رواية ليالي الغول اقتباس من الفصل الأخير بقلم لوجي احمد

 

روايه الجميله و الوحش الفصل الحادى والثلاثون والثانى والثلاثون والثالث والثلاثون والرابع والثلاثون والخامس والثلاثون الأخير بقلم نونا كامله 

روايه الجميله و الوحش الفصل الحادى والثلاثون والثانى والثلاثون والثالث والثلاثون والرابع والثلاثون والخامس والثلاثون الأخير بقلم نونا كامله 

الجميله والوحش 

البارت الواحد والثلاثون 

في المالديف صباحا

في فيلا ادم واحلام

في اوضتهم

ادم لبس تيشرت بنص بيج وشورت لحد قبل الركبه 

واحلام ف الدريسنج بتغير هدومها 

ادم/احلام ايه كل دا الفطار هيبرد 

احلام ف الدريسنج بخجل

احلام/ادم اللبس ال انت جايبه كله قليل الادب كدا ليه

ادم ضحك

ادم/ طب اطلعي بس نتفاهم 

احلام طلعت من الدريسنج وهي لابسه دريس أخضر غامق زي لون عيونها و كات و قصير ومفتوح من عند الفخد وفارده شعرها وكان شكلها حلو اوي 

ادم ابتسم  وبصلها من تحت ل فوق ب اعجاب  

احلام ابتسمت/ شكلي حلو؟

ادم قرب منها وحاوط وسطها ب ايده وقربها منه 

ادم ادم وهو باصص ل عيونها/حلو بس؟ شكلك زي القمر ..زي ما يكون الفستان معمول علشانك ...انا عشقت  اللون الأخضر من اول يوم شوفتك فيه وشوفت عيونك

احلام ابتسمت بخجل ومسكت وشه ب ايدها

احلام/طب متبصليش بالطريقه دي وتكسفني لو سمحت

ادم ابتسم وقرب منها/مقدرش دي حاجه مش ب ايدي ..انتي ال حلوه زياده عن اللزوم 

احلام ابتسمت بحب وادم باس شفايفها ورقبتها 

احلام حاوطت رقبته بدراعها وباست خده

احلام/يلا علشان نفطر انا جعانه اوي اوي

ادم قرب منها /لاء مهو انتي متلبسليش فستان زي دا وتبقي حلوه اوي كدا وتبقي منتظره اسيبك ونفطر 

احلام ابتسمت 

وادم باس شفايفها تاني وبدأ يفك سوسته الفستان 

في مصر

في القصر 

فراس غير هدومه وطلع من الدريسنج  

وبص ع روان ال نايمه ع السرير 

فراس ابتسم وقرب منها وسند ايده ع المخده جمبها 

وباس راسها و خدها 

فراس/روان 

روان/اممم 

فراس ابتسم  و باس راسها/اصحي احنا بقينا الضهر

روان بدأت تفتح عينها 

فراس ابتسم/صباح الخير 

روان ابتسمت وقلبها دق من قربه

روان/صباح النور 

فراس/ضهرك لسه بيوجعك 

روان/لاء

فراس/طب قومي البسي يلا هتيجي معايا مشوار 

روان/هنروح فين 

فراس /قومي بس وانا هفهمك كل حاجه ف الطريق

روان/فراس انا مش عايزه اروح ف مكان وانا قولت لك هنتطلق 

فراس/ي سلام .بس مش دا ال كلام ال كنتي بتقوليه امبارح وانتي نايمه ف حضني 

روان بتوتر/ل ليه انا قولت ايه 

فراس ابتسم/متسبنيشي  فراس 

وقرب منها اكتر

فراس/انا بحبك ي فراس 

روان بتوتر/لا انا اكيد كنت بهلوس وبقول اي كلام  وا 

فراس ابتسم وقاطعها وباس شفايفها 

فراس/والله بقي هلوسه ..كلام بجد..انا كدا كدا مش هسيبك

روان ابتسمت وبعدت عنه بسرعه بخجل 

روان/انا بقول ادخل البس احسن

فراس ابتسم/مستنيكي 

روان دخلت الدريسنج وفراس ابتسم 

بعد شويه في الصالون 

طارق  و مالك قاعدين ع السفرا والخدم بيحطو الفطار وبيصبو شاي 

فراس وروان طلعو من الغرفه بعد ما روان  غيرت هدومها

فراس وروان/صباح الخير 

مالك/ي صباح النور

طارق بابتسامه/صباح الخير  ي حبايبي ..تعالو يلا احنا مستنينكم نفطر سوا

فراس مسك ايد روان/لاء هنروح انا وروان مشوار كدا وبعدين هنفطر سوا 

طارق/ماشي ..بس متتاخروش علشان هنتغدي سوا كلنا 

فراس ابتسم/ان شاءالله. يلا عن اذنكم 

وطلعو برا القصر وراحو عند العربيه 

روان/ممكن افهم احنا رايحين فين 

فراس فتح لها باب العربيه/هفهمك لما نوصل

روان ركبت العربيه 

وفراس قفل الباب وراح يركب وشغل العربيه وانطلقو 

بعد ساعتين

ف بيت جنات 

في غرفه مامتها 

الام نايمه ع السرير وجنات قاعده ع طرف السرير بتديها الدوا وبتكلم مالك شات ومبتسمه 

ام جنات ابتسمت/بتكلمي مالك 

جنات بصت لها وابتسمت/انا حاسه اني بحلم..مش مصدقه ان مالك رجع يبصلي بحب زي الاول ورجع يتعامل معايا حلو زي زمان قبل ما يشوف الفديو ..تفتكري سامحني خلاص ونسي كل حاجه؟ انتي عارفه انه باس ايدي امبارح ٤ مرات وباس راسي 

ام جنات بابتسامه/ربنا يفرح قلبك ديما ي نور عيني..انتي تستاهلي الخير كله .وهو اكيد سامحك خلاص هو كدا كدا بيحبك وانتي عارفه 

جنات اتنهدت بابتسامه/يارب

 

في المالديف 

عند آدم واحلام 

اخدو شاور وغيرو هدومهم

احلام لبست دريس بيج كات وقصير  و ادم لابس تيشرت وشورت

ادم واحلام قاعدين  جمب بعض و قدامهم الفطار محطوط ع الطربيزه عند حمام السباحه والبحر والجو كان حلو اوي 

وادم بيقطع لها التوست وبيحطو ف طبقها 

احلام /ادم 

ادم/عيون ادم 

احلام ابتسمت/انا خايفه اكون بحلم ..يعني فطار ع البحر معاك ولوحدنا ..مش محتاجه اي حاجه تاني من الدنيا خلاص

ادم خدها ف حضنه وباس راسها

ادم/ربنا يقدرني وافرحك ديما علشان اشوف ضحكتك الحلوه دي

احلام ابتسمت /انا مشوفتش ال فرحه بجد الا لما حضرتك دخلت حياتي والله

ومسكت وشه ب ايدها وباست خده

ادم ابتسم وباس خدها وايدها 

ادم/امال انا اقول ايه بس..انتي ال علمتيني ازاي اضحك و ازاي احب الحياه  و اعبر عن ال جوايا ب الكلام والافعال

و ازاي احس ب الحواليا  و ازاي افرح... وابعد عن الحاجات السوده والوحشه ال ف حياتي ..انا حياتي كانت ضلمه من غيرك..مش عارف من غيرك كنت هكمل حياتي ازاي 

احلام ابتسمت بحب/ربنا يخليك ليا 

 وآدم باس راسها 

ادم/يلا افطري علشان هنزلك البحر دلوقتي 

واكلها

احلام وهي بتاكل/بس انا مبعرفش اعوم 

ادم ابتسم/منا عارف..علشان كدا هعلمك 

احلام  بتوتر بصت ع البحر/لاء ي ادم بلاش علشان خاطري ..افرض كان في قرش تحت المايه ولا اي حاجه

ادم ضحك من خيال احلام الواسع 

احلام /انا بتكلم بجد والله ..انت مبتشوفش الافلام ال بيحصل فيها كدا ولا ايه ..اصلا طول حياتي لما بنروح مصيف مبنزلش المايه بخاف 

ادم مسك ايدها وباسها/لاء متخافيش طول ما انا موجود مش هسمح ل اي حاجه تأذيكي 

احلام ابتسمت وباست خده

في مصر

عند فراس و روان 

فراس وصل بعربيته قدام الشركه 

فراس/وصلنا

روان/فراس احنا جينا هنا ليه 

فراس/حاضر هفهمك ..تعالي ننزل الاول

وخلع حزام الامان و نزل وروان خلعت الحزام ونزلت 

وفراس مسك ايدها 

ودخلو الشركه 

وهما ماشيين كل الموظفين كانو بيهمسو ل بعض وبيقولوا ل بعض تقريبا دي مرات فراس بيه واخت ادم بيه لانهم لما اتجوزو صوره كتب كتابهم نزلت ف الاخبار والجرايد 

وركبو الاسانسير ووصلوا الدور ال فيه مكتب فراس

السكرتيره راحت له بسرعه 

السكرتيره/صباح الخير ي فراس بيه.. صباح الخير  ي مدام  

روان هزت راسها

السكرتيره/اقول ل حضرتك مواعيد النهارده 

فراس/لاء انا شويه وماشي.هاتيلي قهوتي ع المكتب واعملي ل روان حاجه تشربها 

السكرتيره/حاضر حالا

فراس/رنا كانت جايه تاخد بقيت حسابها ابعتهالي ع المكتب قبل ما تمشي 

السكرتيره/حاضر

ودخلو المكتب والسكرتيره مشيت 

وفراس قفل الباب 

روان سحبت ايدها من ايده 

روان/هو مش انا قولت لك مش عايزه اشوفها واسمع منها حاجه

فراس مسك ايدها الاتنين 

فراس/علشاني..5 د بس ..هتسمعي منها الكلمتين وهت*ور ومش هتبقي موجوده ف حياتنا تاني ..وعد ..ووعد مني كمان اي واحده تبقي موجوده ف الشركه حواليا انتي مش مرتحالها عرفيني بس وانا ابعدها اي فرع تاني أو أي مكان تاني بعيد عني

روان ابتسمت 

فراس/اتفقنا 

روان هزت راسها/ماشي

فراس باس ايديها الاتنين 

فراس/تعالي اقعدي يلا

وخدها قعدها ع الكرسي بتاعه 

وفضل ماسك ايدها

الباب خبط ورنا دخلت

رنا/صباح الخير 

فراس/قولي ال عندك 

فلاش باك 

من يومين رنا كانت ف مكتبها بتاخد بقيت حاجتها ف بوكس 

فراس دخل مكتبها بغضب 

رنا/فراس بيه 

فراس بغضب/ من غير كلام كتير كمان يومين هتيجي تاخدي بقيت حسابك من الخزنه وهتعدي عليا هتقولي الحقيقه كامله ل مراتي

رنا ابتسمت وحاسه انها انتصرت لما خربت بينهم/و ايه هي الحقيقه بقي

فراس بغضب/الحقيقه انك كنتي قاصده تقربي مني وتصوريني علشان تبعتيها ل روان علشان تخربي بينا .. وان معملتيش كدا قسما بالله ل ابوظ لك  كاريرك كله ومفيش اي شركه هتقبل توظفك عندها بعد كدا..طبعا انتي عارفه المطرود من شركه فراس الاحمدي بفضيحه اكيد مفيش شركه محترمه هتقبله 

رنا اتوترت لان فعلا فراس لو حطها ف دماغه هيقضي ع باقي مستقبلها لان علاقاته كتيره وليه اسمه وهيقعدها ف البيت 

باك

رنا بغيظ/انا كنت جايه بس اقولك ان انا كذبت ع فراس بيه وقولت له ان في ملف مهم ف الشركه اتسرق علشان يجيي يدور عليه ..وحطيت موبايل يصور المكتب 

وقربت من فراس بيه قصدا علشان ابعت لك الصوره ويحصل مشكله ما بينكم 

روان بصت لها ب استحقار وشايفه ان الحركه دي متطلعش الا من مريضه 

فراس/اتفضلي امشي 

رنا طلعت من المكتب بغضب

فراس بص ل روان وقرب منها

فراس/صدقتيني؟ انا اخونك انتي ؟دا انا ربنا ياخدني قبل ما افكر اعمل حاجه زي كدا ..انا بموت فيكي والله ومقدرش اعيش من غيرك 

روان خبطته ف صدره/بعد الشر عليك متقولش كدا 

وحضنته وفراس حضنها بقوه بابتسامه وباس راسها

روان طلعت من حضنه

روان بزعل/انا اصلا كنت مصدقاك بس كنت متضايقه اوي وغيرانه ان في واحده تانيه قربت منك وكانت عايزه تبوسك كمان..وكنت متضايقه انك سايبها حواليك كدة 

فراس مسك وشها ب ايده/حقك عليا ..انا مكنتش اعرف انها مريضه كدا والله وعايزه توقع بينا 

وباس شفايفها وحضنها وروان ابتسمت وحضنته بقوه 

في المالديف 

عصرا  

ادم واقف قدام البحر و

 لابس شورت بس وخالع التيشيرت علشان هينزلو المايه 

احلام راحت ل ادم وهي لابسه روب  بس تحته البكيني ال هتنزل بيه المايه 

احلام بصت ع المايه /ادم أنت لسه مُصر تعلمني العوم انها خايفه والله 

ادم راح لها وخدها ف حضنه وباس راسها

ادم/متخافيش والله مش هيحصل لك اي حاجه طول ما انا موجود..مش انتي بتثقي فيا 

احلام/اه

ادم/خلاص يبقي متخافيش 

وباس راسها

البنت ال بتنضف الاوضه وبتحط لهم فوط جديده خلصت تنضيف وراحت لهم

الموظفه ابتسمت ل ادم/sir Adam.. I cleaned the room and everything is ready. Do you need anything from me?

 (ادم بيه .انا نضفت الاوضه وكل حاجه جاهزه حضرتك محتاج مني حاجه )

احلام بغيره من نظراتها وقفت قدام ادم علشان تغطي جسمه 

ادم ضحك لان احلام اقصر منه بكتير وكدا كدا مدارتش حاجه ل ادم 

احلام بغيظ Thank you

hapipty

We don't need anything You can go.

(شكرا ي حبيبتي مش محتاجين حاجه تقدري تمشي)

الموظفه/ok 

ومشيت 

احلام بصت ل ادم بغيره /ممكم اعرف حضرتكم بتضحك ع ايه ..عجبتك اوي صح 

ادم حاوط وسطها ب ايده/اه اوي اوي

احلام بصدمه/هي ايه دي ال عجبتك ي آدم

ادم قرب منها/غيرتك عليا ...بحبها 

وباس شفايفها 

احلام ابتسمت/مش كل مره تغير الموضوع وتضحك عليا 

ادم باس راسها/لاء انا بتكلم بجد..بموت فيكي وف غيرتك وف عصبيتك و كل حاجه فيكي

احلام ابتسمت بحب و ادم باس شفايفها وباس خدها 

ادم/يلا علشان ننزل المايه 

احلام ابتسمت/ماشي يلا بينا وانا مش خايفه خلاص كدا كدا انت معايا 

بعد شويه 

 ادم ف المايه واحلام ف حضنه متشعلقه ف رقبته وخايفه تسيبه 

احلام بخوف/ادم لاء علشان خاطري يلا نطلع انا مش عايزه اتعلم خلاص

ادم ضحك/هو دا ال مش هخاف ي آدم

احلام بتوتر/منا كنت مفكره اني مش هخاف  

ادم بصلها ب اعجاب/طب بس علشان انا  مش عارف دلوقتي اركز ف حلاوتك ب البكيني دا ولا اعلمك تعومي 

احلام ابتسمت وادم باس شفايفها 

احلام /متسبنيش علشان خاطري 

ادم/والله انا مبسوط وانتي ف حضني كدا بس لازم اسيبك علشان تتعلمي ..

هسيبك دلوقتي براحه ومتخافيش انا جمبك 

احلام حضنته اكتر بخوف /لالالا ادم والله متسبنيش علشان خاطري

افرض دلوقتي في سمكه قرش جت من تحتنا ولا حاجه ينهار ابيض 

ادم /خلاص لو خايفه اوي  تعالي نطلع يلا مش لازم تتعلمي

احلام بصتله/انت زعلت 

ادم باس راسها/لاء مقدرش ازعل منك..انا بس عايزك تتعلمي علشان ابقي مطمن عليكي لقدر الله نزلتي المايه وانا مش جمبك ويحصل حاجه 

احلام/لاء خلاص والله هتعلم ومش هخاف وعد والله.. بس متزعلش مني. 

ادم ابتسم وباس راسها وخدها/انا مقدرش ازعل منك ابدا ابدا 

احلام ابتسمت 

ادم بص ف عينها/يلا انتي وعدتيني مش هتخافي..هسيبك براحه وانا جمبك وعمري ما هسيبك ..ومش هيحصلك اي حاجه..اتفقنا ..كدة كدة اول ما اسيبك المايه هترفعك

احلام بصت ف عينه وهزت راسها بموافقه 

احلام/حاضر 

وبدا يسيبها براحه واحلام لقت نفسها فعلا مبتغرقش ل تحت 

احلام ابتسمت/الله المايه حلوه اوي

ادم ضحك 

ادم /شوفتي الموضوع سهل ازاي 

وبدأ يعلمها تعوم واحلام هديت ومبقتش خايفه من المايه خلاص

في مصر 

في القصر 

طارق ف اوضته بيرتاح

وفراس و روان رجعو من برا 

ودخلو الغرفه 

فراس/تقريبا كدا في حاجه نسيتي تقولهالي 

روان بصتله /ايه؟

فراس راح لها وحاوط وسطها ب ايده وقربها ل حضنه

فراس/نسيتي تقوليلي بحبك

روان ابتسمت/وانت ايه ال عرفك اني بحبك بقي 

فراس باصص ف عيونها/انا واثق 

روان ابتسمت/ي سلام ..لاء مش هقول حاجه

فراس وهو باصص ف عيونها/عايز اسمعها منك..انا بحلم ب اليوم دا من سنين ...طول السنين ال فاتت وانا بعشقك بيني وبين نفسي ومعنديش الجرأه اجي اقول ..علشان عارفه انك ديما شيفاني صاحبك واخوكي وبس ..ديما كنت بدعي ربنا يحط ف قلبك حبك ليا علشان انا مقدرش اعيش من غيرك ..بس ربنا كرمني .. واتجوزتك وعايشين ف بيت واحد وبشوف عيونك الحلوه دي كل يوم وابتسامتك الحلوه دي كل يوم..حتي كمان بتنامي ف حضني ..  عمري ما كنت اصدق ان دا يحصل ...انا اسعد حد ف الكون دلوقتي علشان انتي جمبي 

روان ابتسمت وهي باصه ف عيونه/انا بحبك اوي اوي ي فراس

فراس حضنها بقوه وباس راسها وطلعها من حضنه وعدل لها شعرها

فراس/وانا بعشقك ي روح قلب فراس 

روان ابتسمت وفراس باس شفايفها وبدأ يفك ازرار بلوزتها وسرحو ف عالمهم الخاص

في شركه مالك 

مالك طلع من الاسانسير وراح بتجاه مكتبه وبص ع مكتب جنات لقاه فاضي 

اتضايق وحاسس انها وحشته مع انه ال قايل لها تاخد اجازه تقعد مع مامتها 

ودخل مكتبه وفتح ال ملف ال قدامه 

ومسك موبايل الشركه

مالك/ساره هاتيلي قهوتي بسرعه

جنات خبطت ع الباب وهو مفتوح

جنات بابتسامه/مفيش داعي قهوتك جاهزه 

مالك ابتسم وقفل الموبايل 

مالك/انتي بتعملي ايه هنا مش المفروض انتي قاعده مع مامتك لحد ما تقي كويسه 

وقام

جنات حطت القهوه ع المكتب 

جنات ابتسمت/هي  بقت كويسه خالص الحمد لله وخالتو جت من السفر وقاعده معاها ..و أصرت عليا اروح شغلي ..ايه مكنتش عايز تشوفني ولا ايه 

مالك راح لها وقرب منها

مالك/مكنتش عايز اشوفك؟دا انا كنت هسيب الشغل وامشي دلوقتي علشان انتي مش فيه 

جنات ابتسمت/بجد 

مالك مسك ايدها /بجد ..ووحشتيني 

جنات ابتسمت 

وندي كانت رايحه ل مالك وفجأه شافت جنات معاه وقريبين من بعض واستخبت بسرعه 

ندي ابتسمت/فرصه وجت لحد عندي .الحمد لله 

ومسكت موبايلها وصورتهم  صوره ومشيت بسرعه 

ووقفت ف جمب 

وجابت الصوره وبعتتها ل كل موظفين الشركه وكتبت تحتيها 

(جنات هانم  بتتقرب من المدير علشان بوزشن احسن ومنصب احسن ف الشركه)

ندي ابتسمت بخبث/كدا تمام 

في المكتب

جنات ابتسمت/طيب سبني اروح اشوف شغلي قبل ما حد يجيي ويفهمنا غلط 

وحاولت تسحب ايدها من ايده بس مالك مش عايز يسيبها 

جنات بصتله بخجل/مالك 

مالك /بعد ما نخلص شغل اخدك ونتعشي سوا علشان انا لسه مشبعتش منك

جنات ابتسمت/ماشي موافقه..سبني بقي 

مالك باس ايدها وساب ايدها 

وجنات ابتسمت/باي ..لو احتاجت حاجه كلمني

مالك ابتسم/ماشي 

وطلعت برا المكتب بابتسامه 

وراحت مكتبها 

لقت كل الموظفين بيبصو لها وبيهمسو ل بعض وماسكين موبايلتهم 

جنات استغربتهم ومفهمتش في ايه وقعدت ع مكتبها 

نهي راحت لها بتوتر

جنات/في ايه ي نهي مالهم دول بيبصو لي كدا ليه 

نهي بتوتر/اصل ا

جنات/في ايه ي بنتي ما تفهميني 

نهي فتحت لها الموبايل جنات مسكت الموبايل وقامت بصدمه وهي بتشوف الصوره ال مالك ماسك ايدها فيها وقريب منها والكلام ال مكتوب تحتها 

ودمعت 

ندي  بابتسامه راحت لها/اهي جنات هانم شرفت اهي ..ها ي جنات مالك بيه حلو اوي صح..ولا انتي لسه بتطمحي ل منصب اعلي 

جنات قامت من ع مكتبها بغضب وراحت لها

جنات/انتي ال بعتي لهم الصوره صح؟انتي  مريضه

ندي/والله انا بوري الموظفين حقيقتك لان كلهم هنا بيقولو جنات جدعه جنات طيبه ..يعيني ميعرفوش الحقيقه 

جنات رجعت  مكتبها تاني بغضب ودموع 

وطلعت بوكس وبتلم حاجتها فيه قبل ما تمشي 

مالك طلع من مكتبه ومستغرب من جنات ال بيتصل ع تليفون مكتبها مبتردش 

مالك دخل مكتبها لقاها بتلم حاجتها وهي بتعيط

مالك بخضه راح لها/في ايه ...ايه الحصل مالك 

جنات بتلم حاجتها وساكته مبتردش 

مالك مسك ايدها وقفها

مالك/فهميني  ي جنات في ايه 

جنات سحبت ايدها من ايده وبعدت عنه 

جنات بدموع/مفيش حاجه انا عايزه امشي من هنا ومجيش هنا تاني

مالك /مش هتتحركي من هنا الا لما تفهميني في ايه

وبص ع موبايل مفتوح ع المكتب وكان موجود في صورتهم وقرأ الكلام المكتوب تحت 

مالك مسك قبضه ايده بغضب 

ومسك ايد جنات 

مالك/تعالي

جنات وقفت/مالك لاء بعد اذنك سبني أمشي من غير مشاكل انا مش عايزه اقعد هنا دقيقه واحده 

مالك تجاهل كلامها وخدها وطلعو الموظفين ال  سايبين شغلهم وقاعدين بيتكلمو 

مالك فاتح الشاشه قدامهم ب ايد وماسك ايد جنات ب ايد 

مالك بعصبيه/مين ال بعتلكم الصوره دي 

الموظفين/

مالك بغضب جهوري/حد يرد عليا

وندي بلعب ريقها وكانت خايفه حد يقول انها ال بعتت الصوره 

حد من الموظفين بتوتر/ندي ي مالك بيه 

مالك بعصبيه /محمد (ال hr ) 

محمد راح ل مالك بسرعه 

محمد/نعم ي مالك بيه 

مالك/اديليها بقيت حسابها ومشوفش وشها هنا تاني

ندي بصدمه/بس ي مالك بيه ا

مالك قرب منها بغضب/كلمه كمان وهخليكي تباتي ف الحبس النهارده مش ف بيتك ..بعد ال انتي عملتيه دا 

ندي بلعت ريقها بتوتر ومحمد خدها ومشيو 

وجنات كانت عايزه تسيب ايد مالك بدموع بس مالك ماسكها ومش عايز يسيبها

مالك بغضب للموظفين/طبعا وانتو سايبين شغلكم وقاعدين تتكلمو ف حاجات هايفه من واحده مت*لفه... مفيش اي حاجه غلط ف الصوره والكلام ال مريض ال مكتوب دا مش صح ..جنات خطيبتي وهنتجوز قريب ان شاءالله

جنات بصتله بصدمه 

مالك/بس احنا مكناش حابين نقول دلوقتي الا لما الموضوع يتم ..واظن الصوره مفهاش حاجه انا ماسك ايد خطيبتي ومحدش له عندنا حاجه..والكلام المكتوب دا اي كلام..ويلا اتفضلو كل واحد يشوف شغله ياما تحصلوها من سكات...و إياك اسمع حد بيتكلم عن جنات نص كلمه .. قسما ب الله ل اكون مطربق ال شركه دي فوق دماغه

واحد من الموظفين قرب/احنا اسفين ي مالك بيه طبعا مش من حق حد يتدخل ف حياتكم الشخصيه

 

واحده من الموظفين/احنا اصلا كنا واثقين ان جنات متعملش حاجه زي كدا كلنا عارفينها من زمان وبنحبها

باقي الموظفين هزو راسهم ب معني فعلا

مالك/تقدرو تكملو شغلكم  

وخد جنات ودخلو مكتبه 

وقفل الباب 

جنات سحبت ايدها من ايده بدموع 

جنات/ايه ال انت قولته برا دا

مالك/قولت ايه

جنات بدموع/مكنش في داعي تعمل كل دا انا هسيب الشغل خلاص ومش عايزه اكمل ..مكنش فيه داعي تكدب وتلبس نفسك علشاني..ب اننا مخطوبين وهنتجوز

مالك قرب منها ومسح لها دموعها/ايه الهبل ال انتي بتقوليه دا

 اكدب ؟واللبس نفسي ؟

..ما انتي عارفه ان انا بعشقك ومبقدرش اعيش من غيرك

جنات بصت ف الارض/لاء انت كنت بتقول كدا علشان تنقذ الموقف بس انت لسه حتي مسامحتنيش متضحكش عليا ي مالك

مالك  قرب منها ومسك دقنها وخلاها تبصله/اوعي تنزلي عينك ف الارض تاني .

.وانا مبقولش حاجه الا لما ببقي متأكد منها وقاصدها 

ومسك ايدها 

مالك/تعالي 

جنات/ايه هنروح فين

مالك/تعالي من سكات ي جنات 

وطلعو برا المكتب

في المالديف   

ع المغرب

في فيلا ادم 

في غرفتهم 

ادم نايم ع السرير واحلام طلعت من الدريسنج بعد ما لبست دريس رصاصي ديق وطويل وكات ومبين حلاوه جسمها المتنساق الممشوق وفارده شعرها وكان شكلها حلو اوي 

احلام راحت ل ادم تصحيه

احلام/ادم حبيبي انتي لسه نايم ..اصحي بقي انت وعدتني هنروح نتغدا ف المطعم ال ف الجزيره ..يلا بقي 

 وباست خده 

احلام/يلا بقي علشان خاطري 

ادم وهو نايم /بوسه كمان وهقوم 

احلام ابتسمت/يعني انتي صاحيييي.. طيب ايه رايك بقي مش هبوسك 

ادم فتح عينه وشدها من وسطها ونيمها ع السرير وفجأه بقي فوقيها 

ادم باصص لها ب اعجاب/ لاء هتوبسيني ..وانتي حلوه و زي القمر كدا 

احلام ابتسمت وباست خده 

وادم باس شفايفها 

ادم قرب منها/احنا لازم نروح نتغدي يعني محنا قاعدين

وباس رقبتها

احلام ابتسمت/ايوا لازم علشان انا جعانه..يلا ي ادومي بقي علشان خاطري 

ادم ابتسم /ي ايه

احلام ابتسمت/ادومي ..ادم الحديدي ادومي انا بس

ادم قرب منها/ادم الحديدي بتاعك انتي وبس 

احلام ابتسمت وادم باس شفايفها 

في مصر 

عند مالك و جنات

مالك وصل ب عربيته قصاد بيت جنات 

جنات/ممكن تفهمني احنا جينا البيت ليه 

مالك/انزلي وانا هفهمك كل حاجه 

ونزل من العربيه وجنات نزلت 

ومسك ايدها 

وراحو البيت ومالك خبط 

خالت جنات فتحت 

وبصت ع جنات ب استغراب وهي ماسكه ايد راجل غريب وجايه 

جنات بخجل حاولت تسحب ايدها من ايده بس مالك مش راضي 

مالك/مساء الخير 

خالت جنات(منال) /ايه دا فيه ايه..حضرتك مين

ناديه بابتسامه من جوه البيت قاعده ف الصاله/تعالي ي مالك 

مالك دخل البيت هو وجنات  و ومنال قفلت الباب وراحت لهم 

ناديه بابتسامه/دا مالك مدير جنات وصاحب الشركه ال بتشتغل فيها ..و دي منال اختي جت من بلدها تقعد معايا يومين 

منال/اه اهلا وسهلا 

مالك/اه اهلا بيكي

وبص ل ناديه

مالك/انا عايز اتجوز جنات 

جنات بصتله ب صدمه 

ناديه بابتسامه وبفرحه/ي سلام..دا يوم الهنا والله .

جنات/مالك ا 

مالك بمقاطعه/ان شاءالله اول ما ادم اخويا ومراته يرجعو من السفر هجيب اهلي ونيجي نتقدم

منال واقفه متفاجاه ب ال بيحصل 

ناديه بابتسامه/ماشي ي حبيبي..ع خيره الله 

مالك/يلا عن اذنكم 

وساب ايد جنات وراح ناحيه الباب وجنات راحت وراه بسرعه وطلعو برا البيت وجنات قفلت الباب 

منال قعدت جمب ناديه بسرعه

منال/ايه ي وليه ال بيحصل دا ومين الراجل الكُبرا دا ..باين عليه أبن ناس فعلا 

ناديه ابتسمت/ايوا طبعا ابن ناس ..انتي عارفه مع ان اخوه غني ومعروف وعنده شركات وحاجات ياما مالك بني نفسه ب نفسه من غير مساعده حد وعمل شركته بنفسه

منال /مشاء الله ..مجتهد..مش زي عيال ال نايملي ف البيت لليل نهار مره يشتغلو و ١٠ لاء .قال وانا ال كنت عايزه اجوز واحد فيها ل جنات

قدام باب البيت 

جنات بصوت واطي/ايه ي مالك ال انت بتعمله دا انت اتجننت

 

مالك بص ف عينها/ايه ال جنان ف كدا انا بحبك وعايز اتجوزك 

جنات ابتسمت/بتحبني بجد 

مالك مسك ايدها/عندك شك ف دا

جنات ابتسمت وهزت راسها ب لاء 

مالك/خلاص..خايفه ليه

جنات/خايفه تكون بتعمل كدا علشان تنقذ الموقف ال حصل ف الشركه قدام الموظفين وتدبس نفسك ..مش مضطر تعمل كدا علي فكره 

مالك بص ف عيونها/فعلا..زي ما انتي قولتي انا مش مضطر..انا عملت كدا وانا قاصد كل كلمه بقولها ..انا بعشقك وانتي عارفه كدا كويس 

جنات ابتسمت/يعني انت سامحتني..قول والله سامحتك 

مالك ابتسم/والله سامحتك ..وبموت فيكي ...وعايزك 

جنات ابتسمت ودمعت ومش مصدقه نفسها 

مالك قرب منها ومسح لها دموعها وباس راسها 

مالك اتنهد/والله لما نتجوز ويتقفل علينا باب واحد هطلع عليكي ال العذاب ال انتي عذبتهولي دا

جنات ضحكت ومالك ابتسم وباس ايدها 

مالك/همشي انا بقي ..هروح البيت اقولهم اني نويت اخيرا اتجوز خلاص ..وهكلمك 

جنات بابتسامه /ماشي ..مع السلامه 

مالك/سلام 

ومشي وراح ل عربيته وركبها ومشي 

وجنات دخلت البيت بابتسامه 

منال ال قاعده جمب ناديه /كدا ي جنات ي جزمه..يحصل كل دا ومتحكيش ل خالتك حبيبتك

جنات راحت قعدت معاهم 

جنات ابتسمت/هو كان حصل ايه يعني ي خالتو شوفتيني اتجوزت ..مهو لسه مفاجئني معاكم والله دلوقتي 

ناديه ابتسمت

منال بابتسامه/بس عرفتي تختاري يبت جنات دا مشاء الله عليه ..حليوه وطول بعرض ..لاء وغني كمان ريحت الغنا كانت وصلالي وانا قاعده هنا

جنات /انا ميهمنيش فلوسه والله ي خالتو انا عيزاه هو ..حتي لو جه قالي انا خلاص مبقاش معايا فلوس وهنعيش ف شقه صغيره زي دي هوافق من غير ما افكر وهبقي مبسوطه كمان

منال/ما انتي طول عمرك خايبه وطيبه زي ابوكي الله يرحمه 

ناديه خدتها ف حضنها 

ناديه/لا ي حبيبتي طالعه عنيها مليانه ل ابوها الله يرحمه 

جنات ابتسمت/هو اصلا في كل حاجه حلوه بعيدا عن الفلوس ..بيحبني وحنين عليا وديما موجود جمبي ولو احتاجت حاجه اول واحد بلاقيه واقف جمبي ..بحس ب الامان وهو موجود بس 

ناديه ابتسمت 

منال /ي سيدي ي سيدي 

في القصر 

في غرفه روان 

فراس نايم ومتأمل  روان نايمه ف حضنه بعمق ومش مصدق نفسه ان حب حياته ف حضنه خلاص 

فراس باس راسها وعنيها وخدها وشفايفها 

روان ابتسمت وبدأت تصحي من لمساته 

روان فتحت عينها

فراس ابتسم/صباح الفل

روان ابتسمت /صباح الخير

فراس ابتسم وقرب منها/نمتي كويس

روان ابتسمت بخجل واستخبت ف حضنه/ايوا وبعد اذنك متبصليش كدا 

فراس ضحك وباس راسها وحضنها اكتر

فراس طلعها من حضنه وبيعدل لها شعرها وباس راسها

فراس وهو باصص ل عيونها/انا دلوقتي اسعد انسان ف الدنيا بسبب وجودك ف حياتي ...انا بحمد ربنا كل يوم الف مره ...ربنا يقدرني واقدر اسعدك وافرحك كل يوم اكتر من اليوم ال قبله

روان ابتسمت بحب ومسكت وشها ب ايده 

روان/انا بحبك 

فراس مسك ايدها ال ع وشه وباسها

فراس/وانا بعشقك 

وباس شفايفها

الجميله والوحش 

البارت الاتنين وتلاتين 

مساء ف القصر 

طارق قاعد ف الصالون مع فراس وبيتكلمو 

والخادمه راحت لهم ونزلت فنجانين قهوه 

حطت واحد قدام طارق 

طارق /شكرا ي بنتي 

وكانت هتحط قدام فراس

فراس/شكرا رجعيها انا مبحبهاش كدا 

وموبايله رن وكان من الشركه

فراس/عن اذنك ي عمي 

طارق/اتفضل ي حبيبي 

وراح يرد ف الصالون التاني 

روان طلعت من المضبخ ومعاها فنجان قهوه مظبوطه بالطريقه ال  فراس بيحبها 

وراحت الصالون التاني ل فراس تدهاله  

وفراس بيتكلم ف التليفون روان حطت ف الفنجان ع الطربيزه وفراس خلص كلام ف الموبايل 

روان ابتسمت/عملت لك القهوه زي ما انت بتحبها 

فراس ابتسم ومسك دراعها وشدها ل حضنه 

وحاوط وسطها ب ايده 

فراس/تسلم ايدك 

روان ابتسمت بخجل/فراس لم نفسك  وابعد علشان ممكن حد يشوفنا

فراس وهو باصص ف عيونها/لاء ابعد دي صعبه ..انا مقدرش ابعد عنك 

وباس شفايفها وروان ابتسمت 

فراس وهو سرحان فيها/احنا هنروح بيتنا امتي بقي انا مش عارف استفرد بيكي

روان حاوطت رقبته ب دراعها/خلينا قاعدين هنا كمان كام يوم علشان خاطري..مش عايزه اسيب بابا لوحده وادم واحلام لسه ماشيين 

فراس ابتسم/هو انا اقدر اقولك لاء 

وباس شفايفها وروان ابتسمت وباست خده وفراس حضنها ودفن وشه ف رقبتما وروان حضنته بقوه 

روان طلعت من حضنه بابتسامه 

روان/يلا نطلع ل بابا 

فراس /تعالي 

ومسك ايدها وخد فنجان القهوه من ع الطربيزه ب الايد التانيه 

وطلعو الصالون التاني ل طارق ال بيشرب قهوته 

طارق ابتسم/اتصالحتو الحمد لله

فراس قعد وروان قعدت ف النص بين طارق وفراس 

فراس/هو كان باين علينا اوي كدا 

طارق/كان باين طبعا..انتو الاتنين بقالكم يومين قالبين وشكم ..بس انا ومالك محبناش نتدخل 

فراس/والله ي عمي انا مقدرش ع زعلها  دي حياتي كلها وعيلتي الوحيده 

وباس ايدها وروان ابتسمت 

طارق بابتسامه/ربنا يفرح قلبكم ديما ويخليكم لبعض..انا متطمن ع روان وهي معاك ومش شايل همها علشان واثق انها ف ايد امينه ..انت ابننا ومتربي ف وسطنا ..واطمنت ع ادم لسه فاضل مالك .نفسي افرح بيه قبل ما اموت

روان /بعد الشر عليك ي بابا متقولش كدا .

وباست ايده وطارق ابتسم وباس راسها

فراس  /ربنا يخليك لينا ي عمي ديما يارب

طارق ابتسم/حبيبي ي ابني ..بس الموت دا شئ مفروغ منه اكيد هيجي يوم واسيبكم 

روان بحزن/بابا متقولش كدا تاني لو سمحت..هزعل منك والله

طارق ابتسم وباس خدها

طارق/خلاص متزعليش ي حبيبه ابوكي 

وفجأه نها فتحت الباب ل مالك

مالك دخل وراح لهم

مالك/مساء الخير 

الكل/مساء النور 

فراس/ايه كنت فين كدا

مالك/عايز اقول لكم ع حاجه كدا ..نها اعمليلي قهوه  

وقعد 

نها وهي رايحه المضبخ/حاضر ي مالك بيه 

ودخلت المضبخ 

روان ابتسمت/خير حاجه ايه  .شكلك مبسوط

مالك ابتسم/ايوا ..انا نويت اتجوز ان شاءالله 

طارق بابتسامه/انت بتتكلم جد 

روان بفرحه/جنات صح 

مالك ابتسم/اه 

فراس ابتسم/اخيرا ي اخي هنفرح بيك ..الف الف مبروك 

وراح حضنه ومالك حضنه بابتسامه 

وروان قامت حضنت مالك بفرحه 

روان بابتسامه/مش متخيل قد ايه كنت بحلم ب اليوم ال هتتجوز فيه الانسانه ال بتحبها وتبقي مبسوط 

مالك ابتسم وباس راسها

وطلعت من حضنه ومالك راح حضن طارق 

طارق بابتسامه/مش هتصدق والله كنت لسه بتكلم معاهم اني عايز افرح بيك واطمن عليك وتعمل بيت وعيله زي اخواتك 

مالك ابتسم وطلع من حضنه وباس ايده/حبيبي ي بابا

طارق بابتسامه/ان شاءالله اول ما اخوك ومراته يرجعو من السفر هنروح ونتقدم لها ع طول  

مالك اتنهد بابتسامه/باذن الله 

روان ابتسمت ل فراس وفراس ابتسم وخدها ف حضنه وباس راسها 

في المالديف مساءا

في المطعم 

ادم واحلام دخلو المطعم بعد ما ادم غير هدومه ل قميص رصاصي فاتح وبنطلون اسود 

وكان المطعم حلو اوي وفاضي ومفهوش غير طربيزه واحده ليهم مخصوص وعليها شموع وورد احمر 

و جرسونتين واقفين ف جمب ال هيخدمو عليهم 

ادم شد ل احلام الكرسي واحلام قعدت بابتسامه 

وادم قعد قصادها 

احلام بابتسامه/ادم المطعم حلو اوي اوي 

ادم ابتسم/عجبك 

احلام ابتسمت/اوي 

ادم مسك ايدها وباسها 

والجرسونه جت وجاره قدامها العربيه ال فيها الاكل 

وبدأت تحطو ع الطربيزه 

وحطت كوبايتين عصير 

الجرسونه ابتسمت / are you need anything else?

ادم/no thank you 

ومشيت وادم واحلام بدأو ياكلو 

 

ادم /الاكل عجبك 

احلام باستمتاع/اه اوي ..كنت جعانه اوي اصلا 

ادم ابتسم وقطع حتت ستيك واكلها ل احلام واحلام كلت 

ادم/الف هنا 

احلام ابتسمت ومسكت دقنه ب ايده وادم مسكت ايدها وباسها 

وفجأه اغنيه اجنبيه اشتغلت بصوت هادي 

احلام بابتسامه/اه ادم دي الاغنيه ال رقصنا عليها سلوو لما عملت حفله جوازنا ..دي كانت اول مره ترقص سلوو ف حياتك 

ادم /انا كل حاجه عملتها معاكي ل اول مره ف حياتي

ومسح فمه ب المنديل ال قدامه

ومسك ايدها علشان يقومو 

أحلام بابتسامه/هنرقص بجد 

ومسحت فمها بالمنديل وقامت مع ادم

ادم ابتسم /ايوا 

وقامو وقفو ف نص المطعم وادم مسكها من وسطها وقربها منه واحلام حاوطت رقبته بدراعها  

احلام ابتسمت وبصت ف عيون ادم 

احلام/انا خايفه السعاده ال انا حاسها بيها دي تخلص 

ادم ابتسم وباس راسها/متخافيش ..مش هتخلص ... ان شاءالله كل يوم ف حياتنا هيبقي سعاده

ربنا يقدرني وافرحك ديما 

احلام بابتسامه/ربنا يخليك ليا 

ادم باس شفايفها 

بعد يومين من الفعاليات ف المالديف

ادم خرج احلام ف كل مكان في الجزيره وخاصو ف المايه وشافو الاسماك الصغيره الملونه والكائنات البحريه التحت المايه وشافو غروب الشمس سوا وعملوا حاجات كتير 

في الفيلا الصبح

احلام طلعت من الدريسنج بعد ما غيرت هدومها ل هوت شورت وتوب كات

ادم قام من ع السرير وراح لها وهو بيحرك رقبته وابتسم بخبث

ادم/بفكر اقول لحد ما البنات ال هنا يعملولي مساج يفك جسمي شويه 

احلام بصدمه وغيره/ايههه

ادم ابتسم /ايه

احلام رفعت صوباعها بتحذير وغيره وقربت منه

احلام/جرب كدا بنت تقرب منك وشوف هعمل فيها ايه ..والله احطها تحت رجلي 

ادم ابتسم وقرب منها /اعقلييي

وحاوط وسطها ب ايده وشدها ل حضنه

احلام بزعل/لاء ع فكره براحتك يعني لو عايز تروح تخليهم يعملولك مساج

وحاولت تبعد عن حضنه وادم مش راضي يسيبها 

ادم قرب منها/مستحيل اسمح ل اي بنت تلمسني حتي ..انا بهزر معاكي علشان اشوف غيرتك الحلوه دي 

وباس خدها ورقبتها  واحلام ابتسمت 

احلام /قول والله ي ادم

ادم قرب منها/والله ي عيون ادم 

وباس شفايفها واحلام حاوطت رقبته ب دراعها 

احلام/طب ينفع اطلب منك طلب 

ادم/انتي تأمري

احلام/ينفع نفتح موبايلتنا 5 دقايق بس نطمن عليهم ..5 دقايق بس  والله

ادم/احلام احنا اتفقنا الموبايلات مش هتتفتح خالص 

احلام قربت منه/5 د بس علشان خاطري ي ادومي بقي..هنفتح موبايلك انت بس نطمن عليهم وخلاص 

وباست خده كتير وادم ابتسم وباس راسها

احلام/ها وافقت 

ادم /هو انا اقدر أرفض لك طلب 

احلام بابتسامه حضنته وآدم باس راسها ورقبتها 

واحلام طلعت من حضنه 

وادم جاب موبايله من الدرج وفتحه 

ولقي ان مالك رن عليه 5 مرات و فراس وروان رنو كتير 

ادم الابتسامة ال ع وشه اختفت

احلام بصتله/ف ايه ي آدم حاجه حصلت؟

ادم/مالك وفراس وروان رنو كتير اوي 

احلام /طب متقلقش ي حبيبي رن عليهم وشوف في ايه 

ادم رن ع مالك 

ومالك رد 

مالك/ادم ...بابا نقلناه المستشفى ومش كويس خالص ..لازم عمليه  ضروري 

ادم/

في مصر 

في مستشفى من بتوع ادم 

في غرفه

طارق نايم ع السرير و ف ايده كانولا و ع مناخيره جهاز التنفس 

الدكتور بيكشف عليه 

ومالك واقف ب توتر وروان واقفه بتعيط ومرعوبه ع بباها وفراس واخدها ف حضنه بيحاول يهديها ويطمنها

مالك بلع ريقه/طمننا ي دكتور لو سمحت ..بابا عامل ايه دلوقتي 

الدكتور/انا زي ما بلغتكم امبارح بليل لما جبتوه وكشفت عليه ..لازم عمليه  ضروري وكل ما أكن اسرع كل ما كان احسن 

مالك/هو كل ما يصحي يقول انا مش هعمل العمليه الا لما اشوف ادم ..وادم هيكون هنا بليل

الدكتور/لما يفوق تاني ياريت تحاولو تقنعوه براحه لان التأخير دا للاسف مش ف صالحنا 

فراس بتوتر/طب هو ي دكتور بعد العمليه هيكون زي الفل ومفيش اي حاجه صح

الدكتور/والله احنا هنعمل ال هنقدر عليه ..ادعوله..ان شاءالله يقوم ب السلامه ..عن اذنكم هروح اشوف باقي التحاليل ظهرت ولالا

وطلع برا الغرفه 

وطارق بدأ يفوق تاني 

مالك وروان وفراس راحو له بسرعه 

ومالك مسك ايده

روان بدموع /بابا  حبيبي

طارق شال جهاز التنفس من ع مناخيره 

طارق ابتسم بتعب وحط كف ايده ع وشها/حبيبه ابوكي 

روان بدموع/انت هتبقي كويس والله صدقني..هتبقي زي الفل 

مالك بتوتر/بابا علشان خاطري متعندش واعمل العمليه دلوقتي..الدكتور قال التأخير دا غلط 

طارق بتعب/انا قولت لكم انا مش هعمل ال عمليه الا لما اشوف ادم الاول

فراس/ياحبيبي ادم هيتأخر الطريق ١٠ ساعات يعني هيجي ع بليل والدكتور قال الأفضل نعملها بدري 

طارق/ان شاءالله لو هيجي ف يومين ..انا مش هدخل عمليات الا لما اشوف ابني 

وكح 

مالك باس ايده/ط طب خلاص ..متتعبش نفسك وحط جهاز التنفس تاني

طارق حط جهاز التنفس

وبدأ ينام من التعب

ومالك بص عليه وهو نايم مرعوب ع بباه..معندوش اي استعداد يخسرو زي ما خسر امه 

وروان كمان مرعوبه..لو خسرت بباها هتنهار..مش كفايه ملحقتش تشبع من مامتها وقعدت معاها كام سنه بس 

فراس خد روان ف حضنه وروان بتعيط ف حضنه وفراس بيملس ع شعرها بيهديها 

بعد ساعتين أمام غرفه طارق

فراس قاعد وواخد روان ف حضنه 

ومالك واقف جمب غرفه طارق وسرحان 

جنات طلعت من الاسانسير وراحت ل مالك بسرعه 

جنات مسكت ايد مالك بحزن وبتحاول تطمنه 

جنات/عمو هيبقي كويس والله ..هيبقي زي الفل متقلقش 

مالك بصلها ف عينها وهيموت ويحضنها بس للاسف مينفعش 

مالك /هيبقي كويس صح

جنات حطت كف ايدها ع وشه

جنات بحزن/والله هيبقي كويس..بإذن الله متخافش 

مالك مسك ايدها ال ع وشها وباسها

وجنات راحت ل روان وروان حضنتها وبتعيط وجنات حاولت تهديها وتطمنها

بعد كام ساعه الدكتور و مالك و روان وفراس بيحاولو يقنعو طارق يخش العمليه وهو رافض رفض تام 

عند ادم  واحلام 

ادم طول ال ١٠ ساعات ف الطريق والطياره حاسس ان قلبه هيخرج من مكانه وعايز يتطمن ع باباه ب اي شكل واحلام جمبه  وبتحاول تطمنه

مساءا عند ادم واحلام 

رضا وقف ب العربيه قدام المستشفى لان ادم ال قاله يجيي ياخدهم من المطار 

ادم نزل من العربيه بسرعه 

واحلام نزلت من العربيه 

ودخلو المستشفى بسرعه

فوق

ف غرفه طارق الممرضه بتحط له ابره ف المحلول 

أمام الغرفه 

مالك واقف وجمبه جنات 

وروان قاعده وسانده راسها ف حضن فراس وفراس بيملس ع شعرها بحنان 

جنات ل مالك/هروح اجيب لك مايه

مالك /خليكي انا ا

جنات /لالا  خليك انا هروح ومش هتأخر عليك

مالك هز راسه بموافقه 

ومشيت

ادم واحلام طلعو من الاسانسير وبسرعه وراحو لهم 

ادم بلهفه/بابا فين

ودي كانت أول مره ادم يقول فيها ل طارق بابا من ١٥ سنه يمكن 

مالك/ف الاوضه جوه..رافض يعمل العمليه ي آدم الا لما يشوفك الاول

ادم دخل الغرفه بسرعه واحلام راحت ورا ودخل مالك و فراس وروان 

ادم بلع ريقه لما شاف طارق ب الحاله دي

 

ادم راح له بسرعه ومسك ايده

ادم بتوتر/بابا

طارق مش مصدق نفسه انه سمع منه الكلمه  دي

وشال جاهز التنفس

طارق بدموع ابتسم /الله...انا خلاص بعد الكلمه دي مستعد اموت دلوقتي حالا 

ادم باس ايده /بعد الشر عليك ..اوعي تقول كدا تاني انت هتقوم ب السلامه وهتبقي زي الفل

طارق ابتسم بتعب/انا اصريت اشوفك الأول قبل ما ادخل العمليات علشان اطلب منك تسامحني 

ادم دمع/ل لاء مش عايز اسمع الكلام دا انا عايزك تدخل العمليات دلوقتي وتبقي زي الفل

طارق ابتسم/اسمعني بس للاخر...انا ظلمتك كتير ي آدم..انت اتعذبت كتير ف حياتك بسببي ..اضطريت تبقي الاب والام ل اخواتك وانت شاب صغير مكملتش ١٨ سنه..مع ان دا كان دوري وانا ال المفروض كنت اقوم بيه..بس بعدت عنكم وقتها..اضطريت تهمل تعليمك وصحتك ومتفكرش ف اي حاجه غير ازاي تصرف ع اخواتك وتعيشهم ف مستوي حلو ..ودخلت ف حاجات وحشه انت اصلا مكنتش تتمني تدخل فيها بس كان غصب عنك هتعمل ايه ..دا كله بسببي انا ..علشان كدة عمري ما زعلت منك لما كنت بتكرهه تبص ف وشي..دا حقك..وانا استاهل كل دا فعلا لاني سبتكم وسبت مامتكم زمان ..انا  عايزك بس تسامحني انا والله بقالي ١٥ سنه مقهور وكارهه نفسي بسبب زعلك مني ...وديما ف كل صلاه وكل وقت بدعي ربنا تسامحني .انا عايزه اضمن انك سامحتني ي آدم علشان لو مقومتش ب العمليه اموت وانا مرتاح 

ادم كان بيسمع الكلام وهو بيدمع  مش بس ادم دا مالك وروان كمان 

واحلام عيطت 

بسبب  خوفها ع طارق ال بتحبه و بتعتبره زي بباها بالضبط وخوفها ع ادم لو طارق حصله حاجه هينهار 

وفراس 

ال بيحب طارق جدا  يمكن اكتر من بباه الحقيقي و بيحب ادم ومالك زي اخواته بالضبط 

هما وروان بالنسبه له عيلته الوحيده و  طارق من اول يوم شاف فراس فيه وعرف قد اي هو بيحب ادم وبيخاف عليه ويفيده بروحه وهو اعتبر فراس ابنه وغلاوته من غلاوه ادم ومالك بالضبط

ادم مسح دموعه ومسك ايد طارق 

ادم/انا مسامحك..انا سامحتك اصلا من زمان والله ي بابا ..ومتقولش كدا ع نفسك تاني انا مش عايزك تمشي ..انا لسه في حاجات ملحقتش اعيشها معاك ..

طارق ابتسم/وانا مش عايز حاجه من الدنيا تاني بعد الكلمتين دول 

ادم دمع/انا ال عايزه تسامحني ..انا اسف ع كل مره زعلتك فيها او كلمتك ب اسلوب وحش او اي حاجه غلطت فيها ..والله كان غصب عني 

طارق ابتسم/لالا ي حبيبي متعتذرش ..دا حقك تعمل اكتر من كدا .. دي حاجه مش ب ايدك.. وانت مهما عملت انا مسامحك ..طبعا مسامحك دا انت ابني البكري حبيبي ..وانت اتغيرت..اتغيرت وبقيت واحد تاني خالص ..بقيت بتعرف تعبر عن حبك ب الكلام والافعال ..بقيت حابب الحياه وحابب تعيش ..و بقيت بتضحك وتهزر ومرتاح 

انا دلوقتي مبسوط  علشان انت مرتاح ف حياتك مع مراتك ..ربنا يارب يخليكم ل بعض ويرزقكم ب ولاد تشيل اسمك ي حبيبي

ادم حضنه وطارق حضنه بابتسامه وحمد ربنا 

طارق/انا عايزه بس أوصيكم ع حاجه علشان لو مقومتش ..ابقو اسأل ع عمك ف الصعيد وولاد عمك ..هما أهلنا وعزوتنا الوحيده .لو احتاجو حاجه خليكم ف ضهرهم.. وانت كمان خلو بالكم من بعض ومتزعلوش بعض ابدا 

روان بدموع/بابا متقولش كدا لو سمحت انت هتقوم وتبقي كويس

مالك مسح دموعه/بابا انت هتقوم لنا ب السلامه ان شاءالله اوعي تقول كدا تاني 

.احنا هننده الدكتور  ويدخلك العمليات ع طول ماشي 

وباس راس طارق 

فراس/انا هجيب الدكتور

وطلع برا الاوضه بسرعه 

احلام مسحت دموعها وراحت ل طارق ومسكت ايده 

احلام ابتسمت وحاولت متعيطش /ان شاءالله ي اونكل هتقوم ب السلامه وهتبقي زي الفل ..انا واثقه 

طارق ابتسم/حبيبتي ي بنتي ..ربنا يعلم غلاوتك عندي من غلاوه روان 

احلام ابتسمت وباست ايده 

روان بدموع/ان شاءالله ي حبيبي هتقوم لنا ب السلامه ..انا عارفه ان انت قدها وهتقوم علشاننا 

طارق ابتسم/ان شاءالله ي حبيبتي 

بعد شويه الدكتور والممرضات دخلو الغرفه 

كشفو ع طارق ونقلوه ع السرير المتحرك ل اوضه العمليات 

وجنات راحت لهم 

وقفلو اوضه العمليات

وبدأو العمليه 

مالك رجليه مش شيلاه وقعد ع اقرب كرسي

وجنات راحت له بسرعه وقعدت جمبه ومسكت ايده وبتحاول تتكلم معاه تهون عليه 

وروان قاعده ع الكرسي بدموع وسرحانه

فراس راح لها قعد جمبها وخدها ف حضنه وباس راسها وروان حضنته بقوه

عند ادم واقف جمب اوضه العمليات وخايف..زي ما يكون الطفل ال جواه العنده ١٥ سنه صحي وخايف يخسر بباه زي ما خسر مامته 

وبيتردد ف دماغه كل كلمه طارق قالها ...خايف يحصله حاجه قبل ما يصلحو ال زعل ال حصل طول ال 15 في حاجات لسه مش عاشها مع بباه 

احلام واقفه بحزن  خايفه ع ادم ومش قادره تشوفه زعلان ومتضايق كدا 

احلام راحت ل ادم وحضنته

ادم حضنها بقوه ودفن وشه ف رقبتها

احلام /عمو هيبقي كويس والله هيبقي كويس متخافش 

ادم بوجع /انا بقالي ١٥ سنه وحش معاه ومبسألش عليه ومببصش ف وشه حتي 

احلام بحزن /هو مش زعلان منك والله ..هو مسامحك ..مش هو قالك جوه انه مسامحك ..عمره ما يقدر يزعل منك دا بيحبك اوي

ادم اتنهد وطلع من حضنها 

احلام/تعالي يلا نقعد انت محتاج ترتاح 

ادم/لاء انا مرتاح كدا 

احلام مسكت ايده/علشان خاطري ي حبيبي تعالي اقعد شويه..انت مرتاحتش دقيقه من الصبح 

ادم هز راسه بموافقه/تعالي 

وخدها ف حضنه وباس راسها

ادم قبل ما يقعد راح ل روان ال قاعده ف حضن فراس وباس راسها 

روان دمعت/هيبقي كويس ي آدم صح ...قولي هيبقي كويس وانا هصدقك ..انت معودنا ان كل حاجه بتوعدنا بيها بتحصل

ادم هز راسه /هيبقي كويس وهيقوم ب السلامه ان شاءالله 

روان /يارب 

وادم ربط ع كتف فراس وفراس ابتسم له يطمنه 

و ادم راح حضن مالك ومالك حضنه بقوه واحلام سلمت ع جنات

مالك /انا مكنتش عايز اخضك وانت مسافر واتصل بيك كتير كدا بس احنا متعودين ان انت ديما موجود معانا ولازم كل حاجه تبقي عارف بيها

ادم/اكيد طبعا ال عملته صح كان لازم تقولي ...ان شاءالله هيقوم ب السلامه 

مالك اتنهد /ان شاءالله 

وادم طلعه من حضنه 

ومسك ايد احلام وقعدو ف جمب

مالك قعد جمب جنات تاني وجنات مسكت ايده وبصت ف عيونه

جنات/هيبقي كويس والله متقلقش..عمو مستحيل يسيبكم لوحدك وهيقوم منها علشانكم 

مالك /يارب 

جنات/عايزني اعملك ايه طيب قولي..اجبلك حاجه دافيه تشربها او قهوه 

مالك/انا مش عايز اي حاجه غير انك تفضلي جمبي بس 

 وباس ايدها وجنات ابتسمت 

جنات /عمري ما هسيبك

  عند فراس وروان  

روان قاعده ف حضن فراس 

وفراس بيملس ع شعرها بيهديها 

فراس/هيبقي كويس ويقوم ب السلامه و هيبقي زي الفل وهتشوفي 

روان دمعت/يارب يارب ي فراس 

فراس طلعها من حضنه و مسح لها دموعها وباس راسها وايدها/متعيطيش ي روح قلب فراس كله ..دموعك دي بتقتلني والله ..لازم تبقي قويه علشان عمي لما يفوق من العمليه ميشوفكيش زعلانه ..اتفقنا 

روان مسحت دموعها/حاضر 

وفراس ابتسم وباس ايدها وخدها  ف حضنه تاني وروان حضنته بقوه

بعد نص ساعه من القلق والتوتر

لمبه العمليات طفت 

ادم قام بتوتر ومالك قام هو كمان

وفجأه الباب اتفتح

وممرضه طلعت و ف ايدها الأدوات ال استخدمت ف العمليه

وخرج من بعدها الدكتور 

ادم ومالك راحو له بسرعه

وفراس واحلام وروان 

 

ادم بتوتر/ب بابا عامل ايه 

مالك بقلق/طمننا ي دكتور بالله عليك بابا كويس صح

الدكتور /هو العمليه نجحت الحمد لله ..بس معرفش طارق بيه هيصحي كويس ولالا

ادم/ ايه الكلام ال انت بتقوله دا مش فاهم 

الدكتور اتنهد/يعني احنا عملنا ال نقدر عليه ..بس هو مش احسن حاجه محتاج يقعد ف العنايه المركزه كام يوم ومش عارفين ممكن يفوق امتي 

مالك بتوتر / بس العمليه نجحت صح يعني هيبقي كويس 

الدكتور/ اه هي نجحت الحمد لله بس للاسف حالته مش مستقره

ادعوله ..هو محتاج دعواتكم دلوقتي وهنستني ونشوف .

روان دمعت واحلام واقفه بقلق 

ادم بغضب/لو ز*ت المستشفى مش عارفه تشوف شغلها صح انا ممكن اطلعه برا مصر يكمل علاجه هناك طالما انتو مش فاهمين اي حاجه خالص كدا

الدكتور/ي آدم بيه والله الدكاتره ال برا مش هتقول ل حضرتك كلام مختلف عن ال هنا ..واحنا اصلا من أفضل المستشفيات ف مصر..هي العمليه نجحت الحمد لله .. وهننقله العنايه المركزه وهنعمل اللازم..

بس كل ال بقوله ل حضراتكم اننا محتاجين شويه وقت لحد ما يفوق ويقوم ب السلامه 

فراس/ نقدر نشوفه امتي

الدكتور/حاليا ممنوع حد يدخله الاوضه ال ف العنايه المركزه بس تقدرو تشوفوه من برا بس وواحد او اتنين كمان مينفعش عدد..وبعد ما حالته تستقر اكتر ووننقله غرفه عاديه تقدرو تشوفوه عادي 

بعد نص ساعه 

طارق اتنقل ع غرفه ف العنايه المركزه 

ادم ومالك  واقفين باصين عليه من ازاز الاوضه الشفاف 

طارق كان نايم جوه ومحطوط ع مناخيره جهاز التنفس و صدره متوصل ب كذا جهاز و ف ايده كانولا

مالك/هو هيبقي كويس صح 

ادم هز راسه/ان شاءالله هيبقي كويس ..لازم يبقي كويس...هنستني يومين لو كدا نوديه اكبر مستشفيات برا مصر ..ونعالج رجله ويقوم يقف ع رجله تاني زي زمان ..ويبقي ز الفل 

مالك ابتسم/يارب يارب 

وحضنه وادم حضنه بقوه

في طرقه المستشفى 

قاعد احلام وفراس وروان و جنات 

واحلام  واخده روان  ف حضنها بتطمنها

احلام ابتسمت/مش الدكتور قال العمليه نجحت..المفروض تفرحي 

روان بتوتر/ايوا بس برضو قال مش عارفين هيفوق امتي ولما يفوق مش عارفين هيبقي كويس ولالا 

احلام /لا هيفوق وهيبقي كويس بإذن الله ..متخافش 

روان اتنهدت/يارب 

ادم ومالك خرجو من جزء العنايه المركزه 

روان/بابا كويس 

مالك/اه الحمد لله 

ادم/قعدتكم هنا مش هتفيدكم بحاجه هو كدا كدا مش هيفوق دلوقتي..يلا ي فراس خد روان وارجعو ع بيتكم

روان/لا ي آدم سبني افضل هنا جمب بابا علشان خاطري  

ادم راح لها وباس ايدها 

ادم/ي حبيبتي والله هو مش هيفوق دلوقتي وقعدتك هنا ملهاش لازمه ..ولو حصل اي حاطه هعرفك ولو فاق هعرفك برضو ..انتي محتاجه ترتاحي

فراس/تعالي نروح علشان ترتاحي وانا هجيبك الصبح بدري ..وعد 

روان هزت راسها بموافقه/ماشي 

فراس ل ادم/لو احتجت حاجه كلمني 

ادم /ماشي 

وفراس اخد روان ومشيو 

مالك مسك ايد جنات/تعالي يلا هوصلك ل تحت واخلي رضا  يوصلك 

جنات/خليني معاك شويه 

مالك/لاء الوقت اتأخر ولازم تروحي ..انا كويس متقلقيش 

جنات/ماشي بس هجيلك بكره

مالك ابتسم/ماشي 

وخدها و مشيو 

احلام قامت /متطلبش مني امشي علشان خاطري ..خليني جمبك هنا 

وحضنته 

ادم حضنها بقوه ودفن وشه ف رقبتها 

وطلع من حضنها وعدل لها شعرها وباس راسها

ادم/بس انتي محتاجه ترتاحي ..الطريق كان طويل عليكي 

احلام مسكت وشه ب ايدها/انا راحتي معاك انت...انا عايزه افضلك جمبك ..مش هيجلي نوم وانا بعيده عنك اصلا 

ادم باس ايدها و راسها وخدها ف حضنه واحلام حضنته ب قوه

تحت المستشفى  

رضا واقف جمب عربيته 

و مالك وجنات راحو له 

مالك/رضا وصل جنات بيتها

رضا /امر حضرتك 

جنات ل مالك/لو حصل اي حاجه كلمني ماشي 

مالك /حاضر

جنات/تصبح ع خير 

مالك باس ايدها/وانتي من اهل الخير 

جنات ابتسمت  

ورضا فتح لها باب العربيه 

رضا/اتفضلي 

جنات/شكرا 

وركبت العربيه ورضا راح ركب وساق العربيه ومشيو 

ومالك اتنفس شويه هوا وطلع المستشفى تاني 

في غرفه المرافق عند آدم واحلام

احلام فتحت شنطه من شنطهم ال رضا طلعها 

وطلعت ل ادم تيشرت نضيف 

ادم فك زرايز القميص وخلع القميص ال لابسه ولبس التيشيرت  

ادم/هروح اتكلم مع الدكتور ف حاجه وهرجع 

احلام راحت له /ماشي متتاخرش عليا 

وباست خده 

ادم/حاضر 

وباس راسها وطلع برا الغرفه 

واحلام عملت شعرها كعكه عشوائيه وجابت ل نفسها من الشنطه سويت بانتس رصاصي عباره عن بنطلون قطن وبلوزه قطن ب كم اوفر سايز 

ودخلت تغير ف حمام الاوضه 

بعد تلت ساعه 

احلام قاعده ع السرير بعد ما غيرت هدومها وقلقانه ع ادم لانه اتأخر  

ادم دخل الغرفه واحلام اتنهدت براحه وادم قفل الباب

احلام /اتاخرت ليه كل دا ي حبيبي قلقتني عليك  

ادم باس راسها/متخافيش انا كويس... كنت بتطمن من الدكتور ع كام حاجه 

وحط التليفون ع الكومودينو 

احلام فتحت له دراعها علشان يجي ينام ف حضنه 

احلام/طب تعالي 

ادم راح نام ف حضنها بتعب ودفن وشه  ف رقبتها 

جسمه  واجعو وراسه وجعاه وتعبانننن... بس الحضن دا هيصلح كل حاجه خلاص 

احلام بتملس ع شعره وباست راسه 

احلام/عمو هيبقي كويس متقلقش..الحمد لله العمليه نجحت والدكتور طمننا ..هيقعد بس ف العنايه المركزه يومين وهيبقي زي الفل خلاص 

ادم مسك ايدها ال بتملس بيها ع شعره وباس ايدها واحلام ابتسمت 

احلام/جعان اجبلك اي حاجه؟ انت مكلتش حاجه من الصبح طول الطريق 

ادم/لاء مش جعان ..انا مش عايزه حاجه غير حضنك بس 

احلام ابتسمت وباست راسه وملست ع شعره وادم بدأ ينام 

واحلام اطمنت انه نام وبدأت تنام هي كمان

الجميله والوحش 

البارت 33

في المستشفى صباحا 

في غرفه ادم واحلام

احلام صحيت من النوم ملقتش ادم جمبها 

قعدت ع السرير وعملت شعرها كعكه عشوائيه ودخلت الحمام وغسلت وشها ونشفته ب مناديل 

وكانت هتطلع تدور ع ادم 

بس ادم دخل الغرفه و ف ايده فطار ل احلام بعد ما اطمن ع طارق واتكلم مع الدكتور وباين عليه الاجهاد والتعب من الزعل

احلام/ كنت فين ي حبيبي 

ادم حط الفطار ع الطربيزه 

ادم/كنت بتطمن ع بابا..وجبت لك فطار اهو يلا علشان تفطري 

وبدأ يفتح كيس التوست وعلب المربي علشان يعمل ساندويتش ل احلام تفطر 

احلام بصتله وابتسمت بحزن حتي وهو ف الحاله دي ف الظروف دي مهتم ب راحتها و ب أكلها  ..ومش هاين عليها تشوفه ب الحاله دي

احلام مسكت ايده وشالت منها الاكل وحضنته بقوه و ادم حضنها ودفن وشه ف رقبتها 

احلام بحزن /انا مش قادره اشوفك متضايق وزعلان كدا.. علشان خاطري متزعلش ..والله عمو هيبقي كويس وهتشوف 

ادم اتنهد/يارب 

وباس رقبتها 

احلام طلعت من حضنه ومسكت ايده

احلام/يلا علشان هتفطر معايا 

ادم/لاء انا مش جعان 

احلام/مفيش حاجه اسمها مش جعان انت مكلتش حاجه من امبارح الصبح ي حبيبي ..والله لو مكلتش معايا انا كمان مش هاكل 

ادم /ماشي تعالي

احلام ابتسمت وباست خده واخدو الفطار وقعدو ع الكنبه

واحلام بدأت تعمل ل ادم ساندويتش وتحط مربي ع التوست 

احلام بابتسامه بعد ما خلصت/اتفضل

ادم اخد منها الساندوتش وباس راسها وخدها ف حضنه 

ادم/تسلم ايدك 

واحلام ابتسمت /الف هنا 

وبدأت تاكل هي كمان 

 

عند مالك طلع من غرفته بعد ما غير هدومه ال طلب من حد يجبهاله من القصر 

وكان هيروح يتطمن ع طارق فجأه لقي الممرضات رايحين ع اوضه طارق بسرعه ووحد نده الدكتور والدكتور راح ع الغرفه بسرعه  

مالك راح ل غرفه ادم بسرعه وخبط ع الباب 

ادم راح فتح 

مالك بتوتر/ادم بابا ...مش فاهم ايه الحصل فجأه 

ادم بص ع الدكتور ال بيجري ع غرفه طارق  

ادم راح لهم بسرعه ومالك واحلام راحو معاه بسرعه 

ادم كان هيدخل الغرفه ممرض قفل الباب ومنعه يدخل 

الممرض/اسف ي آدم بيه ممنوع الدخول دلوقتي 

ادم بعصبيه وتوتر/ ممنوع دخول ايه فيه ايه

ايه ال بيحصل جوه ...ماله بابا

الممرض/الدكتور هيخرج دلوقتي يفهمكم كل حاجه بس والله اسف ممنوع الدخول

ادم قرب منه بغضب جهوري/هو ايه ال ممنوع الدخول انت اتجننت...اوعي من وشي هدخل اتطمن عليه 

احلام بتوتر بتحاول تهدي ادم

مالك بيبص ع طارق بتوتر من الازاز الشفاف والدكاترة بتحاول تلحقه 

احلام /ادم اهدي..اهدي علشان خاطري 

ادم بغضب جهوري مسك الممرض  من هدومه /انت هتوسع من وشي حالا بدل ما ادفنك مكانك 

احلام مسكت دراع ادم وبتحاول  تهديه وتبعده عن الممرض 

احلام مسكت ايد ادم وبصت ف عينه/ادم ..حبيبي علشان خاطري اهدي والله اونكل هيبقي كويس..هو ملوش زنب .. سيبهم يشوفو شغلهم 

ادم  ساب هدوم الممرض بغضب ومسك قبضة ايده وخبط  الحيطه بقوه 

احلام حضنت ادم بحزن 

ادم دمع وحضنها بقوه/لازم اطمن عليه..لازم ..مينفعش يحصله حاجه

احلام بحزن/هيبقي كويس والله ..هيبقي كويس  

فجأه الباب اتفتح والدكتور طلع 

ادم واحلام ومالك راحو له بشرته 

ادم بلع ريقه /ب بابا عامل ايه 

مالك بتوتر/هو كويس

الدكتور ابتسم/متقلقوش ..حالته بقت مستقره الحمد لله وبقي احسن 

ادم اتنهد بفرحه/الحمد لله يارب ..الحمد لله 

احلام اتنهدت بفرحه 

ومالك راح حضن ادم بفرحه وابتسامه 

مالك اتنهد بابتسامه/بابا بقي كويس 

ادم ابتسم/ايوا الحمد لله  

وباس راسه 

ومالك طلع من حضنه وادم راح حضن احلام بابتسامه 

واحلام حضنته بفرحه 

مالك للدكتور/كدة هننقله الاوضه العاديه خلاص صح 

الدكتور ابتسم/ايوة هو كدا نقدر ننقله الاوضه العاديه خلاص

ادم/وهو هيفوق امتي 

الدكتور/خلاص ٢٤ ساعه ان شاءالله 

روان وفراس طلعو من الاسانسير وراحو لهم بقلق لما لقوهم متجمعين قدام اوضه طارق

روان بقلق/ ايه الحصل 

فراس/عمي كويس 

مالك ابتسم/بابا بقي كويس وحالته مستقره الحمد لله 

روان بفرحه /بجدد 

بعد شويه 

طارق اتنقل ف اوضه عاديه 

نايم ع السرير و ف ايده كانولا 

و الكل اتطمن عليه بس ونايم ولسه مفاقش

بعد ساعتين 

أمام غرفه طارق 

واحلام بتكلم اهلها ف الموبايل ف جمب بيتطمنو ع طارق ولما يفوق هيجو يشوفوه 

و فراس وروان قاعدين  وجمبهم مالك

مالك موبايله رن وكانت جنات وقام يرد

فراس باس راس روان وخدها ف حضنه 

فراس/عمي بقي زي الفل اهو ليه القلق بقي 

روان بصتله/بس لسه مفاقش وانا خايفه حالته تسوء تاني

 

فراس مسك ايدها وباسها/لاء ان شاءالله هيفوق وهيبقي زي الفل وهتشوفي 

روان ابتسمت/يارب 

ومالك خلص كلام ف الموبايل 

ورضا  رجع من الكافتيريا ومعاه كوبايات ورق فيها قهوه ووزعها عليهم 

ادم طلع من غرفه طارق بعد ما اتطمن عليه واحلام خلصت كلام ف الموبايل وراحت لهم

رضا اعطي ل ادم كوبايه القهوه واعطي ل احلام 

ادم اخدها منه/شكرا ي رضا جت ف وقتها 

رضا/العفو ي آدم بيه ..هو طارق بيه كويس 

ادم ابتسم/كويس اه متقلقش 

رضا/طب الحمد لله

وراح يعطي الباقي

احلام ل ادم/اونكل كويس 

ادم /اه الحمد لله حالته مستقره. بس لسه مفاقش 

احلام ابتسمت/هيفوق وهيبقي كويس ان شاءالله..اهم حاجه انه عدي مرحله الخطر 

ادم مسك ايد احلام وباسها /الحمد لله

واحلام ابتسمت 

والدكتور راح لهم علشان يتطمن ع طارق 

ادم ل الدكتور/كنت عايزه اتكلم معاك ف حاجه كدا

الدكتور/طبعا ي آدم بيه اتفضل 

ادم/لو عايز انقل بابا يكمل علاجه برا وبالمره نعالج رجله ويقف ع رجله تاني ..فيها خطر ع صحته دلوقتي 

الدكتور ابتسم/لا متقلقش تقدرو تعملو دا عادي ..مسافه ما يفوق بس هيقعد معانا يومين تحت الملاحظه وبعدين تقدرو تسافرو عادي 

روان ابتسمت/بجد ي آدم بابا ممكم يرجع يمشي تاني 

ادم /ايوا ان شاءالله.. هيقف ع رجله من تاني ويبقي زي الفل

مالك ابتسم/يارب

احلام ابتسمت 

عصرا

ادم دخل الغرفه وبص ع طارق ال نايم ع السرير

ادم سحب كرسي وقعد ع السرير جمبه

ومسك ايده 

ادم/يلا ي بابا شد حيلك وفوق بقي...كلنا مستنينك ..  وبعدين انت وحشتني برضو..ع فكره انا نسيت اعتذر لك ع حاجه كمان ..هو انا بصراحه عمري ما اعتذرت لك قبل كدا..يعني مكنش عندي ثقافه الاعتذار دي خالص ..اتعلمتها مؤخرا دي ..انا اسف ع كل مره كنت بتبقي تعبان فيها وانا مكنتش ببقي جمبك ..واسف ع كل مره كنت بتبصلي مستني مني كلمه صغيره زي صباح الخير او حتي ازيك وانا مكنتش بقولها..ندمان ع كل مره كان بيبقي نفسك تحضني وانا مش بديلك فرصه ..بس لما تفوق وتقوم ب السلامه هنصحح كل دا ان شاءالله ..وعد

وباس ايده

طارق حرك ايده ال ادم ماسكها

ادم بص ل طارق بسرعه 

وطارق بدأ يفوق ويفتح عينه 

ادم بابتسامه/بابا 

طارق ابتسم وحط كف ايده ع وش ادم 

طارق/حبيب ابوك 

ادم بابتسامه وبفرحه/حمد لله ع السلامه...الحمد لله انك بخير وقومت لنا ب السلامه .

طارق ابتسم/انا قومت علشانكم ..انت واخواتك .. وعلشانك انت ب الاخص ..وبسبب الكلام ال بتقلهولي من وقت ما تعبت ..انا كنت حاسس ب كل كلمه ..كان في سبب احارب علشانه وامسك ف الدنيا 

ادم ابتسم ودمع وحضنه وطارق دمع  وحمد ربنا وباس راس ادم ومش مصدق ان علاقته ب ابنه اتحسنت وبقت اقوي من الاول ورجع يسمع منه كلمه بابا تاني

بعد شويه ادم طلع من حضنه 

ادم ابتسم/هروح اقول لهم انك فوقت ..كلهم قلقانين عليك برا

طارق ابتسم/ماشي ي حبيبي 

ادم قام من ع الكرسي وراح فتح الباب 

وكان قاعد مالك وفراس وروان واحلام 

ادم ابتسم/بابا فاق 

مالك قام بابتسامه/بجددد

روان  بفرحه/بتتكلمو جد ي ادم

احلام ابتسمت بفرحه وفراس ابتسم براحه 

ودخلو الغرفه واحلام كانت هتدخل ادم راح حضنها بقوه ودفن وشه ف رقبتها 

واحلام ابتسمت وحضنته بقوه

ادم/الحمد لله فاق ..فاق وبقي كويس 

احلام بابتسامه/الحمد لله ي حبيبي ..ربنا قومهولنا ب السلامه ..الحمد لله

ادم ابتسم وباس راسها وطلعها من حضنه 

ادم /ادخلي له وانا هروح انادي الدكتور وارجع

احلام بابتسامه/اوك 

واحلام دخلت الاوضه

في الغرفه 

مالك بابتسامه وبفرحه راح باس راس طارق

مالك/بابا حبيبي ..الف حمد لله ع سلامتك 

روان بابتسامه مسكت ايده/قلقتنا عليك ي حبيبي..الحمد لله انك بخير 

طارق ابتسم بتعب/الله يسلمكم ي حبايبي

فراس ابتسم/حمد لله سلامتك ي عمي 

احلام بابتسامه/الحمد لله ي اونكل انك قومت لنا ب السلامه 

طارق ابتسم/تسلمولي كلكم ..ربنا يخليكم ليا يارب 

ادم دخل الغرفه ومعاه الدكتور وممرضه 

الدكتور ابتسم /الف حمد لله ع سلامتك ي طارق بيه 

طارق ابتسم/الله يسلمك ي دكتور 

الدكتور وهو بيكشف عليه

الدكتور/ كدا حضرتك حالتك بقت مستقره جدا الحمد لله 

طارق/الف حمد وشكر 

الدكتور خلص كشف /هتقعد بس يومين نتأكد انك بقيت كويس

ادم/يعني بعدها نقدر نسفره برا ان شاءالله 

الدكتور/ايوا مفيش مشاكل كمان يومين تقدرو تسافرو عادي

طارق/سفر..سفر ليه ؟

ادم مسك ايد طارق وابتسم/هنسافر أمريكا ان شاءالله انا وانت ومالك نكمل علاج هناك ونعمل عمليه ف رجلك علشان تقدر تمشي من تاني

طارق ابتسم/بجد..في امل يعني 

روان بابتسامه/طبعا ي بابا في امل وان شاء تقف ع رجلك تاني 

طارق /بس انا عايز اطلع من هنا ونخطب ل مالك البنت ال بيحبها 

مالك ابتسم ومسك ايده/صحتك اهم طبعا ي بابا ..لما نطمن عليك الاول وتقف ع رجلك 

ابتسم/يارب..نفسي أقف ع رجلي علشان لما اشوف عيالكم  اعرف ابقي معاهم ب صحتي

احلام ابتسمت 

و ف اخر اليوم كرم وحمزه جم اطمنو ع طارق 

و جنات كمان 

بعد تلت ايام 

في يوم سفر ادم وطارق و مالك

في القصر 

في غرفه ادم واحلام 

احلام والخادمه ف الدريسنج بيجهزو شنطه ادم واحلام طول ما هي بتجهزها بتعيط ومش عارفه ازاي هتستحمل كل الوقت دا بعيده عنه

وخلصو والخادمه شالت الشنطه وطلعتها من الدريسنج واحلام طلعت معاها 

ادم دخل الغرفه واحلام مسحت دموعها علشان ادم باله ميتشغلش عليها هو اصلا مش متخيل ازاي هيسافر ويسيبها 

احلام ابتسمت ل ادم/شنطتك جاهزه

الخادمه/حضرتك تأمر بحاجه تانيه 

ادم/شكرا

الخادمه/عن اذنكم 

وطلعت من الغرفه

ادم قرب من احلام وحاوط وسطها ب ايده وقربها ل حضنه  ومسح لها دموعها وفضل باصص ف عيونها من غير كلام ..مش قادر يتخيل انه هيسيبها الفتره دي كلها..مجرد تخيله للموضوع بيخنقه 

احلام بدموع حضنته وآدم حضنها بقوه ودفن وشه ف رقبتها 

ادم/متعيطيش ..ع عيني والله اسيبك و امشي ... انا مبقدرش اعيش من غيرك ولا  اتنفس من غيرك ..كان نفسي اخدك معايا بس مينفعش

احلام بدموع طلعت من حضنه 

احلام/تلت اسابيع كتير اوي انا هقدر اعيش من غيرك  ازاي كل دا ..ليه مينفعش تاخدني معاك

ادم مسح لها دموعها ورجع خصله من شعرها ورا ودنها 

ادم/.هبقي مشغول مع بابا ف المستشفى و الدكاتره والتحاليل وبالي هينشغل عليكي.. مينفعش اسيبك لوحدك هناك حتي لو ساعه واحده 

ومسح لها دموعها  وبيعدل لها شعرها 

ادم باس راسها/انتي هتقعدي الفتره دي مع بباكي وحمزه وهترجعي الشغل .. انا قولت لرضا يوصلك كل يوم ..وهتاخدي بالك برضو من الشغل ف الملجأ..وان شاء الله الوقت يعدي بسرعه 

احلام هزت راسها ب لاء/كل دا برضو مش هيشغلني ب التفكير فيك

ادم باس شفايفها وبدأ يفك ازرار البيجامه بتاعتها وسرحو ف عالمهم الخاص زي ما يكون عايز يشبع منها قبل ما يسافر ..بس برضو هتوحشه ف كل لحظه وكل دقيقه و هي بعيده عنه 

عند مالك 

أمام بيت جنات 

جنات واقفه  عند الباب  ب البيجامه ورابطه شعرها  كعكه عشوائيه ..ومالك واقف معاها

 بيودعها قبل ما يسافر

وجنات واقفه مربعه ايدها بحزن وبتحاول متعيطيش لانه هيسافر كل المده دي وهيوحشها 

مالك بص ف عينها/متصعبهاش عليا ي جنات 

جنات دمعت/انا عارفه انها حاجه مش ب ايدك وحاجه ضروريه علشان صحه عمو طبعا اهم من اي حاجه بس انت هتوحشني ..انا متعوده اشوفك كل يوم وابقي معاك طول اليوم ..فكره اني مش هشوفك شهر كامل دي مش قادره اتخيلها 

مالك قرب منها ومسح لها دموعها وباس راسها

مالك/هتوحشيني ..وهتفضلي ع بالي كل دقيقه وكل ثانيه والله ..وهفضل شايل هم وانا هناك اني سايبك هنا وماشي ..بس ان شاءالله الوقت يعدي بسرعه وارجع لك ..ووقتها هكتب عليكي ع طول مش هستني قرايه فاتحه وخطوبه والله 

جنات ضحكت ومالك ابتسم وهو بيمسح لها دموعها 

جنات ابتسمت/هتوحشني اوي اوي ..وبحبك 

مالك ابتسم ومسك ايدها وباسها /وانا بعشقك 

بعد ساعتين 

ف القصر 

طارق ف الصالون قاعد ع الكرسي المتحرك وجمبه شنطت السفر 

ومعاه  و فراس وروان 

و كرم وحمزه هيسلمو عليهم وبالمره ياخدوا احلام 

ومالك واقف وجمبه شنطته هدومه مستين ادم

روان حضنت طارق تاني ودمعت/هتوحشني اوي اوي اوي ي بابا 

طارق ابتسم وباس راسها /وانتي كمان والله ي حبيبه ابوكي 

فراس حضن طارق بابتسامه/ان شاءالله ترجع لنا ب الف سلامه 

طارق بابتسامه /ان شاءالله ي حبيبي

و فراس حضن مالك ومالك حضنه بقوه 

وروان حضنت مالك كمان ومالك خدها ف حضنه وباس راسها

حمزه/عمي ان شاءالله ف فرحي هتبقي كويس واقف ع رجلك علشان ترقص معايا 

طارق ضحك/حاضر من عنيا

كرم ابتسم ومالك كمان 

وادم واحلام نزلو من غرفتهم بعد ما غيرو هدومهم

ادم ماسك ايد احلام ب ايد وب الايد التانيه شنطته  

مالك/يلا علشان الطياره كمان ساعتين بس

ادم/اه يلا  

وسلم ع روان وفراس وحضنهم 

وسلم ع كرم و حمزه 

كرم/ترجعو ب الف سلامه ي حبيبي 

ادم ابتسم/الله يسلم حضرتك

حمزه/ترجعو ب الف السلامه ي جوز اختي 

ادم ابتسم/الله يسلمك

احلام حضنت طارق بابتسامه /ترجع ب الف سلامه ي اونكل 

طارق بابتسامه/حبيبتي ي بنتي

وسلمت ع مالك

ورضا دخل البيت ياخد شنط ادم وطارق ومالك يوديها ع العربيه 

ادم حضن احلام بقوه للمره الاخيره واحلام حضنته بقوه 

ادم بيبوس راسها /لو عيطتي هزعل منك..دموعك دي غاليه اوي اوعي تعيطي تاني

احلام هزت راسها وهي ف حضنه/حاضر مش هعيط

ادم باس راسها وطلعها من حضنه وباس ايدها الاتنين 

مساءا   

طارق وادم ومالك وصلو أمريكا 

و اخدو جناح ف اوتيل 

ودخلو طارق ينام ف غرفته واعطوله الدوا قبل ما ينام  علشان هيبدأو من بكره يتابعو مع الدكاتره 

في فيلا فراس 

في غرفتهم 

روان اخدت شاور وغيرت هدومها وقعدت ع الكرسي قدام المرايه  وهي سرحانه وبتسرح شعرها..طارق وادم ومالك هيوحشوها وبنفس الوقت قلقانه ع طارق 

فراس دخل الغرفه وبص ع روان وهي سرحانه 

فراس راح لها و وباس راسها واخد منها الفرشه وبدأ يسرح لها شعرها 

وباس راسها ورقبتها

روان ابتسمت 

فراس/كلمت ادم ووصلو خلاص من ساعه 

روان /بجد 

فراس /هيبقو بخير .. متقلقيش ..عمو هيعمل العمليه وهيقف ع رجله وهيرجعو تاني ب السلامه 

روان ابتسمت/يارب 

فراس حط الفرشه مكانها وروان لفت له

 فراس رجع خصله من شعرها ورا ودنها 

فراس/جعانه ..اطلب لك اكل ايه 

روان /لا لا ي حبيبي متطلبش حاجه انا مش جعانه 

فراس/طيب انا عامل لك مفاجأة 

روان ابتسمت/مفاجأه ايه 

فراس راح فتح الدرج وطلع منها تذكرتين سفر وروان قامت

فراس راح ل روان ومسك ايها 

فراس/انا عارف ان طول ما هما مش هنا بالك هيبقي مشغول عليهم وانا مش هقدر اروح الشغل واسيبك لوحدك ...ف علشان كدا انا حجزت لنا خلاص واحنا هنسافر ..وهنفضل ع تواصل مع عمي وادم ومالك علشان نتطمن عليهم 

روان ابتسمت  /بجد 

فراس ابتسم/طبعا بجد 

روان حضنته بقوه بابتسامه وفراس حضنها بقوه وباس رقبتها 

روان/ربنا يخليك ليا 

فراس ابتسم وباس راسها

روان طلعت من حضنه 

روان/طب هنروح بلد ايه 

فراس /توقعي كدا هنروح فين..اكتر مكان انتي كنتي بتقولي لي نفسي اروحه

روان ابتسمت/تركيا 

فراس ابتسم/صح 

روان قربت منه بابتسامه ومسكت وشه ب ايدها وفراس حاوط وسطها ب ايده وقربها ل حضنه 

روان باست خده/انا بحبك اوي اوي 

فراس /وانا بعشقك 

وباس شفايفها وسرحو ف عالمهم الخاص

في بيت كرم 

قاعدين ع السفرا 

كرم وحمزه واحلام وليليان 

بياكلو من الاكل ال احلام طبخته

بس احلام قاعده سرحانه ومبتاكلش

حمزه بص كرم بيشاور له ع احلام ال قاعده سرحانه ومبتاكلش وكرم اتنهد 

كرم بيحاول يتكلم معاها علشان متفضلش قاعده متضايقه 

كرم/بس تصدقي ي احلام ..وحشني اكلك اوي اوي 

احلام انتبهت و ابتسمت/الف هنا ي حبيبي 

ليليان بتاكل ب استمتاع/ايوا فعلا اكلك حلو اوي اوي ..انتي متعرفيش انا وبابا مستحملين اكل حمزه ازاي وانتي مش موجوده 

حمزه بصدمه/ي جزمههه ..انا اكلي وحش 

ليليان/فيهه

 ايه بقول الحقيقه 

كرم ضحك واحلام ابتسمت وباست خد ليليان 

حمزه/هما معاهم حق الصراحه اكلك لا يعلي عليه ..شبهه اكل ماما الله يرحمها

 

احلام ابتسمت/الف هنا ع قلبكم

كرم باس راسها/بس انتي مبتاكليش ..كدا مينفعش انتي مكلتيش حاجه من الصبح

احلام ابتسمت /انا اصلا مش جعانه هدخل ارتاح ف اوضتي شويه ..عن اذنكم 

وقامت 

حمزه اتنهد/ طبقها زي ما هو

كرم اتنهد/هتبقي احسن ب اذن الله ...هي بس علشان ف الاول ومش متعوده تقعد بعيد عن جوزها 

في غرفه احلام 

قعدت ع السرير ومسكت الموبايل تتفرج ع صورها هي وادم..وصورهم ف المالديف وابتسمت لما افتكرت ان ادم كان رافض تتصور وهي لابسه فستان قصيره ومكشوفه بس هي اقنعته ان محدش بيمسك موبايلها غيرها وانها بتحب تتصور معاه صور للذكري 

وفجأه ادم اتصل بيها 

احلام ردت ع ادم بابتسامه وبسرعه

احلام/ادم 

ادم قعد ع السرير ال ف غرفته ف الفندق بتعب 

ادم/عيون ادم وحياه ادم كلها 

احلام دمعت 

ادم/لاء ..احنا اتفقنا انك مش هتنزلي دمعه واحده من عيونك الحلوه دي ..دموعك دي اكتر حاجه بتقتلني والله

احلام مسحت دموعها/بس انت وحشتني 

ادم/اتأكدي انه مش اكتر مني ..مش قادر اقعد دقيقه واحده وانتي بعيده عني..انتي النفس ال بتنفسه ..هنام من غير حضنك ازاي دلوقتي 

احلام ابتسمت بحب

ادم/مهتميه ب اكلك صح ..كلتي

احلام/

ادم/انا عارف انك مكالتيش..قومي يلا دلوقتي وانتي معايا جبيلك حاجه تاكليها

احلام/بس انا مليش نفس والله

ادم/احلام ..يلا اسمعي الكلام 

احلام قامت والموبايل ع ودنها 

وطلعت من غرفتها  و كرم كان بيصلي ودخلت المضبخ وكان حمزه بيدخل الأطباق المضبخ 

احلام طلعت الطبق بتاعها من الميكرويف

حمزه ابتسم/والله جوزك دا مسيطر

وقال بغيظ 

حمزه/بس انا بدأت اغير بجد ع فكره..اشمعنا هوووو يعني ال بتسمعي كلامه

ادم سمعه 

ادم/قوليله يخليه ف حاله 

احلام ضحكت 

حمزه/شتمني صح 

احلام ابتسمت/لا ي حبيبي ابدا 

حمزه ابتسم بخث/طيب انا اخيرا جه الوقت ال انتقم منه 

حمزه باس خد احلام 

وباس راسها 

حمزه/الله 

احلام ابتسمت 

حمزه/ها ي جوز اختي وريني بقي هتمنعني ازاي ابوس اختي

ادم بغضب وغيره/والله اصبر عليا بس لما انزل لك هعمل منك اتنين

حمزه سمعه وضحك ب شر

حمزه/لما تبقي تنزل بقي 

وباس راس احلام وطلع من المضبخ 

و عدي ايام

طارق عمل العمليه ف أحسن مستشفي ف امريكا واحسن الدكاتره هناك ..والحمد لله نجحت بس لازم متابعه ف امريكا لمده اسبوعين وبعدين هيكمل علاج طبيعي ف مصر 

و ادم و مالك مسابوش طارق ولا لحظه وكانو ديما جمبه ف عمل التحاليل والكشوفات 

وحضرو اول لحظه طارق قام فيها من ع الكرسي وكانو مش مصدقين نفسهم من الفرحه مع انه وقف دقيقه واحده وقعد تاني علشان ميتعبش 

وطارق مكنش مصدق نفسه 

فراس و روان ف تركيا يعتبر ب بيقضو شهر العسل بتاعهم وفراس بيحاول  ع قد ما يقدر يبسط روان و يخليها متفكرش ف اي حاجه  وشافو وراحو كل الامكان ال روان كان نفسها تشوفها 

و كانت مبسوطه اوي اوي 

واحلام بتروح الشغل من تاني وبتروح الميتم وبترسم تصاميم بس برضو كل دا ميقدرش يعوضها غياب ادم وكل يوم بتعيط بس مبترضاش تبين له علشان ميزعلش

وادم كان بيكلمها كل يوم بليل ينام ع صوتها لانه مهما كان تعبان وهيموت وينام مبيقدرش ينام من غيرها 

ومالك كمان كان ع تواصل ديما ب جنات 

اغلب الوقت مكنش ليها نفس تروح الشركه ومالك مش فيها بس مالك ال كان بيقنعها تروح علشان تملي وقتها ومتفكرش كتير و كان بيصبرها ديما ب انهم لما يرجعو هيجي يتقدم لها  ومش هيبعد عنها تاني ابدا 

بعد اسبوعين 

في بيت كرم 

احلام خدت شاور وغيرت هدومها ل سويت بانتس رصاصي وعامله شعرها كعكه عشوائيه 

وقاعده بترسم تصاميم ع السرير 

فجأه الباب اتفتح واحلام بصت ع الباب لقت ادم واقف بابتسامه 

احلام بصدمه وفرحه /ادمم 

وقامت من ع السرير وجريت عليه حضنته وطبعا علشان فرق الطول ادم رفعها من ع الارض وحضنها بقوه 

احلام بدموع وابتسامه/وحشتني اوي اوي اوي..انا مش مصدقه ان انت رجعت ي آدم 

ادم طلعها من حضنه وباس شفايفها وخدها وراسها وكل مكان ف وشها ب شوق 

ادم مسك وشها ب ايده وبص ف عيونها /مش اكتر مني ي روح قلبي  

احلام ابتسمت وادم حضنها بقوه وباس راسها واحلام اتنهدت براحه وهي ف حضنه 

احلام/اونكل عامل ايه ..هو كويس 

وطلعت من حضنه 

ادم ابتسم /اه الحمد لله بابا زي الفل..هتشوفيه ف القصر بنفسك وهو واقف ع رجله 

احلام بابتسامه ومش مصدقه وحطت ايدها ع فمها بصدمه وفرحه

احلام/بجدد ..اونكل وقف ع رجله خلاص 

ادم ابتسم/ايوا

بعد ساعتين

ادم واحلام وصلو القصر ب عربيه آدم 

ودخلو القصر 

وكان ف الصالون طارق ومالك و فراس وروان 

وروان حاضنه طارق بفرحه من وقت ما وصلت ومش مصدقه انه رجع وكويس تاني وطارق واخدها ف حضنه بابتسامه 

احلام بابتسامه/اونكل 

طارق ابتسم/روح قلبي 

وقام وحضنها 

واحلام حضنته بابتسامه ومش مصدقه نفسها 

احلام بابتسامه/انا مبسوطه اوي ان حضرتك رجعت لنا ب السلامه ووقفت ع رجلي تاني 

طارق/الله يسلمك ي حبيبتي..انا اه صحيح همشي ب العكاز حبه حلوين بس مش مشكله الف حمد وشكر 

ادم/اه ولسه علاج طبيعي هنا حبه حلوين كمان 

احلام بابتسامه/مش مشكله عادي كله هيعدي بسرعه ان شاءالله ومش هتحتاج عكاز تاني 

طارق ابتسم وباس راسها /يارب

طارق/انا دلوقتي زي الفل وعايز من بكره تاخد معاد من ام جنات علشان نروح نتقدم لها..انا عايز افرح ب مالك واطمن عليه

فراس بابتسامه/ ايوا ي مالك بيهههه اخيرا العريس المنتظر

مالك ابتسم/امال ي ابني فاكرين ان  انتو بس ال هتتجوزو ولا ايه ..وراكم وراكم ..وشهر عسل وبتاع

فراس/احسدنا بقي .احسدنا ..وانا بقول انا وروان اتخانقنا لما رجعنا من السفر ليه 

مالك/اتنيل

طارق  و روان واحلام ضحكو

 وادم ابتسم 

واخد احلام ف حضنه وباس راسها ومبسوط ب لمه عيلته تاني

فاضل بارتين بس والروايه تخلص حطو لايك وقولولي رايكم❤️❤️

الجميله و الوحش

البارت ال 34 

ال قبل الاخير

في يوم قرايه فاتحه وخطوبه مالك وجنات

في بيت جنات مساءا

طارق قاعد وجمبه ادم و واحلام 

وفراس وروان 

و ف وشهم اهل جنات

مامتها ناديه وخالتها نوال وجوز خالتها وعيالهم ولدين ف اواخر العشرينات 

ومالك قاعد جمب جنات والكل بيقرأ الفاتحه 

الكل /امين 

مالك مسك ايد جنات بابتسامه وطلع من جيبه الخاتم الالماظ وفتح اللعلبه وكان الخاتم ال مالك كان شاريه ل جنات زمان 

جنات ابتسمت بفرحه وقالت بصوت واطي 

جنات/الخاتم ..انتو مرمتهوش؟

مالك بص ف عينها/ارميه ازاي بس ...دا ديما ف جيبي ومعايا وعمري ما سبته دقيقه 

جنات بابتسامه/انا بحبك

مالك/وانا بموت فيكي 

ولبسها الخاتم وانسيال تاني الماظ جابهولها هديه 

ناديه ونوال زغرطو ب بابتسامه 

طارق ابتسم /الف الف مبروك ي حبايبي..عقبال فرحكم يارب 

جنات ابتسمت/حبيبي ي عمو

 

مالك ابتسم والكل بارك ل مالك وجنات  

ادم باصص ع احلام ب اعجاب ال قاعده جمبه 

ادم بصوت واطي/لما نروح ابقي فرجيني لبستي الفستان الحلو دا ازاي 

احلام ابتسمت بخجل /ادمم 

ادم ابتسم ومسك ايدها  وباسها

عند فراس وروان

فراس وهن باصص ف عيونها/بعد كتب كتاب مالك هعملك احلي واكبر حفله جواز

روان ابتسمت بصتله /بجد

فراس/طبعا بجد ..انا عايز اقول للناس كلها  اني بعشقك وبموت فيكي

روان بصتله بحب/انا عملت ايه ف حياتي حلو علشان ربنا يرزقني بيك ي تري

فراس باس ايدها وروان ابتسمت 

ناديه ونوال بيوزعو عليهم مقبلات وعصير 

ومالك كان قاعد متضايق وغيران من ولاد خاله جنات من وقت ما عرف من خالت جنات انها كانت عايزه تجوز جنات ل واحد فيهم

جنات بصت ل مالك/في ايه ..ايه ال مضايقك 

مالك بغيره/ايه ال جاب ولاد خالتك دول مش فاهم 

جنات ابتسمت من غيرته/ما طبيعي يعني ولاد خالتي وجايين خطوبتي ميجوش ازاي 

مالك بغيره/والله ؟شكلك مبسوطه انهم موجودين  

جنات ابتسمت وقربت منه

جنات/لاء .مبسوطه من غيرتك عليا

مالك ابتسم ومسك ايدها وباسها

مالك/لازم اغير عليكي وانتي حلوه و زي القمر كدا..انا ال مختار الفستان بس لو كنت اعرف انه هيبقي حلو اوي كدا  كنت اختارت واحد تاني

جنات ابتسمت بحب 

و مش مصدقه ان النهارده خطوبتها ع حب حياتها وسندها ف الدنيا دي

بعد اسبوعين

في القصر

في غرفه ادم واحلام 

احلام ف الحمام عملت اختبار حمل  وواقفه مستنيه النتيجه ع امل انها تطلع حامل بس الاختبار عمل شرطه واحده 

احلام اتنهدت ودمعت

ادم من برا

ادم/احلام 

احلام رمت اختبار الحمل ف الزباله بسرعه

احلام/احم طالعه اهو ي حبيبي 

 وغسلت وشها ونشفته بالمناديل

وطلعت من الحمام 

ادم راح لها ومسك وشها ب ايده

ادم /انتي كويسه

احلام ابتسمت/ايوا كويسه متقلقش 

ادم بص ف عيونها/هو انا مش حافظك يعني؟ قوليلي في ايه 

احلام بصتله ودمعت/انا جبت من الصيدليه تيست حمل وعملته ..كان نفسي ابقي حامل بس طلعت لاء 

ادم مسح لها دموعها وباس راسها وخدها

ادم/ايه المشكله ي روح قلبي؟ الحمل يحصل وقت ما يحصل احنا مش مستعجلين ..وحتي لو محصلش ..انا مكتفي بيكي انتي ومش عايز حاجه من الدنيا دي غيرك

احلام بحزن/بس انا عايزه اجب لك بيبي ي آدم..وافق اني اعمل تحاليل واشوف عندي مشكله ولالا ي آدم علشان خاطري

ادم/لاء..مش هتعملي حاجه..انتي اصلا معندكيش اي مشكله انتي حملتي بعد ما اتجوزنا ع طول بس مكنش لينا نصيب فيه.. وهتشيلي الموضوع دا من دماغك ومش هنفتحه تاني اتفقنا؟ وقت ما ربنا يريد هيحصل

احلام هزت راسها بموافقه وادم خدها ف حضنه وحضنها بقوه وبيملس ع شعرها 

احلام/انا بحبك 

ادم باس راسها/ وانا بعشقك

بعد اسبوعين

في يوم كتب كتاب مالك و جنات المغرب

في القصر 

في غرفه ادم واحلام 

ادم واقف قدام المرايه بيلبس الساعه بعد ما لبس بنطلون كلاسيك بيج فاتح وقميص زيتي 

احلام طلعت من الدريسنج بعد ما غيرت هدومها ل دريس بيج ب كم وطويل وضيق من عند الوسط ولابسه طقم الماس رقيق من ال عندها و هيلز بيج ولامه شعرها

ادم بصلها من تحت ل فوق ب ابتسامه واعجاب

ادم قرب منها وحاوط وسطها ب ايده وقربها منه وبص ف عيونها

ادم ابتسم/شكلك زي القمر ..ك العاده يعني 

وباس شفايفها 

احلام /متتكلمش معايا علشان انا زعلانه منك

ادم/طب ينفع متكلمش بس ابوس عادي 

وباس رقبتها احلام ابتسمت 

احلام بحزن /ادمم انا مبهزرش 

ناقص كنت تلبسني فستان متغطي لحد رقبتي ويخنقني واحنا ف عز الصيف كدا.. فيها ايه لو وافقت اللبس الدريس ال انا اشتريته كان عاجبني ع فكره

ادم/يعني جيبالي فستان قصير  وعيزاني اسيبك تلبسيه عادي كدا 

احلام/دا مكنش قصير دا كان لحد تحت ركبتي ..فيها ايه يعني 

ادم  وهو باصص ف عيونها/لاء 

..الحلاوه دي كلها بتاعتي انا بس وانا بس ال اشوفها.. مش هستحمل حد يبصلك نص بصه حتي ..وبعدين حتي وانتي لابسه الفستان الطويل ال مش عاجبك دا لسه برضو زي القمر مبقتش عارف اعمل معاكي ايه

احلام ابتسمت وحاوطت رقبته بدراعها 

احلام /بجد

ادم باس راسها وخدها/بجد

احلام ابتسمت وحضنته  

في الدور ال تحت 

طارق غير هدومه ل بدله كحلي وقاعد ف الصالون تحت مستني ولاده يجهزو علشان يمشو 

في غرفه روان 

واقف قدام المرايه لابسه دريس كحلي وهيلز كحلي وفارده شعرها وبتلبس الحلق 

فراس دخل الغرفه وهو لابس بنطلون كلاسيك وقميص 

وبص ع روان وصفر ب اعجاب 

روان ابتسمت/شكلي حلو ؟ 

فراس شدها من دراعها وقربها ل حضنه وحاوط وسطها ب ايده 

فراس وهو سرحان ف حلاوتها /حلو بس؟دا حلو اوي اوي اوي .زي القمر 

روان ابتسمت بحب وفراس باس شفايفها 

فراس/انا رأيي نفكس ل كتب كتاب مالك دا ونخلينا ف حاجات اهم

وباس شفايفها 

روان ابتسمت/حرام عليك ي فراس دا اخويا 

فراس/طب مهو صاحبي انا كمان بس انتي ال حلوه زياده عن اللزوم اعمل ايه بس

روان ابتسمت/طب انا عايزه اقولك ع حاجه كدا

فراس باس رقبتها/لازم دلوقتي يعني

روان بابتسامه/فراسس حاجه مهمه 

فراس اتنهد وبعد عنها 

فراس/اتفضلي ي ستي حاجه ايه 

روان ابتسمت/انا حامل 

فراس /مين؟

روان ضحكت/انا 

فراس بعدم استيعاب/انتي ايه

روان دمعت بابتسامه/ حامل 

فراس بصدمه وفرحه مش مصدق نفسه 

فراس /ح حامل ؟انتي حامل بجد ؟ 

روان هزت راسها بابتسامه ودموع 

روان/عملت الاختبار النهارده الصبح ومقولتش لحد خالص ..كنت عيزاك انت تعرف اول واحد 

فراس  حضنها بفرحه وشالها من ع الارض ولف بيها ومش مصدق نفسه 

روان بابتسامه/فراس لاء نزلني مينفعش 

فراس /اه صح البيبي انا اسف 

ونزلها ع الارض براحه 

فراس مسك وشها ب ايده بفرحه 

فراس/انا هبقي اب ..هيبقي عندنا بيبي انا مش مصدق نفسي..الحمد لله يارب

روان حضنته بقوه وطلعت من حضنه ومسكت وشه ب ايدها 

روان ابتسمت/ انا توقعت انك هتفرح بس متوقعتش للدرجه دي 

فراس بابتسامه/افرح بس ؟ انا طاير من الفرحه ..انا مش مصدق ...انا عمري ما كنت احلم اتجوزك اصلا ..دلوقتي انتي مراتي وحبيبتي وحامل ف ابننا كمان 

وباس شفايفها وحضنها وروان ابتسمت بحب

برا ف الصالون

مالك طلع من غرفته بعد ما لبس بدله سوده وقميص ابيض 

مالك/وبعدين بقي ف عيالك دول ي بابا.

هنتاخر علي جنات كدا 

طارق /متقلقش ي حبيبي قربوا يخلصو اهو

وابتسم

طارق/انا مش مصدق والله اني خطبت لك من اسبوعين وكتب كتابك النهارده كمان ..ربنا يارب يسعد قلبك ويفرحك ديما ي حبيبي 

مالك ابتسم وحضن طارق وطارق باس راس مالك بابتسامه

ادم واحلام نزلو من غرفتهم 

مالك/واخيرا شرفتو يعني ..هنتاخر كدا بسببكم 

ادم/عامل دوشه ليه..محنا جهزناا اهو ..مستعجل علي ايه اتنيل

مالك بص ل احلام/شوفتي ..شوفتي بيلمح وبيقولي متسربع ع الجواز ليه ..شكله مش عاجبه الجواز 

احلام بصت ل ادم 

احلام/والله

ادم خدها ف حضنه وباس راسها 

ادم/انت هتصدقي كلام الواد دا..دا عايز يوقع بينا وخلاص.. الجواز دا احلي حاجه ف الدنيا اساسا 

وباس ايدها واحلام ابتسمت 

ادم ل مالك/وانت أصبر عليا

طارق ضحك

فراس وروان طلعو من غرفتهم 

فراس بفرحه وهو ماسك ايد روان 

فراس/جماعههه روان حامل 

مالك ابتسم بفرحه/ايه؟

طارق واحلام بفرحه/بجد 

ادم ابتسم /بتتكلمو جد 

 فراس بفرحه/اه والله 

طارق قام وحضن روان بفرحه وابتسامه 

طارق/روح قلب ابوكي ..الف الف مبروك ي حبيبتي  ..انا مش مصدق اني هبقي جد 

روان ابتسمت/الله يبارك فيك ي بابا 

ادم راح حضن روان بابتسامه وباس راسها 

ادم/الف  الف مبروك ي حبيبتي

روان بابتسامه/الله يبارك فيك ي حبيبي 

وحضنت مالك 

وفراس حضن طارق وادم

واحلام حضنت روان بفرحه وابتسامه 

احلام/الف مبروك ي روح قلبي ..مش هتتخيلي فرحتينا قد ايه 

روان بابتسامه/الله يبارك فيكي ي حبيبتي 

طارق ابتسم/كدة الفرحه بقت فرحتين الحمد لله

بعد ساعتين 

في بيت جنات 

طارق  و ادم و احلام و فراس وروان قاعدين 

ومالك قاعد جمب المأذون 

وقصادهم قاعده جنات لابسه دريس ابيض سمبل ولامه شعرها  ولابسه طقم الماس حلو اوي وسمبل  مالك جايبهولها هديه ولابسه ف ايدها خاتم الماظ

وجمبها مامتها و خالتها وقرايبها

وجمب المأذون حد من عيله جنات ماسك ف ايد مالك وبيكتبو الكتاب 

ومالك بيبص ع جنات ب اعجاب وابتسامه وجنات بتبتسم له بفرحه ومش مصدقه نفسها 

المأذون/بارك الله لكما وبارك عليكما وجمع بينكما في خير 

وشال المنديل وناديه و نوال زغرطو ومالك بص ل جنات بابتسامه ومش مصدق ان حب حياته بقت ع زمته خلاص وجنات ابتسمت بفرحه 

بعد ساعه 

ناديه ونوال بيقدمو لهم قهوه و حلويات 

مالك وجنات قاعدين ف جمب بيتكلمو

طارق قاعد  وبيتكلم مع قرايب جنات الرجاله ف أمور الحياه 

وجمب طارق فراس وروان 

ناديه راحت تقد ل طارق القهوه

طارق اخد القهوه من ناديه بابتسامه/تسلم ايدك 

ناديه ابتسم/الف هنا

وحطت قدام فراس فنجان قهوه وروان كانت هتاخد فراس منعها

فراس /لالا متحطلهاش قهوه مش هتشرب 

روان/ليه ي فراس انا عايزه اشرب قهوه انا 

ناديه ابتسمت/ما تسيبها تشرب ي حبيبي لو نفسها فيها

فراس ابتسم/لاء علشان هي حامل حضرتك اكيد متعرفيش

روان ابتسمت من فرحه فراس ال عايز يقول للدنيا كلها انه هيبقي اب

ناديه بفرحه/بجد ..الف الف مبروك ي بنتي ..يبقي جوزك معاه حق بقي المنبهات دي غلط عليكي 

روان ابتسمت/الله يبارك ف حضرتك 

طارق ابتسم/عقبال ما نعمل فرح ل مالك وجنات ونفرح ب عيالهم ان شاءالله 

ناديه ابتسمت/يارب يارب

تليفون جنات رن ف اوضتها 

وقامت ودخلت الاوضه ترد 

مالك قام وراح اوضه جنات 

جنات قاعده ع السرير وخلصت كلام ف التليفون 

مالك دخل الغرفه وقفل الباب جنات ابتسمت وقامت

جنات  /مالك ..انت ايه ال جابك هنا عيب لو حد شافنا هيفهم غلط

مالك/هيفهمو غلط ليه انا داخل اوضه مراتي عادي 

وقرب منها وجنات بعدت عنه بخجل و توتر 

جنات بتوتر/انت عايز ايه بقي 

ومالك قرب اكتر وجنات خبطت ف الحيطه 

مالك/جاي اخد حقي...مش انا قولت لك هعاقبك ع كل ال عملتيه فيا 

وقرب منها اكتر واكتر وجنات كانت هتموت من الخجل ومن قربه ..اول مره يكون قريب منها كدا

ومالك مبقاش قادر يتحمل مقامه حلاوتها اكتر من كدا وباس شفايفها ال كان هيموت ويبوسها من اول يوم شافها وحبها فيه 

وجنات ابتسمت بخجل وقلبها بيدق بسرعه 

جنات بخجل/مالك 

مالك باس خدها ورقبتها

جنات ابتسمت بخجل وبعدت عنه وخبطته ف صدره 

جنات /أنت قليل الادب ع فكره ..احنا بس كاتبين كتابنا ولسه الفرح متنساش

مالك حاوط وسطها ب ايده  وقربها منه 

مالك وهو باصص ف عيونها/

قليل الادب بس بحبك 

جنات ابتسمت/وانا بموت فيك 

مالك حضنها بقوه وجنات حضنته واتنهدت بابتسامه قد ايه حضنه حلو اوي وبيحسس ب الامان 

ومالك باس راسها

في الصالون 

ناديه خلصت توزيع قهوه ف الصالون

وراحت ل ادم واحلام ال واقفين ف البلكونه 

ناديه بابتسامه/اتفضلو القهوه

ادم اخد القهوه/تسلم ايدك 

احلام ابتسمت/تعبتي نفسك 

ناديه ابتسمت/تعبكم راحه والله..ايه مش ناويين تفرحونا وتقولو لنا  ان في بيبي جاي ف السكه 

ادم ابتسم وبص ل احلام/ادعيلنا 

احلام ابتسمت 

ناديه بابتسامه/يارب يرزقكم ب الذريه الصالحه امين يارب 

ادم واحلام ابتسمو

بعد اسبوعين 

عصرا

احلام في المستشفى 

في مكتب الدكتوره 

احلام قاعده قصاد الدكتور ع المكتب بعد ما كشفت عليها وبتبص ف التحاليل 

ادم رن ع احلام 

واحلام قامت ردت ف جمب 

احلام/الو ي حبيبي 

ادم/انتي فين كدا 

احلام بكذب/انا عديت ع بابا بعد ما خلصت شغل قولت اتطمن عليه

ادم/هو كويس 

احلام متضايقه من نفسها بسبب كدبها عليه 

احلام/اه اه متقلقش هو كويس.. انا اصلا شويه وهرجع البيت

ادم/ماشي انا ساعه وابقي ف البيت برضو 

وخلصو المكالمه واحلام راحت قعدت ع الكرسي تاني 

احلام/ممكن تطمنيني ي دكتوره 

الدكتوره ابتسمت/انا مش عارفه انتي قلقانه ليه التحاليل زي الفل ومعندكيش اي مشكله ف الخلفه ..اصلا انتي حملتي ع طول بعد الجواز ومحصلش نصيب بس.. ال اقصده ان مفيش مشاكل عند الطرفين 

احلام اتنهدت/طب ايه سبب اني محملتش لحد دلوقتي..عدي شهور ع المره ال سقطت فيها 

الدكتور ابتسمت/طبيعي والله ..عادي بتحصل..ممكن الحمل يحصل بعد شهر بعد سنه يمكن اكتر ..كله نصيب . وحتي برضو ممكن لو حملتي وخلفتي تحملي بعدها ع طول تاني يعني هي ملهاش قاعده او وقت معين كله بتاع ربنا.متقلقيش انتي بس

ع المغرب 

في القصر  

في الغرفه

احلام  خدت شاور وغيرت هدومها وقعدت ع السرير 

ادم طلع من الدريسنج بعد ما غير هدومه وراح باس راس احلام واحلام ابتسمت 

ادم/يلا علشان نتغدي انا جعان بصراحه 

احلام ابتسمت وقامت/انزل انت وانا هاجي وراك

ادم رجع خصله من شعرها ورا ودنها/مالك؟ في ايه..راجعه النهارده من برا متغيره 

احلام بتوتر/لا ابدا مفيش حاجه ي حبيبي انا  كويسه والله راسي مصدعه شويه بس

ادم قرب منها وباس راسها وخدها 

ادم/الف سلامه عليكي 

احلام مقدرتش تكدب عليه اكتر من كدا 

احلام/ينفع اقولك حاجه ومتزعلش مني 

ادم باس راسها/مقدرش ازعل منك ..قولي 

احلام دمعت/انا كدبت عليك النهارده ..انا مكنتش عند بابا بعد الشغل ...روحت المستشفى عند الدكتوره ..علشان اشوف  في مشكله عندي ف الحمل ولالا ..ومقولتلكش علشان انت مانعني افتح الموضوع دا تاني أو اجيب سيرته علشان انا مزعلش

ادم/

احلام بحزن  /انا اسفه والله علشان كدبت عليك ..مكنتش عايزه اضايقك ب الافكار ال متخلفه ال ف دماغي دي وانت فيك ال مكفيك ف الشغل 

ادم خدها ف حضنه واحلام حضنته بقوه ودمعت 

احلام/زعلت مني صح. علشان كدبت ..مش هكدب تاني والله وعد 

ادم باس راسها وطلعها من حضنه ومسح لها دموعها وبص  ف عينها

ادم /وايه ال جاب الأفكار دي ف دماغك..انا قولت اني مستعجل ع خلفه ؟ولا قولت ولا عمري هقول ..كل حاجه بتيجي ف وقتها ..حتي لو بعد سنه ولا سنتين.. انا مش مستعجل ..طالما انتي كويسه وجمبي وبخير انا مش عايز حاجه من الدنيا

مش هتكرري ال عملتيه دا تاني وهنسيب الموضوع ع ربنا والحمل هيحصل ف الوقت المناسب وقت ما ربنا يريد ..اتفقنا؟وبعدين حتي لو محصلش خالص انا مش عايز حد ف الدنيا دي غيرك 

احلام  بحزن/يعني مش هتتجوز عليا لو انا مخلفتش 

ادم ابتسم وهز راسه بمعني مفيش فايده ومسك وشها ب ايده وباس شفايفها 

ادم/انا اتجوز عليكي انتي؟اموت اهون لي من اني ابص ع واحده تانيه غيرك ..حتي لو مخلفناش خالص انا عايزك انتي وبس مستكفي بيكي انتي وبس ..مفهوم؟ 

احلام ابتسمت بحب وحضنته وادم حضنها بقوه وباس راسها

عدي سنتين 

في خلال السنتين دول ادم واحلام مكملين مسيرتهم ف لف العالم وراحو كذا بلد لحد دلوقتي زي فرنسا ولندن وتانزانيا وامريكا وعايشين احلي ايام حياتهم سوا و كل يوم بيحبو بعض اكتر من اليوم ال قبله بس احلام ديما جواها حاجه  ناقصه انها محملتش لحد دلوقتي وخايفه متعرفش تجيب ل ادم طفل يشيل اسمه بس ادم ديما بيطمنها انه مبسوط معاها ومش مستعجل ع الخلفه ومش عايز غير وجودها جمبه

وجنات و مالك اتجوزو وعملوا اكبر فرح  وعايشين احلي ايام حياتهم سوا

و فراس وروان عملو حفله كبيره  ل احتفال ب جوازهم وعزمو فيها كل حبايبهم و رجال وسيدات اعمال 

وخلفو ولد وسموه مراد و روان وفراس برضو مبسوطين اوي سوا وعايشين احلي ايام حياتهم وفراس كل يوم بيحمد ربنا ع العيله الصغيره بتاعته

 وبيحاولو يربو مراد كويس

 

و مراد دا العيله كلها بتحبه لانه الحفيد الاول للعيله 

و حمزه ومريم اتجوزو قريب وكانو ف شهر عسل وف الفتره دي ادم أصر ان كرم و ليليان يعيشو معاهم الفتره دي ف القصر لحد ما مالك يرجع واحلام كانت مبسوطه ب وجودهم جمبها 

واحلام و روان وجنات قريبين من بعض و اعز أصحاب واخوات  زي ادم ومالك وفراس بالضبط 

بعد رجوع احلام وآدم من إيطاليا بيومين 

احلام مجمعه روان وجنات معاها ف الاوضه 

وقاعدين ع الكنبه

احلام بصوت واطي/انا جيباكم النهارده علشان في حاجه مهمه اوي لازم اقولهالكم

روان وجنات/ايه الحصل

احلام بصوت واطي/انا شاكه ان انا حامل

روان وجنات بفرحه/ايهههه 

جنات بابتسامه/لاء بتهزري 

روان بابتسامه وحماس/انتي بتتكلمي جد ي احلام

احلام/وطو صوتكمم ..انا لسه مش متأكده ومقولتش حاجه ل ادم

جنات ابتسمت/طب حسيتي ازاي او ايه ال حصل 

احلام/واحنا ف إيطاليا اصلا اخر كام يوم كانت معدتي ديما وجعاني ورجعت كذا مره وادم قلق وكان عايزنا  نكشف بس انا طمنته وقولت له حاسه اني احسن

روان بابتسامه /ا

 ادم دخل الغرفه واحلام شاورت لهم يسكتو  

احلام ابتسمت بتوتر ل ادم/ايه ي حبيبي رجعت ليه مروحتش الشركه

ادم اخد موبايله من ع الكومودينو 

ادم/نسيت موبايلي ..مالكم متجمعين كدا ليه خير 

روان ابتسمت بتوتر/ولا حاجه دا احلام وحشتنا اوي ف قاعدين معاها بنتكلم وكدا 

جنات بتوتر/بالضبط 

ادم/امال فين الواد مراد وحشني 

روان ابتسمت/مع بابا تحت 

ادم /ماشي هشوفه قبل ما اروح الشركه

وباس راس احلام واحلام ابتسمت وادم طلع برا الغرفه 

احلام اتنهدت براحه

جنات/طب ايه هنتأكد ازاي

احلام/محتاجه تست حمل ..ومش هينفع انزل انا اجيبه لاني لو نزلت من البيت لازم اقول ل ادم ولو كلمته هضطر اكدب وانا مش عايزه اكدب عليه 

جنات/خلاص سيبي الموضوع دا عليا انا هجيب لك تيست الحمل 

احلام اتنهدت/ماشي

روان بابتسامه/ان شاءالله بإذن الله تطلعي حامل وهبقي عمتو يارب يارب 

جنات ضحكت

واحلام ابتسمت بتوتر 

كان نفسها تقول ل ادم انها حاسه انها حامل بس لو مطلعتش حامل هتكسر قلبه بعد ما يفرح ع الفاضي ف عايزه تتأكد الاول

بعد ساعتين 

في الحمام احلام بتعمل اختبار الحمل 

روان وجنات  واقفين عند الباب

جنات بابتسامه/ها ي احلام ايه كل دا احنا هنموت هنا

روان بابتسامه/يارب تطلع حامل يارب يارب 

احلام فتحت الباب وهي ماسكه اختبار الحمل 

احلام/

روان بقلق/ها

جنات/ها طمنينا 

احلام بصت ع اختبار الحمل بفرحه وصدمه

احلام/شرطتين..انا حامل

جنات وروان صرخو ب فرحه 

وحضنها 

واحلام دمعت بفرحه وعيطت ومش مصدقه نفسها 

ع المغرب 

في القصر ف الصالون 

طارق وكرم قاعدين بيشربو قهوه 

 ومعاهم مالك وفراس 

مراد ال عنده سنه ونص قاعد ع الارض بيلعب ب العابه 

وقام مشي براحه و راح ل طارق فتح له دراعه يشيله وطارق شاله بابتسامه 

طارق/روح قلب جدو

روان وجنات راحو  لهم روان باست خد مراد وقعدت جمب فراس و روان قعدت جمب مالك 

قعدو  بابتسامه وهيموتو ويقولو ان احلام حامل بس احلام مأكده عليهم محدش يقول لحد حاجه الا لما تقول ل ادم الاول

مالك خد جنات ف حضنه وباس راسها

طارق ابتسم/ايه مالكم قاعدين كدا ليه

كرم ابتسم

فراس بص ل روان وابتسم من فرحتها

فراس/في حاجه حصلت 

روان حاولت تداري ابتسامتها 

روان/لالا ابدا مفيش حاجه 

ادم دخل القصر بعد ما رجع من الشركه 

ادم/السلام عليكم 

الكل/وعليكم السلام 

كرم/حمد لله ع السلامه 

ادم ابتسم /الله يسلمك 

وراح باس راس مراد ومراد فتح له دراعه وعايزه يشيله ادم ابتسم وشاله وباس خده 

فراس/حاسو بيحبك اكتر مني وانا بدأت اغير خلي بالك 

ادم/خليك ف حالك انت 

طارق وكرم ابتسمو 

ادم/احلام فين

جنات  بصت ل روان وابتسمت

روان بابتسامه/ف اوضتها فوق

في غرفه احلام 

ادم دخل الغرفه لقي احلام واقفه ف الاوضه بابتسامه ولابسه دريس احمر كات وقصير ولامه شعرها وكان شكلها حلو اوي

ادم بصلها من تحت ل فوق ب إعجاب وابتسامه 

ادم اتنهد بابتسامه/لالا الحلاوه دي كتير عليا 

احلام ابتسمت وادم قرب منها وحاوط وسطها ب ايده وقربها ل حضنه وباس شفايفها 

احلام ابتسمت /شكلي حلو 

ادم باصص ف عيونها/شكلك زي القمر  

وباس راسها وخدها 

احلام بابتسامه/طيب عايزه اقولك حاجه مهمه

ادم باس رقبتها/لاء مش وقته خالص

احلام ابتسمت/بس هي حاجه مهمه 

ادم بصلها/ايه 

احلام بابتسامه/انا حامل 

ادم/ايه

احلام بدموع هزت راسها ب اه

ادم بفرحه ومش مصدق نفسه/ انتي حامل بجد؟ يعني انا هبقي اب 

احلام ابتسمت 

و ادم بفرحه وابتسامه مش مصدقه نفسه دمع و حضنها بقوه واحلام حضنته بابتسامه بدموع 

ادم طلعها من حضنه وباس راسها وشفايفها وكل حته ف وشها ومسح لها دموعها ومسك وشها ب ايده وبص ف عيونها

ادم/انا مش مصدق نفسي ..هيبقي عندي ابن منك انتي 

احلام بابتسامه ومبسوطه ب فرحته هي عارفه انه من زمان نفسه ف بيبي منها بس مبيرضاش يقول لها علشان ميزعلهاش بس ديما عايز يملي البيت بعيالهم

احلام مسكت وشها ب ايده/انت فرحان بجد ان هيبقي عندنا بيبي

ادم مسك ايدها ال ع وشه وباسها/دا انا طاير من الفرحه..علشان هيبقي عندي ابن منك انتي ..حياتي وروح قلبي ال عايش علشانها ..انا بعشقك 

وباس شفايفها واحلام حضنته بقوه وادم باس راسها ورقبتها 

احلام/بس انا مش عيزاك تقول ل حد تحت الا لما نتأكد عند الدكتوره الاول 

ادم طلعها من حضنه 

ادم/يلا نروح دلوقتي حالا

احلام ضحكت/دلوقتي؟ طب ترتاح طيب انت لسه راجع من الشغل 

ادم /لالا هنغير هدومنا ونروح للدكتوره حالا 

بعد ساعه 

في المستشفى 

في غرفه الدكتوره 

احلام نايمه ع السرير وادم ماسك ايد احلام والدكتوره قاعده جمبها بتمشي الجهاز ع بطنها 

واحلام مغمضه عينها بتدعي تطلع حامل بجد وان تيست الحمل ميبقاش غلط

الدكتوره بابتسامه/الف مبروك ..انتي حامل ..دا الاسبوع السادس ليكي ..بس في مفاجأه صغيره كدا

احلام بابتسامه/ايه 

ادم ابتسم بأمل/توأم؟

الدكتوره بابتسامه/ايوا ..بس مش اتنين بس ..تلاته توأم 

ادم واحلام بصو ل بعض بصدمه وفرحه

احلام عيطت بفرحه وادم حضنها بقوه بابتسامه وفرحه ومش مصدق نفسه 

احلام بدموع وابتسامه/بجد ي دكتوره

الدكتور بابتسامه/اه والله ..بصي حتي باينين ف السونار تلت أكياس اهم ..اول واحد ..تاني واحد ..وتالت واحد 

ادم بيمسح دموع احلام وباصص ف عيونها 

ادم بابتسامه/شوفتي ..مش قولت لك ربنا هيعوضنا 

احلام هزت راسها بابتسامه وهي باصه ف عيونه وادم حضنها بقوه

الجميله والوحش 

البارت ال 35 والأخير 

في القصر مساءا 

الكل قاعدين ومتجمعين 

طارق وكرم و فراس و جمبه روان و مراد نايم ف حضنها

وجمبهم مالك و جنات و حمزه و مريم  وليليان 

فراس ل روان /هاتي انيمه جوه 

روان بصوت واطي/بس براحه ي فراس علشان خاطري نيمته ب العافيه

فراس اخده منها بابتسامه وفضل يبوس ف خده 

روان خبطته ف كتفه/فراس حرام عليك هيصحي 

فراس ابتسم/بيوحشني والله اعمل ايه 

روان ابتسمت وفراس قام يدخل مراد ينام جوه 

ادم واحلام دخلو القصر بابتسامه وراحو لهم

احلام بابتسامه/مساء الخير 

الكل /مساء النور

كرم ابتسم/اهلا كنتو فين كدا وانتو باين عليكم مبسوطين

فراس طلع من الغرفه بعد ما نيم مراد

ادم بابتسامه/احنا لسه راجعين من عند الدكتور ..واحلام حامل 

جنات وروان ابتسمو 

الكل بصدمه وبفرحه/ايههه 

احلام بابتسامه/و ف تلاته توأم

 

الكل انصدم بفرحه اكتر 

وروان وجنات حطو ايدهم ع فمهم بصدمه وفرحه..هما عارفين ان هي حامل بس ميعرفوش انهم توأم وكمان تلاته 

حمزه ضحك بفرحه/انا مش مصدق 

طارق قام بابتسامه وبفرحه/انتو بتتكلمو جد 

كرم ضحك وقام بفرحه/احلام..بتكلمي جد 

احلام هزت راسها بدموع 

مالك قام بفرحه وابتسامه حضن ادم وادم حضنه بابتسامه 

كرم راح حضن احلام بقوه بفرحه 

كرم/هبقي جد ..الف الف مبروك ي حبيبه قلبي ..فرحتي قلبي والله 

احلام ابتسمت وحمزه راح مسح دموع احلام وحضنها بفرحه

حمزه/انا هبقي خالو  .انا مش مصدق نفسي ..الف مبروك ي حبيبه قلبي

احلام ابتسمت /الله يبارك فيك ي حبيبي 

ليليان راحت حضنت احلام بفرحه واحلام حضنتها بابتسامه 

 وطارق حضن ادم بفرحه /مبروك ي ادم .الف الف مبروك ي حبيبي

ادم ابتسم/الله يبارك فيك ي بابا 

 فراس حضن ادم بابتسامه  

روان حضنت احلام بفرحه و ب ابتسامه  وبعدين حضنت ادم

روان بفرحه/مبروك الف الف مبروك 

مريم  راحت ل احلام بسرعه حضنتها بفرحه/الف الف مبروك ي روحي  

احلام ابتسمت/الله يبارك فيكي ي روح قلبي 

و جنات حضن احلام وباركت لها 

وادم حضن كرم وحمزه وباركو له 

واحلام حضنت طارق 

ودا كان احلي يوم  واحلي خبر عدي عليهم كلهم والكل كان فرحان ب حمل احلام 

مساءا 

في غرفه ادم واحلام

احلام طلعت من الحمام بعد ما غيرت هدومها ل بنطلون بيجامه وتوب كات ابيض وواقفه قدام المرايه بتعمل شعرها كعكه عشوائيه  

ادم طلع من الدريسنج بعد ما غير هدومه وراح حضن احلام من ضهرها وباس رقبتها واحلام ابتسمت 

ادم/انا مش مصدق نفسي ..هيبقي عندنا بيبي ..مش بس واحد لاء تلاته ..انا الدنيا مش سيعاني دلوقتي 

احلام ابتسمت بحب/انا مبسوطه علشان انت مبسوط 

ادم لف احلام وبقت بصاله وحاوط وسطها ب ايده وقربها منه 

ادم بص ف عيونها بحب/طبعا مبسوط ..انا طاير من الفرحه ..مش بس علشان هخلف..علشان هيبقي عندي عيال منك انتي ..انتي اغلي حاجه عندي واحلي حاجه حصلت ل فحياتي..انا عايش علشانك 

وباس شفايفها واحلام دمعت وحضنته بقوه وآدم باس راسها 

احلام /انا فرحانه  علشان انا عيالي هيبقي عندهم احن واجمل اب ف الدنيا 

ادم ابتسم وباس راسها ورقبتها 

بعد شهر

في القصر 

ع المغرب 

ادم رجع من الشغل وكان قاعد ف الصالون طارق و روان طلعت من الغرفه وهي شايله مراد 

ادم/مساء الخير ي بابا

طارق بابتسامه/مساء الفل ي حبيبي..حمد لله ع السلامه 

ادم /الله يسلمك

وباس راس مراد وروان ابتسمت 

ادم/احلام فين

روان/كنت تحت من شويه دورت ع بطيخ ف التلاجه بس ملقتش واتضايقت وطلعت الاوضه تاني

طارق ابتسم/شكلها بتتوحم

ادم ابتسم/بجد ..ازاي متقولش او حد فيكم يقولي ..ومبعتوش حد يجبلها ع طول ليه

طارق/نها راحت والله المكان ال جمبنا بس كان خلصان

ادم بس

باستعجال/طيب انا طالع و نص ساعه وجاي

وطلع برا القصر بسرعه وركب عربيته 

بعد نص ساعه 

احلام نزلت من غرفتها بعد ما غيرت هدومها ل بنطلون قطن رصاصي و تيشرت بنص ابيض

وراحت ل طارق وروان ال مراد قاعد ف حضنها

احلام/هو ادم لسه مرجعش

طارق/رجع بس قال هعمل حاجه وهرجع

روان /زمانه ع وصول متقلقيش 

احلام ابتسمت وباست خد مراد ال ف حضن مامته 

روان ابتسمت 

فجأه بودي جارد دخل وحط قفص برقوق 

وبودي جارد تاني حط جمبه خوخ وواحد تاني حد قفص فاكهه تانيه وفضلو يدخلو اقفاص فاكهه كتير ف وسط دهشه احلام و حطو ع الارض بطيخ كتير 

احلام بصدمه/ايه دا في ايه

روان ابتسمت/ايه دا ايه كل الفاكهه دي..احلام بصي في بطيخ

طارق ابتسم

ادم دخل 

ادم/بس خلاص حطوهم هنا

البودي جارد /عن اذن حضرتك

ومشي

والخدم بدأو يدخلو الفاكهه دي المضبخ وادم قال لهم يقطعو بطيخ ل احلام بسرعه

مراد نزل من حضن روان وراح عند قفص البرقوق وخد واحده

ادم باس راسه/اغسله الأول متاكلوش كدا

طارق ابتسم/اغسليله ي روان

روان/حاضر ..تعالي ي روح قلبي

وشالت مراد

 وراحو المضبخ

ادم راح ل احلام 

ادم/كان في بطيخ اصفر برضو بس قولت دا مش هيعجبك 

احلام ضحكت وبصتله بحب

/انت جبت كل دا بعد قالولك اني عايزه بطيخ

ادم عدل لها شعرها وباس راسها/ازاي يبقي نفسك ف حاجه ومتقوليلش ..مهما كان الوقت ال تتوحمي فيه عرفيني نفسك ف ايه وانا هجبهولك ع طول ..اتفقنا 

احلام بابتسامه هزت راسها ب اه

و ادم باس ايدها 

بعد اسبوعين 

في القصر 

احلام قاعده ف غرفتها ع السرير بترسم تصاميم

ادم دخل الغرفه بعد ما رجع من الشغل 

احلام ابتسمت/حمد لله ع السلامه 

ادم راح وباس راسها

ادم/الله يسلمك ..اتغديتي وخدتي الدوا 

احلام /ايوا 

ادم موبايله رن وكنسل 

ادم/هدخل اغير هدومي

احلام بصت ع موبايله بشك

احلام/مين بيتصل

ادم/لاء دا من الشغل متشغليش بالك

وموبايله رن تاني وادم كنسل وكان هيدخل يغير هدومه 

احلام/واخد الموبايل معاك لي الدريسنج طالما هتغير هدومك

ادم لف لها

احلام/وريني كدا ي آدم مين بيتصل

ادم/نعم؟

احلام بغضب/لو هو فعلا من الشغل وريني .. دا لو مش مخبي حاجه يعني

ادم بيحاول يسيطر ع نفسه علشان ميتعصبش عليها 

ادم/وطي صوتك

احلام بعصبيه /لا ي ادم مش هوطي صوتي أنت مش عايز توريني مين بيتصل بيك ليه مش فاهمه انت مخبي حاجه صح

ادم بغضب فتح الموبايل وورهولها وكان فعلا كل المكالمات من الشغل 

واحلام مش عارفه هي شكت فيه كدا ازاي وهي عارفه ان عمره ما يخونها بس تقريبا دي هرومنات الحمل

احلام دمعت ومسكت ايد ادم/انا اسفه ي حبيبي  انا بس ا

ادم سحب ايده من ايدها 

 وطلع برا الغرفه ورزع الباب 

واحلام دمعت 

بعد شويه في غرفه المكتب بتاعت ادم

ادم قاعد ع الكنبه بتعب وخلع الجاكيت يرتاح 

 احلام دخلت الغرفه وبصت له بحزن واتضايقت من نفسها انها اتخانقت معاه وهو مرضيش يتعصب عليها علشان نفسيتها والحمل ..مع انه راجع من الشغل عايز يرتاح بس 

احلام راحت له

احلام بحزن/ادم انا اسفه 

ادم/

احلام قعدت جمبه ومسكت ايده

ادم/متزعلش مني علشان خاطري علشان عليت صوتي وشكيت فيك..والله مش هعمل كدا تاني ..تعالي ارتاح ف اوضتنا يلا

ادم سحب ايده من ايدها/انا مرتاح هنا 

احلام عيطت وادم مقدرش يستحمل يشوف دموعها ومهانتش عليه

ادم حاوط وسطها ب ايده وقربها ل حضنه ومسح لها دموعها

ادم/بتعيطي لي دلوقتي 

احلام بدموع/علشان انت زعلان مني... اتعصب عليا وزعقلي براحتك بس متزعلش مني كدا

ادم / ايوا زعلان منك.. ينفع ال انتي عملتيه دا 

احلام دمعت/انا اسفه ..انا خوفت تكون واحده ال بتكلمك وبتقرب منك..خوفت تبقي بتخوني 

ادم بص ف عيونها و رجع خصله من شعرها ورا ودنها وباس راسها

ادم/وانا معقوله اعمل حاجه زي دي؟ اخونك؟ انا عمري حتي ما افكر اعمل كدا..انتي حبيبتي ومراتي وروحي ..وبموت فيكي ..حتي لو خلفنا ١٠ عيال مش تلاته بس عمري ما ازهق منك ولا افكر اخونك 

احلام بدموع/انا اصلا مش عارفه ازاي شكيت فيك..كله من هرمونات الحمل دي 

ادم بيمسح لها دموعها/خلاص كفايه دموع ..انا مش زعلان منك 

وباس راسها

احلام ابتسمت/ بجد ي آدم

ادم باس خدها وشفايفها /بجد ي روح ادم 

احلام بابتسامه حضنته بقوه وادم ابتسم وباس راسها ورقبتها 

احلام/انا بحبك اوي ..ربنا يخليك ليا 

ادم  باس راسها/وانا بعشقك

عدي  تلت شهور

احلام بطنها بتكبر وعرفوا جنس البيبي وهما تلت بنات ..واحلام كل يوم بتعذب ادم معاها بسبب هرمونات الحمل وادم متقبل دا ب صدر رحب وبيعرف يهديها ويتعامل مع هرموناتها 

وبيعملها كل ال هي عيزاه وكل طلباتها مجابه

عصرا

في غرفه احلام قاعده ع الكنبه بترسم تصاميم وقرفانه وزهقانه بسبب هرومنات الحمل

ادم دخل الغرفه و هو ف ايده طبق جمبري صغير من ال احلام بتحبه 

ادم بابتسامه/احلام..بصي جبت لك ايه ...يلا علشان تاكلي انت متغدتيش لسه 

وقعد جمبها ع الكنبه

احلام بطنها وجعتها/لالا ي آدم مليش نفس ابعده عني علشان خاطري ريحته قلبت معدتي 

ادم/ازاي بس دا انتي بتحبيه جربي واحده بس وهيعجبك والله 

وكان هيأكلها احلام بصت ع الجمبري ال ف ايده ومسكت ايده 

احلام بصدمه/ايه دا ي آدم 

ادم/جمبري!

احلام بصدمه دمعت/دا جمبري صغير..جمبري لسه صغير ..انت ليه قتلت الجمبري الصغير وطبخته مش حرام عليكم

ادم بصدمه/قتلته!

احلام بزعل/ايوا 

ادم/!

احلام دمعت/ليه قتلته وعايز تأكلهولي كمان 

ازاي توافق انهم يقتلو الجمبري الصغير دا ويطبخوه انت من امتي بقيت كدا 

وقامت ومشيت من قدامه

ادم بص ع الجمبري بصدمه

ادم /استني طيب

وقام بسرعه وحط  طبق الجمبري  ع الطربيزه وراح ل احلام ال قعدت ع السرير وبتعيط وقعد جمبها وخدها ف حضنه  

ادم مسح لها دموعها/لا لا خلاص متعيطيش انا اسف والله العظيم انا عارف انك بتحبي الجمبري ف جابتهولك مقصدش ازعلك والله 

وباس راسها وبيملس ع شعرها

احلام طلعت من حضنه بدموع

احلام/انت جايبلي جمبري لسه صغير خالص خالص.. واضح من شكله انه لسه صغير يعني حرام ..مامتهم هتعمل ايه من غيرهم دلوقتي 

ادم/بس انتي كان نفسك ف لحمه خاروف الاسبوع ال فات وكلناها ..كان طعمه حلو ..وكان عنده ام برضو

احلام دمعت/ايوة صح .انت بتفكرني كمان؟

ادم ضحك وخدها ف حضنه وبيملس ع شعرها بحنان/خلاص تعالي انا اسف 

وباس راسها 

احلام مسحت دموعها بحزن

ادم/حقك عليا انا اسف ..انا فعلا غلطت مكنش ينفع اجيب جمبري لسه صغير كدا 

وطلعها من حضنه ومسح لها دموعها وباس راسها وخدها

ادم/انا هقول لهم يعملو لك اي حاجه تانيه ..اتفقنا ..

احلام/بس حاجه مفهاش أطفال صغيره

ادم ابتسم/حاضر من عنيا ..اطلب لك بيتزا ..بس مش هخليهم يحطو عليها فراخ ولا لحمه ولا اي حاجة 

احلام هزت راسها /ايوا 

ادم بابتسامه باس ايدها الاتنين وحضنها واحلام حضنته بقوه

بعد 4 شهور

ف يوم ولاده احلام 

في المستشفى 

احلام ف اوضه العمليات بتولد 

وادم رايح جاي بخوف وتوتر ومرعوب ع احلام وحاسس قلبه هيخرج من مكانه 

وقاعد قدام الاوضه طارق ال ماسك ايد مراد ال بيلعب جمبه 

 وكرم وحمزه ومريم ومالك جمبهم

طارق/متقلقش ي حبيبي ..ان شاءالله مراتك والبنات هيبقو زي الفل ويقومو ب السلامه

ادم اتنهد بقلق/يارب يارب

مالك/ايوا والله متقلقش هتقوم لك ب السلامه ان شاءالله 

ادم /يارب ..انا مش عايز اي حاجه تاني من الدنيا

كرم بقلق/يارب

حمزه/انا هموت واشوف ولاد اختي .يارب يقومهم ب السلامه 

مريم ابتسمت/يارب

وفراس و  روان و جنات راحو لهم جابو لبس ل احلام من القصر و فراس كان بيوصلهم

روان /هااا احلام خرجت 

جنات/ولدت؟

مالك/لاء لسه مطلعوش 

فجأه ادم سمع  صوت عياط طفل بعدين صوت تاني وبعدين صوت تالت 

ادم دمع بفرحه 

والكل فرح 

فراس حضن ادم بفرحه/مبروكك  ي اخويا 

طارق قام حضن ادم بابتسامه وباس راسه وادم اتنهد براحه وفرحه 

ومالك  وروان حضنو ادم بابتسامه 

وكرم وحمزه كمان 

باب العمليات اتفتح 

والدكتور خرج و ف ايده بيبي ومعاه ممرضتين كل واحده ف ايدها بيبي 

ادم راح له بسرعه

ادم/احلام ..احلام كويسه 

الدكتور بابتسامه/متقلقش زي الفل 

ادم لما شاف عياله  قلبه دق بسرعه بفرحه ومش مصدق نفسه ودمع

الدكتور اعطي ادم الطفله بابتسامه وادم ابتسم وشالها منه

وبص عليها بابتسامه وفرحه وكانت نايمه وباس راسها براحه 

والممرضه شيلت طارق طفله والممرضه التانيه شيلت كرم طفله وكرم وطارق مش مصدقين نفسهم انهم شايلين احفادهم 

وادم بص ع عياله التانين بابتسامه وباسهم

و حمزه ومريم و مالك وجنات و روان وفراس بيبصو ع الأطفال بابتسامه ومش مصدقين قد ايه هما حلوين 

ادم بص ل الدكتور/احلام بخير صح ..كويسه 

الدكتور ابتسم /متقلقش بخير هنطلعها الاوضه العاديه دلوقتي 

بعد نص ساعه 

في غرفه احلام

احلام نايمه ع السرير وادم جمبها بيملس ع شعرها بحنان وابتسامه  

وموجود ف الغرفه كرم ومريم و حمزه كل واحد فيهم شايل طفله 

احلام بدأت تفوق وبصت ع ادم 

احلام/ادم

ادم ابتسم وباس راسها/الف حمد لله ع سلامتك  ي عيون ادم

احلام ابتسمت بتعب/الله يسلمك 

وافتكرت هي فين

احلام بقلق/عيالي فين

ادم بابتسامه/اهدي متخافيش..هما زي الفل 

كرم ابتسم /الف حمد لله ع سلامتك ي حبيبتي

واعطي احلام اول طفله واحلام شالتها بدموع وابتسامه ومش مصدقه نفسها وشمت ريحتها وباست خدها براحه 

ومريم  ابتسم وقربت منها توريها تاني طفله واحلام بابتسامه باست راسها 

ادم اخد من حمزه تالت طفله وادم قربها ل احلام واحلام باستها بابتسامه 

حمزه ابتسم/بصي دي عيونها خضرا زي عيونك بالضبط 

مريم ابتسمت 

واحلام بتبص ع بناتها ومش مصدقه نفسها وبصت ل آدم بدموع وادم  بص لها بحب  وباس راسها وحضنها 

بعد كام يوم

في القصر 

رجعو القصر بعد ما احلام بقت كويسه 

كرم شايل اول طفله اتولدت عيونها بني وشعرها بني

و احلام شايله تاني طفله  عيونها خضرا وشعرها بني فاتح زي احلام بالضبط 

وادم شايل اخر طفله اتولدت شعرها بني غامق مايل للاسود عيونها بني غامق مايل لاسود زي ادم بالضبط 

ادم قعد احلام ع الكنبه براحه

طارق بابتسامه/الف حمد لله ع سلامتك ي روح قلبي 

احلام ابتسمت/الله يسلمك ي اونكل 

مالك ابتسم/حمد لله ع سلامتك ي احلام 

احلام ابتسمت/الله يسلمك 

مالك ابتسم/وريني كدا اشيلها 

واخد من كرم الطفله ال معاه وكرم ادهاله بابتسامه و مالك بصلها وابتسم وبص ل جنات وجنات ابتسمت

فراس/طب ايه دا انا عايز اشيلها اشمعنا انت

حمزه/بس ي حبيبي انت وهو ب الدور..براحه ع بنات اختي 

مريم ابتسمت 

مراد باصص ع الطفله ال ادم شايلها 

مراد/اشيلها 

ادم ابتسم/عايز تشيلها

روان /لا ي حبيبي انت لسه صغير 

ادم /مقدرش ازعلك ..تعالي اقعد 

مراد قعد ع الكنبه وادم شيل الطفله ل مراد براحه وطبعا ادم مسبهاش من ايده وواخد باله كويس ومراد ابتسم

مراد/لسه نونه صغيره

ادم ابتسم/ما  انت نونه برضو

مراد/سمي دا ميرا (نسمي دي ميرا)

احلام ابتسمت/والله منا مزعلاك ي مراد هنسميها ميرا خلاص

ادم ابتسم وباس راس مراد واخد ميرا منه وشالها

فراس ابتسم

روان  ابتسمت بحماس/هتمسوه الباقي ايه بقي 

مريم ابتسمت/ايوا صح هتسموهم ايه 

ادم باس راس احلام 

ادم /احلام هي ال تختار 

احلام ابتسمت 

عدي 4 شهور 

كانو أصعب 4 شهور عدو ع 

احلام وادم 

قله نوم وارهاق .شبهه مبيناموش

 الأطفال بتصحي كتير ف نص الليل طفله تنام التانيه تعيط وتصحي ف تصحي الباقي

الطفله دي تسكت  غيرها تعيط وهكذا 

وقلقهم المستمر وخوفهم من أقل حاجه ع البنات وخايفين يشلوهم غلط او يعملو اي حاجه غلط بس طارق وكرم وروان ديما بيطمنوهم ان كل دا طبيعي وميقلقوش 

احلام جالها شبهه اكتئاب ما بعد الولاده وديما قلقانه وخايفه تكون ام فاشله وادم جمبها وبيطمنها وسايب شغله ومتفرغ ليها ول البنات لحد ما يعدو المرحله دي 

واحلام بتطمن من وجوده جمبها

بس ع الرغم من كل دا التلت بنات دول احلي حاجه حصلت ف حياه ادم واحلام والدنيا مش سيعاهم من الفرحه 

في القصر في غرفه ادم

ادم بيبص بابتسامه ع اول طفله ال نايمه ف سريرها(فريده)

ادم باس خدها 

الداده رحمه  ال ف اخر التلاتينات ال ادم جايبها تساعدهم 

شالت تاني طفله (رولا )

الطفله التالته (ميرا) عيطت وادم خدها براحه من سريرها وبيسكتها قبل ما تصحي فريده 

ادم بصوت واطي/بس بس بس ي حبيبتي 

الداده رحمه بصوت واطي/هروح أحضر لها التتينا ل رولا ف المضبخ

ادم بص ع رولا ال رحمه شيلاها وبتبص ل ادم ببراءه ب عيونها الخضرا ال نسخه من عيون احلام

ادم بابتسامه وباس راسها 

ادم/ماشي روحي

ورحمه مشيت 

احلام ف الحمام 

عملت اختبار حمل

احلام ماسكه اختبار الحمل بصدمه ودموع وحطت ايدهاع فمها/لاء..اكيد لاء

وطلعت من الحمام 

وميرا نامت ف حضن ادم وادم باس راسها ونيمها ع السرير

ادم راح ل احلام ال بتعيط 

ادم بلهفه مسك وشها ب ايده/مالك ايه الحصل .بتعيطي ليه

احلام بدموع/ادم انا حامل 

ادم ابتسم  بصدمه وبفرحه/بتتكلمي جد

احلام  دموع /انت مبسوط؟دي مصيبه ازاي مبسوط

ادم بابتسامه وبفرحه حضنها 

ادم/طبعا مبسوط ..مصيبه ايه  بس هو ف اي احلي من ان البيت يتملي ب عيال زي القمر وشبهك 

احلام بدموع/بس كدا كتير اوي هناخد بالنا منهم ازاي ..هو انا لحقت؟لسه والده من ٤ شهور ..لسه عيالنا مكملتش سنه ي آدم 

ادم طلعها من حضنه ومسح لها دموعها وباس راسها وخدها

ادم/هناخد بالنا منهم كلهم وهنربيهم احسن تربيه سوا..انا جمبك ومش هسيبك  ولا لحظه وهساعدك نعدي ايه مرحله صعبه سوا..حتي لو هضطر مروحش الشغل خالص يولع الشغل اهم حاجه عندي انتو ..وفي بابا يساعدنا وعمي كرم و روان خلفت قبل كدا وعندها خبره ..وفي دادا رحمه كمان..ولو عيزاني اجيب لك دادا كمان او اكتر 

هعمل كدا اهم حاجه راحتك

احلام ابتسمت بحب

ادم بابتسامه/انا الدنيا مش سيعاني  والله انا كدا هيبقي عندي ال 4 عيال ال نفسي فيهم

احلام بصتله ف عينه/يعني مش هتزهق مننا ..ومن دوشت البيت والعيال

ادم قرب منها /ايه الكلام دا ...اكيد لا طبعا ي روح قلبي ...عمري ما ازهق منكم انتو حياتي كلها وعيلتي وكل حاجه ليا 

وباس شفايفها 

احلام بابتسامه حضنته وآدم حضنها بقوه وباس راسها

عدي سنتين 

حمزه ومريم سافرو دبي بعد ما حمزه جاله فرصه شغل حلوه ف دبي و كرم وليليان عايشين مع ادم واحلام واوقات بيروحوا زياده ل حمزه هناك

في القصر بعد العصر

طارق شايل فريده وبيلعب معاهم وفريده بتسرح شعر دقن طارق 

طارق ابتسم/سرحيلي هنا 

وشاور ع شعره 

فريده/استني

وبدأت تسرح له

وطارق ضحك وحضنها

و كرم قاعد وجمبه رولا بتلعب معاه وبتأكله ب الاطباق اللعبه ال معاها 

رولا/طعمه حلو ي تتو 

كرم ابتسم/دا طعمه حلو اوي ي روح جدو 

وحضنها 

احلام نزلت ع السلم وشايله ياسين ال عنده سنه

وليليان نازله معاها 

احلام بصت ع فريده ورولا بابتسامه ال بيلعبوا مع جدهم 

احلام بابتسامه /العيال دي معزباكم 

طارق بابتسامه/لا دول يعملو ال هما عايزينو حبايب جدهم

احلام ابتسمت 

كرم ابتسم/هاتي هاتي الواد ياسين دا

احلام ابتسمت واعطته ل كرم

ودخلت المضبخ 

وبعد شويه ياسين عيط وليليان شالته من كرم تدخله ل مامته المضبخ

وف الجنينه ميرا قاعده بتلعب ف الجنينه مع مراد ال بقي عنده ٤ سنين وشويه 

والخادمه قاعده ع الطربيزه جمبهم بتاخد بالها منهم

ميرا عايزه تحط توكه لعبه ف شعر مراد

مراد/لالا دي لعب بنات انا ولد  

ميرا بزعل/مراددد

مراد ابتسم/طيب خلاص حطيها ..بس هشيلها ع طول

 

ميرا ابتسمت وحطت له التوكا

ادم دخل القصر بعد ما رجع من الشغل 

ميرا بابتسامه قامت وجريت ع ادم 

ميرا/بابيييي

ادم بابتسامه شالها من ع الارض 

ادم/روح قلب بابا 

وباس راسها وخدها وميرا حضنته 

وادم راح ل مراد وباس راسه 

ادم ابتسم/ازيك ي مراد

مراد ابتسم/الحمد لله ي خالو 

ادم /تعالو يلا ندخل جوه 

ودخلو القصر و ادم شايل ميرا 

وراح الصالون

فريده ورولا لما شافو ادم راحو له بسرعه بابتسامه /بابيي

ادم ابتسم ونزل ل مستواهم وحضنهم بابتسامه 

طارق/شوف العيال اول ما شافو بباهم معبروناش وجريو عليه ازاي..ولا اكنهم كانو بيلعبوا معانا

كرم ابتسم/ربنا يخليه ليهم ديما 

طارق ابتسم/يارب

وادم بيبوس راس فريده ال بتحضنه

ميرا/بابي رولا تربتي الصبح ع ايدي (ضربتني)

وورته ايدها وادم مسك ايدها وباسها

رولا/لالا بص هي ال سدت سعري ع الاول 

ادم/كدا ينفع؟ مش انا قايل لكم كدا عيب وانتو اخوات مينفعش تزعلوا من بعض 

ميرا/هي هي ال بدأت ع فكره ي بابي

ادم/طب يلا بوسي اختك رولا وصالحيها علشان اجيب لك تشيز كيك النهارده .

ميرا بابتسامه/بجدد

ادم ابتسم وباس خدها/ايوا بجد.. يلا

ميرا باست خد رولا و رولا باستها 

وميرا وفريده ومراد جريو يلعبو ف الصالون التاني 

واحلام طلعت من المضبخ وراحت الصالون التاني وهي شايله ياسين و ف ايدها طبق اكل للبنات 

في الصالون عند ادم

رولا بصت ل ادم بحزر/وانا عايزه بيتزا تنين(اتنين)

ادم ضحك وباس راسها/من عنيا..هجبلك النهارده

رولا بابتسامه راحت الصالون التاني ل اخواتها

ادم قام/عاملين ايه

كرم ابتسم/الحمد لله

طارق /احنا زي الفل ي حبيبي

ادم/احلام فين 

كرم/ف الصالون بتأكل البنات

في الصالون عند احلام 

فريده و رولا وميرا ومراد قاعدين ع الارض بيلعبو 

واحلام قاعده ع ركبتها معاهم علشان تاكل رولا 

ميرا وفريده اكلو قبلها بس رولا لسه رافضه

رولا هزت راسها/ل لالا مش عايزه دي 

احلام باست ايدها/يلا بقي ي رولا متعزبنيش انتي مكالتيش حاجه من وقت الفطار..يلا ي روح ماما

رولا هزت راسها ب لا/توء توء

ليليان دخلت الصالون 

ليليان/هاتي ياسين هوديه ل داده رحمه بتجهز له التتينا 

احلام باست راس ياسين واعطته ل ليليان وليليان باسته بابتسامه 

ادم دخل الصالون واحلام تجاهلت ادم بزعل 

ادم بابتسامه اخد ياسين من ليليان وباس راسه 

ادم/ياسو روح قلبي 

ورفعه ل فوق  وبيكلمه بابتسامه وياسين ضحك  له 

وادم باس راسه وخده بابتسامه 

واعطاه ل ليليان تاني و باس راس ليليان وليليان ابتسمت وطلعت برا الصالون

ادم ابتسم وبص ل احلام ال متجهلاه ب زعل وباس راسها 

واحلام بتحاول تأكل رولا ورافضه 

ادم/رولا ..احنا اتفقنا ع ايه ..كلي يلا علشان اجبلك البيتزا بليل

رولا فتحت فمها واحلام اكلتها وادم باس خدها

ادم/شطوره 

دادا رحمه دخلت الصالون بابتسامه /يلا ي بنات وقت شرب اللبن..جهزتهولكم بيبرد برا..يلا ي مراد 

الكل قام

دادا رحمه اخدت الطبق من احلام /عنك انا ي هانم هأكل رولا 

احلام اعطتها الطبق و دادا رحمه طلعت مع الاطفال

احلام قامت وكانت هتمشي ادم مسك دراعها وقربها ل حضنه 

ادم/هي روح قلبي لسه مخصامني

احلام يصتله/ليه هو انت عملت حاجه علشان اخاصمك 

ادم قرب منها وحاوط وسطها ب ايده وقربها منه 

احلام بخجل/ادم ابعد ل حد يجي يشوفنا فجأه لو سمحت

ادم باصص ف عيونها/ميهمنيش حد ال انتي..حقك عليا انا اسف اني عليت صوتي ف التليفون النهارده

وباس راسها وخدها

احلام بزعل بصت ف الارض/لاء مش هسامحك علشان تبقي تزعق لي تاني ..وانا خلاص اتأكدت انك بقيت بتحب عيالك اكتر مني

ادم مسك دقنها خلاها تبص له/معقوله الكلام دا..انا احب عيالنا اكتر منك ؟دا انتي روحي..واغلي حاجه عندي ومقدرش اعيش من غيرك ..وانتي ال جبتيلي احلي حاجه حصلت لي ف حياتي..ولادنا

كل حد فيكم ليه غلاوه مختلفه ف قلبي..ومقدرش اعيش من غيركم 

احلام ابتسمت/بجد ي آدم 

ادم باس شفايفها/بجد ي عيون ادم

احلام ابتسمت /هتفضل تحبني كدا ع طول ..مهما يعدي وقت 

ادم بصلها بحب/والله حتي لو عدي 30 سنه ..هفضل احبك كل يوم اكتر من اليوم ال قبله 

احلام ابتسمت بحب وادم باس شفايفها واحلام حضنته 

ادم/علشان اصالحك ايه رايك نتعشي سوا برا النهارده 

احلام  طلعت من حضنه و حاوطت رقبته ب دراعها وابتسمت

احلام/بجد 

ادم قرب منها وابتسم/بجد 

احلام بابتسامه/ماشي موافقه 

ادم قرب منها وباسها

في الصالون التاني

 

الولاد قاعدين ع الارض بيشربو اللبن ودادا رحمه قاعده ع الارض معاهم و ع رجلها ياسين 

فراس و روان جم من برا بعد ما كانو ف مشوار وسايبن مراد يلعب هنا

فراس وروان  /السلام عليكم

طارق و كرم/وعليكم اسلام 

فراس/ابني فينن ..ابني وحشني ودتوه فين

طارق ابتسم/بيشرب اللبن مع ولاد خاله هناك اهو 

روان ابتسمت و فراس راح باس راس مراد وحضنه ومراد ابتسم وفراس باس فريده و رولا و ميرا 

ادم واحلام طلعو من الصالون التاني 

وفجأه مالك وجنات دخلو القصر وهما ماسكين ايد بعض بابتسامه 

مالك بابتسامه وبفرحه/مساء الخير 

الكل /مساء النور

ادم ابتسم/مالك فرحان كدا ليه 

مالك بفرحه/جنات حامل 

الكل بفرحه/بجد 

احلام وروان راحو حضنو جنات بابتسامه وفرحه وباركو لها

و ادم وفراس راحو حضنو مالك وباركوله

ادم بابتسامه/مبروك ي حبيبي

فراس بابتسامه/الف الف مبروك فرحتنا 

مالك بابتسامه/الله يبارك فيكم

وطارق بابتسامه راح حضن مالك وجنات 

طارق بابتسامه/الف الف مبروك ي حبايبي فرحتو قلبي

وكرم بارك لهم بابتسامه 

والكل قعدو ييباركو لهم ويتكلمو معاهم انهم فرحانين لهم 

ليليان راحت لهم وهي بتكلم حمزه فديو كول

والكل سلم عليه وعرف خبر حمل جنات وفرح ل مالك جدا 

فريده راحت ل ادم 

وادم شالها ف حضنه بابتسامه وباس راسها 

 ورولا و ميرا راحو ل ادم 

ادم وكل واحد قعد جمبه من ناحيه وادم خدهم ف حضنه

ومراد راح ل فراس وروان وفراس شاله 

وياسين عيط والداده رحمه اعطته ل احلام واحلام خدتها منها بابتسامه ونيمته ف حضنها وبدأ يسكت وباست راسه وخده

ادم ابتسم وباس راس ياسين ومسك  ايد احلام   وباسها واحلام ابتسمت 

ادم بص  ع عيلته ال قاعدين مبسوطين

وبيحمد ربنا وبيدعي يفضلو مبسوطين كدة ديما

وانتهي البارت وانهي الجزء دا

اعملو لايك واكتبولي كومنت برأيكم وانتظرو ان شاءالله الجزء التاني قريب هيعجبكم جدا

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا