رواية اليتمتان الفصل الثامن عشر والتاسع عشر بقلم ولاء يحيي حصريه في مدونة قصر الروايات
رواية اليتمتان الفصل الثامن عشر والتاسع عشر بقلم ولاء يحيي حصريه في مدونة قصر الروايات
💗💗 (اليتمتان)💗💗 #بقلم_ولاءيحيي
البارت الثامن عشر
أميرة بعد ما حكمت مشيت اخدت فاطمة ومشيت بيها بسرعه
فاطمة :يابت يااميرة وخدنا فين براحة هتوقعيني
أميرة :تعالى بس يا تيته هو مش انتي عاوزه تطمني على ندا... هاخدك تطمني عليها
ودخلت بيها مكتب أليف كان فيه ندا وعمران واليف
فاطمة :ندا.. (ندا تروح لحضنها) انتي كويسه... البت المجنونه دي قالت انك هتعملي عمليه
ندا بابتسامة :انا كويسة يا تيته متخافيش...
فاطمة تبصلهم اوي وتبتسم : ما انا عارفه ياختي انك كويسة... وان دا فيلم انتم اللي عملينو... عشان حكمت تقابل كمال.... بعد ما عرفتو أن العيال مش عيالو
(الكل بصلها بصدمه) #بقلم_ولاءيحيي
أميرة بصدمه :انتي عرفتي منين...
ندا بستغراب :ومين قالك انهم مش ولاده
فاطمة تقعد بابتسامة : ليه انتم فاكرين ان ستكم غبيه زيكم.. ولدين سنهم يجي 25يبقي ولاده ازي... أم بقى عرفت منين... شوفت كمال وهو رايح على الاوضه اللي بعتي حكمت ليها فافهمت...
أميرة وندا وشباب يضحكو ويقربه منها
ندا بضحك :مش سهله انتي يا تيته.. مافيش حاجه بتفوت عليكي
أميرة :بس ازي اخدتي بالك من سنهم يا تيته... دا انا ماخدش بالي خالص
فاطمة بضحك :وهو انتي من امتى بتاخد بالك... ودلوقتي الحب عامي عينكي.. من يوم ما حابيتي وانتي اتهبلتي في دماغك اكتر ما انتي مهبله(الكل يضحك وفاطمة تبص للولادين) تعال يا واد يا دكتور منك ليه سلموا عليا
يقرب منها أليف وعمران بابتسامة
عمران بابتسامة :ازي حضرتك يا تيته...
أليف بابتسامة : المستشفى نورت ياتيته
فاطمة بابتسامة :منوره بيكم (وتبص بنص عين وتشاور على عمران) انت اللي البت ندا بتحبك... وانت اللي البت أميرة بتحبك
الكل بصلها بصدمه
أميرة بغيظ :لا مليش دعوى لازم اعرف عرفتي منين المره دي..
فاطمة بضحك :من البلونه اللي عملها في رأس الواد ياختي ..(الكل ضحك واليف حط ايده على راسه) ...
أميرة بابتسامه :طيب هقولك على خبر مستحيل انك تكوني عرفتيه.. وانا اللي عرفته قبلك
فاطمة بابتسامة : ايه هو دا يا فلحه
أميرة بفرحه :دكتور كمال متجوزش.. بس في حد قاله أن ابله حكمت اتجوزت وسافرت مع جوزها..
فاطمة بحزن : عارفه ...(وتبص للولاد) وانتم تقربوا ايه لكمال
عمران يقعد قدمها ويبص لها اوي :.. انا ابن خالته... واليف اخوه
فاطمة بستغراب :اخوه... بس كمال مكنش عنده اخوات غير ناديه...
أليف بحزن : ما انا من ضمن الأسرار والحكايات.. اللي في حياة كمال
فاطمة شافت الحزن في عينه فبتسمت : لو كل الأسرار حلوه زيك... كده نكتر منها...(أليف ضحك اوي) قولي ايه حكايتك
عمران يبصلها :معلش يا تيته... ممكن حضرتك تقولنا الأول عرفتي منين أن كمال مفكره ابله حكمت متجوزه
فاطمة تتنهد بحزن :
ونروح الاوضة اللي فيها حكمت وكمال
#بقلم_ولاءيحيي
حكمت وقف بصه من الشباك اللي بيبص على النيل .. وكمال وقف جمبها..فضله ساكتين فتره وكل واحد فيهم قلبه هيخرج من مكانه.. لحد ما كمال قرر يقطع الصمت
كمال بابتسامه وصوة هادي: زمان كنتي بتحبي تقفي كده بس قدم البحر...حبيتي مين اكتر ... النيل واللي بحر اسكندرية
حكمت بابتسامه :الاتنين... مع انهم مختلفين.. بس كل واحد فيهم ليه جماله.. مينفعش تختار بينهم... فحبيت الاتنين
كمال بابتسامة :عملين زي بناتك ...(حكمت تبصله.. وهو لف بصلها بابتسامة) مختلفين.. بس كل واحده فيهم وخده حاجه منك ..أول ما شوفت أميرة حسيتها زي بحر اسكندرية بشقاوتها وعفويتها وضحكتها عمله زي الموج لما بنعوم جوه ..شفتك فيها اول مره اتقبلنا ... نفس شقوتك وعفويتك ودمك الخفيف... قولت دي اللي طلعه ليكي فحبتها...ولما شوفت ندا لقيتها عذبه وهاديه زي النيل... لما قربت منها عشان اشوف جرحها.. عنيها دمعت وبقي فيهم لمعة عنيكي... شفتك فيها لما بتبقى خايفه اوي مكسوفه... لقيت ان الاتنين مع بعض هم انتي (ويكمل بحب) ماعرفتش احب واحده فيهم اكتر من التانيه
حكمت عنيه اتملت دموع وبصت للأرض.. وبعدت عنه ورحت قعدت على الكرسي... وهو شويه وراح وقعد جمبها.. ورجع راسه لورا ... وهي بقى قلبها يدق بقوة
#بقلم_ولاءيحيي
كمال يتنهد :ماصدقتش.. (حكمت بصت ليه بستغراب.. فبصلها وعينه فيها دموع)يومها ماصدقتش انك بتخونين...
حكمت وقفت بضيق: لو سمحت... مش عاوزه اتكلم واللي اسمع
كمال قام وقف قدمها بغضب وزعيق :مش بمزاجك.. الحصل ميخصكيش انتي لوحدك عشان تقولي مش عاوزه اسمع انا من حقي اتكلم... وانتي لازم تسمعي... من حقي اقول اللي مكتوم جويا من 19سنه... وانتي هتسمعيني
حكمت بدموع : عاوزني اسمع ايه.. اسمع ازي صدقت اني بخونك وجيت تجري عشان تشوفني...عاوزني افتكر وانت بتضربني وبتسالني بعمل ايه. عنده... لما ما انت ماصدقتش ليه سيبتني هناك لوحدي وخرجت معها... سيبتني ليه
كمال بزعيق :مسبتكيش... حاولت ارجعلك منعوني ... و انا مجتش عشان شكك فيك.. انا جيت أحميكي...
حكمت : تحميني...
كمال بغضب :ايوه أحميكي... انا يومها أبويه بعتلي في مكتبة... قالي انه عاوزني اروح معه مكان مهم... واخدني في عربيته وانا مش عارف هو رايح فين... لحد ما وقف قدم عماره سيف... ولقيت ماهي بتركب العربية
#فلاش بك
محمود بتمثيل : ماهي... انتي بتعملي ايه هنا
ماهي بدموع تماسيح : كنت عارفه انك هتعمل كده... بلاش يا خالي ارجوك...
محمود يتصنع الغضب : انتي عاوزه يفضل مخدوع... عاوزه حتت بت شمال تلعب بيه...
كمال بعدم فهم :انتم بتكلمو عن مين
محمود بغضب :عنك.. عن حتت البت اللي بعتنا عشانها اللي بتجهز ورقك عشان تأخذها وتسافر... اللبت اللي بعتها سيف تلعب عليك.... قوليله يا ماهي اللي عرفتيه.. احكيلو
ماهي بدموع مصطنعه : من اسبوعين كنت سهرانه مع الشله وجي سيف وكان سكران... سيف كان قبلها بكام يوم قالي انه بيحبني...وانا رفضته وقولتله اني بحبك انت.. فلما جي يومها وشفني ..فضل يزعق ويخرف بكلام.. قال أنه هيخليني اندم.. وانه هياخدني منك وهياخد كل حاجه حتى المستشفى...وفضل يتريق عليا ويقولي انك عمرك ما حبيتني... وانك فضلت عليا حتت بت مومس بتجيلو شقته... وأن هو اللي اتفق معها هي وابوها يلعبو عليك... وترسم عليك الحب وتوقعك ... وفضل يضحك ويقول... انك وقعت وصدقت وهتجوزها وتاخدها وتسافر... وأنها اول ما هتمضيك على بيع الأسهم هتسيبك هناك وترجع .. ويأخذ هو المستشفى
كمال بستهزاء :دي خطتكم الجديدة ... انتم فاكرين اني هصدق الكلام العبيط دا
محمود بغضب :احترم نفسك.. انا ابوك ومصلحتك تهمني يا غبي
ماهي بسرعه :جيت يا خالي... هناك اهي
(الاتنين يبصه مكان ما ماهي بتشاور... كمال لقي حكمت دخله العماره)
محمود :اهو اتفضل بص شوف قدمك الكلام العبيط ...الهنام جت في ميعادها ل لسيف في شقته ..ايه رائيك... مين اللي بيضحك عليك..
كمال بسرعه يفتح باب العربيه وينزل.. ومحمود وماهي يجرؤ وراه.. وعلى باب العماره.. حاوله يمنعوه يطلع.. بس هو دخل... فقابلهم البواب
البواب :على فين يا بيه(لسه كمال هيتكلم.. بس محمود سابق
محمود :البت اللي طلعت دلوقتي... طلعه لفين
البواب بقرف : هي الأشكال دي بنشوفها هنا اللي ل شقه 8 بتعت اللي اسمه سيف...ربنا يرحمنا منه ومن قرفه... كا يوم يا بيه في القرف دا... لما الوحد كره الشغال بسببه
كمال بغضب :البنت اللي طلعت دي جيت هنا قبل كده
محمود رد بسرعه :انت ايه غبي... مهو عارف هي طالعه فين
كمال جرى على الاسانسير.. ومحمود وماهي حاولوا يمنعوه
كمال بغضب يزقه محمود بقوة :ابعد عني..
( ودخل الاسانسير.. وماهي دخلت وره)
كمال بزعيق وغضب :اطلعي بره
ماهي بتصميم :مش هطلع مش هسيبك لوحدك
كمال بيزقه يخرجه.. بس هي مسكت جامد لحد ما الباب اتقفل.. وطلع بيهم...
#بك
#بقلم_ولاءيحيي
كمال بحزن : طلعت اشوفك عشان انتي تفهميني... طلعت انقذك وقولك انا معاكي متخافيش...اول ما دخلت لقيتك قدمي... (ويغمض عينه بألم ويكمل بغضب ) قميصك مفتوح.. وشعرك مفرود... (ويبص لها بزعيق) جريت عليكي أسألك بتعملي ايه هنا...
حكمت بغضب :معرفتش ارد... قولتلك تفتكر بعمل ايه هنا... كنت عاوزك تبص لوشي ولعيني.. لكن انت كنت بصص في الأرض قرفان تبص في وشي
كمال بغضب : لاااا كنت مش قادر اشوفك وانتي قميصك مفتوح قدمي...شوفتك بتقفليه بايدك.. نزلت عيني عشان مجرحكيش... عشان تكلمي وتقولي مين عمل فيكي كده
حكمت بدموع :انت فضلت تضرب فيا
كمال بغضب :لأنك سبتيه يقرب منك ويحط ايده عليكي... سبتيه يضمك من غير ما تصرخي... سبتيه يكلم ويجرحني بيكي ووقفتي سكته... كنتي السكينه اللي بيموتني بيها... ضربتك عشان تفوقي... وتثقي فيا وتقولي الحقيقة.. ضربتك عشان قبلتي انك تبقى في عيني خاينه ووقفه سكته.. كنت يضربك عشان تفوقي... بس انتي كملتي عليا... قولتيها ليا كنت مع سيف.. (كمل بحزن وغضب) سمعتها منك غبت عني الواقع.. بقيت ابص ليكي عشان اتأكد انه انتي مش واحده شبيها.. كدبت عنيه ورفضت تكوني انتي اللي اتكلمتي... فضلت اسمع صوتك في وداني.. وعيد فيه.. عاوز افهم دي انتي واللي شبيها ليكي...فوقت على أبويه وهو بيهز فيا بقوه عشان افوق... ساعتها سمعت صوتك تانى وانتي بتقولي قولتها دا اللي انتم عاوزني اقوله قلتها...وقتها اتأكدت انهم هم اللي قالولك تقولي كده... بس مكنتش عارف ايه السبب...
حكمت بدموع تقعد على الأرض : ولما فهمت سبتني ليه... مشيت ليه... ليه مرجعش تلحقني منهم
كمال ينزل قدمها بدموع : لما نزلت أبويه كان اتصل بالجارد بتوعه... كتفوني.. وخدرني وخذني في الإسعاف للمستشفى.. وهناك عرفت الحقيقه... سمعت سلوي وماهي وهم بيتكلم... قومت وكنت هموتهم... كتفوني تاني وربطوني في السرير تلات شهور... كل ما فوق ينيموني بمهدئات لحد ما ناديه ومدحت وجوز خالتي عرفوا مكاني وانقذوني منهم... وجي عماد صاحبي... واكتشو اني أدمنت...
(حكمت كانت بتسمع بصدمه... وبتبص لعينه عاوزه تشوف.. انه بيكدب... كان أسهل عندها انه يكون بيكدب... على أن كل دا حصلوا .. بصت لعينه وهو كمان... ابتسمت بحزن ورفعت أيدها لمست خده بحب....ومسحت دموعه... رفع ايده حضن أيدها.. مكنش مصدق انه شايفها.. وأنها لمسته.. وفضلو يبصه لبعض.. ورح شدتها في حضنها جامد... وهي رمت نفسها جوه حضنه... بشوق وحب وحزن سنين....)
حكمت بدموع :انا اسفه... كانوا هيموته أبويه... مكنتش عارفه اعمل ايه... قولت اعمل اللي عاوزينه وأنقذ أبويه... وأجرى عليك اقولك الحقيقة... البوليس جي واخدني ... وبعدها ..
كمال يضمها ليه بحزن :عرفت ... عم علي قالي... ان عشان تخرجي من القضية كان لازم تجوزي... فجوزتي ابن خالتك وسافرتي معه
حكمت تبعد عنه وتبص له بصدمه: مين اللي قالك كده
كمال بحزن والم :عم علي ابوكي... انا اول ما بدأت افوق واستوعب... فضلت اسأل عليكي... وناديه كانت بتروح كل يوم بيتكم تدور عليكي... وفضلنا نسأل لحد ما عرفنا ان ليه صديق بيشتغل في المستشفى اسمه حسانين...بعتنا ليه وقال انه ميعرفش عنه حاجه... بس جي بعد اسبوع وقال إن عم علي رجع وأنه اول ما يوصل هيجي يزورني
#بقلم_ولاءيحيي
ونروح لفاطمه اللي بتحكي للولاد
فاطمة بحزن : بعد ما دفنا ام حكمت... حكمت مستحملتش ووقعت منا.. روحنا المستشفى وحجزوها هناك... (وتكمل بدموع) كانت لما بتبقى صاحيه.. تبقى مفتوحه عينها وبص لمكان واحد واللي بتكلم واللي بتاكل واللي بتشرب عايشه على المحليل ... ولو نامت تقوم تصرخ وتصوت...كنت انا وعلى قاعدين على باب الاوضه وندعي ربنا... فلوسنا خلصت... على اتصل بصاحبه حسانين يعرض البيت للبيع... حسانين قاله...ان كمال بيدور عليه... وان محمود ساب المستشفى... على ابني فرح وقالوا يقول لكمال انه راجع... وجي قالي انه مسافر... وهيرجع بلي هيقوم حكمت. تاني .. وقالي انه هيروح يقابل كمال... وهيقوله على الحقيقة... هينتقم من محمود واخته على ظلموهم ليه هو وبنته... لسه بيكلم سمعنا صوت ضحكه كله شر عمري ما هنساه
#فلاش_بك
سلوي وقفه ورا على وحاوليها اربعه بودي جارد... وسمعتو
سلوي بضحك بشر : مبقاش غير واحد زيك انت يا صرصار... اللي يفكر يقف قدمنا
محمود بصدمه : انتي
سلوي بغضب : انا جي اطمن على بنتك بنفسي... واشوف لو تعبانه اريحه... لقيتها تعبانه... فهوصي حتت ممرضه واديها 1000ج... تديها حقنه هوا تريحها...
على بيقرب منها بكره... بس البودي جارد كتفوه.. وحطو المسدس في جمبه... فاطمة لسه هتصرخ
سلوي :لو صوتك طلع... هتاخدي ابنك وبنته تدفنيهم جمب مراته اللي زعلان عشانها
على بخوف :اسكتي يامي... ابوس ايدك اسكتي(ويبص لسلوي) موتني مش مهم بس بنتي سبوها... هنفذ اللي تطلبه مني... بس ابعدوا عن بنتي
سلوي تمشي وتبص لجارد :هاتوه(وتبص لاتنين من الجارد) خليكم هنا... واستنوي مني تلفون ابلغكم هتعملو ايه
#بقلم_ولاءيحيي
وبعد تلات ساعات على نزل من عربيه قدم باب المستشفى... ودخل قابل حسانين..
على بحزن :خير يا حسانين... دكتور كمال عاوز ايه
حسانين :مش عارف يا على... بس من اول ما فاق بيسأل عنك
على بستغراب :فاق من ايه
حسانين :من اللي ابوه والوليه عمته عمله فيه (وحكي حسانين ل على كل اللي حصل لكمال) روحله بقى احسن كل شويه يبعت يسألني عليك....وقبل ما تمشي تعالى نشوف موضوع البيت
على مشي وهو بيكلم نفسه في سره :لما هم يعملو في ابنهم كده... ومصعبش عليهم... بنتي هتصعب عليهم... هيموتها وانا مليش غيرها... لا انا هعمل اللي عاوزينه.. وهبعد ببتي عنهم... انا مش قد شرهم... كفاية عليا خسرت امها...
على وصل للاوضه... وخبط.. فتحتلو ناديه
ناديه بفرحه :عم علي اتفضل ( كمال اول ما سمع اسمع رفع رأسه بشوق... ودخل على وناديه فضلت تبص وره تدور على حكمت... وكمال عينه مستنيه ظهورها)
كمال بابتسامة :عم علي ازيك
على يبص لكمال اللي شكله بقى زي الاشباح.. تعبان وضعيف.
وبقي يقول... عمله كده في ابنهم... امال بنتي هيعملوا ايه
ناديه بابتسامه :فين حكمت يا عم علي.. مجتش معاك ليه
على يبصلهم بقوه :حكمت سافرت من شهرين مع جوزها
كمال وناديه بصدمه :جوزها
على بصوت عالي :ايوه جوزها... عشان يخرجوها من قضيه الأدب اللي بسببك ابوك لفقه ليها...كان لازم تجوز... عشان أنقذ سيرتها اللي بقيت على كل لسان.... جوزتها... جوزتها ابن خالتها .. وسافرت بره معه... وعايشه مبسوطه.. وحامل... انا قولتلك زمان ابعد عن بنتي... مسمعتش كلامي والناتيجه انا اتسجنت في قضية مخدرات... وبنتي أتمسكت آداب... وامها ماتت.... كفايه كده بقى يا بني... انا جي النهارده اقولك ابعد عنا... وسيب بتي في حياتها مع جوزها وعيالها... وابعد عن طريقنا.. سيب بنتي تعيش (ويقرب منه يبوس ايده.. بس كمال شدها ) ورحمة امك يادكتور سيبنا في حالنا... وسيبها تعيش حياتها
كمال بحزن ودموع :حاضر يا عم علي... هبعد وانا اسف على كل اللي حصل ليكم بسببي... وانا هاخد حقكم... وهنتقم من اللي ظلمكم وظلمني
على بدموع :لا يابني... احنا حقنا عند ربنا.. هو هيجيبو لينا... ربنا كبير.. حسبي الله ونعم الوكيل.. حسبي الله ونعم الوكيل
وخرج على من الاوضه وهو بيدعي على اللي ظلمه... وكمال صرخ بألم ودموع... وناديه ومدحت وعماد واقفين مش قادرين يمنعوه
#بك
#بقلم_ولاءيحيي
عند حكمت وكمال
كمال بدموع :خبر جوزك كان الموت أخف منه... بس كنت بدعيلك ربنا يسعدك... وكان نفسي تعرفي الحقيقة
حكمت بستغراب :انا مش فاهمه حاجة... ليه بابا عمل كده
كمال بستغراب :عمل ايه
حكمت تبصله شويه وتسكت وبعدها
حكمت :طيب بعد دا كله... انت ليه اتجوزت ماهي
كمال بستغراب :اتجوزت ماهي؟ انتي مين اللي قالك اني اتجوزت ماهي
حكمت بدموع :انا شوفتك رجعت بعد 6شهور... وسمعت بابا بيقول ل تيته أن فرحك النهاردة... صممت انزل... وجيت وشوفتك.. وانت مسك أيدها..
كمال بصدمه : وبعدين شوفتي ايه بعدها
حكمت تقف بدموع :مشفتش مشيت مقدرتش اشوفك معها...
كمال مسكها جامد :ليه ليه مشيتي... دا انا كنت بنتقملك ليه موقفتيش... انا متجوزتش.. واللي عمري هتجوز غيرك... دي كانت لعبه مني عليهم.. عشان افضحهم وَانتقم ليكي
حكمت بصدمه :متجوزتش
كمال :لا متجوزتش... (ويحط راسه على رأسها) انا قولتلك ان عمري ما هتجوز غيرك...
حكمت تمسك وشه وتبص لعينه بابتسامه وحب :كمال انا كمان متجوزتش... وعمري ما هتجوز غيرك
كمال بصدمه :متجوزتش.. وليه عم علي قال اتجوزتي
حكمت :معرفش.. بس انا عمري ما كنت واللي هكون غير ليك
كمال بصلها بحب.. ورح ضممها بقوه وفرحه.. وفضل يلف بيها وهو وهي بيضحك بفرحه... وهنا اتفتح باب الاوضه ودخل الأربع شباب وشافوهم.. فضلوا يسقفه ويضحكو.. كمال وحكمت بصو ليها وهم في حضن بعض.. وبصو الاتنين لبعض بستغراب وهم بيشاور على الشباب
كمال وحكمت سوا :امال ولاد مين دول
لأربع شباب سوا : احنا ولادكم انتم الاتنين
💗💗 (اليتمتان)💗💗 #بقلم_ولاءيحيي
البارت التاسع عشر قبل الاخيره
كمال وحكمت بصو لبعض بستغراب وهم بيشاور على الشباب الأربعه
كمال وحكمت سوا :امال ولاد مين دول
لأربع شباب سوا بضحك : احنا ولادكم انتم الاتنين
ودخلت أميرة تجري بفرحه
أميرة :مبروك يا ابله مبروك (وتقرب عاوزه تحض حكمت بس كمال ماسكها في حضنه مش راضي يسببها.. فوقفت بصتله فابتسم)
كمال بابتسامه :انسى مش هخرجها من حضني انا ما صدقت...(حكمت تكسف وتبص ليه بحب.. واميرة تضحك)
أميرة بضحك :اوعي تخرجها انا هتصرف(وطلعت وقفت على الكنبة... وكل بيبص ليها بستغراب)
أليف بستغراب :هتتصرفي هتعملي ايه
أميرة بضحك:هحضنهم هم الاتنين (ورحت نطه.. حكمت وكمال فردو ايدهم.. ومسكها الاتنين وهي بقيت في حضنهم... والكل قعد يضحك)
أليف بغيظ وغيره وهو بيشد ايد كمال وبيخرج أميرة من حضنه
أليف بغيظ : سيب يا عم... سيب يا سيدي... (ويمسك أيدها يبعدها...).. ايه يا عم انت ما صدقت (ويبص لاميرة) بت انتي اعقلي بدل ما اديكي على نفوخك
عمران بضحك :يابني انت وهي بطلوا شويه.. (ويبص لكمال) مبروك يا دك
ندا تقرب من حكمت :مبروك يا ابله
حكمت :ندا حبيبتي انتي كويسه
ندا بابتسامة :الحمد الله يا ابله
حكمت تبصلهم اوي :هو انتم فتحته الباب ازي
أميرة بضحك :ما احنا اللي فقلناه (حكمت تبص لكمال)
كمال بابتسامة :والله ماعرف حاجه... انا واحده من التمريض جت قالتلي ندا عاوزني ضروري قبل العمليه فجيت اشوفها
حكمت بقلق : عملية ايه... هو انتي هتعملي عمليه بجد
ندا تبص لعمران.... وتفتكر رد فعله لما دخلت أميرة مع دكتور كمال ودكتور عماد
#فلاش_بك
عمران واليف وندا كانوا في المكتب بيتكلموا.. لقو الباب بيتفتح.. وأميرة دخله ومعها كمال وعماد
أميرة بفرحه :ندا... دكتور كمال هيعملك العملية... وبيقول الجرح هيخف وهيختفي...
ندا بصت لعمران اللي مش فاهم..
عمران بخوف :عمليه ايه (ويبص لنداء بخوف ويحط ايده على وشها) ندا حبيبتي انتي تعبانه فيكي حاجه
ندا بابتسامة :متقلقيش دي عمليه تجميل عشان الجرح اللي في رقبتي #بقلم_ولاءيحيي
عمران يبص لكمال : لاااا ندا مش هتعمل عمليات... (ويبص ل ندا) حبيبتي انتي كده جميله وزي القمر
ندا بابتسامه : بس انا عاوزه أعملها... يا عمران
عمران : بس أنا
كمال بابتسامة يقرب : بس ايه يا عمران...انت خايف عليها من العمليه وانا الدكتور بتعها... شكلك عاوز علقه... ابعد كده خليني اكشف
عمران يبص لندا اللي تبتسم وتترجاه بعينها... فيبعد..
كمال قرب من ندا وبص لعينها وابتسم : انا هشيل الطرحه وابص بس على الجرح اطمني..
عمران بيبص جمبه بضيق.. شاف ندا وأليف وعماد واقفين وبيبصه مع كمال... ولسه كمال بيفك الطرحه
عمران بغيره : استنى... (ويبص لاليف وعماد) ممكن تطلعه بره على ما يكشف عليها
عماد واليف بصو لبعض... وكمال سند على المكتب وهو بيبتسم... وندا بقيت مبسوطه بغيرته عليها... وأميرة نطت قعدت على المكتب جمب كمال وبتضحك..
عماد : بره فين يا واد انت ... احنا دكاتره
عمران بابتسامة :عارف بس الموضوع مش محتاج كل دا.. (وغمزله) وبعدين انت مش عريس.. زمان العروسه مستنياك
عماد بابتسامه : صح تصدق عندك حق... سلام يا دك
وخرج عماد بسرعه يروح لعروسته
عمران بص لاليف:بره
أليف بغيظ :مش خارج دا مكتبي وانا الدكتور المساعد.. لدكتور كمال.. انت بقى اطلع بره عندنا كشف
لسه عمران هيرد بس كمال سابقهم
كمال بقوة : انتم الاتنين بره...(لسه هيعترضو كمال زعق) قولت بره
يخرجه الاتنين بغيظ.. وكمال وأميرة يضحكو... ويبص لندا يشوف خوفها وقلقها..
كمال بابتسامه : متخافيش (وكشف كمال وبعد ما خلص) كويس اوي العملية أن شاء الله هتختفي اي إثر..
ندا بفرحه ودموع : بجد يا دكتور
كمال بص ليها بطيبه وابتسم : بجد... شوفي انتي عاوزه تعمليها امتى
أميرة : ممكن نعرف تكلفت العمليه يا دكتور
كمال بص لاميرة وشاف قلقها هي وندا فابتسم
كمال : هتشتغلي سنتين في المستشفى من غير مرتب
أميرة بفرحه : موافقه... تعملها امتى
كمال : اي وقت...(ويكمل بشوق) كلمو مامتكم وشوفه هتقول ايه
أميرة وندا بصو لبعض اوي
ندا : دكتور هو ينفع أعملها بكرا
كمال بستغراب : ايوه ينفع
أميرة بابتسامة : يبقى بكرا... وندا هتتحجز من النهارده
كمال : وحكمت... قصدي مامتكم مش هتبلغها
ندا بابتسامة : هتصل بيها... عشان تيجي حالا
كمال بابتسامة وفرحه: وانا هبلغهم بلميعاد العمليه.. وخرج كمال.. والشاب دخلوا.. واتفق ازي هيخلو حكمت تقابل كمال... بس عمران كان قعده مضايق وخايف على ندا
#بك
ندا تبص لاعمران : لو عمران فضل مكشر كده مش هعملها
عمران بصلها وابتسم وقرب منها بحب :لو انتي عاوزه تعمليها عشانك انتي اعمليها حبيبتي
ندا بحب تحضنه : بحبك يا عمران (الكل بصلهم)
أليف بغيظ :لا دا استعباط بقى...كل واحد حضن حبيبته اشمعنا انا...(ورح شددت اميره) تعال يا بت لما احضن
الكل يضحك بس يبعدو كلهم مره واحده لما يسمعو صوة
فاطمة يتصنع الغضب : والله عالي... سيبني في الاوضه هناك وقاعدين هنا تحتضن بعض .. (وتقرب منهم) انت يا واد انت وهو وهو تعالو الناحيه دي... وانتي يا بت انتي وهي وهي.. الناحية دي (وتبص لكمال بابتسامة) ازيك يا واد يا دكتور
كمال يقرب منها بحب ويبوس أيدها وراسها :ازيك انتي يا تتيته
فاطمة تبص لحكمت والضحكه على وشها فتبتسم
فاطمة تحط أيدها على وش حكمت :دلوقتي بقيت كويس
اقعدو يا ولاد كلكم... لسه في حاجات عاوزين نفهمها وكل الأسرار تظهر عشان لما تبدأ يكون على صفحه بيضه (الكل يقعد)
كمال بيبص لحكمت بابتسامة :الأول عاوز اعرف القمرات دول مين..
حكمت تبتسم وتبص للبنات بحب.. وتحكي لكمال قصتهم
حكمت بابتسامة : بقو بناتي.. وبيهم قدرت اكمل وارجع لدنيا (البنات يحضنها بحب)
ندا بحب :احنا لو لينا ام... مش هنحبها زيك يا ابله
كمال بابتسامة : ومن دلوقتي ليكم اب (ويبص لشباب بنص عين) وانا مش هجوز بناتي دلوقتي اربع خمس سنين اكون شبعت منهم... (عمران واليف يبرقه الاتنين بصدمه)
عمران :أعملها وانا هاجي أقيم عندك في البيت 24ساعه لحد ما تقولي خدها وامشي
أليف يحط رجل على رجل ويبصله: انا بقى عارف ايه اللي هيخليك تجيبها لحد عندي... ومعك المأذون.. وتجوزهالي
كمال بستغراب :ايه هو بقى
أليف يلعب حواجبه :هخطفلك حكمت
(الكل يضحك اوي)
حكمت بابتسامه :انتم اكيد ولاد ناديه
كمال بابتسامه : لا... ناديه عندها بنت ولدين توائم... ام دول (ويبص لشباب بابتسامه ) دا عمران ابن خالتي... ودا أليف اخويه
حكمت بستغراب :اخوك... هو بابك اجوز تاني
كمال بابتسامه : لا... أليف اخويه من الأم والأب
حكمت وفاطمة بصي ليه اوي
حكمت :بس انت مقولتش قبل كده ان ليك اخوات غير ناديه
أليف يبصلها بابتسامه :ما انا ضحية من ضحاياه.. محمود وسلوي..
كمال: انا وناديه معرفناش أن أليف لسه عايش غير لما كان عمره 10سنين
أميرة تبص لاليف : ليه هو كان فين... انا مش فاهمه حاجه
كمال :انا حكلكم كل حاجه... بس من الاول
وبدأ كمال يحكي اللي حصل من الاول لحد ما وصل لما... على زاروه وقاله أن حكمت اتجوزت
حكمت تبص لفاطمه :ليه بابا عمله كده يا تيتيه... اكيد حضرتك عارفه
فاطمة اتنهدت : خاف عليكي هددوا بيكي... كانوا هيموتوكي وانتي في المستشفى... فعمل اللي هم عاوزبنه.. ولما قومتي بسلامه وبقيتي كويسه.. ورجعنا اسكندرية عشان نبيع البيت... نزل يدور على كمال عشان يقوله الحقيقة.. ورح المستشفى... يومها عرف ان كمال هيتجوز بنت عمته... رجع البيت مهموم.. وقالي فرح كمال النهارده... (وتبص لحكمت بدموع) ابوك طلب مني مقولكيش...كان خايف يكون ظلمك.. وتحمليه الذنب زيهم... فضل حاسس بتأنيب الضمير لحد ما تعب... و قبل ما يموت فضل يقولك سامحيني.. اوعي تزعلي من ابوكي يا حكمت.. كان خايف عليكي
حكمت بدموع :عارفه يا تيته.. ربنا يرحمه ويغفرله
ندا تبص لكمال :طب ازي يا دكتور حضرتك متجوزتش... مع ان ابله حكمت شافتك في الفرح
كمال بابتسامه :بعد ما عم علي مشي...كنت كاره الحياه... وعاوزه اولع فيهم... وحلفت اني هاخد حقنا منهم.... فضلت افكر كتير.. ازي انتقم... بعدها بيومين جالي جواب... وكان من السجن من سيف... بيطلب مني اروح ليه... وانه معه شريط مسجلا.... ليهم في المستشفى عن عمليات مشبوها ... وشرايط لماهي وهي بتتفق معه... على اللي عمله في حكمت.
#بقلم_ولاءيحيي
ورحت ليه تاني يوم الصبح.... اعترفلي بكل حاجه.. وقالي على مكان الشريط... ورحت اخذتها... وحلفت لازم انتقم وافضحهم واسجنهم كلهم... بس كنت لازم الأول ارجع الأسهم.. وبيعرفو أن الأسهم رجعت لي...
#فلاش_بك
في المستشفى... محمود وسلوي وماهي.. قاعدين مستنين يدخله لكمال اللي بعت طلبهم...
سلوي بغضب :هو ابنك بعت طلب يشوفنا... وفي الاخر مقعدنا على الباب... انا غلطانه اني جيت (ولسه هتتوقف)
محمود :اقعد يا سلوي... خلينا نشوف عاوز ايه عشان نعرف.. نرجع المستشفى ازي
سلوي بغضب : وهو داخله ايه في المستشفى... مهو باعها..
ماهي :ناديه وكمال واحد يا ماما... البيع دا شكل بس.. كان شكك فيكم وبيأمن نفسه.. لكن كل الأسهم في ايده.. وأي لحظه هيرجعها
سلوي بضيق : احنا هنفضل لعبه في ايدهم كده.. . ما نخلص منهم الاتنين
محمود بغضب : انتي ايه.. مافيش في دماغك غير انك تقتلي
سلوي بستهزاء : مش عارفه ليه مابصدقش دور الأب اللي بتحاول ترسمه دا
الباب يتفتح.. و ويخرج واحد معه دفتر مكتوب عليها الشهر العقارى... وهم اخذو بالهم
مدحت يبص ليهم بقرف: اتفضلو
سلوي تقف وتبص لابنها وتقرب منه :خليك فاكر ان انت اللي اختار تكون عدو ليا... عشان لما افعصك برجلي.. مترجعش تقول انا ابنك
وتدخل.. ورها ماهي اللي بصت ليه يقرف... ودخل محمود اللي بص ليه بغضب وكره
مدحت خرج وقفل الباب
مدحت يتنهد بحزن في سره : تستهلو اللي هيعمله فيكم..
سلوي تدخل من غير ما تسلم.. وتقعد وتحط رجل على رجل.. وتقعد ماهي زيها
محمود يدخل ويبص لولاده بقوه :شوفت آخر عميلك.... عرفت ان اختك اتجوزت.. حتت عيال.... من ورنا... هتقول لناس ايه دلوقتي
كمال بقوة :هقولهم اختي اتجوزت راجل يحميها ويخاف عليها... وعمره ما هيخونها... ومش دا الموضوع اللي طلبتكم عشانه...فا تفضل اقعد عشان مش قادر اتكلم (محمود يقعد بغضب) انا بعتلكم... عشان اعرف طلبتكم...ناديه رجعت الأسهم باسمي... وحكمت خلاص عرفتو تفرقه بنا... ف كافيه كده
محمود بابتسامة انتصار : استسلمت بدري كده
كمال بضيق : أظن كل اللي انتم عاوزينه اتنفذ
سلوي : لا لسه.. ...الإدارة ترجع في أيدينا... تكتب الأسهم لمحمود
كمال بتصنيع الغضب :لا مش هتنازل عن الأسهم
محمود بغضب : واحنا مش هنفضل تحت رحمتك... المستشفى دا شغل.. مش لعبه بتلعب بيها... لازم نضمن الإدارة في أيدينا...
كمال يسكت شويه :نرجع للحل الأول... هتجوز ماهي... ونكتب شرط في العقد... اللي هيسيب ويطلب الطلاق الأول الأسهم بتاعته تتنقل باسم التاني ....
سلوي بصتله اوي : قصدك ايه بلعبة دي
كمال : لو شايفه انها لعبه... يبقي كانت لعبتك من الاول... وانا وفقت عليها
سلوي تسكت شويه وتفكر وتبتسم بخبث :موافقه
كمال يبص لماهي :مش تاخذي رائي العروسه لأول
ماهي ترسم الفرحة :موافق طبعا.. انا طول عمري بحلم باليوم اللي هنتجوز فيه
كمال : يبقى اتفقنا... شوفه الميعاد اللي يناسبكم.. وجهزو الفرح.. وبلغوني
محمود : الخميس الجاي... وهنعزم كل الوزراء ورجال الأعمال.. يعني مافيش لعب... مفهوم
كمال من جوه بابتسامة :مفهوم
واتفقوا وبدأ يجهزو لفرح كبير جدا ... وعزمو كل أصحاب النفوذ والسلطة والفلوس ...أول ما وصل كل اللي كان معزومين من ناس كبيرة جدا في البلد... خرج كمال ماسك ايد ماهي... وهو بيبتسم بانتصار وفرحه... وقف قدمها بابتسامه.. ورفع الطرحه... وهي بتبتسم مستني يبوسها... بس فضل باصص ليها... من غير ما يقرب.. والكل سكت وبيبصه عليهم بستغراب... وماهي بقيت تتلفت حواليها... ومحمود وسلوي قربه منهم...
محمود :كمال بوس عرستك الناس بتتفرج عليكم
كمال أتلفت... وقرب منه عماد بلمايك..
كمال بابتسامة : انا عمل مفاجأة صغيرة... للعروسة.. وليكم كلكم... ياريت الكل يبص لشاشة العرض.... ششغلو الفيلم
#بقلم_ولاءيحيي
وهنا اشتغل فيلم فيه ماهي نايمه على سرير جمب سيف... وبيتكلمو عن عمليه مشبوها عملها في المستشفى هم الاتنين..... وبيتكلمو عن العمليات الكتير اللي المستشفى بتعملها...وسيف بيقولها انه قلقان... حد من أهل المرضه يتكلمو... لأن ال خمس حالات اللي عمله ليهم العمليه اصاحبها ماتوا ... وماهي بتطمنه.... وبتقوله ان مافيش خوف عليهم... وان محمود وسلوي مأمنين كل حاجه... و في ناس مهمه جدا في البلد شركاء معهم وبتحميهم... وان حتى لو حد بلغ... البلاغ هيتقطع... وانا الصحافة والإعلام... تحت سلطتهم... وانهم اول ما تجوز كمال... هتاخد الأسهم...والمستشفى كلها هتبقي تحت ايدهم وشغلهم هيكبر اكتر
و دخل البوليس في الوقت دا... وهم معهم أمر بالقبض على محمود وسلوي وماهي... وبعض الاسامي... بعض ما كمال كان قدم بلاغ .... وهنا كل الموجودين في الفرح بدأ ينسحبو بسرعه من الفرح... وبقي الكل يخرج قبل ما الصحافة ... تصورهم
#بك #بقلم_ولاءيحيي
كمال :واتقبض عليهم... وفعلا كل الناس الكبيرة بعدو عنهم ومحدش قبل يساعدهم... بس الفساد مخلص...مكنش في إثبات أن محمود وسلوي ليهم يد في اللي بيحصل في المستشفى... ولبسها لبعض الدكاترة والموظفين... وماهي محامي وقاضي فاسد... خرجوها من القضيه... وللأسف في الوقت دا معرفتش. اعمل اكتر من كده .. وبعدها الكل بقى يرفض يساعدهم.... لكن وقت بسيط ورجع كل حاجه زي ماكانت... ونفوذهم وفلوسهم قدرو.. يمحو اي كلام او خبر عنهم .. وانا سافرت بس خليت مدحت مسك المستشفى بكل قوه... ومنعهم يدخلوا في الإدارة... ودا الشيء الوحيد اللي قدرنا نتحكم فيه... ... لحد ما فكرو في فكره تانيه... وساعتها ناديه سمعتهم. بصدف .. وعرفنا أن أليف عايش
(وبدأ كمال يحكي ليهم... محمود وسلوي عملو ايه في امه واليف... لحد ما ناديه وقعت منه )
كمال :جريت بناديه للمستشفى... ومدحت جي...سيبته معها ورحت لمحمود وسلوي مكاتبهم... كانوا بيتخانقو
#فلاش_بك
كمال يفتح الباب بغضب... ومحمود وسلوي يبصه ليه وتفاجاة بيه قدمهم
#بقلم_ولاءيحيي
محمود بصدمه :كمال... انت رجعت امتى
كمال بغضب :انا جي اعرض عليكم عرض... انتم عاوزين المستشفى... وانا عاوز اخويه
محمود برق عينه :اخوك
كمال بغضب وزعيق :ايوه اخويه.... عاوز اخويه... هتكتبو باسمك... وهتظهرو لناس.. ويتعرف انه ابنك ....وبعدها تتنزل عن الوصاية ليا... وانا هكتب لك الأسهم كلها... بس بعدها تنساني انا واخواتي...
محمود يسكت شويه ويبص له :موافق
كمال بستهزاء :كنت متأكد انك هتوافق... هستناك الصباح تخلص الإجراءات كلها
#بك
كمال :ورحنا خلصنا الإجراءات.... وبعدها اخدت أليف... وناديه ومدحت وسافرنا بره البلد..... مكنش لينا مكان في بلد بتحمي الظلم والظالم... لحد ما ربنا انتقم منهم كلهم ...
حكمت :ازي
كمال : محمود طمع.. وبعد ما كل الحقيقة انكشفت وحتى أليف عرف... لان سلوي رحت الشقه اللي كان فيها واتخنقت مع محمود... فاليف سمعهم..... ف مافيش حاجه تهدده بيها.... فمحمود رفض يديها حاجه من الأسهم... ودا جننها... وطبعا هي عارفه نقطت ضعفه... بعتت ليه واحدة.. فضلت تلعب عليه وتحطله مخدرات... لحد ما بقى تحت سيطرتهم... ومضى وباع كل الأسهم... ليها... وبعدها رمته في مصحه الأمراض العقليه... ومات هناك
ندا :وسلوي وماهي
كمال :بعدها بسنه سلوي كانت متجوزه في السر من حتت عيال كالعادة... سيف كان خرج من السجن وحب ينتقم منهم.. كان بيراقبهم... واكتشف أن الواد اللي اتجوزته سلوي على علاقه... بماهي.. وأنها مسلطه عليها عشان تاخد الأسهم من سلوي... وفي مره وماهي عنده... سيف بعت لسلوي أن جوزها بيخونها... رحت بسرعه... ودخلت لقيته مع واحده... ومن غير ما تعرف مين اللي معه... قاتلتهم...كان سيف بلغ البوليس... واتقبض عليها... بس كانت اتجننت... ونقلوها مستشفى الأمراض العقلية... ومات هناك... وقتها مدحت لما ورثناث.. رجع لينا كل الأسهم.. ورفض ياخد منهم حاجه... ورفضنا كلنا نرجع مصر تاني بعد الفضيحة ... غيرنا المستشفى ورحنا القاهرة..... وعماد هو اللي مسك الإدارة ..
فاطمة :يمهل ولا يهمل... انتقام ربنا أعظم واكبر... والحمد الله انكم رجعتم لبعض يا ولاد.. انسى الفات... وعيش حياتكم
#بقلم_ولاءيحيي
حكمت وكمال بصو لبعض بحب... ونتقابل بكرا مع الحلقه الاخيره ونفرح مع أبطالنا
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق