميز جدا ومليان برعاية والحب لكل لأطفال ... ويومها إعجابها بحكمت زاد اللي فضلت تسألها عن أعراض مرض... مصاب بيه طفل من أطفال اللي في الملجأ وكانت مهتمه جدا .. ونهى يومها تطوعت انها تكشف على الطفل وتتابعه كل يوم لحد ما يتحسن... وبقت تروح الملجأ كل يوم عشان الطفل ... وهي وحكمت بقى أصحاب... ولما أميرة دخلت طب حكمت كانت مبسوطه... وقالت لنهي أن بنتها هتدرس في كلية طب... ونهى باركت ليها سألتها عن اسم اميره عشان تتعرف عليه... ولما الدراسة بدأت نهى بعتت ل أميرة في مكتبها ... و هم بيتكلمو اميره قالت ابله حكمت... ف نهي استغربت لأنها كانت فكرها بنتها بجد من كلام حكمت عليها ... بس أميرة فهمتها الحقيقة... نهى حبيت اميره وحكمت واحترمته وبقت هي وحكمت علاقتهم قويه ..وفي مره أميرة قالت ليها انها عاوزه تشتغل فنهي ساعدتها ) أميرة خرجت وهي مبسوطه... ورحت علي كلية فنون جميله لندا عشان يروحو سوا...
ندا كانت قعده على تربيزاه لوحده في كافتريا الكليه مستنيه اميره ترن عليها ويروحو سوا... ندا كان قدمها كتب كتير... وعمله تكتب.... وعلى تربيزاه بعيده عنها شوية... كان قاعد مجموعة من الشباب والبنات
#بقلم_ولاءيحيي
إسراء بضيق : احنا بشكل دا هنسقط تاني السنادي.احنا لازم نذاكر
هاني بتصنع الخضة :نذاكر... وقدرتي تقولها يا جاحده... ازي طوعك قلبك...انتي انتي... انتب قلبك قاسي
(الشباب اللي قاعدين بصوة واحد) أوووي أوووي.. انت مش بتحس.. كده وكده... (ويضحكو كلهم)
هاني بضحك :نذاكر ايه يا بنتي... احنا حتى لو حاولنا نذاكر ضمرنا مش هيسمح لينا
إسراء بضحك : اه وانت ضميرك في المذاكرة صاحي اوي... طب هنعمل ايه يا فالح .. انا أبويه حلف لو سقطت السنادي كمان... هيقعدني في البيت لحد ما اتجوز ..
مازن : ماشاء الله هو ابوكي عنده امل انك ممكن تنجحي..وكمان تجوزي... متفائل اوي (الكل يضحك)
نغم وهي بتبص على ندا : انا عارفه حد ممكن يساعدنا اننا ننجح..
إسراء :مين يا نغم (الكل انتبه لنغم)
نغم وهي بتشاور بعنيها على ندا :شايفين البنت اللي قاعده وسط الكتب...
إسراء :قصدك... اااه مين دي
نغم :دي اسمها ندا امين... موس الدفعه السنادي... والكل بيقول هتبقي الأولى... على طول تشوفينها واخده مراجع وأبحاث من مكتبه الكليه وقعد تلخص فيها وتعمل أبحاث ...وعمله ملخصات لكل المواد .. وفي المحاضرات مش بتبطل اسأله ومناقشات و المحاضرت بسببها بتقعد ساعتين... وكل الدكاترة معجبين بيها...
هاني يبص لنغم بنص عين:وانتي عرفتي الكلام دا منين يا بت (ويمسكها من قفها زي الحرميه.) انتي بتحضري المحاضرات من ورنا
نغم تضحك بدلع:سيب يا زفت ...بحضر ايه انت كمان... ما انا مرزوعه معكم كل يوم...دا انا كنت بدور على حد اخد منه ملخصات...يبقى كام صفحه كده...اقرهم قبل الامتحان او ابرشم منهم ... فسألت ناس من اللي بيحضرو... مين بيعمل ملخصات... الكل قال ندا امين هي اللي معها الخلاصه كلها..دا حتى بيقوله انها من كتر مناقشتها مع الدكاترة بقيت عارفه ايه هي الأجزاء اللي الدكاترة هيحطو منها الامتحان ... وعمله ليها ملخصات لوحدها
إسراء بفرحه : طيب وجبتيهم منها
نغم :لا ياختي... دي بت كئيبه. مش بتدي حاجه لحد... هم كما بنت كده اللي بتقف تكلم معهم... اللي خدها وماكده عليهم ميدهاش لأي حد... وهم طبعا ميقدروش يدوها لحد احسن تعرف وتبطل تساعدهم
هاني : وانتي ياختي جيه تقولنا ليه طلما مش هنعرف نجيبهم.. بتحرقي دمنا بس
نغم تضربه على كتفه: بقولكم عشان نفكر ناخدهم منها ازي يا جزمه
مازن يقوم يقف وهو بيبص عليها وبيعدل هدومه :
مازن :انا هجيهم ليكم
نغم :اقعد اقعد... متتعبش نفسك هي مالهاش في النظام بتاعك خالص
مازن بغرور : كلهم في الأول بيبقى ملموش... ومع مازن بيبقى ليهم
ويغمز ليها ويمشي ريح لندا...
كان في واحد واقف وراهم...عند البوفيه بيشرب قهوه وسمع الحوار بينهم (الواحد دا يبقى عمران هنتعرف عليه كمان شويه) عمران حس بفضول وبقي عاوز يعرف مازن هيعمل ايه. مع البنت .فبقي بيبص عليهم باهتمام
مازن قرب من ندا اللي كانت قاعده وسط الكتب مندمج في الكتابه
مازن بابتسامة :لو سمحتي(ندا رفعت عنيها وبصت ليه) ممكن اقعد معاكي على التربيزه.... اصل مافيش ترابيزه فاضيه...
ندا رفعت رأسها وبصت حواليها شافت ان في أماكن تانيه فاضيه... وشافت الشله وهم بيبصه على مازن... وبيتهامسو سوا
ندا بابتسامة:اه طبعا اتفضل
مازن فرح وبص لأصحابه وغمزلهم... وهم مصدقوش عنيهم...بس مازن يادوب بيقعد... كانت ندا لمت كل الكتب ... وشاور لحد ... وعمران شافها... فضل يبص هي بتشاور لمين...
ندا مشيت من قدم مازن... ومدتوش اي اهتمام وهو لسه هينطق بس ملحقش ... فاصحابو كلهم ضحكوا بصوة عالي.. وهو واقف يبص بغيظ على ندا ... لقى حد وره بيخبط على كتفه..فبص عليه
االنادل : الحساب 50ج
مازن بستغراب : 50ج بتوع ايه ... انا مطلبتش حاجه
االنادل : دا حساب التربيزه دي... اللي انسه اللي كانت قعده معك هي اللي طلبت فطار وعصير ونسكافيه ... وشاورت ليا قبل ما تمشي انك انت اللي هتدفع
أصحاب مازن ضحكوا بصوة عالي جدا... وعمران كمان ابتسم بإعجاب بذكاء البنت اللي ميعرفهاش...
ندا لما مشيت كانت أميرة وصلت وروحو الاتنين سوا... وهم قاعدين بيتغدو مع فاطمة وحكمت .. ندا كانت بتحكي ليهم.. مواقف مازن... والكل عمل يضحك
#بقلم_ولاءيحيي
ندا بضحك : يعني اكلتي وشربتي... ودبستيه هو
أميرة بضحك : عشان يتربى... فاكر نفسه حدق اوي وجي يستظراف وأصحابه قاعدين وفاكرين انه الواد اللي بيوقع اي بنت
حكمت بابتسامة : اتغيرتي اوي يا ندا... مبقاش بتخاف عليكي...من يوم موضوع ام عادل... وانا ملاحظه تغيرك انتي مكنتيش كده... انا مبسوطه اوي انك خرجتي من عزلتك وبتتعملي.. وبتواجهي ودافعي عن نفسك... زمان كنتي على طول بتستسلمي
ندا بابتسامة حزينه : انا فعلا اتغيرت...وانا في الملجأ.. كان الكل عارفني وعارفين الحرق اللي في جسمي... فكنت بهرب من البنات والمشرفات ومش بواجه حد فيهم كنت بستسلم ...كنت بهرب عشان مشفش نظرت الاشمئزاز وهم بيبصه عليا... أو أن حد فيهم يتخانق معايا ويقول يا مشوهاه.. (الكل ساب الاكل وبص ليها بحزن) لكن لما خرجت من الملجأ... وعشت معاكم وبقيت قعده براحتي من غير طرحه واللي قميص برقبه.. ورغم انكم شيفين الحرق... مش شايفه في عنيكم غير نظرة الحب... بقيت حسه اني عاديه نسيت الحرق... رجعتلي ثقتي في نفسي... والناس بره.. محدش يعرفني... فنظرت عنيهم عاديه... (وتبتسم) وفي أوقات اشوف نظرات إعجاب... فبطلت اخاف... واللي بيحاول يعمل نفسه ذكي ويشوف نفسه عليا... بعرف ازي اعرفو حدوده.. ويبقى قدم نفسه اهبل وعبيط
اميرة بضحك : ايوه بقى يا نيدو... والله وبقيتي قطه بتخربش (ندا بصت ليها وعملت صوة القطه بتخربش بايدها)
فاطمة بابتسامة :ربنا يحميكم.. ويبعد عنكم كل الشر
أميرة :ايوه ادعيلي اوي يا تيته...(وتبص لحكمت) ادعيلي ابله حكمت توافق
حكمت بصت ليه:أوافق على ايه
اميره بابتسامة :على شغلي
حكمت بصت ليها بستغراب :شغل ايه
أميرة حكت ليهم على الشغل في المستشفى... وان نهى كلمت المدير... اميره كانت بتكلم بحماس.. وحكمت بصه ليها اوي... وبعد اما اميره خلصت كلام بصت لحكمت بقلق
اميره بارتباك :ايه رائيك يا ابله
حكمت بصت ليها شويه... وبعدين رجعت تاكل
حكمت :موافقة
ندا بستغراب :بجد يا ابله واللي بتهزي
حكمت بابتسامة :لا بجد يا اميره .. اشتغلي... انا كان ممكن أرفض لو حسيت انك بتشتغلي عشان المصاريف أو تساعديني... بس لقيت مش الفلوس اللي عاوزه تشتغلي عشانها... انتي عاوزه تتدربي.. وطلما الدكتورة نهى هي اللي جبتلك المستشفى يبقى المكان كويس وهبقي مطمنه عليكي (وتضحك)مستعجله انتي اوي عشان تبقى دكتوره .. مش صابره لحد ما تخلصي.
اميره بفرحه تقوم تبوسها :متشكره اوي يا ابله.. ربنا يخليكي ليا
حكمت : بس لو لقيت الشغل مقصر على صحتك أو دراستك هتسبيه.. اتفقنا
اميره ببتسامه :اتفقنا
#بقلم_ولاءيحيي
وخلص الغدا والمغرب حكمت راحت مع أميرة المستشفى عشان تقابل المدير زي ما نهى قالت ليها ...وحكمت راحت معها عشان تكون مطمنه على اميره...
وفي بيت حكما
و ندا وفاطمة قاعدين الباب خبط... ف ندا لبسه طرحتها ورحت تفتح ... لقيت ام فارق ومعها ساميه بنتها
ام فارق : السلام عليكم... ازيك يا حبيبتي
ندا : وعليكم السلام... الحمد الله بخير .... اتفضلو (ام فارق تدخل هي وسامي)
فاطمة بستغراب :اهلا يا ام فارق اتفضلي ...ازيك يا ساميه
ساميه بحزن : الحمد الله يا خالتي
ام فاروق تبص لفاطمه ندا.:انا عارفه انكم زعلانين مني...حقكم عليا... انا عارفه اني غلطانه
فاطمة :حصل خير يام فاروق.. احنا جيران. وعشرة عمر مش هنزعل من بعض
ام فارق :دا العشم ياختي.... وعشان كده انا جي النهارده وقصدكي في خدمه يا ست فاطمه..
فاطمه :عنيه خير
(فاطمه.... تفتح كيس كبير مسكه بايدها)
ام فاروق بترسم ابتسامه :ساميه فرحها بعد بكرا ان شاء الله... وانتي والبنات والابله حكمت اول المعزمين... احنا عملين قعده كده على القد تحت البيت... (وتكمل بزعل بداريه وهي بتبص لايدها) خطبها من شويه جيه وجاب الفستان دا... (وطلعت فستان ابيض.. شكله قديم .. وتكمل بدموع بتحبسها جوه عنيها... وساميه قعده جمبها حزينه ودموع نزله ) جابو عشان تلبسو... هو بتاع واحده قريبته قالت ليه ياخذه هي مش عاوزه... (وتبص لفاطمه وندا) اصل الفساتين الإيجار غاليه قوي... وهو صرف كل اللي معه على الشقه.. وممعوش يجيب فستان.... ف الفستان دا طلع كبير على ساميه وشكله مش حلو يعني اصل صاحبته تخينه عن ساميه .... َفابوها لما شافو عليها... زعل وحلف ما هي خرجه من البيت بشكل دا... وان لو مجبش ليها فستان عدل... هيطلقها منه.. (وتبص لساميه وتحاول تبتسم) فأنا قولتلها ان الفستان لو اتظبط هيبقى حلو عليه... وجيتلك عشان تظبطيه على المكينه...لو معندكيش مانع
فاطمة تبص لساميه وللفستان :حاضر عنيه...
ام فاروق : تسلم عنيكي ياختي... قومي قومي يا ساميه روحي الاوضه دي قيسي الفستان.. عشان الست فاطمة تظبطه
#بقلم_ولاءيحيي
ساميه تقوم وهي حزينه وتأخذ الفستان وتدخل الاوضه وتقفل عليها.. واول ما قفلت ام فاروق مقدرتش تمنع دموعها
ام فاروق : كسروا فرحته ياختي... ابوها وجوزها واقفين لبعض ومحدش عاوز يتنازل لتأني... كل شويه خناقة شكل مره عشان الشقه. ومره القيمه.. والمؤاخر ... والبت اللي هضيع في النص... 10سنين مستنيه ومكتوب كتابها... وصابره.. وفي الاخر مستخسر يفرحها في الليله اللي بتستناها كل بت... ريح جايب ليها فستان اخته اللي متجوزه من 15سنه.. كانت رميه تحت السرير... جي يقولها البسيه هم ساعتين... البت نفسها مكسورة اوي ياختي... هو دا أخرت صبرها.. وابوها جاب آخره وحلف يطلقها... بس تطلق ازي بعد 10سنين الناس تقول ايه ومين هيخبط على بابها تاني... دي بقيت 31سنه.. ونبي ياختي.. وانتي يا ندا.. قوليها أن الفستان حلو.. أي كلمتين.. كده يمكن تصدق...
اتفتح الباب وخرجت منه ساميه ودموعها مغرقه وشها.. والفستان.. لا ليه شكل واللي منظر.. ندا وفاطمة انصدمو.. الفستان كل اللي بيدل انه فستان فرح هو لونه الأبيض.. أم فاروق شافت بنتها وكسرت قلبها... رسمت ابتسامة على وشها... وفضلت تزغرد تزغرد... ودموعها نزله.. فاطمة وندا حاولو يبتسمه وفاطمة خدت مقاس ساميه.. وقالت هضيقه ليها... أم فاروق شكرتهم... وساب الفستان على التربيزه ومشيو..
ندا فضلت قعده تفتكر شكل ساميه.. ودموع أم فاروق.. قامت وقفت جمب الفستان.. وفضلت مسكه وعمله تقلب فيه
فاطمة بستغراب :بتعملي ايه يا ندا
ندا تبص ليه وتبتسم
#بقلم_ولاءيحيي
تفتكروا ندا هتعمل ايه... نعرف الحلقه الجايه
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق