رواية قدرى انت الفصل السادس وعشرون26 بقلم نفين بكر
رواية قدرى انت الفصل السادس وعشرون26 بقلم نفين بكر
#الحلقة_26
ذهب مرعي ل فيلا كامل الحديدي
الحقني ي كامل بيه قدري عرف مكان عبد الرحمن
وهيوصله
كامل :انت بتقول ايه وعرف يوصلوه ازاي ي بني ادم انت
مرعي...والله مااعرف ي بيه انا لقيت علياء وعسران اخوي بيقولولي اكده
دا حتي بعت واحد من رجالته عشان يجيبه
كامل بصرامة:: قدري مش لازم يوصل ل عبد الرحمن مش لازم هم
لو قدري وصلوه يبقي قول علي نفسك ي رحمن ي رحيم
واستلقي وعدك منه
لاه اني مش قد قدري::بقلمي نيفين بكر
كامل...يبقي تتصل علي عبد الرحمن وتقوله يسيب المكان اللي هو فيه دلوقتي حالا وينقل في اي حته بعيده وابعتله فلوس بزياده
حاضر ي بيه حاضر
كامل دااا مؤقتا بس بعدين نبقي نشوفله صرفه
تقصد اييه نخلص عليه
كامل ...ايوة عشان مايكونش في اي تهديد علينا
قدري لو صلوه ممكن الخيوط تتفك كلها ويعرف كل حاجة
مرعي.. عندك حق ،طب ااقول ايه ل عسران وعليا
كامل....قولهم انك مش عارف توصلوا او انك شاكك انه حصله حاجة عشان تفكرهم يروح عل قدري للي جاي فيما بعد يعني
مرعي....ي سلام علي دماغك ي كامل بييه دماغ متكلفه بصحيح
اتصل مرعي علي عبد الرحمن الذي نبه عليه بان ينتقل الي مكان اخر والا يخبر اي احد مكانه ويقفل هاتفه لمدة عشر ايام
وطمئنه علي علياء وقال له بانه سوف يرسل له المال الازم
بعد ذلك رجع ل عسران وعلياء ليخبرهم ....
🌷🌷🌷🌷🌷🌷🌷🌷🌷🌷🌷🌷🌷
في سراي العزايزة
كانت علياء وعسران يتكلمون بخصوص عبد الرحمن
اتي مرعي
عليا بلهمفه عملت ايه ي عمي
مرعي ..والله اني اتصلت عليه تلفونه غير متاح
علياء ...هاتلي رقمه انا هتصل بييه ...
مرعي ....خدي اهاا
عسران ...لو كلف الامر هسافرله اطمن عليه
مرعي ..اللي تشوفوا واني معاك
كررت الاتصال بعبد الرحمن للمره المائه ولكنه مغلق
علياء بصوت يخنقه البكاء....عمي عسران انا خايفة علي عبد الرحمن اوي خايفه لايكون قدري عرف يوصلوه
عسران ...ماتخفيش ي بتي لو كان في حاجة من دي كنا عرفنا
علياء ..انا مش مطمنة ابدا انا انا لازم اروح ل قدري
واعرف هو وصله ولا لاء
كان مرعي يستمع اليهم دون كلام وقلبه يتراقص من الشماته
اما علياء فذهبت فورا لملاقاه قدري في سرايته
💞💞💞💞💞💞💞💞💞💞💞💞💞💞
منذ وفاه امها وهي حزينه لم تعد كما كانت
حتي كلامها مع اسر اصبح قليل جدااا وهذا ما كان يقلقه
دخل كامل عل ندي غرفتها وجدها تبكي ...
هتفضلي في النكد دااا كتير ؟؟
قامت هي ومسحت دموعها وقالت. ...حضرتك عاوز مني حاجة
كامل ..ايوة عوزك تبطلي نواح بقي جبتلنا الفقر
ثم اكمل ....
انا كمان اسبوع هكتب كتابي وهجيبها تعيش معايا هنا
ندي بغضب ..مفيش وحدة هتدخل بيت امي
كامل بتحدي ...وامك ماتت وانا من حقي اتجوز واعيشلي يومين مش كفايه السنين اللي راحت من عمري
ندي ...هو انا ليه حاسة انك فرحان وانك ما صدقت ماما يجرالها حاجة....
كامل ...وانتي بتقولي فيها انا كنت عايش في كابوس
ندي ببكاء ...ماما عمرها ما زعلتك ولا اذتك معان كانت معاملتك معاها ناشفه ومفهاش لا ود ولا رحمه
ممكن افهم لييه ليه بتكرها وبتكرهني مع اني بنتك الوحيده لييييييه قالتها بصراخ
كامل ...لاني عمري ما حبتها انا كنت بحب وحده تانيه وبسببها اتدمرت كل احلامي
ندي ...وانا ذنبي ايه في الكره دا ذنبي اييه
قال كامل ...ذنبك انك بنتها ...
جاءت الخادمة ..كامل بيه خال الست ندي تحت هو والمحامي وعوزين حضرتك والست ندي
كامل بجديه ...روحي انتي
نزلت ندي مع كامل ....
في غرفه المكتب
المحامي ..كامل بيه دي وصيه الست امينه احمد فاضل
ام ندي وهي اشترطتت في الوصيه تتفتح قصاد خالها
كامل ..وصيه اييه
المحامي السيده امينه كتبت الفيلا والارض وكل املكها باسم بنتها ندي ووثقتهم في الشهر العقاري
انتفض كامل ...انت بتقول اييه ي بني ادم انت الوصيه دي باطله وانا هرفع عليكم قضيه اتهمكم بالتزوير....
المحامي ...الوصيه صحيحة ي كامل بييه وموثقه في الشهر العقاري
وتقدر تااكد بنفسك ...
كامل بغضب ...انا مش هقبل بالجنان دااا انا هاخد حقي بالزوق بالعافيه هاخده
خال ندي ..وحدة واتصرفت باملاكها بحريتها
وبعدين في الاول والاخر كله هيروح ل ندي بنتك
ليثور كامل ...مش بنتي بقلمي نيفين بكر ندي مش بنتي وانت عارف كدا كويس
خال ندي بصوت جهوري ..كامل انتبه علي كلامك وشوف انت بتقول اييه
كامل ...لا خلاص اللي كان مخليني ساكت اني مش هخسر حاجة لكن بعد كدااا مش هسكت
ندي بشفاه مرتعشه ...تقصد اييه ثم التفتت لخالها
يقصد اييه ي خالوو انا انا مش بنته اومال بنت مين
خال ندي ...اهدي ي ندي اهدي ي حبيبتي انا هفهمك
ندي ببكاء...تفهمني اييه تفهمني اني عشت عمري كله في وهم
عشت مع اب قاسي كل مهمته في الحياه ازاي يضايقني او يحبطني
لييه ي خالي ماقولتليش لييه لييه
خال ندي ..لاننا كنا خايفين عليكي ي حبيبتي
ثم اردف ...
انا هحكيلك كل حاجة
والدتك الله يرحمها كانت متجوزه من ابن عائله كبيرة في البلد الجواز مااستمرش كتير
تقريبا شهر ووالدك حصلتله حادثه اتوفي فيها
في الوقت دا امك كانت حامل وخبينا علي اهل والدك عشان خافت لا يخدوكي ويحرموها منك
والد كامل وجدك كانو اصحاب جدااا وكان عارف كله حاجة
حب يردلوه جميله فانه وقف معاه بعد افلاسه بانه يجوزه بنته الارمله ....
وقتها كتب عليها كامل بعد ولادتك باسبوع وايدك باسمه وجابكم هنا علي الصعيد
والمشاريع وكل حاجة كانت باسم والدتك هو كان بيدرها وبس
ندي ..بس ماما عمرها ماجابتلي سيرة
ليرود كامل ..هتقولك اييه هتقولك اني كانت عايش معها غصب عني
ل يرود خال ندي بغضب ...غصب عنك عشان طمعك وجشعك مش عشانك شهم واصيل كنت خايف من العز دا كله ما يبقاش ملكك
ندي وهي تجفف دموعها وبصرامه ..خالو من فضلك انا عاوزة ارجع معاك اسكندريه
كامل بعصبيه. .لا مش هتمشي من هنا قبل ما تديني حقي
هتتجوزي من وليد ابن يوسف صاحبي
خال ندي ...انت راجل غبي متصور بعد اللي قولته دا انها هتسيبلك حاجة
لتقاطعه ندي.... خالوو من فضلك انا هسيبله كل حاجة
ومش عوزة اي حاجة
كامل ..انت حرة وبردو مش هتمشي الا علي بيت جوزك انا اديت كلمه للراجل
لترود ندي بسخريه ..سوري ي كامل بييه مفيش وحده متجوزة بتتجوز تاني
كامل ..اييه بتقولي اييه ي بنت انتي
بقولك اللي سمعته انا اتجوزت اسر وهمشي من هنا وهسيبلك كل حاجة
خال ندي ..ندي انتي كداا بتخالفي وصيه والدتك
ندي ...خالوو انا عوزة ارتاح مش عوزة اقعد دقيقة واحدة هنا كفايه ماما كانت عايشه مقهورة لحد ما ماتت
يلا بينا ي خالوو وخرجت مع خالها لتعود الي الاسكندريه
وتركت كامل لغله وحقده .....
🌷🌷🌷🌷🌷🌷🌷🌷🌷🌷🌷
في سرايا المنشاويه
في غرفه المكتب ..
طرقت الباب ودخلت
قدري ...تعالي ي صابرين اتفضلي
صابرين ..اني اسفه ي واد عمي بس كنت بسالك عن هاشم
مفيش اخبار عنه ...
ليتنهد قدري وهو يترك القلم من يده ويقول ....انا دورت عليه كتير وبعت رجاله كمان في القاهرة في الاماكن اللي كان بيروحها وسالت اصحابه
وبردو مفيش اي اخبار
صابرين ببكاء ..اني خايفة عليه لايكون جراله حاجة
امي ممكن تروح فيها دي اتبدلت كل يوم بكاء
نهض قدري من مكانه وتوجه اليها واخذها بحضنه وقال وهو يربط علي ظهرها....
اهدي ي صابرين اهدي ان شاء الله خير
واني والله ما ساكت وماتقلقيش ...
فتح الباب فاجئه فكانت علياء ...
تسمرت مكانها عندما رات صابرين بين احضانه
علياء بتلجلج ..انا انا اسفه بس كنت بحسبك لواحدك
صابرين جاءت لتبتعد عنه ولكنه لم يبتعد هو
ومد يدها ليمسح دموع صابرين وقال ..خلاص ي حبيبتي اطلعي انتي اوضتك وبعدين نتكلم....
هزت صابرين راسها واستاذنت وذهبت
قدري بحدة ..مش في باب تخبطي عليه
علياء بدموع متحجرة في عينيها ...انا اسفة ماكنتش اعرف ان في حد معاك
قدري عل حدته ...خير عاوزة اييه
علياء بتلعثم انت انت عرفت مكان عبد الرحمن
قدري ...شئ مايخصكيش
علياء ..لاء يخصني لانه اخويا
قدري ..ايوة عرفت
علياء .انت اذيت عبد الرحمن ي قدري
قدري وهو يربع يده امام صدره لاه بس لسه هأذيه
علياء قدري لو اذيته يبقي بتنهي اللي بينا
قدري ..اللي بينا انتي نهتيه لما اخترتي تكسبي اخوكي وخسرتيني
علياء ببكاء ...ي قدري افهمني انتي بتخيرني بين عيني اليمين ولا عيني الشمال انتوا اغلي حد عندي مااقدرش اكسب حد واخسرر حد
قدري ..بس اخوكي اذاني
علياء بترجي ... سامحه سامحه عشان خاطري .
قدري ...وحقي ؟
علياء بحده بعض الشئ... بقلمي نيفين بكر.انت مصر علي رايك فانك تاخد حقك من اخويا مش كدااا ....
طيب ي قدري بقولهالك اهو لو مسيت اخويا باي اذي هتخسرني و للابد ...
قدري بصرامه ...انتي حرة ي عليا انا لما سامحتك سامحتك عشان كنت بحبك لكن اخوكي لاه مش هسامحة ولا حتي عشان خاطرك
علياء ببكاء ..اخويا صغير واضحك عليه حد فهمه انك بتضربني ومعيشني في غلب فكان عاوز يخلصني منك
والله ي قدري داا اللي حصل انا انا عمي مرعي اتصل عليا
وقالي ان عبد الرحمن هو اللي اخد الطبنجة والاوراق واداهم ل حمدان وهو اللي اداني رقم حمدان واتصلت عليه وقت ماانت شوفتني
عشان خاطري اوعي تاذيه
قدري...وهو يستمع اليها ولم يرد
قدري رود عليا ....
قدري ..بعد كل اللي حصل عوزاني اصدق كلامك دااا
علياء...والله ي قدري ما بكدب حتي اسال عمي مرعي والله داا اللي حصل انا بس غلطتي اني روحت بيت جابر اخو هانم ام هاشم من غير ماتعرف
بس والله من خوفي علي اخويا
حتي اساله والله ما بكدب
اتصل قدري علي مرعي الذي اخبره واخبر جابر علي ان يأتوا اليه في سرايته ...
وفي ظرف ربع ساعه كان مرعي وجابر في غرفته مكتبه
مرعي ..خير ي قدري بييه
قدري وهو يقترب منهم ويتفرس تعبيرات وجههم ..علياء مرتي بتقول انك اتصلت عليها وخبرتها ان عبد الرحمن هو اللي سرق الورق والطبنجة عشان في ناس بلغوه اني بعامل علياء وحش واني بضربها
الكلام دااا صحيح ....قالها بصرامه
مر عي بامتعاض ...لاه مش صحيح الكلام ده كدب وماحصلش ....
علياء ....ازاي دااا انت قولتلي كدااا حتي قولتلي عمك جابر شاهد وعارف كل حاجة
جابر ..في ايه ي بنتي بتجيبي سيرتي لييه هو عشان تخرجي نفسك انتي واخوكي من مصيبه هتوقعي فيها كذااا عيله ...
انتي عوزة تحرقي البلد ولا اييه
علياء . ببكاء ...انا عوزاك تقول الحق قدري هياذي عبد الرحمن
وهو عشان عبد الرحمن نولع في الدنيا عشان ترتاحوا
مرعي ..وحضرتك وصلت لعبد الرحمن ي قدري بيه ؟؟؟
قدري ...لاه لسه بس هوصلوا
علياء ببكاء ...ي قدري صدقني والله انت مش عاوز تصدقني لييه
قدري بصرامة. هو يمسكها من زراعها ... لانك كذبتي عليا مرة واتنين
علياء ببكاء ....كذبت عشان انجي اخويا
وبردك بتكدبي الوقت عشان تنجي اخوكي ...
ليقاطع حديثهم جابر ..اظن دي مشاكل عائليه وما يصحش اكون موجود بالاذن اني
قدري ......اتفضل ي حج جابر اني بتاسفلك
جابر ..لا ولا يهمك ربنا يهدي .
مرعي ....بالاذن اني كمان ي قد ري بييه
اتفضل ي مرعي بييه
علياء بقهر...وهي تنظر له بمرارة انت مش عاوز تسامح اخويا ومش عاوز تصدقني اومال باقي عليا ليه
قدري بتحدي ...مزاجي إكده
قالت بحده ....وانا مش باقيه عليك وهيجي اليوم اللي هتندم عليه ي قدري ي ابن المنشاويه ووقتها مش هيفيدك ندم
ومش هتلاقيني اصلا
قدري بسخريه ...مش هطلقك وهسيبك متعلقه إكده
علياء بتحدي ...وانا مش هطلب الطلاق ي قدري بيه ي كبير البلد ..وهمت لتذهب
قدري ...انتي رايحة فين
علياء ..رايحة لاهلي ومش راجعه هنا تاني
قدري بتحدي ...اوعي تفكري انك رايحة بمزاجك لاه اني اللي سايبك بمزاجي اني ...
علياء بسخريه..طبعا ي قدري بييه واحنا نقدر نخالف اوامرك وتركته وذهبت
🌷🌷🌷🌷🌷🌷🌷🌷🌷🌷🌷🌷
عند هاشم في المشفي
بدات حالته تتحسن تدريجيا
جاء له رجل الاعمال سيد الطحان ليطمئن عليه هو وابنه
لا الحمد لله انت كنت فين وبقيت فين
هاشم بالم ..تشكر مش عارف اتشكرك ازاي
رجل الاعمال ...تشكرني عل ايه ي راجل ربنا يتم شفاك عل الف خير
هاشم ..الله يخليك
جاء الطبيب عليهم واخبرهم بان هاشم سوف يغادر المشفي خلال اسبوع
رجل الاعمال ..وانت لسه مش فاكر حاجة
هاشم ..لا خالص
طيب لما هتخروج من هنا هتروح فين
هاشم ..والله مااني عارف
طيب انا عندي الحل انت هتخروج من هنا وهتيجي تشتغل معانا انا عندي شركات للمقاولات والبناء
بس طبعا لم يتم الشفي خالص
هاشم الله يخليك ي بيه
الطبيب ..الهدم اللي كنت لابسها بتدل عل انك ابن ناس
وكمان الساعة ماركه وغاليه جداا وكمان سلسله مفاتيح عربيه ...
ولهجتك الصعيدي يعني انت من اهل الصعيد
رجل الاعمال ..ماكنش معاه فون ولا اي حاجة تدل عل اهله
الطبيب لاء ..الناس اللي اتهجمو عليه سرقوا كل حاجة محفظته وفونه
رجل الاعمال ..لو كان الهدف السرقه كانوا سرقوا ساعته
انت بتقول غاليه وماركة
اكيد لو هو من عيله كبيرة هيسالو عنه وهيبقي في نشرات في الأقسام والمستشفيات
الطبيب ..اكيد المهم حضرتك هتسيب بيناتك عشان لو حد سال عنه نعرف نوصلوا
رجل الاعمال ..اكيد ي دكتور انا هسيب البيانات وانا بدفع الشيك في الحسابات.......
🌷🌷🌷🌷🌷🌷🌷🌷🌷
في بيت جابر
ظلت العلاقه بين زاهر وهنا كما هي لم تتغير فهو يريد ان يتم علاقتهم ولكن يظل عجزه الجنسي حائل
حتي تكلمت هنا معه وكا كل مرة تنتهي بالضرب والسب والاهانه ويخروج من عندها لعند اصحابه الذين يسهرون معه يوميا لعند طلوع الفجر
اما عند زينب فكانت حزينه
كانت تقول لنفسها بقلمي نيقين بكر لا لن يفعها فهو انقذها وانقذ طفلها من عمليه اجهاض ولو كان لا يريدها لماذا فعل ذالك
يدخل عليها ابيها ليقطع افكارها
جابر ..لساكي بتبكي انسي بقي هاشم مش باقي عليكي
لو كان باقي كان زمانه هنا لكن هو مش بتاع جواز ولا استقرار هو داير وري الرقصات
زينب ببكاء ..الغايب حجته معاه ي بوي .
جابر ..واني مش هستني كتير
زينب... تقصد اييه
جابر ..اقصد انه جالك عدلك واني وافقت وان شاء الله دخلتك وكتب كتابك كمان اسبوعين
زينب ..كيف ده اتجوز واحد مااعرفهوش
جابر ..بكره اعرفيه وبعدين الراجل مش عاوزك الا بالهدوم اللي عليكي وهيجيبلك كافه شئ ومش هتحتاجي حاجة
زينب ...مين ده ي بوي
دا يبقي كامل بييه الحديدي رئيس مجلس الشعب السابق
زينب وهي تلطم عل صدرها.... انا هونت عليك ي بوي تجوزني واحد اكبر منك ليه
جابر ...اومال انتي مفكره اييه الفضيحة اللي عملها واد عمتك لينا لازم تتلم
زينب ببكاء......تقوم ترميني الرميه دي حرام وآلله
جابر بغضب.... وهو يمسكها من زراعها .حرمت عليكي عيشتك اللي قولته لازم يتنفذ وحضري نفسك عل يوم الخميس وده اخر كلام عندي
دفعها وتركها تبكي بمرارة وتقول في نفسها
اروح فين وا جي منين ياربي
إ كده ي هاشم تعمل فيا إكده
اعمل اييه ياربي في مصيبتي دي ........
🌷🌷🌷🌷🌷🌷🌷🌷🌷🌷🌷🌷🌷
في سرايا العزايزة
علياء لعمها عسران ..شوفت ي عمي عمي مرعي عمل ايه
كذبني قدام قدري هو وجابر ....
عسران ..يبقي مرعي وجابر ليهم مصلحة في إكده
علياء وهي تجفف دموعها ..ماعدش يهمني اللي يهمني دلوقت الاقي عبد الرحمن وابعده عن انتقام قدري ....
انا هفضل وراه لحد ما يرود عليا
ثم اردفت.....
انا عوزه اطلع باسبور بس دا في السر .
عسران باسبور لييه ؟؟
عشان هسافر تركيا ودا هيبقي بيني وبينك وبس ...
كيف ده ي بنتي تسافري لحالك ؟؟
علياء...عمي عشان خاطري انا لازم ابعد واسافر عن هنا وكمان لازم اوصله بسرعه
عسران ....ي عليا ماينفعش ...
عليا ..انا هسافر وهقدم ورق كليتي هناك وهوصل لعبد الرحمن ما تقلقش عليا ...
عسران ..مهو بردك مش هتعرفي تسافري غير بموافقه قدري ....
علياء ..لاء مهو انا ما غيرتش الحاله الاجتماعيه في بطاقتي فممكن اسافر عادي
عسران حاضر ي بتي اللي ير يحك
مش عوزة حد يعرف عشان مفيش كلمه تروح هنا ولا هنا
ماشي ي بنتي في ااقرب وقت هعملك اللي انتي عوزاه
علياء ان شاء الله ي عمي ......
🌷🌷🌷🌷🌷🌷🌷🌷🌷🌷🌷
بعد اسبوع علي ابطالنا
علي ندي واسر ...
كان اسر دائما يواسي ندي التي لم يجف دمعها بعد اما عند هاشم خرج هاشم من المشفي وذهب مع رجل الاعمال الذي امن له مسكن ومكان للعمل فور شفاءه
والتزامه بالعلاج ليستعيد ذاكرته
اما عند زينب فكانت حزينه عل غياب هاشم وعلي مصيبتها التي لم تفكر كيف تتخلص منها
اما عند علياء فقد استخرج لها عمها عسران باسبور
وتم حجز تذاكر لتركيا دون علم احد....
اتي خالد والذي لم يعثر علي مكان عبد الرحمن
🌷🌷🌷🌷🌷🌷🌷🌷🌷🌷🌷🌷
في سرايا المنشاويه وبالتحديد في مكتب قدري
خالد ...وهتعمل ايه بعد اللي علياء قالته
قدري ....مش هكدبها ومش هصدقها بس لازم اخده بعين الاعتبار وامشي وراه مرعي مش سهل وكمان جابر
الحكايه متلغبطة بس مش هطنش كلامها
خالد ..طيب ليه مقولتلهاش انك هتبحث في الموضوع داا بدل ما تقول عليك انك مكدبها ومش مصدقها والفجوة بنكم تكبر
قدري ...كنت بعند معاها انت ماشوفتهاش كانت بتتكلم معاي ازاي ....
خالد... ي اخي قلبها ودمها محروقين مش عاوزها تغضب
قدري ...علياء كدبت علي كتير انا عاوز اديها درس
تفضل تتعلم منه طول حياتها
عوزها لما تعمل حتي الغلط تقولي الصراحة لو السكينه علي رقابتها ما تخبيش علي .....
خالد ...علياء كانت خايفه علي اخوها ودا اللي خلاها تكدب ....
قدري بغضب ....تكدب علي الكل الا اني اني امانها اني راجلها
علياء غلتط ي خالد وغلتطها انها ما وثقتش فيا....
المهم عملت ايه مع الدايه اللي كانت مسافرة رجعت ولا لاه
خالد... ايوة رجعت وانا كنت عاوز ااقولك بس الكلام خدنا
قدري ...اييه رجعت هاتهالي هنا حالا في الغرفه الخلفيه بسرعه ....
حاضر ي قدري في ظرف نص ساعة هتكون عندك
ذهب خالد وبعض الرجال الي بيت الدايه
طرقوا الباب
الدايه ...اييه فيه اي جاي اها
خالد ...انتي الدايه سعديه ....
الدايه ..ايوة ي بيه ....
خالد ...طيب عوزينك حالا في حاله بتولد ....
الدايه ..حاضر ي بيه هجيب شنطتي وجايه اها ...
احضرت حقيبتها وركبت مع خالد والحرس
في ظرف دقائق كانوا امام السرايا .....
الدايه وهي تبتلع ريقها ....انتوا جيبني هنا لييه ؟
خالد ...ادخلي وانتي تعرفي عاوزينك في ايه ...
ادخلها خالد وجدت قدري بانتظارها هوو بعض الغفر
قدري والشرر يتطاير من عينه ...اني هسالك سؤال ولو كدبتي علي مش هيكفيني فيكي رقابتك ورقبت عيلتك ...
الست ام هاشم تعرفيها ؟؟
الدايه برعب ..ايوة ي بيه في حد ما يعرفهاش
قدري......بصوت كالفحيح ... اني مش عاوز لف ودوران والا يمين بالله هدفنك حيه
الدايه وهي ترمي نفسها عل قدميه ....احب عل يدك ي بيه احب علي رجلك اني ما عملتش حاجة وبربي ايتام .
قدري ...يبقي تتقي الله في نفسك وفيهم وتقولي الحقيقه
انتي جبتي للست ام هاشم برشام وكان السبب في سقط مرتي
الدايه ...واني اني هأذي مرتك في ايه بس ولا ايه عرفني بيها
ابوس يدك اني ولدي تعبان وسيباه لسه راجعين من عمليه كبيره
احب علي يدك ي بيه...
قدري ...انا هفضل وري الموضوع ولو عرفت انك كنتي السبب صدقيني هتتمني الموت علي اللي هعملوا فيكي
الدايه ..حا حاضر ي بيه امشي امشي ي بيه
قدري ...خلي حد يوصلها ي خالد ويشوفها لو ولدها محتاج حاجه نعملوهاله...
خالد ...ماشي ي قدري ثم اردف
يلا ي ست لما اوصلك ....
اخذها خالد واركبها السيارة وهم بالطريق
ابنك عمل عنليه اييه
الدايه ...دي عمليه كبيرة ي بيه بالقلب الدكتور كان عاوز ياخد 15 لف لكن الله يكرمه جابر بيه واد الطرشنا
اتكلم معاه ونزلي المبلغ ل10الاف
خالد ...تقصدي ان جابر بيه اللي اتكفل بيها تقصدي
الدايه ..ايوة الله يكرمه سباق للخير ديما
هز خالد راسه وظل يسالها حتي يوقعها بالحديث
بس انتي كنتي بتعملي اييه قبل ما تسافري بابنك للعمليه في السرايه بتاعه قدري بييه وقت اما كلمتي
ام هاشم .....
اني اها كنت جايه اطلب من الست ام هاشم تساعدني في عمليه ولدي
خالد ..مش انتي بتقولي جابر بيه اللي اتكفل بالعمليه
الدايه بتلجلج...اها مهو هي الله يكرمها دالتني علي جابر بيه اخوها عشان يقف معانا ....
خالد تمام تمام واعطاها مبلغ من المال وقال
لو احتاجتي حاجة ابقي اتصلي عليا ودا رقمي اهو
فرحت هي بالمال وظلت تدعي له ول قدري ....
🌷🌷🌷🌷🌷🌷🌷🌷🌷🌷
خلص البارت ي عسولات رايكم
توقعاتكم ..
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق