رواية ليالي الغول اقتباس من الفصل الأخير بقلم لوجي احمد

 مسلسل تاجر الألعاب الفصل الأول حتى الفصل السادس بقلم الكاتبه أميرة سليمان حصريه وكامله 

مسلسل تاجر الألعاب الفصل الأول حتى الفصل السادس بقلم الكاتبه أميرة سليمان حصريه وكامله 

منين خشيت حوشي و اني عروسة نسمع في اصوات عياط اولاد خاصة من ديار ليهم في الدببه ب اعتبار زوجي تاجر العاب معبي ثلاثه ديار دببه من محل خوه كل مرة يقولي توا راح نصفوا البضاعة حشاكم 

نسمع في اصوات عياط راجل لين حاب حتى الشيخ قاليه الحوش ما فيه شي راهو غير مش باهي يقعدوا في الحوش تمشي الايام و تجي نضت من نومي مخلوعة على عيطة من وحده من ديار ل فيها البضاعة 

لين فقدت اعصابي اخديت الولاعة و حذفتها في الدار نشبح غير في الدخان ابديت هربت للجيران اتصلت بيه نحرقت 

الدار بس وحدة مش كلها بسرعة الجيران 

طفوا النار امشي اجر الشقة ل مقابلة حوشي و حطوا فيها البضاعة هذا وين ارتحت قعد اسبوع معاش يكلم فيه بكل 

من العملة ل درتها قالي خسرتي العيلة في مبلغ كبير هذا ل نحرق حقه فلوس بعد اسبوع ارجع طبيعي معاي و ارتحت لا عاد نسمع في صوت لا شي مرتاحة في حوشي 

في يوم عيد ميلادي دار ليا حفلة و جاب ليا ايفون و جونا كان تمام لين جت الساعة 1 اني كيف ب نرقد قالي ب نمشي ندير دورة على البضاعة في شقة و ب نحسب حاجات ب نجي قتله باهي اني اخداني النوم لين نضت على صوت الاذان الجامع ل جنب الحوش نضت شبحت جنبي القيته قاعد ما جاي نضت مخلوعة نتصل بيه مقفل ن شغلت البست عبايتي و امشيت ألقيت الشقة مصكرة قعدت ندق و نادي فيه شي أرجعت نجري اخديت مفتاح من حوشي 💔 و امشيت نجري لين اني افتحت الباب الصدمة 

الحلقة 2

اني البنت ل فتحت الشقة ل فيها البضاعة إمتاع محلات راجلي نلقاه شانق روحه 💔

قعدت غير نعيط و نجري في الشارع رفعوه 

الجيران ل العيادة قالوا خلاص ميت من 2 ساعتين أمس بس 💔 عيد ميلادي في ليل و كان يحتفل بيه ما يبي شي فيه قالي نمشي نشوف البضاعة و نجي اني من الاول قلت ليهم الألعاب و الدببه مسكونات 

لاكن مافيش حد عدل عليه قتلهم الالعاب مسكونه قاتلي أمه صغاري من يومهم هاذي خدمتهم تجارة الألعاب 💔 افشل شي في يوم ثالث من العزاء عرفت اني حامل ليا شهر و طلع تقرير الشرعي خوه قال انتحار اي طلع في التقرير روحت ل حوش اهلي ل صدمني أنه بعد وفاة ولدهم نحساب راح يفضوا الشقة ل جنب حوشي 💔 كان و راح يفوتوا الموضوع إمتاع الالعاب هذا بس الصدمة قعدت نسمع من الناس أنهم فتحوا محلات امتاعهم و الشقة قعده معبية بضاعة ساعتها لين نصدمت بيهم 

تمشي ايام و تجي ايام وصلت ل شهر 9

 بوي ما عنده حق عمليتي حق تكاليف  العيل ل بيجي خاصة اني بطله قراية 

ما عنديش معاش قعدت عزوزتي تجيني تقولي سلفك يأخذك اهو حوشه قريب يكمل على أقل على خاطر الولد استغربت كيف حد عزابي يأخد أرملة و عندها ولد 

شي غريب أمه تحكي ب قهرة و تقولي هو يبي راهو قال ولد خونا احنا نبوه في نهاية 9 جاني مغص سلفي هذا هو جاي دفع حق العملية و تكاليف العيادة بعد ما ولدي فات شهرين اقري عليا الفاتحة و دار عرس و فرقة لين استغربت قلت كيف دار عرس و اني أرملة خوه و عندي ولد و كأنه واخد بنت و جوه مليح اني لبست فيلو و مكيجت هذا كان شرط امتاعه روح بيه من المزين في السيارة يغني و يصفق و مولع مسجل و بيبب و السيارة قريب يقلبها اول ما روحت معاه و خشينا للحوش شدني قالي ب نقولك سر رآهو اني..الصدمة منين قالي راهو ...

الحلقة 3 

#مسلسل

#تاجر_الألعاب

#الكاتبة 

#أميرة_سليمان

بعد ما راجلي شنق روحه في الشقة ل فيها بضاعة الالعاب روحت ل حوش اهلي و اني حامل و في شهر تاسع بعد ولادتي تزوجت ب سلفي الاعزب كان شاد فيه أمه ماشيه جايه عليا وين ألقيت اهلي معاش قادرين على مصاريف امتاعي تزوجت و وافقت عليه رغم أنه صغير و طايش قاعد و دار عرس ملوكي تقول اني بنت عزبه مش أرملة و كيف يعامل فيه مروح بيه من المزين هو يعيط فاتح الاغاني اول ما وصل بيه للحوش و اني مقعمزة تفكرت خوه دموعي في عيوني قلت غير شن درت بس 

هو شد ايدي قالي ب نقولك على حاجة هو الله يرحمه خوي بس بنقولك سر قعد في خاطري قتله شن قالي زمان منين جيتي انتي و أمك ل محل الألعاب لما شافك خوي و خطبك اني نعجبت بيه ق بله كنت نبيك 

كنتي زبونة المحل بس ما لحقت خوي طول خطبك قتله شن تقول انت قالي متحمل و ساكت كنت بس اهو توا انتي ليا اني نصدمت بيه بس 💔 طفلي كنت نفكر فيه في مصاريف خاصة اني بطلت قراية من زمان تمشي ايام تجي تعارك هو خوته عركة كبيرة هو خوه المتزوج منين تزوجت هو و إياه في مشاكل و اني مش فاهمة علاش و شن سبب خوه كان مسافر هو مرته شهر ل تونس روح قال ما عنديش علم ب العرس 💔 و أنه رجعك اني مش فاهمه شن بينهم الخوت بس 💔 الموضوع طلع كبير هلبا منين عرفت أنه مرت سلفي هذا كان رافعها ل تونس مرته جتها حالة نفسية قوية من صدمة ما يبي يقول ل حد شن فيه بس المرأة ديمة ساكتة و تبكي و تنوض تعيط في ليل لين نصدمت اني من قبل ما كان فيها شي لين جاي يوم مولد النبوي و الدنيا كلها احتفالات برا و اني مقعمز جنب عزوزتي هي مقعمزة برا في الجنان راجلي كيف قام الفنجان إمتاع القهوة و عزوزتي خشت ب تصلي فجأة 

نشبح غير في ..

الحلقة 4

#احداث_خاصة 

#مسلسل

#تاجر_الألعاب 

#الكاتبة 

#أميرة_سليمان 

اني المرأة ل تزوجت ثلاثه خوت 💔💔

اني مقعمزة اني و راجلي في الجنان إمتاع عزوزتي و عزوزتي كانت على الكرسي تهدرز بعتالي خشت ب تصلي في يوم المولد النبوي قعمزت اني زوجي نشبحوا في الألعاب النارية سلفي متزوج و عندها صغار متعاركة هو راجلي م نعرفش علاش 

مرته ليها فترة يعالج فيها عندها حالة نفسية قوية و تصرفاتها كلها غريبة 💔 و تخوف جت عزوزتي قتله خيرك جبتها 

قاللها سلفي تغير جو قلت معليشي تحملوها عزوزتي خشت دير في العصيدة هو واقف يقوللها هي انزلي من السيارة هي ماتبيش ترد ابديه يعيط يقوللها قتلك انزلي اني و الصدمة 💔 

هو امشي و خلاها في السيارة و اعطيه ب الظهر هي تأخد المسدس امتاعه و تنزل زي مجنونه ضربت طلقه اني عيطت نشبح غير في راجلي طاح و اني نعيط و عزوزتي تعيط و الدم عبى الجنان سلفي يعيط ب شن درتي يا مجنونه حي عليا حي قام

خوه و امشي يجري بيه للسيارة في الطريق راجلي مات في السيارة في الاول خوه ل كان راجلي مات مشنوق هذا ردني مات ب طلقة نزلت نعيط ب القوة حرقه 

قوية كبدتي خلاص ل جاني جاي سلفي يقولي خوي مات هو زعلان مني دخلوه

قدامنا للثلاجة قعدت مصدومة مقعمزة على كرسي المستشفى بوي جنبي لين جاي الصبح و اني من مهدي ل مهدي سلفتي تم نقلها ل مصحة إمتاع الأمراض النفسية 

اني كيف بوي ب يروح بيه للحوش جاني اتصال من رقم غريب قبل ما نبيش نرد 

بس بعتت رسالة اني سلفتك عاودت ثاني اول ما فتحت الخط قاتلي ...😧😧😧 الصدمة 

.الحلقة 5

#مسلسل

#تاجر_الألعاب

#الكاتبة

#أميرة_سليمان 

واني في المستشفى خليت راجلي كيف ب

يتحول ل غسيل جثمان بوي روح بيه و احنا في الطريق جاني اتصال من سلفتي نفسها ل عندها حالة نفسية هي ضربت ب سلاح راجلها و جت في راجلي و تحولت ل مستشفى الامراض النفسية كلمتني قاتلي 

راهو كنت نبيك انتي تموتي فجأة الممرضة فكت منها الهاتف و صكرت الخط قعدت نعاود الخط مقفل روح بيه بابا اني نرعش حتى جنازة راجلي قعدت ربع ساعة طول بابا روح بيه جتني حالة خوف علاش تبي تقتلني مش عارفه فات شهر و شهرين و أربعة و اني في حالة حزن غريبة 💔 ولدي صغير معاي اخديت عمه بعد وفاة بوه نبي عمه يكون ل سند اهو حتى عمه مات و لحق خوه قعدت في مشاكل مع عائلة بوي حالته مادية ضعيفة و اني بطلت قراية قداش ليا ولدي يبي الحليب و يبي المأكلة و يبي لبس و الدنيا غاليه جتني عزوزتي قاتلي ولدي سلفك مرته اهو مريضة معاش راح تطلع من المصحة هو يبيك حتى على خاطر الولد يرد باله منه و يصرف عليه هو بس يبي يستر عليك فقط مش يمشي في بالك حاجة أخرى قتلها على كلام سلفتي في الهاتف قاتلي هاذي تعبانة نفسية مش عارفه اصلا هي شن ادير اني في الاول 

رفضت بعتالي منين العيلة أبدت تنق خوي متزوج يقولي مصاريفك هلبا و مرته تلقح في الدوة وافقت لاكن شرطت نسكن في حوش ثاني قالي نحطك في استراحتي صغيرة انتي ولدك و خودي راحتك و حاجتك توصل ل عندك قري عليا الفاتحة 

و عقد عليه لبست عبايتي و امشيت ب فستان الحوش حكم قالي خلي نرفع الولد ل أمي قتله شن تقصد قالي غير شويه جاي 

اني كيف فتحت باب الاستراحة و خشيت نرعش هو امشي عيطت منين شفت في الشاشة ....تابع

الحلقة 6

#احداث_خاصة 

#مسلسل

#تاجر_الألعاب 

#الكاتبة 

#أميرة_سليمان

اني المرأة ل تزوجت ثلاثه خوت منين مات الاول شانق روحه ردني سلفي بعتالي ب رصاص اقعد خوهم متزوج عنده زوز صغار على أساس يبي يستر عليه بس 💔 هو مرته مطلقها و حاطها في مستشفى الامراض النفسية و عندهم زوز اولاد وافقت عليه منين كثروا مصاريف الطفل على بوي على أساس قالي ب نسكنك في الاستراحة الصغيرة امتاعي 💔 و خودي راحتك انتي في حالك و اني في حالي درنا فاتحة و عقد و روحت معاه حكم ب لبس الحوش العادي و عبايتي حطني قدام الاستراحة قالي ب نوصل الولد ل أمي قتله علاش قالي غير رتبي امورك الصبح نجيبه اني صدقت اعطاني المفتاح و نزلت افتحت الباب و الصدمة اول ما خشيت نسمع في صوت اغاني و الشاشه مفتوحة و فيها صورتي صورة هاذي مش عارفه وين القاها قعدت غير نرعش مش فاهمه شي لين دموعي ينزلوا خلاص قلت هذا شني اني مش كنت مرت خوه قعدت مقعمزة مشوار بعتالي قلت لازم نمشي من أهنا بسرعة كيف جيت ب نفتح الباب و نطلع 

القيته قدامي قتله هذا شني قالي اني كنت نبيك قبلهم اني من زمان عيني عليك مرتي هذا علاش مرضت من قبل حتى خوتي يأخذوك كنت نبيك كنت نبي نأخذك امرأة ثانية و هذا المصحف و نحلف عليه أنه 

منين كنتي تفوتي من الشارع كنت ناويك 

مرتي هذا علاش كانت تبي تقتلك انتي اني لين قعدت نرعش قالي اني ماشي اهو و انتي خودي راحتك فكري كويس قعدت شهرين اني ولدي هو يصرف علينا بس 💔 مش متقبلة الكلام ل قاليه لين شويه شويه أمشت الامور قعدوا حتى صغار معاي اني و هما ولدي في نفس المكان ظروفي كانوا اقوى مني ل درجت تقبلت أنه راجلي في يوم كان واخده صغار زوز للمدرسة رفعتوهم  ب سيارة ابديت زي أمهم ب زبط 

جت ساعة 1 امشيت ب نروح بيهم اني

 كيف طالعة بيهم ركبتهم في السيارة

و الصدمة 💔 واحد منهم طلع ورقة قالي شوفي قتله شن قالي هاذي راهو هدية ليك قتله من مني قالي شوفيها وحط عيونه لوطة افتحت الورقة شي لي قريته خلاني 

تكملة الرواية بعد قليل