رواية ابني الظريف الفصل الأول والثاني بقلم إيسو إبراهيم
رواية ابني الظريف الفصل الأول والثاني بقلم إيسو إبراهيم
بقولك يا بابا أنا شوفتك وأنت بتخون ماما
مروان بصدمة وضع يديه بسرعة على فم ابنه، ونظر حوله لكي يرى إذا سمعتهم أمينة أم لا!
مروان بصدمة: بتقول إيه ياض خيانة إيه دي؟
خالد: كنت بتقول في الموبايل هقابلك النهارده يا قلبي بعد لما أصلي العشاء
وعلى صوته في آخر جملة
جت أمينة بسرعة من المطبخ وماسكة السكينة وبتقول: تقابل مين يا مروان؟
خالد بلماضة: يقابل قلبه يا ماما وتقريبا أنتِ كبده
مروان بصدمة: استني بس أفهمك يا حبيبتي خالد فهم غلط
أنتِ عارفه أنا بخاف ربنا ومستحيل أخونك وأنا مليش في الحرام
أمينة: ما هو أنا خايفة من الحلال اتجوزت عليا بقى امتى يا مروان
مروان وشوية هيعيط: وربنا يا شيخة ما اتجوزت عليكي
أمينة: يبقى أنت متجوزني عليها
مروان: ها
......بقلم إيسو إبراهيم.........
خالد: أهو شوفتي يا ماما اتوتر إزاي
مروان خبطه بالمخده وقال: امشي يابن ال*** من هنا أنت حريقة بتولع وخلاص
أمينة: انطق يا مروان قول مين قلبك دي بدل ما أغز السكينة دي في قلبك
خالد: مش هتلاقي قلبه في صدره افتحي صدره كدا هتلاقيه فاضي أصل قلبه كان بيكلمه عالموبايل من شوية
مروان بصدمة: أنت مش ابني لأ أكيد بدلوك في المستشفى
أمينة: اقرا على روحك الفاتحة وقول الشهادة بسرعة
مروان بسرعة: خريج ليسانس آداب
أمينة: احنا هنهزر ولا إيه؟
مروان قرب منها وسحب السكينة وبيقول: اهدي يا حبيبتي عشان أفهمك
خالد من وراهم: دا كمان رايح يقابلها بعد صلاة العشاء حاجة حلوة خالص يا بابا إنك تروح طاهر ومصلي فروضك عشان ربنا يوفقك وتبقى مرتاح نفسيًا الواحد يتعلم منك
مروان بزعيق لابنه: امشي يا حيو*** من وشي بدل ما أقوم أعلم عليك
أمينة بدموع: مين دي يا مروان اللي رايح تقابلها
مروان مسك إيدها وباسها وقال: مش اللي في بالك والله وبعدين اتذكري كدا مين اللي بقول ليها يا قلبي
أمينة بتذكر: خالتك فردوس صح؟
مروان ببسمة: صح يا حبيبتي هى دي اللي بجد استحملتني ووقفت قدام أبويا عشان أسافر وأحقق حلمي وهى اللي كانت بتدعمني بجد دي أمي التانية
أمينة ببسمة: رغم إني بغيير منها بسبب نظرة الحب اللي بشوفها في عينك ليها بس تستاهلها لأنها خلت حبيبي يحقق حلمه وحلم حماتي الله يرحمها
مروان: يارب، أقوم بقى أشوف الواد دا اللي كان بيولعها نار
أمينة بضحك: طب براحة عليه، وأنا أقوم أعمل الحلو لحماتي التانية اللي هى قلب جوزي
مروان: طب ما أنتي كمان قلبي
دخل مروان لابنه وفي إيده الحزام
خالد بخوف وتوتر: إيه يا بابا يا حبيبي أنت جاي تلبس الحزام في أوضتي ولا إيه، ولا جاي تبدل مع واحد من عندي
مروان: لا يا حبيب أبوك جاي أربيك من جديد
خالد طلع عالسرير: طب قلبك يطاوعك تعمل كدا في ضناك الغالي الوحيد
مروان: وأنت قلبك طاوعك تعمل كدا في أبوك الطيب حبيبك، وكمان تخلي الدموع في عين أمك
خالد: توبة يا بابا توبة
مروان: ابقى سلملي عليها بقى
خالد: هى مين
مروان: توبة بتاعتك دي وقفل الباب وقرب من ابنه
خالد: الحقيني يا ماما جوزك هيتغدى بيا النهارده أو يتعشى أيهما أقرب
الحقوووووني يا ناااااااااس
#ابني_الظريف
#بارت1
#بقلم_إيسو_إبراهيم
خالد بوجع: دا كله ضرب يا بابا حرام عليك دا أنا كنت بهزر معاك وكان رايح يقعد عالسرير وبيعرج
مروان وهو لافف الحزام على إيده وبينهج: تقوم تروح تقول بعلو صوتك أنا شوفتك يا بابا وأنت بتخون ماما
خالد: كان قطع لساني يا شيخ يوم ما قولت كدا، طب هروح الإمتحان بكرة إزاي شكلي إيه قدام البنات بالذات
مروان: هيبقى شكلك تورتاية بالمكسرات
خالد: اها يعيني عليك يا خالد هتتهان بكرة في الإمتحان هذاكر إزاي
مروان: قال يعني مقطع الكتاب قوم ياخويا خد شاور يا غشاش في الإمتحان
في اليوم التالي كان خالد بياكل
أمنية: كل كويس يا حبيبي عشان تركز في الإمتحان
مروان بسخرية: قصدك عشان نظره يقوى وعضمه يجمد وهو بيغش من العيال
خالد: إيه الظن الوحش دا يابابا حد يقول على ابنه حبيبه كدا
مروان: أنا وملكش دعوة اخلص اخفي من وشي
خالد دخل اللجنة وقعد مكانه
دخل المراقب وهو قرفان ورزع الورق عالديسك قدامه
وخلع نضارته وبص على كل الطلبة وحطها في جيب القميص وقال: من الأول كدا اللي هيبص وراه همرجحه
مفيش غش ماسمعش نفس كله يبص في ورقته عرفت تحل خير وبركة معرفتش اهبد أي حاجة وامشي
الجو حر وأنا قرفان من نفسي ومنكم
خالد: طب ليه كدا يعني عايزين ننجح عشان أهلنا تفرح
المراقب: بص ياض أنت من أول ما شوفتك كدا مش على بعضك لو رفعت عينك من ورقتك هسلخك فاهم ياض
خالد بلع ريقه وقال: فاهم فاهم وقال في نفسه إيه دا اها دعاء أبويا عليا كان نفسي أفرحك يا ماما بنجاحي بس بابا جوزك دا مستكتر عليكي الفرخة يا حبيبت قلبي
المراقب وزع الورق ووقف يبص على كل واحد
عشان الغش حرام
خالد في نفسه: كلك تقوى وإيمان
بقلم إيسو إبراهيم
خالد بص في ورقه ورفع كمامته وقال: بس بس يا عسل ياللي قدامي اديني السؤال الأول ربنا يكرمك يا شيخة
البنت اللي قدامه: هو ممسوح من عندك ولا إيه؟
خالد باستغراب: هو إيه؟
البنت: السؤال الأول
خالد: نعم...أنا قصدي إجابته إيه؟
البنت: أنا مابغشش حد يا بيه
خالد بسخرية: أنتِ بتقولي إيه؟
البنت: خف عني ياض بدل ما أصوت وأقول بيغش مني
خالد: استغفر الله...اديني سؤال واحد بس ربنا يسترك
البنت: الغش حرام
خالد: ياستي مش شغل الشريفة الخضرة نقحت عليكي دلوقتي اخلصي علشان أفرح أمي الغلبانة اللي بين الحياة والموت هخليها تدعيلك
البنت: إزاي وهى بين الحياة والموت
خالد: لما تبقى في الحياة
البنت: بعد إذنك يا مستر الواد اللي ورايا دا عايز يغش مني وبيقولي أمه بين الحياة والموت
المراقب: أنت ياض أنا حذرتك ولا لأ؟
خالد بخوف هز رأسه وقال: أيوا
المراقب: قولتلك أنا قرفان ولا لأ؟
خالد: أيوا
المراقب: هات ورقتك بقى وروح لأمك اللي بين الحياة والموت
خالد: يا شيخ حرام عليك أبويا مديني امبارح علقة موت، والنهارده لو عرف إني محلتش هيعلقني على حبل الغسيل
المراقب: براااااااااااا
خالد: خلاص والله مش هتكلم تاني سيبني أحل أي حاجة وخلاص
المراقب نفخ وقال: آخر مرة وبعدين هرميك من الدور الخامس
خالد: حاضر، ومسك الورقة وقرأ أول سؤال: متى يبدأ فصل الشتاء؟
خالد بضحكة بلهاء لنفسه طب ما الإمتحان سهل أهو
وكتب عندما تمطر السماء فهكذا نعرف أننا في فصل الشتاء
خالد: كدا خلصت وهخرج أول واحد وهروح أفرح أمي إني هجيب الدرجة النهائية وهطلع الأول
فات أسبوع والباب كان بيخبط راح يفتح لقى مروان وماسك ورقة في إيده وبيخلع الحزام بايده التانية وقال: بقى يابن ال**** ألاقي الخبر دا في وشي
خالد بخضة: في إيه وبتخلع الحزام ليه عايز تدخل الحمام ولا إيه
مروان اداله الورقة بقرف خد وشوف هخلع الحزام ليه
خالد بص في الورقة وبعدين بلع ريقه وقال: ادعولي بالرحمة
وجري على جوا بسرعة وقال: يا ماما أنتِ فين انقذينيي
رأيكم
تكملة الرواية من هناااااااا
تعليقات
إرسال تعليق