رواية بعد فوات الأوان الفصل الثالث والرابع بقلم محمد منصور
رواية بعد فوات الأوان الفصل الثالث والرابع بقلم محمد منصور
ح(3)
كنت واقفة قصاد الظابط وقت ما كنت بقول له
يا باشا انا ست غلبانه وبجري علي يتامي. والست محروسة انا كنت براعيها علشان وحدانية. هسمها لية بس ولو انا اللي سمتها هوديها المستشفي بايدي ما كنت سبتها تموت في الشقة
الظابط
اومال اتسممت ازاي وانتي اخر واحدة كنتي عندها
سميحة
ما اعرفش.
الظابط
لغاية ما تعرفي هنحطك في الحجز
سميحة
يا باشا انا سايبة ولادي الاثنين لوحديهم بالله عليك سيبني اروح
الظابط
تروحي فين يا ست دة انتي متهمة في جريمة قتل. الا لو الست دي فاقت وقالت مين اللي عمل فيها كدة.
كان هاين عليه الطم. واصرخ ما هو دة بقي جزاء اللي بيعمل خير. وسحبني العسكري علي الحجز وانا كل اللي بفكر في ولادي يا تري عاملين اية دلوقتي،،،،،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح ل منصور وطارق اللي كانو بيبصو لبعض وطارق قال
هنفضل قاعدين كدة وامنا ما جاتش لغاية دلوقتي
منصور
انا عارف هي اتاخرت لية كدة في المستشفي. انا خايف ل تكون الست محروسة ماتت
طارق
يارب يا اخي خلينا نرتاح منها
منصور
انا عايز اعرف انت مش طايقها لية كدة هي كانت بتاكل وتمسح في راسك
طارق
بقول لك اية انا جعان معاك اي فلوس
منصور
ولا مليم انا علي الابيض
طارق
يعني دة يرضي ربنا امنا تسيبنا لغاية دلوقتي من غير اكل
منصور
بقول لك اية انا هروح اسال في المستشفي عليها
طارق
انت عارف هي في اني مستشفي
منصور
اكيد المستشفي الحكومي اللي في اخر الشارع
طارق
طيب روح لها ولو هتتاخر شوف لنا معاها جنية نجيب اكل
منصور
حاضر يا عم المفجوع، ،،،،،،
وراح منصور وسال عليه في المستشفي وعرف من ممرض هناك ان الدكتور اللي استلم حاله الست محروسة عمل محضر شروع في قتل لان في حد حاول يسم محروسة وطبعا البوليس عرف اني انا اخر واحدة كنت معاها فلبست المصيبة دي. منصور خرج من المستشفي وراح جري علي طارق وقال له اللي عرفو وطارق قام جري مع منصور وراحو القسم اللي انا محجوزة فيها وبعد ما اتحيلو علي كل امين شرطة قابلو في القسم علشان يشوفوني. جه واحد ابن حلال خدني من الحجز وطلعت لهم والاثنين اول ما شافوني اترمو في حضني وفضلو يعيطو. طبطبت عليهم وحبست دموعي بالعافية وقولت لهم
انتو رجاله والرجاله ما يعيطوش
منصور
لية يا اما مسكينك
سميحة
غلطة يا منصور وهتتصلح
طارق
عمري ما حبيت محروسة دي واهو كان معايا حق. ما جاءش من وراها الا كل شر
سميحة
طارق كلمة تاني عن الست محروسة هضايق منك ومش عارفه وقتها ممكن اعمل اية معاك
طارق كان بيخاف علي زعل امه. فباس ايدها وقال
لا. يا. اما كله الا زعلك انا بس صعبان عليه اللي انتي في
سميحة
شدة وهتعدي.
وطلعت 2 ج. من الكيس واديتهم ل منصور وقولت
هات ليك انت واخوك عشاء. وفطار بكرة. وانا ان شاء الله قبل غروب شمس بكرة هكون معاكم بنتغدي سوي،،،،
ومشيو ولادي والدموع اللي كنت حبساها بدات تنزل لاني مش عارفه انا هخرج امتي وازاي من الورطة لكني بصيت لفوق وقولت يارب وكان عندي يقين انه هيحلها، ،،،،،،،
وعديت الليلة وطلع النهار ومع اذان الظهر يسري خبط علي باب بيتنا. اللي انا نسيت اقول لكم انه بيت من دور واحد و حوش كبير بنحط في العربية الكارو. و منصور سمع الخبط وراح وفتح وشاف يسري وهما يعرفو فقال
ازيك يا عم يسري تعالي ادخل
دخل يسري و قعد علي الكنبة اللي حيلتنا وقال
اومال فين امك
منصور حكي له اللي حصل. بعدها ب ساعة بالظبط لقيت يسري في مكتب الظابط وانا واقفة والظابط بيقول ل يسري
يا حج يسري مجئبتك دي ليها ثمن واللواء محي موصي عليك. الست سميحة هتروح معززه مكرمه بس هتفضل علي ذمه القضية لان الست لسة في غيبوبة ومستنين القرار الطبي النهائي. ومعرفه سبب التسمم
يسري
مش الست سميحة يا باشا اللي تعمل كدة دي ست الناس كلها بتحلف بحياتها واخلاقها. دي ست بميت راجل وبتجري علي يتامي
وبص لي يسري بطرف عينه انا اة فرحانه اني خارجة لكن انا اتمرمط في السوق وعارفة انه بيخرجني من هنا علشان اللوحة مش علشان سواد عيوني. واللي حسبته لقيته وخرجت انا و هو من القسم وكان لازم اقول شكرا ابتسم وقال
لا شكر علي واجب دة انتي مرات الغالي. لكن انا تاجر وانتي كمان في السوق زيي والخدمة اللي بعملها دي
كملت وقولت
مش لله.
يسري
اسم الله عليكي.
سميحة
قولت لك هسال اصحاب اللوحة علي ثمنها وارجع لك
يسري
وما رجعتيش
سميحة
ما حصل اللي انت عرفته دة وكنت هلبس جريمة قتل
يسري
وانا بتيلفون واحد خرجتك منها.
سميحة
وانا قولت شكرا. اعمل اية تاني
يسري طلع من جيبة الف جنية وحطهم في ايدي وقال
تاخدي دول وتجيبي اللوحة
بصيت للفلوس وانا مش مصدقة نفسي يسري البخيل طالما طلع المبلغ دة كله يبقي اللوحة دي تسوي عشر اضعاف اللي هو بيدفعه وفضلت باصة للفلوس والفقر والجوع والحرمان يخلو اجدعها راجل يضعف قصاد الفلوس. انا والله عمري ما حبيت الفلوس لكن عيالها محرومين وانا سني بيكبر لو اشتغلت دلوقتي يا عالم هقدر بكرة اشتغل ولا. لا دوامة من التفكير لكن يسري خلص علي اي تفكير وطلع كمان الف جنية وحطهم في ايدي وقال
انتي اولي بالفلوس حتي تقدري تعالجي الست محروسة. مش برضو اللوحة دي بتاعتها
اتصدمت وقولت
انت عرفت ازاي
ضحك اوي وقال
انا كنت بقول كدة وخلاص لسة طيبة انتي يا سميحة وبتقعي بسرعة
اضيقت انه عرف يضحك عليه لكني مسكت نفسي وقولت
لسة بنتعلم بس اوعدك طول ما انا في الشارع هتعلم
يسري
الفلوس في ايدك واللوحة بتاعتي ولو قولتي لا. زي ما بتيلفون خرجتك تيلفون تاني هرجعك السجن. ومحروسة ميته ميته يعني انتي هتلبسي جريمة القتل والمرة دي انا هقول لهم انك سمتيها علشان تاخدي اللوحة منها بالعافية وتبيعيها وتاخدي فلوسها يعني فيها حبل مشنقة
سميحة
اية يا يسري الوساخة دي
يسري
لا. يا سميحة قلة ادب بلاش انا مراعي انك ست. ومرات الغالي الله يرحمه
سميحة رمت الفلوس في وشه وقالت
انا صحيح ست لكن انت قولتها جوة. قدام الظابط اني بميت راجل و اللوحة دي مش ليك يا يسري واخر ما عندك هاتو
يسري بص لفلوسه اللي علي الارض وقال
كدة يا سميحة
سبته ومشيت وهو لم الفلوس وحطها في جيبه ومع الفلوس لم كرامته اللي اتبعترت. وكنت عارفه ومتاكدة انه مش هيسبني في حالي. وهيحطني في دماغه لكن ما همنيش واول حاجة فكرت فيها اروح شقة الست محروسة وافتح الاوضة اللي فيها اللوح هي كانت بتقولي ماتعرفش فيها كام لوحة. فقولت هلم كل الموجود بدل ما يسري يروح الشقة ويسرقهم وفعلا روحت الشقة وفتحت الباب ودخلت الاوضة اللي فيها اللوح علشان اشوف 100 لوحة. يعني لو كل لوحة بعتها ب الفين ج. يبقي معايا مئتين الف ج. قعد في نص الاوضة وما بقتش عارفة اعمل اية. لان وقتها الشيطان بدا يوسوس لي. محروسة ميته تقريبا ومحلقتهاش اي عيل ولا نعرف لها عيلة. يعني اللوح دي حلال عليه. ولا حرام اخدهم وهي عايشة ولسة فيها الروح، ،،،
انتو لو مكاني تعملو اية. عرفوني في التعليقات وانا بكرة باذن الله هعرفكم انا هعمل اية. ويلا سلام وباي
ح(4)
كان قاعد يسري في المحل بتاعه وقت ما دخلت عليه وهو بص لي وقال
عايزا اية
سميحة
انا مش قدك وحسبتها بيني وبين نفسي وقولت لية اشتري عداوتك لما ممكن نفضل حبايب
يسري
احنا حبايب بس لما اللوحة تبات في حضني النهاردة
سميحة
اللوحة معايا
يسري
فين
سميحة
برة علي العربية الكارو. بس انت مش هتاخدها ب 2000
يسري
اومال كام
سميحة رفعت تلت صوابع فقال. يسري
3000 ج.
سميحة
اة. وفوق الرقم دة هتديني المخزن بتاعك اللي جنب المحل عندك
يسري استغرب وقال
اشمعني
سميحة
ناوية اكبر في السوق ومش هينفع البضاعة اللي عندي اخزنها في البيت اللي انا بنام في انا وعيالي
يسري
دة انتي ناوية تفرتكي الفلوس اللي هتاخديها كلها
سميحة
اتحرمت انا والعيال كتير. كفاية بقي حرمان دة انا حتي هبيع الكارو واشتري عربية نص نقل بالقسط
يسري
كل دة هتعملي ب 3000 ج
سميحة
انت هتساعدني وهتضمني في العربية النص نقل
يسري
هو انتي فكراني اية عبيط ولا برياله هعمل لك دة كله علشان تسيبي لي اللوحة
سميحة
م انا كمان مش عبيطة ولا برياله وعارفة ان اللوحة دي تساوي كتير. بس الله يسهلك
مبروك عليك. بارك وتم البيعة
يسري
قلبي بيقولي انك معاكي لوح من دي تاني
بلعت ريقي وقولت في سري
يا دي النيلة بيوقعني ولا عارف حاجة. يسري دة مش سهل وانا خايفة منه
يسري شافني ساكته فقال
بتفكري تقولي اية
سميحة
لا. بفكر اجيب كباب وكفته وانا مروحه منين. ما تعرفش حاتي كويس
بص لي يسري وهو مغلول لكن مش مهم بصته ليا. المهم ان البيعة تمت واللي جاي ربنا يعني عليه ،،،،،،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعد ما بعيت اللوحة ل يسري روحت المستشفي الحكومي وطلبت نقل الست محروسة ل مستشفي خاصة علشان تتعالج صح و فعلا جت عربية الاسعاف وخدتها واتنقلت لمستشفي خاصة وقعد قصاد منها وهي علي جهاز التنفس الصناعي وقولت لها وانا بعيط
عارفة انك سمعاني حتي لو مش حاسة بحاجة مش عايزاكي تفتكري اني خنت الامانه لا والله انا بعيت له اللوحة علشان اعرف اعالجك صح وكمان انا ست ولوحدي وهو يقدر ياذيني طيب يرضيكي عيالي يضيعو لما هو يسجني. اصل الحكومة فاكراني سميتك ما يعرفوش انك غالية عندي اوي. اغلي من اختي اللي ماتت وانا عيلة.
وبوست ايدها ودموعي جريت علي ايدها. وقولت
بس باقي اللوح انا خليت يسري ياجرلي المخزن بتاعه وهنقلهم في. علشان حتي لو عرف ان كان عندك 100 لوحة عمره ما يشك انهم جنب منه وفي مخزنه اصلي هحط حوالين منهم كراكيب كتير. مش عايزاكي تخافي عليه انا حبيتي واعية زي ما كنتي ديما بتقولي وعارفه انا بعمل اية. بس برضو انا خايفة
وبوست ايد الست محروسة تاني وروحت نمت تحت رجليها مستنيها تفوق وتاخد الامانه بتاعتها علشان ارتاح،،،
في نفس الوقت دة كان يسري قاعد مع شريكة رمضان و رمضان بيقول وهو متعصب
3000 ج. لية. تدفعهم لولية جربانه زي دي
يسري
ما خلاص يا رمضان. بقي المهم ان اللوحة معانا. وانا قلبي حاسس ان لوحات تانية
رمضان
ولية حاسس بكدة
يسري
اصل اللوحات كانت عند واحدة اسمها محروسة ف انا بقي ما سكتش ورميت كام جنية ل مرشدين المنطقة وعرفت ان محروسة دي كانت متجوزة في السر من واحد اسمه عكاشة. عكاشة دة بقي كان شغال سواق عند واحد شغال في وزارة الثقافة راجل تقيل اسمه اتقال في قضايا كتير ل لوحات مفقودة ومسروقة من كل دول العالم ل اشهر الرسامين لكن ما حدش قدر يثبت عليه اي تهمة. فعقلي بيقولي ان الراجل التقيل دة اللي ما ينفعش اقول اسمه ممكن يكون ادي اللوحات ل سواقه عكاشة علشان يخفيها
رمضان
او يكون عكاشة هو اللي سرق اللوحات منه
يسري
اسم الله عليك في الحالتين اللوحات ممكن تكون مع سميحة
رمضان
وممكن لا
يسري
العب علي الاحتمال اللي يكسبنا. ملايين وهو ان اللوح معاها.
رمضان
علشان كدة انت سمعت كلامها. طيب دلوقتي هي لو معاها لوح تاني تفتكر هتخبيها فين
يسري
ما اعرفش لكن هعرف و انت عرفني الجنية ابويا وامي. وسمحية خدت مني فلوس كتير لكن معلش. انا عارف هلعب معاها ازاي. وانت دلوقتي تاخد اللوحة دي وتجيب لنا فيها اعلي سعر يعوض الفلوس اللي خدتها سميحة
رمضان مسك اللوحة وقال
ماشي الكلام، ،،،،،
خلصت علي كدة لا ما خلصتش اصل انا بعد ما نقلت اللوح للمخزن وخبتهم وسط كراكيب كتير خرجت من المخزن ورجعت البيت لقيت يسري مستنيني وكان باين عليه انه متعصب بصيت له وقولت
في اية
قام وقف وبص لي جامد في عيوني وقال
اللوحة طلعت مضروبة.
اتصدمت وقولت
بتقول اية. طيب ازاي دة انت كشفت عليها بنفسك وبالعدسة المكبرة اللي كانت في ايدك
يسري
ما هو دة اللي مجنني. اني كشفت عليها وبنفسي. لكن اللي انتي جبتيها غير اللي انا كشفت عليها. فين اللوحة الاصلية يا سمحية بدل ما اقسم برب العزا. اولع فيكي وفي البيت بتاعك وجوة منه عيالك
وهنا اتفتح باب الاوضة اللي بينام فيها منصور وطارق وشوفتهم مربوطين وحوالين منهم جراكن بنزين فاضية لان البنزين اللي كان في الجراكن اتفضي فوق دماغ عيالي. وهنا ،،،،،،،
خلصت الحلقة ما حدش فيكم يعرف راحت فين اللوحة الاصلية طيب اللي يعرف يقولي مستني تعليق في مكان اللوحة اروح اجيبها بسرعة والحق سميحة من ايدين يسري. ويلا سلام وباي
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
 كنت واقفة قصا…){kind=link}
تعليقات
إرسال تعليق