رواية ليالي الغول اقتباس من الفصل الأخير بقلم لوجي احمد

 

روايه الجميله و الوحش الفصل السادس وعشرون والسابع وعشرون والثامن وعشرون والتاسع وعشرون والثلاثون  بقلم نونا كامله 

روايه الجميله و الوحش الفصل السادس وعشرون والسابع وعشرون والثامن وعشرون والتاسع وعشرون والثلاثون  بقلم نونا كامله 

البارت ال سادس والعشرين 

عصرا ف القصر 

في اوضه ادم واحلام

احلام نايمه ع السرير و ادم بيعدل لها المخده ورا ضهرها و كرم و حمزه و ليليان واقفين

ادم/مرتاحه كدا 

احلام/ايوا  

ليليان راحت حضنت احلام واحلام حضنتها ب ابتسامه 

ليليان/انتي لسه تعبانه؟

احلام ابتسمت/لاء انا بقيت كويسه بعد الحضن دا 

خلاص ..تعالي اقعدي جمبي 

ليليان ابتسمت وطلعت قعدت جمبها واحلام خدتها ف حضنها

حمزه ابتسم 

كرم /عايزك تاخدي بالك من ادويتك ومن اكلك ي حبيبتي..انتي مهما كان لسه مخفتيش خالص ولسه تعبانه 

حمزه/ايوا عملنالك ال انتي عيزاه اهو ومرضناش نخليكي تباتي ف المستشفى اكتر من كدا 

احلام ابتسمت/حاضر متقلقوش 

كرم/يلا احنا هنسيبك ترتاحي وهنستأذن 

ليليان/لاء انا عايزه افضل مع احلام شويه كمان 

ادم/انا قلت لهم يجهزو لكم اوض تنامو فيها ..باتو هنا علشان تبقو جمب احلام وتطمنو عليها

ليليان بفرحه/ايوا ي بابا انا عايزه ابات هنا جمب احلام 

احلام ابتسمت وباست خدها 

كرم ابتسم/ماشي ي ابني كتر خيرك

حمزه/انا عن نفسي مش هقول لاء وعايز افضل جمبها 

وباس راس احلام واحلام ابتسمت 

ادم بص ل حمزه 

حمزه/والله العظيم اختيييي

ادم/طب ابعد علشان مزعلكش 

احلام ضحكت

حمزه بص ل احلام/دا انتي ربنا يكون ف عونك 

ادم/بتقول حاجه

حمزه بصله/لا ي جوز اختي ي حبيب قلبي بتطمن عليها بس

وبعد عن احلام

كرم ضحك واحلام ابتسمت 

في شركه مالك عصرا

مالك طلع من مكتبه ورايح بتجاه الاسانسير 

جنات لما شافته ماشي راحت وراه بسرعه 

جنات/هو انت رايح فين في ميتينج مهم لازم تحضره ..اقصد حضرتك رايح فين

مالك وقف وجنات وقفت

مالك/الغي الميتنج 

وكان هيمشي تاني جنات وقفت قصاده بسرعه

جنات بغيره/يعني ايه الحاجه المهمه ال انت لغيت الميتنج علشانها دي .رايح تقابل ال اتصلت بيك جوه طبعا 

مالك/وانتي مالك مش فاهم 

جنات/احم يعني عادي بسألك علشان سايب الشغل وكدا

مالك /ايوا مظبوط رايح اقابل ال بنت ال اتصلت بيا من شويه ..يلا كملي شغلك 

وركب الاسانسير 

جنات بغيظ وغيره/والله .وبيقولها ف وشي ب كل بجاحه

وركبت الاسانسير معاه بسرعه قبل ما يقفل

جنات بغيره /رايح تقابل مين بقي ممكن افهم 

والاسانسير قفل 

مالك قرب من جنات وجنات رجعت ل ورا بتوتر وخبطت ف مرايا الاسانسير 

مالك باصص ف عينها وجنات بصت ف عيونه وسرحت ف نظراته 

مالك /وانتي بقي مهتمه تعرفي هي مين ليه 

جنات وهي سرحانه/ها

ملك ابتسم

جنات بلعت ريقها بتوتر

جنات /ا انا ..انا مش مهتمه انا بسأل علشان الشغل

مالك رجع خصله من شعرها ورا ودنها وجنات دابت من نظراته وقلبها بيدق بقوه

مالك/يعني مش بتسألي علشان غيرانه

جنات/ل لاء ..ا انا مش غيرانه 

مالك وهو باصص ف عيونها/طيب هقولهالك ل المره الاخيره  

وقرب منها اكتر 

مالك/خليكي ف حالك 

وداس ع زرار النزول 

وبعد عنها وبص قدامه 

جنات رجعت ل وعيها 

جنات/احم ..ع فكره يعني انا مش مهتمه ولا حاجه انا كل ال هاممني الميتينج ال اتلغي يعني مش اكتر 

مالك ابتسم/ايوا طبعا انا عارف 

والاسانسير وصل ومالك طلع من الاسانسير وطلع برا الشركه

جنات ابتسمت لما افتكرت انه كان قريب منها من شويه

جنات ابتسمت/يخربيت جمالك وجمال عيونك 

وقالت بغيظ/لازم اعرف برضو هو رايح يقابل مين

عند فراس وروان 

فراس وقف ب العربيه قدام القصر من غير ولا كلمه مع روان

 

فراس وهو باصص قدامه/انزلي ...ونا هتكلم شويه مع ادم وهرجع الشركه 

روان/طيب ممكن نتكلم بس ..انا ا

فراس /انا مش عايز اتكلم ..اتفضلي انزلي

روان هزت راسها ب موافقه ونزلت من العربيه ودخلت القصر 

و فراس نزل من العربيه 

روان دخلت  القصر 

كرم وحمزه وليليان بيرتاحو ف اوضتهم وطارق قاعد ف الصالون

روان ابتسمت/بابا حبيبي 

طارق بابتسامه/روح قلب ابوكي 

روان بابتسامه راحت حضنته 

طارق/عامله ايه ي روح قلبي 

روان ابتسمت/انا الحمد لله كويسه 

وطلعت من حضنه

طارق/امال فين جوزك 

روان/جاي ورايا اهو ..انا هطلع اطمن ع احلام 

طارق/ماشي ي حبيبتي 

وطلعت فوق

في غرفه احلام 

احلام نايمه ع السرير وادم بيعطيها الدوا 

احلام اخدت الدوا وشربت شويه  مايه وآدم اخد الكوبايه منها وحطها مكانها 

احلام/انت هترجع الشغل امتي ..بقالك اسبوع   سايب الشركه ..انا بقيت كويسه خلاص والله تقدر تروح 

ادم/تولع الشركه ..مش هتحرك من جمبك لحد ما اتأكد انك بقيتي كويسه خلاص 

احلام ابتسمت/هات بوسه 

ادم ابتسم وقرب منها واحلام باست خده وآدم باس خدها ورقبتها 

الباب خبط وآدم بعد عنها 

ادم/ادخل 

روان دخلت 

روان بابتسامه/حمد لله ع سلامه القمر..نورتي بيتك تاني 

احلام ابتسمت/الله يسلمك ي روح قلبي 

وروان راحت حضنتها وسلمت عليها 

روان/انتي احسن دلوقتي 

احلام ابتسمت/اه الحمد لله 

روان ابتسمت/الحمد لله 

وسلمت ادم 

ادم سلم عليها/فراس جه معاكي 

روان/ايوا ومستنيك تحت 

ادم ل احلام/ هنزل له 

احلام/اوكي 

وآدم طلع من الغرفه و روان قعدت ع طرف السرير جمب احلام 

بعد تلت ساعه 

تحت ف الصالون 

ادم بيتكلم مع رضا ف جمب 

وفراس قاعد مع طارق بيتكلمو 

روان نزلت من غرفه احلام وراحت لهم 

روان ل فراس/ينفع ابات مع احلام النهارده؟ 

فراس هز راسه ب موافقه 

فراس/هعدي عليكي بعد الشغل بكره اخدك 

وقام 

فراس/عن اذنك انا همشي ي عمي 

طارق/لاء تمشي فين ..انت هتبات هنا مع مراتك ف اوضتها وبعدين بكره تاخدها وترجعو بيتكم 

فراس/بس ا

طارق/مفيش بس ي فراس اسمع الكلام 

فراس اتنهد/ماشي 

وروان ابتسمت 

في بيت جنات 

 مالك قاعد ف الصالون و ام جنات طلعت من المضبخ بابتسامه وهي ف ايدها صينيه فيها فنجان قهوه وكيك

مالك قام بسرعه اخد منها الصينيه 

مالك/حضرتك تعبتي نفسك ليه 

وحط الصينيه ع الطربيزه 

ام جنات ابتسمت/تعبك راحه ي حبيبي ..عملت لك الكيك ال انت بتحبها اول ما وافقت تيجي تقابلني ع طول

مالك ابتسم/تسلم ايدك مكنتش عايز اتعبك والله 

ام جنات/ولا ايه تعب والله ..اتفضل اقعد 

وقعدو 

ام جنات/جنات متعرفش ان انا كلمتك اصلا ولا طلبت منك تيجي..بس انا في كلمتين لازم اقولهوملك 

مالك/طبعا اتفضلي 

ام جنات/ والله العظيم ي ابني جنات مبتحبش حد قدك 

.. ابو جنات ميت من سنين كتيره  .. ومعرفتش اجيب ل جنات اخ يسندها ف الدنيا دي  بدل ما هي تعبانه ف الدنيا كدا لوحدها ..اضطرت تشتغل من وهي ف ثانوي  والله ..علشان تصرف ع نفسها و عليا و ع ادويتي..لان انا مفياش صحه اشتغل .يدوب بس معايا المعاش بتاع ابوها الله يرحمه ..ف هي ال بتصرف ع البيت دا من وهي عيله ١٥ سنه ..ياما شافت والشغل بيعلم اي حد ..هي تبان قويه وعنيده ومش هاممها حد بس هي العكس خالص والله ..هي بس بتبين كدا علشان تعرف تسلك ف الدنيا دي .دي اغلب من الغلب ..وغولبها دا وقعها مع الزفت ال اسمه صقراوي دا ..هو احنا قد الناس دي؟ولا احنا قدهم ولا نعرف نقف ف وشهم ..طلبو منها تقرب منك وتخليك تثق فيها وف الآخر تبعد ..انا وقتها كنت بموت ومحتاجه عمليه ..هي ملقتش حل تاني غير انها توافق ..تلاقيها قالت ل نفسها هو انا مش هأذي حد انا بس هاخد الفلوس اعالج امي وهمشي ...بس هي أذتك غصب عنها انا فاهمه ..وهي كمان اتأذت مش انت بس ..حبتك غصب عنها وهي بتمثل ...انت عارف ان من وقت ما انت عرفت الحقيقه وهي كانت ولا بتاكل ولا بتشرب ولا بتنام ..بتعيط بس ..لما رجعت الشركه تاني هديت شويه عن الأول ..بس برضو بسمعها بتعيط كل يوم بليل ..هي عملت كل دا من قلة حيلتها ..هي متعرفش تعيش ف الدنيا دي لوحدها لو انا حصلي حاجه هي مش هتعرف تعيش لوحدها بنتي ونا عرفاها ..هي ملهاش ف الدنيا دي غيري انا وانت ..متسبهاش لوحدها ي ابني ...هي ملهاش اي سند ف الدنيا دي غيرك

مالك/الف بعد الشر عليكي .ربنا يديمك ليها ديما

ام جنات ابتسمت/تسلم ي ابن الأصول..انا عارفه ان انت بتحبها وعايزها جمبك طول العمر . والا مكنتش كلمتك تيجي هنا 

مالك/محبتش ف حياتي قدها ولا هحب .. الوحيده ال حبيتها ووثقت فيها  وهي زي الهبله مفكراني مش مصدقها وبتحاول تخليني اصدقها وأصدق انها عملت كل دا غصب عنها ..والمشكله ان انا مصدقها ..بس مش قادر انسي واسامحها بعد ال عملته ..مش ب السهوله دي هعرف اسامح وانسي واثق فيها من تاني وجوايا ٦٠ الف سوال 

 ليه مجتش تحكيلي كل دا من البدايه؟ انا كنت هعمل المستحيل علشان اساعدها وحضرتك تقومي ب السلامه ..ليه مجتش صارحتني لما لقتني زي العبيط بحبها وبثق فيها ومش شايف غيرها 

ام جنات/علشان هبله زي ما انت قلت..لو كانت قالت لك مكناش وصلنا ل كدا ..هي خافت تقولك تخسرك وتبعد عنها ..ف نفس الوقت الصقراوي دا كان بيهددها ع طول الله يجحمه..

 جنات لو عرفت اني قلت لك كل الكلام دا هتزعل مني وتفتكر اني بجبرك عليها ..بس انا واثقه انك لسه بتحبها..جنات مش كويسه من غيرك اوعي تسيبها 

مالك /متقلقيش..انا مقدرش اعيش من غيرها اصلا..الشويه ال بعدت عني فيهم وسابت الشغل انا ولا كنت بركز ف شغل ولا ف اي حاجه ..زعلان منها و فنفس الوقت مش عايزها تبعد عني ..بقولها تبعد من حياتي وعارف انها لو بعدت انا هتدمر ..مش عارف اعمل ايه 

جنات ابتسمت/انا اقولك تعمل ايه..خليها جمبك..علمها الادب زي ما هي بترجع من الشغل متعصبه وبتحكيلي.. لحد ما تقدر تسامحها وترجع تثق فيها تاني بس اهم حاجه خليها جمبك متسبهاش .انا اول مره اكون متطمنه  ع بنتي كدا.  مع راجل بجد ..يعني اقدر اموت ونا مرتاحه ومش خايفه عليها 

مالك مسك ايدها/بعد الشر عليكي متقوليش كدا..ربنا يخليكي لينا ..انا من زمان متكلمتش مع حد ونا مرتاح كدا ..اكني بتكلم مع امي الله يرحمها 

ام جنات ابتسمت/انا زي امك طبعا ..ف اي وقت تحتاج تتكلم معايا فيه تعالي ..وملكش دعوه ب البت جنات دي . انتي ابني زيك زيها 

مالك ابتسم 

في القصر ف غرفه ادم واحلام 

احلام اخدت شاور وقاعده ع الكرسي أمام التسريحه وآدم بيسرح لها شعرها براحه 

ادم/حاسه بوجع

احلام ابتسمت /لاء متقلقش 

ادم باس راسها و هحط المشط ع التسريحه مكانه 

ادم/استني هجبلك الدوا بتاعك 

احلام/اوك

ادم راح جاب الدوا وكوبايه مايه من ع الكومودينو 

وراح ل احلام 

احلام اخدت الدوا 

والباب خبط وآدم راح فتح 

وكانت الخادمه ومعاها شنطه هدايا كبيره

الخادمه/الحاجات ال حضرتك طلبتها من رضا  

ادم اخدهم منها والخادمه مشيت وآدم قفل الباب وراح ل احلام

احلام ابتسمت/ايه دا .دا علشاني 

ادم ابتسم /علشانك طبعا 

وطلع من الشنطه علبه واعطاها ل احلام 

احلام فتحتها ب بابتسامه وكانت سلسله الماظ مزخرف عليها اسم احلام ب الانجلش

احلام بابتسامه/ادم دي حلوه اوي اوي

ادم ابتسم/عجبتك بجد 

احلام ابتسمت/دي تحفه 

وقامت حضنت ادم وآدم ابتسم وحضنها بقوه وباس راسها ورقبتها

ادم/استني لسه فيه تاني 

احلام باستغراب طلعت من حضنه

احلام ابتسمت/فيه تاني فين 

ادم أعطاها كيس الهدايا ال معاها واحلام بصت فيه

 وكان جوه الكيس علب مجوهرات كتيره 

احلام ابتسمت/بتهزر ..انا مش مصدقه ..كل دا علشاني 

ادم /كل دا مش من مقامك ..انتي تستاهلي اجبلك الدنيا كلها 

احلام ابتسمت وبصلت له بحب  ودمعت 

ادم مسك وشها ب ايدها ومسح لها دموعها 

ادم/لاء ..انا جايبهم علشان اشوف ضحكتك ال انا مبقدرش اعيش من غيرها ..مش علشان تعيطي

احلام ابتسمت وادم حضنها واحلام حضنته بقوه  

احلام ابتسمت /انت ال مختارهم 

ادم/ايوا قعدت اختارهم ع الموبايل واشوف ايه الحاجات ال زوقك وطلبتها 

وطلعها من حضنه وباس راسها وخدها 

احلام بابتسامه/استني اشوف ع الباقي

ادم ابتسم/شوفي 

واحلام بدأت تفتح علب المجوهرات تشوفهم واحده ب واحده 

وكان موجود سلسله تانيه الماظ  وعلبه تانيه فيها انسيال .وعلبه فيها سلسله وعلبه فيها حلق وعلبه فيها انسيال تاني و علبه فيها سلسله وعلبه فيها انسيال تاني وكلهم الماظ .. واحلام كل مره كانت بتنبهر ب حلاوتهم وآدم كان واقف مبتسم ومبسوط من فرحتها 

احلام بابتسامه/دا كتير اوي ي آدم...وحلوين اوي اوي

ادم حاوط وسطها ب ايده بتملك وقربها منه 

ادم وهو باصص ف عنيها 

ادم/مفيش اي حاجه ف الدنيا تكتر عليكي ..لو أطول اجبلك الدنيا كلها هعمل كدا 

احلام ابتسمت بحب وبصت ف عينه/انا بحبك اوي اوي

 

ادم باس شفايفها/ونا مقدرش اعيش من غيرك 

احلام حضنته  وآدم حضنها بقوه وباس راسها 

احلام ابتسمت وطلعت من حضنه

احلام بابتسامه/يلا خد لبسني ال عليها اسمي..مش هخلعها من رقبتي خالص 

ادم ابتسم/هاتي 

واخد السلسله واحلام اعطته ضهرها وجابت شعرها ع جمب  وآدم لبسها السلسله وباس رقبتها وكتفها  

تحت ف الصالون 

كرم و طارق قاعدين بيتكلمو  وماسكين جرنال

و حمزه وفراس قاعدين بيتكلمو ف الصالون التاني المقفول 

عند كرم وطارق 

الخادمه حطت قدامهم الشاي 

طارق/والله الدنيا اتغيرت خالص عن زمان ف كل حاجه مش ف الاسعار ولا ف الجواز بس 

كرم اتنهد/معاك حق والله  

عند حمزه و فراس 

فراس/ما تيجي يعم تشتغل معايا انا وادم ف الشركه بدل ما انت ف الشركه ال مطلعه عينك دي

حمزه/ادم عرض عليا كذا مره اصلا بس لالا يعم سبني ف الشركه ال مطلعه عيني احسن بدل ما نبقي انا وجوز  اختي ف شغل واحد..مش هنسلك سوا

فراس ضحك/والله معاك حق 

حمزه موبايله رن 

حمزه/هرد وارجعلك

فراس/ماشي

وحمزه طلع من الصالون يرد ع التليفون 

روان دخلت الصالون و ف ايدها فنجان قهوه 

روان/احم ...عملت لك قهوه ب الطريقه ال بتحبها علشان الخادمين جوه مش هيعرفو يعملوها زي ما انت عايزها

فراس من غير ما يبصلها /متشكر مش عايز 

روان حطت القهوه ع الطربيزه وقعدت جمب فراس وقربت منه 

روان/انا اسفه ي فراس والله ما هقول كدا تاني ..متزعلش مني علشان خاطري

فراس/بتعتزري ليه انتي مقولتيش حاجه غلط ..انتي قلتي الحقيقه.. انك مغصوبه ع الجواز مني 

روان بحزن/انا اسفه ...انا مقصدتش اقول كدا والله ..انا بس لما رنيت عليك و ا 

فراس/روان ..انا مش عايز اتكلم ف اي مواضيع.. ولا اسمع حاجه

روان اتنهدت بحزن ومتضايقه من نفسها انها زعلته 

فراس موبايله رن وكان من الشركه 

فراس /الو ..ايوا ..بكره نتكلم ف الحوار دا لما اجي الشركه....اه

روان قربت من فراس وباست خده وفراس كان بيتكلم ف التليفون وفجأه سكت ومش مصدق نفسه  وبصلها ف عينها 

الموظف/فراس بيه

فراس/

الموظف/فراس بيه حضرتك معايا

فراس انتبه/ايه ..اه ايوا ايوا معاك 

روان ابتسمت وطلعت برا الصالون وفراس ابتسم وحط ايده ع خده مكان البوسه ومسك القهوه ال عملتها ب ايدها بابتسامه وبدأ يشربها 

المغرب 

في شركه مالك 

مالك دخل الشركه وطلع ب الاسانسير الدور بتاعه 

وبص ع مكتب جنات لقاه فاضي 

مالك دخل مكتبه لقي جنات قاعده ع الكرسي ع المكتب ونايمه بتعب وهي حاضنه ملف 

مالك ابتسم وقرب منها وملس ع شعرها براحه ورجع خصله من شعرها ورا ودنها وقعد ع الكرسي ال قصادها 

جنات بدأت تصحي 

جنات/مالك 

ومسحت وشها ب ايدها 

جنات/انا كنت جايه اجبلك الملف ال قلتي دوري عليه ف الأرشيف..قعدت ساعه ادور عليه..ف نمت ب الغلط شكلي

مالك/بتلمحي ان انتي تعبانه ف الشغل بسببي ومبتناميش يعني

جنات/لاء انا مبلمحش انا بقولهالك صريحة ..انا فعلا من وقت ما رجعت الشغل وانت مش طايقني وبتخليني اعمل ٦٠٠ الف حاجه 

مالك/خلاص سيبي الشغل 

جنات بغيظ/لاء برضو مش هسيبه..عيند فيك مش اكتر

مالك/خلاص انتي حره ..كله ف الاول وف الاخر قرارك 

جنات/احم .. ايوا قراري ونا هخاف ولا ايه

مالك/لاء ل سمح الله 

جنات بغيظ /ايوا اتريق اتريق..ما انت راجع من برا رايق شكلك

مالك ابتسم/ايوا دي حقيقه 

جنات بغيره/طب ينفع اعرف انت كنت فين كل دا وسايب الشغل ..ايه الحاجه ال مهمه للدرجه دي يعني تسيب الشغل علشانها 

مالك شد الكرسي ال هي قاعده عليه وقربها منه وجنات قلبها دق بسرعه و باصه له ف عينه 

مالك باصص لها ف عينها/وانتي مش هتبطلي غيره بقي ولا ايه 

جنات/ا انا ..انا مبغرش 

مالك/فعلا ..يعني انتي مبتغيريش يعني 

جنات/احم اه ..خالص ع فكره 

مالك/طب كويس والله ريحتي قلبي ..علشان بس لما واحده تدخل حياتي او ارتبط متبقيش متضايقه 

جنات  بصدمه/نعم ي حبيبي

مالك ابتسم 

جنات بتوتر/مقصدتش بعني .. احم اقصد نعم يعني اه ..تقدر ترتبط يعني انا مش متضايقه 

مالك/ماشي ..قريب ان شاءالله 

جنات بغيره/وممكن اعرف مين يعني سعيده الحظ ولا مش ممكن 

مالك /مش ممكن 

جنات بغيظ وغيره قربت منه /اصلا مش عايزه اعرف. تتهنو ب بعض 

وبعدت عنه  وحطت الملف ع الطربيزه بغضبو

وقامت وطلعت من المكتب بغيظ ومالك ابتسم 

وقام وطلع من المكتب 

لقي جنات كانت بتلم حاجتها ف شنطتها وماشيه 

مالك/ع فين كدا 

جنات/حضرتك ملكش دعوه 

مالك/لاء ليا ..انتي لسه مخلصتيش شغلك 

جنات/لاء خلصت ..مضطره امشي دلوقتي علشان هروح اشوف احلام 

مالك/طب تعالي انا هوصلك 

جنات/لاء متشكره انا هاخد تاكسي

وكانت هتمشي مالك وقفها 

مالك/قلت لك انا هوصلك 

جنات بصتله ب غيظ/ونا قلت هطلب تاكسي 

وكانت هتمشي مالك مسكها من دراعها وقفها وقربها منه بغضب

مالك/تسمعي الكلام من سكات ولما اقول الحاجه تقولي حاضر 

جنات بغيظ/والله ..ودا بصفتك ايه ان شاءالله..لاء ي حبيبي روح اتحكم ف حبيبتك احسن انت ملكش كلمه عليا 

مالك/قدامي ع العربيه

وساب دراعها 

جنات/

مالك بغضب/يلا ي جنات متخلنيش اعلي صوتي ف ام الشركه  

جنات اتنهدت بغضب وراحت ركبت الاسانسير ومالك راح وراها

المغرب في القصر 

في الصالون كرم و طارق وادم وحمزه و فراس قاعدين ف الصالون بيتكلمو 

والخدم بيجهزو الغدا ف المضبخ 

فجأه دخل  مالك وجنات 

مالك /السلام عليكم 

الكل/وعليكم السلام 

طارق ابتسم/اهلا بيكي ي بنتي

جنات ابتسمت/اهلا ب حضرتك ..انا كنت جايه اطمن ع احلام

طارق بابتسامه/تشرفي وتنوري ف اي وقت

روان طلعت من المضبخ بابتسامه وراحت تسلم ع جنات وجنات سلمت عليها ب ابتسامه

روان/تعالي احلام مع مريم فوق ..تعالي نطلع لها 

جنات بصت ل مالك 

مالك هز لها راسه ب معني روحي

جنات ابتسمت/اوكي..عن اذنكم

طارق و كرم/اتفضلي

وروان اخدت جنات وطلعو 

ادم قام

ادم ل مالك/تعالي عايزك

وراح الصالون التاني

ومالك راح وراه

ادم/ايه دا

مالك/ايه

ادم/مش دي البنت ال اتفقت مع زفت الصقراوي ضدك ..بتعملو ايه سوا 

مالك/مش عارف ابعد عنها 

ادم بغضب/دي  خانتك وخانت ثقتك ي ابني

مالك /عارف ..انا مقولتش اني سامحتها.. انا قولت انها بتوحشني ومش عارف ابعد عنها

ادم/تعالي 

وخده ف حضنه وحضنه بقوه ومالك ابتسم وحضنه بقوه

ادم /انا معاك ف اي قرار  هتاخده ..عايز تتجوزها من بكره انا ف ضهرك ..مع اني عمري ما احب تبقي مع واحده تكسر قلبك لانك تستاهل احسن حد ف الدنيا..بس طالما انت عايزها يبقي خلاص ..اهم حاجه تبقي مبسوط ومرتام 

مالك ابتسم /ربنا يخليك ليا وتبقي ف ضهري ديما

 

ادم طلعه من حضنه/طبعا هبقي ف ضهرك دا انتي ابني مش اخويا ي متخلف 

مالك ابتسم 

في غرفه احلام

احلام نايمه ع السرير و ليليان جمبها ع السرير و مريم كانت بتساعدها تاخد الدوا 

احلام اخدت الدوا 

ومريم قعدت ع طرف السرير جمبها 

مريم ابتسمت/عامله ايه دلوقتي 

احلام اتنهدت /جوايا ١٠٠ شعور مختلفين عن بعض ..بس الشعور الوحيد ال مسيطر عليا ان انا مقهوره اني خسرت ابني ..انا كل يوم كنت بحلم ب اليوم ال هخلفه فيه.

مريم بحزن مسكت ايدها 

احلام ابتسمت/بس ادم بوجوده جمبي مبيخلنيش افكر ف اي حاجه.. وطول ما هو جمبي انا هعدي ب اي حاجه .وانتو كمان طول ما انتو جمبي انا مبسوطه 

مريم ابتسمت وحضنتها 

مريم/ان شاءالله ربنا هيعوضك خير قريب ..بكره تقولي مريم قالت ..مفيش أجمل من قلبك ولا حنيتك وتستاهلي كل حاجه حلوه

احلام ابتسمت/يارب 

ليليان بابتسامه/انا كمان عايزه حضن 

احلام /دا انتي تاخدي اكبر حضن

مريم ابتسمت

واحلام حضنت ليليان بابتسامه وباست راسها وليليان  ابتسمت

الباب خبط 

احلام/ادخل

روان و جنات دخلو الاوضه 

احلام ابتسمت/اهلاا تعالي 

جنات بابتسامه/حمد لله ع سلامتك ي احلام ..الف سلامه 

احلام ابتسمت/الله يسلمك 

وجنات سلمت ع احلام 

احلام/دي مريم صحبتي 

جنات سلمت عليها بابتسامه/ايوا طبعا عرفاها اتعرفت عليها ف عيد الميلاد

مريم ابتسمت/ايوا 

جنات قعدت ع طرف السرير جمب احلام/انتي عامله ايه دلوقتي 

احلام ابتسمت /الحمد لله احسن 

بعد شويه في الصالون  

الخدمات بيحطو الاكل ع السفرا 

مريم اخدت شنطتها وراحت ل حمزه 

مريم/انا همشي 

حمزه قام/تعالي هوصلك 

طارق/لاء تمشي تروحي فين انتي هتتغدي معانا هنا

مريم ابتسمت/معلش ي اونكل خليها مره تانيه 

طارق/لالا مش هسيبك تمشي والله هنقعد نتغدي سوا كلنا هنا بعدين حمزه يوصلك 

حمزه/خليكي ي حبيبتي ونا بعد الغذا هوصلك 

مريم/اوكي 

و جنات نزلت من غرفه احلام وليليان نزلت بعدها وآدم قام وطلع الاوضه ل احلام 

جنات راحت ل مالك ومالك قام 

جنات/عن اذنك ي اونكل انا همشي...حضرتك عايز حاجه

طارق/لاء ع فين انتي كمان..هنتغدي كلنا سوا هنا الاول 

جنات/لاء معلش مش هقدر والله

طارق/مفيش حاجه اسمها مش هقدر.  ما تقول حاجه ي مالك

مالك بصلها ف عينها/خليكي شويه

جنات ابتسمت/اوك

في غرفه احلام 

احلام قاعده ع السرير وسانده ضهرها وروان قاعده ع طرف السرير بتتكلم معاها 

روان ابتسمت/علشان كدا قلت لازم اتكلم معاكي ..انتي صحبتي الوحيده واختي ال اقدر اتكلم معاها ف اي حاجه من غير ما اخاف 

احلام ابتسمت/مبسوطه مع فراس يعني ..حبتيه

روان بابتسامه/مش عارفه احدد مشاعري ولا عارفه اسمي دا ايه ..بس انا مبسوطه..انا توقعت العكس يعني لما ادم قالي هتتجوزي فراس انا مخفتش علشان عارفه فراس من سنين وانا وهو صحاب وادم مبيأمنش عليا الا معاه ..و قولت هتجوزه زي ما ادم عايز لحد ما يهدي ونشوف هنعمل ايه بعدها ..حتي فراس قالي ال انتي عيزاه انا هعملهولك

تعرفي ان قالي [ انا عارف ان الوضع جديد وغريب عليكي ..يعني انتي طول عمرك انا كنت بالنسبه لك صاحبك واخوكي فجأه  بقيت جوزك دي حاجه مخوفاكي بس مش عايزك تخافي ابدا ...احنا هنفضل صحاب زي ما كنا بس الفرق الوحيد اننا عايشين ف بيت واحد ] هو في كدا ؟في حد متفهم كدا

احلام ابتسمت 

 روان /.يعني  من معامله فراس ليا وحنيته وخوفه عليا وشعوري ب الامان معاه فجأه غير جوايا حاجات من غير ما يقصد  .. غصب عني بقيت مبسوطه معاه

 واتنهدت

روان/بس برجع اقول بطلي هبل هو بس بيعاملك حلو علشان انتي اخت صاحب عمره وادم ال اجبره يتجوزك  

احلام ابتسمت 

نفسها تقول لها ان فراس بيحبها  من سنين بس مينفعش تقول طبعا

احلام ابتسمت / ي هبله..هو لو مجبر عليكي هيعاملك حلو ليه ..هيبقي حنين عليكي ليه ..هتنامو ف حضن بعض كل يوم ليه ...ممكن اضطر يتجوزك بس مش مضطر يعاملك حلو اوي كدا ..ولو اني يعني مش متأكده ان فراس مجبر يتجوزك 

روان/ازاي

احلام/يعني لو مكنش عايز يتجوزك كان لقي الف طريقه يرفض بيها .

روان ابتسمت/تفتكري 

احلام ابتسمت /بصي سيبي نفسك خالص متفكريش كتير ..يعني انا بحبه ولا لا هو يتري حبني ولا لا ..كل الكلام دا هيتعبك ع الفاضي..مع الوقت كل حاجه هتتحسن اكتر وهتقولي احلام قالت

روان اتنهدت/ماشي..هو اصلا زعلان مني من الصبح مش عايز يبصلي حتي 

احلام ابتسمت/ ايوا منا واخده بقالي انك من الاول اليوم متضايقه برضو اتركي زعلانه علشان هو زعلان منك..دا منظر واخده مش متأكده من مشاعرها

روان ابتسمت 

بعد تلت ساعه

في غرفه احلام

احلام نايمه ع السرير وسانده ضهرها وماسكه ايباد ادم وبتتفرج ع صور اطفال كانت منزله صورهم علشان لبسهم كان عاجبها و كانت عايزه تجيب ل البيبي لبس زيه 

ادم دخل الغرفه واحلام قفلت الايباد 

ادم/جعتي طبعا..قلت لهم يجهزولنا الاكل وهناكل انا وانتي سوا هنا

احلام ابتسمت/اوكي

ادم باس راسها

احلام/مريم وجنات مشيو 

ادم/لاء هيتغدو سوا كلهم تحت

احلام/اوك

ادم/كنتي بتعملي ايه كدا

وفتح الايباد وشاف صور الأطفال ال احلام بتتفرج عليهم 

ادم بص ب احلام 

احلام ابتسمت اخدت الايباد /مفيش ي حبيبي مكنتش بتفرج ع حاجه معينه  

ادم قعد ع طرف السرير جمبها

ومسك وشها ب ايده وباس راسها وخدها

 احلام ابتسمت 

ادم/ايه رايك بكره اخدك واخرجك تشمي هوا..بس مش هتمشي علشان متتعبيش هنخرج ب العربيه

احلام ابتسمت/بجد 

ادم/بجد ..وهجبلك كل ال نفسك فيه ..اي حاجه نفسك فيها شاوري عليها بس وتبقي عندك 

احلام ابتسمت وحضنته وادم ابتسم وباس راسها 

احلام/ بس انا مش جعانه 

ادم /هعمل نفسي مسمعتش حاجه 

احلام طلعت من حضنه 

احلام/انت اكلتني ف الفطار كتير اوي ..علشان خاطري قول لهم ميجهزوش الاكل 

ادم بيعدل لها شعرها /خاطرك غالي بس احنا اتفقنا اننا هنهتم ب اكلنا وب ادويتنا ..الموضوع دا مفهوش هزار 

احلام اتنهدت/ماشي 

ادم ابتسم وباس ايدها وقام علشان يقول لهم يجيبوا الاكل 

احلام/طب خلاص خليني انزل ونتعدي كلنا سوا تحت 

ادم /عايزه تاكلي معاهم تحت

احلام ابتسمت/اه 

ادم ابتسم/ماشي

احلام بابتسامه فتحت له دراعها علشان يشيلها 

ادم ابتسم وراح شالها واحلام حاوطت رقبته ب ايدها 

وادم باس راسها وكان هيطلع من الاوضه 

احلام/لاء استني 

ادم وقف/ايه

احلام بخجل /انا افتكرت ان بابا وحمزه تحت ومالك و فراس ..لاء خلاص انا هتكسف وانت نازل شايلني كدا

ادم/بس بيتهيألي هما عارفين انك مراتي..بيتهيألي يعني 

احلام ضحكت وادم ابتسم وباس راسها 

مساءا

تحت ف الصالون 

الكل قعد ع السفرا 

طارق ع راس السفرا و جمبه كرم وجمبه مريم وليليلن حمبها وحمزه جمب ليليان 

والناحيه التانيه  فراس وجمبه روان .وجمب روان مالك وجمبه جنات 

والخدم بيقدمو الاكل للقاعدين

 

روان بابتسامه ل ليليان/احطلك ف طبقك مكرونه ي لي لي

ليليان ابتسمت/ايوا انا بحبها 

روان بابتسامه/حاضر من عيوني

مريم ابتسمت 

طارق/السفرا ناقصها ادم واحلام 

كرم/اه والله ..ربنا يتمم شفاها ع خير يارب 

الكل/يارب

ادم نزل من فوق وهو شايل احلام 

ليليان بابتسامه/احلام جت اهي 

طارق ابتسم/كنا لسه بنجيب ف سيرتك

احلام/انا قلت اجي اكل معاكم

كرم ابتسم /تعالي ي حبيبه قلبي  

ادم قعدها ع الكرسي براحه جمب حمزه

حمزه حب يغيظ ادم 

حمزه ميل ع احلام /كدا كدا الاكل مكنش هيبقي ليه طعم من غيرك 

وباس خدها 

ادم بصله بغيظ

واحلام ابتسمت /حبيب قلب اختك

حمزه بخبث مسك  شعر احلام وشمه غيظا ف ادم

حمزه/الله ع الجمال 

ادم بغضب /لاء هتزودها هدب الشوكه دي ف زورك اضيعلك حاسه من الحواس والاكل هيبقي ملوش طعم فعلا

الكل ضحك 

حمزه ضحك/خلاص انا اسف

ادم قعد ع السفره جمب احلام 

طارق ابتسم/كلو يلا الف هنا 

والكل بدأ ياكل 

وادم بيحط الاكل ف طبق احلام وبيقطع لها الفراخ 

مالك بيحط اكل ف طبق جنات 

جنات ابتسمت/شكرا

مالك/ب الهنا والشفا 

روان بتحط ستيك ف طبق فراس 

فراس/شيليه مش هاكله

روان ابتسمت/زي القهوه ال قلت مش هشربها وشربتها من ايدي ف الاخر 

فراس /احم .مش انا ال شربتها ع فكره 

روان/ايوا ايوا مصدقاك ..وكلها يلا علشان لو مكلتهاش هقول ل ادم ال انت مزعلني وهو يتصرف معاك 

فراس بصلها/انا ال مزعلك برضو 

روان ابتسمت علشان لما فراس بيزعل بيتقمص زي الأطفال بالضبط 

والكل  بياكل وهما بيهزوا وبيتكلمو سوا

الجميله والوحش البارت السابع والعشرين 

اخر اليوم

احلام وآدم ف غرفتهم 

طارق دخل اوضته و كرم و ليليان دخلو اوضتهم يرتاحو وفراس وروان ل اوضتهم  و حمزه بيوصل مريم و مالك بيوصل جنات 

عند مالك وجنات 

مالك سايق العربيه وجنات جمبه وف طريقهم للبيت 

جنات ابتسمت/انا انبسطت اوي النهارده...عيلتك حلوه اوي وحبيتهم جدا

مالك ابتسم /وهما كمان حبوكي اوي..كدا كدا احلام وروان بيحبوكي من زمان يعني

 

جنات ابتسمت /ايوا احنا بقينا صحاب من زمان اصلا

مالك ابتسم وموبايله رن وكانت ام جنات 

مالك رد/الو ...ايوا ...لا متقلقيش والله قربنا نوصل اهو 

ام جنات ابتسمت/مش قلقانه والله علشان انا عارفه انها معاك  توصلو ب السلامه ي حبيبي 

مالك /الله يسلمك حضرتك 

وقفلو المكالمه

جنات/دي ماما! انتو بقي فيه كلام بينكم لدرجه مكالمات رايحه جايه

مالك/ايوا انتي غيرانه ولا ايه 

جنات/لا مش غيرانه بس بدأت اشك انها بتحبك اكتر مني 

مالك ابتسم

مالك وهو سايق/يعني ياريت سهره النهارده متخلكيش تتأخري ع الشغل بكره ..تيجي ٧  الصبح ف معادك 

جنات بصدمه/نعم؟ ٧ ليه اذا كان انت بتيجي الشركه ٩

مالك/لاء انا مديرك اجي ف المعاد ال يناسبني اما انتي تيجي  قبلي تشوفي المواعيد و تعمليلي القهوه..كدا يعني 

جنات بغيظ/مالك حرام عليك بجد الساعه ١٢ هصحي قبل الشغل بساعتين يعني هصحي ٥ الصبح ليه 

مالك/خلاص سيبي الشغل...محدش مانعك 

جنات بغيظ  /لاء مش هسيبه ..وهاجي ٧ الصبح عادي معنديش اي مشاكل

مالك/خلاص براحتك 

جنات بغضب ربعت ايدها بغيظ ومالك ابتسم

وموبايل جنات رن 

فتحت شنطتها وجابت الموبايل وكان موظف زميليها ف الشركه 

مالك بص ع موبايلها وكان مكتوب محمد 

مالك/مين محمد دا وبيتصل بيكي دلوقتي ليه ؟

جنات ابتسمت بخبث/انت مالك بقي ..يعني مديري بيتدخل ف موبايلي ليه مش فاهمه  

مالك وقف العربيه ع جمب بعد ما وصل بيت جنات بغضب وغيره وبيحاول يسيطر ع نفسه 

مالك /مين زفت محمد  دا برضو مش فاهم 

جنات ابتسمت /دا محمد ال ف الأرشيف عندنا ف الشركه

مالك بغضب وغييره/وبيتصل بيكي ف نص الليل ليه انتو متعودين ع كدا يعني؟هو يرن ف اي وقت وانتي ترني ف اي وقت

جنات ابتسمت وقربت منه 

جنات/وانت متضايق ليه .مش انا مجرد موظفه عندك وعايزني اخرج من حياتك ب اي طريقه

مالك بيحاول يسيطر ع اعصابه/اتفضلي أمسحي رقمه  

جنات/نعم

مالك/زي ما سمعتي ..أمسحي رقمه و حالا

جنات بعدت عنه /لاء مش همسح حاجه..انا مش مضطره اسمع كلامك اصلا ..يلا تصبح ع خير 

وكانت هتنزل من العربيه مالك مسك دراعها وقرب منها وقفل الباب تاني 

مالك بغضب/لاء مضطره ومش هتنزلي من العربيه الا لما تمسحي رقمه 

جنات بعيند وغضب/ونا قلت مش همسح حاجه..بتتحكم فيها ع اساس ايه اصلا ..ولا انت ابويا ولا اخويا ولا جوزي 

مالك بغضب/وطي صوتك

جنات بغضب/لا مش هوطي صوتي .. انا مبقتش فاهمه حاجه ..انت بتحبني ولا بتكرهني عايزني ولا مش عايزني ..هتسامحني ولا مش هتسامحني وبتعزبني معاك وخلاص ..انا تعبت 

مالك خبط ع الدركسيون بغضب وعصبيه 

مالك بغضب/منا مش عارف اسامحك ..عايز اسامحك بس مش عارف..مش عارف انسي ام الفديو ال بيتكرر ف دماغي كل يوم ال عرفت فيه ان كل دا كان خطه ..ان حبك ليا كان خطه وان كل ال بينا كان مجرد خطه 

جنات دمعت/ونا قلت اني ندمانه وكان غصب عني ..وبحبك ومش قادره اعيش من غيرك .

مالك /

جنات بدموع/خلاص ي مالك .. انا كنت جمبك ف الفتره الاخيره ع امل انك تسامحني وتنسي ال انا عملته ..بس شكلك مش هتعرف ولا تسامحني ولا تنسي ودي حاجه مش بايدك مقدرش ألومك..انا مش جايه الشغل بكره واوعدك انك مش هتشوف وشي تاني

وكانت هتنزل مالك مسك ايدها وبص ف عيونها وجنات بصت له ف عينه 

مالك قرب منها و مسح لها دموعها

مالك باصص ف عيونها/مش بمزاجك  ..مش بمزاجك مره تبعدي عني  ومره تقربي .. انتي مش هتسيبي الشغل ومش هتبعدي عني

جنات/وانت شايف علاقتنا دي ليها معني؟عاجبك يعني وحنا كل يوم ف خناق  علشان انت ولا عارف تبعد عني ولا عارف تسامحني 

مالك وهو بيمسح لها دموعها/اه عاجبني 

جنات ابتسمت وهزت راسها ب معني مفيش فايده 

ووعدت نفسها انها هتفضل جمبه لحد ما يعدو المرحله دي سوا..ويسامحها ويعرف ينسي

مالك/يلا اتفضلي امسحي الرقم 

جنات ابتسمت/همسحه بس علشان انت غيران عليا 

مالك/لا ع فكره انا مش غيران

جنات بابتسامه/كل دا ومش غيران ..امال لو غيران بقي هتعمل ايه  .. هتوقع العماره دي علينا

مالك ابتسم وجنات مسحت الرقم 

مالك/ياريت بقي مشوفكيش واقفه معاه ف الشركه او بتتكلمو ف حاجه برا حدود الشغل ..ولا هو ولا ايه زفت موظف غيره ..وهو حسابه معايا ف الشركه بكره 

جنات قربت منه وبصت ف عينه/معرفش ليه انا بسمع كلامك مع انك مش من حقك تقولي اعمل ايه ومعملش ايه 

 

مالك قرب منها /هو انتي متعرفيش 

جنات وهي سرحانه ف عيونه/ ايه 

مالك وهو باصص ف عيونها/انه من حقي اتحكم فيكي عادي وهتعملي كل ال انا عايزه

جنات ابتسمت

مالك/يلا انزلي علشان الوقت اتأخر 

جنات هزت راسها بموافقه /تصبح ع خير 

مالك/وانتي من اهل الخير 

جنات نزلت من العربيه ودخلت العماره ومالك ابتسم واستناها تدخل البيت وشغل العربيه ومشي

في القصر 

في غرفه روان 

روان غيرت هدومها ل بيجامه ولامه شعرها كعكه عشوائيه وقاعده ع السرير 

فراس طلع من الدريسنج وهو ماسك بطانيه بعد ما لبس بنطلون وتيشرت روان جابتهوله من عند آدم 

فراس فرش البطانيه ع الارض

روان قامت/انت بتعمل ايه 

فراس اخد مخده من ع السرير 

فراس/انتي شايفه ايه .هنام

روان/هتنام ع الارض

فراس حط المخده عند البطانيه/بما ان مفيش كنبه 

روان /بس كدا ضهرك هيوجعك ..تعالي نام ع السرير 

فراس/لاء انا مرتاح كدا 

روان راحت وقفت عند البطانيه ال فراس هينام عليها قبل ما فراس يقعد 

فراس/ممكن افهم انتي بتعملي ايه

روان  /مش هسيبك تنام هنا . اتفضل روح نام ع السرير 

فراس/وسعي ي روان خليني انام ورايا شغل الصبح 

روان ربعت ايدها/لاء مليش دعوه 

فراس/لو موسعتيش هطلع انام برا 

روان بغيظ بعدت عن البطانيه 

وفراس نزل نام ع الارض

روان/طب وسع شويه

ونامت جمبه

فراس /انتي بتعملي ايه 

روان بابتسامه بتقلده/انت شايف ايه 

فراس/قومي ي روان نامي ف سريرك جسمك هيوجعك انتي مش متعوده ع نومه الارض 

روان/ع اساس انت ال متعود يعني..انا هنام هنا...يأما ننام ع السرير سوا 

 فراس/روان اسمعي الكلام وقومي نامي

روان ابتسمت/والله لو اتكلمت من هنا ل بكره انا مش هنام غير هنا ..وبعدين اهو تغيير يعني زهقت من نومه السرير 

فراس اتنهد وقعد 

فراس/اتفضلي قومي 

وقام 

وروان ابتسمت وقامت 

و فراس اخد المخده وراح نام ع السرير  

و روان راحت نامت جمبه  

فراس أعطاها ضهره 

وروان عايزه تصالحه ب اي طريقه علشان مايناموش وهما زعلانين من بعض بس مش عارفه تصالحه ازاي 

روان/احم نمت 

فراس/اه 

روان/بترد عليا ازاي وانت نايم بقي

فراس/انا بحب اتكلم ونا نايم كدا

روان ابتسمت 

روان/انت عايز تنام اوي يعني 

فراس/روان 

روان/نعم

فراس/نامي 

روان/منا مش عارفه انام 

فراس/ليه ..مش دي اوضتك ال كنتي عايشه فيها من قبل ما تتغصبي ع الجواز مني

روان /منا اتعودت انام ف حضنك 

فراس ابتسم

روان/انت ال عودتني ع كدا الفتره ال فاتت لدرجه اني مبقتش اعرف انام غير كدا 

فراس لف لها و حاوط وسطها ب ايده وقربها منه ونيمها ف حضنه 

روان ابتسمت من حنية فراس عليها حتي وهو زعلان منها 

روان بصتله/انا اسفه

فراس/مفيش داعي تعتذري انتي مقلتيش حاجه غلط 

روان/لاء قولت وغلطت ..انت اكتر حد انا بحس معاه ب الامان و ببقي متطمنه  وانت جمبي..لما ادم قالي هتتجوزي فراس عمري ما خفت علشان انا عارفه اني هبقي ف امان معاك ..من اول يوم عرفتك فيه وانا بعتبرك زي ادم ومالك بالضبط بحترمك وبحترم كلامك وديما عارفه انك كل ال هامك مصلحتي وبتخاف عليا زي ادم ومالك بالضبط ..ولما اتجوزنا انا مفيش يوم عدي عليا ونا متضايقه .. كل يوم كنت ببقي مبسوطه اكتر من اليوم ال قابله..مبسوطه ومرتاحه ومش عايزه ابعد عنك ..حتي اهو مش عارفه انام الا ف حضنك 

فراس ابتسم بحب ومش مصدق نفسه انه بيسمع الكلام دا من حب عمره ال كان بيتمناها سنين

روان بغيظ وغيره/انا بس لما كلمتك الصبح وردت عليا واحده قليله الزوق معرفش مين دي وكانت بتتكلم عنك بدلع انا اتجننت واتعصبت وقلت كلام وقت عصبيه

فراس/بنت مين دي ال ردت عليكي!

روان بغيظ/معرفش كان اسمها رنا ولا كان اسمها ايه..بنت قليله الزوق ولما قلت لها اديني فراس مرضيتش 

فراس /دي موظفه عندي وانا كنت ف ميتنج وناسي الموبايل ف مكتبي تلاقيها كانت بتجيب ملف من المكتب وردت عليكي

روان بغيره/هي مقالتليش انك ف ميتنج قعدت تبجح وخلاص وكمان كانت بتقول عليك فراس من غير فراس بيه 

فراس/ومقلتليش ليه الحصل براحه وقتها وانا كنت هعرفها مقامها واعرفها  تتكلم معاكي ازاي بعد كدا

روان بغيره/انا فكرت انكم برا الشركه خارجين او حاجه ومش بتشتغلو ف اتعصبت 

فراس ابتسم/غيرتي يعني 

روان بتوتر/لا طبعا اغير ليه يعني كل الموضوع انها عصبتني بس 

فراس بخبث/طب كويس انك مبتغريش علشان اخد راحتي مع ايه موظفه بعد كدا ف الشغل 

روان بغيره خبطت كتف فراس/فراس ..والله اقتلك واقتلها 

فراس ضحك وباس راسها وروان ابتسمت 

فراس بصلها ف عينها ورجع خصله من شعرها ورا ودنها 

فراس/اول حاجه انا عمري ف حياتي ما كدبت عليكي ولا  هكدب..تاني حاجه كل ال ف الشركه علاقتي بيهم شغل وبس وعمري ما اسمح لحد يتمادي معايا علشان انا واحد متجوز ..وبحترم وجود مراتي

روان ابتسمت/بجد 

فراس قرب منها وسرح ف جمالها 

فراس/بجد 

روان /طيب انت لسه زعلانه مني؟

فراس قرب منها /لسه متصالحتش اوي 

روان ابتسمت وباسته من خده

 وفراس باس شفايفها وبعد ثواني بعد عنها

فراس/كدا مبقتش زعلان 

روان ابتسمت بخجل 

فراس ابتسم من كسوفها منه وباس راسها وخدها ف حضنه تاني وروان نامت ف حضنه بابتسامه  

فراس كل يوم وهي نايمه ف حضنه بيبقي مش مصدق نفسه وطاير من الفرحه ..نفسه يقولها انه بيعشقها بقاله سنين وعمره ما حب ولا هيحب قدها.. وان  عينه مستحيل تيجي ع اي واحده غيرها ..بس خايف يعمل كدا وهي مبتحبهوش ويخوفها منه ويخسرها ..او هو مفكر انها مبتحبهوش

  

في غرفه ادم واحلام 

احلام نايمه ع السرير وسانده ضهرها ع السرير و ادم قاعد ع طرف السرير جمبها بيغير لها الشاش ال ع دماغها

ادم/حاسه بوجع؟ 

احلام ابتسمت /لاء متقلقش 

ادم /انا قربت اخلص اهو 

وادم خلص لف الشاش وباس راسها وقفل علبه الإسعافات الاوليه 

ادم/يلا علشان تنامي 

احلام اتنهدت/انا مش جايلي نوم ينفع نخرج النهارده؟ 

ادم بيعدل لها شعرها /لاء الوقت اتأخر والنهارده هترتاحي علشان انتي لسه محتاجه راحه ..ونخرج بكره زي ما وعدتك 

احلام ابتسمت/وهتعملي اي حاجه اطلبها منك

ادم ابتسم وباس ايدها/اي حاجه نفسك فيها هتحصل..شاوري بس 

احلام/انا اصلا قعدت افكر ملقتش ايه حاجه انا نفسي فيها ..كل حاجه كان نفسي فيها انت جبتهالي 

ادم رجع خصله من شعرها ورا ودنها وباس خدها وراسها

ادم/ونا عايش علشان احققلك كل ال انتي نفسك فيه

احلام بابتسامه/ربنا يخليك ليا 

و باست خده وحضنته وآدم حضنها بقوه و باس راسها

ادم موبايله رن وكان من الشغل واحلام طلعت من حضنه وادم قام جاب الموبايل وقفله 

ادم/يلا علشان ننام 

احلام/روح ي حبيبي الشغل بكره لو سمحت ..انا بقيت كويسه والله..تلاقي الشركه مقلوبه من غيرك دلوقتي 

ادم/احنا اتكلمنا ف الموضوع دا قبل كدا وقلت مش هروح الا لما اطمن عليكي وتبقي كويسه 

احلام ابتسمت 

ادم/هروح اجبلك حاجه تاكليها وبعدين تنامي 

احلام/لالا انا مش جعانه والله حرام عليك احنا لسه واكلين 

ادم/احنا واكلين بقالنا ساعتين اكيد جعتي تاني 

احلام/والله لاء مجعتش تعالي علشان انام ف حضنك يلا 

وفتحت دراعتها وادم ابتسم وراح نام جمبها ع السرير  وخدها ف حضنه وباس راسها 

ادم بيملس لها ع شعرها 

احلام بنعاس /متلعبش ف شعري

ادم/ليه

احلام/هنام ونا تعبت من النوم طول اليوم نايمه 

ادم لعب لها ف شعرها اكتر 

احلام ابتسمت/ادمممم بقولك متلعبش ف شعرييي

ادم ابتسم وباس خدها /مبحبش اسمع اسمي الا منك تعرفي كدا

احلام طلعت من حضنه وبصتله بابتسامه/وانت تعرف انك احلي حاجه حصلت لي ف حياتي

ادم ابتسم واحلام باست خده

وادم باس شفايفها واحلام ابتسمت ونامت ف حضنه تاني 

احلام/عارف انا بحلم ب ايه ديما 

ادم/ايه

احلام ابتسمت/نفسي الف العالم معاك واشوف بلاد كتير مختلفه  واشوف امكان جديده واكتشف معاك حاجات ل اول مره حتي لو هنقعد ف كل بلد يومين بس 

ادم / الخريطه كلها تحت امرك ..هنروح كل البلاد ال نفسك فيها لحد ما نخلصهم كلهم وهنقعد اكتر من اسبوع تشوفي البلد حته حته مش بس يومين

احلام ابتسمت وبصتله/بجد

ادم وهو بيعدل لها شعرها/طبعا بجد...معقوله يكون نفسك ف حاجه ومتحصلش 

احلام ابتسمت وطلعت من حضنه وباست خده وحضنته بقوه 

احلام/ربنا يخليك ليا

وادم ابتسم وباس راسها وباطن ايدها

في اليوم التالي

ضهرا

الكل موجود ف الصالون متجمعين علشان يفطرو قبل ما كل واحد يروح ع بيته

طارق وكرم و حمزه وفراس قاعدين 

وحمزه وفراس بيلعبوا مع ليليان 

حمزه او فراس بيغمضو عينهم وليليان تحط رقم ع ايدها وهما يخمنو ايه الرقم دا

فراس/اهه ي نصاب ..ع فكره ي ليليان حمزه بيغش 

ليليان بغيظ/حمزههه مينفعش تغششش

حمزه فتح عينه/خلاص انا اسف والله 

وزغد فراس ف كتفه 

حمزه/لازم تفتن يعني وعاملي فيها شريف مبتغشش

فراس/بغش بس من غير ما حد ياخد باله ..اشتغل ع نفسك شويه 

طارق وكرم ضحكو

و روان واقفه ف المضبخ  مع الخدامين بيعملو قهوه وروان واقفه عند الباب  بتراقب فراس بابتسامه وهو بيلعب مع ليليان

في غرفه احلام وآدم 

ادم واقف عند الشباك بيتكلم ف التليفون 

واحلام طلعت من غرفتها بعد ما غيرت هدومها ل بلوفر كحلي وبنطلون سكيني جينز وفارده شعرها 

وراحت ل ادم وهي مخبيه حاجه ورا ضهرها 

ادم خلص كلام ف الموبايل 

احلام بابتسامه  /انا كنت جيبالك حاجه من فتره كدا ونسيت اوريهالك

ادم ابتسم/وريني

احلام طلعت من ورا ضهرها قميص رصاصي لسه جديد

احلام ابتسمت /ينفع تلبس دا النهارده؟ انا بحب اللون دا اوي

ادم ابتسم/ينفع طبعا ..دا كفايه انك جيباه بنفسك 

احلام ابتسمت/هتلبسه بجد؟انا قلت انت مستحيل توافق تلبس حاجه غير الاسود 

ادم قرب منها وحاوط وسطها ب ايده وباس راسها 

ادم/مستحيل أرفض لك طلب..انتي تأمري امر

احلام بابتسامه باست خده 

احلام/انا بحبك اوي اوي اوي

ادم  باس شفايفها/ونا بموت فيكي

احلام بابتسامه حضنته وآدم باس رقبتها 

بعد نص ساعه 

الكل قعد ع السفرا والخادمين بيحطو الفطار ع السفرا وبيصبو الشاي ومستنين ادم واحلام ينزلو علشان يبدأو فطار 

ادم نزل من الغرفه وهو ماسك ايد احلام بعد ما اخد شاور ولبس القميص الرصاصي ع بنطلون اسود وكان مشمر ايد القميص وكان شكله حلو اوي

ليليان بصت ل ادم

ليليان بابتسامه /اونكل ادم شكلك حلو اوي 

ادم ابتسم وراح لهم وباس راس ليليان

كل ال قاعد ع السفرا بص ل ادم واتصدمو من ال لابسه 

فراس/لاء..انا شايف غلط اكيد

مالك/انا مش مصدق

ادم/فيه ايه يالا انت وهو مالكم

احلام ابتسمت/شكلو حلو اوي صح؟

روان بابتسامه/دا شكله تحفه ...كنت متأكده انك انتي ال هتقنعيه يغير الاسود 

طارق ابتسم/شكلك حلو اوي اوي 

احلام ابتسمت 

حمزه/بصراحه معاهم حق  .طول عمرك جان كدا كدا ب الاسود ي جوز اختي بس دا شياكه ع الاخر يعني 

ادم/ماشي ي عم متشكرين 

كرم ابتسم وآدم شد كرسي ل احلام واحلام قعدت وآدم قعد جمبها 

والكل بدأ يفطر 

بعد ساعتين

  فراس وصل روان بيتهم وبعدين راح ع الشغل 

و كرم وحمزه وليليان روحو بيتهم بعد ما اطمنو ع احلام 

عصرا 

عند آدم و احلام 

ادم سايق واحلام جمبه

احلام نزلت مرايه العربيه وبصت ع نفسها 

احلام اتنهدت/يعني فيها ايه يعني لو وافقت اني اشيل الشاش   عاجبك شكلي وانا نازله الشاش ملفوف ع دماغي كدا 

وقفلت المرايه تاني

ادم ابتسم وبصلها/والله مهما حصل. هتفضلي زي القمر برضو 

احلام ابتسمت ومسكت دقنه ب ايدها

وادم مسك ايدها ال ع دقنه وباسها 

ادم/انتي رابطه الحزام كويس صح

احلام ابتسمت /والله ي حبيبي متقلقش سألتني السؤال دا خمس مرات و انت اتأكدت وبصيت بنفسك .

ادم وهو مركز ف السواقه/ماشي...قوليلي بقي ي ستي  ..عايزه نعمل ايه النهارده 

احلام ابتسمت/اول حاجه عايزه اكل ايس كريم..وانت هتاكل معايا 

ادم ابتسم/ماشي موافق .و ايه تاني

احلام/وعايزه نروح السينما سوا علشان عمرنا ما حضرنا فيلم سوا 

ادم/تعرفي ان دي هتبقي اول مره معاكي ادخل فيها سينما ف حياتي 

احلام بصتله/بجد

ادم/ملحقتش اعمل حاجه ف مراهقتي او ف بدايه شبابي اصلا..يعني  فجأه لقيت نفسي حاجه وتلاتين سنه وورايا مسؤليات والتزامات كتيره 

احلام ابتسمت /انا فخوره بيك وبكل حاجه بتعملها ..انا مبسوطه علشان اختارت اب كويس ل ولادي 

ادم بصلها وابتسم وباس ايدها 

واحلام ابتسمت 

ادم/ايه رايك نروح الاول نجيب هدايا  للأطفال ف الملجأ ونروح لهم ..هما اكيد وحشوكي وانتي مرحتيش من زمان 

احلام بفرحه/بجد ..ماشي انا موافقه .دول وحشوني اوي اوي

ادم ابتسم/عارف

في الشركه

فراس طلع من الاسانسير و ف اتجاهه ل مكتبه 

والسكرتيره ال قاعده قدام المكتب  قامت بسرعه 

السكرتيره/ازي حضرتك ي فراس بيه ...اجيب ل حضرتك القهوه

فراس/رنا فين 

السكرتيره/مش عارفه بس اكيد ع مكتبها 

فراس/ابعتيلها تيجي ..مستنيها ف المكتب

السكرتيره/امر حضرتك ..ممكن الاول حضرتك تمضي ع الاوراق دي 

وجابت الملف من المكتب وفراس خده منها ودخل المكتب

 وقعد ع مكتبه 

وفتح الملف ال ف ايده 

بعد شويه الباب خبط ورنا دخلت بابتسامه 

رنا /قالولي انك عايزني

وقفت قصاد المكتب 

فراس قفل الملف ال ف ايدها وبصلها 

فراس/هو انتي رديتي ع موبايلي لما رن امبارح وانا ف الميتنج؟ 

رنا /احم ...تقريبا اه

فراس/ومين سمح لك ب دا؟

رنا بتوتر/انا لما لقيت حضرتك ف الميتنج والموبايل عمال يرن قلت ارد 

فراس بغضب/اول حاجه رديتي ع موبايلي من غير اذني ..تاني حاجه كلمتي مراتي ب اسلوب مش كويس ولما قالت لك اديني فراس هو فين مردتيش عليها 

رنا بغيظ /انا مكلمتهاش ب اسلوب وحش انا ا

فراس بغضب/مش انتي ال تحددي اسلوبك عجبها ولا لا ..انا حبيت انبهك ل اخر مره علشان انتي شغاله معانا من سنين وقلت بلاش اقطع عيشك بس لو الحصل دا اتكرر تاني وكلمتي مراتي ب اسلوب معجبهاش او ورديتي ع موبايلي من غير اذني مش عايز اشوف وشك ف الشركه تاني..واتفضلي روحي شوفي شغلك

رنا بغيظ/عن اذنك 

وطلعت برا المكتب بغضب وهي بتتوعد ل روان

رنا راحت للسكرتيره بغضب 

السكرتيره/هببتي ايه ..سامعه فراس بيه بيزعق 

رنا ربعت ايدها بغضب/اكلت بهدله منه بسببها ..والله ل اوريها 

السكرتيره/توري مين انا مش فاهمه حاجه 

رنا حكت لها ال حصل 

السكرتيره/ينهارك ازرق ..بدل ما تحمدي ربنا انه مطردكيش بتقولي والله ل اوريها

رنا بغضب/ايوا..مش كفايه راح اتجوزها هي وانا قدامه كل السنين دي ..و فالاخر يزعقلي  علشانها ..مبقاش انا رنا لو مخدتش حقي

السكرتيره/دي مرات فراس بيه ..واخت ادم الحديدي ومالك الحديدي..يعني مسنوده  ع رجاله تقيله ..عايزه تحافظي ع شغلك اعقلي كدا وشيليها من دماغك 

في فيلا فراس 

عند روان غيرت هدومها وطلعت من الدريسنج وجابت موبايلها من ع الكومودينو وقعدت ع السرير ورنت ع فراس 

روان/فراس

فراس  ابتسم/ي نعم 

روان ابتسمت/عامل ايه 

فراس ابتسم/انا زي الفل ...وبقيت كويس اكتر لما سمعت صوتك 

روان ابتسمت 

روان/انت ف الشركه 

فراس اتنهد/اه والله وقدامي شغل قد كدا قدامه كتير ع ما يخلص ..الشغل زاد عليا شويه بس علشان ادم مش موجود اليومين دول 

روان/ربنا يعينك يارب .. انا مش هعطلك كتير بس عايزه اطلب منك طلب 

فراس ابتسم/انتي تأمري 

روان /ينفع نخرج النهارده نتعشي سوا ف ايه حته ..انا زهقانه وحاسه اني محتاجه اخرج اشم هوا 

فراس/حاضر من عنيا ..هحاول اخلص شغل بدري واعدي عليكي ونلبس ونروح المكان ال انتي نفسك فيه 

روان ابتسمت/بجد

فراس ابتسم/ايوا 

روان بابتسامه/ماشي خلاص انا مش هاكل واستناك نتغدي سوا

عند ادم واحلام ماشيين ف المول وادم ماسك ايدها

وشايل الاكياس ال فيها هدايا اشتروها للأطفال 

ادم/تعبتي ؟تعالي نقعد ترتاحي شويه وبعدين نكمل

احلام ابتسمت/لاء  ي حبيبي متقلقش انا كويسه...يلا ناقص هدايا للبنات نجيبهم وخلاص 

ادم باس ايدها وموبايله رن

ادم/استني نقفله خالص علشان دوشتهم دي 

ادم وقف  واحلام وقفت وادم طلع الموبايل من جيبه 

احلام /لا ي حبيبي رد متقفلوش ..مش كفايه سايب الشغل لوحده بقالك ايام علشاني

ادم/انا اسيب الدنيا كلها علشانك 

احلام بابتسامه /ربنا يخليك ليا 

وادم باس ايدها

و رد ع الموبايل 

ادم/ايوا ... اه 

لاء مش وقته .. لما ارجع نبقي نشوف الموضوع دا

وادم بيتكلم ف التليفون كان في بنتين جمب احلام واقفين جمب محل دهب والماظ بيتفرجوا  وهما منبهرين ع خاتم الماظ واحلام جالها فضول هما مبهورين كدا ب ايه وبصت لقت خاتم الماظ الحجر بتاعه لونه اصفر  وشكله حلو اوي 

البنت/تيجي نخش نسأل ع سعره 

البنت التانيه/ي سلام ع اساس لما نسأل عليه  هنعرف نجيبه .انتي مدركه هو ممكن يكون غالي ازاي 

البنت/تعالي بس السوال مش ب فلوس 

وخدتها ودخلت

ادم وهو بيتكلم ف التليفون شاف احلام بتبص ع الخاتم الأصفر 

ادم خلص كلام ف الموبايل 

ادم/  تعالي 

احلام بصتله/ايه هنروح فين 

ادم/تعالي هنجيب الخاتم ال عاجبك 

وكانو هيدخلو احلام وقفت 

احلام/ادم لاء والله انا مش عايزه حاجه انا كنت ببص بفضول ع شكله بس ..انت جبتلي حاجات كتير انا مش عايزه تاني والله 

ادم/يلا ي احلام تعالي واسمعي الكلام 

وخدها ودخلو محل الالماظ

والبنتين كانو واقفين بيتفرجوا ع بقيت الحاجات 

الراجل ال واقف ف المحل ف الستينات و رحب ب ادم بابتسامه 

الراجل ابتسم/اهلا  وسهلا ي فندم ..حضرتك عايز حاجه معينه 

ادم/الخاتم الاصفر ال معروض برا ورهولي 

الراجل/تحت امرك

وقال للمساعد بتاعه

الراجل/حسن هات الخواتم ال برا بسرعه 

حسن/حاضر ي معلم محمود

احلام بصت ل ادم/والله ي حبيبي انا مش ناقصني خواتم ولا حاجه انت جبتلي كتير اوي  

ادم رجع خصله من شعرها ورا ودنها/حتي لو عندك ٥٠٠ خاتم ..اي حاجه عينك تقع عليها وتعجبك مينفعش متبقاش بتاعتك

احلام ابتسمت وادم باس راسها 

وحسن جاب الخواتم واعطاها ل صحاب المحل محمود

محمود ابتسم/حضرتك زوقك حلو يعني الخاتم الأصفر ال عجبكم دا قطعه مميزه جدا ونادر كمان

احلام عجبها الخاتم اوي وكان شكله حلو اوي

محمود طلع الخاتم من العلبه

ادم ل احلام/دا ال عجبك صح 

احلام بابتسامه/اه 

محمود بابتسامه/اتفضلي حضرتك قيسيه 

وكان عايز يلبس الخاتم ل احلام

ادم بصله بغيره وغضب  ومحمود اتوتر 

ادم اخد الخاتم منه

وزباين  تانيه دخلت المكان

محمود ابتسم/حضراتكم تقدر تتفرجو عليه براحتكم وتقررو ..عن اذنكم 

وراح يشوف الزباين التانيه 

احلام ابتسمت ل ادم ال واقف غيران وبيحاول يسيطر ع نفسه

احلام ابتسمت  وهمست له 

احلام/دا قد ببايا ع فكره

ادم بغيره/حتي لو قد ببايا انا شخصيا 

احلام ابتسمت /طب خلاص متزعلش يلا لبسهولي انت  . بس هلبسه فين ف ايدي الشمال فيه خاتم جوازنا

ادم /يبقي تلبسيه ف اليمين عادي 

ومسك ايدها ولبسها الخاتم واحلام بصت ع الخاتم بابتسامه وهو ف ايدها 

وكان شكله حلو اوي اوي

والبنتين كانو مراقبين الموقف من اول ما دخلو ومنبهرين 

احلام  ابتسمت ل ادم /شكله حلو؟ 

ادم ابتسم/طبعا شكله حلو علشان انتي ال لبساه 

احلام ابتسمت وبصتله بحب وآدم باس راسها

ادم شاور ع بقيت الخواتم ال ف العلبه 

ادم/عجبك اي حاجه تانيه ناخدها؟

احلام /لاء مش للدرجه دي مش هنفتح محل الماظ ف بيتنا..كدا كفايه اوي..بس ادم دا شكله غالي اوي 

ادم/مفيش اي حاجه تغلي عليكي ي حبيبه ادم

احلام ابتسمت 

ومحمود راح لهم

محمود ابتسم/ها عجبكم

ادم /اه هناخده 

محمود/تمام ي فندم..هو علشان زي ما قلت ل حضرتك نادر شويه وقطعه قيمه ف هو غالي شويه ..سعره اتنين مليون جنيه

احلام  انصدمت لما سمعت الرقم  

وادم طلع الفيزا من جبيبه وادهاله

والبنتين كانو واقفين مصدومين من ادم  ال مترددش ثواني بعد ما سمع السعر وهيجيبه برضو

محمود خد الفيزا من ادم وبدأ يحاسب 

احلام قربت من ادم علشان تهمس له وآدم وطي راسه علشان يسمعها 

احلام/ادم دا غالي اوي اوي 

ادم  /لاء مش غالي ..خليكي ديما عارفه مهما طلبتي هيجيلك ايا كان سعره ايه

وباس ايدها

احلام/بس كدا الفلوس ال ف الفيزا هتخلص 

ادم ابتسم/لا مش هتخلص متخافيش ..اهم حاجه عندي انه عاجبك 

احلام ابتسمت 

وادم خدها ف حضنه وباس راسها

الجميله والوحش البارت الثامن والعشرين 

ع المغرب 

ادم واحلام وصلو قدام الميتم 

ونزلو من العربيه و ادم شال شنط الهدايا من الكنبه ال ورا وكانو جايبين هدايا كتير جدا للأطفال 

احلام بابتسامه/انا مبسوطه اني اشوفهم   وحشوني اوي

ادم ابتسم ومسك ايدها 

ادم/تعالي ندخل يلا 

ودخلو الميتم 

الأطفال ال كنت بتلعب ف الجنينه اول ما شافو احلام جريو عليها بفرحه وابتسامه 

الأطفال بابتسامه/طنط احلاااممم  

وراحو حضنوها واحلام نزلت ل مستواهم وحضنتهم بابتسامه 

احلام/وحشتوني اوي اوي 

الأطفال/وانتي كمان 

طفل 1/انتي وحشتينا اوي اوي

طفل 2/انتي ليه مبقتيش تيجي تزورينا 

طفله 1/انتي زعلانه مننا؟

احلام ابتسمت/لاء طبعا مقدرش ازعل منكم ..هفضل احبكم طول حياتي ..انا بس كنت تعبانه شويه علشان كدا معرفتش اجي 

بس كنت ديما بسأل اطمن عليكم من ماما أُلفت

طفله 2/علشان كدا في واوا ف راسك 

وحطت ايدها ع راسها براحه 

احلام مسكت ايد الطفله وباستها

احلام بابتسامه/ايوا ..بس انا بقيت كويسه خلاص ..سيبكم من كل الكلام دا انا و اونكل ادم جايبين لكم هدايا كتير جدا 

ادم ابتسم 

طفله 1 /انت جوز طنط احلام ال جيت معاها قبل كدا 

ادم/مظبوط 

طفله 2 همست ل احلام/بس شكله حلو ي طنط احلام 

احلام ابتسمت وبصت ل آدم وهمست لها

احلام/ايوا دي حقيقه

طفل 1 ربع ايده بغيظ/ بس انا كنت عايز اتجوزك ي طنط احلام ع فكره احنا كنا متفقين ع كدا 

ادم بصله بغيظ وغيره و بص ل احلام بمعني لا والله؟

احلام ضحكت من غيره ادم حتي من الاطفال

احلام بابتسامه للطفل/متزعلش انت هتفضل حبيبي كدا كدا 

وباست خده

والطفل ابتسم

طفل 3 بحماس/يلا ورينا الهدايا

احلام ابتسمت وقالت بنفس الحماس/ايوا انا بقول كدا برضو

وادم مسك ايدها وقومها من عن الارض 

احلام بابتسامه/ها مين هياخد الاول 

الكل بابتسامه/انااا 

آدم بدأت تاخد الهدايا من آدم وتوزعها عليهم وكلهم كانو مبسوطين وفرحانين  واحلام كانت مبسوطه ل فرحتهم 

مدام أُلفت طلعت من جوه بابتسامه وراحت ل احلام 

مدام ألفت بابتسامه/حمد لله ع السلامه ي احلام نورتي

احلام ابتسمت وسلمت عليها 

احلام/الله يسلمك 

واُلفت سلمت ع ادم

الفت/اهلا وسهلا ي آدم بيه 

ادم/اهلا بيكي 

أُلفت/شكرتو اونكل ادم وطنط احلام يولاد 

الأطفال بابتسامه/شكرا 

ادم ابتسم 

احلام بابتسامه/العفو 

أُلفت/يلا روحو العبو ب الالعاب

 

الأطفال مشيت علشان تلعب

 

احلام ل ألفت/انا كنت جايه اتكلم معاكي ف حاجه بخصوص الولاد 

ألفت بابتسامه/اه طبعا اتفضلو نتكلم ف مكتبي ..اتفضلو

ودخلو جوه الدار وراحو مكتب ألفت  وقعدو 

احلام /اخر مره جيت فيها هنا الاطفال كانو بيقولو لي انهم محتاجين كومبيوتر ف ال دار هنا ..وتقريبا مدير الدار مبيوافقش بحاجه زي كدا ..لان انا عارفه انه شديد شويه

أُلفت ابتسمت/من هنا رايح حضرتك ال تقدري تعملي ف الميتم كل ال انتي عيزاه 

احلام بعدم فهم/يعني ايه 

ألفت بابتسامه/يعني المتيم بقي بتاعك خلاص ..ادم بيه اشتراه وكتبه ب اسمك من فتره 

احلام بصت ل ألفت بعدم تصديق 

وبعدين بصت ل ادم 

احلام /دا بجد؟ 

ادم  ابتسم وهز راسه ب اه 

ألفت ابتسمت /انا هروح اجيب لك ملف  علشان افهم حضرتك سياسيه الدار ايه علشان لما تيجي كل فتره تبقي فاهمه الدنيا ماشيه ازاي ..عن اذنكم

وطلعت برا

احلام بصت ل ادم  /ممكن اعرف انت عملت كدا ليه 

ادم/علشان انا عارف انك بتحبيهم وعايزه تسعديهم ديما ..وانك متضايقه علشان اتكلمتي مع مدير الدار اخر مره جينا فيها يغير شويه حاجات الأطفال عيزاها وكانت بالنسبه له رفاهيات ملهاش لازمه ودا وقتها ضايقك  .وانا مستحيل اشوف حاجه مضيقاكي واسكت .ف اشتريتهولك بعدها ع طول

احلام بصت له ودمعت /بس انا مش محتاجه كل دا والله ي آدم..انا مش عايزه حاجه تاني.. انا عيزاك انت بس ..كل دا كتير اوي 

ادم قام وراح لها واحلام وقفت 

ادم قرب منها ومسح لها دموعها

ادم/دا كتير ؟..انا لو جبت لك  الدنيا كلها هيبقي قليل  عليكي برضو ..مفيش اي حاجه تكتر عليكي ف الدنيا دي.

وباس راسها

احلام ابتسمت وحضنته

احلام/ربنا يخليك ليا

 ادم ابتسم وحضنها بقوه وباس راسها 

احلام أدركت انها ف الدار وطلعت من حضن ادم بخجل 

احلام /انا ناسيه اننا ف الدار الحمد لله محدش جه وشافنا

وبعدت عنه

وادم شدها من وسطها وقربها منه  تاني وبص ف عينها

ادم/محدش شافنا ايه بس ..انتي هتبوسيني  زي ما بوستي الولد دا من شويه ..ولسه هحاسبك ع دا بس لما نروح بيتنا ..مين سمحلك تبوسيه مش فاهم

احلام ضحكت/ادم دا طفل عنده 7 سنين ...هتغيير من طفل يعني

ادم قربها ل حضنه اكتر  وهو باصص ف عيونها/ان شاءالله يكون عنده 3 ميخصنيش..انتي بتاعتي انا بس 

احلام ابتسمت بخجل وهي بتبص ع الباب/طب خلاص سبني علشان مدام ألفت او حد من الاطفال ممكن يشوفونا .وانا هبوسك لما نروح البيت والله

ادم قرب منها/لاء انا عايز البوسه دلوقتي 

احلام بخجل/ادم لو حد شافنا هموت من الكسوف والله عيب ..لما نروح البيت هبوسك تلت بوسات مش واحده بس 

ادم/لاء هتبوسيني ف البيت وهنا 

احلام بصت ع الباب لقت مفيش حد وباست خد ادم

وادم ابتسم

احلام ابتسمت/مبسوط كدا 

ادم ابتسم /ايوا ..مؤقتا لحد ما اخد الباقي ف البيت 

وباس ايدها

احلام ضحكت وباست خده وآدم باس راسها 

واحلام  بعدت عنه قبل ما حد يجي

في فيلا فراس 

روان نزلت من غرفتها وهي ماسكه الموبايل وقعدت ع الكنبه ف الصالون وهي بترن ع فراس ورد عليها 

روان ابتسمت/ها هتيجي امتي علشان نلبس ونخرج انا قاعده مستنياك 

فراس اتنهد/ شكلنا كدا مش هنعرف ننزل النهارده.. انا اسف والله العظيم قدامي شغل كتير لازم يخلص وفي ميتينج كمان ساعه لازمه احضره 

روان/يعني كدا مش هنخرج؟

فراس/حقك عليا هعوضهالك مره تانيه والله ..هطلب لك اكل وتاكلي لحد ما ارجع..علشان متجوعيش

روان بزعل/لاء شكرا انا مش عايزه منك حاجه 

فراس/ا

روان قفلت المكالمه بزعل وفراس اتنهد  وحاول يتصل بيها تاني 

في شركه مالك

مالك طلع من اوضه الميتينج هو وعملاء  وكذا موظف وكان الموظفين بيلمو حاجتهم علشان يمشو 

ومالك سلم ع العملاء ومشيو 

وكان بيدور ب عينه ع جنات 

موظفه راحت ل مالك 

موظفه/حضرتك محتاج حاجه قبل ما امشي..الورق ال طلبته ع مكتب حضرتك وملف الصفقه كمان 

مالك/تمام متشكر ...مشفتيش جنات؟

الموظفه/اخر مره كانت ف مكتب حضرتك 

مالك/تمام تقدري تمشي

الموظفه/عن اذنك 

مالك راح مكتبه وفتح الباب ودخل 

لقي جنات نايمه ع الكنبه بتعب وحاضنه مخده صغيره

مالك ابتسم وقفل الباب وراح لها 

وخلع الجاكيت ال لابسه وغطاه بيها وقعد ع طرف الكنبه جمبها

ومتأملها وهي نايمه 

مالك/انا مش عارف انتي عامله فيا ايه ...مش قادر ولا عارف ابعد عنك ..انا فكرت اني بعد ما شوفت الفديو هكرهك وهعرف ابعد عنك بس لاء ..كل يوم حبي ليكي بيزيد 

وملس ع شعرها براحه ورجع خصله من شعرها ورا ودنها

جنات وهي نايمه حاسه ب شعور ب الامان غريب 

وابتسمت 

مالك ابتسم 

وجنات بدأت تصحي وتفتح عينها 

وبصت ع مالك وابتسمت 

جنات/هو انا بحلم ولا ايه 

مالك ابتسم/تقريبا اه

وادركت هي فين وبصت حواليها ومسحت وشها ب ايدها 

جنات/ياربي ع غبائك ي جنات

 

وقعدت ع الكنبه

جنات /انا اسفه والله معرفش ايه ال بيحصلي

 بنام غصب عني من التعب تقريبا 

مالك/في ايه ..اهدي...نامي براحتك ف اي وقت انتي عيزاه 

جنات/لاء مينفعش .الموظفين يقولو عليا ايه دلوقتي دي تالت مره انام ف مكتبك ب الغلط..انا والله كنت بجبلك ملف ولما لقيتك ف اوضه الميتنج قولت هستناك ع الكنبه هنا وفجأه نمت 

مالك/موظفين ايه ال خايفه يقولو عليكي حاجه ...محدش يقدر يقول عليكي نص كلمه ..كنت خربت الشركه دي فوق دماغهم 

جنات ابتسمت 

مالك/قومي يلا علشان اوصلك. انتي تعبتي النهارده..وبكره تعالي الضهر لما تصحي براحتك 

جنات/اجي امتي؟ انا سمعت صح ..يعني اجي براحتي لما اصحي مش ٧ الصبح

مالك/اه 

جنات/انت كويس ؟مش سخن يعني

وحطت ايدها ع قورته 

مالك ابتسم 

جنات/ كويس اهو مفيش حاجه ..امال ايه بقي

مالك /انا حاسس ان انا مش كويس فعلا شوفي الحراره هنا كدا

ومسك ايدها وحطها ع خدوده

جنات ابتسمت وخبطته ف كتفه 

جنات/لاء انت كويس ي مستغل الفرص

مالك ابتسم/قومي طيب علشان اوصلك

جنات ابتسمت وهزت راسها بموافقه 

عند آدم واحلام

رجعو القصر بعد ما كانو ف الميتم ولعبو مع الاطفال وادم طلب لهم كلهم بيتزا من برا وكانو فرحانين بيها جدا وأكلو ولعبو وهزرو وادم كان بيعمل لهم حركات سحر كان  متعلمها زمان والاطفال كانو مبهورين بيها وحبو ادم اوي

ادم ماسك جنيه وكوبايه 

طفل من الاطفال/انت دلوقتي هتدخل الجينه دا ف الكوبايه بس مش من فوق 

ادم/ايوا مظبوط .عايزين تشوفو 

الاطفال بحماس /ايواااا 

 واحلام كانت قاعده تتفرج ع ادم بابتسامه ومبسوطه ب اندماجهم مع بعض وبطريقه ادم الحنينه مع الأطفال 

ادم/ ركزو كويس

الأطفال كانت بتبص ومركزه 

وادم دخل الجنيه ف الكوبايه فجأه بس من تحت 

الأطفال انصدمو 

طفل ٢/وااااو عملتها ازاي

طفله ١/عايزين تاني اعمل سحر كمان 

طفل ٣ /ايوا ي اونكل ادم اعمل لنا سحر تاني

الأطفال/أيواااا 

ادم ابتسم 

وف اخر اليوم مسابوش ادم واحلام يمشو   الا لما احلام حكت لهم حدوته وهما ف سريرهم وبعدها ادم اخدها السينما اتفرجو ع فيلم وبعدها اكلو ايس كريم واحلام كانت مبسوطه اوي اوي النهارده 

ادم واحلام دخلو غرفتهم بعد ما سلمو ع طارق ال قاعد ف الصالون 

احلام بابتسامه/انت مش متخيل انا انبسطت النهارده قد ايه ..دا كان احلي رابع يوم عدي عليا ف حياتي تقريبا

ادم/وايه هما التلاته التانين 

احلام ابتسمت/يوم تخرجي ..كنت فرحانه اوي مع ان كان جوايا حاجه ناقصه علشان ماما مش موجوده  .بس كنت مبسوطه ان بابا وحمزه وليليان كانو جمبي ..وكمان اول يوم شوفتك فيه ..ويوم ما قولت لي انك هتبعد عن اي حاجه وحشه كنت بتعملها.. علشاني ..اه وفي كمان يوم ما عملت لي مفاجأه احتفال بجوازنا ..يعني بصراحه لو عدتيهم هكون ظالمه لان وانا معاك كل يوم ببقي مبسوطه اكتر من اليوم ال قبله

ادم ابتسم وحاوطها من وسطها بتملك وقربها منه 

ادم وهو باصص ف عيونها/دا انا ال كل يوم ببقي اسعد من اليوم ال قبله بسبب وجودك جمبي..انا حياتي سوده من غيرك 

احلام ابتسمت بحب وآدم باس خدها

ادم/بس متأكده من حوار   اول يوم شوفتيني فيه دا  كان من احلي ايام حياتك 

احلام ابتسمت ومسكت وشه ب ايدها

احلام/متأكده..علشان لو مكنتش قابلتك ف اليوم دا مكنتش عارفه هكمل حياتي من غيرك ازاي .انا مش متخيله حياتي من غيرك اصلا

 

ادم ابتسم وباس شفايفها بشوق ولهفه وباس رقبتها واحلام حاوطت رقبته ب دراعها وادم  شالها ف حضنه وراح ناحيه السرير

وسرحو ف عالمهم الخاص

في العربيه 

عند مالك وجنات 

مالك وصل أمام بيت جنات 

مالك /بسس ..وصلنا ي ستي 

جنات ابتسمت/شكرا تعبتك 

مالك /من امتي الاحترام والهدوء دا 

جنات /انا طول عمري هاديه ع فكره 

مالك ابتسم/ايوا ايوا انتي هتقوليلي 

جنات ابتسمت وموبايلها رن وكانت مامتها

جنات/ايوا ي ماما..انا قدام البيت اهو وجايه 

ام جنات (ناديه)/ايوا انا شيفاكي من الشباك ..ال معاكي دا مالك صح

جنات/اه 

ناديه/طب افتحي السبيكر عايزه اكلمه 

جنات/انا كدا هغير بجد والله

ناديه ابتسمت/اخلصي يبت

جنات فتحت السبيكر

مالك/عامله ايه ي حبيبتي 

ناديه ابتسمت/ انا زي الفل والله ي ابني ..بخير طول ما انتم بخير 

مالك ابتسم/يارب ديما

ناديه ابتسمت/بص بقي ..عيزاك تنزل مع جنات وتيجي نتعشي سوا انا عملالك الاكل ال انت بتحبه 

جنات/وانتي عرفتي الاكل ال بيحبه منين ان شاءالله 

ناديه/هو كان قايلي..طلعي انتي نفسك منها 

مالك/هتفضلي حاشره نفسك لحد امتي 

جنات/ماشي ماشي اتفقوا عليا كويس 

مالك ابتسم/تسلم ايدك بس خليها مره تانيه ان شاءالله..علشان الوقت اتأخر

ناديه/لاء مفيش حاجه اسمها مره تانيه ..انا عملت لك المكرونه بشاميل والجلاش ال انت بتحبهم..وبعدين الوقت متأخرش ولا حاجه دا العشا لسه مأذنه 

جنات ابتسمت وبصتله ف عينه/تعالي 

مالك بصلها ف عينها 

مالك ابتسم/ماشي 

جنات ابتسمت/خلاص ي ماما احنا نازلين اهو 

ناديه بابتسامه/ماشي ي حبايبي مستنياكم 

وقفلت المكالمه 

جنات/يلا بينا قبل ما المكرونه تبرد

مالك/وانتي مفكره هسيبك تاكلي منها ..المكرونه دي معموله علشاني انا

جنات ابتسمت/انا هاكل منها قبلك اصلا

مالك ابتسم /ماشي ..انا هنزل ل مامتك ونشوف حوار المكرونه ال انتي مفكراها علشانك دي 

ونزل من العربيه وجنات ابتسمت ونزلت هي كمان 

مساءا في فيلا فراس

روان قاعده ف الصالون بتشرب نسكافيه وبتتفرج ع التلفزيون 

فراس فتح الباب مفتاحه ودخل البيت 

وروان تجاهلت وجوده بزعل 

فراس راح لها وبصلها 

فراس/مش هتقوليلي حمد لله ع السلامه حتي؟

روان/

فراس بص ع الطربيزه لقي الاكل ال طلبهولها متغلف زي ما هو

فراس/انتي فضلتي كل دا من غير اكل؟

روان/مش جعانه ..انا هطلع انام

وحطت كوبايه النسكافيه ع الطربيزه وقامت وكانت هتمشي من قدامه فراس مسك ايدها وقفها 

فراس/انا اسف انا اتاخرت غصب عني والله

روان بزعل/ولا يهمك ما انت اكيد شغلك مهم برضو

فراس/بس مش اهم منك 

روان/لاء الواضح انه اهم مني فعلا 

وكانت هتمشي  

 فراس حاوطها من وسطها وقربها منه  بتملك

روان من غير ما تبصله/ممكن تسيبني ي فراس  لو سمحت علشان هنام

  

فراس بص ف عينها/انا اسف ..حقك عليا والله ما يهون عليا زعلك..انا الشغل كله كان فوق دماغي علشان انتي عارفه الفتره دي ادم واخد اجازه...وكان في ميتنج مهم لازم احضره 

روان بصتله/انا قاعده زهقانه طول اليوم ولوحدي ..وانت مبتوافقش حتي اطلع الجنينه الا ب اذنك..واستنيتك تيجي ونخرج زي ما قولتلي بس تقريبا الشغل مهم فعلا 

فراس/انا ا

روان/عن اذنك هطلع انام 

وبعدت عنه

وطلعت فوق

فراس اتنهد 

بعد شويه في الغرفه

فراس طلع من الحمام بعد ما اخد شاور وغير هدومه

وروان طلعت من  الدريسنج بعد ما غيرت هدومها ل بيجامه نوم 

و ربطت شعرها كعكه عشوائيه 

وكانت هتروح تنام ع السرير

فراس مسك ايدها 

فراس/مفيش نوم وانتي جعانه ...تعالي ننزل ناكل تحت يلا 

روان/لا شكرا مش جعانه انا هنام 

فراس مسكها من وسطها  وقربها منها وسندها ع الحيطه

فراس وهو باصص ف عينها/قولت مفيش نوم وانتي زعلانه مني وكمان وانتي جعانه 

روان /انا عايزه انام

فراس وهو باصص ف عيونها/هيجيلك نوم وهتعرفي تنامي وانتي زعلانه مني؟

روان من غير ما تبصله/اه عادي 

فراس/طب بصيلي 

ومسك دقنها خلاها تبصله

فراس/انا اسف  ..مقصدتش ازعلك ولا حتي يهون عليا زعلك ..لما كلمتك اخر مره وعرفت انك زعلتي مني والله مكنتش عارف اركز ف الشغل دقيقه ..حقك عليا انا اسف 

وباس شفايفها وراسها وخدها  وهو بيعتذر منها 

روان ابتسمت وقلبها دق بسرعه 

فراس باس رقبتها 

فراس/انا اسف

روان بخجل/فراس 

فراس ابتسم من خجلها وخدودها ال بقت حمرا 

فراس/ما انتي لازم تعذريني برضو ..انا مستحمل حلاوتك ب العافيه

وباس راسها

روان ابتسمت 

فراس  /لسه زعلانه مني؟ انا مقدرش ع زعلك والله العظيم ..بس زي ما قولت لك كان ضغط شغل

روان بزعل/علشان الشغل اهم مني

فراس رجع خصله من شعرها ورا ودنها/اوعي تقولي كدا تاني ..مفيش اي حاجه ف الدنيا اهم منك..انتي اهم مني.. ومن حياتي  ..واغلي حاجه ف حياتي

روان ابتسمت 

فراس أدرك هو قال ايه 

فراس بتوتر/احم ..اقصد يعني انتي امانه عندي ومينفعش ازعلك طبعا ..وبعدين احنا صحاب من قبل ما نبقي متجوزين 

روان ابتسمت/ايوا طبعا مصدقاك ..طالما احنا صحاب بقي بعد اذنك متبوسنيش تاني ..ولا تنام ف حضني علشان

..الصحاب مبيعملوش كدا

وبعدت عنه ..فراس حاوط وسطها بتملك وقربها منه تاني وهو سرحان ف جمالها 

فراس وهو باصص ف عيونها/لاء مش هتبعدي عني ..البوس والاحضان مسموح عادي 

روان ابتسمت بخجل وخبطته ف كتفه 

روان/طب لم نفسك

فراس بص ف عينها/لسه زعلانه مني؟

روان ابتسمت وهزت راسها ب لاء

فراس/ بكره ان شاءالله انا هطلع من الشركه بدري  وهنخرج نتعشي ف المطعم الرومانسي ال كان عاجبك ونفسك تجربيه

روان بابتسامه/قول والله

فراس ابتسم/والله 

روان ابتسمت/نعتبره ديت يعني

فراس وهو سرحان فجمالها/نعتبرو ديت

روان بابتسامه حضنته وفراس ابتسم وحضنها بقوه ودفن وشه ف رقبتها

في بيت ام جنات ناديه حطت كل الاكل ع السفرا 

مالك وجنات قاعدين ع السفرا وناديه بتغرف لهم الاكل

وغرفت ل مالك طبق

ومالك شاله من عنده وحطه قدام جنات

جنات ابتسمت وجابت شوكه وبدأت تاكل

وناديه غرفت طبق ل مالك وحطته قدامه

مالك ابتسم/تسلم ايدك..الاكل باين عليه وعلي ريحته حلو اوي 

ناديه ابتسمت/يارب يعجبك بس 

وحطت له بانيه 

جنات بغيظ/طب حطيلي زيه حبه طيب ولا هو بس ال هياكل 

ناديه ضحكت/حاضر ي غيوره 

مالك ابتسم 

وناديه حطت ف طبق جنات 

مالك /تعالي كلي يلا انتي واقفه من بدري 

ناديه ابتسمت/حاضر هدخل اجيب السلطه بس وهاجي 

ودخلت المضبخ 

ومالك بدا ياكل والاكل عجبه اوي 

جنات/عجبك

مالك ابتسم/حلو اوي ..شبهه اكل ماما الله يرحمها 

جنات ابتسمت /الف هنا 

مالك ابتسم

وناديه طلعت من المضبخ وحطت السلطه ع السفرا وقعدت

ناديه بابتسامه/ها قولي ..الاكل عجبك

مالك بابتسامه/حلو اوي تسلم ايدك ...دا كفايه انك عملاه ب نفسك.. تعبتي نفسك 

ناديه ابتسمت/مفيش تعب ولا حاجه وبعدين تعبك راحه دا انتي ابني 

مالك ابتسم

وبداو يأكلو كلهم

جنات كانت هتغمس البانيه ف صوص شطا 

مالك وناديه مع بعض/بلاش شطه 

جنات /انا بحبها مع البانيه صراحه 

ناديه /ما بلاش ما  انتي عارفه انك مش بتتحمليها 

جنات/لالا متقلقوش 

وحطت ع البانيه شطا ومالك صب كوبايه مايه من الشفشق ال جمبه لانه عارف انها هتتعبها 

جنات كلت وكحت

ناديه/شوفتي .قولت لك ..مش عارفه اعمل ايه ف عيندك دا والله

مالك أعطاها كوبايه المايه ال ف ايده وجنات خدتها وشربت وبقت احسن 

وناديه ابتسمت من اهتمام مالك بكل تفصيله ليها 

جنات/هي فعلا حره اوي 

مالك هز راسه ب معني مفيش فايده 

جنات بصتله/ايهه كنت عايزه اجرب 

مالك بصوت واطي/محتاجين حل وسط ل عيندك دا علشان كدا مبقاش نافع

جنات ابتسمت وبصتله ف عينه/ال عايزني يستحملني زي ما انا كدا

مالك بصلها ف عينها

والباب خبط 

ناديه/يتري مين جاي دلوقتي 

جنات/هقوم اشوف مين 

جنات قامت وفتحت الباب وكان صاحب البيت الهما مأجرينه منه

جنات /اهلا ي عم محمد

محمد/اهلا ي بنتي..انا كنت جاي اتكلم معاكم ف موضوع الإيجار 

جنات بصت ل مالك وخافت ل يكون سمع حاجه 

ومالك سمع بس بين غير كدا 

جنات/تعالي ي عم محمد نتكلم برة 

وطلعو وقفو يتكلمو قدام الباب 

جنات/ما حضرتك عارف اني بقبض اول الشهر هنجيب الإيجار منين دلوقتي 

محمد/والله دا اخويا ال مستعجل ع الإيجار  وقالي  لو فضلو يتاخرو كدا هناجر البيت لحد تاني 

جنات بغضب/لاء هو احنا مبنتأخرش ع حد ولا كلنا فلوس حد.كل ما ف الموضوع اني بقبض اول الشهر وحضراتكم كل اخر شهر بتبقو عايزين الفلوس وانا ببقي صرفتها ف ادويه ماما وحاجات تانيه 

محمد/بصي انا هقوله يصبر عليكم كمان يومين دة ال اقدر اعمله والله ..عن اذنك 

ومشي 

جنات اتنهدت ودخلت البيت 

مالك قام من ع السفرا

ناديه/ايه دا انت رايح فين 

مالك/عن اذنك في مكالمه ضروريه للشغل هعملها وهرجع تاني 

ناديه ابتسمت/ماشي ي ابني 

ومالك مسح ايده ف منديل  السفرا وقام

جنات/مكالمه  ايه ال دلوقتي محنا خلصنا شغل

مالك بصلها/اظن قولت مكالمه شغل 

 

جنات بغيظ/ماشي اتفضل

مالك اخد موبايله وطلع برا البيت

جنات راحت ل مامتها 

جنات /ماما هو سمع عم محمد وهو بيطلب الإيجار؟ 

ناديه/لالا ي شيخه معتقدش 

جنات اتنهدت/ انا مش عيزاه يعرف اي حاجه ولا يعرف اننا محتاجين فلوس علشان لو عرف هيدفعها هو ..كفايه اصلا انه بيجاهد نفسه علشان يسامحني بعد ما استغليته

ناديه ابتسمت/بس والله راجل بجد ويشرح ال قلب ويشرف اي حد..ابن ناس ومتربي بجد..واحد تاني مكنش بص ف وشك بعد ال حصل ..بس دا بيحاول يسامحك علشان عايز دا

جنات اتنهدت وقعدت/بيحاول يسامحني اي بس ي ماما انتي مش شايفه بيعاملني ازاي اصلا 

ناديه/والله بيحبك وعايز يسامحك ي عبيطه  .انتي مبتشوفيهوش بيبصلك ازاي ولا بيخاف عليكي ازاي.. وقد ايه مهتم بكل تفصيله تخصك ..هو بس يمكن بيعاملك كدا غصب عنه لما يفتكر ال حصل..حقه بصراحه حطي نفسك مكانه ...اديله شويه وقت وعلاقتكم هتتحسن والله 

جنات ابتسمت/انا مستعده استناه العمر كله

قدام البيت

مالك كان بيدور بعينه ع استاذ محمد ولقاه واقف مع حد من الجيران 

مالك راح له 

مالك/حضرتك استاذ محمد

محمد /ايوا مظبوط

مالك/عايز اتكلم معاك ف موضوع 

محمد للراجل ال واقف معاه/اسبقني انت ع الجامع وانا هحصلك ي ابو عمر 

ابو عمر/ماشي 

ومشي

محمد/تحت امرك اتفضل 

مالك/مش حابب تبيع البيت دا

محمد/انهي؟البيت ال حاجه ام جنات مأجراه 

مالك/مظبوط

محمد/والله هو مش بتاعي لوحدي بتاعي انا و اخويا..بس ممكن اعرض عليه الفكره 

مالك/قوله هديله الفلوس ال هو عايزها 

محمد /الشقه سعرها اتنين مليون يعني انت عارف الشقق غ 

مالك بمقاطعه/موافق 

محمد باستغراب انه وافق بسرعه

محمد/لو قولت 3 مليون! 

مالك/ نقدر نتمم البيع امتي؟

محمد ابتسم ب صدمه وانبهار

محمد/من دلوقتي لو حابب طظ ف رأي اخويا 

في اليوم التالي 

صباحا 

في القصر في غرفه ادم واحلام 

احلام خدت شاور وغيرت هدومها وقاعده ع السرير بترسم تصاميم 

ادم خرج من الدريسنج بعد ما غير هدومه بعد ما احلام اقنعته  يروح الشركه وكان لابس قميص رمادي و بنطلون اسود وبيلبس الساعه 

احلام بصتله وابتسمت

احلام/تصدق انا بدأت اندم اني اقنعتك تلبس الوان غير الاسود 

ادم راح لها/ليه 

احلام ابتسمت /علشان شكلك حلو اوي اوي

ادم ابتسم وقعد ع طرف السرير جمبها وباس راسها وخدها

احلام ابتسمت

ادم/انا اصلا مش عايز اروح  الشركه واسيبك 

احلام /لاء علشان خاطري روح انت بقالك كتير اوي سايب شغلك يضرب يقلب علشاني 

وبصتله بتحذير 

احلام/بس لو واحده فكرتك تبص لك وانت شكلك حلو اوي كدا هقتلكم انتو الاتنين 

ادم ابتسم حاوط وسطها ب ايدها وقربها منها 

ادم وهو سرحان ف جمالها 

ادم/انا راضي اموت ع ايدك عادي 

وباس شفايفها ورقبتها

 احلام ابتسمت /بعد الشر عليك 

وباست خده 

ادم/هو انا لازم اروح الشركه اوي يعني

وباس شفايفها تاني 

احلام ابتسمت وحاوطت رقبته بدراعها/انا مش عيزاك تروح .. لو عليا عايزه افضل لازقه فيك كدا طول الوقت بس هزعل اوي لو شغلك اتلغبط بسببي .وانا بقيت كويسه متخافش عليا والله ي حبيبي 

 ادم ابتسم وباس راسها وحضنها واحلام حضنته بقوه 

احلام طلعت من حضنه

احلام /هو انا ينفع اروح الشغل..انا الشغل وحشني اوي 

ادم بيعدل لها شعرها ورجع خصله من شعرها ورا ودنها

ادم/لاء مينفعش علشان احنا مسافرين اصلا ..انا هروح النهارده الشغل بس اشوف الدنيا وهرجع نجهز شنطنا و هنسافر ع طول 

احلام ابتسمت/بجدد..هنروح فين 

ادم/المالديف..انا حجزت لنا خلاص والطياره بكره 

احلام بابتسامه/الله تحفه ..انا نفسي اروحها من زمان 

ادم /دي الخطوه الاولي علشان الففك العالم..تاني بلد هتبقي اختيارك انتي 

احلام ابتسمت وباست خده  وحضنته بقوه 

احلام/انا بحبك 

ادم ابتسم/وانا مقدرش اعيش من غيرك 

احلام بابتسامه/ربنا يخليك ليا 

ادم باس راسها ورقبتها

الجميله والوحش  

البارت التاسع والعشرين 

في شركه آدم الضهر

ادم ف مكتبه قدامه ملف وبيشتغل 

فراس دخل المكتب و ف ايده ملف 

فراس/قالولي انك هنا مصدقتش نفسي..ي اخي حمد لله ع السلامه 

وقفل الباب 

ادم بصله/الله يسلمك ..ايه اخبار الشغل 

فراس راح له وقعد قصاده

فراس/كله زي الفل متقلقش ..ودا ملف اخر صفقه بص فيه براحتك 

ادم اخد منه ملف الصفقه 

فراس /انا هسيبك لوحدك النهارده وهطير بدري من الشغل ..واعد روان بخروجه النهارده 

ادم وهو مركز ف الملف ال قدامه/ماشي

فراس ابتسم/انا عايز اقولك ع حاجه

ادم بصله/خير 

فراس ابتسم/شكرا انك ادتني اغلي واحلي حاجه حصلت لي ف حياتي..روان..دي كانت حلم ديما شايفه مستحيل يتحقق مهما حصل....بس دا اتحقق بسببك وانا من وقتها اسعد شخص ف الكون

 

ادم ابتسم 

فراس/انا عارف ان مينفعش اقول كدا واخبي زي ما خبيت طول السنين ال فاتت بس مبقتش قادر الصراحه 

ادم ابتسم/وانت زي ال متخلف فاكرني مش عارف

فراس بصدمه/انت كنت عارف ؟انت عرفت منين!

ادم/ انا حافظك اكتر من نفسك ..زيك زي مالك بالضبط ...وعارف انك بتحبها من سنين  وبتخاف عليها من نفسك وانك مستعد تضحي بحياتك علشانها

فراس ابتسم/ ي اخي انا بحبك والله..ربنا خد مني عيلتي بس عوضني بيك انت ..واحلي عوض والله 

ادم ابتسم/متشكرين ي اخويا 

..بس ال انا مستغربه انك ليه مجتش قولت لي

فراس/انا فكرت ١٠٠ مره اجي اقولك  بس كل مره كنت بخاف تفهمني غلط وتفتكرني ببص ع اهلك بيتك واخون ثقتك بس انا والله طول السنين دي بعاملها زي اختي زي ما كان باين  ..ومخبي حبي ف قلبي وعمري ما فكرت اطلعه 

ادم /انت متخلف يالا؟ افهمك انت غلط ازاي يعني..انت اخويا وغلاوتك من غلاوه مالك بالضبط وبثق فيك اكتر  مما تتخيل  . انا مكنتش بأمان ع روان الا معاك

فراس ابتسم وقام حضنه وادم ابتسم وحضنه بقوه

ادم/انت قولت ل اختي مشاعرك دي بقي ولا مقولتش 

فراس طلع من حضنه واتهند 

فراس/لاء مقولتش

ادم/لاء جدع ..خليك قاعد مش عايز تنطق كدا

فراس راح قعد مكانه 

فراس/انا خايف  ..افرض قولت لها وهي لسه شيفاني صاحبها بس..افرض خافت وبعدت عني ..انا مقدرش اعيش من غيرها ..انا مستعد افضل عايش معاها بقيت عمري وانا كاتم مشاعري جوايا بس تفضل جمبي

ادم ابتسم وهز راسه بمعني مفيش فايده

ادم/قولها ي فراس وبطل هبل..اختي مبسوطه معاك وباين عليها...مستحيل ترفضك وتبعد عنك

فراس /احلف ..هي قالت لك حاجه؟..قالت لك انها مبسوطه معايا 

ادم/لاء مقالتش بس باين عليها..وبعدين لو اختي مش مبسوطه هسيبها ف بيتك كل دا ليه ؟مستغني عنها علشان خاطرك؟ .ما تولع.  انا اهم حاجه عندي اختي 

فراس ابتسم واتنهد وفكر جديا يعترف لها بكل حاجه

في شركه مالك

بيشرب قهوته ف مكتبه وقدامه ملف بيشتغل 

جنات دخلت مكتب مالك وهي ف ايدها ملف وكانت بتبص ف موبايلها ب استغراب 

جنات/الملف ال حضرتك طلبته 

مالك اخده منها وهي بتبص ف موبايلها 

مالك/في حاجه 

جنات/صاحب البيت كان عايز الإيجار بدري وانا خدت سلفه من الشركه و..ا اقصد جهزتله الفلوس يعني علشان اديهاله وبتصل بيه بيقولي خلاص مبقتش عايزهم دلوقتي ادفعيهم اي وقت براحتك

مالك/طب و ايه المشكله 

جنات/منا استغربت علشان هو عمره ما كان كدا ..المهم ما علينا  انا هروح اكمل شغلي محتاج مني حاجه 

مالك/لاء شكرا 

جنات بصوت واطي وهي بصاله  بابتسامه 

جنات/انت ازاي عسول و كتكوت كدا ...ديما جوايا شعور اني عايزه ابوسك ...ايه ال انا بقوله دا جنات لمي نفسك عيب

مالك بصلها وابتسم/هتفضلي واقفه تكلمي نفسك كدا كتير 

جنات انتبهت /ها .. لالا انا همشي اهو 

وفجأه موظفه خبطت ودخلت

ندي بابتسامه/مالك بيه محتاجين توقعيك هنا 

جنات بصتلها بغيره لانها ديما بتغير صوتها وبتتدلع اول ما تشوف مالك 

مالك/تعالي ي ندي 

ندي راحت له ع المكتب واعطته الملف 

ندي بدلع/وكنت عايزه حضرتك ف موضوع يعني لو ينفع 

مالك وهو بيوقع/خلاص ي جنات تقدري تروحي انتي 

جنات بغيره وغضب/لاء

مالك بصلها

جنات ابتسمت بتوتر/اقصد ان انا عايزه حضرتك ف حاجه نسيت اقولها

ندي بصتلها بغيظ/يعني الحاجه دي افتكرتيها فجأه دلوقتي 

جنات حاسه انها عايزه تهبد

 دماغ ندي ف اقرب حيطه من الغيظ

جنات بغضب/وانتي مالك مش فاهمه اقول اي حاجه ف الوقت ال انا عيزاه 

مالك ابتسم من غيره جنات وغضبها ال بيعشقهم 

ندي بغضب/لاء بقولك ايه  انا مسمحلكيش تتكلمي معايا ب الطريقه دي ا

مالك بص ل ندي بغضب وندي سكتت بتوتر

ندي/انا اسفه بس حضرتك شايفها بتتكلم معايا ازاي 

مالك رمي الملف ع الطربيزه قدامها

مالك/اظن الورق اتوقع وبقي جاهز خدي واتفضلي شوفي شغلك 

 جنات ابتسمت ومبسوطه انه مسمحش ل ندي تكلمها ب اسلوب وحش ودافع عنها 

ندي خدت الملف بغيظ وبصت ل جنات بغضب وطلعت برا المكتب

مالك ل جنات/تعالي اقعدي وقوليلي كنتي عايزه ايه 

جنات بابتسامه/منا نسيت خلاص

مالك ابتسم/نسيتي ..ماشي

جنات ابتسمت/عن اذنك هروح اكمل شغلي 

مالك ابتسم/روحي 

جنات طلعت برا ومالك ابتسم 

ندي راحت مكتبها وحطت الملف ع الطربيزه بغضب

موظفها راحت لها وهي بتشرب قهوه

الموظفه/خيرر مالك

ندي/اراهنك ان الاستاذه ال اسمها جنات بترمي نفسها ع مالك بيه ومليون ف الميه في بينهم حاجه 

الموظفه /ال انتي بتقوليه دا بجد..عرفتي منين؟

ندي بغيظ/طبعا بجد  .وانا وحياه امي هفضحها ف الشركه كلها 

عصرا في القصر 

احلام غيرت هدومها ونزلت قعدت مع طارق شويه وتطمن عليه وتديله الدوا وطلعت اوضتها تاني وقعدت تقرأ كتاب ع الكنبه  

احلام سابت الكتاب ومسكت موبايلها ترن ع ادم لانه وحشها اوي وآدم رد

احلام/ادم

ادم ابتسم/عيون ادم 

احلام ابتسمت/انت وحشتني اوي ..يارتني ما قولت لك روح الشركه..الفتره ال فاتت كنت مبسوطه اوي واتعودت ع وجودك جمبي لما كنت واخد اجازه ومسبتنيش لحظه 

ادم ابتسم/انا طول ما انا بشتغل مبعملش حاجه غير اني بفكر فيكي و ف عيونك و ف ضحتك ال بعشقهم 

احلام ابتسمت بحب/بجد 

ادم  /بجد..  هانت كلها كام ساعه وهاجي اخدك ونسافر ونقفل موبايلتنا ونبعد عن الشغل وعن الناس ..انا وانتي بس...مش هسمحلك تبعدي عني لحظه

احلام ابتسمت بحب

ع المغرب

في مطعم حلو اوي وهادي ورومانسي مخصص للكابلز بس

فراس قاعد ع طربيزه لابس قميص ابيض وبنطلون اسود وروان قاعده قصاده و لابسه دريس بيج ولامه شعرها وحاطه ميكب خفيف وكان شكلها حلو اوي

وفراس حاجز المطعم ليها مخصوص  النهارده 

روان بابتسامه/فراس المكان شكله حلو اوي 

فراس وهو سرحان ف جمالها/وانتي شكلك حلو اوي اوي 

روان ابتسمت 

فراس /يعني الحمد لله اني حجزت المطعم لينا احنا بس ...كنت هستحمل حد يبصلك وانتي حلوه اوي كدا ازاي 

ومسك ايدها وباسها

وروان مش مصدقه نفسها وفرحانه اوي وابتسمت بحب

فراس /انا كنت جايبلك حاجه يعني يارب تعجبك 

روان ابتسمت/ايه

فراس  طلع من جيبه علبه قطيفه وفتحها 

وكان انسيال الماظ شكله حلو اوي 

روان بابتسامه/فراس دا شكله حلو اوي 

فراس ابتسم /عجبك بجد ؟

روان مسكت الأنسيال بابتسامه/ايوا طبعا ...دا تحفه 

فراس /دي حاجه بسيطه مش من مقامك..انتي تستاهلي اغلي حاجه ف الدنيا 

روان ابتسمت/حلو اوي اوي وعجبني اوي ..شكرا

فراس ابتسم 

روان بابتسامه/يلا لبسهولي 

فراس اخد الانسيال منها ومسك ايدها ولبسهولها وباس ايدها وروان ابتسمت

والجرسون راح لهم وهو شايل صينيه الاكل وبدأ يحط الاكل ع الطربيزه 

وجه جرسون تاني صب مشروب 

الجرسون/حضرتك تأمر بحاجه تانيه ي فراس بيه 

فراس/لاء متشكر ..وخد المشروب دا معاك

الجرسون/حاضر 

وشال الخمرا ومشي وروان ابتسمت 

فراس/يارب الاكل يعجبك 

روان مسكت الشوكه 

روان ابتسمت/هيعجبني متقلقش المطعم دا اكله حلو كدا كدا 

فراس بصلها ووشه قلب 

فراس بغيره/أنتي جيتي هنا قبل كدا

روان ضحكت 

روان /بهزر ..اهدي ..انا عرفت انه حلو من صور الناس المرتبطين ال بشوفهم ع الانستا بس

فراس ابتسم/اااه اذا كان ماشي 

روان مسكت السكينه ال ع الطربيزه بتحذير

روان/انت بقي ي فراس بيه عرفت المكان دا منين ..كنت بتيجي مع حد غيري ..جيت مع كام واحده هنا قبل كدا ها؟

فراس ابتسم/لسه هعد؟

روان بصدمه/نعم؟

فراس ضحك/بهزر والله.

روان بصتله بزعل /فراس قول الحقيقه..جيت مع بنات كتير هنا صح ..علشان المكان دا للمرتبطين بس

فراس ابتسم ومسك ايدها 

فراس/والله عمري ما جيت مع أي واحده هنا ..انا لسه بجرب المطعم ل اول مره معاكي ..وبعدين بنات اي ال بتتكلمي عنهم مفيش واحده تستاهل تتحط ف مقارنه معاكي اصلا الدنيا كلها ف كافه وانتي ف كافه تانيه لوحدك

روان ابتسمت

 وموبايل فراس رن 

وبص ع الموبايل ال جمبه ع الطربيزه وكانت رنا 

روان بغيظ/بترن ليه دلوقتي دي 

فراس كنسل 

فراس/اكيد شغل..سيبك منها   يلا ناكل قبل ما الاكل يبرد

روان قلبها مش مرتاح للبنت دي ومش عيزاها تبقي جمب فراس بالطريقه دي بس قالت ل نفسها مش هبوظ اليوم الحلو دا بسببها

روان ابتسمت/يلا ناكل 

وبدأو ياكلو 

في القصر 

في غرفه احلام 

الخدم جهزوا شنط ادم واحلام وحاطينها قدام الدريسنج 

واحلام واقفه عند الشباك بتكلم بباها ف الموبايل تقولهم انها مسافره علشان ملحقتش تزورهم 

كرم بيكلمها وفاتح ال سبيكر 

كرم/تروحو وترجعو ب الف سلامه ي نور عيني 

احلام ابتسمت/حبيبي ي بابا 

حمزه/طيارتكم امتي 

احلام /بكره الضهر ان شاء الله 

ليليان /احلام هتوحشينا اوي

احلام بابتسامه/وانتي كمان ي روح قلبي هتوحشيني اوي اوي

و ادم رجع من برا ودخل الغرفه وراح ل احلام ال بتتكلم ف التليفون ومخدتش بالها انه دخل

ادم حضن احلام من ضهرها وحاوط وسطها ب ايده وباس رقبتها احلام ابتسمت وحطت ايدها ع ايده ال محاوطه ع وسطها

كرم /ماشي ي حبيبتي هيجيلك  نطمن عليكي قبل ما تسافري  ب السلامه ان شاءالله 

احلام ابتسمت/ماشي ي حبيبي ..مع السلامه 

وقفلت المكالمه 

احلام بابتسامه لفت ل ادم وادم حاوط وسطها ايده

احلام/وحشتني اوي اوي

وحضنته 

ادم حضنها بقوه وباس راسها

ادم/صدقيني مش اكتر مني 

احلام ابتسمت وطلعت من حضنه وحاوطت رقبته بدراعها

احلام/ ينفع كدا سايبني طول اليوم لوحدي 

ادم قرب منها وهو سرحان ف جمالها/حقك عليا والله ..بس كان لازم اشوف الشغل ماشي ازاي قبل ما نسافر 

احلام قربت منه

احلام/اسامحك يعني

ادم  قرب منها اكتر/ياريت

وكان هيبوسها احلام بعدت عنه احلام ابتسمت/لاء سوري مش هسامحك المره دي 

ادم ابتسم/بقي كدا... بتلعبي بمشاعري ...ماشي اصبري عليا لما نسافر بس

احلام قربت منه ومسكت وشه ب ايدها وباست خده وشفايفه 

احلام/مقدرش ..دا انت حبيبي وروح قلبي 

وادم ابتسم  وحاوط وسطها ب ايده  وقربها منه

ادم/انا حبيبك وروح قلبك 

احلام ابتسمت/ايوا ..ومقدرش اعيش من غيرك كمان

آدم ابتسم وباس شفايفها

مساءا في فيلا فراس

فراس وروان وصلو البيت ودخلو الاوضه بعد ما خلصو السهره 

أكلو و رقصوا سلوو و بعدها فراس اخدها ع سينما حجزها ليهم هما الاتنين بس ودا كان احلي يوم عدي ع روان وكانت مبسوطه اوي

فراس قفل الباب وروان كانت بتكلم احلام ف التليفون بتقول لها انهم مسافرين ن 

فراس بص ل روان بابتسامه وبيحمد ربنا كل يوم انها ف حياته ومراته

 وهي بتتكلم ف التليفون وبتحكي ل احلام انهم خرجو وانها مبسوطه اوي 

فراس قرب من روان وحاوط وسطها ب ايده بتملك و روان بصت ل فراس بخجل 

روان بخجل بصوت واطي/فراس 

فراس وهو سرحان ف جمالها وباس راسها

فراس/نعم 

وشم عنقها وباس رقبتها 

روان ابتسمت بتوتر وخجل/ا اه ي احلام انا معاكي .ا انتو طيارتكم امتي

احلام/بكره الضهر..لازم اشوفك  قبل ما امشي 

روان/ا ايوا هاجي ان شاءالله 

احلام ابتسمت/ماشي ي حبيبتي تصبحي ع خير 

وقفلو المكالمه مع بعض 

روان خبطت فراس ف كتفه بغيظ

روان/انت هتلم نفسك امتي

فراس وهو سرحان فيها وباس خدها

فراس/انا مش قادر امسك نفسي عن الحلاوه دي خلاص 

روان ابتسمت 

وفراس باس شفايفها بشوق ولهفه وقرر يأجل اي كلام كان هيقوله وروان الموبايل وقع من ايدها ع السجاده وفراس باس خدها ونزل ع رقبتها

 وروان تاهت من لمساته

موبايل فراس رن 

روان /فراس ..موبايلك 

فراس بيبوس رقبتها/يولع 

في شركه من شركات ادم وفراس شريك فيها

في مكتب رنا 

قاعده بترن ع فراس كتير  وجمبها صحبتها سما 

سما/والله انتي هتودي نفسك ف داهيه بسبب ال بتعمليه دا 

رنا بغيظ/قسما بالله ما هسكت الا لما اخرب جوازهم ال هي فرحانه بيه دا..مش كفايه أن انا ال مفروض ابقي مراته ..شغاله معاه بقالي سنين وراح اتجوزها هي

سما/وانتي بقي لما تكلميه وتكذبي وتقولي ان ملف مهم ضاع كدا خلاص خربتي جوازهم 

رنا ابتسمت/اصبري بس عليا وانتي تشوفي

في فيلا فراس 

روان بعدت عن فراس 

روان /رد ع موبايلك يمكن حاجه مهمه 

فراس قربها منه تاني وبص ف عيونها 

فراس/والله ما في حاجه اهم منك 

روان ابتسمت/طب رد الاول علشان خاطري. اكيد في حاجه مهمه علشان الاتصالات دي كلها 

فراس اتنهد  وطلع موبايله من جيبه وكانت رنا 

فراس/استغفر الله 

روان بصت ف موبايلها 

روان بغيظ/عايزه ايه هي دلوقتي مش فاهمه..مش المفروض الشغل خلص من نص ساعه  

فراس /اكيد عيزاني ف شغل هيكون ايه 

روان ربعت ايدها بغيظ وغيره

فراس رد عليها

فراس بغضب/في ايه ي رنا يستدعي المكالمات دي كلها مش فاهم 

رنا بتمثل التوتر/انا اسفه ي فراس بيه اني بتصل دلوقتي بس ملف اخر صفقه مش لقياه وشكله اتسرق وحضرتك عارف لو راح ل شركه منافسه ايه ال ممكن يحصل

فراس بغضب /اتسرق ازاي..ايه ال انتي بتقوليه دا

عند الشركه 

فراس وصل  ب عربيته تحت الشركه ونزل من العربيه بسرعه

الأمن عند الباب/حمد لله ع السلامة ي فراس بسه

فراس دخل الشركه بسرعه وركب الاسانسير وطلع الدور بتاعه 

وكان معظم الموظفين خلصت شغلها وبتلم حاجتها علشان تمشي 

رنا راحت ل فراس بسرعه 

فراس بغضب/زفت الملف اتسرق ازاي...وانتي كنتي فين مش انا مسلمهولك اخر مره 

رنا بتوتر زائف/والله كان ف مكتب حضرتك اخر مره ممكن تشوفه كدا يمكن تلاقيه ان شاءالله 

فراس دخل مكتبه ورنا راحت وراه وقفلت الباب بخبث 

وكانت مثبته موبايل بيصور ف ركن 

فراس بيدور ع الملف ف ادراج المكتب 

ورنا واقفه بتبص له ب اعجاب وبتقول ف سرها قد ايه شكله حلو حتي وهو متضايق ومتعصب

فراس /انا مش فاهم الزفت الملف فين انا اخر مره حاطو ب ايدي هنا

رنا راحت له 

رنا/مش عارفه بس حضرتك اكيد هتلاقيه هنا ولا هنا

رنا استغلت ان فراس مشغول وبيدور ع الملف وقربت منه وفراس بص لها ورنا كانت هتبوسه فراس بعد عنها بسرعه بخضه 

فراس بعصبيه/ايه ال انتي بتهببيه دا

رنا بتمثل التوتر/انا ا انا اسفه .انا مش عارفه عملت كدا ازاي 

فراس بغضب/رنا انتي بقيتي بتتعدي حدودك كتير وانا حزرتك قبل كدا قسما بالله لو متظبطيش ل يبقي جزاتك طردك 

رنا مثلت العياط/بجد ي فراس بيه انا اسفه معرفش حصلي ايه وعملت كدا ازاي

فراس كمل تدوير ع الملف واخيرا لقاه ورنا اصلا ال كانت مغيره  مكانه

فراس/الملف اهو ع الله تتكرر تاني ولا اي حاجه مهمه تضييع

وحطه ف درج من الادراج وقفل عليه ب القفل

وطلع برا المكتب

رنا راحت جابت الموبايل ال بيصور وابتسمت بخبث

رنا/حتي لو معرفتش ابوسه بس ال صورته كفايه اوي 

في فيلا فراس 

في الغرفه عند روان 

خدت شاور وغيرت هدومها وعملت شعرها كعكه عشوائيه وغيرت وقعدت ع السرير بابتسامه وهي بتفتكر قرب فراس منها ...اتاكدت انها بتحبه اوي ومتقدرش تعيش من غيره 

فجأه اتبعت لها رساله جابت الموبايل من ع الكومودينو 

وفتحت الموبايل وكانت صوره من رقم غريب روان فتحت الصوره ب استغراب 

وكانت الصوره عباره عن  فراس مقرب من رنا اوي لدرجه تبان انه بيبوسها 

روان بدموع حطت ايدها ع فمها بصدمه ومش مصدقه ال بتشوفه 

بعد ربع ساعه فراس دخل الفيلا وهو مبسوط انه راجع ل حضن روان

في غرفه روان

لمت هدومها ف شنطه وغيرت هدومها وقاعده ع السرير سرحانه

فراس دخل الغرفه بابتسامه 

فراس/انتي صاحيه..انا قولت هلاقيكي نمتي 

وبص ع شنطه هدومها وبص عليها لقاها مغيره هدومها ل هدوم خروج

فراس/ايه دا؟ انتي كويسه؟هو في حاجه حصلت حد حصله حاجه؟ 

روان بصتله/رجعت من عندها بدري يعني 

فراس ب استغراب/من عند مين؟

روان قامت واعطته موبايلها 

وفراس بص ف الموبايل وبص ع الصوره

فراس بتوتر/ا ايه الصوره دي و مين بعتهالك

روان بدموع/اه طبعا. ما انت كل ال هامك مين ال بعتهالي ..سبتني وقولت لي هروح اجيب ملف مهم وروحت لها!

فراس بتوتر/والله العظيم ي روان انتي فاهمه غلط  .انا هفهمك والله 

 و قرب منها يمسح لها دموعها روان بعدت عنه

فراس ب خوف من خسارتها/متعيطيش علشان خاطري..والله العظيم انتي فاهمه غلط.. انا هفهمك

روان مسحت دموعها/لاء ..كل حاجه واضحه .. انا ال غبيه ..كنت منتظره ايه وانا عارفه انك متجوزني غصب عنك بسبب ادم ..وانت من حقك تختار حد انت مش مجبر عليه..بس انا هريحك مني خالص وتقدر تعمل ال انت عايزه 

ومسكت شنطتها 

وكانت هتمشي

فراس/ال كلام دا مش حقيقي  .انا عمري ما حبيت ولا هحب قدك 

روان وقفت 

وبصتله 

فراس باصص ف عيونها/والله العظيم بعشقك ومبقدرش اعيش من غيرك ..من اول يوم عرفت فيه ادم واعتبرني واحد من عيلته ..وعيلتك اعتبرتني واحد منهم و ادم كان بيأمنك معايا اوصلك الجامعه والكورسات واكون معاكي ف مشاوريك وف كل حاجه وانا عشقتك ..انتي بالنسبه لي كنتي نجمه ف السما مستحيل تبقي ليا ..كل يوم كنت بستني الوقت ال هقابلك في واشوفك فيه واقضي وقت معاكي ..ولما بتجيلي وتطلبي مني طلب وتقولي لي معلش ي فراس ..معلش ازاي بس دا انا بدعي ربنا يحصل اي حاجه علشان تكلميني وتطلبي مني اي حاجه علشان اشوفك واسمع صوتك. فضلت كدا سنين بحبك وساكت وكاتم جوايا خايف اقولك تقوليلي انا شيفاك بس صاحبي واخويا ..ومقولتش مشاعري دي  لحد ..حتي ادم صاحب عمري مقدرتش اقوله ..ولما قالي انتو وروان هتتجوزو انا مصدقتش نفسي ..حب عمري هتبقي مراتي  ع زمتي  و ف بيتي...انا لحد دلوقتي مش مصدق اصلا ..طول عمرك حلم بعيد عارف انه مش هيتحقق ..الصوره ال انتي شوفتيها دي مش حقيقيه ..انا كنت بجيب ملف مهم من المكتب وهي كانت موجوده انا معرفش هي عملت كدا ليه والله 

روان دمعت وفرحانه ومش مصدقه ال بتسمعه فراس بيحبها طول السنين دي كلها وهي محستش بيه ولا خدت بالها قد ايه هو بيحبها...بس الصوره ال شافتها مش عايزه تطلع من دماغها 

روان بدموع/انا مش هصدقك واكذب عيني ي فراس..انا هرجع بيت اهلي وبعد اذنك نتطلق بهدوء 

فراس مسك دراعها وقفها وقربها منه  /انا مستحيل اطلقك ي روان..مستحيل ...انا مقدرش اعيش من غيرك ..اقعدي علشان نتكلم وانا هثبت لك والله انك فاهمه غلط 

روان فلتت دراعها من ايده/وانا مش عيزاك تثبت لي حاجه

وخدت شنطتها وبصت ع ايدها لقت خاتم الجواز خلعته ورمته ع السرير وطلعت برا الفيلا وفراس راح جاب الخاتم من ع السرير بسرعه وراح وراها  بسرعه

وروان راحت للبودي جارد

روان بغضب/طلبت التاكسي 

البودي جارد/اه ي روان هانم منتظر حضرتك برا  ..عنك الشنطه 

فراس/ روان اسمعيني

البودي جارد خد من روان الشنطه وراح حطها ف شنطه التاكسي

روان بصت ل فراس/وانا قولت لك مش عايزه اسمح حاجه وبعد اذنك ورقه طلاقي توصلي 

و مشيت من قدامه وراحت للتاكسي وفتحت الباب 

فراس مسك ايدها/طيب هتروحي فين دلوقتي الساعه ١١ خليكي هنا وانا همشي والله ..خليكي انتي ف بيتك وانا همشي 

روان سحبت ايدها بغضب/لاء انا هروح بيتي ال بجد دلوقتي و والله لو مسبتنيش امشي هروح مكان ولا انت ولا حد هيعرفه 

وركبت التاكسي والتاكسي مشي 

وروان دمعت

فراس راح جاب عربيته بسرعه وركبها وراح ورا روان 

فراس وهو سايق فتح موبايله ورن ع حد من الشركه 

فراس بغضب/ بنت ال **** ال اسمها رنا دي تديلها بقيا حسابها وتغ*ر من الشركه مش عايز اشوف وشها تاني ..لحد ما افضي لها بس وافوق لها

في القصر 

في غرفه ادم واحلام 

ادم شال الشاش من ع راس احلام

احلام/كدا بقيت كويسه خلاص صح.  ومش هحط شاش تاني أخيرا 

ادم باس راسها/ايوا الحمد لله ..بس الادويه لازم تاخديها للاخر ..فاضل فيها حاجه بسيطه اصلا 

احلام اتنهدت/ماشي

وادم باس باطن ايدها 

احلام ابتسمت /تعالي ننزل نقعد مع اونكل ومالك شويه قبل ما نسافر هما اكيد هيوحشوك 

ادم/ماشي تعالي 

في الصالون تحت 

طارق قاعد بيشرب قهوه  و جمبه مالك ماسك الموبايل وبيشرب معاه قهوه بعد ما رجع من الشغل اخد شاور وغير هدومه 

طارق ابتسم/انا حاسسك احسن اليومين دول مش عارف ليه..حاسس انك مبسوط ومرتاح

 

مالك بصله وابتسم/ادعيلي انت بس ي بابا

 

طارق/والله مبعملش حاجه غير اني بدعيلك انت واخواتك 

مالك باس ايده وطارق ابتسم 

نزل من فوق ادم واحلام 

مالك /ي اهلا ي اهلا

ادم/عاملين ايه

طارق ابتسم/احنا زي الفل والله ..تعالي اقعدو 

وقعدو 

مالك /عايز اقولك ي احلام الكيكه ال انتي عملتيها النهارده خطيره

طارق ابتسم/ايوا فعلا انا قاعد باكل منها من الصبح 

احلام ابتسمت/الف هنا 

ادم بصلها/طب ايه انا مش هدوقها

احلام ابتسمت/انا مخبيالك حته كبيره اوي اصلا

ادم ابتسم وباس ايدها

وفجأه الباب خبط والخادمه راحت فتحت الباب وروان دخلت وساحبه شنطه 

الخادمه خدت منها الشنطه ودخلتها وراحت توديها اوضتها

احلام بابتسامه/روان 

ادم وقف واستغرب انها جايه دلوقتي لوحدها ومعاها شنطه

ادم ابتسم/تعالي ي حبيبتي 

روان راحت لهم وحاولت تبتسم 

روان/عاملين ايه

 

وراحت حضنت طارق

طارق حضنها بابتسامه/وحشتيني اوي اوي ..كويس انك جيتي علشان تشوفي اخوكي ومراته قبل ما يمشو

روان ابتسمت وسلمت ع مالك 

مالك حضنها بقوه /وحشتيني يبت والله 

روان ابتسمت/انت كمان

وحضنت احلام 

احلام حضنتها ب ابتسامه 

احلام ابتسمت/كويس انك جيتي اشوفك قبل ما نسافر .

روان ابتسمت 

مالك /امال فراس فين..وايه الشنطه ال مها دخلتها دي

ادم خد روان ف حضنه 

وروان حاولت متعيطتش

ادم بصلها/انتو كويسين ؟اتخانقتو ؟

روان محبتش تنكد عليهم قبل ما ادم واحلام يسافرو وقررت تقول لهم لما يرجعو من السفر

روان ابتسمت/لالا مفيش حاجه دا انا جيت اسلم عليكم قبل ما تسافرو..وكمان اقعد معاكم يومين علشان بابا وحشني وانتو كمان وحشتوني

ادم عارف انها بتكدب ومتأكد ان حصل حاجه بس مرضيش يضغط عليها دلوقتي

ادم باس راسها وروان ابتسمت 

طارق ابتسم/تنوري اي وقت ي روح قلبي..دا البيت وحش من غيرك 

روان ابتسمت/حبيبي ي بابا ..هدخل ارتاح شويه انا 

ادم/ماشي روحي

روان دخلت غرفتها 

احلام ل ادم/هدخل لها 

ادم هز راسه ب موافقه 

واحلام دخلت غرفه روان

فراس وصل قدام القصر 

ونزل من عربيته بسرعه

ورن الجرز والخادمه فتحت وفراس دخل 

وراح لهم الصالون 

فراس/مساء الخير ..روان فين 

ادم/يعني ايه روان فين؟ مش المفروض انت عارف ان مراتك جايه ع هنا 

فراس بتوتر /اه بس ا 

طارق/طالما انتو الاتنين ناويين تيجو كل واحد جه لوحده ليه ي ابني

مالك/هو حصل حاجه ي فراس ولا ايه

فراس فهم ان روان لسه محكتلهومش حاجه 

فراس/ل لالا مفيش حاجه دا روان كانت عايزه تجيلكم يومين بس علشان انتو وحشتوها وانا قولت لها اني مش هعرف اروح معاهم بسبب الشغل ف زعلت مني شويه بس 

طارق/ايوا معاها حق ..مينفعش كل واحد فيكم يبقي بايت ف مكان ..بات هنا معاها واصحي الصبح روح شغلك وارجع بات هنا تاني ايه المشكله 

ادم مسك دراع فراس/تعالي عايزك 

 واخده الصالون التاني وقفل الباب 

فراس/نعم

ادم بغضب/انت مزعلها ؟قسما بالله لو طلعت مزعلها وانت ال غلطان ل اطلقها منك دلوقتي 

فراس بتوتر وخوف من خسارتها/ايه ال انت بتقوله دا ي آدم ..انا مقصدش ازعلها طبعا انا ميهونش عليا زعلها اصلا 

ادم /طب اتفضل احكي ايه الحصل  عدل زي الناس 

فراس حكاله ال حصل 

فراس/وانا والله العظيم مخدتش بالي انها قربت مني اول ما لاحظت دا بعدت عنها ع طول انا اتخضيت اصلا من ال عملته ..انا عمري ما فكرت اخون روان ولا اقدر افكر ف حاجه زي كدا اصلا..اذا كان لما كنا صحاب ومفيش اي حاجه بينا لو سلمت ع اي بنت تانيه حتي بحس اني بخون روان 

ادم/طيب براحه ..سايسها براحه وحاول تصالحها وتفهمها   ..روان لسه صغيره ..وصغيره ع الجواز وتحمل المسؤوليه

 هي لسه ال 22وانت 31 يعني فرق 9 سنين يعني كتير ..ف اي جنان هي تعمله انت لازم تستحمله وتتفهمها

فراس/انا فاهم كل الكلام دا روان صحبتي وبنتي قبل ما تبقي مراتي ..وبعشقها ومستعد استحمل جنانها دا طول عمري .. 

بس تفضل جمبي ومتبعدش عني ..انا مقدرش اعيش من غيرها

في غرفه روان

روان قاعده ع السرير بعد ما غيرت هدومها واحلام قاعده جمبها ع طرف السرير 

احلام/بس انتي فيكي حاجه متغيره ..هو انا يعني مش حفظاكي..دا انتي اختي الصغيره ..احكيلي ايه ال مضايقك 

روان نفسها تحكي لها اوي وتترمي ف حضنها تفضفض لها بس مش عايزه تنكد عليها وهما مسافرين يغيرو جو بكره بعد الظروف الاخيره ال حصلت لهم..وعارفه ان ادم مش هيعرف ينبسط وهو شايل هما 

روان ابتسمت/صدقيني ي روح قلبي مفيش حاجه ..هو لو حصل حاجه مش هحكي لك ليه يعني .انتي اول حد بجري احكي له لو حصل حاجه 

احلام ابتسمت /ربنا يجعلك مرتاحه ومبسوطه ديما

فجأه الباب خبط وفراس دخل الغرفه 

احلام قامت وابتسمت/ازيك ي فراس عامل ايه

فراس/انا الحمد لله زي الفل 

احلام/هستأذن انا واسيبكم تنامو..تصبحو ع خير 

فراس/وانتي من اهل الخير 

واحلام طلعت برا الغرفه وقفلت الباب 

روان قامت بغضب وبصتله 

روان/انت بتعمل ايه هنا

فراس/روان اسمعيني علشان خاطري ..انا هشرح لك كل حاجه 

روان بغضب وبصوت واطي 

روان/انا مش عايزه اسمع منك حاجه واتفضل امشي قبل ما اهلي يلاحظو حاجه ...انا مش عايزه انكد ع ادم واحلام قبل سفرهم هما فيهم ال مكفيهم ولسه خارجين من ظروف وحشه 

فراس/انا مش همشي ...كلهم برا عارفين انك جايه تقعدي معاهم يومين وانا هفضل هنا معاكي وهروح شغلي وهرجع ع هنا عادي 

روان بغضب/نعم؟ دا ف أحلامك ان شاءالله..احنا هنتطلق ..اول ما ادم يرجع انا هفتح معاه الموضوع وكل واحد هيروح ل حاله 

فراس بغضب /بصي من الاخر كدا ..انا مستحيل اطلقك ..انا مصدقت نتجوز اصلا ..انا بحبك ومقدرش اعيش من غيرك وال عندك اعمليه...ولو انتي عنيده انا اعند منك 

روان بغضب/والله 

فراس  بنفس الغضب/والله...علشان تبقي تصدقي حتت صوره ومتصدقنيش انا ... جوزك وصاحبك ..حتي بعد ما قولت لك بحبك و بعشقك من سنين وعمري ما خنتك ولا هخون ..وبرضو مصدقتنيش وصدقتي صوره مبعوته من واحده عايز توقع بينا . انا والله العظيم ما سمحت لها تبوسني حتي ..بس هي مشاء الله نجحت ف خطتها ونجحت توقع بينا

روان بغضب/انا مش هكدب عيني ونفسي وأصدقك انت..طول الليل والنهار تتصل بيك وانت تقولي شغل وانا هبله وأصدق .تدلع ف طريقتها وهي بتتكلم وتقولي انا مالي ب طريقتها انا سايبها علشان الشغل وانا هبله وأصدق..و ف الاخر طلعت فعلا هبله ..والنهارده كانت طول اليوم بتتصل بيك علشان تروح لها و ف الاخر سبتني فعلا ورحت لها ..كدا كدا انا مش متضايقه دا من حقك..من حقك تحب واحده انت مختارها بمزاجك مش غصب..وبعد اذنك  ي فراس نتطلق من غير شوشره

فراس /تمام ..وانا مش هطلق 

وقعد ع السرير 

فراس/ومش همشي من هنا الا لما اخدك معايا ونرجع بيتنا

روان بغيظ/مش هيحصل.. وبعدين انت هنا بتعمل ايه ما تروح تعيش مع حبيبتك براحتك .

فراس بصلها ف عينها/منا مع حبيبتي اهو

روان بتتجاهل تبص ف عينه علشان متضعفش

روان/ انا هسمح لك تفضل هنا  النهارده بس لحد ما ادم واحلام يسافرو وحضرتك هتتفضل ترجع بيتك وتسبني ف حالي 

ودخلت الدريسنج ورزعت الباب

فراس اتنهد 

وبعد شويه الباب خبط 

فراس قام فتح وكانت الخادمه نها وماسكه تيشرت وبنطلون 

نها/ادم بيه بعت دول ل حضرتك تنام فيهم 

فراس/شكرا ليكي 

نها/تحت امرك 

ومشيت وفراس قفل الباب 

ودخل الحمام يغير هدومه 

بعد شويه

في الاوضه

 روان بتعدل سريرها علشان تنام 

وفراس طلع من الحمام بعد ما اخد شاور وغير هدومه 

فراس بص ع الارض لقي بطانيه مفروشه ومخده 

فراس /ايه دا

روان وهي بتعدل السرير/بما ان مفيش كنبه هتنام ع الارض 

فراس/والله؟ وهتسبيني انا ع الارض عادي كدا مش هتخافي عليا

روان بصتله/اخاف عليك ليه ..احمد ربنا اني مقولتلكش نام برا 

فراس/لا كتر خيرك بصراحه 

وراح نام ع السرير ب لا مبالاه 

روان/انت بتعمل ايه 

فراس بصلها/انتي شايفه ايه؟هنام

روان/فراس قوم نام ع الارض والا والله هصوت وهندهم كلهم..انا مش هنام جمب واحد هتطلق منه كمان كام يوم 

فراس/صوتي...ولما ييجوا قولي لهم  جوزي نايم جمبي 

روان بغضب خدت مخده من ع السرير 

روان/تمام انا هنام ع الارض 

فراس قام من ع السرير ومسك دراعها وقفها قبل ما تمشي وقربها منه

فراس باصص ف عيونها/للدرجه دي مش طايقه تنامي معايا ف نفس المكان 

روان من غير ما تبص له

روان/سبني لو سمحت ي فراس 

فراس قرب منها ورجع خصله من شعرها ورا ودنها 

فراس /لاء مش هسيبك. 

وقرب منها وباس خدها

فراس/أنا مقدرش اسيبك

وباس رقبتها وروان تاهت من لمساته

 

وكان هيبوسها 

روان بعدت عنه

روان بغضب/فراس بعد اذنك متعملش كدا تاني..احنا هنتطلق 

  فراس/مش هتنامي ع الارض ضهرك هيوجعك..تعالي نامي ع السرير يلا

روان بصتله/لاء مش هنام جمبك ف نفس المكان  

وسحبت دراعها من ايده وراحت تنام ع الارض

فراس اتنهد 

وقعد ع السرير 

وروان دمعت وهي نايمه وبتعيط 

فراس مش هاين عليه زعلها وقلبو موجوع علشانها مش قادر يشوفها زعلانه ومتضايقه وكمان بسببه 

وروان من كتر العياط راحت ف النوم 

فراس قام من ع السرير وراح لها وقعد ع الارض جمبها وملس ع شعرها بحنان وباس راسها ومسح لها دموعها ال لسه موجوده ع خدها 

وشالها ف حضنه وقام ونيمها ع السرير ونام جمبها وخدها ف حضنه وروان وهي نايمه كانت حاسه ب امان رهيب وحضنت فراس اكتر وفراس ابتسم وباس راسها وخدها وشم ريحتها ال بيعشقها وبدأ ينام هو كمان

الجميله والوحش 

البارت ال ثلاثون

في قصر ادم الحديدي 

في غرفه روان 

فراس نايم وروان نايمه ف حضنه 

فراس بدأ يصحي وفتح عينه وبص ع روان ال نايمه ف حضنه وابتسم وباس راسها وخدها 

فراس /انا مقدرش اعيش من غيرك والله...انت حياتي كلها 

وطلع من جيبه خاتم الجواز بتاعها ال سابته ف الفيلا قبل ما تمشي 

ولبسهولها وباس ايدها

وباس راسها وخدها وعينها 

وروان ابتسمت وبدأت تصحي من لمساته وفراس ابتسم

فراس بابتسامه/صباح الفل 

روان ابتسمت وقالت ف سرها انه شكله حلو اوي وهو لسه صاحي من النوم 

فجأه ادركت انها ف حضنه 

روان بعدت عنه

روان بصدمه/انا ايه ال جابني هنا ..نمت ف حضنك ازاي انا

فراس ابتسم/لاء مش عارف بصراحه شكلك بتمشي وانتي نايمه 

روان بغضب/والله 

فراس/والله 

روان بغيظ رفعت صابعها بتحذير/فراس شكلك بتنسي اننا هنتطلق ..لو قربت مني تاني مش هتتوقع انا هعمل فيك ايه

فراس حاوط وسطها ب ايده وقربها ل حضنه 

فراس وهو باصص ف عيونها/هتعملي ايه 

روان سرحت ف عيونه/ها 

فراس قرب منها /قوليلي هتعملي ايه لو قربت

وروان سرحانه ف جماله /مش هسمح لك تقرب

فراس قرب منها /متأكده 

وقرب منها وباس شفايفها 

وروان غمضت عينها وتاهت من لمساته

فراس  كان هيبوسها تاني روان رجعت ل وعيها  وبعدت عنه بسرعه قبل ما تضعف

روان قامت من ع السرير 

روان بتوتر /احم ..هغير هدومي علشان اسلم ع ادم واحلام قبل ما يسافرو

وكانت هتدخل الدريسنج بصت ع ايدها لقت الخاتم بتاعها 

روان/ايه دا؟

فراس قام/ايه

روان/هو انا مش خلعت الخاتم دا ف البيت

فراس/لاء دا خاتمك ومكانه ف ايدك مش ف البيت .

روان /مبقاش خاتمي خلاص .. علشان احنا هنتطلق 

وكانت هتخلع الخاتم فراس مسك ايدها ومنعها

فراس /لاء الخاتم دا مش هيتخلع من ايدك 

روان فلتت ايدها من ايده 

روان بغيظ/ع اساس ايه اسمع كلامك مش فاهمه ..انا براحتي اعمل ال انا عيزاه كدا كدا هنتطلق

وكانت هتمشي من قدامه فراس مسك دراعها وقربها منه

فراس بصلها ف عينها/ع اساس ان انتي مراتي... و ع ذمتي ..ومن هنا لحد ما يحصل الطلاق دا لو كان هيحصل اصلا..هتسمعي الكلام والخاتم مش هيتخلع من ايدك  ...وجربي اعملي عكس كدا 

روان فلتت ايدها من ايده بغيظ ودخلت الدريسنج

 وفراس اتنهد

عند ادم واحلام

غيرو هدومهم ونازلين ع السلم  والخدم قدامهم بينزلو  الشنط  تحت 

وكان ف الصالون كرم وحمزه وليليان  وطارق ومالك و فراس و روان 

احلام بابتسامه راحت حضنت كرم

كرم /هتوحشيني اوي اوي

احلام ابتسمت/وانت كمان ي حبيبي

كرم طلعها من حضنه وباس راسها /تروحو وترجعو ب الف سلامه يارب

و حمزه حضن احلام 

حمزه/ ترجعي بالسلامة ان شاءالله ي روح قلبي 

احلام ابتسمت/حبيبي ي حمزه 

وحضنت ليليان 

احلام بابتسامه/هتوحشيني اوي اوي 

ليليان/انتي كمان هتوحشيني اوي 

وباست خدها احلام ابتسمت وباست ايدها

ادم سلم ع كرم وحمزه وباس راس ليليان 

واحلام حضنت طارق 

طارق بابتسامه/تروحي وترجعي ب السلامه ي حبيبتي 

احلام ابتسمت/حبيبي ي اونكل

وادم سلم ع طارق وحضنه

طارق بابتسامه/ترجعو ب الف سلامه ي حبيبي

ادم/الله يسلمك 

وحضن مالك 

مالك/هتوحشني ..متتاخرش علينا 

ادم ابتسم /وانت كمان ي اخويا هتوحشني

مالك ابتسم 

وادم حضن روان

روان /خدو بالكم من نفسكم

ادم باس راسها/وانتي كمان ي حبيبتي

روان ابتسمت وطلعت من حضنه 

و ادم حضن فراس 

فراس/متتاخرش علينا

ادم / متجيش ع نفسك و ع بيتك علشان الشغل..عارف ان وانا مش موجود حمل الشغل كله بيبقي عليك بس انا مش عايز دا يحصل ..انت دلوقتي متجوز ومسؤول عن بيت.. انا قولت ل كام موظف احنا بنثق فيهم يساعدوك علشان متنضغطش وتفضلي  ل روان

فراس ابتسم/حاضر

واحلام حضنت روان 

احلام بصوت واطي/انا زعلانه منك

روان طلعت من حضنها

روان/ليه بس 

احلام/ازاي متحكليش امبارح ع المشكله  الحصلت بينك وبين فراس..تكتمي ف نفسك كدا مش احنا اخوات وصحاب

روان/انتي عرفتي ازاي

احلام/فراس قال ل ادم ..هو مكنش ناوي يحكيله بس لما قاله هطلق روان منك.. خاف يخسرك وقاله ..قاله كمان انه  بيحبك وميقدرش يعيش من غيرك

روان بصت ع فراس ال بيتكلم مع ادم 

روان/مش واثقه من دا

احلام ابتسمت/لاء واثقه ..انتي عارفه انه بيموت فيكي و انتي مبسوطه من دا..بس متضايقه وغيرانه علشان سمح لها تقرب منه كدا .صح

روان هزت راسها ب اه 

احلام/ادبيه زي ما انتي عايزه ..علميه الادب براحتك بس سامحيه ..دا بيعشقك والله

روان ابتسمت 

طارق /يلا ي حبايبي علشان الطياره متروحش عليكم.

ادم ل احلام/يلا

احلام ابتسمت/يلا بينا

طارق/تروحو وترجعو ب الف سلامه

كرم/يارب يارب 

وادم مسك ايد احلام وطلعو برا البيت ورضا اخد الشنط من الخادمه وحطهم ف شنطه العربيه ال هيتحركو بيها

وفتح باب العربيه ل احلام واحلام ركبت

 رضا/توصلو ب السلامه 

ادم ابتسم وربط ع كتفه

ادم/الله يسلمك ي رضا 

وفتح باب العربيه ل ادم وادم ركب علشان يسوق وانطلقو

في القصر 

كرم وحمزه استأذنو واخدو ليليان ومشيو 

وطارق ومالك وفراس قاعدين ف الصالون 

والخادمه جت اخدت فناجين القهوه ال فاضيه ومشيت

طارق/هيوحشوني والله..يتري هيقعدو قد ايه

مالك/لو ع ادم ف هو مش عايز يرجع خالص 

طارق ضحك/والله معاك حق

مالك بص ل طارق وبيشاور له ع فراس وطارق

بص ع فراس ال قاعد سرحان 

طارق/مالك ي حبيبي..في مشكله ف الشغل ولا ايه

فراس انتبه/لالا ي عمي متقلقش كله زي الفل 

مالك/امال مالك قالب وشك ليه

فراس اتنهد/لا ابدا دا علشان مش نايم كويس بس

طارق/طيب ادخل ريح ف اوضتكم شويه باين عليك تعبان

فراس/مش هلحق لازم اروح الشركه 

روان طلعت من المضبخ ومعاها كوبايه مايه ودوا طارق 

روان/الدوا ي بابا 

طارق /ماشي ي حبيبتي

 

واخد منها الدوا 

طارق ابتسم/احلي حاجه عملتوها انكم هتقعدو معانا كام يوم وتنسونا بعد ما ادم واحلام مشيو..بدل ما نقعد انا ومالك لوحدنا

وباس ايد روان وروان باست خده

مالك /دي حقيقه ..اصلا البيت وحش من غير روان 

 روان ابتسمت/حبيبي 

روان/هدخل اساعدهم ف الفطار 

طارق/ماشي ي حبيبتي 

وروان دخلت المضبخ

وكانت بتقطع الخيار 

والخادمه بتطلع الاكل ع السفرا

فراس دخل المضبخ وروان تجاهلته وكملت تقطيع 

الخادمه التانيه /هطلع دول ع السفرا ي روان هانم 

روان هزت راسها ب موافقه 

فراس/انا هروح الشركه 

روان/

فراس/و رنا مش هناك..انا طردتها 

روان وهي بتقطع الخيار ومش بصاله/انا مش مهتمه اعرف ..وحتي لو هناك انا مليش دخل ب الموضوع كدا كدا احنا هنتطلق ف انت براحتك 

فراس/انا راحتي معاكي انتي ..ومفيش طلاق علشان انا مبقدرش اعيش من غيرك ..حطي دا ف دماغك 

وقرب منها وباس راسها 

فراس/لو احتاجتي حاجه كلميني 

وطلع برا المضبخ وروان ابتسمت 

 

مالك موبايله اتصل وكان جنات 

مالك ابتسم وقام يرد جمب الشباك 

مالك/الو

جنات بدموع/م مالك ..ماما مغمي عليها وبحاول اصحيها مبتصحهاش ..انا خايفه ومش عارفه اعمل ايه 

مالك اول ما عرف لبس بسرعه ف اقل من ٥ د وركب عربيته ووصل بيت جنات ب أقصي سرعه خلال ١٠ د ونقلو ام جنات ع المستشفى 

في المستشفى في الغرفه الدكتور بيكشف ع ام جنات 

وجنات قاعده قدام الاوضه بتعيط ومالك قاعد جمبها ماسك ايدها وبيحاول يهديها

مالك بيمسح لها دموعها /متعيطيش ..هتبقي كويسه والله ..متخافيش هتبقي زي الفل 

جنات بدموع/انا خايفه يحصل لها حاجه ي مالك انا من غيرها اموت 

مالك قرب منها ورجع خصله من شعرها ورا ودنها

مالك/بعد الشر  ..مش هيحصل اي حاجه ..الدكتور هيخرج يطمننا عليها ان شاءالله 

جنات/يااارب 

مالك باس ايدها 

الدكتور خرج من الاوضه 

مالك وجنات راحو له بسرعه 

جنات/م ماما ..  ماما عامله ايه ي دكتور طمنني 

الدكتور/متقلقيش هي بخير دلوقتي

جنات اتنهدت براحه /الحمد لله يارب ..الحمد لله 

مالك /ايه سبب تعبها ي دكتور

الدكتور/..هي عامله عمليه قريب صح

جنات/اه من كام شهر 

الدكتور/الادويه ال بتستمر عليها بعد العمليه نسيت تاخدها ف دا ال سبب لها مشاكل 

جنات دمعت/كله بسببي ..انشغلت عنها الفتره الاخيره وكنت بنسي اتابع معاها الادويه 

الدكتور/انا عملت اللازم وادتيتها برضو الادويه وانتو خلو بالكم منها بعد كدا ..هي هتفضل هنا يومين تحت الملاحظه

جنات/اقدر اشوفها امتي

الدكتور/دلوقتي لو حابين هي خلاص فاقت 

مالك/شكرا ي دكتور

الدكتور/العفو ي مالك بيه دا واجبي ..عن اذنكم 

ومشي 

مالك قرب من جنات ومسح لها دموعها

مالك/مش قولت لك هتبقي كويسه

جنات هزت راسها بابتسامه/ايوا الحمد لله

مالك /يلا امسحي دموعك قبل ما تخشي لها علشان متشوفكيش زعلانه كدا. لازم تبقي قويه علشانها 

جنات هزت راسها بموافقه ومسحت دموعها ومالك مسك ايدها 

مالك/تعالي يلا

  ودخلو الغرفه

وكانت ام جنات نايمه ع السرير ومركبه محلول ف ايدها 

جنات دمعت /ماما 

ام جنات ابتسمت بتعب/حبيبتي

جنات راحت لها بسرعه وقعدت جمبها ع طرف السرير 

جنات/انا خوفت عليكي اوي ..الحمد لله انك قومتي ب السلامه 

ام جنات ابتسمت/متقلقيش ي روح قلبي انا زي الفل اهو 

جنات /كله بسببي ..انا ال مهتمتش بيكي و ب ادويتك الفتره الاخيره وانشغلت عنك ..لو كان حصلك حاجه انا هموت من بعدك

ام جنات/بعد الشر عليكي متقوليش كدا . (وبصت ل مالك وابتسمت).وبعدين انا مطمنه عليكي وانتي مع مالك اقدر اموت وانا مرتاحه خلاص

جنات باست ايدها/بعد الشر عليكي 

مالك ابتسم /الف حمد لله ع سلامتك ..قلقتينا عليكي 

ام جنات ابتسمت/الله يسلمك ي حبيبي 

بعد ساعتين 

عند آدم واحلام 

ادم وقف بالعربيه جمب بحر ومركون ع الشط يخوت كتيره وسُفن

ادم/تعالي

احلام بصت حواليها/احنا ليه وقفنا هنا مش هنروح المطار

ادم/هتفهمي كل حاجه دلوقتي 

وخلعو حزام الامان ونزلو

احلام بصت حواليها وابتسمت 

احلام بابتسامه وحماس/احنا هنروح ب يخت؟

ادم ابتسم/ايوا 

ومسك ايدها وراحو ناحيه اليخوت واحلام كانت مبهوره بحلاوتهم وقد اي هما كبار جدا

ادم وقف جمب يخت شكله حلو جدا ومكتوب عليه ahlam

احلام بابتسامه/ادم دا شكله حلو اوي اوي

ادم ابتسم/طب الحمد لله انه عجبك ..لو مكنش عجبك كنا نغيره ونجيبلك واحد تاني هو كدا كدا بتاعك 

احلام بصتله بعد تصديق/ايه دا ال بتاعي 

ادم/ال يخت ..مش شايفه مكتوب عليه احلام ازاي 

احلام بصدمه/لاء قول انك بتهزر 

ادم/دي حاجه بسيطه مش من مقامك اصلا ..انتي تستاهلي كل حاجه حلوه ف الدنيا 

احلام بابتسامه حضنته ودمعت 

ادم ابتسم وباس راسها 

احلام/انا بحبك 

ادم باس راسها 

ادم/وانا بموت فيكي 

وطلعها من حضنه ومسح لها دموعها 

ادم/اليخت عجبك 

احلام بابتسامه/دا سوال؟طبعا عجبني.. دا تحفه ..بس دا شكله غالي اوي اوي.. مكنش له لزوم والله ي آدم انا مش عايزه اي حاجه من الدنيا دي غيرك

ادم مسك وشها ب ايده/مفيش اي حاجه  ف الدنيا تغلي علي مراتي روح قلبي 

وباس خدها  واحلام ابتسمت بحب

احلام حطت كف ايدها ع وشه/ربنا يخليك ليا 

ادم ابتسم وباس باطن ايدها ال ع وشه 

ادم/هنروح ب اليخت دا ل نقطه معينه وبعدين هنركب طياره للمالديف 

احلام بابتسامه وحماس/ماشي موافقه

وفي راجل ف الأربعينات راح ل آدم بسرعه 

الراجل بابتسامه/ادم بيه ..ي الف اهلا وسهلا..حمد لله ع سلامه حضرتك انت والمدام

ادم/الله يسلمك ..عملت ال قولت لك عليه 

الراجل/اه ي آدم بيه كله زي الفل متقلقش. و ادي مفتاح ال يخت اهو ..والشباب بتنقل شنط حضراتكم عليه

وفي شابين اخده شنط ادم واحلام من العربيه و حطوها ف اليخت 

الراجل/ومعاك مسعد هيوصل حضراتكم للمكان ال عايزينه ويرجع ب اليخت تاني 

ادم اداله مفتاح عربيته 

ادم/قول ل حد من الشباب يرجعها القصر 

الراجل/من عنيا

ومسعد طلع اليخت علشان يجهز الدنيا قبل ما يتحركو 

ادم ل احلام/استني

و بدأ يطلع فوق علشان يركب اليخت 

وشال احلام من وسطها واحلام مسكت فيه  وطلعها فوق 

واحلام كانت مبهوره ب اليخت وحجمه وحلاوته 

ادم مسك ايدها ودخلو اليخت 

احلام بابتسامه وفرحه/ادممم دا تحفهه انا مش مصدقه 

ادم ابتسم /تعالي افرجك على كل حاجه فيه 

احلام بابتسامه/ماشي

ع المغرب

في القصر  

في غرفتها 

روان قاعده ع الكنبه بعد ما 

أعطت طارق الدوا واطمنت عليه ودخل ينام شويه.

فراس دخل الغرفه و راح ل روان وهو مخبي ورا ضهره بوكيه ورد 

وطلعه من ورا ضهره 

روان بصت ع الورد وكان شكله حلو اوي اوي كان لونه احمر لونها المفضل والنوع ال هي بتعشقه 

روان ابتسمت بس بينت غير كدا 

فراس/انا جايب لك الورد ال انتي بتحبيه 

روان/شكرا تعبت نفسك انا مش عايزه 

وقامت وكانت هتمشي فراس مسك ايدها وقربها منه ورجع خصله من شعرها ورا ودنها 

فراس/شوفيه بس.. هيعجبك والله 

روان اخدت الورد منه وشمته وعجبها اوي ..مش اول مره فراس يجيب لها ورد بس دي اول مره يجيب لها وهما متجوزين

 

 فراس ابتسم ورجع خصله من شعرها ورا ودنها 

فراس/متعذبنيش اكتر من كدا حرام عليكي انا مبقتش قادر استحمل بعدك عني 

روان/كل واحد يستحمل نتيجه غلطاته

وكانت هتمشي من قدامه فراس مسك دراعها وقفها

فراس بص ف عينها/اديني فرصه اثبت لك اني مغلطتش وهي ال قربت مني والله ..انا مستحيل اقدر ابص حتي ل واحده تانيه غيرك ..حتي لما كنا صحاب ومفيش بينا اي حاجه انا عمري ما عيني جت ع واحده تانيه ..بحس اني بخونك..تعالي الشركه وانا هجيبها ورجليها فوق رقبتها وتقولك ان هي ال حاولت تقرب مني وانا حتي ملمستهاش

روان/حتي لو فعلا هي ال قربت منك تبوسك ..انت السبب ..انت ال اديتها فرصه تعمل كدا وتقرب منك ..هي مش مجنونه علشان تعمل كدا من نفسها 

فراس/والله العظيم مدتلهاش اي فرصه انا علاقتي بيها الشغل وبس

روان دمعت/كفايه ي فراس انا مش عايزه اسمع حاجه ..بعد اذنك امشي ..ولما ادم واحلام يرجعو انا هقول ل ادم اني عايزه اتطلق 

فراس مسح لها دموعها/لاء مش همشي من هنا الا وانتي معايا ..ومفيش طلاق ي روان انسي 

روان /طب بعد اذنك سيب دراعي 

فراس طلع من جيبه علبه وفتحها 

روان بصت وكان فيها سلسله الماظ شكلها حلو  اوي اوي

فراس/طيب انا جبت لك دي مع الورد ..شوفيها 

روان/لا شكرا مش عايزه ..انا لابسه الخاتم بس مؤقتا علشان بابا ميحسش ب حاجه وازعله ع الفاضي

فراس/روان ..كفايه عيند ويلا علشان البسهالك

روان/فراس 

فراس قرب منها وجاب شعرها ع جمب وشم رقبتها وباس رقبتها 

وروان غمضت عينها و ابتسمت 

وفراس بدأ يلبسها السلسله 

وروان ابتسمت وبصت ع السلسله وهي ف رقبتها وكانت مبسوطه بيها اوي 

فراس ابتسم/عجبتك

روان بكذب/لا عاديه يعني..عن اذنك

وبعدت عنه ودخلت الدريسنج وفراس ابتسم 

مساءا

عند ادم واحلام بعد كام ساعه

وصلو المالديف 

وركبو قارب ومعاهم موظف 

ووصلوا الجزيره ال خاصه ال ادم حاجزها مخصوص علشان ياخدو راحتهم ويقعدو ف هدوء بعيدا عن زحمه الناس

احلام من اول ما وصلت وهي مبهوره بكل حاجه...المناظر الطبيعية ال شكلها خرافي ومايه البحر الصافيه والهدوء والجزيره فيها كل حاجه وحواليهم مايه من كل حتي فعلا منعزلين عن باقي الناس

 وادم كان مبسوط ل فرحتها

وصلو  الفيلا ال ف الجزيره الخاصه ال هيقعدو فيها

والموظف فتح باب الفيلا و بنتين من ال شغالين هنا 

دخلو شنط  ادم واحلام جوه  ومشيو 

وادم واحلام والموظف دخلو 

والفيلا كان شكلها حلو اوي اوي من ناحيه بحر وناحيه حمام سباحة وجمبه سلم بينزل ل بحر وناحيه المطاعم والاماكن ال ف الجزيره

الموظف بابتسامه/Have a nice stay. 

(أقامه سعيده)

واعطاله مفتاح الفيلا

ادم اخد المفتاح/thank you 

(شكرا )

الموظف /If you need anything, you can talk to the chefs, the servants, and the security. They are all here to serve you

( ..لو حضرتك احتاجت اي حاجه تقدر تكلم.. الطهاه ..الخدم الأمن.)

ادم/ Where is the crew?

(طاقم الخدم بيبقي موجود فين)

الموظف/

 on the edge of the island, away from you for privacy.only girls As you requested

(ع طرف الجزيره ل خصوصيه اكتر ل حضراتكم .وكلهم بنات زي ما حضرتك طلبت)

ادم/The crew only moves when they provide a service?

(الطاقم بيتحرك بس لما بيقدمو خدمه)

احلام ابتسمت و فخوره اوي ب ادم

 هو مهتمش ب تعليمه وكان كل همه يربي اخواته كويس ويصرف عليهم ويعلمهم احسن تعليم واحسن لغات وميحرمهمش من حاجه ..بس مع ذلك اتعلم ب نفسه اللغات واتقنها بسبب سفره الكتير واختلاطه ب جميع الجنسيات 

وبصت حواليها ع الفيلا وكانت حلوه اوي والجو حلو اوي وفتحت باب وبصت حواليها ع البحر واتنفست الهوا بابتسامه ال ضارب ف وشها ومطير شعرها

الموظف/Exactly, sir(بالضبط ي فندم )

ادم/OK..you can go 

(تمام تقدر تتفضل)

والموظف استأذن ومشي

ادم راح ل احلام وحاوط وسطها ب ايده وحضنها من ضهرها واحلام ابتسمت وحطت ايدها ع ايده 

احلام/انا مبسوطه اوي اوي

ادم ابتسم/و دي أهم حاجه عندي

احلام/ازاي المكان حلو اوي كدا وهادي ..لاء وكمان حاجز لنا جزيره مخصوص ..كل حاجه تحفه

ادم/علشان تاخدي راحتك وتلبسي ال انتي عيزاه

احلام لفت له بابتسامه 

احلام ابتسمت/بجد..دا انا كنت لسه شايله هم هقنعك ازاي البس بكيني لما ننزل البحر 

ادم حاوط وسطها ايده وقربها منه وبص ف عينها/اكيد مكنتش هوافق..البكيني دا تلبسهولي انا وبس..علشان كدا حجزت هنا علشان واثق ان محدش هيشوفك

احلام ابتسمت وقربت منه /اممم علشان كدا كنت بتسأل الموظف الخدم بيبقوا موجودين فين ..وأنهم لازم يكونو بنات

ادم قرب اكتر/مش هستحمل حد يبص لك نص بصه حتي.. علشان كدا قايل لهم كل ال هيخدمونا يبقو بنات بس

احلام بصتله بتحذير وبعدت عنه 

/ادم أنت عارف لو واحده فيهم فكرت تبصلك هعمل فيها ايه

ادم حاوط وسطها ب ايده

وقربها ل حضنه تاني وباس شفايفها/هتعملي ايه 

احلام بغيظ/هخزق لها عنيها 

ادم باس رقبتها/مش مشكله 

احلام وبصتله بتحذير/وهقتلك 

ادم قرب منها/مش مشكله برضو ..اي حاجه منك حلوه

احلام/انا بس حبيت احذرك

ادم ابتسم/تعالي هنا 

وخدها ف حضنه واحلام ابتسمت وحضنته بقوه وغمضت عينها براحه 

حضنه دة المكان الوحيد ال بترتاح فيه وبتحس ب الامان فيه

 ادم باس راسها

احلام اتنهدت/انا تعبت اوي من الطريق.

ادم ملس ع شعرها بحنان وباس راسها/عارف..10 ساعات كانو كتير عليكي .. هنقفل موبايلتنا ونرتاح وبعدين اخرجك بقي اوريكي كل الأماكن الحلوه ال هنا...علشان تبقي عارفه مفيش موبايل طول السفريه

احلام ابتسمت وطلعت من حضنه

احلام/مش هفكر افتحه اصلا طول ما انت جمبي مش هحتاج افكر ف اي حاجه تانيه 

ادم ابتسم وباس شفايفها 

مساء في مصر 

في المستشفى 

في غرفه ام جنات 

الدكتور بيكشف عليها ل اخر مره قبل ما يرجعو البيت

وجنات معاها جوه 

عند  مالك دفع مصاريف المستشفى وواقف أمام غرفه ام جنات وبيكلم طارق ف التليفون 

طارق/ومامتها كويسه دلوقتي 

مالك/اه ي بابا متقلقش..الدكتور طمننا وفضلت النهارده طول اليوم تحت الملاحظه وهترجع بيتها النهارده 

طارق/ماشي ي حبيبي خليك معاهم متسيبهومش .ومتقلقش عليها كدا كدا اختك وجوز اختك بايتين معايا هنا 

مالك/ماشي ي حبيبي..مع السلامه 

وقفلو المكالمه 

 

الدكتور طلع من الغرفه ومالك راح له وجنات طلعت من الغرفه

مالك/كدا مش محتاجين نقعد اكتر من كدا صح ي دكتور.هي بقت كويسه 

الدكتور/اه ي مالك بيه متقلقش هي بقت زي الفل الحمد لله ..انا شيلت لها الكانولا وكتبت لها ع شويه ادويه لازم تلتزم بيها ف مواعيدها 

جنات/حاضر ي دكتور 

الدكتور/ عن اذنكم 

والدكتور مشي والممرضه راحت لهم

الممرضه /حضرتك كنت بتسأل ع روشتت الادويه انا اديتها للمدام

مالك/مدام مين 

الممرضه/استاذه جنات مرات حضرتك اهي 

مالك ابتسم وبص ل جنات

جنات بخجل وتوتر /لاء ا انا 

مالك بمقاطعه/ماشي شكرا تقدري تروحي 

الممرضه/عن اذنكم 

ومشيت

جنات/انا هروح ادفع مصاريف المستشفى 

وكانت هتمشي

مالك مسك دراعها وقفها 

مالك/مفيش داعي انا دفعتها خلاص يلا علشان ناخد مامتك ونمشي 

جنات/ليه ي مالك عملت كدا ؟

وسحبت دراعها من ايده 

جنات/بعد اذنك متعملش حاجه زي دي تاني ..المبلغ ال دفعته ياريت تخصمه من مرتبي .انا معايا فلوس مش محتاجه مساعده من حد

مالك مسك ايدها وقربها منه وبص ف عيونها وجنات سرحت ف عيونه

مالك/لاء انا مش حد .. وبعدين الممرضه فكرتك المدام ف انا رأيي دي بشره خير 

جنات ابتسمت/مالك 

مالك /والله مبهزرش

جنات بابتسامه/شكرا

مالك/ ع ايه

جنات/ع وجودك ف حياتي ..وعلشان انت ديما موجود لو احتاجت حاجه يلاقيك ف ضهري.. انا فكرت ان انا هكمل بقيت حياتي لوحدي من غير حد اتسند عليه..والنهارده لو مكنتش موجود ف حياتي مش عارفه كنت هعمل ايه ولا هتصرف ازاي ف المشكله دي لوحدي..بس الحمد لله انت موجود ..وانت جمبي مبضطرش افكر ف حاجه ولا اركز ف حاجه ببقي حاسه ب الامان وانت موجود

مالك بص ف عيونها/وهفضل ديما موجود ..ومش همشي ومش هسيبك ..انا عشقتك وال حصل حصل خلاص مقدرش ابعد عنك 

وباس ايدها

 

وجنات ابتسمت بفرحه وبصتله بحب ومش مصدقه نفسها ان كل دا حصل

في القصر

طارق ف اوضته نايم 

في غرفه روان 

في الحمام بتاخد شاور

فراس طلع من الدريسنج بعد ما غير هدومه وقعد ع السرير مسك الموبايل يظبط المنبه 

روان خلصت شاورت ولبست البورنص ولسه هتلبس الشبشب اتزحلقت و ووقعت ع ضهرها 

روان بوجع /ااااه 

فراس قام من ع السرير بخضه وراح عند الباب وخبط ع روان بقلق 

فراس/روان..روان انتي كويسه 

روان مسكت ضهرها بوجع/اااهه

فراس بقلق/روان متقلقنيش عليكي ..انا هدخل ماشي 

فراس فتح الباب لقي روان قاعده ع الارض بوجع

فراس راح لها بسرعه بخوف ومسك وشها ب ايده

فراس/انتي كويسه ..حصل ايه

روان بوجع/متقلقش انا كويسه ..ضهري بس ال بيوجعني شويه وقعت ع ضهري 

فراس/تعالي 

وشالها وروان حاوطت رقبته بدراعها 

وطلعو برا الحمام وفراس قعدها ع السرير براحه 

فراس بقلق/وريني ضهرك كدا اشوف اتعورتي ولالا

روان بخجل/ل لاء لاء انا كويسه متعورتش انا بس اتخبطت فيه 

فراس/وريني ي روان علشان اطمن انا جوزك 

روان  /لاء انا كويسه .. هدخل اغير هدومي

وقام ودخلت الدريسنج 

وفراس قام يدور ع كريم او مرهم ف الادراج 

 روان طلعت من الدريسنج بعد ما غيرت هدومها ل بيجاما نوم بنص ونشفت شعرها 

وراحت تنام ع السرير وحاسه بوجع ف ضهرها واستغطت 

فراس/لازم تحطي المرهم دا قبل ما تنامي علشان وجع ضهرك يخف وميورمش

ونام جمبها ع السرير 

روان/حضرتك بتعمل ايه 

فراس/هدهن لك الكريم هكون بعمل ايه 

روان بخجل/فراس أحترم نفسك ..هات انا هحطه ل نفسي متنساش ي حبيبي احنا هنتطلق 

فراس حاوط وسطها ايده وقربها ل حضنه 

فراس/شكلك لسه مش مقتنعه انك مراتي ..تحبي اقنعك 

وقرب منها 

روان ابتسمت بخجل و خبطته ف صدره /لم نفسك 

فراس ضحك بوجع/اااه 

روان/علشان تحترم نفسك بعد كدا 

فراس مسك ايدها/ايدك الصغيره دي ازاي ضربت الضربه دي 

وباس ايدها

وروان ابتسمت 

فراس / تعالي احط لك المرهم يلا .

وفتح علبه الكريم وحط علي صوابعه 

ودخل ايده من تحت بيجامة روان وبدأ يدهن لها من الكريم ع ضهرها ويعمل لها مساج 

روان غمضت عينها براحه...فراس ايده سحر زي ما يكون عارف الوجع فين وبيخففه 

ودفنت وشها  ف حضنه اكتر 

حضنه دا ال بيحسسها ب الامان وبدأت تنام

فراس ابتسم وقربها ل حضنه اكتر ب ايده والايد التانيه بيحط الكريم  وباس راسها وخلص وقفل علبه الكريم وحطها ع الكومودينو جمبه 

روان قلقت لما بعد عن حضنها علشان يحط الكريم

روان وهي نايمه /فراس متسبنيش 

فراس راح لها وخدها ف حضنه تاني وباس راسها وخدها 

فراس/دا انا اموت قبل ما افكر اسيبك ...مقدرش ابعدك عنك ي عيون فراس

روان وهي نايمه /احنا هنتطلق

فراس ابتسم وهز راسه بمعني مفيش فايده

فراس/حاضر نامي وبكره نشوف الموضوع دا 

وحضنها اكتر وباس راسها وبدأ ينام 

عند مالك 

وصلو بيت ام جنات ودخلو البيت و مالك وجنات بيسندوها 

للاوضه 

وقعدت ع السرير وسندت ضهرها 

مالك/حضرتك مرتاحه كدا ..احط المخده دي ورا ضهرك 

ام جنات ابتسمت/لا ي حبيبي تسلم انا مرتاحه كدا 

جنات /استني ي ماما في معاد دوا تاخديه قبل ما تنامي 

وفتحت كيسه الادويه واعطتها الدوا 

مالك/انا مضطر استأذن ..ولو حضرتك احتاجتي اي حاجه كلميني ع طول 

ام جنات/تسلم ع وقفتك جمبنا من اول اليوم ..جنات لو كانت لوحدها كانت هتبقي خايفه ومحتاسه 

مالك/متقوليش كدا ..مش انا زي ابنك برضو؟ 

ام جنات ابتسمت/طبعا ابني

مالك ابتسم/عن اذنكم

وطلع برا الاوضه وجنات راحت معاه توصله لحد الباب 

مالك فتح الباب 

جنات/خلي بالك وانت سايق بليل

مالك ابتسم/ع اساس خايفه عليا يعني 

جنات خبطته ف كتفه/ايوا طبعا خايفه عليك امال هخاف ع مين يعني

مالك ابتسم ومسك ايدها وباسها

مالك وهو لسه ماسك ايدها/متقلقيش..و خدي اجازه من الشغل اليومين دول علشان تبقي جمب مامتك ..ولو احتاجتي اي حاجه كلميني ع طول 

جنات ابتسمت/حاضر 

مالك /تصبحي ع خير 

جنات بابتسامه/وانت من اهل الخير 

وساب ايدها 

وطلع برا البيت 

وجنات قفلت الباب بابتسامه  و ومبسوطه ومش مصدقه نفسها ..

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا