رواية ليالي الغول اقتباس من الفصل الأخير بقلم لوجي احمد

 

روايه الجميله و الوحش الفصل الحادى وعشرون والثانى وعشرون والثالث وعشرون والرابع وعشرون والخامس وعشرون  بقلم نونا كامله 

روايه الجميله و الوحش الفصل الحادى وعشرون والثانى وعشرون والثالث وعشرون والرابع وعشرون والخامس وعشرون  بقلم نونا كامله 

الجميله والوحش البارت الواحد والعشرين

في اليوم التالي 

في غرفه ادم واحلام 

احلام صحيت من النوم وملقتش ادم جمبها

اخدت الدوا ودخلت تاخد شاور وغيرت هدومها 

الباب خبط 

احلام/ادخل

روان دخلت بابتسامه  /صباح الخير 

احلام بابتسامه/روان 

روان حضنتها بابتسامه 

احلام /عامله اي ي روح قلبي 

روان بابتسامه/الحمد لله بخير انتي عامله اي

احلام طلعتها من حضنها/الحمد لله بخير 

روان بابتسامه/فرحت اوي ان انتي وادم اتصالحتو مبروك 

احلام بابتسامه/الله يبارك فيكي

روان/انتي علشان وحشاني موت هنقضي اليوم سوا انا وانتي ومش هتخرجي من البيت خالص 

روان فلاش باك

ادم رن ع روان 

روان  ابتسمت وردت/ايوا ي حبيبي

ادم/عامله اي 

روان ابتسمت /بخير وانت عامل اي 

ادم/انا زي الفل .عايزك تروحي القصر ل احلام .انا عامل لها مفاجأه و عايزك تبقي معاها واطلعوا الاوضه ولو احلام  حاولت تطلع برا امنعيها ب اي طريقه علشان متكشفش المفاجأة 

وحكي لها بقيت المفاجأة وروان ابتسمت 

باااك 

احلام/هو أدم ف البيت؟

روان ابتسمت/لاء ف الشغل .هروح اقول لهم يعملو لك فطار 

احلام/لاء مفيش داعي هنفطر تحت مع اونكل

روان بسرعه/لاء 

احلام باستغراب/لاء لي 

روان/احم علشان يعني انتي حامل ولازم ترتاحي انا هقول ل ناديه تجيب الفطار لحد عندك ونفطر سوا 

احلام ابتسمت/اوك 

وروان طلعت من الغرفه 

والعمال تحت بيزينو الجنينه وبيحطو طربيزات بمساعدة الخدم ف القصر وتحت إشراف رضا 

 

عند احلام  ف الغرفه 

خدت موبايلها ترن ع ادم  وآدم رد

احلام/ادم

ادم ابتسم/عيون ادم 

احلام/انت رحت الشغل بدري كدا ؟

ادم وهو بيوقع ورق/لاء مش بدري ولا حاجه احنا الضهر ..حضرتك ال صاحيه متأخر 

احلام/طب مش احنا اتفقنا هناخد اجازه من الشغل ..رحت لي

ادم ابتسم /منا بظبط الدنيا هنا علشان ناخد الاجازه ونقفل موبايلتنا ونهرب من هنا ومحدش يعرف يوصلنا نهائي 

احلام ابتسمت /اممم اذا كان كدا ماشي..متتاخرش

ادم /من عنيا ..متنسيش تاخدي الدوا وتفطري كويس

احلام ابتسمت /حاضر 

وقفلو المكالمه 

بعد شويه روان و ناديه دخلو الغرفه وناديه حطت الفطار ع الطربيزه 

ناديه ابتسمت/اي خدمه تانيه ي احلام هانم 

احلام /لا ي ناديه شكرا 

روان /يلا اقعدي ادم موصيني تفطري كويس علشانك وعلشان البيبي

احلام ابتسمت/طب اقعدي يلا افطري معايا 

وقعدو وبدأو يفطرو

احلام ابتسمت/صحيح عامله اي مع فراس..مبسوطه؟ 

روان ابتسمت/ايوا ..فراس حنين عليا وطيب ..وراجل بجد .بصي جابلي اي

وورتها الخاتم ال ف ايدها 

احلام ابتسمت /الله شكله تحفهه.. مبروك عليكي ي حبيبتي 

روان ابتسمت/الله يبارك فيكي 

تحت ف الصالون 

مالك اعطي الخادمه منيو الاكل ال الطباخ هيضبخو و يقدموه للمعازيم 

وطلع الجنينه يشوف كله تمام ولا لا ولقي العمال بيشتغلو و رضا بيشرف عليهم 

عند احلام ف الغرفه 

خلصو فطار و ناديه شالت الاكل ومشيت 

احلام/اي الدوشه ال تحت دي

روان/احم دوشه اي

احلام/انتي مش سامعه ..في دوشه ف الجنينه .استني هبص 

روان بسرعه/لاء استني 

احلام قعدت مكانها تاني /اي دا في اي 

روان /مينفعش تفتحي الشباك وتبصي علشان هتاخدي برد انتي لسه واخده شاور .لازم تحافظي ع صحتك وصحه البيبي

احلام ضحكت/روان انتي كويسه 

روان/ايوا كويسه انا خايفه ع صحة ابن اخويا حبيب عمتو 

احلام ابتسمت/اوك

عند مالك

راح الشركه يظبط كام حاجه قبل ما يرجع القصر علشان مفاجأه ادم ل احلام

وكان هيروح مكتبه 

السكرتيره ال جديده راحت له بسرعه 

السكرتيره بابتسامه/صباح الخير ي مالك بيه 

مالك وقف/الغي كل مواعيد الاجتماعات بتاعت النهارده ي نهي

نهي بصاله ب اعجاب/امر حضرتك .تحب اجبلك القهوه بتاعتك 

جنات من وراهم وهي ماسكه فنجان قهوه

جنات ابتسمت/مفيش داعي انا عملتهاله خلاص 

مالك راح وقف قصادها بغضب/انتي بتعملي اي هنا 

جنات/اي ي مالك بيه انت ناسي ان انا بشتغل هنا ولا اي 

مالك بغضب/كنتي ..كنتي بتتشغلي قبل ما اطردك .و دلوقتي زي الشاطره تاخدي بعضك وتمشي من هنا 

نهي ربعت ايدها بغيظ وغيره 

لانها عارفه ان جنات كان سكرتيره مالك قبل ما تشتغل هنا وخايفه مالك يرجع جنات الشغل تاني

جنات  حطت فنجان القهوه ع الطربيزه و جابت ورقها من مكتبها 

جنات بابتسامه/للاسف ي مالك بيه مينفعش تطردني .علشان الورقه ال حضرتك موقع عليها وموافق فيها ان انا اشتغل معاكو. مكتوب فيها ان مينفعش تطرد موظف بدون سبب قبل ما يكمل 6 شهور ف الشغل دا لازم يكون عمل غلطه ف الشغل او مبيعملش شغله ع أكمل وجهه..ونا لسه مخلصتش ال 6 شهور  فاضل شهر تقريبا.ف من حقي اكمل ف الشغل دا عادي لحد ما الشهر يخلص واشوف شغل تاني .لاني انا معملتش اي غلطات ف الشغل وكنت بعمل شغلي ع أكمله وجهه 

مالك اخد منها الورقه 

مالك بغضب ل نهي/نديلي محمد حالا(ال hr)

نهي/حاضر  ي مالك بيه

ومشيت

مالك/مفيش الكلام دا انتي مش هتكملي دقيقه واحده ف الشركه هنا

جنات بصت له بحب/ونا مفيش قدره تخليني امشي واسيب الشغل هنا

محمد ونهي راحو لهم 

محمد/امر حضرتك ي مالك بيه

مالك بعصبيه وراله الورقه /اي زفت الورقه ال انا موقع عليها دي 

محمد بتوتر من عصبيته/ حضرتك دا النظام هنا ف الشركه وحضرتك ال عامله ..ان مينفعش نطرد اي موظف بدون سبب او بدون ما يعمل اي غلطه تستدعي طرده ..يأما هو يمشي ب مزاجه ي اما حضرتك ال تطرده  بس بعد 6 شهور

مالك بيحاول الهدوء/طب امشوا من قدامي دلوقتي 

محمد و نهي مشيو 

مالك قرب من جنات بغضب/طالما مينفعش اطردك قبلها ب سنه..انا هخليكي تمشي بمزاجك قبل الشهر ما يخلص

 

جنات قربت منه وبصت ف عينه بحب/مهما عملت عمري ما هسيب الشغل دا 

مالك بص ف عينها وسرح ف جمال عيونها 

جنات ابتسمت 

ومالك رجع ل وعيه وبعد عنها بسرعه 

ودخل مكتبه وقفل الباب وراه 

جنات ابتسمت/عمري ما هبعد عنك تاني وهحاول بكل الطرق تسامحني 

نهي راحت لها  بغضب وبغيظ /هو انتي اي ..معندكيش كرامه خالص ..طردك اكتر من مره و انتي برضو مفيش دم 

جنات/انتي مين ي حلوه معلش 

نهي /انا نهي سكرتيره مالك بيه 

جنات/كنتي ..كنتي سكرتيره مالك بيه دلوقتي انا رجعت خلاص ..وشوفيلك مكان تاني بقي غير مكتبي ..ارجع الاقيكي شيلتي كل هلاهيلك من عليه. يلا 

ومشيت من قدامها 

ونهي ربعت ايدها بغضب

عصرا 

في القصر

احلام قاعده ف الاوضه ع الكنبه بترسم و روان قاعده قدامها

 

احلام سابت القلم الرصاص واتنهدت 

احلام/لاء انا زهقت مش قادره اقعد ف الاوضه اكتر من كدا ..انا هنزل اشوف اونكل

روان قامت بسرعه/لاء مينفعش بابا نايم 

احلام/خلاص هنزل اشم هوا 

وكانت هتمشي روان منعتها

روان/ما بلاش وخليكي قاعده معايا شويه

احلام/روان انتي كويسه؟

روان ابتسمت بتوتر/احم اه انا زي الفل 

احلام/طب اوعي بقي علشان انا هنزل يعني هنزل

الباب خبط والخادمه دخلت ومعاها كيستين هدايا 

الخادمه /الحاجه دي وصلت لك من آدم بيه ي احلام هانم

احلام ابتسمت/ادم ال جابهم؟

وخدتها من الخادمه

والخادمه مشيت 

واحلام فتحت كيس وكان فيه دريس ابيض سمبل اوي كان من تصميم احلام ع ايد اشهر مصمم ازياء ف مصر

احلام بابتسامه/الله ..شكله حلو اوي

روان ابتسمت /الله ي احلام بس من تصميم مين

وبصت ع التيكت ال ع الدريس 

روان/دا مازن المحمدي اشهر مصمم ازياء اكيد انتي عرفاه

احلام بابتسامه/ايوا .والدريس دا انا ال كنت رسماه

روان ابتسمت/كان لازم اعرف ان الدريس التحفه دا من تصميمك انتي. شكله حلو اوي

احلام ابتسمت وحطته ع السرير وفتحت الكيسه التانيه وكان فيها علبه اكسسوارت كبيره 

فتحتها وكان فيها عقد و حلق الماظ وكان شكله تحفهه  

ادم فتح الباب ودخل الغرفه 

روان ابتسمت/هبص ع بابا تحت وهرجعلك ي احلام 

احلام هزت راسها بموافقه

وروان مشيت وقفلت الباب وراها 

ادم /عجبوكي؟

احلام بابتسامه/عجبوني بس ؟دول تحفه ..كمان صممت لي دريس من ال انا رسماهم ع ايد اشهر مصمم ازياء ..دا كتير اوي ي ادم

ادم قرب منها وحاوط وسطها ب ايده وبص ف عينها/مفيش اي حاجه تكتر عليكي ابدا

وباس راسها وخدها

احلام ابتسمت /طب دول جبتهوملي بمناسبه اي وهلبسهم فين

ادم/هتلبسيهم النهارده 

احلام باستغراب/النهارده اشمعنا

ادم ابتسم ومسك ايدها/تعالي 

وخدها وراحو ناحيه الشباك 

وفتح الشباك 

واحلام بصت لقت الجنينه متزينه و فيها طربيزات وعليها ورد والخدم بيظبطو المكان 

ادم/نقدر نعتبره احتفال بسيط بجوازنا ..انا جهزت كل حاجه و عزمت  عيلتك كمان .هما اكيد كان نفسهم يشفوكي ب الفستان الأبيض ..هنحتفل معاهم وبعدين نسافر انا وانتي ونهرب من هنا ع المالديف 

 

وطلع من جيبه تذكرتين سفر للمالديف

احلام بابتسامه مش مصدقه ان ادم عمل كل دا علشانها 

ودمعت 

احلام/انا بحبك اوي

ادم ابتسم ومسح دموعها /ونا بعشقك

وحضنها واحلام حضنته بقوه 

مساءا 

ف جنينه القصر 

كل المعازيم وصلو و الخدم بيقدمو لهم المشروبات والمقبلات وفي موسيقي خفيفه شغاله ف الخلفيه

رجال وسيدات أعمال مهمين

ومدير احلام ف الشغل  وبعض من زمايلها وصحفيين بيصورو

وطارق ومالك وفراس و روان و كرم و حمزه  و ليليان موجودين

ف غرفه احلام 

في بنت جت عملت لها شعرها و حطت ميكب خفيف ولبست الفستان الابيض وهيلز بيضه وكان شكله تحفه ولبست العقد بمساعدة مريم

وبدأت تلبس الحلق ال ادم جابهولها 

مريم بصتلها بابتسامه/ شكلك تحفهه

احلام بابتسامه/بجد شكلي حلو؟

مريم بابتسامه/زي القمر طبعا.. كان نفسي اشوفك وافرح بيكي من زمان اوي وانتي لابسه الفستان الأبيض 

احلام حضنتها بابتسامه/عقبالك ي مريومه ما افرح بيكي انتي وحمزه يارب 

مريم ابتسمت/يارب

وطلعت من حضنها 

مريم/هنزل لهم انا بقي تحت 

احلام/ماشي

وطلعت من الغرفه و بعد شويه

ادم دخل الغرفه بعد ما لبس البدله ب القميص الأبيض وهو مش مقتنع ب الأبيض ال لابسه دا بس عمل كدا لان احلام ال طلبت منه 

ادم بص ع احلام من تحت الفوق ب اعجاب ..كان شكلها حلو اوي زي ما يكون الفستان معمول علشانها وآدم انبهر من جمالها

ادم ابتسم و قرب منها ومسك ايدها وباسها 

ادم/شكلك زي القمر

احلام ابتسمت /بجد

ادم حاوط وسطها ب ايده وسرحان ف جمالها 

ادم/ اطلعك من الاوضه ازاي وانتي حلوه و زي القمر كدا 

وباس شفايفها 

احلام ابتسمت وحاوطت رقبته ب دراعها 

احلام/وانت كمان شكلك زي القمر بالبدلة. وبالقميص الأبيض 

ادم اتنهد وقرب منها/انا مش عارف ازاي طاوعتك  ولبست الأبيض دا...بس انا اعمل اي حاجه انتي عيزاها او تطلبيها

احلام ابتسمت/ربنا يخليك ليا يارب ي حبيبي 

ادم ابتسم وباس شفايفها 

تحت ف الجنينه

فراس واقف عند طربيزه و روان جمبه و باصص عليها ب اعجاب 

كانت لابسه دريس زيتي ولامه شعرها ديل حصان وكان شكلها حلو اوي

فراس وهو سرحان ف جمالها/شكلك حلو اوي

روان ابتسمت بخجل/بجد شكلي حلو

فراس وهو باصص ف عينها/اوي

روان ابتسمت و فراس رجع ل وعيه 

فراس /احم ..مهو الفستان زوقي برضو يعني لازم يطلع حلو 

روان ضربته ف كتفه بغيظ/ي سلام .انت متعرفش تقول كلمه حلوه للاخر ابدا 

فراس ضحك و روان بصت له وهو بيضحك عمرها ما خدت بالها ان ضحكته حلوه اوي كدا وهو حلو اوي كدا

عند طربيزه طارق 

جمبه كرم قاعدين بيتكلمو و ع طربيزه تانيه حمزه و مريم وليليان 

حمزه ابتسم/كلميني عن حلاوه امك النهارده 

مريم ابتسمت/شكلي حلو؟

حمزه قرب منها/شكلك زي القمر انا رأيي اكلم بباكي ونسرع موضوع كتب الكتاب دا شويه 

مريم ابتسمت/احترم نفسك اختك جنبنا واحنا ف وسط الناس 

ليليان /انا واقفه معاكم ع فكره 

حمزه /ماشي ي لمضه ماشي 

مريم ضحكت

و مالك كان بيسلم ع رجال الأعمال و راح ل طربيزه حمزه 

حمزه/اهلا اهلا ب العريس القادم 

مالك ابتسم/لاء انتو ال عليكم الدور بقي ..ربنا يتمم لكم ع خير 

حمزه/يااارب... ادعيلنا 

مالك مسك ايد ليليان/عقبالك ي لي لي

ليليان بابتسامه /شكرا

حمزه ومريم ابتسمو

ومالك موبايله رن

مالك/عن اذنكم

حمزه/اه طبعا اتفضل 

وراح يرد ع التليفون بعيد عن الدوشه 

و  فجأه لقي جنات داخله من بوابه القصر  وبصلها من فوق ل تحت ب اعجاب وكانت لابسه دريس بيج و هيلز بيج وفارده شعرها وكان شكلها حلو اوي 

جنات راحت له بابتسامه 

جنات/ازيك...ي مالك بيه 

مالك رجع ل وعيه/احم .. انتي بتعملي اي هنا 

جنات ابتسمت/احلام ال عزمتني  عندك مشكله؟

روان شافت جنات من بعيد راحت لها بابتسامه ترحب بيها و تسلم عليها واحلام كانت حاكيه لها كل حاجه 

روان بابتسامه/جنات ..عامله اي

وسلمت عليها وحضنتها 

جنات بابتسامه/الحمد لله انتي عامله اي

روان/زي الفل .تعالي اتفضلي ندخل واقفه لي 

مالك سابهم ودخل

جنات اتنهدت 

روان/في اي هتفقدي الامل من اولها كدا 

جنات اتنهدت بحزن/معتقدش مالك يسامحني 

روان/لا طبعا هيسامحك .دا باين عليه بيعشقك مبيحبكيش بس .مشفتيش كان بيبص لك ازاي اول ما دخلتي .دا منزلش عينه من عليكي .. متيأسيش بسهوله كدا

جنات/انا عمري ما افقد الامل هفضل احاول لحد ما يسامحني .هو يستاهل اني احاول علشانه 

روان ابتسمت/وانتي كمان تستاهلي تبقي مبسوطه مع مالك .وان شاء الله دا هيحصل قريب 

جنات ابتسمت 

روان/يلا ندخل 

جنات/يلا 

ودخلو 

وبعد شويه ادم واحلام نزلو من اوضتهم وطلعو من البيت وراحو الجنينه وكل ال موجودين سقفو لهم 

و كرم واقف بابتسامه بيبص ع احلام .كان ديما بيحلم يشوفها ب الأبيض ويجوزها وتبقي مبسوطه وسعيده ف حياتها .دا كمان كان حلم مراته الله يرحمها 

احلام راحت حضنت كرم و حمزه وليليان ومريم ودعو لها تقضل مبسوطه ديما 

كرم حضن احلام بابتسامه/ربنا يسعدك ديما ي نور عيني

احلام ابتسمت/حبيبي ي بابا 

وحضنت حمزه 

حمزه ابتسم/شكلك زي القمر يبت..ربنا يسعدك يارب

احلام بابتسامه/حبيبي ي حمزه

و ادم كمان سلم عليهم 

و احلام حضنت طارق وسلمت عليه 

طارق بابتسامه/ربنا يسعدك ديما ي حبيبتي 

احلام طلعت من حضنه بابتسامه و بصت ل ادم علشان يسلم ع بباه و يحضنه 

ادم حضن طارق وطارق مكنش مصدق نفسه وطارق حضن ادم بقوه و دمع 

طارق بابتسامه/مبروك ي حبيبي .الف الف مبروك 

مالك و وروان و فراس ابتسمو

وراحو يسلمو ع ادم ويباركو له

مالك/شكلك جامد ب القميص الأبيض بالمناسبه 

ادم ابتسم وحضنه بقوه

مالك/ربنا يسعدكم ديما يارب

 

فراس سلم ع ادم وحضنه بابتسامه/عقبالك ما البيبي يجي ب السلامه يارب 

و روان حضنت ادم و احلام وباركت لهم

وبعد شويه الاغاني الهاديه استغلت و ادم واحلام بدأو يرقصو سلوو 

احلام بابتسامه/انا مش قادره اصدق ان ادم الحديدي عمل لي المفاجأة الحلوه دي ولبس قميص ابيض علشاني ومش بس كدا دا بيرقص سلوو كمان

ادم ابتسم و قربها ل حضنه اكتر/ادم الحديدي يعمل اي حاجة ف الدنيا دي علشانك

احلام ابتسمت وبصتله بحب

ادم بص ف عينها/بس انا بدأت اندم اني عملت الحفله دي ..انا مش عايز اي حد عينه تيجي عليكي وانتي حلوه وزي القمر كدا ..اخبيكي من عيون الناس ازاي دلوقتي 

احلام ابتسمت وآدم باس راسها 

عند طربيزه روان وفراس 

روان ابتسمت/شكلهم حلو اوي ربنا يسعدهم

فراس ابتسم/يارب 

وروان بصت جنبها لقت واحده واقفه بعيد بتبص ل فراس ب اعجاب 

روان بغيره بصوت واطي/ولما اروح اخزق لها عنيها دلوقتي

فراس بصلها/بتقولي حاجه 

روان بغيظ/لا ابدا مبقولش  

وفضلت تبص ع البنت بغيظ

فراس بص جمبه يشوف روان بتبص ع اي وفهم انها غيرانه عليه من نظرات البنت

فراس ابتسم بخبث 

روان راحت وقفت جمب فراس من الناحيه التانيه علشان البنت متشوفش فراس 

روان/تصدق الوقفه هنا احسن. حبيتها.انا هقف هنا

فراس ابتسم من جنانها لانها قصيره وحتي لو وقفت جمبه البنت هتشوف فراس عادي 

وبص ل روان/روان انتي بتغيري عليا؟

روان بتوتر/ها ..لا طبعا اغير عليك لي 

فراس بصلها ف عينها وقرب منها

فراس/يعني انتي مش غيرانه عليا دلوقتي من البنت ال واقفه تبص لي من اول الحفله

روان بغيظ/اه يعني انت واخد بالك انها بتبص لك من اول الحفله 

فراس باصص ف عيونها/تؤ ..انا مركز طول الحفله ف حلاوتك انتي .مش شايف اي حاجه تانيه

روان ابتسمت 

عند آدم واحلام

بيرقصو 

آدم/كأن خطتك  منجحتش اوي

احلام بصت ع مالك و جنات 

احلام/بحاول اصلح بينهم ع قد ما اقدر لاني عارفه ان مالك بيحبها ومش هيعرف يبقي مبسوط من غيرها .روان كمان بتحاول تساعد 

ادم بصلها/اه دا انتي عامله  عصابه بقي ي مدام احلام 

احلام ضحكت وآدم باس راسها 

والاغنيه خلصت والكل صفق لهم و الخدم بيوزعو المشاريع والمقبلات .و ادم بيعرف احلام ع سيدات الاعمال ال كانو عايزين يتعرفو عليها و احلام بتسلم ع الكل

عند مالك 

واقف عند طربيزته وبيشرب مشروب 

جنات راحت له ووقفت جمبه 

جنات/عقبالك 

مالك بصلها وبص قدامه تاني

مالك/لما نفرح بيكي الاول 

جنات/عايز تفرح بيا فعلا

مالك بصلها/اه وماله .نلاقيلك بس ابن الحلال الاول ال تحبيه بجد ومتكسريش قلبه

جنات بغضب /والله؟ يعني انا بس ال بكسر قلبك وانت برئ مبتعملش اي حاجه

مالك ساب الكأس وحاطه ع الطربيزه 

وقرب منها بغضب

مالك/كسرت قلبك ازاي ياريت تشرحي لي 

جنات بغضب/نظرتك ليا بتكسر قلبي ..اتهماتك ال ف كلامك دا ليا بيكسر قلبي..انت انت شايفني مبحبكش وبمثل مع اني بموت فيك .دا كمان بيكسر قلبي 

مالك بصلها ف عينها 

وفي بنت كانت مركزه مع مالك ف اول الحفله وراحت له بابتسامه وهي ماسكه كاسين 

البنت بابتسامه/حضرتك مالك بيه 

وحطت الكاسين ع الطربيزه 

مالك بصلها /ايوا 

البنت سلمت عليه بابتسامه/انا ندي مديره علاقات عامه ف شركه من شركات ادم بيه 

مالك سلم عليها/اهلا وسهلا 

جنات بغيره وغيظ خدت شنطتها وراحت وقفت ع طربيزه تانيه 

ندي ابتسمت/كنت جايبه لك مشروب  لو حابب ممكن نشرب سوا 

عند جنات واقفه عند طربيزتها بغيظ وبتبص ع طربيزه مالك ال واقف بيتكلم مع ندي وندي مبسوطه وبتضحك

في شاب راح ل جنات 

الشاب ابتسم/في مانع لو وقفت معاكي 

جنات/

الشاب بابتسامه/متتخضيش انا هاشم محمدي مدير اعمال وليا شغل مع ادم بيه

جنات/اه اهلا وسهلا 

ومد ايده يسلم عليها

عند مالك بص ع جنات و هاشم  ال مادد ايده عايز يسلم عليها 

جنات غيظا ف مالك سلمت عليه

جنات بابتسامه/اتشرفت بيك 

عند مالك مسك قبضه ايده بغضب 

ندي /انت كويس ؟

مالك /احم اه انا كويس 

عند جنات وهاشم 

في خادمه عدت ومعاها صنيه مشروب 

هاشم وقفها/ثانيه واحده

وخد كاسين والخادمه مشيت 

هاشم/اتفضلي

جنات/لا انا مبشر

وبصت ع مالك وندي بغيره وخدت الكاس

جنات/ممكن اشرب عادي 

مالك بغضب/عن اذنك 

وراح ل جنات و هاشم وخد الكاس من ايد جنات 

مالك بغضب/انتي بتعملي اي 

جنات بغيظ/انت مالك انت بتدخل لي 

مالك بيحاول الهدوء والسيطره ع اعصابه 

مالك/بطلي جنان واعقلي 

جنات خدت منه الكاس تاني/ملكش دعوه انا هشرب ..وممكن ترجع للسنيوره ال كنت معاها

وكانت هتشرب مالك خد الكاس منها ورمي ال مشروب ال فيه ع الارض وحط الكاس ع الطربيزه ومسك جنات من دراعها 

هاشم/هو في حاجه ي مالك بيه

مالك بغضب/هيكون احسن ليك متدخلش  

وخد جنات و رايحين بتجاهه بوابه القصر 

جنات/ممكن تسبني ..انت ملكش اي دعوه بيا ونا اعمل ال انا عيزاه انت فاهم ولا لا 

مالك/مسمعش صوتك لحد ما اروحك

جنات بغيره وقفت/لاء هتروحني وتسيب ندي .لا حرام روح وصلها هي الوقت اتأخر برضو 

مالك /يلا ي جنات قدامي 

جنات ربعت ايدها/لاء مش هروح 

مالك/مش بمزاجك 

جنات بغضب/لاء ب مزاجي  انت ملكش حكم عليا ونا قلت مش هروح وهكمل الحفله للاخر يعني مش هروح 

مالك بيحاول الهدوء ومسح وشه ب ايده بغضب

مالك بعصبيه وغيره/انتي عايزه تجننيني  صح؟ عايزه تجننيني..مين الزفت ال انتي واققه بتتكلمي معاه دا.وازاي تسلمي عليه انا مش فاهم..وزفت خمره اي ال عايزه تشربيها

جنات ابتسمت وفرحت علشان غار عليها 

مالك مسك دراعها بغضب/قسما بالله لو الحصل دا اتكرر تاني هيبقي ليا تصرف تاني بعد كدا 

جنات ابتسمت/وانت بقي غيران عليا لي.مش انت بتتمنالي الاقي ابن الحلال ال اتجوزه 

مالك ساب دراعها /ا انا .انا مبغرش 

جنات بابتسامه/ايوا ايوا واضح

مالك/يلا علشان اوصلك

جنات/لاء بجد انا مش هخليك تسيب حفله مهمه زي دي بالنسبه ل اخوك و مرات اخوك وتوصلني ...تعالي يلا هنرجع الحفله تاني ..ونا مش هعمل اي حاجه والله

مالك اتنهد

جنات ابتسمت/ها يلا ندخل

مالك/يلا 

ودخلو الحفله تاني

و فراس قال لهم يشغلو اغاني وبدأ و فراس وحمزه بدأو يرقصو  بفرحه ع اغاني ويشجعو ادم يرقص معاهم ف الاول كان رافض بس مالك دخل معاهم وشجع ادم وبدأو يرقصو و احلام ومريم وروان بدأو يرقصو هما كمان واخدو جنات معاهم وكرم وطارق كانو بيسقفو بابتسامه 

والحفله كانت حلوه اوي والكل انبسط

رواية الجميله والوحش الحلقة الثانية والعشرون

مساءا بعد حفله ادم واحلام

عند مالك سايق العربيه وجنات قاعده جمبه وف طريقه ل بيتها

جنات ابتسمت/الحفله كانت حلوه اوي و احلام وآدم حلوين اوي مع بعض ربنا يسعدهم

مالك وهو مركز ف السواقه/يارب

جنات بصتله/لو متضايق يعني ان انت بتوصلني وسبت ندي تروح لوحدها انت ممكن تنزلي ع جمب ونا هاخد تاكسي

مالك /بطلي العبط والتخلف ال انتي بتقوليه دا

جنات بغيظ وغيره/دا مش عبط ..انت مخدتش بالك كانت بتبص لك ازاي طول الحفله ..وانت مشاء الله يعني متجاوب معاها وقاعد تتكلم وتهزر

مالك بصلها بغضب/ميخصكيش ف حاجه ..اي حاجه بعملها متخصكيش ف حاجه…اكلم بنت اهزر مع ١٠ دي حاجه ترجعلي ..انتي هتمثلي عليا انك غيرانه كمان

جنات بغضب/مالك نزلني

مالك بص قدامه وركز ف السواقه

مالك/ربع ساعه وهنوصل

جنات بعصبيه/لاء انا عايزه انزل دلوقتي

مالك بعصبيه/متعليش صوتك وبطلي جنان واعقلي ..عيزاني انزلك فين ف نص الليل ف طريق زي دا

جنات بغضب/وانت هتمثل وتعمل نفسك خايف عليا لي .. مش انا مش فارقه معاك

مالك بصلها/لا التمثيل دا بتاعك انتي ..انا بعمل دا من انسانيتي مش اكتر

جنات دمعت وبصت ع الطريق من الشباك وربعت ايدها من البرد

مالك بصلها وبيحاول ميضعفش قدام دموعها ..هو بيقسي عليها غصب عنه ..قلبو لسه مجروح من ال حصل ..مش عارف يصدق او يثق ف اي حاجه بتقولها و ف نفس الوقت لسه بيموت فيها ومش قادر يخرجها من قلبه

مالك وقف العربيه ع جنب وخلع جاكيت البدله

مالك/خدي البسي دا

جنات مسحت دموعها/شكرا مش عايزه

مالك/اسمعي الكلام وخدي… الجو برد عليكي

جنات اخدت الجاكيت ولبسته

ومالك شغل العربيه تاني وانطلق

في أكبر اوتيلات مصر

في جناح ادم واحلام

لسه راجعين من الحفله ودخلو الغرفه

احلام دخلت الغرفه بغضب وآدم دخل وقفل الباب وراه

واحلام قعدت ع السرير تخلع الهيلز

ادم/اهو الجنان بدأ اهو

احلام بغيظ وغيره/ايوا يعني انا ال طلعت ف الاخر مجنونه يعني

ادم/انا محتاج افهم حصل اي لكل دا

احلام ربعت ايدها بغيره /مديره الفندق ال جت وحنا عند الريسبشن ال عارفه اسمك وعماله تبتسم لك وتقولك نورتنا و غايب بقالك فتره ..شكلك متعود تيجي هنا ع طول وهي عرفاك كويس اوي

ادم ابتسم/ايوا فعلا انا باجي هنا ع طول

احلام قامت بصدمه/وكمان بتقولها ف وشي عادي كدا

ادم قرب منها وحاوط وسطها ب ايده بتملك

ادم وهو سرحان ف جمالها/علشان الفندق دا بتاعي ف باجي هنا من فتره ل تانيه مش علشان اي حاجه من ال ف دماغك دي

احلام بغيظ/امال ليه الزفته المديره دي عماله تبص لك كدا زي ما يكون هتاكلك ب عينها

ادم باس رقبتها/ال يبص يبص انا مش فارق معايا حد الا انتي

احلام ابتسمت/ادم متغيرش الموضوع

ادم باس خدها و شفايفها/انا مبغيرش الموضوع..انا فعلا مش شايف حد غيرك

احلام ابتسمت

ادم/وبعدين دا يعني ردك ع اليوم الحلو اوي دا

احلام بابتسامه/اليوم كان حلو اوي اوي ..وانا انبسطت اوي

وقربت منه

احلام ابتسمت/وانت كان شكلك حلو اوي اوي

ادم ابتسم وقرب منها وباسها

ادم/ أهم حاجه عندي انك كنتي مبسوطه ..انا بس كنت خايف عليكي انتي والبيبي او يحصل حاجه من المجهود ال عملتيه..اه صح كنت هنسي دواكي استني

احلام ابتسمت وادم راح

جاب دوا احلام من شنطتها ال ع الطربيزه وجاب كوبايه مايه

احلام قعدت ع السرير/هيحصلي اي بس منا زي الفل قدامك اهو

واخدت الدوا وشربت وراه مايه

ادم ملس ع شعرها ورجع خصلها من شعرها ورا ودنها/متأكده ؟ انتي والبيبي كويسين. لو حاسه بتعب او اي حاجه عرفيني

احلام ابتسمت /كويسه والله ي حبيبي متقلقش..وبعدين انت مخلتنيش اتحرك من جمبك طول الحفله دقيقه واحده فين المجهود ال عملته دا

ادم باس راسها/نروح نطمن ع البيبي بكره برضو قبل ما نسافر

احلام ابتسمت/ماشي ال انت عايزه

ادم/هو هيظهر امتي هو ولد ولا بنت

احلام ابتسمت/لا لسه بدري شويه انا مكملتش 3 شهور..وبعدين ع اساس ولد او بنت مش فارقه معاك .شكلك عايز ولد

ادم/فعلا مش فارقه معايا اهم حاجه انه منك انتي

وباس ايدها واحلام ابتسمت

والباب خبط وآدم راح فتح وكان

بنت شغاله هنا وجاره قدامها طربيزه العشا

البنت /العشا ي آدم بيه

ادم/دخليه

البنت دخلت الغرفه وحطت الاكل ع الطربيزه وكانت هتنزل المشروبات(الخمره)

ادم/خدي المشروب دا معاكي

البنت /امر حضرتك

احلام ابتسمت لانها من وقت ما قالت ل ادم انها مبتحبش اي حد يشرب علشان حرام وهو مبطل شرب خالص

البنت/اي أوامر تانيه ي آدم بيه

المديره راحت لهم بابتسامه

المديره/انا جيت اتأكد بنفسي اذا كان في حاجه ناقصه او حضرتك محتاج حاجه

احلام بصت لها بغيظ وغيره وهاين عليها تروح تخبطها ب حاجه

ادم/لا متشكر كل حاجه تمام

المديره بابتسامه/تمام .أقامه سعيده ان شاءالله

ومشيت هي و الموظفه ال جابت الاكل وآدم قفل الباب وهو عارف ان الليله دي مش هتعدي ع خير

ادم بيحاول يغير الموضوع/جعتي طبعا

احلام قامت بغيظ/لاء شكرا انا هغير وانام

وكانت هتدخل الحمام ادم وقفها بسرعه ومسكها من وسطها وقربها منه

ادم وهو باصص لها ب اعجاب/لاء نوم اي مفيش نوم النهارده انا عايز اعرف لبستي الفستان الحلو دا ازاي

احلام من غير ما تبصله/سبني ي آدم بعد اذنك

ادم/هتسيبي هرومناتك والافكار المجنونه ال ف دماغك دي تبوظ علينا يومنا

احلام بصتله بحزن/انا قلبي حاسس انت كان في بينك وبين المديره دي حاجه..قول ي آدم والله ونا مش هزعل

ادم ضحك وهز راسه بمعني مفيش فايده

ادم/لاء واضح مش هتزعلي وانتي وشك قلب من قبل ما افتح بوقي اصلا

احلام/شفت ..يعني في حاجه اهو وانت مش عايز تقولي

ادم باس راسها/والله ي حبيبتي مكنش فيه اي حاجه بيني وبينها ولا واخد بالي اصلا هي بتبص لي ولا لا علشان انا مش فارق معايا اي واحده غيرك..كل علاقتي بيها شغل وبس لما باجي الاوتيل كل فتره اشوف الدنيا ماشيه ازاي هنا

احلام /طب احلف

ادم قربها منه/لاء دا انتي هرمونات الحمل جننتك بجد بقي ع الاخر ..مش مصدقاني وعيزاني احلف

وباس رقبتها

احلام حاوطت رقبته بدراعها وبصت ف عينه/قصدك ان انا مجنونه تاني يعني

ادم وهو باصص ف عينها/لاء..قصدي ان انتي احلي واجمل حاجه حصلت لي ف حياتي..وبعشقك

احلام بابتسامه/وانا بموت فيك

ادم باس شفايفها وسحب سوستة الفستان

عند مالك

سايق العربيه و جنات جمبه

مالك وصل قدام بيت جنات ووقف العربيه

مالك/وصلنا

وبص عليها لقاها مربعه ايدها و غرقانه ف النوم

مالك ابتسم و رجع خصله من ع وشها ورا ودنها

مالك/انا مش عارف اعمل اي ف نفسي ..لا قادر انساكي واشيلك من قلبي وعقلي ولا قادر اسامحك…نفسي ارجع اصدقك تاني مش عارف ..قلبي لسه مكسور …بس كل ال انا عارفه اني بحبك ومش قادر انساكي او ابعد عنك

واتنهد وبدأ يصحيها براحه

مالك/جنات

جنات/

مالك/جنات وصلنا

جنات صحيت وبصت حواليها

جنات/اه شكرا تعبتك معايا

وكانت هتخلع الجاكيت تدهوله مالك منعها

جنات/خليه معاكي علشان متبرديش .هبقي اخده بعدين

جنات هزت راسها بموافقه

جنات/تصبح ع خير

مالك/وانتي من اهل الخير

ونزلت من العربيه ومالك استناها لحد ما دخلت البيت وشغل العربيه ومشي

جنات بصت عليه من الشبك وهو بيمشي وابتسمت لانها سمعت كل الكلام ال قالهولها ف العربيه

جنات/انا كمان بموت فيك ..وهخليك ترجع تثق فيا من تاني وعمري ما هسيبك ابدا ..حتي لو اتعصبت او قسيت عليا انا عارفه انه بيبقي غصب عنك

وشمت ريحته ف الجاكيت بتاعه ال هي لبساه وابتسمت

في فيلا فراس

فراس فتح الباب ب المفتاح و روان دخلت وهو دخل وقفل الباب وراه

فراس وهو ماشي كان دايخ من كتر الشرب

روان سندته بسرعه

روان بقلق/انت كويس

فراس باستغراب/اي دا روان..انتي بتعملي اي هنا .لازم تروحي البيت لو ادم عرف هينفخنا

روان ابتسمت/اروح اي بس تعالي نقعد تعالي

وسندته لحد الصالون وقعدو ع الكنبه

روان/كويس انك طلبت من رضا هو ال يوصلنا ..تقلت ف الشرب لي كدا

فراس حط ايده ع دماغه بوجع

فراس/اااه …انا و ادم و رضا متعودين لما نفرح اوي نشرب او نزعل اوي نشرب بس ادم مشربش النهارده مش عارف ليه

وسند ضهره ع الكنبه وباصص ل روان ب اعجاب وابتسامه

روان/هو انا ينفع اطلب منك طلب

فراس وهو باصص ف عينها ومبتسم/انتي تطلبي ال انتي عيزاه

روان/ينفع متشربش تاني…انا بحس ب الامان اوي معاك وطول ما انت موجود انا ببقى مطمنه ف عايزه فراس ال انا عرفاه هو ال يبقي موجود

فراس ابتسم/حاضر..وعد مني عمري ما هشرب تاني

روان ابتسمت/ماشي ..هروح اعملك قهوه علشان وجع راسك

فراس ابتسم/روحي

وروان دخلت المطبخ

وفراس خلع جاكيت البدله ونام ع الكنبه بتعب وحط ايده تحت دماغه

بعد شويه روان طلعت من المطبخ وشايله فنجان قهوه

فراس بصلها ب استغراب/اي دا ي روان ..انتي لسه هنا..بقولك روحي البيت قبل ما ادم ياخد باله هتبقي مشكله

روان ابتسمت وهزت راسها بمعني مفيش فايده/انا مراتك حضرتك انت مش شاقطني

وحطت الفنجان ع الطربيزه وقعدت ع طرف الكنبه جمبه

فراس ابتسم/انتي مراتي بجد ؟ع ذمتي يعني

روان بابتسامه/ايوا ..حابب تغير رايك او حاجه

فراس باصص ف عينها/اغير رأيي اي بس ..هو انا كنت أطول

ولمس خدودها ب ايده

روان ابتسمت بخجل

فراس /اطلعي نامي انتي تعبتي النهارده طول اليوم

روان هزت راسها بموافقه/تصبح ع خير

فراس ابتسم/وانتي من اهل الخير

روان قامت من ع الكنبه وفراس حاول ينام بس البدله مضيقاه

روان/لو حابب ممكن تطلع تغير البدله علشان تعرف تنام

فراس/ياريت

روان/تعالي انا هساعدك

فراس قام/لالا متتعبيش نفسك انا زي الفل هعرف امشي لوحدي..الشرب مش هياثر عليا للدرجه دي

روان ابتسمت/ماشي ال انت شايفه

وهو ماشي خبط ف الطربيزه

فراس/اااه ..أنا بقول تساعديني اطلع فوق احسن

روان ابتسمت/انا رأيي كدا برضو

وسندته لحد ما طلعو الغرفه

وطول ما هما طالعين فراس مكنش مركز الا فيها وسرحان ف جمالها

ودخلو الغرفه وفراس كان هيقع روان سندته بسرعه وعلشان فراس طبعا تقيل ع روان كانت هتقع هي كمان فراس مسكها بسرعه من وسطها قبل ما تقع

فراس/خلي بالك

روان قلبها بيدق بسرعه من قربه و

فراس سرحان ف عيونها وقرب منها ورجع خصله من شعرها ورا ودنها

وبيحاول يسيطر ع مشاعره

فراس/انتي ازاي حلوه اوي كدا

روان ابتسمت

وفراس قرب منها وباس شفايفها ب شوق ولهفه كان بيحلم ب اليوم دا من سنين

وبعد شويه بعد عنها وحاول يسيطر ع مشاعره

وبص ع ملامحها وكان مرعوب يشوفها اتضايقت او زعلت

روان ابتسمت بخجل / فراس

وخبطته ف صدره

فراس ابتسم/انا اسف ..مقدرتش اتحمل والله

وباس راسها

روان ابتسمت/انا هدخل اغير هدومي

وبعدت عنه ودخلت الدريسنج خدت بيجاما ودخلت تغير ف الحمام

وفراس ابتسم ومش مصدق انه اخيرا باس حبيبته ال كان هيموت ويبوسها من سنين كتيره

ودخل الدريسنج يغير وهو مبسوط

وروان طلعت من الحمام بعد ما

غيرت هدومها ل بيجامه نوم وعملت شعرها كعكه عشوائيه وراحت قعدت ع السرير وابتسمت بخجل اول ما افتكرت فراس وهو قريب منها اوي كدا

وبعد شويه فراس طلع من الدريسنج بعد ما غير هدومه ل تيشرت بنص وبنطلون

فراس/اسف لو زعجتك..تصبحي على خير

روان/وانت من اهل الخير

فراس كان هيمشي بس وقف

روان/في حاجه

فراس/اه فيه ..انا نفسي انام ف حضنك النهارده بصراحه

روان مسكت المخده وخبطتها فيه بغيظ

روان/فراس أحترم نفسك واطلع برا

فراس ابتسم/هنام ب أدبي والله..حققيلي امنيتي بقي دا انا حتي يتيم ومحتاج حنان

روان/هتنام بأدبك

فراس/وعد والله

روان ابتسمت/طيب تعالي

فراس خد المخده من ع الارض بابتسامه ومش مصدق نفسه

وروان نامت ع السرير وفراس راح نام جمبها

وغطاها كويس ونام ف حضنها وروان خدته ف حضنها وفراس دفن وشه ف رقبتها وشم ريحتها ال سحر بالنسبه له وبدا ينام وهو مش مصدق انه نايم ف حضن حب حياته كان ع طول بيحلم ب اليوم دا

وروان ابتسمت وبدأت تنام هي كمان

في اليوم التالي

صباحا

في الاوتيل في غرفه ادم واحلام

ادم نايم بعمق ف حضن احلام واحلام بدأت تصحي وبصت ع الساعه ال ع الحيطه وكان الساعه ١١

احلام بصت ع ادم ال نايم ف حضنها وابتسمت وباست راسه

احلام/هو انا مش هاين عليا اصحيك بس مضطره للاسف علشان انا جعانه…ادم

ادم/

احلام/ادم حبيبي

ادم/امممم

احلام/انا جعانه .. يلا نقوم نفطر علشان خاطري…ي تري عندهم مربه فراوله تحت

ادم وهو مغمض عينه

ادم/ك العاده يعني

احلام/والله ..قصدك ان انا ع طول جعانه يعني..طب ع فكره بقي ابنك ال عايز ياكل مش انا

ادم فتح عينه وبص لها

ادم/وابني ال عايز مربي الفراوله برضو

احلام ابتسمت /لاء دي انا ال نفسي فيها بصراحه

ادم طلع من حضنها وباس راسها وخدها

ادم/ دا انا عنيا ليكي . و ل الواد دا

وباس بطنها

احلام ابتسمت /انت مبسوط بجد ان هيبقي عندنا بيبي

ادم رجع خصله من شعرها ورا ودنها/مبسوط بس ؟ دا انا الدنيا مش سيعاني ..انا قبل ما تدخلي حياتي مكنش ف دماغي ولا عمري تخيلت اني عايز اخلف ..بس بعد ما ظهرتي ف حياتي انا عايز اخلف منك 4 عيال مش عيل واحد

احلام/حرام عليك 4 ؟هو انا ارنبه ..هما اتنين كفايه اوي

ادم /لاء هما 4 ان شاءالله

وباس خدها واحلام ابتسمت

ادم /استني هطلب لك الاكل

احلام/اوك

وجاب موبايل الاوضه من ع الكومودينو جمبه وكلم الريسبشن وبيطلب الفطار

ادم/ايوا ….اهم حاجه اتأكد أن فيه مربي فراوله …..لاء ميخصنيش جيبوها من برا….تمام

وقفل المكالمه وحط الموبايل مكانه

ادم/ربع ساعه ويوصل ..لحد ما يجيي بقي خليني نايم هنا شويه

ونام ف حضنها تاني ودفن وشه ف رقبتها واحلام ابتسمت وباست راسه

احلام/طب ينفع أسألك سؤال

ادم/انا عارف مش هتسبيني انام النهارده

احلام ابتسمت/سؤال واحد والله وهسيبك تنام خلاص

ادم اتنهد وطلع من حضنها/ اتفضلي اسألي

احلام /ليه مقتلتنيش ف اول يوم شفتني فيه…يعني انا كان ممكن اغدر بيك واقول كل حاجه بس انت عملت العكس واتجوزتني

ادم /علشان دا مكنش اول يوم اشوفك فيه

احلام /ازاي

ادم/شفتك مرتين قبلها بالصدفه…كل مره بشوفك فيها كنتي بتخطفيني معرفش ايه ال كان بيحصلي

احلام ابتسمت /ايوا يعني حبتني من اول نظره يعني

ادم قرب منها ورجع خصله من شعرها ورا ودنها / من اول لحظه ..بقيت زي المجنون بسببك مقدرش ابعد عنك لحظه.. بخاف عليكي من أقل حاجه وبغيير عليكي من أقل حاجه ببقي عايز اخلص شغل ف اسرع وقت علشان ارجعلك وارجع ل حضنك .جننتيني خلاص

احلام بابتسامه مسكت وشه ب ايدها وباست خده

وآدم باس شفايفها

احلام/انا مبسوطه علشان بقيت بتعرف تقول كلام حلو اوي

ادم /منا متعلم الكلام دا من مين يعني

ومسك وسطها

ادم/ها

احلام ضحكت/انا لاء انت عارف ان انا بغيير

وحاولت تبعد عنه

ادم مسكها بسرعه قبل ما تهرب وبيزغزها

احلام بضحك/ادم خلاص والله

ادم/لاء استني بس جاوبيني انا متعلمه من مين

احلام هربت منه وهي بتضحك وآدم قام من ع السرير بسرعه وشالها قبل ما تهرب

في شركه مالك

دخل الشركه وكان هيدخل مكتبه

موظفه وقفته/مالك بيه محتاجين توقعيك هنا

مالك وقف ووقع ع الورقه

مالك/محتاج ملف اخر صفقه ومواعيد اجتماعات النهارده

الموظفه/امر حضرتك

مالك/ابعتي حد يعملي القهوه بتاعتي

جنات راحت لهم بابتسامه و ف ايدها صينيه عليها فنجان قهوه

جنات ابتسمت/القهوه جاهزه .ومواعيد النهارده معايا

مالك تجاهلها/ملف الصفقه بسرعه ي هدي

ودخل مكتبه

جنات اتنهدت بغضب

هدي /هو في تنشنه بينك وبين مالك بيه ولا حاجه

جنات/هيكون في اي ي هدي مفيش حاجه

هدي/طب خلاص متعصبه لي

وراحت تجيب الملف

جنات/حاسه اني عايزه ابطحه ب الصينيه دي ..بس لاء ميهونش عليا

واتنهدت وخبطت ع المكتب ودخلت

و مالك قاعد ع مكتبه بيقرأ ملف

وجنات حطت القهوه ع الطربيزه وخدت الصينيه

جنات/اي أوامر تانيه

مالك وهو مشغول ف الملف/اظن قلت قبل كدا محتاج مواعيد النهارده

جنات كانت هتخبطه ب الصنينه بغضب

جنات/احم اه .مواعيد النهارده في اجتماع الساعه ٢مع العملاء الجداد وفي معاد ٤ مع الوفد ال جاي من امريكا

مالك بصلها/محتاجك تحضري معايا اجتماع الوفد بتاع أمريكا دا..اظن بتتكلمي ٤ لغات ..اه صح كنت نسيت ..الcv بتاعك كله كدب ف كدب ف متعرفيش اي حاجه ..كلميلي اي موظفه عندها لغه تحضر معايا الاجتماع مكانك

وبص ف الملف قدامه

جنات بغيظ وتحدي/لا هعرف اتكلم معاهم واحضر الاجتماع عادي جدا

مالك بصلها/فعلا

جنات/ايوا

مالك/طب كويس …تقدري تتفضلي

جنات/احم ..عن اذنك

وطلعت برا المكتب بتوتر وقفلت الباب

جنات/برافو ي جنات والله ..ورطتي نفسك حلو اوي..وريني هتعرفي تتكلمي مع الوفد ازاي ..اوففف

في فيلا فراس

في غرفته

روان نايمه وفراس نايم ف حضنها

وروان بدأت تصحي وبصت ع فراس ال نايم ف حضنها ب براءه زي الأطفال بالضبط

روان ابتسمت وملست ع شعره وباست راسه

وفراس موبايله رن

روان عملت نفسها نايمه

فراس بدأ يصحي ع صوت الموبايل ب انزعاج

وفتح عينه وبص ع روان ال نايمه جمبه

فراس ابتسم ورجع خصله من شعرها ورا ودنها

فراس/دي احلي نومه نمتها ف حياتي ..من زمان اوي مانمتش مرتاح كدا

وباس خدها وطلع من حضنها براحه و جاب موبايله من جمبه

فراس رد بصوت واطي/خير ع الصبح

الموظف/اسف ي فراس بيه ع الازعاج بس حضرتك لازم تيجي الشركه ضروري في اجتماع مهم ولازم ي انت ي آدم بيه يحضره وآدم بيه واخد اجازه

فراس اتنهد/طيب ماشي جاي

وقفل المكالمه

وروان صحيت

فراس ابتسم/صباح الفل..اسف صحيتك

روان ابتسمت/صباح الخير ..ولا يهمك

وبعدت عنه بخجل

فراس حاوط وسطها ب ايده بتملك وقربها ل حضنه تاني وروان قلبها دق بسرعه و بصتله ف عينه

فراس وهو باصص ف عينها/انا كنت حابب اشكرك يعني علشان وافقتي انام ف حضنك ..دي كانت احلي ليله عدت عليها .

روان ابتسمت

فراس ابتسم/انا عملت حاجه ضايقتك امبارح

روان ابتسمت /لاء

فراس ابتسم /متأكده؟ علشان انا حاسس ان انا عملت حاجه مش فاكرها اوي ومحتاج افتكرها دلوقتي

وقرب منها وروان بصاله ف عينه وقلبها بيدق بسرعه بخجل

وفراس باس شفايفها

وبعد شويه بعد عنها ياخده نفسهم

فراس بابتسامه/ايوا كدا افتكرت

روان بخجل مسكت المخده ال جمبها وخبطته بيها

روان/طب اطلع برا بعد اذنك بقي

فراس ضحك /حاضر اسف خلاص هطلع

وقام من ع السرير

وروان ابتسمت

فراس/هلبس واروح الشغل علشان زي ما انتي عارفه ادم واحلام مسافرين وهيسيب قرف الشغل كله عليا انا.

روان/ينفع اروح القصر اقضي معاهم اليوم وبالمره اسلم عليهم قبل ما يسافرو

فراس ابتسم/ينفع..وانا هخلص شغل بدري واعدي عليكم

روان ابتسمت/اوك

وفراس دخل الدريسنج يغير هدومه وروان اتنهدت بابتسامه

عصرا عند احلام

في القصر في غرفتها ف الدريسنج

بتجهز شنط السفر بتاعتها هي وادم مع الخادمه

الخادمه/كدا في حاجه ناقصه ي احلام هانم ؟

احلام بتفكير/اعتقد مفيش حاجه تقريبا ..(وافتكرت الادويه )اه وخدي كيسه الدوا دي حطيها هنا

الخادمه/حاضر

وتليفون احلام رن وكان ادم

احلام خرجت من الدريسنج وردت

احلام/ايه ي حبيبي عملت ايه

ادم/بجددلك الباسبور اهو ..انتي عملتي اي

احلام/جهزنا الشنط بتاعتنا خلاص وتقريبا كل حاجه جاهزه

ادم/طيب انا هحاول استعجل واجي اخدك علشان منتاخرش ع معاد الطياره

احلام/طب انا عايزه اروح اسلم ع بابا وحمزه وليليان قبل ما نمشي .ينفع؟كدا كدا الطياره لسه الساعه ٨

ادم/ماشي استنيني وانا هوصلك

احلام/خليني انا البس واروح دلوقتي بسرعه اكسب وقت لحد ما انت تخلص

ادم/لاء ي احلام انا هاجي اوصلك علشان اسوق براحه وابقي مطمن

احلام /ي حبيبي والله متقلقش انا هقول للبودي جارد يسوق براحه والله ..وافق بقي علشان خاطري

ادم اتنهد/ماشي خلي بالك من نفسك

احلام ابتسمت/حاضر .يلا باي

الخادمه خبطت ودخلت

الخادمه/روان هانم وصلت وقاعده مع طارق بيه وبتسال عليكي

احلام ابتسمت/اوك انا هغير وهنزل لهم

في شركه مالك

مالك قاعده ف مكتبه بيشتغل وجنات راحه جايه قدام المكتب ومش عارفه تعمل اي وهتتعامل مع الوفد ازاي وهي مبتعرفش تتكلم انجليزي

جنات/مش انتي ورطتي نفسك ي جنات الغبيه ..اااخ منك..بس كان لازم أعمل كدا امال اسيبه يقولي اني جاهله ومعنديش لغه يعني

في موظف كان معدي وشاف جنات بتكلم نفسها وراح لها

الموظف/انتي بتكلمي نفسك ي جنات؟

جنات جالها فكره وراحت له بسرعه

جنات/محمد .

محمد بخضه/في اييي فزعتيني

جنات/انت بتعرف تتكلم انجليزي؟

محمد/لاء مش قد كدا فيه يعني…بس ندي الانجلش بتاعها جامد

جنات ابتسمت/طب ميرسي شكرا

وراحت ل ندي بسرعه ال واقفه ومعاها ملف وبتكلم موظف

جنات/ندي بقولك اي عيزاكي دقيقه

ندي سابت الملف وراحت معاها ووقفو ع جنب

ندي /في اي

عند مالك بص ف الساعه وطلع من غرفته

وبص ع مكتب جنات لقاه فاضي

مالك/محمد انت شفت جنات

محمد/اه ي مالك بيه تقريبا واقفه مع ندي هناك

عند جنات وندي

ندي/لا طبعا انتى اتجننتي. لو مالك بيه عرف هتبقي مصيبه

جنات/وهيعرف منين بس ..انا هحط الايربودز ال معايا دي ف وداني وشعري كدا كدا مداري السماعه مش هتبان وهتصل بيكي ..انتي هتسمعي هما بيقولو اي وتقولي لي ارد اقول اي …علشان خاطري ي ندي وافقييي

ندي اتنهدت

مالك راح لهم

مالك/انتو بتعملو اي هنا

جنات خبت السماعه ورا ضهرها بسرعه

جنات بابتسامه/مالك بيه ..مفيش مبنعملش حاجه كنت بسالها ع حاجه ف الشغل

ندي ابتسمت بتوتر/ ا اه اه

مالك/وهو مش المفروض في ميتينج الساعه 4 حضرتك تبلغيني بيه ؟ولا انتي لازمتك اي ف الشركه

جنات ابتسمت/الميتنج لسه فاضل عليه 5 دقايق واكيد كنت هاجي أبلغ حضرتك دلوقتي ..حضرتك اسبقني ونا جايه حالا

مالك/طيب يلا

وسبقها ع اوضه الاجتماعات

جنات اتنهدت

ندي/انتي عارفه لو الموضوع دا اتكشف هيحصل اي صح

جنات/مش هيتكشف ومش هيحصل حاجه متقلقيش. انا هدخل واول ما يوصلو هتصل بيكي

ندي اتنهدت/أوك

جنات باستها من خدها/شكرا بجد انا بموت فيكي

ندي ابتسمت/روحي اخلصي علشان مالك بيه ميجيش يهزأنا دلوقتي

جنات/اوك

و لبست السماعه ف ودانها وراحت غرفه الاجتماعات

وكان مالك قاعد ع كرسيه مستني الوفد يوصل ف المعاد

جنات راحت قعدت جمبه وبتحاول تخبي السماعات ب شعرها

مالك/انتي كويسه ؟

جنات وهي بتعدل شعرها/احم اه انا بس بردانه شويه

مالك جاب ريموت التكييف ووطي التكييف شويه وجنات ابتسمت. مهما حاول يبين انها مش فارقه معاه بس كل نظره وحركه منه بتبين عكس كدا

والباب خبط والوفد دخل وكانو راجل وست

جنات رنت ع ندي بسرعه وحطت الموبايل ع وشه ع الطربيزه

مالك وجنات قامو وسلموا عليها

الشاب بابتسامه/hello how are you

مالك بص ل جنات

جنات ف سرها/اخلص ي ندي الله يخربيتك

ندي بتغششها ف السماعه

جنات بابتسامه/we good thanks

البنت بابتسامه/It was an honor to meet you, Mr. Malek

جنات بصت ل مالك/بتقولك اتشرفنا ب مقابلتك

مالك/قولي لها وانا اكتر ..وخليهم يتفضلو يقعدو

جنات انتظرت ندي تقول

جنات/And me more..Please sit down

الشاب والبنت قعدو

الشاب ابتسم/In principle, we are happy to work with you, but we need to talk about the deal between us before we travel to America again.

The day after tomorrow

جنات بغضب/يعني براحه شويه حضرتك في حد بيجري وراك

مالك بصلها

جنات ابتسمت بتوتر/اسفه جدا ي مالك بيه بس هو بيتكلم بسرعه جدا ونا مش ملاحقه يعني

مالك/لو مش هتعرفي تكملي الميتنج نجيب اي موظف مكانك عادي

جنات/لالا انا هكمل عادي جدا

ونهي ترجمت لها

جنات/بيقول مبدأيا سعيدين اننا هنشتغل مع حضرتك ..بس محتاجين نتكلم ف الصفقه ال بينا قبل ما نسافر تاني ع امريكا بعد بكره

مالك /قولي له اه طبعا يلا نبدأ

جنات/ Yes, of course, let’ begin.

وفرده من السماعه وقعت من ودن جنات من غير ما تاخد بالها

الشاب/ We just need to know how long the employee will take.

مالك بص ل جنات مستنيها تترجم

وجنات مستنيه ندي

جنات/ما تخلصي ي ندي

وحطت ايدها ع ودنها لقت سماعه من الاتنين وقعو

جنات بصدمه/راحت فين

مالك /بتدوري ع دي

وكانت السماعه ف ايده

ندي /ينهار اسود

وقفلت المكالمه

جنات بلعت ريقها بتوتر

مالك ابتسم للوفد/Don’t worry at all, it won’t take long and we will do everything you want. It’s better to continue tomorrow.

البنت ابتسمت/OK no problem

ومالك قام والوفد قام وسلموا ع بعض والوفد مشي

جنات بصدمه/انت بتعرف تتكلم انجلش

مالك/انتي شايفه اي

جنات بغضب/امال لي سايبني من الصبح عماله اهاتي واحاول افهم بيقولو اي علشان اترجم لك

مالك قعد ع كرسيه تاني/انا مطلبتش منك تعملي دا ..انا قلت لك شوفيلي موظف بيعرف يتكلم انجليزي ويحضر معايا الاجتماع وانتي قلتي انا هعرف وهحضر ..ف قلت اسيبك تفاجئيني ك العاده

جنات بصت قدامها /علشان انت كنت بتقلل مني وقلت لي اني مش هعرف اتكلم معاهم اصلا

مالك شد الكرسي ال هي قاعده عليه وقربها منه وبص ف عينها وجنات بصت ف عينه

مالك/انا مقدرش اقلل منك وعمري ما افكر اعمل كدا…اوعي تقولي ع نفسك كدا تاني

جنات ابتسمت وبصتله بحب

مالك /انا ديما قابلك ب كل حاجه فيكي سواء حلوه او وحشه مش فارق معايا انتي متخرجه من جامعه اي او معاكي كام لغه … انا ال فارق معايا انتي …يعني مكنتش محتاجه تكدبي خالص

جنات ابتسمت

مالك رجع ل وعيه/احم

ومتحطيش نفسك ف مواقف زي كدا تاني علشان تثبتي اي حاجه ل اي حد

وقام وخد موبايله وجاكيته وطلع برا اوضه الاجتماعات

جنات ابتسمت بحب

عند احلام

طلعت من القصر

وراحت عند البودي جارد ال واقف عند العربيه

احلام/ممكن توصلني بيت اهلي

البودي جارد/امر حضرتك ي احلام هانم

وفتح لها باب العربيه واحلام ركبت والسواق ركب وبدأ يشغل العربيه ويسوق

احلام /سوق براحه بس وع مهلك

البودي جارد/امر حضرتك

احلام موبايلها رن وكان طارق

احلام/الو ي اونكل

طارق/احلام انا كنت بصلي وقالولي انك مشيتي ..ينفع تمشي من غير ما تسلمي عليا

احلام ابتسمت/وانا اقدر برضو امشي من غير ما اسلم ع حضرتك. انا بس هروح اسلم ع بابا وحمزه بسرعه وارجع البيت تاني

و البودي جارد سايق موبايله رن و رد ع الموبايل

البودي جارد/اه روح انت الاسطبل مكاني علشان انا بوصل احلام هانم ..ايوا

وفي عربيه نقل جايه عليهم وعماله تزمر

احلام بصدمه/خلي بالك

طارق بخضه/احلام…في اي ي احلام

والبودي جارد رمي الموبايل بسرعه وحاولي يتفادي العربيه ع قد ما يقدر بس برضو خبطت فيهم وبعدين دخلو ف شجره

طارق بصدمه/احلام طمنيني عليكي ي بنتي في اي

والموبايل فصل

روان راحت له بخضه/في اي ي بابا

عند احلام

صاحب العربيه النقل نزل من العربيه بسرعه وهو مرعوب وراح للعربيه ال فيها احلام

وبص عليها وكانت احلام ورا مغمي عليها وبتنزف

والبودي جارد دماغه مفتوحه ومغمي عليه والناس بدأت

تتلم ع العربيه

يتبع…..

الجميله و الوحش البارت ال 23

قبل المغرب في مستشفى من مستشفيات ادم الحديدي

احلام جوه ف الغرفه الدكاتره بتسعفها وأمام الغرفه مالك واقف بيهدي حمزه ال بيتخانق مع الممرض ال امام غرفه احلام وبيقنعه يدخل يطمن ع اخته

وكرم قاعد خايف ع بنته وهيموت ويطمن عليها وروان قاعده بتعيط و  طارق قاعد بيدعي تقوم ب السلامه 

ادم وصل بعربيته قدام المستشفى بسرعه رهيبه وكان هيعمل اكتر من حادثه وهو جاي  ونزل من ال عربيه بسرعه وحاسس ان قلبه هيطلع من مكانه وعايز يطمن ع احلام ب اي شكل 

وطلع المستشفى وراح ل مالك وطارق ال كلموه 

ادم بلهفه/احلام ..احلام فين 

طارق/اهدي ي ابني احلام هتبقي كويسه والله

ادم بعصبيه و بغضب جهوري/حد يرد عليا احلام فين 

و فراس راح لهم بسرعه بعد ما روان كلمته 

فراس/ايه الحصل

روان بدموع/بيكشفو عليها جوه ومانعين اي حد يدخل

مالك/عربيه الإسعافات لسه جايبينها من شويه و الدكاتره جوه  بيسعفوها ..ف الاوضه دي و ا

ادم من قبل ما مالك يكمل كلامه 

راح للغرفه بسرعه وبيحاول يدخل بس في ممرض واقفه ع الباب 

حمزه بغضب/هو انت مبتفهمش بقولك عايز اطمن ع اختي

ادم بعصبيه /اوعي من وشي 

الممرض بتوتر/اسف ي آدم بيه بس  مينفعش اي حد يدخل  الدكاتره بيكشفو ع المريضه ودخولكم هيعطل دا

ادم بعصبيه وغضب جهوري مسك الممرض من هدومه وهبده ف الباب 

ادم بعصبيه/هو انا مش بقول ابعد عن وشي عايز اشوف مراتي. بدل ما ادفنك مكانك هنا

مالك وفراس بيحاولوا يهدو ادم 

مالك/ادم اهدي واحلام هتبقي كويسه والله العظيم

فراس /ادم 

ادم بعصبيه/محدششش يتدخلللل

وشد  الممرض من ع الباب ودخل الغرفه بسرعه 

وحمزه دخل معاه وفراس ومالك وراه بيحاولوا يمنعوه ويهدوه

اما كرم مقدرش يدخل يشوف بنته وهي تعبانه ..ممكن يموت فيها وروان واقفه عند الباب عايزه تطمن ع احلام بس خايفه تدخل

في الغرفه كانت احلام نايمه ع السرير غايبه عن الوعي وبتنزف و ٢ دكاتره ومعاهم ٢ ممرضات بيحاولوا يسعفوها

ادم بلع ريقه بخوف وحاسس ان قلبه هيقف وهو شايفها ف الحاله دي

ادم/ا احلام 

الدكتور /ادم بيه

ادم راح لها بسرعه بخوف ولهفه ومسك ايدها/احلام ردي عليا ..انتي كويسه مفكيش حاجه قومي و ردي عليا 

حمزه بتوتر قرب منها/احلام...قومي ي احلام علشان خاطري 

الدكتوره /حضرتك مينفعش تبقي هنا  لازم تسبنا نشوف شغلنا 

مالك/ادم سيب الدكاتره يشوفو شغلهم ويلا نطلع ..يلا ي حمزه 

و فراس /هتبقي بخير والله بس مينفعش كدا لازم تطلع ..انتو كدا بتعطلو الدكاتره

وحاولوا يقوموه 

ادم بعصبيه/اوعووو ..إياك حد يلمسني 

وبص ع احلام وملس ع شعرها بحنان وبيحاول يفوقها بتوتر وخوف

ادم دمع/احلام ...انا جمبك وعمري ما هسيبك اوعي تسبيني انتي كمان..انتي هتبقي زي الفل وانا جمبك اهو ..انتي و ابننا هتبقو زي الفل

الدكتوره/هتبقي كويسه والله بس حضرتك فعلا لازم تطلع علشان نعرف نكمل كشف عليها كدا بتعرض حياتها للخطر

مالك/يلا ي آدم..قوم خلينا نطلع وهي هتبقي كويسه والله 

ادم باس راسها وايدها 

ادم  قام ومسك الدكتور من هدومه ومالك وفراس بيحاولو يبعدوه عن الدكتور ويهدوه وحمزه جمب اخته بيحاول يكلمها ومرعوب عليها

ادم بغضب جهوري/لو حصل لها حاجه هطربق المستشفى دي فوق دماغكم ..انتو فاهمين ولالا

مالك/ادم اهدي 

الدكتور بتوتر/هنعمل كل ال نقدر عليه ي آدم بيه

ادم بعصبيه/هتعمل اكتر من ال تقدرو عليه .انت فاهممم ..لو حصل لها حاجه هدفنكم مكانكممم

 

الدكتور بلع ريقه بتوتر

مالك مسك دراع ادم/خلاص ي ادم يلا نسيب الدكاتره تشوف شغلها

ادم ساب الدكتور بغضب 

وفراس قوم حمزه من جمب احلام وحمزه باس راسها بقلق وطلعو كلهم برا

والممرضه قفلت الباب

كرم بقلق/بنتي .بنتي عامله ايه طمنوني الله يخليكم

روان بدموع/هي احلام كويسه 

طارق بقلق/حد يطمننا عليها 

مالك/مغمي عليها والدكاترة بتحاول تسعفها 

ادم مسك قبضه ايده بغضب وضرب  الحيطه بقوه ودمع حبيبته تعبانه وبتموت ومتكتف ومش عارف يعمل لها حاجه

حمزه راح ل كرم وقعد جمبه ومسك ايده بيحاول يطمنه علشان ميحصلوش حاجه 

حمزه/متقلقش ي بابا احلام ان شاءالله هتبقي بخير. متقلقش 

كرم بخوف/يارب ي ابني يارب

طارق /يارب قومهالنا ب السلامه هي وابنها يااارب 

وفراس راح اخد روان ف حضنه وروان حضنته وهي بتعيط 

ادم واقف مرعوب ع احلام يحصل لها حاجه.  مجرد التفكير بس انها موجوعه وتعبانه دا بيقتله

مالك راحله وربط ع كتفه 

مالك/هتبقي كويسه والله ..مرات اخويا قويه هتقوم ب السلامه وهتبقي زي الفل 

ادم/

مالك حضنه

وادم حضنه بقوه ودمع 

مالك/هتبقي كويسه بإذن الله ..متخافش  .

ادم طلع من حضنه 

فجأه الدكتور طلع من الاوضه  ومعاه الدكتوره

ادم راح لهم بسرعه وحمزه قام وساعد كرم يقوم وراحو للدكاتره بسرعه

ادم بلهفه/مراتي عامله ايه ..احلام كويسه صح ؟

حمزه/طمننا ي دكتور الله يخليك احلام عامله ايه 

الدكتور / للاسف النزيف مش راضي يقف و لازم تدخل اوضه العمليات حالا 

ادم بصدمه/ايه

حمزه مسك دماغه بقلق

كرم بتوتر/يعني هتبقي كويسه ي دكتور؟.بنتي هتبقي كويسه طارق/فهمنا ي ابني احلام هتبقي بخير

الدكتور/انا اسف بس مفيش وقت ل اي شرح لازم ندخلها العمليات فورا 

الدكتوره/بس اوعدكم اننا هنعمل كل ال نقدر عليه وان شاء الله تقوم ب السلامه

والممرضات طلعو احلام ع السرير النقال وهي مغمي عليها 

روان راحت لها بسرعه/احلام اهي

ادم  راح لها بسرعه ومسك ايدها  وهي نايمه وبيحاول يكلمها و يطمنها 

ادم/احلام حبيبتي..هتبقي كويسه ..اوعي تستسلمي ماشي؟ انا جمبك ومش هسيبك لحظه واحده ..متخافيش 

كرم قرب منها وباس راسها بقلق/حبيبتي ي بنتي ...ربنا يقومك لينا ب السلامة 

حمزه باس ايدها/احنا كلنا جمبك ي حبيبه اخوكي متقلقيش  

الممرضه راحت لهم بسرعه /اوضه العمليات جاهزه ي دكتور

الدكتور/عن اذنكم ي آدم بيه لازم ندخلها اوضه العمليات دلوقتي 

ادم/اهم حاجه مراتي...مش مهم اي حاجه تانيه ..اهم حاجه احلام انتو فاهمين ؟

الدكتوره/هنعمل كل ال نقدر عليه علشان الاتنين يبقو بخير .هي والبيبي

وخدوها وادم راح معاهم وهو لسه ماسك ايدها 

وحمزه وكرم 

وطارق ومالك وفراس وروان راحو وراهم لحد ما دخلو احلام اوضه العمليات 

والممرضه قفلت الباب وبدأو العمليه 

ادم فضل واقف قدام باب الاوضه بيحاول بتنفس براحه ويسيطر ع نفسه .لازم يبقي قوي علشانها...عمره ما كان بيفكر يحب علشان عارف ان الحب هيضعفه ..وفعلا لما احلام ظهرت ف حياته بقت نقطه ضفعه الوحيده  ال بيترعب عليها من أقل حاجه وبيخاف عليها من الهوا  الطاير

لو خسرها زي ما خسر امه زمان  مش هيقدر يكمل حياته المره دي خلاص 

مالك كان واقف خايف ع اخوه 

طول عمره جبل مفيش حاجه تقدر تهزه اول مره يشوفه ب الحاله دي 

طارق/ادم حبيبي..متخافش ..والله هتبقي زي الفل بإذن الله ..مفيش زي قلبها  الابيض ولا ف حنيتها وربنا هيقومها ب السلامه هي وابنها ان شاءالله  

ادم/

روان بقلق/يارب 

حمزه/تعالي ي بابا اقعد 

كرم بحزن/انا مش عايز اقعد .انا عايز اطمن ع بنتي.مش عايز اقعد

حمزه بلع ريقه/هي..هي عملت الحادثه ازاي 

طارق بحزن/حبيبتي طلعت من القصر مع البودي جارد كانت جايه لكم تسلم عليكم قبل ما تسافر هي و جوزها..عربيه نقل دخلت فيهم ..كانت بتكلمني ف التليفون 

مالك/و روان اخدت بابا ع المستشفى بسرعه وبابا اتصل بيا وجيت لهم ع هنا واتصلنا بيكم   وآدم علشان كان بعيد عن المستشفى خد وقت لحد ما وصل

كرم بحزن وخوف/ياريتها ما عازت تيجي ..ياريتها ما فكرت فينا ولا فكرت تسلم علينا ..ي حبيبتي ي بنتي 

بودي جارد راح لهم 

البودي جارد /طارق بيه ..حضرتك طلبت مني  اسأل ع حاله البودي جارد ال كان بيوصل احلام هانم

طارق/هو كويس 

البودي جارد بص ف الارض/للاسف مات 

طارق/لا حول ولاقوة الابالله 

كرم كان هيقع حمزه سنده بسرعه بخوف

حمزه بخوف/بابا 

كرم دمع /بنتي ..انا عايز بنتي تقوم ب السلامه..هاتولي بنتي 

حمزه دمع وقعد كرم ع أقرب كرسي وبيحاول يهديه 

ادم بغضب جهوري مسك البودي جارد من هدومه وشدو معاه ل نهايه الطرقه وهبده ف الحيطه 

ادم بغضب/الحيوان ال خبط عربيه مراتي تروح تشوفهولي هو بيهبب ايه و ف القسم ولا لا ...حالا

البودي جارد/اوامرك ي آدم بيه 

ومشي بسرعه 

قدام اوضه العمليات 

ادم واقف عند باب اوضه العمليات  مش حاسس ب اي حد حواليه كل ال بيفكر فيه احلام ..لو حصلها حاجه هو مش هيقدر يكمل من غيرها..خسر امه زمان وهو صغير والدنيا اسودت ف وشه لحد ما احلام ظهرت ف حياته وهو بقي حابب الحياه بسببها عوضته عن كل حاجه حتي امه ...لو خسرها هيتدمر 

و كرم قاعد هيموت من القلق و جمبه حمزه بيحاول يطمنه علشان ميحصلوش حاجه من الزعل مع انه محتاج ال يطمنه ع اخته ال هيموت من القلق عليها 

و روان قاعده بدموع وبتدعي احلام تقوم ب السلامه 

و طارق قاعد بيقرأ قرآن  

ومالك قاعد  وفراس جمبه وواخد روان ف حضنه وبيحاول يهديها 

احلام حاجه كبيره مش بس بالنسبه ل عيلتها دا ل عيله ادم كمان

طارق ال بيحبها اكنها بنته وغلاوتها من نفس غلاوه روان 

مالك ال اعتبرها اخته الصغيره ووقفت جمبه كتير اوي وحاولت تساعده ف موضوعه هو وجنات 

و روان ال كان نفسها ف اخت بنت لحد ما ظهرت احلام ف حياتها وهي كانت بالنسبه لها اختها الكبيره وعوضتها كتير عن حاجات كانت نقصاها حتي عوضتها عن امها

من اول يوم دخلت فيه القصر وهي بدلته بعد ما كان ضلمه وبارد بقي دافي وقربتهم كلهم ل بعض ورجعو عيله قريبه من بعض زي زمان

طارق/تعالي ي آدم ي ابني اقعد ارتاح شويه انت بقالك اكتر من ساعه واقف ع رجلك 

ادم/انا كويس 

روان بدموع ل فراس/هتبقي كويسه ي فراس صح ..احلام لو حصلها حاجه انا ا

فراس مسح لها دموعها/هتبقي كويسه ان شاءالله ومش هيحصل لها حاجه ..متخافيش 

روان /يارب 

ادم بص ع اوضه العمليات بقلق/هما اتأخرو كدا ليه 

مالك/بيتهيألك هما متأخروش ولا حاجه متقلقش 

كرم بيدعي/يارب قوملي بنتي ب السلامه يارب 

حمزه تليفونه رن وكان مريم

حمزه قام يرد ف جمب 

مريم بدموع/علشان خاطري ي حمزه خليني اجي اطمن ع احلام ..انا هموت من القلق هنا علشانها 

حمزه/هتيجي تعملي ايه بس هي كدا كدا دخلت اوضه العمليات

مريم بدموع وقلق/لاء مليش دعوه انا عايزه اجي اقعد لحد ما تطلع من اوضه العمليات 

حمزه/اوعدك اول ما تطلع من اوضه العمليات هخليكي تجيبي ليليان وتيجي تشوفيها..انتي بس خليكي مع ليليان و اوعي تبيني لها حاجه علشان متخافش ع احلام 

وحمزه خلص كلام ف الموبايل وراح لهم

آدم مسح وشه ب ايده بتوتر

ادم/كدا كتير اتاخرو اوي

حمزه بقلق/هما اتاخرو اوي فعلا 

باب اوضه العمليه فتح والدكتوره طلعت والكل راح لها بلهفه 

ادم كان حاسس ان قلبه هيقف .خايف يسمع اي خبر هو مش مستعد يسمعه ..خايف حبيبته وعمره كله يكون حصلها حاجه  

ادم بلع ريقه/احلام ..احلام عامله ايه ي دكتوره 

حمزه/طمنينا ي دكتوره الله يخليكي. اختي عامله ايه 

الدكتوره ابتسمت/متقلقوش مدام احلام بخير ..العمليه نجحت وقدرنا نوقف النزيف الحمد لله

ادم اتنهد بفرحه ومالك حضنه بابتسامه و حمزه بفرحه حضن كرم

كرم بفرحه/الف حمد وشكر ليك يارب

طارق بابتسامه/الحمد لله

وروان بفرحه حضنت فراس 

كرم بابتسامه/الحمد لله يارب .الف حمد وشكر ليك يارب

الدكتوره/بس ا 

ادم/بس ايه ..انا عايزه اشوفها واطمن عليها ..وابننا بخير صح؟

كرم/بس ايه ي دكتوره متقلقناش بعد ما فرحتينا ي بنتي الله يخليكي 

الدكتوره/ربنا يعوض عليكم ي آدم بيه ..انا اسفه بس مقدرناش ننقذ البيبي 

ادم /

والكل اتصدم 

ادم دمع/ هي ..هي هتفوق امتي 

الدكتوره /هننقلها دلوقتي ف اوضه عاديه  لحد ما تفوق ان شاءالله .. ممكن ف خلال يومين

حمزه/ونقدر ندخل نطمن عليها امتي 

الدكتوره/لما ندخلها الاوضه العاديه تقدرو تطمنو عليها بس مينفعش كل العدد دا يدخل مره واحده...ممكن واحد أو اتنين ع فترات يدخلو ويطمنو..عن اذنكم 

ومشيت 

طارق/ .ولا يهمك ي ابني ..ربنا هيعوضكم ان شاءالله 

كرم/بباك معاه حق ي ابني ..ربنا هيعوض عليكم ان شاءالله 

مالك/اهم حاجه ان احلام بخير .متضايقش نفسك

ادم/انا مش متضايق..انا اهم حاجه عندي ان مراتي بخير .مش مهم اي حاجه تانيه

مساءا في غرفه احلام 

ادم دخل الغرفه 

وكانت احلام نايم ع السرير وغايبه عن الوعي وراسها مربوطه ب شاش مكان النزيف و ايدها فيها كانولا 

ادم قرب منها وباس راسها وخدها وكل حته ف وشها بلهفه .

  وشد الكرسي وقعد جمبها ومسك ايدها 

ادم باس باطن ايدها/ينفع كدا ال عملتيه فيا دا...انا كنت هموت من الخوف عليكي..انا هعاقبك عقاب كبير اوي لما تقومي بس 

وباس راسها وخدها

ادم/يارتني انا اتوجع مكانك..يارتني انا ال عملت الحادثه مش انتي ..

انا مقدرش اعيش من غيرك ي روح قلب ادم ..انتي اغلي حاجه عندي وعمري كله ...لما عرفت انك تعبانه وعملتي حادثه كنت بدعي لو حصلك حاجه اموت انا قبلك علشان انا مقدرش اكمل من غيرك كفايه اني خسرت امي ... انا عارف انك مستغربه الكلام ال حلو ال بقوله علشان انا مبقولوش ع طول بس قومي وانا وعد هقولك كلام حلو ع طول..بس قومي ومتسبنيش كدا ..انا حاسس ان انا يتيم من غيرك

وباس راسها 

أمام الغرفه 

كرم وحمزه واقفين عند الباب مستنين يخشو يطمنو ع احلام 

وطارق و روان قاعدين عايزين يطمنو عليها وفراس راح يجيب لهم قهوه ومالك تليفونه رن وكانت جنات وراح يرد ع جمب 

مالك/الو 

جنات بقلق/انت لما مشيت من الشركه بسرعه وسبت الاجتماع وقلت لي أن احلام عملت حادثه قلقت اوي ودماغي عماله تودي وتجيب..طمنني هي احلام كويسه 

مالك/لسه طالعه من اوضه العمليات ..الحمد لله هي كويسه ..بس فقدت البيبي للاسف

جنات بحزن/لا حول ولا قوة إلا بالله ..والله انا عمري ما شفت ف حنيتها ولا ف طيبه قلبها متستاهلش كل دا. ربنا يعوض عليها يارب 

مالك/يارب

جنات/لو سمحت لما تفوق وتبقي كويسه عرفني علشان اجي اطمن عليها 

عند مريم طلعت من الاسانسير وراحت ل حمزه وكرم بسرعه

مريم بقلق/احلام فين ..هي كويسه 

حمزه مسك ايدها/متقلقيش يبت ..مش انا طمنتك وقلت لك انها كويسه ..ادم يطلع بس وندخل نطمن عليها 

كرم/ليليان فين ي حبيبتي 

مريم /متقلقش ي عمو سبتها مع ماما ومخلتهاش تحس ب حاجه.. قلت لها انك بتعمل ال تشيك اب ال بتعمله كل ٦ شهور 

كرم/طب كويس

وادم طلع من الغرفه 

وكرم وحمزه دخلو يطمنو عليها 

بعدها مريم وروان 

عند آدم أمام الغرفه

ادم راح قعد بتعب جمب طارق 

طارق اخده ف حضنه وباس راسه 

طارق/ربنا قومهالك ب السلامه الحمد لله  ..متخافش ..شويه وهتفوق وهتبقي زي الفل 

ادم اتنهد/يارب 

طارق ابتسم 

بعد نص ساعه 

الكل قاعد قدام الغرفه

 فراس بيوزع عليهم قهوه من الصينيه ال ف ايده

وادم ف جمب بيتكلم ف الموبايل.  والممرضه جوه بتغير الشاش وبتدي احلام ابره 

ادم راح لهم بعد ما خلص كلام ف الموبايل

 

ادم/يلا ي جماعه كله يروح يرتاح ويجي بكره .قعدتكم هنا ملهاش لازمه احلام لسه مفاقتش ..يلا ي مالك خد بباك وروحو..وانت ي فراس خد مراتك وامشي يلا

فراس /ماشي

روان/سبني ي آدم اقعد لحد ما احلام تفوق علشان خاطري 

ادم/كدا كدا لسه مفاقتش روحو دلوقتي وتعالو بكره 

روان اتنهدت /اوكي

فراس قام /لو احتجت اي حاجه كلمني 

ادم /ماشي

وفراس اخد روان ومشيو 

مالك قام/يلا ي بابا 

طارق/لو حصل حاجه وفاقت كلمنا ع طول واحنا هنيجي ع طول 

ادم هز راسه بموافقه 

ومالك اخد طارق ومشيو 

حمزه/متبصليش انا مش هسيب احلام واتحرك من هنا 

ادم /عارف 

والبودي جارد راح ل ادم يقوله حاله الراجل ال خبط عربيه احلام وآدم اخده ومشي

حمزه/يلا ي مريم علشان اوصلك 

مريم/لا ي حمزه علشان خاطري انا عايزه افضل جمب احلام 

حمزه/قعدتك هنا مش هتفيدك حاجه كدا كدا احلام لسه غايبه عن الوعي..هوصلك تباتي مع ليليان ووعد هاجي اخدكم بكره الصبح بدري 

كرم/حمزه معاه حق ي بنتي يلا روحي ل ليليان وحنا لو حصل حاجه هنبلغك ع طول 

مريم اتنهدت/ماشي

وقامو

حمزه/هوصلها واجيلك ع طول ي بابا 

كرم/ماشي ي حبيبي 

وحمزه ومريم مشيو 

ادم راح ل كرم و ف ايده كوبايه حاجه دافيه جابها من الكافتيريا 

ادم/اتفضل

كرم ابتسم واخده منها/تسلم ي ابني

ادم شاور ع غرفه/الاوضه دي اوضه مرافق للمريض قلت لهم يجهزوها لحضرتك تقدر تبات فيها مرتاح انت وحمزه لحد ما احلام تقوم ب السلامه 

كرم ابتسم/تعالي اقعد جمبي عايزك 

ادم راح قعد جمبه 

كرم /لما احلام اتجوزتك من ورانا انا وقتها اتضايقت اوي لاني مربتش بنتي ع كدا ..قعدت اقول انا قصرت معاها ف ايه .دا انا مربيها احسن تربيه ومربيها ع الصدق  .احلام عمرها ما غلطت او كدبت عليا اصلا اشمعنا عملت كدا ..بس بعدها فهمت انها مغلطتش .. وانها اختارت راجل بجد يحبها ويخاف عليها ..ربنا يخليكم ل بعض 

ادم ابتسم

كرم/اوعي تكون زعلان ان البيبي مات ..ربنا ان شاءالله هيعوضكم 

ادم/مش زعلان ابدا ..انا اهم حاجه عندي ان احلام كويسه وبخير ..لو خيروني بينها وبين الف طفل هختارها هي من غير ما افكر..انا بس خايف عليها لما تفوق و تعرف 

كرم /هتزعل اوي بنتي وانا عارفها ..بس طول ما انتو سوا هتعدو اي حاجه صعبه 

ادم ابتسم/ ان شاءالله..

عن اذنك هدخل لها 

كرم/اتفضل ي حبيبي 

وآدم دخل الغرفه

عدي يومين

ف المستشفى ضهرا 

احلام لسه مفاقتش وآدم جمبها 

مسبهاش ولا لحظه  ومنامش ولا ارتاح ..حتي مالك كان بيجب له هدوم يغير هنا

أمام الغرفه 

كرم طارق قاعدين بيقرأو قران 

 وحمزه رايح جاي  وروان ومريم قاعدين 

حمزه بقلق/بقالها يومين مفاقتش ..هو دا طبيعي؟ 

طارق/مش احنا سألنا الدكتور وقال هي زي الفل وحالتها مستقره ..متقلقش 

حمزه اتنهد 

ومالك راح لهم و ف ايده مشروبات دافيه ووزعها عليهم 

مالك/لسه مفاقتش 

روان اتنهدت/لا لسه..ادم معاها جوه لو فاقت هيقول لنا

مريم بقلق/ انا خايفه ع احلام لما تفوق وتعرف ان ال بيبي مبقاش موجود

كرم/فداها الف طفل ..اهم حاجه انها سليمه وبخير..وان شاء الله ربنا هيعوضهم 

طارق/يارب بإذن الله 

في غرفه احلام 

احلام نايمه ع السرير وادم قاعد ع كرسي  جمبها ماسك ايدها ومتأملها وهي نايمه وبيملس ع شعرها ب حنان

ادم باس راسها و ايدها وبيدعي تفوق وتبقي كويسه 

احلام بدأت تفوق وفتحت عينها 

ادم ابتسم بفرحه ومش مصدق نفسه 

احلام بتعب/ادم

ادم بابتسامه وبفرحه/عيون ادم وعمر ادم كله 

وباس راسها وخدها وشفايفها وكل حته ف وشها بلهفه وبحنيه  وهو مش مصدق انها فاقت وبقت كويسه  

ادم بابتسامه/الحمد لله الف مره انك كويسه وبخير ..انا كنت هموت من الخوف  .. انا مقدرش اعيش من غير العيون الحلوه دي ابدا 

وباس شفايفها 

احلام ابتسمت بتعب/الله... انت اتعلمت وبقيت بتقول كلام حلو اوي..انا كدا هتعود

ادم ابتسم/اتعودي زي ما انتي عايزه ..من هنا ورايح مش هتسمعي الا كلام حلو

احلام ابتسمت وبصتله بحب وآدم حضنها براحه علشان متتوجعش واحلام ابتسمت 

ادم/انا خفت اوي ي احلام..انا اخر مره خفت كدا كان من ١٥ سنه تقريبا ..انا مقدرش اعيش من غيرك 

احلام ابتسمت/انا كويسه اهو ي حبيبي متقلقش..الحمد لله انا كويسه ومش هسيبك

وطلعت من حضنه وباست  خده وحضنته تاني وآدم باس راسها 

احلام طلعت من حضنه/ممكن تنادي الدكتور علشان يطمنني ع البيبي..انا خايفه يكون حصله حاجه بسبب الحادثه 

ادم حاول يبان طبيعي وابتسم/من عنيا بس الاول ادخل عيلتك يطمنو عليكي كلهم هيموتو من القلق عليكي برا

احلام ابتسمت/ماشي 

وادم باس ايدها وقام من ع الكرسي وطلع من الغرفه وقفل الباب 

ادم/احلام فاقت الحمد لله 

الكل بفرحه راح ل آدم 

حمزه بفرحه/بجد

كرم بابتسامه/الحمد لله يارب 

طارق ابتسم/الحمد لله 

مريم ابتسمت بفرحه

روان بابتسامه/نقدر نسلم عليها امتي 

ادم/تقدرو دلوقتي ..بس محدش يجيب لها سيره ان البيبي مات ..انا همهد لها الموضوع براحه بس لما تتحسن

حمزه/ادم معاه حق لو عرفت دلوقتي هتنهار وتتعب

كرم اتنهد /ماشي 

ادم فتح الباب وكرم وحمزه ومريم وروان دخلو 

ومالك جر كرسي طارق ودخلو هما كمان وادم دخل 

كرم بفرحه/احلام حبيبه ابوكي..الف حمد لله ع سلامتك 

وباس راسها 

احلام ابتسمت بتعب/الله يسلمك ي حبيبي

حمزه بابتسامه باس راسها وايدها 

حمزه/الف سلامه عليكي ي عيون اخوكي...قلقتينا عليكي..حمد لله ع سلامتك 

مريم بابتسامه مسكت ايدها/حمد لله ع سلامتك ي روح قلبي 

احلام ابتسمت/الله يسلمكم 

روان بابتسامه/قلقتينا عليكي ي احلام حمد لله ع سلامتك 

طارق بابتسامه/حمد لله ع سلامتك ي بنتي الف مليون سلامه 

مالك ابتسم/حمد لله ع سلامتك ي مرات اخويا .الحمد لله انك بخير 

احلام بابتسامه/الله يسلمكم كلكم 

احلام/ادم 

ادم راح لها وباس راسها وقعد ع الكرسي جمبها 

ادم/عيون ادم ..انا موجود اهو  

احلام/ممكن تنده لي الدكتور يجيي يكشف عليا او يعمل سونار ويطمنني ع البيبي

 

حمزه بص ل كرم ومالك بص ل طارق وآدم بص لهم كلهم بحذر بمعني محدش يقول حاجه

ومريم وروان خايفين ع احلام لما تعرف الخبر

ادم بص ل احلام وابتسم وباس راسها

ادم/حاضر هعملك ال انتي عيزاه بس انتي لسه محتاجه ترتاحي شويه 

احلام/انا كويسه والله ي حبيبي بس انا عايزه اطمن ع ابننا .انا خايفه يكون حصله حاجه 

الممرضه دخلت تحط لها ابره ف المحلول 

الممرضه ابتسمت/حضرتك فوقتي...حمد لله ع سلامتك 

احلام ابتسمت/الله يسلمك..ممكن تناديلي الدكتور يجيي يكشف عليا اطمن ع البيبي 

الممرضه وهي بتحط الابره ف كيس المحلول 

الممرضه/هو حضرتك معرفتيش ..ربنا يعوض عليكم 

ادم بصلها بغضب والممرضه خافت من نظرته 

الممرضه بتوتر/هروح انادي الدكتور 

وطلعت برا الاوضه 

احلام بعدم فهم/ايه؟هي بتقول ايه ي آدم يعني ايه ربنا يعوض عليكم مش فاهمه حاجه 

ادم مسك ايدها/احلام اهدي 

احلام بصدمه و دموع حاولت تقوم بس ادم منعها وبيهديها 

احلام بدموع/ ادم ابني محصلوش حاجه ي آدم انا عارفه هي بس بتخرف وبتقول اي كلام خليني اقوم علشان انادي الدكتور يكشف عليا 

ادم بحزن بيحاول يهديها وخايف عليها 

ادم بيمسح دموعها/بس متعيطيش ..متعيطيش 

وباس راسها

كرم بحزن/اهم حاجه انك بخير ي حبيبه ابوكي مش مهم ايه حاجه تانيه 

حمزه بحزن عليها/ربنا هيرزقكم بغيره ان شاءالله ي حبيبتي 

احلام ب انهيار وصدمه/يعني ايه يعني ربنا يرزقني ب غيره اصلا ابني كويس محصلوش حاجه 

وحاولت تقوم بس ادم خدها ف حضنه وحضنها بقوه  واحلام بتحاول تقاوم وتطلع من حضنه بس ادم مانعها

ادم بحزن و بقلق/ششش اهدي ..اهدي مفيش حاجه ..انا مش عايز حد ف الدنيا دي غيرك ..انتي كفايه بالنسبه لي

احلام بعياط وبصدمه/ ي آدم لاء متقولش كدا علشان خاطري  خليني انادي الدكتور يكشف عليا البيبي كويس اكيد مماتش يعني 

مريم دمعت/احلام علشان خاطري متعمليش ف نفسك كدا انتي لسه قايمه من عمليه ولسه تعبانه 

احلام بدموع/لالا البيبي كويس محصلوش حاجه ..ادم البيبي كويس صح قولي الحقيقه علشان خاطري 

ادم  حاضنها بقوه وباس راسها وبيحاول يهديها وييملس ع شعرها 

احلام اغمي عليها ف حضنه 

ادم بخوف/احلام 

وطلعها من حضنه بيحاول يفوقها  

حمزه بقلق/احلام..احلام فوقي 

ادم بخوف/ حد ينادييي الدكتور بسرعهههه

مالك راح ينادي الدكتور بسرعه 

وادم بيحاول يفوقها

كرم بيحاول يفوقها ب بقلق وحزن ع حاله بنته 

الدكتور جه بسرعه ودخل الغرفه وبدأ يكشف عليها ومعاه الممرضه

الدكتور بسرعه/فضولي الاوضه بسرعه

الممرضه/حضراتكم لازم تطلعو علشان الدكتور يكشف عليها 

ادم لسه ماسك ايد احلام/انا مش هتحرك من هنا

الدكتور/متصعبهاش علينا ي آدم بيه هنكشف عليها وهتبقي كويسه ان شاءالله 

مالك/يلا ي آدم 

الكل طلع ومالك اخد ادم من جمب احلام 

مالك/يلا ي آدم سيبهم يشوفو شغلهم 

ادم قام وطلع برا الاوضه 

ادم خبط ع الحيطه بغضب 

ادم بعصبيه ل مالك/الممرضه الزفت ال جت قالت ل احلام الخبر دي روح خليها تغور من هنا مش عايز اشوف وشها تاني بدل ما اقتلها 

طارق/وهي زنبها ايه بس احلام كدا كدا كانت هتعرف 

ادم بعصبيه/ بس مش بالطريقه دي 

مالك/اهدي ونا هعملك ال انت عايزه

كرم اتنهد بقلق/ربنا يقومك ب السلامه ي بنتي 

حمزه بقلق/يارب

الجميله والوحش البارت الرابع والعشرين 

في المستشفى عصرا 

أمام غرفه احلام 

الدكتور طلع من الغرفه وهو والممرضه  بعد ما كشف ع احلام 

ادم راح له بسرعه/احلام عامله ايه .

حمزه بقلق/فاقت ي دكتور؟

الدكتور/مدام احلام جالها انهيار عصبي بسبب الخبر ال عرفته ان للاسف البيبي مات ...اديتها حقنه مهدئه هتهديها خالص وهتبقي احسن ..هي دلوقتي فاقت ..بس اهم حاجه تبعد عن القلق والتوتر الفتره دي علشان صحتها متدهورش. ولازم تهتم ب صحتها وب أكلها علشان تعوض الدم ال فقدته ..وياريت تحاولو تهونو عليها شويه الخبر ال مزعلها علشان النفسيه مهمه جدا ل تعافيها...وارد جدا تدخل ف اكتئاب بسبب الزعل وترفض الاكل والأدوية ودا مينفعش خالص

كرم بحزن/ي حبيبتي ي بنتي 

حمزه اتنهد/شكرا ي دكتور

الدكتور/ع ايه بس دا واجبي  عن اذنكم 

ومشي 

روان بقلق/عايزين ندخل نطمن عليها 

ادم/انا هدخلها الاول 

كرم/سيبو جوزها يدخل لها الاول يتكلم معاها

طارق/معاك حق ..ادخل ي آدم 

ادم فتح الباب ودخل الاوضه

وقفل الباب وراه

واحلام كانت نايمه ع السرير وسانده ضهرها 

ادم راح لها  وقعد جمبها  ع طرف السرير 

احلام انهارت ف العياط 

ادم حضنها بقوه وبيملس ع شعرها وبيهديها وسايبها تطلع ال جواها 

احلام حضناه بقوه وبتعيط بقهره

ادم دمع

ادم/بس ...بس ي حبيبتي خلاص .. متعيطيش ..دموعك دي بتقتلني 

وباس راسها 

احلام بدموع/انا السبب ...انا السبب ف موت ابننا ..انا السبب 

ادم طلعها من حضنه ومسح لها دموعها وباس خدها وراسها 

ادم/لاء طبعا مش انتي السبب ..كل دا مقدر عند ربنا 

احلام بدموع/لاء انا السبب ..لو كنت سمعت كلامك واستنيتك ترجع وتاخدني انت ..مكنش كل دا حصل ..يارتني سمعت كلامك ..يارتني

ادم مسك وشها  ب ايده وبصلها ف عينها 

ادم/اوعي تلومي نفسك تاني ..مش انتي السبب ولا حاجه كل دا نصيب..ان شاءالله ربنا هيعوضنا ب بيبي تاني وتالت كمان ..و حتي لو مخلفناش خالص..انا مش عايز حاجه من الدنيا دي غيرك انتي..انتي حبيبتي وامي  وبنتي وعيلتي  وكل حاجه ليا 

احلام بدموع /انت بتقول كدا بس علشان انا مزعلش ..بس انت اكيد زعلان علشان ابننا مات 

ادم بيمسح لها دموعها 

ادم /هكذب عليكي لو قلت لك مزعلتش ..زعلت ..بس زعلي ميجيش ايه حاجه جمب خوفي ورعبي عليكي من ان يحصلك حاجه ...ميجيش حاجه جمب  فرحتي ب انك قمتيلي ب السلامه ...انا مش عايز اي حاجه من الدنيا دي غيرك

احلام عيطت وادم حضنها بقوه واحلام حضنته بقوه وهي بتعيط

ادم وهو بيملس ع شعرها/متعيطيش ..دموعك دي غاليه اوي

وطلعها من حضنه وبيمسح لها دموعها 

ادم/انا بصراحه عمري ما شفت واحده خارجه من عمليه وبتعيط ولسه برضو زي القمر كدا

احلام ابتسمت وادم باس شفايفها 

ادم/انا لسه عند كلامي وعايز اجيب ال  4 عيال ع فكره

احلام ضحكت و مسحت دموعها/لاء اتنين كفايه 

ادم ابتسم وبيمسح لها دموعها وباس خدها وشفايفها 

ادم/لاء هما ال 4 ان شاءالله 

احلام ابتسمت بتعب/ربنا يخليك ليا 

ادم باس ايدها الاتنين 

الباب خبط 

ادم/ادخل 

حمزه وكرم و مريم وطارق و روان دخلو  

ادم قام من ع السرير 

كرم راح قعد ع الكرسي ال جمب احلام وباس راسها

كرم/الف حمد لله ع سلامتك ي روح قلبي..اوعي تزعلي روحك ابدا..اهم حاجه انك بخير 

احلام دمعت /الله يسلمك ي بابا

حمزه راح لها ومسح لها دموعها ومسك ايدها /اوعي تعيطي..ربنا ان شاءالله هيعوضك خير 

طارق/اوعي تزعلي نفسك ي حبيبتي..اهم حاجه انك قومتي لنا ب السلامه 

احلام هزت  راسها ب موافقه  ومسحت دموعها 

مريم راحت لها وباست خدها 

مريم/هما معاهم حق ..اوعي تزعلي نفسك ابدا ..اهم حاجه انك معانا وكويسه 

روان ابتسمت/حمد لله ع سلامتك ي مرات اخويا ..اهم حاجه انك قومتي لنا ب السلامه 

احلام دمعت وهزت راسها 

حمزه مسح لها دموعها/مش انا بقول كفايه دموع ومتعيطيش ..مع ان حتي وانتي تعبانه و بتعيطي زي القمر والله 

وخدها ف حضنه 

ادم بغييره شد حمزه من حضن احلام 

ادم بغضب/ابعد من جمب مراتي بعد اذنك كدا

حمزه/الله اوعي يعم دي اختي 

احلام ابتسمت بتعب

ادم بغييره وغيظ/ونا بقولك دي مراتي وابعد عنها احسن لك 

كرم وطارق ضحكو

حمزه/خلاص متزقش اوعي..مش كفايه سايب اختي حبيبتي عايشه معاك اصلا 

وبعد عن احلام 

ادم/لاء وماله ابقي تعالي عيش معايا انا ومراتي محرم 

وآدم خد احلام ف حضنه

كرم ضحك ومريم وروان ابتسمو 

حمزه ل طارق/شايف ي عمي بيكلمني ازاي 

طارق ابتسم/دا حب والله ي ابني بيحبك

احلام ابتسمت وحطت ايدها ع راسها بوجع 

ادم بقلق/موجوعه ؟اجبلك الدكتور 

وكان هيقوم ينادي الدكتور احلام منعته 

احلام بتعب/لالا انا كويسه متقلقش..راسي وجعتني بس شويه

طارق/طبيعي ي حبيبتي انتي لسه طالعه من العمليه مبقالكيش يومين ..لازم ترتاحي اصلا

والباب خبط ومالك دخل 

مالك/الف حمد لله ع سلامتك ي احلام ..عامله ايه  دلوقتي 

احلام /الحمد لله كويسه

مالك/الحمد لله ..ادم رضا عايزك برا 

ادم/خليه يستني مش وقته 

مالك/قال انه عايزك ضروري بخصوص الراجل ال خبط العربيه

احلام بصتله/روح عادي انا كويسه متقلقش 

ادم باس راسها /مش هتأخر عليكي 

 

احلام هزت راسها بموافقه 

وادم طلع من الاوضه يكلم رضا ومالك طلع معاه

طارق /تعالي ي روان ونسيب احلام ترتاح شويه 

روان/حاضر ي بابا 

وجرت كرسي طارق وطلعو برا الاوضه

عند ادم برا الاوضه واقف مع طارق ع جمب

ادم/ايوا ي رضا

رضا/ال راجل ال خبط عربيه احلام هانم موجود ف القسم بقاله يومين ..هو كل ال طالع عليه والله هما ال مكنوش مركزين ونا كنت سايق ف طريقي ..بس ال محامي ال تبعنا مخليه ف القسم لسه من ساعتها 

في غرفه احلام 

احلام نايمه ع السرير وحمزه قاعد ع طرف السرير جمبها وواخدها ف حضنه

وكرم قاعد ع كرسي جمبها 

ومريم قاعده ع الكنبه

حمزه/بس بقولك ايه ..ادم دا طلع بيحبك بطريقه مش طبيعيه ..مشفتيهوش انتي كان عامل ازاي من اول ما جيتي المستشفى هنا ..كان عايز يهد المستشفى ب ال فيها بس تبقي بخير 

احلام ابتسمت 

كرم ابتسم/ربنا يارب يخليهم ل بعض

مريم ابتسمت/يارب 

الممرضه خبطت ودخلت وف ايدها الحقنه ال هتديها ل احلام ف دراعها

الممرضه /معاد ابره احلام هانم 

احلام طلعت من حضن حمزه 

احلام/ ل لاء انا مش عايزه اخد حاجه 

الممرضه/ازاي بس ..لازم حضرتك تاخديها 

احلام بدموع وخوف/لاء انا مش هاخد حقن انا ..مش عايزه اخد حاجه 

كرم/مش هتحسي بحاجه ي حبيبه ابوكي والله

احلام بعياط/لاء مش عايزه ..مش عايزه اخد حقن مش عايزه

حمزه بيحاول يهديها بقلق/ط طب اهدي 

احلام بدموع/خليها تطلع برا انا مش عايزه اخد حقن انا 

مريم راحت مسكت ايدها بقلق/احلام اهدي .

احلام انهارت من العياط

كرم بقلق/حمزه روح نادي ادم بسرعه 

حمزه طلع من الاوضه بسرعه وراح ندهه ادم ال واقف مع رضا 

ادم دخل الاوضه بسرعه بقلق وراح ل احلام ال منهاره ف العياط و كرم ومريم بيحاولو يهدوها وهما خايفين عليها والممرضه واقفه 

الممرضه/والله ما هخليكي تحسي بيها ي احلام هانم

ادم خد احلام ف حضنه بقلق وبيحاول يهديها براحه وبيملس ع شعرها واحلام بتعيط ف حضنه و ادم بص ل كرم وحمزه بيحاول يفهم منهم ايه الحصل وهما بيبصولو بقلق بمعني مش عارفين ايه ال حصل فجأه 

احلام بدموع وخوف/ادم

ادم بيملس ع شعرها براحه وبيحاول يهدها وباس راسها و ايدها

ادم/عيون ادم  وقلب  ادم ..ايه الحصل ي حبيبتي.ايه ال مزعلك

احلام بدموع طلعت من حضنه/انا مش عايزه اخد الحقنه 

ادم مسح لها دموعها وباس راسها وايدها

ادم/هعملك ال انتي عيزاه ..طالما مش عايزه تاخدي الحقنه مش هتاخديها 

كرم و حمزه ومريم واقفين قلقانين ع احلام...هي اه بتخاف من الحقن شويه بس مش لدرجه تنهار كدا اول ما تسمع سيره الحقنه

احلام مسحت دموعها /ايوا مش عايزه 

ادم بيمسح لها دموعها/ال انتي عيزاه كله هيحصل . متخافيش...بس انتي لو خايفه تتوجعي ..اوعدك انك مش هتحسي بحاجه وانتي بتاخدها 

احلام/

ادم/مش انتي بتثقي فيا؟

احلام هزت راسها ب اه 

ادم باس ايدها/وعد لو خدتيها مش هتحسي ب حاجه ..هيكون احسن لو خدتيها علشان تبقي كويسه وتتحسني بسرعه 

احلام هزت راسها بموافقه/ماشي 

ادم ابتسم وباس راسها وايدها/اشطر واحده انا شفتها ف حياتي

وخدها ف حضنه واحلام حضنته بقوه 

وادم شاور للمرضه تيجي تديها الحقنه 

والممرضه راحت لها ومسكت دراعها وشمرته واحلام غمضت عينها وحضنت ادم اكتر بقوه وادم واخدها ف حضنه وبيتكلم معاها علشان يساهيها وهي بتاخد الحقنه 

ادم بيكلمها ف ودنها واحلام ابتسمت بخجل 

حمزه  بغيره/ممكن اعرف انت بتقولها ايه 

ادم بصله وبص ل احلام /ممكن اعرف دا حاشر نفسه ف حياتنا ليه ؟

احلام ابتسمت 

و كرم ابتسم بتوتر بيحاول يخفي قلقه عليها

والممرضه اعطتها الحقنه 

الممرضه ابتسمت/خلاص خلصت 

ادم باس راس احلام/شفتي عدت بسرعه ازاي 

احلام طلعت من حضن ادم

احلام بصت لها /كدا خلاص 

الممرضه ابتسمت/اه والله خلاص..عن اذنكم

وطلعت برا الغرفه 

حمزه ابتسم وبيحاول يخفف عنها 

حمزه/شفتي كنتي مكبره الموضوع ازاي ..اهو محستيش ب اي حاجه اهو 

كرم ابتسم /انا اصلا بنتي قويه وعنيده وتقدر تتحمل اي حاجه 

مريم ابتسمت/دا كدا كدا 

احلام ابتسمت و سندت راسها ف حضن ادم وادم خدها ف حضنه وباس راسها 

عدي ساعات 

من وقت ما احلام فاقت وهي نايمه طول الوقت  زي ما يكون بتهرب من الواقع

وادم مسبهاش ولا لحظه وأهلها قاعدين برا الاوضه بيطمنو عليها كل شويه واحلام مش عايزه  تصحي  ولا حتي عايزه تاكل

  وبتاخد الدوا بس لما ادم ال يديهولها .و ادم قلبه موجوع عليها وهو شايفها ب الحاله دي وأهلها قلقانين عليها 

المغرب

في غرفه احلام 

احلام نايمه ف حضن ادم وادم بيملس ع شعرها بحنان ومتأملها وهي نايمه وبيحمد ربنا الف مره انها ف حضنه وكويسه وبخير

وباس راسها وباطن ايدها ال فيها الكانولا 

أمام الغرفه 

قاعد طارق وكرم و حمزه 

ومريم وروان راحو يجيبو لبس ل احلام من القصر

حمزه مسك ايد كرم/والله متقلقش ي بابا هتبقي كويسه صدقني

ومالك كان بيتكلم ف الموبايل وراح لهم 

كرم بحزن/انا اول مره اشوفها ب الحاله دي .انا خايفه عليها خالص .. عيونها زعلانه من اول ما فاقت و عرفت انها سقطت ومبتتكلمش خالص ومبتضحكش وبتبتسم ب العافيه حتي نايمه طول اليوم وبتاخد الدوا بالعافيه و ادم بس ال بيقدر يقنعها تاخده...مشفتش رد فعلها ع الابره كان عامل ازاي؟ ..هو اه انا عارف انها من صغرها مبتحبش الحقن بس عمرها ما وصلت للدرجه دي

انا قلقان تكتئب زي ما الدكتور قال

طارق /متقلقش ..والله ان شاءالله هتتحسن وتبقي كويسه ..طول ما ادم جمبها واحنا جمبها هتعدي ب اي حاجه صعبه 

مالك /ايوا حضرتك  متقلقش هتبقي كويسه ان شاءالله..ولازم تبقو اقويه قدامها علشان هي محتاجه دعم دلوقتي مينفعش تزعلوا قدامها خالص

كرم اتنهد /ان شاءالله ي ابني

في غرفه احلام 

احلام لسه نايمه ف حضن ادم والباب خبط 

ادم باس راس احلام وطلعها من حضنه براحه ونيمها ع السرير وقام من ع السرير براحه وراح فتح الباب 

مالك /الورد ال انت طلبته من رضا جابه 

ادم/ماشي 

مالك/هي بقت احسن ؟

ادم/هتبقي احسن ان شاءالله 

مالك/وانت ؟

ادم/هبقي احسن لو هي بقت كويسه

مالك اتنهد وربط ع كتف ادم 

مالك/انا برا لو عزتني

ادم هز راسه ب موافقه 

و مالك مشي وادم دخل الغرفه و قفل الباب 

والباب خبط تاني 

ادم حط الورد ع السرير وراح فتح الباب

وكانت الممرضه شايله صينيه عليها طبق شوربه وجمبها كوبايه عصير 

الممرضه لما شافت احلام نايمه 

الممرضه بصوت واطي/لازم احلام هانم تاكل علشان تاخد الدوا

ادم هز راسه ب موافقه واخد منها الصينيه 

والممرضه مشيت وآدم قفل الباب ودخل الغرفه 

وحط صينيه الاكل ع الطربيزه واخد الورد وقعد ع طرف السرير يصحي احلام 

ادم بيملس ع شعر احلام وباس خدها وشفايفها وراسها 

احلام بدأت تصحي من لمساته 

ادم ابتسم/صباح الخير 

احلام ابتسمت/صباح النور 

وكانت عايزه تقعد ادم ساعدها تسند ضهرها 

احلام بصت ع الورد ال ف ايد آدم 

احلام ابتسمت/دا علشاني؟ 

ادم ابتسم/طبعا علشانك 

واداهولها

احلام خدته بابتسامه وشمته/دا حلو اوي اوي

ادم ابتسم/عجبك بجد

احلام ابتسمت  /تحفه ..انت اول مره تجبلي ورد .

ادم رجع خصله من شعرها ورا ودنها 

ادم/ من هنا ورايح هيجيلك ورد ديما ..انتي تأمري بس 

وباس راسها 

احلام ابتسمت وحضنته 

وادم ابتسم وحضنها بقوه وباس رقبتها 

ادم/بس انا زعلان منك 

احلام طلعت من حضنه 

احلام/ليه 

ادم/انا مش قادر اتحمل اشوفك زعلانه ومتضايقه طول الوقت كدا ...و دموعك دي بتقتلني...ولما لقدر الله تزعلي ويحصلك حاجه انا اعمل ايه من غيرك ..انا من غيرك اموت 

احلام دمعت/بعد الشر عليك...انا بعمل كدا غصب عني ..انا كنت فرحانه اوي اننا هيبقي عندنا بيبي ..وبنيت احلام اننا هنربيه سوا ونعيش مبسوطين..وانت كمان كنت مبسوط اوي ..وكان عندي خطط اننا ننزل سوا نجبله لبس كتير اوي ولعب كمان..بس انا بغبائي بوظت كل حاجه..كل حاجه باظت بسببي

ادم مسح لها دموعها ومسك وشها ب ايده/ومين قالك  ان دا مش هيحصل ..هيحصل ان شاءالله..بس ربنا مش رايد ان دا يكون وقته ..ممكن كمان كام شهر ممكن كمان سنه ممكن اكتر... واوعي تقولي تاني ان كل دا حصل بسببك ..انتي ملكيش زنب ..لو ربنا مش رايد عادي ممكن البيبي يموت وانتي قاعده ف البيت متحركتيش ..حطي دا ف دماغك  ..ماشي؟

احلام هزت راسها ب دموع

ادم باس شفايفها وخدها 

ادم/انا مكتفي بيكي ومش عايز اي حاجه ف الدنيا دي غيرك ..انا ماليش غيرك اصلا .ومش عايز اشوفك زعلانه تاني 

احلام حضنته بقوه و ادم حضنها 

احلام/ربنا يخليك ليا 

ادم باس راسها ورقبتها 

ادم/دا انا ال ربنا يحفظك ليا طول العمر 

احلام ابتسمت وطلعت من حضنه وباست خده وآدم باس راسها 

ادم/يلا علشان تاكلي قبل ما الاكل يبرد 

احلام/بس انا مش جعانه 

ادم رجع خصله من شعرها ورا ودنها/لازم تاكلي انتي مكلتيش حاجه من اول ما فوقتي والمحاليل دي لوحدها متنفعش 

احلام اتنهدت/ماشي 

ادم باس راسها وقام يجيب صينيه الاكل 

وقعد جمبها ع السرير وحط الصينيه ع رجله 

وبدأ يشربها الشوربه براحه

ادم رجع خصله من شعرها ورا ودنها وباس راسها

ادم/انا مش عارف كنت هعيش من غير الجمال دا كله ازاي 

احلام ابتسمت/انا ال مقدرش اعيش من غيرك 

ادم ابتسم وباس خدها ورقبتها واحلام ابتسمت 

وادم بدأ يأكلها تاني

احلام/كفايه علشان خاطري..مبقتش قادره 

ادم/فاضل اخر معلقتين 

احلام/  انا عايزه انام..ممكن يلا انام ف حضنك 

ادم بيعدل لها شعرها ورجع شعرها ورا ودنها / المكان دا ملكك لوحدك اصلا 

احلام ابتسمت وادم  باس راسها

ادم/ بس تشربي العصير وننام 

احلام  /ماشي 

ادم جاب العصير وبدأ يشربها براحه 

واحلام خلصت وادم حط الاكل ع الطربيزه 

واحلام نامت وادم اخد الورد من ع السرير وحطه ع الكنبه  وغطاها كويس  ونام جمبها وخدها ف حضنه براحه ونامت ف حضنه  وآدم باس راسها

ادم /حاسه بوجع؟

احلام/تؤ 

ادم/طب نامي يلا 

احلام غمضت عينها 

وادم فضل يملس ع شعرها بحنان لحد ما راحت ف النوم 

ادم بص عليها لقاها غرقانه ف النوم باس  راسها براحه وبيحمد ربنا الف مره  انها ف حضنه وبخير وبيدعي تتحسن وتبقي بخير علشان مش قادر يتحمل يشوفها موجوعه وزعلانه كدا  

مساءا 

في غرفه احلام الدكتوره بتكشف عليها

 قدام غرفه احلام 

طارق وكرم وحمزه  ومريم قاعدين

ادم واقف بيتكلم ف التليفون 

روان ومالك راحو ل ادم 

ادم خلص كلام ف الموبايل 

روان/جبت لبس ل احلام من القصر زي ما طلبت

مالك/وانا جبت لك لبس تغير 

في غرفه احلام 

الدكتوره كشفت عليها 

وبتجهز ابره تحطها ف الكانولا ال ف ايدها 

الدكتوره ابتسمت/متقلقيش مش هتتوجعي خالص 

احلام هزت راسها بموافقه والدكتوره حطتها 

احلام بصت ع خاتم جوازها ملقتهوش ف ايدها 

احلام بتوتر/ دكتوره انتي شفتي الخاتم بتاعي ال انا كنت لبساه؟ 

الدكتوره/لاء مشفتهوش انتي كنتي لابسه خاتم لما جيتي

احلام بتوتر و  دموع  /ايوا انا مبخلعهوش من ايدي خالص دا خاتم جوازي..ممكن تخلي اي حد يدورلي عليه لو سمحتي هو اكيد هنا ولا هنا 

الدكتوره /احلام اهدي 

احلام بعياط بتدور عليه /انا عايزه الخاتم بتاعي ممكن تشوفيهولي فين 

الدكتوره بتحاول تهديها/والله هنلاقيهولك حاضر ..هيكون راح فين بس اهدي علشان صحتك 

ادم دخل الغرفه بسرعه لما سمع عياطها 

وحمزه وكرم ومريم دخلو ورا بسرعه و بعدها طارق ومالك وروان 

احلام بدموع/ادم 

ادم راح لها بسرعه بخضه وخدها ف حضنه 

ادم/فيه ايه ..ايه الحصل

احلام بعياط/الخاتم بتاعي ال انت جايبهولي ضاع مني  مش لقياه..انا قبل ما اجي هنا كنت لبساه مبخلعوش من ايدي 

ادم بيحاول يهديها و باس راسها وايدها وطلعها من حضنه وبيمسح لها دموعها/هجبلك  واحد تاني احسن منه  ..متعيطيش ...هجبلك 5 غيره مش واحد بس

احلام بدموع/لا انا مش عايزه غيره انا عيزاه هو

الدكتوره/هسال الممرضات كلهم والله ي احلام وان شاء الله هنلاقهولك

حمزه بيحاول يهديها /عادي ي روح قلبي فداكي مليون خاتم والله

روان بحزن/  ايوا والله ادم هيجبلك غيره

كرم باصص ع احلام بحزن وخايف عليها 

احلام بعياط/لاء انا مش عايزه واحد تاني انا عايزه دا ...دا اول خاتم ادم جابهولي انا عايزه دا مش عايزه واحد تاني 

ادم طلع من الغرفه بسرعه 

وراح ل رضا ومالك طلع وراح وراه

ادم ل رضا  بسرعه /خاتم احلام ال كانت لبساه لما عملت الحادثه اقلب لي عليه المستشفى..فورااا.. دور عليه مع الرجاله ومترجعوش من غيره 

رضا /تحت امرك 

مالك /تعالي ي رضا وانا هدور معاك 

.ومشيو من قدام ادم بسرعه 

ادم طلع موبايله واتصل ب بودي جارد 

ادم/  هاتلي العربيه  ال احلام هانم عملت بيها الحادثه فورا ..هاتها عند المستشفى 

البودي جارد/بس هي لسه بتتصلح 

ادم بغضب/هاتها قبل ما زفت تتصلح وفورا 

البودي جارد/امر حضرتك 

وقفل المكالمه 

في الغرفه 

حمزه ومريم  بيحاولو يهدوها واحلام بتعيط وبس

كرم بحزن/متعمليش ف نفسك كدا ي نور عيني فداكي الف خاتم

ادم راح ل احلام بسرعه

ومسح لها دموعها وباس راسها وايدها 

ادم/متعيطيش ..هجبهولك والله..انا قلت لهم يدورو عليه و ٥ دقايق وهيبقي عندك ...متعيطيش 

احلام بصتله بدموع/بجد

ادم مسح لها دموعها وخدها ف حضنه وباس راسها

ادم/طبعا بجد

طارق/شوفتي. ادم هيجبهولك اهو متخافيش

احلام هزت راسها بموافقه ومسحت دموعها وادم باس راسها

الدكتوره/وانا هروح اسال لو حد من الممرضات خلعهولها وعاينو ف الامانات قبل العمليه 

كرم/كتر خيرك ي دكتوره 

الدكتوره طلعت من الغرفه 

البودي جاردز كلها كانت بتدور ف كل ركن ف المستشفى لانه ممكن يكون وقع من ايد احلام ف اي ركن وهما بينقولها من العربيه ع الاوضه هنا

وسألو كل الممرضات ال كشفو ع  احلام شافوه ولا لا وللأسف محدش لقاه 

ادم ف الطرقه بيكلم البودي جارد 

ورضا وبودي جارد كمان راحو ل ادم 

ادم/جبت العربيه ..طيب 

وقفل المكالمه 

رضا/للاسف ي آدم بيه ملقناهوش 

البودي جارد/دورنا ف كل ركن ف المستشفى 

ادم مشي من قدامهم وركب الاسانسير 

ونزل تحت عند العربيه ال تحت المستشفى  والبودي جارد فتح ل ادم العربيه وآدم بيدور ف كل ركن ف العربيه 

في غرفه احلام

احلام نايمه ع السرير وحمزه جمبها وكرم ومريم وروان وطارق بيحاولو يهونو عليها 

حمزه مسك ايدها/وبعدين حتي لو ملقهوش يعني ايه

روان ابتسمت/ايوا واصلا ادم جاب لها خواتم كتير موجودين ف البيت وكلهم احلي من بعض  تقدر تلبسهم براحتها

مريم ابتسمت/بالضبط 

احلام دمعت/انا عايزه الخاتم دا مش عايزه اي حاجه تانيه

حمزه خدها ف حضنه /ادم هيلاقيه والله..هيعمل اي حاجه علشان يلاقيه ...متعيطيش بقي 

ومسح لها دموعها واحلام هزت راسها بموافقه ومسحت دموعها 

كرم ابتسم 

ادم دخل الغرفه و ف ايده الخاتم 

حمزه ابتسم/شوفتي..مش انا قلت لك جوز اختي مش هيرجع من غيره 

كرم ابتسم 

احلام /لقيته 

ادم راح لها وباس راسها وايدها 

ادم/ايوا طبعا لقيتو 

احلام ابتسمت وخدت منه الخاتم واتنهدت براحه 

ادم ابتسم/البسهولك 

احلام ابتسمت وهزت راسها بموافقه 

وادم لبسهولها وباس ايدها وراسها وخدها ف حضنه وطارق ومريم وروان ابتسمو

حمزه بغيره/طب احترم وجودنا ع الاقل ي اخي احنا  واقفين ف وشك ..احترم بباها حتي

ادم /لاء انت متدخلش خالص بيني وبين مراتي 

حمزه/طب ما دي اختي ومبتسبنيش ابوس راسها حتي دا ظلم 

ادم/ايوا انا ظالم 

حمزه/ماشي ليك يوم عموما الدنيا صغيره كدا كدا

كرم ابتسم/ربنا يحفظهم لبعض ديما 

طارق ابتسم/يارب 

بعد ساعه 

فراس جه اطمن ع احلام وشاف لو ادم عايز حاجه واخد روان روحو بيتهم 

وادم طلب من مالك ياخد طارق ويرجعو البيت 

واحلام أصرت ع حمزه ياخد كرم علشان يرتاح ف البيت وياخد ادويته ويرجعو بكره 

في نص الليل 

في غرفه احلام  

احلام قاعده ع السرير وسانده ضهرها وادم بيغير لها هدومها 

احلام لابسه توب كات وادم لبسها بلوفر خفيف 

ادم طلع شعرها من تحت البلوفر 

ادم /بردانه اقفل التكييف 

احلام هزت راسها ب لاء 

احلام /الجو حلو

ادم رجع خصله من شعرها ورا ودنها وبصلها 

احلام بصتله وشافت نظراته ال كلها خوف وقلق عليها 

احلام ابتسمت وحطت كف اياها ع وشه

احلام/انا كويسه..متقلقش 

ادم مسك ايدها  ال ع وشه وباس باطن ايدها وحضنها 

احلام ابتسمت وحضنته بقوه وآدم باس رقبتها 

احلام/انا كويسه 

ادم باس راسها/انا مقدرش اعيش من غيرك 

احلام دمعت ووعدت نفسها تحاول تتخطي ال حصل مش بس علشانها علشان ادم كمان

لان فعلا زي ما بيقول لها ديما ميقدرش يشوفها موجوعه وزعلانه بالطريقه دي ..طول عمره جامد وصارم ومفيش ايه حاجه تقدر تهد دا الا زعل ودموع احلام 

احلام بدموع/ انا ال مقدرش اعيش من غيرك. انا مش عارفه انا عملت ايه حلو ف حياتي علشان ربنا يرزقني بيك..انا بحبك

ادم طلعها من حضنه ومسح لها دموعها 

ادم /انتي ال بتقولي كدا ؟ انا ال مش عارف انا كنت عايش من غيرك ازاي قبل كدا

انا بعشقك 

احلام ابتسمت /ربنا يخليك ليا 

ادم باس شفايفها

الجميله والوحش البارت الخامس والعشرين 

في المستشفى 

صباحا

في غرفه احلام 

احلام نايمه ع السرير وادم نايم ف حضنها 

احلام بدأت تصحي وفتحت عينها وبصت ع ادم ال نايم ف حضنها بعمق وابتسمت ووملست ع شعره وباست راسها

وحاولت تقوم بس ادم حاضنها ومش عايز يسيبها 

ادم وهو مغمض عينه 

ادم/عايزه ايه وانا اجبهولك

احلام ابتسمت /اشرب 

ادم طلع من حضنها وباس راسها وجاب الكوبايه ال متغطيه ال ع الكومودينو جمبه 

وبدأ يشربها براحه 

احلام شربت وادم حط الكوبايه مكانها تاني

احلام ابتسمت /صباح الخير

ادم قرب منها وباس خدها وشفايفها 

ادم/دا صباح الفل 

احلام ابتسمت 

وادم رجع خصله من شعرها ورا ودنها 

ادم/نمتي كويس ؟حاسه بوجع او اي حاجه 

احلام ابتسمت ومسكت وشه ب ايدها /متقلقش انا كويسه 

ادم باس شفايفها وحضنها واحلام حضنته بقوه 

والباب خبط 

ادم اتنهد واحلام ضحكت

ادم طلع من حضن احلام 

ادم/تعرفي اني متأكد ان  حمزه ال بيخبط ..مفيش حد بيبوظ عليا اي حاجه غيره 

احلام ضحكت وباست خده وآدم  باس راسها وبعد عنها 

ادم/ادخل

حمزه دخل

حمزه/ايههه يعم نموسيتكم كحلي احنا بقينا الضهر

بعد ساعه

أمام غرفه احلام ادم بيتكلم مع الدكتوره بعد ما كشفت ع احلام

في غرفه احلام 

كرم وحمزه و طارق قاعدين معاها يطمنو عليها 

احلام/ليليان فين .وحشتني اوي

 حمزه/مريم راحت تجيبها.. بقالها ٣ ايام مبتقولش غير عايزه اروح ل احلام 

احلام ابتسمت/حبيبه قلبي 

كرم ابتسم/الحمد لله انا حاسك النهارده احسن بكتير عن امبارح..يارب يريح قلبك ع طول ي حبيبتي 

طارق ابتسم/ايوا انا برضو ملاحظ تحسنها...ربنا يارب يقومها ب السلامه 

حمزه/يارب

احلام ابتسمت 

الممرضه خبطت ودخلت الغرفه و ف ايدها صينيه الاكل 

الممرضه/فطار احلام هانم علشان تاخد الدوا بعده

كرم/هاتيه ي بنتي

حمزه قام علشان ياخده من الممرضه 

 

كرم/يلا علشان تاكلي ي حبيبتي 

احلام /لاء انا مش جعانه والله دلوقتي 

طارق /لا ي حبيبتي مينفعش لازم تفطري علشان الدوا 

حمزه بغييره/ولا لازم بقي نجبلك سي ادم جوزك علشان تسمعي الكلام وتاكلي وتاخدي الدوا ...انا كدا هبدأ اغيير بجد اشمعنا هو يعني .دا انا اخوكي لو نسيتي

احلام ابتسمت/لا مقدرش انسي ..انت اخويا وروح قلبي 

حمزه بابتسامة باس راسها  وخدها ف حضنه واحلام ابتسمت 

كرم ابتسم

طارق/الحق نفسك قبل ما ادم يجيي 

حمزه ضحك /انا بحاول اعمل كدا فعلا 

وباس ايدها 

ادم دخل الغرفه 

الممرضه ابتسمت/طب اخد الاكل ولا اسيبه

ادم/تاخديه ليه.. حطيه مكانه هنا 

الممرضه/تحت امرك 

وحطت الاكل ع الطربيزه ومشيت 

ادم بص ع حمزه ال واخد احلام ف حضنه

حمزه بعد عن احلام بخوف

حمزه/ انا اسف 

ادم/ابعد عنها احسن لك 

حمزه بغيظ/منا بعدت اهوو..انا مش مصدق اني بعتذر علشان حضنت اختي انا مش مصدق يجدعان 

طارق وكرم ضحكو

واحلام ابتسمت 

طارق/هنسيلك ترتاحي ي حبيبتي ونخرج احنا 

احلام هزت راسها ب موافقه 

كرم باس راسها/لو عزتي حاجه احنا برا 

وطلع هو وطارق برا الغرفه 

كرم قفل الباب و  ابتسم/انا مكنتش اعرف ان ادم ليه تأثير كبير ع احلام كدا..متحسنتش غير ع ايده و مبتاخدش الدوا ولا بتاكل الا من ايده 

طارق ابتسم /مش انا قلت لك ان طالما ادم جمبها هي هتعدي ب اي حاجه صعبه..دول روحهم ف بعض..ربنا يخليهم لبعض ديما 

كرم ابتسم/يارب

في غرفه احلام

 

حمزه/طب ابوس راسها قبل ما اخرج

ادم شاور ع الباب/برا 

حمزه بغيظ/ماشي ي جوز اختي ..ليك يوم

وطلع برا الغرفه بغيظ

 

احلام /حرام عليك ي آدم  دا اخويا حبيبي

ادم  خد الصينيه من ع   الطربيزه وقعد ع طرف السرير جمبها وحط الصينيه ع رجله

ادم  قرب منها ورجع خصله من شعرها ورا ودنها/مفيش حد حبيبك غيري انتي فاهمه 

احلام ابتسمت/ايوا انت بس ال حبيبي وروحي كمان 

ادم ابتسم وباس شفايفها 

ادم/يلا علشان تاكلي 

احلام/هما جايبين اكل ايه ..الشوربه بتاعت امبارح كانت وحشه اوي 

ادم  /تعالي  دوقي كدا

وحط معلقه قدام فمها واحلام فتحت فمها وكلت والاكل كان طعمه وحش اوي 

ادم ابتسم/شكل طعمه مش عاجبك اوي

احلام بلعت الاكل بصعوبه/طعمه وحش اوي

 ادم ضحك و باس راسها 

ادم/معلش استحملي هو دا الاكل ال مسموح هنا للمرضي

..لما تقومي ب السلامه هجبلك كل الاكل ال انتي نفسك فيه

احلام/وبيتزا 

ادم ابتسم/و بيتزا 

احلام ابتسمت /ماشي

و ادم بدأ يأكلها تاني ويشربها الشوربه براحه 

احلام/كفايه انا شبعت

ادم/لاء مش كفايه انتي لسه مكلتيش حاجه

احلام اتنهدت/ماشي

وأكلها 

احلام/هو رضا كان عايز منك ايه من كام يوم لما فوقت..كان بيكلمك عن الراجل ال خبطني صح

ادم/اه بيقولي انه محبوس ف القسم من وقتها

احلام/الراجل مغلطش ف حاجه .. هو البودي جارد كان بيتكلم ف التليفون ومش مركز .

ادم/لاء غلط ..وهدفعه تمن ال غلطه ال غلطها دي.. ومش هيطلع من الحبس طول عمره

احلام /لاء ي ادم علشان خاطري  طلعو من القسم وخليه يمشي ..سيبه يروح ل اهله 

ادم وهو بيعدل لها شعرها/كلامك أوامر..اعتبريه حصل

احلام ابتسمت /انا بحبك 

ادم/فين البوسه ال بتدهالي وإنتي بتقوليلي بحبك

احلام ابتسمت وباسته من خده

ادم باس خدها ورقبتها 

ادم/ونا بعشقك 

احلام ابتسمت 

وكان هيأكلها تاني

احلام/خلاص والله شبعت 

ادم/لو كلتي الحبه دول كمان هجبلك تشيز كيك 

احلام /بجد

ادم/بجد طبعا 

احلام فتحت فمها وادم ابتسم وأكلها لحد ما خلصت طبقها 

ممرضه ف اواخر التلاتينات خبطت 

ادم/ادخل 

الممرضه دخلت/هحط ابره ف المحلول وهغير الشاش ل حضرتك 

ادم موبايله رن

و كنسل وقام  

ادم ل احلام/هروح اودي الاكل وهقول لهم يحلو موضوع الراجل ال ف القسم دا وارجع لك ع طول

احلام هزت راسها ب موافقه /ماشي

ادم باس ايدها وخرج برا الاوضه 

الممرضه ابتسمت وهي بتحط الابره ف المحلول 

الممرضه/حضرتك محظوظه ب جوزك دا والله  ..باين عليه بيموت فيكي..وبعدين هو حقه بصراحه ..حضرتك زي القمر وحقه يخاف ع الجمال دا كله 

احلام ابتسمت /شكرا

الممرضه/اصل انتي مشفتيش كان خايف ع حضرتك ازاي دا كان هيتجنن عليكي ..مسك ف خناق كل الدكاتره ال هنا وقالهم  لو حصلك حاجه كلهم هيروحو ف ٦٠ داهيه ..وقعد يقول لهم اهم حاجه مراتي ..البيبي مش  اهم  من مراتي ..اهم حاجه احلام تبقي بخير ..ومتحركش من جمبك دقيقه واحده طول الايام ال فاتت يعني كلهم كانو بيروحوا يغيرو ويرتاحو ويجو هو متحركش من هنا...كل الممرضات بيتكلمو عن ال بيعمله معاكي وخوفه عليكي بقالهم ايام والله

احلام ابتسمت ودمعت/انا فعلا محظوظه بيه ..هو العوض ليا ف الدنيا دي 

الممرضه ابتسمت/طب في واحده عندها زوج يخاف عليها زي حضرتك كدا وتبقي زعلانه وبتعيط ..دا ينفع

وبدأت تشيل  لها الشاش ال ع دماغها براحه 

احلام بحزن/انا كان نفسي البيبي يجيي ب السلامه ..انا كنت فرحانه بيه اوي وآدم كان طاير من الفرحه ..انا عارفه انه زعلان زيي بس مش عايز يبين علشان خايف ع زعلي 

الممرضه ابتسمت/محسساني يعني ان حضرتك لقدر الله مش هتخلفي تاني ..لاء ..ان شاءالله ربنا هيعوض عليكي بعيل واتنين وأربعه..متخافيش 

وبدأت تحط لها الشاش الجديد

احلام مسحت دموعها/يارب

الممرضه /وبعدين حضرتك مستعجله ع ايه ..طب اقولك ع حاجه ..انا اول ما اتجوزت مكنتش بخلف خالص يجي كدا ل مده ٤ سنين ..بعدين ربنا كرمني ب عبد الرحمن عنده ٥ سنين دلوقتي

احلام ابتسمت/ربنا يخليهولك يارب 

الممرضه ابتسمت/الله يخليكي ..صحيح يعني اطلقت بعدها ورمانا ف الشارع بس مش مشكله..المهم ان انا وابني بخير 

احلام/جوزك رماكم ف الشارع ؟

الممرضه وهي بتلف الشاش 

الممرضه/ رماني انا وابنه حتت لحمه حمرا علشان يتجوز واحده تانيه ويقعدها ف الشقه... سابني محتاسه مش عارفه اروح ب الواد فين.. ف خدته ودورت ع شقه إيجار وبشتغل شفتات ليل نهار علشان اعرف ادفع الإيجار واجيب اكل للواد والله ..

 انا مش عايزه أوجع دماغك بالمشاكل دي انا بس حبيت اهون عليكي شويه لان باين عليكي متضايقه اوي ونفسيتك تعبانه بسبب الحصل.. بصي للحلو ال ف ايدك اهل بيحبوكي ويخافو عليكي..جوزك شايلك من ع الارض شيل ربنا يخليهولك ..وان شاء الله ربنا يرزقك ب عيل قدام متقلقيش يعني 

احلام ابتسمت 

وفجأه الباب اتفتح وطفل صغير ٥ سنين دخل وهو بيلعب ب لعبته 

الممرضه/بودي ..انتي ايه ال جابك هنا مش انا قلت لك اقعد مع طنط نوال 

بودي/لاء عايز اقعد معاكي انتي ي هبه

هبه بصت ل احلام

هبه/انا اسفه والله بس بضطر اجيبه معايا الشغل علشان مش هعرف اسيبه ف البيت لوحده ..هو هيمشي دلوقتي 

احلام ابتسمت/لالا سبيه متخلهوش يمشي

وابتسمت ل عبد الرحمن 

احلام/انت اسمك ايه بقي 

عبد الرحمن بصلها/بودي 

احلام بابتسامه/اسمك حلو اوي اوي وانت كمان زي القمر

بودي/وانتي حلوه 

احلام ابتسمت وهبه ضحكت 

هبه/شوفي بيعاكسك من وهو شبر ونص ازاي 

احلام ابتسمت وادم دخل الغرفه  وبودي راح يلعب بلعبته برا الاوضه 

هبه بدأت تلم الشاش والاسعافات الاوليه 

ادم دخل الغرفه وراح ل احلام

ادم باس راس احلام وقعد جمبها 

ادم/خلصتي 

احلام ابتسمت/اه 

هبه/لسه الدوا بس هديه ل حضرتك واسيبك ترتاحي 

احلام ل ادم/انا عايزه اروح بيتنا

ادم/لا مينفعش انتي لسه متحسنتيش تروحي البيت ازاي ..هتقعدي هنا ٤ او ٥ ايام ع الاقل 

احلام/لاء ي آدم كتير اوي ..علشان خاطري روح اسأل الدكتور ينفع نمشي كمان يومين ولالا ..انا مبحبش قعدت المستشفى دي

ادم/ماشي بس لو قال هتفضلي اكتر هنفضل ..اهم حاجه صحتك

احلام ابتسمت/حاضر 

ادم/هروح اسأله وارجعلك 

احلام /هات المحفظه بتاعتك قبل ما تمشي

ادم قام وطلع المحفظه من جيبه واداها ل احلام 

ادم/مش هتأخر عليكي 

احلام هزت راسها بموافقه وادم باس راسها و طلع برا الغرفه

هبه أدت احلام الدوا وكوبايه مايه 

هبه/اتفضلي 

احلام اخدت الدوا 

احلام ابتسمت/شكرا  ي هبه 

هبه ابتسمت/العفو ع ايه 

احلام فتحت محفظه ادم وطلعت مبلغ كبير ومدت ايدها تديه ل هبه

احلام ابتسمت/خدي دول علشان بودي

هبه/لا والله ابدا ما اخد حاجه..انا والله بحكيلك علشان اهون عليكي مقصدش اي حاجه ..مستوره الحمد لله

احلام ابتسمت/اصلا الفلوس دي مش علشانك ..علشان تجيبي ل عبد الرحمن لعب او اي حاجه نقصاه ..انا حبيته اوي ربنا يخليهولك يارب ..خديهم بقي ايدي وجعتني 

هبه اخدت الفلوس

هبه ابتسمت/كتر الف خيرك..بس دا كتير اوي اوي

احلام/مش كتير ولا حاجه 

هبه ابتسمت/شكرا..عن اذنك 

احلام ابتسمت/اتفضلي 

والممرضه اخدت علبه الإسعافات الاوليه وطلعت برا الغرفه 

ادم دخل الغرفه بعد ما اتكلم مع الدكتور والبودي جارد جاب ال تشيز كيك ال ادم طلبو 

ادم/اتفضلي ي ستي التشيز كيك اهو  

احلام ابتسمت وخدت التشيز كيك وادم قعد ع طرف السرير جمبها وباس ايدها 

احلام بابتسامه/شكرا.. الدكتور قال ايه 

ادم/للاسف قال لازم تقعدي اسبوع كدا ويمكن اكتر لحد ما تتحسني 

احلام بزعل ربعت ايدها/اسبوع؟ لا اسبوع   كتير اوي انا مبحبش قعده المستشفيات دي اصلا وعايزه اروح 

ادم ابتسم ورجع شعرها ورا ودنها/بهزر معاكي ..قال ممكن نمشي كمان يومين عادي ..تتحسني بس هنا شويه ويتأكد انك بقيتي كويسه ونمشي 

احلام ابتسمت وخبطته ف كتفه بغيظ/تصدق بقي انك رخم

ادم ابتسم وقرب منها 

ادم/وتصدقي بقي اني بموت فيكي 

وباس شفايفها 

احلام بابتسامه حضنته وآدم حضنها بقوه وباس راسها 

ادم/بس توعديني لما نرجع البيت هنهتم ب أكلك وادويتك ومتقوليش مش عايزه ي آدم ومش جعانه ي آدم 

احلام ابتسمت وهي ف حضنه/وعد مش هقول 

ادم باس راسها/ماشي اما نشوف  

مساءا ف المستشفى 

أمام غرفه احلام 

 وطارق وحمزه قاعدين 

وآدم  واقف ف جمب بيكلم فراس ف التليفون 

وكرم خرج من غرفه احلام بعد ما اطمن عليها وقعد جمب طارق 

ادم/ماشي 

فراس/انا بس ف الشغل زي ما طلبت مني علشان منبقاش احنا الاتنين مش موجودين ونسيب الشركه لوحدها بس لو احتجتني ف ايه حاجه قولي وانا هبقي عندك فورا

ادم/عارف . مش محتاج تقول...انت اخويا الصغير مش صاحبي يالا

فراس ابتسم

وطلع من الاسانسير مريم وف ايدها ليليان 

ليليان/بابا

ليليان جريت ع بباها وحمزه  ال قاعدين قدام الاوضه

وكرم خدها ف حضنه

كرم/حبيبه قلب ابوكي

حمزه باس ايدها/عامله اي ي لي لي ي روح قلبي 

ليليان/انا الحمد لله كويسه بس عايزه اشوف احلام ..هي تعبانه اوي؟

كرم/لالا دي بقت كويسه الحمد لله ونفسها تشوفك اوي 

ليليان/طب انا عايزه اشوفها انا كمان علشان خاطري 

حمزه/تعالي انا ومريم هندخلك

كرم/بس براحه ع اختك ومتتعبهاش اوي علشان متتوجعش .ماشي ي حبيبتي 

ليليان/حاضر متقلقش 

مريم ابتسمت/يلا ي لي لي

وحمزه ومريم اخدو لي لي ودخلو الاوضه 

ليليان بفرحه /احلام 

احلام بابتسامه/روح قلب احلام 

وليليان جريت عليها حضنتها واحلام حضنتها بابتسامه 

احلام/وحشتيني اوي اوي اوي 

ليليان بابتسامه/وانتي كمان وحشتيني اوي 

وطلعت من حضنها واحلام باست خد ليليان 

ليليان/انتي ايه خلاكي تتعبي كدا..كلتي حاجه مش كويسه

احلام/ايوا علشان كدا تعبت شويه صغيرين

حمزه/كفايه ي لي لي علشان احلام متتعبش 

ليليان/لا انا عايزه اقعد مع احلام كمان شويه مليش دعوه 

احلام ابتسمت/سيبها ي حمزه دي كانت وحشاني اوي اوي ..تعالي اطلعي اقعدي جمبي 

ليليان بابتسامه طلعت ع السرير و احلام خدتها ف حضنها وباست راسها 

حمزه/انا كدا هبدأ اغير

مريم /وانا كمان بصراحه 

احلام ضحكت

كرم دخل الغرفه 

كرم/روح قلبي عامله ايه دلوقتي 

احلام ابتسمت/الحمد لله ي حبيبي انا كويسه 

كرم/يارب ديما ي حبيبه ابوكي 

احلام/يلا خد حمزه وارجعو ارتاحو ف البيت كفايه قاعده ف المستشفى هنا انا عارفه ان انت كمان مبتحبش قعده المستشفيات 

كرم/لا طبعا مش هسيبك واروح البيت تاني..انا ريحتك بس امبارح علشان اصريتي عليا ارجع البيت اخد الدوا

احلام/ي حبيبي انا بقيت كويسه والله وادم جمبي هنا ..انت لازم تهتم ب صحتك وادويتك ف معادها انا اخاف تتعب لقدر الله

حمزه/احلام معاها حق ي بابا انا هاخدكم اوصلكم وارجع لها هنا 

احلام/لاء انت كمان ارجع معاهم وتعالو الصبح..انت محتاج ترتاح منمتش بقالك ايام برضو.ونا والله كويسه وادم جمبي هنا..وان شاء الله يومين واخرج 

حمزه اتنهد/ماشي .

والباب خبط والدكتوره دخلت 

الدكتوره بابتسامه/ايه الاخبار ي مدام احلام ..بقيتي احسن 

احلام /الحمد لله 

الدكتوره /الحمد لله باين عليكي بقيتي احسن وهكشف عليكي تاني اطمن

كرم/هي فعلا ي دكتوره ينفع يومين وتخرج 

الدكتوره/اه هي حالتها مستقره الحمد لله هتقعد يومين بس تحت الملاحظة وبعدين تقدر تخرج بس تهتم ب ادويتها وأكلها كويس جدا علشان تعوض الدم ال فقدته 

مريم/طب الحمد لله 

الدكتوره/استأذنكم تطلعو علشان اكشف عليها 

حمزه/اه طبعا

عدي يومين 

احلام اتحسنت كتير عن الأول بسبب ادم واهلها ال وقفو جمبها 

والسبب الرئيسي كان ادم 

ال مكنتش بتعرف تنام الا ف حضنه ولا تاكل الا من ايده ولا تاخد الادويه ال منه ..مبتعرفش تبتسم حتي وهو مش وجوده..مكنتش تعرف انها ضعيفه اوي كدا من غيره وهو مصدر قوتها

 

في يوم خروج احلام من المستشفى 

في المستشفى صباحا ف اوضه احلام 

نايمه ع السرير والدكتوره بتكشف عليها اخر مره قبل ما تمشي و ادم واقف جمبها

الدكتوره ابتسمت/الحمد لله ي مدام احلام انتي بقيتي احسن بكتير ومبقناش محتاجين للكانولا كمان 

ادم/متأكده ي دكتوره ..يعني لو لسه محتاجه كمان وقت علشان تتحسن نقعد عادي

الدكتوره وهي بتشيل الكانولا من ايد احلام

الدكتوره/لالا خالص هي بقت زي الفل .. جسمها بس ممكن يوجعها  بسبب آثار الحادثه وممكن كمان تحس ب وجع ف دماغها كل دا طبيعي متقلقوش ..اهم حاجه بس تهتمي ب اكلك كويس جدا وب الادويه ف معادها و تغيير الشاش ال ع دماغها كل يوم ..اتفقنا؟

في غرفه الممرضات ال بيرتاحو فيها

ممرضتين قاعدين بيشربو شاي  هبه و ساره

ممرضه تالته دخلتلهم بابتسامه 

هبه/يوه .مالها دي هي كمان 

ساره ضحكت/مش عارفه

هبه/مالك ي نجلاء 

نجلاء قعدت واتنهدت بابتسامه / انا كنت ف اوضه ادم بيه من شويه ..يخرابي عليه ..حلاوه ايه وشياكه ..زي القمر 

هبه/انتي حماره يبت ..قصدك كنتي ف اوضه مراته ..دا متجوز ومراته بقالها 5 ايام هنا اهي 

ساره/معاها حق ي ام بودي برضو بصراحه دا جان ومز وقمر

نجلاء اتنهدت/موتتت ..من وقت ما جم هنا وانا ع طول ف اوضه مراته علشان اخد بالي منها وكدا بس تقيل تقل .معبرنيش حتي

ساره /ما علشان بيموت ف مراته هيبصلك لي مش فاهمه

نجلاء بغيظ/ع فكره عاديه يعني مش حلوه 

ساره/لا حرام عليكي دي زي القمر 

هبه/لاء هي حلوه بصراحه .وبعدين  ي معفنه انتي مين قالك اصلا انه هيبصلك..يعني المستشفي كلها بتتكلم عن ادم بيه وهو مرعوب ع مراته يحصلها حاجه وكل الممرضات  بيحسدوها عليه وانتي سمعتي بنفسك..وعايزه بعد دا كله يسيبها ويبصلك انتي؟

نجلاء /الله ..وميبوصليش ليه ي ام بودي يعني دا انا حلوه برضو ع فكره...وبعدين دا اغني اغنياء مصر دا لو وقعته هنروح كلنا ف حته تانيه..مش هنساكم متقلقوش 

هبه /ي ستي حلوه مختلفناش بس هو بحب مراته واضحه يعني 

نجلاء/والله مقصدش حاجه بس ساعات بحسدها  يعني دي  مدام ادم الحديدي..يلهوي دا الاسم واحده يخض ..دي بيتقال لها ي هانم

اشمعنا هي يعني ال تبقي عايشه ف العز دا كله  وتاخد حد زي ادم الحديدي يعني مش فاهمه

ساره/يمكن علشان سالكه

نجلاء/لقحي ي ساره لقحي ..وبعدين انا سالكه ع فكره

ساره ضحكت/ي ستي بهزر معاكي بس ام بودي معاها حق الصراحه ..من وقت ما جم هنا   وهو مبينامش علشانها و سايب حاله ومحتالو وقاعد جمبها مسبهاش ولا لحظه وكان مرعوب عليها يحصلها حاجه وف الآخر عيزاه يبصلك.ما انتي بقالك ٥ ايام بتروحي تشوفيه كل يوم بحجه انك ممرضه يعني و بتطمني ع حال المريضه..عبرك ؟بصلك حتي؟انا لما كنت بدخل عليهم اصلا اديها ابره ولا اي حاجه ولا عمره رمي نظره كان كل نظراته عليها هي .فوقي والنبي من الوهم ال انتي فيه  .واصلا هما ماشيين النهار ف فكك

نجلاء بغيظ/خلاص قفلوتها ف وشي خالص ..انا غلطانه اني بفضفض معاكم .وبعدين بصراحه بقي شكلها  جمبه علشان فلوسه ..شوفتو عملت ايه لما خاتمها الالماظ ضاع..انهارت وقلبت المستشفى 

هبه/ي شيخه حرام عليكي ..اشحال انتي ممرضه ودراسه وفاهمه ..هي متضايقتش علشان الخاتم ...هي فاقت لقت نفسها خسرت ابنها ف انهارت و دخلت ف اكتئاب ف اي حاجه بتأثر فيها ..حتي لو اديتلها شاي ناقص سكر هتنهار من العياط برضو ..مش علشان هو غالي ولا اي حاجه..وبعدين فكرك يعني ان دا اخر خاتم عندها؟ دا دولابها ممكن يكون في حاجات يساوي له ملايين دلوقتي 

ساره/الخاتم ال ف ايدها دلوقتي يساوي له نص مليون لوحده

نجلاء بغيظ/ام بودي انتي معصباني .. انتي بتدافعي عنها كدا ليه  هي كانت من بقيت اهلك ..مش المفروض انا صحبتك برضو مش هي

هبه/مقصدش والله ..كل ال اقصده ان من الحبه ال هي قعدت فيه هنا هي فعلا بنت ناس وعينها مليانه ومحترمه .. وانا بغير لها علي الشاش والكلام جاب بعضه حكيت لها عن ظروفك وانا والله مقصدتش حاجه بس هي ادتني تلت الاف جنيه من محفظه جوزها ..كتر خيرها عرفت ادفع الإيجار من غيرها كنت هترمي انا وبودي ف الشارع..واحده غيرها متجوزه حد غني ومعروف زي ادم الحديدي كدا كانت ممكن تبقي متعجرفه ومناخيرها ف السما وماشيه تلطش ف كل الناس لان ف ضهرها ادم الحديدي إنما هي معملتش كدا .. واحنا شغالين هنا من سنين وياما شوفنا ستات اجوزاتهم معاهم بس يمكن مليون وبيتنططو علينا  اما هي جوزها اصلا صاحب المستشفى ال احنا فيها 

بالعكس دي حنينه خالص 

نجلاء/اه ي ج*مه ..يعني ادتك فلوس ومعرفتيش حد ولا حس ولا خبر ..ادتك  نص ال مرتب  ال بناخده ف دقيقه

هبه/بقولك ايه ي نجلاء طلعيني من دماغك والنبي ..وانا نصحتك علشان اصلا لو انتي دايقتي مراته ممكن ف ثانيه يقطع عيشك من هنا ..وانتي حره ..انا شغاله هنا من ١٠ سنين وعارفه ادم بيه كويس بيجي يبص ع المستشفى هنا كل فين وفين

نجلاء بغيظ/دا انتو صحاب فقر .قفلوتها ف وشي جتكو القرف..ع العموم هروح اشوفه اخر مره قبل ما يمشي علشان هيوحشني

وقامت 

نجلاء ابتسمت/عن اذنكم هروح ادي المريضه الدوا قبل ما تمشي 

ومشيت 

ساره/شايفه الهبل

هبه /خليها هي حره تقطع عيشها ب ايدها 

في غرفه احلام

احلام قاعده ع السرير وادم قاعد جمبها بيحاول يربط شعرها ديل حصان زي ما هي طلبت

احلام /ها هتعرف 

ادم وهو بيحاول/ادم الحديدي مفيش حاجه مبيعرفش يعملها ي بنتي 

احلام ابتسمت/اما نشوف

ادم/بس خلصت 

احلام حطت ايدها ع شعرها/بذمتك دا ديل حصان

ادم/لاء بصراحه..مش محصل ديل حمار حتي

احلام ضحكت وباست خده

احلام/مش مشكله..اهم حاجه انك حاولت 

ادم ابتسم وقرب منها وباس شفايفها وباس رقبتها واحلام ابتسمت 

الباب خبط 

احلام ابتسمت 

ادم/احنا فعلا لازم نمشي من هنا ونروح بيتنا 

احلام ضحكت وادم باس خدها وبعد عنها 

ادم /ادخل

نجلاء دخلت بابتسامه وهي ف ايدها علبه دوا

نجلاء وهي باصه ع ادم بابتسامه/دوا مدام احلام والدكتوره قالت لي اشيل لزقه الكانولا من ايدها قبل ما تمشو

احلام بصت لها بغييره وهي بتبص ل ادم بالطريقه البجحه دي 

ادم/ادخلي

نجلاء دخلت جوه و فتحت علبه الدوا وأعطت احلام الدوا وجابت لها كوبايه مايه  وهي بتبص ب طرف عينها ع ادم واحلام ملاحظه دا 

احلام  بغيره /ركزي معايا انا ي حبيبتي  

نجلاء انتبهت/نعم؟

احلام بغييره/والله؟ما انتي لو مركزه هتسمعي الكلام من اول مره بس شكلك مركزه ف حاجه تانيه 

ادم/احلام اهدي

نجلاء ببراءه كاذبه/منا مركزه مع حضرتك اهو  

احلام ربعت ايدها بغضب /تمام خلاص انا خدت الدوا تقدري تتفضلي 

نجلاء/ بس انا لسه مشلتش الكانولا 

احلام /لا والله متشكره مش عايزه اتعبك معايا انا هنادي الدكتوره تعملهالي

نجلاء/بس ا

ادم/هو انتي مسمعتيش هي قالت ايه ؟اتفضلي اطلعي من الاوضه علشان مطلعكيش من المستشفى كلها

نجلاء/حاضر..عن اذنكم 

وطلعت برا الغرفه وقفلت الباب

ادم قرب من احلام ورجع خصله من شعرها ورا ودنها 

ادم/في ايه..ايه ال معصبك 

احلام بغيظ وغيره/ يعني انت فعلا مش واخد بالك هي بتعمل ايه

ادم قرب منها وحاوط وسطها ب ايده/لاء مش واخد بالي..هبص لها ليه اصلا ..انا مش مركز الا معاكي انتي وبس 

احلام ابتسمت/افضل بقي غير الموضوع كدا كل مره وانا زي الهبله اصدقك 

ادم وهو باصص ف عيونها

ادم/مش عارفه ان انا بموت فيكي يعني 

احلام ابتسمت وحاوطت رقبته بدراعها/وايه كمان 

ادم باس شفايفها 

ادم/ومقدرش اعيش من غيرك 

احلام ابتسمت/اها

ادم/ومفيش اي واحده تقدر تملي عيني غيرك 

وباس رقبتها 

احلام بابتسامه حضنته وآدم حضنها بقوه وباس راسها 

احلام طلعت من حضنه وبصتله ورفعت صوبعها بتحذير 

احلام/انا اتعودت ع الكلام ال حلو دا ..لو انا خفيت وانت بطلت تقول الكلام دا هقتلك

ادم مسك ايدها ال رفعاها وباسها 

ادم/وانا راضي اموت ع ايدك عادي 

احلام ابتسمت  /بعد الشر 

وادم خدها  ف حضنه  تاني

 وباس راسها

وبعد شويه الدكتوره فكت لزقه ال كانولا من ايد احلام و كتبت لهم ع روشتت الادويه 

وطلعت من الغرفه

حمزه و كرم و ليليان دخلو الغرفه 

حمزه/هنسبقكم ع العربيه احنا 

ادم/ماشي

كرم/كتبتو ع خروج 

ادم/اه انا عملت كدا اول ما صحيت

حمزه/ماشي يلا بينا 

وحمزه وكرم اخدو ليليان ونزلو

ادم /جاهزه ؟

احلام هزت راسها ب اه 

احلام/ايوا بس حاسه ان انا مش هقدر امشي 

ادم/مين قال اصلا انك هتمشي 

وشال احلام من ع السرير واحلام  ابتسمت وحاوطت رقبته ب دراعها 

احلام بصتله ف عينه/كان نفسي اقولك ع كدا بقي اتعب كل يوم علشان تدلعني ب الطريقه الحلوه دي بس انت كدا كدا بتدلعني ف كل الأوقات سواء تعبانه او لاء 

ادم ابتسم وبص ف عينها/بعد الشر عليكي من اي تعب ..انا عايش علشانك ...علشان ادلعك وبس 

احلام ابتسمت وادم باس راسها وطلعو من الاوضه 

في فيلا فراس 

روان لبست ونزلت الصالون وهي بتتصل ب فراس تستأذنه تروح ل احلام القصر تتطمن عليها 

الموبايل بيرن  بس فراس مبيردش 

بنت ردت /الو 

روان/الو ...حضرتك مين ..وفراس فين

البنت بابتسامه/انا رنا وانتي  مين بقي

روان بغيظ وغيره /اديني فراس بعد اذنك

رنا/ما اقوله مين يعني مش فاهمه

روان بغضب وغيره/مراته ي حبيبتي..مراته 

رنا/معقوله. هو فراس اتجوز 

روان بغيظ وغيره قفلت المكالمه/فراس كمان ..بتقوله فراس عادي كدا ...يعني بتكدب عليا وبتقول انك ف الشغل ي فراس وانت الله اعلم مع مين 

بعد دقيقتين فراس رن 

فراس/الو

روان ردت بغضب /هو انت كنت فين ..ومين ال ردت عليا دي 

فراس/فيه ايه ..كنت ف ميتنج ولسه خارج وكنت ناسي الموبايل ف المكتب 

روان بعصبيه/والله ..ونا هبله بقي اصدق 

فراس بغضب/روان صوتك ميعلاش ..ونا هكدب عليكي ليه ما انتي عارفه اني ف الشغل 

روان /تمام انا اصلا مش فارق معايا انت فين ..انا بس كنت متصله اقولك اني رايحه ل القصر ل احلام 

فراس/طب استني ربع ساعه هطلع من الشركه واجي اخدك اوصلك 

روان بغضب/لاء انا هروح دلوقتي ولوحدي 

فراس بعصبيه/ روان ..اتعدلي وانتي بتتكلمي معايا واصبري ارجع من الزفت الشركه واجي اخدك..وأم صوتك دا ميعلاش قدامي تاني انتي فاهمه

روان بغضب /انا مش مضطره اسمع كلامك انا مجرد واحده اتغصبت ع الجواز منك مؤقتا وبعدها كل واحد هيروح ل حاله .

فراس /

روان أستوعبت هي قالت ايه وقت عصبيتها بس هي هتموت من غيرتها عليه بسبب البنت  ال ردت مكان فراس ومش مدركه هي بتقول ايه

روان/ا

فراس قفل المكالمه بغضب 

في شركه مالك 

مالك قاعد ف مكتبه وقدامه ملف وبيشتغل 

الباب خبط و جنات دخلت ومعاها فنجان قهوه 

جنات/جبتلك القهوه بتاعتك 

مالك بصلها/متشكر ..حطيها هنا 

جنات حطت القهوه ع المكتب 

جنات/هي احلام عامله ايه دلوقتي 

مالك/الحمد لله احسن بكتير..وهتروح بيتها النهارده ان شاءالله 

جنات ابتسمت/طب الحمد لله ..انا عايزه اشوفها واطمن عليها ب نفسي ينفع؟ 

مالك /والله انا معنديش مشكله بس هتسيبي الشغل ازاي وتروحي قدامك شغل قد كدا 

جنات/منا واقفه قدام المدير اهو اسمحلي اخرج من الشغل بدري النهارده بس اروح اطمن عليها 

مالك وهو بيشرب القهوه /للاسف مينفعش ..مصلحه الشركه اهم  من حياتك الشخصيه .خلصي شغلك وروحي 

جنات بغيظ/هو مش كفايه معرفتش اروح ازورها ال ٣ ايام ال فاتو بسبب ال 60 الف حاجه ال بتطلبها مني ..لاء وكمان اي موظف مش قادر يكمل شغله بتقوله خلي جنات تعمله مكانك .انا اخر واحده بروح بيتنا ف الشركه هنا...هو انا ايه شغاله عندك

مالك بصلها 

جنات/احم..هو اه انا شغاله فعلا عندك ف الشركه بس مش كدا يعني ي مالك انا بقالي ايام مبنامش 

مالك/مالك بيه ..انا مبلعبش معاكي ف الشارع.. ولو مش عاجبك تقدري تسيبي الشغل

 جنات بصتله بغيظ/لاء عاجبني.. ي مالك بيه ...انا اصلا بعشق اتمرمط ف الشغل..عن اذنك

 

مالك سند ضهره ومسك فنجان القهوه وبيشرب 

مالك/انا قلت لك امشي؟

جنات هتولع من الغيظ 

جنات/لاء حضرتك مقلتش بس انت خلصت كلامك ف المفروض امشي

مالك  موبايله رن وكانت مامت جنات 

مالك/طب اتفضلي امشي 

جنات /احم ..اشمعنا دلوقتي امشي يعني مين ال بيتصل

مالك بصلها

جنات بغييره/ احم ..مقصدش اتدخل يعني بس كنت بشوف مين دي ال بتتصل اقصد مين دا 

مالك/تقدري تتفضلي تشوفي شغلك 

جنات بغيظ/اوك عن اذنك

وطلعت برا المكتب بغضب

مالك رد /الو 

ام جنات ابتسمت/ازيك ي ابني 

مالك ابتسم/انا الحمد لله كويس حضرتك عامله ايه .

ام جنات/انا الحمد لله زي الفل ..ممكن اطلب منك طلب 

مالك/دا سوال ؟طبعا حضرتك انا تحت امرك 

ام جنات ابتسمت/تسلملي ي ابن الأصول..انا عيزاك تيجي البيت شويه اتكلم معاك..بس بالله عليك اوعي تقول ل جنات حاجه..انا متصله بيك من غير ما تعرف

ضهرا

في فيلا فراس في الصالون 

روان قاعده ع الكنبه بترن ع فراس بس فراس مبيردش 

روان اتنهدت 

فراس رن عليها وروان ردت بسرعه 

روان/فراس ا

فراس/انا قدام البيت مستنيكي 

وقفل المكالمه

روان اتنهدت وقامت وخدت شنطتها وطلعت برا البيت 

وطلعت برا الفيلا وفراس كان قاعد ف العربيه  قدام البيت 

روان ركبت العربيه 

روان/فراس انا اسفه ..انا

فراس/مش عايز اسمع حاجه

وبدأ يسوق العربيه ويركز ف الطريق وروان اتنهدت بزعل متضايقه اوي من نفسها انها زعلته

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا